رواية بين قلبها وعينيها كبرياء للكاتبة شمس العراقية الفصل السابع والستون
أسيل كلما تمر ساعه عليه أحسها سنه ما أكول جثه ميته بس أكول روح بلا شعور أنام أكعد أقرأ نفس روتيني المعتاد ماكو شيء جديد بحياتي
أنسانه محطمه من كل صوب لا من أهل ولا من شريك بعدني ما متخطيه كسرتة أجتني كسرة أمي ضربتين على الگلب توجع.
. أجت الامتحانات وشديت همتي وخليت كل تركيزي يم الماده وطول هل الأيام هو هم مبتعد وأرتاحيت منه لأن متفرغه لدراستي وأذا يتواصل وياي يخرب أفكاري.
كملت أمتحانات وأنتظر النتيجه بفرحه مكسوره حياتي ما كامله بيها نقص واني عارفه هل النقص شُنوْ بس بعد هاي هي إنتهينا هو خطب وعقدوا صار شيء رسمي لازم أتعود أعيش من دونه واكمل دراستي وباقي حياتي هذا قراري ولازم أكون كد هل القرار.
أتصلت عمتي وصال سلمت عليها من بعد السلام
وصال يا عمه فدوه لوجهج ليش هيج سويتي.
أسيل احسن عمه اني ما افيده انسانه ما ناضجه بعد كلشي بنفسي ما أريد ارتبط بزواج واني ماشفت شيء بحياتي لا دراسه لا شهاده لا وظيفه هواي أمور جنت غافله عنها الزواج مسؤوليه واني مو گدها خليني هيج أحسن وهو بعمره ما جان الي.
ليش أمي مو أني وياج ومروان مستعد كلشي يسويلج ليش كسرتي گلبه وخليتي عمج يتخذ قرار ويظلم انسانه وياه والابهات من ينطون حجايه لا هناس ولا مروان يكدرون يعترضون يحجون بس ما يكدرون يمانعون لان تربيتهم ما تسمحلهم.
أخاف بعد تندمين وتكولين لو يحبني جان عارض هالزواج وما اتخلى عني واكلج حجابه خاف بالج زمانج تعوفينه تره هو ما يعوفج لو يشوفج جنازه ترجيه وحطيها بإذنج وأمتحاناتج كملتيها يطلع الج معدل تعالي كملي باقي دراستج يم مروان.
ما انطتني مجال أحجي
المهم شلونج شلون صحتج خوما تشگين من شي
بخير الحمدالله اليوم عبالي اروح للدكتور بس اسماء مو هنا راحت لصالون وحارث بالمكتب
هسه اني أخابر حارث وامر اخذج للطبيب صدك جذب.
لا عمه خاف يزعل لان هو يريد يوديني ما يحتاج تسلمين عمه أخويه موجود ما يقصر
شُنوْ هي بكيفه أنتِ بنيتي هسه اني أتصل عليه حضري روحج هسه أجيج ما عندي شي اسيا وعمج راحوا يودون المهر.
گالتها وأحسها زرفت گلبي أبتلعت الغصه وجاوبتها
أها بالخير عليكم عيني عمه
بله ما تنجبين أني وين وهي وين مزروف گلبي? ابني من وراج وبنتي من وره أبوها اني زين مني ما أنجلطت يله سدي هسه راح أجيج.
سديت الخط راحوا يودون المهر يعني زواجهم قريب أخ گلبي المسكينه الحبيته راح يتزوج ويعوفك وحيد كمت لبست فستان مرتب ورتبت شال وكشخت كشخه الأ بشده صفنت على روحي أني شجاي اسوي العب بعداد عمري اندك الباب وطلعت عمتي باوستها وصعدت ليورا ورى عمتي حسيته ضاج
مروان ما تسلمين لازم ما نعجب حضرة جنابج
أسيل على كيفك خل أخذ نفس.
لا تاخذين خاف يخنكج النفس اني بي
مروان هاي شبيك والله لو أدري انت فلا اقبل أروح.
ليش شبيه ما تروحين وياي.
أختنكت بعبرتي وسكتت وشفايفي يرجفون
وصال مروان أبني على كيفك وياها شبيك أنهديت عليها ما عندك أسلوب
مروان حقج يمه ماتعرفين نار گلبي والله حقج.
مسحت دمعتي وهو باوعلي صديت وجهي عنه وشغل السياره ومشا وصلنا العياده بطبع العياده اسوي كامل الفحوصات يلا ادخل الدكتور إلى جايبني عليه كلش غالي اذا اسلم عالسكرتيره تأخذ ورقه عمه شدعوه هيج شويه راعوا العالم.
مروان ناس ما تخاف الله بس للامانه خوش دكتور كلها تمدح بي بس باوعيلي النظافه فول
أي حسيته بس يريد يحجي وياي
اي شكالج أبو السونار.
يكول تكيسات بس كبران حجمهم
زين شوكت تدخلين على الدكتور
ما أدري كالت بس خمسه كدامج ساعه وتدخلين.
تمام تعالي نشرب شيء بصف هذا المجمع اكو مكان مرتب عبالك سياحي من كدما يفتح النفس
ما يحتاج
أسيل أمشي
عمتي وين خل تجي ويانا لعد
لگلتلها مره من معارفنا وملتهيه وياها أمشي.
مشيت وياه ولزم ايدي باوعلي بحنيه معناها لا تفشليني
ضليت هادئه عاف ايدي وأحتضني من كتفي ويمشي مجرد ما لامسني انترست روحي حنيه
مروان يكملني واني أكمله جدريه ولكت قبقها بس القبق مطعوج والگلب أنكسر
كعدنا بالمكان إلى گال عليه طلب عصير وايس كريم بالبطيخ كعدت وهو صافن على حركاتي شلون أكل شلون أشرب مروان تالي بطلت ما أكل ولا اشرب.
بالعافيه أفتقدت حركاتج هواي والله اني واحد بلا كرامه كل مره أكول وعد لروحي بعد ما احجي وياها ومن اشوفج الكه روحي تسولف بيج وتسمعج
ضحكت بعبره تخنك وليش بالله.
هيج انسي انسي صوجي أنتِ انسانه شايلتني من قاموسج اني أدور سوالف عتك.
مروان لا تزعل بس اني ما خلاني اكمل وسكتني.
ما يحتاج تحجين حتى تبريراتج مو مقنعه قنعي روحج وبعدين قنعيني ولأول مره أگولج اني أحبج وأريدج بكل أحساسي بس هالحجي ميفيد لان راح أبلش حياتي وأنسى? شعشت وياج.
جاوبته والدمعه محصوره بعيني زين تسوي الله يوفقك بحياتك.
الله لا يوفقني وأنتِ مو وياي اني راح اروح تجين
يلا امشي.
مشينا وبردت كل مشاعرنا لا أيدي ولأ إيده كلمن يمشي لوحده وطن وأثنينا بغربه.
وصلنا العياده عمتي كالت.
وصال ينتظرج الدكتور.
دخلت هو واكف ما اتحرك واباوع بالوجوه وأجه اتمشى گبل أحتضن ايديه ودخلنا الدكتور بعمر الاربعين وجها بشوش عنده لحيه طويله تحسه سيد والنظارات بعيونه ويقرأ بكل التقراير أنطيتها اله
الدكتور اتفضلي بنتي أنت زوجها
مروان نعم دكتور
أتفضل ابني أي أسيل قبل فتره مسويه قيصريه والمعلومات العندي تكول رحمج نضيف بس عمليتج بيها التهاب ما منتبهه لروحج.
والله دكتور طايبه كلش صار هوايه من سويت
العمليه.
الجروح الخارجيه تطيب لان يلامسها الاوكسجين والعلاج بسرعه يطيبها الجروح بالطبقه الداخليه للبطن مو بسهوله أطيب يرادلها فتره وعلاج قوي
انتن النساء ماخذات العمليات لعب جهال اليوم تسون عمليه باجر ترحن للحمام تسبحن وتغسلن وتمسحن عادي فيما بعد راح ياثر عليجن المهم بنتي اكتبلج علاج علمود اطيب عمليتج من الداخل
وأضافه عندج نقص بالحديد والصفيحات الدمويه ما منتظمه عندج أبو صفار درجته عاليه عندج.
والكبد تكيسات كبرانات اكدر اسويلج ناظور واسحب السوائل داخل الكبد وازرعهن واشوفهن سليمات لو خبيثات بس ماكو نتيجه اقل الشهرين وراح يرجعن يتكونن من جد وجديد وماكان بكرى عيد
أبتسمت على كلامه ومروان مركز حيل وياه
مروان زين دكتور شُنوْ أفضل حل مايعرض حياتها للخطر.
الدكتور أول خطوه اتبعها وياكم بما انه انتوا متزوجين ممنو? الحمل راح اكتبلها شريط مانع.
أسيل جاوبته لا ما يحتاج هل الأيام ننفصل باوعلي مروان بخزره والدكتور ما أقتنع.
هالشيء بعد يمكم المهم كتبتلج حب مانع هاي اول خطوه ثاني خطوه أنتظر عمليتج اسبوعين أو اكثر من أربع أسابيع حسب المده إلى يشتغل بيها العلاج تطيب العمليه ويصعد الحديد عندج وينتظم دمج واقلل من فرص المضعافات والاجسام المناعيه إلى بجسمج احاول اخليها بمستوى فوق المقبول كتبتلج عده فيتامينات وعلاج أبر ومقويات وعلاج للمعده بعد شهر اشوفج وأحددلج عمليه يحلوه.
أبتسمت شكراً جزيلاً دكتور مروان أبداً ما حجه بس اتشكر منه
ولو تدللين بنيتي حبيبي حبيبي الله وياكم بالسلامه
لزم ايدي ومشينا اخذنا العلاج ورجعنا عليه كتبلي الاوقات واخذناه وطلعنا عمتي تسال وهو يجاوبها بإريحيه عمتي كالتله
وصال يمه ما سالته إذا يصيرلكم طفل
مروان شسوي بي هم إطنكر عليه وتاخذه وتحرك گلبي مرتين هم هي وهم الطفل خلي مره وحده محترك أحسن.
أسيل يحجي بقهر بقيت ساگته وعمتي ما حجت لما وصلنا.
وصال اني ادخل المغاسل
أسيل فتحت الباب وماكو احد عمتي دخلت للمغاسل واني رحت للمطبخ اخذت مي اقدملهم وگفت يم البراد ما حسيت بي غير يحضني بقوه ويشهك مروان.
مروان أسيل سگتي.
أسيل دارني عليه وأخذ من أيدي الماي خلاه على الكاونتر ولزمني من وجهي بإيده الأثنين باسني من كل مكان بوجهي بشغف وحزن وأني صافنه عليه
اسيل الله عليج أوعديني ما تعوفيني.
شوعد منك واني عفتك.
ما عفتيني نظراتج ولهفتج وصوتج وكلشي بيج يكول بعدج ترديني وتريدين حضني وحنيتي بعدج تحبيني أعرفج.
غمضت عيني وطفرت دمعه من عيني لا أرادياً گبل سحب?اسي على صدره ضمني بقوه مروان لا تقهرني اني ما عايزه البيه مكفيني جروح گلبي كثرن وعملن گافي روح الله يوفقك ويهنيك بزواجك لاتعذبني وتطولها عليه وعليك أني وياك ما نرهم
بعد طريقنا مسدود.
رفع?اسي ولزمني من حنجي باسني بلهفته مثل كل مره أنسى نفسي وياه وأعانقه بلهفتي إلى تترس روحي طول وأكتفى مني بعد ما انقطعت أنفاسي عدل شالي وباسني من?أسي وهو لازمني من وجهي واني نظراتي بالكاع ولازمه دگمته قميصه حجه.
أرجعي وياي شتردين أني حاضر سويتلج سويت خاص بينا أني وياج وهم يصيرلنا مملكه حالنا حال عصام وأسيا شُنوْ ربهم وحد أنتِ بس أرجعي
بيت اذا تردين أبنيلج
ما يحتاج بعد.
ليش ما يحتاج أعرف تأخرت بس گتلج قبل لاتزعلين ناوي أسويلج بس تعرفين أخر فترة أنضغطت بالدوام وأنتِ شاهده بس هسه سويتلج ونأثثه أني وياج وعلى ذوقنا.
السويت ل هناس مو أليه
لا والله العظيم ألج مو وعدج بي أنطيتج كلمه لوما أنطيتج.
انطيتني بس شفايده هم ترجع تشك بيه ونرجع نفس الطاسه ونفس الحمام ونفس المشاكل ونفس الأذيه لا ما أريد لا سويت ولا غيره أني ما يهمني المكان بكثر ما يهمني صاحب المكان اللي أعيش وياه يكون فاهمني محتويني وگلبه يمي مو يم غيري
والله يمج
لا تحاول روح مروان أحفظ الباقي من گرامتك
أسيل ذليتني هواي.
ما جابرتك تنذل بحبي گتلك من الأول وأنت طولتها علينا وخطبت هناس وتحبون بعض ليش باقي وراي خليك صاحب قرار وأثبت لو أني لو هي أثنيينا وياك ما تضبط.
ماشي رحمه الله والديج
طلع يمشي سريع فتح باب الحوش ومشه بدون ما يباو? وراه تلمست شفتي تحرگني وراحوا الله وياهم
وأردد ويه روحي اثاري فلان لفلانَة طَرف ثالث طلعت انا راح يتزوجها ويعيش حياته واني ابلش من الصفر واعيش حياتي بدونه...
رجعت الغرفه والبيت فارغ صارت المرايا گبالي باوعت لشگلي تلمست وجهي تلمست شفايفي
ترك أثر الأخير وراح بجيت ومسحت دموعي وحضنت مخدتي وضليت أبجي ونار بگلبي
أيام أخذت من عمري عمر عيون حارث تراقبني طول الوقت وملاحظني بس ساگت وبيوم أسمعه يحجي على التلفون وعصبي أسماء ويامن يحجي
أسماء هو وعمج كمال ومروان علمود طلاگج هو يكدر يمشي بمعاملتج بس ما يريد يتخارب هو وعمامه بالحسنى أفضل من المشاكل.
حارث عمي أخذت منك گلمه وأنت أخذت كلمه من أبنك يطلگها كافي عمي طولها علينا يعني الا نتخارب والله يا عمي طلاك احسن ما متوالمين هو عقله شيء وأختي عقلها شيء ما متفاهمين وأختي قافله ما تريده وهاي هي خل يطلگ بدون مشاكل.
هاي هي عمي يخلص العرس ويطلگها ماشي على كلامنا وأتفاقنا هذا هو أي هو هم خابرني گالي أطلكها بس ما اضمنه گلت أخابرك لا عادي عمي صدك جذب أحنه أهل لوما أعزكم جان طلگتها من زمان بس بالحسنى أفضل اي والله ماشي عيني عمي
وأنتهى الاتصال وأجه عليه
حارث يابه مروان راح يطلگج ثاني يوم العرس لن هسه مخبوصين بس أخذنا منه كلمه مبين وافق وأنتِ خيتي كوليلي بعدج على قرارج
اسيل اي بعدني قراري ما يتغيّر.
حارث هذا هو لعد سويت اللي عليه
أسيل مشه بس حسيته ما مرتضي ولا أسماء ومن هذا اليوم ما حجوا وياي بالموضوع بس بعد بشنو يفيد الكلام اليوم حنته وباجر عرسه
كاعدين بالصاله والجهال يباعون افلام كارتون وكاعده وياهم واجتني ريم مسحتلي دموعي
ريم عمه صارلج ساعه تبجين گافي أخاف عليج عيونج يتأذن بعد ما تشوفين.
أسيل حضنتها وابوس بيها
ريم تبجين على عمو مروان
لا حبيبتي أبجي على الأمتحان اخاف ما جاوبت
لا جاوبتي ومتأكده.
فدوة لعمرج وسمعنا صوت أمي مسحت دموعي وعدلت شعري ودخلت علينا
جنان ها شلونج
أسيل زينه
ما تطلگتي
ليش تردين تسويلي حفله لو تزوجيني ل لؤي
أي شگو بي لؤي قابل تضلين كاعده يم أخوج ويصرف عليج هو هم وراه عائلته.
يمه ترى أني بنت غير رجال بس بنتج أنتِ أمي ليش گلبج ما يوجعج عليه تدرين بيه بشنو جاي أحس تدرين گلبي محترك ونار تسعر بصدري تدرين ليلي ما أنامه تدرين الافكار ب?اسي وين توديني وين ترجعني لا ما تدرين لن بعمرج ما خليتي بالج يمي ولا سألتيني ولا حسسيتي بيه حزينه فرحانه واكعه بمشكله ما تدرين
أسيل.
أنسي عندج بنت إسمها أسيل أصلاً أنتِ ناسيه وجيتج هاي تتشمتين بيه لا أكثر ولا أقل روحي ما أريدج ولا تجين ولاتخافين عليه حارث ما يذبني بالشوار? حتى لو مو أخته من ابوه ولو ذبني أكو الله يباو? على حالي خوما يكطع بيه.
أمشي وياي للبيت أبوج دز عليج گال خل تجي
أبويه! سبحان الله بعمره ما حسسسني أني بنته وأنتِ أمي اضرب منه كلكم نفس الشيء وهو يعرف أني مو بنته بنت هذاك الرجال اللي ما أعرف عايش ميت.
أي عرف حارث گاله ما گال شيء سگت شيحجي بعد صارلج عمر عايشه وياه شايفج بنته وأبوج هذاك مات من زمان انطمر وطمر عاره وياه بس عماتج موجودات بالملاهي.
ما جاوبتها
ما تجين لأن اذا تتطلگين ما تبقين يم حارث لا أبوج ولا أخوج حسن
باقيه يم حارث
كيفج أبقي بس محد يعوفج وإذ تضلين بهذا طبعج ما تغيرينه تنركعين بمية نعال وتصفين بالشوار? داري نعمتج هو امج بالسحوره يله كعد حظي مو عاد أنتِ.
لفت عبايتها ومشت تمنيت تغير موقفها وتحن عليه وضلت أمي هي هي شايفتني أني السبب بكل الاذيه الشافتها من أبويه اللي هو مو ابويه شگد صعبه من تعيش طول عمرك بوسط عائلتك وبعدين تطلع بينهم منبوذ وهذول مو أهلك حتى مروان مو أبن عمي صدمه العمر صعبه عليه كثرن على گلبج يا أسيل كثرن...
كمت لغرفتي فتحت تلفوني شفته نشط الأن أكيد يحجي وياها هم حبيبته وهم محروم أجتي لأيده.
وعدتك أحضر عرس وعد الحر دين راسلت أسيا وطلبت منها العنوان بالكوه دزته اليه ورحت على أسماء وكتلها ها شتگولين
أسماء منين طلعتي بهل السالفه جوزي عمي وين تروحين وشعندج رايحه تشبعين قهر لو تخربين العرس كعدي ماكو روحه
أسيل أسماء الله يخليج قنعي حارث خل نروح
ما أقنعه ولا أكوله وهو ما يقبل شقنع منه مو تردون تتطلگون وصممتي على قرارج وگلتي أخوج وبلغ عمج واتفقوا بس يتزوج يطلگج بعد شگو رايحه.
بس هل المره حبابه.
والله أسيل
حبابه
ورحتي شتحصلين أنتِ مريضه ناقصه قهر داري صحتج المن رايحه يحظي
أسماء فدوه
ماشي أكوله
أنتظرج رجعت الغرفه ولليل تأخر الوقت دزتلي رساله
أسماء وافق بس ما نطول بس والله اذا أهلج عرفوا يگلبون الدنيا بس شسويلج عندتي بعد
أسيل ما جاوبتها حضنت نفسي وضليت أبجي الا بلعومي تجرح لصبح كاعده اني وأفكاري اذن كمت صليت ونمت لن تعبت جسمي يون عليه ما أعرف شكثر مر وقت فزيت على صوت أسماء.
أسماء يله كعدي كومي أكلي لكمه علمود نروح
أسيل كمت اخذت ملابسي وسبحت أكلت لكمتين نفسي مسدوده بس علمود العلاج شربته ورحت ادور على فستان ودخلت عليه اسماء جايبتلي واحد
أسماء هذا لبسته بعرس أختي محد شايفه كلش حلو لبسي وتحضري لما أني اكمل.
أسيل ماشي لبست ورتبت شگلي وطلعنا من البيت وگلبي يبجي دم وصلنا يم القاعه گلبي يدك سريع أنفاسي ضاگت عليه بالگوه اجر النفس.
أسماء أسيل شبيج امشي خل نرجع مو گتلج ما نجي عندتي ادري شگو تحضرين عرسه امشي نرجع
أسيل لا خل ندخل أخذت نفس ودخلت القاعه اني وأسماء والجهال ضلوا يم حارث وعدته اجي بعرسه وكأنوا غريب عليه مو اني ومرته وموعدنا باجر طلاق
أمشي بخطوات مميته أحس الكاع مفروشه بجمر وتسلع رجليه من شدة حرارة الصخونه أشتعلت بجسمي وجهي تطلع منه نار وگلبي صار فحم كل خطوه أمشيها تتقطع روحي الى اشلاء ممزقه.
المكان جميل يرمز الى الرقي والفخامه هناس بعد باوعت كلها حاضره أغلب أقاربنا حاضرين العرس كل بنات عمامي موجودات باوعلي وصديت وجهي عنهن الى أن شفته وأستقر نظري ناحيته يم هذاك المكان يم هذاك الأنسان.
. باوعتله وركزت على كل تفصيل بي ودك گلبي الچان حاقد عليه ونزلت دموعي بخذلان وكسرة گلب وروح ممزقه وحيده وضايعه ضليت أتمعن بتفاصيله كاعد ومرسومه على وجهه الأبتسامه والحافظه كل تفصيل بي وهناس بصفه طلتها بنزاكه المعتاده والمُلفته لنظر والجمال الطاغي على الحضور تضحك فرحانه أخذتي حبيب گلبج تحققت أمنيتج وصار بإسمج هو من يومه الج بعمره ما جان اللي.
باوعتله وأبتسمت ودموعي تجري على خدي بحراره وگلبي محترك وقايم حداد صعب كلش صعب من تبتعد مجبور عن واحد وكلشي يريدلك گربه.
ردت من عنده نظره تسكت اليحچون
أسماء أني راح أكعد
أسيل ماشي صاحوا أسمه وفز گلبي أحس محد يلفظ أسمه بحب وحنيه مثلي، طلبوا منه أعلان عن نزوله لجوبي هو وأخوانه ولد عمامي كلهم حاضرين
كعدت اتصلت عليه مره وحده وفصلته اباو? عليه.
ورجفت أطرافي واني اشوفه حك كصته ورفع شعره إلى شويه طولان انتبه ل الأتصال ورجع اتصل خليت السماعه بإذني حتى ما الفت النظر عمتي شافتني من بعيد وهزت رأسها معنى تعالي يمي وهو يتصل
طولت ما جاوبت دك مره ثانيه واباو? عليه يتلفت يريد يشوفني وجاوبته وأجاني صوته
مروان وينج بس لا أجيتي بالقرأن أموتج
أسيل موجوده كبالك أرفعلك أيدي.
لا ما يحتاج.
مقابيلي كاعدات بنات عمامك الطاوله إلى عاليمنى باوعلي بنظره آسف وهناس رافعتله حاجبها ومعصبه
وخر من يمها لا تگلب القاعه على?أسنا
وين تلفونج شلون تخابرين
حاطه سماعه على گولتك أني خبره بهيج مواضيع
أسيل ليش أجيتي مو كافي مو كافي يعني أنتِ تعيشين حياتج وتكملين دراسه عادي ومروان يطبه طوب صار ست اشهر متعلل من وراج ومن اتزوج أصير عزيز وتجين.
علي كيفك يابه ابن عمي وأجيت أبارك لكَ.
اي اي خوش مباركه وصلت دقيقتين التفت ما الگاج.
حجيت مروان بصوت إلى يحبه سحب نفس ترس ريته وجر حسرات تذبح
اخ يا روحه المعلعله بفراگج يا حقيره شتردين مو كافي.
أي گافي أجيت أبارك لكَ وراح اروح الله يوفقك ويهنيك بزواجك
مشكوره عيني يوم نجاحج.
تسلم باجر طلاگنا مو؟
ارجع واكلج حلم إبليس بالجنه.
بس أنت وعدت حارث وعمي كمال وانطيته كلمه ثاني يوم العرس تطلگني.
بكيفي.
مروان لا تلعب عليه.
لا تخليني هسه اعوف العرس واجي العب عليج من صدك
لا تصير سخيف كافي مهزله
تعالي يم المغاسل احجي وياج
ما اجي راح اروح مجد صاحله وعمار وعصام
عاط بيهم
مروان دكافي شكد لحيتوا لخاطر الاسلام
عصام اسكت لك فضحتنا.
مروان شجابر أبوك عالمهزله.
عصام لك اسكت اسكت صم حلكك
أسيل مروان حاط عينيه عليه وانتبه عصام عليه حاولت ما ابين روحي بس شافني عصام وهزلي?أسه
مروان راح اروح كافي الله عليك ارجع لمكانك.
مروان وبهاي السهوله أجيت أرباك لكَ واروح شكد سهله عندج من تكسرين گلب أسيل تعالي للمغاسل أو لا تعالي لغرفه مال تعديل بالممر.
مروان ما اجي والله راح اروح.
بالقرأن اخر مره وباجر عود اطلكج وراها.
شتريد مني
كل الخير
أنتهى الأتصال وما أعرف شحجه ويه هناس وابتسمت مجامله هو وجهه مغندب ومشه سالت أسماء عالغرفه كالت بنهايه الممر عاليسار
أسماء بعرس اختي جنه بهاي القاعه
أسيل ماشي.
أسماء بس وين رايحه ما كافي اسيل خلينا نرجع والله اذا سويتي شيء حارث يذبحج كوة قنعته وقبل اجيبج حتى تكطعين نفسج منه.
أسيل ماشي طلعت وعمتي تباوعلي وازهار ما شفتها واسيا واكفه ويه عصام ويباوعولي كأنوا يعرفون راح التقي بمروان شكد عيب مشيت وصلت الغرفة گلبي يدك سريع فتحت الباب دخلت الغرفه ماكو نزيت من لزمني وخلاني عالباب وقفله ارجف كتله مروان يباوعلي وعيونه جمر ودموعه تجري.
طك گلبي اشوفج واكدر الزمج طك گلبي واني اشوف الكرهه بعيونج بعد ما جنت اشوف نفسي بيهن لج أشتاكيت انزل وارجع لغرفتنا والكاج متمدده عالتلفزيون وتتلكيني والابتسامه ترس وجهج صرت اتخيلج بكل مكان يا ظالمه يا حقيره
يحجي يحجي الغصه بصدري اذا ابجي شرط يومين ما اسكت.
ما تحجين شبيج ساكته ما عاجبج حالتي ما أخذتي بثارج من تعديلي أصابعج انطيني العندك وانطيج العندي ما خلصت ثاراتج أنطيج الحزام والكيبل وانطيهن لابويه وخل يعاقبني بكد ما اذيتج وقسيت عليج خلي يقسي عليه علمود ترتاحين
حجيت وصوتي يرجف كافي مروان.
لا مو كافي مو كافي
يحجي بعصبيه وايديه لزم وجهي ويباوع لكل تفصيل بيه
غرگت ومحد طلعني اتصاوبت محد دافعلي أنجرحت ومحد عالجني وكعت ومحد كالي اسم الله هذا حالي وياج.
رفعت أيديه ولزمت وجهه لزمن باوعت بعيونه بتركيز وحق كل كلمه بالقرأن وكل كتاب نزل من السماوات اني احبك وأريدك وعمري ما كرهتك
خله راسه على راسي وبجينا أثنينا
شيفيد هذا الحجي قابل راح نرجع سوه لو شُنوْ إنت حاسمه قراراج واذا اتراجعتي اني ما اتراجع لان ما اظلم أنسانه كانت ضحيه تصرفاتنا واغلاطنا.
صفنت عليه هذا هو لعد خليني اروح.
مو بهالسهوله داده.
حط رأسه بركبتي يتنفس وياخذ جرعه نفس وشوك أشهر اندك الباب عصام هو كبل فر المفتاح ردت احجي سد حلگي.
عصام مروان خزيتنا كلها تسأل عليك.
هسه هسه دقائق
يله أنتظرك.
أسيل باسني من?أسي بقوه أبتعد وگال.
لج والله أنتِ عار متصيرلج جاره ليش هيج سويتي بينا.
اتراجع ولا تتزوجها.
مو جاي العب واكدر انسحب من أنسانه للمره الثانيه مستحيل اكسر گلبها لخاطرج أنتِ دخلتيها وسمحتيلها تدخل بحياتنا.
كعدت ابجي بس اني ما ارجع والله لا عبالك ترجعني وهي بحياتك.
ماشي ماشي صدكت بيج مو هسه اصفالج غير وكت خلي اخلص من هالزواجه إلى ركبتيها أنتِ وعمج الحنين برأسي.
والله ما أرجع ما أرجع انسى شصار اني صوجي أجيت أدور موت
اي اي واضح
تقرب ويمسح بدموعي
اتقبلي كافي عاد أنتِ وصلتنيا لهل المواصيل
بس اني احبك.
واني أحبج لو ما احبج جان عفتج ورحت كابلت حب حياتي أربع سنين.
بس أنت تحبها.
هناس لا تحجين بيها سدي الموضوع مستحيل اعوفها.
واني
ما أعوفج اعوف روحي وما اعوفج وطلاك قسم بالله اذا جبتي طاري الا افجركم بعبوه انتي واخوج وعمج فهمتي.
يلا اني أمشي دك الباب عصام يصيح عليه فتح الباب وطلع واجت اسيا فتحت الباب وشافتني حالتي وعيونه كحلتي سايحه كمت ابجي على حالي حضنتني.
اسيا يابه والله كله من وراج زين منه ما طلكج لعبتي بي لعب والله گلبه طيب ما سايستي احسن هيج من دخلتي هناس بحياته وأنتوا واحد يموت بالثاني عايفها ومگابلج ليش هيج سويتي بنفسج وبي.
بس اني احبه.
من تحبينه ما جان رجعتي دكيتي رجل الا يطلكج وبسلامه عمي ما صدك كبل خطبله تره هو ما راد والله كوة سحله هسه بالعرس سواله عركه شكبره بالبيت هو وعمي تعارگوا بينهم
وتالي.
الله الوالي امسحي مكياجج وعدلي هسه عمار يوصلكم عمتي وصتني عليج عيني عيونج لا تنقهرين هو الج اذا اتزوج واذا ما اتزوج هو يريدج روحه معلگه بيج شتسوين بعد صارت هذا هم حظج.
أسيا حبيته من كل گلبي القهر إلى كابته طول هالاشهر ابجي ابجي أحس صدري تجرح وهي حاضنتني وتسگت بيه لحد ما أجتي عمتي فتحت حضنها اني ابجي وهي تبجي وياي وأسماء وياها وعمتي تسگت بيه وأني أنفجرت بحضنها عمه تزوج عمه تزوج وعافني عمه أحبه روحي بي تزوجها تزوجها
وصال أي تزوج كله منج يبستي?أسج هسه صحيتي على وگتج من شفتي گبالج تزوج وعروسته بصفه هسه أسيل هسه ماما ليش يا أمي ليش.
أسيل عمه الموت أهون عليه ياريتني أموت وأخلص عمه نار بگلبي نار محد يحسسس بيه محد يحسس اني أحبه كلكم تعرفون بيه أحبه روحي بي ليش زوجتوا ليش أخذتوا مني ليش أخذتوا من حضني ليش أنطيتوا الها تزوجها تزوجها عمه جاي أموت مروان تزوجها.
وصال ولج گافي كطعتي گلبي سوده بوجهك كمال شگول عليك حوبة هالطفله وين نروح منها ولج يمه گافي راح تموتين من أنعل مروان لابو أهل مروان على هالعمل هذا ساعة السوده زوجتج اله وشلع گلبج شال خطيتج سوده بوجهك يا مروان ولج يمه گافي شو گومي اسيل بنيتي أمي
أسيل أنهاريت وكعت بالكاع وصوتي طبك وهنا حارن بيه وعمتي رفعت راسي وخشمي ينزف دم.
حارت بيه وعيوني انطعن دم كلهن حارن بيه اخذتني عمتي غسلتلي وحطت كلنس بخشمي وطلعنا من القاعه ما شفت غير نظرات مروان إلى كلها قلق
اخذنا عمار للمستشفى جيكو وضعي طلع ضغطي
19/12انطوني مغذي وأنتظرناه يخلص وطلعنا للبيت حارث جان متمدد بالاستقبال ما خليته يشوفني
دخلتني عمتي الغرفه نومتني وغطتني وتمسح على?أسي واني روحي ترجف وأسمعها تحجي هي وأسماء.
وصال گولي ل عمار خل يروح لا ينتظرني أبات يمها ما أعوفها أنام أهنا.
أسماء ماشي
وصال يمه أسوله حبيبتي شلونج هسه
أسيل عمه العرس خلص مو
وصال ما عليج من العرس نامي وأرتاحي
يأخذها ل الفندق لو للبيت
ما أدري
عمه فدوه اروحلج گوليلي
أسيل أمي گافي هسه وگته صحتج أهم خشمج ينزف وضعطج معلك عليمن متكوليلي على مروان من انعل أهل مروان يروح يصير بيج شيء منو يفيدج مروان وحبه كوليلي منو يفيدج.
بالفندق يأخذها أي لن هاي هناس مو أسيل أكيد يعيش أجمل ليلة ومن العمر وياها وعيني أبنج محروم صا? ست أشه? ولهفته تارسته ومنا حبيته أجتي لأيده.
أستغفر الله العظيم وأتوب اليه ولج يمه فكري بروحج عوفيلي مروان هسه
بالفندق مو
لا والله بالبيت وأنت ضال بنفسج الفندق أنتِ بس أرجعي الا اخلي يسفرج
ما أريد گلشي وأبنج بعد ما أريده گرهته
صخم الله وجهك.
والله گرهته باستني من?أسي باوعت الساعه وغمضت عيوني وبجيت بقهر وحضنت نفسي أعلن الحداد والخساره لنفسي والندم في الوقت المتأخر.
من يوم تصاوب هو ما يحاجيني وعمتي وأخواته مهتمات بي ولا كأنما إلى وجود مكاني غرفتي وبنتي بحضني ومگابله الحياطين لأ حجايه لا سالفه لا قدر لا قيمه لا أهتمام وصفنت على حالي وحال بنتي الى متى نضل هيج وأضل اني أشبج بالحياة أتشبج وهو يطب ويطلع وعايش حياته مثل ما يريد وأني نحكم عليه بهل الزواج.
الى متى أضل أرفضه أخاف يوم يغصبني ويأخذني وهو رجال وين أكدرله أذا صرخت كلها راح تگول عرمه ليش تمنعه وهو رجلها شبي وهي شبيها ما تريده لعد شگو تزوجت وهواي كلام ما راح أخلص نفسي منه واذا أهلي عرفوا موقفي صعب كدامهم وكتها أكرهه حتى نفسي.
بعد تفكير مطول أتخذت قرار أنطي فرصه وأحاول أتقبله خوما أضل هيج هو يغلط واني ارده لا هو محترمني ولا أني محترمته واضافه سوالفه ومكسراته شلون أتقبله بعد كلشي سواه شلون نفسي تتقبل يعني لازم أصبر عليه وأنطي من نفسي بلكي يستعدل بس بشروط مستحيل يصير شيء بينا قبل لا ينفذ هل الشروط.
عفت بنتي نايمه على الجربايه وطلعت عمتي طلعت من يمه هو بغرفة جديتي مشت من يمي بدون ما تحجي حسيتها زعلانه رحت لعدهم خالي وجديتي كاعدين وهو نايم.
سلمان تعالي بنتي تعالي بنتج شلون صارت.
ازهار كعدت من يم الباب الحمدلله زينه عفتها نايمه
الحمدلله أبوج وأخوانج رادوا يأخذونها بس جديتج ما قبلت وشاهين هم ما رضى ومروان أخوج هم
أي والله ما أكدر من دونها
الحجية هسه يصيرلج طفل وتتعودين.
أزهار هي حجت وهو كعد وباوع لجديتي
شاهين طفليش
الحجية أبنك شنو ما تخلف بعد تضل بس على صگر.
شاهين الله كريم
أزهار باوعلي ورجع نام ومخلي أيديه على?أسه وصافن وسمعت صوت بنتي تبجي هو گبل حجه
شاهين روحيلها لاتوكع من الجربايه
أزهار أي رايحه لكيتها تبجي خليتها بحضني رجعت نومتها لزمت شالي ونامت ودخل هو فتح الكنتور اخذ ملابسه وصاح على أخته
شاهين ملابسي وين الكنتور فارغ
سندس ما غاسله ملابس بعدني.
وشوگت تغسلين حضرة جنابج شلبس هسه بس أريد أعرف شغلجن شُنوْ بكد النمل.
سهيله شبيك تصيح عليهن شعندك
شاهين ملابسي ليش ما مغسولات
ومجبورات بيك مو عندك مره كافي عليهن شغل البيت شاهين فگ عن أخواتك تعثر بالكاع ترجع عليهن لا اجتهن قسمه وزوجتهن وخلصتهن منك ومن شرك.
وشمسويلهن كطعيه تكطعهن هي جايتهن قسمه وخلصانين منهن من خرب بهيج عيشه.
أزهار ركع الباب وطلع نومتها وكمت لكيت عمتي معصبه بس ما حجت وسندس وأميره وسهاد يبجن شافني دخلن الغرفه شلون قهر مشيت الحمام شفت ملابسه وسخات شلتهن وغسلتهن كلهن ونشرتهن عالحبل واجه هو شافني انشر بيهم مشه ما حجه شيء كملت ودخلت وعمتي ساكته والبنات ما طلعن دخلت الغرفه لكيته يبوس بيها كاعده
شاهين كعدت ونامت متعوده عليج وعلى ريحتج بس جبتلها شالج نامت.
اي كام وتقرب وأني ابتعدت بخوف
شتسوين أجيتي لغرفة جديتي.
هيج
بس هيج
اي
وليش غسلتي ملابسي
أحسن ما تصير مشاكل وأخواتك ما مجبورات بيك وبخدمتك ما الهن ذنب خطيه
زين حسيتي على نفسج أنتِ مجبوره بخدامتي
لا مو محبوره لأن أني خدامه الك
مو خدامه بس واجبج ليش خوما زعلتي
لأ
هو ما أريدج تزعلين مني
تقرب أكثر وابتعدت شاهين أنتَ صاير عاقل خليك على عقلك.
هو أني عاقل بس أنتِ ما خليتي ب?أسي عقل أهانتج وكسرتج إلى وگملتيها بإخوانج وهسه برفضج ما جاي تنطيني مجال ولا تخلين ذره عقل ب?أسي ترى صبري وياج بدأ يخلص وإذا خلص أذيج
أخذج غصب لأن متزوج واللي حقوق عندج.
خل نحجي
ما أكدر لأن بعد مو مال حجي أريدج طگ گلبي
لزمني شاهين لا عفيه والله اخليك بس مو هيج
تخليني
نزلت?أسي ونزلت دمعتي أي
وليش تبجين.
شاهين أني أنجبرت على الزواج منك أنطيني مجال أتقبلك ونفس الوقت عندي شروط وأريدك تنفذها
شُنوْ شروطج خير كمتي تتشرطين مو أجضعج هسه بالكاع وانام عليج لباجر الصبح ما أعوفج والله
بس متحمل ولازم نفسي من حبي الج من أنعل أبوج لابو حبج وياج.
هسه ليش تغلط.
أغلط واكسر?اسج هم لن أنتِ يرادلج تكسير?اس وعلى أيدي واذا ما أكسر عينج وجسمي يطخ جسمج وتواسديني بفراش واحد ما تصيرين أدمي بس شلون واني أدري بگلبج من يحقد لو جدي السابع عشر يطلع ما تحنين عليه لن اعرفج زمال
والله اذا تضل هيج ما الك شيء عندي مشيت ولزمني حاول يبوسني من شفتي واني ارفس تقرب راد يبوسني بس شميت انفاسه گبل تقيئت على ملابسه لعبت نفسه وكام ينكت ويسب ويغلط.
خرب بيومج على الصخام شُنوْ هالقذاره تف على شگلج والعندج لعبيتها لنفسي أمشي جيبلي ملابسي أفوت أسبح الله يأخذج.
شگله يضحك وجه معقج ولعبانه نفسه مشيت فتحت الكنتور ادور على ملابسه نزع التيشرت شمره عليه ليش هيج مو وسخ
أخذي قذارتج گبر حتى گبر بصفه جفر اني الله شمسوي جواه بلاني بيج ادري حبيتج ابتليت خوما أبتليت.
ديله عاد طلعت حبك من خشمي واذا تحبني شسويلك منو عاتب عليك كايلك حبني.
هو الصوج مني يله جيبيهن ولحكيني الحمام
لاتعيش الدور
غصباً على?اسج مجعمر أعيشه مرتي لو مو مرتي بس حقج ما شايفه نفسج محسوبه عليه مره بس احسبج وين تروحين مني تطيرين تعصين على شاهين ابو الفواين والله ما اخليج بنفسي اصبريلي
راح الحمام وكعدت خليت أيدي على گلبي يسويها والله الرجال صبره نفذ بس لا لازم أحجي وياه بالأول والله ما اخلي يتقربلي اذا ما يعوف مكسراته.
طلعت برا اخذت ملابسه من الحبل ورحت الحمام شافتني عمتي وأبتسمت خرب بحظي عبالها البالها رديت الأبتسامه ودگيت الباب شاهين ملابسك
شاهين فتحي ودخلي علگيهن منكع بالشامبو
أزهار كل عقلك راح أخليهن بالكاع مشگلتك بعد
دخليهن بالكا? قسم بالله أطلعلج مصلخ واشحطج للحمام وأخذج غصب أخليج تكرهين شگو رجال على سطح الكره الأرضيه.
هم گام يقسم
لأتأكلين
لاتغلط
أكس??اسج والله اوكفيلي جايج أنتِ ترديني ادري بيج أشتهيتي.
أستغفر الله غضب مو رجال غضب عفت ملابسه بالكاع ومشيت الغرفه صركاعه توكع عليك وتخلصني
سهيله ليش عمه على بختج ليش تدعين عليه منج من ربج اني امه كل مكسراته وسوالفه الما تنجر? وأطباعه ويه أخواته سم وزقنبوت ما أدعي عليه هو وحيدي ويروح الدوام لما يرجع حاطه ايدي على گلبي وأنتِ تدعين عليه بكل برود گلبج.
أزهار عافتني ومشت أنقهرت عليها أوف لو تدرين أبنج سوالفه تفرگس الگلب دخلت الغرفه يم بنتي واجه لابس وگف خله عطورات
شاهين اليوم أخر يوم الج بالليل أنهي الشغله علمود تنكسر عينج وتأخذين عليه بلكي من تباعين بعيني تلنصمين على حلكج وتضمين لسانج لسان كحبه.
أزهار ماكو هذا الشيء اذا ما تسمع شروطي وتنفذها.
شروطيش بابا أنتِ مرتي أخذج بدون شروط والله يالله تتشرط أنتِ هواي منطيج عين وماكو واحد صاكرج ومشوفج الدنيا بمكلوبي وهيج مستهتره
راد يطلع وين تروح اندار باوعلي متفاجئ وحجه بعصبيه
وشعليج
شُنوْ شعليه مو مرتك
منين لوين صرتي مرتي
يعني أنت عندك اصير مرتك الا بالفراش
أي
الزواج ما يتم بس على هل السالفه اكو أمور اهم.
لا بس على هل السالفه باقي السوالف خريط وحشو مصران وما تمشي وگت لحد يضحك على عقلج بغير أمور وسوالف تعبانه سأليني أني
أي طبعاً أنتَ خبره
أي أعجبج مو بس خبره فنان باب أول.
أستغفر الله شگد سخيف
شگو شحجيت قابل وين السخافه بالموضو? شُنوْ ما تعرفين سوالف العلاقه شلون تكون غرگانه بالبحر لو أغركج اني.
شاهين گافي عاد أنت واحد ما تستحي
أني اني واحد ما يستحي وساقط وشراب عرگ ونسوان وسكر وعربده عندج شيء بعد تضيفينه.
ومفتخر
أحسن ما أضمم وماكو مره ترست?أسي وكعدت على عقلي كلهن فارغات بس أنتِ مليانه اخ لو تخليني الزمج اويلي يابه شسوي بيج اذا ما خليتج تتدمنيني حتى من الوظيفه ابطل وأكابلج أوف ازهار اوف شمسويه بحالي من الله يشل حالج.
راد يفتح الباب ما گتلي وين تروح
ليش ترديني أبقى
أي
شتنطيني
الأ انطيك ابقى نحجي
بشنو نحجي لن هواي حجينا صرفت طاقه علل الخالي بلاش وكلشي ما حصلت منج وسمي صعد
نزلت?اسي مستحيه تروح الهن.
أي خليني أتقربلج وما اروح والله
سد الباب وتعال
ها وافقتي يعني نشد الهمه عليها فدواتك ربي هديتلي هالمره
لا
وجعا وسم وزقنبوت لعد شتردين
نحجي واكولك على شروطي اكعد خل نتفاهم
شروط ما تمشي عندي ازهار اني مو طفل عندج وربي اكوم اكسرج هسه بنت الگلب تتشرط الكح
ليش الغلط
أي الأميره ديانا شُنوْ شروطج فضينا عاد
أكعد
عوفيني واكف بس سولفي.
كعدت عالجربايه وهو مقابلي واكف شاهين أعرف هذا حقك بس أني ما أكدر أنطي نفسي لشخص يوميه ينام ويه وحده نفسي ما تتقبل وشيء مكروه وحرام
وهذا حالك صعب أكون الك زوجه وما يصير بينا أي شيء أذا ما تلتزم بهل الشروط وتنفذهن وهنا ما تشرب تترك العرگ نهائياً والنسوان والملاهي وسوالفك المكسره كلهن وتحاول تصلح من نفسك وأغلاطك وعد مني أكون وياك الى أن تستقر حياتنا
كملت كلامي بس صدمني بردة فعله جانت قاسيه.
تقرب جرني من شعري ولوه رقبتي شاهين شبيك ضربني كف من قوته خشمي طفر منه الدم
منو أنتِ حتى تحاسبيني وتمنعيني منو أمي أبويه ولي أمري وأني ما أدري ولج أمي ما محاسبتني تردين أنتِ البارحه أجيتي تحاسبيني وتمنعيني لا انوب تگولي صلح أغلاطك وأنتِ شعليج بنت الگلب أنتِ شگو نعاليش والله أنعل يومج يا أدبسزز
رفعني من الكاع من شعري وضربني كف عوفني حقير عوفني الله يأخذك شمسويتلك شحجيت فوك ما أريدك تنعدل.
شايفتني سگط لو مخبل علمود أنعدل ولج ادبسزز
أي سگط ومخبل لعد شُنوْ لعد هذا حال حالك شرب وسكر وعربده ونسوان وملاهي لك خاف ربك
جنيتي على نفسج بنت القندره
لاتغلط على أبويه
من أنعل أبوج لأبو أهلج كلهم واحد واحد والشريف ما بيكم
سحب الحزام من الكنتور لا شاهين لا فدوة والله ما عليه بيك لاتضربني لاااا ضربني وبنتي تصرخ وهو يضرب ويسب ويلعن يضرب بدون رحمه.
عبالج أني هشام من سحلتي وراج مثل الطلي سويتي وصله مال مسح لقنادر أخوانج لبسوا وما احترموا تالي طلگج لج شريف أبن شريف ما لفه وحده مثلج عرصه وعرمه ولسان ومستهتره عود هذا يسمونه دلال البابا من على هيج دلال لا تربيه لا أحترام تريد تعلمني شلون اصلح حالي اي وبعدين يكولون مره خلته يستعدل لا هاي العايزه.
خاف عبالج تخابرين أبوج وتستنجدين بي وتحجيله شايفه نجوم الليل أشوفهن الج بعز الظهر اشوفج الدنيا بالمگلوبي اذا حجيتله ما أطلعج من حياتي سالمه والله والعز لله أطلعج بفضحيه تصخم وجهج وجه أخوانج وتنزل روسكم بالطين أخليكم سالفه على كل لسان كمال بنته نزلت?اسه ديري بالج تخابرين البابا فاهمه يا حلوه لج فاهمه.
رفعت?أسي وتفلت بوجهه لزمني من شعري وضربني كف ولطخني بالكاع بحيث أحس مخي صار ماي كمت ما أشوف بس صوته بسامعي.
تردين تموتين والله أربيج على أيدي ولله لج تستحقريني لأن حبيتج وعشقتج متت بيج اني بسببج وصلت لهل الحال بسببج تدرين لو لا من يوم رفضتيني وأستحقرتيني اني كارهه حتى نفسي الكل عيروني بيج عافتك وتزوجت الغريب فضلته عليك لج تستحقرين واحد عايش على أحرف اسمج جنت اجدي منج النظره وأنتِ جنتي ما شايفتني بس شفتي هشام المهتلف بالأخير وينه باعج أنتِ وبنتج برخص التراب وهسه جاي تحاسبيني على أغلاط أنتِ سببها لج أهلي أهلي لحد الان يعيروني بيج ما تخليك تتقربلها وأنتِ مو گدها شبيك حبها عمى گلبك خليك رجال حتى برجولتي شگگوه بسببج وكل هذا بعدج أنانيه ونذله.
ضل يضرب راجديات ويجر بشعري وبالحزام أنتقم مني وطلع حقد وضيم گلبه بهل اليوم شالني ودفرني بطني قوي الا شاغت روحي كمت زحفت على بنتي لن تبجي جرني من ايدي دفعني وكعت على ايدي وصرخت بوجع وتقرب رفعني من الكاع وعصر فگيي تقرب باسني من شفتي قوي وأبتعد ويعصر بشفايفي
عبالج أتقربلج تحلمين الوث رجولتي بيج أنسانه ما شايفتني بحياتها ولا متقبلتني لا أني ولا أغلاطي ولا عيوبي حتى صلاحي لمصلحتج مو لمصلحتي.
وأبقيج بهل الغرفه أنتِ والخدامه سوه تخدميني وبس وأبقيج تتلوعين وتتحتركين لازم تحننيين لان مستحيل رجال ومره بنفس الغرفه ما تثير عندج الشهوه الا أخليج تتمنين النظره مني.
دفعني وكعت بالكاع جثه ورجع أكد كلامه
أذا بلغتي أهلج ما يجرالج خير وتموتين وتخيسين بهل الغرفه طلعه من حياتي من ماكو.
ما حجيت فتح الباب وطلع وبنتي فحطت واني مو كادره أرفع جسمي وصراخها شال الغرفه كلشي بيه يوجعني أيدي تأذيني حيل على صوتها أنفتح الباب
سهيله أزهار ولج يمه أزهار هاي شبيج سندس أميره تعالن على البنيه مرت أخوجن ما اعرف شبيها أزهار صخام شُنوْ هالدم
أزهار رفعتني وشافت وجهي وأنصدمت ولطمت على وجهه وركضت صاحت جديتي يحجن ويغلطن عليه غسلني وغطني وبنتي بس أسمع صوتها بعيد عني تبجي وتريدني.
ضليت أيام أيدي ما بيه أرفعها وجسمي كله يوجعني ولا بيه أحجي أباو? التلفون أريد أخابر أهلي وأخاف منه وهما يتصلون ما أجاوبهم أخاف تخنكي العبره وأحجيلهم وهذا واحد ميخاف الله گلشي يگدر يسولهم ويأذيهم ياربي والله تعبت.
جابلي بنتي خليتها يمي شافتني برطمت وتبجي حضنتها وبجيت وياها وسحبت تلفوني أنطي الها علمود تسكت ودخل هو عصبي قفل الباب شگو
شاهين أنتِ خابرتي على أهلج يجون أمج وأخوانج أجو عليج حجيتي الهم مو.