رواية عروس الهور الجزء الأول للكاتبة هيلانا الفصل الثالث والثلاثون
أحياناً نحب إنسان ونثق بي ونمشي وراه، على عمة عيونه نصدّگه ونبرّرله
نتمسّك بي رغم كلشي داير ما دايرنة يبين النا أحنا خطأ لازم نفلت لازم نبتعد
شفت هواي ملاحظات على على بس دائما أكول هسه يحجيلي يفهمني
أني تفكيري مو صح واكو سببب كاعد أنطي
أعذار وتعبت على كد ما عذرتة
نفسيتي تعبت وتساوؤلات هواي وعقلي يجيب ويودي
أريد أروح للاهلي بعد ما أبقى يمة
خلي غرگان بعالمة وخليني أبعد عنه وعن مشاكلة.
شگد جانت حياتي حلوة قبل لا أعرفة وشگد بجيت وأنهاريت ونفسيتي دمرت
من يوم العرفتة لليوم وأني
من مصيبة لثانية
تعبت من چذب روحي على روحي
من كثر ما أبرر لأفعاله
بس هسه قررت خلص بعد
ما أرجع أبرر الغلط
أني أستحق حياة حلوة هادية
مو حياة تعب وسؤال بدون جواب.
ما دام بعدنة بداية الطريق وماكو طفل يربطنة
خلي أبعد وأنسى
حتى ما أخسر نفسي أكثر من هيج
گمت باوعت من الشباك شفت الحماية قريب على باب واگفين.
همة بسيارة ما نازلين منها مأمنين من جهتي
رجعت فتحت باب المطبخ وطلعت
من الجهة الخلفية للبيت مشيت سريع
لحايط جان أكو برميل مال نفط
مركون يم الحايط فارغ صعدت عليه وصعدت
الحايط ونزلت على كيفي من طرف الثاني
هو الحايط مو كلش عالي. باوعت من كل جهات ماكو أحد
مشيت وأني كل شوي التفت وراي أتاكد ماكو أحد شافني لو تابعني
منا ماكو سيارات لازم أوصل لنهاية الشارع هناك أكدر أخذ تكسي.
مشيت مسافة مو بذاك البعد لحد ما وصلت لشارع الرئيسي شفت سيارات كم سيارة
رحت لوحدة منهن رجال جان كاعد بالصدر وفاتح الباب ويدندن وحدة ما منتبه اليه وكفت يمه
: -السلام عليكم، تكسي؟
رفع راسة باوعلي بستغراب: -وعليكم السلام. اي وين تردين
: -ممكن توصلني لبغداد
هزت راسة ب اي وصعدت ورة كال: -وين ببغداد
: -من نوصل هناك أدليك
: -هذا هوة
الطريق كله وهو كل شوي يحاول يفتح موضوع وأني مغلسة عنه أخر شي كال.
: -أنتي من ناصرية
: -لا من بغداد
: -اي مو كلت شگلج مو من يمنه
سگتتت، رجع حجة: -شنو جاية زيارة لناصرية
: -عندي شغل كملتة وراجعة
: -شتشتغلين مدام
: -مو هواي سالت.؟ شعليك خوية
: -لا العفوو منج خيتي خاف ضوجتج ماقصدي وعلى بس طريق طويل وكلت نسولف
درت وجهي على جامة مالي خلگة اريد أوصل للاهلي وهو هم الصم
مرت دقايق سگتة شوية ما طولت رجع يلغي
كال: -وجهج أصفر خيتي بيج شي
: -لا مابيه.
بعدنة بالناصرية أصلا ما طالعين المحافظة وسيارة غريبة كسرت علينا الطريق
هو وگف بسرعة وأني جفلت جنت متوقعة على بس حتى لو على قابل منين يعرف السيارة لو أني طلعت
مد راسة من جامة وكال: -هاي شبيها؟ وووين وگفتي يمعودة طريق
تفاجت من شفت سهاد نزلت منها وأجت بتجاهنا
وگفت يم باب السيارة وكالت لسايق نزل الجامة
أرتكت بيدها على باب كتلها بحقد
: -هم أنتي شنو مراقبتني
: -ضروري نحجي شمس
: -منو كالج أحجي وياج؟
: -دبسج عاد أدري بيج ميتة حتى تعرفين على شضام عليج
: -هسه أنتِ شكووو أني وزوجي
درت وجهي عنها وكلت لسايق: -أمشي خوية
حجت وهي توخر عن الجامة: -على راحتج بس ترى على مزوج وحدة ثالثة عليج
حجتها وضحكت رمشت أستوعب حجايتها
التفتت عليها: -شگلتي
: -خلة نحجي
: -أحجي هنا لا تتتمطمطين بالسالفة
: -مايصير نحجي على وأگف اكو مطعم قريب نكعد بي ونسولف
: -تمام أسبقيني والحگج.
مشت كدامي واني كلت لسايق أتبعهم فعلا وصلني وكتلة أنتظرني وأنطيك كروة مرجعة
دخلت لمطم ولگيتها كاعد كعدت يمها طلبت جاي النا بس اني ما شربت وبس هي تشرب
: -لو ادري طالبة الج عصير يبرد كلبج خاف يحتر على الحجي
: -تحجين لو أمشي؟
: -لا أحجي ههههه اي شمس منين نبدي
: -أبدي منج
كالت بستفهام: -شقصدج
: -علي ليش مطلگج
: -أناني خلصت مصلحتة وطلگني
: -لا تحجين بالغاز
: -علي بس يعرف يسويلي مشكلة
: -ما يدري
: -واذا درة.
: -لتضلين توهوسين اني ما أحجي بس سولفي شعدكم
: -باعي شمس أني وأنتِ نت تجمعنة مصلحة
: -ما أعتقد
: -لا تبيعين سوالف البرود وعلى اساس ما تردين تعرفين ترى واضحة تردين تعرفين فضولج ياكل بيج
: -لا دكليلي مصطفى أطلبي غير شي
: -شطلب هو اني اريد أبني
باوعتلها بتقزز: -يعني جنت الوم على اكول ليش حارم ام من ابنها بس من خطفتوني أتضحلي على عندة حك ما يخلي عندج
: - ومنو كالج على ملاك.
: -ما كتلج على ملاك بس زين سوة من ما خلا عندج أنتِ بت الليل
ضربت ايدها على طاولة متعصبة: -ديلا يالشريفة لو ما عفتي أهلج وشردتي وي على لا تبعين مثاليات عليه
: -جنت مريضة وعلى أقل ما خليتة يلمس شعرة من راسي قبل الزواج وهسه مزوجين وهو كاتل نفسه عليه مو أني شفتي الفرق بيني وبينج
: -شممممس أسوووودنچ اااااذا طولتي السانج عليه
انتبهت الكل التفت علينا وهي تحمحت ورجعت تعدل بشعرها وتحاول تبرد نفسها.
: -أشربي مي حميتي
: -ما يلام بيج على من سودنچ
: -اذا ما تحجين كليلي أمشي مالي مزاج فوك ما متحملة على أتحمل طليقتة
جرت نفس وكاالت وهي تمهد لبداية الكلام.
: -بيوم أجة وساف وجايب ويا شاب كال هذا صديقي وأخوي جان شگلة كلش حلو ما لفت أنتباهي لان بنادي هواي شباب حلوين وشخصيات وي الايام صار المقرب لوساف وأيدة اليمين خصوصا بعد ما صارت مداهمة على شحنة أسلاح النا وهو قبل المداهمة بدقايق أنطانة خبر هنا وساف أنعجب بي وبشطارتة ونباهتة وذكائة ومن نلعب ونتراهن جان هو دوم يفوز هنا بدة يلفت أنتباهي شخصية وذكاء رزانة وهدوؤء كلها جانت دثيرني بشكل فضيع.
باوعتلي هزيت راسي بمعنى وياج كملي
شربت شوية من جاي وكملت وهي تستذكر أيامها
بحسرة وهنا تاكدت هي تحب على من خلال طريقة كلامها ولمعة الحزن بعيونها
: -اي فهنا حاولت أتقرب منه بس هو عاصي مابيه مجال ومبين ماعندة سوالف نسوان.
وبيوم بالليل جمعنة شغل بالفندق صفقة جانت فرصتي أني ويا بنفس الغرفة ولبست ستن وتعطرت وانتظرتة لان الصفقة جانت على يوم الثاني واحنا اجينه قبل بيوم نصبنة كامرات بالغرفة وعدنة قسم من تجهيزات المهم هو جان ينصب بالكامرات وأني سويت نفسي أشتغل ويا بس بالملابس مال نوم لان دنيا الليل بس العجيب هو أبد ما أهتم ولا كأنة أنة يمة حيرني أكثر
باوعت على ساعتي مر ساعة أوف هسه على رجع.
درة بيه اريد أولي قبل لا يلزمني كتلها بنزعاج
: -أختصري رومنسيات وأحجيلي المفيد سهاد يلاا مستعجلة حبي
ردت بضحكة: -ضجتي لتضوجين هو هسه زوجج
: -ادري وشحدها التاخذة او تحط عينها عليه
: -جايج الحجي أسمعي دادا
: -ايي كملي شكو بعد السهرة
: -اي استغربت وي الايام صادقته بس همة ما قوت علاقتنه عاد دخلت وساف واسطة بينه يقوي العلاقة
: -هلو يعني كوا
: -جوؤ بس لان صديقة كلت يقربنة
: -وصار إلى ردتي.
: -مو بالحرف لان كتشفت على مريض وما يحب يقرب من نسوان
خليت أدية على طاولة مركزة وياها
: -شنو مرضة
: -ما عرف شنو مرضى بالضبط بس جان يهلوس لاحظته من جنت بنادي أدخل للغرفة بالليل ومرات الكة يسولف وحدة ومرة ضرب أيدة بجام المراية ونشگت جنت شاگة بي سحر توقعت سحر أسود لأن أعرف بهالسوالف بس إلى طلع
: -شنو طلع.
: -سحر ثاني أول مره يمر عليه وأسمع بي إلى هو رادة الدم حاولت أبحث عن هالنوع من السحر بس ماعرفته شنو بالكتب العندي ما جان معروف
: -وأنت شلون عرفتي اذا هو ما حاجي لج
: -أستغل فترة غيابة من يطلع وي وساف وأدور غرفته ولكيت دفتر عندة كتاب بي شنو يشوف من أحلام وراسم بي رسومات من خلالها لگيت الاسم
: -وبعدين شسويتي
: -عرضت عليه المساعدة مقابل الزواج
: -يعني يزوجج وتساعدي
: -ايي هذا إلى صار.
: -وانت ما تعرفين هذا نوع من السحر شلون هيج
: -ضحكت عليه وكلت أجرب
: -وشلون عبرت عليه
: -جان محتاج مساعدة مثل الغركان إلى يريد كشاية على هيج جان
: -اي بعد كملي أزوجتوا
: -زوجنة تقريبا شهر وأطلگنة ورة الزواج مو ما طاب طلگني توقعت گدر أخلي يحبني بس جان أناني من ما حصل مصلحته كبل طلگني
: -زين ما عرفتي شنو رادة الدم
: -لا بس هو يعرف
: -وهو شلون عرف
: -مو بس عرف هو حتى عالج نفسة وطاب
: -ما عرفتي اشلون.
: -ورة طلاگنه سافر مادري وين بس هو أسبوعين ورجع جان مابي شي لا يهلوس لا يسولف ولا تصير عندة وعگات
: -وانت حسب خبرتج بمجال السحر والعياذ بالله ماعرفتي شكوو
: -لا
: -ومصطفى شلون أجة
: -جان طلاك باطل لان طلعت حامل بس ما كتلة خليتها سكته بس وساف كالة بيوم جبت وأجة اخذة مني وطلگني
: -وانتي بقيتي تتفرجين من أخذة ما سويتي شي
: -هددني
: -بشنو هددج.
: -هواي حجينة اليوم هسه أكو ثقة بينة لو لا بعد هالحجي كله وما أعتقد على حاجيلج من قبل شي
: -ماكو ثقة
: -عادي بس محد يخسر غيرج فكري بمصلحتج
علي لو فعلا صادق وياج جان حجالج حتى ابنه ما تعرفين وين ما عندة ثقة بيج
: -مو شغلج هالشي بينا
: -جاي أفتح أعيونچ على خطر قريب منج لشوكت تضلين غشيمة
: -ما تتطلع منج
: -كتلج المصلحة فوك كلشي
: -وأني كتلج مصطفى ما أدري وين.
: -تگدرين تستجوبين على وتحصلين معلومات ما أريد بس معلومة وحدة بس عنوان شمس أني ام فاقدة الج قصر بالجنة من أجمعين أم فاقدة ب طفلها
: -مو هي القصور ظالة توزعين بيها أنتِ، المهم
أفكر وممكن نتعاون اذا حجيتلي منو ورة موت بابا
: -مو كالتلج رغد علي
: -لحظة لحظة. وأنتِ شعرفج رغد كالتلي
: -ها. سالتها من جانت طالعة من يمج وكالتلي
سكت أباوعلها تهز بيدها ما مستقرة وراها شي
وعلى الاغلب خطير.
بس ما أخسر شي اذا تعاونة بلكي أعرف على شضام عليه بعد وشلون خطفني وگدر يوصلني
شمس: -وشلون أرجع مصطفى؟
سهاد: -مصطفى هو نقطة ضعف علي
يحبه يحبه أكثر من أي شي أنتي أنتي الوحيدة اللي تگدرين توصلين لمصطفى
شمس: -شلون
: -كلي لعلي اذا تثق بية. أو چان عندك ثقة بية أجيب مصطفى يمي يونسي يسد عليه الوحشة وهنا يعيش بينا أنت أبو وأني أمة
كالتها منزعجة مال و أني أمة.
أنتي هسه بيدج مفتاح قوي مفتاح ممكن يفتح كل الأبواب إلى على قافلها
شمس: -زين شنو الخطة شلون نبدي
سهاد: -لازم ترجعين لعلي هسه و تخلينه يثق بيج
ويجيب مصطفى يمج وبعدين راح أگولچ الخطوة الجاية بس تذكري أي غلطة راح تكلفچ كلشي راح تخسرين روحچ وأهلج وأني راح أخسر أبني للأبد
معقولة أكون جزءاً من لعبة الوصخة بس كله صوج على هو ما ترك إلى اي خيار
ماكدر أبقى عايشة هيج على وهم وسراب
راح أعرف بطريقتي وأستغل سهاد.
وبنفس الوقت ما راح أنطيها مصطفى هي أصلا مو أم صالحة كتلها
: -راح أرجع لعلي وراح أجيب مصطفى متفقين
صفگت أديها وكالت بتشجيع
: -عفية عليچ هذا هو الكلام التوب أنتظر الاخبار الحلوة منج
طلعت المبايل وأنطتني رقمها أخذتة وطلعت من المطعم بعد ما أخذت أكل وياي
حتى خاف يسألني وين جنتي أكدر أجاوب
طبعاً لگيت أبو تكسي ماشي
شبي حتى ألگروة ما أخذها رجعت أجرت تكسي ثانية ورجعت للبيت.
نزلت بداية الشارع وأجيت أتمشى ودخلت للبيت
من جهة الخلفية
فتحت باب المطبخ أمشي على گيفي بخطوات حذرة للغرفتي
تفأجت من شفتة گاعد بالصالة يدخن أول ما فتت صارت عيونة عليه وكفت بمكاني كال
: -وين جنتي
: -جنت، جنت بالمطعم
: -وليش أنة ما أدري
: -أنتَ ما گاعد هنا حتى تدري
: -المبايل شگو عندج اذا ما تنطيني خبر
: -نسيت
: -نسيت،؟ ما توگل خبز مو گايلج ممنوع أطلعين بدون علمي
حجيت بفگاهة: -سامحني أطلب العفو من جلالتك.
گام أجة بتجاهي رجعت خطوتين على المطبخ وأگفة كلش بالباب گال
: -شگلتي ولج
رفعت علاگة الكباب بيدي
: -كلت جبتلك كباب يخبل تاگل أصابعك ورة اليوم
: -تأدبي شمس
حجيت أغير الموضوع
: -صدك وين جنت شو رجعت بسرعة لو باقي بعد ساعة ساعتين عاد أطلع أشوف ناصرية أغير جوء
وجهة جامد ملامحة ما تفسر ماعرف اذا معصب لو لا شاك لو مزعوج مادري ماكدر أفسر تصرفاتة
غريب الاطوار ومن سمعت كلام سهاد خفت أكثر.
وماكدر أجذب كلامها لان أني شفت هواي مواقف تثبت صحة كلامها
حجة بجفاء ونبرة جدية: -راح أعبرها بمزاجي
: -على راسي أنتَ ومزاجك
رحت طلعت صينية وفتحت العلاگة خليت الگباب بالصينية وهو بعدة يمي يدخن ومرتكي على الكاونتر وعيونة وراي
رتبت السفرة وهو أبد ما مد أيدة وياي
التفت عليه
: -يلا حبيبي ناكل
باوعلي صفح ومشة گعد بالحديقة ما تعشى
ياشبي أنوب يسحك جكاير شكد يشرب
كعدت اتعشيت وحدي والله بعد فلا أهتم طز.
أهم شي نفسي وبسيطة أعرف شلون
العب عليهم
كملت ورحت كعدت يمة كتلة
: -شوكت تاخذني للاهلي
: -مو تردين أخذج لنجف
: -اريد أشوف ماما أول شي
: -لا مترحين هسه أخاف عليج
: -من شنو
: -أبن عمج عار أخاف منه يتصرف تصرف ميعجبني وأحطة بگبرة وأتفل عليه
: -زين جيب ماما لهنا والله مشتاقتلها
: -أن شاءالله سهلة
سكتت وهو طفة الجكارة بهدوء بالنفاضة حجة وعيونة ليگدام يباوع
: -شلونها سهاد
التفتت عليه بصدمة والدم جمد بعروگي شلون عرف.
فركت أدية متوترة
: -ش، شنوو سهاد
گام من مكانة باوعلي بنص عين
: - أدري حتى بنفس اللي تتنفسي و بكل خطوة تخطيها بكل كلمة تحچيها بكل فكرة أدور براسچ بس مخليچ براحتچ
بلعت ريكي برعب بقيت ساكتة وهو مشة شغل سيارتة وراح ما أدري وين
گمت دخلت جوة فركت وجهي بقلق وكلت اسوي جاي بلكي أريح أعصابي شوي
خلة أشرب جاي وهي تصفة
سمعت صوت تكسير جاي من فوك وكفت يم درج باوعت أسمع هوسه.
جريت نفس وتعوذت من الشيطان ما راح أخاف هالمرة رجعت كعدت بالمطبخ
أشرب جاي وأسبح وعيوني على الباب
صمدت ما خفت قويت كلبي واذا عرفت أكثر راح أقوى أكثر.
: -شجن
بعد ما لحيت هواي بالاتصال جاوبني وحجة گوة كالي: -أحجي بسرعة شجن
: -وين أنتَ عصام
: -چنتي مضيعني وأدورين عليه؟ متأخر عليج، شنو أنت وين
: -أهوو شبيك هسه شحجيت أني
: -مشعول أببيي شتردين يابة
: -ماااريد شي
قفلت الخط بوجهه رجع هو خابرني ما جاوبت خليت يلح هواي الا جاوبتة
: -شگو كولي
: -أكو ناس مراقبتني ما ادري اذا صدك بس أني هيج حاسة وخفت وكلت أكلك ما ادري روحك بخشمك وملك خلگي.
: -أنة طالع يا عيني وتوقيتج غلط عالعموم لا تخافين أنة مخليهم حماية الج
: -يبوو كلبي جان رايح الحمدالله
: -يله ثيمالله
كبر سد الخط بوجهي حتى ما حجة وياي مثل كل مره، يجوز مشغول صدك اااهوو خيولي.
ثاني يوم
أخذت مرام ورحت أدور على شغل بالصالونات بس ولا وحدة قبلت تشغلنا
واني لازم أشتغل ما أريد نطلب من أحد من بعد وفاة بابا ماعدنة معين
والمشكلة ماكدر أرجع أشتغل يم أستاذ بيرس وأنوب هو أرفض
رجعنا بالطريق ومرام تسولف عليه وتليفون دك
فتحتة جان عصام كتلة
: - هاااا
: -وين أنتِ
: -بالسوك
: -شسوين ومنو وياج
: -أني ومرام وكاعد أسوك
حجة ومبين ما عاجبة: -شگو رايحة أنتِ أمج وين.
: -ماما مريضة فأني رحت وبعدين أنتِ شعليك تحاسبني خافنك زوجي وما أدري
كال بملل: -وين أنتِ هسه
: -أجيت طالعين من السوك
: -أنتظريني جايچ
صدك وصفتلة المكان ومرام كتلها عصام جاي بالطريق خلة ننتظرة عاد هاي مصدگت
فرشت وكعدت على رصيف جنت وأگفة يمها
ما أريد أكعد بالكاع
مرام: -وكفوو والله ساحلتة سحل مسويتة سايق الج
شجن: -شنو هالكلام ما طلبت منه يجي هو جاي وحدة
مرام: -غير عرضة ومايقبل تفرفرين بالتكاسي.
أفف شوكت يجي رجلي ويلمني مو عرضة أطشر
ضحكت وحجيت بمرح: -يجي بس أصبري
مرام: -حتى يعقوب ما صبر بگدي لعد شوكت يجي ببس تدرين أني كتشفت من خلال مسيرتي العنوسية اذا تنتظرين شي ما يجي بس اذا لا راح يجي فلازم أبطل أنتظر
شجن: -صح مويدة الج
التفتت من طبگت سيارة عصام گامت مرام ومشت قبلي وأني وراها هي صعدت ورة
وأني هم أجيت أصعد بصفها بس هو خزرني
وأشرلي بعيونة عود تعاي كدام.
رجعت صعدت يمة بالصدر جنت ساكتة وهو كال بعد ما باوعلي
: -مسائكم الله بالخير
مرام كالتلة: -مسائك الله بالخير والعافية
عصام: -أيدچن فارغة جا شسون بالسوك
مرام: -نشتري حلوين بس مالگينة
عضيت شفتي بحراج هاي البنية ما تبطل تجفص التفتلي وكال: -مالگيتي ست شجن
هسه أني شعليّ يحچي وياي هيج ضوجني حاولت أكون مهذبة
: -لا ما لگينا شي يناسبنا
حجة بخباثة متعمد يغثني
: -شعجب سوگ بغداد ما بي شي يناسب ذوق ست شجن الرفيع.
حاولت أظل هادية ما أنطي أي رد فعل يثبت كلامه
: -كل واحد وذوقه عصام ومرات الواحد يدور على شي، ما يلكاه بسهولة
نطت مرام وحجت من يمها
: -أي والله ندور على شغل بس الظاهر الشغل صاير مثل الزلمة الزين ما ينلگي بسهولة
خزرني ما راضي شيخلصني بعد
: -شسوين بالشغل
: -يعني شسوي بي شلون أنعيش اذا ماعدنة شغل
: -وأنة وين رحت
نداريتلة بغيض ومرام تباوع عيونها تتنقل بينه عبالك أشوف فلم أكشن.
: -وأنتَ منو عصام وبي صفة تصرف علينا مايصير
وماما ما تقبل وحتى أني ما أقبل على نفسي رجال غريب يصرف علينا
هز راسة وهمهم: -غريب. يصير خيرر
ماعرف اذا فعلا راح يصير خير لو هذا تهديد لان ميگدر هسه يحجي ومرام موجودة
هسه أني أخاف لو أبقى صامدة والله كريم
رجع كال
: - شغل خو گلتوا أنة أگدر أساعدكم حتى اذا تحبين أشغلج يمي ست شجن
هي ناقص بس أشتغل يمة حتى أروح بالماي أسيس.
: -مشكور ما تقصر بس أحنا نحب نعتمد على نفسنا والرزق على الله واكيد نلگة
رفع حاجبة و نظرة كحة بعيونه كأنما دا يستهزئ مدري ما عاجبة حجيي
: -والله والنعم منچ ست شجن بس مرات، الرزق يجي من طرق ما نتوقعها. ومرات، يحتاج زلمة يچد عليج
: -حنا نقدر اهتمامك ومن يجي زوجي إلى يچد عليه مثل ما كلت عادي ما كول لا اكعد بالبيت وأسگت
: -چا گلي للامج بأجر نجيكم نشرب جاي
عرفت قصدة من عيونة ومرام كالتلة
مرام: -بس جاي.
عضيت شفتي وخزرتها حتى تسكت بس ماكو ما تعرف تسكت أبد كالها بعد ما باوعلي
: -لا گون ويا كيكة طيبة
مرام: -يلا شجن خوش تسوي حلويات تسويلك
ضحك مستمتع وأحنا وصلنا مرام نزلت وأني أجيت أنزل لزم أيدي سحبتها بسرعة
: -عصاااام شسووي احنا بشارع
: -أنة ليش مطول خلك وياچ هلگد وأنتِ لسانچ يسمم
: -لعد أنتبه لا تسمم
: -مو ضگنا وما تسممنة
تذكرت البيت والموقف عاا شگد حقير نزلت ورگعت باب سيارة بكل قوتي
صاح عليه متعصب.
: -سيارتي بت الحلو
خطية كتم المسبة ميگدر يسب عفتة ودخلت
دنكت أنزع بالبوت وصحت على ماما
ماكو صوت مشيت لمطبخ لگيت مسوية غدة ومخليتة على الطباخ
كلت أروح للغرفة خاف نايمة بيتنا صاير هادي ومابي حياة بعد وفاة بابا وشمس هم ماكو
وين چنة ووين صرنة شلون أيام مغبرة
هالذگريات تسبب عندي نهيار تام
فتحت الباب بهيدة شفتها كاعدة على طرف جرباية ومخلية صورت بابا بحضنها
ماما شگد ما تتظاهر بالقوة هي من داخلها هشة.
وموت بابا كلش أثر عليها دأئما أشوف الضياع بعيونها والحزن ماخذ حيز من وجهه وكلش ذبلانة
وبعد ما تعرضت ل جلطة تغيرت كلش وگامت توهوس بالموت هواي
رفعت راسها أبتسمت من شافتني
: -أجيتي شجن
: -اي ماما أجيت
: -أصبلچ غدة
: -لا أني أغسل وأنزل أصب بس كومي نتغدة سوة يروحي
: -ما أريد أكلي وحدج اريد أنام.
أجيت كعدت بصفها أخذت الصورة خليتها على جهه وحضنتها: -ماما لا تبجين أنتِ مريضة حبيبي وبعدين البجي ميرجع الراح هسه أحنا نصلي لبابا وندعيلة
لان البجي موزين على الميت
بجت حيل وبقيت أسگت بيه وگوة مصبرة روحي
أنوب گومتها حتى نتغدة سوا
چنت گاعدة گدامها واحاول أكل بس حتى الاكل مر مثل أيامنة وماما لازمة الخاشوگة وتحرك بيها بالمرگة بدون ما تاكل
رفعت راسها دموعها چانت تلمع بعيونها بس ما نزلتأحس بگلبي يوجعني عليها.
ماما كاعد تذبل گدامي تذبل من الحزن والمرض
حجت بصوت متحشرج: -شجن، باوعيلي زين
: -ها ماما شبيچ.
: - ولد عمچن ذياب لا تثقين بيهم لا تثقين بأي واحد منهم همة اللي چأنوا السبب بموت أبوج
: -من وين ع...
رفعت أيدها بوجهي وكملت
: -أسگتي وأسمعي شراح أوصيچ
حسيت بقشعريرة بجسمي
وخوف دب بكل أوصالي.
نهال: -علي مهما شفتي منه مهما سمعتي عنه صدگي كلامه هو مو مثل البقية هو مو مثل ولد عمچن هو الساتر الوحيد إلچن مالچن غيرة الوحيد اللي يگدر يوگف بوجههم
: -ماما ليش دتحجين هيج خوفتني شكو اكو شي ما ادري بي أحجيلي
: -ماكو ماماتي لا تخافين بس الحذر واجب كلت أوصيج وادري بيج الجبيرة والعاقلة تاخذين الوصية وتمشين على حجي أمج
: -اكيد ماما حبيبتي شدكليلي أسوي المهم تبقين يمي
غمضت عيونها وجرت نفس كالت.
: -خابري شمس خلة تجينا
: -هي كالت بذني اليومين تجي
سكتت وأني گمت لميت الماعين وكعدت أغسل بيهن ونظفت المطبخ
ونوب صعدت للغرفتي، باوعت من الشباك شفت الحماية بعدهم بس وأگفين شوي بعيد عن البيت
الظاهر عصام حاجي وياهم لهذا السبب مبتعدين
حتى ما يبين شي او شك
رجعت تمددت بفراشي ماعرف شبيه اليوم نكتم على كلبي أحس بروحي حيل بحاجة لبابا وللاختي مشتاقة الهم أريدهم يمي.
ختنگت كلش كعدت وأني مخلية المخدة بحضني وبجيت مادري شو تعبانة
شعور الفقد يوجع ما جنت حاسة بي على كد الهوسة والمصايب
بس من رجعنة للبيتنا صنتة وبس
أحنا فز شگو حزن بروحي
نزيت على صوت المبايل جان عصام تررددت بالبداية أفتح خط وبعدين أخذت نفس وجاوبتة
: -هلة عصام
: -شبي صوتج
: -مابي شي، ليش متصل
: -أريد أجيج
: -لا عصاااام وين جاي فدوة ناقصني فضيحة
: -هوب هوووب على گيفج بالليل أجي وين الفضيحة
: -لا حباب عصام.
: -بعد روحي شبيج؟
: -شوف بالليل وبس أحنا ترى الشيطان شاطر وكل أثنين ثالثهم الشيطان
رد عليه بخبث: -مو أشطر مني
: -ددددرووح ونبي ولا أفتحلك الشباك تبقى برا
: - جااا زوجج وحبيبج يبات برا
: -هه حبيبي حبتك حية منين أجيت حبيبي ونبي أكول لنسيبي عليك تتحرش بيه
: -أنجبي خالي لا تخليني أتحرش بيج أنتِ ونسيبچ
: -يمة عزا بعينك ما عندك بريك
: -لا عاطل، صدك ما تصلحينة
: -شنو مشتغلة فترچي من قبل وأصلحة.
: -الفترچي ما يعرف هو تصليحة وأگف عليج
خليت المخدة ونمت والمبايل بيدي أسمع صوتة يضحك كال: -شسوين هسه؟
: -ما سوي أريد أنام وأنت زعجتني
: -شحلاتچ تحجين معلگ
: -من زمان عيني
: - جايج
: -عززااا لا تجيي عصام كل شوي نعيد
: -ماگدر خالي
: -ليش عيني ماتگدر وشتسوي جاي
رد بذوبان: -أبوسچ
لعبت نفسي هو أني من أذكر البوسة أتقي
: -شو ما تستحي أصلا هواي تحلم ويلة باي
قفلت الخط قبل لا يرد ههه.
أكو بداخلي مشاعر غريبة الة من أحجي ويا أرتاح هو صح سافل بس مغير جوء الي
وهم أشوف الحب يلمع بعيونة أبتسمت بتساع
كالي بأجر أجي اممم
يجوز يجي وأختي تجي وياهم مبينة
راح يجي يخطب يلاا أحسن ما يبقى يطفر من الشباك
جنت أحلم بأجر وأفكر أشلون أخليله ملح بالجاي
زين شراح يجي لابس هم اسود مثل كل مره
لو يغير وأكيد مرام راح تجي شلون يمر يومي من دونها لازم تحضر وتوقع
نمت وأني أحلم بأجر وشنو شراح يصير.
بس نسيت القدر وما فكرت لبعيد
ما كلت ممكن باجر مو مضمون ولا حتى اللحظة الجاية مضمونة.
يمكن اليوم آخر صباح نشوفه آخر مرة نضحك
آخر مرة نحچي ويا ناس نحبهم
الدنيا ما تمشي على كيفنا وما تنتظر أحد.
باجر يمكن يجي ويمكن لا ويمكن إحنا نغيب وياه.
يمكن ما نكون موجودين. ويمكن نكون بس نفتقد ناس ما نكدر نرجعهم.
: -مرام
نايمة نومة ثگيلة يمكن أول مرة أنام هيچ وحسيت بأأمي تبغز بيه ودكلي
: -مرررام وج يمة كعدي جيرانة بيت ابو شجن مدري شصاير عليهم
طفرت وخرت البطانية وصوت الاسعافات صدع أذاني باوعت من البلكونة
شارعنة متروس أسعافات هستوة الصبح الساعة بالستة الصبح هيج وقت وناس ملتمة
نزل بوية وهو يكول: -يااا ساترر شكووو
وأمي وأني وراهم أركض.
يبس حلكي من المنظر اللي شفتة أضواء حمرة وزرگة تكسر سكون الفجر سيارات شرطة إسعافات
وناس متجمعة گدام بيت عمو سالم شريط أصفر ديلف البيت
عبالك يگول هنا صارت كارثة گلبي انقبض
دفعت الناس المزدحمة بالباب اريد أفوت جوة
وأصوأتهم هشمت كلبي وهمة يكولون
: - لا حول الله الله يرحمها، خطية، شلون هيچ
من بين كل أصواتهم ما مصدكة
شفت شي مغطى ببطانية على الكاع بالصالة
لاااا شجن.
صوتي يرجف ركضت على جثة الشرطي حاول يلزمني بس دفعته بقوة وصلت للبطانية
مديت إيدي رفعتها شوي شفت وجه أم شجن وجهها چان شاحب عيونها مفتوحة نظرة رعب بيها
وخرني الشرطي عنها وطلعني من البيت ما يقبلون أحد يدخل والجيران تبجي عليهم
عطت بوجهه: - وشجن، وين شجن وينهااااا
الكل سكت نظراتهم چانت شفقة على عائلة عمو سالم
مرام: -وين شجن أحچوا! وينهااااا
حجة الشرطي وجهه چان جدي
: -ما لگيناها البيت فارغ ماكو أحد بس المغدورة.
كلامة نزل علية مثل الطلقة ماكو
شجن ماكو وين راحت منو أخذها.
: -شمس
قدمت الوضوح في كل شؤون حياتي ولم أنل إلا الشكوك والتساؤلات...
برغم من كلشي أبررلة ما حاولت أطعنة وأغدر بي
أسلوبة وياي يختلف عن البقية
تصرفاتة ما تخليني أشك بي دوم أصدگة وأجذبهم
لعلم شفت هواي أدلة وبعدني أقنع نفسي وأكول بلكي يطلع أكو سبب
اليوم 2/8 الصبح
أسوء تاريخ وأقسى يوم مر عليه لازمة ظرف بيدي
وصل قبل شوي بأسم على وأصلا هو من البارحة ما رجع. الفضول ذبحني.
ما ردت أفتحة بس ما أخذني صبر شگيتة حتى أشوف شبي نصدمت من شفت طلقة مخلين بي
لويت حلگي بشك ديهددون على يعني دازين تهديد للبيتنا خليتة على الميز وبقيت أفتر أحوس
قلصت عيوني بتفكير. رغد تشتغل وي أزاد
وعلي حتى من عرف ما بدر منه اي ردة فعل
وسهاد تريد أبنها من على وهي هسه كاعد تحجيلي ماضيها هي وعلي
حتى أثق بيها بس مستحيل أثق بوحدة بايعة نفسها مثل سهاد
وجود مصطفى عند أبو أفضل صح علي.
هيتئة وشگلة أجرامي بس هو من داخلة حنين
من خلال ما عاشرتة حسيتة هيج أتمنى ما أنخدع وأنغدر وتخيب أمالي
زين أيهاب ماكو بكبرة وباالفيديو المصور جديد معناه عايش واذا هيج يعني على ما قتلة
شنو السبب إلى يخلي يمثل عليه هو قتل أيهاب شراح يستفاد من هالخطوة.
زين واذا طلع صدك ميت أففف عقلي أفتر شنو هالعالم الغامض
ناس هنا كله وحوش وقتلة، فزيت على دگة تليفوني رفعتة جان رقم سهاد.
باوعت من الشباك أتاكد خاف على يكبس عليه فجاة هو ما ينحس بي من يجي
فتحت خط حجيت بملل: -مالاگية شي بعدني
: -روحي للاهلج شمس
رمشت أستوعب الكلمة شنو روحي للاهلج
: -شبيهم أهلي
: -يكولون متعرضين للاغتيال اليوم الصبح كلت أنطيج خبر اكيد على ما يگلج ال
وگع المبايل من أيدي طلعت أركض ورجلية ماتن
بهذا اليوم جنت حاسة رأح أفقد أهلي.
كلبي جان يكلي ما راح تشوفينهم بعد لازم تودعيهم غصة بكلبي ما أنسى هذا اليوم ولا راح أنسى بحياتي
مشيت خاوية بدون روح حاول الحماية يوگفني دفعتة اريد أوصل الشارع كالي
: -مممنوع مدام شمس أستاذ على مايقبل
عطت بوجهه مشتتة وضايعة: -وخرررر اررريد أرووح للاهلؤ
رحت ركض وهو صار گدامي: -أحنا نوصلج مدام
رجعت صعدت وياهم وأدية ترجف أخذت الطريق من الناصرية لبغداد أدعي كون مابيهم شي.
كون الخبر جذب هزيت راسي أحاول أقنع نفسي
هاي سهاد تگرهني أكيد تريد تخوفني وتقهرني
وصلت هناك وياريتني ما وصلت البيت مسدود وعلية شريط أصفر ومحد يمة
نزلت أركض مثل المخبلة وأني
أصرخ ماما وينج. ماما
دفعت الباب وفتت جان مردود رد وعلية لاصق مخلين صنتة موحش وبارد
وفارغ من أهلي طاحت عيوني على الدم بالگاع
هذا دم منو ماما لو شجن جفلت
والله ما أتمنى ذاك اليوم حتى للعدوي ظلمة الدنيا بعيني وگلبي. ماتت.
حسيت بشخص يمي التفت عساف وجهه مرعوب ومتوتر كال: -شمس
وخرت منه ورحت للدم الجان بالكاع مسحتة بدية
وكتلة: -دم منو هذاااا دم مااامااا لو شجن وووينهمم أهلي عساااف فدوة وينهم ماكو
تقرب مني وحجة بهدوء: -شمس أجيت علمودج لازم تمشين وياي قبل لا يجي علي
لطمت وجهي ودموعي تتطافر: -ووووويننن ااااهلي وووينننهم كللللي
سحبني من أيدي وأني أصرخ وصوتي متحشرج
: -شمسس أسمعينييي اااااسمعيني.
عاط بيه جمدت أباوع بعيونة بفزع حجة بجمود
: -أمج مااتتتت وشجن ما أدري بيه وين بس هي مختفية من البارحة
صفرت أذاني فاگة عيوني الحرورة صعدت لكلبي
كمل وهو مركز وياي.
: -أزاد ووساف حرگوا الكل وياهم صفوا جماعة على ذو الفقار وعزيز ورغد خطفوها وصارت تصفيات علني وجماعة الشبگة هم فاتوا بالنص وهسه صادق راح ياخذ الاهل ويطلع للربيل وعمج ما يقبل يمشي بدونج أجيت أخذج لازم تمشين وياي شمس لا تنگتلين ترى بيت هاشم ما راح يخلوها تمر سلامات وماعدنة أحد يوگف بوجهم لان أزاد أخذتة الشرطة الصبح
جنت ما مركز ويا أحسه يحجي بغير عالم شنو شگاعد يصير بين يوم وليلة.
ضغط على زندي وجرني وأني فلتتت نفسي منه
: -عووووفني مااااروح ااررريد مامااااا وين ياااا مستشفى كلي أروحلهاااا
: -والعباس يصگوج أگلج
: -رررروحيييي مو أعز منهم كللييي وينهم فدوة عساااف وييين ماماااااا خللييي اشوفها والله عايشة أني متااااكد ماما ما تعوفني كالت تريد تشوفني هي مشتاكتلي وأني هم مشتاكتلها اااخ ياااالله وخررر مااااروح
جان طلع مبايلة وهو يفتح مقطع وكال بغضب كاسح.
: -هااااج شوفي ااارررتاحي يللله اااامج ماااتتتت وما تصدكين
شفت الفيديو. عيوني غورگت هاي شجن
جانت تباوع على جهه وأديها كله دم حجت بصوت يرجف وهي تباوع للكامرة
: -ش. شمس. على قتل ماما شمس لا تعوفيني وحدي
حجتها وبجت وعيونها مليانة رعب نبهت لوني شلت أيدي على راسي بضياع معقولة على سواها
شهگت صوت شهگاتي يشك كلبي
: -منيلك هذا التصوير
: -الشرطة لگوا هنا
هزيت راسي ما مصدكة
: -لااااا على ميسويهااا.
عتني من أيدي بعصبية حجة بقناع
: -لا يسويها ونص واحد كلب يطلبنا ثااار واذا ما نهينا راح ينهينة أول شي عمي وهسه مرت عمي وازاد دخلة السجن وراح يصفي بالسجن أكيد ويريد يگتل شكو واحد شارك بموت أهله واختج عدهم لازم نشرد
غمضت عيوني كتمت صوت صرختي أني شسويت
بروحي وبأأهلي
شعوري قاتل بالهحظة أحب شخص كتل أبوية وأمي ويتمني وخطف أختي
ضغطت على أيدي بحرگة شبسرعة حبيتة وتعلقت بي ليش هيج نسيت أهلي وصارت روحي بي.
أبجي والوم بروحي ذنب دياكلني
ليش جريت أهلي لتهلگه ل أيد واحد سفاح وما يرحم ليش دمرت اهلي ونفسي ونعميت
نترت أيدي منه أبجي: -وخررر جذب والله جذذذذب اارريدد ماما وووين الجثة أخذذذني الها واذا متت معليك اني المن عايشة ولشنو هو شبقى عندي بعد
حجة بنزعاج: -طبج مرض خلي أختج تموت وتحملي ذنبها
طلعت أركض أريد أهج كلبي نار
أتعثرت بالباب ودموعي ترست وجهي
صاح عليه عساف وأجة وراي يركض كال
: -أوصلج لمستشفى.
وكعت أبجي ماما ماتتت وبابا هم
منو بقى النا ضيعتهم كلهم اااخ يالله
هزيت راسي ب لا بس هو جان أصرارة غريب ضغط على زندي وأني مفرفحة اريدة يعوفني
اريد أروح لماما أشوفها وين بيااا مستشفى والله متأملة تتطلع عايشة ما أصدك
هذا كابوس أني كاعد أحلم مو معقولة تنطفي حياتي بين يوم وليلة ليش هيج يربي شسوينه
شنو هالذنب العظيم الكاعد تعاقبنة عليه.
كومني عساف وأخذني سحل من جهه الثانية للحديقة لان زلم على بالباب يم سيارتهم
هو أصلا ما أدري منين فات ماعرف يمكن جان موجود قبل لا أجي
وأحنا طالعين بعدنة بالترك وعلى لاگنة وجهه بوجه
هو بسرعة رفع أسلاحة يريد يطگة جيلة
بس على سبقة وطگة جيلتين، جان لازم زندي من وگع صارت وگعته بحضني نزلت ويا للكاع
يرفس من حرورة الجيلة بين أدية جمدت لهالدرجة دم بني ادم رخيص نفجعت وجسمي كله باد قتلة يالله قتلة.
جان ينزف من حلگة وخشمة ادية ترجف عيوني على دمة ملة ملابسة
نجريت بالحظة من أيدي رفعت عيوني
علي وعيونة كله شر وشعرة مخربط ووأگع على وجهة
نرهبت كلش دفعتت وأني اريد أفلت نفسي من قبضتة
: -عوووووفنننني لاااااا تقرررب مني مجررررم لگ ليييييش هيج سوووويت
أباوع على عساف غمض عيوني وسنح
ماااات والله ماتتت
صرخت بصوت عالي: -ماااااات ياللله ماااات الله يااااخذك حفرت أكبور أهلي بيدك اااالله ينتقم منك.
جرني من زندي گمت أضرب اريدة يعوفني احس ايدي راح أطك على گد ما ضاغط عليه حجة بعصبية
: -اااااامشيييي شمس
ماكدريت أقاومة جان أقوى مني أخذني سحل للسيارة وشمرني بيها
صعد وقفل السيارة تحرگنة وعساف بقى مدد بمكانة متاكدة مات جيلتين مو هينات
ارجف وروحي مفرفحة عليمن أبجي
ياهوو منهم أني مضيعة كل أهلي
أباوعلة بالمراية عيونة حمر مبين بأجي وشعرة مهوس وكل شوي يخابرة واحد ما جنت مركزة ويا جنت فاقدة بلا روح.
روحي ذابت وجسمي ميت
نار وأچة بكلبي تسعر
ماما كالت تريد توصيني وتحجيلي شي مهم اكيد جان شي خطير وهم كتلوها حتى ما تتحجي محد غيرة دمر حياتنا
علمود ثار اهلة الله يلعنة هو وأهله
وينتقم منهم
ما أعرف شضاع بروحي
أكو شي ناقص اكو فراغ
أمس جان حلو جنت أضحك شبسرعة نكسرت وبجيت شبسرعة ظلمة الدنيا صارت
كلهم فرهدونة أعمامي وعلى كلهم
كل واحد عندة ثار أخذة من أهلي من بيتنا من ضياع عائلتنا ودمر بيتنا.
نطفى بيتنا وبعد ما عندي أحد هسه أني وحدي ومالي أحد
أريد أبجي على روحي أحس موزينة
اريد أموت ولا هالعذاب إلى دا اعيشة
أحس ونيني يدك بالعظام
وأني بغير عالم
نزلني من سيارة وأني أبجي دفعتة
وعطت بي: -الله ياااخذك دمرتنة علمود ثارك انتت لو ما عار جان متتت وي اهلك
حجة بتهديد شيطاني وهو يرفع أصبعه بوجهي: - اااااش سدي حلگچ لا تلوصين بالحجي
لزم أدية بين أدي قبضته چانت قوية ثرت بوجهه وأني أبچي.
: -سبينا العنب الاسود؟ لگ شللللون حبيتك اااني ندمانة وعاضة أصبع الندامة اااانت عاااار وإن شاء الله تموت وتلحگ أهلك وأخلص منك
ما أحس غير جمر خدي من حرورة الراشدي اللي نزل على وجهي وگعت يم الدرج إيدي على وجهي أبجي
لزمني من فچي بحقد وجهه چان قريب كلش
: -وااااالله لنعل أبو خيرچ سدددي حلگچ أتقيييي شررري شمسسس لا تخليني أجرم بيچ
رفعت راسي عيوني مليانة دموع حجيت بسخرية بدون خوف ما عندي شي اخاف أخسره بعد.
: -بقت بس هاي گتلني ليش ضالة بنفسك هو أنت مو رجال گدرتك عليه ماااابيك خيرررر أخذت ثارك من أهلي بدون ذنب لأن تخاااف من أزاد ههه
أجة يضربني مرة ثانية حطيت أيدي على وجهي وهو لم أيدة وگام يريد يطلع
گمت ورة طالعة لباب لزمني
: -عووووفففني ماااااررريد ااابقى هنااا ااااختي ووووين كللللي وين اخذوتهااااا
: -لججج بابة أنتي ما فاهمة شي اكعدي وسگتي مووووفارغلج الدنيا محترگة مااااررريد التهي بيج همم اااابقي هنااا.
: -ماااااريدددد ااابقى رررروحي تفور ماااككدر اررريددد ماما وااااختي ماااكووو دموت اااني دموت
ماااحس غير جرني من زندي اخذني سحل للغرفة دفعني جوة وقفل الباب عليه
بقيت أدك عليه وأعيط: -اااااافتتتحلي على لگ افتح منك ل الله الله ينتقم منكم
مسلمتك بيد الله ياااااخذ حگنة منكم وحرگة كلبي
لميت نفسي أبجي يم الباب دموعي مثل الشلال وجسمي يرجف بردانة بس الجوء، دأفي برودة وصلت لعظامي ضايعة ومضيعة.
شرد شرجع شسوي بعشرتك شلي
شلم شجمع شعبي شباقي بيه شظال
شحصد شرتجي ي الشككت شتلي
انا هواي الك ضحيت
وانت هواي تلجمني.