رواية لبوة علي للكاتبة كفاية كاظم الفصل الأول
الساعة 8: 30 صّبًآحًآ
اشاهد قطرات الندى زايدات جمال اوراق الشجر ابتسمت وحركت بيدي المي الصاير فوگ الورق ريحة التراب المبلل تبعث بالروح هدوء لعبت برجلي بالتراب هههه شبية طفلة قابل الجو كولش حلو غسلت رجلية ورحت فتحت الباب الرئيسي شفت الاطفال تلعب مليت راسي على الباب واتأملهم همست بين نفسي...
-تمنيت العب مثلهم واجرب الطفولة عزلوني وفرقوني عنهم ليش؟ شنو ذنبي حتى صرت منبوذة عند الكل اوففف مايهمني هذا الموضوع اليوم
لوحتلهم بيدي وابتسامة على وجهي مرسومة
سديت الباب لايجي واحد يسد نفسي دخلت جوة.
اليوم استراحتي نضفت البيت خليتة ينطي لمعة اهم شي بعد التنضيف معطر الجو رشيت بالببت ورجعت اسوي عناية لبشرتي سويت تقشير للبشرة وشوية تعديلات باوعت بالمراية وگرصت خدودي صارن حمر.
: -خوش مرطبات مو؟
لا عيني بشرتي خوش المرطبات شعليها.
فزيت من دگ المنبة رحت اركض يبوو شلون نسيت ادرس الحالة دكتور سليم هسة يخزيني...
لميت شعري المفتوح بكل وقت بس من اشتغل المة
طلعت الملفات وطشرت الاقلام و ورق گعدت ادرس بالحالة بكل تركيز بقيت حوالي الساعة ونص اني على گعدتي حتى رگبتي صارت توجعني اوففف تعبت...
عفت الاوراق من ايدي وگمت اطگ برگبتي رحت اشوف شباقي عندي من حلويات ماارهم اذا مااسوي فد اكلة حلو خاصة الكليجة لان اخذ منها وياي للدوام.
فتحت الجرارات لكيت الكليجة مخلصة قررت اسوي طلعت المكونات كولة متوفر عندي ماخلي شي ينقصني گعدت اعجن بالعجين وي صوت القصائد مشتغل يزيدني واهس...
كملت العجينة ورحت شغلت التلفزيون على الاقل يغطي على الهدوء المحتل المكان...
الهدوء صح مريح بس بية جانب مخيف اذا ركزت بية بس عاجبني كولش مادام الله وياي ماحتاج احد غيرة هو انيس المستوحشين...
عايشة بيت اهلي وحدي افضل مااعيش وي ناس ماتريدني ولا بحالي ياريتهم مو بحالي هما شلو حالي وبالي حسبي الله ونعم الوكيل على كل ظالم...
رجعت اكمل شغلي تفننت بالاشكال السويتهن بيوم اجازتي ابد مااگعد اطبخ انضف امشي على روتين محدد اعرف شلون استغل وقتي الثمين.
احس غصة بگلبي بلعت ريگ انتبهت لايدي ترجف عفت البيدي وصرت استرجع ذكرياتي وي مرت عمي سعاد مر گدامي مقطع من الماضي يحمل وياة كميات
من الذل والجوع نزلت دموعي بسبب قلة حيلتي بذاك الوقت.
جان اول يوم العيد قبل بفترة الاخذت جهالهة وشترتلهم ملابس الحفت وجههة السوت كليجة.
بقت بنفسي اكل كليجة اشوف شلون تسوي بيها تمر وحلقوم وجهالهة محاوطينها يلعبون بقيت باب المطبخ اباوع عليها واتعلم منها الطريقة.
انتبه لوجودي ابنها مازن عوج حلگة ماعاجبة وجر امة من ردنها: -يمة شوفي بلوة مگابلتنة شعدها تباوعلنة ماتروح منا.
اتجاهلته واخذت عجينة لفتها بيدها ذبت نفس وحجت بقلة صبر: -عوووفها
سكت وعيونة تتوعدلي بس شحدة يمد ايدة لو يسويلي شي الا اطينة بقيت على وكفتي اترقبها سوت كمية كولش جبيرة وصارت تبرد بيها
الريحة ترست خشمي وخلتني اجو...
ماكو انسان احقر من هيج وحدة مانطتني شتخسرين لو خليتي بيدي وحدة طلعت بعد ما آيست رحت بالشارع باوعت لبيتنة واعتلت انفاسي.
-وينك على ليش هيج تأخرت بيتنة محد يدخل بية من رحت ولجاي يمتها ترجع تشتريلي ملابس تنطيني عيدية وينك عني؟
رحت گعدت بطارمة بيتنة التراب مغطيها المكان حزين مثلي محتاج خطوات على الحنين.
مرت اطفال يلعبون واني اترقب بعيوني تمنيت يلعبوني وياهم ضربت گصتي: -نسيت اني فگر مايصير التقي بيهم.
بين فرحت الناس للعيد وبين غصة گلبي وحزن روحي شمعرفني بالحزن واني بهذا العمر!؟
اكيد الحزن عرف عن نفسة إلى اوفف باجر يوم مشئوم لازم احصلي كتلة معدلة بيه ناس مستوحشة يذبون حرگتهم بية قابل يرجعون لجهالهم.
بدأ العيد والجهال تارسة الشوارع كل واحد بيهم مبدل وكاشخ ملابسهم متلونة احمر واصفر وازرگ مسدسات بيدهم والعاب نارية وغيرها.
كل مجموعة تروح لمكان معين شي مراجيح وشي تشمر طگاگ بالبيوت رحت اجر بثياب الحزن العلية
دخلت لبيت جدي بعد ما الشمس فرغت طاقتها بية
الساعة حوالي بهدعش همزين عمي سلطان طالع
مابية حيل اعايدة باوعت بارجاء البيت مرت عمي الثاني فاطمه رايحة لاهلها بغداد وبس سعاد الحية
موجوده حتى جهالهة دايحين.
باوعت من باب الاستقبال شفتها مندمجة بالسوالف وي ام حسين الحفافة ثنينهم نفس الطينة سم يذبن حياية مو نسوان.
رحت امشي على اطراف اصابعي جني حرامي اتختل دخلت للمطبخ شكبراتة وسم محد ينطيني بس الهم ياكلون مفطح كولة لحم هبر واني مخلصتها بالبستان خلفلة على التمر الله مايگطع بعبدة اكو شجرة بالبستان متروسة تمر حتى بالشتة يبقة معلگ بيها اسد جوعتي بالخلال عود اذا واحد خطرت بالة يصيحلي ويطلعونها سم علية...
دورت بكل الجرارات ادري وين مخليتها كنز خو مو كنز بطني صارت تطلع اصوات من الجوع.
صعدت على الدبة وفتحت الخانة طلعت بوجهي خليت ايدي على حلگي اضحك جني ماشايفة خلاف على صرتي حالة حال المجادية.
حجيت بعفوية وي نفسي: -اليومم راح اضوگها ههه شنو طعمهاا هاي تراب الملوك يمكن لاهذاك يختلف هاي كليجة احسن من تراب الملوك هاي تراب السلاطين هههه
ترست ادية ترس وسديت الخانة وراي الفرحة ماواسعتني شوية واهوس من الفرح راح اكل كليجة العيد يكول محصلة جائزة هههه...
جفلت بمكاني واختفت ملامحي من شفتها وراي رافعة حاجبها ومكتفة ايديها الشر مرسم رسم على ملامحها.
هسه هاي شجابها شلون حض اغبر عندي بلعت ريگي ورمشت بعيوني برائة واني بداخلي اردد دخيلك ياعلي خلصني...
هسة شجابني لغراضها شورطني جرتني من ثوبي ورگعتني راچدي دارتني صفح...
سعاد: -ولج زغچة شعندج بمطبخييي
لزمت خدي صاير ناررر حديد مو ايد كسر إن شاءلله
ذبيت البيدي كلة على الكاونتر ودموعي بطرف عيني.
مايقبلن ينزلن بقت وحدة بيدي غلست عليها ودنگت بالگاع سحبتها من ايدي سحب ورجعت ضربتني راچدي باوعت بعيونها ماكو بيها رحمة وعطف.
-عيووونج ااافكسهن الج لاعبالج خضر وتتمازين بيهن ديربالج ترفعينهن اافتهمتي
هزيت براسي اي و لفت شعري على ايدها احسة تگطع بس ماحجيت مستحيل اتوسل بيها.
سعاد: اذا ثانييي مررة طبيتي للمطبخخ اكسررر رجليج تكسر افتهمتي لو لا.
هزيت راسي ودفعتني خارج المطبخ تكومت على وجهي ايدي صارت جواي احس تكسرت صارت عيني بعينها عيونها متروسة حقد وخباثة وغيرة حجت وهي تتوعد الي.
-هاا اني شگللت گبللل شووية بس انتي مايفيد وياج الا بنعال ارجعيي لشوارعج ام الشوارع لاتلفين لبيتي بعدد افتهمتي لااندمج على الساعة الفكرو يخلفونج بيها ويشمروج يلاااا برااا
كمت واحس جسمي تكسررر بالمعنى الحرفي هسة اني شسويت ليش كل هاي الحقارة...
طلعت شفت الجهال تلعب وكل واحد عيديته بيدة يضحكون سوة باوعت لروحي وخنگتني العبرة ليش اني مو مثلهم؟ لالبس لاعيدية لحد يقبل العب وياة!؟
طلعت اركض لا يشوفوني ويبقون يصيحون وراي...
وصلت للبستان ودموعي نزلن ارتاحيت محد يشوف دموعي وينكسر خاطرة علية رحت للاسطبل شفت ايلام ياكل جت كعدت مقابيلة لامة روحي
وابچي من كل كلبي اشتاقيت لعلي الوحيد الاذكرة بكل وقت وكولشي يصير وياي اعاتبة واشكيلة...
-وينك ليش هيج اتأخرت شگد انتظرتك اجة عيد وراح عيد وانتة ماكو شوف شكلي وشوف الجهال
مووو نفسي محددد نفسيي كلة من وراك ماخذتني
ويااك رحتت وحددك...
مسحت وجهي لايجي واحد يشوفني ابچي باوعت لايلام وحجيت وياة.
-حتى انت احسن مني اكلك يجيك ومحد يضربك ولايعييب عليك بس اني محد يريدنيي.
كرهت روحي وكرهت الجوع الخلاني اروح المطبخ سعاد وامد ايدي على اكلها كرهت الناس لان كل واحد عايش لروحة محد فكر بية كرهت البعمري.
لان شبعت تنمرر كلام جارح تفرقة سخرية
من هذا اليوم قررت ماالتقي باي شخص...
كبرت وصرت منعزلة تماما ماحب اختلط بالناس ولا احب اسولف ولا ابني علاقات هذا هو المطلوب.
شكد مرت سنين وهذا الموقف الحقير مترسب بعقلي بكل تفاصيلة.
مسحت دموعي وابتسمت اواسي روحي الملچومة المحد الها: -خلص لبوة كولشي خلص صار ماضي لاتذكرينة بعد شوفي هسة انتي وين
باوعت ل. بيتي المتواضع صح قديم لكن هذا هو ملاذي ضحكت متجاهلة الالم روحي.
رحت لتليفوني اليرن عرفت المتصل منو شكم واحد يسأل علية هي بس صديقتي الوحيدة فتحت الخط واجة صوتها العالي شگ اذني رغم تعرف بية ما احب الصوت العالي ماترهم الا ترفع صوتها...
-الوو
زينة: -صاررلي شگدد اتصلللل بيجج ليشش ماتردين لو اااني مااعجب موو ااني صخااامج شلعتي گلبي حقجج عيني ماتجااوبين اااحنة نااس فوضووين وهسة شبعتيي راحةة لو بعددج.؟
-كملتي؟
-لا
- شبيج؟
-تعذريني صرت عصبية عليج خايبة اشتاقيتلج وعلى ماارهم بدونج جني جاهل مضيع اهلة خلافج
-لهل درجة!
-أي والله واكثر غير مامتعودة تفارگيني بخت اليوم طاح حضي وانتي شبعانة راحة شعليج
-صدوك لو گالت زمرد حسدتني حماتي على طولت عباتي هسة اني شگد غبت
-لج دادة اليوم بعدال شهر ينحسب عليج
-هيج
-اي هيج خاب ماگتلج دكتور جهاد كتل روحة كل شوية جاي سألني عليج لو تشوفينة وجهة اصفرر عليج ههه والله يحبج
-انچبي.
-كل شوية واجة يسأب لبوة شعجب ماجاية مريضة؟ بيها شي؟ احد محاجيها خبصني خبص
-وانتي ماقصررتي المننن ترديننن علية غلسيي عنة الا تجاوبينة
-التغليس شغلتج اني ماعرف اغلس اسفة
-استغفر الله شلون يطلعون روح الواحد
-هسة فوگ مايحبج
-كااافي شهللل سخااافةحببب ماااحببب ترة روحي لعبانة اني وين وهاي الناااس وين بطرانين ذولة
-على كيفج دادة اوي هسة منو لاگية دكتور يحبها ولج يجلبن بديهن ورجليهن.
-خل يجلبن ياختي مااريدد هي كوةة انعل ابوو الحب يابو الخلة هاي الخرافات والزعبلات يضحكون على الماعدهم عقول بهذني السوالف
-يمة منج ترفسين بالنعمة
-استغفر الله شهل حجي لاتجيبين طاري النعمة وي هيج موضوع سخيف
-اوي دادة سخيف
-اشو كاضيتها دگ سوالف ماعندج مراجعين عملية؟
-لا اليوم ماعندي عملية بس مراجعين تارسين الممرات
-لعد ماتروحين تشوفينهم عيني؟
-راسي طارر ولج مايخلصون يعني مايصير اخذلي شوية ريست.
-لاميصير اكو ناس محتاجة تكشفين عنها دكتورتي العزيزة
-يلا رايحة رايحة اخلص من سليمة تجيني انتي
-عفيه كملي شغلج حتى الله يرضة عليج
-بايييي
-وجعايي حتى وجعاي
سديت الاتصال من زينة ورحت اعزل بالمطبخ بردت الكليجة وخليتها بعلب شغلت التلفزيون وكعدت اتابع مسلسل مندمجة وياهم...
-ولك اي ابو سميرة شدها بعد حيلي هههه ادري جبتو المسلسل ركض ماتعبون كلة صوچ المخرج.
صار علان و صعدت فوگ السطح انزل الملابس نزلت وسمعت الباب يتعطر...
-شنوو. هجووم ترررة الباااب اااريدة ماشامرتة
شبيكمم ماتعرفونن بالذوق
-ادهم: لبوة لبوة لبووووووووووووة
-ها ها شبيك ثبرتني شبيك صايبك الحمزة
فتحت الباب ودمي فاير زعجني كولش طلع بوجهي ادهم ابن عمي فحطان وكوة يحجي.
-لبوة إيلام
لبوة: -حجيت بفزع ودگات گلبي زادت: - شبيه إيلام؟!
ادهم -ما ادري بس جنه راح يموت.
لبوة: - تمووووتون كلكم ولا يصير شي ب. إيلام
المن باااقينن اذا صارر شيي ب. ايلامم
ادهم: -عايشه الدور يكول حبيبج هههههههه
لبوة: -ااانجببب واحتررم نفسكك
رجعت للبيت جريت صاية وشال لبستهن شلون ماكان ورحت للبستان امشي ما حس برجليه على ساعة كلبي يوكف وصلت لكيت إيلام بالكاع يلاهث
احس روحي جاي تنسحب مني كعدت على رجليه.
يمة وامسح بشعرة بيدي الترجف هذا حضي الدنيا حتى على ايلام لحگتني ماخلت لاب ولا ام ولا اخو على الاقل عوفي هاي الذكرة الي.
: ايلامي إيلام مووقتك هسه...
لا تروح إيلام
كلهم عافوني انت لاتعوفني وتصيرر مثلهم
سنين احنة سوة قاسمتك حزني، انكساري، تعاستي
وحدتي، يهون عليك ابقى وحدي لا ايلام فدوة
لا تروح.
صوت نفسة العالي وعيونة الجاحظة دليل على قرب رحيلة ابتعدت عنة وعيوني غوشن والرجفة بحث اخر صرت امسح بوجهي ودموعي ينزلن باستهتارر
ايلام هدية ومن اغلى شخص إلى من والدي رافقني مطبات هواي الوحيد اليسمعني وافضفضلة عوضني عن هواي ناس واليوم قرب رحيلة.
افتريت حول نفسي واني صايرة نار احس جسمي يلسع.
-ههههه الدنيا بعد شتبقي عندي لحگتني على ايلام لان احبة على واخذتية من عندي ويننن العدالة كولشييي احبة ينوخذ مني ليششش بس انيي
موجوده بالدنيااا
سكتت ومسحت وجهي من سمعت صوت اشخاص جايين باتجاهي...
ادهم: -يلا بويه تعال ملا كابلني نخليه بالسياره
شالوة وخلوة بالبدي روحي رجعت للماضي احس
بمرارة الفراق تنعاد من جديد الله لايگولها شيصير بحالي.
ردت اصعدت بالبدي.
ادهم: -ها لبوة وين رايحه اني والملا ناخذة انتي ابقي هنا
ما جادلته صعدت يمه و دموعي تنزل مكدرت احجي شي هواي عاتبت شفاد عتابي رجعت الراحو سنين واني اعاتب بعلي رجعلي لا اليروح مستحيل يرجع
هواي عاتبت اهلي العافوني بوسط غابة يم ناس متوحشين ماكو بگلوبهم رحمة...
طول الطريق العب بشعرة الناعم ودموعي تنزل بدون اي ملامح على وجهي عيونه الكبار مدمعات جنة يكلي لاتبجين احس بوجعة رغم معتنيه بيه كولش مجهزتله.
اهتم بيه أكثر من روحي وإذا حسيت بيه شي اجيبله البيطري، وصلنه لعياده البيطري نزلوه ودخلوة جوة بيقت منتضرتهم برة واحسب بصابعي.
واحد، خمسه، تسعه، اربعه، عشره
روحي نار مشتعلة احس باي لحظه يكولون راح مثل ما راحو إلى هواي ناس غالية إلى تعودت على الفقدان كل شي احبه يروح...
ماادري شكد مر وقت صاح الملا علية وابتسامة مرسومة على وجهة يطمني بيها.
-بويه علكيفج وي روحج مابيه شي فرسج.
عود هاي انتي لبوة وهيج جا شخليتي للواويه كافي مابية شي
الكلام نفذ مني حجيت بصوت متقطع: ع م و يعني ما م ا ت؟
-لابويه مابيه شي روحي شوفية
رحت وحيلي مهدود محد يعرف قيمة ومعزة هذا الفرس عندي غلاتة تعادل وجود هواي ناس دخلت
وعيوني دورة بس اريد المحه شفت الدكتور يفحص بيه و ادهم يمة...
-ها دكتور شبيه إيلام؟
الدكتور: -بضحكه هاي شنو بابا شمسويه بروحج شوفي وجهج شصاير بيه جنج امريكية هههههه.
ادهم: -دكتور هسه أنته دكتور نفسي لو بيطري عالج الفرس ولا تدخل بيها
خزرت ادهم اريدة يسكت هسه انت وقتك رجعت باوعت للدكتور بملامح باردة
: -مو مهم اني المهم هو بخير
الدكتور: -فعلا الفرس غالي ما يتفرط بيه
سمير صبيح يكول افرط بالغنم بس ما فرطت بالخيل
قاطعه ادهم وهو يحجي بصيغة استفزازية: -اي دكتور غالي كلوووشش غالي وهسه نكدر نأخذه
احس راح تصير عركه لأن ادهم ما يعبر كلمه.
باوعت للايلام تنفست احس ردت روحي داعبت شعرة وابتسمت انطاه الدكتور ابرر وگال عندة تسمم...
رجعنة بية وطول الطريق اضحك وفي ماعافني دخلوه بالاسطبل بقيت يمه فترة شفتة كولش زين ومفعول العلاج مشة بجسمة وصيت الملا علية ورحت للبيت جدي لولا بيبيتي زمرد مااخطي عتبتة
دخلت الاستقبال لگيت زمرد بيدها صينة عدس تلگط بيها...
-شلونج زمزم.؟
بوست ايدينها وكعدت مقابيلها
زمرد -هلا بريحه الغالي على ليش ما تمريني جده.
حارمتني من هالعيون الحلوه شمسويتلج گاطعة بية
-زمزم انتي تعرفين اني ما اتحمل كلمه منهم ما طيقهم كل ما اجي تصير عركه واني اجي علمودج
زمرد-جا هو بكيفهم البيت بيتج واليحاجيج اكسرة بالعكازة
-زمزم كتلج تعاي يمي هو بس انتي إلى هنا إذا اجيتي يمي شسوي اجي بعد بس انتي وين ولدج اهم بهواي وسعاد حبيبة گلبج متعودة عليها ماتحبين تفارگينها.
-يمة من السانج شطولة
لمتني بحضنها الدافي احس بحضن على نفس الدفو.
-والله ياچدة لا سعاد ولاغيرها ماتضاهي معزتج عندي
شويه كمت ما اريد اشوفهم ولا اسمع صوتهم القذرر
- هاا جده ضلي للعشه
-لازمزم بأجر عندي دوام اريد امشي
-الله وياج بس مو تگطعين بية
-إن شاءلله
رجعت لبيتي صاير قريب عليهم طلعت ملابس ودخلت للحمام الشي اليريحني المي ابقى ساعه بالحمام ومرات أكثر...
لفيت شعري ورحت اسويلي اكل سويت شي خفيف ابد ماحب اثگل زينة تگلي ينفخون عليج تطيرين.
بس اكيد تشاقة وزني مثالي يناسب طولي القصير
جداً اكلت ورحت اغسل المواعين حياتي روتينية لابعد درجة من الدوام للبيت لاالتقي بفلان ولااروح
لعلان...
اذن الاذان صليت وصعدت فوگ السطح
حيث الهواء الطلق والنجوم التي تعني لي الكثير عندما كنا صغار كنا نضن ان ابتعاد الاشخاص عنا دليل على انهم اصبحو نجومآ في السماء...
گعدت ولميت رجلية لصدري وعيوني دور على ثلت نجمات دورت براسي ولگيتهن ابتسمت وخليت اصابعي على صدري علي، نجمة، ايلام
انتمائي عائلتي انهم هنا بعيدين عن ناظري دقات قلبي تخاطبهم لعلهم يسمعو فوضى روحي العارمة
-تدرون لمتكم ناقصتني شوكت نصير اربع نجمات؟ شوكت نخلص من هذا العالم المزعج كولشي من بعدكم ازعاج الي.
بقيت فترة من الوقت بدون كلام كافي كلامي نفذ ماعندي شي ينحجي لميت شعري الطاير ونزلت جوة وراي دوام حياتي منظمة بشكل محد يتخيلة وقت نومي اكلي استراحتي الوقت الفلاني اشوف مسلسل الوقت انضف كولة محدد صارت الساعه بالعشرة موعد نومي رحت تاكدت من الغاز وقفل الباب والشباك
طفيت الاضوية ورجعت انام...
ناررر بكل مكان الحرارة لهبت روحي تعالت انفاسي وصوتي اختفى اريد اصرخ راح احترگ نارر گبت بية
احترگتت...
كعدت اركض وجسمي يصب عرگ رحت شغلت الاضوية وجسمي حاررر دورت بالبيت كولة ماكو اثر حرگ لو نارر النار بروحي مشتعلة...
رحت للحمام وشغلت المي البارررد ماحس برودتة ابدد دموعي نزلت بغزارة حتى بنومتي مامرتاحة
وينن مارروح ناررر حتى باحلاميي نارر.
تدفق بالمدى صوت اذان الفجر بدلت وطلعت برة حرارتي عالية عكس برودة الجو توضيت ورحت اصلي اباوع لادية لسة الرجفة بيهن قريت زيارة عاشوراء ورجعت انام او الاصح امثل النوم الا ان انامم...
--------------.
الجنود على استعداد الكل منتظر اشارة وحدة حتى نخوض جولة هجومية ونلزم جماعة البارا المعروفين بهذا الاسم عدنة.
علاء: -شني السالفة بنچرين هي يو اي يو لا شبيكم مسطرين الولد جنهم بهايم انطوهم امر خل يرجعون لشغلهم فضوها كافي بزعت رواحتنة
جلال: -انچب ونصي صوتك لا ننسحل مابينة حيل
الجنود تضحك علينة
علاء: -چا عاجبك هذا الوضع لا للسمة ولا للگاع.
عزت: -طيررر حط حط يلا يولدد كل واحدد يرجعع لمكانةة انتظرو البلاغ الجديد
علاء: -ها ولك طيرة شسالفتكم اليومم.؟
عزت: البلاغ الصارلنة اسبوع نشتغل علية طگونة بعرض الحايط كلة جذب وخريطي
جلال: -هاي شلك بيها البلاغ اجة من لواء قحطان
شلون طلع جذب تضحكون علينة انتم
عزت: -شاب راسي شاببب من ورة هاي السوالف التعبانة طايح حضنة ونشتغل وعايفين بيوتنة ويدگون على روسنة وبالاخير كلة جذب ماكو الجماعة صارو بالبباي.
علاء: على كيفك اخو مزعل ترة مو بس انت شدگل لحيدر حتى اهلة ما لافي عليهم هدومه جرجفن علية
من العرگ والقضية هو مستلمها
جلال: -يمة طلع ابو دحام الورد ضد الحرارة والبردد
حيدر -اليوم الا انعلللل والديهممممم ولد النعالللل وين يروحوووون يفلتوننن الا انبشهم من جوه الكاع
ولددديضحكوون علينةةة لانعللل
جلال -خايب حويدر عل كيفك راح تنفجر اول وتالي نكضهم ونعلكهم بالبنكه بس اسكت.
علاء-شبيك حووووبي حياتي أنته والله بيك معطه شو دتعال
حيدر -تف عليك الخايس انوب يريد معطه بحالككك انيييي
علاء-شبيك حووووبي كل خميس أسبح بيش
طالبني
جلال -شوفو الخميس يسبح الخميس اموووحححح
اروحلك فدوة اني وحمدية ام اللبن
حيدر -خاب انجبوا ولووو منييي ماناقصكممم وناقصص تمسلتكمم لعبتوا روحي تففففف عليكم
عزت: يولد مو وكتهة ترة طايح حضنةاجلو حجيكم الماصخخ
جلال: شو انتم ماتعرفون تحجون واحنة شجنة نسوي.
علاء: -لايابة جنة نكرز حب وي الدب واليگلنة انطيني وياك اكلة انجب انجب
حيدر: -احنةةةة بيااا حالل وانتمم تتمضحكون جنكمم نسوانن مطلقاتتت
علاء: -عود ليش مو ارامل ليش الا مطلقات سكتت
وروح امي العايشة.
عزت: -سيدي شلون البلاغ جذب
حيدر: البلاغغ مو جذبب كلة ماشيي تمام بس اكو گووامنة وبينة موصللهمم خبرر وطافرينن كبل ومبدلين كلشي
جلال: -زين ماعرفتم ياگو غدرر بينة.
حيدر: شايفين لو اگضة اشرببب منه دممم انواااع العذاااب اررراوية بس وين يطيررر اني وياة و الززمن طويللل
علاء: -دشوف حيدر وجهة احمرر لايصير بية شي
عزت: - ترة مو سهلة اخذ هاي المهمة والكل نصحة يعوفها هواي راح يشمتون بية
جلال: هو ياهو غير محمود الكو شايف اذا الزمة اصمط جد جدة ابن
حيدر: - يلا يولد عوفو المسامرر وحضرو رواحتكم اجانه أمر مداهمه عزت حدد الموقع بسرعة وانت جلال جيب الاسلكي...
علاء: -شني منين اجة البلاغ؟
حيدر: -عوف منين اجة يلا بسرعةةةة
رتبنه خطه وطلعنة ويانة دعم اخذت الاسلكي: سيد سبعة سيد سبعة تسمعني
-: نعم سيدي اسمع
-بلغ كافة السيطرات بالمداهمة الراح تصير وصيهم يسدون المداخل والمخارج
-حاضرر سيديي
وصلنة للمكان طگيت رگبتي وطلعت السلاح طاوقت الجنود المكان داهمنة بعد ماتأكدنة المكان امن صرت بالمقدمة وبقية الجنود وراي جان كلشي ماشي حسب الخطه...
ضحكت بانتصار اعلكم بالبنكه اليوم وين تروحون مني الا اسويكم شيش گص.
بلحضه صار الرمي من كل الاتجاهات شجاي يصير شلون عرفوا بالخطه امرت الجنود بالانسحاب هذا فخ صار الرمي عشوائي رجعت ليورة بعدني ماطالع واجت طلقة بجتفي استمريت ارمي عشوائي طلعت واجت طلقة من گدام بطني...
صار المكان هندس ودخان ماتكدر تميز الباب من الحايط بس صوت الرمي من كل الطرفين انتچيت الحايط والدم اخذني استمر الوضع على حالة...
حسيت بروحي ماگدر اقاوم عيوني غمضن اجت بالي امي واخواتي منو الهن غيري حسيت بنهاية للالم مع اصوات ماگدرت اميزهن...