رواية وتيرة الأعرج للكاتبة حوراء السعيدي الفصل الرابع
غرام.
بقت عيوني تراقب ردة فعله، أكيد هسه
ما راح يصدگني
أردف بعدم فهم و عيونه أنملت بالأستغراب بنظرات الأستغراب و الصدمة.
كُميل: شلون مغتصبة يعني على شي لو.
نزلت دموعي أكثر و هوَ حتى ما كمل الكلام نزلت راسي و حچيت من بين دموعي إلى تنزل بكسرة.
غرام: أييي نفسه إلى أبالك
منو سوا هيچ بيچ؟
سحبت نفس و بديت احچيله كلشي صار ويايَّ.
أحنا أخوات أثنين و اخ واحد تربينا على الصح اختي.
كملت جامعة و اتزوجت و أني طالبة جامعة. غمضت عيوني و الغصة حرگت بلعومي اختنگت بيها
اخوية مكمل ومتوظف أكبر مني و منها اجته فترة تغير بيها مو نفسه إلى نعرفه.
بعد ما چان انسان يخاف ربه صار عاصي اله بأفعاله و عاصي لأهله
السبب اصدقاء السوء و الغلط بيوم چنت گاعدة الفجر
دخل عليَّ و، حچيت كلشي صار من اني عند أهلي
و بكل كلمة انطقها روحي تنتهي تموت من قهرها.
لااا تگليلي هوَ نفسه إلي...
شهگت بدموعي.
أيييي هوَ نفسه إلى أعتده عليَّ أعتده على أخته.
بچيت بصوت عالي بس شنو يسوي البچي؟ شگد بچيت
اني انسانة أدمرت حياتها من ذاك اليوم
و المجتمع
ما يرحم إلى مثلي رفعت عيوني أباوعله صوته بعد ما طلع
ملامح الصدمة معتلية ملامحه مسحت دموعي بوتر و خوف من نظراته.
هاي كل قصتي الله شاهد ما جذبت بشي عليك
شغلة وحدة ما فهمتها شلون طلعتي أنتِ امج شسوت وطلعتچ.
رجعت اشرحله شگد امي حاولت تنقذني
و خاطرت بنفسها گال.
ابوچ فضحج؟
لااا.
چااا منو حچى العمامج؟
بنت عمي چانت بمثابة اخت إلى و انطيتها سري امي من رادوا
يگتلوني طلعتني من البيت بعد ما بقيت أيام طويلة عندهم متعذبة جوا أيديهم.
ض
رب أيد ب أيد بغضب و حچى بنبرة حادة.
بنت عمج وحدة
وگف يفتر بالصالة الگاعدين بيها ويفرك بوجهه بحيرة التفت عليَّ
ما عندچ أحد؟
عندي صديقة وحدة بس ما اگدر اروح الها لأن صارلي أشهر مختفية عن الدوام
شلون.!
عند أهلي بقيت أيام طويلة بيها بالاشهر.
و من طلعت من بيتنا صارلي شهر.
چاا خالي على هذا كلامج وين گضيتي هل الفترة
إذا صارلچ هالگد طالعة من أهلج.
فرگت أيديَّ بتوتر احچي كلشي غرام ما يعوفچ
إلا ياخذ أجوبه الكل أسئلته.
أشتغل چنت أشتغلل.
تشتغلين؟ شنو تشتغلين
أشتغلت بمطعم اغسل مواعين
اهااا. أي و شصار بعدين ليش تركتي الشغل.
من و ضعي و ضيمي و نفسيتي إلى مدمرة نترت بي متنرفزة.
هسه أنتَ شعليك ليششش تركت
كُميل: شلون أثق بيچ لازم تحچيلي كلشي
غرام: حچيتلك كلشي.
گعد گبالي و حط جكارة بزاوية فمه والجداحة بأيده رفع عيونه يباوعلي.
لا أكو بعد شغلات ما حچيتيهاا
نهضت من مكاني بسرعة و الخوف ركبني گوا وگفت وين ورطت
نفسي ويننن. گلبي نبضه أحسه صار مسموع من فززني بصوته.
أگعددددي
أريد أطلععع منااا.
رد عليَّ بصوت شبه عالي.
-گلت أگعدددي
خفت من نبرة صوته رجعت المكاني شابكة أصابعي ببعض
و مبين توتري صارلي فترة ما عايشة عيشة طبيعية و مشردة، و أني بنيه.
و مثل ما گال إذا تبقين بالشارع تاكلج الذئاب البشرية.
ابو المطعم سوالچ شي؟
جمدت بمكاني من سؤاله شمدري؟ شلون عرف رجعت
وگفت أرجف أصيح بصوت منهارة ما أتحمل بعد تعبتتتت.
انتَ شمدررررريك هاااا اكيددد أنتَ وياااه متفقين.
صرت احجي كلشي عقلي يفكر بي الكلمة صارت
تطلع ببطئ مني من حسيت نفسي بديت أفقد توازني
عيوني غوشت وگعت فاقدة ما گدرت أسيطر.
كُميل: شو هاي صارت ترجف مصروعة تگومت گدامي.
فاقدة وعيها ثنيت ركبتي گعدت بصفها اخذت صفنة بيها
بس صفنة أتأكد منها خاف جاي تمثل عليَّ ضربت خدها بخفه ماكو رد
خالي شنو اجتج النومة وما سيطرتي على نفسج.
هم نفس الشي ماكو رد منها هاي يمكن صدگ فاقدة رفعتها
شايلها چنها ريشة خفيفة دخلتها للغرفة ذبيت عليها ماي بلگي تگعد
و ترجع لوعيها شويَّ و رجعت فتحت عيونها گلت
يا الله، گاعد على حافة الچرباية ما أحس غير أجتني
الدفرة وگفت لازم مكان الدفرة بفخذي.
نعلعلا أدري دفرة ثور أشتعلوووا.
نزلت من مكانها و انفتحت البواري مالتها.
خالي ليش هذا البچي عيونج راحت يا عيوني.
حچت بتعب و تحسها گوا عليها تقوي بنفسها.
أحلفك بأعز شي عندك انتَ منهم؟
هم منووو
ابو المطعم إلى أشتغلت عنده.
و هنا اتأكدت ابو المطعم ال مسويلها شي من شفتها
لهل اللحظة البنيه وضعها مو طبيعي كلها خوف، توتر، قلق. بس تبجي أقل حركة أو تصرف يبذر مني الخوف
ياخذها ردتها بس تهدأ راح يوگف گلبها من گد مابچت.
لا مو منهم و داعت امي اطمئني.
هدأت و صارت تجر بالنفس براحة نوب لافه روحها لف بالعباية
و الغطى هم ما أتشوف منها غير رأسها
و وجها المبين
أبتسمت مبينة بنيه من النوع المحافظ خصوصاً بلبسها
من خلال أحتشامها و لبسها و تصرفاتها فهمت من أي نوع هيَّ
و أعترف أحلى ما بالنساء بالنسبة إلى أحتشامهن وسترهن
لأن محد يستاهل يشوف شي منهن، وهذا الشي زاد احترامي الها.
ههههههه خالي راح تختنگين
شعليك بيَّ أنتَ.
الغسل الهل العيون إلى تلمع
شنوووو
تعاي اكلي لا تموتين عندي حتى ما اندل مگبرتكم
أدفنج بيها اخخ من حظي يبقى أعوج و نايم بالخيسةة.
غرام: طلع من يمي والرجفة لا زالت بيَّ جسمي منتهي
صارلي يومين بدون اكل شمرت الغطى عدلت نفسي وطلعت
گعدت بالصالة طلع من المطبخ بأيده صينية حطها گدامي.
كُميل: اكلي وجهج صاير ليمونة.
بديت اكل ما رفضت هل المرة من جوعي نسيت حتى
وجوده لأن جنت بحالة جوع مو بحال أهتم أردف و هوَ يضحك.
تعاي اكليني بعد.
غطيت بالمستحى من كلامه و جبيني اتعرق من
الموقف شنو هل المواقف ياربي.
مو شسمه لأن جوعانة
الف عافية عيناي اتقشمر وياج اكلي براحتج و إذا
تريدين اكليني هم بس اخاف عليج يصعد عندج السكر
من ثولي گتله.
ليش؟
من حلاوتي غير؟ دشوفيني و الزهرة شاب اطگ بالگاع
ليش تجذب شعرك متروس شيب
من الضيم غيررر مالج شغل ارجعن سود صبغ و موجود.
اگلك أنتَ شگد تحچي
امداج و أمده فركچ مو صوجج صوجي گاعد و أسولف وياچ.
سكتت خفت لا يگتلني وگف يعدل بقميصه وعيونه
تتلفت ما أدري على شنو يدور مد أيده ورايَّ طفرت من مكاني.
شدا اتسوووي
شبيهااا الفرخة أنرعصت رفع أيده يأشر على المفاتيح
خذيت مفاتيحي راح أطلع الباب انا جاي أقفله من برا
يعني لا تخافين ماكو احد يگدر يدخل هنا غيري
هزيت براسي و طلع من الشقة گعدت أتنفس براحة
الله يساعد أهل بيته ثولني ثول بس مع ذلك ما أنسى
معروفة ولو بعدني ما أعرفه شنو بالضبط.
غياهب.
طلعت للأسواق أشتري شغلات للبيت و هم أبوية
گال صار لازم حنين ترجع صارلها فترة يم بيت خالي جابر
و هم عيب رغم هم فرحانين بيها بس يبقى واحد
ما يرتاح إلا ببيته ولو اختي وين تحطها تگلك رحم الله والديك.
وگفت يم القسم إلى بي أنواع التمن محتارة شنو
اخذ صفنت بيهن طلعت من صفنتي على صوت رجولي
خشن درت بكل جسمي چان ولد شاب.
محتارة تاخذين أي واحد مو
أستغربت من تدخله المفاجئ و حتى ما أعرفه.
أي حيرة لأن ذني النوعيتين مجربينهن وطيبات
أخذي الاثنين معناها بدون حيرة
تمام شكراً
عفواً آنستي
انستك؟
أنرسمت أبتسامة على ثغره و هوَ يگول.
من باب الأحترام
أبتسمت مجاملة اله و رجعت أكمل مشترياتي أخذت الأغراض
أتحاسب ويا المحاسب كملت و طلعت حطيتهن بسيارتي
صعدت أريد أمشي و أستوقف حركتي إشارته من أشرلي
اوگف نزلت الجامة بعد ما وصل يمي.
غياهب: أتفضل
كل كلامه ببرود و هدوء عكس شخصيته إلى تدل على غير شي.
محتاج مساعدة.
بشنو اگدر أساعد حضرتك
حك طرف حاجبه.
سيارتي صار بيها عطل و ما جاي تصير ويايَّ ولو أتعبج تگدرين توصليني البيتي.
-أتوقع اكو شي اسمه تكسي تگدر تأجرها
فلوسي خلصت تسوگت بيهن مسواگ
و تعرفين هيج اماكن شغلاتها غالية.
بقيت ساكتة أفكر اقبل أساعده أو لا بس ليش گلبي
ما مرتاحله نزلت عيوني على غراضه هواية.
تمام بس اتمنى بيتك مو بعيد.
أبتسم و نغزني گلبي من هل الابتسامة حسيتها غريبة.
لا قريب.
رفع أغراضة فتحت الجنطة اله حطهن بيها
و أني بمكاني
عيوني تراقبه فتح الباب صعد وره ما صعد بالگدام
حچيت و أني اشغل بالسيارة.
ليش صعدت وره
والله يا آنسة رجلي متأذية و لازم أمددها بالگدام ما اگدر هنا أكو مجال أكثر.
سكتت ما علقت على شي و مشيت الطريق كله ساكتين
بعدها صار يدليني على بيته صرنا ندخل بشوارع
و كل ما عيني تصير بالجامة أشوف نظراته متركزة
عليَّ شبيه هذا بالله فلا مرتاحتله إلى أن دخلنا بفرع گال.
أوگفي هنا وصلنا
وصلنا؟
أي مشكورة تعبتج
اهلاً.
نزل وأخذ أغراضه دخل بالفرع بقت عيوني تراقبه ما أدري
ليش عقلي يگلي أكو غلط نزلت وگفت بمكاني الشي الوحيد
إلي ربحته عقلي من هالحياة لأن ما أمشي وره عواطفي
ما أتذكر بيوم سمحت العاطفتي تمشيني.
الثواني مشيت دخلت بالفرع بهدوء و هنا الصدمة
ما اله أي أثر وينه؟ معقولة بهل السرعة وصل
بقت عيوني تدور حول المكان ماكو أي شي يدل
علي وجوده شفت طفل گاعد رحت عليه.
غياهب: حَبيبي هم شفت رجال مر منا وبأيده أغراض
الطفل: لا ما شفت.
رجعت للسيارة گعدت داخلها و كُلي غرابة وين أختفى
زين هو حتى الفرع طويل و البيوت إلى بي قليلات خصوصاً
هو ذكر رجله بيها مشكلة دخت و أني أفكر حركاته
نظراته چانت بيها غرابة و وين أختفى بهل السرعة.
رجعت للبيت اخذت الطريق أفكر بالموضوع الثاني يوم
رجعت حنين للبيت و رجلها الحمدلله بدأت تتعافى بالكامل
و لازم تدرس لأن قربت الامتحانات موضوع مرض أبوية.
من فتحته وياه چان جوابه ما ردت اخوفجن وتقلقن عليَّ.
حنين: اختي حبيبتي
غياهب: بدون لواكة گولي
عصير أورنج
اگلج أنتِ شنو وضعج ويا العصير هذا
أحبه شبيچ أكو أحد ما يحبه خصوصاً من يكون طبيعي و مثلج أوفيشششش
دا اقرأ كتاب أكمله و أسويلچ
سلطان: بابا أجلي، گومي سوي الاختج مريضة لا تنسين خطية.
قلبت عيوني.
صارلها فترة مستغلة الوضع.
حطيت الكتاب بمكاني و لبست نعالي البيتي باوعتلها تسويلي.
حركة عود گومتج غصباً عليچ دخلت للمطبخ طلعت برتقال
و لازم أعصره بأيدي هاي أطباع حنين هيَّ عبالها أضوج
مرات بس العكس صحيح اني شعندي غيرها هيَّ و أبوية.
كملته الها و حطيت وياه قطع كيك
من الكيكة
إلي جابتها خالة وجدان الصبح من الباب أنطتنياها
انطيت الصينية الحنين شافها أبوية.
سلطان: شوگت سويتي هاي الكيكة شو ماشميت ريحة كيك.
مو اني سويتها، خالة وجدان جابتها الصبح وهيَّ رايحة للدوام.
اباوعله تغيرت ملامحه بمجرد ذكرها أبتسمت ورجعت المكاني گعدت
رغم كلشي صار أحب حبهم و أحترامهم البعض إلى لليوم مُستمر.
شو ما شفتهاا
ما چان عندها وقت و بس انطتها إلي
و راحت
شو گومي أنطيني من هاي الكيكة.
لااااا بابا سكرك يرتفع بيها لأن بيها حلا هواية
بس شويَّ بابا ما أكثر.
حچت حنين و هيَّ تاكل.
حنين: دنطي غياهب شبيج هاي كيكة العزيزة
غياهب: الصمي عنده سكر نوب يرتفع.
ما رد عليَّ و مد أيده أخذ من صحن حنين قطعة اكل.
منها قليل و رجعها الفرح ينقرأ بعيونه بس مو بيدي أخاف
عليه لازم يلتزم بالاكل مالته رجع يحاچي حنين.
سلطان: بابا ما بقى شي للامتحانات وفاتتچ هواية من دراستج شدي حيلج.
عقجت حنين وجها بضوجة لأن الموضوع بي دراسة دخل أبوية
الغرفته بقينه اني وياها صارت تحجي وجيب إلى يسكتهاا.
حنين: شوگت يخلص الدوام والله لعبت روحنا منه
غياهب: لا دراسة لا شغل لا عمل أدري شتريدين.
اكل و نوم و مسلسلات و أفلام.
خيسسسة داخلة أنام تريدين شي؟
لا داده اني هم راح انام شو نعست.
صعدت كلمن الغرفتهاا نامت و هيچ مرت الأيام ماكو شي
جديد حياة هادئة و إلى صوب حنين لليوم ما لگوا
شي يخصه و درغام متابع الموضوع ما تاركه.
بلشنا أمتحانات و أكيد ماتخلى الحياة من عياط و بچي
حنين من الامتحانات لأن واجهت صعوبة بالمواد إلى فاتتها
بفترة مرضها و طلعت روح روحنا يله كملت
و أنختم
مشوار الدراسة چانت مرحلة أخيرة النا و خلصنا.
بدأت العطلة و هم ملل ماكو شي شمرت الكتاب
إلي بأيدي باوعت للبيت أگوم أنظف احسلي علمود إذا اكو طاقة سلبية تطلع بالشغل حنين طالعة ويا نيروز
و أمها يشترن أغراض عندها مفاتيح البيت رفعت
شعري لأن ما اگدر أشتغل و هوَ مفتوح.
أبوية هم طالع بديت بالتنظيف بيتنا كبرى متوسط لا جبير
ولا صغير طابقين لبست سماعاتي وشغلة قصيدة
ما أحب أسمع للاغاني جلفت البيت جلف كملت ودخلت للحمام.
واگفة جوا ال مي و أباوع للآثار إلى بأيدي.
ما ألبس شي
ردانه قصيرة كله طويلة لأن تطلع و أكره شخص يباوعلي بشفقة.
باوعت للمنشفقة ماموجودة ضربت كصتي نسيتها بالغرفة
شلون أطلع هسه، سمعت صوت الباب فرحت همزين اجت أكيد حنين صحت بصوت.
غياهب: حنوووشة بطريقج جيبيلي المنشفة تلگينها على چربابتي
و هاي نظفتلج البيت بعد شتريدين أنتِ سختي و غياهب تنظف.
بقيت أنتظر سديت الدوش فتحت الباب علمود أرجع أصيح
بس استغربت من شفت المنشفة معلگة بالباب شعجب.
مو من عوايدها تخلي شي بهدوء إذا ماتگعد تخبصني خبص.
خذيتها نشفت جسمي ولبست ملابسي لفيت شعري و طلعت
باوعت بارجاء البيت ماكو أحد وين راحت هااي صعدت
فوگ ماكو احد ياا وينها البنت، نزلت جوا بعدني على
الدرج وانفتح باب البيت الداخلي دخلت منه حنين.
وين طلعتي و هو شوگت طلعتي شو
ما حسيت
عليج ولا سمعت صوت الباب دورت عنج ماكو.
باوعتلي بتعب وعدم فهم.
حنين: ما فهمت؟ شنو وين طلعت غير جنت.
بالسوگ ويا نيروز و خالة نادين وهسه وصلوني.
يعني أنتِ هسه رجعتي؟
أي ليش غياهب أكو شي شبيچ.
تصنمت بمكاني لعد إذا مو حنين منو چان ببيتنا عفتها واگفة و گعدت على القنفة أفكر
غياهب شبيج خوفتيني.
رجعت كررت سؤالي عليها.
انتِ متأكدة ما چنتي هنا حنين خاف وحدة من سوالفج هااااي.
شبيج مووو گتلج هسه أجيت شتشوفين شكلي مال وحدة من زمان جاية.
باوعت عليها و فعلاً شكلها و ملامحها تعابيرها مو مال وحدة.
جاية من فترة بنفس الدقائق أجت رسالة على جهازي
لزمته حنين بدون ما أتشوف من منو حطته بأيدي.
من رقم جديد مو نفس رقم المجهول ذاك جان كاتب كلام خلى عقلي يوكف.
صوتج يرهم تغنين من اغاني ياس خضر.
صفنت بالرسالة معنى كلامه هوَ نفسه إلى چان داخل
بيتنا بسسس شلووون گدر يدخل ويطلع براحته
بدون ما أي أحد يلاحظه كتبتله ودمي يفوررر يفوررر.
ألبس حجاب و اگعد بصف ميمتك إذا تبقى تتخنس وخاتل بنفسك.
ما رد گعدت بمكاني و وضعي كله متخربط من ناحية التفكير
مدا أوصل النقطة توضحلي إلى دا أيصير و منو هذا؟
هل يا ترى نفسه المجهول إلى قبل يدزلي بالرسائل لو شخص ثاني؟
حنين واگفة تباوعلي و ملتزمة السكوت.
شبيج حنين خيرر
والله ما أدري المفروض اني اسئلج شبيج وليش هيج وضعج.
نهضت من مكاني حضنتها ما أريدها تتحسس من طريقة كلامي.
مابيَّ يروحي بس تعبانة، لا تضوجين من كلامي
ما أضوج منج بس من شنو تعبانة بس لا.
بس شنو؟
تذكرتي الماضي
الماضي؟ ليش منو بينا گدر ينسى كل شخص بينا عنده ندبة
بداخله من ماضيه ماكو شي بالحياة اسمه نسيان أكو شي اسمه تخطي.
حاولت أتناسى الموضوع و گعدت وياها تشوفيني شمشترية
من شغلات بس تفكيري مو وياها بالي بالدا أيصير ويايَّ
لازم أعرف كلشي منو إلى أنطاني المنشفة ومنو إلي
يدز بالرسائل و هل هم شخص واحد؟ عجزت أفسر كل هل الاشياء.
حنين: نسوي دولمة مشتهيتهاا.
غياهب: سوي أنتِ أني نظفت كل البيت حضري المواد و الفن وياج.
لعد اني همات تعبانة
چنتي تسختين تتونسين تغيرين جو وين التعب
فرة السوت تمووووت تررررا
بكيفج لعد نأجلهاباجر نسوي.
دنگت تلم بأغراضها بسرعة و تحجي.
لا لا شنووو باجر غيررر أمووووت أتنسى نساوة
عليها كفيلج الله هسه أكمل المواد ونلفهن سوووا
ههههههه محد يلحگج أم بطن اهمشي عندج بطنج
لعد شلون اختي اهمشي كرشنا ندلله والحَلو شگد مناكل ما نسمن ف مسيطرين.
يلاا يللا روحي حطي أغراضج وتعااي
خطية دلغام هم يحب الدولمة بس راح الدوامه
عود من يجي نسويله عيني لا تفكرين بدلغامج.
راحت الغرفتها و نزلت بنفس الملابس دخلت للمطبخ.
غياهب: حنووشة شبيج اكو واحد يشتغل بملابس الطلعة.
اسكتي معليج ملابسي لو ملابسج
علمودج اني أمداج خيوووس
ما ردت بقت بالملابس و تشتغل گعدت
و تفكيري
صار أحاول أوصل الشي بس عقلي عجز هل المرة و تعب و هو ما واصل الشي.
حنين.
ثرمت المواد مال الدولمة و عيوني تراقب بغياهب
الي هل فترة ملاحظتها هواية تصفن كملت گعدنا بالصالة
نلف بيها ساكتين كل ما عيني تجي عليها أشوفها صافنة.
حنين: وين صافنة
أنتبهت عليَّ بقت تشتغل وتسولف.
غياهب: بالفترة الأخيرة هواية شغلات صارت ويانا
شغلاتيش
مثلاً أصابتج
يمكن الطلقة جاية تايهة.
شبيج حنين حتى المطي ما يقتنع بكلامج هذا سيارة
جانت گدام الباب و درغام شافها شغلي عقلج شويَّ.
هذا و حتى درغام گال إلى سواها متقصد.
المفروض أنتِ تصيرين ضابط وياهم على هل العقل مو محامية
و الزم المجرم أنعنع ضلوعه تنعنع
بعدج تعرفين تستخدمين السلاح
اكيد وانتِ؟
أخاف احجي و أنسحل
مبينة ناسية
اني ما أحب هل السوالف شنو السلاح
و ما أدري شنو
شگد چانت أيام حلوة من ياخذنا بابا ويعلمنا
تموتين على الاكشن
ليش أكو لاحلى منه؟
مو جوي ولا ذوقي.
أحنا توأم بس سبحان الله بكلشي نختلف شخصيات.
أذواقنا مختلفة اني حتى افلامي ومسلسلاتي كلها كوميديا
عكسها هي تميل للاكشن، ما أحب الكتب هي تعشقهن رفعت راسي الها من گالت.
غياهب: حنين أنتِ ليش فطيرة
حنين: أحسن يعني شستفاد من أصير مسمومة و أذي الناس و حرام عليَّ أذي أحد.
لا لِچ ما أقصد هيج، بس الإنسان الطيب دائماً يتأذه و الناس البعض تستغله
شلون يعني
أكو مقولة للامام (علي عليه السلام)
الناس نوعين نوع يراك طيب ف يحبك
و نوع يراك طيب فيأكلك
شو دخت فهميني.
واضحة وضوح الشمس الطيبة مو بكلشي تفيد خليج دائماً
حذرة من ناحية كلشي مو الكل يستاهل تنطي فرصة ولا تكون
لين ويا المقابل لأن راح يستغل هذا الشي حَلو الإنسان گلبه
طيب و نقي بس يعرف شلون يستخدم هل الطيبة مو الكل يستاهل فهمتيني.
اممم أي، خلي اسئلج، شگد تحبين نفسج
سؤال جميل يا أختاه. والله عاد أحب نفسي
الدرجة ما أحب أحد بعدها ماعدا المقربين مني و الخاصين بيَّ
و الحب ما تحبين تجربينه؟
مو من ضمن مخططاتي
ليش.
عوفينااا هسه گومي نكمل يله كافي سوالف هسه
بابا يجي و جوعان تلگينه جوعان وكلشي ممسوين احنا
تمام
بدينا نحظر بالاكل و هي حسيتها طلعت
من صفناتها وبدأت تندمج بالواقع.
شيطانٌ أعرج
ذِئبٌ خَولع
بِنَسجِ النار تعَلق
وبحُب الانتقام توّلع
يمشِ بخطواتٍ ثَقيلةٌ
خطواتٍ مُربِكة اُتخِذَت بَحزِم
خَطواتُ ذئبٌ سمّام
لا اثرٌ لِخطواتِهِ ابدًا نعم انهُ شيطانٌ مُرتام.
دخلت للبيت صارلي شهرين ما واصل لهنا
أول ما دخلت
صار بوجهي مليكة تهفي بمهفتها على وجها
و تباوعلي
بزعل خلصناها انا و وياها زعل طول حياتنا ولا مرة توالمنا وتصافينا.
مليكة: وين جنت ولك
الاعرج: شغل ملوكتي.
شغليشش يمعزاي گووول أنبش وره الماضي
ليش أحد موصلج خبر ناسي شي
حچاهاا أخوك و راح ارجع احچيهاا الك هاي النار إلى رايح تشعلها
محد راح يحترگ بيها غيررك و بذيج الساعة راح تذكر چلمتي.
وگفت أعدل بهدومي أريد أطلع گالت.
ما تدخل الها
مو هسه بالوقت المناسب.
طلعت من البيت صار بوجهي أخوي الصغير.
عندي موضوع وياك
أجله مو هسه لأن عندي شغل أهم
شعندك؟
لازم نسيت اليوم اول خطوة باللعبة نطبقهاا
أنتظرك.
عفته واگف يباوعلي ما مقتنع بشي صعدت بسيارتي
طرت بيها للمكان المتوجه اله و أنا أتوعد الهم من
هل النقطة راح يبدي أنتقامي وياهم.
درغام.
خابرت امي أشوفها لأن أدري بيها يضل بالها
و صارلي
يومين ما متصل عليها الله يعلم هسه شصاير بحالها.
درغام: هااا جوهرتي
جوهرة: هلا يمة هلا يبعد عمري وينك عني صارلك يومين
ست الحبايب والله شغل ماكو مجال
انا يجي يوم و أنجلط من وراك كافي ضيم أبوك أجيت أنتَ زدت الضيم ضيمين
انتِ رقيقة يمه لازم تصيرين خشنة رجلج وابنج بالسلك العسكري فشلة تبقين هيج
وجعة أمي كون
ما گتيلي شنو الأخبار.
أخبارنا لو أخبار حنينك.
ههههههه بكيفج
كلها بخير و البنيات هم
الحمدلله سلميلي عليهن بعدين نحجي يمه
دير بالك على روحك يمه و اكل زين لا تگطع بيَّ
صار يمه صار
سديته منها و مُجاهد گاعد گبالي يشتغل مندمج بالشغل و مبين لعبانة روحه.
درغام: بشر ما لگيت شي
مُجاهد: ماكو خرب بروحه عبالك أنشگت الگاع و بلعته
رجعت ظهري على الكرسي و مبين عنده كلام اعرفنه صويحبي هذا.
شنو أبالك مجاهد
انتَ متأكد إلى صار مدروس اله و مخطط؟
شبيك ضلعي متأكد مثل ما هسه شايفك
منو هذا يجوز يطلع واحد مستهدفك لا شنو يجوز أكيد
لأن تعرف شغلنا بعد شنو وإلا شعندهم ويا بنت عمتك
ما أدري وانتَ تدري عنواين بيوتنا قلة إلى يعرفها
المجرمين كلشي يسون لا تستهين بيهم
ضربت على الميز.
-لا احساسي يگلي أكو شي ثاني.
جنت مندمج بالحجي وياه گام وگف ينعم بصوته و يتموع مثل البنات.
دخيلو لأحساسك
الله يطيح حظك
وحظك فوك طيحان الحظ إلى أحنا بي.
ما گتلي هذا الضابط الجديد شوگت يجي مو اتأخر
هسه على جية
صار عندي فضول أتعرف عليه بگد ما سمعت عنه منك و خبصتني خبص بي
ذيب وربك
، جاي تصير تغيرات بالضباط و الجنود ملاحظ هذا الشي
أي والله شنو إلى بمخك
الله كريم. جيبلي چاي وياك راسي مسطور وأخو زينب
خوية أحد گلك انا الخدامة مالت الخلفوووك
عمي ما نريد منيتك العار
طلع من يمي شويَّ ورجع بأيده چاي ضحكت ينعل والديك
گلبه شگد طيب بس للأسف هم الدنيا فارته.
و ما مرتاح بحياته
من صغره شربنا الچاي و اندگ الباب گالوا الضابط الجديد
وصل وگفنا انا ومُجاهد نستقبله و فضولي يريد
يرتوي بشوفته بگد ما أنحچالي عنه التفتت المجاهد.
درغام: بس كون يطلع مثل ما گلت وما بالغت
مُجاهد: ثق و أعتقد ما بالغت
درت وجهي من أنفتح الباب و دخل شخص صاحب شخصية
بارزة وصل يمي بدأ سلامنا و هنا خلاني ادخل بقمة الأستغراب.
درغام: أهلاً وسهلاً صار عندي فضول أتعرف عليك.
حط أيده بأيدي شاد عليها بخشونة بدأ يعرفني
عن نفسه و عن الشغلات إلى بديت أشوفها غريبة عندها ب
حياتي مامصادفني هيج شخص أول مرة أشوف هيچ شخصية.
- وياك الضابط أرسلان الملقب ب الاعرج.
رديت بأستغراب.
-الاعرج؟