رواية بين قلبها وعينيها كبرياء للكاتبة شمس العراقية الفصل السابع والسبعون
أسيا باوعت وشفت المحادثات بيني وبين هشام رجعت باوعتله لكيت صافن بوجهي منتظرني.
عصام أسيا شُنوْ هاي المراسلات!
اظن قريتها وعرفتها شُنوْ ليش تسألني
ليش اسأل حلو والله
ضغط على الموبايل بأيده بقوه ويفتر بالغرفه ضرب بيها جوله لان واضح أعصابه فايره صار الميز التواليت كدامه طشر كلشي بالكاع ونثر الكزاز غمضت عيني بقوه وتقرب لزمني من شعري بقوه.
شسويلج هسه گوليلي شسويلج أضربج أطلع اني موخوش أدمي ورجال أيده والضرب أسبج والعنج وأبرد گلبي بدون ما أضربج تمديلي لسانج متر ما تكوليلي شسويلج يعني اني من حجيت وصخمت وجهي بوجهج وكلتلج لاتتدخلين بمشاكل أختي لا من بعيد ولا من قريب وتدخلتي ولا مراسله بعد والكلام الحاجينه هوايه وهاي مو أول مره وكل مره توكعين بإيدي واضرب وامنع ترجعين تعيدين الغلط ليش ما تخافين مني مو ما شايفتني رجال يكظبج الباب مو.
لزمت أيده ما سويت شيء غلط عوف شعري وخل أحجيلك واذا اني غلطانه اني اجيبلك خيزرانه وأضربني بيها.
لج شتحجين ولج شتحجين كلشي واضح مثل الشمس شفت بعيني صلافتج محد گالي لا والقهر گايلته روح على مروان ليش وعصام شبي مو كفوا ما تارس عينج اي يابه أنتِ اذا خوف ما تخافين منه تعترفين بيه ولج حتى المحادثه ما حاذفتها ومبقيتها بتلفونج مفتخره بانجازتج كدامي خاتون وتعال عصام أقرا وأسكت مو هذا التردين توصيلنه اليه.
عوف شعري وأحجيلك عاف شعري وفرك بوجه سريع بقله صبر وأنفاسه عاليه ليش الكذب خفت عليه ينجلط لازم گلبه وصدره مثل المختنك عصام
سم اليسمج ويسم عصام وياج
ركضت وأيديه يرجفون صبيتله كلاص ماي وانطيته اله شربه كله اكعد ارتاح
أسيا وخري عن وجهي.
ما سويت شيء يخليك تضوج مني والمراسله وشفتها بعينك والكلام كله عن أختك وبنتها واني أكثر وحده تريد مصلحتها ومصلحة بنتها إلى أنتوا مو مفكرين بيها بس تردون تزوجونها الياهو جان وهي ساكته وما راحت الا على هالطفله المسكينه
وشعليج أنتِ شعليج منو رايد منج تتدخلين وتصيرين حنينه عالكل احنه أخوانها وخوال البنيه نحير بيها ليش حاشره خشمج بالمشاكل.
ليش شعليه تعال گولي ليش شعليه اني حالي من حالكم ليش مو من حقي أنطي رأي بهل البيت لو شايفني مزهريه وجودي يقتصر بس للخدامه اسيا طبخي ونظفي واكوي وربي اطفالي هذا وجودي بهذت البيت كلمه والثانيه شعليج ولا تتدخلين
أي لا تتدخلين عليج بنفسج واطفالج وبس مشاكل أختي وأخواني ما الج دخل بيها لا ازهار ولا اسيل ولا كأن من يكن وهذا الكلام كايله قبل واكوله هسه وتسمعينه وتسكتين.
لا عاد لهنا وحدك واسكت من اشوفكم تفكرون بأختكم صح مو عمي ساحب نفسه وانتوا بكيفكم تقررون تزوجون وتطلگون وأختكم لا كلام ولا رأي وبشاهين سگتنا وتالي رجعت طفله مريضه ومليانه عقد نفسيه وصارلك أشه? تركض بيها أنت وامها من مركز لمركز هاا أشسويتوا كولي أشسويتوا ولا واحد منكم فكر بيها وكال خل نجمعها بإبوها ونلم شملها ونوفرها جو أسري اللي اكثر شيء هي بحاجته ولأتنسى أبوها جزء من علاجها اني أم وحاسه وگلبي يوجعني عليها وحالها من حال أطفالي وفكرت بيها ولمصلحتها سويت هالشيء والأ ازهار تكدر ادبر نفسها وتعيش عدها وظيفتها وأنتوا بظهرها باجر عكبه تكبر غزل وتزوج قابل تضل مكابلتك ومكابلتني لو تكتفي بوظيفتها هذا حق وما بيها شيء تكمل حياتها بس هالطفله شُنوْ ذنبها تعيش بالنقص وضايعه بين امها وأبوها.
أنتِ دگج ومدگوج هشام وأزهار ما تريد ترجعله بكثر ما أنتِ تردين هشام يرجعلها ومشكله عالخط بينهم وصايره كواده بين أزهار وهشام مشتغلتي خط كواده علني أرضى ما أرضى هذا هو هذا العندج
لا خوف ولا مستحى مني صلافتج بالنسوان عبرتيها
تقربت عليه كثر الله خيرك واذا تشوف مراسلتي ويه هشام علمود طفله مريضه ضاعت بين الكل كواده! أني أشوفها عمل خيري ترى لا هشام ولا أزهار يهموني الكاسر خاطري غزل.
وشعليج أنتِ بغزل بإمها بأبوها شعليج منو رايد منج شايله هم الطفله ومكسور خاطرج عليها احنه خوالها موجودين ونحير بيها
لا واضح هواي حايرين بيها من طبگت ويه رافع وركعت هشام كل هذا علمود تناسب رافع وهشام أب حرمتوا من بنته أختك ادك مثاليات وكرامه وكبرياء وحاظره ابو بنتها.
هاي أسمها أنانيه لأن اب من حقه يشوف بنته لو مو خوش أدمي جان كظبكم المحاكم وطالب بنته بس الرجال ما يريد يصير موخوش أدمي بس أنتوا مو شايفينه بعينكم دائماً مستصغرينه من يوم يومكم ما أحترمتوا وما عديتوا واحد منكم لا عبالك غافله عن تصرفاتكم بحقه.
لج شتحجين شو گلبج محترك عليه وتحاجيني كأنما تحاجين عدو شُنوْ هل الأسلوب والنبره شو ما تستحين مني صلافتج طبت بنص عيني واعيه على نفسج.
أي واعيه وهاي مو صلافه هذا حق وحقيقه حجيتها وسبحان الله دائماً اليواجهكم بعيوبكم تتنفضون عليه وتزعلون من كلمة الحق واذا صدك أنتَ خال البنت لاتزوج أمها ل أبن عمك رافع
هو منو حاجي وگايل ازوجها بكيفج تلطشيين وتحجين من يمج.
لا واضح ما حاجي ما يحتاج تحجي گلشي واضح ما فكرت بمرام بحوبتها بنيه يتيمه تصفك لرافع ويصفكلك وتصيرون نسايب على حساب أذية منو! هذا حرامات تكابله على صينيه لأن اللي ما مكتفي بمرام طول وجمال وادب وأخلاق وصاحبة ملگى تريده يكتفي بإزهار لا حبيبي مثل ما كسر مرام يكسر ازهار والك العين التنظر.
أگولج صارلج شگد تحجين ومتحملج وساكت شبيج أنتِ لطشتي برافع تزوجها اله لما تزوجها اله وهيج أني ناقص غيره زز وأركض ورا رافع علمود يتزوجها ليش يابه أختي رخيصه عندي يوميه متزوجه ومطلگها لو عيشتها وعيشه بنتها ثكيله عليه أشيلهن بعيوني اذا ما شالتهن الكاع وكاعده بيت أبويه مو بيتي محد اله صاحب فضل عليها.
دام هذا كلامك وطلعاتك والكعداتك والسوالف والعزايم والتهلي والترحيب لرافع شيسمونها؟
ليش كلمن أطلع وياه وسوالف وكعدات يعني أريد ازوجه أختي عيب عليج هالحجي هاي أنتِ وتعرفيني وهيج تحجين لعد شخليتي للباقين واذا حجيت بموضوع زواجها أبن عمها طلب أيدها وبلغتها وشفتها رافضه وقفلت الموضو? نهائي لا أني ولا غيري يجبرها فه لا بكيفج تحللين وتنطين قرارات عني عصام يزوج رافع لأخته لا اكسر حلكج على كل حجايه تنحجي بخصوص أختي فاهمه.
بس
أسكتي وخليني أكمل كلامي لكف لاتلكفين.
أني علمود ما خلاني أكمل كلامي قاطعني.
محد رايد منج تتدخلين وتحشرين نفسج بگلشي رايحتلي على هشام بدون مستحى مني ومراسلته على ازهار لج ما أستحيتي على نفسج هيج أني بنظرج حقير ومتسلط واجبرها على رافع او غيره قابل اخلي السجينه على رگبتها تعاي تزوجي رافع لعلمج اني لا هشام ولا رافع ولا شاهين شايفهم من رجالها كلهم زايعتهم الكاع بس الوكت خلاهم بطريقها وتالي ما تالي أخت عصام صارت حجايه بحلك هذا وهذاك وكلمن يلطش قرارات بكيفه.
والله أختكم وأنتوا أعرف بمصلحتها واني علمود بنتها خطيه تتدخلت طرف مصلح لا أكثر.
أعرف نيتح وكثر الله خيرج بس محد يتدخل وما طولني عايش تبقى أختي معززه مكرمه محد يفك حلكه بحجايه وياها واذا على بنتها مريضه وتتعالج مية الف طريقه أكو مراكز أشكال بگد الدنيا والطب تتطور يعني علاجها ما وكف على السيد هشام واذا تشوفين أبتعدت عنه لأن أختي ما تريد ترجعله ورافضه وحقها لو رفضت هو السبب بخراب حياتها المو كفوا لبنات العالم لايورطن وياهه ويشيل خطايهن وبعدين يدك اليتيمه وتعالوا رجعوها أليه أختي مو لعبه طلگوا وزوجوا ورجعوا.
وكلش زين تدرين بمواقفي ويه هشام شگد حاولت بالبدايه والكل رفضوا واني اكثر واحد ما ردتها تتزوج شاهين واكثر واحد عارضت وردتها تبقى ويه هشام وما تتطلك منه وكلت اصبروا بعدين ترجع بس محد سمعني والحجي صا? كدامج ليش هسه تنكرين وصرتي ضدي وفشلتيني كدام الغريب هاا ليش رحتيله ودزيتي على مروان ليش مروان منو مو أخويه عبالج يتأخذ قرار يخصها ما راح يرجعلي وبعدين ابويه من هذا الحجي گله وينه! أنتِ شايفه الشغله هيج سهله وبكلمه من مروان ترجع لعد جان بكلمه مني سمعها ابويه ورجعها لو اني بنظرج مو كفوا لهل الدرجه اسيا لهل الدرجه والله مع الاسف عليج صدمتيني بيج هاي أنتِ مرتي هيج لعد الباقين شيحجون عليه.
بس ادري دائماً أنفهم غلط ومن يوم يومي حجيت وصخمت وجهي وگلت زواج هشام من ازهار فاشل فاشل فاشل محد صدكني وهسه بعد گلشي صار رجعتي عليه وذبيتي كلشي ب?أسي واني اريد خراب حياتها واريد أزوجها ل رافع والله من أنعل رافع لابو شاهين لابو هشام الما يخاف الله بنات العالم لا يحسب نفسه رجال ويكابلني ويريد أختي مني هالأخت وما افرط بيها بعد وحجايتي خليهن ترجيه بإذنج زين.
واذا تردين ازعلي ازعلي عاجبج تروحين بيت أهلج روحي ما أمنعج تبقين البيت بيتج.
لا ليش أزعل المشكله مو بيني وبينك ولا تخصنا شخصياً علمود ازعل وامشي لبيت أهلي والمشكله تخص أختك لهذا أني ما زعلانه ولا أطلع من البيت تريد تزعل أنت أزعل.
أيباه الله يرحم أيام قبل زعلاتج يا مكثرهن والتاريخ يشهد الهن.
صحيح بس أنت تدري المشكله بوگتها جانت تستوجب أزعل واتخذ موقف قوي وگلشي أنتَ تسوي بحقي أغفره الك الا خيانه مستحيل أكدر أغفرها الك وأنت تعرف ليش زعلت وشنو جان سبب زعلي وأزعل من انخان ومن كرامتي تنهان ومن أحد يستغفلني ويستغل طيبة قلبي وحبي اله أما بهيج أمور عائليه تخصك أهلك أو أهلي ما أزعل منها وأخرب بيتي علمودها
براحتج.
عافني ولبس وكشخ ورش عطورات وعبرني بدون ما يباو? بوجهي طلع وطلعت وراه ومشه عليهم جانوا كاعدين أزهار ومروان وازهار تحجي بعصبيه وصوتها ترس أذني وهي تگوله.
ازهار وأني شعليه ليش مو زوجة أخوك الأفنديه مدخله نفسها حاجيه ويه هشام ومراسلات وكلام هي وياه وهي گايلتله روح على مروان.
أسيا فتحت عيوني على وسعهن من شدة الصدمه هاي شتحجي مشيت لعدها وعصام منعني خلاني بظهره عوفني شُنوْ هالحجي بحقي مو اني تنلزك بظهري سالفه عوجه وأسكت عنها أنتفضت بعصبيه عوفني احاجيها
عصام أمشي رجعي للغرفه
اسيا لا ما امشي قبل لا احاجيها وكامت تقدمت عليه رجع حجه بعصبيه
عصام أسيا أمشي.
أسيا حجيت بقهر والعبره ترس صدري ازهار موو عيب عليج هيج تحجين شُنوْ مراسلات بيني وبين هشام اليسمعج يكول صاحبها فوك زينتي وياج وعلمود بنتج هيج تحجين عليه وكدام أخوانج.
ازهار وأنتِ منو رايد منج تتدخلين بحياتي وبمشاكلي وبنتي اني أمها وأحير بيها شعليج أنتِ شگو حاشره نفسج ارجع ما ارجع مشكلتي مو مشكلتج هاي حياتي واني حره بيها أنتِ شگو بالنص أصلاً زايده منج رايحه مراسلته ومبلغته بكلشي وأنوب دازته على مروان صايرتلي مصلح أجتماعي.
مصلح أجتماعي هيج أني ازهار مع الأسف عليج والله رجع باوعلي وهز?أسه بقهر.
عصام من حجيت وصخمت ومنعتج وكلتلج لا تتدخلين ما سمعتي مني شوفي هاي كدامي محد حجالج وصدك لو كال أبو المثل سوي زين وذب بالشط يعني محد معترف بزينج أكثر ما تجيج المغثه وجع الرأس أستلمي هسه أرتاحيتي.
مروان شبيج هديتي عليها بيج خير سو مثلها وحده ما تفكرين الأ بنفسج وناسيه بنتج المريضه مسويتلي بيها كرامه وكبرياء بعد عيني على كرامتج تبجي بالزاويه هذيج هي تباوعلج.
عصام گافي مروان وليش لحد الأن ما متحضر.
مروان وين اتحضر شبيك أنت مو سمعت الحجي كدامك شو تعرف وتحرف لا وبعد تغلس
لا بس مو وگته الحجي هسه بعدين نحجي أمشي عمامي ينتظرونه وأبويه چاي بالطريق العالم شغل وعمل ما عدها تضل تتنظرنه.
لا مو بعدين هسه والخطبه تتأجل خلي رافع اليوم يفشل مو سواها بينا وتحضرنا وكال لاتجون
وأحنه شعلينا برافع ترى عيب هالتصرفات خل نفض خطوبه مجد وشهد ويصير خي?
وصال شگو شبيكم شصاير يمه.
مروان ماكو شيء يمه بس أكو كلام لازم تسمعونه كلكم وهسه وما متحرك قبل لا تفض سالفة ازهار من عرجها وانهي هالمهزله هاي كلها يوميه زوجوا وطلگوا مسوين أختنا حفل مزار يوميه متزوجه يوم شاهين يوم رافع ومشيه وما أحضرها وينذكر أسم ازهار بنص الزلم وتبادل دم اتفل على شاربي وأختي مو لعبه انطي واخذ ورافع لو رجال صدك ما يساوم على أخته علمود نفسه والله أريد ازهار وأنطيكم شهد بس الرجوله ما ترهم لكل واحد حاسب روحه رجال واحد أبو نسوان صارله عمر يهدد مرته اتزوج عليج لما اتزوج عليج معيشها برعب هو لو رجال من صدك ما يتزوج على يتيمه بس عار وأنت حضرتك ادكله ناعم وكعداتكم أنت وأبن العم لا عبالك ما يوصلني الحجي ادلل بإزهار كدام رافع.
عصام واني شگوو بالنص أحجي عدل وثمن كلامك اللي تحاجي عصام مو ابن شارع لا اشوهلك خلقتك.
أسيا عصام عصب ويحجي واني واكفه بظهره وعمتي صارت بالنص بينهم ومجد نزل باوعلهم وراه عمار اجه سحب ايد ازهار وعصام جلب بيها.
عمار أمشي لبيت جدي.
عصام وين ماخذها وين ازهار ما تطلع من البيت.
مروان اي طبعاً ضاملها ضميمه مجهزلها عريس صرت الابن البار بإهله الماكو منك وزجوها لفلان وطلكها من فلان وانطيها لرافع واذا ما يدخل رافع على الخط تجيب واحد من جماعتك واحد من مناصب العاليه وتناسبه.
عمي بس اسيا حاسبتها صح والله عاشت ايدج من مراسلته والله أنتِ بنت اوادم فكرتي ليكدام حسبتي كلتي عدكم بنيه خل ادخل بينهم طرف صلح والله انت اخت رجال.
بس أخويه عصام خربت أتفاقياتك ومخططاتك أنت ورافع اللي ناوي تنطي ازهار لرافع وتأخذون شهد لمجد والله عشت يا اخويه الجبير ونعم الأخ ونعم التفكير.
عصام لك شتحجي أنت شتخربط بسوالفك
أسيا هجم عصام راد يضرب مروان بس عمار ومجد منعوهم صاروا بالنص كلنا نعرف خوتهم قويه.
كافي تحجون لو تتعاركون ترى أحنه اخوان وازهار أختنا ما تسوى لا من ورى رافع ولا من ورى هشام نتذابح نتضارب ونتخارب أختنا ونعرف مصلحتها ليش نعرفها ونحرفها وماله داعي ندخل رافع بالموضو? وماله داعي نستغل ضعف ازهار ومرض بنتها وتعبها ونستغلها علمود نمشي حياة مجد ويه شهد ليش نبني سعادة مجد على حساب تعاسة أزهار.
مروان شوفوا وسمعوا والكل يخلي أذانه حجايه أحجيها ما احجي غيرها ازهار ما تتزوج رافع وترجع لهشام وهي المهزله كلها تتنهي من أساسها رجال وأستقر بحياته أخواته وزوجهن وبيته ولوحده وظيفه وعنده شتردون بعد مو تردون مستويات هذا الولد صا? حال وأحوال الله باو? له ونصفه تطلبونه طلابه.
عمار شو أنتوا بيكيفكم تحجون واحد يزوجها لرافع والثاني يرجعها لهشام من هالحجي هذا كله هي وين لسانها وين قرارها بحياتها زايده منكم تتدخلون
ازهار أي والله بكيفهم يحجون ويقررون عني وطول الفتره اني ساكته وانتوا تصدرون قرارات عني وما شاءالله كلها تدخلت ترى اني انسانه وهاي حياتي ومن حقي اقرر
أسيا حجت وباوعتلي وعصام يفتر ويفرك بوجهه ومروان كاعد يإريحيه ويحجي بكل ثقه رجع جاوبها.
مروان الج الحق تقررين من البابا كالج تعاي أزوجج شاهين جان بهذاك الوگت أنتفضتي طلعتي صوتج وسمعانج وفرضتي نفسج وشخصيتج وكبرئايج من شاهين دخل عالخط بس لا شلون أنتِ صرتي المكسوره والمقهوره والضحيه ودور بنت المثاليه والمرضيه والبابا والبابا وصراحةً اني من هذاك الموقف نزلتي من عيني.
لان ماكو هيج قابليه شفتينا كلنا رافضين شاهين حتى أمي رافضته وهو ابن اخوها رافضته وجان تكدرين كلشي تسوين وأنتن كيدجن عظيم أقل شيء تكدرين تكولين أحرك روحي وما اتزوج شاهين انتحر وما اتزوجه أحط سجينه على ركبتي وما اصيرله مره واحنه بظهرج شوفي ياهو يكدر يجبرج.
واللي تزوجت هشام غصب على خشمونا ما تكدر ترفض شاهين بس لا يبوي انتوا جماعة المثاليات اذا أنتِ وأذا أخوج الجبير واذا اكو غير جماعه هم كلكم دكيتوا برأسنا مثاليات وتظاهرتوا بالقوه والكرامه وانتوا مفتهمين مفهوم القوه والكرامه بالمكلوب أمثالج تارسات المجتمع وساكتات وراضيات بواقعهن وعيشتهن سواء أختيارهن او أختيار أهلهن.
بس عمي هو صُدك الفقير ماله خبزه عدنا احنه هم موخوش أوادم شفنا حالنا ونفسنا عالولد وهو كرامته عزيزه ومحد كرامته رخصيه عليه والا الرجال كل عيب ما بي شاغول وصاحب مسؤوليه يوميه دك شغل من محافظة لمحافظه نوم ما شبعان حتى يوفرلج عيشه الج ولبنتج وأهله اللي بركبته بس أنتِ لا يبوي مدام جنتي زهكانه والنسوان كلشي تتحمل يطردها من باب ترجعله من شباك أشكال سوالف العيال والجنه والعمه وأشكال ألاخوات والسحوره كلشي يسون.
المفروض منج تتحملين كلشي تتحملين مزاجيته وأطباعه وقساوته وعصبيته هذا رجلج وأختيارج بعد الزواج مو لعب جهال واللي تريد تعيش ما تفكر بس بنفسها تفكر بالكل تفكر برجلها بأطفالها بأهلها بعيالها مو بس لنفسها
وأكبر دليل ورى ما تزوجتي شاهين هو رجع متندم لان عرف هو بنفسه أستعجل وقراره بحقج غلط وظلمج واجه يرجعج وجان رجعناج ولو منتظره وما متزوجه جان أنتِ هسه بيتج وبنتكم عايشه بينكم لامريضه ولا شيء.
عصام على گيفك وياها صارلك ساعه تحجي وذبيت الصوج بيها وتبرر ل هشام ترى هي تحملت وأختي وأعرفها ما تتذمر على عيشتها وين ما تذبها تعيش ماله داعي تجرحها تقسي بكلامك وياها.
مروان ما أبررل هشام لا والله ليش ابررله هو هم غلطان بس رجال أعترف بغلطه بس أختنا لحد الأن تذب الغلط بهشام ضيعني وضيع بنتي ضيعني وضيع بنتي اي مو اخذكم ل الأمام وضيعكم ترى أنفصل عنج وتصير بإرقى العوائل ياما انفصلوا ورجعوا.
ولا كل مشكله نهايتها أنفصال.
ولا عبالكم ما وصلني الحجي الينكال عني بالكعدات.
ومن يكولون عليه عار الزلم لان طلك هناس ولحك أسيل وساحلته وراها والله مرتي ومكبر عقلي وياها وما اريد اخسرها واهجم بيتي أكون عار بنظركم وليش هشام هسه هم يكولون عليه عار الزلم لان طلكج لان ما راد يظلمج اني هم طلكت هناس ما ردت اظلمها عادي هاي الحياة لو حقنا حق وحق العالم باطل وعبالكم هشام مثلنا يحرم أزهار من بنتها ولكم يكسر الخاطر يتوسل أسبوع واسبوعين بس علمود يشوف بنته والله شنو ينتظر موافقه ازهار عود ترفع الحظر عنه وغير واحد موكفنا بالمحاكم ويجي يسحب بنته غصباً ما عليها بس لخاطر هالبنيه ولخاطرنا ساكت عمي الرجال محترم نفسه ومحترمنه بس أحنه نأكل ما ننأكل.
اسيا أباو? ل ازهار منزله?اسها وتبجي ومحد حجه من بعد كلام مروان الكل ضل ساكت وبس عمار أبتسم ل أسيل مخليه سيدرا بحضنها وصافنه على مروان شلون يحجي سارحه بتفاصيله وكل عقلها وياه احلف عليها حفظت كل كلمه گالها مجنونه بحبه مجنونه.
مجد أبويه وصل.
عصام يله گوموا
مروان رحوا أنتوا اني ما أجي
عصام براحتك.
أسيا طلعوا ثلاثتهم بس مروان وازهار وعمتي واسيل ضلوا كاعدين وكرم طلع ورى رحت اجيبه امشي وين تروح ما مغير ملابسك.
عصام غيريله بسرعه أنتظره يروح ويانا
أسيا لا خلي
لا يروح
ماشي دخلت غيرتله ملابسه وكشخته وطلع يركض على أبوه ودخلت سيارة عمي نزل مستعجل ومجد أجه وراه شايل القاط والجنطه مالته والسلاح ونزل السايق والحمايه عصام أستقبلهم وكف يحجي وياهم ومجد اجه اخذلهم ماي وضيافه.
ازهار شالت بنتها وصعدت لغرفتها وعمي دخل مستعجل وباوعلنا النا ورجع باو? لعمتي وصال
كمال ليش ما متحضرات أنتِ وجنانيج شمنتظرات من شوگت بلغتكم گلتكم تحضروا وأنت شو كاعد ليش ما لابس قاطكك.
وصال والله علمود أزهار ما تحضرنا روحوا أنتوا وعصام وعمار ومجد
كمال وشبيها ازهار.
مروان وطلب رافع اذا انتوا راضين ومقتنعين اني ما راضي ورافض والمشيه ما أحضرها اذا بالكعده ينذكر أسمها وتصير مساومه بالنسوان لان أشوفها مهزله.
كمال رافع ما اله شيء عندي لا هو ولا غيره ويحلم يشوف اظفرها واني رايح اطلب أيد البنيه من أبوها مو من رافع ورافع شُنوْ!
مروان علم سيادتك تستاهل أحلى تحيه وبوسه من الرأس.
كمال يله أصعد تحضروا وأنزلوا ما ضل وكت علينا وأنتِ بابا أسيا هم تحضري تمشين ويانا وصال لحكيني ما ضل وگت الجماعه ينتظرونا تأخرنا كله بسبب الأجتماع.
أسيا ردت احجي ومشه سريع ومروان شال بنته وصعدوا الغرفتهم قبل لا أدخل سمعت صوته
عصام أسيا
أسيا انداريت لگيته واكف يم الباب ويباوعلي ها
عصام عود لاتروحين لبيت أهلج
أسيا لا أطمئن طلعه من البيت ما أطلع هز?اسه عصام
ها
عمي طلب مني أتحضر أروح وياكم
أي تحضري.
لا ما أريد اروح وأنتَ فهم عمي كمال
ماشي
مشيت وهو راح وكف يم السيارات واخوانه واكفين وياه ينتظرون باوعتله من الشباك من طارف البرده يدخن وصافن شفت الحمايه واكفين لان الباب الخارجي مفتوح گبل رديت البرده سريع ورحت أخذت جود اوكلها بالمطبخ ونزلوا مروان واسيل كاشخين وهو شايل سيدرا ويلعب وياها واسيل تدفع بطنها نهاية الثامن ما ضل إلها شيء وتجيب بالسلامه ها ترحون.
مروان أي شعبالج ما تكمل الخطوبه من دون عائلتي الجميله باقي بس حكم وينورنا بسلامه.
أسيا امين يارب ربي يكومها بالسلامه هي وطفلها
أسيل الله يسلمج يروحي فدوه لكلبج تعاي ويانا امانه كومي لبسي حبابه
اسيا لا گلبي روحوا أنتوا مالي خلك عود غير مره ورانا هواي حفلات عود نعوض وها مروان امانه اذا صارت القسمه يخلون العرس بعد ولاده أسيل.
مروان أي لعد شلون يسون عرس ومرتي بهذا كرشها ما يصير عرس الا ينورنا حكم ويحضر عرس عمه
أسيا فدوه الله يفرحكم بشوفه بالصحه والعافيه أسيل بس توزع أبتسامات مشوا وشمرتلي بوسات حبيبي فدوه لگلبج ديري بالج على نفسج وسيدرا خليها بحضن ابوها ترى ثكل عليج
أسيل اي ميخالف اسيا
ها عيني
اني هواي أحبج واحب حنيتج عليه.
يا حبيبي مروان عيونه تلمع بالفرح حضنها من كتفها ومشوا يضحكون الله يدوم فرحتكم تستاهلون كل الخير خطيه هواي تعذبوا بحياتهم...
طلعوا عمي وعمتي وصال كاشخين واني ختلت بالمطبخ خفت عمي يسألني بس الحمدلله ما لاحظ لان مستعجل وأذا سأل عصام يوضحله.
كملت ورحت لغرفتي نومتها ودخلت أخذت دوش وطلعت شسورت شعري وصارت ملابسه نزعهن من راح شلتهن وشميت عطره دخل ريتي مشتاقتلك حبيبي حيل مشتاقتلك...
فتحت تلفوني شفته ما فاتح أنترنت ردت أراسله واسأل تالي تراجعت وعفته كعدت اتصفح وجود نايمه بصفي وبهل الأثناء وصلتني رساله من مرام!
فتحتها مكتوب بيها.
مرام هلاو اسيا شلونج حبيبتي أخبارج أطفالج شلونج أكولج گلبي عندي حجايتين اكولهن الج واروح لان سليمه يمي اليوم نزل المهم اسسيا فتحي عينج زين وراقبي عصام ترى يردون يرحون.
ل معارض أربيل عود يعني علمود سيارات وكذا كذب لاتصدكين خاف يطلع الج حجه وعذر أبداً لاتصدكينه والله رايحين على نسوان وفهمج كفايه اللي عليه بلغتج وأنتِ بعد اعرف برجلج عن نفسي متعوده بس حرامات واحد مثل عصام يمشي بهذاك الدرب حرامات انتبهي على رجلج زين مع السلامه
واندك الباب...
ازهار كل يوم يمر أكول هاي هي بنتي حبيبتي صارت زينه بس كأنما أحسدها ثاني يوم ترجع أتعس من القبله عشت حروب نفسيه ومعانات صعبه عانيت وتألمت وتعذبت كدامها واني اشوفها تلوب بس تبجي وتفتر وهيج لحالها تثكب وتصرخ وبعد ما تسكت بالساعات شايلتها وأفتر بيها بحيث أيدي اكوم ما احس بيها توصل بيه ما اعطش وما اشرب ماي اخاف اكعد وتفز من نومتها ويروح هدوءها وترجع لنفس لوضعها تعاني...
صعب من تشوفين طفلك مخلوق من روحج من دمج من اضلاعج من گلشي بيج يتعذب كدامج بمرضه وما تكدرين تساعدينه او تخلصينه من معاناته وعذابه.
ما خليت ما وديت مراكز وأفتريت بيها كومة أطباء وعصام وياي رجل على رجل وصلت بي يخابرونه يدزون عليه تعال وهو يغلق تلفونه ما يجاوبهم علمودي وما خلاني أدفع فلس تكفل بكلشي يخصنا اني وبنتي بگلشي وما تذمر ولا جزع ولا مل بالعكس خلكه طويل وحنون ويطيب خاطري ويلمني بحضنه اكثر واحد حن عليه بهل الدنيا هو أخويه عصام.
مو بس عصام حتى مروان عيونه عليه كافي ويكفني كلما يستلم الراتب يذكرني بمبلغ ويجهز بنتي من ملابس ولاوازم وكلشي تحتاجه.
وعمار السند الداعم اللي بالكلام خلكه طويل يكعد يحاجيني مراسله او كلام يسمعني بدون ملل.
ومجد ابو القلب الطيب يكفيني من تتنحس ياخذها يفتر بيها بكل مكان بس علمود تسكت وتهدأ نفسيتها مرات توصل بالساعات هو وياها لما تهدأ ويرجعها لحضني نايمه.
وبابا وياي خطوه بخطوه الداعم الأساسي بنظراته الحزينه تباوعلي بكل حب وكسرة خاطر يلبي إلى كل طلباتي أعرف بي حزين ومقهور ومحمل نفسه الذنب بس يبقى والدي حبيب روحي حبيبنا كُلنا وخيمتنا سيادة الوالد العزيز السيد كمال.
وماما عيني هي أمي دعواتها تحاوطني بكل مكان وزمان أستبشر خير ويطمئن قلبي بدعواتها وحنيتها ترافقني واني نايمه تجي تمسح على?اسي بكل حنيه وتكعد يم بنتي بالساعات تقرأ قرأن وأدعيه ل شفاءها.
ونسوان أخواني الحنينات ما شفت منهن الا كل الخير والطيب ربي يسعدهن هنا وأخواني وأطفالهم
أهلي مواقفهم الحلوه هواي شما أذكرهم ما اكفي أبداً ما اكفي حقهم وادعي لكل أخت تنزرق بهيج أهل وهيج أخوان نعمه لأن وجود الأخ نعمه مو بس سند وعزوه وأمان اخواني وأهلي نعمتي بهل الحياة...
جنت مأخذه أجازه علمود بنتي وأذا ضلت على هذا الحال لا سامح الله أترك وظيفتي وطز بيها بشنو تفيدني واني مو بحاجتها كلشي مو بعيني كلشي طافي وشغفي معدوم من الحياة كلها أنسانه ميته عايشه على الهامش...
كاعده بغرفتي وفاتحه الشباك وداخله الشمس لداخل والضوء عاكس على ملامحها وشعرها الأشقر وعيونها العسليات وبشرتها البيضاء على صفار الشمس باوعتلي وأبتسم من كعدت لحد الأن هادئه ما بجت ولا نثرت ألعابها سگتت ص?ت أخاف أحسدها مسحت دمعتي وأبتسملها غزل حبيبي غزولتي ماما منو حبيبتي ضحگتلي ورن تلفوني سبحته وباوعت الشاشه أبوها هي فزت وحجت
غزل بابا بابا.
أزهار اي أبوج على الرغم ما عاشت وياه بس أول كلام حجته بابا واني منسيه ولا تجيب كلمه ماما حاولت وياها قفلت على أبوها.
انتهى الأتصال وما جاوبته مالي خلكه وكلما أبتعد عنه يكون أحسن إلى وألها تتعلق بي وتتعذب وتعذبني وياها وهو بمكان وأحنه بمكان ومال أرجع مستحيل الجرح ما يطيب بسهوله والأنكسر ما يتصلح.
دزلي رساله كاتب بيها.
هشام لاتصيرين أنانيه جاوبي أريد أحجي ويه بنتي أشتاقيت ألها والله مخلي صورها وكاعد أباوعلها.
أزهار مخلي صورها! قبل هم جان عندك الها صوره! لا أي شيء أكيد لا. لأن اليتخلى بهل السهوله وياليبيع بهل الرخص عنده صوره لذكرى! مستحيل أصدك بيك بعد مستحيل ولاتحاول تثير عاطفتي بهيج سوالف تكسر الخاطر لأن الما نكسر خاطرك عليها وهي بالكماط لا ينكسر خاطرك عليها وهي تمشي والأفضل الك وألها تعيش حياتك وتتعود أو تكمل حياتك وتخلف الأحلى منها يمكن تعوضك وتحسسك بشعور الأبوه اللي صحيت عليه بوقت متأخر بوقت أحنه مو بحاجتك.
أكملتها كتابتاً وأرسلتها وتم التسليم وتمت المشاهده.
هشام راح أتصل جاوبي خل نتفاهم المراسله ما توصلنا لحل وإذا التقينا وجه لوجه يكون أفضل تحجين العندج وأحجي العندي لأن المراسله تكبر الموضو? ما تصغره.
أزهار لأ تتصل ولا أتعب نفسك ولا حتى تراسل ونلتقي وجه لوجه بيا وجه تقابلني وتخلي عينك بعيني وأظن ماكو شيء نحجي بي بعد أنتهى الكلام وبرد الحديث وأنطوت الصفحه هشام أنتَ أنتهيت من حياتي والى الأبد أنساني مع السلامه.
رسلتها وحظرته وقررت نهائي ما أتواصل وياه لغيت كل خط التواصل ما أريده بعد ولا أريد أي يذكرني بي ولا أي ذكرى تنعاد وتخليني أحن أريد أعيش وأتعايش ويه ذكراه علمود أكدر أتلاشى واتخطاهُ.
وضليت أعاني فوك معاناتي وأحس گلشي فاق حده من الكتمان طغى بصدري وقاومت وقاومت وقاومت وأستمريت بالمقاومه الى أن بيوم راسلني من حساب جديد قبل لا انطي حظر قريت المكتوب بالرساله وأستوقفني وتراجعت وأنصدمت باللي قريته.
هشام أنتِ وحده أنانيه لدرجه أعترفت إلچ بخطأي وبعدج? نفس موقفج وثباتج ما تنازلتي عن كبريائج المهم مو أهنا موضوعنا أجيتج واني منطي لنفسي فرصه اللي أنتِ أستحافيتي تنطيناها أني رحت? أخوج مروان وبلغته بگلشي وهاي أخر الحلول اذا ما جابت نتيجه الصراحه من حقي أطالب بنتي ونلتقي بالمحكمه!
أزهار محكمه! لا لا مستحيل مستحيل أنطيك بنتي هسه صرت أب تطالب بنتك گبل كتبت اله لازم نحجي؟
هشام خفتي.
لأ ليش أخاف? شُنو بنتي وتضل يمي محد يحق له يسحبها من حضني لأ أنتَ ولا غيرك وهسه صرت ألها أب وتطالب بيها وأذا دخلنا محاكم شتگول لقاضي!
أكول اللي أكوله أنتِ شعليج
ماشي يا هشام روح المحكمه ونتواجه هناك ولكل حادثاً حديث
ما يحتاج
ليش
حجيت ويه أخوج مروان
وليش رحت على مروان الرجال ما ناقص كافي عليه حياته ومشاكله.
بس هو ضل والصراحه أم كرم هي دزتني عليه والنعم منها ومن أصلها بنت أجاويد وأخت رجال فكرت وشافت الأفضل أخوج مروان اللي جنت شايفه أنسان طايش ويتصرف بدون عقل وعي لا والله طلع أعقل واحد بيكم هو أنسان عاقل وحكيم ومليان حكم وفعلاً أبو الحكم.
گلتلي أسيا راسلتك؟
أي راسلتني!
هي راسلتك لو أنتَ
لا هي ليش
ماشي
شبيج أزهار البنيه نيتها نيه شريفه نيتها تجمعنا وهي گالتلي روح على مروان وبارك الله بيها.
أي واني شحجيت وحتى لو راسلتك ودزتك على مروان لا هي ولا مروان يجبروني على شيء هاي حياتي مو حياتهم
بس كافي
لا تتأمل حظرته وحذفت المحادثه ونزلت مزعوجه وعصبيه كلش الدم جمد ب?أسي من عرفت أسيا متدخله ومراسله هشام وأنتِ شعليج تتدخلين!
نزلت شفتها حاجتني گوه جاوبتها وراحت الغرفتها لأن عصام دز عليها وشفت غزل تلعب ضليت أباوع الها واجه عمار من السوك جايب قاط مجد صعدله وأمي خطيه فرحانه شغلت البخور بالمبخره وصعدتلهم واني سويت كهوه وضليت كاعده بالمطبخ مزعوجه و?أسي حيل يوجعني من تصرفها ومر الوقت ودخل مروان أستقبلته أسيل باوعلي
مروان أبقي أنتظريني أسبح وأنزل نحجي.
أزهار هزيت?اسي ضليت أنتظره أكيده نفس الموضو? ونزل وأستلمني بالهدوء بس أني جنت منفعله وعصبيه وأنفجرت بالكلام وهالأنفجار صا? كدام عصام وأسيا وسمعتني وعاتبني واني كذلك قسيت الى أن كبرت المشكله وصار الكلام خشن وقاسي ومليان تجريج ومروان كان الكلام اله وحجه هواي وكل كلمه رجعتني عشر سنين ليورى كمل وانتهى الكلام وضليت صامته وتمنيت هالكلام أسمعه من زمان...
صعدت لغرفتي محمله بالخذلان لنفسي عن كبريائي وتمردي بمشاعري القاسيه فتحت الباب وصارت المرأة گبالي تقربت عليها وصفنت على شكلي وتذكرت كلام مروان وعاني وصحاني على الرغم ما جنت أشوف نفسي ما غلطانه وحاولت بكل الطرق أخلي هالزواج ناجح وما ينتهي بفشل بس كانت الطرق كافيه تحتاج أكثر وتحتاج صبر تحتاج أستمراريه تحتاج أبتعاد عن أساس المشكله ونقاش بيها حتى لو وصلت مشاركه?أي الأهل بس مو معناها نستعجل بكل القرارت المصيريه التخص حياتنا ومستقبلنا.
لازم نكافح ونتعب وننطي جهد وطاقه وعمر من أعمارنا ماكو حياه نحلصها جاهزه وكامله وسعيده بدون تنازلات بدون تعب ومعانات الحياة عباره عن رحله من المحطات والمشقات المتعبه وعباره عن رحله من المحطات يخطوها دروب السعاده والفرح والحزن في أن واحد.
لازم أتنازل عن أنانيتي وعن كبريائي أني أم وبنتي بحاجة وجود أبوها بحياتها ونفس الوقت أعرف بنفسي بعدني عايشه بدوامه الماضي بعده راسخ بعقلي مسحت دموعي وفتحت تلفوني شفت حساباته كلهم مسويهن جدد رحت على حسابه الأول! فتحت الحظر ونزلت دمعتي بحزن مؤلم
أقل من دقيقين دزلي رساله شبسرعه.
هشام ها فتحتي الحظر شعجب
أزهار ما جاوبت
شفتي علمود تعرفين أني شكد أحبج لدرجه كاعد بحسابج وبس فتحتي الحظر عني عرفت.
أي وأتصل وضليت متردده أجاوبه وتالي جاوبته ها
أيباه شكثر مشتاق لهل الصوت إلى مسويه عليه حصار وحارمتني منه هيج كلام مروان جاب نتيجه
لا
لا واضح لا من الحظر مالتج شلتي عني
مو أرجعه
رجعي مو مهم
ها هيج الأمور عندك
تنطيني حظر من المواقع أجيج للواقع وگتها تكدرين تحظريني من كدامج هاا تكدرين أحجي ليش سگتي
كافي هشام
لا مو گافي أريد أعذبج مثل ما عذبتيني عليج
عذبتك بشنو بله.
سگتي يا عذاب يا صخام بعيني ليش يهون عليه أعذبج اني لج طگ گلبي عليج والله روحي طالعه حياتي أدفع بيها أدفع أكظي اليوم بس صفنات وسارح بخيالي بكل تفاصيلج حتى المسحور مو مثلي اني مو بس أحبج اني عابر مرحله الحب والعشق حالياً وياج هشام المهوس والمشتاق
ضحكت هيج يعني
أووف گلبي يطرب على نغمات ضحكتج يزهرتي
أحم لاتروح زايد بعدني ما مقرره
شتقررين بعد ماكو اي قرار
ليش
أهلج شوگت يرجعون من المشيه
وأنت شمدريك.
شعليج هسه گولي شوكت يجون
ما أعرف هما تأخروا يله طلعوا يعني هما والمغرب
اليوم ما بيها مجال أخليج بحضني خلص طفح صبري
شو هيج
أنتِ ضلي لوتيه
ما حجيت
جرت نفسج كافي عليه شدعي الك مروان الله يحفظك لشبابك ويكوم الك مريتك ويطلعها بالسلامه وأسيا الله يفتحها بوجهج.
هشام
يبعد حروف أسم هشام ها حبيبي
ما أريد أتندم بعدين لأن كافي عليه الشفته منك بالبدايه أنت هواي أذيتني هواي تعذبت بحياتي من تخليت عني وبعتني بالرخص.
ما أوعدج بس أثبتلج
بجيت وأختنكت بعبرتي
هاي الدمو? اليوم تبجينها بحضني شگو شيء بداخلي تحجينه كدام عيني مستعد أسمعج العمر كله بس المهم عندي ما أخسرج.
هشام
مشتاقه تگولين أسمي مثل قبل
هشام
روحه
هشام
عمره وگلبه وعيونه وحيله يالما عنده أهل وأنتِ أهله.
جريت نفس
ما أصبر بعد اليوم أنتِ يمي بيتي
لا حباب مو اليوم أجلها بعد كم يوم
لا اليوم ما بيها تأجيل بعد ما صدگت على الله عقلج رجعلج وگلبج حن عليه.
گلبي دومه يحن عليك بس أني أكابر
أدري والله أدري وعيونج الأحبهن أدري بس أخ من الوگت والزمن الأغبر والظروف وكلشي خلانا نبتعد عن بعض ونضيع أجمل أيام من عمرنا.
ما تضيعني بعد
أبداً
لو كل الظروف
لو الدنيا كلها توكف بوجهي ما يأخذني منج بعد بس الموت اليفرقنا
لا أسم الله على عمرك
فديت اللي يخاف عليه أموت
هشام
عصبت الاحبها عصبت
أي
أهلج شوكت يجون خابريهم
لا شسالفه
علمود اجي يا عيني
لا مو هسه أجلها بعد كم يوم.
ما أكدر اليوم أذا ما أنومج بحضني أني ما أتسمى بإسمي أنام بالشورا? والله
سگتت وهو ساكت رجع حجه بفرح وحماس
بيش الساعه تتعشون گلبي
ما أعرف حسب تواجدهم مرات ب السبعه مرات بالثامنه مو موعد ثابت شوكت ما العائله تجتمع نتعشى.
لا عمي أنتوا مثقفين شغلتكم مطوله أجيكم من وگت بس يرجعون خابريني
أنتَ شو عبالك مأخذ الأوك
أي مأخذ الأوك ومجهز نفسي من زمان
لا والله.
أبو الحكم كلمته ما تصي? أثنين گول وفعل والله والنعم تنعام منه وزوجة أخوه ومن أخته وأهلها أخ شحبها وأحبهم كلهم فرداً فرداً على حبها.
ما حجيت بس مبتسمه
أخجلي حبيبي أخجلي
يله هشام لازم أروح سمعت صوت يمكن أهلي اجو يله باي
ها حبيبي يله ماشي رديلي خبر اذا هما اكيد.
ماشي قطعت الأتصال واني أرجف وميته خجل يمه گلبي يمه يريد يشك صدري ويطلع شبيه اني خرب فضاحه طلعت ما مصدگه يبوه سوده بوجهي وجه گلبي تسرسح على صوته يحبه منعول الصفحه يحبه ولا ينسه ابن الأوادم أحبه مو بيدي عاندت وكابرت وحاولت أبتعد وانسى واتخطى وهم ما كدرت رجعت لمربع الأول رجعت لحب حياتي وعمري هشامي.
قبل لأ أنزل وصلتني رساله منه.
هشام أويلي يابه اليوم أشبگج شبكه مفارك وولهان والدنيا بايعته ومتعبته ويتيم وشايفج أنتِ أهله تردون تتبنوني قابل اني
أزهار أصيرلك أهل وخلان أصيرلك دنيا ترحب بيك وتحتويك وبروحها تضمك وأبنيلك بگلبي قصر يسعدك وينسيك رسلتها بحب ودمعه على الخد
بنت أوصول
نليق بمقامك ونفتخر بيك
معدله وأخت رجال.
أبتسمت بگلبي أسفه على گلشي يمكن فعلاً أني ظلمتك وجرحتك وما قدرت مشاعرك وأنت نفسك عزيزه بالغت بحنيه أهلي وعطاءهم وفضلتهم عليك اكثر من الازم وبالأخير خسرتك وبعز صفنني دزلي
جاي اتجهز نزلتي لو بعدج
لا بعدني أني ابلغك تمام
ماشي بالأنتظار.
يبوي لازم أحضر روحي اذا اجه وافقوا بسرعه يرجعوني اله وأمشي وياه عليمن أروح ومنو يساعدني اني اكدر لوحدي بس ما متعلمه بأفراحي لوحدي بالعاده أسيا موجوده واني قبحت وحقرت وياها بكل انانيه وخسرتها شتسوالي رفيقه عمري هاي الما صادقت غيرها كلهن عابرات الا هي الوحيده بنص روحي ما شايفتها زوجة أخ بكثر ما شايفتها أخت وصديقه وگلشي بالنسبه اليه والمقربه أكثر من امي وصندوق أسراري وأمني وأماني وكتفي وسندي وحزام ظهري.
شلون هيج حجيت وياها بهل الحقاره شلون الله ياخذني على هالسالفه التصخم الوجه وهي لما تحبني وتريد مصلحتي وسعادتي شجابرها أدخل روحها بهل السالفه كلها أكيد راح تنضر بس بادرت يالخير وبالأخير راح نرجع بفضل خطوتها ومبادرتها الحلوه واني أشسويت يبوه أمداني على صخام وجهي...
شلت غزل جانت نايمه ونزلت الها وصلت بابهم ودگيته بهدوء وفشله وأنفتح صفنت بوجهي أسيا
أسيا نعم.
ازهار شسمه اجيتج نزلت?اسي منها مستحيه وفشلانه وباوعتها واكفه وتهز برجلها وتباوعلي بنص عين ولابسه مصري مال رقاصات.
خير تحجين لو شلون فضيني عاد شتردين
أسيا اني اسفه
أسفه على شنو تتأسفين على حقارتج ونذالتج
اي
صلفه مو بيدج وبعديش جايه تعذرين برأيج الأعتذار يفيد بعد روحي بابا روحي ما ضل بيها لا أعتذار ولا كلام وأنتِ كاعده بيت أهلج وأني كاعده بغرفتي روحي أحسن.
أسيا حبابه والله مو قصدي أنتِ روحي وأعرف اني قسيت وحقرت وياج بالكلام وأعرف بنفسي أنانيه وأنانيتي مارستها حتى عليج ويمكن خسرتج.
مو يمكن لا فعلاً خسرتيني من تحاجيني كدام أخوج بكل برود گلبج كأنما اني مصاحبه هشام لو أخون أخوج وياه بشرفج احلفج بعزيزة گلبج بنتج ما خفتي من ربج من حجيتي هالكلام زوجة أخوك الأفنديه مراسله وكلام بينها وبين هشام! ولج هالكلام شكد قاسي بحقي وجهتيلي تهمه وكدام أخوج وأنتِ زين تعرفينه ما يتفاهم يعني لوما قبل لانطلع هو عرف گلشي وحجينا وتناقشنا وتفهم الموضو? ومن حجيتي هو جان عنده علم ما صارت عنده ردة فعل وعبرت سلامات بس تخيلي لوما عارف وسمع منج وتفأجاه شراح يكون موقف أخوج وموقفي وموقفج وأنتِ تذبين كلامج مثل السم نثرتي عليه وعلى رجلي جان كنتِ سبب بخراب بيتي وهجمتي على?أسي و?أس الخلفوني هاي مو قصدج وهيج حجيتي لعد لو بقصدج جان أشسويتي.
بجيت وأنهاريت كدامها والله ما أريد خسارتج حبابه لاتخلين صداقتنا تروح بسبب هشام لو غيره وأعرف والله العظيم أعرف صدق نيتج وبياض قلبج أبيض من قلبي الأسود بس أنانيتي خلتني أتحقر مو بس عليج حتى على هشام وعلى بنتي الما فكرت بيها من زمان وخطيت هالخطوه اللي أنتِ خطيتها وكنتِ السبب برجوعنا بس أني بشنو جازيتج الله يصخم وجهي على هالسالفه بحقج.
يا سلام رجعتوا أي والكرامه تنطحين بيها وتنطحج وين صفى بيها الدهر وكبريائج تمجدين بي كدامي وينه وراج كدامج!
شوفي يعني تالي ما تالي رجعتي اله واني بالأخير طلعت موخوش أدمي وجان هجمت بيتي بيدي علمودج لج كسرت كلمة أخوج وخاطرت بي وضحيت بيتي بس علمود أشوفج سعيده ومرتاحه أنتِ وبنتج يم هشام وأجمعكم الوحيده فكرت بيكم ومأخذين عقلي كلما أنام صورتج وصورة بنتج گبالي شأكل شلبس توكفين أنتِ وبنتج گبالي والله أحس سعادتي ناقصه لأن أنتِ مو سعيده ومن أشوفج حزينه گلبي ينعصر وأحاول بكل الوسائل أسعدج عاملتي يإصلي وطيبة قلبي وحبيتج وصرتي جزء مني وغلاتج نفس غلات أخوج.
واني من دخلت هذا البيت ما شفتج حماتي شفتج أخت قبل صديقه شفتج گلشي الا أن تكونين حقيره وغداره أبداً ما مخليه بعقلي هالشيء ولا متوقعه منج هالأذيه.
يعني گلشي ينتهي بينا
شتگولين أنتِ
لا حبابه لا والله العظيم أضيع من دونج بجيت وأنهاريت كدامها وهي رجعت تباوعلي بنقص ليش هيج تباوعين نزلي عينج
صلفه مو بيدج
بس أحبج.
أي ما گلتي شعندج جايتني من عدا الأعتذار ولو متأكده مليون بالميه ورى هالأعتذار وراج مصلحه اكيد على مصلحتج حقيره مو بيدج وصلفه بعد
أسيا
وجع أختصري لا الظاهر أنتِ مطوله اني فايته أريح وراي كوزي هلع يجي ولازم اكون مريحه عاوزه انام
ترطنين مصري وعراقي وسوري شلون رهمتيها
وأنتِ شعليج داداه والله خوش يله باي
اوكفي وين رايحه عفيه كافي تذليني تقدمت وهاي بوسه من?أسج شتردين بعد
بوسيني من أيدي
ليش أخذ بركاتج.
أي علمود تتوفقين بحياتج ويه هشامو علينا
ادبسزز
سافله تعاي خفت هالوجه وجه الصخل
اني صخل كثر الله خيرج أخذتني بحضنها واني حاضنتها بكل قوتي وأبوس بيها لج أموت عليك عشقي أنتِ حبيبي اللطيف
اي صبغي صبغي عابت اي شتردين
شسمه نزلت?اسي خجلانه هشام
شبي هشام
راح يجي ير
يرجعج هاا اي فهمت واليوم الليله الحمراء
الليله الحمراء عزه شعندي حفله زي الوان لو ناصبه فخ لثور ضربتني على كتفي وفحطت لزمت بطنها تنكز.
خرب احنه نفس الطينه
لا والله نفس الخيسه خرب امشي داخل انفضحنا والله احنه فد اثنين فاسقات
سافلات عوذه امشي نعدل جهرتج ورانا ترتبيات لسيد هشام هسه يجيج طاير ويطير بيج للفضاء
سافله فاسقه عوذه شعنده طاير بيه للفضاء
اوي عيني أنتِ من جماعة الكبرياء أبجي طين على كبريائكم تالي طغى على گلبج وأحتل الساحه.
دمشي وجهج وجه العريبد تهزين برجلج وتباوعيلي بنص ليش عوذه نظراتج اليه فد مقرفه ومقززه ومكروه.
تستاهلين غير وتعاي وين أكو عربيد يلبس مصري
وجه الفاسق هه خربنا ضحك ومشينا للغرفه وجابت الأدوات والعده وگلشي من جهاز التبخير والمقشرات بإنواعها والمرطبات والمكياج يبوه هوسه راح تفتحين صالون ب?أسي ست أسيا.
اي حبي شلون لعد يله خل أبلش بيج بس كون نخلص قبل يرجعون من الخطبه وهشام شوكت يجيج
من يرجعون گال بلغيني بس عبالك تأخروا صدك هم خابرتيهم
لا والله يله تعاي سولفيلي تحمست خرب.
بلشت بيه فديتها تشتغلي من كل گلبها فديت حنيتك عليه أبني حبيبي
سافله ما تستاهلين
أسيا كافي
أنطمي خليني أشوف شغلي عدل يله كملي.
كعدت أسولف الها وهي كل شوي تكفخني وتأخذ بثارها بردت گلبها اكولج نتفتي لحمي ما جايزه من جسمي تدلكين مقشر بكل قوه عندج عوذه شهل الانتقام.
عوذه والله ما سويتلج شيء أنتِ رقيقه وجسمج يتحسس من المقشرات والسنفره ويصير وردي اني شعليه ما تتحملين تقشير اوكفي هسه من نكمل سبحي ورطبي هذا المرطب طبي بسرعه جسمج يبرد ويصير للوز
شبيج رد اشوفج
خفت هالوجه يله خل نكمل وراج حصبه وجدري وشيل وجضع اليوم حرب العالميه الثالثه
أسيا أستحي شبيج
اوي عيني تستحي السنوريتا
اي شعبالج والله ميته من الخوف عبالك أول مره اسيا شعور على فرح على حزن مشاعر متضاربه.
اخذتني بحضنها وتحجي وياي وتدعمني وفهمتني وتبوس بيه عسى ما انحرم منج
بس ما تستاهليني
اي والله صدك تقبلتي أعتذاري
أنجبي عزيزتي
اوك حبيبي كملنا كلشي واخذت حمام وطلعت لكيتها محضرتلي فستان يجنن واوا هذا ما شايفته جديد لج يخبل
اي جديد وصيته قبل شهر وبعدني ما لابسته حتى أخوج ما شايفه لان مجد أستلم الطلب وخطيه ما أخذ فلوس هو دفع حسابه وأنتِ تستاهلينه يلوك الج لان هيج الوان بس الج متأكده راح تطلعين قذيفه ناريه.
حضنتها لك أبوس روحك وحنيتك ابوس بيها ولبسته وأفتر وفرحانه وغزل كعدت هي وجود واني افتر وانثر بشعري وحركات وكذا وهنا يضحكن عليه خرب أستفلت والله طاحت الهيبه.
يم السيد هشام مو بس الهيبه تطيح حتى?اسج يطيح
غمزتلي ادبسزز مو بيدج
امشي أسشور شعرج
يله بلشت بشعري وكملته وسمعنا صوت اجو مو
اي ولج يله ركض ركض صعدي لغرفتج قبل لايشوفنج وبالاخص اخوج بسرعه صعدي.
يبوه اني شكو تحمست زايد ولبست الفستان خرب أستفلت فدمره شلت غزل وانخبصت وعثرت بالفستان أسيا لحكيلي طين ب?اسي وانفتح الباب ودخل عصام باوع النا وركز على شگلي وشعري وفستاني صخام الوجه وافشلاته ابجو وياي ابجو طاحت سمعتي المخلده كدام اخوي غزه طين ب?اسي غمضت عيني وهو عبرنا واني افرك بيدي وباو? ل أسيا وگال
عصام شُنوْ هالانجاز! عشتي أم ك?م السيد هشام واكف يم الباب مو! بطله والله بطله.
أسيا ما بيها شيء وأكيد نأخذ?ايك يله
?أي! گولي البراسجن سويتنا أني شُنوْ تأخذن رأي مثلاً يله بالعافيه عليجن قلة الأحترام!
ازهار غمضت عيوني وعصرتهن بقوه يبوه
أسيا عفيه عصام لا تبالغ ماله داعي مره لرجلها وترجع بعد شگو هالكلام والتجريح.
عصام أي حقج عيني يمج مره وترجع، أي مو هي زعلانه بيت أهلها وترجع لرجلها، بس مع الأسف عليجن أثنيجن وحدتجن بكد البعير ما تحسب حساب للخطوه التخطيها، واليثبت على موقفه أخلي على?أسي، وأدك كبرياء وما أتنازل لما اخلي كبريائي تاج على?أس من ذلني.
بس أنتن أشسويتن ركض بركض عبالك سيادة الأمير هشام طاير وهو أول تالي يجي ركض عليها بعد ماله داعي تعزمينا أنتِ
أسيا عصام ليش هيج تسوي بالغت كلش وأختك خطيه.
عصام أني رجال مو مره مثلج أفكر بعواطفي بشرفج شُنوْ موقفي كدامه من بينه وبين نفسه يكول ام كرم عزمتني حتّى اجي أرجع أزهار!
تلبكبن لبك خليها ورايه ما طاير هشام هو يجي وأنب ردت أرجعها اله بمزاجي ليش عبالج اني ما افكر بالطفله ولج هسه حتّى ما بيها مجال أفشله
لأن تروح كشخة المدام! وشلون هاي تصير ويروح تعبج بلاش وأيديج تكسرن وأنتِ تعدلين وترتبين بيها حتّى تبرد دودتج وتسوين البراسج وتكسرين كلمتي.
أسيا ما قصدي أكس? كلمتك والله
عصام لا واضح ولج هو اليجينا وواليبادر مو حضرتج تعزمينا أنتِ ومروان أفندي العاقلين الفاهمين يا ساده يا كرام يالتعرفون بالاصول
مو أنتِ خليتي كرامتي بالطين عبالج أنساها الج لا والله مسحتي بكرامتي وتتوقعين اعديها الج.
أزهار عصب وأنزعج وشمر سترته واني واكفه بالصاله وصلني مسج من هشام.
هشام اني راح أوصل
ازهار اوفف عفته ردت احجي ويه عصام اسيا منعتني وقفلت باب الغرفه.
اسيا امشي ما عليج منه هو هسه عصبي يحجي يحجي وتبرد أعصابه خليج بفرحتج هسه بعدين عود رجعيله.
أزهار وأنت شلون صارت بوجهج شفتي شكال بالأخير صخام بوجهي كله من وراي كله بسببي
لا أنتِ شعليج أحنه هيج مو تعرفينا نتزاعل عادي ومصيرنا نتراضى تصير بإرقى العوائل يله لاتهتمين
اليوم يوم فرحتج شوفي حتى غزل فرحانه وتباوعلج
اي فديتها يله گلبي اني اروح وأعذريني على گلشي هشام بالطريق خل افلت لغرفتي.
ماشي ياقلبي اوكفي خل أشوفلج الطريق
طلعت وأجتني سريع ها
خرب ولج كلهم بالصاله اجتماع عائلي وبس طلعت صاروا بوجهي كلها تباوعلي بنظرة شك فد فشله غرگت بملابسي ومروان شافني وغمزلي خرب يفتر بالصاله مثل المصرا? ينتظره والله الظاهر مبلغهم راح يجي وعمو كمال باقي كاشخ بقاطه وعمتي تفرك بإيدها متوتره وعمار ومجد واحد ينطح الثاني الاجواء ناريه قاتله الله يستر ويعديها على خير.
امين يارب وهسه واني شلون اطلع عزه عيب وفشله من اهلي ولج راح اموت شبعت قهر على عصام سوده بوجهي على عالسالفه خلص ما ارجع بس هو لا يزعل مني ومنج
انجبي جاي نلعب احنه ما ترجعين صارلي ساعه ابحث وتعاركنا اني واخوج وتزاعلنا ومروان حجه الا صوته طبك لقالج جريده اطول من عمرج على شنو يابه وهسه تكولين ما ارجع ما تسكتين بشرفج سگتي.
واندك الباب دخلت امي وفز گلبي نزلت?أسي مستحيه منها خرب فشله والقرأن فد فشله وين اودي وجهي انوب كاشخه ومتحضره شيكولن عليه شبيها ما مصدكه يبوه صخام بوجهي
وصال ها بنيتي الحلوه ها عروستي
ازهار رفعت?اسي ولكيتها تباوعلي بكل حب وعيونها مدمعه تقربت وحضنتها ماما حبيبتي
الله يسعدكم ويكمل فرحتكم وصل وأستقبلوا أهلج واني اجيتج لأن ابوج دزني عليج عود يريد موافقتج ما يدري بنته كاشخه وتتنظر المعرس.
ماما ضحكت ولمتني بحضنها وفرحانه
لعد هذا المخطط مخطط أسيا والله سويتيها يا يمه عفيه عليج بنيتي بميزان حسناتج والله يبارك بيج ومن يومج معدله وبنت أوصول نيال أبني بيج نياله.
أسيا الله يقدم البي خير وازهار تستاهل
ازهار فتحت الباب وباوعتله كاعد ويدخن ومزعوج وجود يمه ولا مهتم الها كعدت بصف امي مخنوكه يمه وعصام.
وصال هو أكو أطيب واحن من گلب عصام عوفي بعده مقهور كسرتوا كلمته وابني وأعرفه يحسب حساب لگلشي ويفكر الف خطوه لليكدام يحسب المستقبل يمه أخوج تفكيره عميق مو مثلي ومثلج
ازهار ما حجيت ودخلوا اخواني عمار ومجد عزه وافشلاته وين اضم وجهي صديت وجهي وايدي على خدي والم بروحي واسمع عمار يضحك خربان ضحك يبوه شكد عيب منهم.
عمار خجلانه خطيه هه اختي العزيزه سيادة الوالد منتظر موافقتج دزلج أُمي وما شاء الله الوالده كاعده ولا أبالها تردنها الجواب لا انوب واحنه اجينا اي أختي هل أنتِ موافقه على الرجوع لسيد هشام.
مجد ما تبطل سوالفك عيب خطيه مو تعرف بيها تستحي.
ازهار طلعوا ودخل مروان مستعجل باوعلي رجع باوع ل أسيا وكال
مروان وين عصام
وصال بغرفته يمه يدخن جكاير ويطحن قهر بروحه
مروان لا يمعودين صدك جذب ابو كرم حبيبي.
ازهار اسيا باوعتلي مختنكه شبيج عيني
أسيا ولج أحس موقفي كلش تافهه شبعت قهر عليه بس والله العظيم اني كانت نيتي اجمع أب بنته ما جان قصدي اقلل من أحترام عصام واهينه لا بالعكس ردت اجمع عائله بكل صدق نيتي بس تصرفي كان غلط ودخلت عليه أعترفت واعتذرت منه بس قافل عمه گوليلي شسوي.
وصال شتسوين عوفي لاتحاجينه وأنتوا الصوج منكم أستصغرتوا وهواي لحيتوا عليه بسالفة رافع ورافع هو مو صغير ولا وما يعرف مصلحة أخته لعد عصام تخلونه بهيج موقف ودمه محترك عصام الواعي هيج يصير بي.
مروان يمه على كيفج عيني أعصابج علينا شُنوْ جاي نلعب أحنه ترى اني هم أخوها وشصار أذا كلمتي هالمره مشت ولما أريد مصلحة أختي ما أتدخل وارجعها أستهدي بالرحم?ن وكولي يالله وهسه ادخل عليه وأحاجي وما يكون الأ خاطره طيب وأحنه أخوان.
ازهار فتح الباب ودخل عليه.
مروان يابه اخونه الجبير عضيدي مترهم شغله بدونك الوالد وعمي فاضل ينتظرونك وما يصير گلشي الا بوجودك احنه نكمل بيك والله وأخونه الجبير وما تفرقنا هيج أمور وسوالف تافهه مره وترجع لرجلها نعتبرها زعلانه وفضت راحت
ازهار ساكت ويدخن وما يحجي رجع مروان كمل كلامه وباو? النا معناها هذا صدك قافل!
مروان أبو ك?م العلم لا تكبر الموضو? فدوه ل?أسك وشفت والله خطيه بس حاجيناها شكد فرحت وشلون ترتب بروحها وهي وبنتها كافي نشلع گلبها وتبهذلت وهم تريد تكون نفسها ويه عائلتها الى متى تضل بهل الغرفه وتباوع النا كلمن ومرته وأطفاله وعائلته وتباوع لنسوان أخوانها فرحانات وهي فرحتها ناقصه ومكسورها وبنتها تباوع على اطفالنا بحضانه وهي ضاله بحصرة كلمه بابا كافي خل أختنا تستقر بحياتها هي ورجلها وبنتها.
وأذا زعلان من عندي لأن تصرفت من?أسي اني أعتذر منك وحقك عليه واللي تريده يجرالك وكلمتك هي التمشي وشنو تأمرني اني حاضر ومن أيدك هاي لأيدك هاي بس ما أشوفك زعلان ومقهور مني وتمرد گلبي أنتِ أخوي وما أريد خسارتك والله أبيع الدنيا كلها لأجل عيونك و?أسك أبوسه.
ازهار أمي كامت تبجي ومسحت دموعها وأسيا وگفت على صفحه تشهك مردت كلبي كله بسسببي
كام ومروان طبطب على أكتافه بحنيه أخ.
مروان أنت الجبير والواعي احنه نعترف غلطنه
وهسه تمشي ويانا يلا سندي يله أخوي.
ازهار طلعوا من الغرفه وعبروا من يمنا ومروان ميح دموع امي وأخذه ومشوا دخلوا الاستقبال
وصال كومي لبسي عبايه وشال وضبطي روحج يله يمه هسه يدزون عليج.
ازهار ماشي أسيا جابتلي عبايه وشال لبستهن وضبطت شالي وطلعنا أحنه وأمي كعدنا بالصاله وأسيل خطيه مبتلشه بالمطبخ تحضر الضيافه على أيد مجد وعمار واخذتني امي وكفنا يم الباب نسمعهم شُنوْ يحجون واني افرك بيدي ولاحظت غزل ماكو خرب ماما غزل نسيتها.
وصال يم أبوها اخذها مجد اله سكتي خل نسمع شيحجون كون يحاجونه خوش حجي علمود يتوب يعيدها بنات الناس مو لعبه عنده هالمره لازم يعرف احنه شمنطينا ما مستعده يوميه أهضم ولدي من وراه هضمت عصام وهو منزل?أسه مردتلي گلبي
الله بالخير
الله بالخير
بشلوا باالكلام والسلام بينهم لما وصلو لنقطه معينه والمتكلم جان عم هشام صوته خشن عرفته هذا ابو بارق عمهم منعم.
منعم يابه رجوع بنيتنا أزهار لم الشمل والطفله مريضه وتبهذلت وأن شاء الله ابنه ميكرر غلطه وهو كلش متندم? إلى سواه وحالياً بيته وحده بيت ابوه باعه وانطه حصة أخواته وطلع من خطيتهن وأخواته كلهن تزوجن وراحن فالهن وكلمن أستقرت بحياتها والبشر يغلط والخير يسامح وانتوأ أهل خير وأحنه نضل أهل ودمنا تخالط وخوال حفيدتنا وناس أجاويد والنعم منكم ومن أصلكم??اسي والله واي غلط بدر من أبننا هشام أحنه نعتذر منكم.
وصال هذا مبين خوش زلمه حجه خوش حجي
ازهار هذا عمه منعم أبو بارق
منعم وان شاء الله توافقون نرجع بنيتكم لابنه هشام وهذا الشيخ هم جبناه ويانا.
كمال المفروض توكفون بوجهه انتو نفسكم الجنتو شاهدين شلون اجا واني قدرته واحترمته وما قصرت وياه واتعاملت وياه على معزة بنتي وما أعتقد بدر من عدنا شيء تجاهه وأذا بدر ماكو بشر معصوم من الخطأ مو لدرجه يعوف بنتنا ويخابر أخوانها تعالوا أخذوا أختكم! شُنوْ لكاها مصاحبه لو خاينته عيب عليه هالتصرف بحقنا وتالي يجيبونها وبحظنها طفله عمرها أشهر بأي حق يدزلي بنتي مثل الورده مكسوره ومطلقه بدون سبب مقنع وهسه جاييني تردون مني أرجعها بكل طيب خاطر وعبالك زعلانه مو مطلقه هذا مو حجي ابو بارق ترى هاي بنتي وحيدتي وأنتوا عدكم بنات ترضون الصار بنتي يصير بناتكم.
منعم أبو عصام عيني بينهم طفله ومريضه وتحتاج أمها وأبوها ما يصير نوكف وبعدين مصير كل مره لرجلها وتصير خلافات بين المتزوجين والأهل والعيال ومهما تكون باجر بنتك تكبر وتشوف أخوانها كل واحد وعائلته واطفاله وهي محطتها توقفت بس تباو? على بنتها إلى تكبر بدون أب ولأتكولي موجود ويشوفها يشوفها وين كل يوميه تصبح عليه وين تربى بحضنه.
لهذا لا تصير طريق عثره بينهم وانت أب وتعرف معنى هالكلمه كلش زين أنت ابن اصول وتعرف بكلشي ما يحتاج احد يعلمك ولو شنحجي ابنه غلطان من ساسه لراسه ونتعذر منكم منا لالف سنه
وهشام هم مثل ولدك كوم أبني وبوس?أس عمك وأستسمح منه على غلطك بحق بنيته يله أبني.
ازهار خليت اذني وامي لزمتني أخاف ادفع الباب واوكع عليهم عزه.
حجه هشام بصوت مخنوك اني غلطت عمي وفرطت بيها والله من كدما أحبها ماردت اظلمها وياي بس بعدين أكتشفت اكثر شي غلط وتندمت عليه هو خسارتها بجا وصوته طبك عمي الله عليك خليني انجمع بنتي روحي تلوب عليها يوميه على صوتها وحركاتها اموت الف موته وهي مريضه.
والله بداعت كل غالي عليك تقبل نرجع سوه واني صرت وحيد لا ام ولا اب اذا ما رجعتلي ازهار وبنتي ثق بالله ما أعيش
كمال لا هذا هو ابني وأحنه هم أهلك.
ازهار دمعت عيوني وبجيت وامي حضنتني ورجعت كعدت يمهن لان خفنا يطلعون وشويه واجه عمار مستعجل
عمار يلا عيني البسي عبايه وعدلي شالي ضمي شعرج زين عالسريع السيد يريد الموافقه والوالد يكول تجي تسلم عليهم هم.
ازهار أستحيت منهم لبست شال واسيا ضبطته اليه واني لزمتني الرجفه أسيا گلبي راح يوكف
أسيا ماكو شيء لاتخافين يله امشي ويه أخوج ينتظرونج يله حبيبي دربج أخضر.
ازهار مشيت وره عمار ودخلت عليهم تلقيت السلام عالكل وشافني عمي فاضل انرسمت الابتسامه على وجهه وبث الطمأنينة بداخلي بكل أمان والحمدلله عدت على خير وتم العقد وصرت حلاله ومريته.
وطلعت من يمهم امي واسيا وأسيل ينتظرني باركلي واني فرحانه كلش ما جنت متصوره الفرح يزور قلبي دخل مجد شايل غزل اخذها لابوها تصفك وتركص فدوه لحد الان ما تحجي بس ابا ولأن مريضه تتاخر يلا تحجي انطوها علاجات وفيتامينات لكن باتت بالفشل والعلاج النفسي اكبر من اي حقن وكبسول وشراب وباشرت بإول خطوه حتى اعالج بنتي واكون سبب بنجاحها واستقراراها.
كاعدين بالصاله وبنتي بحضني وطلعوا أخواني سندي عصام واكف على صفحه ويدخن جكاير
مجد كالعاده اكعد ابجي وراج وهالمره تعلقت بنتج شلون بيج أزهار
أزهار عيني عيونك ليش اني موجوده
مجد ما تصورين أنتِ شكد غاليه على كلبي أنتِ وبنتج قطعه من روحي والله
أزهار حضنته والعب بشعره وأبوس بي فدوه أروحلكم سندي وعزوتي من عمري على عمركم.
عمار شو عيني دراما تراجيدي ما أريد كلمن بطريقه تلفون اكو وتواصلوا وياها وتفسدون فرحتها اشككم بالنص كافي ضيم لو انتوا اتموتون عالتراجيدي شوي رومانتك كوميدي صخام صخمني ولو احنه العراقيين دك لطم مو لله خو أسيا دددك دك لطم يرادلج أغنيه حزينه اسحبي رجلج لا تخلينه يبجي.
أسيا انت بس فك ياخه من عدنا ما ناقصين فدوه اطكني على خشمي أبجي.
ازهار ضحكوا وطلع مروان
مروان يله خيتي تحضري أنتِ وبنتج تمشين ويه رجلج.
أزهار ما حجيت شيء وامي أخذت اسيا وصعدوا يجمعون ملابسنا اريد اتقرب على عصام مستحيه وفشلانه ومروان اجه ضربني على ظهري ويضحك باسني من?أسي فدوه لعينك.
مروان الله يسعدكم أن شاء الله
ازهار أشكرك خيي عصام عبرنا ودخل الغرفته ومروان هز?أسه ما حجه شيء ونزلت امي نزلوا جنط ملابسي اني وبنتي ومجد طلعهن برى وكمت باوستهم كلهم ودعتهم مروان فدوه وعصام.
مروان ما بي شيء بس شوي هو زعول وكرامته عزيزه عليه بهيج مواقف قابل ما تعرفينه من يزعل تذكرين قبل شكد طول يلة أرتضى وهو يرضي يله درب السلامه ديري بالج على بيتج وبنتج ما يحتاج اوصيج بعد الجريده لقيتها عليج كلش كافي مو
عمار نشرة الشرقيه تكفي والتوفي عمي
ازهار ضحكنا وتقدمت حضنت بابا ودعته سامحني بابا حبيبي
كمال أنتِ سامحيني بنيتي.
ازهار شلون ما أسامحك اني ما زعلانه منك أنت ابوي روحي من الدنيا بسته من أيده و?اسه ودمعت عيونه وبجيت ودعت عمي فاضل وأمي ومروان واسيل والجهال وأخر شيء اسيا ديري بالج على عصام فدوه.
اسيا أن شاءالله لا يضل بالج والله وياج حبيبتي هالمره ما أكولج راح اشتاقلج أبداً لان نمتي وغفتي على گلبي كافي عاد.
ازهار ضحكنا ودعتها وطلعت لكيته واكف وبحضنه غزل صعدت بالصدر وكلنى مستحى واهلي كلهم واكفين ومشينا ودعناهم وطلعنا وتوجهننا لحياتنا الجديده.
طول الطريق هدوء سيارة عمامه كدامنا اربع زلم وياهم بارق وافترقنا راحوا بغير شار? واحنه بغير شار? متوجهين لبيتنا الجديد هدوء ومستحى وبحضني غزل هادئه ويضحك وياها واني رجفه بكل جسمي وجهي عرگان يبوه أنتهيت باوعلي لو خطف روحي مني ما اعرف شجاني يمه شبيه ويضحك عليه.
أبتسمت الخبيث يدري بيه خجلانه ومستحيه وصلنا الفرع جان حلو يخبل كلهم البيوت بناء جديد وطبك يم بيت بناءه جديد وحديث ما شاء الله.
نزل من السياره أخذ غزل مني وفتح باب الحوش كان بي حديقه صغيره بناءه حديث ومرتب عبالك شقه كلش مرتب والحديقه بعدها مخربطه جايب سياج خشبي ومبقي يم الباب.
ودخلنا الصاله مفتوحه ومشمور على التخم ملابسه وجنطته مال الدوام كتب وأوراق أمتحانات لان هو مدرس أنكليزي وعلب البيتزا انطاني غزل ويلملم بسرعه خطيه مثل الفشل مني لان هوسه سوده عليه وباوعلي واني طكني المستحى فد طگه كمت أموت خررب بيومي.
هشام غرفتج جاهزه وزوجة بارق نضفتها وصار أسبوع من اشتريتها ادخلي شوفيها لما اروح انزل أغراضج وملابسكم من السياره.
ازهار هزيتله?أسي وغزل نامت عالقنفه واني ذبيت عبايتي ولملمت الصاله ورحت للمطبخ نضيف بس اكوب الشاي موجوده القيت نضره بالبيت والحمام والغرفه الثانيه باوعتها لونها وردي اعتقد لغزل سرير بعده ما مشدود وبصفه كنتور صغير واني فرحانه بيتنا وأفتر بكل فرح وحب وأنصدمت بصدره رفعت رأسي أجتي عيونه بنص عيونه والتقينا بعد سنين من العذاب والفراق والأذيه والحب والعشق اللي راح ضحية قرارت اتخذت بوقت سريع ودمرتنا أثنينا.
هشام ما مصدك والله ما مصدك
ازهار أبتسمت بخجل ونزلت?اسي وهو على وكفته صافن على خجلي رفعت?اسي لكيته رافعلي حاجبه ويغمز خررب ولا يكعد راحه، شبيك بس تغمز.
أويلي هاي شلون بيها تريدني اعضها يلا ترتاح
ليش اني تفاحه
وأحلى من التفاحه.
تقرب لوجهي وأنفاسه بوجهي روحي جمدت بحضوره شفايفه لامست خدي وطبع بوساته ونام اخذله غفوه وهو يتحسس بشرتي ادري مو حتى لابر النظاره شفطها من كثر ما باسني ومتعمق ومستمر واني بالكوه امثل الثبات أريد اوكع من طولي وأستعجل ويفتح بشالي مخبوص روحه فايره عيونه احسهن قفلن بالكوه كام يشوف وأشتياق طفح.
ازهار ميت عليج بالقرأن تفتحين كلبي تلكينه مشعوط.
جاوبته لهل الدرجه هشامي
بلهفه جنونيه واكثر وأكثر.
سحبني بحنيه ودخلنا الغرفة واني اباو? على غزل هشام غزل نايمه خاف توكع.
أمشي لج انعل ابوها لغزل نايمه تكول خلي البابا يشوف شغله خطيه محروم.
ضحكت جرني لحضنه باسني بشفتي بعمق ويسترسل عشقه الدمره بإيده واني بادلته باريحيه بدون تكلف نزعت الكرامه والكبرياء كافي قهر كافي ذل فتحلي أيده ورجعت لحضنه الأحبه أماني وأدماني دخل إلى اوتار گلبي عزف على كل لحن من الحان جسدي نغمه كانت خاصه تشرح حبه ولهفته إلى طالت سنين عشناها بفراق وعذاب قبل لا نختم علاقتنا بنومه عميقه تلمست وجهه وصفنت بعيونه
حبيب روحي أكولك شيء.
گولي گلبي گولي يروحي.
من يوم إلى غادرت السفينه مالتك ما لزمني احد غيرك وشاف ملامحي واعتنق جسمي بس أنتِ اني ملكك واملاكك ضلت مثل ما هي محد تقربلها
يعني من تزوجتي ماكو ماكو
لا أبداً ولا سمحت لاحد يلزمني غيرك.
بالقران صدقه لوجهه الله طلي اوزعه للفقراء
ههه مو لهدرجه
لا بالقران تستاهلين عجل مو بس طلي صدقه لج أنتِ عمله نادره حرام بالحرم ادفنج بكبر وما افرط بيج بعد وتعالي نكمل إلى بدينا يا حقيره ميت بيج ميت.
رجع وبادلته بحركات سافله خلته ينجن ويصيح احبج تخبلت على حركاته طغت على مسامعي ونمت بحضنه وأجت غزل ادك بالباب وتريد تفتحه
راح فتح الباب وجابها وحضنها ودخلت بحضنه نمنا نوم عميق وعائله سعيده الف الحمدلله من أجتمعنا بعد معانات كثيره...
كعدت الصبح اتململ بجسمي بتعب بعد معارك كانت طاحنه انتهت بنومه غزل بحضني ما قبلت تفارك ابوها كل شويه تكعد وهو يضل يلوب يريد ينومني بحضنه بس حاضن أيدي ويبوس بيها بحنيه.
طلعت من الغرفه وصفنت عالبيت وأبتسامه على خدي ودخلت المطبخ لكيته محضر الريوك كاهي وكيمر وغزل عفتها نايمه مشيت الحمام غسلت وجهي واني انشف بالخاولي أجاني على وجه أبتسامه شارحه روحه بكل فرح
هشام صباح الخير يا حلو
ازهار صباحك فل وياسمين تقرب احتضني واخذ نصيبه من شفايفي بحنيه مفرطه
هشام أعشقج حب حياتي
ازهار حاضنته ومتمسكه بي ربي يخلينا لبعض
أحلى صباح بوجهج حبيبي تعالي تريكي.
مشيت وياه لمطبخ وتريگنا سوه واحد يباو? الثاني مثل بلابل الحب واحلى كملنا الريوك وتمدد على رجليه والعب بشعراته مثل قبل وضلينا نسولف ونعوض الأيام اللي أبتعدنا بيها عن بعض.
ومر يومين عشنا اجمل تفاصيل حياتنل ويه بنتنا وهو جان مأخذ اجازه وياي خطيه رتبنا البيت وجبنا نواقص الضروريه بس لان بيت جديد شوي شوي نكمل الباقي بس المهم بيت يلمنا ويجمعنا سوه.
كعدنا الصبح كان مخابر عصام علمود العقد مال المحكمه اليوم لكن كال هو طالع مايكدر يجي لهذا عمار كان متواجد هو بحكم اني مو قاصر بهذا ما يحتاج بس حبوا واحد منهم يحضرون وياي.
كشخنا سوه وفرحانين وغزل بحضن أبوها وطلعنا المحكمه نعقد محكمه وصلنا ودخلنا المحكمه لازمين ايدين بعض عشاق معشوقين والفرحه تارسه وجوهنا الف الحمدلله من انجمعنا...
أكملنا العقد الحمدلله وطلعنا من المحكمه ودعنا عمار ويبوس بغزل ويضحك وناصب علينا سوانا سينما من الضحك
عمار بنتهم بحضنهم وهما طلكني زوجني طاح حظكم هيج كمر وابهذلها بالمحاكم يله علمود تكون شاهده على خبال أم وأبوها وأتوبون بعد تعيدونها
ازهار يله دام هيج اعزمنا على غده بمطعم على حسابك بمناسبة عقدنا.
عمار عزمت روحها بنت الاوادم أمشي تخسرينا غده والله شنو عقدت محكمه عيب بابا عيب دخلتي ال 30 شوكت تكبرين يله عيني أني أترخص تأخرت على دوامي عندي محاضرات ديروا بالكم على نفسكم وعائلتكم وهالصغيرونه خلوها بعيونكم أنتوا سعادتها وشفاءها.
هشام أن شاءالله كثر الله خيرط ومشكور حبيبي على وگفتك ويانا ما قصرت.
عمار لا نسيبي العزيز تدلل ولو ما بحاجه لان أنتِ جبيره وواعيه بس أوامر سيادة الولد وأخواني عصام ومروان طلعوا اليوم سوه بشغل ودزني بمكانهم وان شاءالله ما قصرت يله في امان الله عود نلتقي.
هشام أن شاءالله حبيبي يا هلا بعمار
ازهار راح وطلعنا بالسيارة وشغل اغنيه وغزل تصفك وفرحانه هي وابوها خل ابلغ ماما لحظه أتصلت عليها ما تجاوب ليش رجعت أتصلت أكثر من مره محد يرد يرن محد يجاوبني وينج ماما.
هشام شكو گلبي شبيج
ازهار ماما ما اعرف ما تجاوبني صار اكثر من خمس مرات أتصل ما ترفع الخط عليه شو گلبي كام يوجعني ما اعرف ليش هشام وكف السياره نفسي لعبت وكفها
هشام شگو حبيبتي تلفون يجوز صامت لو ناسيته بالغرفه لو بيد الجهال عادي تصير.
ازهار بس كرم يعرف يفتح الخط وماما ما تنسى تلفونها وياها وياها وين ما تروح علمود أخواني تطمئن عليهم وين يرحون وين يجون اوكف خل اشوف اسيا اتصلت مغلق هاي شكو شسالفه يربي اتصلت على اسيل مشغول يربي شسالفه شبيهن وين رايحات عمار راح الدوام.
هشام حبيبي مو شرط اكو شيء يجوز ملتهين من الصبح يشتغلن ينظفن البيت ليش خايفه.
ازهار ما اعرف شو گلبي قبضني وكام يوجعني حتى نفسي ضاك عليه ليش محد يجاوبني مو بالعاده هنا يالسالفة التلفونات نبهات علمود اخواني وبابا وكف خلي اشوف مجد اتصل مرتين محد يجاوب أستغفر الله واتوب اليه ليش ياالله هشام امشي لبيت اهلي
اتصلت المره الثالثه وجاوبني مجد هلا حبيبي مجد شلونكم وين انتوا اتصل وانتوا ماكو اجاني صوته يبجي! مجد شكو شصاير
مجد ازهار ولج ازهار.
ازهار هشام وكف السياره وكفها صرخت بي مجد شكو ليش تبجي شصاير اتصل عالبيت محد يجاوبني وانت هم وهسه تبجي حاجيني فدوه لعينك
مجد لج شحاجيج شحاجيج ولج عصام ومروان مسوين حادث ومگلوبه بيهم السياره لج شحاجيج وهما لحد الان ما ماخذينهم المستشفى لج شحاجيج واني ابويه وعمامي رايحين لمكان الحادث نطلعهم ولج اخوانج بنص الموت ولج ازهار اخوانج
ولج عصام طابگه عليه السياره ولج لحد الان ما مطلعينه!
ازهار مجد شتحجي أنت عصام ومروان لاااااااا فدوه لامستحيل أخواني يمه سوده بوجهي يمه طين ب?اسي يمه أخواني مجد فدوه حاجيني عايشين ما بيهم شيء كولي ما بيهم شيء عايشين صرخت م لاتحجي لاااااا لاتكولها أمانه فدوه اروحلك لاتكولها ما بيهم شيء اي ما بيهم شيء اني اموت اني اموت وهما يعيشون لك مجد حاجيني فدوه لعينك برد كلبي وكولي أخوانج ما بيهم شي.
مجد بصراخ لج ما أعرف طين ب?أسسسي ما أعرف بطريق بعدنا ما واصلينهم وأنت روحي البيت بسرعه امي تخبلت جيبيها وتعاي المستشفى كركوك انتظرونا اهناك يله ازهار...
وانقطع الخط وحبست الأنفاس.