رواية بين قلبها وعينيها كبرياء للكاتبة شمس العراقية الفصل الحادي والعشرون

رواية بين قلبها وعينيها كبرياء للكاتبة شمس العراقية الفصل الحادي والعشرون

أسيل
خفت منه متت خوف من طلب يشوفني جاوبته
گتلك ما اكدر وگتلي على راحتج مو هيج اتفقنا
بلكي طلعتي ولد
عزاا وهذا صوتي شنو
هبه تفتحين كام لو اروح
ما أكدر مروان شنو ما تثق بيه صارلنا كم شهر نحجي
واثق منج لوما واثق بيج ما فاتح وياج كاميرا وگبالج وأسولف براحتي بس فتحي خل اشوفج صار عندي فضول هالصوت الحلو الشگل شلونه
لحظه.

وين رايحه بس لاتكوليلي تخلين مكياج وحمره اعرف هالسوالف تعالي يمعوده ما اريد راح تصبغ جهرتها مبين عليچ زرگه
منو گلك زركه
لعد ليش تتهربين
هذا شلون افهمه ياربي وجهه الكاميرا عليه صافن ومخلي ايده بجيبوبه يمه الطول يسطر وعلى يدوخ رجعت حجيت مروان دنگ وتقرب على الكاميرا صارت على? شورابه وشفايفه وانوب صورته راحت مروان وين رحت كال
وياج احجي
مشغول
لا جاي اراسل أخويه كملي أسمعج
ما تخاف على نفسك
من شنو اخاف.

فاتح كام وتسولف هاي دائماً هيج تحجي ويه البنات
رفع الكاميرا على? وجهه وعكد الحواجب وعيونه گبار يقرب الكاميرا عليهن شبيك
شگلي واحد يخاف
لا أبداً ولا يمك الخوف
أنجبي لعد
بگلبي جعل محد يگولي انجبي غيرك احلى فشوره ضحكت ورجع حجه
وجع صوتج غرفة أختي قريبه عليه
أها تمام كم مره باليوم تحجي ويه بنات
اكول هبه ما تنجبين
شبيك جاي نسأل.

اسألي بابا منو كلج لا تسألين بس ششايفتني مسربت ملطط كل الوقت كاعد هي وحده ومشيبه گلبي يوميه زعلانه والعباس كرهتني بالبنات
وجهك وين راح جان موجه الكاميرا على الحايط
شسوين بوجهي
كيفك على راحتك
تنكسلت الطلعه
هاا اخاف ما تنكسلت اخاف هاي من سوالفك علمود تفتح كامره وتشوفني
اي وشفتج تخبلين
وين شفتني
شمدريج أنتِ تسولفين وناسيه نفسج
ارتبكت باوعت الكام مسدود واسممع يضحك شهل الكلام مرووووان عليك الله صدك تحجي
جبانه.

مو سالفة جبانة بس انت ما تعرف الوضع احاجيك بصوت ناصي بلعومي راح من وراك وهيج تسوي بيه
اسف يابه
ما مقبول اعتذارك
گلشي ولا العزيره تزعل علينا
يمه فدوه اروحلك كلتها بگلبي جعل محد يتغزل بيه بس أنت
صوتج راح هباوي
يمك
وين يمي
صوته صار ناعم اقصد وياك
يله لازم اروح اسبح واطلع من ارجع الكاج موجوده مو
اي عادي
تمام نبقى على المراسله
راح تروح
اي والله
طيب خل اشوفك قبل لاتروح.

تدللي وجه الكاميرا عليه ويسوي حركات مال حلوين وكشخه وهيبه ويرفع بعضلاته ويغم بيه واني دموعي ما توكف
هاا شفتيني زين اطك بالكاع مو الله عليج
اي
وجعي شبيج اخنگتي
ما اكدر احجي بصوت عالي
تمام يله فيمالاا هباوي.

الله وياك قطع الأتصال وحضنت التلفون وبقيت ابجي بحرگة گلب حاسبج صديقه وثق بيج شلون توضحيله حبج وهو گلبه لغيرج بس يسولف بيها شلون اسيل شلون والكذب العيشتي بي شلون يَثق بيه بعد ويَثق بحبي اله شلون ياربي حلها من يمك تعرف نيتي وصفاء گلبي تجاه عبدك.
أزهار
يومين مرن وأني انسانه طافيه معدومه من الوجود يمكن حنية بابا وحبه وخوفه عليه هي خلتني اكون حساسه واريد الاهتمام من الكل.

ماما يم خوالي صارلها ثلاث ايام اتصلت عليها ما جاوبتني أعرفها متقصده متجاوب عود اني فرحانه ما اريد اتصالج ونفس الوقت يم?ن تكون مقهوره لن ما وافقت على شاهين جان أ?بر أمنياتها زواجنا أني وأبن أخوها مو هذا رجل احلامي ولا حب غصب گلبي يتخبل من ذكر سيرته واحد أنفعالي وهمجي ومتحكم شلون أوافق عليه وأعيش ويه طول العمر هذا ساعه اني وياه بمكان نحرگه بنار لن ما نتشابه.

ما متعلمه على المسؤوليه والطبخ وكعدة الصبح وطبخ وملابس بابا وأخواني كلشي صعب وحتى ما كعدت يله اغسلي طبخي نظفي اكوي ملابس لعبت نفسي الله يساعد ماما شلون مدبره الوضع ومتأقلمه ونفس الوقت لازم اتعلم هالامور كلها مفروضه وواجبه بعدين تكربس ب?اسسي اذا صارت قسمه شو ما صدك وزعل ولا سأل.
واكفه اكوي بقمصان مروان هاي ثاني مره اكويهن وينزلهن واعيد الگوي كملته مروان هاي أخر مره والله.

مروان شو خل اشوف ولج هاي شمسوووويه
أزهار شگوو شبيك
ما شفتي ما أنتبهتي خرب انه باعي شلون يلمع حارگته تدرين هذا بيش مأخذه شو دوخررري
شمعرفنييي بالگوي اخذه وكام هو يكوي ورفع حرارة الاوتي مروان ترى راح يلزك ويطيح حظ القميص مروان
عوفيني ما الج شغل قابل مثلج أني أكوي احسن منج
عفته واباوعله ما احس غير كبت الريحه ورفع الاوتي والقميص لازك بي ماع ياااا.

وجعااا هسه شسويلج اخليج على المسطبه واكويج ارعنه اكويهن مثل البشريه حرم القميص من وراج الجايفه الخايسه
انتوا ما عدكم بس الغلط
شو دتنجبي دوخريي
طفه الاوتي وشمر القميص وصعد مزعوج والله جنت خوش قميص بس صاحبك حركك مالي شغل كمت ذبيته وصعدت البقيه ولكيته يحجي اتصال شافني وسگتت حجيت بصوت ناصي حبيتك هناس
مروان أخوج متعاقد ويه حرف الهاء
أزهار عبرني ومشه وين تروح
ل الجم.

الله صارلي شگد ما رايحه من توظفت يم?ن راح ارجع شتگول
ماكو بعد سقطت حقوقج يله فيمالا.

الله وياك نزل ورتبت ملابسه وفراشه هوسه ولاحظت دفتر ملاحظات يم رأسه كعدت اقرا كله أشعار وحب هو كاتبهن ل حبيبتي هناس ولكيت صورتها بالدفتر تجنن قطعه ثلج ابيض من الحليب عليها رگبه واوا عبالك عارضه ازياء وشعرها نحاسي وطويل گلشي بيها مواصفاته خصر منحوت نحت وجميله كلش الله يستر عليها الله يجمعكم مع بعض قريت كم مقتطف ورجعته لمكانه.

نزلت بس مجد موجود وعصام التحق من الصبح حتّى ولا ادري بي على العشه ما اجه ولا شفناه من الصبح بابا گال التحق الله وياه.
كعدت بالمطبخ ما فاتح نت أبداً ما توقعتك زعلك ثكيل
ماشي أبقيك على راحتك اتصلت على امي ما اجتي اليوم شوكت تجي ولازم هم اخذ أجازه باجر واني كلش مالي واهس اضل بالبيت.
رن مرتين واجاني الرد
شاهين هاا عيني
أزهار تفأجات بصوته أمي وين أتوقع هذا تلفونها
وشبيج عصبيه على گيفج
أمي وين
ليش شتردين منها.

شنو شريد منها أمي واسأل عنها
تسألين على أمج لو تسألين عليه مقهوره لن راح أتزوج
بابا أنت شنو من بشر شگد مكروه گبر قبل لايرد قطعت الخط بوجهه انسان مريض هذا أبداً مو صاحي عوذه فد غثيث يلعب ستين نفسس شگو تجاوب اخ منج يمه فلا تجوزين من سوالفج.

كمت سويت العشه من وگت شويت لحم بالفرن بالصينيه وعليه شرائح طماطم وفلفل حار اكلت بابا يحبها ونفس الوقت سهله التحضير مجرد لحم مفروم وتوابل وملح وافرشه بالصينيه واخلي عليه الشرائح مال طماطم والفلفل واخلي بالفرن على نار هادئة تطلع للوز
وصيت مجد جاب خبز وعصائر وجهزت العشه حسيت روحي أم بيت حبيت هالشعور وتذكرته ودمعت عيني حيل أفتقدك طولت غياب والله گلبي مثل النار أشتغل والهي نفسسي بس ما اكدر على فرأكك.

كملت شغلي وتعشينا وشربوا الجاي وعفتهم وصعدت غرفتي ماكو شي منه أريد اراسله ومتردده كتبله أفتقدك
ما وصلت لن فاصل النت رجعت أتصلت على الخط مغلق شو هيج هذا شبي شمرت التلفون وحيل أنزعجت من تصرفاته وأبتعاده عني تحسست من كلامي عود تحبني
ل الصبح كعدت من وكت غيرت ملابسي وكشخت كشخه مرتبه ونزلت لكيت أمي موجوده صباح الخير
وصال هلا شنو تروحين شعجب ما أخذتي اجازه
أزهار اي اروح ما احتاجها والخميس اخذت منو جابج.

شاهين جابني أهلج تريكوا لو يوميه بدون ريوك
ما ادري
لو يبوي شتدرين
مع السلامه طلعت وجنت لابسه كعب وصاحت وراي
كل هالكشخه اله شويه أستحي على نفسج استغليتي غيابي وغياب اخوانج وأستفردتي وأخذتي راحتج
ما اعرف شجاوبج وهده كشختي ولبسي يوميه هيج بس اليوم غيرت تغيير بسيط على شنو كلامج يغث ما ادري، مشيت وعفتها وطلعت وشفت شاهين لابس عسكري واكف بالباب ويگلب بالتلفون ويدخن رفعلي عينه وابتسم تجاهلته ومشيت وكف بطريقي.

شاهين أستقري وثبتي على الكاع
أزهار أبتعد عن طريقي
شايفه نفسسج شكثر طالعه تموتين هاي يوميه هيج تلبسين وتكشخين لخلك الله متكوليلي شلون أهلج يقبلون هذا الجمال احد يشوفه
عقليتهم مو نفس عقليتك الوسخه مشيت ولزمني من ايدي واجه هشام لوحده جريت ايدي وعيون هشام صارن بكصته امشي منا لو تدري اخواني التحقوا وهاي فرصتك
انجبي واحجي عدل لا اكسرلج رجليج حتى الدوام ما اخليج تروحين.

بابا دتروح ابويه اخويه أنتَ وتتحكم بيه شايفك نفسك مشيت وفتحت الباب وهو تخبل يشيل ويركع بروحه وهشام طار بالسيارة بحيث خله التراب وراه دمه دم يستاهل حركني حرك من الصبح
باوعتله يسوق وعينه على الطريق حتى ما يباوعلي ضلينا ساكتين عود متزاعلين عبرنا أستاذ احمد ورقيه ما اخذناهم استغربت هشام ليش ما مريت عليهم
هشام وديتهم
أزهار وديتهم ليش
عدهم دوام
اقصد ليش لوحدهم واني بعدين
هيج بكيفي
وزعلك هم بكيفك.

هذا منو واكف يم بابكم يقربلكم لن صار مرتين اشوفه
ابن خالي الغثيث طبك السياره واندار عليه مزعوج
أنتِ ليش گلبج قاسي يومين ما كسرتي كبريائج وكلتي خل اسأل عليه
ليش اسأل انت زعلت من كيفك رجع اندار ويباوعلي بالجام وعاكد الجواجب ضحكت عليه أحبك
لا واضح هواي تحبيني
اموت على ربك
نزلي يمي بالصدر
والدوام
أنعل ابو الدوام نزلي مشتاقلج گلبي مشتعل أهل أهله من وراج
ما
يا صبر أيوب على هالبنيه.

نزلت وكعدت بالصدر باوعلي وضحك ولزم ايديه وحضنهن ويبوس بيهن ويتلفت حواليه
ما تدرين شگد أحبج
صافنه عليه ولمعة عيونه عسليات ولبسه الماخذ عقلي أحبه بكل تفاصيله سحب ايديه ويگلب بجيوبه وطلع علبه صغيره بيها سنسال بسيط وناعم على شگل قلب
هذا گلبي ديري بالج عليه وشوفيليله عجبج تستاهلين
يجننن والله ليش تعبك نفسك ما اريد هدايا اريدك انت
كوليها مره ثانيه
والله اريدك انت هذن ميهمني.

لبسته وصافن عليه وانطاني جيس صغير فتحته شال لون جوزي اكثر يلوكلي وهو يحبه وسوار فضه ملفوف بالف دينار مكتوب عليه احبج هشام يمه گلبي شنو هاي هشام خجلتني والله
حبيت أذكرج بشيء لن مقصر وياج وهذن من هشامج يختلفن
دمعت عيوني وسحب ايديه وباسهن ربي ميحرمني من حنيتك
ولا يحرمني منج يله رجعي لمكانج تأخرتي.

تمام رجعت لمكاني باوعت الساعه وطلعنا وصلني وعلى خده ابتسامه دخلت أعتذرت وضحت سبب تأخري عادي ما متاخره هواي ويعرفوني رجعت وفرحانه بيهن واتلمس السنسال وعقلي طاير بي أعظم هديه أجتني.

خلص الدوام ولا حسيت من كثر ما فرحانه وصلني ما حجينا لن استاذ احمد ورقيه ويانا وصلت بس ماما موجوده سلمت ورت السلام من ورا خشمها باوعت على الجيس وصعدت فتحته ولبست الشال واباوع بالمرايا طلعت الفون واخذت بي صور رسلتهن اله هديتك أجمل هديه فدوه الكلبك
هشام يستاهل حبيبي
أزهار لاتشيل بخاطرك عليه
ولا يهمج أصلاً ولا زعلان عليج حبيبتي
أنتَ ليش هيج حلو
عيونج الاحبهن تشوفني حلو
راح أتصل كاميرا شتاقيتلك.

هسه دخلت البيت خل اروح الغرفتي وأني اخابرج
تمام انتظرته شويه ودزلي
عوفي أتصال الكاميرا مو ضروري هسه جنتي يمي
شتاقيتلك
وأني هم والله بس أخاف عليج واخوانج وين بالدوام بالبيت
كلهم ما موجودين بس اني وماما
ميخالف الحذر واجب ديري بالج على نفسج أزهار دائماً اوصيج ما تأخذين بكلامي
شمسويه وجنت زعلان مني فوك ما اشتاقلك اناني روح ما اريدك ولا احبك باي.

تعالي وين رحتي عوفيلي الزعل هسه وتأكدي ورجعليلي علمود اتصل يله حبيبي
ما اريد بعد
ازهااار بدون عناد يله
گتلك ما اريد
ويامن احجي أني يلللله
اوك كمت شفت الباب ماكو احد رجعت جاوبته اتصل عادي وأتصل كاميرا فتحت كاعد بالكاع بغرفته وراه مخده وصافن عليه نبقى صافنين ما تحجي
أخاف عليج ولج أنتِ تتهورين راح اسد الاتصال نحجي بس رسائل
لا عفيه بقي
أزهار ما اريد تصيرلج مشاكل بابا تجين يمي وأشبعي شوف مني
واذا ما انطوني الك.

گولي يالله ولاتفاولين بالموزين وأن شاءالله هالشهر اتقدملج بس ارتب اموري علمود ما أنحط بموقف كدام أهلج اكون مجهز گلشي
صُدك
اي والله داجمعلج مهرج
هلا بيك حبيبي يله اخذ راحتك انزل اشوف ماما
ماشي عيني
صفن وقرب الكاميرا على وجهه وعكد الحواجب وأشر على ركبته
ليش مطلعه رگبتج بابا عدلي شالج
ما أنتبهت بعدين من اكو بس أنتَ برطمت عليه
لا اطنكرين عوفي سوالف الصغار من تصيرين حلالي اشوفها براحتي
تخاف عليه من نفسك.

أخاف الله بيج وأخاف عليج من گلشي
صفنت عليه وبالغت بصفنتي دخلت بنص عيونه وهو تحمم فزيت يله اني اروح اخذ راحتك
بأمان الله يا گلبي.
انتهى الاتصال وأسعد انسانه بالدنيا كلها يكفي حبيت شخص يخاف الله بيه وعلاقتنا محترمه ما عبر حدوده ولا بأي شكل من الاشكال وهذا الشي مخليني احبه واتعلق بي وما. اتخلى عنه لو مو امي تمنعني عنه لو الدنيا كلها تصير ضدي يا هشام ما اعوفك.

نزلت تغديت بس اني وماما بدون كلام كملنا ردت اغسل المواعين منعتني
وصال عوفيهن
أزهار ماشي على راحتج أكول ماما هم خابرتي أسيا
وصال لا ليش أخابرها
كلت عبالي حجيتوا
محد يداري عيشته ومحد يأخذ بكلامي يستاهل اللي يصيرله
ضربتني بسمار عفتها وصعدت غرفتي صورت اللي جابهن هشام ورسلتهن ل اسيا شوفي الجمال
أسيا يا عيني هدايا الحب احلى فقره هي هاي
أزهار ولج انقهرت عليه جايبهن بتعب خطيه.

يا عيني ما بيها شي حب يذكرج وبين الج هو يحبج ومهتم بيج الهديه مو شرط تكون غاليه مهم تكون ذكرى حب تجمعكم
اي صحيح كلامج وأنتوا تراضيتوا بعدكم
بعدنا والداخليه مطنكره علينا وشايل خشمه عشتوا زعلان
راضي أنتِ
بالحلم هم ما اسوييها
عزا اسيا قساوة گلبج ما الها وصف
هو الغلط بحقي واليحب يعتذر مره ومرتين والف هم
واذا ما شلعت گلبه ومشيته على الصراط المستقيم اني مو اسيا
اخاف مو من صالحج.

شيسوي مثلاً يتزوج اظفري ميشوفه وحتى جهاله احرمه منهم
شرسه
احب الاكشن شبيج
خرب بيومج
تجيني أوقات اتحرمص اريد اكرصه بس الكرامه اخ يالكرامه
مسحوله ذهاباً واياباً عوفيلي الكرامه وروحي راضي
هو يجي يلحه الضيم
هههههه وجع يا اسيا
ولج صاير عندي جفاف عاطفي وكبريائي ميسمحلي
روحي تحارشي بي
اخاف يرزلني لن سگوته وهدوءه ما يفوتهن اليه
اي ميخالف عتب أحباب يله روحي وبلغيني بالتطورات
أنت اول شخص ابلغه يله حب ادعبل.

الله وياج راحت وضحكت عليها والها وحشه جانت تارسه البيت بالاكشن مالتها الله يهديكم ويصلح الحال.

أسيا
بعده على موقفه وأني كذلك واحد معاند أكثر من الثاني
من بعد ما حجيت أزهار قررت اراسله ومتردده كتبله شلونك گبل فتحه وجاوب
عصام الحمدلله الجهال شلونهم
بگلبي بس الجهال تسأل عليهم جاوبته زينين
ديري بالج عليهم لايتمرضون
دايره بالي
محتاجين شيء
لا
بوسيلي الجهال
بستهم
يله فيمالا عندي شغل
ما جاوبته عود يعني زعلان وراضيني ما ارضي والله عفت التلفون مزعوجه منه حتّى ما گالي شلونج الجهال شلونهم ابو خشم اصبرلي.

لليل الكل نايمين وأني ما يجيني نوم الافندي فاتح نت وميراسل عشتوا لاتراسل شگد كاتله نفسي عليك رحت راسلت ازهار ما فاتحه الظاهر نامت بهل الاثناء دزلي
عصام مياووو
أسيا هههههه هذا شبي جاوبته انوب صرت بزون
اي علمود أخرمشج
لا هاي العايزه
خاب مشتاقلج انعل ابو الكرامه.
بس أني ما مشتاقتلك
صخونه حتى صخونه مال حصونه
عصام شنو هاي
يا روحه المتعلعه وگلبه المفحم على فراگج
حيييل مقهوره منك روح ما اريدك.

تعالي يمي وكل القهر يروح
هذا حجي أنتَ ما تدري بگلبي أشسويت بي
أبوسه لگلبج وحقج على رأسسي التردينه يجرالج
ما ا?يد گلشي وأخاف أرجعلك وتكسرني بالزايد ما بيك امان بعد ما اثق بيك
ما عاش ولا يعيش اليكسرج بعد.
جذاب واكبر جذاب واحد لوتي وملعب تعلمني بيك
أسيا هاي عليمن أنتِ ليش ما تصيرين ادامي
من اشوفك تصير ادامي اني هم اصير أدامي
يعني ما بينا واحد عاقل
اثنينا مخابيل وأنت أكبر خبل بحياتي شفته.

عليمن خبل أني ولج خبل اني
اي ليش تزعل اي خبل واشدلك علامة شطاره على الخبال العندك تفوز? المخابيل كلهم بخبالك تاخذ المزكر الاول بيهم.
رسلتها اله واني محتركه حرك بس احسس متونسه بي شعوطته يستاهل رجع دزلي بسرعه فضيعه واحس التلفون حمه ودخن
جايج والله وأنعل ابو اليفگج مني عشيرتج كلها ما تخلصج مني اليوم أسبح بدمج دماغ ززز اذا ما اعيد امجادج أني مو ابن كمال.

عزا وين تجي هسه عصام أنتَ بالدوام لاتتهور دتستقر يمعود لاتكبر الموضوع شلقضيه
هسه أشوفج منو اليكبر الموضوع جايج اذا ما سحلتج من شعرج ومسحت بيج شار? اهلج واريد مشورب يطلع وراج اجضعهم كلهم بالشار?
شايفه اذا الزمج هسه اطلع حرگت گلبي كلها بيج وزعلج ونگدج وتصرفاتج الخايسه يا خايسسسسه اليوم انهيييج وعلى اموووتج بيدي الا اجعصج
شو كلها شيل وجضع العالم تايهتلك والله خوش ما ورانا أهل عمام توكفك عد حدك.

محد يوگف كدامي ماكو كواد يطلع وراي اني بايع ومخلص
عصام ترى گبرتها وصرت اوفر
اوفر! طلعيهن كلهن مسجلات عندي وحسابج عسير اليوم اعرف شلون اتعامل وياج أنتِ الا تنهانين يله ترتاحين مو مال احترامات وعيني وأغاتي وكعت على علتچ ودواج عندي اصبرلي مسافه الطريق وجايج
ما اطلعلك
سهله انفخ على الباب ينفتحلي
شنو ديناصور حضرتك ترى انقرض من زمان بس بقيت انت شوگت تنقرض
من اقرضج يله انقرض شلون اني انقرض وأنتِ تبقين.

دزلي مقطع يمشي باعلى سرعه والشار? فارغ عزااا كتبله يمه يمه زلمتي راح يموووت عصام ارجع منين اجيييت ترى عبالي جاي تتشاقه بلا صارلك شيء
دگي ولطمي ولبسي اسود عليه وكل خميس تعالي يم گبري نگدي عليه ولي على جهالج وكعدي بيتج يرادلها علم فهم
عصام گاااافي ترى مردت گلبي والله
واضح
عصامي خوخايتي
بدأ اكلان دجاوبي راح أتصل عليج طلعي من المهجومه الغرفه ما اريد واق وقيق
لعد شتريد
اريد اذبحج واتغسل بدمج.

عيعع لعبان نفس رجع اتصل ورفضته
جاوبي ليش تخليني اكوم اغلط واطلع اجدادج واوكفهم اطصفاف بهل البرد جاوبي من نعله على? الخلفوج
ما جاوبته رفضته وبعد ما اتصل انوب گلبي اشتعل عليه باوعت الساعه وقت متأخر وربي هذا مو صاحي خرب من كل عقلي عبالي ناصب عليه اي احتمال يجذب يخوفني وين يجي هسه يجوز هذه مقطع قديم يريد يخوفني ويشلع گلبي وياه.

مر وقت ايست كلت نصب عليه ورجع كمل نومته راسلته عصام نمت فاصل النت وتلفونه مغلق هذا نام اعرف سوالفه يريد يخوفنيي
بهل الاثناء الباب اندك بكل قوته والجرس يركع لوحده عزا العزاج اسيااا سواها واجه شال البيت بصوت الجرس كعدهم كلهم ونزل ابراهيم خطيه نعسان ومنذر كام يفشر
منذر يا كواد جاينا هسه من خ بروح اهلك جايييي
أبراهيم خاف مداهمه يمعود شگوو تفشرر اوكف جاي وياك لحد يطلع.

اسيا بگلبي اي مداهمه أجتكم الحكومه شافوني واكفه يم الباب وبيدي تلفوني وابراهيم هزلي راسه عرف السالفه وضحك وطلع وكعدت امي مزعوجه ولحكتهم وراء اجتي طبكت بصفي
رواء شگوو شصايرر منو يدك الباب بهل الوكت
اسيا علمي علمج هسه نفهم كلبت عينها ما عاجبها شوي واجه منذر يضحك وامي تحجي عليه
منذر هههه ادري مناسبين واحد شاخط شعنده نازل بهل الوكت يمممه هذا نسيبج طاك بي فيوز.

فوزيه لاتحجي عليه اسيا تعالي سويله جاي لما اشغله الصوبه جامد خنت حيلي سوده بوجهي تحرركي شبيج متخشبه
أسيا اي اجييت منذر سحب رواء وراحوا غرفتهم واني ركض خليت القوري على النار وامي بالطرمه تشغل بالصوبه وابراهيم كاعد يمه اخذتها الهم ورجعت باوعتلي وجهها مدخن
فوزيه اكص ايدي اذا مو أنتِ مخبلته وخليتي يجي بهل الليل والدنيا بارده شيسوي بيج خل يسوي حلالات عليه.

أسيا راحت واني انتظر القوري يفور لاتفور اخذ راحتك شگوو ورانا والله سواها واجه وجانا وراح نروح برجلين
خليت القوري بالصينيه والأستكاين والعلبة الشگر ما لابسه شال شعري ظافرته ونازل على ظهري ولابسه تراك قديفه حتّى نسيت اغيره عيب من أبراهيم ثولني ابن اللذين.
دخلت وابراهيم يسولف وياه سگتوا من دخلت وكام
أبراهيم يله اني أترخص تصبحون على خير.

أسيا بس طلع گبل كمز من مكانه والصينيه بيدي نزلها ولزمني من أذني اخ عصام اذني لا حباب يلوي بيها ويعصر قوي راح تشلعها اخخ عصام توجع حباب دخلت امي
عصام عمه من بعد أذنج اريد ابرد نار گلبي ب بنتج
فوزيه ايدك وما مدت حلالات عليك رايحه واذا فتحتي حلكج لو تنعوصين اني اجي اخلص عليج يله يمه عود اشرب جايك وتتدفه زين وهذا غطا وفراش.
مشكوره يمه رحمه الله والديج.

أسيا يحجون وأذني صارت دم لازمها بكل قوته وطلعت امي يممممه لاتعوفيني اني بنتج حبابه رجعي يممممه لاتعوفيني، قفل الباب وباوعلي والله اعيط وافضحك
خل أسمعلج صوت بالاول
تقرب عليه وما اعرف شفايفي شوگت صارن عنده خنست وصوتي راح وميته عليه اقرا على روحي السلام يشيلني واوكع صرت جنازه بين ايديه فقدت خرب بيومي شحبه.

ابتعد عنهن وصفن بوجهي مسحت شفايفي وضحكت ضربته على صدره ساعه تهدد اذبح واصلخ صلخت عشيرتي كلهم وين تهديداتك هاا وينهن
بعدني ما مسوي شي
اويلي يمه لزمت اذني توجعني ليش هيج راح توكع اكيد شلعتها لزمتها وانوون عليه اجه سحب ايدي ولزمها ورجع يبوس بيها وينفخ عليه حنين مو بيدك تكسر وتجبر لزمني من وجهي وظربني كله برأسي اخ رأسي
رأسج اليابس اكسره اذا ما تجرين عدل منو الخبل ولج.

أنت كلتها بثقه وكرصني من خشمي الجو بارد عصام
وجع التوجعج وتوجع گلب عصام
ليش اجييت لو صاير شي عليك وابتلي
عود تخافين عليه
ليش ما اخاف عليك ابو جهالي بعدني شابه واترمل وراك كلتها وحصلت كفخه وراها حضن كسر شكو عظمه بصدري حضنييي قوي ورفعني من الكاع بعظام صدره
أعشقج لج
اعتذر يله واوعدني متعيديها اذا انعادت ما يصيرلك خير والله والله خله ايدي على شفايفي وگال.

أعتذر منج ومن گلبج الاحبه وكوليله عصام ما يحب احد بس أنت
شو بعدني مقهوره وزعلانه منك
نروح بيتنا ونتفاهم خوش
ما اروح وياك
هي بكيفج
لعد بكيفن
بكيفي اني تروحين وياي وغصباً على رأسج يله روحي رجعي نامي عيب من أهلج كاعده يم رجلج بالاستقبال متسحين صبري عاد لما نروح
عصام گاااافي ترى مرمرت گلبي
فدوه لاسمي شگد احبه بلسانچ روحي نامي الصبح اني اكعدج نروح بيتنا يله حبيبي
تنام اهنا
اي تنامين يمي
لا يمه عيب.

شو قبل شويه مو عيب منو ساح وماع وصار زبده بيدي
ساقط
احب السقوطيه وياج
منحرف
من حرفني وخلاني اتوكح واتخبل على? الاوادم غيرج
أنتَ من بطن امك هيج اني مالي شغل لاتذب بلاك على? العالم
هو من بطن امي متحلفلج
غمزلي وباسني من خدي ومشيت وصاح وراي بصوت
رضيتي گليبي
لا أبداً
أني ارضيج عوفيها عليه
هزيت رأسي ومشيت لكيت أمي كاعده ترضع جود ممه
فوزيه راضيتي
أسيا ليش منو اليراضي الثاني.

اسيا الرجال شاريج ومتخبل على الكا? التمشين عليها داري نعمتج يمه غيرج صايرات خدم وحشم لزلمهن كلمة حلوه ما سامعات من رجالهن ومحد مقدر تعبهم جري عدل وياه وشوفي شلون يصيير
اي الله كريم هزت رأسها مو راضيه رجعت بفراشي فتحت تلفوني كاتبلي
لما عيب من أهلج اسوي ثوره وما أخليج تطلعين من الاستقبال
شرس الاسد مالتي
أعشقها بزونتي
بدال متكولي لبوه تكولي بزونتي.

شنو الفرق هاي اخت هاي بعدين شعدنا حديقه حيوانات اسد ولبوه وبزون عوزج بس دجاجات وصيحي كرم يباوعلهن
يله نام والصوبه طفيها لاتحركنا ما وراك بس المصايب
مصيبه صابتج يله ولي نامي وراج كعده الصبح
ابقى كاعده شعندي نايمه
والصبح الكاج محمومه والله اسلحج سحل واخذج وياي عبالج اضل انتظرج
اخذ الجهال وروح
شسوي بالجهال اني اريد امهم.

يله نام لا تتوكح شافها وما رد عفت التلفون ورجعت نمت والصبح ما اعرف شوكت اجه شبسرعه فتحت عيني عليه كاعد يم راسي يبوس بكرم يحاول يكعده الساعه بيش
عصام كعدي هسه
اسيا كعدت غسلت واريد ابدل ملابسي روح اكعد بالاستقبال امي جاي تسويلك ريوك
رايح من خفت جهرتج.

ضحكت عليه صاير لطيف العرم لبست وتجهزنا وشلت جود وهو اخذ الجنط وفرحان بينا حتى ما تريك بس شرب أستكان الجاي تقدم على امي باسها من ايديها وراسها وحضنها وهي تبوس بي وتتفداه وتدعيله
عصام حقكم علينا اعتذريلي من الولد سويت عليكم أزعاج بالليل بس بعد تعرفون بنتكم شمسويه بحالي
فوزيه لا يمه على بختك هذا بيتك تدفع الباب وتفوت وبنتي اخ بنتي اني الاعرفها ولج صيري ادامي واذا اجيتي زعلانه من الباب اطردج.

أسيا رخصيني بعد رخصيني
عصام أسيا احجي عدل ويه امج
فوزيه عوفها يمه متعلمه عليها والله يشد حيلك ويصبرك على? ما بلاك
أسيا أستغفر الله واتوب عليه هسه تخلي يتوكح بالزايد
جه يفر بالسويج وشكله متحلفلي شغل وطلعنا للبيت
وصلنا وشفنا سيارة هشام طابگه يم الباب وعصام تأفف وأنزعج ودگله هورن
عصام غباش شعندك من هسه جاي
هشام اللهم صبرني على هالرجال.

أسيا عصام عوفه يمعود هذا شغله دخلنا البيت وطلعت ازهار وجهه مورد خفت عليها يسمعها كلام ويغثها من الصبح نزلت واجت سلمت عليه وتبوس بالجهال اكلتهم اكل حجيت بصوت ناصي هشام يم الباب
أزهار اي ادري يله رايحه باي
أسيا مشت وعصام صفن عليها ونزل الجنط ودخلنا البيت عمتي جانت تنكس البيت وكرم ركض عليها اخذته بحضنها تبوس بي وعمي موجود طاروا بي من حضن لحضن.

تقدمت سلمت على عمي سلم عليه وكلامه الحلو واخذ جود مني ويبوس بيها
كمال يا هلا بيج عمي اي هسه نور البيت شلونج عمي شلون صحتج
الحمدلله بخير عيوني عمي تقدمت على عمتي شلونج عمه
وصال عمه العماج خليتي بيها عمه.

صدت وجهه عني ومشت وعمي هز راسه مزعوج منها ما حجه شي وعصام هزلي راسه عوفيها مشيت لغرفتي والجهال ضلوا يم عمي جود بحضنه وكرم يمه دخلت غرفتي تصر? صايره ثلاجه دخل الجنط وشغل السبلت على التدفئه والصوبات كلهن شغلهن
عصام نص ساعه تدفى عوفي الجهال يم ابويه هسه
أسيا ماشي جبت الجنط كلهن
اي كلهن يله اني فايت اسبح رتبي ملابسكم ولمي هالهوسه يله حبيبي وبعدين نحجي.

هزيت رأسي ودخل الحمام حضرتله ملابسه وكعدت ارتب ملابسنا كلها وغيرت الجرجف وملابسه كومه مفرغ الكنتور ما مبقي ملبس نظيف كله موسخه ثلاث ايام ما اخلص غسل وكوي.
كملت وهو طلع ينشف بشعره وكابل الصوبه البس لاتتمرض
عصام فديت اليخاف عليه
أسيا اخاف على الجهال تعديهم
عابت هالجهره عود الحمام نظفي زين
اي لن ما مخلي مكان يعتب عليك ما موسخه
شسويلج منو كالج عوفيني
ذبيتها برأسي
لعد برأسي اني رجال مسكين نمله ما مأذي.

خطيه عليك
اي والله خطيه
غمزلي روح عني خل الم هالهوسه شلت ملابسه ودخلت الحمام خليت قسم بالغساله وجلفت الحمام طلعته يلمع طلعت هو مبدل وطالع وين راح هذا حتّى ما گالي عفته ورجعت كنست الغرفه والصاله ونظفت غرفة كرم لما اجه الظهر ظهري انقسم بالنص طلع الزعل من خشميي والجهال كرم زين وجود بس سويتلها ممه ونامت عفتها يم عمي اليوم موجود وعمتي تطبخ الغده ما حاجتني أبداً.

دخلت سبحت وخليت قسم الثاني وطلعت ولكيته موجود بيده كارتون وتلفون جديد يسوي بالشريحه اشتريت فون جديد
عصام اي شوفي حلو
أسيا اي بالعافيه عليك
بالعافيه عليج حبيبي
اليه
اي تلفونج راح اضرار الحرب العالمية وهذا ضمن التعويضات والخسائر الفادحه
انطانياه وانطاني علبه ثانيه فتحها تخم ذهب يجنن
ولو متأخر بس يله هيج صارت ومبروك علينا جود والله ينطيج الصحه والعافيه من جبتيلي أحلى اميره نورتلي حياتي فوك نور امها.

تراضيني بهذن منو گلك ارضى بهيج شغلات ترى الجرح بالگلب هذن ما يطيبن گلبي واللي سويته بيه
لا والله هذن شيء وهذاك الموضوع شيء ثاني بعدين نحجي بي خوش
تمام باسني من خدي بعمق وطول بالبوسه ومشه وين تروح
يم أهلي نشفي شعرج وتعالي وراي
تمام راح وسشورت شعري وخليت مكياج خفيف وخلصت ترتيب وتنطيف الغرفه وطلعت لكيت عمتي بالمطبخ أساعدج عمه
وصال لا ما اريد التفتي على زلمتج وجهالج
لا خل اساعدج.

ما جاوبتني وركعت باب الكاونتر بقوه الا فزيت وكامت تسوي صوت بالمواعين وجهه ثكيل گوه تحاجيني عفتها وانداريت لكيت عصام فاتح الثلاجه وبيده قوطيه بيبسي وغمزلي معناها شبيها تقربت عليه زعلانه
عصام ليش
هيج
لحكيني الغرفه افهم منج السالفه كلها
روح هسه اجي بس اشوف الجهال
لا تتاخرين منتظرج.

غمزلي جذاب مو علمود امه لن اعرفه ما يتدخل بهيج مواضيع بس لكاها فرصه رحت شفت الجهال ولكيت جود نايمه بالكريكوت يم عمي ويهز بيها والصوبه مشتغله يمهم عفتهم ورحت الغرفتنا وأول ما دخلت لكيته لازم تلفوني وجهه ما يتفسسر وعاگد والحواجب عگدتهم قصه لوحدها تقربت عليه شبيك
عصام تعالي أقري
أسيا تقربت وقرب شاشه التلفون عليه أزهار دازتلي رساله.

أزهار أسسيا عفيه مسحتي المحادثه بيني وبينج والصور اخاف عصام يدخل على تلفونج ويشوفهن مسحيهن فدوه اروحلج.
عصام يا محادثه وصور مال شنو.!