رواية بين قلبها وعينيها كبرياء للكاتبة شمس العراقية الفصل السادس والثلاثون
أسيا كاعدين ننتظرهم كالوا أنحلت الحمدلله بس عمتي ما مرتاحه تفتر يمه اكعدي مو خابرونا حلوها
وصال والله خايفه لا يسولنا سالفه واسيل تروح بالرجلين وهذا حارث ما مسمي بالرحم?ن واحد طايش ومتسرع بسرعه يگلب ما عنده موقف
ثاتب يمشي ويه الموجه.
ازهار لا أن شاءالله ماكو شيء هسه تنحل ونرجع حبايب ونكمل تحضيرات العرس بإحسن ما يكون.
أسيا سمعنا صوت وطلع مجد وانفتح الباب ودخلوا بسيارتهم كلهم نزلوا بس عصام وين؟
عمه عصام ليش ما موجود بينهم.
وصال إحتمال وراهم هسه يوصل رايحه افهم منهم
أسيا عمتي طلعت عليهم وأني أتصلت عليه ورفضني رجعت أتصلت مشغول ومروان نزل جهازها وطلعت ازهار ساعدتهم وصعدوا لغرفته واني اتصل مشغول ونزل مروان اكول عصام وين ليش مو وياكم
مروان ضل واكف ويه حارث ورانا هسه يجي
أسيا هاا تمام رجع يصعد الجنط وانفتح الباب دخل واجه يمشي بثكل واني لازمه تلفوني دخل باوعلي وابتسم ليش تأخرت.
عصام ضليت ويه حارث وأخذتنا السوالف
أسيا وأتصلت عليك ليش رفضتني؟
اي جان عندي مكالمه مهمه ليش محتاجه شيء
لا سلامتك
جهال ناموا لو بعدهم
ليش
علمود نشوف شغلنا
ناموا
يرحون واجيج لاتنامين أنتظريني.
هزيت?اسي ودخل الأستقبال ومروان نزل ينفض بإيده بتعب وگالي
مروان جاي
أسيا ماشي سويتلهم الجاي ومجد اجه اخذه وصعدت الهن فاتحات الجنط والغرفه صايره هوسه هاا نرتب هسه اخاف نتأخر ومروان يريد ينام.
وصال وينام بالأستقبال شگو عليه يله أستلمي المكياج ازهار رتبي ملابس النوم
أسيا ماشي بلشت ترتيب رتبت مكياجها ومواد العنايه كلها بالمجرات بقيت فقط صينيه مال عطورات الها واله وكلمن لزمت ترتيب قسم ومر وقت هواي يله خلصنا
وصال بس الجرجف مال النوم وتعطير وتنظيف بيوم الحنه بالليل عود هسه تتوسخ وفايتين داخلين عليها
ازهار ماشي يله اني اروح اشوف هشام صدك يمه ما تعزمونه
وصال لا نعزمه احجي ويه ابوج لايضل بالج.
أزهار ماشي عيني تصبحون على خير
أسيا وأنتِ من أهله حبيبي راحت الغرفتها واني نزلت هدوء بس صوت مروان ومجد بالاستقبال الظاهر رايحيين دخلت مملكتي مظلمه الاضويه طافيه باوعت لغرفة كرم حاضن الدب مالته ونايم.
ودخلت لغرفتنا عصام يگلب بالتلفون عبرته فتحت الكنتور اخذت ملابسي ورحت الحمام غيرتهن ولبست لبس رقص اليوم اولع الليله وفتحت شعري على طوله ورجعت وباوعلي بنظره مكر گبل شمر تلفون راد يكوم اشرتله بيدي ارجع بعدني.
عصام شبعدلج غير دخت بجمالج الكارثي.
أسيا كعدت أخلي مكياج وطوخت الحمره وهو ما أستحمل اكثر اجه وتقربلي حاوطني من خصري بإيديه بحنان، واحتضني من رقبتي بحرارة، وتلاشت قبلاته على شفتي بشغف جنوني، كل لمسة منه تثير فيّ رغبة في المزيد همست عصام اصبر خليني اكمل مكياجي
عصام ما يحتاج
أسيا دفعته بخفه ولبسي فاضح وشعري منثور على انحاء خصري تمايلت بخصري بحركة إغرائية مثيره مشتعلة النار في عينيه حركاتي كافية لسرقة عقله.
وكل ما اريده أحتوائه لكي لا ينظر الى إمرأه غيري
قفلت الباب وشغلت أناره خفيفه وفتحت تلفوني وشغلت أغنيه وهو تقدم سحب التلفون من ايدي وشغل على ذوقه واشرلي أبدأ
بدأت أرقص له، وأنا أعرف أنني أملكه بحركاتي.
أتمايل بخصري وسلبت عقله فقط مكتفي بالمشاهده ونظرات عميقه بشغف جنوني لكل حركه وتفاصيلي بحدود الساعه ارقصله وهو صافن وانتهى الوقت ونهض تقدملي سحبني بحركه سريعه والتفت أيديه حاوطت خصري وأمتلكني وسوه حركه الرقصه الملكيه نزلني للكاع وسحبني لوجه وباوعلي بنظره قويه وعيونه ناعسات نظرات تعبر مرحلة الحب بحدود دقائق واحنه واحد صافن بوجه لخ.
أتقرب أكثر واخذ شفايفي وبادرت بجنون وانتهت ليليتنا بكل رومانسيه وتركت بصمه بروحه وصرت مثل خياله يروح لاخر الدنيا ويرجعلي صنعت نقطه ضعفه بيدي.
كعدت الصبح على صوت تلفونه عصام طفي نعسانه
عصام وأني ميت نعس مطفي عالاخير
دطفي لعد
هذا عمار
نهض مفزوع شگوو فتح الخط وجاوبه
هاا عمار شنو وصلت
عمار طلعت من المطار شنو نايمين كاعدين
عصام لا بربك صدك تحجي مو أتفقنا نأخذت من المطار ونحضرلك حمايه شبيك أنتَ متاخذ بحجايه.
عمار ما يحتاج يله راح أوصلكم.
أسيا قطع الأتصال ودخل الحمام وحضرتله ملابسه وجود تبجي انخبصنا هو سبح وطلع عالسريع والباب يدك مروان يصيح عليه
مروان متكولي شوگت تطلع الدنيا ظهر يمعودين
أسيا رش عطر وجر تلفونه وسلاحه وطلع عصام واني والهوسه
كله من الرقص مالتج ما خليتنا انام
ذبيتها ب?اسي
بس جانت ليله من العمر عديها عليج الله
عصام جهالك
حيري بيهم رايح أستقبل أخوي
عصام
راجعلج.
راح وركضت غسلتها وغيرتلها ملابس واجيت كرم حاضن الدب ويبجي شبيك متنحس مو وكتك كرم متشوفني مثوله وعمك عمار اجه وبهل الاثناء دخلت ازهار كاشخه اي عيني بس اني طامسه بوسخي
ازهار هاي ليش متأخره اليوم وجهالج ليش يبجون.
أسيا استوكحت البارحه بليل والصبح اكلت طن وحل شوفي الهوسه هاج رضعيها لما اغيرله ملابسه تعال حبيبي شبيك عيني حضنته وابوس بي بالكوه سگت غيرتله وكشخ يله روح على جدو طلع راحلهم ورجعت ازهار شبعيها حليب بس لما اسبح
ازهار يله استعجلي
أسيا سبحت وخليت ملابسنا بالغساله وطلعت رتبت روحي والغرفه عفتها مكلوبه وازهار شالت البدله بيد ووحده وتضحك
ازهار هسه عرفت السبب من وراه هاي الفاينه.
أسيا شمريها يمعوده مصيبه خل نطلع ضحكنا وطلعنا بالصاله وعمتي تفتر وعمي واكف يم الباب وعينه عالساعه
كمال وين صاروا
أسيا باوعنا بالكاميرا اجوي طلعنا بالحوش ودخلوا عصام وعمار ومجد ومروان ونزل عمار طبعاً هواي يشبه عصام حضن عمي دقايق حاضنه وعمتي تبجي حضنها ويبوس بيها المنظر يبجي نوب شاف ازهار حضنها ويفتر بيها واخوانه يضحكون.
عمار شلون تتزوجين واخوج ما يحضر شلون
ازهار اسفه حبيب روحي.
عمار يله هاي هي مهم سعادتج هاا اسيا شلونج عيني لك كرم شو كبران هاي بنيه النازكه منو هاي جود لج انتي اتزوج بيج اخذ بيج مره ترضى عصام
عصام لا ما ارضى
عمار ادري بيك أنتَ تقدس النساء عاطفي مو بيدك
أسيا سلمت عليه ودخلت هو حاضن عمتي وازهار
ورحت قدمت ضيافه وبنتي اكلها اكل وكرم مستغرب منه ويباوعله بنص عين
عمار عيني الزلم الخشنه شبيك تباوعلي بنص عين شنو شايفلك عتوي اني عمك لك.
مروان عمه كاظي حياته بالخارج يمتى تستقر عالخير
عمار الله كريم اي شلونكم أي شوكت تعرس
مروان الخميس
عمار تعالوا اقنعوني شلون مروان اقتنع وتزوج من الأقارب يا سحر هذا اشتغل عليك وجابوا?اسك
مجد سحر ام عباس يا سحر يمعود هذا هو يسحر روحه
مروان لا ولك سحر القلوب
عمار الله عليك يالقصير
كمال كلشي بالقسمه والنصيب ابني ويوم نفرح بيك
عمار الله كريم اي يمه شلونج
وصال زينه بشوفتك يبعد عيني.
أسيا ضلينا كاعدين ويسولفون ويسألونه وعصام يتثاوب ومطفي عالاخير ومروان من جوه ليجوه يضحك ويغمزله السرسري وعصام شمر عليه الكوشه وهو خربان ضحك أول مره نسمع صوت ضحكته بهل العلو الله يدوم ضحكتنا وفرحتنا.
. وصار وقت الغده وكمت ساعدت عمتي وصبينا وفرشنا بالكاع واجو اربعتهم وعمي وياهم وازهار ترتب السفره وعصام نفشها من شعرها وضحكت وكعدنا كلنا وأجواء العائليه الحلوه مفعمه بكل حب.
كاعده اغيرلها ملابس وهو واكف فوك?اسي كرم اخذه لو ابقي.
عصام لا بقي هو ما يريد يروح لزك ب عمار معجب بي اشد الاعجاب على الرغم بالبدايه جان عنده نفور منه.
أسيا هو محبوب الاطفال جود بس تشوفه تريده
عصام سيادته جاي يقنعه كون يقتنع يضل بالعراق ويعوفلي هالدراسات ادري العراق شبي ادرس اهنا يحظي عافيلي بلدك ومقيم بالغربه.
أسيا قناعته بعد يله گلبي كملت نمشي اخذها مني وطلعنا بالصاله ازهار وعمتي هم وصعدنا بسيارة عصام وعمتي طلبت نروح على اسيل اخاف تزعل خطيه لن ما رحنه وياها طبعاً جان طلب مروان كال خلي اهلها يرحون وياها ما نفرض نفسنا كوه هما ما يردون واخوها ما يتفاهم وعمتي ما رضت بعدين وافقت.
وصلنا الصالون
ازهار منو وياها
وصال خابرت أمها كالت اختها هديل ومرت اخوها.
أسيا ذكرت هديل يله ننزل لعد باوعلي بالمرايا ونزلنا ودزلي رساله
عصام لاتشوفينها كدامج تجاهليها.
أسيا ماشي حبيبي بدون ما توصيني دزيتها ودخلنا سلمنا عليهن وباوستها وتقربت على أسيل شكلها طفولي وحزين وحجيت وياها ودعتها وطلعنا وعيونه تراقبني ينتظرني على احر من الجمر
صعدنا وتوجهنا لصالون يم عمتي فريال والبنات وصلنا قبل لا انزل اشرلي ابقى هاا حبيبي
عصام خوما حجيتي وياها
أسيا لا حبيبي لايضل بالك
تعجبيني.
ابوسك نزلت وهو عيونه وراي دخلنا الصالون ومكياج وتسريحه وسوالف وضحك وخلصنا وطلعنا للقاعه ودائماً الامكان تجمعني بحضورها تصرفت طبيعي وطول الحفله تجنبتها بس نظراتها جانت تلاحقني وأحساسي ما يخيب نظراتها نظرة وحدة متندمه واني غيرتي واحساسي ما اجن عبث بس مع ذلك شيطلع بيدها بعد مره متزوجه بالعقل متنعقل اكبر عقلي واتجاهلها وما ابالغ بماضيها وياه رجلي وتشوف نفسسها مهمه.
واكفه أني وازهار وعمتي وصال وعمتي فريال نسابتها اجو اخذوهن وراحت وياهن وأتصلت عليه رفضني رجعت اتصلت مشغول؟ واجه عمار طبگ وعمتي صعدت ليكدام وباوعتلهن واكفات هي ونسوان اخوانها وامها واكفه مثل النسر فزيت من صفنتي
وصال يله أسيا صعدي امي بنتج تبجي ازهار سويلها ممه خل ترضع علمود انومها
أسيا اي اجيت صعدت بصف ازهار وشغل السياره ومشينا للبيت حجيت عمار عصام وين
عمار عنده أتصالات مهمه گالي بالطريق.
يا طريق يجي لقاعه قصدك؟
اي يأخذ بيت عمي علوان يوصلهم.
هو گالك يوصلهم
وصال شگو حجيت
عمار هاا لا اني گلتلته
أسيا تمام
ازهار شبيج حبيبتي
أسيا هيج ما بيه شيء شويه وأتصل عليه وحسيت عمار بلغه لن شفته يگلب بتلفونه ويكتب رفضته ورجع أتصل هم رفضته رجع دزلي
عصام ليش ترفضيني
ما جاوبته
ابوس گلبج اليغار يابه
ما جاوبته
والله مو متقصد اوصلهم بس لن تأخرت عمار
گال اني اوصل الأهل علمود جود تعبت.
أسيا غلقت تلفوني ورجعته الجنطه وعمتي گل شويه تباوعلي وتقرأ ملامحي واني احس حراره تطلع من وجهي واذاني و?اسي يريد ينفجر.
مر وقت وتلفون عمار يتصل حجه ثواني وقطعه وخفف السرعه يمشي على البطيئ
وصال شو كمت تمشي على بيض
عمار بانزين قليل
وصال غير تتنبه يا ابني
أسيا صافنه عالشارع وصار كدامي يدك هورن يأشر اطبك عالرصيف باوعتله عمار كمل سياقتك
عمار بس
أسيا عمار رجاءً كمل سياقتك
وصال بس لاتعاركتوا اطبك مو جاي يأشرلك.
عمار وهي تكول كمل سياقتك هسه شدوس
ازهار كمل سياقتك لن ما تنحل اذا طبكت بالبيت يتفاهمون احسن.
أسيا صديت وجهي واخذت جود بحضني وهو عافنه مشه سريع كدامنه وتلفون عمار يتصل انطاه لعمتي
وصال هاا يمه اي طنگرت ودخنت وانت شگو توصلهن تعرض عضلاتك كدامهن ابو البطولات منو رايد منك تستاهل والله تستاهل اني وياها مو عليها انتوا مو مال وحده تركض وراكم وتكبر روسكم لا والله ما انطيها التلفون يله يله.
أسيا قطعت الأتصال وانطته التلفون وصلنا هو كدامنا دخل بسيارته واحنه وراه طبگنا بصفه نزل قبلنا ما باوعتله تجاهلته ونزلت بيدي جنطتي وبنتي گبل توجهت للبيت
دخلت غيرتلها ملابسها وسويتلها ممه وكعدت ارضعها وههو ما بين نامت وكمت سبحت وطلعت لافه شعري واجه عبرته وكف كدامي وخر اريد امشط شعري.
عصام شبيج
أسيا ما بيه شيء
ليش تجاهليني كدام أهلي
ما متجاهلتك.
لا واضح وشنو هالتصرفات لعد نزلت أنتظرج وتنزلين حتى ما تباعين بخلقتي وتمشين واني وراج هاي الأحترامات لزوجج كدام أهله.
گلبت السالفه عليه وتطلع روحك أنت الصح واني على خطأ مو هذا تريد توصله اليه خلص وصل وفهمت.
مشاكلي أني وياج بغرفتنا نحلها طناكيرج لاتطلعيهن كدام أهلي خبال لاتتتخبلين كدامهم.
ترى ما حجيت شيء وما جاوبتك هاي نقطه وغلقت التلفون اتجنبك هاي نقطه وأنت لحكتنا وطلبت عمار يطبك هاي نقطه وانت خابرت عمتي وحجيتلها هاي نقطه وانت وصلتهم هاي نقطه مو مهمه عندي
مشيت ولزمني من ايدي وضغط عليها جاي توجعني
تحجين بالنقاط واكو نقطه نسيتها من نزلتي من السياره واني واكف منتظرج هاي نقطه مهمه عندج لو لا.
يهمك
أي طبعاً.
لا سحبت ايدي ورجعت أخلي مواد عنايه ورشيت عطر وسرحت شعري وهو كاعد يگلب بالتلفون مالته واندك الباب كام فتحه ودخلت ازهار وهو طلع
ازهار هاا شصار
أسيا ما صار شيء مروان رجع لو بعده
ازهار اي صعد لغرفته كال يسبح ويتحضر لن جماعته رايحيين بيت عمي داوود على اساس الحفله اهناك لن محد جان موجود بيتنا وهسه راح يجون هما ولد عمامي ويسونها بحديقتنا.
ماشي لعد اكوم اساعد عمتي.
كملنا كلشي جابوا سيتات قواطي وكلشي جاهز بس رتبناه وعمار ومجد رتبوا كلشي عوفج هسه احجيلي شصار خوما تعاركتوا.
ذب اللوم عليه
حقه
بشنو حقه
مو گالج لاتشوفينها تجاهليها بعد ليش تكبرين الموضوع وتخلقين مشكله ويصير بينكم زعل ونفور ومغثة على شيء من الماضي من اسمه ماضي وهي متزوجه قابل تطلك من رجلها وترجع تاخذه منج
ما جاوبتها
خوما زعلتي مني حبيبي
لا
لعد شبيج؟
هيج
خوما جفصتي بالكلام وياه
أي
ياا شحجيتي
سولفت الها.
ليش هيج حجيتي يعني والله هو لوما خايف ومهتم لزعلج ما بالشار? يأشر ل عمار يطبگ السياره علمود ياخذج وياه ويتصل ويحجي ويه امي ويوصل قبلنا وينتظرج علمود يحاجيج ترة قلة تلگين زلم يهتمون لزعل نسوانهم وعصام مختلف عن كل أخواني حنين وحنيته مفرطه على الرغم يمتلك قساوه بس لاشيء امام حنيته وحجم عقله وفهمه
لاتخسرينه بتصرفاتج.
جنت مقهوره وحجيت.
يله ما صار شيء هو متفهم وأكيد راح يفهمج يله گومي نطلع نباوعلهم ونشوف رقصهم كلش متحمسه لهاي الفقره.
شوفي اني شكثر مقهوره لن هشام زعلان وغالق تلفونه وفاصل الانترنت وما يحجي وياي بس اجيتج لن ما طالع بيدي شيء ومتوقعه هالتصرف من أهلي.
وليش هيج يسوي أنتِ شعليج
مقهور وگال ما أريد أغثج وعرس أخوج من حقج تتونسين وتفرحين واني ما اكدر الزم لساني اذا ما احجي ومن هالحجي هو صاير زعول.
مو من حقه والله وزايده منه يغلق التلفون ويفصل الانترنت علمود لايحجي وياج ترى يكدر يلزم لسانه لن زين يعرف أنتِ ما الج ذنب ومتوقع منهم هالشي بعد شگو يزعل.
يله نكوم
خلص لاتزعلين يمعوده
لا عادي أروح واراضيه.
طلعنا اني وياها والأستقبال مليان نسوان جوارين وزوجه عمهم داوود هي والجنايين وام الحسن وام العز وعمتي والحجيه جايه هم وعماتي زينب وفريال جايات دخلت سلمت عليهن وازهار قدمت الضيافه وساعدتها وكعدت بصف ام الحسن هاا شلونج
مرام الحمدلله ماشيه
أسيا شو ماشيه لازم الأمور مو تمام
مرام لا ماكو شيء
تحجي وعبرتها ترس صدرها حسيتها ما مرتاحه مرام بيج شيء نزلت دمعتها صدت وجهه مسحتها بالكلنكس عاد الحجيه كالت.
الحجيه ولج اكطعه بالطبر وما اخلي وحده تأخذه منج ليش اني وين رحت واخلي يكسر بختج ويتزوج ويجيبلج ضره وشبيج شناقصج شو جنج حوريه شيريد بعد
ام رافع يريد يكثر النسل
وصال وليش ما يكثره من ام الحسن
ام العز والله حجينا وياه مبين قافل عالقضيه مخلي الزواج برأسه ومصصم حته عمي ما يحجي وياه تزاعلوا.
الحجيه عشتوا يكثر النسل عاد شلون نسل هذا كلهم مخابيل وعليمن يطلعون غير مثل ابوهم يتزوج ويكسر بخت بنات العالم هذا رافع ما يتحمد ربه ويتبطر على نعمته
ام رافع شسويله يا حجيه رجال من يكول كلمه بعد هاي هي يقفل عليها.
الحجيه وأنتِ شنو شغلج ليش ما تمنعنيه لو رجلج لو نسابتج يجيبولج ضراير جان مرغلتي روحج بالطين وما قبلتي.
ام رافع عمه شو هيج رجعتي عليه.
الحجيه لن تربيتج سكط وأنتِ مرايمي لاتبجين بنيتي ومسحي دموعج العزيزات وماطول اني عايشه وخشمي يشم الهوا رافع ما يجيبلج ضره وتاخذه منج ولاتبقين تبجين وتكبرين رأسه جنه?اس ثور ولابس وصله حمره
ولج خايبه لبسي وشيلي خشمج عليه ولجن صيرن مثل اسيا ساحلته وراها هاي النسوان التعجبني ما تنزل?اسها تكسر وتجبر تعرف شلون تصرف.
اسيا ابتسمت فدوة لكلبج جده ومرام باوعتلي ومسحت دموعها والحجيه كامت ودگت عوجبتها بالكاع وگالت
الحجيه صيحولي رافع خل يجيني
ازهار جده بلشوا جوبي ما تسمعين صوت الاغاني
الحجيه امشي صيحي لا اجي اجوب بنصهم واخلي طشارهم ماله والي
اسيا دزيت رساله ل عصام جديتي تريد رافع شافها ما رد
الحجيه مرام عوفي تلفونج لاتتصلين عليه ثكلي
مرام ماشي جده.
أسيا شويه ودخلوا عصام ورافع جنت واكفه من يم الباب واجه وكف بصفي ورافع باوع لمرام وجديتي وكفت كدامه وحجت بعصبيه
الحجيه المن تزوج من يا عمام
رافع جده مو وكته
لا وكته
جده قابل بايك زواج بشرع الله وين الغلط
وام الحسن
شبيها
تضل على ذمتك
اي لعد شلون وبيتها لوحدها محد يگرب صوبها
لا هذا الحجي ما يمشي عندي
لعد
تطلگها وتاخذ جهالك وتروح تزوج خلي زوجتك تربيهم الك
جده شنو هالحجي هذا.
لعد شتريد عيني تزوج وتتنعم عود عريس وعروسته ومرامي تضل تربيلك خلفتك منو گالك خلف هلكد وبعدين تمل وتريد تجدد برگبت هالمسكينه.
منو مال منها ترى مريتي وام جهالي وام الحسن بعد
ام الحسن
اي تعجبج خوش مره
ليش تزوج عليها عندك أسبابك
عصام لا والله جده لاتصدكينه كل سبب ما عنده هذا هيج يريد يتزوج
رافع عصام اريدك عون مو فرعون.
الحجيه ماشي خلي يتزوج بس جهالك ما الها شغل بيهم وتطلگها ومرايم تجين وياي وما الج شغل بي احجي تردين تجين وياي
أسيا رافع يباوعلها ويغمزلها ويعض بشفايفه
الحجيه عوفها مستگوي على بنيه يتيمه ضجان استحيت على شاربك وطاح حظ الوگت خلاها بيدك يله اطلع تمركص وبعد تحلم تشوفها
رافع جده يمعوده وين تأخذينها.
الحجيه ما الك مره بعد حير بخلفتك وروح تزوج خلي هي تربيهم يله عصام اخذه من خلقتي ما اريد اشوفه ومرامي كومي كعدي اهناك شكو لابت بسدج شو وخر عنها رمانتين بيد وحده ما تحصل
عصام امشي ابو الحسن
رافع مرام بعدين نحجي
الحجيه مالها شغل حلگها ما فتحته ولا حجت.
عصام امشي يمعود.
أسيا عصام اخذه وياه وحبيت موقف الحجيه ياريت كل الأهل تمنع أبنهم من زواج الثانيه وبدال ما يوكفون وياه يصلحون الأغلاط اللي عنده مو بس يذب اللوم والاسباب بزوجته على الرغم رافع ما عنده أسباب مقنعه بس يريد يتزوج واجاه الرد من جديتي وان شاءالله يخاف منها ويمتنع عن الزواج لن ام الحسن ورده ما تستاهل تنكسر.
واشتغلت الأغاني وأرتفعت الاصوات وطلعنا نباوعلهم شلون يرقصون رافع أولهم وعمار وناجح وخالد ومظفر ومروان والباقين ولد اقاربهم وضباط جماعة مروان وعصام ما موجود باوعت أرجاء الحديقه مساحتها 200 والاضويه كلها مشتغله هو ماكو بينهم ازهار
ازهار هاا عيني
أسيا عصام وين
وين يروح قابل اخاف اجاه أتصال مهم وطلع يحجي لن الاصوات عاليه روحي اتصلي عليه.
هاا يعني أتصل.
اي عوفيلي الكرامه هسه امشي شوفي وين واني راح اشوف هشام خل نلحك زلمنا لا يهجون.
اتصلت عليه مشغول بقيت انتظر ورجع دزلي
هاا
توني جاي أكتب دخل عليه واشر ل ازهار
حضري ماي بالصياني سيت بطاله بالمجمده موجود بس رتبي علمود اخذه الهم.
ازهار اي هسه اسيا تعالي ساعديني.
أسيا رحت وراها وهو واكف بعد مسافه جهزنا الماي وأنطيته الصينيه بدون ما يباوعلي اخذها ورجعنا شلنا الصياني وانتظاره وما اجه دز مروان عود شنو هالحركات ماشي عصام.
استمرت حفلة توديع العزوبيه وعصام حسيته ضايج من شكله وملامحه من يباوع عيونه حزينات مع ذلك استمر وياهم ل 12 بالليل ضحك ونركيله وسوالف ورقص وصور وجانت حفلة من العمر ولد عمهم باتوا يمنا هما ومجموعة ضباط لن الوقت تأخر وفرشوا الهم ومروان نام يمهم بالأستقبال وخالد هم ضل لن زوجته يم اهلها ورافع راح وجه اليتيم يباوع وراها صعدت بسيارة عمو فاضل ويه الحجيه وعمتي فريال ويباوعلها يتقدم وجديتي تعيط بي وراحت وعافته ويعض بإصابعه واهله راحوا وضل هو وعصام ومروان واكفين وتالي شغل ولحكهم واجو يضحكون عليه.
وصال هاا جان بات
مروان وين يبات وجه الارمله طين على?اسه ولده اربعتهم منو يتحملهم غير ام الحسن خلي شوف يكدرلهم
عصام تصبحون على خير.
مروان وين الليل بإوله تعال نكمل السهره حمزه يكول الكعده ويه عصام تعلمنه الاخلاق وما شابه ذلك.
أسيا ما جاوبه ومروان دخل لعدهم واصواتهم عاليه يلعبون دومنه وعمتي خطيه دخلت المطبخ مكلوب والحديقه مگلوبه عمه عوفي الصبح انظفه.
وصال لا يمه وينه وين الصبح البيت مزبله والصبح تجينا كومه ناس عيب اني ردت عمتي تضل هي وفريال بس من ورا مرام ما ضلت اخذتها وراحت يله اني انظفه روحي على زلمتج وجهالج.
أسيا اشوف بنتي واجيج
ازهار اني وياها هسه نكمله عوفينا ورحيله لن حيل مزعوج حتى مروان حجه وياه بشقه فشله وما رد.
أسيا ماشي دخلت الاضويه طافيه كرم نايم بغرفته وجود هم نايمه على نومتها سويتلها ممه ورضعتها وهو منطي ظهره ونايم على صفحته بعدت الغطا وحضنته ولزمت أيده وخليت?اسي برقبته واشم بعطره عصامي ما يلوك الك الزعل ما رد عليه بقيت حاضنته وغفيت لن تعبانه كعدت لكيت نفسي بين أيديه محاوط خصري و?اسه برقبتي حبيبي.
عصام هاا
أسيا بعدك زعلان
لا
لا بعدك
كلت لا
انداريت عليه وحضنته من وجه وهو مغمض بسته من شورابه رجالي الاحبه.
شوكت تبطلين عناد وزعل جاي تأذيني بعنادج والله ما كافي عاد وبطلي هاي كلاوتج وجري عدل لا اشوفج عصام الثاني اخاف ما عبالج.
نفض الغطا وطلع وضليت مصدومه بكلامه كمت لحكته ولكيتهن يشتغلن وذبيت حركتي وقهري بالتنظيف مغاسل والصاله كلشي بس البرا عفنا لن جماعة مروان ولد عمامهم موجودين عيب نطلع.
كملنا كلشي وصعدت لغرفة مروان اني وازهار غيرنا الجرجف ونظفناها وعطرنها كملت من كلشي والحمام صاير خارج الغرفه بالصاله جلفته وازهار نظفت الصاله كملنا كلشي وصارت 3 الفجر هلكنا
وبنتي عفتها يم عمتي لن تعبت راحت ترتاح.
نزلت واخذت جود ودخلت الغرفه فارغه نومتها ودخلت سبحت وطلعت واجه هو شافني وكف كدامي مشيت ولزمني من ايدي
مرات اتونس على اخبالج مرات اصير سم
أني أعلمك لعد كلتها ردت امشي قربني لصدره.
يله وينج شسوين بس تشوفني تسيحين بين أيديه
مو زعلان شرجعك
ما عندي مكان يلفيني بس گلبج فتحيلي الباب اريد أحضنج وانام
ماكو ابقى على زعلك
أسيا لاتخليني اتندم اجيتج عوفيلي كبريائج هسه
صفنت بوجهه عوفها لاتتقرب الامكان متواجده بيها
صار
ومن تشوفها ابتعد حتى لاتسلم عليها
صار
والله اني گلبي قابضني منها هيج ما احبها موبيدي هو شعور بداخلي تجاهها شسويله قابل.
ماشي حبيبي يجرالج يله امشي انام تعبان وأنتي هم تعبتي هواي ليش نظفتن الصبح ام شامل تجي تساعدكم
شيبقينا للصبح
ذبي تعبج عليه يله
أخذني ونومني بحضنه على صدره وفعلاً ذبيت تعبي وغفيت واني مرتاحه وبإمان.
نمنا ساعتين كعدنا صلينا وسويلناهم الريوك وهوسه وعمي اجه خطيه تعبان گبل دخل الحمام وعمتي لحكته بملابسه وبيت عمي فاضل اجو كلهم والحجيه وياها ام الحسن كاشخه دخلوا الاستقبال وعمتي كشخت هي وعمتي فريال يروحون على اسيل وازهار هشام يتصل عليها ومروان يصيح الها
مروان ازهار وين ملابسي الداخليات وين مخلياتهن شو الكنتور كله ملابس نسوان لعد اني وين ملابسي شمبقيات اليه من الكنتور.
ازهار اجييت.
اسيا صعدتله واني كعدت اخذ نفس واجت ام شامل هاا خاله خلصتي
ام شامل اي خلصت الحديقه والحوش غسلته هو والكراج
اسيا سوده عليه تعبتي كعدي اسويلج ريوك ركضت جبتلها ماي هاج خاله اشربي سويتلها ريوك وجاي وقدمت الها تريكي
ام شامل فدوه لوجهج الحلو
اسيا فدوه الج خاله وكفت اغسل المواعين جابوهن من الاستقبال ونزل مروان كاشخ واشتغلت الاغاني صوتها شال البيت دبل سماعات.
وبعدها اجو نصبوا الخيم والكراسي والطباخ واللحم عصام ورافع اشرفوا ومروان وصلهن واجه كاشخ واكف ويه جماعته الضباط لابسوا الزي العسكري وواكفين
مر الوقت والعالم كامت تجينا واجتي عمتي هاا عمه اخذتيها الصالون.
وصال اي بس مصخنه نار كوه كومتها من الفراش ليش احد صاعدلها مكعدها ابد اني صعدت كعدتها من النوم ودخلت سبحت واخذتها الصالون واجيت مروان كال زوجات المسؤولين يجن ولازم تجين
أسيا خطيه منو ضل يمها.
وصال فريال وياي عفتها يمها وهديل اختها واسماء
يله كملتن شغل سوده عليه انكلبت خلقتج من التعب
اسيا لا عادي عمه صدك جذب
وصال خابرتني امج بالطريق
اسيا هاا ما خابرتني ولو اني عايفه تلفوني ولا ادري بي.
وصال فايته اسبح تعبت قبل لا يوصلون اهلج عيب منهم.
أسيا ماشي عمه فاتت الحمام ونزلت ازهار واحنه شوكت نروح الصالون منو يودينه.
ازهار ما نروح هسه مروان ما يقبل كال ماكو طلعه المسؤولين راح يجون امشي تحضري كشخي واني هم اروح اتكشخ هسه كومه عالم تجينا.
أسيا تمام دخلت سبحت وجود كعدت تبجي عاد تشلعين گلبي اليوم مثل الحنه رضعتها وكفت خلي مكياج وازهار وام الحسن وام العز زوجه ناجح دخلوا عليه وكعدنا نسولف وكملت كشختي وكلشي تمام وكفنا اخذنا صور ونصبنا على ام الحسن انشريها ستوري وشعوطي
مرام سكتن حظرني من كل المواقع والارقام.
أسيا عوفي هو يرجعلج
مرام بالي يم الجهال والله
ام العز شگو عليهم يمعوده لاتخافين يصيرون صاحبين مسؤوليه بغيابنا خوش زلم هما
اسيا ضحكنا وطلعنا دخلن الاستقبال وعمتي وصال وراهن كشختها فول الا اطك بالكاع زوجة احد رجال الدوله بعد ربي يحفظه النا.
دخلوا حالة انذار وعصام اجه مستعجل هاا حبيبي
عصام لحكيني بسرعه بدلتي جاهزه
أسيا اي حبيبي معلكه بالكنتور وبهل الاثناء دخل مروان وصاح ل ازهار.
مروان ازهار بدلتي فدوه بسررعه
ازهار عالجربايه خليتها هي والسلاح مالتك
اسيا مشيت وراه عصام بالحمام حضرتله العطر مالته وطلع ينشف عالسريع لبس الدرع والبدله وساعدته ورششت عطر وخله السلاح
عصام شطالعه ولج تموتين
أسيا مو بجمالك سيادتك جمالك هيبه عسكريه.
ما تدرين هالعزيمه شكد مهمه يله اني طالع وما اوصيج بعد.
ان شاءالله حبيبي طلع واني وراه اطك بكعبي لونه اسود وكشختي فول اكشن ونزل مروان هم لابس زي العسكري وناحج ورافع وراه هم زي العسكري وطلع عمي هذا الحكومه ما يحتاج نحجي القيافه تتكلم طلع عمي كمال اولهم وهما وراه عصام ورافع ومروان وناجح والحجيه تصلي على النبي وتقرأ ايات وكلنا نباوعلهم وندعي الهم الله يحفظهم واشروا النا ندخل لن الحمايات اجو وسوينا طريق دخلوا البيت ينتشرون على السطوح.
البيت انترس كل الاقارب اجو واهلي اجوي عصام دخلن وسلمت على امي واخواتي ديانه ودنيا وزوجات اخواني ثلاثتهن دخلوا ورجعت وكفت يم ازهار نباوع الكاميرات ومخبوصين ونصبوا خيم اثنين وسيارات كومه ما تنعد كلها عاليه وراقيه.
. رتل عسكري طاوق البيت وسيارات سود عاليه ونزلوا الحمايات وجيش والدنيا انكلبت الفرع قطعوا والحمايات يتراكضون ونزلوا المسؤولين وطلعوا بابا كمال وعمو فاضل وعصام ورافع وناجح ومروان لابسين زي العسكري مالتهم تقدموا سلموا عليهم ودخلوا الخيمه والحمايه وكفوا
وفزيت على صوت تلفوني يتصل جاوبته هاا حبيبي.
عصام تحضرتي زوجات المسؤولين وبناتهم وصلن راح يدخلن عليكم اطلعي انت وامي وام الحسن وام العز استقبليهن احسن إستقبال بعد ما اوصيج بيضي وجهي شيختي
عد عيناك حبيبي قطع الاتصال وركضت باوعت المرايا مال الدخوليه كلشي تمام ازهار عوفيلي الكاميرات وعينج على جود فدوة.
ازهار روحي حبيبي يمي لاتخافين عليها خنشوف عابتلج.
أسيا ضحكت ومشيت للاستقبال كلهن كاعدات يله ماما ام الحسن وام العز يله وصلن زوجات المسؤولين وبناتهم طلعنا ودخلن سيارات سود اثنين طبكن ونزلن نسوان وبنات كشخه فول الفول تقدمنا سلمنا عليهن دخلن البيت ومروان وعصام يخابرون
أزهار شجاهم انكرصوا ادري ضيمهم بنات مسؤولين سأليني اني من جانوا عزابيه شيصير بيهم واحد يدعم الثاني ينثولون.
أسيا سقطت السيرة الذاتيه والتمجيديه.
ازهار هاا مروان كلشي تمام اي استقبلناهن احسن استقبال شمدريني ما باوعت عليهن هسه اشوف
أسيا شبي
مصدومه تدرين
شگو يا ستار
سألني هم شفتي هناس بينهن هذا شبي من كل عقله يسأل عليها واليوم عرسه من أسيل.
كذب! عليج الله كولي تشاقين
لا والله ياريت أتشاقه هي كايلتله الا احضر عرسك واحرك گلبك عود تبين اله هي ما مهتمه اله اذا تزوج غيرها شلون سالفه تقهر والله گلبي أحترك.
. أنتي هم باوعتي عليهن كالي هي وامها واخواتها لن ابوها موجود اجه ويه المسؤولين شوفيلها موجوده!
الصراحه ما شايفتها اني علمود أعرفها
أني شايفتها بس مو هلكد أتذكر شكلها شمدريني ياهي منهن كومة بنات مو شفتي الكشخه مالتهن وحده احلى من الثانيه وين اعرفها اني شلون دوخه اني گلبي احترك على أسيل ماطول يسأل ومهتم لامرها يعني بعده يحبها او عنده علاقه وياها
هذا هو اتصل يربي شورطه
فتحي سماعه خل اسمع
هاا مروان.
مروان هاا شفتيها موجوده
أزهار لا والله أكول أنت متاكد هي تجي لو بس حجي علمود تقهرك
انجبي تقهرني شنو
هسه أنتَ متأكد لو لا.
ما ادري بس من خطبت أسيل گالتلي اجي
ديله دخلي شوفيها موجوده بينهم
قبل لا ادخل اشوفها عليك الله جاوبني على فد سؤال بعقلي
شنو هو فضيني ما عندي وكت اريد اروح
لحد الان عندك علاقة بيها وتتواصل وياها؟
لا والله محظور من الكوكب كله لو عندي جان عرفت بيها جايه لو لا وما مكابلج واتوسل بيج ديله امشي شوفيها وخلصيني.
واذا عرفت بيها جايه شتسوي
هسه دتروحي شوفيها يمعوده خ عليج شكد تلحين وكتج اسألتج هسه
ليش تغلط ما اروح
ازهار مو وكتج
ناسيه شكلها وين اذكر كلهن حلوات.
شوفي هي بيضه ثلج من شدة بياضها تطغي على كل الكاعدين من نظره تنعرف عيونها عسليات طوخ وطويله خصرها مسطره صاحبة خشم وحضور طاغي وشخصيه قويه هاا فهمتي عليه
اهوو على المواصفات مالتك كلهن قلم ومسطره
فضيني عاد
دزلي صورتها
ما عندي الها صوره والله
كذب
وكت اكعد اكذب عليج داكولج ما عندي شبيج أنتِ ثووله اكول انطيني اسيا هاي عود شايفتها واجيتج
اوكف مو جان عندك صورتها بدفتر ملاحظاتك وينه.
اخذتها هي والدفتر تحركي عاد لازم تذكرين شكلها
دامج شايفتها بدفتر يله فضيني يرحم اهلج
ماشي رايحه اشوفها
ديله تحركي عاد ابقي عالخط مو مخليه سماعات
اي
دبقي الخط مفتوح.
ماشي مشيت واسيا راحت قبلي كعدت وياهن كعدت بالكوه لكيت مكان واسيا تسولف وياهن واخذت على الجو انطلقت وياهن لن أساساً هي أجتماعيه وصاحبة حضور ومتكلمه من الدرجة الاولى واني اباوعلهن دخت كلهن كاعدات وحلوات أباوعلهن بس نظره سريعه ما اكدر اركز عيب وهو عالخط
مروان هاا يمعوده ترى انثولت من الصوت.
ازهار مروان
مروان هاا
ازهار،!