رواية عكد الظفيرة للكاتبة زينب جعفر الفصل الثاني
انصدمت من شفته كبالي ههوه؟
فرج ها يول شبلاج انخط وجهج
أمينه هذا ابو زلمتج ان شاء لله
دخلت جوه لغرفتي محتره اهفي على وجهي زافره نفسي
ذبيت شال كاعده حاطه ايدي على راسي
جوري ماريدهم ماحبه هذا
اجت عيني على جنطه مالتي وكتبي طالعات منها ماحسيت اله ودموعي نزلن
بقيت لهل حال لحد مانفتح لباب جاه داخله وبيدها جدر گالبته وتضرب بي بيدها
جاه جرح الگلب من فرگاك خزن
محد مثلي بمحبوبه تمحن
هم هذااا نصيبي وانجبرر بي.
جليله، جنان لاا اني اتوبب ولا الله يهدي
جوري روحن مني
جنان عليش ضايجه موكنالج اذا ماردتي ارفضي وهم ماشفتي هو مجاي اصلا
جاه وامه حبابه
جوري ماشفتن امي شلون قابله بيهم وفرحانه ورجال هذا ماحبه شفته من جان يحجي ويه ابويه
جاه اي صح تذكرت
فزيت على امي داخله مبتسمه بيديها فلوس
رمله باعي يافصمه باعي لفلوس وهذا من غير مههرج لراح يتحدد
خلتهن بصدرها كمت واول مره احجي ويه امي هيج.
جوري اذا مومهر شكو تاخذينه مانرييد فلوسهم ولانريدهم حته مهرر ماريده
رمله لسانج مايطول وكتلج اذا فكرتي تخربينها اخرب خلقتج لج
ماصدكت اجتنه فلوس وانت دفرين بنعمه
جوري اريد اكمل دراستي
رمله ياثوله دراسه المن تردين تكملينها حته وره سنين يلا تجيبين فلوس خو هاي احسن فلوس تجيج وانت مرتاحه
جوري ليش بس تفكرين بلفلوس كاعد تخليني اتفشل لان انتِ امي
ضربتني راشدي من قوته اذني صوفررت
بسرعه جنان لزمت ايدها.
جنان ماما للاا
رمله اادبسز اكو وحده تحجي ويه امهاا هيج وانا احجي لمؤدبه تاليها چچلبه
تفلت بلكاع وطلعت اجت جليله حاضنتني وجاه صافنه
نزلن دموعي بدون ماحجي كلمه بس امسح على خدي حسيته صار حار
جليله لاتزعلين منها
جاه جوري حبيبي اقبلي موكتلج تاليتج تقبلين عليش هل سوالف وتضربج امي واعرفها
جنان يلا امشن تأخرنه
جليله روحن انتن انا حبات هنا
جاه شعندج ولج
جليله زوجي عنده خفر فا كلت ابات يم جوريه لحلوه.
جاه جا انا هم ابات
جنان كولي لزوجج
جاه بكيفه شني خلي اجيب حب
جنان اني حروح معه سلامه
جليله الله وياج
اندارت عليه حاضنتني تمسح على شعري
جليله هناك راح يحبونج صدكيني
ومرةة ساعات وهمه يحاجوني واني ماحجي بس ابجي عافني ونامن وانا بقيت وحدي.
اخذت نفس قووي كايمه طالعه من غرفه غاسله وجهي
باوعت للمسكاره لطخت وجهي
رجعت غاسله بصابون عضيت شفتي متوجعه عيوني من صابون
غسلت حيل فاتحه عيوني صايرات حمر.
رجعت للغرفه ماخذه دشداشه بلون بنفسجي فاتح وعريضه لبستها فاتحه شعري
صعدت امشي على اطراف رجلي فوك للسطح فتحت بوابه طالع صوت
جوري شسالفه بعد اقووى صيحي
استغفرت فاتحه لباب وداخله بس ماسديته بس رديته رحت للقفص مكبصه كاعده شفتهن نايمات اله حمامه بلون بني كاعده
جان عندي ثلاثه بيضه وحده بيها ابيض ورصاصي وحده بنيه وحده ولد وثالث بني ابنهم هوه بس ماعرف ليش هيج لونه صار اضن خاينته للحمام.
طلعتها بشويش ساده باب قفص وكاعده بلكاع متچيه على لحايط وشعري كلساع جاي على وجهي من لهوى وخرته
حاضنه حمامه
راح يزوجوني سمعتي؟ منو بعد يوكلجن ويشربجن حبيباتي
رفعته يم راسي حاجيه بزعل وكأن صدك احاجي شخص
ماحبيتهم انته هم مثلي؟ بس انا اكلك امه حبابه حيل ولطيفه مبينه تتفق وياي عطي؟
رجعته للقفص سادته وبنهايه سطح خليت ايدي وراسي فوكاهن اباوع للسما.
بابا لو انت هنا جان مانطيتني خدي لتبوسه هسه امي ضربته تقبلها بابا؟
تنهدت حاسه بقهر متذكرته رجعت ناحيه لباب ودرت وجهي للسماء انطيت بوسه بلهوى مأشره بيباي
دخلت ساده لباب وفزيت على ايد لزمت چتفي انداريت بسرعه خايفه ولكيتها جليله
جليله ها حبيبي خفتي
جوري اي شكعدج
جليله شفتج ماكو وخفت عليج
جوري هوه جايه انام
ابتسمت بايسه راسي ونزلت داخله للغرفه دافعه جاه شوي ونمت على ضهري صافنه بسكف.
شوي وجاه حطت ايدها على بطني وحلكها يم اذني تشوخر
جوري يبوو وخرري
دفعتها راحت من جهه ثانيه مكمله شخيرها
جليله ههههههه تعودي احد ينام يمج
باوعتلها ممجاوبه نمت صفح مغطيه حته راسي زافره نفسي
هامسه
جوري ماريد ازوجه اكررهه.
غمضت عيوني وانا ادعي بگلبي مايجي ليوم لراح أنخطب بي.
واكفه بلباب انتضرهم
غزاله شنو تنتضرين يول؟
نوف يجووون
غزاله هساع بدال ماتضلين واقفه مثل زمال روحي ناوشيلي لورود تا اسوي عصير
نوف بهل ليل متحجيلي شنو عندج
غزاله يثوله عمج يهوى عصير لورد كل صبح يشربه وذا مايشرب تعرفين صوته وين يوصل
نوف يلا رايحه
غزاله وبطريقج لاتنسين شكر وعصير ليمون وطاسه كبيره حته أفرك بيها الورد
نوف حاضر
جبتهن الها وهاله نزلت من غرفتها كاعده يم خالتها
هاله لهساع مارجعو.
غزاله درب حيل طويل بين انبار ولعماره
هاله دحگتي قاموا يتعنوا لها
نوف غير جوريه وتستاهل، وشلون إجت صدفه خالتج دا تسوي عصير ورد جوووري
هاله اسمها جوري؟
غزاله اي اي نوف اتكحزي غاد جايه توريين انتي
عفتهم داخله لغرفتي وعيني عليها شفتها شعوطت تحرك بيدها على غزاله
هاله سمعتتي خاله سمعتتي
غزاله يمصگوعه دوختتيني اتكحزيي غادد ناقصه خبال انا
هاله ليش محد يحس بيه
غزاله نحس بيج يول بس شنسوي ب أيدنا شي هساع؟
هاله هساع اله ولد
غزاله همه هيج يحبون نسل يكمل تردين هل سنين كلها يوكف على معثوره
هاله قصدج انا
غزاله اربزي مال شدري
هاله اضل على هلحال ترديني ساكته؟
غزاله خالتج عندها سوالف يبو سوالف بس خلها تجيب هل جاهل واشردها بليله سوده
هاله شلون يعني؟
غزاله ماعليج هساع واصبري ودحگي
هزت راسها كايمه وانا اسمع لسوالفهن
صعدت فوك للغرفه جبيره
دكيت لباب واجاني صوته
ذياب فوت
دخلت مبتسمه لكيته كاعد ينقش الاحجار.
شافني ابتسم جريت كرسي الاسود كاعده مقابيل لميز مالته
نوف شخبارك؟
ذياب بخير لحمدلله
هزيت راسي صافنه رفع حاجبه يباوعلي
رجع انضاره للحجر
ذياب احجي
نوف ها
ذياب شعندج حجي احجي لاتفرين
نوف مرتك ثانيه عرفت اسمها؟
ذياب مايهمني بس لأعرفه بت عمي خالد
نوف اي سمعت حجيهم وعرفت ياهي من بناتهم لان همه عندهم خمسه
جر اذني غمضت متوجعه
نوف ايي خالوو ششبيك
ذياب تصنتين يول؟
نوف سمعتهم بلغلط
مجاوب خازرني وبيد ثانيه لازم لحجر يگلب بي.
نوف خالو اذني
عافها لازم الادوات ملتهي بشذره لحجر
نوف خل احجيلك
مجاوبني عاقد حواجبه ولاباوعلي عرفت مايريد يسمعلي كمت وحجه
موتردين تحجين شو هوجسي
ابتسمت راجعه كاعده
هي لبنيه قبل لصغيرره وصغيره عمرها ست اشهر
ها؟ ليش شكثر عمرها هي؟
اضن حجوا 15 او 16 واسمها جور.
قبل لا اكمل كلامي كام ذياب بعصبية تفزع الگلب، مشى سريع لناحيه
الباب انفتح بضربة وحدة، عبالك الحديد نفسه خاف منه وسمحله يمر.
وجهه متقلب، نصه نار ونصه موت.
عيونه وسعن، سود مثل ظلمة حفرة. ويدينه مشدودات، شرايينه طالعة، وكل نفس يطلع من صدره عبالك شهكة ذبح ولاعبالك لستوه هادي.
صرخ وهو يباوعلي.
يعني شنو؟ جابيلي جاهله أزوجها؟ ها؟ جاهله؟!
ركّز عليه، صوته يعرك حروفه وكل كلمة يكولها من بين سنونه لكازهن قوي
رجعت خطوة، خايفه اريد اشرد بس رجليه عبالك انزرعن بالكاع.
إيديه افرك بيهن وابلع ريكي
نوف خالو، هديها شوي بالله.
بس ماستمعلي نازل ضربت نفسي راشدي نازله وياه اركض خايفه لايكللهم انا حجيتله
وفجأة، بنفس لحظه دخلوا همه من لباب
ضميت نفسي اكمز
نوف دحگي حظج ينوفه شكثر طره
ذياب هلا والله حي الله لجييه
هاله شصاير حبيبي ليش معص.
قاطعها مأشرلها ب اصبعه على شفايفه
ذياب اششش
فرج شبلاك انته
ذياب تريد اعگد على زعطوطه؟
باوع فرج وراه خازرهم همه نزلوا رووسهم اندار منطينه نضره ورجع انضاره لذياب
فرج بالغه موصغيره.
ذياب يابه يطلع لفرق بينه 20سنه هذا جررم ترا!
فرج أمك عگدت عليها وعمرها 11سنه يعني حته مبالغه وانا عشرييني هساع صرت اني جارم؟
ذياب اذا انته ترضاها اني مارضاها لو تدحگون وحده بعمري لو تسدولي هل سالفه
هاله اي صح تره
فرج سد حلك مرتك
باوعلها خازرها مأشرلها تصعد
فرج وانت تعال وراي للغرفه أمينه لاتجين هساع اريد احاجي
أمينه أمرك
غزاله ليوووم دوري تره
فرج اني عاجبني هناك تحاسبيني؟
مجاوبت وفرج وذياب دخلوا للغرفه.
أمينه غزاله لو تشوفينها تاخذ العقل
مهى ها بديتن
ذبت شالها كاعده وغزاله تباوعلها بطرف عين ضايجه وتجعص بلورد مطلعه لمي مالته
أمينه هلكثر طولها لاهلكثر اي ناااعمه خو لعيوون مكحلات ولكصيبه فححم
طلعت اربع اصابيع من ايدها مخليتها على رموشها
أمينه وهيج رموشها
غزاله مكناسه
أمينه مكناسه ولاصلعه
غزاله لولج لاتعاودين تحجين على بنت اخوي
أمينه روحي لج روحي
مهى شبلاجن عيب لايسمعنه فرج
أمينه مهاوي احجيلها
مهى شنو احجي.
أمينه على جوري
مهى لاحلوه صدك وهم
كامت بسرعه غزاله تخوزر بينه ماخذه طاسه لورود وداخله دردم
أمينه والله لأذبحها قهر
مهى هساع شنو يحجون ذياب وفرج
أمينه يرضي يزوجها ابني هم بطران لازكلي بلحيه صفره
مهى لاهاله خوش بت
أمينه ماتدرين بخبالها انتي
مهى كل انسان يذنب
أمينه اهو دحك منو احاجي اني دروحي
مهى وين
أمينه شحلات تصنت
مهى يااا لايطلعون ويشوفونه شيخلصنه بعد
جرت ايدها ماشيين ناحيه لغرفه حاطين اذاناتهم
مهى ماريد.
أمينه اشش
سكتنه سامعين صوتهم تقربنه اكثر للباب سامعين بوضوح
فرج ذياب لا اتعبني وتعرف حجيت وياك لان احبك وعزيز عليه لو غيرك لاوالله كلمتي ما أردها وياه
ذياب يولي لو وحده من خواتها مو يكولون خمسه
فرج كلهن متزوجات بس هي و وحده صغيره سنه مادري شگثر عمرها
ذياب لاتجبرني يابه
فرج ذييياب لا ينفذ صبري!
ذياب لاتضوج اذا ماسمعت مني حجايه حلوه بحقها خوش
فرج لك ذياب تعاند ابوك!
كام وجفلنا على صوت شي انركع تراكضنه اثنينه كل وحده طبت لغرفتها
امينه سديت لباب ماخذه سبحتي اسبح بيها وكعدت على جربايه احاول اوازن نفسي
شوي وانفتح لباب تجمدت لحد ماشفته هوه ذياب ارتاحيت
أمينه ها يمه
مجاوبني سد لباب قافله وتقرب حاط راسه بحضني
ذياب يمه ماريدها
أمينه ليش هذا عناد؟
ذياب الاولى وجبرتوني اخذها لان تعود لخالتي غزاله
أمينه كول امي موخالتي
ذياب انا ماعندي مشاكل ويه هاله
أمينه ابني بس جيب هل ولد منها.
ذياب اعذب بنت ناس وياي وگلبي مو يمها؟
امينه استغفر الله موهيج
ذياب لا امي يعني تردوني اخذها علمود جهال مراح تنضلم ويايه وفوكاها صغيره حته بعدهي مداخله 18
أمينه هيه لوتشوفها حلوه وناعمه
ذياب لانوب ناعمه
أمينه عجل شتريدها؟
ذياب منو يكول تتحملني اكو يموتن امي تستوعبيني لو لا؟
أمينه ماعليك انت
ذياب لااله الا الله
أمينه ايي شبيك والله اكثرية جنوبيات تلكاهن متزوجات صغار ذيج من ذيج جبيره.
ذياب يمه انا جبير وهي صغيره 15سنه
أمينه 16
ذياب يا الله استلم عشرين سنه لفرق
أمينه عگب باجر نروح نعقد عليها وماعليك بالباقي
تنهد زافر نفس حار كايم
أمينه يااه ويين طالع يمه
مجاوبني طالع وساد لباب
ذبيت سبحه وانفتح لباب
فرج باجر حضروا نفسكم من صبح نطلع
أمينه وين؟
فرج للعماره نعقد على، صفن شوي
أمينه بس لاجوري
فرج اي نسيت اسمها
أمينه يارجال تصدك تجذب هو عكب باجر وكلنا مانلحك.
فرج بينما نوصل محضرين بيتهم ماعندهم شي وبينه هيه
نزع شماغ مالته ودشداشته متمدد
فرج تردين ضوه؟
أمينه فرج عش هل استعجال وين نلحك
مجاوبني مطفي ضوه ساد عيونه ينام.
فتحت عيوني فازه
جاه كووومي بسرررعه
جوري شكو
جاه جايين ليوم يعقدون عليج
فتحت عيوني مامستوعبه قبل لا احجي جاه شالت رجليه وجليله شالت ايديه ماشيات بيه
جوري نزلللني وخرررن ماريد اتزوج مارييد
دخلني للحمام وجاه دخلت قافله لباب
جاه حقج انا هم مصدومه على استعجالهم
كمت للمرايه جانت معلگه على لحايط شلتها وركعتها بلكاع منكسره
جاه ياعزا
جوري كتلللكم مارييييد اتزوجه مارييده شبييكم
اندك لباب قوي عايطه بينه.
رمله شكسرتي فتحن لباب ادبسززيات
خفت راجعه ليوره وجاه محتاره تفتح لباب لو لا
جاه هسه اسبحها معليج بيها امي
رمله اطلعي لا ادفر لباب اكتلجن اثنينجن واكسر لعوده على راسجن فتحن لباب فتح عليجن باب جهنم ان شاء لله
جوري حبابه لاتفتحين لباب
رمله يلااا ولچن
جاه فتحت لباب وامي جرتها مطلعتها داخله هي وساده لباب
قبل لا احجي ضربتني راشدي جارتني من شعري مكعدتني بلكاع فاتحه لمي
جوري ماريد.
ضربتني راشدي لزمت خدي ابجي وضلت تذب عليه مي حار
جوري حاررر
رمله اشش ماريد اسمعلج حس
سكتت ابجي وهي تليفلي قوي بقيت صافنه ودموعي ينزلن وجسمي يحرگني من حراره لمي
فتحت ساحبه مبقيتني بدون ملابس حته ينشف لمي على جسمي وشمرت عليه ملابس
رمله لبسيهن
طلعت وسدت لباب مسحت دموعي وماتحملت كمت اشهك
جوري ماريدهم
رمله يلاا جوري.
دخلت جليله وجاه ينشفن بجسمي بخاولي ولبسني وطلعني مدخلاتني للغرفه وحده تنشف شعري وثانيه تمسح دموعي وتخليلي مكياج
جاه لاتبجين كلساع امسح كحل واعيده
مجاوبتها باقيه بدموعي ينزلن بهدوء.
تقربت بايسه خدي جايبه كلينس وماسحه دموعي
جاه كافي حبيبي
نزلت راسي مستسلمه مكيجني مكياج ناعم ولبسوني ثوب كريمي بي خرز من ناحيه صدر وردن الايدين ورجلين
سون لشعري ضفيرتين صغار مثبتاتها. بماشات وباقي شعري مفتوح.
جاه شلون يحضرون كلشي بسرعه؟
جليله الاغنياء كلشي عندهم سهل
جاه جنان تدري
جليله لا عبالها باجر
جاه ههسه ادز واحد من جهال منطقه يدك باب عليهم
هزت راسها وشمرت عليه شال كريمي يلمع طلعن من غرفه ورفعت راسي راسي اباوع لعيوني لحمر
بقيت اباوع لروحي للمرايه محاسه للوقت لحد مابده صوت لهلاهل تارس بيتنه
باوعت للساعه لكيت مرةة ساعتين وانا على نفس وضعيتي!
فتحت لباب داخله جنان باوعتلها واضح لحزن بملامحي فتحت ايديها ومشيت سريع حاضنتها قوي
جوري كليلهم ماريده حبابه
باوعتلي ودموع بعيونها باستني تصلي على نبي
جنان اختي كبرت وصارت عروس
بهتت ملامحي عرفت هي هم ماتكدر تمنع هل زواج.
عفتها راجعه ليوره كاعده منزله راسي
جنان صدك لعقد ولعرس بيوم واحد
باوعتلها مصدومه مامصدكه لكاعد يسوونه وتلزك ولاعبالك عرس بس يردون يخلصونه.
قبل لا احجي انفتح لباب داخلات أمينه وياها مره تعلج وميشه شعرها ولابسه ذهبي وذهب يلمع ميلت راسها تريد تشوفني
نزلت راسي منزله شال اكثر حته ماتشوفني
حجت ب أبتسامه
أمينه نفوت؟
جنان كل لهلا ادخلي خاله ادخلي
دخلن وسدت لباب رفعت راسي شوي وشفتها ابتسمت لوحيده لأرتاحيتلها
و وياها مره مشايفتها وبس تلوب براسها تريد تنتبه لملامحي
أمينه هاي غزاله على ذمه فرج
جنان مهى؟
غزاله غزززاله اسمي ذيج ثانيه انتبهي.
سكتت جنان ضايجه من اسلوبها وهزت راسها
غزاله بلاا شيلي شال؟
ماشلته عاضه باطن شفتي منقهره تقربت أمينه يمي
أمينه هسه تشوفين جوريتنه لحلوه
شالت شال مني رافعه راسها بيدي مبتسمه خلت ايدها يم شفايفها
أمينه الف صلاه وسلام عليك ياحبيب محمد، هلهلت بعدها بصوت عالي
دخلت امي مبتسمه تباوعلي وبعيونها دموع
حجيت بهمس
قبل كم ساعه شبعتيني تكفخ
أمينه هاي شنو ركبه چنتي فارغه
رمله كلت بيت فرج مراح يقصرون بذهب مو؟
أمينه بس ذهب ننطيها ماي لعيون
طلعت من جنطتها كلاده وخاتم بس لخاتم رجعته ولكلاده تلمع رفعت راسي وبيدي شلت شعري لبستها إلى باوعت للمرايه وابتسمت
أمينه جوري يلوگلها ألماس وبس.
رجعت شال عليه وجنان رتبتني اكثر راشتلي بعد من عطر
جوري اختنكت كافي
جنان يلا كومي كومي
كومتني وأمينه بس صافنه بيه بؤبؤ عينها يلمع حسيتهن وغزاله معاجبه شي بس تخوزر وترفع بحواجبها
مشيت شوي وأمينه لزمتني تقربت يم اذني هامسه.
أمينه أملي بيچ بنيتي.
مافهمتها بس ابتسمت رغم لخنكه ماليه صدري اخذت نفس زافرته وطلعوني مكعديني على كوشه مزينيها خواتي
خلو بحضني قرأن وجنان تقربت طلعت سوره الفتح
وبين اصابيعي خلن هيل رفعت راسي شوي اباوع للمعازيم قليلن حيل وكلهم ماعرفهم بيهم لمطنگر وبيهم لفرحان
فزيت على ايد جرت شال اكثر نزلت راسي
جاه لاترفعين راسج مايصير
جوري اريد اشوف
جاه شتشوفين
مجاوبتها شوي واجت امي بس اشوف رجلينهم يمي.
جنان امي شبيج ضايجه؟
رمله تعاي احاجيج
جرت ايد جنان ماخذين أمينه على صفحه يحجون ونسوان يهوسن وهنه كاعدات وبيهم ليصكفون
جوري جاه شكو؟
جاه أندري هسه اشوف
راحت وهم ما اجت بقيت كاعده ولعبانه نفسي ماماكله من اول ماكعدت وبطني توجعني
جوري والله جوعانه
رفعت شال شوي اباوع لكيت جاه جايه نزلت شال سريع
جوري ها؟
جاه ادبسز
جوري انا
جاه لاموعليج على لراح تاخذينه
جوري شكو مافهمت؟
جاه ماجاي
جوري شلون يعني
جاه أندريي مجاي هوه.
جوري چچا منو راح يعقد عليه
جاه جدي يطلع من كبره ويعقد
ضحكت حاسه لهوء رجعلي شلت شال ورجعته هيه
جاه شجاي تسوين
جوري غير هذا هوه مراح اتزوج
جاه لاولج ثول اكو وكيل عنه
جوري راح يزوجوني لغير واحد؟
جاه بربج شهل فهاوه
جوري جا شنوو
جاه بس سدي حلكج
سكتت واجت امي وأمينه
أمينه والله صارله شغل
رمله شنو من شغل هذا مدكليلي يعوف زواجه اكو اهم من هيج يوم؟
أمينه يعني شسوي سامحوني اعتذر بدال منه
سمعت صوت طلق انعصر گلبي خايفه.
جوري هاي شنو طلق
جاه هذول مخابيل لو شنو؟
حسيت وجع بطني زاد رفعت راسي شوي لكيت غزاله تضحك بشماته واكفه صفح
جنان امي انا اكول انبطل
جاه صح شهل مهزله
أمينه حبيباتي استهدن برحمن موصعبه شسالفه ياعيني انتن ماصدكت هل يوم يجي
جاه انت فرحانه اكثر من لعريس ادري لاعبين بالاعدادات
رمله اشش كافي كالو اكو وكيل نيابه عنه هذا هوه ماصدكنه تجي هيج قسمه
فتحت عيوني على حجي امي وكدامهم!
نزلت راسي اكثر متفشله لاهمه يسدون سالفه كلها ويعوفوني بحالي ولاهمه لمقدريني
اانحبست انفاسي على صوت شيخ داخل
سكتت خايفه وهو كعد بده يحجي كلام عن زواج وسأل على موافقتي مجاوبت رافعه راسي مجتمعه دموعي اباوع لامي شافتني وأشرتلي ابتسم
نزلت راسي وجاوبت ب نعم انتَ وكيلي
حجاها للمره ثالثه وصارت لههلاهل بين نسوان وبلحظه انفتح لباب ماعرفت من دخل بس كلهم سكتوا
حجت ماخذه نفس مرتاحه
أمينه يايمه هلا.
مارفعت راسي ومامفتهمه منو دخل بس كعد يمي كزبر جسمي دنيت شوي مامفتهمه شي
شيخ حجه ولعرفت اسمه ذياب.
تفاجأت من رد صوت بدال صوت شيخ
ذياب نعم أقبل ب جوري بنت خالد زوجه ألي.
عادها مرتين وللمره ثالثه اخذ نفس زافره نافذ صبره وحجاها وهل مره امي لهلهت
أمينه يمه لمهر لبسها
كومتني امي مبتسمه وانا ماشوف شي بس همه يحركوني وعبالك روحي ب أمرهم وكفوني صفح باوعت من جوه شفته واكف كبالي لابس بنطرون اسود وحذاء اسود يلمع.
وقميص ابيض وقاط اسود وبيده ساعه ومحبس شذرته حمره تلمع.
انطو علبه طقم وفتحها
همست دايره وجهي على كيف
جوري جاه
جاه ها
جوري هذا لوكيل؟
جاه لاولج هوه اجه ذياب
مجاوبت وانطيته ايدي لبسني لخاتم وكل خطوه يسويها يصفكن ويهلهلن ويدكن لبسته لخاتم وفوك طقم الالماس طلع صيه ذهب لبسنياه حسيت بثگل اندريت بسرعه كاعده
أمينه يلا ابني ارفع شال منها
مصار اي حركه لثواني صوت باب كلهم وكفن صوت دك مستغربات من تصرفه.
جريت بيدي شوي من ثوب جاه
شصار؟
رجلج طلع ومارفع شال
شنو يعني؟
مايريد يشوفچ.