رواية لبوة علي للكاتبة كفاية كاظم الفصل السابع والعشرون
بعد مرور اسبوي...
زينة...
كولشي يمر بسرعة والمشكلة محد مفتهم الجاي يصير وي لبوة ماكو تفسير للحالة التمر بيها...
انهيت الاتصال من شجن بعد ماتطمنت على لبوة حتى تليفونها غالغتة ماتجاوب علية، رحت نضفت الغرفة ورتبت الملابس...
كعدت على حافة الجرباية تنهدت بحيرةحطيت ايدي على بطني واني اتذكر شصار وياها بعد ماخلصت الخطبة...
جان وضعها ابد مو تمام اخذاها حيدر للغرفة وبعدها الكل طلع وصلنة الناس ورجعتلها لكيتها واگعة بالگاع، وتتنفس بصعوبة...
احس حيلي باد نزلت على ركبتتي لزمت ايدها اقيس نبضها لگيت اديها عبارة عن شرايين كامزة وجهة احمر وگوة تجر النفس جفلت حتى صوتي مايطلع...
دخلت شجن نصدمت مثلي بقت تضرب بيها على خدها وهي ماكو باوعت بوجهي صرت بس ارمش بعيوني طفرت جابت مي ورشت عليها وهي ماكو على وضعها...
اجت خالتها تخبلت حطت راسها بحضنها وفتحت ازرار القفطان من ورة وبقت تفرگ بصدرها وهمس تضغط بيدها استمرن على هل وضع اكثر خمس دقايق لان نفسها ضايع رجل خالتها جهز السيارة راد ياخذها...
عفست ملامحها وفتحت عيونها بذبول باوعت بوجوهنة شوية وشالت راسها من حضن خالتها عدلت جسمها وجهت نضرها ليديها الترجف بشكل مو طبيعي مسحت وجهة وحاولت تنهض...
ندى: -شبيج يمة سودة علية شجاج امشي ناخذج للطبيب.
هزت براسها وكامت استندت بالحايط اجت همس لزمتها وخرت ايدها ومشت تطوطح مشيتها مامتوازنة بقيت باثر الصدمة...
حيل باد حتى ماگدر اگوم راح الكل وراها شوية وگمت رحت لغرفتها لكيتها تطلع ملابس الها والكل محاوطها يحجن وياها وهي ساكتة.
ندى: -ولج يمة امشي وياي للطبيب لاتحرگين گلبي عليج.
لبوة: -مابية شي بس الضغط هبط.
جابتلها همس جهاز القياس رادت تقيس ضغطها بس ماخلتها راحت دخلت للحمام وخالتها تدگ.
ندى: -بس لو ادري شهلعناد الشايلتة شلون تضل هيج
زينة: -خالة لاتخافين لبوة مو طفلة تعرف تتصرف واكيد هبط ضغطها هوسة وناس اثرم عليها...
ندى: -گلبي يضل يحترگ عليها وهي ولا تريح گلبي بحجاية.
همس: -عين وصابتها ذني الاجن بس يخوزن بيها احسهن يريدن ياكلنها والله اذا ماطلعت محسودة اگص ايدي...
شجن: -اي والله صدوگ عيونهن نگسة مبينات حتى اني لاحضت هالشي.
ندى: -آللهمُ اجعل حسدهم في جسدهم شبيهن ماشايفات شجاهن.
شجن: وين شايفات گمر ضاوي.
زينة: -طولت بالحمام كالعادة خالتها عباالها تخربطت كل شويه ودگت الباب شوية وطلعت شعرها ينگط مي تجاهلت الكل نشفت شعرها ولفت روحها بالبطانية وكلنة مصدومين...
ندى: -ولج لبوة شني سالفتج امشي اخذج للطبيب
: خالة لاتخافين عليها شفتي بعينج مابيها شي خلوها ترتاح واللةكريم.
الكل طلع ورة شوية رجعت دخلت الها على وضعها تطمنت ورجعت لبيتي ومن ذاك اليوم هي على وضعها نوم بنوم رحتلها ونفس الوضع...
شنو الجاي يصير وياها محد يعرف ولاجنها عروسة اابد، نزلت جوة ساعدت البنات بالمطبخ حسيت بلعبان نفس خليت وطلعت...
اعراض حمل متاكدة منها بس لحد الان مامسوية تحليل اخذت تحليل منزلي البنات جايباتهن إلى بس مغلسة على الموضوع...
دخلت سويته وانتضر النتيجة حاطة ايدي على خصري وعاگدة حواجبي طلع خط احمر وانتظر الثاني طلع خط ضعيف انرسمت ابتسامة على وجهي...
رحت سبحت واني حيل فرحانة رتبت نفسي بقة علاء شلون اخبرة اريد طريقة دورت على الانترنت شفت هواي ومن ضمنهن...
اكو وحدة انطت زوجها هدية فتحها وطلع بيها ملهي عجبتني الفكرة بس الملهي من اجيبة...
رحت نزلت جوة صحت على ابن حماية عمرة اربع سنوات اسمة قوطي انطيتة خمسة كتلة اشتري ملهي وشتريد اشتري.
كال اخاف اوكفيلي بالباب واني ماكلت لا لفيت شالي زين وكفتلة بالباب...
الدنيا الضهر محد بالشارع وهذا تاخر خفت علية لاينخطف لو واحد يسويلة شي انوب حتى امة ماتدري...
اني لابسة صاية فوگ ملابسي گلت خل الحگة رحت اتمشة للاسواق لابسة برجلي تكرمون نعال عمتي اطول من مستقبلي كل شوية وبقة وراي وارجع البسة بعدني ماداخلة للاسواق هو طلع.
يمة رتاحيت مابية شي جايب علاگة حلويات لزمته من ايدة ومشيت الشارع جان فارغ بس مدري منين طلعو ثنين ولد شباب ماحجو شي بس نضراتهم وصخة...
مشيت سريع واحنة نمشي طبگت علينة سيارة.
يمة احس گلبي طار باوعت آلله اليسترني اليوم سيارة الغالي وعاگد النونة...
دخيلك سيد محمد افزعلي هما دائما يحلفون بيك كمت اباوع منا ومنا وين انطي ويهي...
اشرلي اصعد جلبت بقوطي حيل وصعدت وخليتة بحضني ماحجة شي بس وجهة احمر ويعض بشفتة بوعيد...
وصلنا ونزلت افتحلة الباب طبگ السيارة واشرلي اصعد حجيت بتوتر...
: اصبلك غدة
علاء: -اصعدي فوگ مااريد سم.
زينة: -ردت اروح لغرفة عمتي خفت لايسويلي شي وهو هستوة جاي من الدوام بعدين كلت لا دخل اصعد شحدة يضربني لو يسويلي شي...
صعدت بغرفتي نزعت الصاية وبقيت ارتب بشعري واكف وكفة انزل بيه وماكو اخذت سيروم خليت منة بيدي ردت اخلي منة وهو جفت يگول عندة اقتحام وصاير عصبي.
خليتة على شعري وابتسمت الة سويتلة بيدي هلو.
علاء: -هاي حركاتج مو علية اذا ماشلعت اذاتاتج اليوم فلا تسميني باسمي...
زينة: -ليش شمسوية غير تفهمني؟
تقرب عليه وشدني من ايدي خلاها ورة ضهري وهو وراي: اخ شبيك ايدي توجعني شمسوية.؟
علاء: -شعندج طالعة بهل ضهرية؟
زينة: -شوف هذا قوطي دزيتة يشتريلي وتاخر
علاء: -وانتي طلعتي وراة ومحد يدري بيج وين للاسواق وشبيها الاسواق قاسم الوردة وشيم الاسواق شمعون وحسون افقر ولد بالمنطقة...
زينة: -ترة اني مادخلت للاسواق وذولة محجم شي واصلا اني اخذت قوطي ومشيت بسرعة...
علاء: وانتي شكو رايحة ورة صخمي...
زينة: -غير دزيتة يشتريلي اخ ايدي گمت توجعني شبيك عوفها...
دموعي نزلن حيل وجعني اندگ الباب عافني وراح فتحة طلع قوطي انطاة الملهي.
علاء: -تعال هاي شسوي بيها منطينياها
-هاي لعمة اشتريتها
زينه: مسحت دموعي ورحت اخذتها من عندة
علاء: هسه غير تگلي شسوي بيها.
زينة: ماتستاهل كل هذا سويتة على مودك وانت همزين ماكسرت ايدي حرامات عود ردت اسويلك مفاجأة واخبرك بحملي بس انت مو مال مفاجأة...
علاء: -شني لا اوگفي انتي حامل لا
زينة: -لا اجذب عليك
علاء: -يعني اني راح اصير اب مو هسه غير تحجي
زينة: ايييييي
علاء: -احلى وجعية تعاي امعطج وامعط بتج البطنج
زينة: -وخر وخر مااريدك لو تجيب افلاطون وتجي بعد انتهت وابني اني اربية من هسه اكولك.
علاء: -دتعاي وعود بعدين ربية.
زينة: -رغم اني زعلانه منة بس عرف شلون
يراضيني...
:
لبوة...
الجاي يصير نقطة بوسط بحر من الصار وياي...
هواي مريت باشياء صعبة ودخلت بعدة دوامات اخذن طاقتي واهسي بالدنيا بس ارجع بواهس جديد واتعدى الصار.
جنت اعرف شريد وكل شخص بينة يعرف شيريد وبشنو يحس بس اليوم ماعرف شريد حايرة واحس كولشي مو زين مجتمع بية...
احس الم جبير بداخلي ماگدر احجي عنة او افسرة حتى مااعرف شنو سببة...
من بعد الخطوبة تازم وضعي حيل وصرت مااسوي شي غير اكل انام صرت التجأ للنوم واخلص من كل شي احس بية...
جهز كولشي وحددنة موعد للعرس بس اريد اعرف منو العروس؟
معقولة اني،!
زين هذا حال عروس؟
اليشوفني يگول جابرينها على الزواج...
نهضت روحي من الفراش مختنگة رحت سبحت وبدلت اخذت مبلغ وياي مادري شيخطر بالي فجاة
لاگتني خالتي استغربت...
ندى: -هايمة وين رايحة.؟!
لبوة: -هنا شوية وارجع.
ندى: -وين هنا؟
لبوة: -ليش تلحين فدوة لا تسالين راح اختنگ اريد اطلع.
ندى: اني مو ضد تطلعين بالعكس اني اكيف تطلعين وتغيرين جو شكد صارلي الح عليج تطلعين بس مو وحدج شنو نسيتي الصار وياج،!
لبوة: لا مانسيت كولشي خلص بوكتها لاتحجزوني
اني مامتعودة اكول لشخص لو اخذ كلمتة.
ندى: -اطلعي بس على الاقل كليلي وين رايحة حتى اذا صار شي عاد اعرف وين رحتي.
لبوة: -مادري عود اتصلي بية ماخذة موبايلي وياي.
ندى: -مخبرة حيدر راح تطلعين.؟
لبوة: -لا.
ندى: شلون ولج مايصير بعد انتي صرتي مرتة بلة لكاج كدامة شدكليلة وبعد جم يوم عرسكم هسة حتى لو مسج دزيلة.
لبوة: ان شاءلله
ندى: -تخبرينة مو؟
لبوة: -محتاجة شي،؟
ندى: -لا الة الا الله
لبوة: طلعت من البيت مختنگة تمشيت للشارع كل واهس ماعندي حتى ماادري وين رايحة.
اخذت تكسي ورحت للمستشفى نزلت قريب منة تمشيت مسافة وكفت على صفحة صرت مقابل باب المستشفى صارت تمر بالي ذكريات من اول مرة اجيت لهذا المكان.
اتذكر جنت صغيرة مو هذا كبري واهسي يحجي الف غمصت عيوني من الشمش واني اباوع للمسشفى كلت اني اشتغل بهذا شلون شكبراتة شلون اندل
الاماكن انوب خاف يدزوني على غرفة واروح لغيرها.
بوقتها دخلونة وعرفونة على المكان ممر ممر هذا قسم الكذا وهذا قسم الكذا واني وزينة لازگة بية كل شوية ودفعتها...
جنت احس الاطباء يباوعون النة كانة اطفال ومن بعدها التقيت بدكتور محمد كلش حبيناه وصرنة اذا مانشوفة نسال علية.
مرة مااجة واحنة بعدنة جدد ماعدنة ميانة وي الاطباء رحنة سالنة العاملة علية لحد الان نتذكر هذا الحضة ونضحك عليها...
دخلت للمستشفى بية ضجة مو طبيعية غمصت عيوني بانزعاج شكو اليوم شنو هاي الهوسة والاصوات.
لاكاني دكتور محمد بيدة تقارير من شافني تفاجأ بجيتي اجة باتجاهي وابتسامة على وجهة.
محمد: هاي منو المنورتنة اليوم شني اتحلم لو گمت اتخيل لبوة.
لبوة: -لا والله ماتتخيل هي نفسها لبوة...
محمد: -شعجب جاية،؟
لبوة: -مادري رجلية جابتني.
محمد: شو احسج متغيرة حيل ولاجنج راح تصيرين عروس بعد كم يوم،!؟
لبوة: -والله مادري دكتور شجاي يصير وياي.
محمد: هاي رادلها كعدة اروح اخلص البيدي واجي انتظريني مو تطلعين.
لبوة: -على راحتك...
رحت افتر بالمستشفى دخلت لغرفة سليمة طبعاً اني عندي ميانة وياها مااسميها دكتورة كبل باسمها...
سلمت عليها وطلبت تنطيني حالة وهي ماقصرت رحت اشوف شغلي بابتسمت بتعب حتى مابية حيل ولاعندي واهس قبل انطي ايجابية واطلع المريض من مودة هسة اني اريد واحد يطلعني من مودي.
شوية وطلعت ماتحملت الهوسة يمكن لان صار فترة تاركة الشغل وتعودت على الهدوء.
وي طلعتي لاگاني جهاد بس احسة ضايج.
جهاد: -مرحبا لبوة شلونج شخبارج
لبوة: -الحمدلله وانته
جهاد: -عايشين اي يابة الف مبروك سمعنة بيج راح تتزوجين.
لبوة: -شكرا يوم اللك.
جهاد: -بس اريد اعرف شبسرعة حبيتية وقبلتي بيه؟
لبوة: -هذا سر يمتلكها بشخصيتة.
جهاد: -بس كلش محظوظ بيج
لبوة: اني المحظوظة بية.
جهاد: -اشو احسج مو مرتاحة ومتغيرة كلش،؟
لبوة: -شي طبيعي كل بنت تنخبص قبل العرس من تحضير وتفكير من تصير بنت تعرف قصدي زين.
جهاد: -يكولون رجلج ضابط وبعد مايخليج داومين
لان ماعايز فلوس وبنفس الوقت يريدج بس اله.!؟
لبوة: -بلغ مصادرك كلامهم بية شوية خطا مو هواي.
اما موضوع دوامي راجع إلى اني الاقرر واني قبل لا انخطب تركت الشغل عن اذنك.
جهاد: ؛-لحظة بس سؤال واحد
لبوة: -مو اعتقد هواي سالت...
جهاد: -بس كليلي تحبينة.؟
لبوة: -هههههههه احبة،!
والله ضحكتني هذا شي مايخصك ولاراح تستفاد منه اذن عوفك بعيد عنة.
جهاد: -بما انو احنة اصدقاء فحبيت اعرف مو اكثر واعتقد الاصدقاء يشاركون هواي تفاصيل بينهم.
لبوة: -للاسف اني مااحب اشارك شي والكل يعرف.
بس الصراحه مايحتاج تسال على سؤال معروف جوابة.
اكيد احبة لاتنسى كم يوم ونصير روح وحدة.
رفعتلة اصبعي وحجيت الكلام ومشيت صح مااحب ارد على احد بس حبيت احجي واني صارلي فترة صامتة بس اصفن.
اشتريت بطل مي ورحت للحديقة صافنة بلمكان
اتصل عليه دكتور محمد.
: الوو
محمد: -ها لبوة اشو ماكو بس لا طلعتي.؟
لبوة: -بلحديقة موجوده.
محمد: -تمام جايج انتظريني...
لبوة: -شوية واجة كعد مقابيلي.
محمد: -اي بابا شبيج احجي شنو المضوجج والشاغل تفكيرج.؟
لبوة: -شايف شخص مايعرف شبية مايعرف شيريد حتى مايعرف وين يريد يمشي.
هاي اني حتى اليسالني شبيج اكلة ماعرف والله ماعرف شجاي يصير وياي،!
ماطايقة احد واحس نفسي مخنوگة...
محمد: -لبوة انتي مريتي بحادث واكيد اثر على نفسيتج.
لبوة: -اي صح بس تخطيتة بسرعة ونسيت الصار ولو الحادث اثر بية ماصرت اطلع ولا وحدي هم.
تدري دكتور الكل يشوف هذا الحادث جبير واثر بية بس الحقيقه لا.
اول مرة اعيش الحدث بوقتة وهسة نسيتة وتخطيتة لان عشت الخوف عشت الرعب صرخت من كل كلبي بجيت لهذا السبب مااثر بية.
محمد: -ليش انتي ماتعيشين الحدث بوقتة،؟
لبوة: -ابد ماتذكر عشت شي بوقتة.
من جنت طفلة ولهذا كبري ماعشت وحتى من انحط بموقف يستحق البجي والخوف والتفكير اشغل نفسي بغير موضوع واعيش بلامبالاة...
بحيث الكل يشوفني ماعندي احساس او قاسية مثل مايگولون وگحة...
محمد: -هسة انتي اوضاعج متخربطة والحزن باين على ملامحج اكو سبب اله.؟
لبوة: -لا ماكو اي سبب اله...
شكد بحثت فكرت اكو شي غاثني شخص بتصرف بكلام ابد ملگيت بالعكس شفت ناس تحبني وتهتم بية وهذا الشي فرحانة بية.
محمد: -من شخص يشعر بحالة سيئة ويشوف نفسة ضايج ومخنوگ بدون اي سبب يدعي للحزن ويوصلة لهاي الحالة تدرين ليش يشعر بهل شعور إلى ما اله سبب،؟
لبوة: -لا
محمد: -الانسان اذا ماعاش المواقف التصير وياه مثل مات شخص عزيز علية ومابجة بفاتحتة انجرح وضمد جرحة بدون ماينطي اهمية للوجع فشل ومااهتم ماعاش شعور الفشل سمع كلام قاسي وما رد كبس بگلبة...
كل وجع عاشة غيرج كل دمعة تشوفينها بعين شخص او انكسار شخص مر بمثل حالتج وانتي مستغربة من وضعة تحسينة بالغ وما لازم يبجي وينهار وما ينطي اهمية للاشياء التصير وياه راح تحسين اليسوية غلط بس تدرين منو الغلط...
انتي الغلط مو هو.
هو مات اله شخص فرغ حزنة صرخ عاتب بساعتها صار فارغ ارتاح.
انجرحت ايدة وبجة لف ايدة بعد هذا الوجع ماينعاد علية ابد.
بس انتي ماعشتي وجعج مابجيتي ما صرختي ماعاتبتي شخص ماحجيتي...
ليش اليوم الواحد منة يحجي اقل شي لصاحبة اليوم سويت كذا شغلة اليوم تعبت اليوم الغدة احترگ اليوم فلان حجة علية كلام وضوجني.
يحجي حتى يرتاح ويخلص من هالشعور للابد...
اما انتي ساكتة ما مرة فكرتي تحجين يومياتج لاحد او الاشياء العشتية او السويتيها...
ماحجيتي مخاوفج لشخص بقت مكتومة بداخلج...
والاهم من كل هذا ماعشتي الاحداث الصارت وياج مابجيتي من وگعتي ما رديتي على شخص اذاج او غلط بحقج تجاهلتية وكتمتي بداخلج...
هذا كلة نتيجة الكتمان والامبالاة.
من تكتمين بداخلج راح يجي يوم وتوصلين لمرحلة ماتعرفين شيصير وياج.
تحسين نفسج حزينة والمشكلة ماكو سبب الهذا الحزن هذا كلة سبب كتمانج...
زين شنو السبب الخلاج ماتعيشين المواقف المو زينة الصارت وياج،؟
لبوة: جنت اضن اذا اذا انضربت او تاذيت لو صار وياي مو زين وما بچيت فهذا شي زين...
جنت انظر لليتأثرون على اقل شي على انو هما شخصيتهم ضعيفة ويكسبون عطف الناس مو اكثر...
ماردت احد يعطف علية...
ماردت اعيش الموافف التدعي للحزن والبجي جنت اتخطاهن بدون ماعيشهن.
محمد: -بس هذا جرم بحق نفسج...
اذا ماعشتيهن بساعتهن راح يجتمعن عليج باسعد ايامج...
سنة من السنين اني وزوجتي حيل صارت بينة مشاكل صرنة نتعارك على اقل شي...
وصلت بيه مرحلة اضربها بس المشكلة هي ولا يمهة من اضربها ما تبجي من احجي عليهة ماتتاثر عدها الوضع عادي ولاجنها.
مرت هاي الفترة والحمدلله تصالحنة واني عرفت غلطتي واعتذرت بعد فترة صارم عدنة جهال واني وياها مثل العشاق الجدد ما مسمعهة اي كلمة مو حلوة...
فمرة جنة نضحك وماعدنة شي شوية وخرت مني وطلعت ضايجة فاني تفاجات شحجيت شسويتلها
راجعت كلامي تصرفاتي ماكو بقت على وضعها ايام اسالها شبيج ماكو بس ضايجة وما تحجي.
كمت اشك بروحي شصار بقت فترة وهي على وضعها اسالها تكول ماادري عوفني.
اني هم عفتها مرة رجعت للبيت لگيتها منهارة من البجي وكف كلبي عبالي الجهال بيهم شي لو واحد ميت...
دورت الجهال مابيهم شي سالتها واحد مات لا.
زين شبيج كالت عوفني اني هم عفتها تبجي بستهتار
وين ثاني يوم الا حجت سالتها ليش تبجين كالت جنت اغسل بالموعين وحسيت بضوجة وخنگة...
خلصت وصارت دموعي تجري كامت تجي المواقف الصارت بينة الكلام السمعتة منك الضرب كلة اجة بالي بدون مااتذكرهن...
كمت احس بوجع والم كل الصار بيذج الفترة هسة.
تدرين شنو السبب،؟
هي ماعاشت الموقف فدفعت غرامتة مضاعفة بدال مازعل ساعة وبجي دقايق بوقتة بجت ساعات وزعلت ايام بغير وقتة...
الخلاصة لازم نعيش ابسط الاشياء وما نكتم بداخلنة خل نسولف الاشياء التصير ويانة جربي هذا الشي راح تحسين براحة...
لبوة: -وهذا الجاي يصير وياي تنعاد بية ذكريات مواقف قديمة واتاثر ومرات اتاثر بدون ذكريات بس احساس...
الموقف الوحيد العشتة هو خطفي تدري حتى من امي ماتت جنت طفلة ومن اسال عليهة يگلي والدي صارت بالسمة ماجنت اسالة شوكت ترجع جنت امنع نفسي اخاف يكلي ماترجع...
ومن مات والدي جنت افتهم كولشي هم مابجيت ولا اهتميت جنت اضحك عليهم وصار كلامهم مايعجبني فابتعدت عنهم...
حتى من جنت انضرب ماابجي احس بالوجع بس امنع نفسي من البجي...
محمد: -الراح راح حاولي تطلعين الطاقة السلبية وهذا الاحساس من داخلج...
ومنا ورايح عيشي حزنج عيشي فرحج احجي كولشي لا تتكتمين شاركي تفاصيل يومج وي زوجج وي صديقتج بس لا تكتمين...
الكتمان هو الهلاك البطيء دائما خلي هاي الجملة بالج...
لبوة: -تدري ارتاحيت من عرفت سبب تدهوري...
خالتي جانت تگلي انتي ماتريدين حيدر افسخي الخطوبه حالتج بسببة.
محمد: -وانتي شنو ردج على كلامها،؟
لبوة: -ما ارد عليها...
ما اريد افسخ الخطوبه بس جنت محتاجة وقت اشوف نفسي.
محمد: -المعنى انتي حبيتي حيدر وما ردتي تخسرينة...
لبوة: -ماعرف شنو الحب ماعرف شلون الناس تحب بس مااريد اخسرة هذا إلى اعرفة.
محمد: -هذا الحب نضرتج فسرتلي شعورج تجاهة.
لبوة: -ماادري تاخر الوقت هسة خالتي تحرگ الجو شكراً لانك سمعتني وشكرا لكلامك من كل كلبي.
محمد: -واجبي هذا جم بنية عندي حتى مااشوف شبيها...
لبوة: -الحقيقة اني محضوظة بيك
محمد: -اني المحظوظ بيج والله رزقني ببنية مثلج
ارجع واگلج عيشي حزنج.
لبوة: -إن شاءلله...
احس جزء انشال من عندي رجعت للبيت كلت خل اتصل بحيدر خطية شگد يتصل وموبايلي مخليتة صامت لو اغلقة من ارجع اتصل بية الگاه خارج التغطية دائما يتصل بخالتي...
اتصلت بية ماحصلتة اكيد عندة شغل شمرت الموبايل على الميز ورحت نمت...
خالتي گعدتني العصر خليتها تروح ورجعت نمت گعدت الغروب ضايجة احس راح اختنگ...
رحت سويت الهم عشة صار فترة ماطابخة وكل التجي تساعدني اطردها مااحب واحد يشتغل وياي.
سويت كنتاكي وبيتزا وفطاير وبيتنجانية ورمانية
كملتة والبنات صبنة...
طلعت بالحديقة العب بالثيل والورد ضايجة شوية واجة رضا يركض بيدة موبايلي يرن اخذتة من عنده شفتة حيدر فتحت خطت...
: الوو
حيدر: -ها يابة شدعواج ادگ وماكو ماتردين علية شلعتي گلبي.
لبوة: -اسفة والله مو قصدي ما ارد عليك بس الموبايل مدري وين اخلية.
حيدر: -ما صار شي شلونج.؟
لبوة: - شلوني احس نفسي راح اختنگ والله مدري شبية...
حيدر: -روحي حضري روحج جايج بالطريق.
لبوة: -ماشي.
غلقت الاتصال ورحت حضرت نفسي حيل مخنوگة اريد اطلع شوية ورجل خالتي صاحني كال رجلج منتظرج بالباب كلت لخالتي وطلعت...
لكيتها واكف يم السيارة سلمت علية وصعدت وهو هم باوع عليه وحجة بحيرة.
حيدر: -شبيج.؟
لبوة: -دنگت العب بحلقتي حجيت بصوت مبحوح
: ماادري
حيدر: -شو باوعيلي
لبوة: -رفعت راسي اله عيوني دمعت مسح على خدي بحنية وهو يباوع بعيوني...
حيدر: -سهلة تهون.
لبوة: -شغل السيارة فتح الجام بدون ما اگلة ودخل الهوى ضحكت على المنظر.
: هذا جو اشباح
حيدر: -بوية هذا جوج ادري بيج تفضحيني افتح الجام ما افتحة.
لبوة: -طلعت ايدي من الجام والسيارة تمشي سريع
والهوى حيل عالي: شعور حلو ماتعرف شيعنيلي
حيدر: -تدرين عرفت الاماكن التعنيلج.
لبوة: -اي عيني وشنو الاماكن التعنيلي.؟
حيدر: -هسة تعرفين بس شوية.
لبوة: -سكتت شوية وطبگ السيارة بمكان فارغ لا بية محلات لا بية بشر يخوف: هاي انتة وين جايبني
ترة اكتلك حلال لا عبالك تستفرد بية.
حيدر: -شلون بالمجرمة العندي بس اسكتي
لبوة: -هو شنو اسكت وين جايبني انت شنسوي هنا شنو جايبني تراويني الجن.
ضربني على راسي بخفة ولزم ايدي ومشة بيه.
حيدر: -شني ذنبي اذا تفكيرج وصخ بس ولا يهمج انضفة الج.
لبوة: -لا تكول وصخ بله هاي شيسمونها اذا المكان الجايبني اله مهجور...
حيدر: دمشي امشي يا فلكي الاسود
لبوة: هسة اني صرت فلك اسود انوب حيدر بس كلي تريد تتعارك وياي لو شنو بالضبط ترى واصلة عندي
حيدر: -والله لو تبقين هادئة افضل بهواي
لبوة: -اخذني بمكان كله شجر وزرع بية هواي اضوية مثل القطعة جبيرة حيل جوها يخبل درت وجهي علية واني راضيه...
حيدر: -تعاي اراويج شي حلو متاكد راح يعجبج
لبوة: -اخذني يتمشة بية واني اباوع بجمال المكان شجر وزرع وي الهوى العالي منظر كولش حلو.
وكفني كدام مرجوحة ابتسمت وباوعت بعيونة...
حيدر: -يلة اكعدي خل ادفعج.
لبوة: -كعدت بيها وهو صار وراي.
حيدر: -الزميها عدل.
لبوة: -لزمتها حيل وهو بقة يدفع بية على كيف.
: ادفع حيل لا تصير فاهي
حيدر: -افااا اني فاهي
لبوة: - لا مو هيج...
بقة يدفع بية حيل احس نفسي اطير بالهوى
شعور حلو والمكان بعد احلى مابية طير اليطير...
بقة يمرجح بيه بالنص ساعة ولا مليت اخير شي كتلة وكفني لزم المرجوحة شوية نزلت والابتسامة على وجهي...
: يلا هسة اجة دورك اصعد خل ادفعك.
حيدر: -بعقلج شي انتي شني تالي عمري اتمرجح تسودنتي.
لبوة: -ترى اني مسودنة من زمان مو هسة وانت تدري بيه يلا اصعد.
حيدر: -شبيج عوفيني شني اني جاهل العب مراجيح تالي عمري.
لبوة: -شوف لا هاي ولا هاي تصعد تصعد وادفعك يعني ادفعك لا جاهل ولا مدري شنو ترى اني هم لعبت بيها يعني اني جاهلة اكيد لا.
كمت ادفع بية اريدة يصعد...
: يلا حيدر شوف المكان فارغ محد بية والله راح تحس بحساس حلو لخاطري اصعد والله تتونس اذا ماتحبني لا تصعد وانته بكيفك بعد...
حجيت الكلام وابتعدت عنة باوعلي مقلص عيونينة
هز براسة وصعد اني كيفت: جلب عدل لاتوكع
حيدر: -حاضر يمة وجيبيلي جبس وعصير.
لبوة: -تدلل بس صير عاقل فلوسي كلهن اصرفهن عليك.
بقيت ادفع بية بس هو ثكيل بالگوة يندفع...
: شنو هاي شثگلاتك شتاكل رحمه لجدك.
حيدر: -ترى عيب عليج تحجين عليه
لبوة: -ما حاجية عليك بس اكول شثگلك مو اكثر حرك رجليك علمود بسرعة تندفع.
حيدر: -ما مودي عليج انتي الردتيها ادفعي
لبوة: -ادفع بية ماكو مسافة هو عمدة يرجع رجلية
: والله مو صوجك صوجي اني يلا انزل.
حيدر: -حل عبالج اني ريشة مثلج تعاي ولج وين رايحة.
لبوة: -هنا اريد اشوف المكان.
احس جزء من همي راح تغيرت نفسيتي...
بقيت امشي والهوى جاي بصوبي خرب شالي شفت صبة درت وجهي عليه شفتة وراي رحت كعدت عليها وبقيت اعدل بشالي اجة كعد بصفي...
حيدر: -اي شلونة التمرجح عجبج،؟
لبوة: - حلو...
تدري جان ابوي دائما ياخذني يلعبني مراجيح جنت حيل احب العب بيهن.
جانو اكو ناس عدهم حديقة خارجيّة ومخلين بيها مرجوحة كل عشر دفعات بربع واني جنت الزگ يا عشرة يا عشرين اخير شي ابوي يعوفني ويمشي المرجوحة توگف اكض وانزل وشگد احجي علية
وهو ساكت جان يگلي بس تكبرين السانج يصير شطولة بس كون ادري...
جانت ايام حلوة وجانت اخر مره لعبت بيها مراجيح.
جنت اگل لبوي كل يومية تاخذني تلعبني
حتى لو كبرت هم تاخذني تلعبني...
رد علية: حتى لو تزوجتي.
كتلة برائة اي اجي اني وياة هم تلعبنة بوقتة بقة يضحك من كل كلبة استفزني كولش لزمت ايدة ونبت سنوني بيهن هههه.
حيدر: -بقت ذكريات حلوة تسر الخاطر.
لبوة: -تدري هاي الفترة حيل احتاجيتهم وياي.
ضم راسي لصدرة ويمرر ايدة على خدي بهدوء...
حيدر: -صح محد يعوض مكان الاهل بس اني موجود بعيدا عن كوني زوجج...
محتاجة امج اني موجود شتريدين تسولفين وياها
تعاي سولفيلي حتى لو تشكين من عندي...
شمحتاجة اب ام اخ اخت اني موجود حتى لو زعلانة مني تعاي احجي عني واشكي.
لبوة: -نزلت دموعي ومسحتهم حجيت بصوت مبحوح تاخذني الهم حيل مشتاقتلهم.؟
حيدر: -ادللي باجر الصبح اجي اخذج.
لبوة: -يصير اكول شكرا.؟
حيدر: -لا بس اكو طريقة ثانية بدالها
لبوة: -شنو الطريقة.؟
قرب وجهة علية واشر على خدة.
: ليش تصير منحرف مو ماخذة عنك نضرة حلوة
حيدر: -ترى ما اشرت لشفتي وين الانحراف
لبوة: -ترى البوسة تقود للانحراف فخليك خوش وليد.
حيدر: -وانتي هم خليج خوش بنيه...
لبوة: -هو هيج
حيدر: -اشو غلستي على الشكر
لبوة: -ما يصير اشكرك لان انتة مو غريب
حيدر: -اها كوني مو غريب يصير ابوسج
لبوة: -اكيد لا.
درت وجهي وما احس لا قبلة حارة بين خدي وشفتي صعدت الحرارة لراسي وخرت عنة وحجيت بتوتر...
: يلة خل نمشي تاخر الوقت
حيدر: هستوها بالعشرة بعدني لا مشتريلج شي لا ماخذج لاماكن حلوة غير هاي
لبوة: شكرا ما اريد راح يبدي وقت المنحرفين فلازم ارجع للبيت.
حيدر: -ههههههه يلا امشي بس لا تتخربطين على كيفج.
لبوة: لا تخاف لبوة بعد
حيدر: -شلون نسيت.
لبوة: -رجعنة وطول الطريق دايرة وجهي على الجامة وامسح بگصتي وكل ماادير وجهي الگاه يباوعلي.
حيدر: -اخذي كلنس
لبوة: -لا شكرا ماريد
اول ماطبگ السيارة فتحت الباب ونزلت ورحت گبل دگيت الباب ودرت وجهي علية.
: تصبح على خير
حيدر: -انتي الخير لبة كلبي
لبوة: -فتح رضا الباب دفعتة ورحت اركض حتى ما درت وجهي علية...
مادري بس شعور شوية حلو لا جذب حلو حسيت براحة احسن بهواي من الصبح...
وقت المنبة ونمت گعدت وي اذان الفجر صليت وبقيت اقرة قران ختمت جزء ورحت سبحت وجهزت نفسي صبحت على خالتي شوية واتصل
طلعتلة صبحت علية وصعدت...
الساعة بالاربعة الجو هادء وصوت القران مشغلة بالسيارة اجتني رغبة بالبكاء...
طبگ يم مطعم راد يجيبلي اكل بس كتلة متريكة اذا تريد انت اكل...
جذب اني كولشي ماماكلة بس مااشتهي خالتي سوتلي ريوگ گتلها هناك اكل...
الطريق طويل حيل خليتة يربطة على جهازي طلعت قصيدة ايست مات الامل تخلص وحدة اطلع غيرها
الا ان نمت...
گعدني يكول وصلنة فتحت عيوني احنة بالگراج لعد شگد نايمة.
نزلنة نتمشة اتذكر ذيج المرة اجيت وحدي وخايفة حيل ماعرف منين اطلع خلفلة على الحجية...
مشينة سوة دخلنة السوگ وكل شوية كال اشتريلج من هذا واني اكلة لا من نطلع.
بالبداية زرنة الامام وبعدين نزور المقبرة...
اكو ازدحامات هواي بما انا بداية شعبان لزم ايدي واني وراة يطب منا ويطلع منا...
وصلنة للامام واحس عيوني جمرن ماگدرت اسيطر عليهن امسح دمعة تنزل عشرة...
كتلة راح ازور وانتة هم رحت زرت وشبعت بجي احس طاقتي السلبية كلهة انزاحت...
كملت زيارة ولگيتة بنفس المكان الجنة بيدة لزم ايدي ورجعنة بس كولش ازدحام شوية وكفنة راح يشتري كتلة روح اني ابقة هنا...
بقيت اعدل بشالي وعباتي بهذلتني ماعرف البسها تروح مجموعة وترجع مجموعة لمحت نفس الحجية الشفتها بالمنشأة ومشيت وياهة...
احس گلبي فز رحت وراها اجت مجموعة من الزوار رحت امشي باتجاهة ماكو مالگيتهة دخت اني منين اجيت من هذا الفرع لو هذا.
بقيت حايرة ناس تروح وناس تجي واني بمكاني احس راسي فر رحت مشيت شوية واصير بمجموعة من الزوار احس نفسي ضاع اختنگت من صدوگ.
اريد اطلع منهم ماكو ماحسيت برجلية احس حيلي باد وگعت من طولي وما حسيت بشي...