رواية عكد الظفيرة للكاتبة زينب جعفر الفصل الأول
{بگلب العماره}
الساعه 9: 36 دقيقه الصباح
بسوك ويه صوت الطيور وناس لتحجي ولتبيع ولرايحه شغلها ولشايله هم ولفرحانه ولحجيات ليسولفن.
بوسط ذوله تركزنه على لحجيه لابسه عبايتها لازمه قمصله سوده تباوع عليها نزلتها خازرته
رمله صدك تحجي بالف شدعوه
ترا كلش زين سعره شبيج حجيه لو تشترين لو ترحين
رمله چاي تغلط وياي وعلى اهد عليك بناتي خمستهن فاهم لو لا
جر قمصله منها فتحت حلكها
رمله شوف شوف شلون
چا شتردين سعرها؟
رمله خمسميه كلش كافيه
اعذرينه
هزت ايدها شايله لعلاليك تمشي
وشافت تكسي
رمله اوكككفف اوكفف، يايمه تعبت تعال شيل لغراض ماتشوف تعبت بعد امك يلا يلا
نزل من سياره شايلهن وصعدت تغم برجال ابو لباله
رمله اكلك يمه ماعندك تدفئه بارده ترا
والله ماعندي
رمله خلي عود، اهخخ يابنتي ردت اجيبلها قمصله بس هذا غلواني حيلل
مشت سياره وهي تأشرله مدليته على بيتهم
رمله منا يمه شجاك متكلي اكلك يسار تروح يمين
اعذريني حجيه.
رمله يلا اهون من ذاك هنا يمك يمك
طلعت جزدانها ورفعت عيونها تباوعله
رمله بيش لكروه؟
الفين
رمله هاك خمسميه
شسالفه حجيه!
رمله على بختك يمه ماتشوف حالتنه ماتحس بلفقير
هز ايده ماشي وغمته داخله جوه تباوع هدوءءءء صاحت بصوت عالي
رمله جننننااااان، جاااه. جليله، جووري. جميله لاصدك هاي صغيره بعدها ماتمشي يمعوداات وينجن
جنان ها يمه اجيتي
رمله لاوالله بعدني دمشي جيبيلي مي اهخ شدعي عليك يا ابو لقمصله.
كعدت على لكرسي جايبيلي مي اشرت لجليله
رمله صفي لمسواك وهاي لعلاكه لخضره عوفيها خوش
جليله أمرچ
رمله وين جاه
جنان بعدها نايمه يم جميله
رمله شكد ادبسزز عود هاي شحاسبه نفسها صغيرهه
كامت بسرعه داخله للغرفه عايطه بيها مخليتها كايمه مخترعه
جاه ها يمه
رمله صخمه ساعه سوده جبتكم كومي كومي
جاه وين
رمله وين يعني ساعدي لبنات
جاه اهووو
كامت وغمتها رافعه عينها لباب سطح عرفتها فوك.
لزمت لحمامه مقربتها يم وجهي
جوري لچ ماترديني الزمج هاا خاينه وين طيرين
رمله ام راسين
انداريت بسرعه خايفه ضامه لحمامه بلقفص فتحت لباب تباوعلي بلعت ريكي باقيه واكفه
رمله شكاعد تسوين حبيبتي؟
جوري شريت لهدوم
رمله وين ماشوف هدوم
بقيت ساكته منزله راسي خايفه منها
رمله سوالف حمامات وبطيخات بطليهن لا اطيرهن كلهن وصدكي وقبل مسويتها خوش؟
جوري حاضر
رمله ماحب احد يكلي حاضر شتكوليين؟
جوري أمرچ.
رمله اي خرب كل ماشوفج اذكر لقمصله دنزلي انزلي بهل برد ولازمتلي لسطح دكنسي شي على الاقل استفاد منچ
ركضت نازله وكصيبتي وراي احس بيها على ضهري
لزمتها مبتسمه وبايستها.
دخلت للمطبخ شفت جنان تغسل لجميله
جوري كعدت لحلوه
جنان ايي هسه نبدللها ونمشط ها موصح جميله
ضحكت امشي وراهن وجرتني جاه من كصيبتي لافتها بيدها
جاه شعرج شطوله متكليلي امج شتخلي
جوري نفس لتخلي الج
جاه لو انا فگر لو امي تضحك علينه وماتخليلنه نفس زيت.
وخرت كصيبتي من ايدها كاعده اباوع لجميله انتضر يخلصون تبديل الها واشيلها
شوي وسمعت صوت رعيد قوي
جليله استغفر الله بس لاتمطر وهم يزخ لسكف
جنان نحط جدوره عادي لمطر خير
جاه ايع ماحب لمطر شسويتن اكل
مشيت متجاهله كلامهم وطالعه للطرمه رافعه راسي اباوع للسماء
ابتسمت كاعده على لمرجوحه ماطولت ثواني وبدت تمطر
ضحكت وغمضت عيوني مبتسمه فرحانه بلمطر
جليله لچ تعاي لاتتمرضين هم.
عقدت حواجبي مبقيه عيوني مغمضه سامعه صوت الطلق.
أنبار.
صار صوت طلق مالي لمكان وسيارات محتله على شكل دائره چبيره
نسوان يباوعن من شبابيك وحاطات لحجاب فرحانات
أمينه فدوه الك يمه لحمدلله من عليت راسي
مهى زاحي خلي ادحگ هم ابني تره
غزاله تحررركن هيج هذا مكاني
نوف غير امه تدحگله صدك جذب
غزاله اش لا اكصو للسانج كص
نوف هاله تعي لهين
سكتت متقربه وهو نزل بملابسه ورتبته لحظه ابنهم لملقب أبو شيخ
هسه هو مترفع برتبته مُقدم.
ضحك ضاهره غمازته وهمه حوالينه يهوسوله ويفرفرون بسيوفهم
جابو خروف يم رجله مسويله ذب/يحه
بدت نسوان داخل بيوتها تهلهل بصوت عالي فرحانين
فرج لك وجيه القوم
باوعله متقرب بايس ايد ابوه
الله يحفضك اليه يابة
بدت لمعزوفه ودك رغم لمطر لقوي اله ماكو شي يمنعهم.
فتح لباب الأسود لچبير وداخل.
جوري اجييت!
خالد شلون ماجي لحبيبتي
ضحكت راكضه وهو رفعني رجليه حاوطت ضهره وحضنته قوي بايسته بوسه عفويه.
خالد ببنتي جانت خايفه من طلق؟
جوري حيل
خالد افاا وانا يمچ وتخافين؟
ضحكت مباوعتله بيد وحده مني افرفر بخصله من شعره وثانيه على ركبته لازمته قوي
دخل بيه جوه وجاه تجرجر بيه تريد هي تحضنه
جوري مااا هذا بابا مالتي
جاه انزلي لاوالله اعضج انزلي
نزلت مطنكره موخره كذلتي مخليتها وره اذني.
حضننه كلهن وانا زعلت منقهره عفتهم رايحه للغرفه
شوي ودك لباب رغم مفتوح باوعتله ودرت وجهي رافعه راسي مقدمه شفتي بزعل وحاضنه ايديه
خالد دلوعتي زعلانه؟
تقرب كاعد بلكاع ماخذ ايديه يبوس ب اصابيعي
جوري لابابا لاتبوس ايدي
خالد ليش انتِ موبنيتي؟
ابتسمت عاضه شفتي ماريد يشوف ابتسامتي
خالد تدرين شجبتلج؟
جوري شنو؟
طلع من وراه علاكه فتحتها ولكيت قراصات لظفيرتي وحلويات
جوري خووخايتي
حضنته قوي وهو يضحك وخرت منه وتمدد.
نايم على بطنه هلكان تعب
خالد عادي انام على فراش ام كصيبه
جوري اي، بس بشرط
باوعلي داير راسه
خالد شنو
نمت على ضهره وهو يضحك
رمله لچ ادبسز شكبرج صرتي كوومي من ابوج
خالد عوفيها عادي
تمددت صفح مسويته جربايه وصدك ثگل چفني نايمه
فزيت على امي جاره ضفيرتي قوي
جوري مماما
رمله سوالف نومه بطليهن لاعبالج تتختلين يم ابوج كومي اكلي حته تحضرين دروسج باجر دوام.
هزيت راسي كايمه داخله للمطبخ لكيت جنان تبجي بس شافتني مسحت دموعها حاطه كاسه لمركه بلكاع على لفرشه وخواتي كلهن كاعدات
تقربت يمها لازمتها
جوري جنان؟
جنان ها حبيبتي
جوري شبيج؟
جنان مابيه بس تعبانه شوي
باوعت لكيت ماما تخزرها عرفت عايطه عليها
عفتها كاعده اكل
جوري بابا ميجي ياكل ويانه
رمله اكلي معليج بي
هزيت راسي اكل واختي توكل وياها جميله عافتنه امي رايحه تكعد بلباب ويه نسوان.
مرر نهار وصار ليل حضرت ملابسي ومشطت مسويه ظفيرتين وضميت كتبي ورايحه لابوي
لكيته نايم وخرت ايده وحضنته نايمه.
كعدت صبح طالعه افرفر بكصايبي وتوقفت على صوتهم
ماتصعد اوصلك ياحلو؟
مانداريت خايفه باقيه امشي
يتثگل علينه هو انتِ ابوج زبال
انداريت بسرعه فاتحه عيوني من كلامه
جوري ابوي يشيل زبالتك وزباله اهلك ياقذر
تفلت بلكاع دايسه عليها برجلي خازرتهم وماشيه ماحسيت على جروني من ضفيرتي
فد يوووم تخلييني صدك اسويها.
راد يكمل كلامه وطلع حجي
شجاي تسوون للبنيه؟
عافوني مجذبين بكلامهم انو مامسويلي شي ركضت داخله للمدرسه وراي اجت جاه اختي اكبر مني بس ترسب من وره اهمالها فا صرنه انا وياها نفس صف.
جوري ليش تاخرتي؟
جاه تحققين وياي ولج؟
مجاوبت ساكته وخلص اربع دروس لحد لفرصه كاعده اكل بلفه جنان اختي جبيره لمسويتها إلى واشرب مي
جاه تردين جبس
هزيت راسي نافيه امضغ لگمه بحلكي
جاه على كيفج ولج تارسه حلكج اكل.
غصيت اكح ضربت على ضهري شربت مي مباوعتلها
جوري خليتي عينج
وجع ما احسد اني لمونه انت ولفتج
ضحكت شوي وبهتت ملامحي كايمه
جاه وين
جوري للحمام
جاه اجي وياج
كامت وياي ومشينه انا دخلت وهي انتضرتني بره
جاه يلا جوري دك جرس
طلعت بسرعه لازمه ايدها ونركض وكفنه وشفناه داخل
استاذ وين جنتوا انتو؟
جاه بلحمام استاذ
اشر لجاه تدخل وانا ردت ادخل واشرلي اوكف رجعت صافنه مامفتهمه
استاذ وانتي؟
جوري هم للحمام استاذ.
استاذ اها هيج يعني ضلي هيج واكفه بمككانج
جوري ليش؟
استاذ ماعيد كلامي
اخذ قلم صبوره وانا واكفه متفشله ولبنات يباوعلي
جوري اريد ادخل استاذ انا مريضه
استاذ عادي اعرف شنو تسون بلحمام؟
جوري شنو شنسوي بلحمام؟
استاذ احجي شسويتي انت بلحمام
جاه شو مصختها لواحد شيسوي بلحمام مثلا؟
استاذ انت تحجين وياي هيج؟
جاه اي ونص
استاذ طبگي اوكفي ويااها
اجت جاه واكفه يمي لزمت ايدها عاضه شفتي ماريد ينزلن دموعي
حجت وحده من طالبات.
استاذ اذا جوري ماتكعد احنه هم
ااحترموا نفسكم ولاتتدخلوا بهيج مواضيع
طالبات كلهن كامن واكفات ولا وحده كاعده وهو ضل يباوع مستغرب
ههو شجاي تسوون؟
جاه انا راح اكلك شنسوي ايي
شافت مكناسه لفراشه يمها جرتها وشمرتها علي
استاذ يابت لقندره!
وحده من بنات شمرن جنطنه اخذناهن وركضنه وحده لازمه ايد ثانيه
جوري شسويتي
جاه يستاهل
رحنه يم حايط شامرين جنطنه
جوري ولج اخاف اشرد
جاه دمشي امشي.
دفعتني وطحت على ايدي متوجعه كمت انكت وهي نزلت ومشينه لبيتنه دخلنه بسرعه
وانا واكفه جاه راحت لامي وحجتلها كلشي
رمله هذا ياهو؟
جاه الاستاذ
امي تقربت يمي شافت صخونتي صاعده هزت راسها عرفت من هزه راسها شراح تسوي
رمله امشي جاه جيبي عبايتي وتعاي وياي جنان سوي كمادات لجوري
اخذتني تمددت على قنفه فرحانه لان اجيت من وكت وامي لبست عبايتها وراحت.
دخلوا للمدرسه وعلى حضنه صار بوقت لرحنه بي اجتماع ومطلعين لطالبات وعبالهم احنه منهن مو شردنه.
رمله وين الأداره
اشرولها وجرت جاه دافعه باب الاداره
رمله وييينه لوكفف بنتي؟
وره سلامهم وبوساتهم وهلاهلهم.
أمينه يمه ااتدناا ابوسنك
يول تمنجدنا
غزاله أكحزي يداده مادحكينه مزرعد لغرفته
أمينه مكدر أكضب نفسي
مهى نوفف ناوشيلي لخاثر
مو وكتها مكسور حيلي
نوف ودعك
ابتسم كارص خشمي وحاضني
نوف حدرر ابوسنك
ضحك نازل مستواه شوي يمي بايسته وصعد فوك وراه هاله
مهى يااا غير ذياب أواشك بينما اجيب لمخثر
دخل للغرفه فاتح دكم ينزع قميصه وهي دخلت ساده لباب متقربه
هاله مابستني
يول ابوسنج جدام لوادم.
هاله موبست نوف؟
نونه هاي خيتي
هاله لاموخيتك بنت عمك محرمه عليك
مجاوبها ماخذ دشداشه نيليه لابسها ومتمدد على جربايه
هاله ذياب مواحجي وياك
ذياب يابة مهدود مابيه طكه وحگ راس لماگصر وياي
هاله عمي هم حچَى بسالفه مو؟
ذياب ماعليچ بسالفه يول
هاله احجي وياهه مستحيل ارضى بهل سالفه بلخصوص مو يصيحلك ابو شيخ؟
فتح عيونه خازرني سكتت راجعه ليوره
ذياب هاله أربزي بمكانج وشيخ كلمته اذا انطاها وحده ماتصير اثنين استوعبتي لو لا.
بجيت حاضنته
هاله حباب بالله عليك لاتخليني بهل وضع
ذياب هاله!
سكتت ضامه ايدي بوجهي اكتم شهكاتي وهو حس كام بايس خدي
ذياب عش تسوين هيچ يول؟
هاله والله ماتحمل غيري ياخَذ محلي
ذياب يابة محلج على لراس ولبچه وصدكي بس جهال اجيب منها اسكتهم آي حب مانطيها استوعبتي كلامي؟
هاله ليش راح تلزمها ذياب!
ذياب عجل عليمن يردون اخذها غير لازم يصيرلي ولد
هاله بس انت قابل بيه
ذياب ابوي ماقابل بويه استوعبيني
زفر نفسه ورجع تمدد.
هاله ذياب تره اعرفن انتَ لوحيد تكدر تفرض كلمتك على ابوك
فزيت فاكه عيوني خانكني
ذياب بلطلاك اذا سمعتلچ حس اشمرچ من درج واخلي صراخج ماله والي
عافني وكحيت قوي وهو كام طالع من لغرفه
هاله ماخليها تتبقى بذمتك ياذياب صدك اخليك طلكها
نزل داخل للديوان شايف ابو يگلب بتلفون
انتبه على وابتسم
فرج ياهلا بلمعلي راسي حياك
ذياب يحيك يابه
كعد يتلمس شواربه عرف عنده شي
فرج احجي ليمك
مسح وجه فارك عيونه لحمر لمهدودات تعب.
ذياب يابه ماريدن اعگد عليها
فرج هاي ياهي يول
ذياب لبالك
فرج وأنت تعرف منو لمفكر بيها اني اصلا؟
ذياب مومهم يمي
فرج أبني لاتصير معثور وفگري خلي يكمل نسلنه عجل شلون شيخ وفارغه ايده
ذياب يابه لزعاطيط موكلشي
فرج لاكلشي واني اريدن ولد اشو وذا فكيت حلكك بهاي سالفه صدك اوريك وري
ذياب بلا يابت من هين؟
فرج تؤ
ذياب عجل؟
فرج شحلات ذيب الديرة يهوى لجنوبيه
ذياب جنوبيه!
فرج عجل منين تريد لبت
ذياب بعيد يابه
فرج ماعليك.
صفن شوي وباوعله عاقد حواجبه مفتهم
ذياب بس لا لعمارچيه بت خالد؟
فرج اي
ذياب يابه عش تسوي هيچ؟
فرج مابينه كلمه من سنين اني واخوي بس اريدن بته وعارف مايردني.
جوري: -
مرة خمس ايام وانا اداوم وهمه يعاملوني معامله حلوه وكله بسبب امي عاركتهم وخافوا منها.
لحد مابيوم رجعت لكيت سيارات عاليه تارسه دربونتنه واحد جان متچي على سياره لابس شماغ ومناظر وبيده جكاره
تقربت اباوع اريد اشوف يابيت ملتمين عليه كل هل سيارات وانصدمت من عرفت
بيتنه!
جوري منو انتو وشعندكم جايين
حشام يول جايين نبوگ مصگوعه انتي شلج دخل؟
جوري هذا بيتنه عمو
حشام يابت خويلد فوتي جوه انتي وكصيبتج.
ضغطت على جنطتي خايفه ودخلت جوه شفتهم واكفين بطرمه يحجون فجاءه تحولت كل الأنضار الي
فرج من وين هل بت؟
خالد بنتي جوري
تقرب يمي لرجال ورجعت ليوره
جوري شكو عمو
نزل مستواي مبتسم ركضت حاضنه ايد ابويه
فرج خالد اضن اتفاقنه لقديم خيولي غدي
خالد تعرف لهجتنه احجي مثلها
حك حاجبه جاي يم ابوي ولازم ظفيرتي
فرج لحجي قبل شوي حجيته الك انساه غيرت اني
خالد بناتي مولعبه بابا اخذ ولدك واطلعو بره
فرج هيج ياخويه؟
باوعله. مستغفر وحاضن لرجال
خالد ماقصد بس ماريد هل اتفاق
فرج بس اني اريدنو.
خالد سلمي على عمج جوري
ضليت صافنه وهو ضحك
فرج يول هيج تتلگين اهالي دليم؟
مافهمته ولاجاوبته ركضت داخله جوه وهو زاد ضحكه وكاموا يحجون بينهم شوي واختفى صوتهم رايح حته اثرهم.
جاه شفتي حاجوج؟
جنان بلا تعاي سولفي
جليله دحجي
جوري انطن صبر ترا كلشي مافهمت منو ذولي
جاه امداج ماصدتيلج واحد بظفيرتج لتكمز.
مجاوبت وضليت كاعده شوي واجت امي من سوك داخله
رمله بنات ليوم جايين خطابه
جاه المن؟
رمله لجليله
جاه هلو وانا وجنان
رمله بلا حجي زايد امي انتن لاتگطعن رزقجن
دخلت جوه وانا باوعت لجليله ماعرف حسيت اريد ابجي او گلبي وجعني معقوله راح ياخذونها ذول اهل سيارات وتعوفنه.
جوري جنان
جنان عيني
جوري شنو دليم
جنان دليميه اكله اضن خبز فوكاه تمن وياكلون هيج
جوري لابشر
باوعتلي مستغربه وصفنت
جنان ماعرف اسألي ماما.
غلست على لموضوع وصار الليل واشوفهم يتجهزون واني بس كاعده مسويه ظفاير اثنين ولابسه دشداشه خضره منقطه احمر
رمله هاج البسي هاي ربطه
جوري انا؟
رمله ياهو حاجي وياج انت بشارع ومطلعتهن على اختج اكول
هزيت راسي ورحت كاعده على طبله افرفر برجلي واجر بكصايبي خفيف
جوري انا لبندوره لحمره مزروعه بين لخضره تاكل مني ماتشبع وتصير خدودك حمراا وتصير خدودك
جاه زرباااا، كوميي بدلي وكت طيور الجنه
جوري مبدله انا.
باوعتلي من فوك ليجوه رافعه حاجبها
جاه دمشي امشي صدك تحجين؟
جوري اهوو عاجبني
كمت طالعه للطرمه وسمعتها من وراي
جاه امداااج زعطوطه
جوري عائله لغمه احنه ماخلينه واحد ماغميناه
كعدت على لمرجوحه احرك بيها برجلي
جوري حماماتي جان صعدت الجن بس امي ماتقبل
سكتت على دكه لباب خفت لانفسه رجال كمت وابوي طلع مأشرلي ادخل
دخلت جوهه ودخلوا همه باوعت فاتحه لباب بشويش شفتهم مو همه ابتسمت مرتاحه.
جوري لحمدلله ماحبيتهم ماريد خواتي يرحن يمهم
غمضت عيوني ثواني حاسبه للعشره و
فتحت عيوني اباوع للمكان ماكو احد غير لحمام يمي.
جاي بالي كل هذا لمر قبل خمس أشهر
وليوم؟، ابوي ميت بمرض لكلى وهل خمس اشهر خواتي كلهن اتزوجن ماعداي انا وجميله اختي صغيره
كاعده بسطح لازمه حمامتي كاررهه لبيت ماحب اكعد بلغرف ويرجعلي ذكرياتي.
امي اول ماطلع اربعين ابوي زوجتهم لاي شخص دك بابنه بدون ماتسأل رأيهم رغم بيهن رفضن بس جبرتهن.
بحجه، لبنيه هذا نصيبها.
رمله: -جووووري
كمت بسرعه ماسحه دموعي وضامه لحمامه لبيدي ويه لباقيات بلقفص
فتحت الباب تباوعلي بقيت لازمه ظفيرتي متوتره منها
رمله موكتلج سالفه لحمام وطيور بطليها
جوري ملازمتهم
رمله ليوم جايج خطابه
جوري شنو لااا!
رمله موبكيفج صدكي ادفنج ويه ابوج وانت عايشه تردين تبقين على گلبي
جوري ماريد ماما الله يخليج شمسويه انا
رمله خواتج كلهم اتزوجن شفرقج عنهم؟
جوري كل عمري 16امي شسالفه!
رمله بالغه امي
رادت تروح ورجعت محذرتني
رمله لو تفكرين بس تفكير تخربينها صدكي اسويها صدك مال دفنه
سدت لباب وراها كعدت مصدومه مجتمعات دموعي
جوري منين تجيبهم شلون ثلث خوات يتزوجن بخمس اشهر ورابعه راح تنحسب وياهم
وكل عرس سووه بسكوت بس عقد وتروح لاهلها لجديدين.
جوري عود محترمه ابوي ميت وتسوي عرس بدون اغاني.
تنهدت حاسه حرگه بگلبي كمت ناحيه لقفص مطلعه حمامه لبيضه
كعدت حاضنتها
جوري سمعتي؟ تالي انا اصير عله لأمي.
ضحكت نازلات دموعي قربت لحمامه يمي بايستها
رفعت راسي بهدوء اباوع للرايه مشدوده
جوري يلراية شديتج، وظنيت الفرج بيه
تنفكين، وراح أبوي وضاعت الهنيه
شدتج ظلت، بس الغالي ما بقه ليه.
نزلت راسي وافكر واردد بكلمه وحده وهي
ليش؟
نزلت جوه على صوت بجي جميله باوعت وعرفت امي طالعه
استغفرت وشلت جميله احاول اسكت بيها
جوري جؤ هاي ليش جميلتي تبجي باعيلي جوعانه حبيبي؟
ماسكتت وموهلكد اعرف للجهال جانت جنان هي شايله لمسؤليه.
رحت للمطبخ مخليتها بلكاع ادور بثلاجه
جوري هسه انا شعرفني شتاكلين ياعيني والله ماعرف
باوعتلها بعدها تبجي بصوت عالي سديت باب ثلاجه كاعده يمها وبجيت وياها
وثنينه ماسكتنه هي تزيد وانا ازيد بجي لحد ماندك لباب
كمت ماسحه دموعي فاتحه لباب لكيتهن كلهن
جوري انا احلم لو شنو؟
ضحكن حاضناتني
جاه يبووو لحرررر وخررن هيج وخرن
جوري خواتي حبيباتي
جاه مشهد مؤثر ناقصجن موسيقى ابو لغاز
جليله مسحت دموعها تبوس بيها وتضحك على جاه.
جنان شلونج جوريه
جوري موزينه ماتعرفن شصاير
جاه ادري جاينج خطابه امج ماخلت احد ماكلتله فشلتنه ماتكول ابوهم مصايرله حته سنه من ميت
جنان كافي عيب
جليله هاي صوت بجي
جوري هاا صدك جميله تبجي
وحده باوعت للثانيه باهتات ملامحهن وجنان دخلت جوه
جليله جوري ماتعرفين تسكتين طفل؟
جوري لا بس حاولت اسكتها ماكو فا كعدت ابجي وياها نوب عفتها
جاه ياحبيبي تبجي وياها متكليلي شلون ياخذونج
جوري مافهمت؟
جليله ادخلن ادخلن الله كريم.
دخلت وسديت لباب لزمتني جاه حاضنه ايدي ونمشي
جاه احسن تصرف تعوفيها وترحين جهال دوخه راس
دخلنه جوه لكيت جميله ساكته بيد جنان وجليله تلعبها من وره وهي تضحك
جاه خلي نسبحج شي
جوري لا ماريد اتزوج
جليله حبيبي تره كلنا هيج
جوري مماريد الله يخليكم شبيكم
جنان نعرف غلط وكلنا صغار اكبر وحده بينه عمرها 23 بس شنسوي امج هيج
جوري مراح اوافق وشتسوي سوي عسى ماتطردني بره
جاه وين ترحين؟
جوري اجي اعيش يمجن
جاه كش.
جليله هههههه نستقبلج حبيبي بعيونه انت بس غلط هل شي وهم ترا اغنياء
جوري شسوي بلفلوس؟ اريد ابويه
جاه دمشي للحمام خلي اسبحج انا
جوري جؤ ماحب احد يشوف جسمي
جاه لابلا؟
هزيت راسي وهي جرتني من ظافيري
جوري لااااا
جاه دمشي يمعوده
وخرتها ابجي
جوري ماريييد شبييجن ماتفتهمن
جليله امج تزوجج تزوجج ماشفتي احنه شسوينه فا بلاها تضربج مانريد تتاذين
جوري بس اني ماريد.
جنان باعي هسه جاه تسبحج تلبسين ملابس حلوه وتمشطين خوش شوفيهم ماعجبوج بكيفج ارفضي
جوري والله؟
جنان اي احنه هم هيج وشفناهم ورضينه فا انطونه
باوعتلها وجاه رافعه حاجبه تهز ايدها على كلام جنان وهي خزرتها تاشرلها تاخذني
جوري اني اسبح
جاه يمعووده لاتفتين گلبي دمشي
جرتني مدخلتني للحمام وصرخت ماريدها تنزعني وكرصتني قوي حكيت على ايدي متوجعه وانلصمت عاضه شفتي اي كلمه انفجر بجي.
طلعتني لافه لخاولي عليه وكعدوني جنان نومه جميله واجت
جنان شتريد لحلوه نسويلها تسريحه
جوري ظفيره
ركعتني جاه براسي
جاه دكافي غيري
جوري لعد اريد لو ظفيره هنديه لو عاديه بس صفح وطلعيلي كذله
جاه راح اعضج عضه
جوري تلوكلي ظفيره هنديه
جنان يلا بكيفها هسه اسويلج
بدت تسويلي ظفيره من نص راسي لحد ماوصلت اقل بشوي من كب رجلي
جنان الله شهل جمال
ابتسمت وجاه طلعت من جنطتها مكياج اجتني وهي تعلج
جوري مكياااج!
جاه لاتيزاب.
جوري راح تحطيلي
جاه اي موترمشين
هزيت راسي فرحانه وهي بدت تحطلي مسكاره
اجت على لتحديد بني مخليته لشفايفي وحمره بنيه تلمع لونها فوكاهن
رمشت اكثر من مره مبتسمه
جنان حلوه بشرتها ميحتاج تخليليها شي عليها
جاه نسويلج شامه صغيرونه حيل بعلو خدج
جوري عندي موجوده بس صغيره
جاه اي اطوخها شوي
هزيت راسي وفرحانه بشكلي طفولي ورموشي لواكفات
جوري طيب طعمها
جاه شني هيه
جوري لحمره
جاه ادبسز لاتاكلينها شبيج
جوري بلغلط.
جليله باعي جوري هناك لاتخلين احد يفك حلكه وياج كلشي كولي لزوجج وكسبي وديربالج طيحين بلفخ مالتهن
جوري منو كال راح اوافق
جاه نكلج كلشي يصير وها اذا وحده تحجي كلمه رديها بعشره لاتسكتين عن حقج
جوري مجاي افتهم شكو راح يتعاركون ويايه؟
قبل لايجاوبني اجت امي تصيح ب اسمي بسرعه جاه خلتلي كحل بعيني ورشت عطر
رمله شجاي تسون ها هاي شنو
نزلت راسي وهي اجت بايسه خدي.
رمله اي هيج فدوه لگلبج شكد تخبلين من تضلين ساكته لو مخلوقه خرسه
جاه ادري شني يمه
رمله تخبل
باوعتلها لكيتها مبتسمه وبعيونها دموع باستني مره ثانيه
جاه خلي اتفل عليج حته لاتنحسدين
جوري ايع روحي
جاه هههههه بعد مراح تكولين ايع تكولين غدي
مافهمت وجنان طلعتلي فستان بني اللون، هادئ، بخصر مشدود يرسم تفاصيلي بنعومة، من فوك، الصدر مجدول بخيوط دقيقة، مربوطة بعقدة صغيرة. وأكمامه الطويلة، منفوخة، تنتهي بكشكشة خفيفة.
ابتسمت اخذته بسرعه اشرتلهن يندارن ولبسته باوعت لشكلي فرحانه من صدك
انعجبت اول مره اشوفني هيج
جليله ماشاءالله عيونج
ابتسمت مستحيه وجنان طلعت شال بني اغمق من لون فستاني وخفيف حيل خلته عليه هيج
شوي وصار صوت سيارات وناس
جوري شكو
جنان اجوي
جليله جا ليش هيج هوسه اكيد لمنطقه راح يحسون
جنان قابل ميعرفون تزوجنه
جاه يلا امي تكول خل توكف وره لباب من نصيحها تجي
كومني وانا خايفه رجفه لازمت ايديه.
شوي وطلعت امي تريدني ادخل جنان خلت واحد من جهه شال على صفحه ثانيه دخلت منزله راسي وهنه هلهلن وبيهن مطنكرات
أمينه تعي حبيبه تعي يمي
كعدت يمها ارجف هي ضحكت تلزم ايديه
أمينه عش هل رچيف انا امه يمصكوعه لو هو شلون؟
ماتحملت وكمت طالعه ماخذه نفس قوي
جاه ارجعي يمعوده لاتفشلينه
جوري ماريد والله اخاف
جاه استغفر الله
شهكت على دفعتها طايحه بنصهم همه يباوعون عليه مصدومين كمت كاعده متفشله ومنزله راسي.
مهى الله الله حبيبتي
مجاوبت وامي حضنتني
رمله خجوله حيل وفد مؤدبه
أمينه اندار لهل عيون
مافهمت شنو تندار على عيوني ماجنت ادري قصدها تروح فدوه لعيوني.
شوي وكالوا راح يدخل ماعرفت منو بس امي عدلت حجابي ولبست حجابها دخل هو
رفعت راسي مصدومه ههوه؟