رواية لبوة علي للكاتبة كفاية كاظم الفصل الخامس والثلاثون
لبوة...
الفرح والبسمة مستحيل تدوم إلى تعودت على هل شي بلحظة نسيت الماضي وحسيت بالازدهار وكولشي يسعدني وبين ليلة وضحاها كولشي ينقلب ضدي...
ليش شعدها الدنيا وياي شماخذة منها شنو الجرم المرتكبتة وبالنتيجة احصل كل هذا الخذلان...
خذلان خذلان يصدع بكل مكان حرارة اعتلت روحي كل حلم بنيتة تحطم من سمعت هذا الكلام اهني سعاد ورجلها على توقعاتهم إلى صارت حقيقة واني وحدة منبوذة فعلا...
اسم اهلي هو الشي الوحيد الامتلكة واليوم وبكل بساطة يسبهم عينك عينك ويشك بتربيتي حيدر الحنين المايخليني اضوج اليوم صار سبب بخراب روحي...
ادگ بلباب بقوة ودگات گلبي تزيد من خفقانها دموعي تنزل جمر تحرگ گلبي قبل خدي...
تعبت من الدگ الباب ومحد يسمع ولا يحاجيني گعدت ورة الباب ولميت روحي اتذكر مرة گال هاي گعدتج تحرگ روحي بس اليوم انته حركتها...
فزيت من هدوئي واني ادور على تليفوني مالگيتة لا هو ولا الجنطة مرت ساعتين ويمكن اكثر ومحد اجة
البيت هدوء يمكن طلعو بس شلون خالتي تطلع وتعوفني وراها...
بين ما اتذكر ايامي الحلوة سمعت حركة مفاتيح كمت من يم الباب ومسحت دموعي بعنف فتح الباب على حيلة وعيونة يطاير منها الشرار وجهة مدخن دخن...
اباوع بملامحة القاسية وين حيدر المن يشوفني يبتسم ويحضني لحضات صمت نظراتي جانت تريد تذكرة بحبنة ونظراتة تدل على كولشي بينة انتهى...
طگ رگبتة واصابعة عبرت منه اريد اطلع لزمني من زندي بقوة وهو يرص علية حجيت بين سنوني.
-عوفنييي اطلععع
-نجبي طلعة ماتطلعين من هاي الغرفة لو تعفنيننن
-ليش هي بكيفك تايهتلك انيييي.
-هههههههه بلة منو الج منو اليطلعلج رجل خالتج الشايب لو ابنها الفاهي لو منو بلة عمامج اليرشون سم عليج وشامرينج وحدج بيت مايسالون عليج متي لو عشتي لو منو بله ذكريني،؟
لبوة: -احس راسي انضرب بوري على الكلام السمعتة اشتعلت نار معقولة الجاي اسمعة حقيقة لا اكيد جاي احلم اي حلم لحظة صمت تعكس النار البداخلي منتظرة اگعد من الكابوس باوع بعيوني المدمعة وقهقة بحقارة مستفزة...
حيدر: -ههههههههههههه هاي الحقيقة لبوة لو تضلين كل عمرج محبوسة بهاي الغرفة محد يسأل عليج محد الج غير رحمتي حتى خالتج تشمرج باجر...
لبوة: صرخت بصوت عالي واني اضرب بيدة بقوة: -مستحيلللل انتتتت مووو حيدررر عوفنييييي تعيرنييي بوحدتيييييي
لزم حلگي بيدة الضخمة وفرگة احس شفتي انمردت ونفسي راح عضيتة من ايدة بقوة مااحس الا مشمورة يم الجرباية من قوة الراچدي لزمت خدي وحاولت اگوم خطف مني بخطوات مرعبة ثنة رجلة.
ولزمني من شعري بقوة وياخذ راسي بيدة يمين ويسار لزمت ايدة واني اباوع بعيونة القاسية...
-ليش هيج تسوي اني مو يحانتك شمسويتلك حتى تعاملني بهلطريقة حيدر انت واعي على نفسك اصحةةةة اصحةةةةةةةة
ضرب راسي بحافة الجرباية وكانت اخر كلمه اسمعها منه حجاها بصياح وطلع
-انچبيييييي حقيرررررةةة
احس شعري تگطع وراسي احسة صار بية حمم بركانية مديت ايدي الدم ترسها حسيت بدوخة مو طبيعية وبعدها فقدت...
حلم مرعب غرفه مضلمة نفس الغرفة الجنت انحبس بيها من صغري دخان بكل مكان من الغرفة احس بدوخة مو طبيعية احس الدنيا تفتر بية وريحة الدخان خنگتني صرت اگح بقوة بلعومي تجرح.
صوت خطوات شخص جاي باتجاهي للحضة حسيت عمي سلطان رجف جسمي ودموعي نزلت گمزت من مكاني انفتح الضوة حجيت بصوت يرجف...
-هذا انت حييدرر شبيك ك شارب شي حيدر رد فدوة لاتبقى ساكت.
مانطق بحرف واحد اباوع بملامحة شيطان شيطان مستحيل هذا مو حيدر بيدة جگارة يسحب نفس منها ويزفرة باتجاهي اطرافي رجفن واني اقارن بينة وبين عمي سلطان...
-اختنگ فدوة لادخن والله اموتت حيدر لا عفية لادخن لادخنننننننننننن اموتتتتتتت
دموعي بللن ملابسي شگاعد يصير ياللهي مو جنت فوگ السما بلحظة نزلت اسفل السالفين...
يقلص عيونة ويسحب نفس طويل من الجكارة ويرجع يزفرة بللت شفتي اليابسة ورجعت بخطواتي.
ليورة انردمت بالحايط...
ابتسم ابتسامة جانبية وتقرب يمي حاوط الحايط بين ادية واني صرت جواة ضعت طفة الجكارة بالحايط وزفر الدخان بوجهي عرفت شكاعد يصير هذا تعذبب نفسي...
طلعن عيوني من محجرهن وريتي انترست بالدخان صرت ارجف وانازع حتى اشتم هوة نضيف گمت ادفع بية اريد اطلع بس مگدرت رجع سحب جكارة ثانية واني اصارع جواة اريد اتنفس...
-الهوى ياصاحب الهوى.
وگعت من طولي وخليت انفي على اىگاع وعيوني يغمضن من وحدهن ذبل جسمي ماحس الا مي بارد ينذب علية ماالي ردة فعل غير دموعي النزلن بغزارة
عبرن عن حالي...
حيدر: -اشو مااشوف لبوة لو جنتي فارة جانت الج ردة فعل كومي راويني وقاحتج والسانجج الطويل
الساني نعگد ايدي مگدرت احركها مالي ردت حس بس صوت تنفسب العالي اجت براسي ايامي القديمه نفس العذاب ونفس المهزلة...
غمضت عيوني معلنة عن استسلامي اجت رفسة بطني طيرتني وخلتني اتلوى بالكاع صرت اصرخ بونين الم اجاني مو طبيعي واحس شي حار نزل على رجلية صرت اعصر بطني واتكلب ودموعي تنزل بغزارة سمعت الباب انرگع بقوة...
دموعي رسمن نهر بالگاع كورت نفسي مثل الطفل وصرت اناجي...
-بوية على الحگني خلصني من هاي الدنيا الغبرة ياامير المومنين ياسيد الوصيين ياعلييي دخيلككك
راححح اموتتت الغوثثث الغوثث يااسد الزهرةة.
سحلت روحي للحمام لگيت نفسي نازفة لطمت خدي بفزع شكاعد يصير بس لاحامل روحي غبطت قهر وخذلان سديت الباب وسبحت جسمي ينتگ لفيت نفسي وطلعت وي طلعتي چفتت عمتي للغرفة شافتني شهگت ولطمت خدها وبلمح البصر دخل جراها من ايدها وطلعها من الغرفة وسد الباب ولايگول امة بقيت اسمع صوتها خارج الغرفة
تصيح بحرگة...
لفلفت روحي بالبطانية وجع بطني موتني ومو بس بطني گلبي بية جمرة احسة يسعر من آلم نمت على امل اگعد والگة نفسي اتحلم وماصار كل هذا لكن للاسف گعدت لگيت الغرفة مقفولة دگيت الباب وحيلي رايح وصوتي مبحوح گوة ينسمع...
-خالةةةة فدوةةة ردييي خالةةةة
انفتح الباب ودب الرعب بداخلي نفس الشيطان جرني علية وقرب من اذني يحجي بفحيح.
-امي انسيها هي واخواتي اي شي يسونة الج يتعاقبن علية.
-زين شمسويةة خاينتككك شايفنييي وي واحدد مصخمةةة وجهككك شمسويةةة گليي لاتصدمنيي بتصرفاتكك فاجاة حيدر انيي لبوةة لبوةة
شدد على رگبتي بيدية وضبهن بقوة حجة من بين اسنانة...
-انتييي بلوةة بلوةة وطاحتتت على راسييي.
دفعني بالگاع وطلع كعدت على رگبي واني ابجي بحرگة سلطان هذا سلطان وشوية احقر نفس التصرفات ونفس الكلام ورة شوية رجع بيدة صينية شمرها يمي بالگاع وراح للكنتور طلع ملابس ودخل للحمام رحت للباب افتح بية بقوة صاح وهو بالحمام
-لاتصيريننن حيوانةة بدوننن عقللل مايفتححح
-ماغيرررك الحيواننن
گلت هاي الجملة وركضت لغراضة كلبتهن گلاب واني ادور على سلاحة دگات گلبي صارن بلعومي.
طلع من الحمام ينگط مي وعيونة كلهن شرار رجفت شفتي بخوف درت وجهي وگع المسدس بالگاع
باوع عليه وهز راسة صرت اسرع من عنده ولزمت السلاح رجعت خطوات ليورة وجهتة علية.
حيدر: لج غبيةةة بية طلقق لا تاذين نفسججج ماتعرفيلةةة
-هههههههه أذي نفسي جا هاي شسميها هااا احجييييييي شسميهاااالاا
بلع ريگ وهو يباوع للسلاح الموجة اله باحكام صوت الضرب على الباب قلل تركيزة ابتسم بسخرية.
-ههه تريدين تصرين مجرمة دوسي على الزناد.
-اصير مجرمة ولا معنفة ماضل جوة ايدك تطلع سوادينك بية
-يلا راويني ترة ماعندي وكت
وجهت المسدس علية وايدي ترجف حك شواربة وضحك: -هههههه ماتكدرين تحبيني اكو واحد ياذي اليحبة
-قبل جنت احبك بس على هذا تصرفك خليتني اكرهك واكرة نفسي...
درت حول نفسي واني اضحك باستهتار، ...
- ههههههههههههههههههه كولشي طلع جذب ليششششش عيشتنيي بهايي المهزلةة ليشششششش.
شمرت المسدس كسرت بية المراية صارت طشار گمت اشوف كولشي گدامي ارگعة بالگاع لزمني جتفني من ادية انهاريت بين ايدية دفعني على الجرباية وضربني راچدي احس خدي خدر ونزل الدم على شفتي جان لابس محبس بيدة شگ شفتي...
الباب تكسر والصياح وهو ولا كانة راح يطلع ملابس
مسحت وجهي بعنف وگمت للباب اضرب بية...
بسمة: -يمة لبلابة سودة بوجهي ولكككك حيدرررر ماتفتححح الباببب لو اروح افزع المنطقةةة
حيدر: -افتحيي الباببب وشوفييي.
بسمة: ولككك گوووا تخوفنيييي ينرادلككك جرةةة اذننن افتححح الباببب
لبوة: -جرني من ايدي وفتح الباب طلع وقفلة وراة
وصوت الصياح برة عاليييي مسحت وجهي واني ادور حول نفسي شگاعد يصيررر ويايي ليشش هيجج...
حيلي رايح والدوخة كل شوية تلزمني
من البارحة الضهر اكلت ولحد الان ماماكلة باوعت للاكل والله لو اموت مااكل ولاتدني نفسي على خيرك
لفيت روحي بالبطانية واحس بطني موتتني من الم
كل شوية افز والشهگة مافارگتني...
ماافهم الجاي يصير وياي هل هو حقيقه لو خيال،؟! اريد واحد يفهمني شي ليش هيج يتعامل وياي
مر الوقت واحس طاقتي خلصت اسمع الباب يندگ واصوات موجهة إلى بس ماگاعد افهم كلامهم...
سمعت صوتة فز كلبي رجع الشيطان حيدر لو يدري بهذا الشيطان وتصرفة مستحيل يقبلها سحلت روحي وبطني مرددتها من الم رحت للحمام وسديتة علية...
باوعت لوجهي بالمراية مستحيل هاي لبوة شفتي مشكوكة واثر كدمات على وجهي التفتت برعب.
اباوع لمصدر الصوت اسمع خطوات تتقرب تجاهي
وصوتة ادخل الرعب بگلبي هذا مو صوت حيدر.
-افتحييي الباببب لااتصرففف غيرر تصرفففف
سكتت مانطقت بحرف گعدت بزاوية من الحمام ولميت روحي وراسي بين رجلية مابية حيل انطق بحرف واحد الم موتني...
-بلوةةةة افتحييي البابببب موجاي احجييي وياججج.
سلطان هذا سلطان هم جان يصيحلي بلوة رجعت انزف والخوف اكلني رجعت احسب شكد صارلها فايتتني لطمت على صدري وعيوني غوشن حامللل راح يصير بالشهرر شگاعد يصيررر مو وقتكك...
مديت رجلية والرجفة اعتلت جسمي مستحيل راح يوگع واني شكو باقية اذا عافني مكتوبتلي الوحدة لدرجة حتى طفلي ماصارلة ايام بسرعة استغنى عني
صوتة عالي وطرق على الباب احسة جاي يتكسر غمضت عيوني وماحسيت الا مسحولة من شعري.
انشمرت بالغرفة والبيت صاير بية رجة مو طبيعية مدري بذني الرجة رفعني من شعري وروحي رايحة
حيدر: -شعبالججج مااكضجج وين تطيرريننننن
فتحت عيوني بالم واني اباوع لملامحة القاسية
باوعت لرجلية كلهن دم وهو هم انتبة حجة وهو يأشر على رجلية.
-ليش جاي تنزفيننن،!؟
ضحت ودموعي نزلن درت وجهي عنة رجع لزم شعري بقوة صگ سنونة وحجة
-ليششش ماترديننن هذااا الدمم شنووو،؟!
-برائيك شنوو ههههه راح نموتت سوة هههه.
عاف شعري ولزمني من فكي بقوة احس سنوني تكسرت باوعت بوجهة باين علية ملامح الخوف ممزوجة بقسوة احس تركيبتة بشخصيتين متعاكسين...
حيدر: -كلتي سوةة انتي ومنووو،؟
-ههههه اني وابنك هههه راح نروح باي
حجيت اخر كلمة بصوت متخدر كاني ضربوني ابرة ومن بعدها اسستسلمت ورحت بغير دنيا...
اكض حافية بنص غابة والجو مظلم الخوف ممتلكني ومسيطر علية همست بين نفسي
؛ اني وين ليش هناا،؟
ادور حول نفسي واضحك وابجي بنفس الوقت اصوات نساء ماكرة تتردد بذني صوت ضحكاتهن عالي يضحكن بمياعة وحقارة مستفزة خليت ادية على اذاني واني اصرخ.
-كافيييي مااريددد اسمععع شييي اريددد هدوءءء
احس بلاعيمي وجعتني باوعت وراي هواي نسوان بس على هيئة ساحرات شكولهن تخوف وكل وحدة لازم حيوان مفترس ماميزت هيئتة دگات گلبي اعتلت اشرن إلى وهنا يضحكن بحقارة وطلقن الحيوانات صوبي...
كضت بكل حيلي والحيوانات على ساعة تكضني لاهنة بهيئة الكلاب ولا الاسود بس شكلهن اشبة بالذئاب مفترسات صرت اركض بكل حيلي ولازمة بطني وصلت لمكان مقطوع مامنة مخرج صرت ورة شجرة ونفسي عالي ماكوشي منتضم عندي صحت بيهم.
-انتووو شتريدووون منيي مامأذية احددد عوفونيي اني وابني روحوو منااا
اجة بذني صوت مرة تكول بحقارة وعجرفة...
-لاتعوفونها خلصونيي من يمها هي وابنهاا
اجت الذئاب باتجاهي انيابها طويلة لزمت بطني.
وصحت بحرگة گلب.
-ياا علييي ابننن ابيي طالببب يااسدد الزهرةةة الغوثثث الغوثثث يااسددد الله الغالببب اغثنيييي ياا قالعع باب خيبررر اغثنييي وطلعني اني وابنيييي
باوعت امامي اسودد صايررة گداميي حاميتنيي مسويتليي حاجزز واجة بذنيي صوتت مرة حنون تصيح
-لاتخافينن على الكرار مايعوف اليستند بية امشي امشي من ذاك الصوبب
باوعت على اليمين شفت طريق نضيف عكس الطريق الاجيت منه لزمت بطني واضحك واحجي وي البداخلي.
-شفتت يمةة هذا اسد الشيعةة هذا حامينةة هذا
داحيي الباب حمانة هههه محد يسويلنة شي بعدد
بقيت اردد هاي الكلمات واحس خدي ينضرب فتحت عيوني واني لازمة بطني واضحك والسعادة غامرتني من هذا الصوت.
بسمة: -يمة لبلابة سودة بوجهي لبلابة اصحي يمة كافي نووم ا.
لبوة: -گعدت اشوف كدامي خالتي فركت عيوني توضحت عندي الرؤية وجهة صاير ليمونة صفرة وشفتها يابسة باوعت بالغرفة البنات واكفات بالباب ومنهارات بجي وايدي مشكل بيها كانونة جريت حسرة وحجيت بهمس.
-لاتخافينن خالة اني وابني زينين
لزمت ايدي ودموعها نزلن حجت وهي تلوم ابنها
-كسر بيدة إن شاءلله يمة رجلج تخبل ماخلة شي علينة حتى الموبايلات اخذهن من عدنة...
مسحت دمعتها ورادت تحجي دخل هو بيدة صينية اكل اشر لامة تطلع جلبت بيدها يمكن بعد مااشوفها راح يرجع يسد الغرفة سرعان ماطلعت سد الباب واجة بخطوات بطيئة باتجاهي لفيت روحي زين وضميت راسي...
لبوة القوية مستحيل اكدر اواجهة لان حبيتة حتى ماكدر استوعب تصرفاتة المرعبة خفت على طفلي اكثرر اني متاكدة راح اصفة علية...
سحب الغطة مني بقوة غطيت وجهي بادية ودموعي نزلن حجة بصوت حاد كان شخص ثاني عكس ذاك الشخص المرعب.
-اكلي موزين الج وللطفل
حجيت واني اشهگ: -ليش هيج حيدر شسويت كول شمسوية نبهني احد موصلك كلام عني ليش هيج موجنت مثل ضلي جنت تكول اتنمى احطج بين ضلوعي شصاررر شتغيررر كليييي
-اسس لاتحجين ماعرف شكاعد يصير اريدد اضربجج واشوفجج مذلولة وتتوسلين وبعدينن اتندممم على السويتة بيججج.
-خلص عوفني اروح لبيت خالتي مايعجبك بيت خالتي ارجع لبيتي وحدي ومن تهدأ الامور ارجع صدگني ارجع بس لاتخليني اكرهكك تدريي شنوو يعني حبيتكك عمريي ماحابةة وحبيتك مو بسهولة
بس بسهولة اكرهك عوفني اروح لخاطر الايام الحلوة...
-ماگدررر ماگدرر اخليججج تروحيننن مستحيل مستحيل تعرفيننن مستحيل اتسودن بسس تكليلي اروحح لا تكولين اروححح ثاني مرررة.
-وبعدين النتيجة شنوو فهمني نستمرر على هذا الوضع كل شويةداخل تضربني وترجعع لكك انيي حامللل ابنككك بطنيي بلةة ضربتنيي ووگع الطفلل شدگولل شلون تحط عينكك بعيني فهمني عبالك اذا صارر بابنيي شي راح ترجع علاقتنةة مستحيل حيدر تفهممم تسمعع كلاميي شنووو
-كافييي اسكتييي اسكتييي لاتحجينن شيي اطلع من الغرفة واعوفهاا الج بس ماتطلعيننن من البيتت من البيتتت ماتطلعينننننن.
زمجر بعصبية وعاف الاكل يمي راد يطلع ورجع اشر على الاكل وحجة بتهديد.
-اذا ارجع والگة الاكل على حطتة ماتلومينن الا روحججج
طلع من الغرفة وقفلها وراة شنو سجينة عندة مستحيل اقبل بهل وضع حسيت الدم صعد لراسي شلعت الكانوتة من ايدي بقسوة والدم طفر رجعت شمرتت الاكل بالگاع وصحت بصوت عالي...
-مااكلللللل الااا اموتتتت نفسيييي ولا اضللل بسجنككك تسمعنييي تسمعوننننننيي مووووو.
لفيت ايدي حول رگبتي احس بلاعيمي طبگن وادية ترجف نزلن ادموعي ومسحتهن باوعت للاكل نعمة الله مطشرة اني الجنت اذا الكة خبزة بالگاع اشيلها واليوم اطشر بالنعمة نزلت بالكاع وصرت الم بالاكل
ودموعي تصب...
مستحيل توصل بية الوقاحة اطشر النعمة جنت اموت جوع ومرات اكل خبز يابس ابللة بمي واليوم شيصيررر شهل الاستهتارر الوصلوني الة...
لميت الاكل ورحت غسلت سمعت الباب يندگ رحت لازمة بطني وامسح بوبجهي خليت اذني ورة الباب اسمع...
غزل: لبوةة تسمعينيي
-ايي
-لبوة والله انتي مثل اختنة بس حيدر مدري شبية متخبل علينة لج وصلت بية مرحلة يرفع ايدة على امي لان دافعلج
-والمطلوب شنو الحل شنو ابقى محبوسة هنا فهميني
-والله مادري حالي من حالج لج امي ماتت تدرينن شنو ماتتت وملتهين بيها لبوة لاتاخذين بخاطرج علينة لان ماتدرين شكاعد يصير جوة.
-غزلولة والله اني احبج واعزج واذا تحبيني خابري خالتي خل تجي
-بيش اخابر اذا موبايلاتنة ماخذهن
-تحجين صدوك شيسوي بيهن
-امي گالتلة اذا ماتوديها لبيت خالتها هسة اخابرها
ولو تشوفينة تسودن كسر البيت تكسرر
-شيريد غير يفهمنة شيريدد
-مادري بس يكول كلشي ولا واحد يكلي وديها لخالتهة.
-يريدني مسجونة هنا طول عمري يعرف اني منو لو نسة انيي لبوة لاخاف من صغيرر ولاجبيرر بس هذاا شيطاننن شيطاننن يقلدد حركاتت سلطان حتى يرجعنيي للماضيي ويسوي بيه حالة نفسية
-كولي يالله بلكي تطلع منة ونشوف شبية يمكن واحد حاجي براسة لو مفبرك صور فيديوهات لبوة هذا هم احتمال
-اذا عندة صور لو فيديوهات مايراوينة مايگلنة غزل هذا متخبل مو نفس اخوج حيدر ساعديني غزل والله احسة شيطان اتخيلي يكتلني موت اني والبطني.
-شلون اساعدج شلون هو حتى كامرات يمكن مخلي
-باوعي بالممر تاكدي اذا اكو كامرات بعد لاتجين إلى تعاي من الشباك اشمرلج رسالة افهمج بيها
-شلون اساعدج،؟
-مو هسه بعدين من يلتحق
-بس هو هسه بالدوام يمتة يلتحق
-يلتحق بس تخلص اجازتة مايطول هسه هو ماعندة شغل بس هيج يروح اجازتة راح تخلص
-إن شاءلله خير هسه محتاجة شي
-غير الطلعة لا
-راح انزل اشوف امي وهم ارجعلج لاتخافين
مايسويلج شي اخوي يحبج بس يمكن مثل ماگتلج.
-الله كريم نشوف شلون تصفة
رحت للمراية اباوع على شكلي شبسرعة تغيرت وصرت هيج وجهي اصفرررر والكدم تارستة بسيطه حيدر والله لخليكك لاليلك ليل ولا نهارك نهار اذا ماخليك تدور العراق منطقة منطقة وماتلكاني تحلم تشوف وجهي بعد...
باوعت باركان الغرفه واني مركزة بالسكف يمكن ناصب كامرة دورت بكل الغراض نكتت الغرفه نكت
اكيد مامخلي اذا امة طايحة يمتها يلحگ يخلي...
شديت شعري واني افكر شراح يصير اليوم امشي على طولي شمعرفني باجر مايكسرني اتوقع الاسوء بعد ماافكر بشي زين ابددد.
رحت لغراضي طلعتلي جنطة اخذت ملابسي الاحتاجهن واخذت ذهبي وفلوسي وشغلات احتاجهن بس موهواي لان مابية حيل اشيلهن كملت الجنطة وخليتها جوة ضيعتها بين الملابس خاف يشوفها.
وهسه لازم مااناقشة ولازم اسمع كلمتة واكل اكلتي
حتى يصير بيه حيل مو لبوة يصير بيها هيج تالي زمن...
رحت للمكتب لگياة شايل كتب تخصة واقلام واوراق ماخذهن وحتى ملابسة ماخذهن دورت بين دفاتري
هذا املي الوحيد انخمش گلبي خفت لاماالكة الدفتر
نكت الكتب نكت وگع دفتر إلى صغير مخلية بيه ملاحضات وارقام اهواي دنگت شلتة وضحكتي انرسمت على وجهي إن شاءلله تمشي مثل ماخططت الها...
لحظات مرت وانمحت ابتسامتي رعد گلبي خوف من سمعت الباب ينفتح باوعت للدفتر وانفتح الباب بسرعة شمرتة جوة الجرباية...
دخل باوعلي بنضرات كلها استفهام حك ارنبة انفة واجة باتجاهي لزمت بطني وتقدمت باتجاهة وجسمي ينتگ رحت يمة صرت مقابيلة لزمت ايدة
وخليتهة على بطني سرعان ما نتر ايدة باوعت بعيونة لونهن خابط اصفر احمر شكلهن يخوف يمكن اذا احجي كلمه مو زينة يموتني...
-هذا ابنك ليش ماتريدة
ماجاوبني باوع للاكل ورجع لزمني من شعري بقوة
-ليششش ماتاكليننن شمعناهااا تريدين تموتيننن انتييي والبطنججج.
-اخخخ حيدر عوفني راح اكل والله راح اكلللل
-اني شگلتتتت مسويةةة روحجج ماتخافيننن منيي موو
-عوفني وراح اكل شعرررريي گطعتةةة
-راح اجيبلج سممم اذا ماتاكلينةةة شسويلجج
-اكلةةة بس عوففف شعررري
دفعني وطلع قفل الباب وراة رحت بدلت ولفيت شعري خليت شوية مكياج ورشيت عطر بهمجية
فتح الباب دخل ورجع قغلة حط الصينية على الميز.
واشرلي مشيت بمياعة ومركزة بية احس عندة انفصام كل شوية بشكل مو طبيعي ابددد يباوعلي ويدنگ راسة گعدت گدام الاكل وبقيت ساكتة
-ماتاكليننن شمنتظررة
-منتظرة حبيبي يوكلني
-انچبيي واكلييي مااشتغللل عنددجج
گمت وصرت گبالة خليت ايدي على صدرة والثانية اتلمس بوجهة گام يگت عرگ واحسة توتر دفعني وطلع رگع الباب وراة بقوة ورجع قفلة...
بقيت على هذا الوضع مجرد يخلي الاكل ويطلع يقفل الباب اكثر من اسبوع اني محبوسة وبطني موتتني لهذا السبب مااحجي وياة لو اعاندة اكل اكلي وارجع انام حتى ماعرف اذن الاذان لو بعدة
احس صارت بيه حالة نفسية بعدلي شوية واتخبل صرت حتى اتخيل شغلات...
گعدت على اثر وجع مو طبيعي رحت للشباك فتحت البردة الدنيا ليل بس ماعرف بيش الساعه باوعت بارجاء الغرفة سجنن مو غرفةةة كأبةة وخنگة مو طبيعية...
حاولت افتح الشباك مانفتح باوعت للباب مقفول عيوني گامت تطلع منهن حرارة حسيت روحي جاي اختنگ اجتني الحالة طحت بالگاع وروحي راحت بقيت اكثر من نص ساعة تقريباً وبعدها اغمى علية...
گعدت لكيت روحي بالفراش والشباك مفتوح رحت للباب مقفول اوففف وتالي يخليني اعفننن هناا.
رحت للشباك اجاني الهوى البارد نزلن دموعي واني اسمع صوت اذان الفجر والطمأنية الشايلها تهدي النفوس رحت صليت ودعيت يخلصني من هذي المهزلة ماريد شي بس الراحة حتى حيدر مااريدة واني عد كلمتي...
خلال هلفترة ابد ماحاجية لهذا السبب مايضربني
بقيت كاعده للصبح شابعة نوم واني شمسوية غير النوم اريد ارجع مثل قبل هسة حتى لو يخليني انزل جوة...
فتحت البلازمة اشارة عفتها وصرت افتر بالغرفة على گد ما ركزت بالغراض الموجودة حفظت نقشاتهن...
بقيت على هالوضع شوية وانفتح الباب دخل بيدة الصينية مشيت الة وعيوني مجمرة خلة الصينية على الميز وراد يطلع صحت عليه بحرگة گلب...
-تعاللل بسس فهمنيييي شگاعدد يصيررر حابسنييي على شنووو الجريمةة الارتكبتهااا شنووو راححح اموتتتت تفتهمممم لو عقلككك ملحوسسسس.
من گلت هيج زمجر بغضب ضربني راچدي دارني صفح لزمتة وصرت اضرب بية بيدي وبضافري لزمني ملخني تملخ كمت مادري منين تجيني الضربات خليت ايدي على بطني وهو مستمر ضرب وحش فتاك مايشوف كدامة شي نزع الحزام وصار يجلد بية...
صرت اربط بين شخصيتة الحالية وبين شخصيه عمي سلطان كمت اضحك باستهتار كل ضنة اتوسل بية بس هيهات...
-بيك خير اقتلنييي عدك سلاح المن تريدة اقتلنيي لو انت فعلا رجال وبيك حضضض مو لازمم الحزاممم.
الباب تكسر تكسر ما اسمع بس الصريخ دفعني وطلع بس ماقفل الباب جسمي متكسر تكسر وصوت البنات عالي طلعت وراة شفت خالتي بالگاع طايحة والبنات ملتمات عليها شالها بحضنة وطلع وازل طلعت وياة.
.
باوعت لغزل تبچي رحت حضنتها وابجي وياها رحت للغرفة بسرعة لبست بشت وشال لفيتة على السريع اخذت چنطتي وطلعت صارت غزل بوجهي متفاجاة...
-وين لبوة وين رايحة،؟!
-لبيت خالتي
-تجنين على روحج استري علينة ولا تروحين.
-غزل عاجبج هذا حالي عاجبج جاوبيني شوفي
شكلي صاير بية من ورة اخوج
-ماعاجبني والله بس اني متاكدة يرجعج وياة بكيفج لو بالقوة
-لاتخافين مايگدر يرجعني
وصلت للباب وغزل وراي لزمت ايدها واني اترجة بيها: -غزل اذا معتبرتني اختج غطي علية لا تكليلة لبوة طلعت اروحلج فدوه على الاقل احافظ على ابني مااريد شي والله بس اذا بقيت اسقط من وراة
-روحي واني راح اسد غرفتج واذا سالني اكلة فوگ.
بستها وطلعت عفتها تبچي وطلعت مشيت مسافة ولاگتني تكسي اشرتلها وگفت صعدت وانطيتة العنوان فركت ادية وحجيت بخجل.
-عمو فدوة انطيني موبايلك بس اخابر بية
-تامرين امر بنيتي
-مايامر عليك ضالم حجي
طلعت الدفتر من الجنطة گلبت بية وطلعت الرقم انطاني الرجال موبايلة دگيتة وادية ترجف هذا اخر امل الية عندة استعداد يحبسني العمر كولة...
اتصلت بية وگلبي يرعد مارد رجعت اتصلت ثاني مرة هم مارد هذا ياربي املي الوحيد رجعت كررت الاتصال للمرة الثالثة وجسمي كولة يرجف وذكر اهل البيت على لساني عصرت ثوبي بيدي قوي واني اردد
نِآدٍيَ عٌلَيَآ مًضهّر آلَعٌجّآئبً تٌجّدٍةّ عٌوٌنِآ لَکْ فُيَ آلَنِوٌآئبً وٌکْلَ هّمً وٌغُمً سِيَنِجّلَيَ بًوٌلَآيَتٌکْ يَآ عٌلَيَ يَآعٌلَيَ...
فتح الاتصال وحجة: - الوو منو وياي
رديت علية وصوتي يرجف: - لبوة اني لبوة.
-شبيج بابا شصايررر وياج
-كولشي مو زين صايرر وياي ساعدنيي فدوةة ماعندي غيرررك
-بعيوني بنيتي بس احجيلي شبيج
صرت احجي واشهگ شرحتله مختصر بسيط ماگدرت اكمل بقة وياي على الخط انطيتة للسايق بقة يحجي وياة اعتقد انطاة العنوان...
بقت السياره تمشي لساعة او اكثر وهو كل شويه يتصل بالسايق باوعت اني وين عبرت ههههه عبرت
وگفت السيارة اعتقد وصلنة للعنوان نزلت چنطتي ونزلت بقيت واکفة يم السيارة...
شوية واجة بوجهة البشوش رحت باتجاهة وحيلي بايد حتى نزف نزفت صعدني بسيارتة وهو يطمني
انطاني بطل مي التفتلي ويباوعلي وعيونة تدمع من الفرح...
-حجزتلج باقرب رحلة اليوم اخر يوم الج بالعراق
اخذ مستمسكاتي واتصل بشخص بقة يسولف وياة
غلق الاتصال واكد على كلامة
-باچر الصبح تنطلق رحلتج
خليت ادية على وجهي وصرت ابچي بنحيب ماعندي شي هنا بس ايلام وقبور اهلي واليوم راح اعوفهم.
اخذني لبيتة استقبلتني زوجتة ومن شافت حالتي لطمت على صدرها...
-سودة علية هذا ياحيوان مسوي بيج هيج
همست بخجل: -خالة اني انزف
اخذتني للغرفة وطلعتلي غراض رحت سبحت وبدلت جسمي احس بية حمم بركانية راحت ورجعت جايبة صينيه بيها انواع المشاوي وعصير رمان وفواكة.
-اكلي ماما لخاطر طفلج
عيوني ذبلت من الوجع اكلت شوية وانطتني حبوب قريتهن وشربتهن شالت الاكل مني وحجة بصوت حنون هادء: -نامي ماما باجر وراج سفر.
سدت الباب ورحت تمددت الف فكرة براسي شلون صار كل هذا حيدر لو عرف شيسوي اكيد هسه يلگاني ويرجعني يحبسني لا لا مستحيل يلگاني اخر شخص يفكر اروحلة هههههه راح يدور بكل مكان
بس مايلگاني.
الحبوب الهة تاثير نمت على اثرهن كل شوية افز مخنوگة ونفسي منگطع لو احس جسمي ينضرب بقسوة ضرب الطفولة وذكرياتها ماناسيتها لحد اليوم مو ضرب البارحة ومنين من اعز الناس الية جسمي يوجعني والنزف توقف بس ماعرف الطفل بعدة عايش لو اسقطتة...
حهزت نفسي وطلعت مودعة العراق بروح ممرودة
احس الدنيا سودة بعيني وصلوني للمطار وهما يودعوني ووعدوني يزوروني.
-لاتخافين بنيتي كولشي مجهز الج من الف للياء روحي والهوة بضهرج انتي مو وحدج اني وياح ومستحيل اعوفج...
كلماتي عجزن عن الشكر مسحت دومي وكملت طريقي.
منو اليهتم،؟
واذا حزنك عب عينك
وشنو يعني واذا تمشي،؟
ياهو اليفگدك ب وينك.