رواية بين قلبها وعينيها كبرياء للكاتبة شمس العراقية الفصل الحادي والستون

رواية بين قلبها وعينيها كبرياء للكاتبة شمس العراقية الفصل الحادي والستون

أسيل أنفتح الباب ودخل عمو كمال وتقدم وحجه
كمال ها بابا أسيل أخوج حارث ينتظرج مخابرته أنتِ گايلتله تعال أخذني وحجيت وياه وفهمته ما تروحين الا أفهم السالفه بس ما أقتنع مني روحي كوليله ما اروح وغيرت رأيي
أي عمو أني خابرته يجي يأخذني وخليني أ?وح وياه
ليش تروحين شگو شصاير بينكم
مشاكل بينا وخلي مروان يحجيلك وأني اروح ويه أخويه أفضل.

لا عمي ما أقبل تروحين وكل رجال ومره تصير بينهم مشاكل ميخالف وشوفي بابا اني أبداً ما متدخل لن أنتوا اعرف بعلاقتكم بس دام تريدين تروحين ويه أخوج ما أقبل وتبقين بيت عمج معززه مكرمه ومروان يرجع وأني أحجي وياه واذا عندج حق أخذي من عمج.
بس عمي طبطب على أكتافي وحجه.

يله بنيتي أطلعي على أخوج وفهمي وگوليله غيرت رائيي ما أروح لن مصمم على قراره وما سمع مني ورجعي نكعد ونحجي بالمشكله ونحلها بدون طلعه من البيت وزعل وبعدين من تنحل المشكله اني اخذج بيدي الهم زياره بس حالياً لا يله بابا أنتظرج علمود نكعد ونحجي.
هزيت?أسي ومشيت وهو ضل واكف يم الباب وفتحت باب الحوش وشفت حارث نزل سلمت عليه وفتحت باب السياره وشغلها وطلعنا للبيت.

ما ارجع بعد وكل حل ما أريد يا عمي لا منك ولا من أبنك ولو صدك تريد خاطري وجودي جان أحترمتني وأحترمت مشاعري وما جبت هناس للبيت بس الظاهر أني وابنكم ما متوالمين والشك دمرنا خلص أني تعبت لهنا وگافي بشر اله حده وطاقته...
وصلنا البيت ورامي فتح الباب ودخلنا نزلت واجو عليه حضنتهم وابوس بيهم واجتي اسماء سلمت عليها.
أسماء يا هلأ بيج عيني أتفضلي.

أسيل تسلمين عيني مشيت وياها دخلت غيرت ملابسي وطلعت توضيت وصليت وأرتاحيت وجان وقت الغده طلعت لكيت أسماء تصب الغده ساعدتها وأنجمعنا وتغدينا وأسماء غسلت المواعين واني صبيت الجاي وحارث باوعلي وگال.
حارث جيبي الچاي وتعالي ل الأستقبال نحجي.
أسيل أي هسه أخذت الجاي ولحكته خليته كدامه
حارث أحجيلي خيتي شبيج وشُنوْ المشكله ومن أساسها ويه مروان لو ويه أهله.
خويه أذا أحجيلك تتفهمني.

أوفا عليج خويه أحجيلي وأفتحي گلبج وأني أخوج ما يكون الا خاطرج طيب ولا تخافين لا من مروان ولأ من غيره وحتى أهلي ما عليج منهم دامج يمي وبيتي أنتِ تحت حمايتي ومحد يكدر يمسج بكلمه
أنفتح الباب ودخلت أسماء شايله كوب الجاي وأبتسمتلي ما أعرف منين أبدي وأحجيلك بس هواي أمور صارت وياي من تزوجت لحد الأن.

بيت عمي كمال مو زينين وياج أحجيلي أسيل لاتخافين ما اسوي مشاكل وكلشي ينحل بالتفاهم وكل المتزوجين بداية زواجهم تصير بينكم مشاكل ومشاحنات وعدم تفاهم.

لا كلهم زينين بس أحس اني مو من مستواهم بهواي أمور وبديت أحجيله عن علاقة مروان وهناس وحبهم وشلون أجتي لبيتنا مرتين وعن مروان وشگوكه بيه وسالفه عمار وازهار شلون تقسي عليه بالكلام ومعاملة مروان وقساوته وياي وأخر شيء السالفه اللي صارت يشك بيه ويه أخوه عصام وانتهى الكلام.

بس ضل الكلام الما ينحجي ردن أحجيله وتراجعت لن تذكرت أخر مره من گالي اذا عرفوا أهلج وأهلي تصير مذابح ويوكع بيها دم فه سگتت عن هالشيء وختمت كلامي اني ما أريد ارجعله بعد تعبت
وحارث دفع الميز كدامه وتكسرت التحفيات وتعصب ويفرك بوجهه وصاح بعلوا صوته.

كل هذا يصير وياج وأنتِ ساكته ليش بقيتي ساكته وسامحه الهم يهيينون بيج ويستحقرونج وشايفين نفسهم عليج يعني زوجة عصام محترمينها ومسوينها الكل بالكل وأم البيت وأنتِ يهيينون بيج وما يوكفون أبنهم عند حده وعقله الوسخ يشك بيج ويه أخوانه شايف علينا شوفه وهيج يعاملج هل الساقط.
بجيت ورجع صاح.

والله الا اطيح حظه وأعلمه شلون يعرف يتعامل ويه بنات الناس شنو لعبه عنده هو وأهله أحد گاله احنه تربيتنا سگط بس هما يعرفون يربون بناتهم بس الصوج مو منه الصوج من عدنا أحنه عفناج اله وهو شاف ما وراج أهل وسند وأستقوى عليج ويضربج ويهينج ويشكك بيج والصوج منج أنتِ شلون تبقين ساكته ومتحملته بس خل يصبرلي.

أسماء حارث على كيفك لاتحكم گبل عيال بيت ورجال ومرته شمدريك شيصير بينهم لا تتهور وتفقد أعصابك مهما يكون يضل أبن عمك وتصير مشاكل بينكم وتكبر ما تصغر ومحد يتضرر بس أختك لهذا الزم أعصابك واهدأ وكلشي ينحل بالتفاهم.

حارث من يجيني الهدوء شبيج أسماء ما سمعتيها شحجت هسه يعني طفله عمرها يله 19 سنه يستقوي عليها ويضربها ويهينها ويشكك بيها ويه أخوانه ترى واكفه وعيب عليه ومال اسكتله عليها لا والله اني ابن سطعش گلب اذا سگتتله.
سحب التلفون يريد يتصل عليه وكامت أسماء سحبته منه وقطعت الاتصال
أسماء شتسوي أنت
حارث جيبي التلفون أخابره وأنعل والديه شنو ما وراها أهل نسكتله عن ضربه الها وأهانته وشگوكه.

أسماء ما انطيك التلفون وخوما يضربها من دون سبب أنت سألتها ليش يضربها لا بس گالتلك يضربني گبل كبيت عليه وكمت تهدد وتتوعد اله هو هيج وهذا حل برأيك.
وشنو يكون السبب شقصدج شو كمتي تلوصين
علي كيفك ترى ما أقصد شيء بس جاي أفهمك انه لاتستعجل بقرارتك واسمع المشكله من الطرفين واذا على سالفة يشك بيها بهاي اني وياك وحقك وحقها ماكو وحده تتحمل رجال يضل يشك بيها لن الحياة وبيها شك ما تنعاش ولا تنراد.

لعد شجاي أحجي أني
وأني اكولك أهدأ ولا تتصرف بعجاله الزم أعصابك وبعدين اذا خابرته وحجيت وعصبت وأنت تحجي وهو يحجي وناس ترد الناس شنو تستفادون أكثر ما تزيد المشكله وتكبر وبعدين توصل للموزينه
هو خل توصل للموزينه على هالحجي يضل بيها زين هو مو بس هانها لا هو هاننه كلنا يعني احنه ما مربين بناتنا.
يعني عاجبك يطلگها وهيج يكونن أخواتك أثنيهن مطلقات هيح أحسن برأيك هذا حل.
لعد شسوي متكوليلي.

دز على مروان وأجمعهم وافهم منهم لاتتسرع بقرارتك ولا تسمع الكلام بس منها هي جاهله گالتلك ما أريد أرجعله مو تمشي بكلمتها وهاي هي تنهي گلشي حجتلك واجتك فتحتلك كلبها ميخالف أخوها وأختك حقك تنقهر وتضوج وتتعصب بس اهدأ ولازم واحد منكم يفهم أساس المشكله وما تضيعونها بينكم واني احجي من صالحها و أساساً
مبين عليها نفسيتها تعبانه خل ترتاح فترة عسى
ما شهر بس مال تنهي گلشي لا هذا مو حل مو.

من أول مشكله گبل تنهي واذبح واصلخ.
لعد عاجبج ما احترموا وجودها وكولها محاميه لبنتهم جان لخاطرها يعني خلصن المحاميات بس الصوج لعمي كمال يعني تتعمد المشاكل بين أبنك ومرته ليش.

والله واني اشوف عمك ما سوه شيء أحتمال ما عنده نيه سيئه بالموضوع وهذا ماضي مالته ما الج حق تحاسبينه وبيوم وليله تطلبين منه ينساها ويحبج انطي وقت ومجال يفهمج وتفهمينه ورب العالمين زرع بينكم الموده والرحمه ما يكدر يزرع الحب والألفه ياعيني أصبري عليه.
لا تصيرين محاميه لمروان وخلي نفسج بمكانها شنو يكون موقفج والله تگلبين البيت جحيم على?اسي و?أس الخلفوني تتعيقلين ب?اسها وهي طفله.

أتعيقل ب?اسها شو هسه من تزوجت مروان ومسؤوليه ورجال وعيال صارت طفله! شو من جانت يمكم مو طفله عمتي تعاملها معامله يهود شغل وأنت أخوها من الناس جنت قاسي عليها وما رحمتها بغضاً عن معاملتي شلون جانت وياها واني رداً ل أسلوبها وياي جانت اعاملها بقساوه مو كرهاً بيها بس هسه مو مال اكعد وأشجعها على الغلط بدال ما اكعد اصححه بس دام طلعت بنظرك أتعيقل ب?اسها ما إلى شغل بعد أختك وأنت حر بيها سوي اللي تسوي بس ياريت ما تكون مثل أهلك.

أسيل فتحت الباب وطلعت وأنوب تلاغوا بسببي اني فگر وين ما اروح المشاكل وراي من رخصتك
حارث أحجيلي خيتي شبيج أحسج ضامه شيء عني
كوليلي مروان ليش يضربج تتجاوزين عليه تعلين صوتج تقللين أحترامات گوليلي علمود افهم اساس المشكله ومن أحجي وياه ما اندفع
أسيل ماكو شيء ضامته بس ما أريده بعد
حارث ماشي يصير خير روحي أرتاحي
أسيل انفتح الباب وباوعتلنا أسماء وكالت.

أسماء عوف التلفون لاتخابره وتتسرع وتهجم بيت اختك بأيدك أتنأه بقرارتك لن هذا قرار مصيري
حارث لا ما أخابره
أسماء أي يله أسيل امشي أرتاحي وگلشي اله حل
أسيل أبتستملي ومشيت وياها للغرفه بقيت كاعده وهي يمي ويه جهالها.

لاتضوجين يمعوده منو يستاهل واني أشوف هناس أنتِ متحسسه منها ومخليتها سبب لمشاكلهم جيتها بشغل يعني البنيه لو عدها شيء جان رجعت خط التواصل ويه مروان لا كل مشكله وسبب تأخذين موقف وتحسسين من الكل وهيج كالت حماتي وهيج عمتي لاتشملين الكل بمشاكلج
ميخالف تصير هالمشاحنات وتنحل بعدين وموقفج صعب اذا رجعتي واجهتيهم وأنتِ حاجيه عليهم فه نصحيه مني بعد لاتحجين لأخوج حجيتي هالمره مره ثانيه لاتحجين لأحد.

أي أن شاءالله أكولج أهلي هم شايفتهم.

أهلج اويلي يا أهلج خربانين مشاكل ونسرين عايفه البيت وشامره الجهال على حسن واصله بينهم للموزينه ما اعرف عمتي وين تريد توصل أنوب هجمت علينا هي وهديل وغلط وفشار وغثني حيل ومشيت ل أهلي وتالي رجعت شفت محد يفيدني ولا هنا ضلن بيتي ولمن جهالي وزلمتي ورجعتلهم وحلفت بعد ما اطلع من بيتي واني من حجيت هيج لا عبالج ما أريدج يمي ولا ماله من خبزتج وكعدتج بالعكس شيريد منج تأكليني تشربيني بس لصالحج.

يله اني أكوم اشوف حارث اني سحبت نفسي تالي رجعت ما اريده يتهور لن بسلامته ما يتفاهم.
ماشي عيني راحت وضليت كاعده وصافنه بگلشي عشته وجرى ومر عليه بأصعب الظروف والايام محد جان يمي سندت نفسي بنفسي من يومي عشت وحيده.

يارب هل المره أخويه يكون سندي واتخلص من هل العذاب على الرغم كلام اسماء وما راضيه بس اني راضيه وصرت ما اميز وأفرق بين معاملة مروان ومعاملة أمي أثنيهم نفس الشي كلشي صار عندي بالتساوي اعيش مذوله وعبده يم أمي ولا اعيش يم مروان معدومه مجرد جسد يتمتع بي وقلبه يم غيري ويشك بيه ومالي حياة مثل البنات...

عشت كل عمري بسجن من طفوله ظالمه وقاسيه ومراهقه وحيده ومنعزله بدال ما أسمع النصيحه والتوعيه واحد يرشدني لا أني امي عافتني وما سألت وقست بتعاملها وياي جنت اجدي أهتمامها جدواه.

حسستني أني خدامه مو بنتها كلشي تطلبه مني بصيغة تهديد وضرب واي غلطه أغلطها أتعاقب من الكل منها ومن أخواني جنت أباوعلهم واحد واحد واتمنى واحد يعطف عليه وكل القساوه الشفتها منهم أتطبعت بيها وصرت لسان وصوتي عالي وما أخاف هما جان ظنهم بالقساوه والضرب يربوني وينتجون مني أنسانه منضبطه ومحافظه بس العكس الصحيح.

وشمروني بطابق الثاني بغرفة بنظري مثل بيت العنكبوت ورحت أدور على الحب والحنان الفاقدته يم مروان ولكيته وغلطت وياه وتعاقبت بالغلط لوحدي وريتني ما رحت ريتني عمت عيوني وما نظرتلك ومتعت نظري بيك وعلقت قلبي بيك شنو ذنب قلبي اليحبك شنو ذنبه هم اله حوبه هم تفرج عليه وأخلص من هالعذاب اللي عذبوني ياه أمي مروان...
بقيت بالغرفه لليل سمعت صوت يحجون وكمت أسماء واكفه يم الباب شگو.

أسماء مروان أجه بس حارث ما يرضى يطلع عليه اوكفي خل اشوفه.
اسيل دخلت عليه واني بقيت واكفه يم الباب
أسماء اطلع عليه وخل يدخل واكعدوا واحجوا ما يصير يا عيني يعني هو لوما رايدها جان ما اجه.
حارث لا خلي رامي بابا اطلع عليه وگوله ابويه ما موجود طالع وأذا كالك سيارته موجوده گوله راح يم الجيران يله أبني.
أسيل طلعت أسماء مزعوجه وسحبتني وراها وفتحت باب المطبخ وكفت تسمع رامي شيحجي
مروان ها ولك شلونك.

رامي زين بابا ما موجود
مروان منو گالك اني جاي على أبوك
رامي بس بابا ما موجود
وين رايح
يم الجيران
ها خوش جيران ماشي منو يمكم.
ليش
أحجي لك منو يمكم.
محد
وعمتك أسيل يمكم لو راحت بيت جدك علوان
لا يمنا موجوده.
ها زين أمشي صيحيلي أبوك گوله عمي مروان يريد يفوت البيت يحجي ويه عمتي أسيل يله
اي هسه
تعال لك مو تكول أبويه ما موجود رايح يم الجيران
مو
يله امشي گول ل أبوك عمي ينتظرك يم الباب.

أسماء شيطان گدر يضحك على عقل طفل امشي خل افهمه وخل يدخل شوفي شيريد يحجي وياج وتفاهموا لاتخسرينه ولج لما يحبج ما هلكد مهتم وجاي ويسأل واكف ينتظر حارث يطلعله...
أسيل بقيت بالمطبخ ومر الوقت سمعته يكح يعني دخل البيت كمت وصارت بوجهي أسماء اني رايحه الغرفه.
أسماء وين رايحه مروان بالأستقبال.

أسيل ما أريد اشوفه ولا أحجي وياه ما أريده عفتها ومشيت باب الاستقبال جان مفتوح مشيت سريع ودخلت الغرفه وبقيت كاعده مر وقت وأجه حارث.
حارث أسيل خويه مروان يريد يحجي وياج حجيت وياه وطلب يحجي وياج.
أسيل حارث خويه فدوه أفهمني ما أريد أحجي وياه بعد العندي حجيته الك وهو عنده علم بي بعد على شُنو نحجي.
حارث هذا هو براحتج.

أسيل عافني وطلع وضليت كاعده وتالي نعست ونمت لصبح كعدت متأخره أسماء رايحه الدوام والجهال هم بس رهف نايمه وحارث ما رايح المحكمه سويت ريوك وكعدت تريگت ونظفت المطبخ وطبخت الغده ولظهر أجتي هي والجهال هي صبتلهم واني رحت صليت واجتي عليه.
أسماء شلونج اليوم
الحمدلله زينه
يله كملي تعالي صبيت الغده.

شلت سجادتي ورحت تغدينا وأسماء غسلت المواعين واني كعدت ادرس الجهال والتهيت وياهم واستمر الحال ومر ثلاث أيام وصار عندي وجع بطني
يستمر وقت ويروح تجاهلته أحتمال الشهريه باوعت تلفون ريم ركزت على التأريخ بعد على موعدها...
باوعت الساعه ورجيت?اسي على التاج الجربايه وأنفتح الباب رفعت?أسي مروان!
. دخل الغرفه بخطواته المعتاده ونضراته الهادئه وگأنو يكولي خلاص اتنهيتي من حياتي عدلت.

كعدتي وهو كعد على سرير رامي مقابيلي بقيت ساكته وعيوني بالكاع
مروان يكولون ما ترديني او بالأحرى كالوا الا?هل ما تريدني واني متعبج وأضربج وخاين وشكاك ومريض نفسي وأهلي مو زينين وياج وأختي قاسيه بكلامها أبويه ما يحترم مشاعرج واريد اطلكج بأسلوب بارد لأن اني ما احبج ومرخصج بإعتقادج وإعتقاد أخوج
ما اكلج بيناتنا النجم وانتِ الشمس واني الكمر ولا احجيلج عشك وغرام مال أيام واشهر بس اكلج.

تذكريني بآيام مرت بينا تذكريني شلون احتويتج بوگت إلى الكل ضيعج وتركج لتفاهات الحياه.
صح والاصح ما حبيت لآن دخلتي بوقت محرج بحياتي بس اني ما خنت وما غدرت ولا تركت وگلشي سويتي مسامحج عليه
والماضي مالتي والاشياء إلى حصلت وياج عقلج المريض يتخيلها أنهُ أشك بيج ويه أخواني ومستعد اشرحلج انتِ واخوج كل تصرف بدر مني.
عقلي المريض يعني بنظرك أني وحده خبله وأتخيل أشياء مو لن أنتَ تشك وزرعتها بيه.

منو گال أنتِ خبله بس وضحتلج أني ما شاك بيج ويه أخواني مستحيل تراودني هيج أفكار بعقلي مستحيل بس أنتِ عقلج كام يتخيل ويتصور يعني هسه من اخوج حجه كدام عصام نص عمري راح جوه الكاع تفشلت منه ما اعرف شحجي وكل هذا طلبت أشوفج ونحجي ونتفاهم
أنتَ ما أجيتني علمود نحجي ونتفاهم على كل اللي صار ولا يهمك أصلاً
لعد على شُنوْ جايج
لن أفتقدتني.
أي صح أفتقدتج
أي أعرفك جاي علمود مصلحتك مو علمود أسيل.

باوعلي وهو مركز على وجهي واني نظري مو ناحيته
حجه وضحكت على كلمته.
غبتي أيام عن الغرفه بس أحس صار بيها خيوط عنكبوت ما أكلج أحبج بس اكلج متعود عليج وماأكلج اشتاقلج بس اكلج أشتاق لتصرفاتج احسج قرد وينكز
لا تضحكين بس عقليتي متفرض فرضيه انو أنتِ زوجه إلى بس اني اريدج بحياتي لأنو انتِ اجيتي بطريقه متخطر على? بال إبليس استغليتني وما أحب الموجود وأحب الممنو? وأنتِ عزيزة الروح شتردين بعد.

تجين حياج الله ما تجين يكفيج شر العدوان والصحبان بس اكلج عقلج نضفته بيدي ماأريد تتشوشين تعالي وياي وبكيفج اجعلج شهر سنه لا تباوعين بخلقتي.
مروان روحلها.
منو المن أروح
تعرف إلمن تروح ما يحتاج أكولك
عوفيها وعوفي هالسوالف وأمشي وياي بدون مشاكل گافي عليه گلشي حاجيه ل أخوج ومرته يحجيلي واني مخلي أيدي على گلبي لاتكونين حاجيتله لن أعرفج ما تحفظين سرج.

لاتخاف هذا سرنا أثنيننا وحجيت مره وتندمت ما احجي مره ثانيه وماله داعي بعد وأذا حجيت شنو راح يتغيير.
ما راح يتغيير شيء بس نسقط من عيون أهلنا ومال أعوفج هاي لاتحلمين بيها وطلاك ما أطلك
يله گومي لبسي اني وعصام ننتظرج بالاستقبال
ما أروح
وليش ما تروحين شيء صار وخلص شتردين بعد هالعناد هذا شيسمونه وخابرتي أخوج وطلعتي من البيت هذن كلهن من دون علمي.
چاي تحاسبني
لا ما جاي احاسبج جاي أخذج وياي.

تقرب لزمني من أيدي سحبتها منه بقوه وباوعت بعيونه بغضب ودموع وحزن وكسره وخذلان كلهن
لا هيج تباوعيلي
كان كل ضني تكدر تحبني مثل ما حبيتها كان عندي امل تخليني بنفس المكان إلى سكنت بي هناس.
لا تخربطين بالحجي لو ما احبج جان ما بقيتج بحياتي.
اني وياك قصتنا إنتهت خطيت نهايه بإيدك بتصرفاتك بشكوك وغيرتك وقلة وعدم الثقه تخرب وأدمر اكبر علاقه.
والعلاقه ما خربت الا بعد ما سكنت روحي واطمئنت ألج.

بس روحي ما لكت الطمأنينة إلى لكيتها عندي مروان أنت زرعت الخوف بكل خلايا جسمي واني زرعت الحنيه والمحنه وأنتَ تعودت عليها.
مروان أنتَ عدمت ثقتي بنفسي دمرت حياتي هنت نفسي وكرامتي مروان ما أريدك طك گلبي منك ما أكدر اعيش وياك گرهتك.
أبتعدت عنه ما أريد أكون متواجده وياه بنفس المكان وهو صار يتقرب بس حتى يلزمني عطت بي.

ما أريدك أبتعد عني خلص أريد أعيش بدون خوف أريد أرجع لمكفخة امي أريد ارجع لذله أريد ارجع لغرفتي لگلشي أريد حياتي القديمه ما أريدك تعبت منك تعبت.
بس هدي ما أعوفج وأنتِ تبيعيني أني ما أبيعج
ما أريدك لا حنيتك ولا أمانك ما أريد بس أعتقني منك وخلصني من عذابك طلگني مروان.

لزمني احتضني من وجهي حته يهديني ابجي بحرگه گلب ونار مشتعله بصدري عوفني مروان أنتِ والدنيا وأهلي عليه شريد أصير يا عالم أني طفله بعدني احب أظفر شعري بعدني أحب هواي سوالف ما شبعت منها دمرتوني واني دمرت حياتي أني اني
ما أعوفج والله ما أعوفج.
حضني وأني ابجي مروان روحلها خطيه اني كسرت گلبها ودمعتها على خدها والغصه بصدرها اني ظالمه شلون دمرتكم وخربت بينكم.
ما أعوفج والقرأن ما أعوفج.

لا عوفني وروح إلها لن أنت تحبها آلها ومتاكده هي منتظرتك ولا يضل بالك عليه أني راح أكون بخير من دونك ومثل ما حبيتك أرجع أنساك واعيدك لنفس مكانتك أبن عمي وصدكني أني ما أموت وراك ولا أنت أوكسجين الحياة ولا حياتي تتوقف بس عليك صفن بوجهي
يعني شُنوْ طلع كلامج وحبج اليه كذب.

أي وأنتَ وحبك جنت حب أحلام مراهقه هذا تحدي بنفسي وجنت اريد اخلص من عيشة أهلي أما ترجع ل الواقع والحقيقه اني ما أحبك ليش متفاجئ مثلما انت أنجبرت اني هم أجبرت بيك بس خلص لهنا وتنكشف الاوراق وكلمن يعرف حقيقته ويحتفظ باقي من كرامته ويلممها ويكتفي بنفسه اني وياك صعب نتفاهم أنت أذيتي هواي وتشك بيه واني تعبت ما عندي طاقه أتحملك.
أسيل لاتجذبين أنتِ تحبيني روحج بيه
لن روحي بيك بعد ما أريدك.

بعتي حبي وحناني وأهتمامي وأماني بقلة ثقتي وعصبيتي وضربي الج ليش ماكدرتي تكولين ساعه شيطان وگلبي جان محترك منج واتعصبت وما أعرف شُنوْ صار بوگتها وصرت قاسي وياج وأذيتج نتيجه أخطاء صارت يعني بهل السهوله تنهيين حبج اليه وحاجتي وأحتياجي الج.

أنتَ محتاجني لن لكيت عندي الامان الروحي اللي مضيعه وبحاجته وما ألك شيء يمي تكدر تروح أدوره عند هناس خلي هي تحتويك اني انسحب من حياتك وما متندمه بس على سنه من عمري عشتها وياك دمرت كياني وشخصيتي وحياتي جاوبني وغصه بصوته يرجف
يعني يعني متريدني.
أي كرهتك ومو انت الحنين البعيني
هيج اني قاسي هيج اني واحد مكروه وما ينحب.

أي ما تنحب لهذا السبب أمك متحبك لن أنت شخص ما تنحب واني هم ما حبيتك مجرد حلم وحققته وبعدين صحيت من الحلم ولكيت نفسي بوسط عذاب وصار لازم اتخلص منه مروان ننفصل أحسن ألنا أثنيننا.
مشكوره على هل الحلم العيشتيني بي.

طلع بس الدمعه بعينه سد الباب وراه وكعت بالكاع وبجيت روحلها اني وياك صعب نكدر نعيش مثل اي زوجين صعب أنتَ گلبك مو يمي واني ما عندي طاقه أتحمل وأصبر ونفس الوقت الماضي مسيطر على عقلك وأفكارك والشك وعدم الثقه دمار وخراب للعلاقه.
أسماء ليش هيج أسيل دمرتي نفسج والله مروان يحبج يعني طلع من البيت حتى بدون ما ينتظر أخوه
أسيل هيج أحسن ألنا إثنيننا.
براحتج أرتاحي ولاتقهرين روحج.

مسحت دمعتي وصار عندي وجع بطني قوي ركضت الحمام ماكو شيء ليش هيج بطني تأذيني غسلت وجهي ورجعت تمددت وضليت نايمه وجع مره قوي مره خفيف وضليت اتكلب ما اعرف وجع گلبي لو بطني تأذيني الالم يأكل وينهش بجسدي وروحي.
مر كم يوم وهدوء وحارث ضل ساكت ما حجه بعد ولا أني حجيت وبيوم كاعده وأباو? التلفزيون أفلام كارتون ويه الجهال وفزيت على صوت عمتي.

وصال وينها أسيل أي عيني شگو عليج تباوعين افلام كارتون ومروان صاير فيلم هندي بغيابج ليش ولج يهون عليج عايفته مقهور وضايج.
أسيل عمه كمت سلمت عليها وسحبتني لحضنها تلقائيّاً بادلتها الحضن وكعدتني بصفها ومسحت دموعي بأيدها
وصال گافي لاتبجين اني ما أجيت علمود ابجيج اني جايه علمود أرضيج واطيب خاطرج وترجعين وياي.
ما زعلانه مني.

لا ليش ازعل أكو أم تزعل من بنتها ولج أنتِ بنتي ومن يوم شفتج دخلتي گلبي وحبيتج وأني ردتج تكون زوجة أبني وميخالف تصير مشاكل بكل بيت واذا كل مشكله تصير نزعل ونگلب وجوهنا لعد ولدي يوميه متزوجين ومطلگين.
هزيت?أسي أكوم أجيبلج ماي لزمتني ومنعتني
لاتكومين گلشي ما أريد اني جايه اشوفج
أسماء اكعدي عيني أني اجيب.
وصال أي أسيل حبيبتي سمعت ما تردين مروان بعد صدك هالحجي يمه
أسيل أي عمه وياريت ما يطولها عليه ويطلگني.

ليش ماما
يمه هيج أحسن ألنا مروان شگاك صعب نتفاهم أني وياه زواجنا فاشل وما ينجح.
لا منو گالج فاشل وزواجكم ينجح لن مروان يحبج ويريدج وروحه بيج وحالته تعبانه بفراگج واحنه نريدج عمج يسلم عليج ويگولج بيت أبوها مفتوح الها اذا مو لخاطر مروان لخاطر أهله أسيل ماما احنه ما نريد خسارتج فكري زين ليش كل مشكله وگبل نقرر أنفصال.
ياريت مشكله وحده ونكعد ونلگه إلها حل!

ميخالف المره تتحمل وتصبر أكو عيوب وأخطاء بعلاقتكم نعالجها ونصلحها واذا تردين تنطين درس ل مروان ميخالف أني وياج والله انطي درس وعاقبي بس لاتطولين.

لن الغياب يخلق فجوه وفراغ واني كلتلج ونبتهج على هالشيء سابقاً لاتخلين مكانج فارغ ترى تجي غيرج وتملي وتأخذ مكانج والرجال المتزوج ما يصبر بدون إمراه مو مثل الأعزب هذا متعود على روتينه بس المتزوج أستطعم ما يكدر يتحمل بدون مره بحياته وخاصه اذا كان بعده شاب بفوحة شبابه واتمنى تفهميني شُنوْ جاي احجيلج.
ما حجيت وأسماء جابت الچاي وضيفتها صار عندي وجع من رخصتج عمه أروح الحمام.

أخذي راحتج حبيبتي وجهج ما عاجبني
أسماء ما تأكل هامله صحتها نحجي ما يفيد
وصال لا ما يصير هذا مو حجي تجي وياي واخذها الدكتوره أسويلها فحوصات وتحاليل كامله.

أزهار كلشي بالحياة قسمه ونصيب واني قسمتي أنتهت بأصعب قرار هو أتخذته ومقهوره لن راح ننفصل بس قهرتي الأكبر منها أنه قرار الأنفصال اجه من عنده هو بادر هو أنسحب وتخلى بدون أي سبب وأعذار مو مقنعه عافني علمود أخواته ويگولي فارق الطبقات البينا وهذا الشيء هو يعرفه قبل لانتزوج ليش هسه يله تذكرت ليش عفتني وعفت بنتك بأول فرصه صحت الك ضحيت بينا.
غصه ضلت بالروح كسرتني يل حبيتك بكل حيلي.

كاعده وعصام مگابلني يريد يعرف مني گلشي صار ضليت حايره شحجيله وأني لحد الان ما حجيت
عصام أحجيلي أزهار علمود أعرف شُنوْ السبب خلاه يطلب الأنفصال يعني بس فرق الطبقات لو غير شيء مثلاً أخواته! ازهار أحجيلي گلشي بعد أخوج وماكو أحد بس أني وياج.
راح أحجيلك گلشي
واني أسمعج
بديت أحجيله وهو يستمع اليه وانتهى الكلام.

اللي حجيتي اليه ما تنحجينه لأي بشر حتى لأمي عيب هذا عرض وشرف ما ينحجي بي وهو هم الله يساعده ويعينه على حمله بس مع ذلك ما اله الحق يحملج الذنب بس هاي هي طلعت منه ولا من عدنا.

هزيت?أسي واجه بابا وبلغني على المحاميه واجتي وحجينا وطلبت أرتاح كم يوم لن ما عندي طاقه أروح المحكمه وهما تفهموا وعصام وافق وعفت بنتي يم أمي وصعدت لغرفتي وضليت أيام عازله نفسي وعايشه حزني بكل تفاصيله وأباو? لصور والذكريات وأكلب بالمحادثات وأقرأ الرسائل والغزل والأشعار وأشوف مقاطع الحب اللي جان يدزها واني أباوع فتح نت نشط الأن وفز گلبي ونزلت دمعتي وغقلت التلفون ونمت.

واجه يوم المحكمه صافنه وأباو? لملابسي أسيا حضرتهن من الليل ودخلت الحمام سبحت احاول انفض نفسي ولبست ورتبت نفسي بشيءخفيف بس مع ذلك طافيه والحزن مخيم على ملامحي.
شلت جنطتي ونزلت لكيت عصام ينتظرني صعدت وطلعنا وصلنا المحكمه كعدت وعصام بصفي واجه رافع سلم رديت السلام وكف هو عصام يحجون واني گلبي يوجعني ما عندي طاقه أمشي خطوه منا لهنا.

وأني منزله?أسي سمعت صوته لو تزلزت روحي بقيت ثابته وشيء بصدري مثل الجمره تلسعني
رفعت عيني وأجتي بعينه لكيته صافن عليه نزلت?اسي لن عصام يباوعلنا وحسيت منتظر هشام يتراجع عن قراره لن نظراته جانت شارحه گلشي
اجه الموعد ودخلنا واحد يباوع لثاني ودموعي ما نشفت وصلت المرحله اريد أكعد واشهك بالكاع بس صامده كدام القاضي علمود اخلصه مني ومن اهلي هو يريد الطلاق بس يكذب عليه هو يحبني.

مسحت دموعي بسرعه والقاضي صافن علينا وكال
القاضي والله ضليت حاير بينكم أبني فكر بهذا قرارك لاتستعجل متشوفها شلون كطعت روحها
هشام لا حضرة القاضي أتفقنا وقررنا مو أزهار
أزهار ريته ما نطق أسمي شفايفي يرجفون جاوبته اي اتفقنا وقررنا بإرادتنا نزلت رأسي وعصام تعصب لن شافني ابجي حسيته يريد يمخليني ما راضي.

يحجون وأني بالي يم عيونه وكل تفصيل بي وانتهينا وانفصلنا وكلمن مشه بطريقه طلعت امشي لوحدي بس مو كادره أكمل خطواتي حيل ما عندي الجنطه وكعت من الكاع واجاني رافع يساعدني
?افع الله الله
أزهار رفعها من الكاع خلاها بيدي
هشام شجاي يصير
أزهار أنداريت عيونه متشخصه? رافع بغضب بقيت أراقب نظراته والشر يتاطر من عيونه
عصام شيصير بعد أكثر من إلى صار ورافع أبن عمي يله أزهار نمشي وأنت راوينه مكفاك.

هشام وخر عندي حجايتين ويه أختك
عصام بشنو تحجي بعد ما أنتَ نهيت گلشي محد جبرك وهسه بعد طلگتها تريد تحجي وياها امشي منا وخليني محترمك وجار أخلاقي وياك على الطيب
هشام حجاتين بس
عصام ولا حرف شوف لك اني لحد الأن ساكت لن عبالي ادمي بس طلعت ما تسوى الأحترام امشي ازهار
أزهار سحبني من أيدي وهشام دفع عصام وصار مدافع وعصام صار عصبي فدمره وهشام بس يريد يحجي وياي.

عصام شُنو تحجي شو طلاك وطلكت واللي تريده صار اخذتها لحم وذبيتها عظم بس الصوج مو بيك الصوج بينا ناسبنه هيج زبايل عمي دتروح
هشام أحترم نفسك ولا تجاوز وخلي الشعره البيني وبينكم لا اكطعها وتصير موخوش
?افع خوفتننا ما تكطعها منو لازمك هو شضل واذا ع بنتك اخذها تسوي فضل علينا نكوم نربيلك خلفتك وتتعلم? الدلال وبعدين تشوف الفكريات شتصير مثلاً.

هشام مردوه عليكم جريمه أنتو رجال دوله وأنتِ خاتون ساكته عاجبج الكلام يهيينون بابو بنتج بس شتطلعي ومثل ما يعيروني تعييرين بنتي لهذا من اولها اخذها يمي عود كل فتره شوفيها
عصام شُنو احنه نجي عليك علمود تشوف بنتها
ترى تماديت حدودك هواي هشام لاتخليني اصير موخوش ادمي واسحلك بالمحاكم
هشام سكتي اخوج لا اكلب عاليها واطيها ترى كوه متحملكم.

أزهار جاوبته بدون روح عصام گافي روح وخلينا هز إيده وكف بصف?افع عينه علينا وهشام تقدم صار كدامهم ومقابل وجهي رفع ايده مسح دموعي وكال
هشام على? شُنو تبجين هشام ما يستاهل دمعه من عيونج وهاي خلصتج مني ومن فگري والعازه روحي شبعي بيت أبوج دلال خلصتج من هشام وأخواته والمشاكل.
أختصر اريد اروح البيت غزل تبجي وتريدني.

احجي أحجي هذا اللي جايبنه جنتل مان واكف باب المحكمه من ساعه جينا هذا عريس الغلفه مو من هسه مجهزيلج رجال يزوجج اله
شتحجي أنت
أحجي الشافته عيني ما شال عينه عليج ولا ثانيه يباوعلج أكثر مني وحاش روحك بروح اخوج الظاهر مقرب من عائلتكم صاروا احباب بس اني مسحوا بيه الكاع هيج صار الفقير ماله خبزه بين الاوادم صار ينكس
حشاك
ضلت بيها حشاك جان صبرتوا اولي وبعدين جييوا.

لازم أمشي تأخرت باوعلي ونزلت دموعه بحزن وعصره أيده قوي وحجه
أسف تعبتج وياي وظلمتج وكسرت رگبتج بس والله العظيم حبيتج وما اريد اظلمج أكثر ازهار ديري بالج على نفسج
وأنتَ هم دير بالك على? نفسك باوعتله اخر نظره ونزلت دمعتي ويه دمعته ومشيت وراي عصام و?افع وهو ضل واكف لوحده منكسر وخسران وضايع وحيد أنت الخسرتني بسبب كرامتك للموت تضل تعض اصابعك ندم عليه روح الله يسهل ألك.

رجعت البيت عفتهم وصعدت الغرفتي تهربت من الاجابه ومن الكل وأعتزلت بروحي وضليت أيام عايشه داخل قوقعه من الحزن لوحدي الا أن تشبعت من الحزن لوحدي وصار لازم اطلع من القوقعه وأتحرر من حزني وأنعزالي وأعتكافي والتفت لنفسي وبنتي منتظرتني.
ونفس الوقت صارت مشاكل بين مروان وأسيل وأشتدت بينهم ما تدخلت ولا أنطيت?أي لن أثنيهم تصرفات خطأ ومخربطين وما يعرفون يتصرفون سؤاء أخويه او اسيل.

خابرت أخوها واجاها ونفس الوقت قست بالكلام وقللت أحترامات ويه أمي عذرتها بسبب الضغط تولد أنفجار بس كان لازم تتحكم بأعصابها وأنفعالتها وما تشمل الكل وامي ضاجت حيل وأنقهرت وبابا واكف ينتظرها لن طلب منها تبلغ أخوها ما تروح.
كمال هاي وين صارت
ازهار مشيت باوعت الكاميرات بابا أسيل راحت.

كمال صدك يعني وشُنوْ قلة الأحترامات هاي وگتلها أنتظرج علمود نحجي تمشي بدون ما ترجع تبلغنا وصال شجاي يصير أسيل ومروان شبيهم شُنوْ المشكله البينهم أحجيلي.
وصال مشاكل بينهم ماكو شيء
كمال خير أن شاءالله يجي مروان وأفهم منه
ازهار مشه ما مرتضي باوعتلي امي مزعوجه
وصال حتى ابوج ما أحترمته وطلعت اني ممربيه ابني.

آزهار ما حجيت وكعدنا وكعد عصام من النوم ما يدري شصاير بالدنيا صبينا الغده وتغدينا وامي عينها على الباب شلتهن وغسلتهن وعصام راح الغرفته وبابا هم وامي ضلت كاعده وبحضنها غزل ودخل علينا مروان وصاح عليها
مروان أسيل.
وصال ماكو أسيل راحت
مروان وين راحت.

خابرت على أخوها حارث واجه اخذها وطلعت تحجي ما أحترمتني طلعت اني ما ممربيتك وتذم وتحجي على تربيتي الكم اني تالي أسيل تطعن برتبيتي وأمومتي حتى أبوك ما احترمته هيج بنيه?اسها گوي ما شفت.
ميخالف يمه وأذا حجت أشسوتلج قابل أخذيها على كد عقلها بعدها طفله وبلحظة عصبيه ما تدرس كلمتها ومن نتعصب گلشي نحجي أعذريها لاتزعلين منها امسحيها بوجهي.

طفلة وين اكو طفله عمرها 19 سنه ليش اني بگدها من تزوجت أصغر منها من اخذني ابوك وبساعتها حملت ووتحملت مسؤوليه وبيت واطفال وابوك وغيابه ودوامه يا طفلة ماما
يمه هذاك زمان أول مو زمان هسه يعني بربج تقارنين جيلكم ويه جيل هسه هذا جيل الكتروني
يلا لاتضوجين منها وهي حجت بس والله ما عدها گلب ما قصدها تقسي يالكلام وياج أو تقلل أحترام
لا ليش اضوج تضل مريتك وبنيتنا اي هسه شتسوي تروح تجيبها لو تبقيها يم أخوها.

لا اجيبيها وين أبقيها يله من رخصتكم
تريد غده نصبلك
لا ما جوعان.
أزهار صعد لغرفته واني اخذت بنتي وامي باوعتلي
وصال شلونج أنتِ التهيت بأخوج ونسيتج
ازهار الحمدلله
هم سأل عن بنته
لا أبداً
حسابج بقيتي
أي بقيته ليش لازم احذفه
ما ادري والله لا بس إذا يراسلج علمود بنته كوليله يتواصل وياي ويشوفها أنتِ سحبني نفسج وأبداً لا تحاجينه وياه وقطعي التواصل نهائي هاي هي مو هو طلب الانفصال خلي.

لا شبيه تخبلت مستحيل أتواصل وياه أني مو قليل كرامه أرجع اعيد التواصل ويه واحد هو باعني ابو بنتي وبس يله اني صاعده لغرفتي ومثل ما گال مروان لاتزعلين من أسيل وشفتي بررلها يعني ما بينهم شيء ويرجعلها والله يصلح حالهم.
أمين شريد اني غير اشوفهم مرتاحين.

الله كريم اخذت بنتي وصعدت لغرفتي نومتها وفتحت تلفوني وصارت محادثته كدامي سويتله تقييد ورجعت أتصفح وضليت أكلب وصار روتين حياتي عادي واريد تمر هل الفتره وأفاتح بابا بموضوع رجوعي لوظيفتي وسيارتي واكمل حياتي منين ما توقفت.

ومرت الأيام وبيوم كاعدين بالصاله أني وامي ونتتظر مروان وعصام راحو يجيبون أسيل جنت اتصفح بتلفوني وصلني مسج من حساب غريب أستغربت الأسم صقر الأماره منو هذا فتحت الرساله دازلي لايك دخلت لحسابه مخلي صورة عسكري بس ما مبين وجهه ولاحظت مروان وعصام أصدقاء مشتركين وياه! بعدني جاي اريد اطلع من حسابه دخل علينا مروان وعفت التلفون
كبل وكع ونام بحضن امي
وصال يمه شبيك باوعلي مروان يمه.

مروان يمه صدك اني ما انحب واني هلكد مكروه وما انطاق لهذا السبب أنتِ ما حبيتني مثل عصام يمه ما تريدني يمه كارهتني
. يمه تولي يمه هي الخسرانه هي العدها واحد مثل حنيتك بملايين الدنيا ما تبيعك.
يمه كل حنيتي ما غزرت بيها يمه بيش قصرت وياها جنت ما اباو? بمرايا يمه اشوف روحي بعيونها وروحي ما ترتاح بس بحضنها يمه تكولي ما أريدك يعني اني واحد ما ينطاق اني واحد مريض نفسي ما ينراد وما ينحب.

ازهار گطع كلبي وهو يحجي ومختنك ودموعه بعيونه معقوله هذا مروان إلى بحياته ما بين حزنه لأي بشر يبجي عليها يا اسيل شسويتي بي شبيج وياه ومكتوب الك يخيي تعاني بحياتك زرفت گلبه هناس ونوب أنتِ أنشلع گلبه سوده عليه ما أرتاح بحياته.

مروان يمه اني هناس من اذكرها يحترك گلبي بس من أسيل دخلت حياتي ما صار يجي? بالي بس هي الدوام كله أفكر شوكت ارجع وأشوفها وهسه تگولي ما أريدك بعد وتعبت منك وتگول روح ل هناس يمه اني اني تبيعني برخص التراب وتكول طلكني أي اني ظلمتها وقسيت عليها اني الصوج مني.

وصال ميخالف يمه لاتزعل هي ترجعلك ما تعوفك هي تحبك بس بعدها مقهوره منك وشايله بخاطرها خليها خل ترتاح نفسيتها وأني بنفسي اروح أرجعها الك بس المهم ما أشوفك زعلان ومقهور لاتگطع گلبي عليك يروح أمك وليدي أنت شلون ما أحبك أنت وصله من گلبي تعال المك بحضني يمه رويحتي يم وليدي محترك گلبه يمه سوده بوجهي يمه فدوه لريحتك ولحنيتك وين اكو بحنيتك.

ازهار حاضنته وهو حاضنها بكل قوتها وانهار بحضنها وتبوس بي ولزمته من?اسه وتمسح على شعره واني أمسح دموعي شبعت قهر عليه عاد عصام اجه وشافهم وضحك.
عصام مشاعر جياشه غلبتني عاطفتي سوف أبكي
ازهار مروان أبتعد وامي مسحت دموعه.

عصام كوم شگدك شگبرك تبجي على مره ولك جان أستحيت بس حلالات عليها أسيل شمسويه بيك بردت گلبي واخيراً شفتك مسحول من قبل النساء طول عمرك جنت شامخ والجبل ما يهزك ريح واجت الريح ويا مروان اكعد ابجي واستريح
وصال لا تشمت بأخوك على أساس أنت ما أنسحلت من اسيا دتسكت خلي تاريخكك مطمم غراب يكول لغراب وجهك اسود
عصام لا تاريخي شامخ وأسيا من نسواني شريد بعد قفلت التاريخ وتربعت على گلبي.

وصال الله يدوم محبتكم يمه ويلم شمل أخوك ومريته.
ازهار ما حجه شيء صعد لغرفته صدك شوكت تجيب أسيا.
عصام هسه أكوم اروح اجيبهم كالتلي باجر العصر بس خل تطير شيجيب العصر بعد يوم كامل يله اني رايح.
وصال وين رايح بهل الليل.
عصام لاتخافين ما عليه شيء الحافظ الله.
ازهار راح الله وياه وفتحت التلفون وأخذت لقطة شاشه للحساب رسلتها ل عصام كتبت اله منو هذا!
عصام ليش
دازلي طلب صداقه وبالخاص لايك؟
ليا ساقط
منو.

هذا شاهين حظري خيولي واحد مسقط.
ماشي عيني بس ردت اتأكد منه لن شفتك أنت ومروان أصدقاء مشتركين
شاهين هذا حظري واذا يراسلج بعد كوليلي
ماشي عيني
ماشي.
حظرته وعفت التلفون كمت نومت بنتي تصبحين على خير ماما
وأنتِ بخير عود بطريقج شوفي أخوج مروان
ماشي صعدت نومتها وصلت لغرفته دگيت الباب ماكو مروان كاعد ما رد عليه عفته ورجعت نمت.

وبيوم كعدت لكيت أمي رايحه على أسيل وكعدت بالمطبخ طلعت مواد كيك كلت أسوي والتهي احسن ما اضل كاعده واجتي اسيا وجهالها
أسيا سوي أثنين حبابه وحده جاي وحده بالكاكو عصام يحبها مالت جاي.
ازهار اي تدللي واني جاي اشتغل رن تلفوني أسيا متشوفين منو يتصل.
أسيا هاي عمتي وصال!
ازهار فتحي الخط والسماعه.
أسيا أحتمال علمود أسيل لن كالت عمار يوصلني وبالرجعه خل مروان يجي يأخذنا
ازهار اي فتحت الخط هاا ماما اجانا صوتها بخوف.

وصال ولج لحكيلي ركضي صعدي على أخوج مروان وكعدي من النوم اخابره مغلق أسيل بالحمام سابحه بدمها ركض ولج راح تروح من بين أيديننا.