رواية عروس الهور الجزء الأول للكاتبة هيلانا الفصل الثاني
كعدت العصر شبعانة نوم طاحت عيني ع الغرفة هوسة
هاي أكيد شمس، مهوسة الغرفة. طلعت للصالة، فارغة. لعد وين أهلي؟
شفت باب البلكونة مفتوح، وگلت بنفسي: هاي شمس، منو غيرها؟
صعدت للطابق الثاني، وأني صاعدة سمعت صوتها تسولف، مديت راسي وشفتها ويا مرام، بت جيرانة.
مرام؟! هاي وحدة استغفر الله منها ماما مناعتنا نحچي وياها لأن سوالفها كلش
معروفة. بس زلم وسوالف مال مزوجات وتعفط لرايح والجاي وادخن جكاير.
والبلكونة مالتهم بصفنة.
شمس بالعادة متكعد بهاي البلكونة لأن بابا ميقبل، تگعد على بلكونة غرفتنة
بس إذا ماما وبابا غايبين تروح وتستغل الوضع. ست شمس الثولة كل ممنوع مرغوب عدها!
كفت وراها وهي تسولف وي مرام، ما منتبهة إلي. ومرام طك بعلچهة، لابسة فستان صارخ يخبل
هستوة داخل جان. وهمات غالي مو الكل يشتري، وهمة حالتهم
مو هلكد معرفين من وين أجيب أفلوس وتشتري هيج ملابس
شافتني كالت: -هلو شجونة شلونج.
التفتت شمس وسوتلي مجال عود تعالي بصفي بقيت بمكاني وگلت مجاملة:
هلا بيچ مرام، تمام، شلونچ إنتي؟
مرام: -تمام حبيبة
دارت وجهها تكمل سوالفها
: -ولج أبو التكسي السرسري يكلي اني وحدي دوم ضايج وماعندي اصدقاءادري دمغسوز اني هيفاء وهبي واركصلك
شمس: -ماكو فرق
مرام: -حاول يقنعني بكل الطرق نروح لبيته
بس شغلت وضع الجذب وكتله ابوي رئيس جمعية وعمامي محامين وخوالي كلهم ضباط
شجن: -والريس جدج
شمس: -واخوانج بالحزب.
مرام: -ما أجت على بالي المهم بنات الرجال من كتله هيج كال لا راحت الضوجه
شمس فطست من ضحك السخيفة. كتلهة: -شكو أطلعين وحدج
مرام: -غير رحت أجيب مسواك للبيت بس، هو شافني حلوة اشبه ليلى العطار كال اغتصبهة
شمس: -اذ سمعتج ليلى تكوم تلطم
مرام: -بس بنات تدرن خوفني خرا بروحة حتى مطلع ازرورة كله شعر عود يسولي غرائات
شمس: -همزين ما طلعلج شي ثاني
غمزت وطكتهة ضحكة: -كمت اخاف ع روحي.
شجن: -بعد لا طلعين وحدج لا ترجعينة بتوم
مرام: -يااا لو ما كتله أبوي رئيس جمعية
جان هسه مغتصبني والله
شجن: -همزين وصلتي بالسلامه
بدون ما تفقدين شرفج
مرام: -الف الحمدلله والشكرا، اكول بنات صدوك فدوا أصعدو دوم خلونة نسولف مشتاقتلكم
شجن: -ماما متقبل، ويلا شمس خلي ننزل قبل لا تجي ماما
كوة سحبت شمس ونزلنة تريد تبقى تلقي وأحنة نازلين دخلو ماما وبابا
وماما تبجي ودكول: -لك عيني دادا سودة عليه خوية.
ركضنة لماما نريد نفتهم شكو وبابا يهدي بيها
أنوب نسالها متجاوب بس تبجي
شمس حجت بعصبية: -شكو وكعتو كلبي دحجو عاد
سالم: -ماكو شي بابا لا تخافن بس خالچن مات
شمس: -همزين حسبالي لو شكو
فكيت حلكي بصدمةوماما كطعت نفسها: -عزززاااا باباااا صدك تحجي خالو شنو توفهة ومنو منهم
سالم: -وسام. بساع بساع مجلوط
نهال: -سودة عليه خوية ياأبو طول الحلو
شمس: -هو خالو طولة 158 منين أجة الطلو الحلو.
شجن: -دسكتي عيب من ماما وين ذوق أشبيج
بلعت علجهة وسكتت وماما صعدت بين ما بدلت ملابسها ونزلت لابسة تنورة سودة
وسترة سودة وكعب أسود. وكلش أنيقة وحلوة
هي ماما من يومهة أنيقة حتى لو بعز المصاب
شمس تتهامس هي وبابا دكلة: -هو المرحوم ميت لو معرس شو ماما طالعة تفلش
رد عليه بضحكة خافته: -البقاء الله بنيتي شلون تموت ويا
راحو لفاتحة وكالوا يرجعون بنفس اليوم ماما رادت تاخذنة وياهة.
بس تدري بشمس تخاف من صوت صريخ وأجواء الفواتح واخر مرة رحنة فاتحة تخربطت
وكعت واخذناهة للسيد الا صارت زينة
فبقينة بالبيت
عاد شمس رجعت سحبتني وصعدت فوك وصاحت على مرام أجت
كلت خل اكعد اسمع سوالفهن مادام ماما مو هنا
والبيت ملل عاد أضحك عليهن شوي
كالت بتسأل: -شنو عدكم عيني شمس سمعت أصوات بجي
شمس: -ماكو شي بس خالو توفة
مرام: -عزززززا وشلون مات
شمس: -استشهد بالحرب العالمية الثانية، يعني شلون مات موت الله.
مرام: -يعني ماكو مرض منا منا اتحرش بي
شجن: -يكولون جلطة اسم الله
مرام: -البقية بحياتكم يحلوات
شمس: -اكلج عوفج من هل سوالف كملي سالفتج مال تكسي
ردت هيه مستغربة: -أكول شو ما جنو خالولكم متوفي لا دمعة طاحطت لا شي وانتي شمسية ادورين سوالف على تكسي احترامي المصاب
فشلتنة وكلة من ورة شمس بس هاي كاللتهة بثقة
: -ااووووي ا اصلا گطعت نفسي وي ماما مساع ما شفتيني.
شكيت ثوبي الحرير وذيج النعاوي أني وبابا بس تدرين هو الميت ترجعة دمعة المهم كملي سالفتج على تكسي
يمة الجذب أجتهاد شخصي عد شمس
جان هية كالت بأسف وحزن: -يعمري خاتمة الاحزان
أنوب رحت سويت غدة وهي أخذتلهة ساعة وي مرام وأجت تفرك بديهة كالت ميتة جوعة
شجن: -لو مو جوعانة احتمال تباتين على بلكونة
كشفت الغطة عن الكدر جنت طابخة شوربة بالخضروات عوجت حلكهة: -معليج، بعدين شنو هاي
شجن: -شوربة خضروات.
شمس: -ايع ما اكلهة. اكلج خلي نجيب دجاجة بثواب خالو شدكولين
شجن: -ماما جانت دكول اخوهة نباتي مياكل لحوم فاعتقد ميوصلة لهذا سويت شوربة خضروات اثوب
باوعتلي بنص عين: -واني شعلية بالمرحوم شيحب اريد اكل دجاج أمشي جيبلنة بثوابة وتوصل معليج يمي
شجن: -هو انتي فاتحة ما قريتهة اله اسويلة ثوابات
شمس: -ترى كلت الله يرحمة شسويلة بعد
شجن: -شكد ماصخة
هزت ايدهة ومشت.
وراهة مرت الايام عادية وشوي البيت حداد على روح خالو حتى تلفزيون منشغل
وشمس كل شوي وكالت أذاني تحكني مشتاقة ل كاظم الساهر أشلون
اليوم السبعة مالت خالو وماما وبابا راحو، وشمس عزمت مرام من عصر
كاتلهة تعالي نسهر سوة وذيج ما كالت لا
أجت فأني حضرت كلشي لسهرة
وكعدنة بالبلكونة وطفينة الانارة بقت بس انارة شارع مضوية والشارع يصوصي ماكو بشر
وأهلي لحد هسه ما راجعين شيجيبهم من تكريت بهل الليل لو يباتون عاد.
تمددت يم مرام وشمس عدهة ثوب مالت نوم جديد تريد تشوفة لمرام كاتلهة البسة وأجي
أجت لابستة طاير لسماوات حلفت اذ رجعت ماما الا أكلهة على شمس حتى أطيح حظهة
علي هل لبسات وهاي ثانية مرام هم مشلتحه جايتنه وأنوب طفرت علينه من البلكونة ما اجت من الباب
واهلها ما يحاسبوهة مخليهه على حل شعرهة حتى لو تبات بشارع
وماما لو تدري جايبين مرام تسهر ويانة وعلى تطردنة من البيت لا والله من بغداد كله.
بلشنة نلعب لعبة صراحة جراءة وبدت، فرت بطل الكزاز مرام وصارت وجهته على شمس
مرام كالت: -صراحة
ردت شمس بحماس: -لا جراءة اني جرئية كولش
مرام: -فكري زين يحلوة كد كلامج
شمس: -اكيد
شجن: -اني كول صراحة أفضل
شمس: -جوؤ، التفتت لمرام: -يلا مرام معليج بشجن
مرام: -طلعي مبايلج وأتصلي برقم غريب كوليلة أني حامل منك
فكت حلكهة شجن ونطت: -لاااااا شنو هل تمسلت غيري
مرام: -انتي شعليج التحدي لشمس.
التفتلي: -انجبي عوفي اسوالف مرام الطايحظهة
وتركن هل لعبة السخيفة
-لا حلوة حجرب
طلعت مبايلي، لعبت بأرقام الشاشة شوي، وسجلت رقم عشوائي وضغطت اتصال
ثواني وطلع صوت مبحوح مال واحد، نعسان ومو مستوعب الدنيا.
حجيت بسرعةكاتمة ضحكتي: -حبيبي، أني حامل!
سكت ثواني، حسّيته يهضم الصدمة، بعدين رد بهدوء عجيب: -وين أنتي!
رفعت حواجبي و شجن تخوزر بيه ومرام صارت تلوح بإيدها حتى أسدّ الخط.
بس بدون تفكير، بدون أي حساب للعواقب، جاوبته بثقة غريبة: -حي العسكري حبيبي!
لحظة صمت ثقيلة، بعدها نطق كلمة وحدة خلت جسمي كله يرجف: -جايج
عيوني توسعت، حنجرتي نشفت، وشجن شهقت وهي تسحب التلفون من إيدي وكأن بيه قنبلة موقوتة.
شجن: -شنو؟ اشبيج؟ شكال؟
شمس: - جايج،
مرام: -شنو جايج؟ ثول؟
شمس: -هو كال هيج!
شجن ومرام تبادلوا نظرات رعب، بعدها مرام صفّكت بيديها.
-: أووووي اشبيجن صوفرتن هو اتصال من رقم غريب، شلون راح يدلي العنوان؟ حي العسكري بيه ألف بيت.
شمس: -وإذا اجه شنسوي
شجن: -بلكي يضحك علينة، مثل ما إحنا نضحك عليه، وحتى لو اجه، نكله اتصال بالغلط، جنة نلعب، ماكو شي.
بس قبل ما تكمل جملتها، رنّ التلفون برقمه، وكأنة القدر دا يلعب ويانة
جمدت على صوت الرنةوخنگتني الضحكة الباردة بوجوه البنات
همست مرام: -لاااا، مو معقولة!
شجن بعينها رعب مخلوط بهلع: -لا تردين.
مرام: -لا ردي شوفي شيريد!
شجن: -لاااااا تردين أنجبي مرام
مرام: -دا اكلج ردي أشبيج خلنفهم شيريد
عطت بيهن واني لازمة المبايل: -اسسسسكتتتن
عصرتة بيدي يا ستار، شسوي؟
الموبايل يرن، يرن
أنا مخنوگة، جسمي مثل الجليد، ومرام تخوزر بيه وتلوح بإيدها
وشجن لازمة مخدتها على وجهها
همست مرام: -ردّي، ردّي قبل لا يطلع من الشاشة
شجن: -ذا ردّيتي وگال شي غريب، لا تلومين إلا نفسچ!
رعشة يدي وصلت للأعصاب، بس فتحت الخط، خليت الموبايل على أذني
ما كدرت أطلع صوت ولا حتى ألو، بس قبل لا أستوعب شنو دا يصير
إجاني صوت هادئ، ثابت، بس بيه شيء يخلي الدم يجمد بالعروك
-: أفتحي الباب
أفتح الباب. يااااااه
صرخة مكتومة طلعت مني، وجهي صار شاحب، ومرام وشجن ختمن القرآن كله بعيونهن.
-شجن صاحت بصوت عالي: - شنووووووو؟
ركضنا للشباك، كلنا، وحشرنا روسنا بيه عيوننا تتفحص الشارع، فارغ، ماكو أحد، بس مع ذلك كلبي يدك مثل الطبول.
شجن: -محد بالشارع، يمكن ناصب علينا
مرام: - شنو ناصب، شنو يقرأ أفكارنه همين
عاطت بيه شجن: -سديه! سديه لا تردين بعد
ضغطت على إنهاء المكالمة، وطفيتة وشلت البطارية، ذبيت الموبايل على جرباية عبالك قنبلة موقوتة.
بهل لحظات أندگ الباب مرة، مرتين، وصوت الطرق يثگّل أكثر وي كل دگّة
عبالك يكلي: - أفتحي الباب!
شجن ومرام لازمات بيه من أيدي، وأنا واكفة مثل التمثال، جسمي ماتحرك، مخي رافض يستوعب شلون عرف العنوان
حجت شجن بصوت خافت: -شنسويييي هسه
مرام: -أهدوء، يمعودات، يمكن جيران يمكن ماما جاية تسأل عني لان تاخرت
شجن: -لاااااااااااااااااا هذاااااااااااا هووووووووووو اكيد
كمزنة وي دكت الباب مرة ثانية بس هل مره أقوى
كلبي يدگ بسرعة، شجن قربت للباب
يالله، راح تفتحه.
أسحبتهة بخوف: - لااااااااا، شتسوين خلي يدك ويمشي هسه يمل ويروح
مرام: -أتفق وي شمس
شجن: -لازم نشوف، لازم نعرف شكو، يمكن صدفة، يمكن، يمكن،
شمس: - ماكو شي اسمه يمكن...
كلنا سكتنا، ماكو حل، ومن خوف حتى، حيطان الغرفة تقترب، والباب اللي يندك صار مثل باب سجن راح ينفتح بأي لحظة
بعدهة ما فاتحهه والباب ندفر قوي.
شجن صرخت وليلى لزكت بالحايط، وأني حسيت روحي طلعت من جسمي وصارت طايرة بالسما، يا ستار، هذا ناوي يكسر الباب
قررنة نواجهه مصيرنة ونفتح الباب وأني أحس أسناني صتكن من الخوف
نفتح الباب وهي عاطت بينه بعصبية
نهال: -صار ساعة ندك شجاجن نايمات شنو
جريت نفس واحس روحي رجعتلي وشجن ايدهة على صدرهة بين فرحة بجيت اهلي وبين خوف ورعب
بين امان لان بابا وماما صارو بالبيت وبين الخطر إلى نحس بي قريب منه.
مرام: -اه مو هيج خالة جنه نلعب ورق وما سمعنه
فتحت عيونهه وهي تبحلق ب مرام لتفتت علينه
بنظرة ماراضية
: -هاي شسوي يمجن
شجن مسحت عرقها بطرف كمها وكالت
شمس عزمتها، مو صدك؟
هزيت راسي بسىرعة: -اي اي هاااااي، صح، اني عزمتها، أبد والله ماما ما تعرفين اشكد مرام حبابة وونستنة بغيبتكم
مرام: -فعلا خالة ونسة من هاي اليحبهة كلبج
وأكفة بنص الصالة وجفوفها على خصرها. تباوعلنة بشك كالت -: معجبني وضعجن وجهوهچن صفر شكو.
جريت نفس وحجيت بهدوء محاولة اسطير على توتري: -ماكو شي والله بس تعرفين مقهورين على خالو الله يرحمة
نهال: -زيييييين، ومبايلج مو أبوج أتصل ليش ماتردين لو تردن تموتني من الخوف عليجن
شجن: -اااااهها مبايل شمس
مرام: - مبايل شمس اي صدك
حجيت بورطة: -مبايلي انييي
زگحت بينة بعصبية: -شجاجن توجن متعلمات الكلمة مثل ببغاء تعيدن اييي مبايلج وينه ليش مجاوبين.
فركت ادية أفكر بجذبة: -وكع؟ اه، مو، صراحة، وكع، وانفتحت البطارية، مو صح بنات صدگ
ومرام هزت راسها بسرعة عبالك فايتة باختبار كشف الكذب: -اييييييي، طاح
نهال: -متاكدات
شجن: -ماما والله ماكو شي، انطيناچ تقرير كامل عن الوضع...
ما قتنعت هواي بكلامنة بس صعدت لغرفة لان بابا صاح عليهه همزين أنقذنة بلكي لباجر تنسة
مرام تمددت على القنفة وتمسح على وجههة وشجن يمهه كاعدة على طرف المسند.
وأني صعدت لغرفة جبت مبايلي ورجعت ركبتة وشغلته أنتظرت شوي بين ما أشتغل
لكيت من نفس رقم هواي مكالمات بعدني ما مستوعبة هل مصيبة
رجع يرن، نفس الرقم، نفس الصوت، ونفس اللعنة اللي دكّت بكلبي
سكتت الغرفة، حسيت الهوى ثكيل. رفعت راسي لبنات وهنه عينهن علية
مرام همست: -يابة، لااااا، مو معقولة
شجن: -لا تردين من أشتعلت روحة.
شمس: -باعووو اذ نبقى هيج نتهرب راح يبقى يتصل راح ارد عليه وأفهمه جنة نشاقة وهيج أشرحلة اكيد راح يفهم
فتحت الخط. وسكت، الكل ساكت، وبنات تقرّبن مخليات اذانهن يمي حتى يسمعن...
رد بصوت واضح، هادي، مثل الموت لما يدگ الباب
: -ها عيوني، وينچ!
شمس: -شتريد
: -اريدج
: -شوفي خوية باع أتصلت بالغلط حسبالي رقم زوجي تمام فاني أعتذر
: -تنزلين، لو أطلعلچ.؟
بلعت ريكي معرف شجاوبة ومرام تشرلي دكلي بصوت هامس: -روحي، شوفي شيرد!
ردت شجن بعصبية: -لااااا ما تنزل منعرف شنو ينتظرها من تنزل ولا منو. جوة شنو هل كلام مرام
بالي يمة وبنات يتعاركن يمي
رد بصوت عبالك ديهددني: -دقيقتين الچ قبل لا أطلع للبيت.
شمس: -تمام راح أنزل.