رواية بين قلبها وعينيها كبرياء للكاتبة شمس العراقية الفصل السادس
أزهار
وصلت البيت مزعوجه وسيارة عصام بالبيت الافندي ما طالع من البيت وسيارتي على حطتها يابه شكد روحه طويله يشلع كلبي ويكرهوني بالوظيفه بهاي تصرفاتهم التجلط صارلي أسبوع أنشعل أهل اهلي من ساعة عطلت سيارتي شكد روحك طويله يا عصام اليوم اشكيهم لبابا والزلمه الما يصلحها
وصال شبيج حاميه وأشو لوحدج أخوج مروان وين
أزهار شمدريني بي واجيت بتكسي.
أجيتي لوحدج بتكسي أزهار مو عبالك مستجلبه شلون تجين لوحدج ابوج مو نبه عليج تجين ويه أخوج مروان
مروان عنده شغل مو فاضيلي والله كولي لولدج خل يصلحون سيارتي وبابا اكد عليهم وهما ولا عبالك
شتسوين بالسيارة منو صعدت قبلج سياره بس أنتِ بنت عم بنت خال ما شاءالله ابوج حتى سياره صعدج باجر عكبه يسلمج المعرض.
وليش مقهوره بدال ما تفرحيلي بابا مدللني واكفه تحاسبني والله يا يمه صايره ما اعرفج يوم عن يوم أنصدم بيج وكله بسبب شاهين اعرف دگج ومگدوج وين
عشتوا شاهين الله حباه ما أخذج ولا ناسب أبوج
ما جاوبتها واجه عصام باوعتلها وهزيت رأسي وهمست الها لاتكولين اله اجت بتكسي والله يكلب البيت على رأسج ورأسي.
عصام هاا الگوه
ازهار هلا بسيادتك
عصام مروان وين
وصال ما موجود طالع.
أزهار ما رد السلام لابسني حسيت روحي لوگيه خرب انسحبت وصلت الدرج وصاح وراي
عصام أزهار منو جابج
أزهار أجيت
ادري اجيتي مو واكفه كدامي شُنوْ خيالج هذا منو جابج شبيج أنلطمتي
أي وشکووو تصيح منو جابني قابل اجيت ويه صديقتي رشا وهيج مهتم صلح سيارتي وفضني من هالسالفه
لاتتنرررررين لا اكسر حلگج نشتغل عندج بنت الزفره وأنعل أهلج لابو سيارتج أكلتي روسنا بيها أمشي ولي
وصال خلف الله عليك.
عصام لااااا ست الوالده ترى والعباس ما أقصدج بس الحجايه يله رهمت هيج، وأنتِ عاد لاتصيرين حساسه فدمره شدعواج من عصام جبيرج تتتحسسين شو سيد الوالد داخله وياه بسبات جليدي.
وصال الأحترام أحترام
عصام صايره تحجين بالجمل القائمه يرادلج تحيه مضاعفه ابوس رأسج وحقج على? هالخشم.
أزهار عفتهم ويحاول يرأضيها وصعدت غرفتي طفرت وخلصت من للسانه وشوي وصعدت أسييا تضحك همزين شفناج عمي شدعوه.
أسيا تراضينا ولو أحجيلج شصار أخوج متغير ولا عرفته صاير فد حنيين فدووه لعيونه
ترى هو حنين بس أنتِ بسلامتج ما ملاحظه عليه اي من تراضيتوا هم تعاتبتوا بينكم وياريت بعد ما تزعلين
اي خل اسولفج
تربعت وكعدت تسولف ومبتسمه وصلت السوالف ما تنحجي ولج هوووب هوووب خففي كولي اني بنية عيب شهل السوالف خرب بيومج أسيا لسانج فالته براغيه
اي شگو بيها غير أنتِ صديقتي المقربه وأجي أسولفلج
ميخالف ضحكنه واجانا صوت عصام يعيط.
عصام أسيا ومرض أسيا وصمخ
أسيا هاا حبيبي أجييت نزلت ركض على? الدرج محتاج شي گبل جرني من ايدي أخذني الغرفتنا وركع باب شجاك توني عفتك كلشي بيك تقرب عليه وصاك على سنونه يحجي بعصبيه
عصام شُنو جنتي تحجين ويه أزهار أحجيلي لا ومحمد اقضي على حياتج
شحجي يعني سوالف بينا مو تعرف علاقتنا مقربه ومثل الأخوات وضايجه وصعدت سولفنا سوه هاي كل السالفه
سولفتوا
أي
وبشُنوْ سولفتوا؟
سوالف نسوان ليش تسأل.
سوالف نسوان كلتيلي هسه إذا احطج وأصير واحد أبن سطعش كلب وازورك جلدج احد يگولي لا اكو كواد يمنعني
گافي عاد عصام حتى على أختك لاحكتني فوك ما متفاهمين وعلاقتنا حلوه وانت الما راضي شتريد لخاطر الله ترى أنت تحير اكبر واحد والله راح تخبلني وياك
ليش ما تحبين الخصوصيه ترى الله ورسوله وصوا وذكروا بس أريد أعرف أنتِ شُنوْ من طينه طينتج متوبين متجوزين ما تصيرلج چاره
هو شکووو اكلتني حاصل فاصل شمسويه يمعود.
ما مسويه شي بس اللي صار بينا عند أختي هسه لو متزوجه ما يكتلني قهر أنلطم على? حلكي واسكت لن متعلم على? سوالفج ما برأسج خير وما تجنين عقل بس أختي بعدها بنية بيت تفتحين عينها على? هالسوالف مو أبتلي بعمرج
علي? هاي يمعوده اول تالي تزوج تعرف على? أساس متشوف مسلسلات وأفلام كبل ضربني كف ويحجي بعصبيه.
أستحي شويه وگولي أخوها واگف كبالي هذا عرضي من الله ياخذج كوه ترجعيني أقسملج وأعدلج أنتِ مو مال عيني وأغاتي ما دك بالقندره.
طلع وركع الباب بكل قوته غمضت عيوني مقهوره منه ولازمه خدي مكانه الكف على? شُنو ضربتني عصام على? سالفه متسوه صاير واحد ما تنفهم وراح تموتني ناقصة عمر
بقيت بغرفتي ما طلعت وهو ما شفته بعد ولأ أتصل لليل عمتي صاحتني
وصال وينج لحد الان نايمه صار الليل جيبي كرم وتعالي تعشي الاكل برد.
أسيا جايه شلت كرم وطلعت لكيته كاعد يتعشى وعمي موجود وأزهار تأكل بهدوء باوعتلي ولاحظت صاير شي گبل غمزتلي وعصام باوعلي نزلت رأسي شويه وكامت
عمي راح على التلفزيون وعمتي لحكته بالجاي بس اني وياه بقينا كاعدين بالمطبخ كرم اكل وغسلت اله وطفر على? أجداده.
كمت الم المواعين وهو ما يأكل بس ساكت وكفت على? السنك أغسل بهدوء التفت ما لكيته رجعت كملت غسل ونظفت المطبخ ورحت الغرفتي حتى كرم عفته يمهم.
دخلت الغرفه مغير ملابسه وطالع جمعت ملابسه الوسخه ورتبت الجربايه وتذكرت العشناه ليش يخلي ذكرى حلوه بينا، لا والله مو مال ذكريات.
بقيت أباو? التلفزيون مسلسل مصري و?معت صوت الباب دخلوا هو وأبنه نومه بغرفته وأجه غير ملابسه وضل بالداخليات وطفه التلفزيون والاضويه ونام ردت اكوله ليش طفيته بس سگتت ونمت والهدوء عم الغرفه.
أعتذر لا ما أعتذر لا اعتذر لا ليش أعتذر قابل أشسويت لا اعتذر شُنو أشسويت هو من نوع يقدس الخصوصيه أني فعلاً ما أتوب شمدريني حاسبتها مثل أختي وأكثر ونسولف هسه أعتذر اي أعتذر لا لازم هو يعتذر لن ضربني غمضت عيوني وأنداريت عليه لكيته صافن قربت رأسي على? مخدته وتلمست صدره وكال بهدوء
عصام وخري أيدج
أسيا حقك عليه
شعجب خشمج يابس أعرفج ما تنزلين نفسج شصار واجيتي لو تعرفين بنفسج غلطانه ولو عادي عندج!
لا مو عادي عندي خلص أني أعتذر منك وحقك عليه
نامي نامي
أنطاني ظهره ونام تقربت حضنته وابوس بظهره وكتوفه أموت عليك من تشيل خشمك عليه
ما ينطالج عين تنجلبين
أشكرك عفته ورجعت نمت لوحدي قهرني بكلمته أعتذرت اله وما أهتملي أني صوجي على? شُنو أعتذر ليش شمسويه عفته ونمت والصبح كعدت لكيته يغير ملابسه رتبت الجرجف ورحت غسلت وغيرت ملابسي وهو يرتب بروحه خلص وطلع شُنو تطلع
عصام لا باقي بالبيت
أسيا لعد شو كاشخ.
كاشخ لنفسي الا أطلع كعدي كرم وخل يتريك زين
طلع من الغرفه وكعدت كرم غسلتله على? السريع ولحكته هذا وين راح شفتي عمه وين عصام
وصال ليش شمسويه
أسيا هسه كوليلي وينه
بالأستقبال
ليش اكو احد جاي عليه
لا منو يجينا من صباحيات الله
كرم ضل يم بيبي هسه اجي مشيت وصاحت وراي عمتي
وين موليه.
ما جاوبتها رحت الأستقبال وفتحت الباب بدون ما أدگه رفع رأسه متفاجئ من دخولي عكد الجواجب وشگله أنزعج من وجودي حجيت اجيت أتفقد ممتلكاتي هز رأسه وابتسم بأستهزاء أنوب خبلني بهاي الحركه
عصام أول وأخر مره تتدخلين وما أدكين الباب.
وكفت متخصره وجاوبته شتسوي مثلاً گبل طبگ الحاسبه وكام بهدوء من يمشي هدوءه يخوف لزم الباب وصرت بحضنه يعني بنص صدره ضليت أباو? بعيونه مليانات شر مشكلته الموحلوه من يزعل يحقد صك على? سنونه وجاوبني بقله صبر
شوفي وأمير المؤمنين أذا متغيرين تصرفاتج رأسج يتكسر أمشي طلعي برا وخليني أكفي شغلي
ماشي رايحه
روحي منو لازمج
مو حاصرني بيديك وين اروح أنتبه على? نفسه وتأفف وكال
روحي على أبنج وشكلج ما اريد اشوفه.
ماشي رايحه لبيت أهلي من تحب تشوفني تتندل البيت
أنتِ روحي وشوفي يا كواد اليرجعج بعد كل مشكله ركضتيلي على أهلج.
عفته ومشيت ولا مهتملي ولا رايدني اني شُنو موقعي بحياته مسويني مكفخه اله ولكلامه مثل السم هسه حجيت لاختك كلمتين خوما انطيت أسرار العسكريه مالتك يا زعلك الما يفض بيوم ويومين تشلع كلبي وما يكفيك بس سهله ابقى بزعلك شوف من يرضيك بعد احجي ويه روحي وهو بالأستقبال مية الف فكره اجت أبالي تالي أستغفرت ربي ومشيت.
الثاني يوم هو ساگت وهل الهدوء أخاف منه حتى ويه أهله ما يحجي كاعدين اني وعمتي وهو ومجد وأزهار وعمي يم بيت أخوه ومروان بالدوام نسولف وأزهار بصفي حجت
أزهار عصام شوكت تصلح سيارتي فدوه
عصام باجر
وأذا ما تتصلح
يصير خير.
وصال أكول يمه عصام عبالي تأخذني للبيت أهلي أمي شوي صحتها تعبانه أريد أشوفها
عصام قبل لا التحق أوديج
وصال ماشي أبني أسيا ما تجين وياي هم تغيرين جو.
أسيا ضليت ساكته وهو جان يباوع التلفزيون على? مسلسله سوريه عيني عليه وعمتي تحاجيني بالي مو يمها
وصال مو أحاجيج شو ساكته تروحين وياي
أسيا بكيف عصام
وصال يمه شتكول أنتَ
عصام شکول على? شُنو
وصال شُنو ما سمعتني شحجيت سألت أسيا تروحين وياي تكول كيف عصام شتكول يمه
خل تروح
ماشي لعد تحضري لن نبات يومين ونرجع وهم كرومي يتونس خطيه.
أسيا أنزعجت واحس نار أشتعلت بگلبي يعني باله مو يمي ولا يهمه أمري اروح اجي مو هامته جاوبتها لا عمه ما أروح أحسسن تصبحون على? خير يله كرم ماما كوم انومك بفراشك شلته وعاط وكام يبجي شمر الريمونت وعاط بيه
عصام شو عوفيييي ما يريد ينام هي كوه يله ولي
أسيا نزلته ومشيت وعمتي كامت تحجي عليه
وصال شجاك انهديت عليها ابنها وتريد تنومه
يمممممه رجاءً لا تتدخلين.
أسيا دخلت الغرفه بجيت من كل گلبي أختنكت حيل وصار عندي وجع بطني تغطيت ولفيت رأسسي ونمت وأني أشهك ما اعرف شكثر مر وقت وانرفع الغطا من رأسي صفن بوجهي كبل اخذني بحضنه وبجيت ليش هيج سويت بيه
خلص گلبي موزين عليج شُنوْ نسيتي نفسج حامل
خايف على? البطني
والله خايف عليج و? البطنج هو نازل من ظهري وأنتِ بگلبي
مسح دموعي وباس عيوني وعصر وجهه بأيده الأثنين ولطخ كصته بگصتي.
ما اريد أخسرج ثمني هالكلمه بعقلج وخليلها وزن وأعرفي معنى كل حجايه احجيها الج
أن شاءالله
زعلج ودموعج على? خشمي حقج عليه بنت الاوادم.
ابوس خشمك حضنته وابوس بكتفه بحنيه وشوك قربني اله وايديه تغلغلت بشعري و? خده أبتسامه حب ورضا رفع خصله من شعري وشمها حيل وأيدي تتلمس صدره فتحت السحاب مال التراكسود بوسته بعمق وشغف ورفعت أيدي لوجه واصابعي تملل بشورابه رفعت نفسي لمستواه وبست شورابه وحقك عليه وهاي بوسه من هالشوراب زلمتي الاحبه أعتذر منك ما جاوبني بس صافن على? حركاتي
أسيا
عيونها.
لأ من اسامحج تتمادين أكثر يرحم أبوج بكبره أعرفي وحفظي أطباعي كتلج ما رايد خسراتج
تأمر كلتها ونزلت رأسي لن فعلاً حسيت نفسي غلطانه بحقه رفع حنجي وباسني من خشمي حبيت هالمره اني ابادر تقربت لوجه وبسته من شفايفه بجراءه وتفاعلت وياه وهو أجن من حركتي لمني بحضني ويحير شلون يفرض رجولته من بين انفعالنا وشوکنا وحُبنا حجيت بصوت ذايب عصام أعشق رجولتك
عصام وأعشقج
أعشقني تمرد على? عشقك.
شسوي بيج من تولدين يا تمرد ولج يا تمرد شعلتي أهل أهلي وكاظ روحي عنج وما شايف شغلي عدل لن حامل
ضحكت وهو محترك بناره اخذني بحضنه وهو خايف عليه من روحه لمني بحضنه حبيبي بعدك زعلان مني
نهيت الموضوع وبعد ما ينفتح كلشي بوگته
حضنته وقررت اتفهم واتفاهم اطباعه اللي صعب عليه حفظهن كل ما اكول خلص أسيا تقبلي كلشي هو عصبي وانفعالي وما يحب الغلط مشكلتي بينا تشابه اثنينا نار.
أزهار
لاحظت صاير شي بين عصام وأسيا وخفت أني السبب لان سمعت أطراف حديثهم المشكله هي من دخلت بيتنا أني لوحدي بين أخواني وهي حبابه وتصادقنا وهي تحجيلي كلشي واخويه من نوع حريص اعرف تفكيره عميق وين يبحر
نزلت والبيت هدوء لكيت بس عصام وأسيا بالمطبخ صباح الخير
أسيا صباح الخيرات تتريكين أصبلج چاي
أزهار أي والله بلا زحمه عليج كعدت ماما وبابا ما كاعدين
عصام ليش ابوج لافي على البيت نايم بيت جدي.
أزهار وأمي احد شافها
عوفوها يله اني رايح اشغل السياره شربي جايج وتعالي اوصلج الدوام واليوم أصلح سيارتج ونفتك من هالسالفه
شال السويج وطلع شربت جاي وشلت جنطتي يله أسيا رايحه عيونج على أمي واذا صار شي بلغيني حبابه
ماشي عيني أطمئني هي خطيه رادت تروح لاهلها شو عصام خابره وگاله تريد تروح لخوالي وما وافق گاله متروح ما اعرف بعد شصار ورا هالاتصال
ماشي فهمت طلعت لكيت عصام يحجي بالتلفون وشغل وطلعنا وجان مزعوج.
عصام ما يصير هيج عايفها كل وقتك لاهي عنها وفواكاها متقبل تروح لخوالي ماشي ماشي راضيها مو تعوفها على زعلها هذا هو يابه في أمان الله.
أزهار وصلنا ونزلت مشكور تعبتك وياي
عصام شمسوي قابل هسه سيد الوالد اذا ما تصلحت يغيرلج سيارتج وتشيلين خشمج علينا
أزهار شعندي غيركم فدوه اروحلكم أبتسم وراح الله وياه دخلت وسلمت وبلش الدوام واجت رشا هلاو.
رشا هلاوات عبالي أجيج فد يوم لن أنتِ بالجذب متعزميني على كهوه أستكان جاي ميبستها فدمره
أزهار تعالي هلأ بيج والا اكولج الجمعه عازمه صديقاتي كلهن وتعالي ننجمع جمعه حلوه وهم نتونس شتكولين
اي والله ياريت احب هيج أجواء خلاص الجمعه أجيكم
هلا بيج راحت فرحانه ابتسمت ورجعت أكمل شغلي لما خلص الدوام طلعت وجنت متوقعه عصام يجي يأخذني بس گال يأخذ السياره يصلحها بقيت صافنه وراح عليه الوكت حتّى رشا راحت للبيت.
تمشيت ووكفت انتظر سياره وطبكت تكسي باوعت هو نفس الشخص أي هو
وهالمره الزم لساني وما احجي وياه وأخلي بابا وأخواني كدامي وبعدين هو ماكو شغل الا هنا قحط اماكن احجي بداخلي وهو احسه يباوعلي باوعتله وابتسم تلقائياً ابتسمت كبر شبيه أستخفيت تراجعت وعگدت حواجبي
هشام يلة صعدي مو أجداد اجدادنا أنصمطو عوفي الكبرياء على? صفحه مو وكته بهل الحر صعدي اوصلج بكروتج مو خيرات
أزهار ما تحركت من مكاني توكل.
صعدي وبلا عناد ما تلكين سياره وبيها تبريد كسري غرورج
باوعت الشارع يصفر هسه لو لازمه خط ويه رشا مو اشرفلي من هالزقنبوت اللي جاي اشوفه ما كلت باطل فتحت الباب وصعدت وجه التبريد ناحيتي
اخاف تموعين
يباوع بالجامه ويحاجيني نزلت رأسي وانطيته الكروه ما عندي خرده
اني عندي
اخذها ورجعلي الباقي تندل البيت
لا شمدريني ابن عمج خالج
انطيته العنوان وصلنا البيت يم الباب من نزلت مدلي ايده بيها كارت مال رقم.
خاف تحتاجين خط اني اشتغل خط موظفين وطلاب جامعات
اخذته منه ما اعرف ليش اخذته مشيت وكالي
حتى كلمة شكراً متنكال شدعوه عليچ
ما التفت ولا جاوبته فتحت الباب ودخلت وبيدي الكارت رقمه ضميته بالجنطه بالجيب خاف يوكع ويشوفونه اخواني شيخلصني منهم بعدين اني هم ثوله شكوو اخذته منه وشسوي بالخط اصلح سيارتي واخلص من هالسالفه شبيه اني
دخلت البيت لكيت عصام يفتر وشكله متعصب وامي باوعتلي تكرظ بروحها شكوو سلام شلونكم.
عصام شلووووونه يعني منوووو هذا الوصلج للبيت
ازهار منو قابل سايق تكسي
عصام سايق تكسي كلتيلي مو؟
أزهار ما احس الا هجم عليه يضرب بكل قوته عبالك مجرم عنده ايده وما مدت وامي واسيا يفازعن ويتصارخن وهو انكلب ابو الهول
سايق تكسي مووووو والله من انعل اهل اهلج على? هالتربيه السكط عبالج ما شفته شنو نطاج رقمج بنت السطعش گلب وأنتِ حضرتج متونسه ما كلتي باطل.
عوفنيييي تنكسررر ايدك والله والله الا اكول لبابا عليك يا حقير اني كلت هيج وضربني كف وجر جنطتي كلبها كلها وتطشرت اشيائي وفتح الجيب الصغير وطلع الرقم وشككه بوجهي وعاط
هذااااااااا شُنو تكدرين تنكرررررررين يا أدبسززز.
رقم شنو قابل سايق تكسي وانطاني رقمه اخاف احتاج خط هو هذاااااا شغله على? باب الله الا تخلون بيها صخام وحبجيات شسوي لعقولكم الوصخه مشكلتكم مو مشكلتي راد يضربني صرت ورا امي وهو يهد ويرعد واسيا صارت بصدره وتفازع بي خطيه عجنها عجن كل شوي محصله كفخه لا بيها لا عليها راح يولدها قبل اوانها.
عصام بكل وقاحه تجاوووبين والله انعل سلفه سلفاج واني كواد اذا خليتج اداومين والا ازوجج واكسر ركبتج واشوفج شلون تراددين بوجهي ولسانج بطول بسطالي اصبريلي يا أزهار والله لا اشمرج بحلك جلب
وصال کااااااافي عاد تخبلت توليتها الصلي هاي اختك وحيدتكم همزين ما عدكم عشرة اخوات بس اني اعلمك الا اخليهن بيد ابوك وهو يتصرف.
خليهن ليش لا بس لاتنسين اذا اشوفه اللي شفته بالكاميرات شيعمل وشيقررر يمكن اني ارحم منه عليها اقري على? روحج السلام ابو التكسي يرقمج وحضرتج بكل عين كويه تراددين بوجهي اصبريلي أزهار
وصال أمشيييي ولي لغرفتج امشييييي الله ياخذج.
أزهار رايحه بس والله يجي بابا واكوله والله ما يصيرلك خير اني كلت هيج ما احس الا هجم عليه لا امي ولا اسيا كدرن اله يجر من شعري ويضربني راجديات واني اعيط بعلوا صوتيييي يممممممممه راح يموتنييييي باباااااااا الحكلييييييي.
عصام هااااااي تربيه ال باباااا انعلج وانعل ابوج وياج حيوووووانه تردين تصخميييين وجهيييي شلوووون تاخذين الرقم منه شلوووون اني كواد كاعد بهل البيت كواد شاد كرون ستيييييييل واخليج سري مري لا والله اذا ما سودت حياتج يا ازهار اني نغل وما نازل من ظهر ابوي.
أزهار سحبتني أمي ورا ظهرها وضربتني راجدي بكل قوتها واني مو حاسه بشيء مثل الفاقده وعقلي تحت تنويم بس احس بطعم دم بحلكي وعصام أيده تنزف واسيا تشد بيها بالشاش إشسويت اني.
وصال إشسويتي ما تعرفين أشسويتي حقج من عرامج وصلافتج يا أدبسززز تردين تموتين إخوج تردين تذبحينه لهنا وصلت بيج المواصيل اخوج دمه حار وغيرته ما تسملحه اخته تترقم تكومين تواجهينه وتضربينه بايده من جعل أيدج الكسر والشل يا ازهار شسوي بيج لو موتته شسوي بيج غير الحكج بي والله ادفنج تف? شكلج الزفر.
أزهار ما جاوبتها بس ساكنه وصدأ صوتها عبئ المكان وعصام ساكت وهادئ أشسويتله شلون أذيت اخوي شلون اذي روحي لا مستحيل اكيد هذا حلم كاعده على بايه مالت الدرج وصافنه عليهم وعيوني الرؤيا مو واضحه وامي واكفه يمه وتحجي وياه وعصبيه
وصال امشي روح المستشفى يخيطونها الك
عصام ما يحتاج بسيطه يله أسيا فضينا عاد
يمه كولي لبنتج لاتشوفني خلقتها لا ومحمد اقضي عليها.
وصال أمشي ولي بغرفتج وحسابج كبر حجمه خل يجي أبوج وهو يعرف شغله وهالوظيفه بالحلم بعد متشوفينها هذا الدلال هذا تاليته عرامه وقلة تربيه ادبسزز حركتينا الله يحركج امشييييي أنكبري بغرفتج.
أزهار مشيت تعبانه وأمشي وأعثر بالگوه صعدت فتحت غرفتي وتمددت بفراشي وأحاول اذكر أشسويت عصام ليش أذيته عصرت مخي مو ذاكره شيء بس جسمي يرجف ودگات گلبي صارت بطيئه? خوف على صدمه كبيره من اخوي ظن بيه السوء وخسرته وخسرت ثقته والاكبر من هاي صدمتي بروحي شلون اذيته هذا روحي أخواني روحي من الدنيا واحدهم قطعه من گلبي.
أسمع أصوات وهوسه وركض وبابا يصيح عليهم وسمعت صوت عصام اي هذا عصام
عصام كب ماي على وجهه يمعود.
كمال والله أكلب البيت? روسكم كلكم ما تكوفوني لا انتوا ولا امكم اذا ازهار صارلها شيء أزهار بابا ازهااااااار عزيرة كلب ابوج فتحي عيونج بابا ولك مروووووان وجع شغل السياره عصام اذا لحكتنا ورب العزه انخلك نخل أنت وأمك العوجه.
أزهار أنرفعت ومشيه مو متوازنه عبالك وكعت من تل عالي وريحة بابا بخشمي اي هذا عطره اني بحضنه وهذه سترته فتحت عيوني وشفته يبجي ويمسح على وجهي ومروان نازل شوكت نزل منو دز عليه شجاي يصير امي وين اريد احجي بس لساني مربط احس بروحي مبنجه
نرفعت كلني ريحة العطر تغييرت هذا عطر مروان اي مروان يمشي سريع وبابا صوته اختفى خلاني على السديه وخبص المستشفى عليهم
علي كيفك خويه امشي اطلع برا خل نشوف شغلنا.
مروان وين طلعونييييي ما متحرك خطوه وحده فاهمه شوفي شغلج لا اكلب المستشفى على روسكم يلااااااااااا
أزهار هوسه وصوت اجهزه وصوت مروان راح طلعوا برا سوده بوجهي خايف عليه كل هذا كلبي يم عصام شلون اذيته تنكسر ايدي
صحيت وصوت اجهزه مزعج تمللت وبابا يم رأسي بابا شصار
كمال الف الحمدلله من فتحتي عيونج الحلوه ماصار شي باباتي ولا يهمج تصيرين زينه وكل اللي وصلوج لهل الحاله احاسبهم واحد واحد هسه المهم عندي صحتج.
أزهار ليش شبيه
مروان هبوط حاد بالسكر ربج ستر ما دخلتي غيبوبه وفقدتي الذاكره جان منين النا أزهار بعد، يله الحمدلله عدت سلامات تنذكر ما تنعاد والف الحمدلله على سلامتج لو تدرين أشسويتي بينا
أزهار أسفه ما قصدي أصلاً ما اتذكر الا القليل بس عصام اي عصام وينه وامي
مروان بعدين هسه أرتاحي ما عليج منهم ارتاحي خيتي.
أزهار بابا كعد تعبان وجهه أصفر وصافن عليه ومروان يفتر ويباوع على الملف مالتي ويرسل تقارير باوعلي وأبتسم رديت الابتسامه واجت الممرضه ما فهمت شنو يحجي وياها واجو مجموعه دكتادره ضلوا يحجون بس أنكليزي مروان يعرف ودارس مجموعه لغات ف جان يفهم عليهم ويترجم لبابا ولدكتور الوياه ومروان يرجع يجاوبهم بلغتهم خلصوا وطلعوا اللي عرفته بابا داز على مجموعه أطباء يشرفون على حالتي ومدخلني مستشفى خاص وهو جان تعبان سوده بوجهي مروان هو تكفل بكلشي.
مر يومين وبابا وياي ما عافني ولا لحظه هو يوكلني ومروان وياه وعرفت مانع اي احد يوصل المستشفى بالاخص أمي وعصام ردت احجي بس مروان منعني
انفتح الباب ودخلوا عمي فاضل وعمتي فريال وعمتي زينب سلموا وعمو مقهور ويبوس بيه
فاضل سلامات عمو سلامات
زينب ليش هيج وكعتي گلوبنا شجاج يا ماما امي رادت تجي بس تعبانه ضلت يم أمج لن تعبانه ضغطها صاعد ما جاي ينزل
فريال بسم الله عليج ماكو شي لاتخافين ماماتي.
أزهار عمه امي خل تجي اشوفها قنعي بابا فدوه اروحلج
زينب ليش أقنعه يا عيني أمج لن تعبانه ما يخلونها تجي هسه عوفيني من إمج شصارلج ليش وكعتي شصارلكم سألت ابوج ميحجي ومروان ما تطلع منا الحجايه هو بإيام الخير أخرس الحايط يرد وهو ما يرد عاد هسه
فريال عوفيها زينب خل ترتاح هسه وكته وعيال بيت بيناتهم ماكو الا الخير أن شاء الله يلا ماما حبيبتي ارتاحي ما بيج غير العافيه.
أزهار الله يعافيج عمه، وانفتح الباب ودخل مروان غمزلي وسوالي حركه معناها لاتحجين شي هزيت رأسي وعمه زينب ضلت يمي وأمي وعصام ما شفتهم ولا وصلو
وكتبوا اليه خروج من المستشفى صحتي تحسنت وتأكدوا من سلامتي.
عمتي لبستني وطلعنا للبيت مروان يسوق وبابا ويه عمي فاضل بسيارته بالطريق واتصل واسمعه يحجي
مروان بالطريق جايين اي اضبط نفسك أمي شلون صارت خوالي شجابهم هسه يله بالطريق راح نوصل.
أزهار سكتت وباوعت على مروان بالمرايا دار وجهه عني معقوله هو هم شك بيه مثل عصام ما فكروا يسمعوني وبعدين يحكمون عليه شافه الرقم وهيج لعد لو علاقه شيصير.
وصلنا وشفت سيارة خوالي موجوده طبكت سيارة مروان ورانا سيارة عمو فاضل نزلت ومروان بيده جيس الادويه مالتي مشه كدامنه وطلع عصام واكف يم الباب وايده ملفوفه بشاش عبرت من يمه صفن بوجهي وغير نظرته على? عمتي وسلم عليها دخلت ولكيت جديتي نعيمه وأمي شافتني اجتني ركض تبوس بيه وتبجي
وصال يمه بنيتي جان راحت من بين إيديه شحجي شگول سوده بوجهي تعالي امي امشي اخذج لغرفتج ترتاحين.
الجده نعيمه لا خل تجي اريد احجي وياها وأفهم منها شصاير بهل البيت تعالي ازهار
وصال أبوج وصه محد يحجي لاتحجين
ازهار هزيت رأسي وكعدت يمها تسألني وأهز برأسي ما اذكر شيء وكعت فجأه وهاي هيه
الجده نعيمه شلون هيج وكعتي لازم صار شي متنعقل
مروان جده من التعب والارهاق وهي أخر فتره هلكت نفسها بالدوام عادي تصير.
جده النعيمه ما جاي اصدكم جذابين بالأخص أنت اكبر جذاب وعصام شبيها ايده هم تعب وأرهاق اعرف مصيري اعرف الضامينه هسه خل أزهار تصير زينه عود الله كريم
وصال أزهار كومي ارتاحي بغرفتي
أزهار رحت لغرفة أمي تمددت وهي اجت وكامت تبجي حضنتني وتبجي وتبوس بيه وبأيده خلص ماما لاتخافين ما بيه شي
وصال شلون ما بيج شيء جان رحتي من بين ايدينا ساعه اخوانج يكعدون بيج ما تكعدين
يمه احجيلي شصار ما جاي أذكر.
سوده بوجهي يمه من بعد ما صعدتي غرفتج وعصام خابر على? مروان وعاف دوامه واجه تعاركوا هما وابوج والسالفه انلاصت بس ابوج واثق منج ومن تربيته احسن مني ابوج ما تجازينه بس اني اخ اني تنكسر ايدي يمه بنيتي يمه رويحتي
أزهار بقيت بحضنها لليل بيتنا فرغ عرفت خوالي رايحين وبيت عمي فاضل هم طلعت لكيتهم مجموعين عصام شافني وكام وبابا عاط بي
كمال وين مولي
عصام عندي شغل.
كمال عوف شغلك هسه وأكعد بمكانك عندي حجي هواي اريد احاجيكم بي
أزهار رجع بس على أعصابه كعد بس ما يباوع لاي احد متوتر من الكعده اجت امي جايبتلي العشه وبس تبجي باستني من كصتي وكعدت قريبه مني وبابا كام يحجي.
كمال شعندج مكابلتها وتنوحين لو فعلاً أنتِ ام جان منعتي هالثور أبنج عنها شلون تخلينه يضربها وأني ما موجود هاي اني عايش وهي تسرحون وتمرحون بكيفكم لو اموت شتسوووون هاااا شو سكتوا مستقوين على? أخيتكم وحيدكم ولكم حاجونيييي
عصام حجيت مره ما احجي مره ثانيه
كمال عصام حاجيني عدل لا اكوم انزعلك الحزام.
عصام هذا العندي وضربتها لن عيني ما تحملت اللي شفته عرضي مو رخيص علمود اعبر الموضوع عادي واذا عاجبك هالتصرفات اني طالع من البيت
كمال وين تطلع اكعد وخل نحجي مثل الاوادام وارجع احجيلي السالفه كلها وأول شيء أسمع من ازهار احجيلي بابا.
أزهار رفعت رأسي وعصام صدت وجهه منزعج حجيت كلشي وختمت كلامي وهذا الولد ما اعرفه مجرد وصلني وهاي هيه والرقم انطه لن كال خاف تحتاجين خط اني اشتغل خط موظفين وطلاب جامعات بس عصام الله يسلم عمره ما انطاني مجال احجيله
كمال هاا عصام
عصام هاا
كمال سمعت أختك شگالت
أي سمعت قابل اطرش.
هاي اخر مره تتصرف وتضرب من رأسك واللي يحاسب ويمد ايده على? اخته ما يلوم الا نفسه تردون تفرضون حكمم افرضوا بس مو على? بنتي افرضوا على? نسوانكم
عصام هاي هي خراعين خضره ما شاءلله
كمال أحجي عدل يله تسامحو ا وما اريد زعل بين الاخوان يله باباتي أزهار عصام ابني هاي اختك وحيدتكم باجر اموت منو يفتح عليكم الباب غيرها
عصام الك طولت العمر والسموحه منك.
أزهار كمت وصلت العنده بسته من رأسه اسفه والله أنتَ ظلمتني بجيت وحضنته وتراضينا ورجعت كعدت يم بابا
كمال باجر أجيبلج شلون سيارة
عصام بعد لا سياره ولا وظيفه وكافي دلال.