رواية وتيرة الأعرج للكاتبة حوراء السعيدي الفصل السادس عشر
غرام.
بدون ما يحچي شي غير ملابسه و طلع منو هاي جيلان؟
أول مرة أسع أسمها هنا بقيت بمكاني گاعدة بمكاني
محتارة أطلع لو أبقى نزلت أعدل بحجابي طلعت باوعت
عيوني للصالة ماكو أحد لعد وينهم ألتفتت على صوت
كُميل يصيح و الصوت من غرفة أمه أستغربت شديصير؟
أتقدمت بخطوات و الصوت لا زال مُستمر هستوني
دا أفتح الباب طلع منها شكله متغير من عصبيته.
غرام: أكو شي؟ خير.
كُميل: شتسوين هنا.
طلعت أدور عليكم و سمعت صوتك صاير شي كُميل.
يريد يرد و بقيت صافنة من طلعت بنيه بقمة الجمال
ركزت بيها سمرة و صاحبة عيون خضر ملامحها تخبل
بس و هيَّ تبچي بقيت مفهية بالوجوه كلشي ما فاهمة وگفت بصف كُميل تحچي.
جيلان: أدري غلطت وياك كُميل بس أريدك تسمعني أوضحلك كلشي.
رفعت أيدها متقربة تلزم أيده سحبها منها و رجع يصيح.
شجااايييي تسوووينن
انتَ ليش ما تفهم سافرررت علمود مستقبلي.
هز بأيده و أبتسم.
اييي و بعدين شصار عبالج شوگت ما تريدين
تسحبين نفسج و شوگت ما تريدين ترجعين ولج
أناااا كُميل مو أنا إلى أنهاااان و لا عاااش إلى يهيني.
ما هنتك بلغتك كلشي بالمرسال إلى دزيته بيد أبوية.
لهنا و بعدني مفاهمة شي بس الصدمة إلى أحتلتني من جاوبها.
مرسال؟ ولچ سنتين خاااااطبج و دائماً ويااااج
و مااا قصررررت بشي تااالي تسافرررين بدون علمي والله
شنوووو أهلج قاااابلين من أنعل ابوووچ لااا أبو أهلچ.
رمشت بعيوني يعني هسه هاي البنيه تصير خطيبة كُميل
بس ما حاجيلي عنها و لا بيوم أحد ذكرها گدامي
شفت وجودي ماله داعي عفتهم يتناقشون
ما أدري يتمالخون
دخلت للغرفة و أسمع لصوته إلى راح من العياط
و واضح الموضوع چبير مرت ساعة كاملة مرة
صوته يعلى و يرج البيت مرة ينصى أندگ الباب فتحته.
عمر: مرت خالي ليش گاعدة وحدج
غرام: ما أدري والله بس يعني أشوف ماله داعي لوجودي و مبين الكل أعصاب ما حبيت أدخل بينهم.
هااا، بس لا ضجتي من جيلان
لا ليش و أني ما أعرفها للبنيه
لا تهتمين، و هيَّ تصير بنت أخت مليكة.
عادي گتلك عمر بس شوف كُميل خطية صوته راح.
ذب حسرة بأسف و نزل راسه.
خلي لأن إلى سوته جيلان مو قليل.
هااا.
ردت اسئله شنو إلى سوته بس حسيت نفسي راح أبين مهتمة للموضوع
و فضولية، طلب مني أطلع ما قبلت للمغرب كلش يله طلعت
كُميل ما موجود البنيه گاعدة يم مليكة سلمت عليها
بس سلامها بثكل ويايَّ يمكن عرفت اني زوجته.
لليل گاعدة فزيت من أفكاري على صوتها.
جيلان: أنتِ زوجة كُميل؟
غرام: أيي
من شوگت متزوجين
ما صارلنا هواية
علي حب؟
صفنت بكلامها شجاوبها ويني وين الحب أبتسمت بوجهه.
لا
مو اگول مستحيل ينسى
ما فهمت؟
هيج عيني و لو أتعبج بس عادي ترتبيلي فراشي
أريد أنام تعبانة لأن هالفترة راح أبقى هنا أهلي مسافرين.
رفعت حاجبي بسبب طريقة كلامها أريد أرد عليها و حچى عمر.
عمر: جيلان غرام مو خدامة لأحد و أنتِ مو غريبة.
يعني تگدرين تخدمين نفسج بنفسج و خالي ما يقبل أحد يتأمر عليها حتى لو أحنا.
جيلان: شدعوة هوَ فراش
أيي چاااا أفررررشي أنتِ و لا تبقين تحچين كلام ماااله داعي جيلاااان.
مليكة: عمر كافي. باوعت عليَّ. وأنتِ يمه روحي نامي اتأخر الوگت.
هزيت براسي قبل لا أطلع باوعت ال عمر أبتسمت بوجهه
مرجعلي الإبتسامة شگد حباب حتى أرسلان من ناحية
إذا أحد يحاول يغثني بكلمة أو يقلل مني هم أول من يوگفون.
بوجهه دخلت الغرفتي تمددت أيدي جوا خدي
شنو إلى صار و ليش سافرت و شلون چانت خطيبته
والله عمر ما غلط من گال إلى يعيش ببيتهم يشخط من أسراره.
جرت الساعة لل 2: 00 و كُميل ما راجع بدون ما أحس
و أني أنتظره غفيت فزيت على صوت الباب من أنفتح
فتحت عيوني بنعاس بصعوبة عبالك ملح بيهن
شفته عض شفته مدخلها للداخل و أردف.
كُميل: گعدتج
غرام: لا ما صارلي هواية من نمت
شعندج سهرانة
أنتظرك طلعت بدون ما أدري وين رحت بقى بالي يمك.
صدگ
و رسول الله.
أبتسم بتعب و أجه بدون مقدمات شمر نفسه بصفي نام.
غرام: هسه ما گتلي وين جنت
چنت مختنگ من البيت و طلعت أرتاح
يعني مو لأن جيلان بي
أييي لأن هيَّ بي و لعبت نفسي منه.
كمولة.
ضحك بصوت، ضحكت على أثر ضحكته دار بجسمه أتجاهي.
علوية شنو كمولة
حلو خوش لقب ترا
عود ما أوصيح چفصيها خارج الغرفة
لا لا بس هنا بينا
گولي.
حگيت وره أذني مرجعة شعري لوره بأرتباك رفعت عيوني اله.
انتَ يعني صدگ چنت خاطب
أيي.
يعني عادي تحچيلي بس إذا ما أتحب هم عادي المهم لا أتضوج
المفروض احچيلج من زمان بس ما چنت حاب
أطرق للموضوع لأن جيلان ماضي و طلعت من حياتي كلها.
وگلبك؟
صفن بعيوني الثواني بلع ريگ.
حتى گلبي، و گلبي هسه عاشگ وحدة.
صدگ؟
و الزهرة
منو
بعدين تعرفينها
و هاي راح تقبل بيك إذا عرفت متزوجني
أمم ما أدري شتگولين أنتِ؟
ما أدري بس يمكن ما تقبل أحد يشاركها
انتِ لو بمكانها تقبلين؟
بدون تفكير بسرعة جاوبته.
لا طبعاً.
كُميل: غرام.
غرام: هاا كمولة.
أنعل أبليسج
ههههههه يله گول
أطلب منج طلب
اذا أگدرله ليش لا
مو تريدين تعرفين سالفتي ويا جيلان
أيي
أسولفلج بس بشرط
خالي أنتَ صاير كله شروط.
هسه شگلتي
شنو شرطك؟
أنام على رجلج و تلعبين بشعري و أسولف
نام على المخدة أريحلك
لا أريد رجلج
انتَ صاير ملعب.
ضحك بتعب.
هسه شمسويلج مو نمت أسبوع يمج هنا شفتيني سويت شي؟
لا.
چا بعد شبيج
خوش تعال بس بعد لا أتعيدها اني هسه قبلت لأن أريد أعرف سالفتكم.
گعدت عدل و الله أنعس بس أريد أسمع قصته حط
راسه على رجلي بس خجلت أحط أيدي بشعره.
اگلك
عيناي
يصير نوگع وحدة؟
رفع عيونه يباوعلي
شنو؟
ما أحط أيدي بشعرك
ليش
أخجل
عليج الزهرة
أي و الزهرة
يله مسامحج هل المرة.
يله كمولة سولفتلي قصتك التاريخية
قصدج قصتي النعلية.
هسه ديله احچي عاد.
غمض عيونه و بدأ يسولفلي قصته وياها.
جيلان تصير بنت خالتي، وحيدة أهلها و المدلله
ما سامعة بحياتها كلمة لا، مو تريد شي أو تطلب شي.
يجي يمها بدون أي تعب، أكون صريح وياج غرام
انا مصادق نسوان كلش هواي.
شهگت قاطعت كلامه.
يعني أنتَ ابو نسوان.
ولچ لااا أفهمي السالفة خلي أكمل
كمل.
صداقتي وياهن على گد السوالف مو شي أكثر
و بحسب شغلي هم حياتي عبارة عن شغل و أفتر وره أرسلان
و عمر لأن أمانة يمي بيوم رجعت من شغلي مثل كل مرة أمي
فتحت الموضوع گالت أخطبلك جيلان و يگلك
إلي منك و بيك تعرفه أكثر من الغريب، و أنا لأن بنت خالتي.
و أعرفها صح مدللة أهلها بس خوش بنيه وافقت.
بس چانت سادس تدرس بعدها سوينا الخطبة بس
الزواج تأجل بين ما تكمل سادس شمدريني تدگ الناقصة ويايَّ.
ليش شسوت؟
بفترة خطوبتنا البنيه حبيتها و شفتها مو من البنات إلى يلعبن
طلعت نتيجة السادس و هنا بيَّ، أتفقنا على موعد الزواج
و بدينا نجهز العرسنا قبل العرس فتحت موضوع السفر
تريد تدرس بالخارج رغم معدلها عالي و يقبلها هنا إلى تريده.
بس عاندت و تريد بالخارج طلبت مني نتزوج و نطلع
ما اگدر شغلي هنا أهلي ما اگدر أعوفهم سديت الموضوع وياها بس.
بس شنو؟
غدرت بيَّ و قبل العرس بأسبوع سافرت بدون علمي
و طلعوا أهلها الكو مرتبيلها كلشي دازتلي
رسالة بيد أبوها تعتذر عن إلى سوته و طلبت أنتظرها.
اتفاجئت من كلامه شلون گدرت تسوي هيج؟ و قبل العرس ب أسبوع مو بهواية.
يعني هسه هيَّ بعدها خطيبتك
لا أنتهى كلشي بينا ب أول عطلة الها هواية رادت ما أطلگ.
بس نفسي طابت منها ليالي انا النوم ما أعرفه شلون صاير بسببها.
ضجت والله عليك
عليمن يجوز بيها خير إلى لو متزوجها يمكن ما مستمرين.
بس مبينة تحبك لحد الآن
الي يحب ما يسوي سوايتها انا ما منعتها من دراسة
و كلشي چانت تريده يجي الها بس هيَّ ما قدرت وضعي
ان شاء الله رب العالمين يرزقك بالعوض.
فتح عيونه بعد ما چان مغمضهن و هوَ يسولف.
امين.
بس تدري هسه عرفت و فهمت ليش تكره عيوني لأن خضر مثلها.
هههههههههه منو گالج أكرهن
دائماً تگلي و الغسل الهل العيون إلى تلمع
هذا مدح خالي على طريقتي
ياااا
وحصان الحمزة
بس والله هيَّ حلوة
انتِ أحلى منها.
لا وين هيَّ سمرة و عيونها كبار و خضر منطياتها جمالية و ملامحها حلوة
ليش أنتِ شناقصج؟
اني عيوني صح خضر بس مو بكبر عيونها
عادي يبقن حلوات و بيهن لمعة خاصة
هاي إلى تحبها شنو لون عيونها؟
هم خضر.
فتحت عيوني و حلگي سوا.
شنوووو
شبيج خالي.
شنو أنتَ أخذ عقد ويا إلى عيونهن خضر.
أندري غير حضي
ههههههه تحب عيونها
أموت عليهن
هههههههههه الله يديمكم و أن شاء الله تكون من نصيبك
ان شاء الله غرام أن شاء الله أوووف
يله گووم
وينن؟
عن رجلي مو خلصنا سالفتنا
كُميل: لا عوفيني نايم شو رجلج مريحة
غرام: أريد أنام قابل أنام و أني گاعدة.
رفع راسه و نام بجهة بقيت أباوعله شو نام هنا باوعلي بعيونه أفتهمني باوعلي بنظرة صفح.
من اليوم راح أنام هنا شنوووو گاطفتني بالگاع
بس أحنا مو هيج أتفاقنا.
عادي انا غيرت الأتفاق لا تخافين ما أسطي عليج نص الليل
شنو أسطي؟
يعني أطفر عليج.
خوش بس والله إذا الگااااك عاااابر الحد
أيييييي بله شتسوووووين؟
اشكيك الهاي البنيه إلى تحبهااا
ههههههههه مخبأة ديله نامي نامي.
ذكرت ممشترية شي لعرس أرسلان إلى أقترب.
كُميل
هااا عيناي.
عادي تأخذني أشتري شي لعرس أرسلان
تدللين.
أبتسمت بفرح.
شكراً
انچبي و نامي عوفي الشكراً.
غمضت عيوني بس سرعان ما غمضت طفرت و هوَ فتح عيونه بتعجب.
شبيچ غرررام
نسيناااا شغللةة
شغلتيشش
ما خلينااا شي بينااا
تقصدين السياج
أييي أييي.
باوعلي خارزني صرت أبلعم من نظراته.
دنااااامي لااااا أجيج
أووووووف
نااااامي
أيييي لاااا تصيح.
دار وجهه منطيني ظهره و جسمه يهتز عرفته ديضحك
أبتسمت غمضت عيوني أدري بي ما يتجاوز حدوده
بس شسوي النفسي للصبح گعدنا اليوم يجي أرسلان صبح علينا
عمر و جيلان گاعدة ما شالت عيونها من كُميل بينما هوَ ما داير بال إلها.
عمر: خالي تروح للشغل مو.
كُميل: لا العصر اجي و يمكن ما أجي للشغل اليوم أبقى بمكاني انتَ بس هسه لا تطلع أبقى هنا بين ما نرجع.
أنطاه نظره ما فهمتها.
تمام بس ليش شعندك
أريد أخذ غرام للسوگ
خوش
مليكة: انا هم أروح وياكم عبن محتاجة غراض
كُميل: صار يمه.
أبتسمت جيلان و هيَّ تسئله.
جيلان: عادي أروح وياكم؟
ما أنطاها جواب و لا كأنما سئلته جاوبتها اني.
غرام: هلا بيج.
جهزنا نفسنا و طلعنا، دخلنا للمحلات خاصة بلبس المناسبات.
وگفت أشوفلي شي أما احجامهن ما تجي عليَّ
أما ما يعجبني ردت أبجي من الحيرة أجه بصفي من شافني مطنكرة.
كُميل: شبيج علوية ضايجة
غرام: مالگيت شي يعجبني
وانتِ ضايجة على هاي
اييي شلبس لعد بالعرس
تعاي ويايَّ
وينن؟
هسه أنتِ تعاي و ما عليج.
لزم كف أيدي بكف أيده و طلعنا عفنا مليكة و جيلان
بالمحل دخلنا المحل قريب من هذا إلى چنا بي هم خاص
بالمناسبات فرحت بداخلي من شفت الموديلات حلوات صف يمي همس.
اگلج عود يا لون راح تاخذين.
ما أدري ليش
هااا بس اگول يعني.
شفت واحد لونه أخضر هيج على تركوازي رحت عليه
و تصميمه هم حلو صح شغلة تقريباً بكثرة بس فخم
و هم مال محجبات يصير باوعاتله أشرتله عليه.
هذا حلو
دخيلج يالزهرة
هااا مو حلو؟
لا حلو خالي بس أخاف تنحسدين عيونج خضر و تلبسين أخضر يزرگنج بعين يخلنج تمشين صفح.
ما أؤمن بهاي الشغلات
يعني إلا هذا؟
دارت عيوني بالازياء الموجودة أكو واحد لون أحمر تصميمه يختلف من شافني بسرعة گال.
لااااا خلينااا على هذا الأخضر أحسن أمشي يله نشوفه.
ضحكت على أسلوبه و أني ما فاهمة سبب رفضه
دخلت الغرفة القياسات أجه فيت الحمدلله حتى
طولة مناسب أخذناه و رجعنه للمحل إلى عفنه أمه
و جيلان بي أول ما دخلنا اتلگتنا جيلان بملامح مغضبة.
جيلان: ويننن چنتواا؟
كُميل: ما أتوقع شي يخصج رجال و مرته
لا أقصد لأن ما گلتولنا وين رايحين خالتي ضل بالها
أييي ديله لااا يضل بالجن هاي أحنااا گدامجن.
سكتت بعد ما حچت و عيونها تخزر بيَّ شبيها هااي
دگ جهازه گال هذا أرسلان جاوبه.
كُميل: هاا خالي. لا بالسوگ هسه شوية ونجي. هااا الحمدلله على السلامة. ابن الطراگ مو گتلك جايين.
سده منه و ألتفت النا.
ارسلان وصل خبصني. يگول تعالوا
مليكة: بعد روحي هسه تلگاه تعبان يله أمشونا.
طلعنا مكملين أغراضنا و أتوجهنا للبيت وصلنا شفنا سيارته
گدام الباب ما مدخلها دخلنا گاعد و عمر بصفه هم گاعد.
من شافنا وگف سلم على كُميل و عليَّ نوب مليكة تعودت عليها
هاي كل ما ينزل تضل تحضن و تبوس بي وبعدين
ترزل بي أبتعد عنها يضحك غابت ضحكته من شاف جيلان.
أرسلان: جيلان
جيلان: هلو أرسلان شلونك
شتسوين هنا؟
زيارة و سمعت عرسك بعد كم يوم
خررررب بعرضج بكل صلافة جاية
ليش شمسويَّ أني؟
سلامتج كلشي ما مسوية بس اذا ممكن تنطينا نص كيلو
أو كيلو من صلافتج نحطها للعلوية لأن محسوبتج تستحي من خيالها.
قلبت عيونها من ذكرني.
هاي مو مستحة هاي قلة ثقة.
شگد ضجت من كلامها بس إلى يعجبني أرسلان دائماً يوگف ويايَّ و يبرد گلبي بردوده.
ليش هسه هاي إلى عندج ثقة؟
طبعاً
أتفل عليهااا.
كتمت ضحكتي أباوع للولد ضامين ضحكتهم.
شبيك أرسلان انتَ ما تغيررر طبعك من ما يعجبك شي كله تتفل عليه.
موزين أنطي قيمة بتفلة ؤ لأنها غالية مالتي
شنوووو هل اللعبان النفس
عود شوفوني مثقفة.
عمر: گرايب مليكة و لا واحد أجه هنا إذا ما أنهان خطية.
عافتهم و دخلت جوا ضايجة والله أول مرة اگول تستاهل
ليش تحجي هيج عليَّ، گعدوا و بلشوا يحجون
عن تجهيزات العروس بس طلبات أرسلان غريبة.
أرسلان: العرس مو بقاعة مختلطة هاي وحدة الثانية انا ما أريد
سوالف الفندق مال أخذ مرتك و ولي للفندق من القاعة أجيبها هنا.
كُميل: هو عرسك أعتبره فاتحة
لااا ليش ما راح تهزلي خصر
مو انا الراقصة مالتك.
مليكة: بكيفك أرسلان بس يكفل العباس ابو فاضل
كلشي تسوي وراح تسوي ماني راضية عنه.
و طبعاً كالعادة من مايعجبه الكلام أما يسكت و ما يجاوب
أحد أو يطلع من البيت، و هيج مر الوقت كلها مالها خُلگ
و لا عبالك عندهم عرس دخلت أغراضي للغرفة
و طلعت اشرب مي اتوجهت للمطبخ أسمع صوت
همسات هذا صوت جيلان واكفة تحجي بغضب مكتوم.
جيلان: نسيتني و حبيتهااا
كُميل: من تخسر شي من أيدك لا ترجعله ندمان لأن بوگتها الندم ماراح يفيد
نور حجتلي كلشي.
أباوعله الكلام بأيده يشرب مي و هيَّ تحچي بحرگة دم.
أي و شحچتلج.
گالت مرتك مو بنيه.
مجرد گالت هالكلمة رجف جسمي و أختنگت رجع الكلاص بمكانه و رجع عليها رفع أصبعه بوجهه يحچي بتحذير وياها.
أنتن بنات و هيَّ بنيه و محد بيكم يعرف قصتها شنو
لا تلخن بشرفها باجر يجي إلى يحچي بشرفجن
و إلى يحچي عن شرف الناس ما عندة ذرة شرف و فهمج كفاية.
نزلت دموعها و هيَّ تسئله.
تحبهااا موو؟
أتبسمرت بمكاني و أنجمدت حاطه أيدي على حلگي مصدومة من جوابه.
أييي أحبهااا و قابل بكلشي بيها، أطلعي من حياتي جيلان لا تتأملين بشي مني
مالحگت أبتعد قبل لا يشوفني دار وجهه يريد يطلع شافني
تغيرت ملامحه و أني جامدة بحركتي معقولة البنت
إلي حجالي عنها نفسها اني، تقدمت جيلان إلى و هنا
بقيت مصعوقة من كلامها من همست بدون خجل.
جيلان: صدك لو گالو حظ ال گاعد.
بقت عيوني متجحظة أحس انتهت اخر ذرة صبر عندي
كافي لهنا أنهتني هواية غرام كافي ضعف و خوف أخذي حقج بأيدج.
لا تنتظرين يجي أحد يدافعلج رادت تطلع لزمتها من معصم أيدها.
غرام: الكلام إلى حچيتي تقصدين منو بالضبط؟
واضح كلامي و مقصدي.
أدخل كُميل يتسائل.
كُميل: ياااا كلام؟
جيلان: هسه موزين و ملفينج و مسوية نفسج فقيرة
و بريئة و انتَ كُميل أعرفك ذكي شلون صدگتها
تلگاها شوف منو إلى مقشمرها و أنطت نفس...
نار شبت بعيوني صرت ما أشوف گدامي ما خليتها تكمل
ضربتها بكل قوتي على حلگها شهگت فاتحة عيونها لأزمة مكان الضربة.
غرام: إلى تحچين عليها علوية و جدها محمد نسلي من نسل رسول الله
تدرين قبل شگد ضعيفة هواية أنهانيت بلا ذنب هواية
سمعت كلام ما چانت عندي الجرأة احچي كلمة
و أدافع عن نفسي بس لهنااا و كااافي.
رغم حرگة گلبي منها و من كلامها بس ما بينت
الها ما أدري منين أجتني هالقوة إلى حچيت بيها.
مرة ثانية من تريدين تحچين عني أتوضي يله تذكريني
و مخليه الشرف الج و الأمثالج الظاهر الغربة نستج أخلاقج.
و مبادئج و تربيتج و الواضح يحتاجلج بعد تتربين و تتعلمين الأخلاق.
طلعت من يمهم عيوني مدمعة بفرح أخيراً گدرت أدافع
عن نفسي هالمرة ما كو أحد حچى بمكاني اني إلى أخذت
حقي بنفسي دخلت للغرفة دموعي على خدي شعوري ما ينوصف
هل المرة ما قبلت بالإهانة أنفتح الباب باوعت بعيوني
المدمعة دخل و عيونه تلمع بفرح سد الباب و بدون
أي أذن و لا أي أشارة سحبني الحضنه حاضني بقوة.
كُميل: أوووف يا علوية و چان بردتي گلبي.
أبتسمت بفرح و خجل وراسي على صدره أبتعد عني
حضن وجهي ينظرلي بنظرات اگدر اگول عنها و أكتفي أنها نظرات حب.
علوية
هاا
انتِ سمعتي كلامنا بالمطبخ.
بوخ وجهي أريد أختفي من الوجود.
احم. أي.
أنا من گتلج أريدج مرتي لآخر العمر مو عبث.
نزلت عيوني خجلانة منه و من قربنا.
هوَ يعني.
رجع حضني غمضت عيوني أول مرة أحس براحة و الأمان بهذا القرب.
لا تحچين شي لا تحچين
يعني ما تزعل إذا ما گدرت أتقبلك مثل إلى أتريده.
بعدني عنه بس ملامحه تغيرت بلع ريگ و أنفاسه تضرب بوجهي.
لا ما ازعل المهم سعادتج آسف إذا تجاوزت حدودي وياج.
أثنينا طلعنا من العالم إلى داخلين بي على صوت
صرخة جيلان بالبيت صرنا واحد يباوع بوجه الثاني
ما فاهمين شكو طلع كُميل فتح الباب أيشوف شبيها
لأن صرختها مو بصوت عادي او تصنع طلعت وراه رجفت أطرافي
و خوف دب گلبي من المنظر إلى شفته بلعمت برعب
و كُميل وگف جامد بمكانه شنو هذت ياربي؟..
نيروز.
قرب موعد زواج غياهب و اكله همها دخلت نفسها بخطر
عمتي وجدان گاعدة ببيت عمي جابر بس نفسيتها
كل يوم داتتعب أكثر مقهورة من أهلها من أنروح الها تگضيها
بس تبچي تمرد گلوبنا مرد و تبقى تگول
هدو حيلي شلون هنت عليهم .
نيروز: ماما
نادين: هاا نيروزه
مقهورة على عمتي وجدان
حظهااا يا أمي الله ينطيها الصبر و القوة
امين
وين أخوج
طلع ويا أبوية.
بقت ساكتة لأن اخذه موقف منه بعد ما عرفت.
كلشي يخص عمتي زمُرد و إلى سوته و أنقهرت بيومها.
نيروز: أنتِ ليش بعدج مقهورة منه هوَ سوا هيج بس علمودج
مقهورة منه نيروز لو عمتج لاعبة بعقله و مخليته يسوي شي غلط وين أنطي وجهي انا.
ميخالف يعمري أنتِ سامحي مقهور على قهرج رماد
أشوفه علساس كلش مهتم
غير أنتِ گتيله لا تحاجيني ولا تتقربلي
خلي يتعلم علمود بعد ما يعيدها.
سكتت عنها لأن أدري بيها من تقفل اخذت ملابسي
و گفت أرتب بيهن دگ جهازي سحبته و بأيدي الملابس.
إلي وگعت من أيدي مجرد قريت الأسم
و غصة
أحتلت أوتاري فصلته بوجهه بكل عين راجع يتصل النذل
رجع يكرر لا مرة و لا عشرة أتنرفزت فتحت خط.
نيروز: شكووووووو متصل عمرررر
عمر: شلونج نيروزه.
زفرت نفس بتعب و گلبي يأذيني داخلي حقد عليه
بس بنفس الوقت گلبي الزمال يحبه و يحن اله حرت
مابين مشاعري و گلبي بس كافي أنخدعت هواية منه
فوگ جرح الماضي هوَ ضافلي جرح جديد بمكان الجرح جرحين.
أتمنى ما ترجع تتصل.
أردف مختنگ بصوته نبرته گطعت گلبي وخنگتني أكثر.
تعبان
تعبي أضعاف من تعبك
عسا بيّ! و لا بيج هالتعب.
سديته بوجهه ما أريد أضعف هوَ خذلني و أذاني
ما اگدر أرجع أتقبله كأنما ما صاير شي أني صرت أداة أستغلال
علمود هوَ و أخوه يوصلون للي يريدونه سمعت صوت عمتي
وجدان أبتسمت طلعت إلها شفتها واگفة تسلم على أمي
و أبوية و رماد واگفين هم يمكن أجت وياهم ركضت عليها حضنتها.
وجدان: نيروزتي
نيروز: مشتاقتلج عمة حبيبتي.
حضنتني أكثر تبوس بشعري.
بعد عمتج
شلوت صرتي
نحمد الله.
أنكفخت على راسي باوعت شفته رماد.
نيروز: شكووو
رماد: شبيج لزگتي
وانتَ شحارررگ خبزك
خلنها تگعد أستلمتنها أنتِ و أمي.
گعدنا و مبين التعب بملامحها اني مالحگت على كلشي
صار بحياتها بس من يسولفولي گلبي ينمرد عليها و بنفس
الوقت فخورة بيها لأن أثبتت هيَّ أنسانة قوية و ما أستسلمت
لشي رغم المصاعب و الظلم إلى مر بحياتها.
عمران: وجدان خوية لا تشيلين هم بيت أبوي بعد أنسي
و أمي إذا تريد أتشوفج اجي لبيوتنا البيت مفتوح الها
وأنتِ وين ما يعجبج أگعدي بيتي مفتوح الچ و أحنا الخطار عندج.
وجدان: ما تقصرون خوية أدري بيكم بدون ما
تحجزن جابر طاير بيَّ و ما مقصر ربي يشهد.
أدري بيه چا غير أنتِ أختنا و غصباً علينا هالشي و أحنا الممنونين بكلشي أنسوي
نيروز: أوييي كزكزت عليكم إلا أبوووسكم ما بيهاا مجااال.
طفرت من مكاني أبوس بيهم يضحكون دعيت ربي
يديمهم رفعنا عيونا على صوت رماد من گعد يم أمي.
رماد: يمه، ماما، يوووم
نادين: شرايد
شوگت ترجعين تحچين ويايَّ
من تتعلم ما تضم عني
عمي بيمن أحلفلج بعد ما أضم عنج شي
أييي أييي شابعين من هذا الحجي
بوية ما تحچيلك شي.
عمران: أنتَ و أمك مالي علاقة بيكم
رماد: حتى أنتَ تبريت مني شگد هضيمة.
وجدان: خايبة نادين شبيج فوگ ما چان خايف عليج من إلى ما تخاف الله.
نادين: وجدان ردت أموت من عرفت باللي سوته
زمُرد و أبني بهيج عمر يجوز تورطه بشي أكبر.
هسه الحمدلله عدت و هم نيروز العاقلة سوت
عين العقل من راحت حچت السلطان كلشي.
نيروز: أبوسني والله
رماد: أهوووووو.
أندگ الباب نهض أبوية يفتحه گعدت أغور برماد
و هوَ يأشرلي بمعنى أني أعلمج أتوقفنا من سخافتنا
و تفاهتنا من دخلوا عمي جابر و سلطان و حنين سلموا و گعدوا.
حنين: هاا لِچ شلونج
نيروز: بخير بخير شعجب جايتنا.
رحنا البيت خالي جابر علمود خالتي گالوا عندكم.
لعد همزين أجيتوا وين غياهب
أجه أرسلانو أخذها يختارون القاعة مال العرس
أهااا هسه تصير معركة
شنوو؟
أقصد أن شاء الله يلگون إلى يريدوا.
هيَّ غياهب باردة بكلشي حتى ما تحسين هذا
عرسها عبالك عرس غيرها ما عندها أي حماس.
سكتت شيحچي و شگول لو تدرين هذا الزواج كله علمودج
و علمود درغام و علمود شي اسمه أنتقام لحد الآن مانعرف أسبابه.
سلطان: شلونك ابو نيروز.
رد عليه أبوية بثكل ظ
عمران: بخير ابو التوأم.
هز براسه مبتسم عمي سلطان و دار ال عمتي الگاعدة.
وانتِ وجدان شلون صرتي؟
وجدان: الحمدلله.
رجع الباب أندگ طلع هالمرة رماد ورجع وياه عمي جابر سلم
و الكل صافن شنو مناسبة هذا التجمع الى أن حچى عمي سلطان.
سلطان: يا جماعة الخير انا ما أدري إذا هذا الوگت مناسب أو لا بس نتوكل على الله.
جابر: خير خوية.
تحسه متوتر و جبينه متعرق سحب نفس وفجرها بطلبه.
سلطان: انا رايد أتزوج وجدان.
الكل بقى صافن بس حنين مبينة عندها علم بالموضوع
چانت طبيعية و هنا وگف أبوية بدأ يحچي بغضب.
عمران: بعدددد وگت ووويننن چنتتت بذيج السنيننن.
رد عليه عمي سلطان إلى أتلاشت أبتسامته بسبب كلام أبوية.
كلكم عرفتوا السبب ليش نرجع نحچي بالموضوع؟
وبهاي البساطة تريدهااا أتسااامحك
هذا الشي هيَّ تقرره خوية.
دار أبوية على عمتي الگاعدة وجهلها السؤال.
هاااا وجدااان سااااكتة.
وگفت أو بالأحرى كلنا وگفنا لازمين گلوبنا من الجواب
عمت عيني شگد تعذبوا عمي سلطان و عمتي وجدان.
وجدان: انا مسامحة سلطان بس.
سلطان: بس شنو وجدان
ما أريد أتزوج انا سلطان.
أتقرب الها وگف طول بطوله گدامها و حچى بنبرة وجعت گلوبنا.
چاا تريدين ترجعيلي الكسرة بالكسرة.
الي صار مو شوية.
أبتسم أبتسامة قهر وضيم سنين مرت عليه.
الي يسمعج عشت حياتي مرتاح.
ما أنطته رد و عيونه تتأمل وجها أنطته ظهرها نازلة.
منها دمعة، هز راسه بقبول و أشر الحنين.
سلطان: يله بابا حنين خلينا نروح.
حنين إلى أول مرة أشوفها بهيج حالة وگفت بصف
عمتي و أردفت بصوت مخنوگ.
حنين: خيبتي ضني بيج خالة. أشرت على الكل و هيَّ تحجي بدموع. ما بيكم أحد ضحى مثل أبوووية.
ما تركها عمي سلطان تكمل اخذها وطلعوا من بيتنا
ضجت من إلى صار باوعت الامي نفس الحالة.
جابر: عمران تصرفك غلط
عمران: ليش غلط؟ كسر بأختنا من سنين و هسه راجع شنو الفايدة.
ليشش هوَ كسررررها برررضاته شماااالك أنتَ
، وأنتِ
وجدان العاقلة الفاهمة مادرستي الموضوع بعقلج و بعدين منطية الجوووواب.
عليمن تنطي جواب أنا وياها زين منها و ما وافقت.
علي كيفك عمران تراه سلطان لو مايلزمونا من نقاط ضعفه
چان خلاهم يحلمون يبعدونه عنها و كرر موقفك
من وگفت بوجه أبوي علمود مرتك حططط روووحك بمكانه.
طلع عمي جابر زعلان ضجت أكثر من كلام أبوية عفتهم.
و دخلت جوا هوَ لو ما يحبها چان أتزوج من زمان و كمل حياته
و ضرب كلشي لو رجع زمُرد و عاش حياته بس لليوم
يحبها و هالشي أشوفه بكل مرة يصير تجمع و عمتي موجودة
نظراته ما تنشال عنها و تحچي عمق حبه و ما ناسيها.
غياهب
مد أيده مقدملي گلاص العصير باوعتله بملل.
أرسلان: هاج أشربي
غياهب: ما أريد
عجبتج القاعة؟
رفعت عيوني گوا عليَّ طايقة الوضع.
أتوقع گايلتلك قبل ما أهتم
جيد
جداً.
شطلعت هاااي خسرت ملايين على هذا العرس
أبو فليس
أنا؟
لعد أبوية
الله يسامحج يا حية
أني حية؟
أييي.
أبتسمت قالبة عيوني بخباثة.
لعد راح أتضوگ من السم مالتي
أنشوف.
سحب أيدي ردت أسحبها لزمها عاصرها بين أيده باوعت أحنا بمكان عام.
غياهب: شدتسووووي.
لزم أبهام أصبعي يتلمسه بهدوء أستغربت من تصرفه هذا أكيد مو بعقله
أرسلان: كلشي بيج ترف
معت من الخجل ديربالك يابه
لا حظرة المحامية وينج وين الخجل الحياطين تخجل وأنتِ ما يتحركلج ساكن.
سحبت أيدي منه جسمي يقشعر من جلده يلامس جلدي وگفت ساحبة جنطتي.
خلي نرجع للبيت
اتأمرين.
وگف يرتب بسترته كلشي بي مرتب نظافة، ترتيب، و لبسه أكثريته رسمي عكس شخصيته الزفت.
أرسلان: وين صافنة
داگول كلشي بيك مرتب عكس شخصيتك الحقيرة.
ويلوموني صريحة للنعااال.
هزيت بأيدي و أتوجهنا للسيارة بالي يم أبوية ما قبل
أروح من شاف هذا الجحش أجه ياخذني ما أدري
إذا خالتي توافق أو لا الفتت اله و هوَ يسوق.
غياهب: أرسلان
أرسلان: أسمعج
شوگت ناوي تظهر أسباب أنتقامك
خلي الموضوع سبرايز
سبرايزاتك ما تعجبني
تعودي.
ولو ما أثق بيك بس لو ما قابلة صدگ راح تتزوج حنين؟
هواية تسئلين و أنا بشر يكره كثرة الاسئلة
بحياتي ما أتحملت شخص مثل مداتحملك.
أمممم و ليش شنو چنتي تسوين
أدوس عليه و ما أهتم
يله يومين بس و أنشوف مدى تحملج.
وصلت للبيت نزل ويايَّ أشرتله بأيدي.
ويننن داااخل
احچي ويا أبوج
بخصوص شنو
ما يخصج.
أنفتح الباب مال بيتنا طلع أبوية بس الحزن مغيم على وجهه
أبتسم بوجهنا يخفي كل هذا سلم على أرسلان عيوني
تراقبه أكيد صار شي دخلنا جوا صارت گدامي حنين گالبة الخلقة
مو مثل عادتها من أتشوف صخمان أشرتلها شكو أشرت بمعنى بعدين.
أرسلان: ما أطول عليك عمي بس حبيت أبلغك العرس
بالقاعة إلى أتفقنا عليها انا و غياهب بس الزفه تكون البيتي نهايتها مو الفندق.
سلطان: براحتكم أبني ماكو فرق إلى ترتاحوله
بس طلبي منك تصون بنتي و تداريها مثل عيونك
بناتي عزيزاتي عليَّ كلشي أتحمل بالدنيا إلا أذيتهن.
ان شاء الله عمي.
ما طول بگعدته و أترخص سديت الباب وىاه ورجعت أهرول للبيت بسرعة سئلت.
غياهب: شصار وياااكم.
أردفت أبوية بصوته المتروس خيبة و حزن.
سلطان: العوض من الله بابا
شنو يعني؟
حنين: خالتج گالتله مسامحتك بس رفضت عرض الزواج
بس ليش مو ظهرت الحقيقة.
حچت بأنفعال مغلف بقهر.
فووووگاهااا خالي عمران واااگف وياهاا وكلامه
چان ضد أبوية و يگله شنوووو جاي بعد ما كسرتهاااا.
سلطان: كافي بابا سدوا الموضوع إلى كاتبة رب العالمين يصير و هيَّ حرة ما مجبورة.
صعدت فوگ حنين مهضومة من خوالي و حتى
أني مجرد سمعت الكلام أنهضمت ليش هيج أتصرفوا.
خالي عمران لشوگت يبقى يعامل أبوية بهذا الأسلوب
سنين مرت و هوَ خاطره ثكيل، صعدت وراها أشوفها.
حنين: غيااااهب لِچ والله گلبي محرووووگ منهم
غياهب: مثل ما گال بابا هيَّ حرة.
بسسسس هيَّ أثبتتت هنا ماحبت أبوية مثل مااا حبهاا
مو شرط ترا خالتي هم إلى مرت بي مو شي سهل و تگدر تتخطاه
هسه نيروز چانت تحچي ويايَّ تگول خالتي تريد قبر أمها المتوفية
حقها
أيي بس محد يعرفه بس سويلم الكلب
راح يحقر وياها متأكدة.
اخخ لووو بذاك اليوم قاضية عليه و مخلصة الناس من شررررره
عليمن توسخين نفسج بي.
عوفينا منه هذا، شصار وياكم شفتوا القاعة
أي شفناها
حلوة يعني أتفقتوا على الترتيب و هالشغلات
أيي
غياهب ليش أحسج ما فرحانة بهذا الزواج
لا ليش بس دتشوفين حياتنا نخلص من سالفة تجينا سالفة ثانية صفح
أي والله عبالك مسلسل، هاي أني چنت أشوف
المجرمين بس بالأفلام و المسلسلات هسه صرت أشوفهم حتى بحياتي.
تمددت حطيت راسي على المخدة و المخدة الثانية حاضنتها الصدري.
غياهب: زواجي بعد كم يوم
حنين: الله يسعدج حبيبتي.
مرت الايام و حجزواي يم صالون خابرتني خالتي
تبچي مقهورة و تگول شگد حچاية حنين باقية أبالها
و من سئلت حنين گالتلي شگد زعلانة منها و ما أدري ويامن
اوگف المشكلة الطرفين تنقهر عليهم لا إلى عاشته خالتي هين و لا أبوية.
و أجه اليوم التعيس (يوم زواجي) حطيت أغراضي.
إلي أحتاجها بالصالون إلى راحت ويايَّ حنين و نيروز
خالتي گوا جبناها لأن خجلانة من أبوية بسبب آخر موقف صار بينهم.
صار وقت وداعي لهذا البيت و الأبوية أصعب ما يمر بي
الإنسان تقدمت اله حابسة دموعي و أشوف عيونه إلى لامعة.
سلطان: هاا يا نظر عيني راح تروحين.
أبتسمت بغصه.
غياهب: أيي.
حضني بحنان يسولف و يوصيني.
ما أوصيج بعد اريدج ترفعين راسي ديربالج على نفسج.
والله السنين تركض ركض ذاك اليوم تفترن گدامي تلعبن بلعاباتجن هسه صرتن عرايس.
بابا حبيبي فدوة أنتبه النفسك و العلاجك و ديربالك على حنين
ان شاء الله نظر عيني أنتِ.
قبل راسي بس ما أتحمل نزلت دموعه زاد عذابي
أكثر هنا أختنگت ما أتحملت أبقى طلعت من البيت صعدت
بالسيارة مال خالي جابر لأن هو إلى راح يوصلنا
غطيت وجهي دموعي تنزل بهدوء أمسح بيهن ويرجعن ينزلن
هم ما يدرون وين ذبيت نفسي بيا تهلكة
و بأيد منو؟
صعدن البنات طول الطريق يحاولن يغيرلي جو
بس منظر أبوية طبع بعقلي تعلقي فائضه حدوده بي
وصلنا دخلنا للصالون بقت تباوعلنا مرة بوجهي
و مرة بوجه حنين يمكن داخت بينا گالت.
أنتن توأم؟
غياهب: أييي
الله يحفظجن نسخة مستنسخة.
أبتسمنا الكلامها بدأت تشتغل، وجان كلشي من أختيار
البنات هم يشرحولها لأن يعرفون ذوقي فصلت عنهم
وعن كل العالم أفكر بحياتي الجديدة إلى أنبت على أساس.
أتفاق و أتمنى أعرف منو السبب من أهلي بهذا الانتقام
منو اله أيد بكل هذا طلعت من دوامة أفكاري على صوت أم الصالون.
شلون تريدين شعرج أنسوي.
جاوبتها حنين و أجت تشرحلها شلون أتسوي
حنين: شي بسيط لأن أختي تحب البساطة.
بس هذا عرس ليش ما نخلي كلشي فخم حتى المكياج إلى أختاريتي إلها بسيط
ذوقها هذا عكسنا أحنا إلى نحب الفخامة.
هزت براسها و بدأت تشتغلي شعري ما حطتلي
رموش لأن رموشي كثيفة ما يحتاج أحط سوت تسريحة.
شعري بيها حركة بسيطة و خلته نازل مفتوح على أكتافي
و وزعته باوعت النفسي بعد ما كملت طالعة حلوة بس عليمن
خالي ببلاش فرحتي مو مثل فرحة أي بنيه لبست بدلتي بمساعدة حنين.
گعدت بمكاني و البنات بدوا بيهم هم نيروز نظراتها غير
أم الصالون صارت تحچي بأعجاب عن عيونه بسبب سوادهن الفاحم
و رموشنا و تگول ما يجتاجلهن كحل أو مسكارة
ما أدري وين راحت أجت حنين تحجي بهمس.
حنين: أگص أيدي إذا اليوم ما صار شي بينا من وراها.
غياهب: اش عيب لا تسمعج.
سكتت و بقت تباوع الروحها بالمراية بأعجاب و تسوي حركات و تصور التفتت إلي.
شلوني
تخبلين.
دزتلي بوسه بالهوا تضحك و نيروز طالعة هم تخبل ملامحها
حلوة و ناعمة أجت يمي من شافت حنين مشغولة.
نيروز: قبل أيام أتصل عليَّ عمر
غياهب: خير شعنده
ما أدري ما أنطيته مجال يحجي سديته بوجهه
لا تنقهرين نيروز متأكدة هذا الحقير أرسلان لعب بعقله و خلاه يسوي كل هذا
لوووو يموت ما أسامحه.
ما اگلج سامحي، بس لا تقهرين بنفسج بسببه.
ان شاء الله. طالعة شكل جديد هههههه
من اللبخ إلى لبخوني بي
لِچ وينه بس لان ما متعودين عليج تحطين هيج
ما أحبه
المهم لا يگلج. غياهب أنتبهي البنفسج والله خايفة عليج
لا تخافين صدگيني راح ألعب بي مثل لعب بيَّ.
دگ جهاز حنين و گالت أرسلان ردت عليه گالت وصلوا
أنخبصن خبص عبالك ما أدري شكو، الدقائق دخل بطولة
كاشخ على أخر حباية مثل ما انگول، سئلته صاحبة الصالون.
إذا ناخذ صور هنا گالها لا بالقاعة، والله مصدگ نفسه
عريس أجت حنين بأيدها البركع رادت أتحطه على راسي رفضته بالبداية.
غياهب: شنو هذا راح تخلينه على راسي
حنين: العروس تلبسه لأن ناس هواية برا
خيولي ما ألبسه أختنگ.
سحبه من أيدها أرسلان.
أرسلان: شكراً أم روح الحلوة هسه تلبسه.
راحت حنين بقينا وحدنا رفعه حطه على راسي أردفت من بين أسناني.
شيله ما أحبه
چا شني تطلعين هيج
انتَ أعمى ما أتشوف كلشي مطالع مني
ورگبتج و شعرج.
أني مو محجبة، استغفرالله
أستغفري حَبيبي أستغفري زين الأستغفار
حبتك حية
يعني أنتِ.
لبسانياه بهدوء.
أختنگتتت هيييي
ولچ عاد بس اليوم أظهريلنا أنوثتج شوية
يا بطيخ يا أنوثة اگله أختنگت يگلي أنوثة صخام
هواية تصرفين صخام
ما أتشوف أسميك صخمااااان بدل أرسلان
عجيبة مصطلحاتج
ديله أختنگت مو أخذك الواهس
أصبري بين ما نصعد بالسيارة.
طلعنا لازمني من أيدي و هوسة السيارات والله بوقتها.
إلي يشوف الزفة و الناس ميگول هذا زواج أتفاق لا يگول
عن حب لأن كلشي چان اله جمالية خاصة من زفة من ترتيبات
بس صعدت نزعت هذا إلى على راسي
ما أدري شلون يلبسنا
البنات بعرسهن يخنگ و ما يخليك أتشوف صعد
بالسيارة ما منتبه إلى دار وجهه فتح عيونه.
ولچ ليشششش نزعتي.
باوعتله بزعل ضايجة.
أختنگت شبيك
أخخخخح منج غياااهب أخخخخ
ان شاء الله دومك تصيح أخخخ.
مارد عليَّ طلعنا نمشي بالشوارع و الأغاني العالية ما أدري.
منين هاي الناس كلها، إلى أن وصلنا للقاعة دار ناحيتي ما خلاني أنزل.
يله ألبسي
شلبس؟
النعال
أتجاوزك بأخلاقي راح أحافظ على برستيجي اليوم
شددددد
نعممم
البسي هذا إلى چان على راسج أم راس
ما أدري وين ذبيته
لااااا بشررررفج
وشررررفي.
بقى يدور بالسيارة مد أيده لوره سحبه شامرته
عبالي ما يلگاه والله ما حبيته راد يلبسنياه سحبته من أيده.
غياهب: أنطيني اني ألبسه
أرسلان: بعد أحسن.
عدلته اخذه راحتي لبسته على كيفي رفعت عيوني.
علمود اگله كملت ننزل شفته صافن بيَّ أو نگدر نگول بمكان اخر.
خيررر وين صااافن حضررتك؟
هاي عندج عضمة
شگد مااا تستحي.
نزل من السيارة دار يفتحلي الباب، أتلمست مكان العضمة
شلون شافها مو عيون ليزر، فتح الباب نزلت لزمني
من أيدي و هاي بدلتي شكبرهاااا ولكم أني وين و العررررس وين
دخلنا للقاعة ة اخيراً شال هذا من راسي رمشت برمشات عشوائية
و أنبهرت من جمالية القاعة و ترتيبها أشتغلت أغنية الدخولية مشينا الداخل القاعة.
طلعتني من أندماجي كلمة وحدة.
هااا يحيلي.
باوعتله بأستغراب رديت عليه.
ويامن تحچي.
أتجاهل سؤالي و هوَ يسئل.
عجبتج الترتيبات.
سويت حركة بشفايفي بمعنى مبهرة.
أبهرتني بس شكو كل هذا
غير عرسنا و نتونس بي مثل الناس
عليك النبي
اممممم
مصدگ روحك أحنا عرسان.
وصلنا للمكان الخاص بينا گعد الدقائق و طلع و قبل
لا يطلع همس بأذني شفايفة بدأت تعد.
هذا ثاني هدف حققته.
وضح؟
مد أصبعين من أيده و أشرلي و هوَ يعد.
الهدف الأول چان أدخل بينكم و أتقرب الكم و طبعاً النقطة
المهمة اكسب ثقتهم و يحبوني و حققت هذا الشي، أما الهدف الثاني اليوم أنتِ إلي.
طولت بنظراتي عليه و عيوني جمرت مستحقرته
و مستحقرة كل أفعاله أبتسمت بوجهه أشرتله بحواجبي على أصابعه.
شايف ذنس الأصابع إلى تعد بيهن أخليك تعضهن
ندددم و الأيام راح تكون شاهدة على كلشي.
درت وجهي قبل لا دمعتي تنزل و جسمي أنشل ويا.
حركة لساني من شفت حنين قريبة علينا و طابگة حواجبها تباوعلنا بملامح باهتة.