رواية بين قلبها وعينيها كبرياء للكاتبة شمس العراقية الفصل الستون
أسيل أخذت الريوك ومشت واني صبيت الچاي وحضرت الريوك وهو نزل سحب الكرسي وكعد واني مقابيله يأكل ويباوعلي
مروان شبيج؟
ما بيه شيء
خير أن شاءالله أي الأهل كاعدين نايمين
كاعدين يم أزهار هسه عمتي أخذتلها الريوك سمعت منها المحاميه راح تجي عليها للبيت
يا محاميه!
علمود طلاق ازهار وهشام
وبهل السرعه مو أبويه بعده ما مقتنع ما موافق على الطلاق شصار وشنو هالتطورات يعني كلهم موجودين يمها.
أي.
توه راد يكوم واجتي عمتي شايله الصينينه مروان باوع عليها وحجه
مروان شنو هالتطورات حجيه
وصال يا تطورات أبني شيصير بعد أكثر من اللي صار
مروان سمعت المحاميه تجي للبيت صُدك!
وصال أي يمه صُدك أبوك خابر صديقه وهو تكفل وكال لأبوك عليه اني ادزلكم محاميه للبيت وأختك هم خطيه تعبانه ما بيها كثر الله خيرهم.
صديق أبويه منو هذا!، يمه فدوه فهميني محاميه لو محامي!
لا محاميه
ها وما عرفتي منو!
مروان يمه شبيك بس تسألني روح على أبوك واسأله وأفهم منه اني شمدريني بهاي السوالف المهم عندي راحة أختك.
خير أن شاءالله شسأل ما أنتوا مقررين ومكملين گلشي حتى المحاميه تجيكم للبيت والشغله منتهيه بشنو يفيد سؤالي بعد واكيد عصام تكفل بكلشي أعرفكم ومروان أخر الناس يله تبلغونه.
شبيك يا أمي وعصام هو بس يمشي وياها الشغله بإيد ابوك هو الفجر اجانا حامي وحاقد على هشام وگال طلاق ازهار عليه أني أتكفل بي والمحاميه جاهزه خابرت صديقي دزلي بنته وهي تطلكها من هشام وعصام بس يمشي وياها السالفه بيد ابوك
بنته! يمه متأكده
أي بنته ليش شبيها
أسيل وكف وحسيته داخ وتوتر وطلع مجد توجه للباب وصاح عليه بعصبيه
مروان وين
مجد أفتح الباب.
أسيل مروان عافني مشه وكف يباوع الكاميرات وعمتي تباوعلي عمه شگو شو مروان صار عصبي
وصال والله بنتي علمي علمج شو هو استلمني اسئله.
أسيل ضل واكف واني شلت المواعين خليتهن على السنك ومشيت وكفت يم الدرج وهو يباوع الكاميرات بكل تركيز وطلعوا عمو كمال وعصام كاشخين وراهم ازهار باوعتلهم وحسيت شيءغريب ومروان باوعلهم ورجع باوعلي وأنفتح البيت دخل مجد وراه وحده لابسه رسمي ركزت على شگلها زين وهي تسلم عليهم وتبوس بأزهار لحظة لحظة هاي هناس.!
سلمت على الكل وعمتي وصال بصفي تفاجأت
وصال هاي شجابها بس لا هي المحاميه.
أسيل ما جاوبت بس أباوعلها شلون تضحك وسلمت عليهم وهما طلعوا برى وازهار رجعت كعدت بالصاله تعبانه ولازمه رأسها ومروان تقدم على عمتي وگالها
مروان يمه يعني ما تدرين بيها هي المحاميه
وصال أي والله يمه وغلاتك ما ادري بيها وهذا شغل ابوك الاعوج هسه خلصن المحاميات بس هناس.
مروان والله روحي سألي كوليله شنو هالتصرفات يعني أنتوا قسم بالله تردون تهجمون حياتي وحايرين شلون بس خلي تكمل شغلها وتروح والي كلام وياه هسه صار ابوها صديق بس معروفه صداقة مصلحه
عصام چاي چاي.
مروان والله من أنعل ابوك لأبو الچاي وياك.
أسيل دخلوا الأستقبال وهو عافنه وراحلهم عمه راح عليهم يعني شنو خما يسلم عليها عمه كوليله لا يروح عليها شيسوي رايح.
وصال لا ما رايح عليها بس أحتمال يسأل عمج وعصام ليش هي المحاميه ليش مو غيرها وحقه أنزعج من تصرفات عمج كمال.
أسيل دخل الهم واني عيوني تراقبه وگلبي وجعني من قفل الباب وراه شافها ألتقوا باوع بعيونها سلم عليها ضليت أراقب الباب ونار مشتعله بگلبي وشويه وطلعوا هو وعصام فتحوا الباب الخارجي وكفوا برى وانفتح باب الاستقبال طلعت هناس لوحدها وازهار كامت بوجهه كعدن گبالي لن اللي فهمته أبوها هم موجود ضليت أباوعلها تحجي وياها وتركيزها كله ويه ازهار.
وصال اوف منك كمال من سوالفك هسه شگو جبتها وخليتها كدامه خل اروح على ازهار تأخذها ويرحن بغرفة عصام يسولفن گبل لا يرجع وهي گباله
أسيل ما يحتاج عمه هو بعد شافها عمتي طبطت على اكتافي ونزلت دموعي
وصال والله هو ألج محد يكدر يأخذه منج ولج هو رجلج وهي حبيبتة السابقه شوفي شكثر اكو فرق.
يا فرق تحجين عنه عمه رجلي بس گلبه مو يمي يمها وشوفي هسه من يدخل ويمر من كدامها شلون يباوعلها ملهوف لشوفتها واكص ايدي اذا يتحرك منا ماطولها هي بالبيت.
لا والله مروان يحبج الج وما يشوفها يشوفج بس أنتِ لاتزعلين فدوه رحتلج يله يمه يله بنيتي حبيبتي
ما حجيت بقيت واكفه وانفتح الباب ودخلوا هو وعصام واجه ناحيتي عبرني وصعد الغرفه بدون كلام
رجعت باوعتلها ما شالت عيونها وتركيزها ويه ازهار
عصام يمه ضيافه.
وصال اي يمه هسه
أسيل عصام كعد يمهن ويحجي وياها وأجتي اسيا هم كاشخه تقربت الها سلمت عليها ما كدرت اتحمل رحت المطبخ يم عمتي لكيتها تجهز العصير
كملته عدلت شالي وكمت عمه اني اضيفها.
وصال لا بنيتي عوفي اني اضيفها
اسيل لا عمه اني اريد أضيفها اريد اشوفها عن قرب شنو الفرق البيني وبينها شنو البيها ينحب وهيج ابنج يتزلزل من يسمع اسمها لو يمر طاريها.
أخذت العصير منها وطلعت واسيا صادفتني وضلت تباوعلي عبرتها ومشيت وصلتهم عصام رفع عينه عليه وهي تحجي ويه ازهار خليت العصير على الطبله كدامها ومن كثرما مقهوره منها خليت الصينيه قوي بحيث العصير كله وكع بالصينيه وبالكا? وطفر على ملابسها وعصام صاح بيه
عصام أسيل شنو هل قلة الادب
هناس لا عادي ولا يهمك ما صار شيء شنو يعني هو عصير تسلمين حبيبتي.
أسيل عفتهم وصعدت وعصام صاح على أسيا.
عصام أسيا تعالي شيلي العصير ونشفي الكاع.
أسيل صعدت ودفعت الباب وركعته بقوه وهو صاح بيه
مروان شگوو
أسيل شگوو على أساس ما تعرف شگو تسوي نفسك ما تعرف وأنت تعوفني وتروح تسلم عليهم هي وأبوها ما صبرت ما كدرت تلزم نفسك وتضل يمي وما تروحلها لو البگلبك حنلها وأخذك الها اي من التقيتوا باوعتلها زين سلمت عليها شلون جان السلام محاضن بالعيون لو غصه ودموع.
ما رحتلها رحت اريد احجي ويه عصام علمود أفهم السالفه كلها وليش هي المحاميه ليش مو غيره ليش مو حارث.
وتريد مني أصدكك وأقتنع بكلامك عود اني مهتم الج وأخلي اخوج هو يمشي بقضية طلاق أختي تريد تسكتني بكم كلمه وتضحك على عقلي.
عليمن مروان عليمن والشوك فاضحك ولهفتك تارستك بدون ما تظهرها هي ظاهره ولو صُدك تريد تحاجي عصام وتفهم منه السالفه مثل ما تفضلت جان دزيتله مسج يطلع برا وتحجون ليش تدخل الهم ل الاستقبال گول رحتلها علمود تسلم عليها گول ليش مستحي عادي أتقبلها منك لن اني كلشي تقبلت منك ضلت عليها هي.
أي دخلت أسلم مو الا عليها أبوها موجود وما عندي شيء وياه وعلاقتي ب بنته هناس انتهت خلاص صفحه وطويتها وكلمن بطريق اني كملت حياتي وياج وهي الله يسهل الها.
ما أصدكك رجع صاح بوجهي.
والله العظيم ما عندي شيء وياها ولا اريد يكون عندي شيء لن أني وياها أنتهينا من لحظة تزوجنا اني وياج وهناس صح جانت هي گلشي بحياتي بس هي بنفسها طلعت بإرادتها أنسحبت من عرفت بيه اريد أتزوجج ولو ما تريد الانسحاب وحابه تبقى بحياتي جان گالتلي اضل انتظرك جان كالتلي أكون زوجه ثانيه وما أعوفك بس اني أعرفها هناس نفسها عزيزه ما ترضى بالكسر ولا ترضى بالقليل ولا تحب المشاركه فه طلعيها من?اسج لن ما شايفتننا أثنينا.
لاتحاول تقنعني بكلامك عنها تكدر تفسرلي نظراتها الك من أجتي أول مره ودخلت أنتَ وسلمت عليهم
شلون جانت تباوعلك وعيونها كلهن دموع لو أنت من ساعة شفتها انقلبت كل موازينك صرت ما تعرف الليل من النهار اني كمت ما تشوفني أنعزلت عني وعن أهلك وعن العالم كله بس لن شفتها وشافتك.
لا ما أگدر أفسرلج نظراتها لن مو من حقج تتحكمين بمشاعرها هي حالها من حالج عدها قلب ومشاعر ولاتنسين اني وياها على علاقه أربع سنوات لا يوم ولا يومين وعلاقه حب قويه جانت المفروض نهايتها تكون مبنيه على الزواج وانتهت بفراق مفاجئ وعالسريع بدون عذر مقنع ضلت بحيره من الاسئله يعني مو بسهوله تردينها تنسى وتتخطى.
ولا اني اكدر أنطيج تفسير عن حالتي بهذاك اليوم وليش انعزلت كل إلى أكدر أكوله الج جنت حاب ابقى لوحدي لن أدري بنفسي ظلمتها أسيل ما اريد افتح مواضيع واغثج خلص شيليها من?أسج.
ما أصدكك گلشي جاي يصير مخطط اله وانتوا جاي تضحكون عليه وعلى عقلي وگلبي اليحبك.
ليش متصدگيني ليش وشجابرني حارك أعصابي علمود أقنعج شجابرني ومنو يخطط ويضحك على عقلج وگلبج ليش أحد گايلج أنتِ مضحكه؟
. شبيج أنتِ أسيل بابا شيليها من?اسج وخلينا بحياتنا ما النا شغل بيها وهي جيتها بشغل محاميه وهذا عملها تكمله وتروح ليش نتعصب ونحرك بدمننا وتبجين وحالتج حاله عليمن
هو اني مضحكه صرت بأيدك وبكيفك تمشيني وتضحك على عقلي بكم كلمه وتريد مني أصدگك وأقتنع بكلامك
لا ما اريد منج تتقنعين ولا أجبرج تصدكيني لن من حقج تزعلين وتضوجين من حقج وما أمنعج بس لاتطولين وجاي اكولج واوضحلج شسويلج بعد ياعيني.
وليش أبوك جابها هي بالذات تلزم قضية طلاق أختك خلصوا المحاميين الا هناس الا حبيبة أبنه لو يريد يرجع يربط العلاقات ويحسن ويطور الصداقه بينه وبين أبوها على حساب أذيتي ودماري شنو من گلب گلبه ميحس بيه من اشوفها أضوج واني مو من دمكم ولحمكم لو لن من عندي ظهر وسند وأهل مثل البنات تأذوني وتحركون گلبي من جبتوها وخليتوها گدامي تقرب حضني واني ادفع بي وابجي دم واشهك عوفني مروان عوفني ما اريدك ولأ اريد اهلك ولا أهلي ما اريد اي احد كلكم اذيتوني كلكم.
أني أريدج أني أريدج ميخالف لا تردين اي أحد ميخالف بس أني أريدج وأنتِ تريديني وأني الج وملكج واني حبيبج وزوجج وسندج وأهلج وبظهرج وكلشي تردينه محد يحرك گلبج ويأذيج واني موجود.
جذاب مروان جذاب والله ما تحبني ولا تريدني هذا كله كلام أنت تريدها الها روحك يمها مو يمي اني بس الجسد مسح دموعي وباسني من?اسي وباوعلي.
ألج الروح كلها أذا أكولج روحي تريدج وتكتمل بوجودج قربها وساعة الما تكونين قريبه مني الدنيا تظلم وتطلع من عيني اسيل أفهمي البينا اني وياج أكبر من الحب بهواي روحي متصله بروحج لا هناس ولا غيرها يوصلن لهل الشيء أحساس روحي لكيته عندج وبس وما أفرط بي وأضيعه بخسارتج.
علمود مصلحتك مبقيني بحياتك علمود أحساسك الروحي لكيته عندي ما لكيته بغيري ما تريد تفرط بخسارتي علموده أنتَ أنسان أناني بمعنى الكلمه تلحك وتلبي رغباتك النفسيه والجسديه على حساب أذيه الاخرين ما يهمك الشخص يحبك مهتم لأمرك محترك بنار قلبه يشتعل ويذوب الوحده مثل الشمعه بحبك هذا كله مو من أهتمامك ولا من أعجابك.
هذا التوصل الج من كل كلامي.
أي وين الأهميه بكلامك بخسارتي وين ما جاي أشوف لنفسي أي قيمه عندك أكثر من ملاحقتك اليه على حساب مصلحتك وبس.
لو صدك مثلما تكولين ولنفسج ما ألها قيمه عندي جان ما تعبت نفسي ولا حركت أعصابي ولا أنفعلت ولا عانيت وياج ترى جنت أكدر أنهي گلشي من لحظة شفتج بيها وعرفت أنتِ بنت عمي أخذت منج تلفونج وحذفت كلشي بتلفونج وجان أنتِ هسه بيت أهلج وأني عايش حياتي مثل ما أريدّ.
ولحظه گتلج جيبي تلفونج اني بهذا الوقت وبهذيج الساعه اتخذت أصعب قرار على حساب أذيتي وأذية الأنسانه الأحبها اتخذته بوقت أقصر من القصير وما متندم عليه لن نهايته جان صلاح الج واللي ويوم عن يوم جاي اشوف أستقرار بعلاقتنا وماشي وياج على حب الله فه خلينا مرتاحين ونفهم بعضنا ولاتخربين علاقتنا بكم كلمه وموقف صاروا كدامج.
أذيتك وأذيتها يعني اني السبب بفراقكم وأنت أتخذت القرار علمود تستر عليه محد جبرك وطلب منك تتزوجني حذفت المقطع وهاي هي كلمن يكمل حياته ليش صرت صاحب بطولات ب?أسي.
أنتِ سبب بس مو أسباب وفراقنا جان رفض الأهل من قبل أهلي هما جانوا ما موافقين.
يعني اني سبب من الأسباب.
وين تردين توصلين ما كافي ما مليتي صارلنا ساعه نحجي ما تعبتي اني تعبت مليت وهالمواضيع حجينا بيها ما اريد أتطرق بيها ونفتحها وكلما مره نحجي ونعيد ونعيد الى متى وتالي وياج وتالي.
والله روح گول لأهلك هالكلام دام رفضوا زواجكم شگو هسه جايبنها كدامك وأبوك صار مرتين يجيبها وعصام مو يدري بيك تحبها شلون يوافق أبوه وتكون محاميه لأختكم لو عادي عنده اي طبعاً عادي هديل أختي وأكيد ما ينسى الأذيه سسببتها اله.
باع تفكيرج وين راح
عافني وانطاني ظهره وطلع جكاره ويدخن ومشيت وكفت كدامه اي تفكيري صح بس هما ما يحبوني وفعايل أختي أثرت عليه ولو يحبوني جان احترموا مشاعري اني زوجة ابنهم وما يحيبونها كدامي.
وهسه هي شسوتلج اخذتني منج لا رحتلها وحجيت وياها وحضنتها لا دخلت على أبوها وطلبت أيدها لزواج لا حجت وياج لا أكلتج شربتج لا المره جاي بشغل تكمله وتولي لا بحالي ولا بحالج أعتبريها محاميه ما تعرفينها وهاي هي ولا هم يحزنون.
هذا كلامك.
لا اله الا الله على هل اليوم الأكشر شحجيلج لعد منين ما اجيج ما تنلزمين احضنج ادفعين أهتملج تكولين على مصلحتك أفهمج ما تفهمين أحاجيج وأكولج يا مره اني اريدج ما اريد خسارتج لااااا أعرفك أنتَ تريدني بس جسد روحك مو يمي يمها حجيتلج وأفهم بيج الا گلت بس شسويلج بعد متكوليلي
ما يحتاج تشرحلي وتهتملي هما اهلك ما أهتموا عاد أنت بس لو أسيا جان الكل يركض كدامها ويشتري خاطرها ومشاعرها ويحسبون الف حساب الها.
قلة ما بين أيديج رجعتي على أسيا
أي هذا حق تذكر من سالفة هديل وشكثر ضلت زعلانه والكل واكف وياها وهي الصح وعصام الخطأ ولحد هسه عصام حرف ما يكدر يزل وياها دخل يحاجيها كدامكم شوف اهلك شلون ينتفضون بس لا اني أسيل ما فكروا يسون اليه سويت منعزل مثل ما سوه الها
ما گاااااافي.
لا مو گافي يوميه متعاركين وكل مشاكلنا من ورا الحمام على طلع عمار من الحمام دخل عمار الحمام لبسي شالج غطي رگبتج نزلي ثوبج وكلامك وشگوكك الما تخلص ليش من من حقي أخذ راحتي
من حقج والله من حقج بس أنطيني مجال بس احصل مجال ترة مخلي هالشيء ب?أسي اسويلج سويت خاص بيج والج خصوصيتج بس أصبري
الشغله مطوله هل السويت والخصوصيه هم ما اريدها مشيت ولزمني من ايدي وصاح بيه.
لعد شتردين أفنديه شتردين تردين بيت لوحدج مو اكعدج بيت لوحدج.
ليش شگو بيها حرام
أي حرام وطلعه من البيت ماكو لاتفكرين بهل الشيء ولا تبنيين احلام ورديه بيت لوحدج ماكو أسيل.
ليش تشك بيه! حجيت وهو صفن بوجهي عافني وراح كعد وحجه.
ما بخلان عليج بالبيت بس دوامي ومن التحق وين اعوفج لوحدج بالبيت وتلفون ما عندج والدنيا مو أمان على أقل اهنا أمن عليج وأنتِ بوسط أهلي وبعدين مو بس اني هذا عصام صارله شگد ولا يفكر يطلع من البيت ونهائي ما يطلعون.
لا مروان أنتَ ما تأمن تعوفني لوحدي لن ما عندك ثقه بيه ثقتك بإسيل صفر ما يحتاج تبررلي أعرفك أنتَ بعمرك ما تثق بيه ولا تأمن تعوفني لوحدي.
ما جاوبني عفته وطلعت دخلت الحمام غسلت وجهي وبجيت بقيت بحدود نص الساعه فتحت الباب وشفت باب غرفتنا مفتوح عبالي نازل باوعت شفته نايم او يدعي النوم وفاتح الغرفه والشبابيك علمود ريحة دخان الجكاير.
نزلت لكيتها رايحه وكاعدات بالمطبخ وازهار مخليه بنتها بحضنها وصافنه وصفنتها طويله وأسيا تساعد عمتي بالطبخ باوعتلي عمتي وصال وتقربت وحجت بصوت ناصي همس.
وصال خوما صرتي أرعنه وصعدتي تعارگتي وياه
أسيل لا بس حجينا.
تعاركتي مبين وجهج ما يكول بس حجيتوا
شوگت راحت
اليوم البارحه من صعدتي راحت من زمان
أي شصار
شصار حجت واتفقت هي وياها هالايام يتطلگون وعصام طلب كم يوم لن ازهار نفسيتها تعبانه بس صافنه بالگوه تحجي سوده بوجهي.
الله يكون بعونها والله صعبه عليها
ما مصدگه بي لحد الان ما مصدگه هو هواي يحبها ردت منها بس تحجيلي ما حجتلي.
عوفيها على راحتها خطيه وشينفع لو حجتلج الكسره صارت بعد شينفع الكلام، عمه كمل الغده اساعدكم.
كملنا غدانا بس مروان ما يحب البرياني طلعت اله دجاجه دبليها واشويها اله بالتنور
ماشي لكيت الدجاجه كملتها وخليتها بالتنور وكملت طلعتها وصبينا واجو وهو ما نزل تالي صعدتله لكيته نايم تقربت عليه مروان تلمست شعره أختنكت مروان اكعد تغدا
مروان نعسان بعدين نزلي تغدي أنتِ.
أسيل والله مو صوجك صوجي اني شويتلك دجاجه ومتعبه نفسي والله مروان ما ياكل برياني واصعدلك وحضرتك نعسان فلا عليه بيك بعد مشيت لزمني من ايدي عوفني أنزل اتغدى.
شبيج شحجيت وياج گبل تعصبتي وأنفعلتي اوكفي أغسل وننزل اني وياج ابقي هسه اغسل واجيج.
كام راح الحمام واني نزلت وعفته امشي على مزاجك وشويه ونزل معصب والوجهه ما يتفسر كعد وخليت غداه كدامه وتغدينا وغسلت المواعين وهو صعد
وصال مروان ابني ما تشرب جاي.
مروان لا
أسيل كملت وكعدت اشرب الجاي وازهار عافت بنتها يم عمتي وصعدت غرفتها فوك گوه تمشي واهلها يباعون ألها انقهرت عليها وصاح عليه.
مروان أسيل أسيل أسيل
أسيل ما جاوبته ضليت مستمره أغسل الكوابه عاد عمتي كامت وصاحت عليه
وصال هم اسيل شعندك تصيح شتريد منها
مروان أسسيل وينها ليش ما تنطيني صوت
وصال موجوده گول شتريد
مروان بعصبيه أسسسسيل أسسسسيل
وصال دتضل صيح بآسمها روحي عليه شوفي شيريد.
أسيل هسه بس اكمل الكوابه اروحله
وصال عوفيهن هسه متشوفينه محترك دمه ويصيح عليج يا برودج تحركي بسرعه الا يجيج
أسيل اي نشفت ايدي وهو نزل سريع ودخل علينا وصاح عليه بعصبيه كدامهم
مروان أسسيل مو صارلي ساعه اصيحلج ليش ما تكولين ها طرشه ما تسمعين طرشه ما تحجين.
عصام على كيفك يابه محترك دمك عليها شوفوا ليش بس تحجون علينا وتكولون أسيا مسيطره هذا مروان كدامكم بس يصيح أسيل وأسيل والله اسمها اكثر شيء اسمعه بالبيت تذكرون قبل بعده يم الباب جان يصيح يمه يمه هسه صارت اسيل والله وگت مروان اسيل مسيطره عليك
مروان أني محد يسيطر عليه أمشي كدامي يله.
أسيل اي مشيت وهو عفته وشويه واجه وركع الباب بقوه شبيك انت
مروان شبيه مو ليش من اصيحلج ما تجين
أسيل ما سمعت.
ما سمعتي وشلون أمي واهلي كلهم سمعوا وأنتِ ما سمعتي!
شمدريني جنت اغسل الكوابه مالت الجاي
وضروري تغسليهن من أصيح اسيل لو بنص النار تطلعين وتجيني
وليش لازم اضغط على نفسي وأرضيك
شنو لازم هذا واجبج خاتون
لا مو واجب
لا واجب وغصباً عليج لعد اطاعة الزوج والواجبات مو من ضمون حقوق الزواج
لا غلطان اطاعة الزوج تجي عن محبه وتقدير
يعني اذا ماكو محبه وتقدير الزوجه تستفلت وتسرح وتمرح بكيفها مو هيج
لا مو شرط.
كلام ما عندج معرفه عنه لاتحجينه عوفي هاي الامور اني اعلمج عليها وبعدين منطيج محبه وتقدير شمسويلج هسه
شمسويلي هسه شنو نسيت قبل إشسويتلي
لا ما ناسي بس ابقي نگي ابقي وانعل ابوه لابو اليكابلج.
دفعني وشغل التلفزيون وخله على اللعبه وكعد يباوع واني وكفت فتحت الكنتور واخذت ثوبي وصاح
وين رايحه
أغير ملابسي
غيريهن اهنا شعندج طالعه
لا اغيرهن بالحمام
ليش مو اهنا
ما جاوبته وفتحت الباب.
بس تطلعين اطبك الباب على أيدج واخليج أسبوع تنكزين وتصرخين رجعي غيري ملابسج بالغرفه ولاتخافين ما اباوعلج.
واني ما يهمني تباوعلي أو لا
ليش ما يهمج
يباوع اللعبه ويجاوبني رجعت جاوبته لأ والله أبداً ما يهمني وعادي عندي تباوع او لا ما تفرق بشيء
صايره تحجين كلام ثكيل وأكبر منج
ليش الكلام يعتمد على العمر واذا هيج تشوف ترى گبرت صارلي سنه وياك صار عمري 19 سنه
العمر المديد حبيبي
من يمتى صرت حبيبك.
شعليج من يمتى، صرتي وخلص.
تضحك على عقلي واني المفروض أصدك بيك بس تدري عاشت أيدك أستمر أستمر.
مستمر بدون ما تكولين لن أنتِ شايفه نفسج مضحكه مشكلتج مو مشكلتي!
كملت وشمرت ملابس على الجربايه وهو باوعلي بنظره ما عاجبه بس أريد اعرف أنت من شنو مخلوق ليش هيج تتعامل ويه البشريه حجه بعصبيه بصيغة تهديد وحركه أصبع!
قلة الأحترامات هاي بطليها واذا تعاند هالحركه وبحضوري وكدامي أكسر شگو عظمه بجسمج خاف عبالج محترمج ساكت ومطول بالي عليج ترى من يصعدن ب?اسي ويكبن عليج محد يخلصج مني فه أحترمي نفسج ولاترجعين لطبعج الخايس تتنرين وتصحين ما عدنا مره صوتها عالي وتننىر وما تحترم.
وأني إشسويت ما جاوبني رجع يباوع التلفزيون بس حسيت باله مو يم اللعبه لن صافن وعاكد الحواجب ويأخذ نفس بقلة صبر عفته وتمددت وضليت صافنه وگلشي بيه وصل حده صفرت طاقه اليحاجيني انفجر
عليه نزلت دمعتي وكتمت عبرتي وادعيت النوم.
ومرت الأيام طبيعيه بس اني مو طبيعيه كلشي بيه منتفض وصرت من كلشي أتحسس وما اطيق وجوده ولا قربه وامثل عليه علمود لا يضل يحجي لن بديت اكرهه معاملته أثناء العلاقه قرفت روحي من هالشيء أريد احس اني انسانه نظيفه عنده وزوجه يحبها ويثق ويأمن بيها مو بس وقت حاجته ورغبته وبعدها ترجع الأمور مثل ما هي ينك ويدقق ويشك ويأكد ويسأل تعبت منه وتعبت من كلشي.
كل هالأيام ولا سألت عن ازهار أشسوت هي هم معتزله بنفسها ومكتفيه بنتها واني هم ضجت من تصرف عمي كمال من موكل هناس محاميتها لهذا أبتعدت عنهم وفقط عمتي وصال تسألني واجاوبها وهاي هي.
وأسيا راحت ل أهلها عرفت من عمتي أمها مريضه بسبب أخوها وحالتها تعبانه وراحت تشوفها عصام اخذها ألهم ورجع واني متكفله بالتنظيف والطبخ ويه عمتي وصرت احس صارت تعتمد عليه هواي وتستشريني بالامور ونواقص البيت وشنو تحتاج أكعد اكتب الها بالورقه من مواد تنظيف ومواد غذائيه ونواعم المطبخ والبيت وهالسوالف يعني صرت أقضي أغلب أوقاتي يمها ما أصعدله.
وتالي هو يمل من الأنتظار وينزل يكعد يمنا ونظراته تراقبني شلون اسولف ويه عمتي وأناقشها وتالي يمل
يكوم ويخلينا وعمتي لاحظت وكامت تحجي عليه.
وصال شو هيج صايره ملاحظه عليج هواي عايفته وهاملته ولا مثل قبل مروان ومروان بس تنطيق اسمه وعادي عندج يطلع يجي أكل ما اكل نام كعد شبيكم متعاركين احجيلي شصاير وياكم.
أسيل ما بينا شيء
لا بيكم شبيج ما جنتي هيج
عمه أني تعبت من أبنج
ليش شبي أبني وتعبتي منه.
ما ينحمل صعب هو وأطباعه
وهاي كل المتزوجات مثلج يتعبن من زلمهن يعوفنهم ويهملنهم وبعدين من يخونج كعدي ولطمي وكولي اني بشنو قصرت وياه.
علي أساس هو هسه ما خايني وداعتج بكل لحظه يخوني بكل نظره هو يباوعلي هو يخوني.
شلون يخونج شفتي وسمعتي يحجي وياها لو ويه غيرها
لا ما شفت ولا سمعت
لعد شلون يخونج.
يخوني بگلبه عمه أني مو بگلبه ما يحبني ولا بعمره راح يحبني وهذا الشيء معدوم عنده الحب كله ألها هي محتله كل خلايا عقله وقلبه هناس تجري بدمه
وأنتِ شمدريج
شنو شمدريني عمه
عافج بغرفتج وراح وكعد لوحده
لا
كعدتي من النوم ولكيتي دايخ صافن
لا
هملج
لا
يحجي بيها وبحبها كدامج
لا بس يمدح منها بعزة نفسها وكبريائها ودائماً يگولي شيليها من?أسج وهي ما شايفتني ولا شايفتج مو بحالنا ولا تباوعلنا.
خلص بعد هذا هو وفعلاً كلامه صحيح أني كعدت وياها وشفتها وعرفتها أنسانه واعيه ومستقله وعقلها كبير وتحجي بحقوق المرأه ومعاناتها وجداً عادله وما تقبل بالظلم للم?أه.
. يعني هل من الممكن وحده مثلها وبعقلها وعزة نفسها وكبريائها ترجع بعلاقه ويه مروان ويرجعون حبهم ما اتصور ماما أنتِ مشتهيه التعب وجايبه لنفسج المشاكل وشلعان الگلب واذا هسه كمتي تحسين بنفسج تعبتي من أطباعه وتصرفاته احب اكولج صحوتج متأخره بنتي رجعي كملي حياتي وتخلصي من الماضي والافكار السلبيه اللي بر?اسج وتعوذي من الشيطان يوسوس ب?اسج لا تهجمين بيتج بيدج وتخسرين مروان.
بس عمه.
بدون بس ماما سمعي كلمتي وأخذيها مني محد دايم الج لا اني ولا عمج ولا حتى أهلج والأخ لمرته وجهاله والدوام لله بس المرأه ما الها الأ رجلها وبيتها وهي بنفسها تهجم بيتها وبنفسها تحافظ.
علي بيتها من الخراب بسؤء المعامله وبطيب المعامله اكو فرق بين هاي وهاي ولهذا يا أسيل يا ماما رجعي أهتمي برجلج وأحتوي ولاتخلين فراغ بعلاقتكم ويخلق فجوه صعب ترجعين تعالجينها وخافي لا تجي وحده تملي هالفراغ وتسد مكانج وفراغج وقتها ما ينفع لا العتاب ولا الندم واذا تحجين راح يگول الج القصور منج كذب اليكولج ويعترفلج اني أسف وهاي نزوه وغلطه الا نادراً كلهم يطلعون العيوب بيج ويطلعون نفسهم مظلومين واني احجي وياج بهاي الأمور علمود تتوعين وتكون عندج معرفه عن أمور تخص العلاقه واني گتلج اي شيء تحتاجينه تعالي عليه كلنا عانيينا وتعبنا ويه زلمنه ماكو راحه بدون ما نتعب ونعاني.
هزيت?أسي
يجي الليل وراضي وتقربي منه وأذا تقرب منج لاتنفرينه ولا تحجين بمواضيع مالها داعي ولاتذكرين اي شيء يخص الماضي مالته ويه هناس ماشي أمي
ماشي
يله صعدي رتبي نفسج وغرفتج هم غيري بيها خلي يلاحظ التغير ومهتمه بي وبگلشي يخص حياتكم وزواجكم ومكانكم.
ماشي وصعدت الغرفتي باوعت لمكانه مأكل كرزات وجبس يمكن محضر كعده وأنتظرني واني ما اجيته.
جمعتهن ونظفت الغرفه وشلت ملابسي أريد اطلع اسبح دخل هو وقفل الباب مروان أريد اروح اسبح
ليش تسبحين شبيج قابل
لا ما خلاني أكمل كلامي أخذ شفايفي مرو رجع قاطعني حاولت أدفعه بس حنيته المفرطه خلتني أستسلم اله بكل جوارحي ابتعد عني واخذ نفس
تكابر وتتعزز عليه وهي روحه بيه عليمن ولج عليمن مو حافظج اكثر من اسمي من نظره صرت أعرفج لج گافي خبال اعقلي أعقلي بس تنگين وجهج يلطم.
ما جاوبته ضليت بس أباوعله دائماً يطلعني أني الغلطانه والمذنبه واني واني وهو الطيب والصح تغاضيت عن كل كلامه وأستسلمت اله برضا بس داخلي شعور النفور لمني وأحتواني بحضنه وكمل نومته بكل هدوء الا اني عايشه بحر من الأفكار.
كعدت الصبح قبله سحبت نفسي من حضنه وبين أيديه على كيف وأخذت ملابسي وطلعت الصاله فارغه وغرفة عمار مقفوله يعني عمار ما راجع البارحه باليل.
طلعت بملابس النوم ومشيت لحمام وصارت بوجهي ازهار شهگت بخوف هاي أنتِ وكعتي گلبي باوعت على ملابسيي بنظرة عدم أعجاب
أزهار ليش طالعه بملابس النوم ل الحمام.!
أسيل ماكو أحد مجد التحق وعمار غرفتة مقفوله يعني بيت عمي فاضل ما راجع وطلعت لن ماكو احد.
أي صح ما رجع بس لنفرض موجود بغرفته وطلع وشافج بهذا لبسج شنو يكون موقفج وموقفه أخويه وموقف مروان شنو راح تبررين اله لو عادي عندج هم يتعاركون مره ثانيه بسببج وبسبب قلة أنتباهج
عيب أحترمي نفسج ولبسج أنتِ مو لوحدج بهذا البيت وبابا وعصام موجودين، وياريت مره ثانيه تتنبهين للبسج وبيت العيال مو مثل بيت الأهل واصلاً عيب هذا اللبس بس بغرفة نومج تلبسينه لرجلج ما يصير أحد يشوفج بي بس هو.
مشت ودخلت الحمام وكلامها جان بعصبيه ضجت حيل انوب عليه أنتِ تحاسبيني ما كافي عليه أخوج خانگني بالحياة يعني وأذا طلعت ماكو احد بس أنتِ شفتيني الا تحجين وتغثيني منج.
كملت سبح وطلعت وهو نايم من دخلت بصوت الباب كعد وكفت امشط وفتح تلفونه وخلاه على الشحن وكام.
عمار موجود
شمدريني
خير شبيج ترة سألتج
وأعرف ورى سؤالك شنو
شتعرفين بله
ما جاوبته كملت مشط وهو طلع واجه وفتح الباب وباوعلي وتجاهلته.
ترى سألت عليه لن أريد افتح باب الغرفه كلها ريحة نركيله ودخان جگاير
اي فهمت
وشبيج ما عاجبج
لا عاجبني شحجيت عافني وراح الحمام ونظفت الغرفة ونزلت لكيت بس عمتي كاعده صباح الخير عمه
وصال هلا عيني صباح الورد يا ورد اليوم وجهج مفتح سويتي اللي گتلج عليه لو لا وضليتي مطنگره
سويت وياريتني ما سويت
ليش.
عمه أبنج بس يشك يعني بس كعد شافني سابحه وسألني على عمار موجود لو لا وبعدين انقهرت منه يرجع يگولي اني علمود الغرفه اريد افتح الباب عود يعني ما شگيت بيج.
اي ما شك بيج ليش تسمينها شك ما تسمينها غيره ليش تسمينها شك ما تسمينها حرص عليج يمتى تفهمين مروان وأطباعه ومن بررلج الج معناها هو مشتري خاطرج وما رايدج تنقهرين وتضوجين والرجال من يشتري خاطر المرأه بعد هاي هي ضمني مكانتج عنده وشكثر ما تكدرين حافظي عليه
لا واضح
الله يهديج ويثبت عقلج يله سوي ريوك الكم وجهج لاتضلين گالبته هذا هو تحملي لعد الرجال منو يتحمله غير مرته
هو أنتِ أمه ما تحملتي تردين اني أتحمله.
أسيل شو هيج تحاجيني شنو أنتِ أمه ما تحملتي
لا عمه مو قصدي بس والله من كثر ما تعبانه من تصرفاته هيج حجيت اسفه زل لساني
أنتبهي لكلامج ماما هالمره حجيتي كدامي اعديها الج بس أذا حجيتيها كدام أبني وهضمتي ما تلومين الا نفسج اني أبني ما جايزه منج وتهضمينه بكلام قاسي وتجرحينه.
ماشي عمه سويت الريوك كملته وهو ما نزل وعمتي صاحت عليه
وصال مروان ماما أنزل أتريك
مروان ما جوعان يمه خليها على الغده
وصال براحتك أبني.
أسيل كعدت شربت بس الجاي ولميت كلشي وكفت أغسل المواعين مالت الريوك وعمتي كعدت تطبخ الغده.
وصال ما طولج غسلتيهن عزلي المطبخ واكو مواعين بغرفة عصام البارحه رجع متأخر وجوعان سويتله العشه واخذته اله تعشى وضلن جيبهن وغسليهن.
أسيل غرفتهم مفتوحه لو مقفوله.
وصال لا مفتوحه ماكو أحد راح لدوام لن البارحه باليل گالي يلتحق ومن ينزل يجيب أسيا والجهال من اهلها.
أسيل ها ماشي مشيت لصاله مالتهم مسدوده وفتحتها على كيف دخلت ماكو مواعين ومشيت لغرفتهم وشفت المواعين عالميز يم?اس الجربايه وباوعت شفت عصام جسمه عاري نايم على بطنه ونص من ظهره طالع گبل غمضت وشهگت بسكوت ومشيت سريع اريد أطلع وأصطدمت بصدر رفعت?أسي مروان!
مروان أمشي لج أدبسزز.
أسيل حجه بصوت ناصي ولزمني من أيدي قوي بحيث نبت اظافره باللحم ورجع باوع لاخوه وتعصب بالزايد وسحبني بقوه لبرى ويجر بيه مروان على كيفك عوفني اخذني لغرفة عمتي دفعني وكعت على ايدي وتأذيت شبيك انت.
مروان شبيه مو لج شمدخلج لغرفتهم شمدخلج بيها وهو موجود ونايم وجسمه مكشف ليش تعتمدين تخلين نفسج بمواقف صعب عقلي يتقبلها بس كوليلي يمتى تتعلمين وتفهمين وتسترين نفسج.
ما حجيت.
شمدخلج متكوليلي شعندج رايحه لغرفته اني ما ادخل غرفتهم أنتِ شمدخلج.
عمتي گالتلي اكو مواعين لعصام تعشى روحي جيبيهن اغسلهن وسألتها على عصام گالت ما موجود يعني اني من دخلت ما ادري هو بالغرفه والله
ولج من الله اخذج وخلصني من سوالفج لو كاعد وشايفج فوك?أسه شنو يكون موقفه وموقفج الخايس وبعدين مو علمتج ادكين الباب شلون تفوتين گبل بدون ما ادكين الباب
غير ماكو أحد المن أدك الباب.
شفتي مسدود دگي محد فتحلج عوفي محد رايد منج تغسلين مواعين صايرتلي نادره عوفيهن هو يكعد يجيبهن وحتى لو امي كايلتلج كوليلها عمه مروان طبعه صعب وما يقبل واني اخاف منه قابل راح تزعل منج لو تسحلج لغرفه الا تجيبيهن يله
يعني ما تكدرين تحجين ما حفظتي اطباعي ما تعلمتي عليه بس أنتِ عاجبج اضل اهين بيج بسبب قلة وعيج وأنتباهج وداخله الغرفه وتفتر بيها أنتِ فلا تلحگين الاوادم لا والله.
شنو داخله الغرفه وأفتر ليش شعبالك
شنو شعبالك شبيج أنتِ
تشك بيه ويه أخوك عصام مو يعني وصلت بيك اشك بأخوك عصام حتى عصام ما سلم من أفكارك القذره والمنحطه مثلك يا منحط ضربني كف ولزمت خدي واحس داخلي كام يفور وانفاسي عاليه ورجع
منو منحط ولج شو صايره ما تحترمين ولسانج صاير وسخ عاجبج ارجع اهينج.
صرخت بوجهه گافي مليت طگت روحي منك ومن شگوكك وصلت بيك تشك بأخوك عصام بأخوك يا مريض أنتِ مريض تقربت يسد حلكي واني انفض بنفسي عوفني خليني اصرخ عوفني خلي يعرفونك على حقيقتك تشك بأخوك عصام.
وخبال شجاج أسسيل صوتج ولج صوتج فضحتينا
سگتي يمعوده خلينا نتفاهم أستغفر الله وأتوب اليه غير لو تثبت بالكاع شجاج تصركعتي لزمج صر?.
دفعته بقوه وحجيت واني عصبيه نار وهو وكف يباوعلي مصدوم صار بيه صر? بعقلي وبجسمي وكل خلايا بسببك بسبب أفعالك وأذيتك المستباحه بحقي دمرتني هلگتني ما ضلت عندي طاقه اتحملك واتحمل كلامك واذيتك وضربك وشكوكك الما تخلص انت ما عندك ثقه بنفسك مو بس انت مريض مريض روح عالج نفسك ما عندك ثقه بيه شگو مبقيني على ذمتك شگو مبقيني زوجه.
شُنوْ هالصياح شُنوْ هالعرامه والصلافه والوكاحه والصوت العالي منين طلعن هذن لو أساساً جانن بيج وضامتهن لن اني راعبج بس عمي أنتِ ما تخافين مني لو تخافين ما تحاجيني هيج بس اني اعلمج.
تقرب عليه وصحت بي والقرأن والفرقان بس تتقربلي يا مروان الم عليك أهل البيت أعرف بيك تريد تضربني لن متفاجئ مني ومتوقع أسيل تسكت وتتحمل منك كلشي شگوكك بس مال تشك بيه ويه أخوك عصام لا مستحيل اتحملها واسكت عنها.
صوتج يا صوتج نصي فضحتينا منو شاك بيج شبيه تخبلت اشك بيج ويه اخويه بس اجيت احاسبج ليش تتدخلين غرفتهم وتخلين بنفسج بمواقف بايخه ومحرجه لو كاعد وشايفج لو ما لابس ملابس تغطي كل جسمه رجال ماخذ راحته ونايم بغرفته وتدخلين أنتِ عليه شنو يكون موقفه مو عيب وهذا اريد اوصله الج يالفهيمه يالعرمه امشي كدامي للغرفه ونحجي ونتفاهم لن اذا نضل اهنا ننفضح.
طفر عليه ولزمني من أيدي واني ادفع بي عوفني ما اروح وياك الغرفه تريد تضربني ادري بيك ما اروح عوفني صم حلكي بأيده وفتح الباب وعمتي وازهار واكفات بعد مسافه شافنه الظاهر سمعن كل كلامنا لن صوتنا عالي هو شافهن وبعد ايده ولزمني من ايدي نفضتها وصحت عوفني ما اريد اروح وياك الغرفه تريد تضربني وتسكتني مثل كل مره
اسيل الله يأخذج أمشي للغرفه منو ضاربج هسه.
ابتعدت عنه وهو مصدوم من أمه وأخته وصحت بي واشر بأيدي أنت بصوب واني بصوب خليك بعيد عني وما امشي وياك ولا اريدك بعد ومستحيل ابقى وثانيه وحده من عمري ما أضيعها ويه انسان شگاك تعبت منك ومن هالحياة السم العايشته وياك كل يوم تخليني اجرعه.
تعبت واني اتحمل هالغلطه تعبت من عقابها خلص اني لهنا وبس مو كادره اتحملك أنت مريض نفسي روح عالج نفسك وعقدك النفسيه اللي تعاني منها من طفولتك عقدك اللي مخليتك تصير وحش وأستوحشت عليه وطلعت كل عقدك بيه
هو أنتَ أمك ما تحملتك حتى حبيبتك ما تحملتك وعافتك أنتَ منو يتحملك أهلك ما متحملينك تريد مني اني طفله عمري 19 سنه اتحملك انت نفسك ما متحمل نفسك.
أسيل صعدي الغرفه.
صاعده بس ما أبقى بعد أخذني للبيت أهلي وكلشي ينتهي لهنا وكافي بعد.
أسسسسيل صعدي الغرفه
عفته وصعدت ركض وعمتي باوعتلي ومشت دخلت غرفتي وركعت الباب وكعت بالكاع وبجيت
هاي هي مروان كلشي ينتهي مسحت دموعي واني اسمع صوت خطواته عالدرج أبتعدت ونار بصدري فتح الباب ودخل عصبي تقربلي دير بالك تضربني.
لا يبوي ليش بعد أكدر اضربج على هل اللسان والصوت العالي افضح روحي اذا ضربتج ولج شنو هالحجي حجيتي عليه كدام أمي واختي أنتِ واعيه لنفسج أشسويتي
ما سويت بكثر ما سويت أنتَ ضغط على أيدي
تتحديني يعني ومنو الأقوى بينا داخلينا حرب مصارعه احنه لو شنو بالضبط شوفي أسيل قسم بذات الله اذا هذا التصرف انعاد لج مو بس اضربج اعدمج اعدام خلاص هم اني اخلص منج من شرج وهم أنتِ تخلصين مني ومن عذابي الج بسبب سؤء تصرفاتج.
سؤء تصرفاتي بسببك بسبب معاملتك اليه وشگوكك خليتني ما أثق بنفسي صرت أخاف من خيالي بسببك لدرجه حبك التارس گلبي تحول الى كرهه بسبب الخوف اللي أعاني منه بسببك مروان ما أريدك ما أريدك أفهم أكرهك صرت ما أطيق حتى نفسي بقربك روحي كرهتها لن أنت لمستها أنتَ لوثتني مو اني لوثت نفسي دمرتني هلكتني أستفرغت كل طاقتي وياك گافي مليت والله ارحمني وأعتقني منك ومن سجنك وعذابك.
لو تزحفين على رجليج ونجوم السما أقربلج وهذا حجي فارغ ما تكدرين وبعدج عصبيه وتخبطين بكلامج واني ساكت لن ادري بيج تخبلتي وعقلج زر وأكدر احجي والطمج على حلكج بس هالمره أخليج تهدئين ونحجي.
ليش متوقع منك اكطع روحي وراك لو أموت من دونك ليش أنتَ الاوكسجين والحياة تنعدم اذا مروان ابتعد عن اسيل لا غلطان هواي مثل ما حبيتك ارجع أكرهكك وأعيدك لنفس مكانتك السابقه لا أعرفك ولا تعرفني وياريت تأخذني بيت أخويه احسن ما نجرح نفسسنا أكثر.
ابقي لوصي بكلامج زعطوطه ما عليج عتب بس شوفي لج روحه لبيت أخوج ماكو وما اخذج الهم لو تنكزين وتفرفحين كدامي وطلعه من البيت لا تحلمين بيها وانكبري بغرفتج واذا طلعتي ما يصيرلج خير.
اخذ محفظته وأغراضه فتح الباب وطلع كعدت على الجربايه اخذت نفس وطلعت باوعت ماكو احد مشيت وباوعت من البلكونه مطله على الواجهيه والحوش باوعت سيارته ماكو يعني طلع نزلت سريع.
ما لكيت أحد وشفت تلفون عمتي وطلعت رقم حارث وأتصلت عليه وأجاني صوته حارث
حارث أسيل هاي أنتِ خويه
أسيل اي خويه أني اسيل حارث تعال اخذني فدوه
خير شصار
تعال اخذني هسه
أجي أخذج بس غير افهم شبيج
عندك مكان تستقبل أختك خويه اني هواي تعبت ما أكدر أضل بعد تعبت من گلشي وما عندي غيرك.
ماشي لعد راح اجي أخذج تحضري.
أنتظرك قطعت الأتصال وعفت التلفون وصعدت لبست وشلت جنطتي وجمعت كم قطعه ملابس وضليت فوك متوتره وأباوع الساعه واراقب الميل أخاف يجي وسمعت صوت ازهار تصيحيني
ازهار أسيل أخوج أجه عليج
أسيل اي أجيت شلت جنطتي وباوعت الغرفه ومشيت هاي هي مروان كلشي ينتهي مسحت دموعي ونزلت وبإيدي جنطتي وعمتي وازهار واكفات
وعمتي حجت بعصبيه
وصال وين رايحه
رايحه ويه أخويه.
ماكو روحه امشي رجعي لغرفتج وأخوج اني احجي وياه وافهمه ساعة عصبيه وتعاركتوا شنو محد تعارك بس انتو كبري عقلج ورجعي لا يرجع وما يلكاج يگلب البيت على رؤسنا امشي يله ولاتسويلنا مشاكل.
لا عمه اعذريني اني تعبت منه خليني أمشي ويه اخويه وتسوين عليه فضل.
من شُنوْ تعبتي حضرة جنابج بعدج عروس وبسم الله ما صاركم سنه من تزوجتي تعبتي وتعبتي شمتحمله أنتِ شوفي الكدامج جرعت المر وما مشت وطلاك ابوها بنفسه رفض الا رجلها صمم على الانفصال.
باعي اسيا صارلها شگد مشاكل هي ورجلها من تزوجوا تحملته وجرعته وهو سم مر علكم والله ما ينجرع أحنه اهله ما متحملينه اطباعه صعبه وضلت وياه وتحملته بالصغيره والجبيره بس اخر مشكله جبيره ما سگتت اله واحنه هم ما سگتنا وگفنا وياها لن نعرف أبننا على غلط وهي صارلها عمر متحملته وكل هذا وضلت وياه وياه ولما جابته لطريق دروحي شوفي يباوع على حلكها لن شُنوْ تحملته وخلته غصباً عليه يتغير علمودها بقوة أيمانها وصبرها على كل اطباعه واغلاطه كدرت تخلي يتغير وتخلق منه انسان إلى هي تريده.
والله عمه هذا أبنج عصام مو مروان وعصام هو هيج من يومه طيب وأخلاقه عاليه لا أسيا ولا غيرها غيرته الانسان ما يتغير بفعل أنسان ثاني وأنتي أنطيتي تربيه وحنان ل عصام ما انطيتهن لمروان اعذريني عمه بس أبنج ما مربى واني عايفته.
العتب مو عليج العتب على اللي أمن بيج وحجالج ورديتها اليه مثل ما اني سمعته كلام رجعتي سويتي نفسي سمعتي كلام وغثيتي بس كلامج عني غثه اكثر من ما اني غثيته عنج لن اكو فرق بين الصغر وبين الكبر وبين الام والزوجه وهضمتي وكسرتي گلبه وكدامي مع الأسف عليج وعوفي اني اربي كثر الله خيرج طلعتيني اني ما مربيه أبني زين
أسيل ما حجيت شيء ومشيت وأنفتح الباب ودخل...