رواية وتيرة الأعرج للكاتبة حوراء السعيدي الفصل الثلاثون
غرام.
ملابسي أباوعلها صارت ضيگة بسبب حملي بطني بدأت تكبر و مليكة تگلي مبين بيج
ولد من شكلج ما أعرف شلون يعرفن ماخذات عادات وطرق قبل طلعت أدور على كُميل چان گاعد وحدة مشيت قريب منه.
غرام: كمولة
كُميل: ها عيناي
اريد ملابس جدد
صار، بس شبيهن ملابسج.
صفنت الثواني بوجهه خجلانة اگله وزني زايد اردفت بخجل.
مو بطني دتكبر و ديصيرن ضيكات عليَّ و حرام گدام عمر أمشي و جسمي مبين.
خايبة ابوسن تفكيرج.
ههههههههه هسه شنو تاخذني
أي العصر جهزي نفسج
ما رايح الشغلك
عمر بمكاني اريده يتعلم يضبط كلشي خاف بالمستقبل يفتح شغل خاص بي طبعاً اذا حب.
خلي ناخذ ناز ويانا تغير من نفسيتها
قبل يومين بجلستها إلى خذيتها الها الدكتورة نفس حجي كل جلسة
الله كريم رب العالمين وحدة المشافي و احنا نسوي إلى علينا ما خسرانين شي
ادري علوية و الحمدلله صارت ماتأذي مثل قبل هالشي كافي نسيتي شسوت من دخلتلها غياهب و اذتها.
علي سيرة غياهب ماكو اخبار عنهم
ارسلان يتصل بيوم جلسات ناز و ابن الطحال يكسر الارقام و يرجع يتصل من غير رقم و علو هل الرنة باقين.
دگ جهازي چانت سوزان هالفترة گاضيتها وياها هيَّ مكملة دراسة من زمان
بس ماكو تعين القسمها و أبنها يحتاج مراعاة زوجها گايللها نخلي بالحضانة
او يم أهله و انتِ لو حابة اشتغلي بس رافضة تريد تربي ابنها و تكبره و فواز ما مقصر.
بشي وياها، فتحت كام روحها بيها ماتعرف تحجي الا تفتحها و اني اكرها احس
تطلع شكلي يخزي عدلت گعدتي وحجابي خاف زوجها يمها اول ما فتحتها طلعلي
سيوفي گاعد بحضنها ابتعدت عن كُميل لان جانت بدون حجاب.
سوزان: شنو الاخبار
غرام: الحمدلله.
رفعت ايد ابنها.
يله ماما گلها هلو خالتو.
ضحكت على سوالفها بقينا نسولف.
سوزان: غرام اريد اخذ غرفة جديدة
مو گلتي غرفتج صارلج كم شهر من اخذتيها.
خايبة اي بس بيضة و اتندمت اتعب بالتنظيف تريد دائماً تنظيف لان كلشي يبين بيها
بس حلوة حرامات تغيرينها
لا اريد اغيرها تعبتني
بكيفج.
ما الج نية تروحين للسونار
بعدني.
أشرلي كُميل يريد يحجي وياها.
غرام: سوزان البسي حجاب كُميل يريد يسلم عليج.
غمتني بايدها و تأشر فضحتيني يمكن لان گتلها لبسي حجاب لبسته گعد بصفي.
كُميل: شلونج ام سيف
سوزان: هلا بيك خوية الحمدلله
شني بعد ما اجيتوا گطعتوا.
ههههههه منتظرينكم انتم تجون تنورون بيتنا
بيتج يم اهلج؟
لا غير منطقة لان اني انتقلت من يم اهل فواز
خوش حجي نجيكم ان شاء الله.
بقوا يسولفون و الحلو بيها رغم رعونيتها و شقاها بس من تحجي ويا رجال رزنة و ثكيلة و تخلي حدود بس ويا البنات القريبات منها تشتغل خبالاتها سديته منها باوعت عليه مبتسم.
كُميل: ابن اختج الله يحفظه حلو
غرام: تحب هيج اطفال؟ لعد الله يرزقنا مثله.
اكو عاقل ما يحب هيج رزق.
ابتسمت الكلامه للعصر بدلت الناز و گوا قنعنه مليكة ناخذها ما قبلت بالبداية تگول لا يصيرلها شي شيخلصنا من ارسلان.
ما قبلت مليكة تروح ويانا لبست عبايتي وطلعنا لازمة ناز بايدي هيَّ ماتحجي قليل
كلش بس تبتسم شلون عمر اموت على هدوئهم عمر من يحجي ويا الواحد بكلامه شگد
المقابل يرتاح أما ارسلان ماتعرف صدگه من جذبه على گولت كُميل وبي يرفع بضغط.
الناس ما اگول غير الله يساعد غياهب، الطريق كله كُميل يتقصد يحجي ويضحك
علمود يخليها تتجاوب ويا بالكلام تحسها متونسة وصلنا نزلتا لازمها كُميل بايده على گولته
امانة و لازم ندير بالنا عليها دخلنا لمحل ألبسة نسائية وگفت اشوف الملابس الموجودة و هيَّ بصفي واگفة.
المحل جبير ابتعدت عنهم مسافة قليلة واجه كُميل درت عليه.
كُميل: غرام بقي ناز يمج راح اخذ كم شغلة من المحل إلى بصفه شفتهم عارضين ازياء رجالية.
تمام عيوني لا يضل بالك.
بس طلع اخذتها من ايدها شادة عليها درت وجهي صار بوجهنا ولد شاب عيونه صارت
علي ناز ما ارتاحيت النظراته بسرعة مشيت من يمه و هيَّ فعلاً حلوة تجذب النظر اخذت
كم قطعة و لازم اقيسهن بس شلون و كُميل بعد ما رجع لحد الان و ما اگدر اعوفها والله
ارسلان يذبحنا لو صارلها شي بقيت بمكاني تعبت من الوگفة ايدي على ظهري من جوا العباية اجه نفس الولد گال.
تفضلن اگعدن هنا اذا تحبن.
لزمت ايد ناز گلبي و لا ارتاحله رديت عليه.
شكراً هسه زوجي يجي هنا طلع يم الباب هسه يرجع.
راح من يمنا عفت حتى الملابس و طلعت للخارج طلع كُميل من المحل نزلت عيونه الايديَّ كلشي مماخذه و لا مشترية.
كُميل: ما مشتريات شي
غرام: ما گدرت اترك ناز وحدها انتظرك تجي طولت
الولد ابو المحل طلع مشتري مني سيارة و جان يسولف ويايَّ وبهل الامور هل اتأخرت.
عادي بس ظهري يأذيني يمكن لان وگفت هواية.
تعالن نرجع نشتري الجن ونرجع تعبتي ادري بيج
لا ما اريد من هذا المحل اريد من غيره
ليش ملابسة حلوة
لا ما عجبني.
نظرلي بنظرات شك هز براسه طلعنا نمشي ماحجيتله شي اخاف تصير مشكلة اخذنا
من غير مكان ملابس ماطولنا رجعنا للسيارة احس تعبت اخذنا بالطريق عشه
وصلنا للبيت نضحك بس اختفت ابتسامتنا من شفنا الناس ملتمة گدام باب بيتنا بسرعة نزل كُميل.
نزلنا اني و ناز و لازمة گلبي دخيلك ربي شكو توسعت عيوني و اني اشوف الدخانة طالعة
من بيتنا اصوات الناس العالية ما فاهمة شصاير ببيتنا، مرت دقائق طلع كُميل فتحت
عيوني شاهگة و اني داشوفه شايل امه يركض بيها ايدها مبينة متأذية طلع بيها بالسيارة
طاير نزلت دموعي اكثر من شفت ناز بدأ وضعها يتخربط ما اعرف احد من الموجودين.
لان هم حتى ما مختلطين ويا الجيران شفت انسام من بعيد جاية و ملامحها كلها خوف اجت باتجاهنا من لمحتنا.
انسام: علوية شصايرررر شبيكم ليش بيت اهلي هاي الدخانة بي.
غرام: م. ما أدري جنا طالعين.
حجيتلها مختصر بقينا واگفين حايرين بناز اختها لازمتها و ماكو أي رجال ويانا
وبيت انسام نفس المنطقة بس يبعد مسافة بعيدة عن بيتنا حتى زوجها بدوامه اجه رجال جبير بالعمر.
خيرجن عمي.
حاجته انسام صوتها يرجف بخوف على اختها.
انسام: عمو بيتنا هذا إلى أحتررگ و اختي مريضة فدوووة ساعدنا.
بدون أي تردد أشر لولد شاب اجه شال ناز و گاله يدخلها البيتهم صرنا اني و انسام
وحدة تباوع بوجه الثانية لان ما ندري اذا الولد يقبلون او لا نروح ويا غريب بيتهم گبال
بيتنا دخلنا جوا وياه اتلگتنا بنيه شابة رحبت بينا و جان الواضح ناس محترمين
من اسلوبهم و بساطة كلامهم حط الولد ناز بغرفة وطلع بقينا نحاول نهديها و المصيبة.
هنا اجتها حالتهااا گوا سيطروا عليها ما يقبلون اتقرب الها لان حامل و خاف بدون
قصد تأذيني لان صارت تدفع باختها وبالبنيه طلعت جهازي ارجف اتصل ب كُميل ما يجاوب
كررت اتصالي مايرد صفنت لعد عمر وين؟ مو لازم يكون راجع من زمان من الشغل
طلعت رقمه اتصلت بي بسرعة جاوب مالحگت احجي و هوَ يوجه كلامه الي.
عمر: علوووية وينكم شصايرررر هسه رجعتتت شصايررر بالبيت.
لزمت راسي إلى هاج بالالم عليَّ.
غرام: چنا طالعين و اخذنا ناز ويانا مليكة ما قبلت بقت بالبيت من رجعنا لگينا الناس ملتمة خالك دخل جوا و من طلع شايل مليكة و يمكن ايدها محترگة.
صفن الثواني رد بصوت كله خوف.
ايدهااا محترگة؟
يمكن هيج شفت ورسول الله راح اموت من خوفي
وين انتِ هسه ناز وياج؟
اي اي ويايَّ بس وضعها تخربط اجتها حالتها.
بقى يتأفأف و يستغفر.
بس گليلي وينجن أنتن.
يم الجيران ما اعرفهم ذوله إلى صايرين گبال بيتنا.
حسيته بدأ يفقد حيله من نبرة صوته التعبانة و ما استغرب اذا كل هالخوف يكون المليكة لان روحه بيها وروحها بي.
جاييجن.
سديته منه رجعت دخلت يم البنات حجيت الانسام الدقائق اجت مرة گالت اخوجن
اجه دخل عمر طلعت البنبه من المكان ويا امها بقينا بس احنا راح الناز حضنها بخوف.
عمر: ناز حبيبتي ماكو شي لا تخافين.
بقت هادئة و لازمة بقميص عمر حواجبها مرة تطبكهن مرة ترجعهن طبيعي بقت على.
هذا الوضع الى ان غفت وهيَّ بحضنه حط مخدة جوا راسها راد يطلع صارت
بوجهه البنيه نزل عيونه وطلع عيوني مادري شبيها بقت عليهم هيَّ خطفت نظرات
منه بينما هوَ ما باوع و لا رفع عينه طلع بقينا گاعدين الساعات خابر عمر.
غرام: ها خوية
عمر: مليكة احسن بس أيدها متأذية باجر الصبح يطلعوها راح تبقى بالمستشفى لان سكرها وضغطها شوية متخربطات عندها.
سودة عليَّ العافية تنزل عليها
الله يعافيج شنو وضع ناز بعدها نايمة؟
اي نايمة ما گعدت من روحتك
خايف تبقى هيج لان الدكتورة مان تتعرض الصدمات
ان شاء الله ما يأثر نحاول وياها. عمر ما گلتلي الحريق شلون صاير
مليكة گايلة الخالي السبب الكهرباء
الكهرباء؟
اي هسه راجع للبيت و أشوف الوضع انتم ابقوا يم الجيران الليلة لو اجي اخذجن البيت انسام و الصبح اجي اخذجن البيتنا لان خالي يگول مو كله متضرر.
لا خلينا يم الجيران ناز نايمة.
ما أعترض سديته منه و انسام ضاجت لان مارحنا وياها بس فهمتها الوضع هيَّ راحت
البيتها ما گدرت تبقى، انقهرت على مليكة بس الحمدلله عدت سلامات هل الانسانة
حنونة الكل تعامله بحنية ارسلان تعامله حاله حال احفادها الباقين و دائماً تدعيله الله يهدي
دزيت رسالة ال كُميل يطمني عنه ما يجاوب اكيد مشغول ويا أمه و هوَ كلشي
و لا امه جابت البنيه فراش إلى لزمت ظهري متألمة سحبت نفس باوعتلي البنيه.
خيرج.
غرام: شوية ظهري يأذيني لان جنت طالعة و من رجعنا انهبطت من إلى صار
يا عيني ارتاحي.
ابتسمت بوجهه نمت بفراشي طلعت سدت الباب افكر شوگت هالعائلة تخلص
من المصايب تخلص مصيبة يرجعون يوگعون بالثانية، الثاني يوم اجه عمر اخذنا اتشكر
من الرجال على استضافته النا رجعنا البيتنا جان المطبخ متضرر و الصالة الاولى همزين
الجيران متلاحگين الوضع جان النار مشت بكل البيت و كلشي فدوة گدام سلامة مليكة.
دخلنا ناز بعيداً عن الصالة و المطبخ دخلتها بغرفتها و عمر بدأ يشتغل بالمطبخ طلع منه جنت واگفة على جهة.
عمر: هاي صدگ الكهرباء السبب بالي صار.
ذبيت نفس.
غرام: الحمدلله عدت هيج و لا بالاكبر
اي والله راح اسوي الكهرباء
ليش تعرف؟
طبعاً.
اخذ الاغراض و دخل للمطبخ دخلت الغرفتي بذيج الفترة جاب كُميل غرفة جديدة
و عمر نقل غرفته و غرفتنا القديمة اتبرعنا بيها بدلت ملابسي الم ظهري احسن طلعت.
اشوف ناز فتحت الباب جانت زينة حاطة گداها كراسة رسم رفعت راسها إلى مبتسمة.
غرام: تحبين الرسم.
هزت براسها رحت بصفها لان اني هم احب الرسم.
حتى اني احب الرسم تدرين.
بدون ما تحجي حطت الكراسة گدامي و بسبب نطقها من تحجي متقطع بالاحرف.
ناز: ار. ارسمي
شتگولين لو ارسملج بنيه هم عيونها زرگ مثلج.
هزت براسها تضحك بديت ارسملها سويت لون عيونها مثل لون عيون ناز و شعرها.
لونه مثل شعرها ماعرف برتقالي ماعرف زنجاري كلش حلو لونه ملامحها طفولية و خدود ممتلئة انطيتها الرسمة اتقصد اسولف وياها احاول انسيها الي
شافته البارحة عفتها بعالمها و طلعت اشوف عمر صارت عندي خوفة من الكهرباء لا هم
الولد يصيرله شي سمعت جهازه يدگ رحت اخذته باوعت للشاشة انرسمت
ابتسامة على وجهي من شفت المتصل نيروز.
اكيد شافت رسالتي بالكروب إلى مسوينه من گتلهن عن إلى صار دخلت للمطبخ واگف.
بأيده ادوات التصليح درنفيسات و هالسوالف رجع تكرر الاتصال حچى و هوَ يشتغل.
عمر: منو جاي يتصل
غرام: احم هاي نيروزه.
اتوقفت حركته عن الشغل دار بجسمه عيونه لمعت.
نيروزه؟
اي تفضل صار مرتين تتصل.
انطيته اله ردت اطلع رفع أيده أشرلي ابقى فتح خط فاتح الصوت ذب نفس متوتر وايده ترجف ضحكت شصار بحاله و هوَ مجرد اتصال.
عمر: هلا نيروزه.
نيروز: شلونك عمر
الحمدلله متصلة عليَّ؟
هااا اي صح مو شوف اتصلت على العلوية و مدتجاوبني ف اتصلت عليك
هااا تفضلي محتاجة شي
لا ممحتاجة شي قابل شنو احتاج بس ردت اطمن عنكم بسبب حادثة البارحة الحمدلله على سلامتكم.
الله يسلمج.
حچالها عن مليكة بس هاي الجذابة شوگت اتصلت عليَّ ورسول الله و لا اجاني اتصال منها كتمت ضحكتي من گالها.
عمر: هسه انتِ متأكدة متصلة بس علمود هالشي
نيروز: اي عيني مليكة حبابة و حبيت اشوف شلون صارت
ليش انتِ ما تدرين؟
شنو؟
غير رجلي أحترگت
شنووووو.
حچتها بخوف و عمر يضحك بصمت فرحان الردت فعلها ضم ضحكته ورجع يحجي وياها.
اي
اممم شو بله صورها خلي اشوفها
ليش اصورها؟
لان انتَ ماخذ الاوسكار بالجذب ما أتوب
اخوي منو قابل
اول مرة تحجي شي صحيح و اخوك ارسلان قابل انتَ شتطلع يعني
اشكرج على اتصالج بس الحمدلله عدت سلامات ماعدا مليكة اتأذت
تمام اخذ راحتك.
سدته منه بقى صافن الثواني بالجهاز مبتسك رفع عيونه.
عمر: جذابة اتصلت تريد اتشوف خاف متأذي اعرفها
غرام: صح ههههههه و الدليل ما متصلة عليَّ
من زمان ما حاجي وياها و لا سامع صوتها و اخاف اتصل او اطلع گدامها اخر مرة گالت تتمنى بعد ما نلتقي.
بقيت ساكتة رجع يكمل شغله.
عمر شو اتأخر خالك
العصر يطلعون
ها خوش.
مر الوگت طلع عمر جاب اكل من برا وجهه ما ضحك الا بعد اتصلل نيروز و اجت انسام
و جهالها وجهالها كل ما يجون يبقون يدورون بالبيت على غياهب و يسئلون للعصر.
اجه كُميل وامه دخلها الغرفتها تحمدنالها بالسلامة جانت تعبانة لان عندها امراض مزمنة، گعد عمر يم راسها يبوس بيها و كل شوية گايللها.
عمر: بيَّ و لا بيج.
طلعت حضرت ملابس الخاله إلى الخوف واضح عليه بملامحه و من حقه لان هاي ام و الام ماكو شي يعوض مكانها
انفتح الباب باوعت شفته يفرك بعيونه حط اغراضه على الميز ابتسمت بوجهه.
غرام: كُميل اسبح علمود ترتاح.
هز براسه بدون ما يحجي طلع رجعت يمهم گعدت بين ما طلع ذخل علينا گعد بصف امه حاوطوها هوَ و عمر.
كُميل: يمة بعد عيني شلون صرتي؟ تحسين بوجع.
حچت بتعب.
مليكة: زينة يمة لا يضل بالكم.
أهتمامهم بيها يوضح مدى حبهم الها و تعلقهم لليل اجوا اقاربهم زلم و نسوان يتحمدون بالسلامة بس زينات مو مثل الحياية إلى شفتهن قبل و انسام بقت عندنا.
تمددت هلكانة تعب غمضت عيوني سمعت الباب من انفتح بقيت على وضعيتي تعبانة صار ملمس ايد على بطني فتحت عيوني.
كُميل: ذني اليومين هواي تعبتي
غرام: لان خطار.
تمددت بصفي حطني بحضنه وايده على بطني.
صايرة جنج بطة
يعني تقصد سمنانة
امم
بس اجيب اضعف
احبج بكل حالاتج ام العيون التلمع.
قلبت على جهة رفعت ايدي امشيها بهدوء على لحيته غمض عيونه تعبان.
تعبان
ياريت تعب شغل و لا التعب إلى شفته البارحة
الحمدلله عدت حبيبي.
خفت على امي غرام انا ما عندي غيرها
الله يحفظها الك
و يحفظج الي.
نام و هوَ يسولف ويايَّ طبعت قبلة بخده لان مثل ما هوَ ماعنده غير امه اني ماعندي
غيره سند من بعد الله، مرت ايام و الخطار رايح جاي جابوا صباغ يصلح المطبخ من ناحية
الصبغ و الصالة هم الكهرباء عمر سواها بكم يوم كمل كلشي ارسلان ما شفته منه اتصال بعد لان ماعنده رقم ثابت
وگفت اغسل بالمواعين راح ابجي من التعب انحضنت من وره باس خدي.
كُميل: ما كملتي.
غرام: هسه مابقى شي
جاي اتعبين
لا ماكو اي تعب.
مد ايده على بطني يتلمسها بهدوء.
مو انتِ حامل عيناي
اي بس مو الا نايمة 24 ساعة و انسام ويايَّ ما عايفتني.
امي احسن الحمدلله، بس بالي يم ارسلان مو من عوايدة ما يتصل
يمكن مشغول
او يمكن غياهب ارتكبت بي جريمك
والله عاد ما استبعدها هم عبالك رويسية.
اختفت ابتسامتي من سمعنا واحد يتحمخم بسرعة دفعت كُميل عني وجهي بوخ من شفته.
عمر صخام الصخمج غرام شنو هالفشلة شلون اباوع بوجه الولد نسيت نفسي امداج اي والله.
كُميل: وتاااالي وياااكم لووو انتَ لو اخوووك يگلك مووقتيهاا.
دخل عمر وگف يصب مي بگلاص.
عمر: چا خالي انتَ عفت الاماكن كلها اجيت للمطبخ صدك جذب
انجب.
ضحك و طلع دار وجهه الي.
كُميل: و انتِ شبيج وجهج انگلب طماطة.
غرام: عزززا بعيني يبوووو شووووف الفشلة شااافك من حاضني
عادي و اذا
لا لا بعد استحي اطلع گدام عمر.
ليش تخليني احجي حجي يخليج ما تطلعين گدامي انا مو عمر.
خزرته.
ترررا صدگ كله بسببك.
هسسسه شمسوي استغفرالله اليوم اشعللل عشيرة عمر ال.
طلع يصيح باسمه شوية وسمعت المخابز صار و عمر خربان ضحك و كُميل يصيح بقيت بالمطبخ ساجنة نفسي من الموقف.
حنين.
نعزمنا يم بيت خالي جابر إلى اكثر من مرة يسئلون عن غياهب و نطلع أعذار
گاعدين گدام السفرة شفت درغام يحوص لازم عنده بربورة.
درغام: عمي سلطان.
باوعله ابوية إلى وضعه يوم بعد يوم يتعب أكثر على فراگ اختي بذاك اليوم من اتصلت
غياهب حجيتله و اخذ الرقم يتصل بس للاسف ما حصل شي و گال أكيد ارسلان
ديتخلص من الارقام خاف أحدد يحدد موقعه مابقى مكان مادوروا بس مالگوا أثر الهم
ما أدري ارسلان وين دافن نفسه ودافن اختي وياه بحيث حتى بدوامه ماخذ احتياطه خاف احد يراقبه درغام يگول هيج عقل خلاني صافنة.
سلطان: ها ابني
انتَ شنو سالفتك ويايَّ
يا سالفة بوية.
من أجيكم و اگعد يم مرتي ليش گاضيها عليَّ نص ساعة و نص ساعة.
جاي البيتي و تگعد ويا بنتي شتريد اخليلك الساحة
ترا اگدر اخذها هسه لان عاقد عليها شرع و قانون
شرايد هسه؟
من أجيكم خليني أتنفس فدوة الشيباتك
أتنفس منو لازمك بس برا بيتي بناتي اغار عليهن.
ابتسمت الرده ابوية شلون يحاجي و الكل مبتسم علو مناكرتهم.
مرررررتي اناااا شعليههه اذا تغاررر على بناااتك
هذا الموجود ما عاجبك طلگ.
شطلگ غير كسرت ظهري بالغايب مالت ست چفصة
هذا الموجود ابني عجبك اهلاً و سهلاً ما عجبك الله وياك.
غمزلي بعناد ابوية ومبتسم بشماته.
درغام: هاي بلائي الجميل شلون اعوفها.
سلطان: جابر سكت أبنك لاااا اگومله و حتى مرة ما اله يمي.
وجدان: شلون بينا احنا بسلطان ودرغام ولك عمه أسكت لا يقفل عليك.
رد ابوية عليها.
سلطان: حبيبتي هذا عاجبه اطفره
جابر: چا انتَ مو هل تگول الاختي گدامي حبيبتي.
خوية انا اختلف اتجيبني الهل المزنجر انا ما ختلت باختكم.
غصت خالتي بالاكل فاتحة عيونها على كلام ابوية و خالة جوهرة وجها انحمس حمس.
وجدان: ياااا سلطان
سلطان: شبيج نظر عيني احچي الصدگ خاتل بيج فد يوم انا.؟
درغام: هوَ انتَ هسه شعرك متروس شيب و ما تگعد راحة تريدني أصدگ بشبابك ما خاتل ب عمتي.
خالتي وجها انقلب من الخجل و الاحراج لان گدام خالي و درغام فد مرة نازع المستحى ويا ابوية.
وجدان: من دهررر دهرني و العباس ابو فاضل سلطان ما خاتل بيَّ بيوم.
درغام: عادي انا احب أختل شموضوجكم
سلطان: اذا تحب نختل انا وياك انطيك هدية من عمك.
صدگ ضحكت
بهل الليلة بسبب سوالفهم ما شاركت بقيت مكتفية بالسكوت گعدنا وره الاكل بالصالة يتناقشون
بموضوع سالم إلى لحد الان ما اله أي أثر رغم خالي جابر و عمران واصلين بشغلهم
بس لليوم مالزموه وين اختفى الله العالم دخلت على حسابي شفت بنية دازتلي رسالة.
بس مابينا متابعة فتحتها كاتبتلي ممكن سؤال رديت عليها جواب مرت كم دقيقة رجعت جاوبت.
درغام شيصير منج.
أستغربت ليش هذا السؤال كتبتلها.
شنر علاقتج بهيج سؤال و منين تعرفين درغام.
رجعت تجاوبني.
ياريت تجاوبيني
خطيبي.
شافت رسالتي بعد مجاوبتتني رفعت راسي اباوعله يسولف ويا ابوية و خالي
بخصوص سالم اندزتلي صورة اتأخرت يله انفتحت وياريت ما انفتحت و لا شفت الي.
بيها چان صورة تجمع درغام و وياه وحدة لبسها يخزي و منظرهم كله يخزي صفنت بدون لا ارمش احاول استوعب إلى شفته رجعت دزت.
هاي حقيقة خطيبج.
كتبتلها وايديَّ ترجف ما مصدگة إلى شفته.
منو انتِ.
انعصر گلبي من جان ردها الي.
وحدة يذب تعبه يمها.
وگفت ناهضة من مكاني اطرافي ترجف بلعت ريگ ما اريد احسس الموجودين.
حنين: درغام.
اجاني صوته بدون ما اباوعله.
درغام: هااا حنيني
اذا ممكن تعال شوية اريدك بشغلة.
طلعت من يمهم اتوجهت الغرفته نار صارت بگلبي من إلى شفته معقولة يسوي هالشي
ويخوني لا مستحيل هوَ مو من هالنوع اني إلى صرت حلاله ما بيوم جبرني على
شي انفتح الباب دخل سده وراه يباوعلي بأستغراب وگف گدامي.
درغام: شبيج ابوية
حنين: اسئلك سؤال و جاوبني بصراحة
خير؟
انتَ تضوج من قلة التقرب إلى بينا.
ليش هذا السؤال
جاوب احلفك بمعزتي عندك.
حضن وجهي يباوع بعيوني الخنگة موتتني.
ليش هذا السؤال عيون درغام انتِ، انا ما تعبتلج علمود إلى ابالج.
نزلت دموعي بينما هوَ صافن بحالتي بغرابة رفعت الجهاز گدام عيونه.
تگدر تفهمني شنو هذا؟
اخذه من ايدي يباوع بالصورة رفع راسه إلى فاتح عيونه بتعجب.
و محمد مو انا حنين
لعددد منو هذا؟ درررغام تضحك عليَّ شكلك هذااا موووو شكلك.
اييي شكلي بسسس انااا ماشايفهااا هاي البنيه و لااا گاعد هيج گعدة حنين شبيجج.
اناا بالحلال ما سويت شي جبر وياج تريدين اروح اسوي ويا غيرج و بالحرررام بحياتي ما متقرررب للحرام الله شاهد.
شهگت بدموعي متأذية من هالشي اباوع بالصورة عدل ماكو شي يوضح فبركة لو اني ما افهم بهيج شغلات سحبه مني سحبه مني شمره على چربايته رجع يحاول يفهمني.
درغام: حللفت بعيونج و راس امي مو انا وداعت هالدموووع.
لعد شنو هذا؟
انتِ تثقين بيَّ؟
هزيت براسي اجاوبه بنص دموعي.
اي
چا ليش ما جاي تصدگيني.
بقيت ساكتة اخذني گعدني على الكرسي الموجود.
درغام: راح ادز الصورة ال مجاهد و هوَ يشوف شغله و يتأكد منها بس متأكد مثل ما شايفج فبركة هاي.
رسل الصورة من جهازي الجهازه بعدها دزها ال مجاهد سد جهازه يباوع بعيوني.
تتوقعين اخونج انا؟ لووو ينصبت من ذهب ما أتقرب الوحدة.
بس هيَّ گالتلي انتَ تذب تعبك يمها
هاااي وحدة جذابة
و اذا طلع صدگ
شبيججج حنين شلوووون صدگ و انا دزيت الصوررة الصاااحبي يتأكد منهااا.
دگ جهاره سحبته منه جان مُجاهد رجعته اله فتح خط و اشرتله اريد اسمع.
مُجاهد: ها ضلعي شنو هاي شنوووو هل الخيسسسسة.
درغام: اتأكدلي منها لا اخوك ينجلططط
هسه مرتك اذا شافت الصورة تشگ
ووولك حيووووان لساانك هااي گاعدة يمي الصورة دازينهااا الها.
بسرعة غير كلامه و صارت الأخلاق تطاير.
مُجاهد: احم ها خوية حنين الله يساعدج خو ما سمعتي شي
حنين: كلشي ما سمعت.
درغام: يله عضيدي اتأكدلي منها انگلبت فاتحة عندي هسه و اخوك بالنقطة الحمرة و افتهمها
مبينة فبركة هنَّ ذني الخايسات الجايفات منو. يتقرب الهن بس إلى مثلهن
خااايب يله روح.
سده منه يضحك.
شفتي حتى مُجاهد متأكد مو انا
حنين: هوَ مُجاهد گضة عمره يطفر من النسوان
بس يدري بيَّ ما أتقرب الهن
الله يعلم انتم الضباط تخوفون
حنيني ابوية مو كل اصابعنا سوا اذا شفتي كم شخص او سمعتي ناس تحجي هيج.
هذا ما يثبت كل ضابط و جندي عندهم هالسوالف ما اگلج الضباط انبياء و ما عندهم
هاي الشغلات لا اكو و هواي هم يدخلون هيج اماكن و يدورون نسوان بس مو كلها افهمي كلامي بابا.
فهمتك بس منو اله مصلحة يسوي هالشي.
أكيد واحد مخليني أباله و تلگينا يعرف حسابي لان انتِ بس إلى متابعج حتى غياهب و نيروز ما متابعهن
يجوز ولد يطلع
كلشي توقعي.
سكتت الثواني باوعتله خازرته.
اذااا تخووووني أشگك شششگ والله
رحم الله والديج.
رجعنا للبيت خالتي شافت عيوني بقت تسئل ذبيتها براس غياهب ابجي عليها الليل
كله أفكر بالموضوع بنفس الوقت اني عندي ثقة بي وردت فعله جانت مو مال شخص فعلاً
مرتكب هيج شي بصعوبة گدرت اغفى وانام داومي رجعتله هوَ بعد ما اتصل و لا شفت شي
منه دامشي باحد ممرات المستشفى استوقفني صوت بنيه تنادي باسمي درت بجسمي
طبكت حواجبي مبتسمة هاي لجين اخت على صديق درغام سلمت عليها.
حنين: شخبارج خير اشوفج هنا.
لجين: صديقتي مسوية عملية اجيت اشوفها
ها الحمدلله على سلامتها
الله يسلمج يعمري شخبارج انتِ و درغام شلونه
الحمدلله بخير.
شوگت ناوين تفرحونا بزواجكم
بعدنا شوية ظروف
شلونها علاقتكم ولج؟
ابتسمت بخفة قبل لا اجاوبها مستغربة من اسئلتها لان علاقتي بيها مو قوية.
مثل العسل علاقتنا.
ابتسمت وره ابتسامتها شي مخفي.
الله يديمكم اترخص منج لان اريد اروح زوجة على حامل و ما اگدر اعوفها
هلا بيج.
راحت بقيت اباوع وراها ليش كثرة هل الاسئلة مشى اليوم طبيعي و اني بنص شغلي
تفكيري يم الصورة خلص وگت دوامي طلعت شفت درغام واگف بسيارته، باوعت للخط مالتي ماموجود رحت عليه.
حنين: درغام شتسوي هنا
درغام: اصعدي لان گتله للخط يروح انا اخذج.
صعدت وياه تعبانة و النعاس ساطرني سطر البارحة ما نمت عدل من التفكير
ساق السيارة طول الطريق ساكت وضعه ماعجبني مو مو من عادته.
ساكت؟
الصورة مفبركة مثل ما گتلج
الدليل؟
سحب جهازه شغل صوتيات مُجاهد يشرح بيها شلون الصورة مفبركة ابتسمت بفرح گلبي مرتاح رفعت عيوني اله عيونه بالطريق.
جان عندي احساس ماراح تكسر الثقة إلى بينا
ادري بيج.
شبيك؟ مو على بعضك
اكو محادثة جوا محادثة مُجاهد دخلي عليها و اسمعي الصوتيات إلى بيها.
سويت مثل ما گال و كلي فضول اتجحظت عيوني بصدمة هذا صوت لجين؟
صرت أقرا بالمحادثة و اسمع للصوتيات و فاتحة عيوني شلون دتعترفله بحبها.
و تحاول تخلي يعوفني من خلال كلماتها و من بعد الرفض و عدم النتيجة الصالحها
من قبل درغام اعترفت هنا هيَّ صاحبة الصور المفبركة شهگت دازتله صوتية تبچي و تگله عساك ما تتهنى بيها و لا تفرحون بيوم باوعتله.
لجين نفسها صاحبة الصورة
ايييي حنيننن شبعتتت قهرررر و محمد اختتت صااحبي.
اگول اليوم بالمستشفى من شغتها بقت تسئل علاقتنا حتى استغربت
ما چنت ادري بيها هيج.
هيَّ لووووو تحب صدگ مااا تدعي هالدعاااوي الحقيرررة دعوتهااا توصل للسگف وترجع لطش بگصتهااا شسويت انتَ؟
شسوي يعني؟ ما اگدر احجي الصاحبي اخاف يسوي شي غلط و حتى مُجاهد من عرف أنصدم لان نظرتنا على البنيه جانت غير.
رفعت حاجبي خازرته.
خاف انتَ منطيهااا مجاال؟
شبيج انتِ بابا ترا حتى كلام ماكو بينا و هاي اخت صاحبي عرررض صاااحبي
بس اني ما راح اسكت خلي افوووخ گلبي بيها.
عوفيهااا أبوية.
والله ما اعوفهااا خلتني ابچي وزرعت الشك بعقلي اتجاهك.
سحبت جهازي دخلت على نفس الحساب إلى دزتلي منه الصورة.
انطيني نت منك
شراح تسوين؟
هسه اتشوووف اشوفهاا شلون تخرب السافلة.
سحبت نت منه مابيَّ حيل أكتب صرت ادز صوتيات و كلامي من كل گلبي قهررتني بس حماوة كلامي همزين ما فجرت السيارة بينا.
حنين: هااا لِج لجين التس طاااحظج عبالي حبابة مثل اخووواتج واخوج طلعتيي.
تس درجة اولى لِج عيني اني وسبعي بينااا ثقة محدددد يكسرهااا و لا اي بشرررر يگدر يخرب
بيناا خوش
، عبالج وحدة مثلج تگدر خرررب بينا هه لا حياتي لا خليها ترچية بأذنج و حتى لو
خربتي اموووووته بايدي و لا اخلي يصير الج عمت عينج خايبة أشگج و أشگ شكووو
واحد يطللع وراج خرررابت البيوت تفووووو عليج التس هاي الخاطر اخوج راح نسكت
جان اجيتج النص بيتج وانطيج المقسوم سبع الهوررة إلى و إلى تتقربله اكسر رجليهاا.
باوعتله مسح وجهه يخفي ضحكته خزرته.
شكوووو دتضحك
ماكو شي بلائيي كملي كملي ليش سكتي
اوف اوگف فحطت من الحجي خلي ارتاح.
رجعت اسجل صوتيات.
انتِ بهاااي سوالفج مثلاً تتوقعين يحبج امداج ولج يااا غبية الرجال ما يحب الي
تسحل روحها عليه يحب إلى تسحله وتطيح حظه و تتجاهله بس شلوووون بالدودة الخفيفات
يموتن على الاهاين دخيلللل الله لِج بابا هوَ البارحة كله مكابلني حاضني ويتغزل بيَّ و يگلي.
انتِ سيدة قلبي ركززززززي سسييدة قلبي يعني ما يگلبج خوووش اي وشوفي
اوف فحطت بس اكمل المهم ما اخلي شي بگلبي اي شوفي انتِ لووو تحبينه صدگ المفروض
ما تخربين علاقته باللي يحبها اوف لجين اريد الزمج و اجنزج بس هاي الخاطر
اخوج ساكتة اني روحي جمعي كرامتج و عيشي بسلام و هذا احلى بلوك الجهرتج الزفرة.
شفتها شافت الصوتيات انطيتها بلوك دمي فاير وگف السيارة درغام.
درغام: ارتاحيتي؟
حنين: بصراحة لا كون اكمشها و اطيح حظها بيها دگ گتل
بس مو جنج حميتي زايد بالحجي
طبعاً احمى ههههههههه لعد شتريد اكلها بعدين ذكرت بالخطوبة من گتلي سيدة قلبي
اجيت هسه ولطشتها علساس البارحة كايلها إلى المهم تمووووووت من قهرهااا.
هز براسه مبتسم رجع يسوق.
شگگتيها شگ ما بقيتي شي يعتب عليج.
تستااهل هااي العايزة ياخذون سر سعادتي.
ضحك بقوا على صوت ضحكته ضحكت بنص عصبيتي.
ههههههههههه سر سعادتج يروحلج فدوة انتِ و غيرتج هاي المسودنة
قابل بس انتَ لزمت امجد و خبزته
غير احبج بلائي
اموت عليك سر سعادتي هههههههههه.
غصينا بالضحك كل ما اگول سر سعادتي كل شوية عايدتها وصلنا للبيت ردت انزل سحبني من ايدي مانعني.
درغام: وين رايحة
حنين: انزل البيتنا غير.
قرب نفسه باس الشامة إلى جوا شفتي.
احبج
احبك
عيديها
احبك ابو جلطة المزنجر
لا بعد مابيها مجال.
شن...
طبع قبلة عميقة تعبر عن حبه و لهفته رجع نزل الخدي باسه عضه بخفه ابتسمت و انسطرت.
يله انزلي و استري على نفسج ما اضمن الج نفسي
رفع ايدي باسها مبتسم اردف بهيام.
درغام: اخ يا سواد عيونها.
نزلت مبتسمة شعور بداخلي غير عن كل مرة درت وجهي عليه.
درغام
عيونه
خذي بس لا بي أثر؟
لا عضيتج خفيف بس بالجايات ما اعضج هيج
الفاااسد.
عفته يضحك دخلت للبيت مبتسمة ماكو احد لا ابوية و لا خالتي افتريت حول نفسي.
اضحك بس ما احس غير ابوية واگف گبالي طابك حواجبه يباوعلي بس لا عباله تخبلت من الفشلة اريد الگاع تنشگ و تبلعني.
سلطان: فرحانة اليوم
حنين: هاا اي
ياترى شنو السبب.
صفنت بوجهه هوَ لو يدري عليمن فرحانة و اضحك يموت درغام.
ها هذا اليوم صارت حالة ولادة بالمستشفى و جانوا توأم يخبلون.
ها الله يسعد اهلهم بيهم
امين
جبت اكل خالتج تتأخر صبي النا
صار من عيوني
بعدج ضايجة مني؟
لا حبيبي و اسفة خاف قسيت وياك بالكلام بس اتمنى تتفهم موقفي و ادري من خوفكم بس اني هم بنتك.
نظر عيني.
اتقدمت اله لزمت ايده بستها.
ما يحقلنا نزعل عليك بنظري انتَ أب مضحي گضيت حياتك تتعب علينا ووصلتنا للي
نريده و بتشجيعك حققنا كلشي نريده بس طلبي منك لا تضم عني شي بروحي يدگ تعبك
من اشوفك هيج تعبان والله لا تخاف على غياهب اختي گد نفسها و ارسلان ماراح يأذيها اكثر من الاذية إلى سببها الها.
تحسر حسرة وجعت گلبي.
شلون ما اخاف بابا هوَ إلى أذاها و خدعنا احنا ما فهمنا اول مرة و لاول مرة
ما افهم بنتي و لا امي بيها چنت اشوفها تذبل گدام عيوني بس ما فاهمها.
ليش اختي تخلي احد يحس بيها
انا مو اي احد انا ابوها ما حسيت بيها.
نزلت دموعي من طريقة كلامه يحجي بملامة و قهر.
راح ترجع والله
بس خلي ترجع يخسى ارسلان يوصل الها بعد.
سكتت صافنة بكلامه لعد لو يعرف شلون اتزوجها و شلون جبرها راح يزيد أصراره و مستحيل يرجع يخلي يتقرب الها.
حنين: ابدل ملابسي و اجي ناكل.
هز راسه بعيون مدمعة صعدت و احچي بداخلي شلون راح ينحل كلشي بدلت
وغسلت نزلت جهزت الاكل كملته صحتله گعدنا ناكل اباوعله ياكل و يصفن.
سلطان: ارسلان وراه قصة ثانية دام مو ابن حسين باجر اروح الاهله و افهم منهم.
حنين: اي بابا افضل يعني بلگي يفهموك لان اذا مو ابن حسين شلون ياخذ بثارهم خلي يفهمونك و اتوقع راح يشرحولك هالشي لان خاله و اخوه نوعاً ما زينين.
ذكرت عمر اذا عرفوا مسوي ويا نيروز دگة ناقصة هم يمكن ياخذ المقسوم منهم
غياهب.
فتحت عيوني باوعت بإرجاء المكان هذا نفسه البيت إلى چنا بي شرجعنا درت وجهي
چان گاعد وبايده خنجر صافن بي رفع عيونه انتبهلي حطها بالجنطة مالته اجاني.
ارسلان: شلون صرتي عزيزة عيوني.
غياهب: احنا ليش رجعنا هنا شلون رجعنا اخر شي سمعت صوت طلقة.
ماكو شي خلصنا منهم بعد محد يگدر يوصل لهنا
و منو گالك اني خايفة؟
گوية مو بيدج
بس ماراح يرجعون هنا؟
لا
شلون؟
شغلنا بعد
شوگت ترجعني الاهلي تعبت منك ارسلان ليش مداتفتهم عذابي الداعيشه.
عض شفته السفلية نزل عيونه و هوَ يگول.
ماكو رجعة غياهب
أرجع
لا.
حچيت بهدوء عكس العاصفة إلى بداخلي.
شتريد مني؟
اتقرب إلى ابتعدت عنه نزلت دموعي بضعف من گال.
بنفسي ما أدري بس اذا ارجعج راح ياخذونج مني
اني موووو الك و لااا راح أصيرررر الك ليشش مااا تفهم هالقانون ليشش مخللي الحقدد يتحكم بيك.
ضرب الميز إلى بصفه حيل.
و لااااا انتِ جاااي تفهميني و لاااا احد بيكم يفهممم تعب ارسلان.
لشوگت نبقى هيج؟
ما بقى شي غياهب كلها شهر واحد وراح اخلص من كلشي
ليش شهر؟ شالمعنى
خلي احبابج يشبعون من أهلهم.
ابتلعت ريگي وسرت رجفة خوف بجسمي من كلامه.
شتقصد ارسلان؟
اذا ما اخذ ثاري ماراح ارتاح و لا ناري تنطفي
تعبتتتتت و اني اگووووول إلى موووجودين مالهممم ذنب موووو هم إلى أذووووك
نفسهم إلى أذوووك أذوووونا انتَ ما عندك فكرة عن إلى عاشوا أبوية و خالتي بسببهم.
ارسلان: ما يهمني
غياهب: رب العالمين دينطيك فرصة تغير كلشي و حقك اخذه من إلى أذوك.
سالم اذا يطيح بين ايديَّ ما يطلع عايش.
فرگت وجهي مختنگة مسحت على صدري كل ما يحجي الكلام هذا تصير نغزات بگلبي.
حيرتني بيك ارسلان مرات اگول فهمت عليه و مرات اگول منو هالشخص.
أبتسم أبتسامة تحمل معاني هواية منها الالم و الضياع يفر بالحلقة إلى بأصبعه حلقة زواجنا دائماً لابسها رد بجملة خنگتني اكثر.
انا واحد تعبان و محد حس بتعب روحه.
درت وجهي نزلت دمعتي اختنگت اكثر بعبرتي ودموعي ابچي على نفسي و وضعي
لو ابجي على وضع هالشخص إلى گدامي غطيت وجهي بأيديَّ ابچي بصوت مسموع.
و لا اني احد حس بتعبي لزم أيديَّ يريد ينزلهن من وجهي هزيت راسي برفض
اشهگ بدموعي گلبي يأذيني الدنيا كلها مسدودة بوجهي من الكتمان نزلت دموعي اكثر.
ارسلان: غياهب شبيج ليش تبچين
غياهب: تعبت منكككك و من الدنياااا كلهاااا.
نزلت أيديَّ گاعد گبالي عيونه تلمع بدموعه طابك حواجبه يحارب ما تنزل يخفي هذا الشي انطاني ظهره يمسح بوجهه.
أعتقني منك
تحملي بس هذا الشهر وعد الج تخلصين من كل هذا العذاب.
شتحملللل وانتَ تريددد تمووووت أعزازي؟
علي الاقل انتِ ما شفتيهم گدامج بدمهم ثلاث أشخاص شفت دمهم گدام عيوني
مااااا رااااح اساااامحك
أدري.
زادت دگات گلبي صارت ما منتظمة أحس بيها شفتي ترجف ما أدري برد لو خوف
غمضت عيوني بهدوء و لا زالت دموعي مُستمرة الانسان من يتعب يصير ما يهتم حتى
گدام منو دتنزل دموعه نزيت من ابهام اصبعه يمسح بدموعي تعبت من تناقضه همس مختنگ.
تحمليني بس هذا الشهر لا تنزلين دموعج تعبتيني مو بس انتِ التعبانة.
فتحت عيوني اغصغص مختنگة.
روحي فرفحت على ابوية ارسلان بس لو مرة وحدة احضنه و اذب تعبي بحضنه
أصيرلج اب
أبوية ما أذاني بيوم انتَ أذيتني هواية
صح.
أبتعدت عنه نمت بمكاني رجلي تأذيني ما مهتمة الها بلعومي يحرگني غصة متكومة بي سحبت الغطى غطيت نفسي حط راسه بصف راسي.
ارسلان: شفتج وانتِ صغيرة عمرج عمر وردة و معزتج انزرعت بداخلي ك طفلة بدون ما أعرف منو انتِ اختفيتي و اختفيت و ماعرفت شي عنج بس بقيت أتذكر كل حرف.
غياهب: اي الجذاب هم گول احبج من الطفولة.
لا ما حبيتج من الطفولة ما اچذب عليج من شفتج اول مرة بدون ما اعرفج انتِ نفسها
چنتي مرحلة اولى بالجامعة رغم انتِ و اختج وشبهجن بس احساسي اتجاهج.
جان غير الوحيدة إلى اشوف نفسي أميل الها حبيت هاي شخصيتج إلى تحير الشخص ابتسامتج إلى تخفين بيها حزنج.
كااافي أسكت
خليني احجي اول مرة احچي إلى بگلبي.
چنت من أراقبج مدة ثلاث سنوات بكل مرة اشوف من بعيد حنية ابوجن أغار
ما عندي أب مثله أغار من أحد عنده أهل يهتمون اله و انا ما عندي أغار من أسمع بالدوام
اصدقائي يحجون عن امهم و أبوهم و انا ماعندي شي احجي چنت احتاج كلمة حنونة.
من أم تحبني أحتاج سَند مثل الاب يكون بظهري أحتاج الكلمة إلى تخفف تعبي من ارجع
من الشغل تعبان أحتاج حضن أمي لو تمرضت تلمني بي، ما ردت أذيج بذاك اليوم
من شلعت أظفرج أشوفج تتأذين و اتأذه اضعاف من أذيتج أنعميت من ذكرت
كل الماضي ما جنت أدري امج الها ذكرى سيئة بداخلج و رجعت انا كررتها.
هوَ يحجي و دموعي تتسابق على خدي اعترف لأول مرة اني مثله چنت أحتاج امي.
و لليوم رغم وجود أبوية أحتاجيت حضنها وحني الام إلى تكون على بنتها لو الدنيا تغرگك بحنيتها تبقى مستفقد حنان أمك و أبوك.
غياهب.
رديت من بين دموعي صوتي مخنوگ ومتغطية.
ها
شفت بيج الحنية شگد ما أذيتج من انجرح تجين اول وحدة تداوين جرحي و ما بيوم گلتيلي سويتلك هيج.
شنو الفايدة أداوي بالجروح بس محد داوالي جرحي.
صلابتج، قوتج، قساوتج إلى واضحة داخلهن حنية الأمهات.
ما راح أگدر أصدگ اي شي منك بيوم على گولت الامهات إلى يحبنا ما يأذينا
يا وجع گلبي من روحي.
راقبتني ثلاث سنوات؟
امممم من نهاية المرحلة الاولى.
ممكن تطلع وتعوفني
يجرالج.
نهض من مكانه وخرت الغطى من سمعت صوت غلق الباب، انفجرت اكثر عيوني انتهت
منو راح يصدگ ويقتنع بالسر إلى ضامته؟ منو راح يصدگ اني احب الشخص
ابو القراصة من طفولتي اترسخ بذاكرتي كبرت واني طريقة حبي الغريبة أستمرت.
و على أمل بيوم نلتقي منو راح يصدگ نفسي الطفلة إلى بقت متعلقة بصوت شخص
من صغرها رغم عدم استذكار ذاكرتي الشغلة الا هذا الشي ما منعني شهگت غاصة
مختنگة شلون أقنع نفسي إلى حبيته و متت الف موته علمود التقي بي وبقيت
علي أمل التقي بي يطلع نفسه إلى اذاني نفسه ارسلان اني حبيت نفس الشخص إلى طول هالفترة يمي و ما أدري.