رواية بين قلبها وعينيها كبرياء للكاتبة شمس العراقية الفصل السابع والأربعون
أسيل مروان نزلني
ليش ما مرتاحه
گلبني وعدل گعدته وجر الباگيت وطلع جگاره وشمر الجداحه على الميز واصدر صوت وفزيت بقيت اباوعله ما أعرف شجاوبه وبحيره من أمري توتر وخوف وضياع
عوفيلي أظافرج وأحجي بدون كذب لن أعرفج
أكذب عليك بشنو
ما كايلج تكذبين بس أنبهج أي تبقين ساكته شكالتلج الدكتوره؟
أذا أحجي ما تزعل
عوفيلي زعلي هسه وأحجيلي بالنظيف ترى طولتي
صبري بدأ ينفذ وياج.
طلع عندي أكياس دمويه وانفجرت وصار عندي نزيف حاد وانطتني علاجات
والأكياس شلون أنفجرت؟
أنفجرت ما أعرف
من كيفها
أي
وشگالتج بعد شنو علاجها
كالت الحمل يتأخر ولازم نعالج الأكياس الدمويه بالأول نخلص رحلة العلاج وبعدها الحمل لن صحتج أهم
أي وبعد
هاي هيه
خير أن شاءالله
الله عليك ما زعلت
علي شنو أزعل
لن مو حامل والحمل يطول لن عندي أكياس
لا بالعكس فرحت؟
فرحت
أي فرحت
نفخ الدخان بوجهي وتقربلي وگال.
لن بعدج ما جاهزه تكونين أم ل أطفالي بعدج نفس ما أنتِ عقلج ما منظفه زين افكارج ما غاسلها تصرفاتج ما عاجبتني ضعفج بگلشي أكرهه ومتعقد منه، اذا ما أغسلج وأربيج زين ما تصيرين أم لطفلي.
واله بيها حكمه وإراده وما اترس بطنج من بزري اذا ما اربيج تربيه من حديد مو أم ضعيفه ومهزوزه وشخصيتها معدومه وثقتها بنفسها صفر شيطلعون اكيد مخنثين مثلج لن الاساس خايس.
بقيت ساكته بس أسمع كلامه بتمعن والقهر يغلي بروحي كمل جگارته
فايت أسبح نظفي هل الهوسه ولحكيني الحمام
ماشي راح وكمت لميت الهوسه وطلعت ملابسه ومنشفته ولحگته الحمام دگيت الباب اخذ ملابسه وركع الباب بوجهي ورجعت حضرت ملابسي وكملت تنظيف الغرفه وهو أجه صفن عليه.
نزلي سويلي ريوك وبعدين عندي موضوع مهم وياج دام ماكو طفل أرجع أعيد التأريخ وياج!
عليك الله مروان لاتضربني.
شوفي أسيل ما اضربج من دون سبب بس گلبي مفوخ منج بشغلتين شوفي يابه من سمعت بيج رايحه الدكتوره شگيت بيج حامل وأجيتج وكلام أخوج حارث أگدلي حملج ومن عرفت رايحه لدكتوره تعهدت على نفسي وگلت اذا طلعتي حامل أفتح وياج صفحه جديده واربيج بالأسلوب بس مع ذلك متأكد ما يفيد وياج على الرغم معرفتي عليج بهواي أمور كنسلتها وكلت ميخالف مروان أنطيها فرصه اقلب الصفحه راح تصير أم ولخاطر البطنها.
معرفتك عليه بهواي أمور وكنسلتها ما فهمت
مشكله هسه جوعان لن صرفت طاقه وأنتِ ما تخلين حيل تعبتيني.
نزلت?أسي مستحيه من سوالفه.
جيبي تلفوني وتعالي كعدي يميض
رحت جبت تلفونه من الشحن أخذه وفتحه وضل يگلب وفتح تسجيل صوت وخلاه بيدي شنو هذا
فتحي
فتحته وأنصدمت باللي سمعته المكالمه أني وهديل مسجلها كامله وتغلط وتدعي وتتوعد ل أسيا
كمليها كمليها وعادي رجعي سمعي المكالمه مرتين وثلاث عادي شگو ورانا؟
قطعت التسجيل ليش هيج تسوي
خطوه منا ل الباب الغرفه ما عندي ثقه بيج بكد الذره شايفه الذره، لج بنظراتج أشك تصوري عقلي بيج وسخ لدرجه ما تتخيلنا بعمق تفكيرج وبجذور خلايا دماغج ما توصلين لعمق الأفكار الراسمه بعقلي الج كلشي أبالج تلكينه ب?أسي.
كلامه يقهر يقهر جاوبته دام مسجل المكالمه ليش بقيت ساكت عن هديل وأنت تعرف نيتها وشنو أبالها.
مو شفتج أنتِ سگتي.
سگتت لن ما بيدي شيء وكف كبالي وجر الباكيت وطلع جگاره ودخنها وضل يفتر بالغرفه وأني قلقت وخفت منه ومن نظراته والجو انشحن بالطاقة الخوف وتوتر
منو گالج سگتت بالعكس يمكن هالأتصال هو السبب باللي صار بأخويه وزوجته وأختج الشريفه والمستشرفه عمي صلفات ولحد هاي لحظه أنتِ صلفة بيني وبينج شبر وتوجهيلي الكلام ليش بقيت ساگت؟
مو قصدي والله مروان ما جاي تفهمني.
بضحك هو أنتِ ما فاهمه نفسج أني شلون أفهمج يعني لو جايتني بوكتها وكايلتلي مروان ترى أختي هديل ما ناويه على خير على بيت أخوك واني كلتلك تدرين لو حاجيتلي جان كبرتي بعيني يل الما شايفج
علاقتنا جانت متوتره
هذا مو سبب ومن سمعته ضليت منتظرج تكوليلي وما كلتيلي تالي رحت سمعته لعصام ونبهته وحذرته بس ما جنت ادري أختج واصله مرحله بالأنحطاط من عرفت جذور السالفه.
ضليت صافن وثبتلي أنتن نسخه من بعض أختج تدخل لأخوي من عده ارقام ويحظرها من رقم وتجي من رقم الثاني نفسج بالضبط بس الفرق بطرق التواصل هي أرقام واتساب وأنت حسابات مجهوله حروف خرساء اويلي يابه على الجرح
خرسه وهيج يطلع منج لو تحجين شتسوين واطياف راحله عمي وين راحله للمريخ شتسوين ترة مروان بكوكب الأرض طيحتي حظه حظ الكواد وأخر شيء هبه! وبعد بعد تسميات خايسه.
يحجي وأني ساكته.
أنتِ وكعتيني بخياسج وأختج وكعت أخويه بشر أعمالها لن الفطير شاف الوضع ما منا خلاص وتعب وياها يوميه يحظر وما يفيد وهو سابقاً سامع التسجيل وعارف نيتها الخايسه گالك هاي ما منها خلاص وراد يكطم?أس الحية قبل لاتلدغ مرته
وخلت أسيا برأسها وهو گلشي ولا احد يمس أسيا بشعره مو اخويه وأدافعله أبو گ?م ما يحتاج دفاع بس كل الأهل صارت تعرف نقطة ضعفه أسيا لن مره معدله شريفه صاينته بعيونها.
وعباله هديل يگدرلها ما يدري الشريفه تأخذه الشط وترجعه عطشان كالك خليها تحجي تحجي وأسمعها أشوفها وين توصل ليا منحدر وبعدين يكبسها بالمراسلات ويخليها كدام أخوج حارث ويبلغه بسوالف أختج وحده أثنين يخليهن كدامه بس هو وياها وحارث بدون تدخل اي اطراف وينهي هديل من حياته بدون عواقب ومشاكل.
ولن يعرف حارث الوحيد اليكدرلجن ولو عايش وياكم بالبيت جان ما صار هالأستفلات والإنحطاط منجن، بس ما كملت وكبستهم أسيا وخربت كل المخطط وقلبت الطاوله عليه صح أخويه تأذى بس ميخالف يرجعون وتنسي كل الأذيه.
وأني وياها وعاشت أيدها أخت زلم وردة فعل وعصبيه من حقها زوجها وما تحملت ورسلتهن لسيف وصار اللي صار لن المثل أختج الذبح بس لن التخون أبو بيتها بالمراسلات والمغازلات كلشي تسوي والله يدري كم مره خاينه سيف قبل عصام! الله وأعلم ما اشيل بذمتي.
لا والمسكين يگولي مروان مصدوم ليش الصدمه يا اخي العزيز حقه ما يعرف التاريخ الممجد والمعظم كله عندي مدون ومركون بعقلي.
كمل كلامه وسگت ومسحت دموعي وعبرتي تخنك بيه وضاع الكلام أختي ما خلتلي وجه أباوعله هو اني بدون شيء سيرتي وصفحتي سوده عنده انوب اختي
ياريت لهنا وبس بعد الشغله الثانيه عبالج كملت كلامي لا بعدني.
كمل
أي اكمل ليش لا من جانت تراسله جان عندج علم
ما جاوبته بس منزله?أسي وابجي
جاوبيني جان عندج علم
أي
حلو
والله نصحتها ونبهتها وحذرتها ما اخذت مني كلام
دنصحي روحج بالأول نصحتها والله عليج سوالف تضحك قسم بالله.
هو اني مضحكه
مضحكه على روحج شسويلج أني أنت عار
ما جاوبته بس كمت أموت من القهر.
ليش ما أجيتي كلتيلي جان يمكن أكدر اتصرف وامنع اخويه لن هو ما يعرف التاريخ ما دارسه فه اني حافظه على أقل احذره بس.
ما جاوبته
عود تخافين مني تستحين فشله مو لا صعبه يله ميخالف اجي وياج حقج أختج ميخالف ميخالف جان أتصلتي على أمي وبلغتيها امي أنسانه حكيمه واعيه ومتكلمه ومربيتنا خوش تربيه واكعدها بمجلس وبصدر الديوان امي بعد.
كل كلمه يگولها يقصدني بيها ويقصد أهلي وبسجاجين عميه يكصكص بلحمي.
يله كومي سبحي وسويلي ريوك لن وراي عمل مهم لازم أنجزه دام ماكو طفل ماله داعي التأجيل ولاتؤجل عمل اليوم الى الغد.
أخذت ملابسي ومشيت من كدامه مذلوله دخلت الحمام وكعت بالكاع ابجي وكل كلمه كالها ترن بجيت ودگيت ولطمت وتالي كمت سبحت وطلعت لكيته يراسل؟
مشطت بدون واهس ولبست شالي ونزلت ماكو احد لحد الان نايمين سويتله ريوك وكفت أنتظر القوري يخدر وصافنه وروحي بعالم ثاني وفزيت وعطت بعلوا صوتي يمه بخوف ورعب بلمسة ايد ازهار عبالي هو باوعتلها مرعوبه وحتى ما ادري الكوب وكع من ايدي والم بالكزاز وهي ضلت صافنه على شگلي بصدمه تسألني واجاوبها واتهرب منها صبيت الجاي وايديه يرجفون وكل جسمي لزمته الرجفه وصاح أسمي لو تزلزلت روحي
مروان أسيل
أسيل أجيت.
مروان راحت الجوعه عوفي الريوك وصعدي.
أسيل عفت گلشي وصعدت لكيته واكف باب الغرفه وبإيده الحزام بلعت ريك وجاوبته عليك
الله لاتضربني
مروان لا هسه حلت عليج.
أسيل جرني من شعري وقفل الباب وضربني وهو ساكت وبعدها ضربني كفين الا خدي صار احمر وكف وباوعلي وگال.
مروان هاي أخر مره أضربج بيها لن بعد ما تسوين ضربه ولاتعتقدين بيوم احبج واخليج مكان بگلبي يمكن اعطف عليج اي بس مال احبج وابالغ بحبج لا مستحيل والأنسان يحب مره وحده وأني حبيتها وهاي هي بعد ما أحب بعدها.
أما أنتِ مجرد جسم افرغ شهوتي بيج وهاي هي كلشي بيج ما يعنيلي وزوجه كدام الأهل والمجتمع اسوي اللي عليه تجاهج وما اقصر وياج بس بگلبي ما الج مكان محجوز وخط أحمر ومكانج الفراش فقط لا غير عشگج اليه ارده الج بالفراش تدللي
ذبحني عالنص بين الحياة والموت رجع وجهلي بقية الكلام بصيغة أمر
گومي سويلي كوب جاي كمت ونزلت صبيتله وازهار مراقبتني وكام يصيح أنثولت أخذته وصعدت الصينيه خليته كدامه تريد شيء بعد
لا.
أروح أغسل الملابس
روحي.
عفته ودخلت الحمام وفتحت الدوش وسبحت بماي بارد واشهك اشهك والاثار بيدي وكاتمه صوتي بقيت جوه الدوش وأندك الباب بقوه عمتي وصال
وصال أسيل أسيل فتحي الباب ماما اسيل تسمعينا
أسيل اي عمه جاي أسبح
وصال طلعي اريد اشوفج
اسيل هسه عمه لبست ولفيت شعري وخفيت الأثار جوه ثوبي وطلعت هي وازهار ونظراتها تتفحصني كبل سحبت أيدي وشافت الأثار وصاحت بيه
وصال رفعي ثوبج
أسيل عمه
ازهار أسيل لاتخافين.
أسيل رفعت الثوب وشافت الضرب
وصال ليش هيج
أسيل اني عاندته وضربني بس بالأخير تراضينا
وصال وكلمن يعاند ينضرب هالضرب هذا
أسيل ماكو شيء عمه لايضل بالج
وصال ياما ماكو شي رايحه اطيح حظه حيوان شمسوي بيج
أسيل وكفت كدامها لا عمه دخيلج ابوس ايدج ورجليج لاتروحين عليه والله بعدين يرجع عليه
وصال يرجع عليج شنو بكيفه ماكو احد يوكفه عند حده امشي من وجهي لا ابتلي بيج شلون يضربج وتضلين ساكته شبيج أنتِ.
أسيل عمه دخيلج لاتروحين عليه دخيلج عمه
وصال لا أكو شيء باعي أيدج وجسمج شلون صاير والضرب للحيوانات أنتِ حيوان الى متى تبقين هيج لا أكو شيء ضامينه! ودام ما تقبلين اروح عليه أمشي وياي وأحجيلي كلشي اني هذا الشيء ما يعجبني وسكوتج وضعج خبلني والما ارضاه على بنتي ما ارضاه على بنات العالم يلا ماما امشي نزلي وياي لغرفتي ولاتخافين من مروان اني وياج وبظهرج.
ازهار كاعدين أني وأمي وننتظر على نار والوقت يمشي وتأخروا يمه أتصل عليهم أشوفهم وين صاروا
وصال منو يجاوبج هسه دزي رساله لمروان بلكي يجاوبج
ازهار ماشي دزيتله هاا مروان شصار وياكم تأخروا
مرت دقايق ودزلي
مروان مبروك الجنه الجديده
لا عزا لاتگولها خوما زوجوا هديل
بالطريق راح نوصل حضري هلهوله من هاي الزينات مال عرصات لا يابه أنتِ تربيه وصال
مال عرصات شنو مروان شنو هالحجي شايفني
لك أبوسك اني.
هذا شبي يمه أبنج يخربط بسوالفه
ادري بي سرسري
شصار أحجيلي
فضت على خير الحمدلله طمني الوالده
الف الحمدلله، ماما مروان يگول فضت على خير
وصال الف الحمدلله يارب
ازهار بهل الأثناء عصام أتصل وجاوبته ها عيني
عصام أزهار فوتي لغرفتي جهزيلي جنطة ملابسي والبدله مالتي وشاحنتي وكل شغلاتي الاحتاجها مبينات تعرفيهن أنتِ وأكو ملفات بالمجر بصف الجربايه بصف?أسي هم حضريهن وهسه راح يجيج مروان انطيهن اله.
ازهار أي ماشي بس ليش.
عصام يلا امشي جهزيهن.
أزهار قطع الأتصال وكلت ل أمي وهزت راسها ومشت وياي دخلنا غرفتهم واني أطلع ملابسه واني تخلي بالجنطه ورحت الحمام جبت شغلاته اليأخذهن وياه دائماً اسيا تحضرهن اله
وصال لاتخليهن نقوصات ولو شنخلي يضل عنده نقص لن أبني وأعرفه متعلم عليها وعلى ترتيبيها ودلالها هو لأهلها ما يخليها تروح لن من دونها يضيع شگول عليج هديل خربتي وهجمتي بيتهم.
ازهار كملنا وطلعت الملفات وصارت كدامي صورتهم أربعتهم مأخذينها سوه بقيت صافنه ونزلت دمعتي سحبتها أمي مني وتبوس بيها وطلعنا ودخل مروان مستعجل
مروان هاا جهزتوهن ماكو نقوصات
وصال جهزناهن ليش يلتحق بعد وگت على التحاقه هو بيوم المشكله نزل.
مروان كرامته عزيزه عليه ما يريد ينهان أكثر يله انطوني مجد تعال ساعدني
وصال هاي الصوره أنطيها اله لا يطگ گلبه هو روحه بيهم.
مروان ماشي خليها بجيبي يله مجد تحرك شكد فاهي.
ازهار أخذوهن وطلعوا وباوعت بالكاميرات عصام واكف يم الباب ومروان ومجد طلعوا عليه واخر شي مروان انطاه الصوره وشغل وراح الله وياه وامي كعدت تبجي عليه ودخل علينا بابا مزعوج ويصيح
كمال وين راح خابره خل يرجع عندي وياه كلام گلبي ما برد منه ومن تصرفاته.
مروان التحق
كمال خابره خل يرجع هسه
فاضل كمال عوفه گافي لاتلح عليه هو لو يريد جان ما التحق عوفوا لوحده الصار عليه مو قليل الله يعينه.
كمال فاضل نار بگلبي شحجي ما تبرد ناري
الحجيه أستغفر ربك وگول الحمدلله عدت سلامات والرجال طلع أبن أوادم سگت عن حقه غير زلم ما يسگت ويفضح روحه ويفضحنا الحمدلله من قبل أعتذراكم اله وأنحلت هيج.
كمال الحمدلله ازهار بابا سويلنا أستكان جاي راسي راح ينفجر.
ازهار اي بابا من عيني دخلوا الأستقبال ورحت سويت الهم الجاي وياه ماي واجه مروان اخذه الهم ورحت وراه وبابا باوعلي گال.
كمال تعالي عليه بابا ولا أنتبهت عليج وشفتج شوكت اجيتي
أزهار تقدمت عليه باسني وأخذني بحضنه حضنته قوي وابوس بكتافه وباسني من كصتي وضل مبقيني بحضنه وكل شوي يبوسني وحاضن كف ايدي وبسته من ايده عاد جديتي گالت.
الحجيه يولي زهره ليش ما كلتيلي أنتِ حامل
أزهار كبل دنگت?اسي مستحيه وبابا حضني قوي و?اسي برگبته ويبوس بيه
كمال عيني هي يا روح أبوج.
ازهار بسته من ايده ومروان قدمله الجاي وأبتعدت وقدملي شكراً مروان.
مروان العفو يابه الجاي موزين عليج شگو تشربين
ازهار ضحكوا على أهتمامه وضلينا كاعدين وفتحوا موضو? أسيا
الحجيه أبني كمال طلاك ما أريد وأسيا والجهال لازم يرجعون دام السالفه انفضت على الخير رجعوها.
كمال لا وين أگو طلاك يحجون عشره بالشهر وهما كل مشكله تصير بينهم كبل واحد يطلك الثاني تعلميني بيهم صرت اعرفهم وحافظهم اكثر من اسمي من خبالهم بس هسه خليها يم أهلها خلي يتشعوط ويحترك يحس بفراغهم علمود يعرف خساراته وقيمة العائلة والزوجه لازم أجوي علمود يتوب ويخاف يخسر أسيا وهما أثنيهم متسرعين يستعلجون بالقرارات بس هاي هي صارت بعد ومو مال اكعد احاسبهم خليهم هما يحسسون بذنبهم.
أزهار ضلينا كاعدين وبعدها عمي فاضل وجديتي راحوا وبابا راح الغرفته يرتاح وأمي لحگته واني صعدت لغرفتي تعبانه نفسيتي من كثر القلق والتفكير وفتحت تلفوني لكيت كومة رسائل
من هشام.
هشام شنو معناها تغلقين جهازج شهل التصرفات الطايح حظها شو من انطيج عين تنجلبين عليه لو التقدير والأحترامات صارت ما تفيد وياج ترى عادي أستخدم وياج غير أسلوب علمود تجرين عدل وتبطلين رعونيه وتصرفات مزعطه عود ضجت من كلامك وغلقت جهازي هو هذا برأيج حل للمشكله يالفهيمه يالمتعلمه يا ام عقل الجبير الشايفج أنتِ الوحيده الصح وكلها غلط هو هيج ازهار هيج.
أزهار أنت ما خليت حل وسط اجيتني تحاسبني وتتهمني وطلعتني اني الغلطانه بحق أخواتك ومن تجي ل اساس الموضوع وتصفن عليه كلش كبير ومساس بيه وبشرفي وأني لحد الان ساكته وما حجيت وأهلي لو عدهم علم ما يستكون بس ما
اريد ادخل اي أحد بمشاكلنا لن گلت عيب وعيال بيت وكل بيت تصير بي هل المشاكل.
هم نبصتي أهلج بالنص
من أشوفك ما مهتم للمشكله طبعاً أدخل أهلي.
يعني الواحد بيته صار يخاف على روحه وما يأمن لعد وين الأمان الوعدتني بي!
لا والاكبر منها كعدت تطلع أسباب وأعذار تافهه يعني الموقف السويته وگفت وياي لو ما مسوي أشرفلك
أشرفلك هذا رد مره لرجلها هي هاي تربيتج
هشام ترى تجاوزت هواي وگلشي ولا التربيه خط احمر أهلي مربيني احسن تربيه وأذا تربيتي صارت
مو عاجبتك هاي مضشكلتك مو مشكلتي.
ماشي أزهار.
بإعذارك المو مقنعه جاي تخسرني هشام يعني عفت أساس المشكله وكمت تطلع عيوب بتربيني
لا دخلين علاقتنا بالمشاكل اللي جاي تصير
ليش المشاكل مو ضمن علاقتنا يعني كل هذا وما تريد علاقتنا تهتز بالمشاكل لو هيج مهتم جان ما اجيتني وتحاسبني على اللي صار واني سولفتلك صعوبه الموقف خلني بي أخواتك.
هاي هي سدي الموضوع لعبت نفسي
الموضوع أنت فتحته مو أني
خلص أزهار.
لا مو خلص تحجي وتقسي وبعدين من تشوف نهاية الكلام يهدد علاقتنا تنسحب وتقلب الطاوله وتنهي الحديث بسرعه بدون اي حل.
لن ما أريد خسارتج
لوما رايد خسارتي جان ما خليتني طرف مشگوك بأمره هشام تعبت من هالوضعيه اني وحده ما احب المشاكل وگلتها ألك قبل وأرجع أكولها هسه مستعده اعيش وياك العمر على خبزه والماي ما تفرق عندي واذا ما تثمن هالشيء عندك اني باقيه بيت أهلي.
يصير خير.
ما جاوبته بس حيل أنقهرت من تصرفاته بسرعه يندفع يعني بس عفته بكلمتين فرن عقله وتغير موقفه وهذا الشيء مو حلو ولا يعجبني ويتعبني
مر يومين هو ما راسلني وفاتح أنترنت طول الوقت وأعرفه يريدني أني أتنازل مثل كل مره وأبادر بالصلح وانهي الزعل ضغطت على گلبي وتجاهلته وراسلت أسيا مغلق هاي شبيها هيج أعتزلت.
نزلت العصر وامي بالمطبخ جاي تسوي كيك ومسويه صينية خليه النحل شايفين كيك يسوي كيك شنو هالابداع وصال العالم اممم لذلذا
وصال أبوج اليوم ومشتهي حلو ويريد يحلي
ازهار اي عيني يحلي ليش لا بس شعجب ما وصيتوا من برا مشتهيه بقلاوه جابتلي بالماعون وكوب حليب
شربي حليبج وخلصي والبقلاوه بس يكعد مروان اوصيلج خل يروح يجيبلج
صدك ماما هم حاجيه ويه أسيا.
أي حجيت وياها وقبل لاتنزلين هم أتصلت على أمها گالت نايمه كل ما اتصل نايمه ذابه حرگتها بالنوم.
خوما تضل غالقته ومبتعده
يمكن ما تريد تضعف كدامه اخاف يتصل وتجاوبه ادري بيها نفسها عزيزه كلشي ولا كرامتها تضغط على روحها ولا تضعف كدام كرامتها موقفها ثابت تعجبني أسيا هواي تعجبني.
ست الكل اللي اعرفه قبل ما جانت تعجبج تصرفاتها وزعلها وثكلها تذكرين من وكفتي ضدها وكلتيلها راح ازوجه هسه شنو التغير.
الخيانه تكسر وصعبه ماما واذا تسامحه اكثر من مره يتمادى وما يحسبلها حساب الخيانه مو بس ويه النسوان الوجع الحقيقي تكون خيانة الثقه يعني شخص مخليه كل ثقتج بي وضامنه ما يخونج ولا يكسرج وبيوم يصدمج ومن صعوبه الموقف تكرهين روحج على كل زين سويتي اله واني
مو ضد أبني وأعرفه ما خان بس غلط منه يستمر يحجي وياها وهي متزوجه وبنت عمه وسابقاً خطيبته واخوج هواي عليه نقاط وعلامات أستفهام؟
يعني أنتِ ويه ابنج ويه مرته ما منحازه لطرف
اي لعد اوكف ضد إبني لو ضد جنتي وأكره نفسي واعرفها حتى لو اصير ضدها ميهما?اسها يابس فه اصير وياها أحسن وما اكسر بيها كدامه ولا اكسر
بي كدامها لن مصيرهم يرجعون بس خليهم يأخذون وقتهم ابوج يريد يعاقبهم ويتوبهم لن هاي أخر مره الهم وبعدها نروح نرجعها ونراضيهم
الله كريم الله يهديهم
وأنتِ شلونكم شو هذا الهدوء ما مرتاحتله
لا زينين لا يضل بالج.
اكيد ماما واخواته شلونهن وياج
زينات كلش ما عندي شيء وياهم
يعني ماكو مشاكل وكالت العمه وكالت الجنه
لا ماما اطمئني
الحمدلله طمنتيني وهشام زين وياج
اي ماكو احسن منه
الحمدلله الله يدومكم
ازهار أمين رجعت تكمل شغلها وفضلت السكوت ولحد الأن ما حاجيه الها أبداً وكلما تسألني أكولها كلشي تمام، واني صافنه ومفتقدته وصلتني منه رساله
هشام عيني سيندريلا شوكت نجي نأخذج.
ازهار شفتها وما جاوبته.
هذا التجاهل اذا ما تبطلينها اطيح حظج جاوبي الكدامج مو طفل مركضتني وراج.
نعم
الله ينعم عليج متجاوبين عيني كاتلين اهلج وهيج شايله خشمج علينا شدعواج
شتريد
اريد من الله يوكعج بين أيديه بس ساعه اشوفج نجوم الليل بالنهار على هالطبع الخايس العندج
ليش يابه تايهتلك
ما تايهتلي بس مالتي وبكيفي احد عنده أعتراض
من اكون يمك تكيف براحتك بس حالياً بين أهلي والبنت عند اهلها خط أحمر حتى مغثة بالكلام ما اسمحلك تغثني.
هو محد جلبج وخبلج عليه غير دلال أهلج ألج
وحيدتهم عندك أعتراض
لا يابه ليش أعترض اكل تبن واسكت.
لا حبيبي حشاك.
بعد وگت على كلمة حبيبي
ما تستاهل واحد يگولك حبيبي
مقامي يضل عالي عندج لوص لاتلوصين وبسرعه تنزليني وتخلطين المشاكل بحبنا هو هيج اتفقنا
جاي تحاجي نفسك
ترى قسم بذات الله فيوز واحد ضال براسي شغال اذا طگ محد يخلصج مني لو مو وراج زلم محد يوكفني لو الدوله كلها بظهرج ما تمنعني
حكومه تمنعك.
أنتوا حكومه واني هشام.
ليش تتتعارك يعني تدري انت السبب بكل المشكله
من اطباعج الخايسه
شمسويه
ما تعرفين تتعاملين وياي فارضه سيطرتج واني هذا الشيء صرت ما احبه لن عينج طلعت عليه
ماشي هشام
ماشين ديلا ولي
بعيني هشام بعد تحلم تشوفني
ابني يمج وين تروحين مني
فد أنجاز مهم
تاج?أسج هذا ثمرة حبي
ضحكت وجاوبته ثمرة حبك المن
لفد وحده صايره عنادزز
من عاشر قوماً اصبح منهم وتشبه بهم.
هو اني نسختي ما متحمليني انوب نسختين عمي ضلي على نسختج اني لكيتج نادره الوجوده وركبتي انكسرت لما أخذتج لاتشلعين گلبي بعنادج.
تصير عاقل اصير عاقله تستوكح استوكح
ما احب الوكحه ما متعلم عليج بهذا الطبع ازهار لاتتغيرين عليه
لعد الكي النا حل هشام
أتحملي هالسنه عاد انطيني مجال ياعيني
والله متحمله وشنو اتحملي هالسنه ليش شنو عبالك
تردين بيت لوحدج غير
لا مو هيج قصدي لن اعرف أمكانيتك بس أكو هواي حلول.
صبري وتحملي لخاطري وعيونج الاحبهن ارضيج
هو اني متحمله گلشي لخاطرك.
أتصلي ما بيها مجال بعد
أنت أتصل
كبريائج لو الزمه اعظه
أتصل وكمت من يم امي وجاوبته نعم
تتعززين عليه بصوتج وحارمتني منه ليش
أنت البديت وملاحظه عليك كلما أجي لبيت أهلي تسوي الزياره سم وزقتبوت عليه
السم والزقنبوت بگلب هشام
لا اسم الله عليك
حبيبي وينها
بعده خاطري ما طايب منك.
تجين يمي واطيبه بطريقتي ولوما طالع محافظات جان اجيتج هسه بس ارجع متأخر والفجر عندي طلعه لظهر من ارجع امرلج
من شوكت طالع
من الفجر صليت وطلعت ليش
هيج سألت
اي شلونج
زينه وأنت
زين الحمدلله
ضل ساكت ويجر حسره حسيته يريد يسمع مني كلمة حب لو غزل كتله هشامي
روح هشامج هاا ابويه أنتِ
مشتاقتلك
اوف من انعل المشاكل وساعتها التبعدج عن حضني اني مو بس مشتاقتلج لا گلبي محترك ومتعلعل عليج.
اموت بيك وبصوتك وبحبك أعشقك كلك.
بعد زهرتي بعد عطشانلج والله
مشتاقه لكف أيدك ولمساتك تزور تفاصيلي.
اويلي يابه هو شنو مخليني اتحمل عنادج وزعلج وسوالفج الخايسه غير روحج الحنينه الاحبها وصوتج ونعومة كلامج وخلقتج جنج حوريه طالعه من الجنه.
خجلت وضليت ارمش جاوبته رضيت
هو اني ما زعلان
لعد ليش جنت مطنكر عليه
جنت اتدلل عليج
دلل يبعد روحي تدلل يحقلك الدلال حبيب گلبي
هسه لو افتر المحافظات كلها محافظه محافظه عادي عندي
ليش
انشحنت طاقه بيج
ضحكت.
يفداج هشام على هالضحكه التشرح روحي بنغامتها.
يحجي وصاحوا اله
يله هشام يمعود الشغل الجماعه ينتظرونك
يله حبيبتي لازم اروح دزوا عليه اوصلهم عود اخابرج.
تمام حبيبي وياك على أتصال
احبج
واني هم أعشقك
فدوة لعشگج يله رايح في امان الله حبيبتي
الله وياك حبيبي نهيت الأتصال واني مبتسمه ونزل مروان مطفي دفع الگرسي وكعد صح النوم يابه.
مروان سويلي كهوه?أسي منفوخ.
وصال طبعاً منفوخ أكو واحد يضل نايم للعصر وين ضل عصر صارت المغرب ادري كبل كهوه اكل لكمه يا امي من البارحه العشه شنو من نوم هذا.
شطابخين
فاصولياء وتمن
غثه ما احبها اكو إندومي
اندومي مال نازكين مو مال زلم خشنه اكعد خل اثردلك ماعون مركه لحم عندي بايته احميها
ثريد والمغرب كل عقلج يمه وشدخل الزلم الخشنه بالاندومي والنازكه ما تأكل اندومي لن يسمنها نازكه تكون نباتيه.
ليش النازكه بس الضعيفات
اي لعد الدبلات.
همزين الله انطاك اسيل معصعصه علمود لاتتنمر عليها.
هسه اكو أندومي ازهار وين صارت الگهوه ادري خوما باجه.
ازهار كملت خليتها كدامه وامي سوتله اندومي
مروان وياه بيسبي يمه الاندومي لاتخلينه يعجن بس يفور طفي اني ربع ساعه بس اهضم الكهوه اخلي البهارات
ماشي شتردون عشه
هذا عشاي تردون اوصيلكم
لا اكو مقليات
ادري بيج التوصيل تردينه بس من ما بيج حيل تطبخين
اي اداري مصلحتي عدكم
نسوان
زلم خشنه تأكل اندومي
يمه شدخل.
ازهار صافنه عليهم وربع ساعه كام خله البهارات وجابه وكعد يأكل اشتهيته مروان خلي اكل وياك
مروان هو جيس شيصير يتكاثر مثلاً
اهوو حباب
وصال انطيها لا يطلع بالطفل
مروان وين يطلع يتعلك برگبته اوي عيني ننوش
ازهار لا عزا مو هيج يله عفيه شويه
مروان عود انطيج الماي علمود يطلع اصفر واذا بنيه بعد احسن تطلع صفيره ومليانه أنوثه على مرت خالها
وصال شكد سرسري صدك شو ما جبتها لحد الان
مروان اجيببها اجيبها يله هاج.
ازهار عفيه شنو هاي لعبت نفسي
مروان اوي عيني لعبت نفسها عابتلج أنتِ وبنتج
ازهار راح وكمت سويت لنفسي ونزل كاشخ ها تطلع
مروان اي ليش
اريد بقلاوه
وبعد
سمسميه وزيتون
وبعد
وحلقوم هذا الوردي يكون يابس
ماشي من اجي اجيبهن الج
شكراً
العفو تعالي بوسيني وشكريني
وصال خلي اسيل تبوسك لاتبوسينه وتجلبينه انوب كل حاجه نوصي عليها تعالوا بوسوني شطلعت هاي.
مروان معوز حنان كله من وراج وسطاني بكلشي ظالمتني قسم بالله اني فد واحد مظلوم
وصال أنت جنت وكح وشالع گلبي
مروان مشكوره يمه
وصال لا شكر على واجب
ازهار مشه وضحكت ليش ماما جرحتي مشاعره
وصال هذا مشاعره تنجرح أصلاً ولا يهتم اريده يرجع اسيل كلما اسأله يكول اني اجيبها ويغلس
ازهار هو يجيبها خلي على راحته يجوز هي تريد ترتاح بيت أهلها او تستحي من ورا سالفه اختها بس هي شعليها خطيه.
وصال لا حجيت وياه وكلتله لاادخلها ضمن اللي صار وابوه هم محاجي البنيه مالها ذنب.
ازهار اي همزين ضليت كاعده اتصفح وكل شوي اجوع وامي تسويلي ودخل علينا مروان محمل بكومة علب هاي شنو هواي
مروان كلشي حلو جبت منه خاف تشتهين بعدين علمود لاتكولين مروان تعال جيبلي لايطلع براسه هاي كفيت وفيت وبري من خطيته ومن?اسه
وصال اي عفيه عفيه صاير خوش وليد الله يترس حضنك ان شاءالله وأسيل تملي البيت بجهالك.
مروان امين امين يله اني طالع
وصال الله وياك يمه
ازهار تربعت واتذوق واجه مجد كابلني انت شكو خوما حامل
مجد هذا كله تأكلينه عزا ابنج يطلع شكد سمين مليان سعرات حراريه
ازهار يمه شفتي يصنف على ابني
وصال عوف أختك ولك وانتِ هم اكعدي خل ياكل وياج شيخلصه الج اكل يمه ما عليك منها خير هواي
مجد شأكل وبنتج وابنها عبالك زومبي سوت هجوم كاسح على البقلاوه اول مره اشوف حامل هامه مالت اكل.
ازهار يمه كوليله يحجي عليه اني وابني
وصال مجد يمعود عوفها هي وابنها
مجد بعده ما جاي ونبصتي علينا لو يجي شتسوينه
وصال يتشخ عليكم
مجد هي كلها متشخه ما شاءالله الك الله يامجد
ازهار ضربته على كتفه شبيك اتشاقه كعدنا وتكابلنا ناكل ونسولف وسوينا شاميه وكرزات وفواكهه وكعدنا نباوع فلم وامي تكوي بملابس بابا ومروان
وتاخر الوقت وهشام اتصل يله مجد اني ادعبل.
مجد ادعبلي عيني كبل لاتأكليني.
ازهار ضحكت وصعدت لغرفتي كبل لحمام فتحت اتصال وفرشت اسناني هشامي
هشام ها يبعد أسمي شنو هالصوت اليمج صوتج عبالك غرگانه
جاي افرش اسناني وانظف بشرتي قبل لا انام رجعت لو بعدك
بعدني بالطريق ساعتين واوصل اكولج من اوصل امرلج
يعني تصير ب 12
اي
لا يابه شعندي بهيج وقت اروح وياك مطروده قابل
شكو بيها زوجج ترى مو غريب
حتى لو حبيبي ما يصير باجر العصر على اتفاقنا
مو مشتاقلج يولي
ميخالف اصبر منا لباجر
ظالمة النفس
حبيبي.
يروح حبيبج مشتاقلج والله
باجر
ماشي حبيبتي من اوصل اخابرج
اوك قطع الاتصال وكملت وتمددت وضليت انتظره واتصل اول ما وصل وانقهرت عليه يگلب بالمطبخ والثلاجه ماكو شيء ياكله متت قهر هاا شوف اكو اندومي وسوي
ماكو دورت اني اكلت برا بس شو هسه جعت
شوف ثلاجتنا بيها نساتل وفواكهه
ماكو ايمان نظفتها البارحه يله راح اسبح وانام تعبان وراي كعده من الصبح
ماشي عيني احبك
فدوة لحبج.
انتهى الاتصال وشبعت قهر عليه ونمت واني بالي يمه ونمت وكعدت الصبح ومعدتي تگلب تقيأت ونزلت البيت هدوء وامي بعدها نايمه ودخلت المطبخ شفت أسيل موجوده وتسوي ريوك شوكت اجتي دخلت المطبخ صباح الخير اسيل ما ردت ولا اندارت بمجرد ما لامستها من كتفها عاطت بصوت مليان خوف وهلع
اسيل يمه
وكع الكوب من ايدها وع ملامحها الخوف وانفاسها عاليه اسيل شبيج حجت بصوت متعلثم
أسيل ما ما بيه شيء
اسيا بس ترجفين اسفه خوفتج.
لا لا عادي
بالكوه تاخذ نفس وصدرها يختض وايديها يرجفون عوفي اني الم الكزاز خلي لاتنجرحين وضعج ما عاجبني فاتحه عيونها وما سمعتني وكعدت تجمع بالكزاز ومروان صاح اسمها لو تزلزلت
مروان اسيل
اسيل اجيت
عافت من ايدها ومسحت بملابسها وصعدت ركض عليه هذا اخويه شمسوي بيها مدمرها دمار
جمعت بقايا الكزاز ومر وقت ونزلت لاحظت خدها احمر دم معقوله ضربها وكفت تحمي الجاي وتمسح دمعتها بطارف ثوب وشفايفها يرجفون اسيل
هاا عيني.
بيج شي كوليلي حجت وهي ما تباوعلي عينها على القوري
لا عيني تسلمين
صبت الجاي وهو يعيط عليها انثولت ثول
مروان وين صرتي هو كوب جاي
اسيل جبته
ازهار صعدت واسمعه يغلط عليها نزلت ركض على امي يمه الحكي اسيل مروان يضربها
تنكسسر ايده ليش شمسويه تخبل هذا وشوكت جابها شو ما گالي
ازهار ما ادري كعدت لكيتها موجوده صعدت
واني وراها ودكينا الباب ماكو صوت
مروان افتح الباب مروان
انفتح وطلع النا وهي ماكو امي دفعته ودخلت.
مروان شكوو يمه شبيج
اسيل وين
بالحمام
لاتجذب ضربتها مو
ترة مرتي محد اله دخل
مرتك وتضربها
دفعته وراحت الحمام وهو رجع الغرفه دكينا الباب عليها والدوش مششتغل اسيل تسمعينا
اسيل اي عمه جاي اسبح
وصال طلعي اريد اشوفج
اسيل هسه عمه
ازهار انتظرناها وطلعت وخدها احمر وامي كبل رفعت ردان ثوب وشافت الضرب وهي تجر بيدها وتغطي
وصال رفعي ثوبج.
ازهار على ملامحها الخوف باوعتلها اسيل لاتخافين رفعته وشفنه الضرب والاثار أثنينا شهگنا بصدمه
ليش هيج
اني عاندته وتراضينا بالاخير
ازهار امي تخبلت وتعصبت راد تروحله الغرفه بس منعتها وكفت كدامنا وكامت تحجي وتتوسل وتبجي وبعد الكلام اخذناها ويانا لغرفة امي وقفلت الباب وكعدت ترجف ولزمت ايديها وتحاول تهديها
وصال لاتخافين أمي كوليلي شبيكم ليش يضربج
أسيل عمه خايفه منه
ليش تخافين شمسويلج ترى خوفتيني.
اخاف احجيلج ويعرف والله يذبحني
ما يعرف وعد ما اكوله
بغلات ولدج لاتكوليله ازهار امانه والله يموتني وهذا الشيء صعب وحاملته لوحدي وجاي اتعذب بسببه وتعبت
يا ساتر ولج شبيج امي أنتِ
راح احجيلج كلشي واتمنى تفهميني لن اني محد فهمني وما عندي احد بهل الدنيا اشكيله همي والبگلبي بس الله يباوع على حالي لا ام ولا اخت
ولا حتى هو رحمني.
لاتخافين بنيتي واذا ما تردين تحجين وشيء صعب عليج لاتحجين واذا تردين اخلي ازهار تطلع وبس اني وياج وكلشي ما يطلع من هل الغرفه.
لا بس خل ازهار تشوف الباب اخاف هو يجي ويسمعني احجيلج.
ازهار روحي شوفي شيسوي ونزلي.
ازهار تمام صعدت الغرفتهم فتحت الباب على كيف لكيته نايم على بطنه ونزلت عليهن وباوعتلي بخوف نايم
وصال ابقي يم الباب لن هي خايفه منه.
ازهار تمام بقيت واكفه يم الباب وهي تفرك بإيدها وكامت تحجي وتبجي وتحجي وتحجي معاناتها هي واهلها ومعاملة امها الها والى ان وصلت ل أساس الموضوع وتحجي وتحجي وحجت، وشهگت وخليت ايدي على حلگي وامي لطمت على وجهه بقوه وهي انهارت بالدموع وامي كبل سحبتها لحضنها وتسكت بيها واني ايدي رخت وطلعت
اخذ نفس وغمضت عيني ياربي سترك رجعتلهن وامي تسكت بيها يمه يعني علاقه علاقه
وصال ازهار سكتي.
ازهار وشلون بعدين عرفج شلون عفيه كملي تحمست باوعتلي امي بغضب لا اقصد خزرتني واسيل رجعت تحجي تحجي وانصدمت اكثر وهي من كثر ما بجت احس كلبها يريد يوكف مسحت دموعي وطلعت من يمهن غسلت وجهي وأفتر بالصاله احاول استوعب اللي سمعته مر الوقت ورجعت لكيتها نايمه وامي تقرأ على?أسها هاا
وصال اللي سمعتي بينج وبين نفسج ما تحجينه
ازهار لا المن احجي شبيه تخبلت وبعدين هي مظلومه لاتنسين مروان أستغل عمرها وضعفها.
وصال اثنيهم غلطانين بس هو رجال وهي مره مثل الغصن المكسور كافي عليها كسرة امها الها.
الله يكون بعونها وهسه مروان شتسوين وياه.
شسوي انطيني مجال افكر وهي متقبل اواجه واذا واجهته كبل يطلگها لن بعد ما عنده سبب يبيقيها عنده واذا طلگلتها اشيل خطيتها وكلها تكعد تلومونه طلكوها من ورا اختها وهم هو صعب عليه واواجه بغلطته يفشل ومتاكده ما يضل بعد بالبيت يشيل?اسه مروان ابني واعرفه ما يعترف بغلطه ويستحي مني، ضليت حايره والله
هو مو گايل الها اخر مره اضربج اذن بعد ما يضربها احتمال يضل قاسي بس بدون ضرب
انكس
لعد شلون وتالي.
وصال تكعد من النوم ويصير خير.
أسيا الأيام المرت عليه ثقلها ثقل الجبال عشتها بكل أحزانها واوجاعها والخذلان والكسره اللي اجتي منه مُوجعه وما تنحمل والثقه اللي هدمها كلما احاول ابنيها بوجع گلبي يرجع بإيده يهدمها ويهدم روحي بخيانته وكسراته سامحتك مره كم مره اسامحك بعد هالمره ماكو سماح عصام هالمره غادرتك بدون رجعه الى الأبد.
بقيت أيام معتزله عن العالم كله من بعد ما بلغت عمو كمال بكلشي صار واخواني يسألون امي شنو سبب زعلها تكتفي هي ورجلها وهالمره ما حجيت لا حرف حتى امي ما تدري بالحقيقه كامله هو بنت وعمه ومتزوجه ومراسلات وهل الامور اكتفيت برؤوس أقلام ما ردت اشوه صورته بعقلها كافي تشوهت صورته عندي وحتى لو صار أنفصال اكولهم اكو اسباب خاصه بينا وهاي هي.
ولليل الكل ناموا ومخليه ايدي على گلبي اريد اعرف شصار دخلت لحسابه ما متواجد والواتساب كذلك فاصل الأنترنت بقيت كاعده ما نمت والصبح اني صافنه على جهالي بصفي نايمين اجتي امي بيدها تلفونها عمتي حجيت وياها وبلغتني بكل اللي صار ونهيت الأتصال وصفنت يعني التحقت علمود تبتعد عن الكل.
ضليت غالقه تلفوني تالي شفت الوضع مطول فتحته وفتحت حساباتي وشفته فاتح الأنترنت
بقيت صافنه على صورته وبلحظات راح صورته.
شنو حظرني دخلت الحساب ما محظوره بس الصوره شالها وخله الحساب بدون صوره
والواتساب كذلك ما بقه اي صور اله على
الحسابات مالاته.
تالي من بعد صفنه مطوله شمرت التلفون وضليت اسابيع حياتي خاليه من اي شعور وكرم بدأ يمل ويسأل على ابوه ويتوسل بيه تعالي نرجع بيتنا وهو ما سأل على جهاله ولا وصلهم ولا بادر بالكلام ننفصل لو نبقى ولا اني أكدر احجي ويه اخواني واكولهم اكيد يردون مني سبب قوي ومقنع واني عاهدت نفسي ما احجي أبداً.
طلعت من الحمام واجتي امي مخبوصه وتصيح على نسوان اخواني واختي.
فوزيه فوتن شوفن الاستقبال خاف مخربط نظفنه بسرعه دُنيا يمه معطر جوه من المحل ركض
دُنيا بالدين أخذ
فوزيه اي بعدين انطي ما عندي هسه
أسيا ليش شگو منو اجانا
فوزيه عيالج اجو عليج فوتي لبسي عالسريع
أسيا عيالي؟