رواية وتيرة الأعرج للكاتبة حوراء السعيدي الفصل التاسع والعشرون
حنين.
النظارات بأيده رفعهن حطهن بالقميص لابس قميص سمائي وياه بنطرون اسود كاشخ
وعطره يهفهف مبتسم بوجهي شنو هل الشخص بعد كل إلى صار جاينا برجليه فزيت من أفكاري.
ارسلان: مصدومة بجيتي أكيد
حنين: انتَ؟ شدتسوي هنا
أجيت اشوفج
اذا أحد من أهلي شافك صدگني ما راح يرحمونك
اجيتهم برجليَّ.
صفنت بكلامه يحجي بكل ثقة ما مهتم شنو هالبشر.
ماكو اتفضل نسيبي؟
أهلي ماموجودين ما اگدر أدخلك.
بس نسيبكم انا مو غريب.
هه نسيبنا بالغش و الخداع تقصد
ما أستغرب من ردودج لان اختج معروفة منو
اختي وينها شسويت بيهاا.
بخير و تسلم عليج بس يعني اعذريني ما گدرت اجيبها ويايَّ.
شكو اجيت لعد
عرفت صاير وياج حادث اجيت اسلم عليج.
بقيت ساكتة ما نطيته جواب دمعت عيوني و اني استذكر شلون جانت علاقتنا و شلون صارت اردفت من بين دموعي.
حنين: اذا عندك عزيز على گلبك احلفك بي اختي وينها؟ شنو وضعها شسويت بيها.
ابتسم بخفة دار وجهه منطيني ظهره.
ما سويتلها شي بس ما اگدر اگلج وينها
ليش سويت هيج بينا؟
ليش؟ كلمة ليش هواية سمعتها بحياتي و بعقلي ليش و ليش وليش.
رص على اخر كلمة دار وجهه ناحيتي.
ارسلان: مو حلوة وگفتي بالباب اقلتاً اوگف بالحديقة.
ابتعدت سامحتله يدخل و مثل ما گال وگفنا بالحديقة.
ادري بيج ما عندج ثقة بيَّ مثل قبل و كرهتيني و متأكد صار عندج خبر بكلشي
اذا تعرف بكل هذا ليش اجيت برجليك.
اوضحلج نقطة و اروح.
شنو إلى يفيد تتوقع تبريراتك راح تفيد بشي هسه؟
اوضحها و انتِ حرة بتفكيرج و قرارج.
شنو الجذبة الجديدة.
نزل راسه حك طرف حاجبه الثواني رافعه ملامحه متغيرة ماتوحي هوَ انسان سيئ مثل افعاله.
بحياتي كلها ما قسمت بيهم بس هسه اقسملج باللي ماوصلت اجدامي الگبورهم بيوم
من الايام ما چنت رايد أذيج و لا اصوبج بذاك اليوم و لا ردت أذي احد هدفي جان تكون رسالة بداية الكم.
عفت كلشي و ركزت بجملة الماوصلت اجدامي الهم معنى هذا كلامه ممكن يكونون اهله
بس معقولة لا مستحيلل و هوَ هسه شان حرب علمودهم، استوقف ردي دگة الباب منو جاي؟
عفته رحت امشي باتجاه الباب ما اتوقع ابوية او خالتي لان بدوامهم و مو وقت رجعتهم
فتحت الباب اتصنمت بمكاني من شفت الطارق درغام دخيلك ربي راح تعلك بينهم
هسه عيوني تباوعله و بداخلي ميتة خوف لا يتواجه هوَ و ارسلان
درغام: بلائي
حنين: ها هلا.
شبيج لون وجهج تغير من شفتيني شنو شفتي ملك الموت گدامج.
رفعت ايدي ارجع بشعري لوره بتوتر.
لا بس عبالي انتَ.
اجيت اشوفج شلون صرتي و هم ابوج ماموجود اخذ راحتي لان و محمد من موجود بس اتحرك صاح ها وين.
ابتسمت بتوتر راح اموت من توتري ما اريده يدخل و ايشوفه حاولت اسيطر على نفسي.
شبيج حنين مو على بعضج
اني؟ لا مابيَّ ما بيَّ شي.
رفع حاجبه يباوعلي بنظرات شك يتفحصني المشكلة يعرفني من احچي الصدگ او الجذب.
درغام: خلي ندخل جوا.
بسرعة اردفت.
حنين: شنووو لاااا وين داخل شبيك
انا إلى شبيه لو انتِ بعدين تعاي شنو وين داخل من شوگت تگليلي هالحجي
جبت عمري اجيكم ادخل و اطلع ما شفتج بيوم حجيتي هيج
من گال.
جاي أحسج ضامة شي توترج هذا، عضة شفتج ملامحج تدل ضامة شي.
بدون اي مقدمات دفعني بخفة فتح الباب دخل جوا ضربت على خدي راح يتذابحون بينهم.
اتمنيت ابوية موجود بس يمكن ابوية هم ماراح يرحم ارسلان اذا شافه گدامه صحت وراه اوگفه.
حنين: درغاام اوگف بس اسمعنييي.
وگفت رجليه و عيونه اتوجهت على ارسلان الواگف تغيرت كل ملامحه مجرد شافه قبض
ايده مشى بخطوات سريعة لا شنو سريعة ركض عليه ركض طفر الحديقة بدون اي كلام
لزمة من ياخته يعت بي وذاك واگف ببرود حتى ما دافع عن نفسه لو اهتزت شعره منه.
درغام: شتسوووووييي هناااا.
رد عليه ارسلان ببرود عكس درغام إلى صاير بارود.
ارسلان: اشوف اخت زوجتي.
عته اكثر ويصيح بوجهه.
لااااا تخلينييي هسه اطللععع برووحك وينننن غياااهب.
أشر بحواجبه ارسلان باتجاهي.
حجيت اخبارها الاختها.
شهگت من درغام وجه ضربة اله بوكس بنص وجهه گوم يا ارسلان ارجع رجع البوكس
ماطول الهدوء و هوَ يرجعله الضربة واحد صار يضرب بالثاني.
حنين: درررغام ارسسلان فدوووة كااافي.
مايردون عليَّ جسمي صار ينتفض خوف دخلت جوا اسحل بنفسي وصلت الجهازي
ارجف و اسمع الصوتهم واحد يغلط على الثاني اتصلت بابوية ما طول و هوَ يجاوبني.
سلطان: ها بابا
حنين: فدووة تعااال للبيت بسررعة.
اردف بقلق.
شكو شبيج بابا بيج شي
مو اني مو اني بس هذول درغام و ارسلان برا ديتعاركون فدوة تعال خايفة لا واحد منهم يسوي شي غلط.
ارسلان؟ عندنا بالبيت.
ايييي الله يخليك تعااال.
طبك الخط بوجهي طلعت برا بعذهم نفس الوضع و اثارب الضرب بملامحهم جارحين
بعض اتقرب عليه درغام وجهه ينفض غضب واحد لازم خوانيك الثاني.
درغام: بااااقي موووقفك بعينييي من نقذتني و الاااا اعررررف شسووييي.
رجع ضربة
صرخت بصوت بلاعيمي احسها اتجرحت نزلت دموعي بضعف وحدي ما اگدر اسوي شي.
حنين: درغاام بداعت امك عوووووفه الخاااطرررري الله يخليك.
ابتعد عنه خازره اثنينهم وجوهم تتجارى دم ختلت وره ظهر درغام لزمت ايده القابضها
اخاف يرجع يهجم عليه اتوسل بعيوني الارسلان يروح وگف ينكث بملابسه و يمسح بالدم إلى يجري من فمه.
درغام: لوووو تضمهااتت جوا الگاع راح يجي يووووم واخذهااا واخليك تتحسررررر
علي شوفتهاااا روح هسه و العب براحتك بس الحفرة إلى حفرتهااا محد غيرك راح.
يطيح بيهاا اتذكرر كلامي غياهب هالمرة اذا اتأذت بخدش واحد امووتك بايدي وادوس على مواقفك.
ابتسم ارسلان هزله براسه مستحيلة تصرفاته لوحله بايده و طلع من بيتنا زفرت نفس
براحة رادوا يموتون بعض ذكرت اتصالي بابوية جسمي كله يرجف من الهبطة
دخلنا جوا گعد يتنفس سريع بغضب تحركت اجيبله مي سحبني من ايدي.
درغام: وين رايحة
حنين: اجيبلك مي
اگعدي انتِ مريضة انا اجيب.
راح للمطبخ گعدت بعدني ارجف ومهبوطة غمضت عيوني الثواني سمعت صوت ابوية.
سلطان: حنين.
ردت اگوم من مكاني أشرلي ابقى بقت عيونه تدور عليهم.
وينهم؟
ارسلان راح و درغام بالمطبخ
راح؟
بهل الاثناء طلع درغام بايده كلاص مي مم شاف ابوية اتفاجئ مايدري اتصلت بيه.
سلطان: ليشششش عفته يروووح.
باوعلي افتهم اني إلى انطيته خبر بس ابوية ما مهتم إلى همه غياهب اذا جانت بخير او لا.
درغام: عمي ارسلان مديخلينا نوصل لاي شي يخص مكانه جاي يلعب ويا جماعتي إلى يراقبوا و برمشة عين يختفي.
سلطان: حچى شي عن غياهب؟
حنين: ليش شبيها غياهب؟ مو علساس مسافرة.
كمزت من مكاني من ضرب الميز إلى گدامه وگع كلشي بي، بقيت ملتزمة الصمت شعوري
حالياً خوف على امان ما ادري بس احساسي يگلي ماراح يرجع يأذيها ما ادري اذا احساسي
غلط او إلى شافته عيوني غلط بس الشي إلى شافته عيوني من يحجي عن اختي ملامحه تتغير.
و عيونه تبقى تحجي شي ثاني جنت اشوفه من يخطف منها نظرلت مو مال شخص هامة الانتقام.
رفعت راسي ابتسمت بقهر وانس اشوف ابوية ناسي نفسه و بحچي الحقيقية، لزم راسه مغمض عيونه اجه گعد بصفي يباوع بعيوني بحزن.
سلطان: جذبت عليج كل هالفترة.
قوست شفايفي امنع نفسي من الانهيار إلى كاتمته طول هالفترة.
حنين: بشنو جذبت بالضبط.
بدأ يحجيلي كلشي عيوني عليه الى كمل.
ليش بابا مو نفسك تكره الجذب بحياتك ما علمتنا عليه بسبب تعلومك اني لليوم اذا اريد اجذب ما انجح بسرعة انفضح خيبت ضني بيك.
وگفت مختنگة بغصتي.
اعرف كلشي سمعتك من حچيت ال خالتي بس كل مرة اشوفك بيها اگول هسه راح يحجيلج
كلشي يا حنين هسه راح يحجي ما يضم بس انتَ جنت تخيب ضني بيك كلكم جذبتووووا
عليَّ خليتوووني احس نفسي منبوذة بينكم لا من اختي إلى راحت برجليهااا للجحيم و ضحت.
و لااا من حضرررتك و لا حتى من خطيبي ماشي اتفهم موقف درغام انتَ مأمنه
بسسس ليش بابااا ليش دائماً تضمووون عني و اخرررر الناس يله اعرررف.
درغام: حنين شنو هذا التفكير.
لا ماكوووو غيره قيسه على نفسك من اهلك يجذبووون عليك ويبقوووون يضموون
ويضمووون عليك شنووو احساسي انتم كل إلى ابالكم اني وحدة غبية و كلشي مااا افهم و لا اضم السررر هااااي نظرتكم الي.
احس انهاريت دموعي تنزل بدون توقف وگف ابوية بسرعة و ملامحه تحجي قبل لسانه.
سلطان: لااا بابا و عيونج الغالية محد مفكر بيج هيج
لعد شتسمون تصرفكم.
من خوفنا عليج لا تزعلين من كلامي ادري بيج ماراح تتحملين خصوصاً اذا الموضوع يخص توأمج.
للاسف غلطان. نفسي اني إلى صارلي فترة واهمتك ما ادري بشي و اني اعرف
شغلات اكثر منكم ما جربت مرة تحجيلي سر من أسرارك؟ گضيت عمرك اسرارك يم غياهب.
ما معترف بيَّ يمكن تصرفاتي الطفولية وهمتك اني انسانة مو گد شي بس والله اني مو هيج.
عفتهم صعدت الغرفتي امسح بدموعي ما اتوقع احد راح يلومني لان لوجانوا بمكاني
راح يحسون مثل احساسي و شعوري دخلت گعدت على چربايتي ابچي بصمت بلعومي يحرگني هفيت بايدي مختنگة دخل درغام.
درغام: تسمحيلي ابقى يمج؟
حنين: هم سطررر جذببب.
السانج حنين شوگت مجذب عليج؟
سكتت امسح بدموعي رجع گال.
من راح تبقين تبجين و تعبين عيونج و گلبج شنو راح تستفادين اتأذين نفسج و اتأذيني
انتَ ليش تتأذه قابل تعيش مثل شعوري.
گعد بصفي.
اتأذه بكل دمعة تنزل من عيونج.
باوعت بعيونه هل العيون بحياتها ما انطتني غير نظرة وحدة هيَّ الامان ابتسمت بنص دموعي.
احضني.
مو بس حضن احضان انطيج تعاي بنت سلطان تعاي ابوية انتِ.
حضني الصدره والشهگة بصدري گلبي متگطع على ابوية.
درغام
عيونه
تحس قسيت بالكلام ويا ابوية.
اي بس نگول حقج و مو حقج. هوَ ما يكرهج عمي سلطان اذا عنده نقطة ضعف ف هيَّ انتِ و اختج من خوفه و حرصه عليج ما گدر يحجيلج.
ما اگدر انسى شعوري و احساسي إلى حسيتهن
ابوج تعبان خليج واگفة وياه لا تصيرين ضده كافي غياب غياهب إلى هاد حيله شيصير بي اذا يحس خسرجن اثنينجن.
رفعت راسي بسرعة انضرب بنحكه صاح بألم.
انعللل ابوووج
ما ادري ما ادري.
لزم مكان الضربة يحچي.
شلووون بيناا بالفهاوة.
مووو گنالك ما ادري و اسفة ليش تماااطل
نوب هيَّ ام الراهي فوگاها.
اتقربت اله كل شغلي و حركتي بايذ وحدة لزمت وجهه.
ما منتبها حبيبي أذيتك؟
جر انفي العادة إلى ما يستغني عنها.
اذيتج حلاوة على گلبي بلائي
اووييي كزكزت.
حنيني
هااا
ننزل انشوف ابوج
لا
ليش؟
بعدني ضايجة خلي اهدأ و اتفاهم وياه خاف احجي شي و ينجرح من كلامي.
بس هسه تلگينه مقهور.
رجعت دموعي تنزل.
انا هم مقهورة منه لان جذب عليَّ.
خوش بس لا تتأخرين عليه وتبقين مبتعدة عنه
ان شاء الله. حاجبك مجروح
جرح بسيط
ابقى هنا هسه اجي.
ردت اگوم سحبني من خصري مرجعني المكاني ايديه حاضنتني بقيت جامدة و قشعر جسمي من قبلني جوا اذني.
هواية تتحركين وانتِ مريضة
هااا لا بس اريد اجيب علبة الاسعافات.
ختولي ما اريدها.
ابتعلت ريگي اني وياه موذاك التقرب بينا و لا مرة بادرت بهل الشي و هوَ ما ضاغط عليَّ من هالناحية.
احم درغام
اممم
خلي اجيب علبة الاسعافات.
مو گتلج ختولي
بس اجيبها حباب
ابقي انا اجيبها
وين تعرف مكانها
اندل شغلات بيتكم اكثر من شغلات بيتنا.
ههههههه تمام بس شوف ابوية وياك ما اريد انزل و اطير هيبة زعلي
چفوصي وتريد تنطي دروس للعالم.
نهض من مكانه بقيت وحدي مشاعري متلخبطة و گلبي دگاته ما منتظمة، رجع وبايده العلبة حطها بنصنا.
درغام: اتفضلي ست چفصه
حنين: شفت بابا.؟
يگلي لا تستغل الوضع الك نص ساعة وتولي البيتكم
هههههههههه ما يفوته شي.
هوَ شنو سالفته ويا النص ساعة ما ادري
ساعدني خلي اطلع ذني ما اگدر بايد وحدة.
طلع الشاش ويا قطن ولزقة الجروح رفعت ايدي اعالج بجرح حاجبه مبتسم يباوعلي ساكت.
شبيك دتوزع ابتسامات ابو جلطة.
أحب سواد هالعيون
حلالك
بس العيون
لعد شتريد اكثر
مثلاً هاي الشفه إلى من تبرطم
شنو هالحجي مو عيب عليك تحجي هيج
الساني فالت لا تخليني اطلعه
اسكت خليني اعرف اشتغل.
سكت بين ما كملت مديتله ايدي.
هاك الزم هاي حطها الجرحك.
حطيتها رفع ايده ايده لزگها بمسافة هواية عن الجرح كتمت ضحكتي.
لا مو هنا
چا وين
فوگ حاجبك بس بشوية مو بهواي.
حطها هل المرة بالمكان الصح.
حنين: عفية خوش سويتها يلا روح الاهلك.
درغام: لا والله
اي كملتها و بابا گالك نص ساعة.
باوع بساعته إلى لابسها بايده غمزلي و هوَ يگول.
بعد عشر دقائق
شوف اريد احچيلك شي بس مترددة
احچي بلائي الجميل لا تتقيدين.
انتَ برأيك ارسلان ليش مديقبل يرجع اختي النا بعد ما انكشف كلشي.
اكيد علمود يحرگ بگلوبنا بيها
يمكن اي و يمكن اكو سبب بعد.
طبك حواجبه و هوَ يگول.
سبب شنو بالضبط
يمكن ارسلان حب غياهب و على هذا الاساس مديقبل يرجعها يخاف تاخذونها منه و بعد ما ترجعونها اله.
وهوَ هذا الشي إلى راح يصير غياهب بس ترجع ارسلان يحلم يلمحها بعيونه.
تررررا مووووو بكيفكم.
شو انتِ واگفة وياه حنين نسيتي شسوووا؟
اني ما واگفة وياه و ادري غلطة چبير و ماراح نگدر نسامحه بسهولة خصوصاً اختي لان اعرفها زين بس.
و لا احنا راح نسامحه
درغام بس حقه ياخذ حق اهله ليش ما نحجي الحق ونفكرلها زين.
ماااا گايل شي بس موووو من النسوان هاي الزلم كلها گدامه
ما ادري مادري بس گلبي متوجع عليه و على اختي
اي؟
لا تحچي بهل الطريقة اخاف
كملي
بصراحة اتمنى يتلاحگ نفسه ويصلح اعلاطه و.
شبيج انتِ تخبللتييي؟
لا ما اتخبلت داحجي بكل وعي يمكن اكو شي ما نعرفه بعد وسبب تمسكه باختي اله اسبابه.
مرة بالدوام سئلته ليش يسمونك الاعرج
شنو جاوبك.
شرحلي شلون ارسلان سولفلة قصب هاللقب و شلون اتكفل باخوانه و هوَ طفل.
حنين: شفت درغام انتَ و منا قيس شگد عانة بطفولته بدون ام و لا اب و شگد نفسه
عزيزة ما مد ايده الاحد رغم الوضع إلى جان بي بالوقت إلى احنا اهلنا جانوا يوفرولنا.
كلشي انتَ ما نحرمت من حنان ام و اب و دائماً خالي وخالتي واگفين بظهرك اما
اني و غياهب انحرمنا من حنان الام ولليوم نستفقده بزوايا حياتنا بس رب العالمين انطانا
اب صارلنا كلشس بينما ارسلان ما حصل كل هذا و انحرم منهم احنا من نتمرض
جانوا اهلنا يسهرون علينا بس متأكدة هوَ محد سهر عليه وجان يلملم جروحه بگلبه وحدة.
نزلت دموعي بقهر و اني اشرحله رغم ما اعرف هواية عن حياة ارسلان بس متأكدة.
كل هالاشياء هوَ استفقدها بحياته. متأكدة ما راح يرجع يأذي اختي لان يحبها والله
ومبين و هالشي اتاكدت منه حچيت ويا العلوية زوجة الخال وبلغتها اعرف كلشي
وبدأت تشرحلي إلى جانت اتشوفه وشلون ارسلان يتبهذل من اختي تجيها حالتها.
ما ادري اذا راح تحس بي او لا لان مافاقد امك و ابوك الله يطول بعمرهم، انتقامه
و حقده غطوا على كلشي وصارن يتحكمن بي اتمنى بيوم يگدر يصحح كلشي سوا.
صاح ابوية رفعنا راسنا و الغريب باسمنا اثنينا طلعنا نازلين شفنا گاعد وبايده جهازه مجرد شافنا اجه علينا يحجي بتأكيد.
سلطان: اكووو شغلة ما انتبهنا عليهااا
درغام: شنو عمي يا شغلة؟
الرجال إلى انگتل اسمه حسين
اي شبيه
عمر اسمه عمر حسين و ارسلان اسمه ارسلان فاروق.
صفنا احنا الثلاثة هذا الشي ما اجه ابالنا و ما استغرب لان ارسلان دائماً سابقنا بخطوة و معنى كلام ابوية ارسلان مو ابن المرحوم حسين؟
غياهب.
واگفة امشط بشعري صافنة بالمراية إلى گدامي بعد ذاك اليوم ما تقربت اله شلون صار
هيج معقولة إلى مقسوم من قول الصدف تلعب دورها بس إلى ما فهمته باقي الحكاية
شنو، داحس دخت بتفكيري نزلت عيوني على القراصة إلى گدامي احسني صرت متناقضة
مثله سحگتها برجلي بذاك اليوم ورجعت اخذتها انكسر جزء منها مو كلها زفرت نفس
بعمق تعبت من تناقضي طول هالايلام و عذابي اكبر بالسر إلى يخصهاا خصوصاً بعد ما عرفته نفسه ارسلان.
فزيت من قوقعة أفكاري انفتح باب الغرفة باوعتله بأستغراب من حالته شفته تنزف دم
و اثر ضربات بوجهه ما حچيت شي لان گاطعة الكلام وياه من ذاك اليوم رجعت
درت وجهي منطيته ظهري اكمل تمشيط شعري و هوَ على نفس وگفته.
ارسلان: غيااهب.
مارديت عليه فزيت من مكاني من شفته ورايَّ حصرني بين الميز وبين جسمه نزل المستوا طولي وجهه بوجهي همس.
انطقي عسا ما حرف واحد عسا ما تسبيني بس لا تبقين ساكتة.
كتفت ايديَّ و عيوني تتحدا بنظراته.
احچي غيااهب.
ما حصل اي نتيجة رفع ايده يتلمس وجهي دفعت ايده باعدتها مسح وجهه بحيرة ابتعد
عني طلع ما ادري وين ما طول و هوَ يرجع مغسل وجهه وشعره گعد بالگاع يدخن و المي ينزل من شعره.
تريدين تعذبيني بسكوتج هذا حلال عليج يابه.
بقيت ثابتة على موقفي اخذت كتابي واتمددت ممهتمة خارجياً بس داخلي الف حسرة
والف سؤال، لزمت كتابي اقرأ بي نهض من مكانه سحبه من ايدي يتقصد يسوي شكو.
شي يستفزني بس علمود احجي، رفعت شعري مبتسمة سحبت الكتاب الثاني رجع هم سحبه عضيت شفتي من الداخل اكتم غضبي.
ارسلان: احچي الخاااطر كلمن عنده خاطر يمج.
حط الكتابين إلى اخذهن بحضني و عيونه تراقبني
خلي عنادج يفيدج.
هز براسه و الحزن مغيم على وجهه طلع من كل الغرفة تحسرت حسرة اذت صدري لشوگت
هالوضع، لليل جاب اكل حطه گدامي ما بعت ثكل هنا لان جوعانة گعدت اكل رفعت.
راسي من شفته غص بالاكل عيونه دمعت مختنگ عبالي يجذب بالاول بس بعدين اكتشفت
فعلاً غاص رفعت گلاص المي بسرعة شربته بدون وعي اردفت.
غياهب: صرت احسن؟
ابتسم لازم الكلاص فوگ ايدي اريد اسحبها لازمها خزرته.
لو ادري من زمان داعي اغص علمود اسمع صوتج.
شيللل ايدك عن ايدي
ارجع واكرر سؤالي الج
أي سؤال
ملمسج ناعم وترف حيل ليش
هسه عوف ايدي و اجاوبك
لا عوفينا هيج حتى شهيتي انفتحت اكثر
اني شگايلتلك؟
تلعب نفسج مني و من ملمسي هيج گلتي
لعد شكو لازمني.
تحولت ملامحه للانزعاج واختفت ابتسامته، دفع ايدي وگع الگلاص كله مي على الاكل
ونهض من مكانه لميت الاكل بهدوء رجعته للمطبخ دخلت للحمام غسلت ورجعت
للغرفة وصلت يم الباب جان واگف يم شباك الصالح.
وين رايحة؟
ما يخصك
وتااالي ويااج
كل انسان يتحمل نتيجة افعاله ر اختياراته.
ردت ادخل استوقفني كلامه من گال.
ارسلان: اليوم چنت يم اهلج.
باوعتله بأستغراب شلون گدر يوصل الهم.
غياهب: أهلي؟
اممم
شتسوي رايح رحت علمود تلعب باعصابهم وتستفزهم و تريح گلبك
لا
لعد
حنين صاير وياها حادث بسيط بالمستشفى وايدها مكسورة.
لزمة جهة گلبي إلى صار يدگ سريع بعد سماع كلامه.
حنين؟ شدتحجي.
عدت سلامات لا تخافين بس ايدها مكسورة.
گعدت بالگاع بباب الغرفة ما ادري شصارلي كل وضعي اتخربط صار گدامي يباوعلي.
گتلج ما بيها شي
دتجذبببب.
بقى ساكت الثواني مد ايده بيها جهاز رفعت عيوني اله ما مصدگة تصرفه.
شنو هذا.
اتصلي عليها و اتأكدي بنفسج.
ما گلت لا بسرعة سحبته بس بنفس اللحظة اتبخرت امالي من ماحافظه رقمها رجعت اباوعله.
بس اني محافظة رقمها.
أشرلي بمعنى صبري دخل للغرفة باوعت وراه طلع من جنطته دفتر صغير رجع إلى اخذ الجهاز من ايدي كتب بي الرقم.
اتفضلي هذا رقم اختج.
اخذته ودخلت للغرفة هوَ واگف يم الباب جاوبت حنين لو احس الدنيا رجعتلي ضحكتي وردتلي روحي.
حنين: الوو منو ويايَّ.
نزلت دموعي بضعف و اني متحسرة على صوتها.
غياهب: اني اني غياهب حنين.
سكتت الثواني اسمع صوت حركة يمها رجع صوتها ردت بأستغراب وعدم تصديق.
غياهب؟
عيوني
سدي لا يأذيج.
رفعت نظراتي واگف يباوعلي طبيعي رجعت احجي ياها.
لا هوَ گال اتصل عليج.
ما ادري شصار الاختي سمعت صوت ضحكتها شبيها هاي.
حنين شبيج ليش دتضحكين.
ماكو شي بس طمنيني عنج
اني بخير احجيلي انتِ شلونج بابا خالتي
محد زين غياهب كلنا بدونج موزينين.
خنگتني العبرة من كلامها غيرت الموضوع.
صدگ ايدج مكسورة.
لا تخافين مابي شي بس ايدي اتاذت، غياهب والله ميتة عليج احجيلي ارسلان ديمد ايده عليج فدوة احجيلي لا تضمين.
لا والله ما يمدها
بابا تعبان عليج غياهب لا ليله ليل و لا نهاره نهار.
اتقدم گدامي وگف سحب الجهاز مني حچى وياها فاتح المايك.
ارسلان: ام روح الحلوة اعتذر منج بس ما اگدر اخلي المكالمة اكثر من هيج
حنين: شوگت ترجع اختي.
باوعلي ورجع يرد عليها.
الله كريم الكلشي اخذي راحتج.
سده منها طلع الشريحة مال الخط كسرها و هاي مو اول مرة كل ما يخابر احد يبقى يكسر بالشريحة و مايطول باتصاله.
غياهب: ابقى ابقى كسر و كسر اجهزه هم يوم إلى اكسر راسك.
ارسلان: شدددد
أكرررهك
ما يفرق لا يقدم و لا يأخر هالشي.
مسحت عيوني المدمعة بقى كلام حنين يدگ براسي من گالت ابوية تعبان نزلت دمعتي مسحتها بسرعة.
ارتاح گلبج على اختج هسه
ما يرتاح گلبي الا باليوم إلى ارجع الهم.
اختفت ابتسامته الخفيفة.
و تعوفيني؟
علساس شلون واحد يموت بالثاني وما اعرفك
اگلج سؤال
اسئل
اذا عفتج ورجعتي الاهلج تكملين حياتج؟
لعد شنو اوگفها عليك
اممم ويعني تتزوجين واحد ثاني هم
طبعاً.
چا حتى انا اتزوج
الله و اخلص منك
ما اتغارين؟
ليش اغار ابني؟
گومني من مكاني سحبني من ايده قيدني بايديه اريد املص روحي ما اگدر عيوني جمرت نظراته نزلت الشفايفي بلعت ريگ.
بس انا اغار اذا يجي احد بمكاني.
اتشنج جسمي و اتوقفت انفاسي من ايده صارت وره راسي ساحبني مقبلني.
قبلة طويلة يتفنن بيها مغمض عيونه من صدمتي عيوني متجحظه وصافنة.
ابتعد عني انفاسه
تضرب بوجهي عيونه ذبلانه نبرة صوته إلى تتغير من يصير يمي همس باذني قشعر جسمي.
حتى نبرة صوتي يمج تتغير.
باس جبيني و هوَ يگول.
أموتج بايدي و ما أخليج تصيرين الغيري.
استوعبت إلى ديصير دفعته عني و دگات گلبي تتسابق رفعت ايدي الشفتي رفعت
عيوني عليه مبتسم ابتسامة نصر رصيت على اسناني هجمت عليه اضرب بي.
غياهب: انتَ منوووو سمحلللك تسوووييي هالشييي
لزم ايديَّ يضحك ويبوس بيهن.
ارسلان: مااا عصيت الله ترررا مرتي انتِ.
دفرته برجليَّ مفرفحة.
كاافي ولچ اثبتي شسووويت هسه هيَّ بووووسه.
اتااادب اشش اشش لاااا تحجي شي.
ملصت روحي منه دافعته.
اذا ترجع تكررها احططط سلاحك براسك ادبسزززز.
شدددد
وين اكووو واحد يگلوله تلعب نفسناااا منك ويتقرب
جذابةةة مااا تلعب نفسج مني
لاااا تلعب ايعععععع.
ما اهتم الكلامي مثل كل مرة غمزلي.
بس طرگاعة ترا
شنووووو
ملمس شفتج
ادبسزززز موووو بيدك.
زفزت بعصبية من إلى سوا بس هيهات استسلم و اخلي فعلته تعدي سلامات
دا يمشي من يمي حطيتله رجل راد يوگع لو ما لازم بالحايط باوعلي خازرني.
جلدج يحكج لازم
دطيررر.
طلعت من يمه الدمعة بطرف عيني منو هوَ و هيج يسوي والله الا اندمك يا ارسلان غسلت
وجهي وغسل بشفتي بالصابون من كل عقلي عبالك اثر واريد اوخره بصابون گعدت.
وحدي بالصالة اعصابي تعبت و هوَ بعد ماطلع مرت ساعات گاعدة وحدي ضايعة بافكار
حياتي تثاوبت بنعاس رجعت للغرفة چان نايم من نامت عليك طابوكة وسليمة يا حقير يا ابو النسوان السرسري.
نمت بصفه هاي الچرباية كبرها مو مثل إلى جانت ببيتهم درت وجهي شفته غاط بالنوم
اجت ابالي فكرة شلون اخذ انتقامي منه شنو يبوسني و امررها اله سلامات.
رفعت ايدي بخفة اقيسها تجي وجهه فيت او لا يمكن يموتني على إلى راح اسوي بس المهم.
اخذ حقي منه سحبت نفس و بكل ما عندي قوة سمطته راشدي على خده فز من مكانه مرعوب
ويتلفت بانحاء الغرفة مثل المخلوس، اخخخ يمهه كتمت ضحكتي على منظره رجع باوعلي
عيونه متوسعه يمكن جان بعده ما مستوعب إلى صار ايده على خده خزرني خزره شلتني واني بمكاني.
ارسلان: انتِ سووويتي هيج غيااهب؟
غياهب: لا شبيك فزيت وياك من انتَ فزيت شبيك يعني شايف كابوس شكلك مخترع
لاااا تجذبين ولج
شبيك عيوني؟ على شنو اجذب إلى خلگك اني هسه.
چا ليش من گعدت انتِ گاعدة
مو گتلك گعدت وياك
انتِ گد كلامج
شقصد.
سحبني صرت جواه مثبت ايديَّ بايديه.
اعتررفي لا اكرر إلى سويته ويااج.
شبيككك شعتررف
انتِ سمطتيني بهل الراشدي
لا مو اني بيبي
بس انا اگووول انتِ
لا مو صح بيبي
خيولن سوالفج
بكيفك لا تصدگ بيبي
خوش معناها نعيد إلى سويتيه شو طعم شفايفج عجبني
شهللل الاستهتار الماله رداد؟
چا نسيتي اناا رجلج و إلى حقوق يمج
تذكر الضربة إلى اكلتها بالخطوبة؟
شبيها؟
تحب نعيدها.
لا ينگطع نسلي على الاخير استري علينا.
قاطع مشاجرتنا التافهه مصدر صوت الباب من أندگ.
غياهب: منو إلى جاي هسه؟
ارسلان: ما ادري بقيج هنا لا تطلعين.
ابتعد عني طالع ايشوف منو بالباب بقيت گاعدة بمكاني معقولة اهلي گدروا يعرفون
مكاني بس وين هالشيطان يخلي احد يغلبه طول سله رجع نهضت من مكاني اسئله.
هاا منو
الجني
يمهههه لا صدگ منو
ما ادري من طلعت افتح الباب مالگيت احد
خاف احد مراقبك
مستحيل.
حرامات عبالي اهلي جايين ياخذوني و اخلص من جهرتك
مو هيته هيَّ.
بهل الليلة گضيناها نتناكر و يگلي انتِ إلى ضربتيني و اني على نفس كلامي ارد عليه مو اني.
مر شهر ماكو شي جديد وهذا يكسر بالخطوط و يرجع لوره وضعي النفسي تعب الدرجة
حتى الاكل گطعته چان گاعد و بحضنه حاسبته واوراق لازم قلم كل تركيزه بيهن مشيت خطوات گعدت بصفه اباوع ويا دار وجهه ناحيتي.
ارسلان: گومي منا.
غياهب: قابل راح افضح شي شبيك يا عيني شو كلشي مدافهم عبارة عن خرائط و انكليزي
احسن. اكلتي؟ لا اوكفي ليش اسئل واضح ما اكلتي
مايخصك بيَّ
ابقي بهاي يباسة راسج خلي تفيدج.
رجع يشتغل و اني فارغة كلشي ما عندي كل شوية سائلته سؤال لان اني من النوع احب اكتسب معلومات و بحث.
ارسلان
يا حلاة اسمي
اتأدب
گولي
شو صايرة عندك لحية
حسب الشغل مو الكل شغلهم واحد يختلف
ها ويعني انتَ شغلك خطر مو
اممم.
هاا. زين اگلك
گولي.
اني مشتاقة للعلوية و المليكة و الناز
خوش.
دفرته برجلي ضايجة.
شنو خوش ولك
چا شكلج
اخذني الهن
اخخ منج شوگت تفهميني
اريد تجي بنيه للعلوية علمود تسميها على اسمي
وانتِ شعليج بيها.
صديقة امها
كلاواتج
اذا يجي ولد و يسمونه على اسمك ما راح احبه و لا اتقربله
شبينا عيني نجكجك
مكروهين
شوگت ارجع الاهلي
من اموت
زين شوگت تموت
من الله يريد
اوف سالفتك مطولة اگلك.
زفر نفس بعصبية واني متستمعة لان داغثه.
گوووولي
انتَ ودرغام تشتغلون سوا.
لا شغلنا انفصل من فترة و كافي اسئله گومي منا.
عوجت شفايفي و نهضت من مكاني بس رجعت گعدت باوعلي فاتح عيونه.
ارسلان: شوووو رجعتي
غياهب: بعد عندي سؤال
بعدين
لا هسه
استغفرالله مسلتي
شنو امسلت شنووو شايف كلامي كله تمسلت؟
عاط بصوت.
دخيلك ربي اللسان البيكيسي.
اني لحد الان ما فاهمة الصدفة إلى جمعتنا بالطفولة و من كبرت.
لا تفهمين احسن.
لا فهمني.
عدلت گعدتي انتظر جواب منه غمض عيونه بقلة صبر ادري بنفسي لحيت بس شسوي لازم اعرف.
جنت اشتغل قريب على مدرستج انتِ و اختج و من بين الاطفال الموجودين متميزات بشعرجن
الطويل وشبهجن البعض و دائماً اسمع اختج تصيحلج أولريش بس ما چنت اعرف اسمجن.
ابتسمت و اني استرجع طفولتي.
صح دائماً چنا من نداوم هيج يگلولنا لان التوأم الوحيد بالصف.
چنت راجع من شغلي مثل كل يوم لان اذا الصبح اشتغل للظهر احل لان علمود دوامي.
جنت تدرس و تشتغل؟
اممم
بس جنت طفل مو ذاك العمر إلى يتحمل الشغل
صح طفل بس كبرت هواية و انا بهذا العمر
وشلون تفرق بينا اني و حنين.
قلب عيونه يباوعلي صفح هذا شبيه.
انتِ تضحكين بالسنة حسنة عيونج دائماً تخزر بالرايح و الجاي
اقلتاً احلى منك وجه المجرمين.
انجبي غياهب.
والقراصة
شبيها
شنو قصتها ليش جنت ضامها من شفتني انطيتنياها.
طبك حواجبه رجع اخذ الحاسبة الحضنه عيونه بيها ساكت ضربته بعكس ايدي.
ليش سكتت.
هواية سئلتي و اني عندي شغل
انتَ ليش دائماً تخلي علامة أستفهام بعقلي
القراصة جنت مشتريها باول فلس استلمته من شغلي چانت الناز اشتريتها بس ناز وضعها غير وبقيت ضامها عندي.
اوگف ارسلان. ي. يعني القراصة إلى انطيتنياها جانت بذاك اليوم من اول مصرف تستلمه بشغلك؟
وجهه احتقن يحاول يبين نفسه طبيعي.
امممم.
رجفت شفتي بقهر بهل اللحظة استحقرت نفسي و استحقرت تصرفي إلى سويته بذاك.
يوم اليوم سحگت تعب طفل يجاهد يحصل المصرف مابين شغله و دوامه رفعت عيوني اله يكتب بس ايده صارت ترجف يبلعم و ملامحه اختلفت.
وبعدين شصار.
اخر مرة انطيتج بيها هاي القراصة جان اخر يوم إلى بشغلي لان الرجال رادني اشتغل
طول اليوم بس ما گدرت لان ادرس تركت شغلي منه ودورت شغل بغير مكان. ابتسم بدون ما يباوعلي.
بس بقى اسم أولريش محفور بعقلي و كافي لهنا اسئلة غياهب.
عفته ما كملت باقي اسئلتي عندي بعد اسئله رحت للجنطة طلعتها امسح عليها و گلبي
ينزف قهر شنو فرقي عن حقارته من تصرفت ذاك التصرف إلى قهرني سحگت تعب انسان.
شهگت بفزع من صار صوت طلق رجليَّ صارت ما تعيني اتحرك دخل عليَّ ارسلان ملامحه متبدلة لازم سلاحه.
بقيج بمكانج غياااهب لااا تتحركين و لا خطوة.
انلزگت بالحايط ما فاهمة اي شي شنو هل الهجوم إلى صار وگف قريب مني يم الشباك بس اخذ حذره.
ارسلان منو؟ مستحيل يكونون اهلي.
موووو اهلج ادررري، ذوله الكو
منو؟
مو وگت اسئلتج أسكتي.
راح على جنطته طلع منها سلاح ثاني غير إلى بايده شمره عليَّ.
تعرفين تستخدمينه مو؟
اي
ديربالج.
لزمته بايدي رجع التفت الي.
لازم نظلع منا
شلووون نطلع ما اتشووف الوضع.
بقى ساكت مثل إلى يفكر بشي سحب جنطته سلمها إلى يباوعلي بنظرات تأكيد و تحذير.
انا اعرف شلون بس الزمي الجنط لان جنطتي بيهااا شغلات مهمة غياهب حافظي عليها تخص شغلي.
هزيت براسي سحبت بس جنطته بدون ما ينتبه سحبت القراصة حطيتها باحد الجيوب
جنطتي تركتها مو ذات اهمية مد ايده إلى بقيت صافنة بي.
ارسلان: ميخالف غياهب الزمي بايدي بس هالمرة و خلينا نطللععع.
مديت ايدي لزمت بايده ضغط عليها وايدي الثانية بيها السلاح الجنطة لابستهاا
اتحركنا خطوات و اجت طلقة بالحايط الواگفين بصفه شهگت برعب و اذني صار بيها صوت حضني الصدره اردف بنبرة خوف جسمي انشلل.
ارسلان: غيااااهبببب بيججج شي حاچينيييي.
حركت نفسي الرعب إلى داعيشه عبالك فلم ضربته بصدره قابضة ايدي.
خنگتنييي يمعوووود اخخخ راسي ووولك راسييي عوووفني مابيَّ شي.
سحبني للمر
ما جنت مركزة عليه طول هالفترة رغم مرات ابقى وحدي اكو باب صغير فتحة بهدوء
أشرلي ما احجي شي هزيت براسي مد راسه يباوع بالمكان طلعنا بهدوء المكان.
صاير ورا البيت إلى چنا گاعدين بي و اكو مثل السياج محد يگدر يشوف او يعرف اكو باب صغير كل شوية يلتفتلي اذا بي شي.
غياهب: ليش ما خليتنا نرمي عليهم
ارسلان: ما اگدر لان مو وحدي ما مستعد اعرض حياتج للخطر اكثر من هل الخطر.
واو راح ترجعني الاهلي؟
خزرني.
لاااا
لعد وين رايحين صرنااا مثل المهاجرين كل يوووم مكان.
احجي واتعاوك وياه بالكلام ما احس غير ضغطت على شي دخل برجلي صرخت صرخة مكتومة.
ارسلان رجلللي.
خرررب بابو ارسلان شبيهااا
م. ما أدري
غياهب بس اتحملي شوية بس خلي نوصل للمكان إلى اريده.
بقيت كاتمة وجعي و نمشي ما نگدر نوگف الى ان ابتعدنا عن المكان دخلنا بنص
بستان بعد ما گدرت امشي گعدت منتهية رجلي تنزف سحبها يباوع بيها.
ارسلان: هاي كزازة داخلة بيها
منو ذولة؟ لاااا تغلللس
بسبب شغلي
شلون گدروا يوصلولك و انتَ اهلي ما خليتهم يوووصلولك
علمي علمج.
نزلت دموعي من الالم إلى صار برجلي سحب جنطته ما ادري شيطلع منها صفنت بنص دموعي من شفته طلع ملقط.
شنو هذا
شتشوفين
ملقط بس شتسوي بي شبيك لا تريد تسوي حواجبك
لا اسوي خالتج
اررررسلان لااا تجيب طاررري خالتي
چا أسكتي و خليني اعرف اشتغل.
رجع طلع منشفة شمرها عليَّ.
حطيها بحلگج
ليش ابني مثلاً داطلگ شو مدري شلونك انتَ.
رفع راسه يستغفر.
يغرررربال ولچ غيرررر خاف تتأذين ما تفضحيناا بصووتج.
شمرته بوجهه.
مااا ارريده.
مد رجلي يطلع بالكزاز إلى صار برجلي و احس بروحي شاغت بي دموعي تنزل
من الالم إلى كاتمته كاتمه صرختي ووجعي احس الوجع صعدت الراسي لان داخل بعمق انتهيت بين بين ماكمل دموعي تارسة وجهي.
كملنا عزيزة عيوني.
طلع واحد من قمصانه شگه وشد رجلي بي بس جسمي انتهى ما اگدر امشي
لان صارلي فترة اكلي مو شي صرت افتح بعيوني و اغمضهن اسمع صوته بس ما اركز.
شديحجي غمضت عيوني بعد ما اعرف شصار و بنفس اللحظة اخر ما سمعت أذني صوت اثر طلقة صدرت بس منين؟ و عليمن؟