رواية بين قلبها وعينيها كبرياء للكاتبة شمس العراقية الفصل السادس والستون

رواية بين قلبها وعينيها كبرياء للكاتبة شمس العراقية الفصل السادس والستون

أزهار وكعت وشلتها بحضني وهي تصرخ وانفض بيها فحطت واني أصرخ وياها وهو تخبل يحاول يتقربلها واني عطت بي وخر الله ياخذك وخر عنها جان موتت بنتي وخر ادفع واضرب بي وعلى صوتنا أندك الباب بقوه فتحه دخلت عمتي والبنات وراها وخالي سلمان شاف شاهين سحله لبرى وكعدن وگبالي اخذتها مني تنفخ بوجهه وخلتها بحضنها تقرأ على?أسها واني مكابلتها خاله فدوه خل نأخذها المستشفى خاف رأسها صار بي فطر.

سهيله لا گولي يالله ما بيها شيء فتحت مثل الورد يله عيني يله ماما يله أخذيها لاتخافين
أزهار عمه گلبي ما مرتاح خل نوديها المستشفى
سهيله ولج يمه والله ما بيها متشوفينها سگتت وفتحت عيوناتها وتباوعلج شوفي ضحكتلج.
أزهار حضنتها وأبوس بيها عيني هي بنيتي
شصار أحجيلي يمه
حجيتلها ولطمت على وجهه
هم رجع على هالسم والزحير
ليش هو دائماً يشرب
مو دائماً من يطبگن عنده يجي سكران ومنتهي.

من طلك نجاح سكر كلنا يموت هاي هي بس صحيناه
هو ما جان هيج فدمره صاير
شسوي هذا هم حظي يله أعوفج يم بنتج أكوم أكمل شغلي وأشوفه وين وله.
طلعت وضليت مكابلتها وكاعده وتباوعلي وابوس بكفوف أيديها وبعد ما شفته مر أسبو? هو مختفي يمكن خالي سلمان رزله لن من هذاك اليوم ما بين
نظفت غرفتي وسبحتها ونومتها وكمت نظفت البيت والمواعين مالت الريوك باقيه كمت وغسلتهن ونظفت المطبخ وسويت الغده تبسي وطبخت تمن.

واذن الظهر واجني من الشغل التعبانات باوعلي وابتسمن وتوضيت ودخلت الغرفه لكيتها كاعده حضنتها يمه فدوه للبنات صليت وفتحت تلفوني وأنصدمت ونزلت دمعتي بسرعه بدون ما أسيطر عليها كأنما متحضره لنزول ضليت أباو? لرسالته ترددت أجاوبه تالي جاوبته
هشام شلونج شخبارج مبروك الزواج
أزهار الحمدلله تمام وأنتَ شلونك
زين على اللَّه سمعت تزوجتي عسكري
اي
عاد اختيار سيد الوالد لو اختيارج
لا أختيار أبويه
خوش اختيار مو!
ما أعرف.

ليش ما تعرفين، لازم ما مرتاحه وياه شعجب ما
ترس عينج الفارغه
وين تريد توصل بهاي اسألتك
هيج والله حبيت اسال عليج تبقين أم بنتي ويهمني أمرج وأشوفج سعيده، يله اخذي راحتج اخاف زلمتج يجي ويكلبها عليج نجف لن الاعرفه العسكرين ما يتفاهمون مو صح!
الله وياك بعد لا تسأل ما اريد تصيرلي مشاكل
ماشي تدلليي جنج ما طلبتي.

أنتهت المحادثه حتى ما كلف على نفسه يسأل على بنته عفت التلفون وعصبت وأنقهرت منه حلفت اذا يراسلني بعد ما أجاوبه هسه متذكرني يسأل عني أي تزوجت قابل ضل أنتظرك جاي يرجعني بعد وگت بس حلالات عليك من أجيت لكيتني متزوجه علمود تعرف بروحك شخسرت شضيعت من أيدك عفتني أني وبنتي ملطشه للوگت خلاني تحت رحمة شاهين شراب العرك على بنتي ما أمن يمه مو عاد أني.

شلتها وطلعت لكيتهن فارشات السفره كعدت يم جديتي وتغدينا وعمتي تمدح مني
سهيله الله يرضى عليج ويحفظلج بنيتج ويهدي عليج شاهين يمه شلون بنينه تنكع بالگلب.
أزهار جديتي بس أبتسمت كملنا وكمت غسلت ودخلت الغرفه لكيته موجود هذا من شوكت أجه
فرشت بالكاع وخليتها بحضني أنومها وهي تلولي لنفسها وكام وتقربلنا دنك عليها وهي بحضني يبوس بيها وهي تلعب بشواربه وتضحك.
شاهين شلون صارت
أزهار الحمدلله زينه.

ما جان قصدي أذيها بس الصوج منج أنتِ عاندتيني محسستني رجال غريب يلمسج مو رجلج
صديت وجهي عنه لن حيل قريب مني شاهين وخر
ما شارب زقنبوت شبيج گلبتي خلقتج باوعيلي
ما أباو? شاهين وخر عني
نوميها ونحجي
ما عندي حجي وياك
مو كيفج أزهار
لعد بكيف منو بكيفك أنتَ شراب العرك ضربني على حلگي الا شفتي أنفطرت وذبت دم وبنتي تباوعلي
لج صيري أدمي وأحترمي لا أخابر أبوج.

أدمي أكثر منك ومحترمه نفسي بس أنتَ مو مال أحترامات جرني من شعري ويعت بي اخ شعري لزمه بقوه عوفني شاهين
نوميها وتعالي لا أجضعج وغصباً عنج ترضين ما ترضين هذا العندي لان الظاهر أنتِ مو مال عيني وأغاتي مال ركع بالقندره على بوزج يخليج تمشين سيده يا أدبسز
عافني وتمدد ورجعت حضنتها ونومتها باوعتله كاعد خليتها بحضني ونمت
تعالي نامي يمي
ما جاوبته
أزهار لاتجبريني أجي أسحلج من شعرج
ما جاوبته.

هم تنحسبين عليه مره ومتزوج هذا هم حظي
رگع الباب وطلع وأستبشرت خير أرتاحيت وأستسلمت لنوم والعصر كعدت ما لكيت بنتي كمت مثل المخبله دورت عليها بالبيت ماكو شفت جديتي جده بنتي غزل وين جانت بحضني نايمه
الحجيه يمه أسم الله الرحم?ن عليج و? بنتج لأ تخافين يم شاهين أخذها وطلعوا
يم شاهين وين أخذها وين طلعوا.

ترى شاهين گلبه طيب ما عليج من سوالفه والله حنين ديري بالج عليه وطولي خلگج عليه شوفي شلون يصير محبس بإصبعج يخليج الشمس بأيد والقمر بإيد.

ما جاوبتها أني وين وهي وين طلعت برى أدور عليها لگيتهم مخليها على البنيد السياره ويصور بيها شاهين بس صحت أسمه أندار عليه ليش ما بنتي توكع للكاع يمه بنيتي ركضت مثل المخبله شالها وينفض بيها وكلها التمت وأني حيلي بهت اصرخ عليها وابجي اريد بس الزمها ما يخليني خلاها بالسياره وطلع رجعلي بنتي اريدها يمه غزل يمه
رفعتني من الكاع وخالي سلمان يحجي ويغلط عليه والتموا خوالي وكاموا يحجون على ابوها.

شگو طفله مبقينها يمكم عمي هاي مسؤوليه تروح تتكسر تسكط توكع بلاكم ما الها أهل أب يسألون عليها يصير ما يصير يطلعون لسانهم عليكم ناقصين طلايب ويه الغرب عمي انطوها لابوها خل يربي بنته طفله شُنوْ ذنبها متبهذله ومشلوع گلبها بهل الضيم جان ماتت خابروا أبوها طايح حظه المن عايف بنته هالمسكينه.

ما حجيت شيء بس ضليت الوب من القهر كعدت وضليت أنتظر وصدري من كد ما بجيت تجرح وجابولي تلفوني مروان يدك وعصام يدك واني فاصله عن العالم أريد بس بنتي أطمئن عليها أخذها وعافني أتلو? وراها.
بقيت بالحوش كاعده بلكاع وعمتي سهيله يمي والبنات يخبزن ويباوعلي خايفات عليها اجت السياره من بعيد طلعت حافيه دموعي صارت تتسابق مثل المطر نزل وحاظنها بحنيه عكس القساوه التارسه وجهه.
سهيله ها بشر.

شاهين إيدها متأذيه وأصابعها متضررات ماكو شيء يخوف
أزهار عطت بي شُنوْ ماكووو شيء ما تنبهلها وگعت من رايد منك تشيلها لو مكسور أيدها لو مشكوك?أسها شكول لأبوها شكول لطمني على حلكي خله حلكي يتبنج من وجع الضربه بجيت
بقهر على حالي اخذتها لحضني ابجي للغرفه دخلت وحاظنتها وأبوس بيها هاي ثاني مره توكعين وهو السبب شلت خطيتج وياي أنشلع گلبج وأنتِ طفله يوميه واكعه رن تلفوني مروان جاوبته ها عيني.

مروان ها عيني غزوله شلونها
كمت ابجي أنهاريت بس سمعت صوته ما يفهم مني شيء
يابه جايج الا اخلي يسويها على روحه السرسري أذا ما طلعتله هشام وخليته ياخذ غزل ويتفل بشاربه اني مو مروان صاير الاب الحنين وجه الطرگه
عفيه مروان اسكت لأ تكول ل هشام
لأ بس هي شلونها شلون صارت
زينه أيديها ملتويه وأصابعها متجرحرات وجه هم كصتها متأذيه
عيني هي حبيبة خالها
مروان امانه لأتكول ل هشام.

لا يابه بس البارحه جان هنا وسأل عالبنيه جاي تعيينه طالع والدائره إلى يداوم بيها جازين أسمه وكال للوالد علمود يشوفه اله
أها وشعجب قبل الواسطه
الدنيا داكته مو خوش دكه أمه ذاك اليوم بالمستشفى شفناها ومرينا اني وعصام سلمنا عليها تعبانه فدمره حالها يكسر الخاطر.
يا خطيه
وجعَا وبعدين اني شكو أحجيلج عنه
غير أبو بنتي شفتني متغزله بي
لا والله ولا تغزلتي بس صوتج اليرجف مثلي من يجيبون طاري أسيل.

ههههه اكول ما حنت عليك
لا يمعوده شايله خشمها انوب نجحت وجابت معدل بعد الله ما يحاجيها.
ضحكت ليش شلون معدل شگد
77 وحايره شتقدم بلكي الله ويطكها العوز وتلكي تعال قدملي أهلي الا اركص بجفيه
هناس شلونها
مثل لونج محاكم وطلايب من تحاجيني عبالك تحاجي المتهم.
ههههه هيج واصله
بربج كل حجايه وكالت انت خاين وغدار
هههههه تره حقها
محد كال آلها اتصير حنينه وتتبع بر الوالدين علمود تدخل الجنه وتوافق رأي ابوها.

يبوه ولا تجوز من سوالفك عوفك منها مروان هم خطيه
والله اني الخطيه تحاجي هاي شايله خشمها وهذيج شايله خشمها عليمن تروح ما انزل اضل بدوامي اخليهن يتوسلن بيه تره اني مروان على سن ورمح أني ما عندي لحيه مسرحه اطلكهن اثنينهن وأنعل والديهن وأصبر لما اموت وأجاهد ما اخذ مره وبهذا الله راح يعتبرني من مجاهدين الرغبات وبإعتبار مجاهد أكيد شهيد والي حورية العين.
ً هههههههه خرب مروان لك شُنوْ أنتَ اسكت اسكت.

سكتتت والله شتكولين أطلكهن
لك لا شبيك.
عوفينا منهن المهم اجيج هسه اني بالدوام ساعتين وأنزل
لا عيني ما يحتاج أسبو? الجاي هو يلتحق وأگوله بلگي يجيبني
ما أدري صرت أكرهچ من وراه أحسج تابعتله
يا مروان
أشاقه أشاقه بس ما ينبلع شلون معاشرته بربج حتى هشام صرت ابلعه من وره غزل هذا شيشفعله غير خلفته عوذه دخليج لا تخلفين واحد عار مثله
مروان شسالفه أنفتكت عليه.

أهوو رجلها يله يله أحمي من يجي طاري شيبردني ونسواني ما بيهن خير
لك مروان منين تطفئ
من
خرب باي باي
الله وياج بوسيلي غزل
تمام عيني سديته واني خربانه ضحك على سوالفه
شكد ما اني مقهوره وطالعه روحي إهدى وتبتهج أيامي من مروان يخابرني ويكعد يحجي وياي بالساعات انسى همين وجعي وانسى شاهين وحقارته وسوالفه الطايح حظها
واني صافنه أتصل عصام جاوبته هلأ أبو ك?م
عصام هلأ بيج شلونج غزل شلونها شلون وضعها
الحمدلله زينه.

متأذيه مو
أي والله كلش
أحجيلي أزهار
عن شُنوْ
عن غزل شبيها شگال الدكتور عنها من أخذها شاهين
گايله ما بيها شيء أيديها ملتويه عدها رضوض وأصابعها مجرحات وشفتها مشكوكه وأثار بكصتها وجهه لن وكعت على وجهه گبل
منين وكعت
من السياره
وبنتج شلون تنطينها اله
ما منطيتها والله هو مأخذها مني من جنت نايمه
ماشي هاي ثاني مره توكع للكاع
ها
أزهار
أي ثاني ليش شمدريك
أزهار البنيه لازم ما تبقى يمج.

لا فدوه بنتي هاي وين تبقى لعد بس لاتكولي أبوها يريدها ما انطيها والله أموت وراها
أبوها ما عنده مانع الرجال من اجه وعرف بيج مأخذتها وياج ما حجه شيء كثر الله خيره غير اب ما يسكت بس هو متفهم وگال بعدها صغيره ما الوعها على امها بس من اريد اشوفها شلون گتله اجيبها اهنا ويشوفها على راحتك محد يمنعك من بنتك.

بس هسه الحجي أختلف خوالي خابروني كلهم كالوا الطفله تعالوا أخذوها لا ادزون على ابوها يجي يأخذها لأن مسؤوليه محد يتحملها لا يصير بيها شيء أهلها ما يسكتون ما النا بهل الطلايب خوالي ناس فقره وعلى كدهم وهسه هشام هم خابرني موصلين اله خبر تعال اخذ بنتك والصراحه من بعد ما عرف بيها واكعه كال اريدها هو ما ياخذها يمه بس تبقى يمنا يم أمي
هسه تذكر عنده بنت كام يطالب بنته
هو ما ناسي بنته علمود يتذكرها.

شلون ما ناسيها عصام هو هم كلف على نفسه يسأل عنها مصرف ما دزلها شتحجي فدوا لعينك
لا بهاي مو وياج مصرف جان يدزلها من أول ما أنفصلتوا بس اني رفضت وما قبلت وحاول وياي وگتله حالها من حال جهالي لن أعرف وضعه ملتهي بأمه مريضه
وليش ما گتلي
ما يحتاج أكولج قابل ما تعرفينه
شلون هسه أنطيها اله
تضل يمنا يم أُمي حتى أنتِ تأمنين عليها أحسن ما تصيرلج مشاكل لأن خوالي قافلين وهشام ما يقبل تضل يمهم بس يمنا ما عنده مانع.

وأني أمها شلون عصام ما فكرتوا بيه
شلون ما فكرت بيج ليش هينه عليه أخذ بنتج من حضنج بس شطالع بيدي العندج مو أوادم لعد طفله توكع مرتين ادري زمال ميشوف دربه من عمى العماك اي والله
بعدين أردلك خبر خلوني أشبع منها
ما نحرمج منها نهاية أسبو? أجيبها الج تشوفيها
ماشي أخذ راحتك
الله وياج.

نهيت الأتصال وياه واني شبعانه قهر باوعتلها وجهه مورم وجوه عينها بنفسجي حالها حال أدزج يم خوالج احسن ما تبقين يمي وتتعذبين واني إلى الله
حضنتها وضليت كاعده ما طلعت من الغرفه وهو يفوت ياخذ ملابسه ويطلع ما يحجي يعرفني مكابله بنتي لهذا ساكت
شاهين ما تطلعين من الغرفه مثل الدجاجه كاركه على بيض خوش لكيتلج حجه مكابله بنتج والله شاهين وكعها.
أزهار أنت شعندك وياي شمسويتلك فگ شرك عني تروح تروح وترجع عليه.

شاهين شوفي لج طبع الحيوانات هذا مار عليه اجفصج بالقندره والله واليوم حضري نفسج لبسي شيء سويلي أجواء مو اجي والكاج مكبعه بهل الثوب يم أهلج ملشتحه ويمي صرتيلي شريفه وتستري حارمتني من نعم الله.
أزهار ما جاوبته هذا تالي يجلطني لو اجلطه والله لو تموت ما أخليك تتقربلي ما ضل عليه بس السكير اخلي يلمسني ويلوثني بقذارته
ورحت للمطبخ لكيتهن يصفطن بالخبز.
سندس ها بشري نامت شلون صارت ما كدرت اعوف التنور.

أزهار اي نامت عيني لا الحمدالله هاي ولا غيره
يولي لخاطري ما عليج بشاهين عوفي لا يأذيج
لا شسويله قابل العتب مو عليه العتب على ابويه إلى قبل بشاهين بس كوليلي مرته شون جانت وياه.

يبوه شيبتنا والله الله ليعيد هذيج الأيام جنت اركب الغده واعوفها نايمه ونطلع كلنا للحصاد نرجع نلگه المركه مالحه والتمن المنكع شايط هاي شتحطيلها ويطيب نسكت مره مرتين نجي ميتين من الجوع شناكل تاالي مره مرتين سوتلها مشكله على أبو خواتك شادات وياي وطلگني رادتها من الله يطلكها لن سوالفه ما بطلهن حتى وهو مزوج عنده سوالف مكسره
يا.

أي والله مو بس وياج نسوان وسكر وعربده هو خرب عبالك ينتقم من نفسه ما وكعنه على علته مخربط ليش هذا مو أبن عمي وياه نفس العمر هم متزوج وعنده كومه بنات ويطلع يسكي ويزرع ويحصد ويكرب حاله من حالنا لا يوم طلع لمكان ولا يوم شاف سوك رغم هو دارس لاعداديه وجان يكدر يكمل ومرته مخلصه سادس بس ما شافو حالهم على احد كاعدين وساكتين ويشتغلون بس هو من تعين وشاف شيء ما شايفه انجلب على الاوادم والأ هو ما جان هذا شاهين وبيوم يجي يتطوطح شكد ينزل من عيني وأكرهه.

سكتت ما كدرت أحجي لان بعدني مامعاشرتهن ما أعرف منو الصح منو الغلط رحت لغرفتي تمددت عالجربايه خلي اخذلي غفوه باوعت الساعه 11 وييي شكد نايمه وغزل عالمسكن نايمه.
إنفتح الباب ودخل يتطوطح يوكع بالكاع لعبت نفسي
كمت اتجنبه وما اخلي يطخني لو يفكر يلزمني هذا العايز اخلي واحد ما معتب عليه كح منايم وياها واخلي يطخني لازم تخبلت
بسرعه ردت أخذ بنتي وأنهزم منه اروح يم البنات جرني من شالي راد يخنكي شمرت أيده والشال.

امشييي وخرر اذا لزمتني اسويلك فضيحه بگد السماوات عوفني وأمشي أطلع برى
شاهين دخل اسمع حسج الا اسويج وصلتين ليش ما متحضره لج أدبسزز
أنت دصير رجال واضربني لما اطلع بالشارع مصلخه وافضحك أني مو أزهار
هاي شُنوْ متطوره ست أزهار
تقرب سريع ولزمني يريد يبوسني دفرته على منطقة الحساسه رفع راسه متوجع وكتم صوته ورجع حجه
ترى حقي غصباً ما على راسج متنطيني اخابر أبوج.

اي مو أنتَ غيره سزز ما ينلام من عصام يكول أنتَ انكس خلق الله لا والله حتى انكس خلق الله أشرف منك يا نذل.
حيوانه عليمن هالحجي.
جني واكف وراك واني دا أسب بي راد يهفني راشدي شلتله شيشة العطر بس تمد أيدك انومها براسك واخلي الزلم العندي ميخلوك تندل وجهك
ديلا عاد شلون زلم فيطي.
أشرف منك اقلها مو من كح ل كح يعرفون الحرام ويخافون الله.

كيفي لو تنطيني حقي ما اجيس الكح وبشنو أنتِ احسن منهن اقلها كح مفتخرات بشغلهن الا أنتِ من جوه ليجوه محاضن ومباوس أنتِ والاستاذ هشام ويمي صايره الشريفه العفيفه تبيعين ثكل ب?أسي لج ساقطه أم الزلم.
أسگتت أسگتت لو طام روحك فد مزبله أشرفلك
اكلج أشو هواي تتجاوزين مو اخابر ابوج اخلي يكسر?أسج ويربيج من جديد
هو أنت هاي الفالح بيها اني اخابره مايحتاج تخابره اكوله زلمه مو مال أحترام.

نزع تشيرته وأثار على كل ركبته وصدره ميبين من الاثار ولعبت نفسي جسمه كله أثار من ذب البنطرون ضل بس بالداخليات وي وي شهالقذاره اكول ليش كاتل نفسك عليهن اثاري حتى زرورك يمصنهن أعيع شهل القابليه.
أحسن منج اقلها نسوان خوما مثلج فحل كل خير ما بيج شعر وجهج اثخن من شعر شاربي وجه الزلمه نايم ويه أبن عمي لا حركه لا بركه.

أبتعد وذب روحه على الجربايه ونام على بطنه لعبت نفسي من هالوضعيه الخايسه عفته وشلت بنتيتمددت على فراشي بالكاع بصف السرير ونمت
كعدت الصبح هو ماكو صبحت عليهن كالت عمتي
سهيله اليوم بلجي تطلعين تعاونين البنيات بحصاد الماش
أها وبنتي وين اخليها
اني يمها اني اليوم ركبي مزركات من الحبي بالحصاد.
تمام عمه لعد شاهين وين.
راح على طليقته اليوم.
شيسوي
يريد يرجعها
ليش شتحجين عمه.

والله يا عمه فضحني وفضحج يكول مسترجله كل خير ما بيها حتى نومه ما انام وياها راح ارجع طليقتي واكسر عينها.
صدك تحجين عمه
اي والله ياعمه من البدايه اني ما ردت هالزواج يتم بس شسوي لابوج ولشاهين كتلهم بنت عز وعدها بنيه تكسرون بختها واني أعرف ابني فد واحد شلاتي
شنسوي قسمه وصارت
شعجب ما كتيلي صيري زينه وياه حتى يستعدل
أبني واعرفه وذيل الجلب ما ينعدل
سگتت وخواته يسمعن هالحجي كله وما نطقن بحرف عجيب شكد يحترمن.

گتله أخذلك من بنات عمك نفس عيشتنا وكلمن يأخذ من ثوبه ليش تشلع گلبها بهل الضيم
قسمتي بعد وعليج الله عمه اذا عبالج استنكف من العيشه أو حتى اشيل خشمي عليكم فأنسي اني اخوات طليقي شوفني المر وما حجيت وما شكيت ولحد هذا يومي ادعيلهن بالخير اني انسانه قنوعه بكلشي لا اتعالى ولا أتكبر.

فدوه لعينج مبين عليج والله والنعم منج ومن مرباج لو الله يهدي شاهين عليج بس ما ظنتي الاعوج ما يتعدل بس شنگول غير نطلب الهدايه وصلاح الحال والله كريم.

ازهار طلعت وياهن وياهن لحصاد وعفت بنتي بالبيت مرتين ثلاثه علمني صرت احصد وياهن لابسه جفوف وملثمه وشايله المنجل وأضحك والجو حلو وين الله ويشوفج هشام أضحك على روحي وقندرتي الجوبلس ومحزمه واحصد وياهن ونلم أيباه يا أزهار وين جنتي وين صرتي يله الحمدلله على كل حال المهم الستر والعافيه.
سندس اليوم ما نرجع البيت نتغده أهنا.

أزهار يحجن بينهم وأني وبالي يم بنتي واتغدينا للعصر يلا رجعنا صايره جنازه من التعب دخلنا الحوش وشفت بنتي تحبي بس تعن وتبجي من أيدها التوجعها سوده عليه شلتها ودخلتها الغرفه غيرتلها ملابسها تباوعلي فدوه لعيونج نعستي يلا انام خليتها بحضني گبل نامت عمه شُنوْ ما نايمه گبل نامت
سهيله اي والله ما نامت جنها متعلمه عليج وعلى ريحتج يله تنام متشوفينها گبل نامت.

أزهار صفنت عليها لعد شلون عصام يريد يأخذها سحبت تلفوني ودزيتله رساله عصام عيني غزل ما أكدر ادزها أموت وراها وهي هم متعلقه بيه وتتعذب على فراگي خلوها يمي وهشام بلغه من اجي عليكم خل يجي يأخذها ويشوفها ما أحرمه من بنته بس ما اكدر انطيها الكم روحي بيها دزيتها وعفت تلفوني وصفنت عليها وحضنتها وأبوس بيها.

مرت أيام وأهلي ما رحتلهم بس أمي تتواصل وياي تبلغني بكلشي وتطمئن عني وعن بنتي أما حياتي نفس كل يوم اروح وياهن وعمتي مكيفه بيه ومتونسه وياهن عكس الغضب شاهين إلى صرت أتمنى اعيش بين الزرع ولا تجمعني بي غرفه
هو ينام على الجربايه واني بالكا? بحضني بنتي خلصانه منه هل الفتره عايفني براحتي.

ومرتين ثلاثه عمتي كالتله أغضب عليك اذا رحت لذاك المكان كام ما يطلع بس يكعد بالغرفه يحاجي طليقته كدامي ويتغزل غزل سخيف وعيب يخزي ينزلون بالعميق وسوالف متزوجين ما تنحجي أبداً
ما عيب عليكم تدخلون بالحرام.
شاهين أحنه وربنا أنتِ منو دايس علة ذيلج
لعبتو نفسي شهل القرف
شعليج أنتِ وتسوين فضل لو تطلعين منا.

طلعت وعفته يحجي أتصال هو وياها رحت الغرفة جديتي لكيتها نايمه عبالي أكعد يمها صرت أحب الكعده وياها أحس الكعده وياها بيها بركه وسمعت بنتي تبجي ورجعت وأنصدمت بالمنظر الشفته كاعد فاتح كاميرا ومنتهي على الأخير وصوت أهاتهم يلعب ستين نفس عطت بي ما گافي شهل لعبان النفس ماتكول اكو طفله بالغرفه لعد شكد سافل وليا مرحله من الانحطاط والنذاله واصل خرب بيومك ويوم الأسود صرت بي على ذمتك.

هو ساكت أبداً ما حجه ولا فتح حلگه أخذت بنتي وطلعت مصدومه ونفسي تلعب وأرجف وابجي على حالي لازم الكه طريقه أطلك منه طكت روحي حتى لو اخلي مروان يأجر وياخذني يمه كافي مهزله هاي مو وضعيه رجال أعوج ومخربط ما منا صلاح ولا هدايه من سابع المستحيلات هيج واحد يستعدل شينعدل منه هو واصل مرحله بالخراب واني أضيع عمري ويه واحد خربان اكعد اعدل وأصلح بي.

اكاعده بالحديقه والجو مغربيات وحلو وبنتي بحضني نباو? لسما وبنتي تلعب وتضحكلي شغلت إلها تلفوني ضليت صافنه عليها شُنوْ منتظرج هم إلنا مستقبل حضنتها وبجيت شايله همي وهمها تعلعلت وياي شُنوْ ذنبج وبهل الأثناء وصلتني رساله من هشام مكتوب بيها.
هشام أزهار
ازهار صفنت على أسمي ورجعت جاوبته نعم
مشتاقلج!
بحضن غيرك وتشتاقلي بعديش روح الله يسهل الك وتلكي بنت الحلال تعوضك وتترس مكاني.

محد ياخذ مكانج تبقين بس انتِ بگلبي واحس هواي استعجلت بقرار انفصالنا
.
بعد وكت هسه متذكر وحاس بالندم فات الأوان
أعرف بس عندي امل ترجعين لحضني والله أحبج
بس اني ما احبك نسيتك من زمان
ما نسيتني لاتجذبين عليه محد يعرفج بكثري
لازم اروح رجلي راح يجي من الدوام، واصلاً كلامنا كله غلط بغلط والمفروض مني أحظرك من زمان بس بقيتك لخاطر بنتك لازم نتواصل علمود تشوفها وما احرمك منها
شسوي بنتي اذا أمها مو بحضني.

كافي تقبل الواقع وعيش حياتك يله باي
دقيقه أزهار خليج أمانه عندي كلمه اكولها
واريد منج جواب
كول وياريت تحجي بسرعه
اذا تطلكيين من رجلج المصون ترجعين اليه
صدك تحجي! شبيك انت بابا تزوجت وشفت حياتي ونسيتك من زمان يله باي واياك ثم أياك تراسلني وتريد تشوف بنتك راسل أمي رقمها وحسابها عندك يله باي
راح تحظريني
لا لخاطر الأيام الحلوه العشتها وياك ما أحظرك بس اذا راسلتني لا والله أحظرك
ماشي اخذي راحتج.

الله وياك نهيت المحادثه وتعمدت أحجي وياه هالشكل ولا أنطي مجال يتمادى أني مره متزوجه وعلى ذمة غيره وحرام هالشيء حتى لو أبو بنتي هسه متذكرني وندمان بعد وگت عليك.
شلت بنتي ودخلت الغرفه لگيته كاعد يحضر ملابسه شُنوْ تلتحق.
شاهين أي وتخلصين مني على شُنوْ باقي مگابل جهرتج الزفره تسد النفس وجه الطرگه.
أزهار أشمئزيت من صوته القذر أسگت لخاطر الله.

ترديني أسگت مو مو بعيني ست أزهار لج أتفلي بوجهي اذا ما خليت أخوانج المتباهيه بيهم تفله ميتفلون بوجهج وأخليج مضحكه بينهم
دسكت لك احنا إثكال مو ياهو اليكدرلنه شتسوي قابل وثقتهم أكبر من شخصيتك الفارغه.
لج بابا اني شاهين ملقب ابو الفواين الأ أضحك العالم عليج لو يضل عمري يوم واحد
لك بابا محد كايلك أنت مريض نفسي اصحى على روحك شسويتلك اني وهيج تحاجيني.

گلشي سويتلي گلشي وما أنسى? أهانتي بالمركز الا ارجعها ل أخوانج الانذال شايفين نفسهم وافضحهم باللسك العسكري.
شاهين قسم بالله العظيم أحركك معندي شيء أخسره لهذا جوز من أخواني.
بالأول أنتِ جوزي من كبريائج وصيرلي مره أريد اتونس بيج بس أريد شرط تكونين مثل كحابي يا كحبتي شُنوْ أطلب منج تسويلي حتى رجلي تبوسينها بالحمام تسبحيني وبس أكول ازهار تجيني طياره تنامين بحضني.

أنتَ ساقط غيره ما ينعتب عليك لك تحلم اخليك تجيسني وتلمس شعره مني أنوب يروح يصير بيه مرض منك ومن كحابك هاي العايزه.
عاد شلونج أنتِ والله تسوين هسه ابطحج بالزاويه واشوف شعندج ما عندج واخذ حقي وفواكها تفله على وجهج.
أخ الله شكدكرهتك أنتَ فد واحد بايع ومخلص وما تستحي بابا عيب تحجي هيج كدام غزل.
ديله ديله أول عن تالي راح تناملها جوه واحد وتعرف هالسالفه علم فهم
سديت أذاني وعطتت بي أنت فد واحد متستحي.

با? الله حتى غلطها مال مثقفين شلون بيج نومه تكعد ال?أس لو الله يهديج وتخليني أشوف شغلي والله أنوسج وأخليج تتمنيني ما التحق وأعوفج
گافي خرب بيومك شكد ساقط حضنت بنتي وهو كمل ملابسه خلاها يم الباب ورجع يباوعلنا صديت وجهي عنه وتقرب ديربالك شاهين
شاهين بس أبوسج من خشمج بس اشتم أنفاسج.

أزهار شلت بنتي وكمت وهو تأفف وشال جنطته وطلع التحق للدوام ومشفت خلقته يومين راسلت أسيا ما جاوبتني هاي هم ملتهيه بهل الأثناء أتصل
مروان جاوبته هلأ عيني
مروان أنتِ فد وحده ماتستحين خليتيني مضحكه بالمركز ليش هيج
ازهار جاوبته خنكتني العبره مروان شبيك شسويت اني.

شحجي حتى السالفه أنتِ اختي عيب عليه احجيها بس ماله داعي هل المبالغه رجال ومره ومن حقج بس عيب عيب أنتِ محسوبه علينا يكولون أخت مروان هيج مسويه ل شاهين والأفندي وين ما يمشي يگول اني مناسب عصام ومروان نسابتي گملت علينا بهل السالفه الما ينحجي بيها.
گمت أبجي بكل قوتي بس گولي اني شمسويه والله والله وداعت بنتي غزل ما مسويه اي شيء
أزهار أنتبهي لرگبة شاهين من يرجع راح تعرفين.

كمت ابجي بكل قوتي وسد الخط دزلي رساله
مروان كلش صغرتي بعيني متوقعتج هيج وصرتي أنتِ وشاهين نفس الطينه
مُباشرةً فهمت قصده لا يالله يعني يروح لكحابه ويخلي أثار حتى جماعه المركز يعيرون مروان بيه لو يسووها شقه ويه شاهين ومروان ميتحمل هيج سوالف يعتبرها مال همج خرب بعقلك شاهين على هالسالفه السگط مثلك يا نذل.

گتبت سريع اني تفله ما تفلت بوجهه مو عاد هيج أسوي اني مو رخيصه حتى أنزل مستواي لهيج مزابل وقذاره گتبتها ورجعت مسحتها هسه إذا شافها راح تكبر السالفه ويعرفون أني أكرهه وهو يطلع كدامهم صاحب الحق نعله على يومك الله لأيوفقك يا شاهين أبو العرك.
. ردت أروح أكول لعمتي سهيله عليه وعلى سوالفه الناقصة تالي سگتت يضل أبنها خوما تكسر بي بس خل يجي ويصير كل خير.

ضليت انتظره أيام هو ما نزل وأستغربت حتى أهله انشغل بالهم وعمتي لازمه الباب تباوعله وگلبها نار عليه لو مليان أغلاط وعيوب يضل إبنها أنقهرت عليها واني أشوفها تفتر وتفرك بإيديها وتندعي اله
سهيله عمه گلبي ما مرتاح گلبي مثل النار على أبني
الحجيه وضحى گولي يالله لاتفاولين بالشر عليه أستهدي بالرحم?ن هسه عمامه يخابرون ويسألون
سهيله مو عادته يتأخر أخاف صارله شيء والأ ليش ما نزل ليش تأخر وتلفونه مغلق.

أزهار الكل دخلوا حالة أنذار وخوالي كلهم أنخبصوا وجدي ضغط علك اني بالعادة ما اوصل المضيف وقليل اشوفه فه اجه لداخل عبرني وگف هو وخوالي أخذت بنتي ودخلت غرفتي ولكيت عصام يتصل جاوبته هلا عيني
عصام رجلج متصاوب.
أزهار عزا صُدك
أي شبيج سالفه مال جذب هسه راح نجيبه ونجي
ها ليش تجيبونه
شُنوْ ليش نجيبه شبيج أبويه
ها لا هيج ما بيه شيء وهو متصاوب لو ميت
أمنت بالله لا متصاوب موتتي الرجال بيش طالبته.

ها عبالي مات يله هسه أبلغ أهله لأن گلبهم محترك عليه
ماشي بلغيهم لايخافون هسه نطلعه ونجيكم.
أنتم منو
أني وسيادة الوالد ومروان وشاهين
ها أي هلا بيكم
يله فيمالا
الله وياك أنتهى الاتصال وطلعت بلغتهم وگلهم أنخبصوا وأنكلبت الأمه عمتي سهيله كامت ادك وتلطم گلب والده بعد بس أني أبداً ما تأثرت بكشايه گلبي بارد عفتهم ودخلت غرفتي ومر الوقت سمعت أصوات وصلوا.

طلعت وكان اللقاء بارد من كل گلبي خالي من المشاعر تقربت بست بابا من?أسه وحضني وأديت الواجب بادلته الحضن بكل حنيه حتى لا الحقير يتشمت بينا باوعت على عصام دموعي غوركت احترك گلبي عبالك عصام أبويه يابه حضني بكل قوته
عصام بنيتي شلونها الغاليه شلونها
أزهار بخير دام أنت بخير
مروان والله اكو فد ناس خونه صايرين يتزعلون على مروان أبو الحنيه.

أزهار التفت عليه ازعل من روحي وما ازعل منك بس اتكدر خاطري لا أكثر باسني من?أسي
مروان خاطرج هم أبوسه
أزهار ضحكت وشبكني بحنيه
مروان الله لأيحرمني من حنيتج هو اكو واحد بكدي يسال عليج وين غزوله حبيبة خالها
أزهار موجوده تلعب بالغرفه عفتها راح سلم على عمتي تبجي وتبوس بشاهين اني حتى ما التفت عليه بس كتله الحمدالله على السلامه أبو صقر!

أباو? على مروان عوج حلكه ما عاجبه باوعلي ويأشر بإيده معناها مضبوط وعصام يكزز على حلكه معناها أسگت، دخلوا وقدمت الهم جاي وخليت غزل بحضن مروان.
مروان أمشي خل انشوف الطبيعه الخلابه
أزهار هههههه يلا تعال.
كمال يابه رجلها تعبان مو وگته
مروان اني هم اخوها إلى حق عليها لو هاي هم تحرمنا منها سيادتك.
كمال أخذ اختك وانكلع.

أزهار طلعنا وأخذني حاط ايده على كتفي وطلعنا نتمشى يم البير والزرع والخضار والطبيعه تجنن والسواكي شيء خيالي ويخبل هو يغسل وينكت بشعره
مروان اي سولفينا ست الحسن مرتاحه
أزهار كلش
مروان هو اني أحس اكو شيء بس ساكت ما أتدخل بس عند الحاجه أتدخل مو؟
أزهار أي من أحتاجك سابقا وأن كتلك أنتَ أول التجأ اله وأعرفك ما تقصر
مروان أنتِ بس أمريني كم أزهار عندي
أزهار ما يأمر عليك عدو أي شلونك أخبار نسوانك.

مروان زينات هسه نزلت گبل أجيت لهنا
أزهار مروان مرتاح
يعني
شو يعني
حياتي مخربطه المهم عوفينا منهن تعبان ومالي خلگهن بعدين أخابرج ونسولف
ماشي على راحتك يله نمشي.
أي خل نرجع
حسيته ضاج من ذكرتهن وأحنه نمشي رن تلفونه بالأول ما جاوب بعدين أنعاد الأتصال باوعت الشاشه هناس تتصل عليه أبتعد مسافه يحجي وياها وصفنت عليه حيل تعبان ولا عبالك عريس!..

أسيا الايام المرت علينا حيل صعبات عمتي بعد زواج ازهار تعبت وعزلت نفسها وعمي مشه لدوام والولد عمار راح بيت عمي فاضل ومروان التحق بس أني وعصام ضلينا عفت عليه الجهال واني ضليت يم عصام ما عفتها حتى نوم انام بصفها خفت عليها
بالليل يجينا عصام يشوفونه ويتقربه يبوسها ويمشي وضلينا على هالحال لما تفاجئنا بجية هشام طلع عصام عليه أستقبله وعمي جان موجود انطيته الضيافه ورجعت يم عمتي
وصال شيسوي جاي.

أسيا أحتمال يشوف بنته
وصال شيسوي بنته ضيمه مو بنته ضيمه أمها
أسيا سگتت وضلينا كاعدين وسمعنا أصواتهم طلعوا وعمتي مشت الغرفه حتى ما عرفت سبب جيته اجه عصام لحكته الغرفه ها شيسوي جاي
عصام قهرني قسم بالله
ليش شبي
أجه يرجعها وابويه صدمه زوجتها ل أبن خالها خلاه يطك بعبرته أختنك خنك الصوج كله من أبويه شگو زوجتها شعندك مستعجل على زواجها ضاله برگبتك شايل هم عيشتها دأصبر أصبر يعنى هيج احسن.

يحجي بعصبيه ويفتر على كيفك وهو شو هسه متذكر وين جان قبل.
بابا الرجال يحبها والله يحبها وطلاگها منه عنده أسبابه ليش ما صبروا أبويه ليش أستعجل على زواجها خليها يمك ترتاح فتره وهو هم يحل مشاكله ويرجعها والله هذا الجنت خايف منه وما ردتها تتزوج لن حاس بي يرجعها ولو جاي قبل لاتتزوج شاهين المسقط الأ ارجعها اله.
شُنوْ أسبابه ما عنده أسباب عصام لاتبررله.

شُنوْ شبيج ليش أبررله بس الرجال واكع بمصيبه مصخمه مثل حاله
مصيبة شُنوْ شبي
متكفل واحد علمود سيارة 15 مليون والسالفه مليوصه عليه واكعه ب?اس هل المسكين وهذيج الأيام جان مضغوط وأضافه مشاكل وأمور البيت وأمه مريضه وأنضغط هسه جان يحجيلنا بس بعديش ازهار وتزوجت
خطيه لا تگولها قهرني والله أي وشحجيت وياه.

گتله ليش ما أجيت عليه جان ساعدتك والله هشام أعرفه عنده عزة نفس وسگت ما حجه لن جان مصدوم بزواج ازهار أخ لو تشوفينه تبجين على حاله والله طلع گوه يمشي عبالك ظهره أنكسر سيادته عباله الحب ينسي بيوم وليله والله أبويه عنده سوالف تكسر الظهر.
ها الحُب ما ينسي بيوم وليله لازم حضرتك ما نسيت حبك الأول وهيج متأثر ومقهور على هشام
شُنوْ.

هيج خليك بالحُب مشيت ولزمني عوفني أروح أجمع الكلاصات من الأستقبال رفع حنجي وباسني من خشمي.
هو أني ما حبيت بس أنتِ شجاب هشام علينا
والله اسأل نفسك
ما يحتاج اسأل نفسي لأن ما حبيت بس أنتِ
وهديل
شجابها بالنص شذكرج بيها مو سالفه وطويناها
أنتَ تشمر بكلامك
ترى ما أقصد عن نفسي ليش تحسستي
ما تحسست غلطان نزلت?أسي زعلانه وحضني ويبوس بيه بادلته الحضن أعشقك عصامي.

روحي أنتِ شعندي غيرج أنتِ حبي الوحيد الما أمل منه وكل يوم أحبج أكثر من البعده اني ما صدگت على ربي فضت مشاكلنا على خير وأستقرينا تطلعيلي بسالفه ثانيه تعالي يروحي فديت اليغارون فديت أشگ گلبي وأشوفج حبي علمود ترتاحين وهل البال يصفى مت الأفكار هديل وغير هديل.

صفنت عليه لا ما يحتاج حضنته بشوك وعمي صاح عليه عافني وطلع اله وخابرت ازهار بلغتها وأنقهرت عليهم وفوك هذا گله اجانا عمي بسالفة خطوبة هناس ويوم العقد بعدنا ما متخطين زواج ازهار.
عمي كمال يحجي وياه عن الخطوبه والتحهيزات
ومروان ساكت بس حسيته يريد ينفجر وبلحظات أنتفض ويحجي هو مخنوك.

مروان يابه شتحجي أنت منو اليتزوج أني لو أنتَ تقرر وتخطط وتتفق أنتَ وأبوها ولا وبعد محصلين الموافقه مني ومنها أجيت سألتني أستشاريتني لا منو گالك أريد أتزوج هناس منو گال منو حجالكم منو شكالكم أني محتاج مره بحياتي وليش أتزوج واني متزوج وزوجتي عايشه ما ميته هالزواج هذا شُنوْ معناه لو هاي أتفاقيات بينك وبين أبوها.

كمال مروان صوتك ما يعلى بوجودي فاهم لاتنسى أحترامك وهل الزواج يتم مو يوميه نعيد الكلام شُنوْ جاي نلعب أحنه
بعمري ما رفعت صوتي گدامك ولا رفضتلك أي قرار بس قرارك يدمرنا گلنا وهذا الزواج ما يتم ما تكدر تغصبني ما أريد أتزوج.

لا أغصبك وتتزوج هناس والموضو? منتهين منا حجينا بي قبل گافي ساحل نفسك أتزوج وشوف حياتك وأستقر الى متى تضل بهذا حالك مبهذل وحالك حال صار أشه? رايح راجع شتسويلها بعد ما تريدك مو غصب ذاب نفسك عليها على شُنوْ خلصت النسوان وهناس جنت تحبها
شجاك كمت ما تريد تتزوجها.
كلمه بعد ما أريد أسمع منك وهالموضو? أنتهى زواجك من هناس يتم وباجر تتحضر وتمشي ويانا نعقدلكم وأهل البنيه عدهم علم وينتظرونا فاهم
مروان ماشي.

كمال أي عفيه عليك أبني ها وصال شو ساكته
وصال الله يقدم البي خير ويسعدهم بس اريد منكم طلب
كمال أطلبي تدللي
وصال أسيل ما تطلگونها رجعوها
كمال الله كريم ولو?أسها يابس وما تستاهل بس نشوف شلون ترهم.

أسيا يحجون ومروان ساكت وعصام ما شارك بالكلام بس عمي يحجي هو وعمتي وأنقهرت على مروان طول اليوم عازل نفسه بغرفته ولا نزل لا أكل لا شرب الثاني يوم العقد نزل كاشخ وعمي وعمتي هم كاشخين وأحنه كذلك وننتظر عمار وعمي فاضل عصام طلع يخابرهم شلت بنتي وك?م ركض على عمي لزم أيده وراح وياهم واني صعدت واجه عصام وطلعنا لبيت أهل هناس هم بلغتوا أزهار.

عصام لا والله حتى لو نبلغها ماتجي خل تفض على خير لن گلبي ما مرتاح مروان گوه عليه
أسيا بعد مرور وقت وصلنا هما دخلوا واحنه اني وعمتي دخلنا ودخولنا البيت كان كلش مرحب بي اخواتها أثنين وامها وصديقاتها وماگو أحد يعني مختصر جمعه الصغيره
سلمنا عليهم من بعد السلام اكتشفنا وعرفنا أنه العروس ما متجهزه للعقد وتتنظرنا گبل دزيت رساله ل مروان اليوم الا الطحين
مروان ليش شصاير.
هناستك ما متجهزه شگلها متحرضلتنا.

ليش شكو عادي استقبلن شسوي سوي لحد يناقشها عوفنها
ليش يابه شمسويلها.
أسيا رحمه على أهلج افتحي عقلج وياها
تمام تمام على كيفك يابه
الله وياج
كعدنا عالتخم وأمها تحجي ويه عمتي وهي اجتي لابسه تراكسود وشعرها لافته بإهمال والسهر مبين بعيونها سلمت علينه برود ولا عبالك جايين نعقد الها
هناس أول شيء حبيت احجي وياكم بعدين اخذ قراري واتمنى ما تنزعجون من كلامي واني هالشيء ذكرته البابا كلتله اسمع منهم ويسمعون مني.

وصال أتفضلي بنيتي احجي البگلبج.
هناس والله خاله البگلبي صعب اكو شيء يفسره ما أبالغلج ولا أمدحلج بروحي بس الحمدالله عشت مستنده بأبويه واعيش طول عمري باسمه
عمري كله ما يوم زعلني وما يوم رديت بوجها ما ابالغلج بس احنه ثلاث بنات والله ما رزقنا بولد ابويه ربانا ما نعتمد على احد وان كان زوج أو أبن أو أي احد السند والحبيب الاول كان بابا نباوع على الله ثم على بابا.

ومن كالي على مروان هاي امي تشهد اني لا مدوامه ولا مأكله ولا شاربه عفت الدنيا وكلها وأعتزلت في سبيل لا أرفض واغث ابويه لان اعرف مستحيل ابويه يرفض طلب عمو كمال لان شايفه اخ اله
ابويه أخوانه كلهم راحو ضحيه الطائفيه ضال الوحيد بين أولاد عمي وابناء عمومته لا اكثر اما بشر يحبه ويعتبره اخو ما شاف غير عمو كمال وهاي امي كدامج النهار كله يحجي بي إلى ما يعرف ابويه يجهلها ويجهل طيبته وانسانيته ورحمته.

قبل عمي كمال جان يلقب ابويه بالمغرور والشايف حاله وكان رافض زواجي من مروان بسبب مشاكل بينهم كان سببها طرف ثالث وانحلت ونجمعوا على عمل وصاروا أصدقاء وأخوان
حتى لا أحد بيكم يجيب طاري ابويه ويكول جمعتهم مصالح مثل ما أبنج المصون يكلي ابوج مصلحجي
عباله كلها مثله، وأبويه وابوه اكو عالم تتمنى لو عدها أب، واحنه لا حضرة جنابه ما شايف أحد بعينه
والمكسور والابو ميت يعرف اني شحجي.

أسيا تحجي واني أخذتني صفنتي ودمعتي لذاك الحضن الحنين إلى جان يلمنا صدك الاب ما يعوضه الف رجل هو الحبيب الأول ل إبنته.
هناس من أبويه بلغني بالموضو? أخذت وضعيه الصمت ما انطيت قرار وهو ما تكلم وياي من ذاك اليوم لحد اليوم إلى كتله موافقه اتخيلي لو رافضه جان شصار بحالي اني أموت اذا ابويه يزعل مني
وعمه وصال اكيد من تزوجتي عرفتي قيمه الاب والام شكد لمتهم وحنيتهم حلوه ولو ترجع الايام تبقين يمهم وما تزوجين.

وصال أي والله يا عمه ابويه شايب ولهسه أشتاك اكعد وياه واسولف ودي ما ارجع من يمه صدك حنيه الأب لبناته تعادل الف زوج وطفل.
هناس فكلت أحجي وياكم واعرف سبب عدم رجوع اسيل ل مروان وشُنوْ سبب حتى اوكع على علتهم واتلاحك على نفسي وعليهم قبل لا نكون ضحيه قرارات عاطفيه.

وصال والله يا عيني معنده وراكبه?أسها ما تريد ترجع وجاي تدرس ومروان أنشلع گلبه رايح راجع عليها وهي هم مريضه ما ضغطنا عليها والله يهديها شنسوي حاولنا وياها ما يفيد
هناس وما ترجع شُنوْ السبب؟
وصال صارت بينهم مشكله صغيره ما تسوه بس هيه عقلها عقل مراهقه وكبرتها ما واعيه على نفسها
والله أريدها ترجع بس شسويلها بعد.

هناس أنتِ بنفسج كلتي ما واعيه على نفسها يعني اليوم شي وباجر أشياء باي حق ابنج يوافق? زواجه مني! ما خاف الله بيه.
يا يمه هو شبيده.
خاله لأ تكوليلي شُنوْ بيده وتبررين ل مروان مروان مرواني وأني أعرفه اكثر من اي بشر واحجيها كدامج ويجي هو واحط بيده لو يحبني من صدك جان عارض الكل وما أتخلى عني بحجه ابوي يريد بنت عمي حتى حجته كانت مرفوضه.

ولو يحب اسيل من صدك هم جان ما عافها وجان حارب لحد ما مات وما قبل بهيج قرار يدمر حياتي
السؤال إلى واكف بلعومج أنتِ مو تحبينه قبل مات وينه قبل مات بگلبي من شفته عايش ومرتاح ويحبها وتحبه طلع من گلبي بعدها الغصه بصدري بعدني من اشتاقله أبجي اني انسانه دم ولحم حبيته من گلبي بس ما وفى? وياي عفته وعشت حياتي اني ما متت عندي عائلتي تسوه الدنيا عندي لمتنا تسوه الف مروان ونسيته وتناسيته.

بس مال هسه أرجع نفس هناس الحبها لا ولان سوالف اسيل مرن عليه هواي من يتزوج يصير غالي وترجعله
وبهاي الحاله منو اليخسر اني لو هي التكول هي من هسه راح اشخطها بعلامه ذكوريه لان هي ظلمت نفسها بنفسها ودخلتني حياته لان بهاي الحاله اني الخسرانه بإعتبار اني زوجه اولى وهي هسه على وجهة الأنفصال.

والله ما أعرف شحجي اقنع روحي واني هالمهزله كلها ما عاجبتني لا اريد اظلمها واكول باجر بعد أسبو? وتحن اله وترجع ولا اكدر أكسر كلمة أبويه
بس والله يا عمه هسه يمي وتكولين تريد تتطلك كفيلج الله والعباس ابو فاضل هسه هي وياه مراسلات وعتاب وتقنيع ومحاضن ومباوس اخاف الأمور متطوره اكثر الله واعلم وهي ادك بجاكوج كرامه ما تدري البسمار أعوج
هو عقلها البسمار إلى بإي لحظة يزل مكانه وينعوج.

أسيا تحجي وتبجي عبالك ماخذينها الاعدام من كد الحسره البگلبها تحس أبوها ميت
هناس المهم اريد وعد منكم اما أدخل حياة مروان وهي موجوده وتحضر حالها حال زوجه الأولى.
اسيا اختنكت وكامت تبجي
هناس اني تخنكني هيج مواضيع حساسه اني محاميه وأدافع عن المطلقات والارامل وضد الزوجه الثانيه والقدر خلاني كدام واقع مرير أي أكمل بقية كلامي
أما أدخل وهي ما موجوده بحياته وأعيش على حب الله وياه.

وصال ان شاء الله عمه شنسوي هاي هي وأني أبلغ عمج ومروان بكلامج بس هسه كومي غسلي
أسيا بجتني بت اللذين قهرتني والله شكول عليج يا اسيل غير بس الله يهديج، كامت عيونها دم ولحگنها أخواتها ضلينا كاعدين نسولف ومروان دز
مروان ها
أسيا ها
شصار
گلشي صار مو گتلك الا طحين أنهدت وگلبها مخزن بجتنا أنقهرت عليها خطيه والله
ماشي
بعدين عمتي تبلغكم بكلام هناس
ماشي.

بس ماشي ما تحجي شبيك شافها وما رد عفت التلفون ونزلت كاشخه كشختها واوا لأن جمالها مُلفت وطاغي على الحضور وبلشت مراسيم العقد أني التهيت بنتي ولما رجعت لكيتهم عاقدين ومروان أجه سلم على أمها وأخواتها وتقرب يمها سلم عليها وبلشت مراسيم العقد لبسوا الخواتم وقطعوا الكيك.

واجت المصوره اخذتلهم صور وحركات ولقطات وكذا وصور عائليه واني من ضمنهم ضلوا كاعدين وعصام دزلي رساله لن ضلوا بالاستقبال عيب من أخواتها وصديقاتها.
عصام شلونه العريس
أسيا زين فرد الوجه
يعني ما مطنكر
لا يعني طبيعي شيسوي بعد أمر وأنفرض عليه يتقبله ويسگت واخوك حاول وياها هي عناد
لاتتدخلين ولا تحجين كلمة زايده ناقصه منج ما أريد ماشي أسيا.

لا شحاجيه قابل وأني أكثر وحده أتمنى أسيل ترجع وياريتها رجعت قبل ما خطب منو يرضى الزوجه الثانيه علمود اني أرضاها على أسيل الله يكون بعونها
أي أدري بيج معدله
بعد وكت
لاتزعل حبيبي
ما زعلانه
أحبك
وأنا كمان
بيج عرج سوري تلطشين
ضحكت أي أبن عمي دزلي سمايل يضحك ورجعت يمهم ومروان ترخص منهم وطلع واحنه هم صار لازم نمشي تقربت باركتلها وتبوس بنتي
هناس فدوه للبنات ربي يحفظها الكم حبيبتي.

أسيا تسلميلي ودعانهم وطلعنا لكينه مروان رايح قبلنا وتوجهنا للبيت وأني عمي أستلمني لن مروان بلش بالطابق الثاني يسوي سويت منعزل هذا افضل شيء وياريت مسوي من زمان وطبعاً عمي طلب منه والا هو عليه ولا يسوي ولا أباله لن گال عيب غربه ما تطلع حجايه.
رحنا اخذنا المهر الهم اني وعمي حاطني بالصدر وعصام يدزلي رسائل تحيات
عصام شيخه الشيخات
أسيا شعبالك لعد
لك فدوه شوگت تجون
بالطريق قربنا نوصل.

هلا بيكم تعالي بنتج خبلتني بس غلط ما غلطت عليه عليمن طالعه هلكد وكحه وعرمه شو من جانت صغيره ما الها صوت
لو على أبوها لو على عمامها ما تحب أثنين يتناقشون بيها
خلف الله عليج
أي أنت عرم لعد عاقل
أسيا
عاقل حبيبي عاقل فديتك
تعالي وأشوفج العاقل شيسوي بيج
عمي موجود
اي تكويتي بعمج شيخلصنا عاد جنه بوحده صرنا يإثنين.

فديتكم شحبكم وصلنا البيت ومروان خطيه أنشلع گلبه والله أنقهرت عليه جان متزوج وشحلاته هسه تعال أتزوج انوب وهوسه ولعبان نفس.
مرت الأيام وقرب موعد العرس ورحت السوك اني وعمتي وجهزنا السويت گامل كل النقوصات كامله اخذناها حتى نواعم الغرفه كذلك گملنا كل شغلنا
وصارت غرفة أسيل گبالي مو ضمن السويت بس مقابلهم أنقهرت عليها لو راجعه جان هذا السويت الج الله يهديج يا أسيل.

وبيوم الحنه ما رحت لن جهالي تمرضوا وعصام ما وافق وضليت يمهم وعمتي راحت وياها عمتي فريال
والبنات واجني شوفني التصوير طالعه تخبل والحفله حيل راقيه وفخمه كلشي واوا.
بيوم العرس كاعده البس فستاني ما رحت الصالون اني بالبيت خليت مكياج وأتصل تلفوني باوعت الشاشه رقم غريب واجه عصام رقم غريب شافه وفتح الخط وگال
عصام هاي أسيل جاوبيها
أسيا أسيل! جاوبتها هلاو أسيل شلونج.

أسيل الحمدلله أكول أسيا دزيلي عنوان القاعه مالت العرس.
أسيا شتسوين بي بس تريدين تحضرين عرسهم
أي شگو بيها
لا أسيل لا حبابه والله نخاف عليج
لا لا تخافين عليه أحلفج بداعت جهالج دزيلي
بس
أسيا أمانه
ماشي رديته الها وقطعت الخط كعدت گلبي نار عليها يمه الله يكون بعونها صوتها يكسر الگلب
گملنا وطلعنا ونزل مروان حس بيه عندي سالفه تقرب يمي
مروان عندج سالفه أحجي شگوو
أسيا أسيل
مروان شبيها أحجي شبيها.

طلبت عنوان القاعه راح تجي تحضر عرسكم.