رواية وتيرة الأعرج للكاتبة حوراء السعيدي الفصل الثالث والأربعون

رواية وتيرة الأعرج للكاتبة حوراء السعيدي الفصل الثالث والأربعون

غرام.
رجعنا من الخطوبة و الكل فرحان خصوصًا الكل هالمرة يضحك بفرح
من گلبه بالي يم سوزان هيَّ گالت تجي اذا زوجها قبل بس ما أجت
گلت نوصل للبيت و أخابرها أشوفها، وصلنا دخلنا و مليكة ما تركت عمر كل شوية بايسته.
ارسلان: چا أنسام ليش ما أجت هنا ويانا.
كُميل: رجلها خذاها يگول باجر عندهم طلعة.
هز براسه دارت عيونه على عمر الواگف يسولف ويا ناز راحله ارسلان
يمشي مبتسم بدون أي كلام حضنه حچى بنيرة مليانة سعادة.

ارسلان: اليوم ضميري أرتاح من جمعتك ويا الانسانة إلى بسببي نحرمت منها وانتَ رايدها و تحبها.
عمر: أخوي ما قصرت.
اجت ناز يم مليكة ورجعت رادت تروح الهم لزمتها مليكة من أيدها مانعتها
دارت ناز طابكة حواجبها بأستغراب من تصرفها حتى اني و كُميل بقينا
نصفن بوجه الثاني من تصرف مليكة الى ان حچت وملامحها جَدية.
مليكة: ارسلان عمر تعالوا اگعدوا.
دار وجهه ارسلان مبتسم ماچان منتبه للي صار صارت عيونه على ايد مليكة.

شلون لازمة اخته خفت ابتسامته بس التزم الصمت گعد الكل و سراج
بحضن أبوه اباوعلهم و ايدي على گلبي شكو و ليش هيج أتصرفت.
ارسلان: خير مليكة أكو مشكلة؟ أهل البنيه يريدون شي؟
لا يمة انا عندي كلام وياك انتَ.
اتفضلي.
ما أريدنك تضوج من حچاياتي عبن انا ما اريد الغلط و لا أرضى بي
حشاج من الغلط.

من عافوكم أهلكم لليوم عيوني ما تغمض اذا واحد ينوجع أعزنكم بمعزة أمكم الله يرحمها وانتَ يا ارسلان بعمري ما فكرت انتَ ابن غير ناس.
مجرد حچت هيج تغيرت ملامحه بلع ريگ بجمود ساكت بس هز راسه بقبول الكلامها.
مليكة: تعبت على أخوانك من صغرك اي والله يا يمة محد تعب عليهم
غيرك تنازلت عن كلشي علمودهم تشتغل و تدرس درت بالك خذيت مكان الابو و الام وانتَ بعمر صغير.
نزلت دموعها و هيَّ تحچي رجعت تكمل بكلامها.

تعبتك الدنيا يا يمة وبقيت صابر لليوم أمنت انسام يم رجلها و هسه عمر
وناز إلى فنيت عمرك تتعب الها بس تريدها تتشافى ما فكرت بروحك بكثر ما فكرت بيهم.
رفع ايديه يمسح بوجهه.
ارسلان: مليكة هسه شنو مناسبة هذا الحجي؟
سكتت الثواني تباوعله وما هاين عليها تحجي بس مجبورة.
مليكة: ناز ما يصير بعد تخليها تتگرب يمك.
كلنا بقينا صافنين بكلامها خصوصاً ارسلان طول بصفنته و هوَ يباوعلها الى ان گال.

ارسلان: لأن مو أخوها من أمها و أبوها؟ محرمة عليَّ هذا قصدج مو.
ذبت حسرة مليكة و هزت براسها.
اي يمة و هذا شرع الله و ما نخلف بي.
رجع يجاوبها بصوت يرجف والله رجفته گطعت گلوبنه.
بس شلون مليكة و انا من احضنها أشوف دفو حضن امي عفاف بيها هيَّ تشبها بكلشي كلشي بيها يذكرني ب أمي.
حچى كُميل و اكيد الكلام ماجان سهل على احد بيهم.
كُميل: ارسلان احنا ندري بيك متعلق بيها و هذا السبب، وتنظرلها بنظرة.

اخوية بس يبقى شرع الله هذا و ناز بالغة مو صغيرة قبل جانت مريضة
اما هسه الوضع اختلف بابا و حرام تبقى علاقتكم هيج ما مانعينها
منك محد يگدر يمنعها منك لو يبعدها عنك بس التلامس بينكم حرام.
بقى يباوع ال ناز و عيونه نابع منهن القهر بس مثل ما گالوا هذا شرع رب العالمين
و غلط نتغاضى عنه وگف نزع سترته ورباطه شمرهن وراح گعد يم ناز بدون ما يطخها.

ارسلان: تبقين اختي و بنيتي وروحي من الدنيا مستحيل بيوم أسمح البشر يبعدني عنج ناز لو أدري أخسر عمري علمودج.
نزلت دموع ناز غمض عيونه رجع باوع المليگة وروحه محترگة.
ارسلان: مليكة بروح ابوج أمسحي دموعها حتى هالشي نحرمت منه.
أنقهرت عليه و صوته كله تغير مختنگ مسحت مليكة دموعها و نار عبالك
اسم الله رايحلها ميت انفجرت بالبجي بسبب تعلقها بارسلان اتقدم عمر گعد بصفهم.

عمر: صلوا على محمد و آل محمد، حبيبتي ناز ارسلان باقي يمج وين يروح.
ردت و هيَّ تشهگ بدموعها.
ناز: بعد ما أحضنه.
عض أصبعه ارسلان تحسه گوا لازم نفسه ما يلزمها حچى بهدوء وياها.
ارسلان: انتِ بنيه شاطرة ما تحبين رب العالمين يغضب منج مو؟
هزت براسها اي.
هايهية بابا انا يمج والله يمج بس بعد ما ايصير تلزميني لان حرام.
بقوا يحجون وياها هوَ و عمر و يحاولون يوصلولها الفكرة عن الموضوع.

الى ان تقريبًا الموضوع دخل بعقلها و گدروت بقنعوها رجعوا بأماكنهم و القهر بوجوهم.
عمر: ناز تعاي اغسلج حبيبتي.
گامت وياه اخذها غسل وجهه ورجعوا گعدوا گعدها بصفه حاضنها
يمسد على شعرها بهدوء و هيَّ كل دقائق رافعة راسها تباوع الارسلان و هوَ من أيشوفها تباوعله يبتسم الها يطمن بيها.
ارسلان: عمر احچي ويا خطيبتك حددوا موعد زواجكم لان انا بعد فترة عندي مهمة و لازم أطلع و ما أدري شگد أطول بيها.
عمر: ان شاء الله.

من تتفقون انطيني خبر علمود نروح الاهلها خاف يصير أعتراض
و من الأصول نحجي وياهم بس انتَ شوف البنيه شگد محتاجة وقت تجهز نفسها.
هايهية خوية.
كُميل: عمر.
التفت اله.
عمر: هاا خالي.
لا تكثر روحاتك البيت نيروز
ما اكثرها بس ليش؟
اليوم بالخطوبة لاحظت درغام متحمل الوضع على أعصابه
اي شفته و حتى سلامه ويايَّ ببرود
هوَ لان شفته سلامه وياكم انتَ و ارسلان مو مثل سلامه ويايَّ لهيج جاي اگلك لا تكثر روحاتك.

ارسلان: خالي هوَ حاقد عليَّ لان كلشي بسببي ما ادري شنو اسوي وياه
عوفه ارسلان هوَ بعدين يتقبل كلشي.
اخذت ابني الحضني و هم يسولفون عن موضوع درغام همست السراج واني ابوسه.
غرام: فدوة للكاشخ.
اخذته وطلعت من يمهم اخابر سوزان اتصلت عليهم كم مرة يلا جاوبت.
سوزان: هلا غرام
غرام: هلا بيج شو ما اجيتي
والله خية سيف صبح الصبح مريض و ابوية هم جبناه النا
ها تمام اخذي راحتج
حچيتي الزوجج عن ابوية؟
لا بعدني
براحتج.

سديته منها و أحاول ما أفكر بالموضوع مرات الظلم شگد يخلي القلب
يقسى غيرت ملابس سراج و ملابسي مسحت المكياج رضعت ابني ونام اسمع
اصواتهم برا يسولفون رجعت يمهم طلعت اباوعلهم على نفس گعدتهم
بس سكرانين بالضحك گعدت بصف ناز إلى هم تضحك.
عمر: أهووووو دكااافي يلا عاااد مووو لازمهاا عليَّ.
ارسلان: كم لك وسخ
تررررا جنت صغيررر شبيكم.
غرام: شبيكم؟
رد عمر بسرعة.
عمر: هيج هيج علوية.
كُميل: لا ليش خليها تعرف حقيقتك.

ههههههه حقيقة شنو؟
رد ارسلان و حتى وجهه صاير احمر من الضحك على أثره صار يكح.
ارسلان: أسولفلج شوية عن طفولة عمر.
تحمست من گال هيج.
اييي ايي احچوولي حبابين.
عمر غطى وجهه يضحك بدأ ارسلان يسولف.
شوفي علوية هذا عمر إلى گدامج هسه إلى يلمع لمع بنظافته من چان
صغير فددددد وسخ ما يسبح بالاسبوع غير مرة و ينگتل يله يسبح.
ههههههه والله؟
اي والله ف اسمعي مرة مليكة گتلته گتله يلا سبح و صار نظيف چان مخلي.

عينه على بنت جيرانه هناك بالعمارة قبل لا نجي لبغداد خوب انا شگد ساقط و هتلي بس ما سويت سوايته.
عود هوَ كشخ اقوى كشخة هاي من سبح ولبس تراك ابيض وبي جوزي
طلع برا عود يلعب وياها چنا انا و خالي گاعدين نباوعله
راحلها
يمشي نافش ريشاته بعد صار نظيف شيخلصنا وگف يمها ما ادري
شيحجي چانت وراه چيحة مال ماي وطين گضي يالبنيه و اصرخي بوجهه.
ادفعي من دفعته طب طاحلج بالچيحة مال الماي و الطين التراك بعد ما.

شفتي لونه الصدگي بس ماي وطين من راسه الرجليه.
حطيت
ايدي على حلگي اضحك و ارسلان مندمج صاح كُميل.
كُميل: لا ولك ارسلان سولفلها من چان مراهق و وحدة شافته تگله شواربك لزگ.
عمر: طلعتوا كل خياساتي هسه العلوية عبالها انا ابو بنات تررا جنت
صغير شبيكم ما تضمون سالفة الله لايورط عبد ويخلي بلسانكم لو سره يمكم.
كمزت ناز من مكانها.
ناز: سوووولفولنااا مال الشارب بدون شذذذب.

ارسلان: تدلل أميرة أخوها اليوم أسوي عمر محتوى الج بس اشوف ضحكتج.
صفگ بأيده.
أسمعوا هالسالفة عمر چان مراهق و هستوهن خاطات شواربه رحنا المحل تشتري غراض و اكو مرة چبيرة واگفة هيَّ يعني الحچي بينا هاي المرة يمكن لابكة الله يشافيها.
ناز: شنو لابكة؟
ارسلان: بيها خويط زايد.
ضلت تباوعله ما فاهمته مرات حتى اني من يحجون مو كلش افهم المفرداتهم لان يحجون جنوبي رجع يكمل.

عمر راح يحيب چيس تايت گومي أسحبي من عنده رجع عمر سحبه منها
و يگلها انا خذيته گبلج و هيَّ تگله جذاب وضلّوا يتعاركون گوم عمير هنا
طگت روحه منها گللها شبيج ما تستحين رجليج بالگبر وتجذبين چان تگله هنا دمشييي لك شواربك لزگ المراهق.
صرت اهفي على وجهي ارسلان ظهرت احد شخصياته الفرفوشة يمكن
ما جبتها ضبط بس جانت طريقته بالكلام مضحكة اول مرة اشوفهم.

منجمعين و واحد يطلع بسوالف الثاني عمر مستحي بس يضحك اندگ الباب طلع ارسلان ايشوفه.
كُميل: عمير صارح نيروز بطفولتك اذا تجي هنا و ما تدري تنفضح گدامها و تتفشل
عمر: اذا تسكتون أنتم هيَّ منين راح تدري بس صموووا حلوووگم
غرام: يلا خوية هيَّ طفولة قابل هسه.
التفتت ال كُميل مضيقه عيوني.
وانتَ؟
كُميل: انا شريف كلهن چانن صديقاتي و اخواتي اي والله و الشاهد الله و الزهرة ام الحسن صدددديقات وبسسس.

وانتَ ليش تصادق مو حرام هاي العلاقات؟
چنت مراهق طايش
و هسه؟
هسه من أمشي بالشارع و اشوف وحدة اگول اللهم أجعلهاا في عيني هايشة.
ضحكنا اني ادري بي قبل چانت عنده علاقات بس مو ارتباط صداقات
هوَ بنفسه مرات يسولفلي بس تبقى علامات محرمة ماكو صداقة بين البنية و الولد.
عمر: شو ارسلان اتأخر؟
كُميل: طالع أشوفه.
نهض من مكانه يريد يطلع دخل ارسلان بس شكله متغير مسح جبينه و گال: ارسلان: خالي و عمر تعالوا
عمر: شصاير؟

درغام و غياهب هنا.
كلنا و گفنا من گال هيج حتى مليكة الجانت مكتفية بالسكوت و وبس تضحك وگفت هم من سمعت كلامه.
مليكة: خير ان شاء الله.
طلعوا الولد وياه يشوفونهم بقينا احنا گاعدين نتتظر يا ترى شصاير و ليش جايبن غياهب و ابن خالها.
غياهب.
رد عليه درغام بينما هوَ صافن بوجودنا گدام باب بيته.
درغام: اي أحنا ماكو أتفضلوا؟
ارسلان: حياكم الله أتفضلوا.

دخل درغام گدامي بقيت واگفة بمكاني احنا ليش أجينا هنا شنو إلى يريده
و ينتهي كلشي دار وجهه درغام بعدني بمكاني.
أدخلي غياهب.
غياهب: مد افهم احنا ليش أجينا هنا؟
نتفاهم و نحط نقاط على الحروف.
دخلت وراهم أمشي بخطوات بطيئة عيوني تتفحص الحديقة مثل ما هيَّ
ما متغير بيها شي شگد عندي ذكريات بهذا البيت اخ يا هذا المكان شثكل
ذكرياته على گلبي فتح الباب لمكان الضيوف دخلنا بيها و هوَ گال.

ارسلان: من رخصتكم اخذوا راحتكم هسه أجي ما اتأخر.
طلع ودرغام دارت عيونه ناحيتي.
درغام: غياهب
غياهب: ها درغام.
مثل ما گتلج برا اليوم خلي ينتهي كلشي اما كل شخص بيكم بطريق وينتهي كلشي اما القرار الج.
بس احنا كلمن راح بطريق من زمان.
ما أتوقع
ليش تغير رأيك؟
هذا بحث اخر هسه الأهم موضوعكم
و أحنا أنتهينا أشوف جيتنا مالها داعي
شنتهيتوا أبوية؟ و هوَ يركض وراج بدون ما تدرين
ما فهمت؟

أرسلان يراقب بيج بدون ما تدرين، عاتبي، صرخي احجي إلى تريدينه بس
لا تبقين بهذا الوضع كافي غياهب كافي نفسج الها حق عليج ولچ جاي تموتين
يوم بعد يوم على البطيئ وانتِ ماتدرين بروحج وين تريدين توصلين.
سكت من دخلوا الخال و ارسلان و عمر سلموا وگف درغام احتراماً الهم
و لا چنا نفسه إلى گلب الجو بييت خالي عمران يمكن أدرك غلطه.
درغام: ارسلان.
ارسلان: أتفضل.
أكو حديث لازم يدور بينكم.
التفت إلى درغام مستدار.

تگدرون تحچون وحدكم أفضل.
طلع أرسلان گدامي بدون ما يحجي شي بقيت ساكتة مختنگة من هل المواجهة.
كُميل: روحي خالي.
هزيت راسي بقبول نزلت عيوني طلعت وراه سدوا هم الباب وگفت أدور عليه
بعيوني شفته واگف بجهة راحتله رجليَّ تمشي صرت قريبة عليه رفع راسه.
ارسلان: تحبين ندخل جوا لو نحچي هنا؟
باوعت للمكان مو مناسب احچي هنا عتابي طويل وياه حيلللل طوويل بلعت ريگ.
غياهب: جوا
تعاي.

مشى گدامي للداخل مسحت على وجهي متوترة، گلبي دگاته تتسارع
و اني امشي وراه دخلنا چانن البنات و مليكة گاعدات سلمت عليهن
مد ايده يفتح باب الصالة بس أستوقفه صوتي.
غياهب: مو هنا.
ارسلان: چا وين تريدين غياهب؟
غمضت عيوني بوجع گلبي رجعت فتحتهن بهدوء.
بالغرفة إلى چنت عايشة بيها.
تحولت انظارهم بأستغراب ناحيتي عفتهم واگفين مستغربين و هوَ وياهم
مشيت للغرفة وصلت يم الباب مديت ايدي الصارت ترجف لزمت اريد افتحه.

و گلبي يريد يطلع من مكانه، فتحته هالغرفة چانت تشهد على كلشي
عشناه و احنا نحط راسنا على المخدة دخلتلها و كل ذرة بجسمي ترجف
و اني أستعيد ذكرياتها، أباوعلها بعيوني الصارت تتفحصها.
ما متغير شي بيها كلشي نفسه كلشي بمكانه أنسد الباب عرفته دخل
سحبت نفس و اني أردد بداخلي قوي نفسج و واجهي كافي تتهربين منه درت بجسمي عليه.
غياهب: ما متغير شي بيها غريب؟
مشى بهدوء گعد على الكرسي الموجود.

ارسلان: أول فترة ما گدرت أدخل الها
ليش؟
أشوفج بكل زاوية بيها
قصدك أتشوف عذابك إلى عذبتنياه؟
غياهب انا.
رفعت اصبعي بوجهه مقاطعة كلامه.
اش ارسلان اليوم الكلام إلى اني.
اذا هذا الشي ينهي عذاب گلبج الوقت كله الج.
عذابي؟ اني من زمان متعذبة و من دخلت الحياتي زاد عذابي انتَ فعلاً چنت جحيم الي.
گعدت گباله مبتسمة بقهر من كلشي عشته وداعيشه رفعت عيوني اله.
نبلش ارسلان فاروق؟
احچي.

مثلاً نبلش بقد قصة أليمة عاشها البعض و چان ضحاياها اكثر من شخص مثلاً طفولتي، أسمعني.
سحبت نفس أذه روحي.
غياهب: يگولون هاي بيوم من الايام أكو شخص حب وحدة و هيَّ حبته
حب نظيف بس للأسف حبيبته چانت متعذبة من أبوها، أبوها إلى حاربته
و گدرت تفوز عليه بس الثمن چان الضرب و الأهاين و المسبة وصلت وياه يشگ
كتبها كتب دراستها علمود ما تدرس حاربها حتى بهذا الشي، عندها.

اخوان بس محد چان مهتم الأمرها غير أثنين جابر، عمران
الي وگفولها بكلشي و يگلك بعد عندها أخت وحدة أعتبرتها مو بس أخت
لا لا صديقة هم مثلها مثل أي وحدة عندها اخت وتعتبرها كلشي.
ارسلان: اباوعلها تحچي و صوتها يرجف تحچي بأنكسار ايدها ترجف حاضنتها تسيطر عليها.
أي أستاذ ارسلان لا تصفن بشي أريدك تركز ويايَّ بكل حرف. حبها ابن عمها
و حبته و ابن عمها چان ينتظرها تكمل دراستها و چان ويا أخوانها واگفلها بكلشي.

يحبها يموت بالتراب إلى تمشي عليه و اصل لهل مرحلة بعمق حبه و أختها تدري بكلشي
الاخت چانت محصلة رضا الاب و الحب و المفضلة عنده بينما الثانية ما حصلت شي منه غير العذاب.
الا بيوم من الايام هالاخت صدمتها و ما چانت صدمة عادية لا من أكبر
الصدمات إلى الانسان ينصدم بيها بحياته انتَ متخيل اختها طلعت
تحب نفس الرجال إلى يحبها وتحبه؟ و تعال هنا يابه انتَ إلى تحبها أضربها.

بصدمة أقوى و أتزوج اختها بدون ما ينطي أي مبرر الها و هيَّ چانت مأمنة بي
ارسلان تخيل الموقف غدرك يجي من القريب مو من الغريب
ماكفاهم كل هذا خلف منها بنات توأم وياريتها ما خلفتهن و لا اجن الهل الدنيا
و لا شافنها لو ميتات ببطنها و لا شافوا الدنيا و قساوتها الام صارت
مريضة نفسياً بسبب حبها لهذا الشخص إلى ما گدر يحبها بيوم إلى بقى.

سنين حبه القديم بداخله ما ناسي و چان صريح وياها وگاللها ما أنساها للموت، كبروا التوأم بس للأسف كانوا ضحية بينهم.
ارسلان: رفعت ايدها تمسح بدموعها تهز براسها اريد اروحلها بس أدري راح تمنعني من هالشي رجعت تحچي.
غياهب: داحجيلك نقطة نقطة و اوضحلك سبب دمارنا، الام مريضة نفسياً
گالتلك اني شلون أنتقم من الاب؟ و هنا هوَ ما عنده غير التوأم صارت تأذيهن
تذب حرگة گلبها بيهن بدون ما يدري و من يسئل الاب تنطي أعذار.

يعني مثلاً عندك هاي إلى اسمها غياهب تعاندها و كرهتها من الصغر
طفلة تكره امها من الطفولة ليا مرحلة وصلوا؟ صارت تعذب بيها اكثر من أختها الثانية.
ما أتحملت رحت عليها بدون ما ألزمها.
ارسلان: غياهب.
حچيت من بين دموعها تشهگ.
بعدني ما مكملة فرصتك تسمع كلشي بس اليوم وتعرف شنو عشت شنو السبب إلى وصلني لهل مرحلة.
خايف عليج.
رفعت عيونها دموعها بعدهن ينزلن.
تخاف تجيني النوبة؟
اممم
ما تجي
بس انتِ من تنقهرين تجيج.

ما تجي هسه لان كل يوم اتذكر كلشي ما تجيني
زين غياهب اهدأي و بعدين كملي.
شبيك ارسلان؟ مابيَّ شي اصلاً اني أشكرك على شي واحد من دخلت
حياتي لليوم صرت أعرف ابچي قبل وين چنت و هسه وين امنيتي جانت تنزل دموعي و ارتاح.
دموعها تنزل و تحجي طبيعي وياك.
كافي يحيلي محد يسوا تنزلين دموعج عليه.
ليش منو گال اني أنزل دموعي على أحد اني ابچي على نفسي إلى ما ارتاحت بيوم.
غياهب: ارجع اگعد بمكانك اريد أكمل.

رجفت شفتي مسحت دموعي و هوَ يگول.
خليني يمج هنا.
خوش أبقى بس لا تلزمني
ما ألزمج أرتاحي
أي شوف ارسلان هاي من چان ابوية يروح للدوام تبقى تصيح علينا شوف اني صح طفلة بس اتذكر والله ما اجذب عليك
أدري بيج ما تچذبيم مصدگج
أي چانت تريد تضرب حنين بس اني ابقى اصيح ما احبها من تضرب اختي
خليها تضربني عادي بس حنين لا، اني وياها نفس العمر بس احسها
بنتي هاي مو بس اختي ماعندي غيرها أموت اذا تتأذه فاهمني مو؟

فاهمج و الدليل قبلتي تتزوجيني.
رفعت ردن ملابسي طلعت الاثار إلى بايدي.
شوف ذني كلهن لان چنت أعاندها بس چانت تخفيهن و ما تخليني
احجي تبقى تحجي كلام يخوفني تگول أذي حنين اني لان اخاف أسكت اني ما أحبها اكرها ارسلان أكرها.
رفعت ايدي أشرت على رگبتي هم بيها أثر.
حتى هنا هيَّ السبب و من هذا الحادث اني تغيرت، عشنا يم بيت جدي
بدون ام من يروح باباً الدوامه نسوان عمامي يبقن يصيحن علينا حتى ما.

يهتمن النظافتنا و ما يمشطن شعرنا مثل بناتهن و من نسبح اني و اختي
واحنا صغار نسبح نفسنا نطلع عيونه تدرر على واحد يگللنا تعالن امشطجن
ما نلاگي أحد اني كل هذا ما ناسيته محد رحمنا و احنا اطفال حتى إلى منا و بينا ما أعتب على الغريب.
من غير وساخة مجيد إلى امي مرة شافته يتحرش بيَّ بس ما سوت شي
طلع بينا ابوية ببيت وحدنا بعد ما شاف الاهمال اتجاهنا صار يهتم بينا.

ويهتم بأصغر تفاصيلنا يمشط يهتم النظافتنا يعلمنا كلشي نريده يجيبه
ابوية هواية ضحى علمودنا ما أجازي لو أضحي بعمري لأجله
كبرت و اني شخصيتي انطوائية ما أحب أتقرب الأحد ما أثق بأحد كلشي
صارلي بالماضي أثر عليَّ بقت بنفسي أعيش حالي حال البنات حياتي كلها
مابيها غير ابوية و اختي عشت علمودهم مثل ما عشت انتَ علمود أخوانك.
بس انتَ من دخلت حياتي غيرت كلشي بيها خليتني أتوجع أكثر انتَ هم.

چنت مثلهم هم أذيتني هددتني بأعز ما أملك صحيح ما خضعت الك بكلشي
بس جبرتني أتزوجك و اني أكرهك خليتني أوصل مرحلة تلعب نفسي منك و من طاريك مو بيدي والله مو بيدي.
وگفت أشر على الچرباية.
شوف هنا بليلة عرسنا ضفت جرح الجروحي المسترتهن بغطاء القوة المزيف
هنا شلعت أظفري و خليت روحي تتوجع وجع ما أنساه الك بكل حياتي
بكل ليلة چنت أسمعك من تحجي و تنام على شعري و تشم بي چنت حاسة.

علي كلشي أتسوي امثل عليك مثل ما انتَ تمثل عليَّ اسمع الكل كلامك سمعت كلامك بخطوبة حنين.
من اخذتني للغرفة چنت گاعدة من قبلت أثار ايدي، اتصنعت الغباء مثل
ما انتَ عذبتني و اتصنعت الغباء مشيت وياك على نفس نمطك بس فاهمة كلشي.
افهم كلشي سويته بس اني شنو ذنبي؟ لو مخلي طلقة براسي و لا عذبتني
بذاك العذاب اه ارسلان اه كلشي بي مجال الا صدمتي بيك تطلع نفسك نفس الشخص إلى انطاني قراصة بطفولتي.

أحس بروحي أنتهت الغصة صارت تخنگني أكثر من دموعي أشوفه يريد
يجي يلزمني بس متردد ما أهتم الشي لزمني گعدني.
ارسلان: كاافي غياهب لا تحجين شي هسه أجيج أبقي هنا تمام بنيتي.
ارسلان: طلعت شفت البنات و مليكة على گعدتهن و عيوونهن تتسائل دخلت للمطبخ اخذت كلاص ماي ورجعت الها سديت الباب و هيَّ على
نفس گعدتها شربتها الماي و شهگتها بصدرها بكل شهگة تطلع منها تأذي گلبي قبل.

لا اتأذيها و أصعب شعور يعيشه الشخص من يعرف نفسه أحد الاسباب
الي واصللها المقابل هو سببها دفعت ايدي لان لزمت ايدها.
موووو گتلك لااا تلزمني مطلگين احناا.
اسف بدون قصد ما تنعاد. شلون صرتي
مابيَّ شي
هاي مابيج شي و هيج لو بيج شلون؟
أريد أرجع البيتنا
كملتي كلامج؟
هزت براسها لا، صفنت تمسح بدموعها و يرجعن ينزلن إلى جاي تطلعه يخفف عليها احسن ما تكتمه.
اممم كملي اسمعج
الباقي ما اگدر احچي.

لا لازم تحچين انتِ مو گلتي بس اليوم فرصة وينتهي كلشي
ردت اتخلص منك و اتخلصت بس.
بس شنو؟
غمضت عيونها ضاغطة بقوا.
ارسلان
حيلي
ما اگدر أسامحك.
حاولي غياهب
م. ما اگدر ما اگدر أتمنى اگدر أنطيك هالفرصة و أخلص من عذابي و أخلصك ويايَّ.
فتحت عيونها تباوع بنظرات ضياع.
ينتهي كلشي بينا انتَ شوف حياتك و اني أشوف حياتي لا تنتظر مني شي و لا تخليني بيوم أشوفك
يهون عليج تحرميني منج؟

لعد شلون هنت عليك و انتَ تأذيني شلون گدرت تسوي كل هذا گلبي التعبان انتَ تعبته أكثر
تدري كرهت روحي باليوم إلى صارتلي مشاعر أتجاهك كررهتها من صارت
ترفرف عليك كرهتها من صارت تتمنى حضنك إلى قبل اقرف منه كرهتهااااا لان حبت واحد مثلك.
غياهب: أبتلع ريگه وبنص ألم هالمواجهة أنرسمت أبتسامة عريضة على وجهه طبك حواجبه.
ارسلان: ش. شنو شگلتي غياهب عيدي إلى حچيتي.

خليتني أعيش أيام و اني مصبرة نفسي بذكرياتنا خليتني أعيش
حالة تناقض مرة ابچي من أذيتك مرة أضحك على مواقفنا أتمنى لو يصير شي يخليني أفقد ذاكرتي داموت اني ارسلان.
من عمري على عمرج
أخذت حقي منك بس بعدني اريد أحرگ گلبك أكثر مما حرگته
رحتي و خذيتي حيلي و روحي وياج شتريدبن اكثر بعد؟
خلي نرجع غياهب
انا هم تعبان مو بس انتِ التعبانة خلينا نداوي جروح الثاني خلينا نذب تعبنا يم.

الثاني أشهر وانتَ تتشردين مني و معذبتني لشوگت كلها جاي تستقر
بحياتها الا انا و انتِ شوگت نستقر؟ صيريلي العلاج المحتاجة .
وگفت و أحس الدنيا تفتر بيَّ گوا واگفة على رجليَّ اني هم تعبت شوگت ينتهي
هذا الكابوس مشيت بخطوات تاركته ورايَّ مديت ايدي افتح الباب استوقفني كلامه.
باجر جاي الابوج أخطبج منه للمرة الثانية و خلي هذا التعب يمكن صرت أستاهلج و أستحقج.

طلعت من الغرفة بدون ما انطي رد على كلامه شعور غريب اجتاحني
امشي سريع حتى ما باوعت للگاعدين وگفت يم الباب إلى بي درغام دگيت الباب طلع عمر.
غياهب: خلي درغام يجي.
سمع صوتي درغام و شهگتي إلى بصدري بعدها موتتني.
درغام: ها ابوية شصار وياج؟
انطيتهم ظهري بدون ما اجاوب اتوجهت للباب الخارجي طلع گدامي
الابتسامة على ثغرة ما أدري اذا إلى سويته صح او لا بس إلى اعرفه كافي.

لهنا اريده مثل ما ايريدني اخذ سكوتي قبول لكلامه، اجه يمشي باتجاهنا
مر من يمي همس بصوت ناصي و بطئ مشيته بحيث بس اني اسمعه لان الولد قريبين علينا.
ارسلان: أموتج اذا تگولين لا باجر حضرة المحامية.
راح للولد مكمل طريقة درت وجهي اباوعلهم اتصافحوا هوَ و درغام بالسلام
ايد بايد أبتسمت بدون وعي المنظرهم درغام حيل يحبه بس جان غضبه الي
مسيطر عليه طلعت گدامه انفتحت السيارة من خلال جهاز التحكم صعدت بقى.

الباب مفتوح اباوعلهم واگفين يم الباب يحجون طبكت حواجبي من شفته درغام
ضرب ارسلان ببطنه و ارسلان ضحك، رفع ايده يسلم عليهم ر اجه صعد
بمكانه يمي بالسيارة بعد أكو اشياء بگلبي اريد احچيها بس راح تنحچي بالوقت المناسب.
درغام: ها خوية فضت ان شاء الله
غياهب: ما أدري
لا تلعبين علينا ولج
ما ادري درغام اوف احس كلشي ديصير بسرعة
باجر الرجال راجع يخطبج من عمي.

شغل سيارته و اتوجهنا البيتنا طول الطريق افكر يا ترى اني اخذت حقي منه بالكامل؟
لو لازم بعد اخلي يتعذب ويدرك قيمتي اكثر؟ أي غياهب كافي لهنا هوَ مر
بالأصعب من إلى مريتي بي غلط و أتعاقب على غلطه، وصلنا البيتي
و مستصعبة شلون راح احچي الابوية و اگله ارسلان باجر جاي يخطبني منك
دگينا الباب طلع ابوية وبوجهة علامات القلق.
سلطان: بالي ضل يمكم.
فتحلي حضنه ذبيت نفسي بي حاضنته اخذني جوا و درغام ويانا دخلنا خالتي.

هم خطية منتظره گعد الكل أول مرة أحس خجلانة منهم گعدت خالتي بصفي لزمت ايدي بحنية.
وجدان: خالاتي أتمنى أخذتي القرار الصح.
رد عليها درغام الكلام انبلع مني.
درغام: باجر ارسلان جاي يخطب غياهب و گتلع اذا ما تجيب مشية اكثر من مشية عمر و مشيتك الاولى ما الك مرة يمنا.
أبتسم ابوية الكلامه دار ناحيتي.
سلطان: بابا.
رفعت راسي اله.
غياهب: هاا حبيبي.
ان شاء الله مقتنعة باللي راح يصير.

هزيت راسي و طلعت من يمهم خجلانة إلى ايشوف شخصيتي يگول عرج الخجل
لا يتواجد في شخصيتها صعدت الغرفتي مبتسمة وگفت گدام المراية اباوع بوجهي
رفعت ايدي الوجهي اتلمس بي اضحك تمددت و اني اتخيل كلشي غمضت عيوني
و بهل الليلة و اني مرتاحك لاول مرة من بعد فترة من التعب و الأرهاق فتحت عيوني.
من اجتني رسالة جانت من ارسلان صورة دازلي انتظرت تفتح تحمل و كلي.

فضول اعرف شنو إلى بيها، انفتحت چانت الحلقة مالتي إلى رجعتها اله كاتب جواها.
ارسلان: گتلج راح يجي و البسها باصبعج بقناعة.
ما جاوبته حاولت انام بس مشاعري مخربطة بهل الليلة مرة ابتسم و مرة اخاف
يصير شي و يخرب كلشي الثاني يوم الصبح يوم جمعة و اكيد ما تمر جمعة
اذا ما ست چفوصي تنورنا انفتح الباب بهمجية خرعتني كمزت من فراشي.
حنين: لجججج يااااا نوووووم اگعدددي اگعددددي.
غياهب: شكووو شبيج؟

ولججج اليووووم خطوووبتج ولججج يااا نوم هذا.
هزيت بايدي رجعت نمت بمكاني اباوعلها صفح.
و منو گال موافقة؟
شوووفي ترا نفسيتي صايرة لعبان نفس من الحمل لااااا تخليني أطلع حرگتي بيج.
بلا انتِ حامل احنا شنووو ذنبنا
گووومي
ايييي شبيج وينن اگوووم حنين.
لازم تجهزين نفسج ترا غرام گالت راح يجون كلهم
وشكووو جاين كلهم تحسسوني أول مرة.
نعتبرها اول مرة بابا گال حتى عرّس غصبًا عليه يسويلها
يوميا عرس ياا؟

نتونس على الطربكة احنا و هذا يا عرس تحچين عنه وجهج ما يگصه السيف بعرسج ديلاااا يلااا گووومي.
زفزت نفس ما شبعانة نوم طلعت اغسل شكو ابوية يريد عرس ما اشوف
يحتاج وگدام الناس غسلت وجهي ورجعت شفتها فاتحة كنتوري تطع
بالملابس و تشمر الساعة ب 11 مو من عادتي ابقى لهيج وقت.
غياهب: شدتسوين؟
حنين: اوووف هسه هذا نسيبي شبيه مستعجل عاد مخلينا طالعين نشتري شي
لا تبالغين عاد هيَّ مشية مو حفلة.

ما جاوبتني بقت تدور و تدور الى ان طلعت فستان لونه ابيض و من الصدر مطرز بتطريز ناعم رفعته گدامي تتغامز بحواجبها.
ما شايفته عليج
مشتريته و ما لابسته تدرين ناسيته
يخبللل گومي بس شوفي خلي اشوفه عليج.
اخذته منها لبسته هوَ يجي طويل وردن اكثر ملابسي بهذا الشكل مو هواية ارتاح للنص ردن او للبس القصير صرفرت حنين.
يمووووتتت، يگطعععع يفلششش هايهية راح تلبسي و وياه مكياج اني اسوي
بس اريده خفيف حبابة
اي اي اعرف ذوقج.

دخلت نيروز تهز بكتفها فرحانة.
نيروز: و هلا و هلا هلا و اخيراً.
غياهب: انچبي انتِ الثانية أهووو شلون اثنين يمي راح يكرهني بيومي.
اجت وگفت يمي.
غياهب عليج الله عليج الله خلي نسوي عرسنا سوا
ما اريد حتى عرس ما اريد شبيكم يابه يوميا عرس حتى فشل
منين فشل شو رجال و مرته الناس شعليها و من شوگت تهتمين الشي اسمه ناس.
اووف هسه كافي اسكتن هيَّ خطوبة و ما تامة و انتن من هسه تفكرلي بالعرس.

نزعت الفستان ولبست اتراك جديد اندگ الباب جان ابوية دخل مبتسم بوجهنا.
سلطان: اجيت اسئلج علمود شغلة
غياهب: اتفضل بابا
الخطوبة تريديها بينا لو تعزمين احد
لا لا بس عائلتنا و عائلة ارسلان ما يحتاج نعزم أحد
هايهية براحتج.
طلع و ذني شبعني تگرص لان ماريد ناس و بس بينا درغام مخابر نيروز معتذر منها
لوره الغدة اجن خالاتي بس ما ادري شكو متوترة، دخلت للمطبخ شفتهم.

مجهزين كلشي للخطوبة شوگت لحگوا ما ادري صعدت للبنات و بدأت تجهيزاتي
سوتلي حنين مكياج مثل ما أريد ومناسب ويا فستاني ذكرت خطوبتي الاولى
من گال اتركي شعرج مفتوح و بوقتها عاندت وما سويت مثل ما گال.
غياهب: احم. حنين شعري عوفي مفتوح و سويلي شي مرتب
حنين: أي أحلى.
وگفت تشتغل اباوع البطنها صايرة بيها كبر.
دخلتي بالشهر الرابع لو بعدج
اي دخلت و كم يوم اروح للسونار.

صارت عيوني على نيروز الواگفة تجهز بنفسها بأهتمام و حلقتها مزينة ايدها.
نيروز: البارحة عمر گعدني نص الليل و هوَ يگول باجر خطوبة ارسلان
و غياهب عبالي الولد ديحلم لو اني داحلم يا بعد عمري لو تشوفنا شلون فرحان.
رفعت حنين حواجبها تباوعلها.
حنين: نهجم بيتج بعد عمرها والله انتِ و غياهب تعايرتن زيادة على الزلم
خصوصاً غياهب لعبت روحنا يلا رحمت الرجال
غياهب: شو أحس بعد اريد أعذبه.
لزمت حنين بطنها.

اذا اجاني مغص ولادة هسه و طلگت ف من وراج بچي و خليتي يبچي اصابعة
و عضهن ندم توسل و اتوسل بيج ما بقى شي ما سويتي وياه حتى بيت
اشترى گدامج دكااافي يمة راح اجيب و العباس من وراج.
ضحكنا شلون تحجي كملتني و هيَّ راحت تجهز نفسها و جايبة هل المرة
فستان مستور باوعت النفسي برضا كلشي مثل ما اريدة.
نيروز: حنين شعجب جايبة فستان شريف؟
حنين: درغام گال اذا انتِ خوش مرة تلبسين نفس إلى لبستي بخطوبة نيروز الا اشگگه عليج.

و كفووو من ابن عمي.
دتعاي سويلي السحاب من وره.
راحتلها تساعدها مر وقت و صارت اصوات السيارات فز گلبي بلهفة على
الصوت بقيت بمكاني گاعدة و نيروز و حنين يباوعن و يسولفن.
حنين: عزززا عززا لِچ غيااهب شوفي هالشوفة هذا جايب بغداد كلهاا اليوم.
نيروز: ياا هاي الناس وين راح يگعدون شوفي شگد اكثر من خطوبتي
غياهب: درغام گاله اذا ما تجيب ناس اكثر من خطوبة عمر و نيروز و خطوبتك الاولى ما الك مرة يمنا.

حنين: طلعت سوالف ابو جلطة هاي.
كلنا التفتنا من سمعنا صوت الهلاهل جوا هاي صوت مليكة تهلهل نزلنا جوا و
هالمرة خطوبتي جانت عائلية بس الناس الغربة زلم جابهم ارسلان هذا شرط
درغام بحيث اجت حنين فاطسة ضحك و هيَّ تگول.
حنين: ولچن درغام ميت ضحك يگول سواها صدگ و جاب مثل ما گتله.
غرام: تستاهل غياهب.
غمزتلي انسام.
انسام: عمي خلي اخوي يرتاح مو شلعتوا گلبه.
غياهب: انسام مو اني احبج ليش تخليني أكرهج.

ضحكت حيل لان كل ماتحجي شي گتلها هالجملة شوية و دخلت خالتي
گالت خلي غياهب تجهز نفسها راح يعقدون اخذتني هيَّ و مليكة و حنين تريد الا تصور.
كلشي يختلف هالمرة مشاعري غير عن قبل هالمرة بنفس راضية و قابلة بكلشي
غطن شعري دخلوني للصالة الصغيرة علساس من وره الباب بس ابوية ما قبل
فصار العقد بهل الطريقة، كل شوية حنين رافعة إلى على شعري تضحك فرحانة.

سمعت اصواتهم گلبي صار بكل دقيقة يدگ أسرع من الدقيقة إلى قبلها، اسمع
للاصوات الصارت بنص الصالة بدأ العقد مالتنا بعد ما اخذوا الوكالة مني
و منه احنا الاثنين انطينا موافقتنا و اصواتنا ترجف.
حنين: صارت عيوني على ابوية يخزر بارسلان و ارسلان يمسح بوجهه
خافي ضحكته، كتمت ضحكتي هاي اذا طلع ارسلان مثل ابوية الا يجلطون ابوية
كملوا العقد ورجعنا غياهب اختي وجهه مبوخ من التوتر و الخجل الكل اتباركلها.

الخطوبة صارت سريع ف مالحگنا نسوي كلشي دخل ارسلان شخصيته تعجبني
كاريزما و كاشخ على اخر حباية عيونه تركزت على اختي الواگفة اصابعها مشبوكات ببعض من التوتر.
غياهب.
صارت قريب مني أي ادري شكو شبيه گلبي راح يطفر من مكانه ريلاكس
غياهب ريلاكس لزم ايديَّ حاضنهن بايده همس مبتسم.
ارسلان: أهدي يحيلي ليش هالتوتر.
جابوا الحلقات ناز لازمتهن مثل ما سوت بخطوبة عمر و نيروز قدمتهن النا.

صارت عيوني على الصندوق نفس الحلقات ابتسمت، رفعت راسي التقت العين بالعين
اخذ الحلقة لبسانياها لبسته حلقته بهدوء رفع ايدي باس باطنها و عيونه بيَّ.
أدفع عمري كله علمود هل اللحظة
اخذني الحضنه گدامهم غمضت منحرجة رحع يهمس قريب من أذني.
چاا شحلاة التعب لو ينتعب عليج هيج
ارسلان عيب ابتعد الكل ديباوع.
خليهم يباوعون خليهم يشوفون ارسلان عاشگ كلشي بيج.
ولك وخر
ميت بكل تفاصيلج
اخجل لاتحجي هيج.

ضحك بقوا ضحكت وياه حچى بصوت ناصي.
مو علساس ما تتأثرين
شبيك بيبي غير أظهرلك الجانب المخفي مني
لو هيج الجوانب لو ما تنراد.
ابتعد عني يضحك اجتنا حنين.
حنين: هلا بنسيبي.
ارسلان: هلا ب ام روح الحلوة.
أشر للعلوية تجيبله سراج اجت انطته اله يبوس بي و هذا يضحكله و ارسلان
متخبل عليه شلون يضحكله التفت إلى مبتسمة المنظرهم.
ارسلان: حبيته لان انتِ سميتي صارت معزته بنص بروحي.
امممم
ها حضرة المحامية صايرة تحچين مثلي.

ليش عيني الكلمات مسجلة بأسمك.
هز براسه عاض شفته.
اويلي على السان البيكيسي.
قلبت عيوني بغرور.
ينگط عسل
نضوگ؟
فتحت عيوني على كلامه و هوَ حاضن سراج يغمزلي بس السرسري يبقى سرسري.
منحرف مو بيدك
بس وياج.
غلست عنه سويت نفسي طرشة وخرسة درت وجهي رجعت حنين تسولف
وياه و تضحك تموت عليه ك أخ رغم كلشي صار ما سمعتها بيوم حجت عنه
كلمة سيئة شوية وطلع و هم گالوا يرجعون البيتهم اهله، خطوبتنا جانت هادئة و.

هالجانب حبيته بدون هوسة و اغاني بقت بس عائلتنا و بيت خوالي دخلوا كلهم
يباركولي يعني هذا الرجال ما ادري شنر سره خالي عمران يگول گلبي يرتاحله الارسلان باس راسي ابوية بعيون تلمع.
سلطان: نظر عيني تستاهلين مُبارك الج.
غياهب: حبيبي.
بست ايده حضني بحنيته المعتادة الكل اخذت اماكنها و گعدت صارت
گعدتي بالنص بين خالتي و ابوية وبدأ سبع الهورة بسوالفه.
درغام: ايييي عمي سلطان اجاك نسيب ثاني و هلا هلا.

سلطان: خلي أجربه اذا طلع مثلك اطلگها منه و أتلاحگ روحي.
سحب درغام حنين بصفه و لزم ايدها يبوس بيها.
درغام: لو هيج النسوان لو ما تراد اروحلج فدوة بلائي.
متنا ضحك على سوالفهم رد عليه ابوية.
اذا هيَّ بنتي منطيتك مجال عليمن احجي انا.
حنين: بابا غير زوجي بس ترا اني لا عبالك قابلة لا مع الاسف بس شسوي رجلي صلف.
گرصها درغام بخصرها من ورا و هيَّ كمزت من إلى سوا محد انتبه بس.

اني و نيروز بقينا كاتمين ضحكتنا و هيَّ رجعتله الگرصة برجله هنا الكل انتبه لأنّ صاروا مخابز.
حنين: بعدد لا تگرررص خوورش تررا أطلگك.
سلطان: شسوالج؟
گرصني.
هز براسه ابوية نهض من مكانه گام الدرغام شاله بگرصه من كل گلبه ودرغام ميت ميت ضحك ويصيح.
درغام: ووولكم هااي مرررتي لو ادري براغي السانهااا وين فالتع چان ارتاحيتتت.
رجع ابوية المكانه اخذ وياه حنين لمها بحضنه اثنينا حاضنه خالتي تباوعلنا تضحك.

غياهب: هاا خالة هاا بس لا تغارين.
وجدان: ياا ولچ شغار ناس شكبرنا وينا وين هالسوالف.
سلطان: لا حبيبتي بعدنا شباب.
تحمحم خالي عمران نزل راسه طابك حواجبه و خالي جابر يضمضم
بابتسامته بس خالي عمران ما خلاها بگلبه گال.
عمران: بعد يعتب على النسابة و هوَ أخس منهم
سلطان: دسكت انتَ.
جرت سوالف و بعدها كلمن راح البيته حتى حنين رجعت ويا درغام و أهله لملمت
البيت ويا خالتي صعدت سبحت وبدلت مشطت شعري الجو بدأ يبرد عفت.

شعري مفتوح لزمت القراصة اباوعلها ابتسمت هاي القراصة إلى منها و قصتي
ابتدت حطيتها بشعري، باوعت الجهازي ماكو منه لا اتصال و لا رسالة
يمكن مشغول نزلت امشي بعدني على الدرج و اسمع ابوية صاح.
سلطان: عااااد مو بدت رحمة الله.
طبكت حواجبي بأستغراب شبيه ابوية؟ ويامن ديحجي وصوت ضحك خالتي واضح جاي من الصالة دخلت الهم اتسائل.
غياهب: شنو شبي...

سكتت من شفت ارسلان گاعد رمشت بعيوني و ابوية يخزر بي و هذا يحارب بروحه يضمضم بضحكته بس ما يگدر.
سلطان: أجه يشوفج راح ايسوي بيتنا مثل باب الثلاجة.
وجدان: هههههههه سلطان البنيه صارت مرته مو من حقنا نمنعه يشوفها.
و ما يلزم روحه كم يوم لو الا اليوم يشوفها.
تحمحم ارسلان خزرته ما يضحك لا ابوية يتشعوط بس هذا اخبث من درغام.
ارسلان: احم. مو رايد احجي وياها بموضوع خاص ما يتأجل.
كلاواتك مشيهن على غيري.

گعدت گبالهم و ابوية يحجي من غيرته ضوجته هاي كلها لان يغار وذوله يحرگون بگلبه
عيوني على خالتي وارسلان خانگين ضحكتهم گوا خالتي اخذت ابوية وطلعوا
و قبل لا يطلعون دار ابوية علينا يأشر الارسلان موجه كلامه.
سلطان: مو تاخذ راحتك زيادة ترا ببيتي انتَ.
هز براسه وطلعوا گام ارسلان وراهم سد الباب وقفله.
ارسلان: علمود ابوج ما يسوي مداهمة علينا
ليش قفلته؟
نرتوي
اتأدب
مؤدب انا من زمان
كلش.

وگفت لزم ايدي بايده الدافية اخذني يمشي گعد و گعدني گباله لمّ رجليه و اني
هم سويت مثله صارت گعدنا واحد مقابلين الثاني بس ايده بايدي يباوع بعيوني بهيام.
ارسلان: اسمعج
غياهب: شتسمع؟
احچيلي عن الجانب إلى يخصني بداخلج كلي فضول أعرف.
سحبت ايدي منه
و الايد الثانية لزمها رجعت شعري لوره اذني عيونه صارت على القراصة
ابتسم اكثر و هوَ ايشوفها بشعري ملت براسي اباوعله.
فاشلة بتعبير مشاعري.

احجي إلى يجي ابالج و گلبج و انا افهمج مو لا تتعمقين.
عضيت شفتي
بحيرة ما ادري شلون اوصله مشاعري و اشرحله إلى بداخلي.
شوف ارسلان اعتبرني طفلة وداتحجيلك.
من زمان
ما فهمت؟
من تشرحين شي مثل الطفلة.
ابتسمت الكلامه سحبت القراصة من شعري حطيتها بينا و عيوني عليها.
احبها هواية مرة ضيعتها ما ادري وين خليتها تمرضت يومين لان مالگيتها
و بعدين لگيتها جوا الميز واگعة و بابا عباله مقهورة و اتمرضت من غير شي.
يا بعد روحي.

صح ما چنت أتذكر شكلك هواية بس الصوت چان دائماً بمسامعي
تدري من گد ما أفكر تجيني فترات اسمع صوتك واني بالشارع من تگول أولريش
ما أعرف شنو سُر تعلقي الهل الدرجة وصلت مرحلة أدعي بصلاتي
أرجع التقي بالشخص بس جنت أختنگ من تجي فكرة ابالي هسه أكيد كبر
و تغير كلشي بي و ما راح اتذكره حتى لو شفته و فعلاً تفكيري طلع كله صح
طلعت گدامي و ما گدرت أعرفك و لا أميزك و لا حتى شكيت بشي.

انا الطفلة دائماً أبالي و من اتذكر السانها اضحك وحدي من اتذكرج من كتيلي انتَ شيطان
وانگلبت علينا شيطان
قصفتيني و حتى وانتِ فصعونة
لعد انتَ علساس شلونك مو هم قصفتني
ياهوا انا؟ شوگت
من اتزوجنا و عشت وياك گتلي شلون طالع گتلك تلعب النفس تگلي
مو مهم رأيج گتلك لعد ليش تسئلني تگلي اقضي وقت براسج.
عض شفته مكزكز و اني احجي ضربته على ايده.
هااا نسيت.
اممم لا بس مو هنا فشلتيني حبيت اردها الج.

يحچي و الابتسامة ما غابت عن ملامحه اتجرأت اتقربت اله اكثر لليوم بگلبي
غصته و نبرة صوته من اگله تلعب نفسي منك و يجاوبني بنبرة مهضومة جان
جوابه يخنگني رفعت ايديَّ حضنت وجهه اباوع بعيونه جبينه بدأ يتعرق.
ارسلان
عزيزة عيوني
اريد اگلك شي.
لف ايديه على خصري مقربني اله اكثر.
اممم اسمعج.
غمضت عيوني و أقوي بنفسي على إلى راح احجي و اسوي بلعت ريگ اتقربت.

اكثر غمض عيونه من شافني د اتقرب اكثر صار ما يفصلنا غير القليل طبعت قبلة بخده بهدوء و اني اهمس بكلامي.
ما تلعب نفسي منك
أستمر مغمض عيونه طبعت الثانية بخدة الثاني.
من تحضني احس بدفو حضنك بس جنت ما أتنازل الك و كارهتك بسبب أفعالك.
أنفاسنا اندمجت ويا بعض رخت قبضة ايده من خصري من اتجرأت
وطبعت قبلة اخيرة بشفته مالحگت أبتعد و هوَ يرجعني شادني التهمني.

بقبلة بعطش ورغبة و انجن من شافني بادلته هذا الشي، ابتعد عني وجبينه متلاصق
بجبيني مغمض عيونه أردف بصوت منتهي ذايب.
شسويتي بيَّ انتِ شسويتي.
ارسلان
موتيني
أحبك يا صدفة عمري
فتح عيونه رمش بثكل ما مستوعب أعترافي.
شگلتي عيدي عيدي بداعت أبوج.
أبتسمت الردة فعله.
أحبك.
اخذ وجهي يبوس بي بعشوائية نزلت دمعة من عيونه.
اخخ غياهب الروح ما تهود الا بوجودج
رفعت ايدي امسح بدمعته إلى نزلت.

بعد كافي بچي بچينا اهواية احنا، هسه وقت إلى نضحك بي.
أخذني الحضنه حاضني بقوا عبالك أريد أشرد منه.
جعصتني ارسلان ترا مطايرة هههههه
لا انتِ ما بيج امان هسه بس طنكرين تگليلي طلگني لو تگليلي إلى حجيته هيج.
شوف شلون گابله وبز عينه.
صار هدوء بينا ساكتين اثنينا رفعت ايدي حطيتها على گلبه عبالك سباق
بنبضه رفعت راسي غمض عيونه مال براسه على كتفي.
ليش ساكت
ما أدري تعبان بس إلى اعرفه اريد ابقى طول العمر بهالگعدة.

ارسلان
ها حَبيبي
اني ما اريد عرس.
فتح عيونه مجرد سمع كلامي.
ليش؟
ما اريد حباب يعني قبل احنا سوينا عرس و جبير و الناس عرفت بزواجنا بس هسه ماله داعي وقلة إلى يعرفون بطلاگنا.
بس.
والله ما يحتاج قبل سوينا عرس وزفة و كلشي جان فخم ما اشوف اله داعي نعيد هالشي
و ابوج؟
اتركه عليَّ اني احجي وياه و أفهمه
اللي تريدي يحيلي.
رجع سحب وجهي مقبلني، وجهه بوجهي بحيث رموشنا طاخة ببعض.

بقى يحرك برمش عينه إلى احس بي يضرب برمض عيني ضحكت.
تذكر؟
شنو؟
من أحنا بالحديقة و گتلي ممكن بيوم من الايام نصير أقرب من الرمش للعين
عض شفته يضحك.
احنا هسه هاي گعدتنا لازم تسجب بالتاريخ.
ليش؟
لان مابيها لا مدافر و لا سحل
اذا تضوجني ارجع للدفر وانتَ بكيفك بعد تعرفني خوش أدفر
اخخ منج يالفوصة.
يلا روح البيتك
بعدني ما شابع عوفيني شوية
ابوية برا هسه تلگاه راح يموت من غيرته.

ابوج لو بيده يگعدجن للشيب عنده على حبه و غيرته الجن.
هههههههه احبه و أحب غيرته علينا.
تحبينه اكثر مني؟
ها بدينا.
سوالي حركة بأنفه احب هالحركة.
أشاقيج محد يگدر يوصل المكانة الاهل خصوصاً إلى مثل ابوج يستاهل كلشي تسونه علموده.
ابتعد عني وگف يعدل بملابسه رفع حاجبه غمزلي بتلاعب.
ارسلان: خلي نعدل نفسنا لا ابوج نيته تشطح
غياهب: يااا ادبسزز.
شوفي غياهب.
عيوني
ابوسهن
خليك عاقل مو انطيناك مجال.

احنا ما راح نگعد ويا اهلي.
أستغربت من كلامه.
ليش؟
عمر هم راح يتزوج خو ما كلنا ننچبس بييت واحد
بس بيتكم چبير
ادري بس أكو سبب ثاني
شنو السبب؟
مليكة حجت ويايَّ علمود ناز حرام يصير تلامس بينا لان.
سكت ما كمل كلامه بس ذبلة حسرة و رجع كمل.
لان مو اخوها مثل عمر و انا اشوف طلعتي من البيت احسن حل هم هيَّ تتعود و انا اتعود ما اريد نحصل حرام
اذا هيج تمام بس وين نگعد.
بيتي هذا إلى گبال بيت اهلج
هههههههههههه
هاي شبيها.

تريد تگابل ابوية؟
من حبي اله مو بيدي
تمام عيوني إلى تريده.
طلعنا باوعت ماكو احد بس طلعنا للخارج ابوية واگف بالحديقة شافنا حچى ارسلان و هوَ يعدل بسترته.
ارسلان: راح يرزلني ابوج.
غياهب: يلا بيبي اتحمل إلى يريد الحلو يجرع المُر.
اجه ابوية يباوعلنا.
سلطان: ها رايح
ارسلان: اذا تحب ابقى انا مگبرة ما ترد ميت
تحب أمدلك فراش هم؟
اي والله ياريت تعبان و مابيَّ حيل أسوق
اها اها طلعت حقيقتك.

ضحكوا اثنينهم سلم عليه أرسلان وطلع راجع البيتهم رجعنا جوا اني وابوية.
غياهب: بابا عادي احجي وياك بموضوع
سلطان: نظر عيني گولي.
اني ما اريد عرس ما اشوف اله داعي و احنا قبل مسوين عرس و، وتعرف
الناس راح تبقى تتسائل عن الأسباب خصوصاً طلاگنا مو الكل يعرفه
علمودج انا ردتلج عرس
ادري بيك والله بس اشوف لو نلغي هالفكرة.
هايهية يابه إلى يريحج اتفقي انتِ وياه و يجي ياخذج.
زعلت؟
ابتسم بوجهي.

ليش ازعل انا عندي سعادتج و راحتج اهم من كلشي.
بوسته وصعدت الغرفتي ارتاحيت بالكامل والله ما اشوف هالاشياء الها داعي
تبقى الناس تجيب وتلبسك كلام سخيف هذا انسب شي النا، الثاني يوم خايرته
بلغته و بلغني يجي ياخذني اشوف اثاث بيته اذا ما عجبني نغيره
للعصر جهزت
نفسي طلعت البيته گال منتظرني بي دخلت للبيت شفته هوَ طابقين مساحته
زينة تصميمه مرتب چان بس الطابق الجوا متأثث منه صالة و مطبخ.

و غرفة وحدة الباقي تاركه تخوصرتله درت وجهي.
-هذا بيت عزابي
نعم نعم و هسه راح يصير بيت متزوجين و عائلة
هسه انتَ اشتريته شستفاديت
شعليج
أها هاي ويايَّ؟
احم. لا بس استفاديت منه شوية بس انتِ طفرتي اللبنان.
صفنت و استذكرت سالفة لينلت اذا يعرف راهب چان ويايَّ بنفس البيت و المكان الا يتسودن.
اي يلا خلينا نطلع نشتري.
طلعنا سوا نشتري اثاث البيت و اكيد ما يكفي يوم واحد بقينا كل يوم نطلع.

نختار سي من الاثاث وذوقي نحس و صعب و هوَ نفس الحالة گوا لگينا الشي
الي يعجبنه اسبوع كامل احنا نجهز و نشتغل بالبيت اخر يوم طلعنا تشتري
مم شغلة دخلنا للمحل دنختار شغلة من نواقص البيت واجه صوت مألوف سامعته
، استدارينا جان راهب و ملامح ارسلان كلها انگلبت مجرد شافه.
راهب: السلام عليكم.
ردينا اثنينا السلام، لزم ايدي ارسلان بايده صارت عيوني راهب على ايدينا.
ارسلان: اتفضل محتاج شي؟

لا سلامتك بس حبيت اسلم على غياهب.
عضيت شفتي اسحب نفس و ارسلان ضغط على ايدي.
الله يسلمك بس انتَ منين تعرف اسمها؟
من سافرنا سوا طلعت گاعدة ببيت خالي و هناك تعرفت عليها.
رفع حاجبه ارسلان بأستنكار بس ما احب يحطني بموقف و لا يحط نفسه بموقف رد عليه.
اهاا اي صح نسيت هيَّ حجتلي صح صح هسه تذكرت.
رجعتوا؟
اي عندك أشكال؟
ههههه لا أكيد مبروك الكم.
يبارك بيك، احنا نترخص.

سحبني من ايدي وطلعنا اني ماحاجيتله شي عن موضوع بس هوَ ما حب
يبين شي الراهب صعد بالسيارة ساكت ما نطق حرف.
غياهب: ارسلان صارت صدفة والله
ارسلان: اي غياهب
ما مصدگني؟
ضرب الستيرن مال السيارة بغضب.
مصدگج بسسسس ما حچيتيلي
ما صارلنا هواية من رجعنا و ما شفت اله لزوم احجي لان الولد حتى ما بقى بالبيت و هم خاطب بنت الرجال إلى گعدت عنده
وانتِ ليش گعدتي يم الرجال قلة أماااااكن؟
مو قلة أماكن عيوني انتَ بس هذا طلب بابا.

هوَ كلشيييي صووووج ابوج كلشي صارررر صوووچه.
أرسسسلان؟
تمام أعتذر بس ياريت لو حاچيتلي من قبل و ما خليتيني أعرف من غيرج.
لزمت ايده إلى برزت بيها دماراته من العصبية.
ممكن ما نخلي اشياء مثل إلى صار تخرب علاقتنا.
هز براسه و شغل السيارة درت وجهي هسه وگتك تطلع انتَ يا راهب.
ارسلان: راح أشوفلج محامي تدخلين وياه بالشغل بين ما يصير الج الحق تفتحين مكتب خاص بيج
غياهب: راهب موجود هههههههههههه.
نتر بصياح.

ولججج غياااهب
عرض عليَّ شغل وياه بس گتله اذا تريد تحافظ على مكتبك لا تشغلني
وياك چان يگول ليش گتله والله طليقي مسودن.
زين سويتي لو يصير زلزال بالعراق ما اخليج تشتغلين وياه
ارسلان والله الولد محترم صح يلح بس يحترم.
وشسوووويله كااافي تحجين عنه
هسه وين راح نروح
اخذج الاهلج ذني الايام اجيبج يمي راح نحدد موعد زواج عمر لان عندي مهمة بعد فترة
شگد تطول بيها.

ما معلوم. من اروح انتِ بكيفج تروحين يم اهلج او يم اهلي إلى ترتاحيله
خير ان شاء الله.
وصلنا للبيت وراح دخلت شفت حنين تكمز و خالتي و درغام گوا لازمينها و هيَّ تضحك فرحانة.
غياهب: هاااي شعندكم؟
درغام: تعاااي الزمي اختج اللاكفة هاي
شبيكم
حنين: راااح يجيني ولد.
ضحكت فرحانة الها.
يا حقيرة ما خذتيني وياج جنت حابة اروح وياج.
انتِ ملتهية ببيتج و رجلج و اني ما تحمل لازم اعرف جنس البيبي.
حضنتها مبوستها.

مُبارك صغيرونتي.
درغام: اختج حامل منب لو نسيتي تباركيلي هم.
ضربته خالتي على كتفه.
وجدان: ذليتنااا ذل لو ندري مامنطينهااا الك همزين سلطان هسه ما موجود
حرامات چان شعوطته شوية.
اباوع الاختي فرحانة راح يجيها ولد وگفت يمي بالمطبخ اتسولف وتخطط
شنو تجهز الابنها، مرت الايام و اتحدد زواج عمر و نيروز استعجلوا
بالموعد علمود ارسلان و نيرز تكمز تخاف ماتلحگ بس تلحگ اسبوع كلش كافي.

اجه اليوم إلى ارجع أترك هذا البيت للمرة الثانية ارسلان انطى خبر الاهله عن قراره ما اعترضوا.
بس ناز باقية تبجي يسولفلي يگول ما اتحمل اشوف دموعها لو اشوفها زعلانة
و ما احضنها بس قراره جان الافضل يبتعد ويخليها تتعود، كملت اغراضي
بالجنطة جان گاعد جوا يم ابوية ردت ادخل و سمعت الحديث إلى دار بينهم.

سلطان: ارسلان قبل اخذتها على غاية و چان كلشي يختلف و گتلك بنتي امانة يمك و عندك بس انتَ ما حافظت عليها و قهرتها و أذيتها بس صدگني عالمرة مسامحك الخاطر عيونها بس بالجايات لو دريت مأذيها انطيهاا للموت و لا ارجعها الك سكتتلك الخاطر ثأرك محد يگدر يلومك وعرفت غلطك وين بالضبط و اخذت بنتي منك و انا ادري بيها رايدتك و عاقبتك ببعدها عنك، هيَّ ما قصرت مارضت على نفسها تهين روحها لو كرامتها وداست على گلبها و عافتك وراها بس هسه لا كلشي يختلف غياهب اذا تجيني و دموعها بعيونها هنا يصير غير تصرف وياك بنتي هالمرة تداريها مثل ما تداري عيونك خذش واحد ما اريد تنخدش، ارسلان ابني غياهب تعبت بحياتها ما عاشت مثل الباقين طبيعي احتويها افهمها و حتى لو غلطت علمها لا تصير ضدها انا انطيت حنين الدرغام لان ادري ماراح يقصر وياها ما اريد اشوف وحدة من بناتي تنقهر و الثانية سعيدة اريدهن اثنينهن سعيدات.

ارسلان: هالمرة ما راح انطيك كلمك و ما اكون گدها بس الزمن يثبت كلشي.
نزلت دموعي بسبب كلام ابوية فزيت على صوت ابوية من صاح باسمي مسحت دموعي و دخلت عليهم.
غياهب: هااا حبيبي
سلطان: كملتي بابا زوجج ينتظرج.
اي كملت.
وگف ارسلان و ابوية أشرله ناحيتي.
ما أوصيك بعد بعيونك تخليها.
ان شاء الله.
حضنت أبوية اسلم عليه خالتي بدوامها بس قبل لا اتروح الصبح ودعتني.

سلمنا وطلعنا اخذ جنطتي ارسلان و طلعنا البيتنا الجديد و الحياة الجديدة الي
راح أبديها وياه يستاهل كلمة المُحارب بيتنا گبال أهلي كلش دخلنا للبيت على نفس ترتيبه رتبته اخر مرة صعدت وياه الغرفتنا فوگ.
ارسلان: رتبيها براحتج انا راح اسبح.
غياهب: تمام.
اخذ ملابسه وطلع وگفت أرتب أغراضي سحبت نفس براحة هالمرة ما أذاني گلبي
مثل كل مرة من أسحب النفس اريد ربي يديم هالراحة علينا احنا الاثنين.

التعب اخذ طاقة و حيل منا كملت تسفيط ملابسي و اتصلت حنين.
حنين: هلو عمري رحتي البيتج
غياهب: اي هسه بي
خوش بالليل جايينكم اني و درغام
هلا بيكم.
سديته منها اتصلت نيروز.
نيروز: هااا غياهب اگلج بالليل راح نجيكم اني و عمر.
ضحكت بصمت شنو متفقين ذولة هسه ارسلان يبقى يعد و يصف.
غياهب: هلا بيكم عيوني البيت بيتكم.
سديته دخل ارسلان و اني احارب ما تطلع ضحكتي.
ارسلان: ها حبي كملتي
اي و هم راح ادخل للحمام.

البسي شي ثخين بارد الجو
تمام.
حكيت وره ركبتي بحيرة.
اگلك
ها حب گولي
جاينا خطار
خطار منو؟
حنين و درغام و نيروز و عمر.
ياااا حبيبي ربحنااا.
ما تحملت اكتم ضحكتي اكثر انفجرت بالضحك من شفت ملامحه عبست.
صدگ تحجين لو تشاقين غياهب
ههههههههه والله البنات اتصلوا
الاحساس معدوم عندهم ذولة عمي رجال هوَو مرته جدد خلوهم ياخذون راحتهم
يااا شبيك عيب شكلهم لا تجون يعني هم يجون وره العشه.

لو جايين مخسريني عشه و لا هاي دگتهم الناقصة لان ماراح يروحون الا نص الليل.
ضحكت اخذت ملابسي ودخلت سبحت طلعت رجعت للغرفة گعدت انشف بشعري حضني.
خلي أمشطلج
يتعبك شعري طويل
التعب منج يختلف.
اخذني گعدني گباله مد رجليه گعدني بالنص بقيت اضحك على الحركة
سحب خصلة من شعري استنشق عطر شعري و بدأ يمشط بشعري بهدوء نوب نعست.
بيبي شنو هاي شو تمشط ببطئ نعست
أخاف تتأذين.
كمل ترا هسه انام اذا تبقى هيج.

صار حضرة المحامية بس أعصابج
عفية عفية صير شاطر
اخخخ غياهب اخخخ
هاا ارسلان هااا
مقهورر لان راح يجوون
أستقررر.
كملنا عزيزة عيوني شوفي شلون أمشط حتى أحسن منج
هم المنحرفين شاطرين
حتى بالبوس شاطرين يعني اذا حابة تجربين.
دفرته برجلي و نهضت من مكاني طلعت لبسه إلى من يجون البسها
درت بعيوني هوَ لابس بس البجامة و الفاتيلة الداخلية و المنشفة على أكتافه.
گوم بدل مو بس تنطي قوانين الي.
طفر من مكانه فتح كنتوره.

أختاريلي انتِ.
رحت بصفه اباوع بملابسة عبارة عن الوان اسود، ابيض، رصاصي
باقي الألوان شي قليل عنده اختاريتله انطيتهن اله بايده رجعت اريد اروح اكمل اغراضي سحبني الداخل الكنتور.
يمههه اختنگت ارسلان
لا تتعايرين
هسه شرايد انتَ
بوسة
شوف ارسلان عيب هسه الناس يجون.
نخليهم واگفين يم الباب
لا عيوني عيب.
گوا ملصت روحي منه بدل و مشط وطلع بدلت اني سريع ورشيت عطر نزلت شفته واگف بالمطبخ يريد ايسوي اكل.
ارسلان: دجاج لو لحم.

غياهب: دجاج
وين لاگية واحد مثلي.
عاشوا عاشوا اطبخ عدل بيبي لا استقطع من راتبك
اذا تخليني ابوس أصيرلج شيف العمر كله
أشتغل وانت ساكت.
ضحك و وگفت وياه اساعده سوينه
عشه النا گعدنا ناكل اول لگمه اكلناها و صار
صوت ضربة قوية اثنينا صرنا نباوع بوجه الثاني طلع
ارسلان من المطبخ يركض طلعت وراه امشي
سريع فتحنا الباب مال بيتنا الخارجي شهگت من إلى داشوفه گدامي.