رواية وتيرة الأعرج للكاتبة حوراء السعيدي الفصل الثاني والأربعون
ملاحظة: حبيباتي أتمنى تبطلون سالفة الحرگ بالاحداث للقراء
و هذا الشي جاي يأذي القراء الجدد ويشكون منكُم اضافةً انا من أول بارت بلغت غير مبرأ الذمة أي شخص يغشش بالاحداث
غرام.
رجعت للبيت و إلى صار برا بقى مترسخ بعقلي دخلت جوا أحاول أسيطر
علي نفسي و أطرد الأفكار إلى بدأت تحتل تفكيري گعدت يم البنات
يطلعن بالاغراض يشوفن مليكة إلى صارت ترزل و تگول عفتن فروخجن
يمي ورحتن تسختن، فزيت من صفنتي على صوت أنسام.
انسام: ياااا علوية مووو احاجيج.
رفعت راسي الها.
غرام: العفو ما سمعتج
منو جان بالباب.
عصرت ايديَّ ببعض احوالي بدأت تتخربط.
مليكة: يااا يمة شمالج ما تحجين.
دارت عيوني عليهن و هنَّ منتظرات جواب مني حتى ناز عافت كلشي
و وگفت تباوعلي ساكتة مسحت وجهي و اني اجاوبهن.
غرام: واحد من عمامي، عمي منصور.
بقن وحدة تباوع بوجه الثانية متفاجئات.
انسام: و شيريد هذا عمج؟
يگلي ابوج بالمستشفى مريض و يريد يشوفج.
و انتِ صدگتي؟ والله مع احترامي الج و لا تزعلين من كلامي بس الاهل إلى تبروا مني لو يموتون ما اوصل الهم بعد يا حسافة والله.
گامت مليكة گعدت بصفي احتوت ايديَّ بين ايديها بحنية.
مليكة: تريدين اتشوفين ابوج؟
غرام: ابوية؟
نزلت دموعي.
هسه عرف عنده بنيه؟ وين چان بذاك الوگت إلى ردته سند إلى و احتمي
بظهره أتعاملت معاملة الحيوانات گدامه على غلط مووووو غلطي بسببهم انهانيت و اتشردت بالشوارع و هوَ يباوع بعيونه.
حضنتني و دموعي تنزل بكسرة روحي ملچومة منهم كسرتهم صعبة
و من أهلي مو غريب هالكسرة صعبة من أهلك ما يحموك و يصيرون
هم و الدنيا عليك و الكسرة من يتبرون منك وانت بأمس الحاجة الهم نزلت
دموعي أكثر بوجع اني لو ما رب العالمين طلع بوجهي كُميل چان اليوم هايهية
حياتي مدمرة اكثر من دمارها إلى ادمرته، گعدت بالجهة الثانية انسام.
انسام: اسفة والله ما اقصد اجرحج بالكلام بس گلبي محروگ منهم على إلى سووا وياج.
مسحت دموعي بايدي.
ماحچيتي شي غلط لا تعتذرين كلامج كله صح محد يگدر ينكر الحقيقة.
نهضت من مكاني نزعت عبايتي خذيت ابني دخلت الغرفتي جسمي
مشتعلة بي نار تمددت بمكاني حطيته بصفي اباوعله فاتح عيونه و يحرك برجليه
و ايديه دخلت اصبعي بداخل ايده الصغيرة دموعي لازالت مُستمرة ماخذه مسارها.
غرام: يا حَبيب أمك، من تكبر و تعرف أمك شلون انظلمت شنو راح يكون.
شعورك من راح تسئل وين خوالي شنو راح يكون جوابي الك؟ اگلك خوالك أتبروا من أمك بذنب هيَّ ما أذنبته.
حاوطته بايديَّ أشم بريحته راسي بصف راسه.
انتَ و أبوك كلشي بحياتي ما يهمني غيركم أنتم عوض صبري و تعبي
الي تعبته انتم جزات رب العالمين إلى بكلشي عانيته من ظلم
سحبت مخدة حطيتها بالجهة الثانية عن لا يگلب لو يتحرك و اني من الجهة
الثانية نايمة غمضت عيوني هاربة من كلشي شهگت بدموعي و اني استذكر.
امي اوف يا يمة شگد روحي مشتاقتلج و محتاجة الحضنج.
أندگ الباب مسحت دموعي سريع صحت بصوت منتهي من البجي.
اتفضل.
دخلت ناز بايدها جهازي ابتسمت بوجهي.
ناز: يتصلون عليج.
حطته بايدي بقت واگفة تباوع ال سراج بعيون رايدته عرفتها تريده بس خجلانة تاخذه.
اخذي.
انرسمت ابتسامة سعادة على ملامحها هزت راسها بهدوء اخذته حاضنته
و طلعت بي باوعت للاتصال سوزان إلى متصلة عليَّ رجعت اتصل بيها بسرعة جاوبتني.
سوزان: وينج اتصل عليج ما اتردين.
غرام: ما چنت يم الجهاز.
شبيه صوتج؟
مجرد گالت هالكلمة رجعت ابچي منهارة بدموعي تخبلت تريد تفهم شبيه الى ان هدأت حچيتيلها.
عمي منصور اجه هنا
شيريد منج شكو جاي
يگلي ابوية مريض ويريد ايشوفني.
سكتت الثواني ردت.
صح غرام ابوية كلش مريض و يمكن راح اجيبه عندي لان باقي عند عمامي
و تدرين بنسوان عمامي شگد چلبات و ابو سيف گال نجيبه يمنا يبقى ابوية.
براحتج.
اني ما اگلج تعاي و لا اگلج لا تجين بالنهاية إلى سووا وياج مو سهل بس
هم بكيفج هوَ من زمان طلب مني يريد يشوفج بس اني ما گتلج لان ما ردتج تتأذين مثل هسه
الله كريم، باجر خطوبة عمر تجين؟
اذا قبل زوجي اجيج الصبح علمود اروح وياكم
هلا بيج
غرام
هاا
لا تنقهرين و تعذبين بروحج و حياتج تتخربط بعد ما بالويل يلا ترتبت
ان شاء الله.
سديته منها غمضت عيوني غفيت الوقت گعدت على صوت سراج يبجي.
كمزت من مكاني طلعت شفت مليكة تسكت بي اخذته منها.
غرام: هاا ماما ها حبيبي.
مليكة: شوفي ابنج يمة.
گعدت يمها أسكت بي ما ادري شبيه رغم هادئ بس من يبجي بعد ما يسكت
سمعت أصوات الولد رفعت راسي على اصواتهم دخلوا هم الثلاثة
مجرد شافوني بسرعة ارسلان و عمر داروا وجوهم استغربت شبيهن اتقدم
كُميل نزل المستواية خازرني همس و هوَ كاز على أسنانه.
كُميل: وين حجابج علوية؟
توسعت عيوني من اجتني لحظة أدراك اني بدون حجاب لان نزعته قبل لا انام
ركضت بابني للغرفة متفشلة سحبت حجابي باوعت النفسي شعري
و رگبتي طالعات من عشت وياهم لهذا اليوم ما اتذكر بيوم ذبيت الحجاب وشافوني
لو لبست شي يبين تفاصيل جسمي و دائماً منتبها على هالشي بس ما ادري
شبيه سراج بهذلني من سمعته يبجي، لبست حجابي وطلعت يمهم شفتهم گاعدين.
ناز گاعدة بالنص بين عمر و ارسلان يشرفوها بملابسهم المشترينها.
وجهي مبوخ من الموقف بس هم مغلسين باوعت الكُميل و علامات النرفزة
بملامحه و واضح من إلى صار رغم مو قصدي جان گاعد يم أمه أشرلي.
كُميل: جيبي سراج.
حچه هالشي بدون ما يباوعلي اتقدمت حطيته بحضنه و الشهگة بصدره
مجرد سمعها ارسلان عيونه صارت عليه بسرعة نهض من مكانه اجه عليه اخذه من ابوه يباوعله بخوف.
ارسلان: شبيه؟
غرام: ما ادري والله رجعت تعبانة من السوگ. نمت عفته مابي شي و جان يم ناز اخذته گعدت على صوت البچي مالته.
مليكة: ولكم غير بعده فرخ صغير عيل شتريدونه يطگلكم اصبع
كُميل: انطينياه ارسلان
ارسلان: مو هسه.
ضميت ضحكتي بنص تعبي و اني داشوفهم يتناكرون واحد بالثاني.
ابني باابا ابني
و اذا ابنك شسويلك يعني.
مد ايده كُميل يريد ياخذه ابتعد ارسلان عنه ضام سراج بحضنه ما يقبل ينطي.
الاحد أيس منه خاله رجع گعد يم امه و هوَ اخذه گعد يلاعب بي يبوس
بي و ما يبوسه بوسه عادية لا يشفطه شفط باوع ال ناز.
ارسلان: خاف متني ناز.
بقت تباوع بعيونها بنظرات عدم فهم الواضح ما فهمت معنى هالكامة و مثل ما اتوقعت.
نار: شنو معنى متنته يعني لاعبته تقصد؟
ضحك ارسلان على برائتها جر خدها.
لا بابا.
گالت مليكة مأكدة كلامها.
مليكة: ما ممتون شفته انا بس يجوز مغض.
ما اشوف غير سراج اتقيئ على ارسلان بسرعة كُميل و عمر صاحوا متشمتين بي لان حارمهم منه اذا موجود.
كُميل، عمر: حيلللللل.
باوعلهم بطرف عينه.
ارسلان: ماي ورد تروحوله فدوة
عمر: زين ارسلان على الاقل خلي بحضني شوية شسالفة كله عندك.
انتَ راح تتزوج عود خلف وانتَ خالي اذا ما عاجبك الوضع سوي غيره.
رد عليه عمر.
مو هوَ أشتراك و يعيد و يغير بي
مشكلتكم بعد هاي.
رحت عليه اخذه منه.
غرام: خلي اغسله و ابدله دمر ملابسك هم.
انطانياه اخذته غسلتله و بدلتله ملابسه و هم بعدهم گاعدين ارسلان
جان مغير ملابسة لابس تراك رياضي اييض و بي اسود هوَ اكثر لبسه لاحظته
بالبيت هل الألوان ابيض اسود رصاصي ذكرني بالمدارس من مايقبلون بغير هل الألوان
انسام رجعت البيتها و العشه جابوا من برا، استاذ كُميل ميحاجيني گالب خلقته عليَّ.
كملنا اكل سويتلهم چاي و سراج نام گعدت بصف مليكة صارت الگعدك
عائلية وسولف ارسلان بخصوص المهر و شگد اهلها طالبين.
ارسلان: أهلها خلوا الحاضر عشرة و الغايب خمسة و عشرين گتلهم عمي لو تخلون مليار هم قابلين.
كُميل: كلش زين اكو بعض الناس كانما اتاجر ببناتها بطلبهم المبالغ
ضخمة بس اكو ناس مو مهمة عندهم الفلوس بگد ما يدرون شخص زين.
باوعله عمر طابك حواجبه.
عمر: عشرة؟ شيكفن الها.
انطيته عشر ملايين گتله ذني للذهب و هاي السوالف مال النسوان باجر.
اخلي مليكة هم تسلمهم مبلغ زين علمود البنيه تشتري إلى تريده انا هم گلت عشرة مو مال عشرة ما يكفن للبنيه.
نهض عمر من مكانه وقفه ارسلان.
وين رايح عمر؟
أجيبلك الفلوس إلى دفعتهن.
خزره ارسلان ما قابل على تصرفه.
ارجع اگعد بمكانك و كلشي ما اريد منك فلوسك خليهن يفيدنك بعد وراك عرس وقاعة وتجهيزات
چا الفلوس الباقيات انا ادفعهن
هايهية براحتك.
رجع عمر گعد بمكانه بدوا بتناقشون على المشية مال باجر و ارسلان گال.
ارسلان: ناخذ مشية ينحجي بيها و تبيض وجوهنا گدام الوادم لان زين منهم وبالعينا بعد إلى صار.
رفع راسه ال ناز الگاعدة ساكتة و تباوع بهدوء عليهم و هم يسولفون.
ارسلان: خذيتي علاجج يا روحي.
هزت راسها ب اي، أشرلها تجي تگعد يمه راحتله يباوعلها و عيونه ما مصدگة
ناز نفسها إلى چان ميت على ما ايشوفها متشافية.
شو احچي شبعيني من صوتج المستفقدة ياروح اخوج انتِ.
ضحكت بخجل و هيَّ تفر باصابعها منزلة راسها.
ناز: اريد اگلك شي
گولي.
مسحت على وجهه و ميتة خجل ضحكت على تصرفاتها تذكرني بنفسي.
انا احبك انتَ و عمر و خالو كُميل.
بس گالت هيج ما اشوف غير هم الثلاثة حضنوها خنگوا البنيه حاضنينها و هيَّ بس صوت ضحكتها الناعم طالع.
ارسلان: دوخرروت عنها شبيكم لزگتوووا خنگتوووها.
عمر: چا انتَ هم خانگهااا ويانا و بعدين انااخوهااا و هذا خالهاا
و انا ابن البطة السوووودة يااا زماال.
لا شييك هم اخووها و غصباً علينا بس جاي اگلك هم النا حصة بيها
دوخررر لا احط رجلي بوجهك
انا سامع بالبطن مو بالوجه بس لا بيك عرج كردي خوية
لا انا ما عندي بس لازم انتَ نسيت ام امي عفاف عرجهه كردي
جدي خوش اتونس وحدة كردية و وحدة جنوبية.
جاوبه ارسلان يضحك.
مثل ما يگولون وحدة شتوية و وحدة صيفية.
دارت وجها مليكة و اشتغلتهم و اشتغلوها بالحجي.
مليكة: مناعيل الوالدين موش بايديكم.
ابتعدوا عن ناز يضحكون و هيَّ خاتلة جوا جناح ارسلان، و هنا اكتشفت
ارسلان غيور الدرجة كل ما عمر يلزم ناس يضربه يگله من اگوم انا عود الزمها دار وجهه المليكة غمزلها.
ارسلان: خيولن مليكة يگولون جنتي تحصرين بالرجال و هوَ متزوج و ما عفتي الا اتزوجج
عمت عينك كون اتا حتى من اجه مشى عليَّ ما شفته
چا شنس قبلتي بي على الريحة لو نزل ملك من السماء گالج وافقي خيولن كلاواتج مطگطگهن كلهن.
هااايه سوالفك منعول الوالدين.
عاد انا أعترف ما انكر مثلج ديلا گولي اريد رجل وفضيها لا تضلين تبيعين سوالف الثكل علينا
لو اريد اتزوج چا تزوجت بشبابي مو هسه بكيرتي يالاغم.
تردحين ردح وينج وين الكبر يابه انا الشايب حتى شيب براسي طلع.
عمر: هاي من عشت ويا غياهب طلعلك الشيب
الحجي بينا اي و شلون تدفر الله يضوگك دفراتها تخليك تمشي صفح.
يقلد عليها و الولد يضحكون دار الناز گاللها.
ارسلان: ناز باجر من تشوفين غياهب اريدج تبوسيلياها بووووسة من هاي القوية مال واحد گلبه مورم بس لا تگليلها مني.
ناز: حرام الشذب.
شني شسمه؟
الشذب
جذب مو شذب بابا
شذب اسهل.
هايهية شذب شذب بس ترا هاي شذبة بيضة.
بس تبقى شذبة
انتِ سويها و حرام الشذب برگبتي.
بقى يقنع بيها و هيَّ تضحك تگله حرام الشذب الى ان گال عمر.
عمر: اگلكم يصير اخابر نيروز هسه؟
كُميل: اگرصها باجر تصير مرتك وتاخذ راحتك وياها هسه اذا أهلها لگفوها تحجي وياك بعد لو نبوس ايديهم ما ينطوها الك.
ارسلان: مثل ما گال خالي أگرصها.
عمر: استحوا شوية بنات گاعدات لو انتم المستحى كلش منشال منكم.
رجعوا يسولفون شوية و كلها طشت الغرفها تنام لان باجر الخطوبة
دعيت ربي تمر بسلام عمر يستاهل انسان خلوق و محترم و فعلاً تعب
ارسلان ما ضاع باخوانه مرة مليكة سولفتلي تگول ارسلان التعب على اخوانه.
محد تعب عليهم بگده رباهم و تعب بيهم ماچان يخلي احد يدخل بيهم ما عدا مليكة.
دخلت انام بس گلت خلي اسبح هسه باجر وين الحگ بالهوسة اخذت ملابس
قبل لا اطلع باوعتله مكابل سراج يبوس بايده ساكت نوب ما يباوعلي
شبيه هذا رحت سبحت ورجعت شفته على نفس الگعدة مشيت وگفت گدامه مكتفة ايديَّ.
غرام: شبيك ويايَّ؟
كُميل: شبيه؟
من رجعت انتَ و الولد لحد الان ما تباوع بوجهي و لا تحجي ويايَّ غير من گتلي جيبي سراج.
نهض من مكانه وگف ينزع بقميصه.
ليش لازم الا اباوعلج
مو شغلة الا تباوعلي بس مو مثل كل مرة داحسك مو على بعضك.
ماكو شي و اذا كملتي طفي الضوء وياج اريد انام ورايَّ گعدة الصبح.
عافني وتمدد بمكانه گعدت گدام المراية امشط بشعري اباوعله يخطف
نظرات مني من يشوفني انتبهت عليه يدور عيونه مشطت شعري بدون استشوار مالي خلگ اجاني صوته.
كُميل: سوي شعرج لا تنامين و هوَ هيج تتمرضين
غرام: بكيفي.
مو اجيج؟
تعال.
عبالي بس يهدد شو هذا كمز من مكانه صار يمي وگف يباوعلي يخزر بيَّ.
شبيج غرام؟
اني لو انتَ إلى شبيك
استشوري شعرج يلا گدامي
ما اريدد
يلا غرام
گتلك ما اريد.
نهضت من مكاني امشي سحبني گعدني بمكاني سحب الاستشوار باوعلي.
اخبزج خبز اذا تعاندين
لا والله؟ مو هيَّ بكيفك تخبزني
اش و لا صوت.
سكتت هوَ يخزر بيَّ و اني اخزر بي الا شوية نصير من الروس وگف ينشف بشعري و اني گاعدة مثل العاقلة كمل باوعلي.
باجر من تروحين تبقين لابسة الحجاب لو تنزعي من توصليلهم
لا ابقى لابسته بس ليش؟
علمود اسحب شعرج الج.
كتمت ابتسامتي و هوَ يحجي و يخزر.
امم ليش تعرف بهيج شغلات
اي
منين تعرف
قبل لا ابدي بشغل المعرض مالي السيارات جنت اشتغل ويا ولد صديقي حلاق.
امم حلو
هااااا علمج ارسلان على الاممممم
ترا كلمة عادية كلنا نگولها شبيك اليوم.
عافني ورجع المكانه ينام نوب منطيني ظهره ركضت دحست روحي روحي وراه دغيته باصبعي بظهره.
كُميل: شتردين
غرام: مُمكن نتعرف
لا
اوف لعد گول شبيك
علساس يهمج
لو ما يهمني جان ما سئلت
نامي
بالاول گولي شبيك.
دار ناحيتي مد أيده گرص شفتي لزمتها متألمة.
نامي لا اموتج ترا گوا لازم اعصابي
غيررر افهم شبيك ورسول الله حيرتني
غرام
ها.
احنا هنا ما عايشين وحدنا و تدرين وياج بالبيت اثنين شباب وانتِ محجبة الي
صار اليوم أعتبره أهمال منج و انا ما احب مرتي يشوفها احد بهذا الشكل غيري.
و رسول الله ما متقصدة و نسيت لان طلعت مستعجلة من يمعت سراج يبجي
علي الجايات انتبهي
تمام، يعني هسه انتَ من هذا الشي زعلان؟
أي و ما هان عليَّ احجي وياج و أضوجج فضلت اتجاهل وجودج
لو متعارك ويايَّ و لا تتجاهلني
من أصير عصبي اخاف تطلع مني حچاية تغثج و تبقى حازة بگلبج.
نتصالح هسه؟
أفكر
لا بلة
و داعت عبدلله على گولت ارسلان الزبالة
ليش هيج تحجي على الولد يمك هسه هوَ.
مو ما اگدر اغلط عليج، اغلط عليه بعدين شعليج انتِ شر نازلة الحنية عليج
لا كُميل شوف ورسول الله صح اني اخاف منه بس أعزه و أحترمه هوَ كلش حباب ويايَّ
شحده ما يصير حباب اطيح حظه
تدري كل ما يجي أحد من اقاربكم و يذب حجي عليَّ هوَ يدافعلي.
ابتسم بوجهي.
أدري بي هوَ هم يعزج و يحترمج و عمر نفس الحالة، اليوم من رجعنا يگلولي انتَ محظوظ بالعلوية.
احم احم، شفت شگالولك محظوظ بيَّ ابو سراج حبيبي
ههههههههه الغرور أتفعل.
لا هاي مو مني هم گالوا.
خلي ننام ورانا گعدة عمر تلگينا حتى الليل ما راح ينامه
من فرحته خطية يوم الارسلان و غياهب و يرجعون
من يبيض الديج
بعد ما احجي گدامك هيج كل ما احجي عنهم گتلي من يبيض الديج
نامي نامي.
الثاني يوم گعدنا سويت الغدة على وگت ارسلان ما اتغده مشغول وگال ما يشتهي عمر تحسه متوتر رفع راسه مبتسم خجلان.
عمر: شوية متوتر
غرام: ههههههه لان بالبداية.
دخلوا انسام و جهالها دخل وراها ارسلان.
ارسلان: يلا يابه جهزوا نفسكم ما اريد نتأخر على الوادم.
بدينا نجهز نفسنا باوعت للمكياج إلى گدامي اخذتلي صفنة دخلت انسام شافتني بضياعي و حيرتي.
انسام: عرفتج راح تبقين تصفنين تعاي احطلج.
غرام: بس فدوة لا تكثرين.
گعدتني گبالها و بدأت تشتغل تحط و ما تخليني أشوف خلقتي الى ان كملتتي
باوعت النفسي خوش مرتبتلي مكياج ملامحي عيوني مسويتهم حلوات رغم
هنَّ لا صغار و لا كبار وسط لبست حجابي طلعت من الذهب مالتي لبست.
منه كم قطعة، سراج ارسلان جايبله قاط بس جبير گوا رهمته عليه كملته.
دخلت ناز بقيت صافنة عليها رغم ما مخلية مكياج بكثرنا ما تحتاج و فقط عيونها
ساجيتهن بكحل و ايلاينر طالعة تخبل بفستانها إلى عبارة عن لون اسود وذهبي أفترت حول نفسها مبتسمة.
ناز: حلوة؟
غرام: راح اطگج بعين ولج شنو هالجمال.
غطت وجها بايديها خجلانة تضحك لمحت انسام واگفة تباوعلها عيونها دمعت رحت عليها.
شبيج عمري.
انسام: تمنيت امي موجودة بهل اليوم و اتشوف ولدها شلون كبروا وصاروا عرسان
الله يرحمها.
باوعت الناز واگفة تباوع الاختها خفت خاف يصير شي بس عمر گال حتى
الماضي الدكتور حاجي بي وياها و ماعاد يشكل خطر مثل قبل عليها عيونها دمعت عافتنا و طلعت بدون ما تحجي.
يله علوية هسه يحرگونا حرگ خلي نطلع
يلا جاية لس فدوة اخذي سراج خلي اجيب شغلاتي.
خذت سراج و طلعت گدامي دخل كُميل لابس رسمي هم الولد كلهم طقموا رسمي غمزلي بتلاعب.
كُميل: شنو رأيج ما نروح و نعرس اني وياج اليوم
غرام: ابو سراج اگعد راحه خلي نطلع هسه ارسلان يحرگنا
وين عبايتج؟
هاي بايدي
يله تعاي انتِ و امي تصعدن ويايَّ و ناز ويا اخوانها انسام ويا رجلها
تمام.
طلعنا وكلهم واگفين بالصالة البنات ياخذن صور ويا اخوانهن عمر طالع.
شحلاته بالرسمي اول مرة اركز بي هيج و مليكة لابسة الهاشمي وگف بصفها ارسلان.
ارسلان: شنو هالكيك مليكة قلبي.
ضحكت رجع گاللها.
جنج اليوم ناويتها لا تفشلينا بروح ابوج.
مليكة: يدهررر دهررررك ولك.
ضحك يمسح بوجهه الفرحة مالية ملامحها طلعنا و اتفاجئنا بالناس
الي جايبينها والله جانت مشية ينضرب بيها المثل صعدونا بالسيارات
اتوجهنا البيت أهل نيروز داعية ربي تمر مرور الكلام و ما يصير شي يخرب فرحتهم.
غياهب.
رجعن البنات حنين و نيروز من الصالون درغام راح جابهن إلى گوا سحلوا
وجابوا لان زعلان منهم بعد ما عرف موضوع عمر و نيروز كبت بينهم
لان محد حچاله بس فهموا الكبار و گوا أقتنع رغم رزل نيروز هم بس كلنا
ميخالف خالي عمران گال يمون عليها اخوها، بذني الايام البنات أشترن كلشي محتاجاته.
بس اني ما طلعت مالي واهس بشي حتى الفستان حنين جابته على ذوقها
كملت لبس وتجهيز نفسي باوعت النيروز طالعة ما شاء الله و مكياجها.
مسويته وردي ملامحها وهيَّ ملامحها ناعمة صح مو فائقة الجمال بس حلوة ومتميزة بملامحها.
حنين: اگلجن شو ظهري يأذيني
غياهب: ديربالج حنين المفروض ما تتحركين هالگد انتِ حامل.
اسكتي لا تحجين هيج گدام خالتي جوهرة بعدين تحجي الدرغام و اترزل
تمددي ارتاحي بعدها الناس ما اجت.
تمددت بفستانها الفضيحة اذا يشوفها درغام يطيح حظها بس العناد وراثة بالعائلة للأسف.
حنين من تطلعين اخذي البسي بشت من يدخل عمر.
اي ادري قابل اطلع گدام الرجال بهذا الشكل عامود ورقة طلاگي توصل الابوية قبل لا توصل الي.
رتبت شعري و احجي وياها.
لعد اذا هيج تخافين شكو لابسته
ما اخلي بنفسي داده.
لا تلبسين كعب عالي
لاااا تلعبووون نفسنااا گلولي لااا تطلعين وفضوهااا
انجبي حنين انتِ هسه حامل مو مثل قبل أكو روح بداخلج لازم تنتبهين.
دگ جهازها صاحت.
هذااا درررغام ولچن اسمعن.
فتحت خط وفتحت الصوت اجه صوته.
درغام: هاا بلائي
حنين: هلا حبيبي.
ياروح حبيبج.
ضحكت نيروز بصمت عليهم ابتسمت اهز بايدي ذوله بعالم الموازي و اختي عندها عادي ماكو شي اسمه خصوصية.
متصل عليَّ اكو شي؟
اي حنيني شلبستي بله
هاا؟ فستان
ادري بي فستان بس هذا شكله شلون صاير مستور ما مستور
لااااا لاااا مااا مقبولة منك.
شكووو
شقصدك اني البس فستان فاضح قابل ما تعرفني والله مع الاسف عليك
دنجبي لِچ هوَ لان اعرفج جاي اسئلج.
خوش لعد افتح كام خلي أشوفك فستاني المستور.
ثبتت الجهاز و فتحت خلتنا فاتحين حلگنا ووگفت تستعرض بفستانها گدامه كمزنا من عاط بيها.
لِچ ياااا بلاء هااااي شلابسسسة.
حنين: فستان مستور حياتي عجبك صح؟
گتيلي مستور مو
أي أي
ماا تطلعين اذا لابسة هذا
موووو هيَّ بكيفك و العباااس اطلع بي.
عاجبج ادفنج بصف العباس يقصد بنفس المحافظة و ليس نفس المكان
أنزل الابوية و أشكيله لاتندگ بيَّ خوش
شعلية بأبوووج.
گعدت گباله عاقلة سوت روحها تنگط برائة.
حبيبي يعني هيَّ غير مناسبة و كله نسوان و اصلاً نيروز اختارته الي.
فتحت نيروز عيونها على جذبتها وشلون لافتها وذبتها براسها.
درغام: انعللل ابووو نيروز لابورر ذوقهاا.
نيروز: رحم الله والديك.
عضتلها شفة حنين علمود تسكت رجعت تكمل وياه.
حنين: هاا درغام هسه شگلت
و من يدخل هذا النسيب الجديد
استر نفسي شسالفة قابل ابقى گدام الولد هيج.
ما مرتاحلج
يابه و العباس.
ماشي بس الله يحضيني الگاج هيج و أكو أحد جوا الا ادفنج بصف العباس الحلفتي بي
صار صار بس على كيفك عيني من فدوة لهل الطول.
ههههههههه كافي روحي بدأت تجي الناس.
سدته منه نثرت شعرها بغرور تتغامز النا.
حنين: تعلمن مني شلون اتفاهم ويا زوجي اخذن دروس مني.
غياهب: اذا مو دفرة و من الشعر ما تحلى السالفة.
غمتني بايدها.
رب العالمين لو خالقج رجال
انجبي.
نزلت عيونها على فستاني سوت حركة بمعنى تريد تشگ زيجها.
اگلج انتِ ما اتوبين من لبس الاسود شنو وضعج؟ صوجي جبتلج على طلبج
أحبه
ما تملين والله اني من البس الاسود أختنگ الا ادمج وياه لون.
الناس أذواق بيبي.
صارت اصوات هوسة و السيارات رحنا احنا الثلاثة يم الشباك انباوع
الباب البيت مفتوح كله سيارات هواية بدأت تتصف وناس بكثرة حچيت بداخلي
خالي وين راح يگعد كل هالناس زلم معكلة شگدد خوالي و ابوية و ببعض.
من الاقارب بدوا يستقبلوهم ويرحبون بيهم، لا عمامي و لا خوالي حظروا مثل مناسباتنا قبل عازلين نفسهم.
ابوية وصلت وياه بقرار يگول لو نطلع من العشيرة افضل من بين هوسة الناس
كلها لمحته واگف يخابر وايده بجيب البنطلون منزل راسه يسولف بالجهاز
يحرك بقدمه ابتعدن البنات باوعتلهن بدن يجهزن نفسهن بقيت بمكاني اباوعله
السزز لابس رسمي اسود و الساعة مزينة معصم أيده، شباك غرفة نيروز كلش گبال الباب.
كمل مكالمته عدل الرباط إلى لابسة دخل اخر واحد ديمشي وگف مجرد لمحني
ابتسم رفع ايده بحركة السلام، بسرعة طفرت من مكاني مبتعدة، گلبي نبضه
صار براسي طاح حظج غياهب هسه يگول جانت تباوعلي واگفة دخيروح
من جماله هسه، بس لا والله طالع حلو اهووو دكافي كافي.
طلعنا نيروز و عجّت الأصوات بالهلاهل گعدنا نيروز بالكوشة رحت اسلم على البنات و مليكة.
سلمت على مليكة حضنتني بحنية.
غياهب: ملوكة مشتاقتلج.
مليكة: أندار فدوة لهل المبسم.
سلمت على العلوية و انسام بوست سراج كبران و صاير يخبل دارت عيوني
و ابتسامتي زادت للبنيه الواگفة بصف العلوية عيوني صارت تباوعلها بأندهاش هاي ناز؟
شنو هالتغيير شعرها قاصته غير عن قبل وحركاتها طبيعية تقريباً مو مثل قبل ضحكت و اني اسئل بالعلوية.
غياهب: ناززز.
هزت براسها فتحت ايديَّ حضنتها ما مصدگة اشوفها بهذا الشكل.
الحمدلله على سلامتج.
ابتعدت انتظرت اسمع صوتها عيوني صارت تراقبها اريد اشوف نطقها مثل قبل لو احسن.
ناز: الله يسلمج.
الفرحة أستوطنت گلبي و اني داشوف نطقها راجع احسن بوستها مرة ثانية
فرحانة بيها الكل اخذ مكانه گعدنا و اجواء الحفلة مُستمرة اخذت سراج من العلوية
يخليك جبر يزرع حبه بداخلك و العيون الله يحفظه عيون امه حتى نفس لمعة عيونها عنده.
انسام: لِچ غياهب.
التفتت عليها مبتسمة أثر فرحتي بناز.
غياهب: عيوني
نريد عرس ثاني
عرس شنو؟
غمزتلي للوتية عرفت قصدها.
تعرفين قصدي عيني الناس منتظره لليوم
خليني حابتج بيبي.
ضحكت ساكتة.
جهالج وين شنو ما جايبتهم وياج
لل جبتهم بس ويا ابوهم و خوالهم.
جرت السوالف و غرام اسولفلي عن تعلق ارسلان بسراج و حتى كُميل يتعارك
وياه لان ما شابع من ابنه تگول ارسلان من ينزل الهم الدوامه يريد سراج بس اله
دخلت خالة ام نيروز گالت راح يعقدون انطيت سراج الامه ورحت النيروز هاي وصيتها تريدني وياها.
جانت لابسة قفطان ابيض و مطرز بالذهبي طلعناها اني و امها گعدناها بالمكان
الي راح يعقدون بي فتحت القران حطت ايديها عليه و هيل بنص اصابعها
شوية ودخلوا عمر و خالي و السيد بدأ يعقد الهم وگفت على جهة أصور بيها
مثل خطوبة حنين اني صورتهم اباوعلها ترجف ضحكت رجفة توتر وفرح.
بدأ السيد يرتل بالايات المعروفة و الكلام الى ان وصل يسئل نيروز وياخذ وكالة الموافقة.
مليكة هم موجودة مجرد سمعت السيد هلهلت و نيروز بعدها ما منطية الموافقة ضحكنا ويا ضحكة السيد الهادئة.
السيد: هههههه حجية بعدنا ما ماخذين الموافقة من البنيه.
مليكة: من فرحتي سيد.
هز براسه متفهمها رجع يكرر بالسؤال النيرود انطته الموافقة و اخذ وكالة الوافقة
من عمر و عجت الاجواء بالهلاهل كملنا العقد ورجعناها المكانها بدأ يصدح
صوت الاغاني و الهلاهل راسك ينثول ثول بس الاجواء تجنن متونسين بيها.
بقوا المرجودين يتباركون النيروز وامها عيونها مدمعة لان نيروز وحيدتها
دخل عمز علمود يلبسون الحلقات ويلبسها الذهب رتبت شعرها اشوفها لازمة بطنها.
غياهب: شبيج نيروزة
نيروز: اگلج بطني صارت تخبط من التوتر بخطوبتج هم هيج صار وياج؟
بيبي اني بخطوبتي لو ينطوني الاوكي أگوم بايديَّ أختگه و أموته مشاعر كره جانت
چانت؟
خليج بروحج
اوف اگلج شلون هسه.
لا تتوترين صرتي زوجته بالشرع ر حلاله مو هاي اللحظة إلى جنتي منتظرتها.
ذكرت حنين لا ذاك المزنجر يفضحنا باوعتلها گاعدة لابسة البشت وساترة نفسها
اتنفست براحة دخل عمر ابتسمت منزل راسه مبتسم ووجه احمررر
من الخجل صاير ابتعدت عن نيروز اخذه الكاميرا وگفت بعيدة عنهم أصور بعد
ما سوولي النسوان مجال و هم بدأ باجوائهم واثنينهم راح يموتون من خجلهم.
غياهب: يمعودين اذا نبقى هيج للصبح اليوم.
نيروز.
رجفة فرح لازمتني تمنيت هل اللحظة من سنين من أول يوم دگ گلبي.
اله اتحققت أمنيتي و أحلامي صرت بأسمه، اتقدمت ناز بايدها الحلقات
مالتنا چان صندوق بداخله ورد بي الحلقات اخذنا الحلقات لبسني الحلقة وايدينا
تتراجف لبسته الحلقة بايده، اجت مليكة النا.
مليكة: شبيكم واحد شارد عن الثاني ولك عمير مرتك صارت.
مسح جبينه مبتسم همسلها.
عمر: اي مليكة لا تفضحينا گدام الناس.
اتقرب إلى مقبل جبيني بدأ يلبسني بالذهب شوية و اوگع بطولي همس قريب من أذني بنبرة صوته الهادئة.
عمر: ما مصدگ صرتيلي نيروزة.
أكتفيت بالابتسامة ما أدري شنو احجي الفهاوة أشتغلت و ماتجي الا بهيج
مواقف طخت ايده برقبتي بس متأكدة بدون قصد قشعر جسمي و شعر. غريب أحتل
گلبي لبسني الذهب و بكل لمسة منه يقشعر جسمي بيها اول مرة نكون بهذا القرب كمل رفع ايدي قبلها صاحت مليكة.
مليكة: ولك بوسها بوسها لا اتخاف من امها.
ضحك دار بعيونه يباوعلي هزيتله براسي لا ما ايسوي شي عض شفته.
سحبني بحركة سريعة ثبت وجهي بين ايديه باس خدي و ابتعد ايديه حاوطتني.
عمر: بخدج لا تموعين.
بقيت ساكتة ركز بنظراتي و كأنما فهم شنو إلى اريده ومنتظرته و صارلي
هواية منتظرة هالشي هيَّ كلمة وحدة بس منتظرتها بلهفة اريد اسمعها منه.
نيروزة
ها عمر
منتظرتها مو
حقي مو؟
طبعاً.
هز براسه و ابتعد عني أشر الانسام تجي اجته ما ادري شهمسلها
وراحت الامي، امي هزت راسها بقبول ورجعت النا تتغامز ال عمر و هيَّ تگول.
انسام: الك الساحة حبيب أختك.
غياهب: شنو؟
اخوي يريد يحجي ويا خطيبته على أنفراد.
غياهب: أخو الاعرج بعد، عرفتك راح تلعبها مثل أخوك روحوا الغرفتج نيروز تاخذون راحتكم أكثر.
قبل لا نطلع من المكان و گدام الكل لزم ايديَّ بكفوف ايديه يتأمل بملامحي.
عمر: أعتذر. أعتذر منج على كلشي بذر مني و على كل دمعة نزلت بسببي
اتمنى تسامحيني نيروزة والله لاخليج ملكة بحياتج و ما أرجع أخذلج بحياتي أعوضج عن كلشي مريتي بي.
چان يحجي هالكلمات وصوته يرجف مختنگ عيونه تنزف ندم دمعت عيوني
اسمع الضيوف يتسائلون عن سبب هالاعتذار ادخلت هنا مليكة گالتلهن صاير
سوء فهم بينهم قبل الخطوبة خلت هذا العذر علمود يسكتون، بقيت ساكتة اخذتني
غياهب الغرفتي و هوَ وگف يحجي ويا مليكة لزمت بايد غياهب أكمز.
نيروز: حبابة حبابة لا تعوفيني وحدي.
غياهب: ما راح ياكلج بس بوسك وحضنة وشمة.
ياااا ادبسززز يااا غياهب صايرة ما تستحين.
اي والله الاعرج من عشت وياه خرب اخلاقي هل المنحرف.
اندگ الباب فتحته غياهب جان عمر دخل واگف يباوع الغياهب يحارب بضحكته.
عمر: شلونج طليقة اخوي
غياهب: بنص الخير اخو طليقي.
ضحكوا اثنينهم طلعت سدت الباب عبالك سدوا الهوا عليَّ بلعت ريگ من شفته
يتقرب إلى صار گبالي و عيوني تتلفت بزوايا الغرفة خجلانة اباوعله.
عمر: شبيج؟
حكيت وره شعري بتوتر مبتسمة.
نيروز: منو اني لا ما بيَّ شي.
صار ورايَّ تسللت ايديه حاضني راسه بشعري همست بصوتي اليرجف.
عمر
ها نيروزة ها.
شبيه ياربي ليش هيج ليش من يصير الشي حقيقي و واقعي نتوتر
و اوضاعنا كلها تتخربط دارني عليه ايديَّ صارت على صدره.
عمر: هدوئي و سكوني انتِ
ايدي على گلبه احس بنضه نبضات گلبي و گلبه ما تشكل فرق بهل اللحظة نزلت دموعي.
مشتاقتلك هواي.
حضني اله بادلته الحضن و دموعي اخذه مسارها بهدوء.
مشتاق الكلشي بيج، اشتاقيت الاسمي إلى يطلع منج.
ضحكت من بين دموعي و اني اتذكر شلون انطق اسمه انطقة عُمر مو عمر
بدون واو الضم و هوَ يحب هالشي مسح دموعي بابهام اصبعه، اتقرب إلى اكثر
وجهي اشتعل نار شدني من خصري اكثر عيونه بعيوني اخذني بقبلة طويلة تعبر
عن كل مشاعره ابتعد عني مبتسم عيونه ذبلت همس و خلى گلبي تنخلقله جناحات مثل الفراشة.
أحبچ و حيل أحبچ
ابتسمت متشنجة استوعب حچاها اي والله حچاها نزلت عيوني خجلانة.
وشعور الخجل و الفرح محاوطني رفع ايده يتلمس بيها خدي.
سامحيني على كلشي لا عبالج مرتاح وروح امي تفكيري كله بيج.
حضنته ضامة وجهي بصدره.
مسامحتك على كلشي عمر
بس؟
ههههه أحبك والله
يا عشگ عمري انتِ .
أندگ الباب ابتعدت عن حضنه اهفي بوجهي المبوخ ما اگدر اخفي ضحكتي فرحانة راح فتحه جانت حنين ابتسمت بوجهه.
حنين: يريدونك.
هز براسه و طلع اجتني حنين لزمتني من وجهي وتباوعلي.
شو كلشي ماكو
شنو؟
شو لا أثر بوسة لا عضة شنو.
انچبي لِچ.
هزت بايدها عاوجه حلگها.
ديلا تعاي الناس تريد ترجع لبيوتها يريدون يسلمون عليج
اوگفي.
رحت للمراية اباوع النفسي خاف اكو شي مخربط طلعنا دخلت للنسوان
و العيون عليَّ بقن يتباركن إلى بدأت الناس تروح اجتني غرام.
غرام: ديلا و اخيراً راح تجين يمي.
ضحكت اجوا البنات كلهم وگفوا يمي و حنين بدأت تچفص ما ترتاح الا تچفص اصلاً نستغرب لو ما چفصت.
حنين: ولچن عود دخلت الها من چان المحروس يمها شو اباوعلها كلشي ماكو لا أثر لا صخام
غياهب: شريف مو بيده.
هزت راسها حنين و غمزت الغياهب.
مثل نسيبي السابق.
عوجت حلگها غياهب ما عاجبها الكلام و قلبت عيونها جرت ناز خد غياهب
وباستها بوسة قوية فطسنا ضحك غياهب بالاول جانت تضحك بس من عرفت السبب طنكرت.
ناز: ارسلان گال بوسيها إلى بوسة هالگد قوية كلش كلش
غياهب: لا الواضح اخوج شگد شريف.
صاحوا للبنات لان يريدون يروحون سلمن و الحجية مليكة اجت تسلم عليَّ
و گالت ماراح تتندمين على اختيارج ودعونا و طلعوا الناس كلها راحت بقينا
بس احنا بيت عمي سلطان و جابر دخلوا عمامي و درغام وياهم وجهه ما يگصه
السيف وگفت بمكاني بدوا يتباركولي ابوية ما حجى ويايَّ من يوم إلى اخذ
موقف مني بس بذني اليومين رجع يحجي بس بقلة حضني باس راسي.
عمران: الف مبروك بابا تتهنين ان شاء الله
نيروز: يبارك بيك بابا.
الله يهنيج يارب و يكون اختيارج صح.
بابا فدوة سامحني على إلى صار.
قسيت وياج لان مو كل الاخطاء لازم نسامح بيها بسهولة لازم الشخص يدرك خطئه.
هزيت براسي دموعي على خدي بس إلى خلاني صافنة كلام درغام.
درغام: هسه عليمن تبجين مو هذا نفسه إلى ردتي.
تحمحم عمي جابر خازره.
جابر: ما قصده شي درغام حبيبتي عمو لا تضوجين من كلامه و عمر خوش ولد الله يسعدكم.
درغام: بعدددني ضاااايج منكم فوووگاهااا بسببكم اليوم خليت ايدي بايدددد ارسلان
عمران: كافي درغام شي صار ماضي لو چنا بمكانه انسوي مثله الاهل مكانتهم غير عن الباقين.
موووووو أهله الحقيقين.
فتحت عيوني على كلامه درغام مو بهاي الانانية و القسوة كلنا التفتنا
علي صوت غياهب ونبرتها إلى جانت بيها انفعال بس تحاول تسيطر على نفسها و على غضبها.
غياهب: عيب هذا كلامك درغام ارسلان ابنهم و مو شرط الام إلى تحمل وتخلف.
الام هيَّ إلى تربي إلى تنطيك الحنية و الاهتمام انتَ ما تدري شگد هوَ تعب
بحياته علمود يربي أخوانه لووو اهلهم موجودين ما راح انشوف ارسلان بهيج
شخصية و هيج اغلاط، اني جان عندي ابوية وانتَ عندك أهلك و نيروز
عندها أهلها بس هوَ ما چان عنده أحد ليش تحجي هيج؟
طلع درغام من البيت متعصب مرات يگول حقه ياخذ ثاره بس هوَ ضايج
من ارسلان على فعلته ويا غياهب نزلت عيوني على ايد غياهب الصارت ترجف.
جابر: لا تاخذون بكلامه بس لان بعده ضايج منه فترة و الگلوب تتصافى
ان شاء الله ما ناسين فضل ارسلان من انقذ ابني و بس الناقص ينكر فضله
هذا من ضحى بحياته علمود ينقذه و ما ننسى نقذ غياهب بذاك اليوم هم
ارسلان تعب يله گدر يقنع عمران بزواج عمر ونيروز و فوگ كل هذا محد ينسى شلون أنتقم الغياهب و أخذ حگها من مجيد.
چانت غياهب منزلة راسها مجرد سمعت اخر جملة رفعت راسها طابكة.
حواجبها بعدم فهم عمي سلطان غمض عيونه اتقربت غياهب بخطوات اتجاه عمي جابر.
غياهب: العفو خالو ارسلان شدخله بموت مجيد؟ ممكن تفهمني.
عمي جابر بقى يباوع ال عمي سلطان.
جابر: سلطان أظن صار الوگت إلى تحجيلها شسوا هذا الرجال علمودها.
زفر نفس عمي سلطان بحسرة و أتقرب الها.
سلطان: تعاي بابا.
اخذها من ايدها و هيَّ ما مستوعبة و لا فاهمة إلى سمعته علامات الصدمة خلت ملامحها تجمد گعدوا و الكل گعد بمكانه بدأ يحجيلها كلشي.
انا ضميت هذا الشي عنج.
غياهب: بس انتَ گلتلي ماكو هيج شي و گلتلي إلى حجته حنين مو صحيح
سلطان: سويت كل هذا علمود ما ترجعين غياهب و نفسيتج تدمر اكثر جنتي محتاجة تبقين وحدج.
بقت صافنة بوجه ابوها ودموعها مانزلن غير اتجمعن بعيونها سئلته بصوت مختنگ.
الي أفهمه من كلامك جذبت عليَّ؟
أنجبرت أسوي هالشي و عيونج كل هذا علمودج غياهب انتِ ما جاي تشوفين
نفسج شگد تعبانة ورجعتي بدون ما معالجة نفسج.
سحبت ايدها مت ايد ابوها وگفت وايدها على نفس الرجفة مسحت وجها بايدها الثانية حررت دموعها على خدها و هيَّ تگول.
لو أبقى سنين ما راح أنسى شي كلشي بذاكرتي محفور.
غياهب
بس ما توقعت انتَ هم تجذب عليَّ.
وگف عمي سلطان و القهر بملامحه.
و غلاتج بابا علمودج ما جان إلى غير نية.
رادت توگع لزمها حاضنها وهيَّ تبچي انعصر گلبي عليها شوگت ترتاح هالبنيه
ليشش بابا ليشش تزيدون من عذاب روحي.
رجع گعد حاضنها يهدي بيها و يحجي بهدوء.
سلطان: تحبي غياهب؟
نزلت دموعها اكثر ساكتة ما انطت جواب و لا أشارة حتى.
جاوبيني بابا نظر عيني لا توجعين بگلبي بدموعج والله هديتي حيلي انتِ بعذابج.
رفعت عيونها تباوع بعيون ابوها.
حتى لو أحبه ما راح اگدر أرجعله مدا اگدر أنسى شي هوَ أذاني.
الي تريدي يصير هايهية.
أشرت ال عمتي وجدان علمود يروحون أعترض ابوية ما قبل يطلعون
لان دنيا مغرب هم طلع هوَ و رماد جابوا اكل من برا و غياهب على نفس الوضع
بحضن ابوها ساكتة و هادئة دخلت بدلت قفطان خطوبتي و طلعت حنين ساكتة ماحجت و لا حرف بس تنافخ بعصبية.
نيروز: حنين خابري درغام خلي يجي
حنين: لاااا يجي افضل كلشي صار بسببه
شنو هالحجي
ليش مو هوَ عكر كل الاجواء الجانت مثلاً ما يگدر يسكت اشو كلهم جانوا.
حاقدين على ارسلان لِچ هوَ ابوية و بدأ يتقبل ارسلان بعد ما جان ما طايقة
حنين درغام هم ما نگدر نلومه لا تنسين ارسلان هدد غياهب بيكم انتِ وياه و هسه موضوع عمر مو بسهولة يتقبل الوضع.
بس خلي ارجع للبيت.
لا تتخبلين حنين عوفي هوَ مت يهدأ يعرف غلطه.
رجعوا ابوية ورماد جايبين الاكل جهزناه ونقلناه گعدنا كلنا غياهب عمي يسويلها
لفات ويوكل بيها بس هيَّ تاكل وتصفن كأنما الموضوع أثر بيها اكلت قليل.
ورفضت تاكل بعد و الكل مزاجه مو شي بعد إلى صار حتى رماد التافه ساكت
و اتوقع ضايج على غياهب لان يموت عليها ك أخت اله.
رادت تگوم حنين وره غياهب إلى راحت للحمام أشرتلها تبقى رحت وراها وگفت
يم الباب اسمع الصوت أنين بكائها و شهگاتها لاهيَّ إلى راحمه نفسها ر لا هيَّ إلى راحمته دگيت الباب عليها.
نيروز: غياهب حبيبتي.
أختفى صوتها سمعت صوت المي انفتح الدقائق أنسد طلعت و عيونه مچبودة.
حمر خشمها احمر من البجي حچت بصوت منتهي.
غياهب: چنت أغسل
بقى بالنا لان اتأخرتي.
رجعت للصالة و مشكلتها دتموتنا بكتمانها مدا اتحس على نفسها دا اتدمر
بنفسها مرت ساعتين و الكل راح وصيت حنين الف وصية ما تتعارك ويا درغام
لان جانت ناويتها عليه الكل راح بدينا اني و امي ننظف البيت وهوسته سحلت رماد ويانا.
حنين.
رجعنا للبيت اول ما دخلت عيوني تدور عليه بس اريد أشوفه دخلت للغرفة.
مدخنة من الجكاير باوعت بعيوني للنفاضة تارسها كطوف جكاير فتحت الشباك
الريحة تخنگ، فتحت الكنتور سحبت ملابس بس مو نفس فستان الخطوبة
لا غيره هناك بييت خالي غيرته اخذت اتراك بيتي وطلعت للحمام اعصابي تعبت من تصرفاته ما يفيد الشرح وياه.
سبحت ورجعت شفته معدل مكان الهوسة و مشغل البنكة باب الغرفة مفتوح
احسن من قبل شوية بس شافني طفاها لان سابحة وگفت انشف بشعري.
ومشطته كملت لفيت نفسي بالغطى ونمت بدون ما احجي وياه الدقائق مرت اجاني صوته.
درغام: شكو گالبة خلقتج؟
مارديت عليه رجع يكرر سؤاله ما حصل الجواب سحب الغطى مني بخباثة صحت بي.
حنين: شبيككك
اذا گاعدة ليش مااا تجاوبين
من ترجع العقلك أجاوبك
حنينننن؟
عجبك إلى سويته اليوم؟
ما متقصد بس من حرگة گلبي حجيت هيج
بسببك هسه غياهب تعبانة و عرفت ارسلان وره حرگ مجيد و وضعها.
كله تخربط كسررررة فرحة نيروز بكلامج شبيك درغام ما أعرفك بهل الانانية؟
بلع ريگ بندم و هوَ يباوع بعيوني نهض من مكانه وطلع ما ادري وين راح
رجعت نمت وراسي موتني درغام أدري بي يحب البنات ويموت عليهن مثل اخواته
بس كلامه اليوم قلب كلشي خصوصاً من گال على ارسلان مو اهله الحقيقين أحمد ربي ما چان ارسلان موجود وسامع هالشي.
غياهب.
رجعنا للبيت كبل الغرفتي صعدت بقيت گاعدة وحدي أفتر بالغرفة لشوگت.
راح أبقى هيج عندي عتب هواية اله بقيت الوگت واگفة گبال الشباك
اباوع البيته إلى گدام بيتنا طبكت حواجبي من شفت سيارة درغام إلى صفت گبال باب بيتنا.
نزل منها اليوم حيل ضوجني من گال على ارسلان مو أهله والله الحچاية تأذي
وتحز بالخاطر من يمي اتأذيت شحال لو هوَ سامعها الدقائق أندگ الباب مال غرفتي دخلت خالتي.
وجدان: درغام يزيدج جوا ماما
غياهب: شيريد؟
ما ادري خالاتي طلب يشوفج گاعدين جوا هوَ و أبوج
جاية وراج.
نزلت گدامي رفعت شعري غيرت ملابسي نزلت جوا شفتهم گاعدين وگفوا هوَ و ابوية التفت إلى درغام.
درغام: راح أخذها عمي لا يضل بالك
سلطان: لا تتأخرون غياهب تعبانة
ان شاء الله.
طلعت وياه بدون ما اسئلة وين رايحين صعدت وياه بالسيارة ساكتة طلعنا من منطقتنا
و الهدوء محتل السيارة هوَ ساكت و اني نفس الحالة الى ان كسر حاجز الصمت بكلامه.
درغام: الكلام طلع مني بساعة عصبية ببيت عمي عمران.
غياهب: شي أنتهى بس اتمنى ما تذكر هالشي گدامه بيوم.
هز براسه ساكت و مبين متندم على كلامه بس هذا احنا البشر من نتعصب بعض
الاحيان يطلع منه الكلام الجارح بدون وعي و بعدها من يهدأ يتندم و ضميره
يعذبة درت بعيوني للشارع ركزت بي هذا الشارع مو غريب عليَّ هذا شارع بيت أهل ارسلان؟
بس ليش دنمشي بي التفتت اله.
درغام هذا الطريق و الشارع يروح على بيت ارسلان
أدري
لعد شعندنا جايين عليه؟
نوصل و تفهمين كلشي.
سكتت و تفكيري انشغل ليش جايين بهذا الطريق معقولة رايحين البيته؟ بس شنسوي الدقائق صفت السيارة رفعت عيوني اتجحظت و اني اشوف نفسي وگفنا گبال بيته.
شنسوي هنا؟
اليوم لازم يخلص كلشي.
شدتسوي انتَ ابوية يعرف؟
اي ايدري أنزلي يلا بعد اخوج.
نزلت و مفاهمة سبب وجودنا هنا اليوم شديسوي درغام؟ وگفنا گدام الباب
سحب نفس درغام ودگ الجرس مال البيت باوعت بعيوني سياراتهم موجودة معناها.
الكل موجود انفتح الباب و إلى فتحه چان ارسلان تغيرت ملامحه مجرد شافنا
گدامه توزعت نظراته بيني و بين درغام تحولت و أستبدلت نظراته النظرات أستغراب.
ارسلان: أنتم؟