رواية بين قلبها وعينيها كبرياء للكاتبة شمس العراقية الفصل السادس والأربعون
أسيل بقيت واكفه لا بيه أطلع لا أحد يجيني شسوي غسلت والدم ينزل بكثره فتحت الباب مديت?أسي يمه يمه أجاني صوت حارث رديت الباب
حارث وينج أسيل
أسيل حارث فدوه صيحلي أمي
حارث ماشي يمه تعالي أسيل تريدج
جنان شتريد منها مالي خلگها
بالحمام هي گومي شوفيها شتريد
تمزعط بروحها خوما طفله وأرضعها أحير بإختها
لو بيها مو وگتها هسه.
وشبيها أختها من إيديها تستاهل وهاا خاف عبالج اللي صارلها ظلم وتكولين خطيه لا والله موخطيه وتستاهل وأكثرالما تصون بيتها ورجلها وأطفالها وتحافظ عليه عساها بالموت عايفه زلمتها المسكين وبالخاص تتغزل بإبن عمها والله قبل جان خطيبها هو بمية قندره راگعها مو الصوج مو بعصام الصوج بأختي الأدبسزز.
اي أبن عمك الحبيب هذا ما تنطي بي أختك بيش گيلو.
أي أخوي وأبن عمي ربينا اني وياه ودرسنا سوه ومن نظره أعرفه زلمه معدل يخاف الله رجال يحكمه عقله مو مراهق ولا عنده سوالف مكسره
لا والله لو اشوف بعيني عصام ما اشك بي بس كولي اشك بإختي اي لن اعرفها أدبسزز وخليني ساكت اللي شفته بتلفونها ما ينغفر أبداً وزين من رجلها بلعها وسگت غير زلم يذبحونها بس عمي شريف وابن أوادم والله وكعله بوحده مثل اختي طايحة حظ خل تشبع تكفخ منا وهيج بالقندره أسوك عليها.
اي دگافي فهمنا
اي فهمنا لعد عوفيها گومي شوفي أسيل شتريد اني رايح لبيتي أسماء والجهال لوحدهم.
روح الله وياك
ما تجين وياي ارتاحيلج كم يوم
لا
ماشي على راحتج
عود لاتكول ل أسماء عن اللي صار نسوان يتشمتن بيها.
ما أگول إلها شنو ليش محسسنتي غريب وعرضي رخيص عندي لو زوجتي غريبه ترى سيف من أجاني وشوفني المحادثات كدامها ولاتخافين أعرف زوجتي شنو من طينه طينتها وعلى الشماته النسوان زين بس كولي على وجهي بين ولد عمي ومفكرتلي بالنسوان لا يتشمتن بيها ما فكرتي بسمعتنا أحنه اخوانها شلون نباوع لولد عمي ونكست رؤوسنا للكاع قدر وقيمه لشيبات ابويه ما خلت بس والله يمه أنتِ مو صاحيه يرادلج شماعيه تصيحج على وگتج لن خبلتيني قسم بالله العظيم.
شسويلها خما أجوز منها يا يمه لعد وين تولي
لاتجوزين منها بس عاقبيها خليها تحس على نفسها وحجم غلطتها لن اذا شافتج وياها تستفلت بالزايد وتشوف نفسها ما غلطت لو الكل يعاقبونها بس دامج وياها تطلع عينها يله اني رايح لن الحجي وياج ما منه خلاص عود شوفي أسيل شتريد.
أسيل راح وضليت بالحمام يمه يمه
جنان وجعة أبو امي شتردين تنقطين
تعالي
مالي خلگج?أسي يوجعني هسه أدزلج نسرين.
ما اريد لاتدزينها سديت الباب وبجيت وغسلت والدم مستمر كملت وصعدت الغرفه غيرت ملابسي ودورت على فوط ماكو ولا وحده كلبت الكنتور شلون سالفه هاي نزلت عليها لكيتها كاعده يمه اريد فوط
ليش نزلت عليج
أي
يعني ما حملتي همزين الحمدلله والشكر ربي عساج لاحبلتي من هالنكس مروان
هسه عوفينا هم رجعتي على مروان يمه دم هواي احتاج فُوطه
شوفي واحد من الجهال بشارع وصي يجيبلج
يمه گومي أنت جيبلي والله ظهري راح يطگ.
اسيل فگي عني ودبري نفسج هسه وين اكوم اجيبلج اني وين وأنتِ وين أنتِ هم بطرانه.
ماشي أنطيني فلوس اوصي الجهال يجيبولي.
منيلي هو رأس الشهر والمصفرين ليش ما عندج مصرف
نسيت اخذ منه عبالي ما أطول يمكم.
هو شگو ما منطيج مصرف لعد راتبه المن فلوسهم وخيرهم أعلى من رؤسهم ودازينج مصرف ما مخلين بإيدج جان أستحوا على شواربهم وصارلج شگد يمنا وهو طول سليمه رايح جاي ما فكر ينطيج مصرفج بس أنذال يحبون يذلون البشريه عدهم عبالك العالم خدم كواويد.
سگتت وعفتها وصعدت ودبرت نفسي لو ادري ولا رايحه عليها وطالبه منها وهو ما خله بيدي فلوس لن عقله وسخ ويفكر بغير أشياء.
ضليت نايمه والوب واتكلب روحي تملخت بطني تكطعت وصلت بيه اصرخ بس بنص المخده كاتمه صوتي وجع يموت راح اموت.
. غفيت من التعب وماخذني النزيف وغركانه بي كعدت الشمس داخله الغرفه الدنيا صبح باوعت ساعه بالعشره ورفعت الغطا وأنصدمت صايره بحيره من الدم شهگت بخوف وكل جسمي لونه اصفر كمت ولازمه بطني اخذت ملابسي وسبحت وشگيت ثوب وخليته وأخابره يجيني واروح وياه
ما اضل بعد المن ضاله لو اموت محد سأل عني.
كمت شلت اللحاف وصعدتلي أمي وهديل شافن الدم شهگت وبدال ما تسألني ليش هيج وشبيج كامت تحجي عليه حجي زرف گلبي بسامير.
جنان شنو هذا يمتى تكبرين وتتعلمين انوب نازل على الدوشك ياربي الفهاوه امشي شيلي لحاف وغسلي على السطح ما وراجن بس شلعان الگلب.
أسيل شمرت لحاف عليه وهديل شالت الدوشك شمرته على السطح وعافتني كمت صعدت صونده من جوه ليفوك وشغلت الماطور وغسلت لحاف والدوشك وابجي واجفص عليه والوجع زاد عليه خرب بعيشتج اسيل لو اموت اشرفلي شكو باقيه
نشرته على السطح مرتين غسلته يله نظف انوب اختنكت من القاصر والمنظفات والدوشك ما نظف وصعدت شافته ما ينظف شسويله كومه غسلته
جنان من فلوس رجلج اجيب دوشك عوفي ينشف واذبه نزلي نظفي البيت وغسلي الحوش صاير مزبله.
أسيل شمرت المنظفات بالكاع وصحت بيها كافي عاد اني هم بنتج متشوفيني جاي اموت من البارحه لليوم انزف ما كلفتي على نفسج تسأليني شبيج ليش هيج نازفه وفواكاها خليتبني أغسله وهسه تكولين ينشف وأذبه وتعبي وظهري انقسم بالنص أنتِ امي بس كولي أنتِ امي لن ماكو ام تقسي على بنتها مثلج.
شمسويتلج كلشي تذبنه براس الام شيصير متكوليلي كلها برأسي كافي عليه اختج ومصيبتها وأنتِ خوما صغيره ما تعرفين نفسج تسأليني كبري عقلج وبطلي تصرفات مزعطه لاتشلعين گلبي يله امشي نزلي
هو هذا الشاغل عقلج أختي ومصيبتها وأسيل اخر همج وطلعت اني اشلع كلبج هاي هي يمه وعد مني الج اخر مره اطلب منج اخر مره بعد لو على فراش الموت ما اريدج گلبي طك منج ومن قلة أمومتج وأهتمامج بيه طك گلبي طك.
نجبي عبالك ضرتي وهيج تحاجيني وهاا حاجيت ابوج على طلاگج
طلاك ما اتطلك ومروان ما اعوفه فهمتي ما أعوفه مالي ذنب بسوالف اختي الذنب ذنبها مو ذنبي لاتشركيني وياها وتشيلين خطيتي بعدني عروس وتطلكيني من الله متخافين ضربتني كف وجرتني من شعري لداخل بقيت لازمه خدي
امشي نزلي وغصباً عليج تتطلگين لو اموت مروان ما يصيرلج رجال بعد ونسبهم ابيعه بنعالي.
نزلت ثوبي نكعان بالماي والمطبخ يلعب ستين نفس كوابه الجاي وطاوات البيض والخبز والاجبان
رفعت ردان ثوبي وبلشت أنظف واغسل لما خلصت ظهري طگ ونظفت البيت وضل بس الحوش ونزلت هي وهديل كعدن بالغرفه دورت على تلفونها ما لكيته گلبت عليه البيت اكيد اخذته لن تدري اريد اخابره رحت الأستقبال شفت تلفون ابويه الصرصور
اخذته ودورت على رقمه كاتبه عليه ابو الحكم أتصلت عليه وجاوبني مروان
مروان هاا أسيل.
اسيل مروان بعدني ما حاجيه سحبت مني تلفون وغلقته وكامت تحجي عليه
جنان صدك ما تستحين اختج حالها بالضيم وأنتِ حايرتلي بمروان من طاح حظج ما كافي اخوه هجم بيت أختج يله امشي غسلي الحوش
أسيل اخذته مني وگلبي طگ منها ورحت شغلت الماطور وغسلت الحوش اي طبعاً تردين تطلگيني علمود انظفلج البيت وخياسكم منو ينظفه غير أسيل مسويتني خدامه شتردين بعد كلشي اسيل.
واغسل بالحوش والمغاسل وابجي طلعت روحي منكم كفرتوني وازيتوني على الموزينه تخلون الواحد ينتحر ويخلص من هالضيم لا ام بيها خير لا اب بي خير لا اخت بيها خير، شلت الماسحه وانفتح الباب ودخلت أسماء لابسه عبايه خليجيه وضلت تباوعلي بحزن
أسماء ولج اسيل هاي شصاير بيج ووجهج اصفر ليش مطربسه بالماي شو اندارلي ولج هذا دم بثوبج نازله عليج الشهريه
اسيل اي من البارحه نزلت.
وشگو أنتِ تغسلين الحوش ليش عمتي وهديل وين ونسرين اليوم مو عطله ليش ما تغسل هي
ما ادري كعدت ما لكيتها يمكن ماشيه لاهلها وامي وهديل كاعدات بالغرفه
هي يوميه ماشيه لاهلها شگو متزوجه لعد بس للفراش وامج وهديل شعدهن كاعدات يحجن بأنجازتهن التصخم الوجه امشي وياي وعوفي من ايدج انعل الشغل لابو خيره ادري المن منظفه امشي عمه عمه وينج عمه.
شمرت الماسحه من أيدي وسحبتني وراها ودفرت الباب عليهن وخلتني كدامهن وحجت بصياح وعصبيه.
أسماء من الله متخافن عايفاتها تغسلجن الحوش وملابسها نكعانه بالماي والدم ادري من كعدتن من النوم ما شفتنها ما باوعتن لوجهه باعن شلون صايره نوميه ادري اذا اجو عيالها ياخذونها ما يسالون ليش جنتنا هيج صايره ما عدكم خبز لو مسوياتها خدامه
هديل وأنتِ شعليج شحارك حمامج.
أسماء أنتِ سكتي سگتي خل الحجي مدثر اخر الناس تحجين سگتي اني لو منج اطم روحي بالبلوعه خياسج عبر القارات
هديل سمعتيها يمه شتحجي جنتج سمعتيها هاي جنتي تمجدين بيها وتخدمينها هي وجهالها وتنظفين خياسها سمعيها زين
جنان صدك ما تستحين بس الصوج مو منج الصوج لابني العار.
أسماء لا لهنا واوكفج عند حدج كلشي الا حارث كافي طفح الكيل منج ومن تصرفاتج گلبي مورم هالكده صاير منج جلطتيني ما كافي طيحتي حظ بناتج انوبه رجعتلي على ابنج حارث اللي شابع قهر من وره بنتج السكط بسوالفها وخياسها بدال ما تعاقبينها وتلوين اذنها وتكفخينها كفختين ثلاثه علمود تصحى على وكتها لا حضرتج تصفكين الها وكاعده ومكابلتها تنوحين وياها وساحله اسيل تنظفلج وتغسلج ودمها يخر وملابسها مطربسه بالماي والدم جنها يهوديه مو بنتج من دمج.
ولحمج.
جنان وشعليج أنتِ اني وبناتج أنتِ جلبتيش.
أسماء أنتِ وبناتج ما عليه نارج تأكل حطبج بس خلي الله بين عيونج وخافي الله بهل الطفله من يوم اجتكم زياره وهي تكرفلكم وسخكم شوفيها باعي بوجهه تردين ننفضح فوك فضاحه بنتج هديل تردين تموتين جنة العالم ما وراها رجال تردين تخزينا وياهم لو عادي عندج تعلمتي على الفضايح.
نجبي هسه صرتي خوش مره وكلبج يوجعج على اسيل الله يرحم هذيج الايام صرتي ضرتها وخليتي?اسج براسها كتله بيها وكتله بالجلب قريتي براس حارث عليها الا گلتي بس يوميه ساحلها يمج اسبوع تضل تكرفلج وسخج وسخ جهالج حايرتلي بالتجميل وصديقاتج لا عبالج بس احنه عدنا خياس أنتِ هم خياسج ريحته تكتل.
شوفي عمه ما راح ادرج لن أنتِ بمقام امي ولا يكولها أنتِ تشبهين امي واسيل من جانت بنيه هي جانت ما تنجرع الكاع كوه حاملتها من صلافتها وعرامتها وكاحتها لا تحترم لا اخ ولا تحترم زوجه اخ وارد حجايه تردها بعشره اسيل جانت وكحه وشكو بيها اذا عينها على جهالي ومن جنت اجيبهم يمكم ما امرها خدميهم اجيبهم يمج وكل شهر انطيج حقج أنتِ جنتي تامرينها وتكوليها نظفي وغسلي.
لعد جهالي واحفادج وين اوديهم اذبهم بالشارع لو اعوف وظيفتي وتعبي وتعب أهلي عليه علمودهم وبعدين ابنج ما يقبل بالحضانه يكول بيت أهلي موجود وامي كويه وبحيلها هم ما يكول اختي كال امي اذا معاملتنا جانت موزينه وياها فه بسببج
جنان شو كمتي تاكلين
أسماء لاتزعلين بناتج وكحات وكحات وكحات
بس الحق ينگال من تزوجت مروان صارت ادمي واستفقرت تعرفين ليش استفقرت لن انكسرت منج اي انكسرت كولي ليش
ليش احجيلينا يالمتعلمه.
البنت تعزز بإهلها وتنذل بأهلها اذا أنتِ بعرسها ما الج موقف مشرف وياها سبعه مثل البنات ما سويتن الها ادري ارمله ضاله بالدار اخابرج اكولج عمه شوكت سبعة اسيل تكولين شتسوي بالسبعه ليش شتسوي بيها مو بنيه مو من حقها تفرح وتتباها بيكم كدام رجلها وعيالها بهدايكم وكعده وسالفه هما مو بحال الهدايه بس تجي حلوه كدامهم بالاخص رجلها.
دروحي شوفي وصال من سوت سبعه لبنتها شاخذت شودت اشكال الدنيا ودمعتها ما نشفت على بنتها خوما مثلجن خلني ساكته اطمم عليج كدام وصال فضحتني من رحت وياهن وعايفه اسيل لوحدها بالبيت وهي مخطوبه خزيتني كدامها ادري ما مصدكه تزوجينها وتخلصين منها عندج عشر بنات ونايمات على كلبج
اسيل امي هجمت عليها وتسكت بيها وهي ما تسكت وتحجي بعصبيه وكفت يم الباب وكالت.
أسماء اشسويتي اخذتي هديل ولوحدجن رحتن طلعت الافنديه براسها مخطط وتريد تنفذه بس عليمن على اسيا اللي كاتلجن السم من عندها فشلت مخططاتجن وبممم كعدتجن على الحديده
جنان طلعي من بيتي يا أدبسزز والا اخلي حارث يكسرج على هذا كلامج.
أسماء هو رايحه بس ما اروح لوحدي اخذ اسيل وياي وأنتِ ابقي كابلي بنتج هديل ومجديلها.
جنان طلعي وما الج شغل بناتي واسيل ما تطلع من بيت ابوها وأنتِ منو تاخذينها وياج صرتي حنينه عليها وما ماخذتها لسواد عيونها عندج تنظيف وتعزيل وتردينها يمج ولج تضحك عليج تاخذلج كم شغله وتقنعج وبعدين ادك عليج شغل وتعزيل هاي من يومها حيه تكرهج وتموت منج وتكرهني هم بس اني ما عرفت اوادمي هسه كشفتلي الوجوه.
ليش اكرهها شمسويتلي عمة جهالي طبعاً اذا مو ادمي وما مشوفتني ريج طيب اقسي عليها شتردين لعد المعامله بالمثل وأنتِ ما منطيتهن تربيه بس حايرتلي بالجهال وكال حارث وكال حسن درينا بيج خوش عمه وتحبين جنايينج بس العداله حلوه ومحد طيح حظ بناتج غيرج أنتِ
واسيل تمشي وياي مو بيتي بيت اخوها ومعززه مكرمه وما اعوفها يمجن وتخزنا ويه العالم واخلي زلمتي بالوجه الاسود من ورا سوالفجن.
دشوفي بنتج باعي حالها وضعها ملابسها ناكعه بالدم وجهه اصفر مسلوبه عافيتها لو بنت رجلج ما هيج تسوين بيها هاي من بطنج وهيج ما عندج رحمه عليها امشي اسيل جيبي ملابسج وتعالي لبيت اخوج امشي عيني.
جنان والله اذا مشيتي وياها لا اني امج ولا انا اعرفج.
أسماء امشي أسيل ما عليج منها بعدين ادز حارث يتفاهم وياها امشي دمج يخر راح تموتين منو بحالج.
شهل الفقر جنتي تاكلين لوجه بلسانج لو بس عليه نادره تطلعين لسانج عليه شو امشي يله تحركي.
أسماء عفتهن وصعدت جمعت ملابسي وكلت اروح وياها ومناك اخابره يجي ياخذني والصراحه عجبني كلام اسماء وغسلت ولبست وشلت جنطتي ونزلت ولكيت امي قافله باب غرفتها واسماء واكفه بالحوش تحجي على التلفون كملت وهزتلي راسها ومشيت وياها وكفت تكسي ومشينا للبيت وصلنا وفتحت الباب والبيت نظيف غاسله ومنظفه من الصبح دخلت غرفه البنات.
أسماء ليش هيج دمج هواي عبالك مو شهريه شنو ما لابسه فوطه
دنكت?اسي ما عندي خلصت
كومي وياي الحمام وجيبي وياج ملابسج
اخذتني للحمام جابتلي منشفه وانطتني فوطه وملابسي ودخلت سبحت وطلعت انطتني مسكنات وبقيت متمدده وصار وقت الغده جابتلي الاكل مشكوره تعبتج وياي
لا يمعوده شصار قابل تكاطعت هاا شلونج هسه مو احسن
أسماء شسمه
كولي لاتستحين
دم هواي ما ينكطع عبالك مو شهريه؟
صدك تحجين خاف حامل وجاي تنزفين
حامل.
اي ولج ما حجيتي لعمتي لهديل
لا والله
عندج وجع
اي موتني
هم وكع عليج شيء
مثل شنو
يعني شيء غريب شلون اوضحلج لن اخاف سقطتي
لا عبالك مثل شيء انفجر
تغدي هسه واكوم اتصل على السكرتيره احجزلج العصر اوديج على دكتوره تسويلج فحوصات كامله اخاف حامل وسقطتي شيخلصنا من مروان انوب كتلنا ابنه يبوه يصخم وجوهنا هو بدون شيء متحمل علينا.
ماشي اكولج هم يحتاج اكوله
كيفج خل اشوف اخوج شيكول واردلج خبر.
راحت وتغديت وشلت الصينيه كاعدين يتغدون سلمت على حارث شلونك خويه
حارث هلا خيتي الحمدلله أنتِ شلونج
أسيل الحمدلله الله يسلمك عيني وكفت اريد اغسل المواعين وكامت أسماء اخذتهن مني ما قبلت.
أسماء عوفيهن والله ما تغسلين ولا ماعون كعدي اني هسه يكملون الغده واغسلهن كلهن يله رامي أكل لاتشلع گلبي شضعفك صاير.
حارث يوميه جاي تبدعين بالدولمه شمخليه بيها اليوم هلكد طيبه.
أسماء خليت بيها سم منكهه بحب.
حارث واني أكول ليش هلكد طيب
بالعافيه عيني
أسيل كعدت وخلصوا صبيتله الجاي واخذته اله للغرفه واجت وكفت تغسل المواعين واني يمها وجهال فرحانين بيه ورهف حاضتني تبوس بيه.
أسماء كملت اروح اشوف حارث شيكول واجيج لن يمكن اليوم ما يروح المكتب يبقى بالبيت علمود ندعبل عليه الجهال.
رامي اروح وياكم
أسماء ما اخذ ولا واحد
أسيل راحت ومر وقت واجتي هاا شكالج.
أسماء وافق وما قبل نكول لمروان الا نشوف الدكتوره شتكول النا لا سامح الله خاف عندج أسقاط يله كومي بدلي ملابسج لما اني هم اتجهز
أسيل تجهزنا وحارث اخذنا والجهال هم ويانا وصلنا العياده ونزلنا حجت ويه السكرتيره كعدنا ننتظر واجه سرانا ودخلنا وفحوصات كامله وهزت راسها خفت شبيها
أسماء لاتخافين هاا دكتوره طمنينا عليها حامل خوما سقطت.
الدكتوره لا وين اكو حمل مو حامل أصلاً وضعها بالحمل كلش صعب لن عدها اكياس دمويه ومفجوره داخل رحمها والدم بكثره سببه الاكياس الدمويه وهسه لازم تحاليل تطلع ونكمل كلامنا.
أسيل طلعنا من يمها سويت التحاليل وكعدنا ننتظر اكولج شنو قصدها وضعها بالحمل كلش صعب يعني ميصيرلي أطفال
أسماء لا اسم الله لاتخافين بالعلاج يروح عادي والله هسه تطلع تحاليلج سهله ماكو شيء يخوف.
أسيل كعدنا ننتظر وطلعت تحاليل وكتبت النا على علاج
الدكتوره ثلاثة ايام ما انقطع الدم رجعي عليه
وهذا العلاج التزمي بي على الموعد وما بيج غير العافيه.
أسيل دكتوره والحمل
شبي
خوما ما يصيرلي اطفال
لا ماما منو كلج ما يصيرلج اطفالج بعدج طفله ورحمج صغير وشحلاتج بس يحتاجلج صبر.
بالاول نعالجج وبعدين الطفل تلحكين على الشلعان الگلب وصحتج اهم من الطفل ماما وخل زوجج يصبر هالسنه لاتخلفون شيصير عليه احجي وفهمي واذا ما فهم دزي عليه اني افهمه بطريقتي لن هذا مرض مو لعب جهال ولا صحتج رخيصه علينا.
أسماء مشكوره عيني دكتوره ما قصرتي
الدكتوره هلا بيكم.
أسيل طلعنا من يمها وحيل ضجت حظي منين ما اجيبه مصخم ملطم وصلنا البيت رحت الغرفه وهي ضلت تحجي ل حارث واني استحيت منه.
لليل كاعدين بالغرفه مالتها وكامت تحفلي ورتبلي حواجبي وسويت تنظيفات وعنايه وه كذلك واهس وحده على وحده حبيت موقفها وگفتها وياي ما قصرت.
ومرت الايام ومروان ما بين ولا اني خابرته كلت خل اروح الدكتوره وارجع يله يمكن هو ما اجه اخذني علمود سالفه هديل وعصام وجنت متنظفه وأسماء ورجعتني الدكتوره وگالت استمر على العلاج والشهر الجاي ارجعلها.
ولليل كاعدين بالصاله جابت فواكهه وكرزات وجبس وسوت ماعون واخذته للمكتب لحارث واجتي قدمتلي وشغلت على مسلسل تركي على
المشفر وكعدنا نباوع والجهال كل واحد حاضني
من صفحه فرحانين بيه حارث دز تلفونه بيد رامي
رامي عمه هذا عمي مروان يريد يحجي وياج
أسيل اي عمه اخذته وكمت من يمهم جاوبته ها مروان.
مروان شبيج عيني
أسيل كلمة عيني طيب خاطري جاوبته ما بيه شيء سلامتك.
رحت بيت اهلج اخذج كالوا رايحه بيت حارث وخابرته العصر كالي يم الدكتوره أنتِ ومرت اخوج شبيج رايحه الدكتوره.
عادي من اجي يمك أحجيلك
ماشي راح اجيج هسه
بس هسه الوقت تأخر
ما يهمني عسا ما الفجر تجهزي جايج تروحين الدكتوره وما تكوليلي واسألج شبيج وما تحجين جايج.
مروان
مروان ملهوف ومشتاقلج كلج لج جايج.
ماشي تعال هلأ بيك
هاي الهلأ بس منج أحبها
هي ما ترهم لغيرك
أسيل
هاا مروان
مشتاقتلي مثل ما اني مشتاقلج
تجي لو لا.
هو اجيتج هسه طلعت من البيت ما تسمعين صوت السيارات
دگلي هورن
دكيت بعد
سلامتك
يله روحي تحضري من الباب اخذج زحمه افوت الوقت متأخر
ماشي قطع الخط ورجعت التلفون وبلغت اسماء
أسماء يله كومي شمنتظره امشي لغرفتي اسويلج عروس ورامي عينك على اخواتك
أسيل وجهزت ملابسي بالجنطه ورحتلها خليت مكياج يمها وساعدتني اختيار الملابسي كشختني وسمعنا صوت الهورون وطلعنا وحارث راح يفتح الباب بوستها مشكوره على كلشي ما قصرتي.
أسماء يمعوده تدللي شمسويتلج قابل وهذا بيت اخوج تعالي علينا بكل وقت هلا بيج.
أسيل تسلمين عيني اجه حارث وبوست الجهال وطلعت وياه وحارث شايل جنطتي شمرها على مروان
حارث شيل
مروان من تالي اني اشيل جنط
حارث بعد وينك وراك حليب وحفاظات
مروان المهمه الاحب لقلبي
حارث الابوبه حلوه يله لا تستخف وتصير سرسري الكدامك اخوها
مروان يله فيمالا يالخال العزيز.
أسيل غمزله وضحكوا وصعدت وطلعنا للبيت وباوعلي بنظرات سخيفه نزلت?اسي مستحيه
هذا المستحى خايف منه
ليش
لن اجاني رد لنظراتي الج وأنتِ يمي ما تستحين اذن اكو شيء بس لاتكوليلي وقع الجسر وفاض النهر.
اريد اتبخر من كدامه
هاا طمني گلبي گوليها.
ما جاوبته غمزلي هو يسوق وأني صافنه عليه وشكلي راح انقض العهد واخلف شور گلبي لن شگله وجماله اخذ عقلي وريحة عطره خلتني ارمش فقدت عليه بس بقيت ثابته بس هل الثبات ما يدوم متأكده لن گلبي ما جاي اكدر اسيطر عليه يريده مو بيده يحبه ويعشقه ومدمن تفاصيله.
وصلنا البيت والوقت متأخر والكل نايمين والاضويه طافيه نزلت وهو شايل جنطتي ومشيت وراه وفتح باب البيت لن قافله وراه ودخلنا هدوء وظلمه وقفل الباب وحضني بنص الظلمه اخذ شفايفي شويه وابتعد.
مروان امشي لغرفتنا.
اسيل صعدنا والغرفه گالبها السماعات وملابسه والاكياس الجبس والكرزات صاير مخربط واني صافنه على الهوسه أنقفل الباب ودارني عليه ولزم وجهي بإيديه الأثنين وصفن بوجهي.
راح ابقي الضوء مفتوح حاب اتلذذ بشفايفج على النور يا ظلمتي.
مروان بس أغير ملابسي
ما يحتاج كلشي ما تحتاجين اشتهيج بكل حالاتج ما يهمني شلابسه.
اخذ شفايفي شويه شويه بهدوء متعمد يكون هادئ ورقيق بحنيه وأمتزاج بين الحب والعاطفه علمود يخليني اندمج واتفاعل وابادله بحبي لن يعرفني ومتأكد ومتقين مني أعشقه ومنتهيه بي وبحبه.
. بادلته بشوك وأمتزجت روحي بروحه همست وروحي ذابت على الأخير مروان مشاقتلك.
مو بگدي أسيل مو بگدي مشتاق لكل شبر بجسمج بكل مسام بيج اريد اتنعم واتلمس كل تفاصيلج المأخذه عقلي مدوختني لج أنتِ فتنة مروان نار تحرك بمروان جمره تلهب بگلب مروان احترك واطفي بيج.
يطبع قُبلاته بشغف برقبتي ويهمس بصوته مليان حنيه ويحبه گلبي مرات ساعات هو ما مرتوي ختمها بوسه عميقه ومطوله على شفايفي وجردني من ملابسي ونومني بحضنه وحضني بنص روحه وطفينا الاضويه وهدوء وصوت انفاسنا ونبضاتنا بس دواخلنا مو هادئه ولا مستقره...
كعدت الصبح يبوس بظهري واني اتململ وافرك برجليه أقاومه واقاوم نيران وشوق قلبي ل لمساته ماتحملت انداريت عليه حضنته من وجهه وبسته من عمق من رقبته وضليت مستمره وهو هادئ وبلحظات كلبني ونومني على بطنه وخله ايديه جوه راسه ويضحك خليت ايدي جوه حنجي وصافنه عليه
أنتِ حامل
ما عرفت شجاوبه انكلبت كل ملامحي وبنظراته وهو يترقبني انطق الكلام
شو ساكته حاب إسمعها منج.