رواية مرواد الظلمة الجزء الثاني للكاتبة هيلانا الفصل الأول
بعد أسبوع
اليوم بابا وماما مو هنا راحوا رحلة كم
يوم يغيرون جو
صبيت كهوة بس إلى وعيني على حيدر كاعد يدرس وخالة شجن تسد بالشبابيك وصعدت قفلت الفوك هم
أكو عاصفة ثلجية من الاسبوع الفات كالوا
جاية وتقريبا وصلت لان الجوء بدة يجمد
والشوارع طمست بالثلج ومصطفى بعدة لهسه ما جاي
بالمطعم مدري شيسوي عود بابا كالة لا تتاخر برا بالليل خوش طبق الوصية
نزلت خالة من فوك وتليفونها بيدها صحت عليها
: -ها خالة خابرتي مصطفى.
شجن: -راح أخابره
اسينات: -والله راسة يابس بابا مو كالة لا تروح اليوم شنو منين نازلة عليه الندارة والتزام
ما حاجتني هو فتح خط ماعرف شكالها بس
هي كالتلة
: -يالله بسرعة حبيبي ترى العاصفة توصل بعد ربع ساعة مو تتاخر كلبي يمك
أنوب ضحكت وهزت أيدهة وحجت: -خالة أنت هم سافل
سدت الخط أجيت يمها تضحك: -ها جاي
: -كال بالطريق
: -معناها بعدة ما طالع
: -شسويلة هو ينگدر لا أصغير وتعلمينة.
سكتت بقينا كاعدين صارت ب10 وهو ما جاي
خالة شجن صعدت فوك تاخذ علاجهه
وكالت من يجي مصطفى كليلي وحيدر هم
راح نام بقيت بس أني كاعدة
طلعت مسلسل أباوعلة وعيوني على ساعة
وهو ماكو صار بهدعش ونص نعست كلش
دكيت عليه أنطاني رفض ودزلي مسج
: -لا تلحين جاي
: -وينك أنت لهسه
: -بالطريق
صفننت شو من المطعم للبيتنا مابي خمس دقايق يا طريق هذا النايم بي
بقيت كاعده ونعسانة كلش بحيث تمددت
ما اعرف انام اذا اخواني ما موجودين.
احس بنفسي امهم هههه اذا ماما
ما موجودة ولا أكدر أخلي خالة تسهر
بإمكاني لان هي مريضة ومن تاخذ علاج
تنام شنو مسوؤلة بمصطفى الدايح
كلبت التلفون بيدي عيوني مفتحة كوة فجأة حسيت صوت خشخشة يم الباب
مثل أحد ديحاول يفتح القفل.
گمت بسرعة
ركضت للشباك فتحت البردة شويّة بس الظلام والثلج غاطي كلشي بالشارع
ماكو شي والصوت أختفى يجوز الهوء
رجعت كعدت بالصالة عيوني على الباب.
ثواني وسمعت طگة قوية فزيت التفتت على جهه الدرج ماكو أحد
هذا اكيد مرج ماكو غيرة حجيت أسمعه
: -لا تحاول ترة ما أخاف ولا تخليني أكوم بهل برد أتوضى وأقرا قران وأعلمك ترة نعسانة ومالي خلك
فبلا هاي سوالف
رجعت الخرخشة گمت من مكاني منزعجة
: -صدك جذب وين منو أحجي أني
بعدني دسولف ما حس غير الباب اندفع بقوة وانفتح نص فتحة گمزت ورجعت خطوة لدرج
جمدت وأني أشوف أبنية گدامي لابسة
أسود بنطرون وبلوزة ولافة وجهه بشال.
عطت بيهه بعصبية: -منوووو أنتييي وشسوووين هناااا
شو هاي ما صار حجيت هيج كبل طلعت سجينه من جيبها والسجينه من هاي إلى أتصير مثل
ملتوية وبس تضغط عليها تنفتح وتباوعلي
بنظرات شر بدون ما تحجي
تحركت راجعة على درج وهي تقدمت عليه وعيونها تفر بالبيت
وطبعا يا روح ماكو أعز منج
قررت أطفر للطابق الثاني عاد أكعد خالة او حيدر
أثنينة نگدر عليها وحدي أحتمال أدجني
درت وجهي بسرعة وركضت أريد أصعد الدرج.
وهي ركضت وراي صعدت وأني أصيح
: -خالة. خالة
قبل لا أوصل نهاية الدرج سحلتني من تشيرتي وكعت على وجهي وهي فوكي
رفسته بطنها طاحت ليورة دكوم ولزمتني
من ورة وخلة سجينه على ركبتي من ورة
التفتت عليها أشرتلي بعيونها بمعنى أنزلي گمت على حيلي كلت أنزل أخر باية ولزگهه بالشتلة
بس هي مبينة شاطرة ورياضية حيل خفيفة
وسجينتها حادة
وصلت أخر باية وعيني على شتلة ومصطفى دخل
أنوب لگة الباب مفتوح شافنه أنصدم.
واكف بالباب عيونه توسعت من المنظر
: - أسيناااات
البنية شافت مصطفى تتوترت للحظة وعيونها تحاول تقيم تهديده
بس هو ما تحرك بقى واگف رغم ملامحة مبين عليها القلق بس حجة برود
: -عوفيهاااا بسرعة
ردت عليه بأمر: -لا تتحركون ولا واحد يحاول يقرب ويصير ذكي لان تعرفون شنو يصير
تقدم مصطفى خلة السويج على الطاولة يم مراية الباب وهي ضغطت بطرف السجينة على ركبتي
: -لااااا تقرب ترا أكتلها
: -خير وبركة.
هي من شافت مصطفى صار التركيز ويا
فاني أستغليت الفرصة جانت لازمتني
من ركبتي ومثبتة السجينة وأني خليتها تحجي
وي مصطفى وضربتها بعكسي بطنها من قوة الضربة
دفعتني الچلبة فوكعت على وجهي ومصطفى
كمز عليها ديلزمها
لزكي بوكس وكعي فكيت عيوني صارت فوكه
ضربتة بوكس ثاني
واني اجتني الصفنة عززااا راح أخوية
والله قوية شنوو هااي
جان هو ركعها كلة وكعت ليورة لزمها من شعرها.
وطكهة راشدي سطرها بعدها ما مستوعبة الراشدي الاولى رجع طكهه الثاني
اني من يمي خدي وجعني وكل هالهوسة
بالصالة جوة بالطابق الاولى
جان كامت على حيلها ولزكي رفسة
رجع خطوات ليورة وهي هجمت عليه
لزمها وضربه بوكسي بس البنية قوية
عبالك شاب والله يعني مبين متعلمة
قبل لا تتوزان رجع ضربها مرة ثانية
وثالثة ورابعة لحد ما أنتهت
صارت عيونها للباب تريد تشرد وهو سحلها وربط أديها بالشال مالتها
گامت تدفع بي وتصيح حط أيدة.
علي حلكها وهمس
: -وقزالقرط صوتج
ردت عليه بحقد: -لاااااا أكتلك
لزم السجينة بيدة ويضحك: -بيمن تكتليني بهاي
: -لو عايفني شوية شكيتك شك
رغم الموقف جان غريب ويخوف واول مرة
أتصير ويانة حالة سرقة
هو صح أتصير حالات سرقة هنا بس قليل
وما صادف صار ويانا
ما لزمت نفسي ضحكت من المنظر
ومصطفى كالها: -هسه شتردين؟
: -اييي فكني اااذا زلمة
: -وشتسويلي
: -خاااب ال...
فشرت عليه طبعا البنية مبينة مو خوش من المفردات مالتها وهو ضحك وحجة
: -والعباس أنتي لابگة ولا خانة بيج صاحية
ردت عليه متعصبة -شتررريد مننيييي
-جااا عمي أنة أسالج مو أنتي هو ياهو ساطي على بيت الثاني
: -مااااساطية فك أدية
: -نصي صوتج وأحجي عدل شعععدج بيتنا
صفنت شوية مثل إلى أتفكر أنوب حجت
ومبين دتجذب من كلامها
: -أكو ناس لاحكيني ودخلت هنا دحتمي بيككم بس أنتم ماعرف شبيكم هجمتوا عليه.
اسينات: -ليش تجذبين وين لكيتي هالكلاوات غير أجيتي تكتليني. مصطفى خابر الشرطة عليها
مصطفى: -أسكتي أسينات
هزيت راسي ب اي وكعدت ومصطفى رجع كالها
: -منو لاحگج
فتلت شفتهة بتفگير: -شوف صراحة صراحة ما أدري هواي
-شگم واحد لاحگج
-هواي
طلع مصطفى تليفونة وهي تباوعلة بترقب
-: نخابر الشرطة يتفاهمون وياج
فزت برعب: -لاااااااا لاااااا تخابرهم هسه أطلع منا وبعدددد ما تشوووفون وجهي ورب بس هالمرة سامحوني أعتذر
: -أحجي شكووو.
: -دفتح أدية وأحجي مو معقولة خايف من مراة
جان هو كام فتح أديها
استفزتة ضيقت عيونها تباوعلنا مسحت على أديها
وطلعت علج من جيبها
طگت علجهة ورفعت وأحد بيدهة كالت لمصطفى: -تريد
-دگلي لا أحطة بغير بمگان
-وين مثلاااا
-تحبين تشوفين
هزت راسها. أشرلها بعيونة
عرفة قصدة
وأني متاكد هي تعرف بس تريد تسمع لوت حلگهة بقرف وحجت بضجر
: -ما عجبني جوابك
: -مو ضروري يعجبج
البنية نزلت عيونها شوي ورجعت كعدت حجت بهدوء.
: -ماكو أحد لاحكني أني مو قصدي أذي أحد
وبس جنت محتاجة ما عندي وين أروح ولو ماهي البنية تتطلعلي
أشرت عليه وكملت بجمود: -جان أخذتلي كم شغلةوطلعت قابل شراح أبوك الخزنة مالتكم
أسينات: -لعد ما حجيتي نطيج الا تبوكين
: -متعودة
مصطفى: -من وين أنتي يا محافظة
: -بغداد
: -شگد صارلج هنا
: -كم سنة مو هواي
: -جااا ليش تبوكين شو شغل خير الله
: -تعرضت أكثر من مرة لتحرش ولعبت نفسي
لان ما أسكت وأتصير مشكلة وأنطرد.
: -منو علمج تبوكين
: -شباب هنا متعودين وأني صديقتي دخلتني وياهم هاي اول مره الزم دوم أخذ وأطلع ما لزمت أبد
اسينات: -لعد شنو قابل كل مرة تسلمين
مصطفى: -أسمعيني زين ما راح أذبج بالسجن واذا محتاجة أساعدج بس أسلوبج غلط و راح ينتهي بشي ما تتمنيه ابد
: -لعد مو دكلك مجبورة
: -بابا دعوفي هاي السوالف قديمة
: -زيين أنطيني أفلوس
جان مصطفى شال أفلوس وأنطاهة أخذتهن وكالتلة بصلافة: -أنطيني رقمك حتى من أحتاج شغل أجيك.
ضحك وطلع مبايلة أنطاها الرقم وهي مشت
كتلة بعصبية وهو يسد الباب
: -بعد لو مخليها تعيش ويانة
: -لو كايلة ما أكلها لا
: -اي كريم خطية، بعدين ليييش ما سلمتها للشرطة هالحرامية جان موتتني وخسرت حياتي
سكت وهو يلم بالاغراض بالكاع أطشرن
كتلة
: -بابا لو موجود ماقبل تصرفك مو صح مصطفى
رد عليه برود: -تمام
: -زين على هذا الوضع كلما تدخل علينا وحدة نصابة نعوفهه تروح
تقدم خلة أيدة على أجتافي وحجة.
: -لا تخافين آنة موجود وإنتِ هم لا تبقين توسوسين خلص نامي الليلة وارتاحي
: -أوكي بس أصعد شوف خالة كالت خلة يمر عليه من يجي
: -صار
عفتة بالصالة وصعدت نمت
ثاني يوم:
رجعت لبيت مشي شدعي عليك مصطفى خلاني أجي مشي بس يجي بابا الا أكلة عليه
أجيت وصلت تقريبا لبداية الشارع طبعا أحنا هنا
عدنة هواي جيران عرب سورين ومغربين
وعراقين كلش هواي يمنا من ضمنهم
عمو أبو وسن واكو بيت عمو أبو سجاد.
بس شنو عدهم بيبيتهم ام سجاد فد غثيثة دوم كاعدة بالباب تشوف الرايح والجاي
عدنة مصطفى دوم من تلزمه يتغزل بيها
وتخجل وتعوفه ولو هي منين تعرف الخجل
هي مخرفة لهذا السبب ولدها واحفادها مالهم
علاقة بيها
أجيت امشي وأفكر اشلون أفاتح خالة شجن وأكولها عمو عصام جاي لينا
هو البارحة سمع من مصطفى بسالفة
وكال جاي يطمن علينا
بالي سارح وكم خطوة قريب على الباب
ولزمتني ام سجاد شلون ورطة
: -سونا
-: هاا بيبي شلونج.
-: نعمة من الله شو ما تبينين أنتي وأمج وخالتج بس أني أجيكم
-: مشغولة الصبح بالدوام ورة الظهر بالشغل ما أفرغ
-: هم حقج يحبوبة
أجيت أفوت ما أحس الا نجريت من القميص لتفتت عليها بعصبية
: اخخخ بيبي شجاج
حجت بستفهام وهي تمسح على قميصي يبووي شيخلصني راح تگعد تحقق
-: هاي ملابسج متربه مادخلت بعقلي سالفة الشغل وين جنتي؟
هي بس تريد سالفه تلزك بيها
-: اجيت مشي والله اجيت مشي وندمرت
: - وهاي كله من المشي.
تحاسبني أكثر من ماما كلت الها بملل
-: اييي من المشي عندج مانع
-: لا من زمان ترگته جدج يريد جهال وعمج ابو سجاد بطولة واني بعد بيه حيل أطلك
تحاول تصير كوميدية ياربي صبرني طگيته ضحكه حتى بلكي تمشي
: -خوش بيبي خوش اريد ادخل
لبيت تعبانه
باوعتلي من فيوك ليجوة وهزت أيدها واني هم أباوع وياها
اكو شي غير التراب بملابسي
جنها جهاز فحص هاي
: -ولج أني بسقوط جنت موظفة وأرجع مشي وتلامع ويه الشمس من جنت بالعراق.
-: ايي غير انت تخبلين
ضحكت خجلانة وهي اصلا ما تندل الخجل وين
-: غدي غاد ولج
مديت أيدي على الباب رأيد أدخل
: -بااااي
نجريت ملت جا وكعت جلبت بالباب أستعدلت بطولي تأففت بضيق وتالي
-: أسمعي هاي الحجاية قبل لا ترحين
ظاهر اليوم شلة مالتها ماكو بعد وين تروح وحظي طحت بيه ارتگيت على الباب
السالفة مطولة وهي ورثت جكارتهه وحجت
-: بالاحتلال بيبيتج جانت حلوة بعدني بعز الشباب.
أكل لفلك ولك واني راجعه بالطريق مر من يمي الهمر المريگي وصوفرلي
-: ايبااه عباله زاجل
-: جنت زاجل وارفلي ما احجيلج عن جمالي
وأني متتت من الخجل
باوعتلي تتاكد وياه. هزيت راسي بمعنى كملي
: ايي وأني بعد ما طلعت تعرفين جيل قبل نستحي مو مثلجن هسه برابيك
-: رحمة الله ولديج
اشرت على قميصي وهزت ايدهة
-: وهذا المشلتح مالتج شني
قبل لا ارد التفتت عمو عصام ويا عمتي كشولت وابتسمت جذب بوجهم لا يربي شلون يوم هذا.
كال-: هااا عمو الحمدلله على السلامة
تقدمت عليهم حضنته وهو باسني براسي وجان قلقان علينا
وسلمت على عمتي كال بضوجة
: -شللوووون ما تخابروني وييننة مصفي الكواد ليش ما خابرني البارحة جايكم
: -ما يحتاج عمو موضوع بسيط
هز راسة ما راضي جنت أريدهم يمشون قبل لا تجي خالة شجن
بس لاسف اجة مصطفى وخالة ويا نزلت تضحك
من سيارة مصطفى وهو هم يضحك
نبهتتت من شاف عمو عصام غمضت عيوني يربي
احس شعور حقير ومو حلو.
هي بقت جامدة تباوعلة وهو هم صافن
عليها وعمة اجوانا توترت كلش
كسر السكوت مصطفى وحاول يتلافى الوضع
واجة بضحكة سلم على عمة ورجع حضن عموو
وعمو عيونة على خالة هي تقدمت واني ارقبها
اديها كامت ترجف وهي تفرك بيهن كاالت بهدوء
: -السلام عليكم
جوانا: -هلا بيج شخبارج حبيبتي
بوستها وهي ردت بهدوء: -الحمدلله
رفعت عيونها للعمو الجان واكف كالها
: -وعليكم السلام شلونج شخبارج شجن.
ردت عليه وصوتها بي غصة رغم شگد تحاول تبين طبيعية واني هنا تاكدت خالة ما تخطت ابد
هي كاعد توهم نفسها لا أكثر كالتلة
: -الحمدلله أبو تيم أنت شلونك
سكت ما نطق بحرف بس عيونة عليها ومصطفى يباوعلة كال
: -راح نظل واگفين يابة فوتوا
عصام: -عندي شغل أنة أروح
مصطفى: -لا مااا تروح تغدة وبعدين أمشي هم أحجيلك شلون نسحكت البارحة
عصام: -شو فرحان ابو حلك
مصطفى: -جاا عمي أنت ما شايفها حكك.
سحبة ودخلهم جوة وعمو كوة قبل يبقى بس عمة كيفت بقت
جان الجوء مشحون بس كلشي بارد
ما عدا نظرات العيون
أني شاكة عمو بعدة يحبها واريد أسمع من طرفة بس أشلون ما أعرف
خالة صعدت لغرفتها مشيت وراها فوك لكيتها تبجي
من شافتني مسحت أدموعها وگامت
حجت بسرعة وهي تتحشى تباوع بعيوني
: -يلاا حبيبتي نحضر الهم الغدة
تقربت لزمت اديها: -خالة جنتي تبجين
: -لا حبيبتي بس عيوني تأذيني وفركتهن
تحركت للباب وهي دكول.
: -أستعجلي عيب يتاخر الغدة
قبل لا تطلع دفعت الباب حجيت بسرعة
: -خالة أكلهم يمشون هاااا
: -لا شلون فشلة شنو نمونة غدة
: -لا مو فشلة صوج مصطفى عزمهم
: -خوش سوة لعد يطردهم من الباب غير عمتكم وعمكم يطمنون عليكم
: -مو مهمين همة المهم أنتي عندي وما أحب أشوفج ضايجة
: -ما ضايجة لا تفكرين بيه
عافتني ونزلت وأني الغصة وكفت بصدري أدري بيها تكابر يربي شگد صعبة.
هسه كون الزم مصطفى أكفخة على هالسالفة بس المشكلة هو أكبر مني
ويسحلني، خليت ونزلت جوة وخالة طبخت الغدة وأني جنت أحضر
بالمقبلات وعمة أجت يمنه كعدت تسولف وياي أخر شي كالت لخالة
: -شجن شوكت ناوية تزوجين
التفت عليها متفاجئة: -صدك تحجين شنو راجعين أردود على الزواج بعد كبرنة
: -لعد أضلين دوم هيج ما ترديلج ولد يلم كبرتج
: -البركة بمصطفى وحيدر.
: -حياتي والله أحجي علمودج أني حتى لشمس كلت لشوكت تبقى شجن بدون زواج ولد أختج ما يفيدوج اذا مو بذرك من بطنك
: -لا تشيلين همي ام تيم وولد أختي بيهم البركة
: -على راحتج بس ترة جيرانة رايد مرة ابو حازم إلى توفت مرتة قبل كم يوم خوش قسمة لو تفكرين بيها وهم عندة بنية وولد واحد والله ترتاحين وياهم مو احسن ما ضالين كاعدة لا ولد ولا تلد.
التفت خالة بعصبية وهي أطك السجينة على كاونتر قبل لا تحجي نطيت أني وكومت عمتي
: -عمةةةة تعاااالي أشوفج شغلة جبتها جديدة
سحبتها كوة للغرفتي خاف أتصير
عركة وحتى ماما وبابا مو هنا
اااوف منك مصطفى الا تعزمهم على الغدة
هسه لو بس جاي وماشين أحسن
شوية ونزلنا لكيت مصطفى مطلع لعبة بس عمو صافن ما مركز كالة مصطفى
: -بالعباس مو مرة شگتني شگ
اسينات: -اي والله عمو لو موجود أنت جان كفختها بمكان مصطفى.
عصام: -أخر مستجداتي هاي
مصطفى: -جااا وأنة أكول عمي بظهري
عصام: -لا عمك تعب بعد جااا اذا أنت ومسگطتك أنة شلون
اسينات: -بعد بيمن أنهدد
اجوانا: -لعد مو داخل جم مصطفى
عصام: -بروتينات مابي خير نثية مسگطته
مصطفى: -اي بعلي سكطتني جنها فحل
اسينات: -لو شايفها يا عمو شلون تضرب بوكسيات
كعد عمو يضحك على مصطفى وهذا أخوي يشرح بذمة وضمير أشلون البنية ضربتة.
أنوب حطينة الغدة وكعدنة نتغدة سوة بس إلى جان مزعج هو كعدت عمتي أجوانا بصف عمو
وتخلي الاكل كدامة أخر شي كالتلة
: -فردلي لحمة
وهو هم فردهة ابد ما جان هالشي حلو
حتى لو كانوا مزوجين
كل هل شي كدام عيون خالة شجن الجانت تاكل جذب وكل شوي تخطف بنظرة الهم
وأني أبد ما سمعت الكلام من عمو بحياتي
ومن شفت تصرفة أستغربت كلش
جان هو گام يغسل وأني لحكته
كتلة أسويلك جاي هز راسة.
رحت بسرعة خليت القوري على نار وأباوعلة طلع كعد بالحديقة عفت الجاي ورحت وراه
ما أدري شجاني بس بنفسي
أسالة اريد أحط حد وأگطع الشك باليقين
ما دام هو موجود وما يمنه أحد هسه
هالفرصة ما تكرر
: -عمو حبيبي
التفتلي مبتسم لزمت أدي وحجيت
: -أريد أسالك كم سوال وتنصحني
: -أحجي يبعد عمج
كعد على ثيلة وكعدت أكبالة
: -عموو شكد نسبة الامل عندك
: -شني هالسوال
: -دجاوب عمووو وبعدين تعرف بس جاوب أسالتي.
كال: -الامل موجود وقررييب كلش
: -شنو السبب اللي يخليك متأكد إنو الأمل موجود وقريب
: -لان الله قادر على كل شيء وعندي ثقة بنفسي
: -نتفق قدرة رب العالمين فوق كل شي بس الثقة بنفس شعليه بالامل
: -جاا أهم شي الثقة باجر أحسن من اليوم وكل يوم فرصة جديدة واكو أمل بشي جديد.
: -ما أعتقد عندك نقص وتريد باجر أفضل أنت مزوج وتشتغل وعندك اولاد هي الحياة أفضل بالوقت الحالي بالنسبة لك شنو الناقص إلى تتامل يصير ب باجر أفضل
: - كل واحد بينه عندة أمور شخصية ما تحققت و مو الا على الصعيد الشخصي أكو أمور ثانية
: -هسه أنت لو عندك مارد وتحقق أمنياتك
شسوي تريد باجر أفضل
صفن شوية وسحب نفس من جكارتة وبعد تفكير لثواني كال: -ماكو شي شخصي اكيد احقق فد شي لعائلتي للناس الاحبهم.
: -دوم أحسك مهموم عمو ليش ما تختار الراحة في حال طلعلك المارد
: -لا بعد عمج أنة متعود وأنة أصغير على الضغوطات والهم والصعوبات تعودنة
: -الحياة حلوة
: -بالنسبة الي
: -اي
: -لا ما شفت راحة بيها تعبت أنة لو بالعراق وبعدني برتبتي جان أستشهدت بأيام داعش وارتاحيت
: -لا اسم الله عليك عموو لعد وبيبي شلون هيج متفكر بيهم
: -يتعودون عادي
بدون تردد نطقت وكتلة: -وحبيبتك.
من كلت هيج رفع عيونة إلى وصفن عبالك الزمن وكف بي للحظات فرك وجهه ومسح على شواربة
: -تتعود أجوانا
ما توقعت يذكر أسم عمة. بقيت أباوعلة بهدوء
كتلة
: -هم حبيت قبل عمة أجوانا
: -لا ما حاب من قبل
: -زين مو على اساس عندك حبيبة قبل عمة حسب ما سمعت
: -منين سمعتي؟
خفت أجفص وخالتي تموتني حجيت بسرعة
: -يعني هيج بصدفة مرة سمعت هيج كلام نحجة عن هيج موضوع يجوز مو صدك يعني انت ماعندك حبيبة قبل
هز راسة ب لا.
: -بس كالوا عندك حتى ذكروا حرف من اسمها
: -يا حرف يا اسم أحجي
: -يعني عموو أني مو بصدد أذكر اسم ولا حرف
بس مجرد دسأل هسه معقولة الرجال ينكر حبة اذا أزوج
: -شنهي حب هو أكو شي حتى ينكرة منو واهمج بهذا الكلام
: -حتى اذا كلامي قاسي ويزعلك وما حلو وياك بس سمعت وهذا الحجي يعني أكو زلم يلعبون على الحبلين وحدة يزوجها والثانية يلعب عليها وقتية
يعني أنت هيج جنت.
رد عليه كاتم عصبيتة: -لا ما يزعل تدرين ليش؟ لان أنة لو مار بعلاقة ما أنكر لان أنة عشتها بالحلو والمر وأنتهت بس ماكو هيج حجي وبالنسبه لهذا الكلام ترى ما أدري على منو تحجين ولا مار بي علاقة من قبل
: -اذا أعترف الرجال تقل رجولتة مثلا ليش تتهربون من جواب عموو
: -منو دازج كليلي؟
بلعت ريكي حسيتة شك أنوب خالة خطية تنحط بموقف ما حلو ببسسبي بس والله
ردت أعرف وبس مو أكثر
حاولت أكون هادئة حتى ما أيشك اكثر.
: -محد عمو هو مجرد سوال وهمزين عرفت منك هسه واحد ما يصير يثق بالزلم لان بس يزوجون ينكرون حبيباتهم
حجة مركز بعيوني مثل المتاكد من كلامي كال
: -أكو فكرة أبالج مخيمة وخادعة نفسج بيها وهي مموجودة أصلا ولو أكو اكيد ما أنكر وكلي للي خلة هالفكرة براسج يشوف حياتة أحسلة والله يوفقهم بحياتهم
خلة ومشة صحت عليه عمو بس ما وكف
رجعت جوة بعدهم يتغدون ويسولفون مصطفى باوع وراي
: -وين عمي
: -مشة
اجوانا: -لعد غير ينتظرني.
مصطفى: -شكوو شصار ليش مشة
اسينات: -ما أعرف أعتقد أجتة مكالمة من شغلة وراح
عفتهم وصعدت للغرفتي من يمي نحرك
كلبي والله العظيم
لو كايلي كلمة وحدة مريح بيه كلبي
شلون هيج الزلم ينكرون حبهم وينسون بسهولة
وخالة صار الها أسنين ما ناسية
للاسف محد خسران بهاي العلاقات
بس المراة دائما الرجال يتخطى وينسى
ويعيش حياتة وتبقى هي تعاني
دوم هي الطرف المتضرر
وللاسف شكي طلع مو بمكانة.