رواية لبوة علي للكاتبة كفاية كاظم الفصل التاسع والثلاثون
صوت القصائد احتل المكان آهات من قلوب المحبين
بكاء ونحيب على المقتول بارض كربلاء العقد الموثوق مع الامام لايمكن لاي قوة في الارض ان تخرب هذا العقد في كل مكان وعلى مر السنين نبكيك دمآ سيدي حسين...
صوت بكائي اعتلة الام روحي المخفية من سنين اليوم ضهرت على اثر خبر هد روحي.
ماربيت على ايد ام حنونة كبرت واني فاقدة حنان وعاطفة الام الزمن عطف عليه وضهرت من بطن الوحدة خالة حنونة بيها ريحة امي حبتني مثل بناتها وتحملتني هواي.
دخيلك ربي بس كون ماصار بيها شي اني ادري الدنيا شادة وياي عداوة من صغري حاطة عينها على الاشخاص الاحبهم حيدر وعفتة بقت بس خالتي.
رفعت راسي الناس تارسة الشوارع اريد انهض روحي ماكو صرت شثكلني سندت ادية بالگاع ونهضت كوة
احس الدنيا تفتر بية حاولت اصمد شوية.
دخليلك ربي رجعت للشقة اتطوطح وكلني ارجف من بعيد شفت هادي گلبت عيوني ووگعت من طولي...
فتحت عيوني لگيت عبير وامها يمي صرت ابچي
-خالتيي خالتيي ماتتت عبيررر خالتييي ماتت وماشفتهااا ولا شبعتتت منهااا كلةة منكك حيدررر
شسويتت بيةةة
بقو يهدون بية ويحاولون يسكتوني
عبير: -لج عيني ما ميتة منو گالج ماتت
-ماتتت ماتت اني سمعتهن يصرخنن
-لج امي حبيبتي مو زين على صحتج وطفلج راح يتاذة هسة اتصل بمحمد واتأكد منه.
-فدوة اتصلي بية مايجاوبنيي ليششش اكيدد ماتت
-لاتخافين امي هسه اشوفة بس كولي ياالله
راحت ام هادي تتصل بدكتور محمد واني بس اصرخ وعبير لازمتني احس حيلي باد ماكدر اتحرك خطوة صرت شثگلاتني مسحت وجهي وركزت وياها شتحجي
: هاا عيني محمد شنو الخبر اي يالله مو گلت لو تشوف هاي لبوة راح تموت غير تحجون ميصير هيج لو صاير بالبنية شي وهي حامل
-هاا خالة ماتت لو لا.
ابتسمت واجت كعدت يمي مسحت وجهي بديها وحجت: -عايشة ماما عايشة هاج احجي وي محمد
اخذت الموبايل اديني ترجف الموبايل يروح منا ومنا
: الووو دكتور خالتي عايشة.؟
: اي بابا عايشة لاتخافين
: شبيها؟
: صحتها مو تمام ابدد
: هسة هي يمك انطيني احجي وياها
: لامو يمي طلعوها للبيت لان هنا هوسة
شمرت الموبايل من ايدي وصرت انحب مستحيل
اوصف شعوري بهذا الوقت احس گلبي تگطع.
: لج امي كافي عيني طفلج راح تأذينة
: يمة منج لبوة كافيي.
غسلن وجهي بمي واني فاقدة من البجي عبالي ماتت ورة دقايق دخل هادي شكلة ضايج...
هادي: -الحمدلله على السلامة
-شكراً
-ترجعين للعراق باجر عمو محمد اتصل بية من الصبح وحجزتلج بس اريد المستمسكات
-ارجع!
-اي ارجعي شوفي خالتج
-بس شلون ارجع؟
صرت اختض اجت ام هادي سندتني احس نفسي فقدت كبل اجة بالي الصار وياي كعدني على القنفة وصارن يفركن بية.
-اهدي بس اهدي اخذي هوة اتنفسي امي تنفسي حيلل.
بقيت نص ساعة الا صرت زينه وكمت احجي
: رجعني لشقتي حبابات
أم هادي: -واذا صار بيج شي منو الج
عبير: -اني اروح وياها ابقى يمها
أم هادي: -تمام بس رجعي خبر لابني شوف شيكول
ترجعين
لبوة: إن شاءلله وشكرا تعبتج وياي واسفة على الازعاج
أم هادي: -امي انتي حبيبتي لتحجين هيج مسوينة شي الج بنيتي احنة اهل
عبير: -ماتعرف تحجي رادلها دفرة اوصلها لشقتها
اخذتني عبير لشقتي راحت سوتلي عصير واجت كعدت يمي.
-عيني اشربي العصير فريش.
-ماشتهي
-موهي بكيفج ماتشتهين
اخذت العصير منها عيب تعبت بية شربت شوية واحس الافكار تعصف براسي مستحيل اصفة على راي.
-حبيبتي بلا زحمه عليج بس طلعيلي ملابس بعد ماكدر امشي
-ولو ادللي شتحبين اطلعلج
-طلعيلي دشداشة مستورة اريد احجي وي اخوج
-ثواني بس.
رحت اسحل بروحي سحل معقولة شايلة طفل شهل ثگل عود كلت اروح للدكتورة اوفف اخذت ملابسي ورحت اسبح شغلت المي البارررد حرارة بجسمي اني من النوع الدمهم حار دائما تلگيهم مرتفعة حرارتهم
وخاصة من اعصب احس نارر تطلع مني لهذا السبب احب المي...
عبير: -حبيبي خوما بيج شي
-لاعمري مابية
عبير ماتعرف حالتي عيب منها نايمة بالحمام الناس الهة ربع ساعه الا اني طلعت لافة شعري بالمنشفة.
كعدت على القنفة وعيوني سارحة بالفضاء الف سؤال يجول بالي.
-وين يحلو بيمن تفكر اعترف؟
-احس راح اموت
-اسم الله ليش تحجين هيج ميصير ياعيني
-لج عبير اذا اروح خاف يلگاني ويرجعني يحبسني واني مو مثل قبل يمكن قبل احجي واعارك بس هسه ماكدر اذا امشي مسافة افحط والنوب حامل
-شنو هي بكيفة يضربج لو يحبسج ارفعي علية قضية طلاق واخلصي منه
-مو بهاي السهولة لج هذا مايعوفني مستحيل.
-ليش هي بكيفة مايطلگج بس ترفعين دعوة والسبب تعنيف كبل يطلگوج وحتى طفلج الج
-ههههه امي شتحجين ليش انتي عبالج حيدر سهل لج هذا دولةةةة
-لا والله يعني واذا عندة رتبة ترة بس تشتكين يسحبوها منه
-مااريدة ولا اريد اشتكي عليه شكلة كلة مااريد اشوفة
-يعني ماتروحين لخالتج
-اريد اروح لخالتي بس اخاف يعرف اني جاية
-واذا عرف طبة مررض
-لاتحجين على الناس ترة ترجعلج
-يمة منج بعدج دافعيلة وتحبينة موو
-مادري.
-لاتدرين بعدج تحبينة انتي ماكرهتية ابدد
-لج عبير ماعرف شريد ولاعرف اتصرف احس نفسي طفل مايعرف شي ماكدر اكرهة بهلسهولة صح اذاني بس مانكر ولاانسى اهتمامة بية وحنيتة وخوفة
اكرهةةة واهم احبة بس كرهييي يزيد من اذكر كلامة بحيث اكرة روحي من اشتاق لشخص يستخف ويضحك على قدري قدري يتيمة منبوذة محد من عمامي ولاكرابتي يحبني بس خالتي.
-هذا يسوي هيج بيج حتى ترجعين علية لان مفكر انتي مثل البقية يضربونهن ويرجعن عليهم بحكم محد الهن بس مايدري انتي غيرر لبوة مستحيل تبجي لو تخاف من شخص
-هههههه اتذكر اول مرة التقي بية سويت عركة ورادو يفصلوني فمادري بس ردت ابجي سمعت صوت خشن بية حنية يكول ههه
-شيكول؟
-تدرين ليش سموج لبوة حتى تفترسين
شكو واحد يغثج مو تبجين هاي دموعج حرام تنزل لحد الان كلماتة حافضتهن.
-والله المفروض تفترسينة وتعوفين البجي واخذي بثارج منه وعذبية مثل ماعذبج
-ليش هسه هو مامتعذب على اساس مرتاح
-وشمدريج ممرتاح؟
-احساسي يكول هيج
-ابوس احساسج
-اخخخ
-هااشبيج بس لاراح تجيبين
-خاب لا بس داكول اخ لو مو حامل چا لزمتة وشبعتة كتل الا اخلية مايطلع من الباب
-هههههههههه لج وينج وين هالحجي رجال شكبرة شگدة تكتلينة عمي اسكتي اسكتي لايحطج بجيبة.
-لج عيني هي مو بالحجم يعني كل واحد صغير ينكتل لاعع لج اني جنت كلها تخاف مني بحيث مسوية عركات بابو عركات
-جذابة انتي!
-اي والله شبيج بس واحد يحاجيني اشگگة تشگگ
-يمة اسم الله صعد عندج هرمون الحماوة هههه
-ههههه لالج جد اني احب العرك بعدين احجيلج على بطولاتي بس هسه ماطول حميت على گولتج اريد احجي وي اخوج
-بس لا تريدين تكتلينة
-لا بس هو گال انطيني المستمسكات
-راح ترجعين؟
-ايي.
-يايييي لج احسج راح تلعبين جولة هناك
-جا شعبالك العب جولات
-لاجد شسوين؟
-شبيج اروح لخالتي اشوفها واطمن عليها ومناك اشوف ايلام طاگ گلبي علية وصديقاتي
-لج منو هذا ايلام؟
-فرسي
-عندج فرس!
-اي
-ويوييي اكول تحجين عن البطولات والجولات هسه تاكدت من كلتي عندي فرس
-يمة شلون فرس ولج يخبل شعرة يجنن ناعم الله راح يصيرون عندي ثنين جهال ايلام وادم
-وعلي موصاحية هههه
-اضحكي عيني خل اطلع المستمسكات.
رحت طلعتهن باوعت بجنسيتي مكتوب اسمة عليه اتذكر بخطوبتنة من كال اكبر انجاز خليت اسمج بضهر جنسيتي هههه بسيطة والله الا اطلعهن من عيونك راح وقت الضحك عبالة خايفة منه مايدري لبوة ماتخاف من واحد اني اعلمك دروب التعاسة درب درب
اندگ الباب خليت شالي على راسي اكيد هادي طلعت كل المستمسكات دخل هادي وعبير راحت للمطبخ.
هادي: شلونج يابة؟
-الحمدلله زينه
-دومج.
رحت باتجاهة انطيتة البيدي اخذهن مني وصار يگلب بيهن قرة جنسيتي وضحك.
-شبيك تضحك؟
-ماشاءالله مامبين عليج عمرج
- اعرف شوكت ارجع للعراق انت مو كلت باجر شلون بهاي السهولة؟!
-يادكتورتي العزيزة احنة بمحرم والسفر مفتوح للعراق بكل وقت لان زوار تروح للعراق من كل البلدان وخصوصا باجر العاشر ويمج الحساب تصير ركضة طويريج
-يعني باجر اسافر؟
-اي بس اروح اكمل الاجراءات
-شكراً تعبتتك وياي
-تعبج راحة انستي.
-انت ماتشووف بطني شكبرهاا واني بعدني متزوجة بعد شنوو هايي انستي ترة عيببب
-اسف يابة ماقصدت شي طلعت بالغلط
-ثاني مرة انتبة لكلامك
-إن شاءلله محتاجة شي، اخذج للدكتورة
-لاشكرا مايحتاج
-لعد اروح اشوف شغلي
-اللة وياك
سديت الباب ودرت وجهي شفت عبير مرتجية على باب المطبخ ومكتفة اديها وعابسة حلگها ماعاجبها
-شبيج عبورة؟
-اممم مقهورة على اخوي
-شبية اخوج؟
-ملجوم وطايح على وجهة
-وين طايح!
-هيج ولا شي صدوك راح تروحين.
-اي والله راح ارجع بس مارايدة هالروحة ابدد اوفف والله لو مو خالتي روحي راحت عبالي ماتت اروح اشوفها ماضال بالعمر شي خاف يصير بيها شي لاسامح الله واني ماشايفتها
-صوب العقل روحي شوفيها يمة لو مو امي متصلة بعمو هسه انتي مدخلينج عمليات.
-شايفة الدنيا شكبرها ماعندي بيها غير جم شخص وخالتي من ضمن ذولة الاشخاص بقيت يمها تقريباً تلث اشهر ولو تشوفيني روحي بخشمي بس انفخ وهي شالتني مثل المي بالصينية ماكو هيج اكول على ساعة تنفجر وهي بالعكس تضحك وتشاقي تحملتني باصعب حالاتي اوففف
-الله يحفظها الج
-تسلمين عمري
رحت جبت المشط وبقيت امشط بشعري صاير يلعب النفس فحطت ماكدرت اكمل.
عبير: -شبيج كلبي؟
-فحطت
-جيبي امشط شعرج.
انطيتها المشط مشطت شعري دنكت راسي ومسحت دموعي النزلت شراح يصير وياي شنو المضموم الي؟ بعد بالوقت الردت اسافر بية وحدي وكلي قناعة ماسافرت وكلشي انقلب وانلغى السفر وبعدين سافرت بدون روح وبداخلي روح بريئة شلون راح تكون النهاية اذا رجعت...
-يمة فدوة للبنيات صرتي تخبلين اويي ماما هههه
-شتحبين اسوي للعشة؟
-وانتي بيج حيل اوصي هادي من يجي يجيب وياة
-لاكلبي مايحتاج هسه اروح اسوي عندي مسواگ
-يمة منج.
رحت للمطبخ شفت البيتنجان وضحكت وبنفس الوقت بجيت سديت الثلاجة وكعدت ابجي
تذكرت من رحنة للبوسنة وسويتلة الاكلة التركية
رجعت اتذكر ذاك اليوم اتذكر سوالفة روحة الحلوة
هواي اثر بنفسيتي كلامة الحلو زدت بالبچي احس عيوني ورمن كل ماشوف شي يذكرني بية حتى من البچي گلبي يوجعني.
-لج بس اريد اعرف تاخذين فلوس على البچي شكد تبجين مايصيررر بجي بجي من شفتج وشفتيني
دتلاحظين شصاير بيج.
-مو بيدي والله مو بيدي كولشي يذكرني بية حقيرررر حتى الجلببب احسن منه على الاقل وفيي
-كافي ياعيني كومي اغسلي وجهج وكولي ياالله واذا متحبين لاترجعين للعراق اتصلي بخالتج وفضيها
-ماكدر لازم اروح كلبي ماينطيني اسمع بس اخبارها
-سوي اليعجبج بس لاتأذين نفسج هيج والله مايصير
نهضت روحي لعبت نفسي مااريد اكل بعد رحت احضر بچنطتي واحاول ماابچي طلبت من عبير تتصل بدكتور محمد اطمن على خالتي لان ماعندي رقمها...
-ادللي عيني
اتصلت بية اكثر من مره اجة صوتة وهو يگول
-ها عموو عبير شلونج
-الحمدلله عمو بخير طمني على خالة لبوة
-الصراحة صحتها مو تمام
-شلون يعني مو تمام
-تعبانة لبوة شلونها
غطيت وجهي وزدت بالبجي بقت عبير تمسد بضهري وتحاول تسكت بية.
محمد: -بابا لبوة على كيفج باجر تشوفينها بس لاتبجين ترة زينة والله العظيم زينة مابيها شي
لبوة كافيي بنتي مو زين عليج عبير سكتيها بابا.
انقطع الاتصال احس نفسي نكعت من العرك رغم الجو كولش بارد رحت اسبح شوية رتاحيت لكيت عبير بالمطبخ تسوي اكل كعدت على الكرسي وصفنت بالفضاء...
-يحلو ابو عيون ممكن نتعرف
-تؤ
-ليش يابة ترة اني وليد جدي مالعب على بنات الناس وداعة ماما
-واني بنية ماحب العلاقات
-دباوعي عليه وعلى جمالي الخارق عضلات وشوارب ولحية
-مايفيد لاتحاول
-ولاشوية
-ابدد
-اويي قاسية كسرتي كلبي ماعندج رحمة.
-موبيدي وعلى اسفة يوليد ترة اني انحب بسرعه بس ماحب
-اوففف كون المقابل يفتهم
عفتها تطبخ ورحت افتح الباب من شافني ابتسم بحزن دنگ راسة وطلع ضرف جبير بية مستمسكات
-باجر تسافرين
هزيت راسي واخذتهن من ايدة رجع حجة بتعب
-ترجعين
-ماعرف يمكن اي ويمكن لا
-إن شاءلله ترجعين
تشكرت منه ودخلت جوة تعشينة اني وعبير ضبيت غراضي ورحت انام باجر يوم مهم جدا محد يعرف نهاية الراح يصير...
كعدت من غبشة رحت صليت وقريت زيارة عاشوراء احس بالراحة من اقراها رحت سبحت وطلعت فستان بهاري لاهو صيفي ولاشتوي لان هنا الجو بارد عكس العراق بمثل هيج يوم وخصوصا البصرة
جهزت نفسي ورحت اخدر جاي كعدت عبير تريگنة سوى ودعتها ورحت لامها اتشكر منها واسلم عليها وماقبل الاخير جارتي السورية لازم اودعها حجت وهي فاتحة اديها ورافعتهن.
-روحي يابنتي الله يفتحها بوجهك ويوفئك وتئومين بالسلامة وتولدين امور صغير بيشبهك.
-إن شاءلله خالة شكراً الج وماراح انساج ابد
-ليك تعالي لهون
حضنتني شكد روحها طيبة هالمرة اخذت رقمها وطلعت اجة بالي دكتور حسن خطية اليوم دوامي على اساس صعدت باص ورحت لعيادتة دخلت لكيت الشغل بادي اجة باتجاهي.
-صباح الخير
-صباح النور شلونج؟ اشو اليوم متاخرة!
-الحمدلله ماجيت اداوم بس اسلم عليك واروح
-ليش تركتي الشغل! احد زاعجج غاثج كولي خاف كلت كلمة مو حلوة ومامنتبه على نفسي.
-لا دكتور موهيج بس لازم ارجع للعراق واجيت اسلم عليك
-اليوم ترجعين؟!
-اي
-خير إن شاءلله خو ماصاير شي؟
-لا بس ام زوجي مريضة وراح نشوفها
-هم ترجعين؟
-ماعتقد بس احتمال اي
-الصراحه ردت اسلم على زوجج
-حتى هو راد يشوفك بس للاسف عندة شغل راح يسوي النقوصات غير مرة ان شاءلله
-إن شاءلله وسلميلي عليه
-وصل عن اذنك وشكرا الك.
اتصل عليه هادي طلعت لكيته هو وعبير مخلية جنطتي وصلوني للمطار ودعتهم وتشكرت منهم مستحيل انسة وكفتهم وياي عفتهم وراي وملامح الحزن باينة عليهم حقهم تعودو على وجودي يمهم
نقلنة الامتعة وصعدنة بالطيارة وكلني ارجف عكس من اجيت ماخليت دعاء مارددتة طلعت روحي على ماوصلت الوقت كلة استفرغ متت.
وصلت للمطار منتهية كعدت على احد الكراسي ولازمة راسي بيدي يريد ينفجر ناس جاية وناس رايحة زوار من كل البلد المطار صاير قطعة سودة من كثر الزائرين الوافدين لارض كربلاء مسحت دموعي وفركت صدري المغيم.
دقائق مرت على جلستي رفعت راسي على مصدر الصوت الموجة إلى اكيد عرفت اميزه كمت من مكاني وسلمت على زوجة الدكتور بحرارة كولش مهذبة ومحترمة تناسب شخصية زوجهة تغاضت عن سلامي الرسمي وحضنتني مسحت وجهي روحي رايحة مابية امشي مسافة سلمت على دكتور محمد
اخذتني زوجتة من ايدي تمشي بية.
محمد: شنو هاي بابا عيونج رايحات من البچي قابل طفلة شبيج
-لاتحجي بهلطريقة عليها ترة راح تصير ام لبوتنة
-هههه حبيت لبوتنة.
بقو يحجون ويضحكون يحاولون يغيرون من نفسيتي بس اني ابدد ولانطقت كلمةة
-ماما تروحين وياي للبيت ارتاحي واني اوصلج لبيت خالتج
-لاشكرا مايحتاج اخذوني الها گلبي طاگ عليها اريد اشوفها
-براحتج ماما بس على كيفج وي نفسج خالتج بصحة ممتازة لاتخافين
-إن شاءلله.
اخذوني بسيارة دكتور محمد كول الطريق دموعي تصب الاجواء الحزينة مالية الشوراع مواكب تمر مني اطفال، شباب، شياب تلطم بالزنجيل على ضهورهم، رادود يقرا بحرگة النساء مطينات روسهن ويلطمن صوت العزاء يسمعة جميع الكائنات
ولاشك كلها تبجي على المصيبة التي جرت في كربلاء...
صار ازدحام ومر موكب مسحت دموعي واني اترقب الاعمار المشاركة بالعزاء الرادود تحسة فعلا فاقد شخص عزيز متحزم حزام ومطين وجهة وراسة بطين ويضرب على صدرة بقوة دلالة على حزنة.
الكل يردد بصوت واحد نابع من اعماق قلوبهم الملچومة بهذي المصيبة
هذا لطمنة للابد على حسين ومصابة
ابد والله يازهراء ماننسة حسيناة
عبرنة الموكب وبقت بذهني ذني العبارتين بكل زمن وعلى مدار السنين والعصور ماخلت الكرة الارضية من المعازين للسيدة فاطمه الزهراء بمصاب مذبوحها
مسحت دموعي المايقبلن يسكتن وبقت عيني على الشارع على طول الطريق مواكب افضل واشهى الاكلات المايگدر الفقراء يشترونها متوفرة مجانا.
باسم ابا الاحرار اباوع للاطفال لابسين اسود ويبذلون مجهود اشخاص كبار ومتونسين بالخدمة
لزمت بطني واخذت عهد اذا صار عندي ولد اخلية خادم لاهل البيت واسويلة موكب مثل ذولة الاطفال ابتسمت ومسحت دموعي يعني ادم باجر يسوي مثلهم ويقدم اكل ومي ويحيي الشعائر...
طريق طويل غفيت ودموعي جفت على خدي
حسيت واحد يگعد بية ويكول وصلنة ماما.
فتحت عيوني وباوعت من الجامة صايرين كدام بيت خالتي نزلت واني اردد بداخلي دخيلك ياعلي كون محد يعرف برجعتي واولهم حيدرا
نزلت واني لازمة ايد زوجة الدكتور دگ دكتور محمد الباب واني صايرة ورة زوجتة استقبلهم زوج خالتي ورحب بيهم بحرارة دخلو واني دخلت وراهم كلني ارجف كلبي يدگ بقوة احس بلحظة يدخل حيدر.
صارت عيني بعينة حسيتة مامتفاجأ بجيتي سلم عليه ودكتور محمد گال عندة شغل بلعت ريگ وجلبت بيد زوجتة قوي همست بذني بصوت ناعم
-على كيفج ماما وي روحج اذا تريدين سلمي عليها وارجعي وياي احطج بعيوني والله وبين ماتولدين سوي اليعجبج
جاوبتها بنفس نبرتها: خاف حيدر يجي وياخذني شلون
-لاتخافين منه ثقي واعتقدي احنة وياج مو بس مجرد كلام راح ازورج بين اليوم والثاني واذا مالگيتج ارفع عليه شكوة اخلية يسحبون رتبتة.
الگدامج مو سهلة محامية خضت عدة قضاية
ملامح الصدمة بانت علية اول مرة اسمع بيها محامية ماجنت اعرف من قبل باوعت بعيونهة كلها ثقة وقوة احس مي بارد ونزل على گلبي طبطبت على ظهري وهي تكول...
-ديري بالج على نفسج واهتمي بطفلج ماوصيج ترة گاعد تاثرين عليه
محمد: -كافي سوالف عيني خل البنية ترتاح مو زين
واكفة على طولها هسه
-غير اوصيهة يادكتور.
ابتسمت وانتظرتهم يطلعون سوولي بيدهم باي واني هم سويتلهم روحي تعلقت بيهم صح ماكو بينة قرابة
بس روحي احسهة تقربهم يمكن لگت الامان من الخطر لاحگها ابتعدت السيارة واني بمكاني التفتت بسرعه على صوت همس
: ياييييي لككككك عينيييي شوفففف منووو الاجة
لزمت بطني ورحتلها اجت تركض وتضحك حضنتني
احس اختنگت: لجج كافيي خنگتينيي شبيججج
ابتعدت مني ورجعت كذلتها ورة اذنها مبتسمة بخجل: اسفة بس والله اشتاقيتلججج هوايي.
: حتى اني والله.
-اي واضحح
-اكيد
دنكت راسي امشي اجت شجن تركض سلمت عليها
مايرهمن الا يحضنن بس بطني صايرة بصفحة
موتتني
: لجج مشاقيلجج كومياتتت هههه نورتينةة يابة
شلونج
: الحمدلله خالتي شلونها؟
: زينة صارت مشتاقتلج موتت
مشيت وياها درت وجهي وعفستة بلطافة جان خاتل
ورة الباب ويباوعلي مبتسم رحتلة ودنگت علية بستة بوسة ام الطگة لزمت ايدة وبستها وعضيتهة
: رضاوي امي مشتاقتلك هواية.
ضم وجهة خجلان وراح يركض كدامي عيوني دور بالبيت على خالتي اخذني البنات لغرفتها لكيتها گاعدة على الجرباية من شافتني ضهرت ملامح الصدمة على وجهة كامت واني رحت اركض شبكتها بقوة وصرت اشهگ وهي تبچي استمر وضعنة دقائق
لزمت وجهي بديها وصارت تمسح بعيونهة
: ليش هيج لبوة طيحتي گلوبنة صار بية مافكرتي بية شلون تروحين وماتگلينة
: مو بيدي جان لازم اسوي هيج.
لزمتني من اذني: بعد اذا عدتيها املص اذاناتج الضاهر انتي محد مخوفج
: هههه حيل محد مخوفني
رحت كعدت حسيت نفسي اختنگت منا الفستان حار لان الجو يختلف ومنا بجي وخوف كمت من مكاني
همس: -هااا وين رايحةة
-شبيج اطلعلي ملابس اروح اسبح
حجن البنات سوى بصوت واحد: -تسبحينننن
ندى: -شبيجن شگالت هي هسه
همس: -ماما يعني هستوها اجت بعدني ماشفنة وجهة راحت تسبح وين صايرة هاي
-صايرة عندي ولجن راح اختنگ حقچن ماتدرن.
عفتهن يتعاركن ورحت اسبح احس خفيت جنت شثگلني لبست ثوب كشمير عريض من خالتي لان ملابسي الاسود بس قطعتين حارات رحت كعدت بغرفة خالتي وعيوني دور بملامحها مابيها اثار مرض
شكلهة عادي: -خالة انتي مو مريضة وبين الحياة والموت شو احس كولشي مابيج
-هااا مو اي صرت زينه اليوم الا صحيت
-شجان مرضج؟
همس: -يمةة ولج شصايرة شوف بطنج راح تجيبين
-ها اي صح بطني جبيرة يمكن زلال بعدني مامراجعة دكتوره
ندى: يا شهر الج؟
-الرابع دخلت بية
شجن: موجنهة جبيرة يعني مو مال رابع
-اي مو كتلج يمكن زلال
ندى: -مامراجعة دكتوره ابد؟
-بس مرة وحدة عود كلت اليوم اروح بس بعد اجيت
همس: -يمة صايرة تخبليننن شوفي خدودج يمةة
-رجائا لاتقربين خالة فدوه صيحي بيهة ماحب واحد يگرص خدوي
همس: -بس شويه حبابة
-ما ما ولي يمة خالة صيحي بيها
كفختها خالتي على راسها: -ماتشوفين البت تعبانة بيها حيل
همس: -امي محايزة بسرعه باعتني انضمت لجيش لبوة المفترسة.
شجن: -هاي الاصل لج
رحت لخالتي ونمت بحضنها ميتة تعب حتى كلام ماحجيت المهم هسه هي بخير كعدني البنات الدنيا العصر
همس: -يلا يحلو كوم اكل انتة والبيبي
مطيت جسمي وكمت صدوك ميتة جوع وهناك بس اكل لكيتهن محضراتلي صينة كعدت مارفعت راسي الا ماسحة نص المواعين.
همس: -شكد صارلج ماماكلة وين جنتي بافريقيا
ندى: -بالعافية بيش طالبتهة
-لا باليمن اشتغل وي جماعة الحوثي
-منو ذولة شيشتغلون؟
-يخيطون فتوگ.
-والله زين بس مبينين فقرة لان بيها فتوگ هل كتلج الجوع
ندى: -امشي سويلها جاي
-لا ماريد يسوي جالي ماناقصتة بس لو عصير زبيب باررررد من ايدج الحلوة
-تامريني امر
-مايأمر عليج ظالم عمري
سوتلي العصير والتمن عليه يسألن بية بقيت اسولفلهن وعيني على خالتي ميت سؤال براسي معقولة يطلع كولة جذب، كل ماسألها يبدلن الموضوع
مر اليوم نمت من وقت نفضت راسي من الافكار التعصف ذهني كل شويه وغفيت حتى بنومتي مامرتاحة.
كعدت بنص الليل ابچي ماعرف انام على ضهري دمعتي صايرة ارخص من المي ابدد ماجنت هيج بس روحي انخذلت وخاب املها من اقرب شخص الها ماوجعني الضرب اكثر من كلماتة احسهن سجاجين نبتن بكلبي معقولة يعيرون انسان على شي الرب اختارة الة مو اني القتلت اهلي حتى بقيت وحيدة ربنا اخذ امانتة.
بجيت بحركة واني اخوض نقاش بيني وبين نفسي بنص الليل كمت من فراشي وطلعت بالحديقة كعدت بالمرجوحة وتذكرتة كولشي يذكرني بية كمت من المرجوحة ودفعتها بحرگة كعدت على الصبة وخليت راسي بحضني وحاضنة بطني والافكار ابد ماعافتني.
معقولة هذي خطة يمكن حيدر مهددهم حتى يرجعني الة سوى كل هذا.؟!
لا مستحيل خالتي ماتسويها بس لازم اخذ حذري اشوف شنو تاليها تنهدت بقهر ورجعت انام كعدت الصبح متاخرة اخذت حمام طلعت وصارت بوجهي زينه بدون مقدمات حضنتني وتسب بية
-الجلبة الحقيررة اخر اهتمامج اني خاينة كل هاي الفترة ماسألتي عني تفوو عليج
-هيوو كافي عاد وخري مني واحجي عليه مو حاضنتني راح اختنگ وليي
دفعتها وصارت وحده تباوع بالثانية خطية ضعفانة وبطنها كبرانة مسحت دموعها من شافت بطني.
-الفف الحمدلله بعدج حامللل والله جنت افكر بيج ابدد مارحتي عن بالي ابدد
-حتى اني والله
-بس انتي صايرة دبة
-انچبي
-عمتي جاية وياي روحي سلمي عليها
رحت اسلم على عمتها كامت بوجهي واستقبلتني بحرارة.
-صلوات على محمد وين هالغيبة خاب لبلابة
شتاگينة الج عاعع صايرة تخبلين عين البارده عليج
-فدوة لعمرج خالة.
كعدت يمها وخالتي والكل موجود بس كل ماباوع لخالتي كلبي يلجمني احسها جذبة واليوم احسمها وامشي مستحيل ابقى وارضى باليريدونة ابدد.
-اي يمة لبلابة دريتي بالسالفة
-ياسالفة؟
-جا مادريتي بحويدر مسحور والمسويتله السحر بت خالة هاي الچربة التفتر عليج روينة مدري هويرة
-سحر! هههههه شنو هاي النوب هيج السحر يسوي
بقن يسولفلي الاحداث الصارت بغيابي الكل يحجي.
ويبرر اله احس روحي طلعت كل هاي العبة حتى ارجع كلها جذبت علية حتى دكتور محمد.
كل هذول الناس وي حيدر متفقة علية عفتهم وطلعت غراضي ودموعي ينزلن سحبن مني الجنطة مابية حيل بعد دخلت الغرفة وغفلتها علية الكل يحجي سديت اذاناتي مااريد اسمع شي يخصة لميت روحي وبقيت على وضعي منا للعصر طلعت من الغرفة عيوني حمررر.
شفت خالتي تخطيتها ورحت اجيب التليفون اتصل بزوجة دكتور محمد ماعندي غيرها لزمت ايدي نترتها
صحت بيها...
-عوفينييييي تضحكينننن عليةةةة كلكمممم جذابيننن بينتتت معادنكممم الحقيقيةةة
-ولج يمة ماشفتي الولد شصاير بية عليج جاي اكولج مسحورررر تعرفيننن شنوو. مسحور يعني مو
بوعيةةة بنيتي افتهمييي الولدد متأذي اكثرر منجج
عفتها ودخلت جوة وبقيت على وضعي حابسة روحي بالغرفة لابية حيل اطلع كولش تعبانة مو حمل متت ماضن اكمل، اكلي يوصلني للغرفة لااحجي وي خالتي ولا وي البنات...
بحثت بموبايلي هواي عن السحر وشيسوي طلعتلي فيديوهات وگفت شعر راسي ماجنت مفكرة السحر هيج يسوي بس هم ماگدر ارجعلة ماانسى شينسينيي انسى ضربة وكلامة الشگ گلبي شينسينياه.
استمر الوضع مااحجي وي احد ابد بيوم طلعت اشوف رضاوي واشوف خالتي طايحة بالگاع وجهة ازرگ ونفسها ضايع تسودنت رحت الها وشكيت ثوبها من ناحية صدرها وصرت افرك بصدرها لميت البيت بالصياح اجة زوجها شالها وطلع بيها لبست شالي ولحگتهم اخذناها للمستشفى جنت متاكدة جلطة
وفعلا بس ماضاربتها لان لحگنة عليها بقت بالمستشفى اليوم كولة بقيت وياها منا لمن خرجنها
ومن هذا الموقف رجعت علاقتنة...
ثاني يوم الصبح كاعدة يم خالتي واندگ الباب محد موجود بس اني رحت افتحه انصدمت من شفت خالتي أم حيدر اول ماشافتني حضنتني وصارت تبجي...
بسمة: -ولج يمة كلبي ناررر عليج سودة بوجهي إن شاءلله
-عمري كافي مو زين على صحتج
اخذتها وگعدت يم خالتي احس نار بگلبي كمت اشرب مي ثلج ودموعي تنزل ليش يذكروني بذيج الفترة ليش جانت هينة علية بالف ياعلي الاتجاوزتها بس بقت اثارها بية اخذت مي وقدمتة الها...
-شلونج يمة؟
-الحمدلله بخير
-دومج يمة ماتستاهلين الا كل خيرر
-شلونة وياج الحمل؟
-موتني والله لانومتي نومة ولااكلتي اكلة
-راجعتي دكتورة؟
-لابعدني مابية حيل امشي
-امشي البسي اخذج
-لا والله ماگدر هسه غير وقت إن شاءلله
سألتها على البنات شكد فرحت لازل من نجحت بهذا المعدل العالي تستاهل ثمرة تعبها، طول الوقت ابد ماجابت طاري ابنها جلبنه بيهة للغدة تعذرت كالت البنات وحدهن بالبيت وصلتها للباب ورجعت نمت.
كعدت العصر البنات جايات من الدوام نايمات وخالتي نايمة رحت اسوي اكل واسمع الباب يندگ من زمان نصيت الطباخ ورحت افتحة.
-اي يابة اجيت على كيفكم الباب تكسررر شيوصلني
دخيلك ياعلي اوكفففف
وصلت الباب بالگوة فتحتة وانصدمت بشوفت حيدر بسرعة طبگته بوجهة بس هو قوي ماخلاني اطبگة دخل للبيت وسداة عفتة ورحت اركض بس وين شيركضني سحبني من ايدي وجرني علية حضني بكل قوتة واني اضرب بية واصرخ...
-عوفنيييي ماريدكككك لاتلمسنييييي قذررررر ماتفرقققق شييي عنهمممم ماريدكككك
حنجرتي راحت من الصريخ ونفسي ضاع
بحضنة سكتت اريد هوى راح اموت بعدني من حضنة شوية وباقي مجلب بية من ايدي نترت ايدي حيل واني اصرخ بوجهة: عوفنيييييي لاتلزمنيييييي
: بس خل احجي وياج مااريد شي منج بس احجي
: ماريددد احجييي وياكككك عوفنيييييي
خلصصص كولشيييي انتهىىى وانتتت خربتةةة.
من شاف حالتي شوية وافقد عافني رحت بوجهي للحمام رجعت لحالتي القديمة صرت افرگ بجسمي وابجي اجت خالتي دگ بالباب عبالها بية شي
طلعت وبوجهي لغرفتي غفلتها علية مرت يومين حالتي حالة بس صافنة كلمة وحدة ماانطق...
اجت خالتي حضنتني وخرت منها ودرت وجهي عنها.
-لبة يمة حبيبتي بس اسمعيني هذا البيت بيتج واحنة من سوينة كل هذا علمودج رجلج يحبج ماتذكرين من جنتو قبل شلون مداريج ويحبج الضحكة جانت ماتفارگ وجهج يعني انتي تعتقدين اذا ابتعدي راح ترتاحين صدگيني لا راح تعيشين بين نارين كلبج وعقلج متخاصمين اكعدي وياة واصلي لحل نهائي اضربية احجي شتريدين سوي سوي بس واجهية خل نشوف شنو النهاية
-ماريد اشوفة
-عيب من الولد كل يومية جاي عليج
-طبة مرض ماگايلتله يجيني مودية علية.
-لج خطية باجر يلتحق واجة يشوفج
-ماريددد اشوووفةةة اطلعيييي براااا ماريددد اشوفففف واحدددد عوفونيييي وحدييييي
عافتني خالتي وطلعت تسودنت بس ابجي عيوني صرت ماشوف بيهن مثل حالتي اول ماسافرت
مسحت وجهي وردت اشوفة رحت لشباك المطبخ اباوعلة يكسر الخاطر حالة حال بس مو مثلي.
مسحت دموعي وصرت اعصر بگلبي دگاتة علت من شافتة اريد اروحلة بس شي يمنعني اي ذني كلماتة اكيد طلع ورجعت ابجي وغافلة الباب علية مر يومين شوية تحسنت محد يجيب طارية گدامي
گلت اليوم اروح للدكتورة الصراحه اني ماعرف دكتورة نسائية اتصلت بزينة اروح للدكتورة التراجعها اتصلت عليها بسرعة جاوبتني.
-علاءءءءءء
-ها لا مو علاء لبوة وياج
-ولججج لبوةةة صايرررر هجوممم وعلاءء ماكو
صرت ابلع بريگي صوت نشقاتها وترني: -ياهجوم.
-روحي شغلي التلفزيون بسرعةةةة
رحت ارجف شغلت التلفزيون صرت ارجف ماكو هيج شي شنو هاي الاخبار سديت التلفزيون ورجعت اتصلت بيها طولت هواي الا جاوبتني.
-هاا زينة شصار شلونهمم الولدد؟
-علاء خابرني هسة
-اي زين؟
-زين بس
-بس شنو؟
-حيدر متصاوب.