رواية بين قلبها وعينيها كبرياء للكاتبة شمس العراقية الفصل السادس والسبعون
أسيا طول هالأيام المَرت من حياتنا ماشيه بس هم اكيد ما تخلوا من المشاكل ماكو حياة كامله وكلها سعاده مثل ما أحنا نريد لازم نَصادف هواي أمور إزمات وصدمات ومشاكل والخ...
عصام صاي? كل وقته دوام والتزامات وما نشوفه الا قليل وهذا الوضع متعبني لأن احس مو بحاجه وهو جاي يتعب أكثر من طاقته وعايفنا وهاملنا كل وقته شغل وعلى الحاسبه وملفات وهوسه لعبان نفس وأعرف هو مو أباله بس رأفع ضل يوز ب?اسه وخلاها بعقله عود مناصب اعلى وكذا والله أكتفاء بمكانه كلش كافي خير وبركه بس البشر طماع مو بإيده لازم يطمع للأعلى?...
طلعت من الحمام وهو كاعد على الجربايه مخلي الحاسبه وكدامه كومة أوراق وملفات ومندمج عبرته توجهت المرايا خليت مكياج رتبت شكلي سرحت شعري رششت عُطورات وطلعت للوز باوعتله هو ولا يمه فاقد الأخ.
كمت فتحت الكنتور طلعت بدله لون قهوائي لبستها كدامه ردت بس يباو? لي لا الحلو أبن الحلو عاكد
الحواجب ويشتغل كملت وتقدمت جمعت الملفات عالسريع من كدامه وفزيت على عيطه من عنده
عصام وين موديتهن شو عوفيهن منو رايد منج.
أسيا محد رايد بس مو وضعيه هاي
شگو يا وضعيه
لا يبوي شمدريك دباو? الجربايه وباو? حالك
مباو? لاتخافين بس گولي أنتِ تردين أباوعلج
أي ليش ما تباوعلي لو مو من أهتمامك
عندي شغل هسه بس أخلصه وتدللي عليه حبيبي
ليش شغلك أفرض وتدللي عليه حبيبي شو عبالك محسسني بمنيه وصاحب فضل عليه لو اني جاي أتوسلك على النومه ترى أخر همي.
منو مصخم وحاجي وكايل جاي تتوسيلن ما جاي تشوفين شغل مكوم فوك?أسي هاللغوه هاي شگو.
كلامي صا? لغوه ماشي أروح أنام أشرفلي ما رد عليه تجاهلته ورفعت الغطا والملفات نگلبت بالكاع
لا اله الأ الله عاد شلون راح تشلع گلبي.
وشلعتهم
مو أگوم أكسر حلكچ دماغ زز
ما جاوبته بس مقهوره منه حيل مقهوره وانوب كشختي أويلي يابه والله فلا تستاهل وحده تتكشخ الها ثوب البيت كافي عليك لفيت?أسي ونمت وصاح
رجليج وخريهن ترى طلعتي الشغل من خشمي
ما گايتلك تشتغل اهنا هذا مكان نوم مو مكان شغل أكو صاله أطلع كمل شغلك.
دكولي علمود كشختج يابه
كاشخه لنفسي ما كاشخه الك أجه حضني ودفعته اني مو كل وقت فاضيتلك وقت نومتي أهم مثل ما وقت شغلك اهم مني انطيته ظهري ونمت وهو ضل على جمدته حسيت بي شال ملفاته ومشه لصاله وركع باب الغرفه وراه زعل وزعلتهم اي والله فوك الحبايه كبايه يطلعلك تزعل.
كعدت من النوم والغرفه مگلوبه فاتح الكنتور ومخبث ناثر كل ملابسه اكيد راح الدوام ما صايره هاي يعني البارحه نزلت نفضت الجرجف بقهر طلعت.
بالصاله ما لكيته رجعت الغرفه ورن تلفوني هو ما جاوبته رجع اتصل نعم
عصام ما تجاوبين لو لحد الأن نايمه
أسيا أي
خوش نومه مو
كلش
خبيثه سويتلج زعله وطنكرتي عليمن
منو زعلان وعلى منو أزعل يابه
أسيا
نعم
نتر بوجهي بطلي متصل أصبح عليج مو أتعارك
واني أريد أتعارك لان أنت مو مال واحد يصبح بوجهك عباره عن مغثه وتسد النفس.
والله من أنعل أبوج لأبو اليصبح بوجهج.
قطع الخط بوجهي فولت كوه تمالكت أعصابي ما ركعت التلفون وطشرته فوك قهره رجع يسب بإبويه ولا يتوب ولا يصي? أدمي بس والله فلا? أسكتلك عليها ترجع ما تريد تنزل خوما تضل بالدوام مصي?ك تلفي على أسيا واركع نفسي مية قندره اذا سحت بيدك اني أعلمك عصام يصي? خير.!
طلعت لكيت عمتي تطبخ وام شامل تنظف سويت ريوك وكعدت ونفسيتي زفت باوعتلي عمتي تقرأ الوجوه عدها الحاسه السابعه...
وصال خي? على شُنوْ تعارگتوا أطربينا من الصبح
أسيا ماكو شيء عمه لايضل بالج
لا واضح وجهج ما يتفسر وأطفالج ما مكعدتهم تريكيهم وتهتمين بإكلهم وكعدتهم ولعبهم هذا كله اليوم ماكو أذن عصام اله أيد بالسالفه مخليج هيج مدخنه ووجهج ما يكصه سيف!
لا عمه ما عليه أني نفسيتي تعبانه لأن هو ما يتواجد
أغلب أوقاته صايره شغل لهذا بعدني ما متأقله على الوضع ولازم تصير مشاحنات خفيفه.
تأقلمي ماما تأقلمي قبلج هيج جنت تالي بالأخير تعودت لان ماكو حل ثاني غير أنهُ تتأقلمين شتسوين هذا طموح عند الأنسان يحب يصعد لقمه وهم يأمن مستقبلكم وعدكم أطفال يعني الواحد لازم يفكر ليكدام ويصبر
أي عمه
دام أي كومي كعدي أطفالج مثل ما معودتهم على نظامج الحلو الما شايفه مثل حنيتج وأهتمامج بيهم
يله أمي يله بنيتي.
هزيت?أسي برضا وكمت كعدتهم أخذت ك?م الحمام غسلتله كامل وغيرت ملابسه افتح حلكك.
كرم ماما ليش تصيحين عليه
أسيا أفرش أسنانك يا ماما وراي أختك
كرم عوفيني أني أفرشهن كله أنتِ
ما تنظفهن زين أفتح حلكك ونزل?أسك كمل ونشفت وجهه ملابس نظيفات وعطرتله أنتظرني بينما أكمل أختك ونطلع نتريك هزلي?أسه وكعدتها الخاتون بنت أبوها كملتها وطلعنا كرم ماما شتحب
كرم كيفج ماما.
أسيا زين اليوم ما تعبني بالطلبات جود اليوم ماكو كورن فليكس اليوم وجبتج بيض هزت?أسها مسايستهم أسمع كلامهم واصغي لطلباتهم ونفس الوقت من يكبرون هما هم يصغون لكلامي وشنو اكوله يتنفذ مخليه كل عقلي وبالي يمهم ومطوله خلك وياهم صح أعصب مرات بس بحدود ما أفرغ عصبيتي وقهرتي من أبوهم بيهم هما ما ما الهم ذنب بمشاكلنا وأخطاءنا.
ومهتمه بعصام بكثرهم لا والله قليل أهتميت كل عمري هدرته اله بس ما يستاهل ما يغزر بي بكلمه منه مثل السم يخليني اكرهه روحي.
كعدت أطعمهم وعمتي إبتسمتلي برضا وأنفتح الباب ودخل علينا نزلت?أسي وهو صبح على عمتي باسها من?أسها وتقدم يبوس بيهم وجر الكرسي كعد مقابيلي توترت ليش الكذب من نتزاعل وجوده يصير رعب بالنسبه إلى ما أعرف كلما نتقدم بالحياة اكو شيء بداخلنا يكبر بغض النظر عن البدايات.
عصام كمليهم وسويلي ريوك
أسيا ماشي يطكطك بإصابعه عالميز توترت من كملتهم وكمت وياهم أغسل الهم وصاح وراي
عصام عوفيهم هما يغسلون خليهم يعتمدون على نفسهم كله أنتِ.
أسيا بعدهم صغار يلحكم يعتمدون على نفسهم مشيت وضل يحجي ويه عمتي ويسأل على أهل البيت ويتفقد أحوالهم...
رجعت سويتله الريوك ونثرت العابهم بالصاله ورحت نظفت بس دخلت الغرفه هو لحگني هذا شبسرعه كمل تجاهلته غير ملابسه ونام شُنوْ تنام.
أي شتشوفين ليش تردين تنامين يمي
لا أريد أنظف الغرفه
وشبيها تنظفينها تعاي خل أنام ولو اني عباره عن مغثه وأسد النفس بس ميخالف متعود عليج من تزعلين كلامج ما عليه عتب.
مشيت ولزمني من أيدي أريد أكمل شغلي عصام مو وكتك
عوفيلي الشغل هسه مو أفرض مني
گلشي بحياتي أنت أفرض منه بس الأ أنت تقدم الشغل على مرتك وعائلتك وبالأخير تجيني بوقت اني مالي خلك حتى لنفسي مو عاد الك نفض أيده.
طبج مرض فوك ما أشتغل وأتعب نفسي وعايف نومتي وجسمي صاير خرابه من التعب واركض ليل نهار فوك هي المعاجبها وماده بوزها متر.
ما گايتلك أشتغل وجسمك صاير خرابه أكتفي بوظيفتك وخلص لو الا مناصب أعلى
لج تعاي شو صايره تجفصين شنو هالنبره الخشنه والأسلوب الزفت والوجه لابسته 44 عاجبج تنهانين تنضربين جلدج يحكج على أيدي ولو ما احب أضرب بس نبرتج مال وحده ما مداريه نعمتها ومشتريه المشاكل شرايه احجيلج خاتون شسالفتج.
لا واضح التغير واضح كعدتك ويه رافع مو بس خلتك أدور مناصب لا والله خلتك تتغير عن عائلتك صاير نفسه بالضبط مطبع بإطباعه.
لج تعاي رافع شعليه شو كمتي تمسلتين ويه أطباع تحجين عنها شمسويلج تعاي وين موليه احاجيج.
بشنو نحجي بإسلوبك الهمجي بصياحك كلمه والثانيه عايط عليه على اطفالك بخلكك بطارف خشمك كلما احجي وياك شغلي وشغلي وتعبان وتعبان لو بأهمالك النا لو طلعاتك وكعداتك يم بيت عمك واحنه من يوم رجعت أزهار طلعنه مره ومن هذيج استلمك رافع رجع صاح بعلوا صوته وبعصبيه.
أشهد أن لا إله إلا الله هم رجعتلي على?افع بابا الرجال شعليه شبيج أنتِ مزومله ووجه البومه عليه لج حاجيني مثل الاوادم لو اشوفج أسلوب الهمجي اللي مطلعته عليه، والله جديده هالقنوانه مالت الهمجي شمسويلج عيني ضاربج سابج غالط عليج احجيلي بلكي اوكع على علتج واعرف شنو اليوجعج
ما بيه كعدت وعفته وهو ضل واكف.
ليش نسحبتي تخافين تواجهيني لان تعرفيني المشكله مو عندي بس أنتِ مشتهيه تتعاركين شلون من زمان ماكو عركه لازم نتعارك.
هذا هو كثر الله خيرك على حسن ظنك
وخيرج يله فضينا عاد ووجهج لبسي عدل
شنو هالكلام عصام مو عبالك متغير ما جنت تحاجيني هيج!
يا تغير شبيج بابا شو صايره فد مره كلمه والثانيه متغير يابه دطيري من انعل أبوج لأبو اليكابلج اني صوجي راكضي ورى وحده عقلها عقل زعطوط.
صحت بي ليش تنعل أبويه طبعاً أنتِ أبداً ما اتوب تروح تروح وترجع تسب أبويه الميت عيب عليك حتى الميت ما خلصان من لسانك.
أسيا تعوذي شيطانج ولي عن وجهي ترى وصلت منج لهنا
والله گول لنفسك هالحجي ليش تسب أبويه!
أسيا أمشي طلعي برى طلعي برى.
فوك ما أنت المذنب وسبيت أبويه تطردني!
أسيا ولي عن وجهي داگولج طلعي برى.
طلعه ما أطلع تريد تطلع أنت اطلع
تطرديني
مثل ما أنتَ طردتني ليش صعبه عليك سهله عليه.
صفن بوجهي صديت عنه خله وطلع وفزيت على صوت الباب قوي الا لزمت گلبي بجيت بقهر يربي والله ما جان هيج الأيام المرت شلون جنا مثل العسل عفيه حياة تستمرين بدون مشاكل.
لليل هو ماكو تعشينا سألوا عليه جاوبتهم معزوم يم جماعته ما ردت أحد يلاحظ أو يحس بينا مشكله بالأخص عمي كمال صاي?ه أستحي من عيالي أذا تعاركنا والله احسن كبرنا على هالسوالف وتأريخنا ألاسود والمعظم بالمشاكل والزعل اللي صا? ودام أشهر وما شاءالله زعلنا مو يوم ويومين اذا مو أشه? هاي مو زعله الله يعين گلبي على سوالفك كلما اكول هاي هي كبر وعقلنا وكافي العمر اله دور ما اعرف منين تجي المشكله تخلينا نار واحد يعد والثاني يهد واني لساني ما اكدر اسيطر عليه وهو بسلامته فد مره صاير انوب مصاحب رافع تهي بهي شلون رافع أعوذ بالله منه اليطبقهن? مرته يوز ب?اسه ويطبقهن عليه عود هاي سوالف الزلم الخشنه من محادثاته وياه وكلامه المستفز صير رجال وصير خلينا الرجوله الك...
خلصت التعلوله وهو ماكو وعمي يباو? الساعه وعينه على الباب لان متعود عليه ما يطلع بي يخاف عليهم هو ومروان بالليل طلعاتهم قليله بس يم الأهل...
كمال بابا خابرتي زلمتج وين صا? شنو ما يرجع اليوم واللي أعرفه اليوم نازل ما عنده دوام
أسيا هسه أشوفه باوعلي بنظرات كأنما عنده أحساس تهربت من نظراته وعمتي غمزتلي معناها شگو هزيت?اسي ماكو شيء فتحت تلفوني توني اريد اراسله ازهار دزتلي رساله.
ازهار شبيكم ترى الكل ملاحظ عليكم متزاعلين
أسيا شلون منو ملاحظ
شُنو منو ملاحظ وكت العشه وهو ماكو ونتصل عليه مغلق وتكولين يم جماعته يم جماعتته يغلق تلفونه هذا مو مروان يطلع لما يرجع على تواصل هو وأسيل ومن اجت سيدرا كام ما يطلع من البيت مكابل مرته وبنته.
أمشي بالغرفه نحجي عمي يباوعلنا.
لا أنتظري گبل يلاحظ ولو هو ملاحظ بس نطمم وره عصام يله دبري كذبه وعوفي التلفون اني هم راح أعوفه عيب عباله احجي ويه هشام خرب بس أسيل صايره ادمي عايفه الموبايل ولا تعرفه شنو لما دوامها فلا تستخدمه باعيها شلون تباوع الأخبار ويه بابا وتناقشه خرب صايره محلله سياسيه
متكلمه تدرين ترهم تصي? سياسيه وعمي منعجب بشخصيتها مخلي كل عقله وتركيزه وياها ويناقشها.
ادعبلي ولج راح أعوف التلفون يباوعلنا صخام بعيني هشام شوه صورتي والله يله باي.
عفت التلفون وباوعلي بلعت ريگي وجاوبته گال بالطريق هسه يجي هز?اسه وازهار ضربت على وجهه وعمتي شكو شكو خبلتني هسه يجي لكيت حجه ولحكت جود تعاي ماما طلعت من يمهم وأتصلت عليه رفضني ودخلت أرسله لكيته ناشر ستوريات هو ورافع مشاوي ونركيله وكعدات ودومنه لا هسه بلش طيحان الحظ يا خوفي من هاي الكعدات تكعده على طاوله مزه صخام الوجه.
ركزت بالستوري باوعت زين هاي بحديقتهم راسلت مرام هلا ام الحسن حبيبتي كاعده گبل ردت
مرام هلا عيني اي والله وين أكو نوم!
اي هم صح جهال وهوسه بس بعد وكت? النوم
علواه على هوسه الجهال
ليش لازم هم عندج هوسه
هوستي ما تخلص لما أموت.
أسم الله شبيج مرام
أجه اجه باي.
راحت ورجعت راسلته وين أنتَ گبل أتصل وجاوبته نعم
شتردين
عبالك أكولك أريدك لا حبيبي عمي يسأل عليك شوگت تجي أضل اطمم وراك اني
ليش شمسوي تطممين وراي أحجي عدل.
لو تجي لو ما تجي فضنا عاد
وين اجي أكابل خلقتج التسد النفس بس تلطمين بوجه الله وعباده.
هسه خلقتي صا?ت تسد النفس الله يرحم أيام زمان عالعموم مو أهنا موضوعنا عمي سأل عنك وگلتله جاي بالطريق.
منو گايلج تحجين بمكاني يا طريق هذا يا صخام ب?أسج منو حاجي ومصخم لج شبيج أنتِ.
علي كيفك لاتغلط هو سألني وجاوبته والوقت متأخر شجاوبه والكل رجعوا حتى مجد وعمار وخو مروان ولا طلع غير قبل شوي راح يجيب حليب وحفاظات لبنته خوما مثلك مگابلي رافع.
من أنعلج وأنعل رافع وأهله وياج
قطع الخط بوجهي وطلعت رحت اجيب الجهال والصاله فارغه بس أسيل شايله سيدرا وتفتر هاا ناموا شعجب أنتِ باقيه.
أسيل اي والله الكل راحوا لغرفهم أنتظر مروان راح يجيب لسيدرا حليب ماكو حليب اهنا راح يدور الها واني هم الصوج إلى عبالي اكو قوطيه وطلعت هاي اخر قوطيه وسوده عليه دزيته بهل الليل.
أسيا بعد وكت هسه يجي
يا بعد وكت غير گلبي مثل النار صدك جهالج جود ازهار اخذتها وكرم نام يم مجد بغرفته
ماشي عيني صاعده أجيبهم
ناموا عوفيهم خطيه
لا ابوهم ما يقبل الا بمكانهم يله حبيبي تصبحين على خير
وأنتِ بالف خير گلبي.
صعدت على ازهار دگيت الباب
أتفضل
هلاو لكيتها منومتها شوكت نامت
من زمان ولج وين رحتي طولتي ردت اجيج بس التهيت ييهن وامي هم رادت تجيج أبويه صاحلها
عزا خوما حس
كولي ما حس اي شصار أحجيلي
حجيت الها
هاا خطيه شو أحس مرام متعذبه بحياتها وياه
أني هم نفس أحساسج وشي اكيد شالع گلبها يوميه أتزوج وأتزوج شتصير هم الله يساعدها
اي والله والزلم ما ينحرزون ولا ينجرعون عوذه هذا هشام شلع گلبي بس يتوسل
شبي هذا هسه هشام صا? هذا.
اسيا لاتنسين سوالفه!
سوالف أيش والله هشام عاد ما عنده سوالف رجال يحبج ويريد خاطرج وصاين حبج ويركض وراج واذا عافج فه ظروفه جانت أقوى منه ومنج خوما تردين منه يعوف أمه المريضه واخواته الما عدهن غيره
أني ما گلت يعوفهن بس مو يعوفني أني بنته شُنو نسيتي كلامه الحقير الكاله نسيتي أسيا أشوفج كمتي تدافعين اله وصرتي من جانبه.
اي أدافعله واني وياه رجال الدنيا ملطخته من كل صوب بيمن يحير بيج بأمه بأخته الأرمله بجهالها بأخواته الوكحات بعيشتهن وبمصارفيهن بكرامته اللي أهلج وأخوانج ما أحترموا لو الفقير ما اله خبزه عدكم.
. وبعدين يا حقاره تحجين عنها ششايفه أنتِ بابا شوفي أخوانج واحدهم زقنبوب مر علكم ما ينعاش وياهم نسيتي سوالف عصام وياي نسيتي سوالف مروان ويه أسيل من جانت تحجيلج شلون يضربها ويعذبها بغض النظر عن غلطها بس هي مو حيوان علمود تنضرب هالضرب ليش ما تخليني ساكته لخاطر الله مو سوالف أخوانج ما تنهضم والله ما تنهضم...
عيني على كيفج أنفجرتي عليه وعلى أخواني
مو كلامج ما ادري شلونه عن هشام
هيج مقهوره عليه.
اي والله فد كاسر خاطري وحقارة أخوج عصام وياه فلا أنساها شلون وكف وياه وصار صديقه وصاحبه العزيز بس شاف رأفع أحتل الساحه وكثرت الطلعات والكعدات وسوالف ورافع مثل النمس فد خبيث يعرف يدك بالناعم النظيف واهناك وعصام ضرب هشام دبه وخله رافع رقم الأول! دباعي الساعه وهو لحد الان يم سليمه.
عزه گومي شوفي رجلج عوفي هشام ورافع صارت بيه عقد نفسيه منهم من اسماءهم
رافع اي هشام ليش عوذه عقده برأسج.
والله مو بيدي گلبي ملجوم منه
كيفج حبيبتي شيء راجع الج هاي حياتج وأنتِ حره بقرارتج زايد ما عندي قدمتلج نصيحه وهم نفس الوقت لا تخلين الوقت يروح منج ولا تخلين الزمن يقدملج أشخاص مو كفوا تخسرين عمرج وياهم
قصدج رافع
أنتِ وفهمج يله اني أترخص عوفيها يمج خلي أشوف أبوهم وين صار الدايح السربوت اوكفي اجتي رساله من مرام.
فتحيها.
مرام أسيا حبيبتي ديري بالج على رجلج لا يتزوج عليج لان اللي يرافك رافع مصيره ياخذ مره على مرته هايته ضل ورا أخوه مظفر هم مثل عصام روحه بمرته وباجر يرحون يخطبون اله.
ازهار عزه والله ما اصدك بمظفر ولج مرته أخذها على حب عوذه شبيهم الزلم أستجلبوا? نسوانهم
أسيا أتصلت عليها وجاوبتني شلونج عيني
مرام هلا أسيا الحمدلله تمام وأنتِ شلونج
بعد كلامج شلون أكون صدمه والله منين هاي.
والله هسه جنت احجي ويه مرته زعلانه يم أهلها تگول يحبها علاقة حب بينهم وخطيه لوتشوفين حالها أمر من حالي ووراها أربع ولد وبنيه...
هذا رجلج مال أعدام
هو يزوجهم كلهم وهو أخر واحد يتزوج عود يثبتلي اني حالي من حالهم ما يدري كلهم احسن منه والقهر يكول كلهم زلم الا مروان عارهم لان طلك هناس
هو شعليه بمروان
اوف أسيا شحجيلج
جرت حسره وكامت تبجي مرام حبيبتي وياي.
وياج يله گلبي شغلت بالج بس والله اخذي بنصيحتي سحبي رجلج لا يخرب عقله لان العندي خربان من زمان.
الله يكون بعونج ومشكوره
تدللي مع السلامه.
نهيت الأتصال وازهار تباوعلي بشك شبيج
أگولج والله كلام مرام صح هذا رافع داهيه وأمثاله هواي لا يروح يخرب عقله
وأخوج شبي يخرب عقله وبكلمتين من رافع يمشي لأ والله أذا رجال وما تهزه كلمه ما يمشي بكلمة هذا وهذاك
يعني ما خايفه من كلام مرام عنهم.
لا ليش أخاف بس للامانه أخوج من صاحب رافع صاير فد مخربط يعني عليج الله باوعي الساعه أخوانج كلهم بالبيت ادري شاب أعزب مراهق لحد الأن ما راجع لبيتك، الله يعين مرام على رافع مبين شالع گلبها سمعتي صوتها تحجي ومختنكه الظاهر گلبها مفركس من سوالفه.
هذا دواه جديتي
وشتسويله اذا أهله ما كدروا اله تردين جديتج تكدرله تعاي اذا صارت وتقدملج توافقين
لا عزه من كل عقلج
وهشام
شبي
ترجعين اله
لا
ليش لا.
أسيا گتلج لأ وخلص ليش تلحين قابل ما تعرفين
هذا هو براحتج بس أخذيها مني ما تلكين مثله وهو أبو بنتج وبينكم حب قوي يعني المكابره عن حبج اله مالها داعي، يله حبي تصبحين على خي?
وأنتِ بخير حبيبي.
شلت بنتي ونزلت من يمها والكل نايمين الا العندي دايح نومتها وكرم خلي يم عمه مجد.
شفت حسابه نشط الأن گلبي نكز بالشر ردت أراسله بعدين تراجعت عفت الفون وتمددت وأخذتني النومه فزيت على صوت كلام بعصبيه كمت جريت تلفوني ب 2 ونص باوعت فراشه فارغ كمت وسمعت صوت عمي كمال ما لحكت أسمعهم وأنفتح الباب وباوعلي.
بعد بعد طلعي يم الباب شعندج خابصه الأمه العربيه عليه غيرتج يمتى تبطلينها شوكت تجنين عقل لخاطر الأسلام.
أجني عقل ششايفني خبله وأفتر بالشوراع عيب عليك كلمه والثانيه اجني عقل والله عاد اني أعقل منك صايرلي مراهق وتراهق بعمرك.
أنتِ ينرادلج تكسير حلك علمود تعرفين شلون تححين وياي بنت الگلب
تعصب وتقدم عليه طفرت الغرفه ليش تسب أبويه اي حقك تكدر تكسر حلكي لان ما عندي اب يوكفك عند حدك اللي مطلعه من الكبور وتسب بي ولك جان استحيت على نفسك تسب بالاموات.
من لسانج من لكافتج تحاجيني صلي مو رجلج عبالك الكواد مالتج.
والله اذا تضربني الم عليك أمة محمد كلها
لا يبوي خبل عاقل أمد أيدي عليج صركاعه مو مره بس يحتاجلج سلاح وبدله واوديج لجبهه تقاتلين شكو باقيه مكابلتني تهدين عليه بلسانج ريح انوثه ما بيج!
اني ريح أنوثه ما بيه اني عصام
والله گولي لنفسج
وأندك الباب
وصال عصام أسيا يمه خير شبيكم.
عصام أستلمي لميتي علينا ألامه العربيه يالاسلام وتحاجيني بالانوثه لا عود زعلي عليه زعلي أنتِ صوتج وهرجج كعد البيت كله ادري تعاركين خوما تعاركين رب الحلو امشي فتحي الباب وفهمي امي يله تحركي يله.
عفته وفتحت الباب ها عيني عمه
ولج يمه صوتكم عمج دزني عليكم فضحتونا شوفوا الساعه شكد راح تصي? ب 3
والله عمه تعاي گولي لأبنج هالحجي
عوفي الصبح النا حجي وياه وعمج هم ما قصر وياه يله يمه أتعوذي الشيطان عوفي ونامي.
باستني وطبطبت على أكتافي بحنيه وراحت قفلت الباب كعدت ىالصاله بجيت من گل گلبي خاصه من گالي بنت الگلب احس جفص عليه بهل المسبه
أسيا
ما رديت
وين صرتي أسيا
ما رديت بس أبجي ابجي واشهك ما اعرف شصارلي أنهاريت بشكل خاصه من عمتي حجت وياي صرت استحي والله وصوتي عالي شكد عيب من عمي كمال وحمويني كلهم بالبيت فرق شاسع عن قبل الواحد يكبر خوما يضل بالبدايات.
مو صارلي ساعه أصيح عليج ليش ما تجين.
ما حجيت مسحت دموعي لزمني من كتفي وفزيت عوفني وخر إيدك
عايفج كومي يله أمشي لغرفه شعندج كاعده بالصاله
ما جاوبته
گومي نامي بفراشج يله حبيبي
باوعتله وبرطمت صديت وجهي عنه مقهوره منه حيل مقهوره كسر خاطري منه تقرب باسني من?أسي ولزمني من أيدي عوفني عصام
ما عليه بيج والله بس كومي بفراشج يله
أخذني من أيدي ونمت وأبتعدت عنه وأجه تقرب بس حضني عصام وخر
ما أسويلج شيء بس نحجي وبهدوء
ما ضل شيء نحجي بي.
ليش هيج تحجين ما ضل يعني هاي هي واحنه هاي حياتنا نتعارك نتزاعل نتراضى محد اله دخل بينا لاتكبرين المشكله واعرف اني الغلطان بحقج وطوختها وقسيت بالكلام وياج بس أنتِ هم الله يسلمج لسانج متبري منج أحاجيج كلمه تردينها بعشره ما تعرفين تسكتين وصوتج عالي وتتنرين بوجهي شصير ما تكوليلي موزين تمالكت أعصابي وما ضربتج جان صارت موزينه لأن أعرفج ما تسكتين عن الأذيه حقج تأخذينه مربع من بين عيوني وهذا الشيء الاحبه بيج بس بحدود ياعيني مو كل موضو? وسالفه سويتلج مشكله شكدها شكبرها.
خلف الله عليك طلعت أني أسوي مشاكل فوك شينك كواة عينك ما تسكت لخاطر الله
مو ادفرج واشمرج من الشباك ادبسز بحضني ولسانج يهلهل عليه
ادفرني الله وأيدك وتسويها
أسيا مو عبالك مسترجله ينراد الج أعادة تدوير
أي فدوه مو اني ما عندي ريح أنوثه شكو لازك بيه
عاد جلبتي بهل الكلمه
لما بگلبك ما تحجيها اكولك شو وخر وخر امشي بفراشك لاتجيني ولا اجيك كلمن ينام لوحده.
دتعالي هالعرامه هاي بس اني أكدرلها علاجها عندي صارلج ساعه تصلين عليه بلسانج اجعله بيكسي مو مره قذيفه يشهد الله قذيفه وشلون قذيفه مال حضن وبوس وتعضض اخ ابويه شحبج.
عوفني عصام جعصني وقيدني بأيديه وكلبني وصار بوجهي وخشمه طخ بخشمي وشواربه لامست خدي صافن بوجهي وهيمان بكل حب وحنيه وعاطفه واني نزلت دمعتي وحجيت ليش تسب أبويه ليش تغلط عليه ليش عصام اني ما بيه ريحة الأنوثه لهل الدرجه مسح دموعي وباسني من خشمي وكصتي وحجه.
أعرف الأعتذر ما يطيب خاطرج مني بس شسويلج مشكلتج ما تسكتين اليه واني أعصاب ما أسيطر على أعصابي تردين أسيطر على لساني أحفظي أطباعي يا عيني من تشوفيني عصبي لاتحاجيني نتر لاتتنرين بوجهي هذا الطبع بطلي.
ما بيه ريح أنوثه مو
رب الأنوثه غير جنت أطير عيون شبيج
جذاب
اي جذاب أرتاحيتي
لما بگلبك ما حجيتها
لأن مشتاقلج هي على لساني وهم ردت أستفزج لان مقهور منج جفصاتج بگلبي هواي أسيا هواي تتنرين.
بس أنتَ متغير عن قبل هواي متغير رافع خلاك تطلع عن طريق حياتك ونظامك وكلشي بيك خربان
مو أني طفل رافع يغيرني عليكم وشنو هاي خربان شمسوي رب الحلو ترى طلعات يم ولد عمامي وبالبيت شنو الواحد ما يطلع.
لاتزعل الصراحه أنتَ صاير مثل الطفل بيد رافع ومثل ما زوج مظفر وحرفه عن مرته يحرفك عني دفرني من حضنه وصاح بيه بحيث انكلب واحد ثاني حتى خفت منه متت خوف ورعب سكن گلبي.
اني طفل مو وتردين مني أتمالك اعصابي وما اغلط عليج وانتِ كل جفصه بگلبي تنعلين اهل أهلي من الله أنعلج وانعل اللي يكابلج اني صوجي والله صوجي عبالي ادمي ماكو هيج قابليه ماكو.
شال مخدته وركع الباب وراح بالصاله ينام لوحده بعد احسن بس عتابك عتاب حق وعتابي باطل دروح.
لصبح بقيت نايمه عناد بي ما سألت ولا أهتميت لا اله ولا لجهاله بس مخليه اذاني يمهم وحركاتهم وشنو يحجون الافندي الاب الحنون كاعد يحاسب كرم ليش ما نايم بغرفتك والله يحقلك أبو?أس.
عصام بلغتك أمك من رحت نمت يم عمك
كرم لا ما بلغتها
ليش
هي جانت تخابر بيك علمود تجي لان جدو بس يسأل عليك وانت ما تجي
خوش صاير لوتي هاي لواته منين متعلمه بابا
منك
كرم
أسف بابا
اخر مره هيج تحجي بهذا الأسلوب
اي.
أمشي غير ملابسك وادخل فرش أسنانك
أنت تفرشلي
لا اليوم أنت تفرشهن كبرت كافي لازم تعتمد على نفسك بعد
بس امي هي تفرشلي تكول ما تنظفهن زين وتفرشهن مرتين
فضني عاد امشي غير ملابسك وتعال
هسه و جود
هسه كمل نفسك ما عليك بأختك
أسيا رفعت?أسي شفته مخلي جود بالكاع وينزع الها ملابسها وهي تضحك خربانه ضحك عليه.
عصام تضحك البربوك عليمن طالعه وجهج يضحك من الصبح الحمدلله والشكر ما طالعه على أمج وجه يلطم خير شر بس گلبي متحملها لج اوكفي هاي شلون طلابه عمي الله يعينج اسيا.
أسيا كملها واندار رجعت نمت يبوه بس لا حس عليه اسمعه يحجي على كرم فديت الانضباطي
عصام شُنو هالخربطه ليش مكوم ملابسك بالكاع
كرم ادور على ملابسي.
شدور مو كدامك اهنا مرتبتهن امك كل ملبس بمكان ولك كم مره امك علمتك ملابسك تضل مرتبه ليش هيج نثرتهم بالكاع يله هسه كلهن تصفطهن وترتبهن مثل ما جاننن وكدامي وهاي كعده عالكرسي
بابا هواي
ماكو يله
بابا
كرم يله بابا بدون عناد رتبهن وكدامي جود تعاي يمي لج تعاي بجامتج بالمكلوبي حظ المصخم تعاي العلامه ليكدام صايره لا انجزنا خوش انجاز
بابا خليهن امي ترتبهن
خوش متعمد على أمك لا شو أنت ترتبتهن كدامي.
جود بابا شنو هالخيسه بس لا سويتها لا هيج هواي عليه امشي كعدلي أمك خل هي تبتلش بيكم امشي
بس هي نايمه
نايمه كعدها بس على كيفك لا تفز كعدهه من ظهرها مو من وجهه تصرعها لان بيها فزه يله
أسيا اجاني من كتفي على كيف يكعد بيه فتحت عيني هاا حبيبي
كرم صباح الخير ماما
أسيا صباح النور اليوم صاير مثقف ابن مثقف تصبح عليه منو معلمك
تعاي علينا هذا ابويه كلشي ما يعرف وجود سوتها على نفسها ريحتها تكتل.
ادخل الحمام هسه اجي راح كمت شلت شعري وادردم حقه ابوكم كلشي ما يعرف هو ناسي كلشي شيعرف بس يعرف رافع ابو النسوان مشيت وصار بوجهي هو وجهه طبيعي بس اني معصبه عبرته وضربته بكتفه بحقد بحيث جسمي تشنج والتفت وهو ما اهتز من مكانه مشيت ولاحظت نفسي لابسه ثوب قصير ورجليه طالعات فضاحه هسه يكول تسويلي أغراءات وهو سافل رجلي وادري بي.
لبسي شيء فوك ملابسج كدام ك?م.
ترى نسيت ما جاوبني مشيت نفضت الروب ولبسته وشلت جود دخلت وراه كرم وسبحتهم اثنيهم وصحت عصام مناشفهم.
شتسوين بيهن
اجفنك بيهن شسوي بيهن قابل سبحت الجهال
من الصبح مسبحتهم شكو شعندج.
هسه تجيبهن لو تلقي نشرة الشرقيه
والله مال اسويج خبر وابثج على الشرقيه على هذا لسانج.
يمعود المناشف شوي وفتح الباب راد يشمرهن بوجهي بس كدام كرم ضبط نفسه وابتسم وكال
هاج المناشف حبيبتي نشفي جسمهم زين لايبردون.
أي طلع وكملتهم وطلعنا لكيته كاعد كعدت بالكاع كرم ابقى ملفوف بمنشفتك لما أكمل أختك
تعال عليه ألبسك ملابسك
راح وساعدني بيهم كرم خلي عطر جيبلي حفاظة أختك كرم رش عطر وطفر على عمامه وهو ضل مكابلني
تردين حفاظه لو تكومين تجيبنها
لا اني اكوم اجيبها عندي رجلين الحمدلله والشكر
خفت هالشكل.
ما جاوبته لان واضح يتحارش بيه بس مو أني الأنسى ادري بي گلبه طيب بس ينام ينسى بس اني صعبه عليه وبالأخص المسبه تكرظ بگلبي لان عدهم الكلام سهل ينكال وصعب عدهم ينسمع.
وأسبو? مر هو ما راح الدوام ولا تنازل ولا تبادر بالصلح ومن شاف موقفي هو هم خشن موقفه وصار صارم وقاسي بزعله...
. وإثنينا ما تنازلنا لبعض وماشيه حياتنا بالزعل ونتر والصياح والمغثه بس مو كدام العيال مبينين حياتنا طبيعيه وماكو إثنين مثلنا عشاق وبلابل الحُب ما شاء الله علينا وبالواقع وخلف الكواليس بجلاقيق والدفرات أبجي طين ركع بوكسيات وصايره بالنعل وكم مره حضني من كتفي بحجة كرم ما يعرف احنه متزاعلين بس يكذب ادري بي ملهوف وطاك گلبه عليه واني هم ليش الكذب مفركس گلبي على ريحة عطره وحنيته الأحبها ومن يلبس العسكري يرعط رعط بس لأ أصبر نفسي وما أتنازل علمود يجر عدل ويعوفلي رافع ويتوب من لسانه والغلط والمسبه.
طلعت من الحمام وهو واكف كدام المرايا يمشط شواربه ومصغر عيونه ومسوي حركه لسانه تحت لحم خده عنده هاي الحركه تسحر يعرفني أذوب بيها ويه تصغيرة عيونه ونظراته مليانه سخافه وخباثه وأغراء كلهن بنظره وحده.
نفضت أفكاري لان لكيت نفسي سارحه بي وهو مستمع بإشتياقي وبذوباني وعذابي نزلت عيني ومشيت وفتحت الكنتور وبالجامه شفته يباوعلي وعلى وجه أبتسامه خفيفه وعيونه على خصري نزولاً لرجليه حسيت بي يريد يتقدم وأندك الباب گلبي فز شمر المشط بعصبيه وحجه بصوت هادىء وبي بحه مليانه ذوبان مليانه.
عصام أجيت.
أسيا مشه ورجع أندارلي وغمزلي السخيف شوف الباب.
راجعلج ما تنهزمين مني والله لو اعرف أذبحلج رافع قربان وصدقه لخصرج بنت الأوادم.
ما جاوبته وهو طلع أنتظرته ماكو مديت?أسي عصام عصومي وينك خرب شبيه ما صدكت والثكل والزعل والكرامه صار أسبوع حاصرتها شلت ثوبي ومديت?أسي من باب الصاله مقفول عصومي وينك
ازهار عصومي وينك وجع صوتج فضحتينا
أسيا هاي أنتِ مدت?اسها وشافتني وضحكت
خرب بعقلك مجد الظاهر مخرب عليكم اللحظه
ليش شگو.
أجتماع عائلي سري ل سيادة الوالد واولاده الأربع
لبسي وتعاي كُلنا كاعدين أني وأمي وأسيل والجهال
ها هيج السالفه وشُنو هذا الأجتماع ما عرفتي
يخص مجد يريد من بنات عمي داوود
ها العاقل السكوتي ومنو هاي
شهد
عيني اي شگو بيها يله أغير ملابسي وأجيكم
يله اني رايحه قبلج.
ماشي راحت ورجعت لبست ورتبت شكلي وطلعت لكيتهن كاعدات وهما بعدهم والله عمي خوش مسوي فيلق علينا شتكولين عمه
وصال صاكرينه.
أسيا ضحكنا الله راح يصير عدنا عرس وانفتح الباب طلعوا وصا? النقاش وباوعلي كأنما يتحداني بنظراته عود لأن ما احب?افع عباله ما أحب أخته لو راح أعارض واني شعليه بالعكس مجد ولد ورده وحباب وأخلاقه مثل المسك يستاهل كل الخير.
وصدمنا بكلام?افع وعمي كمال أنتفض وكام يحجي بعصبيه وحجه
كمال بكيفه يحجي هذا وأزهار شگو وهو مو متزوج والله هذا أبن عمكم فلا يصي? أدمي ولا يلحك الأوادم لا والله.
مروان والله الصوج الكم شگو مكبرين?أسه ومتصلين عليه وتبلغونه وهو شنو خو نروح گبل على عمي داوود ونطلبها منه وفضت.
عصام شُنوْ هو شگو غير أخوها الجبير ولازم يكون عنده علم شبيك أنت
وأذا أخوها الجبير حشى الحاضرين فد قندره مثلاً ترى مو هو المسؤول عنها ولا هو ولي أمرها عمي عايش هو الوالي عنها ومحد يحجي كلمه بوجوده هاي زايده منك رحت خابرته ونفخته علينا وكام يزبل بكلامه
مروان أحترم نفسك لاتكوم تجفص بكلامك.
لا أجفص بكلامي خوش
كمال شو نسيتوا اني واكف شنو هالحجي بينكم
مروان يابه فدوه لعينك وأبوس?أسك أطلع منها أخوان بينا نتذابح نتلاغى عسى ما تصير بالنعل حشى حضورك بس عندي حجايتين يطگن بعلومي اريد احجيهن لابو كرم اللي مسويلي?أفع نبي المنزل ومحد نفخه علينا وكام يحاجينا معلك غيرك.
عصام شُنوْ هالحجي جديده هالنبره مروان يابه احجي خل نسمعك احجي منو لازمك.
اي احجي ليش لا لعد شُنوْ يگول ما الكم مره عندي الا نتبادل الدم احد گاله ازهار لعبه أساوم عليها لو تنطوني لو ما انطي بس رافع مو أدمي والصوج منك شگو رحت تخابره بالليل نجمع عمامي كلهم ونروح مشيه ونطلب شهد لمجد أبن عمها وبنت عمه وسالفه ازهار ما ينحجي بيها.
وأنت ليش محروك دمك.
كمال گافي ومروان أبني شُنوْ هالحجي أبن عمك عيب بابا ونروحلهم ويصير خير يله كافي لغوه وكلام ثاني ما اريد بينكم وهاي اخر مره أشوفكم واحد يحاجي الثاني هيج فاهمين.
أسيا سگتوا بس عصام ومروان واحد يباوع الثاني
عمار هسه وتالي شوكت نروح بالليل باجر.
عصام أصبر خل نشوفهم بالأول
مروان هم گال نشوفهم
كمال مروان عصام كافي عاد بلغ ولد عمك بالليل نروحلهم.
عصام ماشي.
أسيا طلع وكعدوا ومروان اخذ بنته من حضن أسيل يبوس بيها ومجد ضاج وعمتي تبوس بي لان مبين عليه حيل ضايج مر وقت ولاحظت ازهار ماكو غمزت ل أسيل ازهار وينها لعد
أسيل كامت من زمان ما شفتيها من صا? الكلام أخذت غزل وصعدت.
أسيا أها وتذكرت هشام خطيه المسكين ماطول دخل رافع عالخط وعصام بظهره يأخذها من حلك السبع على صيت أبن عمها وعمك خالك وتصي? اله.
لا اني لازم أتدخل! وأمنع هالزواج شنو ذنب هالطفله تشتت مره ثانيه وترجع تتنكس صحتها وتتدمر وتضيع حالها من حال أمها اللي راكضتلي ورى كبريائها مسويتلي بيها كرامه وهي بس ينذكر أسم هشام گلبها يكوم يرجف.
أنسحبت أنسحاب تكتكياً وصعدت الها دگيت الباب
أزهار أدخل
أسيا لكيتها مخليه غزل بحضنها وتبجي مسحت دموعها ها يروحي شفتي رافع الحقير شسوه.
أزهار أي
وأنتِ شُنوْ?أيج بكلامه.
أسيا عوفيني فدوه حابه أبقى لوحدي واني وين وصخام وين حايره بمرض بنتي ما صدكت على الله وضعها النفسي تحسن وهذا يريد تبادل دم ادري شعندي يوميه متزوجه شهل لعبان النفس هذا
أرجعي ل هشام وأخلصي من?افع وغيره.
ما تسكتين أنتِ الثانيه هشام هو منو وصلنا لهل الحال غير هشام رجاءاً لاتحاجيني بموضو? هشام بعد نهائي أسمه ما أريد أسسمعه.
أيباه زمان? هالكلام نسينا ولج نسينا.
لا ما نسيت ما نسيت بس گلبي محترك منه ولو يموت ما أرجعله هسه صاريلي حنين والعاشق الولهان أزهار أرجعيلي.
ضلي ضلي بعنادج وكبريائج لما تخسرين بنتج عود خل يفيدج
أي
ما جاوبتها باوعت لغزل ولاحظت من أمها تتعصب وتنفعل الطفله تكوم ترجف وتخاف وتعتكف بنفسها كسرت خاطري وازهار لاحظتني ولمتها بحضنها وتبوس بيها.
طلعت من غرفتها ونزلت ما أنقهرت من ازهار لأن أعرفها أنفعاليه بس أنقهرت على غزل ووضعها هاي اذا تضل هيج تضيع بين الرجلين وتموت والله محد يفكر بيها كلمن حاير يفرض كلامه وقرارته? الثاني
لكيتهم كاعدين وعصام باوعلي كعدت بصف عمتي ها عمه شصار ما صا? يرحون لا.
وصال اي يرحون
أسيا ها گلت ها ولكيت عصام يباوعلي وأجه مروان مزعوج.
مروان يعني هسه تأجلت.
عمار حسب ما فهمنا أي تأجلت بس يمتى ما معلوم الاوك يم سيادة الوالد وأبو گ?م
مروان خير أن شاء الله يله لعد دام هيج السالفه صار بيها تمطمط وتجرجر وناس تنفخ ناس لا عرسنا
من دبش يابه كومن صبلنا عشه خل نسد جوعتنا نسلكنا سلك من الجو? من ورى مجد أبو الامجاد المخلده ورافع ابو الدكات المشرفه.
عمار لا ادوس زايد ترى ساكت على أعصابه أسكت يمعود لا يكوم النا.
أسيا ضحك وتطبطب على اكتاف عمار وأسيل راحت المطبخ وعمتي لحكتها تساعدها بالعشه
مروان أم الحكم أندومي عيني كثريلنا فد صينيه معدله من أيدج الحلوه بس فلفل لاتخلين لان الجو حار يصمط أحنه بدون شيء مصموطين.
عمار أي والله عاد ام الحكم بهاي معدله وياج عائله الأندومي وانضم وياكم نفر من عشاق الاندومي.
أسيل من عيني تدللوا دقايق ويكمل.
أسيا يحجون ويضحكون وهو ساكت باوعلي لكاني صافنه عليه رجع باوع لفوك اكيد ينتظر اخته تنزل وين تنزل اذا أخوها محضرلها عريس وهي بنتها مريضه.
فرشوا السفره كمت ساعدتهن وصبينا العشه وأجه كرم كعد بينا واجه عمي وازهار هم نزلت خطيه حسيتها مستحيه كعدت وبنتها بحضنها ما اكلت بس حاضنه امها من ركبتها.
غزل بابا بابا.
أسيا الكل باوعوا وانب وجعت گلبي بهل الكلمه فد أنقهرت عليها شالتها وعافت اللكمه من أيدها وصعدت ورجعوا كملوا الأكل وخلصوا عمتي صبت الجاي وأخذتلهم ومجد أخذ من أيدها وزع الهم.
واسيل بعد ما خليناها تكوم خطيه ثكلانه وحملها متعبها بطنها جبيره وجاي تتعب منا دوام منا سيدرا وهم طفله صغيره تريد عنايه وأهتمام على الرغم عمتي وصال ما مقصره وهي اساساً الطفله تعودت ما تستغرب من عمتي من اسيل تروح لدوام تضل يمها وتنام يمها بس أسيل ما ترضى الا يمها وأحسها هي متعلقه بيها تحبها مثل ما تحب مروان نفس الحب والمكانه لو بنتها مخلوقه من روحها ما تحبها هيج محبه وحنيه عليها.
والكل ملاحظين حب اسيل ل سيدرا حب حنون
مو بس اني لدرجه ما تخليها بكاع أبداً لو بحضن عمتي لو بحضن مروان لو عمي لو الولد حنينه عليها بشكل وعمتي وصال تكول اسيل ما شافت حنيه من أمها راح تنطي حنيه مضاعفه لسيدرا محد منطي حنيه لبنته مثلها وخطيه هاي هم أنظلمت بحياتها أمر من أزهار الله يسعدهن.
كملت المواعين نزعت الصدريه وأنداريت لكيته يشرب ماي من البراد نشفت ايدي وذبيت شالي لفيت شعري زين وهو واكف هسه يكول تتحرش
بيه ادري بي مشتاق وطاگ گلبه عليه.
خلصت لكيته يشرب ماي على كيف وصافن عليه وعلى حركات أيدي حجه بهدوء
عصام خلصتي شغلج
أسيا أي بس أشرب چاي.
موزين يسوي نقص حديد
ها
أمشي يله
وين
أشوف طولج
شبي طولي مو گبالك شوفه الا أمشي
لا أريد أخذ قياسات
شتسوي بيها
مو أصير سخيف
علي أساس أنتَ مو سخيف يمه منك.
يله لا تتأخرين
ولا تتأمر ترى بعدنا متزاعلين
أحنا ماكو بينا زعل هذا زعل حبايب
خوش حبايب
زبده تمو? على گلبي دحركي بنت الحلو
ها اليوم بنت الحلو
أي ست الحسن عاجبج
دخلت علينا أسيل وهو مشه وغمزلي عود لحكيني اني اعلمك الا اشعوطك
ألجاي بعده حار أصبلج
اي صبيلي أكولج ازهار ما نزلت بعد
لا والله هسه كلت من نصعد أمرلها أشوفها هي وبنتها خطيه كاسرات خاطري والله لو ترجع لهشام.
الله كريم مشكوره عيني اخذت والكوب وهما گبالي كاعدين أستحيت اروحله عيب شسالفه ما ضلت مستحى كعدت بصف عمتي كرم وين الموبايل
مالتي مو عندك أيبادك شكو ملاحگني عليه اخذته ولكيت رساله منه.
عصام مشتاقلج
أسيا ردت أكتب اله واني هم تالي تراجعت شخصيتي الثانيه منعتني وكتبت اله شعندك كاعد بالغرفه لوحدك تعال أهنا كلهم كاعدين والكعده من دونك ما تحلى ّ
الله يحلي أيامج بس عندي شغل.
ها لعد كمل شغلك دزلي صوره ل ملفات والهوسه خبيث عود خاف عبالج أنتظرج.
عفت التلفون لان عمي كاعد ويحجون هو وعمار ومروان على شغل المعرض ومجد نايم على رجلين عمتي وتلعب بشعراته وتحجي وتضحك وياه
وصال هسه تجي شهوده وتأخذك مني
مجد محد يأخذني منج
الله يسعدك يمه
واذا ما انطوها يمه شلون
الله كريم يمه تفائلوا بالخير تجدوهُ لاتشائم أبني.
طولت التعلوله ومروان واسيل صعدوا وكرم نام بحضن عمي تقدم أريد أشيله ما قبل.
كمال عوفي عمي خل أبوه بجي يشيله
أسيا ماشي عيني عمي يله تصبحون على خير
كمال ووصال وأنتِ بالف خير.
أسيا شلت جود ودخلت لكيته نايم بملابسه والهوسه كابه لستار نومتها وكعدته عصام عصام كوم
عصام شگو
أسيا كرم بحضن عمي نايم كوم جيبه ينام بغرفته
ما تجيبنه أنتِ شبيج
ما بيه وعمي ما قبل كال خل عصام يجي يشيله
يخاف عليج يعني
اي طبعاً عمي فدوه لعينه حنين خوما مثلك.
لا يبوي وما شاءالله علاقتج أنتِ وعمج دهن ودبس بس ويه عصام سم وزقنبوت عبالك ابن ضرتج
أبن ضرتج شُنوْ! جديده هاي
شبيج أنفعلتي ريلاكس حبيبي
علي شُنوْ أنفعل محد يستاهل
لا گولي
قطع كلامه كمل ليش سگتت
لا هيج اروح اجيب كرم
راح وجاب كرم دخله لغرفته وتلفونه يرن باوعت المتصل رافع رفضته وشافني سحبه مني.
ليش رفضتي شعليج أنتِ
وشعنده متصل بهل الوقت ما يكول الناس نايمه
وين نايمه مو كاعدين أنتِ مال نوم أنتِ.
ليش شبيه مو مال نوم شو صاير تحجي تجريح ملاحظ نفسك صاير عقرب كلامك كله سماني
لا ما ملاحظ هاي أنتِ شديدة الملاحظه يله سكتي عندي أتصال اخذي وقت أستراحي ورانا شغل يحتاج منج طاقه.
ماكو والله
لا أكو
تقرب أخذ شفايفي بقوه حاولت أقاومه وأصده بأيده ما كدرت خرب بيومي بسرعه اضعفله أستمر لمده خمس دقائق تقريباً وأبتعد وباو? التلفون وين
هسه حبيبي بس أكمل هالأتصال وأجيج
أهو أكيد رافع منو غيره
أسيا كافي هواي لحيتي.
عافني واتصل ويحجي هو وياه وصدمني من گاله
عصام هاي هي يصير خير
أسيا أنتهى الاتصال شنو هاي هي يصير خير
عصام لا تتدخلين
لا أتدخل وأمنع هالزواج هم كافي عاد بطل هالمهزله ترى ما صايره ادلل بأختك ل رافع بس تريد تزوجها اله تقدم ضربني راجدي ولزمني من شعري بقوه
لج شُنوْ أدلل بإختي أنتِ واعيه على نفسج شتخربطين بكلامج شو صايره زماله وتجفصين بجحايتج هاا جلدج كويان صاير نعال لاستيك
لان حجيت الحق.
يا حق هذا تحجين بي ومنو رايد منج تحجين وتتدخلين بصفتج منو كافي عليج زوجة اخوها وأكعدي وانجبي وأهتمي بيتج وجهالج لغوه زايده
ما اريد اسمع منج اكسر?اسج والله اذا سمعتلج صوت لو عرفت بيج مدخله خشمج بموضو? ما الج دخل لا من قريب ولا من بعيد اعدمج اسيا أعدمج
دفعني وطلع لزمت شعري جذوره كلها توجعني خرب شال فروه شعري يمه?أسي مو أيد عملاق.
ضليت كاعده وهو ماكو كمت طلعت برى باوعت الأضويه طافيه هذا وين ولى والله صاير فد واحد سربوت اني اعلمك الا اقفل الباب أشوفك وين تنام
قفلته ورجعت حتى ولا راسلته وبهل الأثناء ازهار راستلني
ازهار ولج غزل فد مره صارت بس تبجي
أسيا خطيه شبيها
ما أعرف هيج فجأه صارلها فتره شلونها مثل الساعه
والله علاجها بيدج بس أنتِ خشم
ما تسكتين صوجي راسلتج هم رجعتيلي على هشام.
لعد طفله شنو ذنبها لاتفكرين بنفسج فكري بنتج لمي شملها ويه ابوها بجو عائلي بدفو وحنيه ما جاوبتني ابقي هيج ابقي لما أخوج يزوجج لرافع تعصبت وحيل ضجت منها
. بدون تفكير دخلت دورت على حساب هشام كتبت اله السلام عليكم أبو غزل أسفه راسلتك بهيج وقت بس الأمر مستعجل وضروري ويخص بنتك غزل
رسلتها اله وتم التسليم.
. مرت دقايق وجاوبني.
هشام هلا أم كرم وعليكم السلام خير خويه قلقتيني بنتي غزل شبيها خوما رجعت تخربطت شفت رسالتج وهسه أتصل على أزهار ما أحصل رقمها يمكن حاظرتني رحمه لابوج طمنيني عنها
أسيا والله ما أعرف شگولك هي طفله صح رجعت أنتكست صحتها وتبجي نفسيتها تتحسن فتره وترجع نفس الأول والصراحه الطفله تحتاج جو عائلي واني لخاطرها اجيت وراسلتك وأبلغك بموضوع ولازم تتدخل وتمنعه
يا موضو? شصاير احجيلي خويه.
?افع طلب أيد ازهار لزواج واذا تريدها أمنع هالزواج.
والله عرفت وابو كرم كسر بيه حتى على اتصالاتي كام ما يجاوبني عرفت رافع اولى وافرض مني.
والله يا أخويه الفقير ما اله خبزه وإذا إلك نصيب ازهار الك ما تصير لغيرك وروح على مروان هو يرجعها الك.
مروان أخوه عصام
روح على مروان واطمئن وان شاءالله خير
ماشي خيتي رحمه الله والديج ما قصرتي.
والديك مع السلامه
في أمان الله.
انتهى المحادثه ونعست وعفت التلفون عالشحن وكمت غيرت ملابسي باوعت خدي احمر عوذه ضرب مال عدو والله شكد مكروه.
انتظرته ما اجه تالي نمت هذا مو مال واحد يقدره وينتظره لفيت?أسي ونمت وكعدت الصبح هو ماكو وسواه ونام برة والله أكلبها على?أسك نجف يا عصام اذا ما شربت من دمك طلعت من الغرفه عصبيه وادردم وعثرت وكعت على وجهي وصرخت بخوف يمه.
عصام مردتي أحشائي غضب على يومج دب والله دب.
أسيا عوذه هذا أنتَ.
أمشي ولي منا شعندج كاعده من الصبح بس تنكزين مثل القرد.
انكز عليك وبعدين شعندك نايم أهنا مو عندك غرفه
عايفها الج امشي انحمي بفراشج يله
مشيت وجفصت على رجله بقوه ودفرني ردت اوكع بس تمالكت نفسي عباله كل شوي اوكع بحضنه يريدها من الله، عفته ورجعت كملت نومتي وكعدت الوقت متأخر وهو ماكو وبلشت الروتين المعتاد بلشت بالجهال الغرفه غسل وتنظيف.
كملت تنظيف وهو كاعد بالصاله يشتغل وجود يمه تلعب كامت تبجي وهو حضرته أنزعج.
عصام تعاي أخذيها
أسيا وهو يشتغل حجه والحواجب صايره عكده تقربت شلتها وطلعت لكيت أسيل مخليه سيدرا بحضنها وكاعده هي وبطنها هاا بطه
أسيل هلا عيني شبيها جود تبجي خاف جوعانه
أسيا لا تنحست يمكن تريد تنام
أسيل احنه عكس عيني عاقلين وحبابين ما تعبني من تنام فد هادئه فدوه أروحلها حبيبتي عيني البنات
أسيا الحمدلله خطيه ما تعبتج أبداً.
أسيل أسيا عليج الله مو تشبه مروان
أنتِ لان تشبه مروان تحبينها
لا عوذه والله أحبها وطفله شنو ذنبها خطيه
الله يحفظكم حبيبي أتشاقه وياج والله
ادري بيج صدك ما سمعتي
شنو شصاير جنت نايمه
راح يرحون حسب ما فهمت من مروان ورى الظهر المشيه بلغوا كل عمامي وولد عمامي
وازهار هم حجوا بموضوعها بعد
لا محد جاب طاريها ساكتين
خير أن شاءالله عفتها وعمتي ما شفتها يمكن صعدت الها لان هي مأخذه أجازه علمود بنتها.
رجعت عليه لكيته يحجي أتصال ومبين رافع منو غيره شويه وسمعنا صوت مروان يصيح خير ان شاء الله شگو يا ساتر
مروان عصام عصام
عصام هذا شبي صوت الكح
أسيا أخوك يصيحلك اطلع شوفه
ترة ادري أخوي أسلوبج هذا ماله داعي
شكد مستفزز طلع وطلعت وراه ومروان صاي? نار وعمي كان ما موجود بس مجد وعمار وعمتي نزلت من يم ازهار كوه تمشي مفاصلها توجعها خطيه.
عصام شگو تصيح شگو هارج البيت بصوتك.
مروان شُنوْ هالحجي من رافع أفندي أخوانها ما موجودين ولما ينجمعون شو هذا بكيفه يمسلت شُنوْ احنه غرب وعمامي متحضرين ويخابرهم رافع لاتجون هسه تأجلت! شُنوْ نمشي على كيفه على كلامه ومو عبالك أستجلب وجلبتوا علينا شنو هالتصرفات مال مزعطه وقلة أحترامات لعمامي وألأوادم الكبار لعد زلم معلگه والها هيبتها ومتحضرين وتالي يجي أتصال من رافع لاتجون والله فد مهزله فلا صايره بالتأريخ.
عصام يا مهزله تحجي عنها رجال وخابر وبلغكم يابه أخوانها ما موجودين كلهم عدهم دوامات والتزامات وبعدين المشيه على أختهم غير كلهم يحضرون خوما بس عمي داوود.
لا الله هاي أعذار وفلا أصدك بي
ولاتصدك عاجبك تروح روح ما عاجبك لاتضل تلغي وعمامي وصار عدهم خبر ماله داعي هالكلام عيب أستحي شويه.
عمار هسه المشيه شوكت ما فهمنا منكم كلشي.
مروان الباشا رافع يگول باجر بعد منا لليل شيغير شيلعب بينا لعب مخططات قسم بالله مخططات
أسيا عصام عافهم وطلع وعمتي هزت?أسها ما حجت خلص اليوم مروان ما مرتضي على هالمهزله وعصام ساكت ومن طرف?افع بعده على نفس موقفه ما تغير.
الثاني يوم، يوم المشيه اذا ما رافع لعب لعبه وغير الموعد غير هالمره مروان يروحلهم بيكسي.
كاعدين بالمطبخ اني واسيل وجهالنا ونطعم بيهم وهما متحضرين يردون يرحون وعمتي هم على أساس تروح واني هم وياها جنتها الجبيره وكل شوي برأي ما ثبتنا بعدنا وهم بعدهم ما جاهزين العريس هو وعمار فوك أنتِ هم تروحين لا
أسيل لا وين اروح أني وبطني اروح أتولد عليهم وبعدين يمكن حتى مروان ما يروح
ليش شعجب ما يروح
والله ما أعرف ما سألته
خير يارب ونزلت ازهار حسيت بيها وجهه ثكيل مني عبرتني وخلت الدله عالنار شگو شبيج.
ازهار ما بيه شيء.
أسيا ها براحتج غزل شلون صارت
بنتر زينه
دوم يارب سوت كهوه وراحت الصاله يم عمتي
وأسيل باوعتلي
هاي شبيها طابكات عدها
علمي علمج الله يهدي النفوس
شويه وأجه كرم هاا
كرم ماما تعاي بابا يصيحلج
أسيا أي اجيت
كرم ماما ترى بابا عصبي اجي وياج
اي فدوه وشتسويلي
أصير بظهرج.
لا حبيبي أبوك ما يعصب عليه ضل يم عمتك أسيل هسه ارجع وعينك على اختك خل اشوفه شيريد مني عفتهم ومشيت دخلت لكيته شايل تلفوني ويفر بي بقلة صبر!
وهو شافني وصفن بوجهي خير داز عليه شتريد
كل الخير سدي الباب وتعاي وراي الغرفه عدنا حساب نصفي
لحظه يا حساب شگو
سدي الباب وكلمه فوك كلمتي ما تنحجي
ليش يابه
بصياح أسيا
أي أي على كيفك هسه شگو مو متحضرين تردون ترحون المشيه اني شگو تصيح عليه
تعاي وتعرفين شگو بصياح يله.
خرب تصركعت يمه گلبي هسه تكدر تعيط بصوت انصه خلايا جسمي انرعبت والله قفلت الباب الخارجي ومشيت كدامه وقفل الباب.
تحبين تعرفين بالكلام لو بالمشاهده كيفج اشرحلج بلساني بكل ممنونيه عادي عندي.
هو شگوو فتح تلفوني وقرب الشاشه بوجهي!