رواية لبوة علي للكاتبة كفاية كاظم الفصل الثامن والثلاثون
لبوة: -
فعلا لو گالو الدنيا صغيرة مافكرت بيوم نلتقي اني ودكتور حسن ابددد سنين من سافر شگد جنت الوم بنفسي لان سافر بسبب حبة إلى الحب من طرف واحد جرم بحق الشخص لنفسه بس اكيد هذا الشي مو بيد الانسان.
اليوم التقيت بية وبضرف يفشل ادور شغل اوفف على حضي النايم بالطين انصدم بوجودي و عيونه تقرقرت بالدموع وهو يباوع لبطني لحد الان باقية بالك.
-لبوةةة،!
سكتت وعبست وجهي بالم اجتني رفسة خرب بيك شبيك ترفس وكتك تسودنت ترى اني امك انتبه إلى لازمة بطني ومغمضة عيوني لاتجاوزت هواي بس وين تطير اطلعهن من عيونك.
-بيج شي،!؟
-هاا لا شلونك دكتور
-الحمدلله انتي شلونج شخبارج حامل
-بخير هاا اي حامل
-شوكت تزوجتي،؟
-من زمان
-شعجب؟
-سنة الحياة هاي بالاخير ارتبط بالانسان المناسب
-كلتي مناسب شلون شكلة هذا،؟
-من فئة البشر مو كائن فضائي لاتخاف
-شعجب ماجاي وياج
-عندة شغل.
-شنو السبب العفتي العراق وعفتي شغلج
-شغل زوجي هنا وتعرف بالعراق مامرتاحة
-ضحيتي بشغلج لخاطر زوجج عاد يستاهل
-اكيد يستاهل ابو ادام
-ولد.؟
-شنو.؟
-البطنج
-هاا بعدني مامتاكدة بس الاصح اي ولد
-تكومين بالسلامة
-شكراً.
نزع جاكيتة وانطاة للسكرتيرة دار وجهة وسوالي بيدة تفضلي دخل لمكتبة ترددت ادخل وحتى اشتغل وياة بلعت ريگي ودخلت المكتب جان وسط مو كولش جبير وضايفلة لمسات بسيطة وبعض الاثاث العراقية حمحم بصوت ناصي: تفضلي استريحي.
گعدت وبقيت احوص بالكرسي ركست بية شتت نظري بارجاء المكتب وهو نظرة علية ضجت من هالشي هواي التفتت علية كبران حيل ومختلفة بية هواي أشياء من طريقة لبسة وشكلة بس هدوئة وادبة هو الباقي ماتغيير قاطعت الهدوء المحتل المكان: -ماشاءالله عيادتك كولش حلوه
-من ذوقج بس احب اعرف شعجب دورين على شغل.
-مااحب اكعد بالبيت وتعرف زوجي يطلع من الصبح لشغلة وابقى وحدي البيت موحش علية بالبداية زوجي ماقبل اشتغل وعاند عاد اني قنعتة الا قبل
-مافكرت يجي يوم ونشتغل سوى على كل حال اتشرف بيج تشتقلين وياي
-الي الشرف
-تگدرين تبلشين من اليوم وفورآ
-هسة
-اي هسه عندج شغل
-لا
-اذن انتظري اشرح طريقة العمل.
طلعت بالصالة انتظر لگيت خمس اشخاص ثنين بنات وتلث شباب شوية كبار سلمت عليهم وعرفت هما هم راح يشتغلون وياي يعني مو بس اني جانو مختلف الاختصاصات اسنان وصيدلة وكسور وغيرها
الصراحة ارتاحيت من شفت اكو وياي شوية وطلع شرح النة شغلنة وكل شخص توجه لمكانة ولسوء الحظ احنة نفس الاختصاص بس هو ماخذ الماستر واني بكلوريوس فشغلنة صار سوى...
سميت بسم الله وبدأ شغلنة ماجنت مفكرة هالعدد من مراجعين راح يجون اكثرهم عراقيين بقينة نشتغل ووبين مراجع والخ اكل نستلة ماتحمل بسرعة اجوع صارت بثنعش ومتت جوع...
حسن: -صار وقت الغدة اخذي راحتج عندج ساعة.
طلعت امشي جني بطريق روحي انسحلت من الحلويات اريد شي مالح رحت ادور على مطعم عربانة تبيع اكل اكثر شي يبوعون بعربانات واكلهم ماينوصف شوف الزمن والله وصرت اكل بس هم ادقق اذا نضيف ومرات اذا اركز وي اليبيع اشرد مااشتري بنسبة 50 قل الهوس فمن اروح اشتري ادير وجهي احاول ماركز وي اليبيع...
لگيت عربانة تبيع معكرونة اعتقد مخلين وياها معجون بس حارة اشتريت كاسة بدقيقتين اكلتها ملابسي ادمرت اشتريت كاسة لخ مو اكول صايرة دبة من الاكل جاي اكل بيها وشفت دكتور حسن من انتبهت علية دار وجهه وكوة مسيطر على ضحكتة درت وجهي للصوب الثاني شفطتها شفط واخذت كلنس مسحت حلگي اليشوفني يضحك من كلبة جني ذولة المتسولين من ياكلون...
تصدگون بعدني جوعانة رحت افتر ادور على اكل غير المعكرونة والله حتى مابية حيل امشي درت وجهي على الشخص اليمشي بصفي شفتة دكتور حسن نصيت راسي وكملت مشيتي.
حسن: -اتذكر قبل ماتاكلين من الكافتريا تگضين يوم كامل على العصير والبسكت جان الكل ملاحظ ماتاكلين الا من البيت اعتقد هذا التغيير اكو شخص سببة
-اي صح زوجي اثر بية هواي خلاني ماانظر للاكل على انه وصخ وشوية تبدلت نظرتي
-حبيت اشوف زوجك واتعرف علية اذا ممكن.
-هاا ايي إن شاءالله تتعرف عليه بس هالفترة عندة شغل
-بوقت فراغة نتعرف
-الله كريم
-اكو مطعم يسوي اكل Tasty لذيذ
-Bast eat sellers افضل اكل البائعين
-l protest براحتج
شفت محل صغير يبيع لحم مدري شنو بس ابيض ويعصرون علية ليمون درت وجهي لاانوب اشتهي ماعرف شلون يذبحون الخروف خاف حرام بدلت الطريق لان هواي بية يبيعون لحم.
شفت رجال بس شنو قاط والاناقة درجة اولى يگول وزير بس بالحقيقة يسوي سمج وبطريقة غصبآ عليك تاخذ منة طريقتة بقيت يمة سوالي لفة شلون الصاچ دفعت فلوس وطلعت ماضل وقت راح تخلص الاستراحة وصلت للعيادة وصرت ابلع بلع مو سمج ضيم على ساعة اغص...
كملت ورجعت لشغلي متخومة احس الاكل راح يطلع من خشمي لكيت الكل موجود بدأ شغلنة والمراجعين سراب لان المكان قديم والمنطقة سكنية...
معدتي موتتني اريد اشرب ببسي عصير اي شي هسه اني الا اكل هواي شبية ماشايفة روحي طلعت من خشمي وبداخلي سبيت روحي الف سبة خلصت من المراجعين درت وجهي وصرت ابچي معدتي مدري شبيها يمكن من المعكرونة خرابانة ماخليت واحد ماسبيتة خو حيدر شعلتة شعل كل هذا بصوت ناصي بيني وبين نفسي.
-كلة من وراك الحقيرر انت وابنك علية عايش ومرتاح الله اعلم بحضن منو نايم وبالاخير يجي المسموط يريد بابا لانعل ابوك ميت مرة احترك حيدر احترك ابو دحام احترگ جلال لا جلال الولد شعلية بس حيدر.
اجتني رفسة سكتتني عضيت اصبعي حيل بسيطة ولك بس تطلع اصبرلي ترفس بية ماكفاني ابوك انوب انت
حسن: بيج شي
فزيت بمكاني مسحت وجهي ودرت وجهي علية
: -لامابية شي بس معدتي شوية توجعني.
-يمكن من الاكل صار بيج هيج ولازم تراعين اكلج على حساب طفلج مو كل شي تشوفينة تاكلين منه
عافني وطلع گعدت على الكرسي والم بعدة شوية ورجع شايل بيدة عصير قدمة الي
-عصير اليمون وبعد ضايفيلة هواي شغلات
تشكرتة واخذتة منة عافني وطلع الصراحه مگدرت اشربة كولشي يصير بلة مخليلي بية شي صح هو حباب وماعندة هيج سوالف بس الحذر واجب شوية ودخلت بنية هم تشتغل هنا.
-هاي شنو اشو گاعدة ومرتاحة وتشربين عصير واني طايح حضي.
-حامللل حامل ماتشوفيني بيه احيل اوگف والعصير هاج اخذية مااريدة
-اي والله جيبية اجة بوقتة
اخذتة وشربتة فرد مرة بقيت مفهية بية
-والله عصير يخبل مثلج فريش
-هه هه هه فريش
-اكولج شنو هاي جنج دبة
-دحترمي نفسج لا اكوملج شنو جني دبة ماتستحين على روحج شكبرج وشكدج تحجين هيج ماتشوفيني حامل يصير هسة اكولج جنج صخل
-يمة هسة شگلتلج على كيفج يابة
-اوزني كلامج ثاني مرة دبة يكول ثاردة وياي للعكس
-اويي شبيج شكلت هسة اني.
-ماكلتي شي عيوني يلة اخذي الگلاص وروحي الشغلج
-واني شعلية اخذ الگلاص
-هو منو الشرب اني لو انتي يلة حبابة اخذية واغسلية عيب ترجعينة وصخ يلا يلا روحي لشغلج
يصيحوج
طلعت البنية والله ياالله شلون ناس ماتمشي الا بالعين الحمرة خلصت شغلي ورحت للبيت امشي صفح شيوصلني رادلي دفعة لا والله وامشي مسافة ويطوط هادي حتى هورنك مزعج صعدت ليورة مابية حيل احجي.
-مبين التعب عليج
-شسوي بعد شغل.
-مامجبورة تشتغلين احنة موجودين اكلج شربج حالج من حالنة
-لا والله وعلى اي اساس اختك بت اختك عمتك خالتك من المقربات عيني
-على كيفج يابة ترى انتي امانة عدنة وليش لا تصيرين من المقربات إن شاءلله
-لعد من هسه صيحلي خالة لان هذا افضل قرب
ضحك قوي وشغل اغاني: -بلا زحمه عليك بس الاغاني طفيهم ماحب اسمع
-اهاا لعد شتحبين تسمعين
-باسمم
-اووو باسم.
-وشبية عيني باسم حتى گلت اووو مايعجب لان يقرا على الحسين واهل البيت انتم وين بعد يا باسم يا قصائد كلة هز رگبة وجتف
-على كيفج عيني ماحجيت شي على باسم الكربلائي
بس استغربت لان بس محرم يسمعولة
-غلطان بكل وقت نسمعلة
طفة الاغاني طبك السيارة ونزلت بالگوة وصلت لشقتي رحت سبحت ونمت ميتة تعب...
غزل: -
اليوم ينشرون النتائج وازل گاعدة من الصبح تگضها من خشمها توگع خطية وجهة اصفرر رحت بدلت وراي دوام بالمعهد بس گلبي مانطاني اعوفها واروح
صارت الساعة بالتسعة شوية ورجع حيدر اليوم ماعندة دوام...
حيدر: -على كيفج بابا راح تموتين منو يفيدج النتيجة
ازل: -مو بيدي والله
حيدر: لاتخافين اني متأكد راح تطلعين معدل عالي.
باوعت بتليفونها وصارت ترجف افتهمنة نشرو النتائج گعد حيدر يطلعها وامي اجت گعدت بصفة وهي خطية ترجف وجهة اصفرر تاكل بضافرها
لزمتها من ضهرها لاتوگع بقة يطلع بيها شوية ورفع راسة مقلص عيونة ويهز براسة اني من يمي جفلت بمكاني.
بسمة: -هايمة گول شني شطلع
سكت وازل تختض واني وياها على الواهس باوع لامي وبقة ساكت ضربتة امي على كتفة
-ولك ماتحجي راح تموت البت
-ناجحة
ازل: -الءءمعدل شكءءدد
-95، 7.
من سمعت الخبر طفرت من مكاني وصرت اهوس
-واخيرااا نجحتتت بتنةةة الصفرررة كلولشششش
بسمة: -كلولشششششش الففف الحمدلله ماضاعع تعبج
خطية هي بس تبجي گام حيدر حضنها ويبوس براسها وامي تهوس وتهلهل...
-بنيتي رفعت راسي عفية عليج بوية فرحتي مانطيها لواحد بيضتي وجهي.
المنظر يستحق واحد يبچي حيدر وامي حاضنينها واني اجيت وياهم طبيت من النص جا وحد حيدر انطاها ورقتين واني ورقة لان مايصير اني هم خطية استاهل.
-وانتي غزولة شدي حيلج حتى تطلعين مثل اختج
-إن شاءلله واصير دكتوره
من سمع هلكلمة تبدلت ملامحة صعد لغرفتة يبدل باركت لازل على طريقتي جعصتها جعص وخطية فاطمة معدلها 66 انطيت لازل تبقيها عدها وصعدت لغرفة حيدر اريدة يوصلني لکيت الباب مفتوح شوية جمدت بمكاني ودموعي نزلن على المنظر الشفتة.
فاتح الكنتور ومطلع قطعة من ملابسها مخليها على وجهة ويحجي بصوت مسموع.
-ليش ريحانتي تعوفيني وتمشين شلون انطاج كلبج تعوفيني ولج اني مو بوعيي وگلبي يحترگ عليج
لهل درجة گلبج قاسي علية...
مسح وجهة اعتقد جان يبجي وصار يدگ على گلبة
-هذا ناررر عليج وينج بيا گاع صحتج شلونهااا شصارر بيجج بسيطةة الااا اطلعع هذا الاستهتارر من عيونجج فلا اتسمة حيدرر بسيطة لبوةة الا اندمجج
واطلعلج گلب جديد.
لزم الثوب عصراة بيدة حيلل ورجع شمة ورجعة دخل للحمام واني نزلت جوة راح اتاخر اكيد هسة فاتتني محاظرة رحت للمعهد وحدي مو كولش بعيد
وصلت متاخرة استأذنت ودخلت گعدت بالاخير يم
ولد معهدنة مختلط اوففف خلصت وبقت محاضرة ردت اعوفها بس اجة المدرس خلصتها وطلعت
سمعت واحد يصيح وراي كملت طريقي مالتفتت ابد.
عرفتة نفس الگعدت يمة مشيت سريع وهو مستمر عبرتة وصلت لفرعنة واتذكرت ناسية الملزمة امداني عبالي سرسري نيتي عاطلة رحت اشتريت من الاسواق جيس جكليت وحلويات وصلت للبيت لگيت عبوسي گاعد باب بيتهم وجهة احمرر يمكن امة كاتلتة.
-هاي يحلو شلونك
-مو دين يلا ولي لاتيح احوج (مو زين يلا ولي لاصيح لخوج )
-ياا شبيك شمسويتلك غير انت صاحبي
-مو تاحبج اني ماتاحب بنات
-لا لاتخربها حباب شبيك منو كاتلك
-محد يلا دبي دوة.
-خاب صرت رجال براسي تريد جكليت جبس نساتل عندي
-اليد فلوت
-شكد
-هواي عترة الف
-ماكو عشرة هذا الف وجدك الله يرحمه مع السلامه
-يلا ولي اتي حبابة
-احمم احمم صح صح اني حبابة
ردت ادخل وطلع علاء وجلال بوجهي خرعوني وهذا الازرگ يباوع بوجهي مو خطبت بعد شكوو دنگت راسي سوولي مجال ودخلت لگيت البيت مگلوب ولد يشيلون بالخشاب مال حيدر هاي شگاعد يصير رحت للمطبخ.
-اكلجن شگاعد يصير
-اخوج باع اخشاب غرفتة.
-ياا ليش بس لايريد يزوج روان السحارة والله اعوف البيت واطلع
-وين رحتي شيزوج بس يريد يبدل غرفتة متكسرة
-هاا عبالي كولي هيج وين راح تفكيري
-يمة شگاعد تطبخين وشدعوة هيج
-بعد اختج نجحت ولازم نسوي عشة لوجهة كلت فرد نوب ماطول جماعة اخوج جايين وذولة العمالة هم نجلب بيهم على العشة والجيران بعد وصل.
-اي والله احسن من اخوالي وهوستهم
-انچبي لا تحجين على اهلي
-عاد. هما شلون اهل.
حجيتها وطلعت ماحس الا الجفجير بضهري نابت
-لو يخلونج قناص مو احسن من گعدتج بالبيت عاد تستلمين راتب وفايدة اهل بلدج
رحت لغرفتي ابدل وانوب انحجزت بيها صعدو الخشاب الجديد وعلما شدوة يبوو رحت لفيت راسي وغفيت شوية كعدت الموبايل يرن يم راسي زرف اذني شفتة امي اكيد تريدني انزل طلعت راسي من الباب محد راحو رحت لغرفة حيدر عبالي محد بيها
شفت جلال مدد على الجرباية وحيدر يسحل بية...
حيدر: -گواابنن النعال گوم لاتلزگ ريحتك بالنزلة
جلال: -ما ماااا خلوني نايممممم علائي كوملة دمرة
دماررر
علاء: -بعد رويحتي حويدر عوف جلولة يجرب الاحساس شوية
حيدر: -احترگت عشيرتكم اطلعو من الغرفة ولد
يلا برااا لااصمطگم بالقندرررة
جلال: -اوييي قاسييي شبيك حوبييي علائي انطيني معطةة
حيدر: -راح انطيك زگطة اخليك تلزگ بالسگف.
علاء يسطر بالعطور ويخلي منها يمكن خلصاهن وحيدر وجلال صارو مرافس كممت حلگي وبقيت اضحك عليهم يگول زعاطيط...
حيدر: -ابننن النعالللل العطررر خلصتةةة جايبةةة بورققق تففف عليك جيبةة الوصخخخ تريدد تصيرر نضيف براسيي
علاء: -ومرض حتى مرض هو عطر بالف دينار حتى ابو الف احسن منه امداك اي والله
حيدر: يلا اطلعو لا تچلبونننن
جلال: شبيك خل اشوف ترتيب غرفتك حتى اشتري مثلها
علاء: ماصدگ راح تزوج.
جلال: -وحد عنكم سرسرية جا شناقصني
نزلت اركض ذولة نزلو على الترابي رزلتني امي رزالة رحت اصب وياهن شويه ونزلو اجة حيدر نقلة الاكل رحت سويت جاي بس يخلصون وصاحوو جايييي وين الجاييي شعدهم وي الجاي مادري وفعلا بس خلصو صاح حيدر جاييي ضحكت ورحت صبيتة...
اخذتة لباب الاستقبال واسمعهم يسولفون
علاء: حللل هاي شارةة حمديةة ام اللبن شلون عفتها وراح تزوج
جلال: يبووو لعبتت روحي ومحمد بعدد مااتزوججج.
حيدر: -جا انت اثول ماشفتها من البداية تعرفت عليها گبللل
علاء: -اغممم لو ماخذني وياة اشوفها الك
جلال: -اسكتووو بعد صارتت
علاء: ترىى بعد ماصايررر شي لاتورط روحك هههه خربحضك لو ماخذ حمدية احسلك
مافتهمت موضوعهم عليمن بس اعتقد على خطيبة جلال كمزت من طلع حيدر اخذ الجاي ودخل گلبي طاح بين رجلية...
لبوة: -
گعدت من النوم الموبايل يرن يبوو هم هادي عفتة سكت شوية ودزيت مسج اعتذرت منه ماگدر اجي
گعدت اشرح لابني سالفة هادي لاياخذ غير نضرة علية.
-شوف يمة هذا دكتور هادي لابس تراچي تراچي امة نمشي ونغمة ههههه هذا جان نشيد الجهال يحجونة كل يوميه صدوك يمة ماعندي شي وياه مو تاخذها غير فكرة خوش...
اخذتلي صفنة واجت فكرة بالي جارتي عايشة وحدها واني عايشة وحدي ليش مانگعد سوة وندفع اجار شقة وحده والله خوش فكرة بس خل يخلص الشهر اكيد اذا گتلها ماتعارض الفكرة اوففف شغل وايجار فكت القضية ههه خوش عقل يشتغل زين...
رحت للمطبخ اسوي عشة جاي على بالي گص دجاج رحت تبلت الدجاج ورحت اشتري خبز اشتريت ورجعت بسرعه بقيت بحدود النص ساعة اسوي سويت كمية جبيرة لان هواي اجوع وهم اخذ وياي للدوام كل شوية وجعت اخذت برتقالة اسوي عصير
وادندن...
يالعفتني املي دربك
بس خواطر
ياما ياما گتلك ارجع لاتسافر
يگضي يومي وكلت اشوفك
بلگي باچر
لايباچر سيفه يذبح بالمشاعر.
عفت البيدي وگعدت ابچي شبعت بچي من خاطري گمت مسحت دموعي اشتاقيت للكل مادري البعد هيج جنت اعتقد قبل ماعندي احد وفعلا قبل ماكو احد إلى بس هسه هواي ناس ماعرف اخبارهم من سافرت ولحد هذا اليوم جانت نفسيتي ماتساعد.
هالايام صرت زينه اوففف زينة وين وصلت بحملها
اكيد تسب بية خالتي الصارتلي ديرة كاملة غطت على نقص هواي اقارب إلى شلونها ياترى،؟
هم تفكر بية يمكن زعلانة لان ماخبرتها بس احسن يمكن لو مخبرتها تگل لحيدر البنات شلونهن اشتاقيت لسخافتهن يمكن لو يشوفن شكلي يشبعن تنمر ههه غزل وين راحت ياترى هم تفكر بجلال لو نستة ازل اكيد خلصت امتحانات خالتي حيدر اوووف خلص كافي كافي اريد اكل مابية حيل ابجي...
رحت شغلت التلفزيون طلعتة على قناة العراقية طالع عليها اخبار كعدت وبقيت اكل واسمع انخدش كلبي صاير هجوم ورايحة شهداء لا اله الا الله.
الله يساعد اهلهم رحت طفيتة مابية اسمع اخبار موزينة ضليت الوب معقولة حيدر هسة بالواجب
خاف يصير بية شي واني ماموجودة بعدنة مامتبارين الذمم استغفرالله شهل تفكير.
طلعت السيم كارت وخليتة بموبايلي شفت دكتور محمد شگد متصل بية اتصلت بية شوية وجاوبني.
-شلونك دكتور شخبارك
-هلا بيج بابا زين وبينتي وين هالغيبة حلتلج الاجواء ونسيتينة
-لا والله وين ياحلتلي بس السيم كارت مامخليتة بالتليفون.
-اي بابا شلونج شخبارج الحمل شلونة وياج
-الحمدلله ماشية والحمل عود بعدني بالبداية راح اموت يمكن ماكمل
-لاتكولين هيج ميصير الرب يسهل عليج
- إن شاءلله دكتور هم تعرف اخبار عن زينه خالتي
-اي زينه بخير بس خالتج
-اسم الله شبيهة خالتي
-مريضة لبوة خالتج حيل تعبانة
-يمة وهسه
-بعدنة ماعارفين شبيها وهسه اجت حالة مستعجلة عن اذنج اروح اشوفها.
سد الموبايل وكلبي صار يخفق شبيها خالتي هاي من ريحة امي بس لايصير بيها شي مرت ساعة اتصلت بية موبايلة مغلق وبعدين صار يطلعلي خارج نطاق التغطية شهل حظ استغفر الله الافكار راح تاكلني احسن شي اطلع من البيت اروح لجارتي السورية بس اروح لعبير هادي يچلب وياي وماناقصتة على الاقل هاي المرة كلامها يرد الروح.
لبست صاية ولفيت الشال وطلعت اتمشي لشقتها
دكيت الجرس شوية وفتحتة وصارت ترحب بطريقة حارة.
-يااهلين بجارتي العرائية نورتي تفزلي المكان لائلك
-شكراً عيني بنورج منور
دخلت وذبيت روحي على القنفة شقتها مرتبة ونضيفة رغم هي مرة جبيرة بية طبع اول ماادخل لمكان انتبة لنضافة المكان راحت جابتلي مي واجت
-اي كيفك لائيتي شغل.؟
-الحمدلله اي والله لگيت للمكان الدزيتيني عليه
-ماالتلك الدكتور اليعمل هونيك صافي مصفة
-اي صح جان يشتغل وياي بالعراق
-لك شوف الصدفة كتير حلوة آيَ وطب اكيد بئيتو صافنين بوجوة بعض.
-اي والله صار فلم هو فاتح حلگة عرض واني عيوني طاگة بوجهة هههه خالة تعذريني ترة اني ما جنت هيج بس هرموناتي تغيرت من ورة الحمل
-ههه لا ولو كتير احب كلماتك ولهجتك العرائية كتير حلوة
-حتى اني شگد احب لهجتج السورية
-القلوب عند بعضة طيب شو بتحبي اضيفك شاي ولا اهوى(قهوة )
-گهوة بس كون حلوة ليش ماتخليني اني اسويها
-ياعيب الشو انتي ضيفة عندي مابيصير تعبي حالك
-لا عادي بس يلة انتي سوي واشوف طريقتج.
-ازا هيك يلا اومي شكلك تحبي الشغل
-اي والله على الاقل اتحرك راح اصير دبة من الگعدة
گامت تسوي گهوة واني گعدت على كرسي
-خالة يعني بس سؤال شعجب وحدج ماعندج ولد بنية
-لأ والله يابنتي ماصار عندي ولاد حكمت ربك استشهد زوجي وصفيت وحيدة بهل الدنيا والاوضاع بسورية مش منيحة
-الله يرحمه برحمته الواسعه اسفة ماعبالي بس صار فضول
-ولا يهمك يا بنتي اسئلي إلى خاطرك
-شگد صارلج هنا
-زمن طويل عشر سنوات بقالي هون.
-هوايي عمر هذا
حضرت الگهوة وقدمتها الي: -عاشت ايدج طعمها يخبل
-بالعافية بس ماالتي وين زوجك
-بالعراق اخخخ
-يبدو سالفتك مش هينة
-اي والله هسه اني عايشة وتأنيب الضمير موتني
متندمة حيل لان عفت العراق ورحت بدون محد يدري بية ومرات اگول لا السويتة شي صحيح وهذا احسن حل.
بديت اسولفلها عن حياتي وهي تستمع الا ان كملت فحطت شربت مي وحجت.
-يابنتي كل وحدة فينة الها شخصيتها وانتي شخصيتك قوية ومابترضي بالاهانة كتير حريم تقبل بالضرب وتعيش حياة طبيعية تستسلم للاهانة والضرب اما انتي غير مابتقبلي الاهانة والظلم وقرارك صوب العقل بنزري لو بائية معو لكان استمر بضربة وتعنيفة لائلك ويمكن حتى خسرتي طفلك
هّيَ الفترة راح تفيدكم تنينكم.
-يمة الفف الحمدلله والشكر تدرين خالة گلبي مقيم كل شوية براي ماعرف شريد وشنو الصح بس هسه من حجيتي اكدتي خطوتي صح هي صحيح فترة قصيرة بس كرهتة بيها
-لاتكزبي عيونك تحكي غير هذا حكيك
-شتحجي
-عم يبيني انك بتحبينة وبتفكري بية كل يوم
-اي والله اني جذابة حتى على روحي اجذب احترگت روحك بنار ونفط عيشتني بتناقظ
كل شويه إلى حجي.
-ههههه يابنتي هيدا الحب مابتئدري تمحينة راح يبقى معك حبة لوين مارحتي اعطني فنجانك لاقرا شو فية
-ياا تقرين تعرفين
-اي بعرف
انطيتها الفنجان على گولتها گلبته على الصحن خلتة شوية ورجعت اخذتة وصارت تقرا وتضحك
وتسوي بيدها بحالمية وتعض شفتها.
-ها خالة شكو
-والله يابنتي عم بشوف هون في ناس تحترق من العشق وكان غراب اسود لحسن الحظ طار بعيد وغير مطرحة وعم بشوف في تعب نهايتة راحة وهاا شوفي في رجعة
-رجعتيش.
انطتني الفنجان وصارت تأشرلي على الخطوط: -في رجعة قريبة يابنتي وكمان في أشخاص ثنين يشاركوكي بحياتك
-عزااا بس لا حيدر تزوج ثنين بعنادي المصموط حلالة الجو متأكدة وحدة تزوجها علني وحدة بالمتعة عساك لاتهنيت وياهن وهذا ابنك المگرود توزع املاكك لبنات الدلالة وحنة نصفة بالشوارع
-ههههه يابنتي استني لابتحكيي هيك انا ماالت في جوازة
-لعد جنازة
-لا في حزن وبعد راح يتبختر وفي ناس محاوطتك مابتحبك
-اي والله هواي.
-ما بيأثرو على حياتك لاتخافي
-يالله
-يابنتي فنجانك كتير حلو في اشياء نتيجتها لصالحك في بقعة سودة في بداية الفنجان تدل على مشكلة كبيرة صايرة معاكي وفي خطوط بيضة لنهاية الفنجان واصلة هيدا الفرج ونهاية المشكله...
-يارب اخلص من الهم والغل
-امين يابنتي
-يلا خالة اخذي راحتج وشكرا لحسن الضيافة وكلامج الحلوو
-لا ولو لابتحكي هيك انتي مثل بنتي حبيتك كتير.
-فدوه لكلبج خالة حتى اني اول ماشفتج حبيتج صدوك لو گالو الگلوب عند بعضها وما وصيج زوريني
-إن شاءلله يابنتي يحفضك الرب ويوفئك
-مشكورة عيني
رجعت لشقتي احس بالراحة من حجيت الحمل كولش غيرني النهار كولة بس احجي الساني مايسكت اكل واحجي يبوو علية شجاني رجعت اتصلت بدكتور محمد هم ماكو طفيت الاضوية وسديت الباب وتاكدت من الشباك مقفول ورجعت تأكدت من الغاز ورحت نمت وراي دوام...
گعدت الصبح وطلعت من وقت لان امشي على كيفي
طلعت من الشقة وصار بوجهي هادي مرتجي على الحايط ويباوع لساعتة...
-صباح الخير لبة
-راجائا لاتگلي لبة ثاني مرة وصباح النور
-اعصابج يابة مو قصدي بس حبيت اغير شوية
-گلي ام ادم افضل
-ادللي اكيد راح تطلعين للدوام بس بعد وقت
-اعرف بس لان امشي فاوصل بالوقت
-لعد سيارتي المن موجوده
-الك طبعآ
-اي بس اذا تريدين اوصلج وارجعج
-هاا قصدك تشغل شوفير ههه قصدي خط شكد تاخذ.
-عيب هالحجي مابينة فلوس واني اذا اوصلج كل يوميه فاولا لان انتي جارتي وعمي موصيني عليج
-تسلم بس اني اتشاقة مو تاخذ بخاطرك علية حتى اني حاسبتك مثل اخوي
حسيته ضاج من كلامي: -تدري اني احب امشي لان ريحه البانزين تسوي عندي لعبان نفس
-براحتج
كملت طريقي جان عندة كلام بس من كتلة خوية تراجع عنة بقة واگف يم سيارتة: -بالتوفيق
-شكرا والج هم.
وصلت للعيادة وتغاضيت النظر عن دكتور حسن بس نظراتة علية من اباوعلة يدنگ عيونة ومن اشتغل يباوع هو من النوع شوية خجول مرت ساعة جعت طلعت جنطتي جايبة وياي عصير ولفات گص مابية حيل افتر...
باوعلي وابتسم: -تفضل تريد
-بالعافية
-الحمل يخليني بسرعه اجوع ماتحمل
-گلتي ياشهر
-راح ادخل بالرابع
-هاا اعتقد حامل بتوم
-عاعع سونار صاير تسوي لاوين بس لان اكل هواي وروح ركز بشغلك لان يروح حماسك.
-كولشي يتغير الا انتي بس للامانة صايرة تاكلين هواي وتحجين هواي هم
-اعرف اعرف هاي اعراض الحمل ابني يحب يسولف طالع على ابوة سوالفة ماتخلص هههه ابو دحام العشق
انتبه لنفسة ورجع لشغلة كملت شغلي ورجعت للبيت واستمريت اداوم وية دكتور حسن نضمت وقتي صرت انام من وقت واگعد الفجر اسوي اكل واخذة وياي بحيث صارر وجهي يريد يطگ خدودي طاگات.
بعد يومين واروح للدكتورة لان دخلت بالرابع وحاليا صارلنة تسعة ايام بمحرم اليوم عندي اجازة طلعت مسوين تمثيل وتوزيع بالشوارع طبعاً اني لابسة اسود من اول يوم رحت لازمة بطني وافتر بين الناس
سلام الله عليك ياابا عبدالله بكل مكان الك مأتم وعزاء حتى الاجانب يلطمون وي الشيعة على الواهس گعدت على صفحة مابية حيل امشي اباوع للاجانب تبجي وتلطم وهما حتى لبسهم مامحتشم بس محبة الامام مترسبة بگلوبهم.
تذكرت بالعراق الاجواء الحزينة مغطية العراق جنا اني وزينة نفتر على المواكب بوقت استراحتنة خوب زينه تترس جنطتها ترس.
الشوارع بيها الحزن والشيعة مانسو هذا اليوم مهما كان المكان الگاعدين بية خليت ايدي على وجهي ودخلت بنوبة بكاء احس گلبي مجمر مشتاقة للعراق وللناسة.
ماعندي اي خبر عن الكل بدت الغربة تاكل بية اكل دكتور محمد ابد مارد علية بعد احس صار شي بخالتي وماحب يگلي يخاف علية.
روحي راحت من البجي احس نفسي صخنت واخذتني الجرفة غسلت وجهي وشربت مي مشيت مسافة وخرت من الازدحام الصارر كعدت على الرصيف ورجعت انهاريت من جديد دگ التليفون طلعتة بسرعه وعيوني تصب اريد اوگفهن ماكو فتحت الخط وايدي ترجف: -الووو
اجاني صوت بنية خربط تبجي احوالي: -منءءوو انتي
همس: -لبوة اني همسس
-همسس! شبيج وشجاب الموبايل عندج.؟
-لج لبوة اميي راحت تموت تريد تشوفج
احس گلبي وگف بعدلي شوية واتخربط الساني نعگد.
سمعت صوت شجن تصرخ بصوت عالي: -ولجججج يمةةةة
انغلق الخط بلحظتها وگع الموبايل من ايدي وگلبت عيوني...