رواية لعنة الفراعنة الجزء الثاني للكاتبة رحمة نبيل كاملة
الرواية تعتبر ثاني أعمالي الإلكترونية ومنذ سنوات طويلة، لذا ليست الافضل في السرد وكذلك الحبكة، إذ أنها ما تزال قيد التعديل، لذا إن لم تعجبك فلا بأس يمكنك تخطيها وقراءة أعمالي الأخيرة فهي أكثر رقيًا وتطورًا من حيث كل شيء
الجزء الثاني لرواية لعنة الفراعنة (عشق تحدى الزمان)؛ حيث نستكمل رحلتنا مع ميسرة وعائلتها الكريمة...
تقديم
رحمه: اهلا بيكم سيداتي آنساتي امهاتي وكل حبايبي طبعا زي ما كلنا شوفنا في الجزء الأول من لعنه الفراعنه كان عندنا عصرين العصر الحالي وده كان بقياده كريمه واعوانها والعصر الثاني وهو عصر الفراعنه وكان بقياده ابريس واصحابه عشنا معاهم مغامرات مش هنقول خياليه لا احنا عدينا المرحله دي من زمان احنا دخلنا في ليفل الوحش من الخيال ووووو، لحظه شويه لو فاكرين اننا عشنا مغامرات تبقوا غلطانين لو فاكرين اننا جبنا أخرنا في الضحك يبقي مخدوعين لان ببساطه العيله دي مجابتش آخرها لسه ميسره ما اخدتش فرصتها، لسه قدامها مشوار طويل مليان تقطيع على ست ونانيس واستفزار لبيك وشلل لاحمس، وكريمه ايوه كريمه الهبله دي بقي لسه عندها أجيال هتبنيها كريمه دي متعرفش غير قدوه واحده في حياتها (سمر) وهسيب لخيالك العنان تعرفوا قصدي ايه، ونيره او أشرف دي بقي البلطجه عندها هتكون الضعف وحسام هيشوف الويل، طب نسرين وطمطم لا دول بقي حكايتهم طويله معانا.
جاسر حبيب الملايين لسه عنده مواهب رومانسيه مطلعتش متقلقوش هنشوفها كلنا
طب صلاح ومراد دول بقي نرفع ايدنا وندعو ربنا يلهمهم الصبر على ما بلاهم
طب لحظه كده احنا ده كله بنتكلم على الجيل القديم طب والجيل الجديد ايه وضعه.
بصوا عشان نسهل الوضع علينا وعليكم احنا هنوصف كل شخصيه بجمله
- سيف: ده ميكس من مالك على ليث على مراد(ابطال بنت الشيطان) شرس شديد بارد ذكي عنيف جواه حنيه اكبر من حنيه حمزه (بطل جميله حد الفتنه) بس مش بتطلع غير للحبايب غامض بطريقه مرعبه هو نفسه مرعب بس لحظه كل ده هيتدمر قدامها هي، وهي بس ياتري هي مين دي هنعرف سوا.
- عدي: ده ملهوش الصراحه شبيه أبدا بس ده كل الكلام فيه يتلخص في كلمه واحده(الاكل) بس ياتري هتيجي اللي تخليه يحبها آكتر من الاكل؟
حبيب الملايين مصعب:ده بقي ميكس من أسد وخالد وزياد (ابطال بنت الشيطان) لا وخد عندك ده اسود منهم هما التلاته مع بعض مش مصدقين طب هنشوف سوا في الاحداث هنعدس ليفل الوحش في الباد بوي
- تاج: الهادي اللي فيهم شخصيته اشبه بحمزه (بطل جميله حد الفتنه) هادي وحنون وطيب وذكي جدا بس لو زعلته استحمل بقي
ولسه في شخصيات تانيه زي أحمد ومحمد وسامر وفاطمه وشروق واوناس وحوني وازي وتيتي ونازيا ونونيا وغيرهم وغيرهم...
اسماء كتير وتلغبط صح؟
لا غلط طبعا لان مع الاحداث هنلاقي كل اسم بيثبت نفسه وينطبع في الذاكره بشخصيته كل شخصيه من دول هنعيش معاهم حياه هنعيش معاهم قصتهم ياتري الصراع على عرش كمت هتكون نهايته ايه المُلك هيكون لمين.
لو مفكرين اننا شوفنا اخر الجنون يبقي متعرفوش اللي جاي لو مفكرين اننا جبنا أخرنا في الضحك يبقي نراجع نفسنا لأننا داخلين على جنون وضحك من العيار الثقيل لسه فيه مغامرات كتير هنعيشها لسه في قصص حب وملاحم عشق هنشهدها ومش بس احنا ده التاريخ كمان هيشهدها ويسجلها بحروف من ذهب والان سيداتي آنساتي امهاتي حبيباتي مع كلمه لكل شخصيه بمناسبه عوده الفراعنه تآني.
* ابريس: شهدتم الكثير والكثير سابقا ولكن هذا وعد مني لم تروا اي شئ بعد ربما يظن البعض ان حكايتي مع شمسي انتهت ولكن انظروا مجددا فلازلنا في بدايه الحكايه مازالت شمسي ساطعه مازالت المعركه لم تنتهي مازال عشقي يلمع وكأنه وُلد البارحه فقط نعم صدقوا او لا تصدقوا مازال هذا القلب ينبض لها هي فقط "شمسي".
* ميسره: وحشتكم اكيد من غير ما تقولي انا عارفه ان فراقي صعب أصل أنا مش اي حد يقدر ينساني لاني ينطبع في القلب قبل العقل رجعت ليكم تآني بس المره دي هتختلف لاني خلاص بقيت ام وعاقله و، بلا بلا بلا انسوا الهبل ده انا لسه زي ما انا في عز شبابي وقمر في نفسي وفي عيون ابو الاباريس المهم احب ابشركم برحله تختلف خالص عن اللي فات.
* سيف: بدأنا رحله جديد البدايه معروفه والنهايه مجهوله محدش عارف ايه النهايه بس إللي معروف ان في الرحله هتنتهي وانا اللي هسطر نهايتها
* عدي: أنا مش هقول زي الناس اللي فوق دي العميقه الأوفر دي بس كل اللي هقوله ان اللي فات بصاره واللي جاي بشاميل يعني رحله هتخطف انفاسكم خالص فاربطوا الاحزمه وجهزوا اكلكم واقعدوا استنونا واوعدكم هنكون جزء لا يتجزء من حياتكم.
* مصعب: أنا واحد بقدر الجمال وبقدر الكائن اللطيف والجنس الناعم كل ده حلو تمام بس حاول انك تيجي عليا هتشوف وحش وجحيم انت مش قده فخليك لطيف معايا عشان الرحله تعدي على خير ونعرف نطلع منها بكام واحده قمر كده ومين عارف مش يمكن بعد الشر يعني اطلع منها بعروسه مين عارف بس إللي معروف هو أن الرحله دي هتبهركم.
* تاج: مش معني هدوئي وصمتي اني ضعيف لا بس انا ماشي على مبدأ الصمت لغه العظماء بحب كل حاجه امشيها بعقلي مش بعضلاتي بس لو اضطرتني هكون اكثر من سعيد اني استخدم عضلاتي اتمني الرحله تعجبكم مع اولاد الفراعنه.
فصول رواية لعنة الفراعنة الجزء الثاني
- رواية لعنة الفراعنة الجزء الثاني للكاتبة رحمة نبيل الفصل الأول
...باقي الفصول اتباعا كل يوم فصل