رواية بين قلبها وعينيها كبرياء للكاتبة شمس العراقية الفصل العشرون
أسيا تزوجينه ضليت مصدومه بكلامها ولا عبالك عمتي وحاسبتها اكثر من امي حيل تحبني وحنينه عليه شجاها تغيرت رجعت جاوبتها بثقه زوجي منو لازمج وسويله عرس مطنطل بعد
وصال أي والله ألا ازوجه خايفه منج لعد، مشلو? گلبه سوده عليه وجه الأرمل ملتحق وجه يلطم نازل وجه يلطم عليمن يحظي ضال أعزب ولوحده بهل الغرفه لاحد يداري يغسل ملابسه يدفي على أقل اجيبله وحده ادفي بهل الشتاء البارد البطانيه وحدها متكفي.
لاتعبين نفسسج هو ما يتزوج وما يسسويها وأذا صدك وسواها وكتها أظفري يحرم يشوفه بعد
ليش عشتوا ما يسويها متزوج سندريلا شو مطلعه روحه ليل نهار تنگين برأسه ترستي شيب من قهرج وزعلج يوميه شايله رأسج شنو اخلي يضل يركض وراج
عمه من هذا الحجي كله والمغثه ليش تتدخلين بمشاكلنا وتكرهين بروحج گوه تقبلين عمي يسويها ويتزوج عليج.
ليش ما أتدخل هذا ابني بجري نفسي الاتنفسه حاطه روحي بين ايديه من يلتحقون لما يرجعون ما اخلي دعاء ما ادعي گلبي خلصان نوم مثل الامهات ما نايمه كلما طگت طلقه گلبي يفز عليهم.
ومن ينزل بدال ما يرتاح يكظيها مشاكل وياج وزعلج الما يخلص بس تنگين برأسه ما تكولين هذا الرجال تعبان ابو ابوه مصموط بالدوام وأنتِ حايرتلي بالزعل لو تحمدين ربج جان تحملتي زلمتج بزينه وشينه بس تتبطرين على نعمتج وعمج اذا اني موزينه عليه ومثلج اني بيدي ازوجه مو كل الغلط تذبنه بالزلم احنه هم ما ننجرع وأنتِ ما تنجرعين الله يساعد ابني شلون متحملج.
مشكوره عمه وابنج زوجي وافرحي بي وشايف خير ومستاهلها ومبروك عليه مقدماً
خير يصيبج من باجر اروح اخطبله والا اخطبله هاي الجان يحاجيها على التلفون
اي زين تسوين عاشت ايدج اجبري خاطره خطيه المسكين اجمعي رأسسين بحلال عايفته الج والها خل تشبع بي اني ما اريد رجال وحده تشاركني بي كرامتي ما تسمحلي انخان واضل مكفخه اله وساكته ومتحملته والله بحجة الرجال يغلط يغلط خل يحصد ثمن اغلاطه.
وخل أبنج هو يحمد ربه متزوج والله ساتر عليك وعندك جهال اثنين على شنو يخون.
خانج من ورا سوالفج من النک والشگ والغيره خنكتي خنگ شال رأسه وهج منج والله لو متزوج عليج وكاسر خشمج هالعالي جان زين سوه الا اهلهل
هلهلي عمه هلهلي هاي عود أنتِ عمتي وعمي هم عسكري وكلنا ندري بزلمنا!
المفروض أنتِ أكثر وحده تحسسين بيه مو تكسرين بيه كدامه وتنفخينه عليه وتشجعينه على الغلط ويشوف نفسه ما غلطان.
انجبي وأحترمي واحجي عدل ويه عمتج والله أنتِ دماغ زز ما تصيرلج جاره ومضيعه كل الاحترامات
اي ما تصيرلي جاره سدت الخط بوجهي شبعت قهر منها ودره ضحكت وطبطت على اكتافي تواسيني
دره ولج شبيج من كل عقلج عمتج تزوجه وين اكو أم تحب شلعان الگلب لأبنها هو بوحده ما خلصان انوب اثنين شيصير ههه
ما سمعتيها شتحجي ولا عبالك عمتي وحده ثانيه مبدلينها شجاها هيج تغيررت.
ولج والله حجت هيج من صالحج علمود ترجعين لرجلج لاتقهرين روحج ولا أبداً ابو كرم يحبج وما يسسويها ماطول متحملج ومتحمل زعلج ما تهونين عليه وأنتِ هم هالله هالله بي على گيفج وياه ترى الحديد من كثر الدك يفگ اللحيم وعصام اله طاقة تحمل لاتخلين ثغره بينكم تهدم زواجكم? شيء ما يسوه من ورا مره تهدمين بيتج اكعدي وتفاهمي وياه كلشي باللسان الحلو والاسلوب الطيب ينحل وداعتج وشوفي شلون يشتري خاطرج ورضاج لوما يحبج ورايدج ما يگولي ارجعي.
لا خلي خلي بلكي يحس على روحه شسوا وغلط بحقي
الله يلين گلبج ويهدي عوفي القهر هسه بنتج ترضع خطيه ترى ينزل بحليبج وتضل بس تصرخ عليج.
من قه? أهلها بقيت أكرظ بروحي وهو ولا راسل يعني راضي بكلام أمه اكيد كاعد يمها لا هو ميحب احد يحجي وياي او يتدخل بمشاكلنا لا اكيد كاعد بالغرفه وهي تحجي لوحدها من دون علمه.
جريت التلفون وشفته ما فاتح نت وبهل الأثناء أزهار اتصلت وجاوبتها هلا عيني أزهار.
أزهار هلا گلبي شلونچ الجهال شلونهم
الحمدلله بخير وأنتِ
زينه الحمدلله اسيا ليش ما رجعتي ما گافي زعل حبابه والله البيت مو حلو من دونج أو بالاحرى تعودنا على الأكشن مالتج
عابت
اي شبيج وجهج يلطم خير شر معقوله تعوفين عصام لغيرج
منو غيري
منو قابل على أساس ما تعرفينها اللي فرقت يينكم وحققت غايتها هاي فرصتها تلكي فراغ وتشكل? الخط
قصدج الخاني وياها
اي
أي خل تشبع بي.
يهون عليج مو روحج بعصام كلنا ندري شكثر تحبينه ولوما تحبينه ما تحجين وتعصبين وتزعلين عليه بس انطوا لنفسكم فرصه الحياة اذا مو اكشن ما تمشي صدگي
عاجبج الاكشن
مفتقدتج والله ام خبالات دتعالي امانه عوفي الزعل وعصام خطيه والله شابع قهر عليج ترى گلبه طيب
بس خان.
حقج والله حقج عود من ترجعين اكعدي وعاتبي وبردي خاطرج حبابه رجعي والله محتاجتج كلش دايخه بزماني ما اعرف المن اروح احجي وأفضض گلبي مليان سوالف اريد واحد ينصحني.
لازم وكعتي بالحب
واكعه وطايح حظي وأمي عرفت بيه ومسوده عيشتي جانت تسمعني حجي هسه بس نظرات لو تحجي اشرف تجيب العين عليه گوه
هي هاي عمتي، هو ليش ما اجه شينتظر يحظي.
شمدريني حيرني والله عايشه بخوف وقلق نفسياً تعبت تصوري الوجع بالبطن ما يفاركني ولا لحظه روحي ترجف
ما يصير مثل عصام حبينا كم شه? وكبل اجه خطبني وتعرفنا أكثر شيء بفترة الخطوبه ولج بالحلال شحلاته لا خوف لا اجاك الموت لاحد يگولج ويامن تحجين تأخذين راحتج لن حلالج، خل يجي يخطب ليش مبقيج تتعذبين وتعانين من وراه على اساس الزلم شگد يستاهلون.
الله كريم هسه ما تجين
ما أعرف الا اخوج يجي يرجعني يله.
مو اجه وما رجعتي
من بعد حجي امج
صدگتي
والله ما ادري
بابا شبيج كل عقلج تريدج تحسسين وترجعيله لن نعرفج تحبينه وما تنطيه لغيرج
الله كريم
الله يهديج يله حب أخذي راحتج وبوسيلي الجهال دزيلي صور جود ردت صوره من عصام انشرها استوري يگول اخاف على عرضي يتطشر هذا شتحجين وياه
ههههه فدوه لسوالفه گلتها بدون وعي وضحكت
مو كلنا مو كلنا اخ من عنادج وراسج اليابس يله روحي ولاتنسين الصور.
تمام گلبي أنتهى الاتصال ورحت على حسابه نشط الأن گلبي كام يوجعني وأحس الفراغ العفته اكو غيري ترسه معقوله رجعلها اريد اراسله متردده لا والله فلا اراسلك
شمرت التلفون وضليت اكل بإظافري من قهره وناره.
ومر أسبوعين هو لا اتصال ولا مراسله ولا اجه ولا وصل ولا اني خابرته بقيت على موقفي وكل يوم اكول هسه يراسل مو علمودي علمود جهاله ماكو أبداً وفرلنا گلشي وخلالنا مصرف ويدري جهاله بأمان يمي وسحب روحه ويريدني اني ارجعله واني انتظره هو يبادر مره لخ
ما ارجع لوحدي والله ما.
جنت اراسل ازهار وخطيه تتشگى من عمتي مسسمتها بعيشتها وخلت اخوانها يشگون بيها لن تسمعها حجي? الطالعه والنازله أنقهرت عليها شكد صعبه من البنت تنظلم من أمها يمكن الاب بي مجال بس الأم أقرب واحن شيء للبنت وجعها ما ينسي لو تمر أعوام...
ازهار
نمت متأخره لن بقيت احجي وياه وكعدت على صوت امي تجر بالغطا وتصيح وتغلط عليه كمت مثل المخبله طريقي ما اندله منين
وصال بس نوم كل خير ما منج مو عندج دوام ليش ما تنظمين وقتج وتكعدين لعد شكوو توظفتي وخابصه روحج موظفه مو كدها بطلي وكابليني بالمطبخ على اقل تعلميلج طبخه لو جايفه من كلهن
ازهار شله داعي هالكلام من صباحيات الله كعديني وخلص ليش تسمعيني حجي.
لن مطلعه روحي بتصرفاتج ما تكعدين الا اصعدلج واني احير بيج باخوانج بابوج من صباحيات ريوك شصير قابل وانتي ايدج ما تمدينها على بيت وعلى مطبخ بنت الباشا موت كرفج من بين البنات عود مكيفه وصال خلفت بنت ولله لو ما جايبتج هواي اشرفلي خلفت اربع ولد جنهم ساعه واحدهم ذيب على وظيفته ما ادري شوكت لبسوا شوكت طلعوا بس حظي مزفت وياج
ركعت الباب ونزلت واسمع عصام يعيط عليه.
عصام اذا ما تنزلين اصعدلج افرغ قهري كله بيج من صباحيات الله
ازهار ركض غسلت وجهي ولبست شلون الخبله وشلت تلفوني مكياج ما خليت حجابي ما اعرف شلون لبسته ركض ركض نزلت وعثرت وعصام واكفلي واستلمني
عصام امييي خدامه لحضرة جنابج ما تولين لوظيفتج وقتي تلفونج المهجوم واكعدي شعندج محمومه لهل الوكت انكلعيييي لخطج سليمه ينتظر.
ازهار دفعني للباب واجه وراي مسحت دموعي وطلعت لكيت هشام ينتظرني هو واستاذ احمد ورقيه صعدت بدون سلام وعصام يباوعلنا بحقد هشام شغل وطلعنا
تمشي السياره ونار بگلبي أهتضمت من امي لوما هي داخله عليه ومصيحه عصام ما يحجي هيج من كيفه
تمشي السياره واني بالي مو يمهم فزيت على رقيه تحاجيني
رقيه ازهار ازهار ولج شبيج ما اسمعيني
ازهار هاا عيني
حجابج بالمگلوبي الظاهر كاعده متأخره.
هاا اي باوعتله لابسته مگلوبي نزلت دمعتي مسحتها گبل وعيون هشام عليه ما نزل عينه نهائي وصلنا نزلوا ودزلي رساله
هشام ما اخليج تنزلين اذا ما اعرف شبيج منو وياج
ازهار نزلوا بقيت بحجه ارتب بجنطتي باوعلي بالمرايا ويحجي
مسحي دموعج لاتحركين گلبي بيهن ياهو النزلج دموعج
محد
بعد ما اسهرج وياي علمود تكعدين من وكت
وشوكت نحجي هو انت بس بالليل تتواجد
لعد هيج احسسن.
شسوي اتحمل لخاطرك كلتها وبجيت أهتضمت حيل وانفجرت بالدموع وهو تخبل يحير شيسوي دار سياره وطلع صحت بي هشام وين رايح
نمشي بالشوار? طگ گلبي لوما عيب هسه انزل وأحضنج اخذج بصدري
رجعني لاحد يشوفنا وتصيرلي سالفه شيخلصني خلص حبيبي ارتاحيت من بجيت والله
هسه اجيج ابقي
نزل واجه جابلي عصير ولفه ونساتل خلاهن بيدي مليانات حنيه
تريكي بيهن وهاج كلنكس مسحي دموعج يله عيني أنتِ.
اخذته منه مسحت دموعي وسحبه من ايدي وخله بجيبه ابتسمت على حركته مد ايده ولزم جف ايدي ضل ضاغط عليه ويفرك بيها بحنيه ويباوعلي بالمرايا ويتلفت دنگت بست جف ايده رجعني تاخرت حبيبي
ارتاحيتي.
اي والله شغل وطلعنا لدائره وصلني وعيونه وراي دخلت گبل للحمامات غسلت وعدلت حجابي ورتبت وجهي خليت مكياج خفيف ورجعت اكلت شبعت وبقيت النساتل بالجنطه جابهن اليه بتعبه مبتسمه وبعيني دمعه ومرت خطف رشا وجهه وجه مجرم متغيره صايره عبالك شريره وجهه قطره نور محمد ما بي لاعبه بخلقتها لعب الله وكت من يخلي البشر ينسي نفسه وتصرفاته تصرفات واحد مو لعمره.
خلص الدوام وطلعنا جان ينتظرنا بس شافني ابتسم شگو تعب راح صعدت وعيونه تحاجيني بكل حب بنظره يتغزل بيه شغل وطلعنا وبالطريق دزلي
الهوا اذا يغثج خابريني
ابتسمت وكتبت اله يكفيني من الدنيا كلها وجودك
باوعلي بالمرايا وابتسم وصلهم وبقيت أني رجع يسوق بطىئ ضحكت هشام على هالحجي لمغرب ما اوصل
ششايف منج اني شوكت يسهل امرلنا ونخلص من هالعذاب والمج بحضني
نزلت رأسي مستحيه وخجلانه.
باوعيلي ولج باوعيلي ما اريد من الدنيا گلشي بس أنتِ وميهمني احد غيرج بس اخليج بيتي واباوع على طولج هذا يكفيني وزايد عليه
كلامه تغلغل بخلايا روحي همست بصوت مخنوگ هشام شيصير بيك لو ما اجتمعنا
لاتحجين هيج بداعت حُبنا
سگتنا ووصلنا يله باي
لاتباعين عليه الكاميرات گبالنا دومچ تنسيهن.
غير أنتَ ماخذ عقلي يضللي بال نزلت وهو راح ما اكدر التفت واي حركه تنحسب عليه لن الكاميرات گبالنا وعصام بالبيت دخلت وكلهم موجودين حتّى مروان يگلبون بتلفوناتهم وبابا كدامه اوراق ومخبوص وعصبي مرحبا
كمال هلا بابا
عصام ليش تأخرتي من ساعه طلعوا الموظفين الوياج وين جنتيييي
كمال عصام شنو هل الاسئله تسألها لأختك
عصام ليش ما اسألها.
كمال روحي غيري ملابسج بابا وتعالي نتغدا وانت اذا ما تعوف اختك ما تلوم الا نفسك هالوحده ما تفگون عنها
مروان اني ما مشمول ما مشارك وياكم
ازهار شال تلفونه وصعد لغرفته وعصام نظراته اكلتني مشيت وماما تصب الغده سلمت ما ردت السلام
وصال ما أوصيج عود نامي بغرفتج لن مبين عليج ما جاي تشبعين نوم
ازهار كالت كلمتها وعصام جان وراي خلتني بوجه المدفع تهربت منه وصعدت غرفتي راسلت مروان اليوم الاهل شبيهم بابا معصب.
مروان طاك بيهم فيوز وشايطيين شمدريني رجعت امي الوجه مدخن وعصام بس يخوز بالگل عائله متلبس بيهم جني
شعندك سوالف
اعجبج
فديتك
صبوا غده لو بعد
عفت ماما تصب
ماشي لعد راح انزل
غيرت ملابسي وخليت تلفوني على الشحن ونزلت واجه بابا بعده معصب كعدت بعدني ما ماده ايدي وصاحت بيه
وصال گومي جيبي ماي شعندج گبل كعدي بس تاكلين على الحاضر كل خير ما منج.
أزهار بقيت صافنه وبابا ركع الخاشوگه بالماعون الا كلنا فزينا وصاح بيها بعلوا بصوته
كمال وشعندج تصيحيييين عليها توها اجت أستلميتها شبيج متكوليلي الشغل مأكل وجهج شو هو بس الطبخ وهالبيت بالأسبوع يتنظف مره من اجيت لحد الان ترطنين نفختي رأسييي مانه علينا بهل الطبخ ما عاجبج كوليلي اجيب وحده تطبخ وتنظف بس فگيناا
أزهار رادت تكوم وصاح بيها
كمال وين موووووليه كعدي تزقنبي.
وصال من تحترمني كدام ولدي زلم مشوربه تهين بيه كدامهم علمود بنتك المدلله بس هذا الدلال طلع عينها وخربتها وطيحت حظها بدلالك حجايه متقبل احد يحاجيها شطلعت
نهض بابا وعصبي وعصام گلب عيونه عليه يريد يتدخل بس لازم اعصابه كوه
كمال هاي أنتِ امها وهيج تحجين والله عفيه عليج هالسم هم ما اريده اليسمعج يكول ضرتج مو بنتج.
أزهار شال تلفونه والسويج واغراضه من الكاونتر وطلع مروان تجاهل الوضع ورجع كمل أكله وأمي مشت وبس سمعنا صوت السياره اشتغلت ما حسيت غير عصام كام وجرني من شعري وضربني راجدي ومروان هجم عليه وضربه بوكس وتعاركوا بينهم
مروان ليشششششش تضرررررربها
عصام وأكسسسر رأسها هم حيوووانه امي يصيح عليها من وراج اميييي والله انهيج اموتتتج يا ادبسززز.
أزهار صرت بظهر مروان وتلاوا هو وياه ودفعه بقوه انصدم بالحايط لزم خاصرته بوجع
وصال يمه وليدي ولك اشسويت باخوك عزا العزاج وصال ولج كله من رأسج خليتي الاخوان يتمالخون بينهم الله ياخذج ويخلصنييي منج
مروان عصااام عصااام والله مو قصدي عصااام
عصام ما بيه شي شبيك تجعر جاي اكولك ما بيه شي
مروان وجع غير خفت عليك وأنتِ صعدي لغرفتج.
أزهار صعدت وقفلت الباب وبجيت بقهر يعني لو امي ساكته ما صار اللي صار ولا اخواني يتعاركون بينهم لوما مروان موجود جان عصام قضى على حياتي.
بقيت بغرفتي وقافله الباب راسلته ما موجود بالشغل أتصلت جاوبني وهوسه يمه گلشي ما أفهم منه
هشام بس أخلص شغلي أخابرج
أزهار شوكت يخلص هالشغل
بعدين نحجي تمام.
سديت الخط مزعوجه منه ما طلع شغل هذا بقيت بالغرفه ل الليل نزلت امي تسوي عشه وبابا كاعد يشرب چاي سلمت وكعدت ماما اساعدج بشي
وصال لا ما اريد خلصت بعد وكت
كمال حارت وياج البنيه وصال فگي عنها ترى مو واحد من الولد تعاملينها حالها من حالهم الولد شي والبنت شي من بعدها بالگماط اعيد وأصقل بهل الكلام.
ترى بنتي واريد الها الزين خوما من احجي عليها اكرهه باجر تتزوج وگلشي ما تعرف ما يكولون إمها شنو دورها ما مربيتها ولا معلمتها هذا مو كله برأسسي.
الله كريم منا لوگتها
أزهار سگتت ما عاجبها كلامه وصبت العشه وساعدتها واجه مروان وراه مجد ولاحظت عصام ما موجود بابا باوعلهم وسالهم
كمال أخوك وينه
مروان ما أدري طلع يم?ن راح يشوف مرته وجهاله.
كمال ويضل هيج رايح چاي ليش ما يجيب اسيا وصال حجيتي ويه أبنج تري هذا الوضع ما يعجبني
أبني ما عليه مرته معنده ورأسها يابس ما تريد ترجع شيسويلها بعد
خطيه عليه أبنج وهو ساس البله خل يرجع وأني اللي تصرف ثاني وياه الظاهر شاف عين أكثر من اللازم يله سموا وكملوا اكلكم.
أزهار رجعنا كملنا الأكل وماما حجت
وصال اريد اروح لبيت أهلي شاهين خطب وأريد اروح اباركلهم وهم طلع اسمه بالجيش.
كمال اي ادري خابرني وعزمنا روحي خل واحد من الولد يوصلج
مروان ومنين خطب
وصال غريبه
أزهار تحجي وعينها عليه تجاهلت نظراتها وكمت صبيت الجاي وغسلت المواعين وكعدنا على التلفزيون كرزات وفواكهه كعدة أهل يحجون بس بالي مو يمهم وامي تحجي ويه خوالي وتضحك وتباركلهم باوعت الساعه وكمت لغرفتي اتصلت عليه مغلق ساعه 11 وشغل
كتبت اله تعبانه وضايجه وروحي طالعه وينك ما گافي شغل دفتح تلفونك لخاطر ربك.
رسلتها وتمددت احس رأسي يريد ينفجر نمت جسمي يون عليه دزيت رساله لبابا للصبح ما نمت وتلفوني غلقته مالي خلك لاحد الصبح دخلت امي كاشخه وتصيح عليه بالگوه احاجيها
وصال ما تخلص هالاسطوانه ششايفتني منبه الج ليش ما توقتين تلفونج يله نزلي نظفي البيت ابوج كال ما تروح مو ماخذه اجازه لن اريد اولي لبيت خوالج.
أزهار اي دزيتله رساله كتله ما اروح وأخذت اجازه تعبانه مو علمود انظفلج البيت.
لا والله مسويه فضل خاتون يله نزلي وفضينا طبخي لاهلج عود مو يرجعون ماكو لكمة يأكلونها وتكظينها بس نوم
ماشي نازله راحت ولزمتني صخونه نار جسمي فحم فتحت تلفوني كومه متصل عليه تجاهلته وكمت نظفت البيت واتصل تلفوني بابا جاوبته هاا بابا
كمال بابا لاتطبخين اني راح اتغدى بيت عمج ومروان هم اهنا بس انتي ومجد دبروا نفسكم عود من اجي اجيبلكم غده وياي
أزهار ماشي بابا نهيت الاتصال وصعدت الغرفه تمددت ودازلي رساله عتب.
هشام ليش ما تحجين على أقل بلغيني ماخذه اجازه اجي لبيتكم وطاك گلبي ومتلهف لشوفتج ويطلعلي أخوج مروان يگولي ما تروح وينج ما تجاوبين تلفونج ليش غالقته من الليل اتصل ليش ما تجاوبين ازهار جاوبيني رحمه لاهلج
أزهار بعد وگت
بعد وگت? شنو
اتصالك
رجعت متأخر وتعبان وجسمي يون عليه من التعب والله وأتصلت عليج مغلق كلت لعد نامت والصبح نتشاوف.
ماشي
شبيج
ما بيه شي
راح أتصل
لا تتصل ما اجاوبك
ليش متجاوبين أزهااار شبيج.
دا اكولك ما بيه شي ليش تلح
هذا طبعج يمتى تبدلينه
شبيدل منه شتريد يعني گبل اتصل ورفضته وسويتله تقيد لن بس يتصل وأني مالي خلگه يريدني على مزاجه ورجع اتصل واتساب وهم رفضته اخر شي دزلي
خرب بحظي الكووواد متكوليلي وينج وين موليه ليش متجاوبين على? الخ الواتساب ويامن احجي انييي
لا ماسنجر تجاوبين لا على الخط تجاوبين شبيج طنكرتييي وزوملتيييي عليه
هاي شبيك يمعود.
ازهار شبيج اليوم وياي گتلج تعبان ومشتاقلج ومتلهف عليج وأنتِ منطيتني وضعيه التجاهل شيسموها
روح اتغطى ونام
بابا داحجي وياج حاجيني عدل خل افهم شبيج اريد اولي على شغلي
متروح منو لازمك
قسمًا بالله كون يمي الزمج أطلع حرگه گلبي كلها بيج وزعلج الما وكعت على? علته بالعباس أنتِ تخبلين أكبر واحد
شكد تلح لخاطر ربك
هاي اخلاقج وردج اليه
ما حجيت شيء شبيك تحسست بسرعه
أزهار ملاحظه نفسسج شكثر ذليتني بحبي الج.
هشام كتلك ما اريد احجي وياك أنت لحيت عليه شسويلك يعني وبعدين ما ذالتك بحبك اليه ليش اليحب ينذل اذا شايف روحك مذلول بحبي شكو حبيتني اني ما جبرتك تحبني انت اعترفتلي بحبك ما ركضت وراك ولا مرغلت روحي عليك
هاا هيج صار الحجي.
هاي الحقيقه ليش تزعل منها شاف الرساله وما جاوب وفصل نت واني هم غلقت التلفون روحي ومزاجي بخشمي تعبت من هل الوضعيه لا احساس لا يتواجد وكت ما يكون كاعد تعالي كابليني ومنا امي وتصرفاتها وياي طلعت الدنيا من عيني وما ضلي واهسس بكلشي فاقده الشغف من الحياة كلشي بعيني متحطم
جان يوم خميس للاحد يله نتشاوف وخلص اليوم وهو ما دز رساله ولا أتصل عفته لن حابه ابقى لوحدي تعبانه من الضغوط النفسيه.
.
أسيل.
حياتي عاديه ما بيها شيء مميز بس وجود مروان وعلاقتنا ما الها اسم
أنزل انظف واطبخ وأكمل شغلي المعتاد نفس الروتين يوميه صار عندي ملل وخنگه بالاخص من حملت نسرين عبالك هالحمل معلك بشعرايه لعبت روحي من الوضع والجهال برأسي وصلت المواصيل تصعدهم يمي وتروح لدوامها ينكزون بغرفتي كلبوها يعني ما كافي عليه وساختكم جوه انوب امكم تصعدكم لغرفتي ادري شطلعت هاي.
أخذتهم واريد اغسل الهم حفاظاتهم متروسه لعبت روحيييي يمممممما
جنان وجععععع شگو تصيحييين من الصبح شعندج
شمرت الحفاظه من فوك ترى وضعيه خايسه ليش متغيرلهم يله تروح الدوامها تجيبهم وتشمرلهم عليه هما وقذارتهم جيفتهم تذبح كرهت الجهال من ورا احفادج لعبوها لروحييي انكززز املخ شعررري انتحر وابليكم
لا هاي العايزه تفلي من حلكج لا اصعدلج واكطع النعال عليج غسليهم ونزلي البيت جايف.
هو البيت يوميه جايف يا يوم گلتي البيت نظيف رحمه الله والديج اسيل الله ينطيج مرادج اسيل ما حسيت غير نعال الحمام اجاني يهف انركع برأسي هففف امشوووا اخذتهم سبحتهم وطلعتهم مصاليخ من طابق الثاني الطابق الاول شافتهم اميي لو تخبلت كامت تلطم وتكفخ بيه
ولج بارده ثلج غضب على يومج راح يموتون منو كالج تسبحيهم من رايد منج كتلج غسليهم يا فاينه البخت راح تجلطينييي اسيل سليمه لفتج.
سگتت لن متعوه على الكلام الحلو صار عندي زلاطه اخذتهم لصوبه ورحت جبتلهم ملابس كعدت تغيرلهم وتتفداهم واحد واحد وتبوس بيهم صافنه عليها وعطت بيها يممممما
وصماااا
ليش ما تحبيني راحت بنفسي اسمع منج كلمه حلوه كوليلي فد يوم فدوه لعمرج اسيل فدوه لطولج اسيل ليش مخليني في جفاف عاطفي صار عندي تصحر من وراكم
انوب عليه الجفاف العاطفي كولي اريد رجال وفضيني لن مبين عليج حاميه وين اوديج وين اكبلج بهل الشته.
يمممما عبالك رحتي زايد بسوالفج ترى اني بنية بيت مو ارمله ولا رجلي عايفني زعلانه عدكم
علي هذا لسانج وعرامتج تردين رجال تردين ازوجج كولي يمه لاتستحين
صخام جنانوووو شو دستي زايد وطلعتي على الترابي دتستقري
بلكي ازوجج وارتاح شلعتي گلبي بس تزاكطين علينا.
هو بس هاي الكلمه أسمعها منكم عفتها وبلشت شغلي المطلوب مرات اكول شگو بيها بيت أهلي واني بنتهم انظف واطبخ ليش لا بس تصرفاتهم ومعاملتهم ما تخلي واهسس ومسسوينها فد مره خو اخواني ونسوانهم مجلوبين بالجذب ولا مره ذكروني وطيبوا خاطري على الرغم ما محتاجه بس تجي حلو حتّى لو مالها قيمه بس اهلي عرفتهم يأكلون ما ينأكلون.
طبخت الغده ووصبينا واجو بيت حارث وكمت لمطبخ صبيتلهم واني ساكته وست الحسن كاعده عبالك خطار.
اكلوا وشربوا جاي وراحوا شكراً محد گالي خلف الله عليكم.
صعدت غرفتي ولكيته دازلي رساله بقيت مبتسمه على الرغم رساله عاديه بس هواي تعنيلي شايفه الدنيا بعيونه الاحبهن كل حرف منه يخليني اسعد انسانه بهل الكوكب
مروان يا لطيف وينك
أسيل هلاو
يا هلأ شو ماكو اليوم
جنت جوه نظفت وطبخت وغديتهم وغسلت مواعين وصعدت لغرفتي هسه
معدله شنو غرفتج فوك وحدج يعني
أي وحدي
هاا كم اخ اخت عندج.
ما عندي بس اخ واحد وعايشه وياه وهو مرته وجهاله اهلي متوفين جذبت عليه واحس تسرعت بهل الجذبه دزيتها ورجعت تندمت تمنيت اكدر احذفها بس شافها بقيت اكل بروحي انوب كام يدزلي رحمات لاهلي.
الله يرحمهم ويغفرلهم ويجعل مأوهم الجنه يارب
شكراً شو هذا ضحك ورجع كتبلي
عزباء مرتبطه متزوجه منفصله ارمله وراج جهال ضاله بالدار ياهي منهن.
منفصله
اهاا شگد صارلج
سنتين
طاگج الجفاف عمي الله يساعدج لعد.
يبوووه عاد راح ياخذ وجه وميانه زفره اني شبيه طابلي الجذب وكمت اجذب عليه واسرد حياة مختلفه انوب منفصله كبر اسيل كبر كوليله ضاله بالدار ضاله باالدار شنو قصده عانس رجعت جاوبته اكولك
كولي عيني
شنو ضاله بالدار قصدك عانس
علي راسي العوانسس بس اقصد يعني فايتج القطار
هاا تمام
شگد عمرج
ليش
هيج اسأل
30 سنه
اوباااا ثلاثينيه جاده لج
شنو هاي أنوب جاده شنو
معقوله متعرفينها بيا كوكب عايشه علمود اجي اعيش وياج.
نفس الكوكب العايش بي أنتَ
ثكيله عمي
مثلك
والنعم والله عندج جهال
لا كطيعه
ههه ليش
ما أحبهم اني جهال اخويه شاعلين اهل اهلي
الله يساعدج أني هم ما احب الجهال تعادلنا
أي خوش تعادل مروان عادي اني اسألك عن حياتك
سألي عادي
كم اخ واخت عندك اريد اشوفه هم يصلخهن عليهن جذباته
احنه أربع أخوان وأخت وحده وأمي وابويه عايشين الحمدلله
الله يحفظكم
ويحفظج غلا
ما جذب عليه رجعت جاوبته احم بالبيت بالدوام.
بالبيت وعندي طلعه شوي أنوب ومتعاجز اكوم اغير ملابسي سويلي واهسس
ليش عجوزي انت
لا من أنزل يحل عليه التعب مالي خلگ طلعات بس معزوم يم صاحبي ولازم اروح
هاا شگو بيها
هبه
هاا عيني كلتها بفقدان الوعي
سالمه عينج اريدج تنسقيلي ملابسي
تمام صورلي وأختارلك
لحظه
بقيت أنتظره دزلي مجموعه صور ملابسه كومه كلهن مرتبات ويخبلن حرت شختارله كعدت ادزله وهو يدزلي صور وثبتنا? رأي واحد رجع كتبلي
ذوقج قنبله الا فدشي
شكراً.
يله لازم اروح
تمام الله وياك راح بقيت مستوحشه وجوده وتعودت عليه صرت احب طول الوقت موجود ويراسلني واذا اشوفه نشط وما يدزلي رساله اموت قهرر اريد اتعارك بس لازمه نفسسي ونفس الوقت دخلت بدوامه مليانه جذب شلون اكوله احبك والصلة القرابه البينا وحبه لحبيبته وزعلها الثكيل خابصني بيها من يجيب سالفتها اريد اركع التلفون بالحايط وانعل ابو اليحب.
مرت الايام والأشه? وعلاقتنا كلش محترمه ومرات توصل أسبو? ميراسل فقط سؤال وجواب وشلونج وكذا
ما يتعمق بالتفاصيل حسيت وجودي كأاخت او صديقه وهذا الشي ما اريده شسوووي بي احبك اني احبك.
صار يومين من نزل للبيت وما راسلني أفتقدته طگت روحي عليه دزيتله مختفي فاتح نت بس ميجاوب وصلته رسالتي ومر نص ساعه وعادي الوضع عنده توني ردت امسحها كتبلي
جاي اراضيها مطنگره عليه
تراضي منو راح وين يله رد
شبيج نسيتي
حبيبتك.
اي هبه ادعيلي الله يسهل واتزوجها
ما جاوبته راح وبعد ما اجه لطمت على وجهي ادعيلك تتزوجون لا هاي العايزه عفته ما راسلته مره يومين وراسلني
شلونج هبه
تمام وأنت
الحمدلله
شبيك
دايخ بيها شلت افگاري
ليش متعبتك بهل الحب
حب مو يوم ويومين هبه
ليش شكد صارلكم
ثلاث سنوات
هسه تراضيتوا
رضت بس بعدها مطنگره
مبين عليها خشم.
ثگيله وعدها عزة نفس وكل الصفات الاحبها عدها وعقلي يطير من الساحلها نفسسها بالاخص هذن يدخلن خاص نفسسي تلعب من هيج نماذج
أخذت على نفسي وسگتت شجاوبه ما أدري يعني وفي الها ما تحاجي بنات
أي حالف ما أخونها حبها اليه شيء مقدس
گلبي فحم يارب هيج هواي عليه والله هواي لعد اني تحجي وياي عادي هاي مو خيانه الها
أنتِ تخبلين حاسبج صديقه وأخت لا مو خيانه علاقتنا اخويه ومحترمه.
لا ياربي لااااا أهتضمت من كلمته حييييل جاوبته شكراً
ارتاح من اسولف وافضض الج لطيفه وحبابه تسمعيني بكل وقت وأحسسج تفهميني
كلك ذوق
هبه
هاا
راح أتصل كام اريدج تنسقيلي تعلمت على ذوقج اتحمليني
لا عادي ولا يهمك بس ليش أتصال دزلي صور وأختارلك
مالي خلك اكعد اصوور
ما ادري شگولك
شوفي الوضع وتعالي
بس اني ما افتح بس انت
علي راحتج.
كمت شفت الوضع وقفلت الغرفه وحيلي يترجف خايفه ومتوتره راح اشوفه گباالي يمه گلبي راح يشگ صدري دتسقر خرب بيومك شگد خفيف كعدت اخذت نفس وأتصل كام كومه قريت أيات يله جاوبته موجه الكاميرا اماميه واكف يم الكنتور لابس تراك ويباوع صفن وحسيته ما مرتاح گلب الكاميرا على? الحايط وگال
هبه اريد أشوفج.