رواية بين قلبها وعينيها كبرياء للكاتبة شمس العراقية الفصل السادس عشر
خفتي ياساقطه
منو
تعالي ولج شعندج بحساب مروان شوفي اذا ما تحذفين تعليقج وتلغين الصداقه البينكم صدكيني ما تشوفين خير لنفسج وقد أعذر من أنذر اوديج ورا الشمس.
غير اعرف بالأول منو
حبيبته وزوجته
صفنت اهاا طلعت العينتين حبيبته جاوبتها ليش مروان متزوج شوكت تزوج شو ما نشر
عن قريب نتروج يله ولي عنه
وتهددين حضرتج
كيفج حبيبتي شتردين اني حاضره.
شتسوين سوي وأني ومروان على? علاقه ونحب بعض وعلاقتنا قويه أكثر ما تتصورين، حجيت بدون وعي من نار گلبي من عرفتها حبيبته أشتعلت من القهر والغيره أحس اني اولى بي هذا أبن عمي رجعت جاوبتني بتهديد
شوفي أني بابا مسؤول بالدوله وهسه بثانيه وحده اشيلج أنتِ وأهلج ف الافضل أتعامل وياج بالحسنى لن خطيه مبين عليج الحليب بعده بخشمج وزعطوطه ومراهقه ما عليج العتب ف ما اريد اكبر الامر وادوسج بالرجلين مطولين خلك وياج.
يعني أنتِ جاي تخوفيني بهذا كلامج عشتوا ولج شعره ما تهزين مني وكولي أنتِ خايفه مني لا أخذه منج واخليج بقهرج.
لاتضحكيني حبابه هذن سوالفج ما يعبرن عليه عبريهن على غيري مروان عينه ما يرفعها على? ضل بنيه مو عاد وحده ساحله نفسها بالقندره ولابسج بالبصطال مالته ويعاملج معامله العاهرات وأنتِ مجلبلته على? أحبك ومعجبه بيك بابا شتحسين كرامتج من هالحب وين شنو ما عندج قدر وقيمه لنفسج وين ماخذه عمرج بهل التصرفات الطايشه اهلج ما انطوج تربيه أمج ابوج أخوج اختج الكواد الحاويج بيته وينهم عنج.
شعليج أنتِ صرتي شريفه ب?اسي على? أساس أنتِ ماكو هيج، تحجي وتغلط وأني ابجي على روحي أشسويت بعمري يعني حجيت وياك ليش رحت كلتلها اعاملها معامله العاهرات والظاهر علاقتهم قويه وما يضم عنها شيء مسحت دموعي وبعدها تكتب وانطيتها حظر
بهل الاثناء هو دز رساله فتحتها وكاتب
مروان بنت الگلب شنو هذ هالحجي اني وياج على علاقه منين تجيبين هالاوهام بابا أنتِ صاحيه لو شاربه، بيج شي.
أسيل واصحى منك أنت وهاي الحقيره حبيبتك دازها عليه
هاا هيج الحجي
اي هيج الحجي عندك مانع
لا يبوووي شعندي وياج قابل ادبسزز ولج قذره روحي شوفي نفسج بالمرايا يا بلا كرامه حيوانه
خليت الكرامه الك
لا الظاهر أنتِ تريدين تبليني بيج وراج سالفه مصخمه گولي من الاخير منو دازج عليه واذا تردين غير شي اني حاضر ساعه زمان وافضلج السالفه كلها وكلمن بدربه.
گبل حظرته لن كام يجفص بكلامه أنقهرت حيل ونار وشبت بصدري هيج مروان ما حجيت حجي موزين وياك انت نزلت تفشرر وسوالفك سخيفه الظاهر هذا طبعك تتعامل بي ولسانك وسخ والتحبها انكس منك إثنينكم وجه لعمله واحده.
رجعت اقرا كلامهم وركزت على? كلامها هي بالبذات وشعور الانتقام سكن داخلي وغضب عارم توسطني ماشي كلتيلي حبيبته اني مو بنت امي وابويه أذا اخلي الج وهذا كلامكم اليه اذا اندمكم عليه اضعاف جنكم على? أسيل من عيني بس مو هسه أخليكم تنسوني وأفاجأكم بمفاجأه تسوه عمركم.
تريدلك واحد شريف ماكو كلها داكتني بالنعال ناعلين شيب أهلي كمت ابجبييي بقهررر وأشهك تمنيت احد يحاجيني ويطبطب على أكتافي ويعلمني ويرشدني لو امي تصعدلي تسأل عني وعن أحوالي تكولي شبيج ماما منو وياج منو مضايقج راحت بنفسي اشوف أهتمامها بيه حايرتلي بس بولدها وجناينها واحفادها ولا جني بنتها مسمتتني بعيشتي خلتني أتقبل الذل والاهانه والغلط والفشار وما حاسه بعمري بأي تصرف أسوي تصرفاتي تصرفات بنت شورا? ولا جني بنت بيوت وناس معروفه ويشهدلهم بالتربيه والاخلاق العاليه والهم إسمهم ومكانتهم بالمجمتع وشفايده البنت جافصين عليها ومسوينها خدامه لنسواين وتكرف وسخهم وسخ جهالهم وكرهوني بالعيشه وياهم على? ساعه اشيل رأسي بس ما اعرف وين اهج وين انطي وجهي.
أزهار
كعدت على? صوت المنبه وطفيته وضليت كلما يدك اطفي وارجع اكمل نومتي كل ظني بعد وكت لما افز على? صوت اتصال رفعت الشاشه هشام فزيت مخروعه فتحت الخط هلا حبيبي
هشام وينج گلبي ترى صارلي نص ساعه أنتظرج تأخرنا
أزهار هشام توني كعدت ما اعرف راحت عليه النومه
ماشي حبيبي ميخالف نوم العافيه انتظرج وحاولي تستعجلين لن بعد وراي استاذ احمد ورقيه عيب تاخرت عليهم.
ماشي قطعت الخط على? السريع غسلت وبدلت ورتبت شكلي شلون ماجان واندك الباب على? السريع اييي اجييت
مروان مو عندج دوام وسايق ينتظر نزلي عاد شعندج متاخره لهل الوقت
أزهار هسه أجييت باوع على? التلفون گبل كلبته لن جان مفتوح على? سجل المكالمات خله وطلع شلت جنطتي واغراضي ونزلت متوتره وعصام يفتر عنده صفاره انذار من صباحيات الله
عصام فضيناااا عاااد.
أزهار اي مشه كدامي عزا هو يوصلني فتح الباب وخنزر بوجه هشام مشيت وصعدت ورا هشام جان عصام يگلب عينه عليه كمت نزلت صعدت من ذيج الصفحه وهو سلم عليه من ورا خشمه عبالك گاتل اهله
عصام شعندك من الصباحيات الله واكف بالباب
هشام شنو شعندي غير انتظر اختك
احجي عدل
ما حاجي شيء اني، اشتغل خط وطالع على? رزقي مو بس هي وراي موظفين غيرها
وشگو تجي علينا بالاول اخذ الموظفين الوياها وبعدين تعال.
أزهار ما جاوبه شغل ومشه سريع بس حسيت عصام انفجرر وراي والله ما راح يعديها اليه على? خير من ارجع الكاه ناصبلي حفله ويهلهل عليه، باوعت على هشام ساگت حبيبي خوما ضجت
هشام لا عادي ليش اضوج
ازهار أني صوجي تأخرت عليك
ما صار شيء عيني لاتخلينها أبالج.
يسوق وأني عيوني عليه شگله رجولي وشخصيته ملفته لنظر ب طيبة گلبه بتصرفاته وهدوءه وتعامله ويه الناس لطف أخلاقه عقله الرزن حبه وحنيته وخوفه عليه گلشي بي خلاني احبه وأتعلق بي بوقت قصير خلال شهرين وهالفتره عرض عليه الزواج يعني لو نيته مو شريفه جان طولنا بالعلاقه فززني من صفنتي
هشام وين بالج حبيبي
ازهار بالي يمك
فدوه لهل العيون لاتنزلين عيونج خليهن اتمعن شوف بيهن مو عيون خشف سابيات گلبي سبي.
نزلت رأسي مستحيه غركني بهدومي بغزله وحنيته وطبك السياره واخذنا احمد ورقيه ووتوجهنا الدائره نفس الروتين وأني كاعده أشتغل اجت وحده ويانا اسمها انفال هاا انفال محتاجه شيء
أنفال اي والله اريد اخابر على امي بالي يمها عفتها مريضه ومالي واهس أشتغل واريد اخابرها ورصيد ما عندي وما على احد غيرج من البنات
ازهار أي يمعوده صدك جذب هسه اخابرلج واحولج كارت والف سلامه ما بيها غير العافيه.
تسلمين حبيبتي لا لا تحولين كارت مو حاجه اني اشد كارت بس هسه شغل وملتهيه تعرفين ف كلت اخابرها بس وبلكي تنطيني تلفونج دقايق بس اطمئن عليها وارجعه الج
لا شسالفه حبيبي خل اشوفلج اذا عندي رصيد احولج علمود تحجين وياها براحتج
لا حبابه دتخجليني بكرمج بس اخابرها وهاي هيه
تمام على راحتج فتحت الرمز وانطيته الها هاج گلبي اخذته
تسلمين حبيبتي ما تقصرين هسه ارجعه الج.
اخذته وراحت عيني عليها بس اجه موظف طلب ملف والتهيت وياه وسالفه التلفون شغلت بالي شوي واجت انطته اليه هاا خلصتي شلونها الوالده
تسلمين حبيبتي اي خلصت الحمدلله زينه وكلتلها عليج هواي دزتلج سلام مشكوره ازهار يله اني اروح اخذي راحتج.
الله وياج رجعت اكمل شغلي باوعتلها وشفت رشا لحكتها خلصت مصلتحها يمي ورافگت انفال يربي الواحد صاير ما يأمن ولا يثق بهل البشريه من اصفن واتذكر علاقتنا ولسانها اكول مستحيل يطلع منها هالشيء
اشتغل بواهس واجاني مسج منه فتحته
هشام شتاقيتلج يبنيه
ازهار واني هم والله وين أنتَ هسه
بالشغل والله أنتظر واحد يريد ياخذ عائلته لبيت اهله
وكلت احاجيج لن شتاقيتلج ينيتي.
تمام عيني دير بالك على نفسك لاتسوق بسرعه من توصلهم حاجيني
ماشي حبيبتي.
راح وبالي يمه ونفس الوقت انقهر عليه حياته كلها شغل يطلع من الصبح ما يرجع غير المغرب حتى من يوصلنا ما يرجع البيت يضل يشتغل وهالشي شاغل بالي يا ترى من نتزوج هم هيج يضل طول الوقت يشتغل وغايب عني شيء اكيد والمسؤوليه تكبر اكثر عليه لا هيج ما ترهم لازم اشوفله وظيفه بس نتزوج احاجي بابا يلكيلي تعيين مرتب ويرتاح بحياته واني هم ارتاح من ناحيته.
خلص الدوام وهو ما موجود اتصلت عليه وهوسه يمه حبيبي وين أنتَ.
هشام بالمستشفى أمي تخربطت وخابروني ورحت البيت اخذتها وديتها ادعيلها ازهار فدواتج
ازهار لاتخاف عيني ما بيها شي ان شاءلله صحه وعافيه
بس اطمئن على? وضعها ويجي أبن عمي واجيكم
ماشي على راحتك قطع الخط وطلعت برا انتظره واسمع احمد يحجي وياه بس اني گلبي مثل النار عليه مر وقت واجه سريع وطبك سيارته صعدنا وسلمنا وعيوني تباوعلها بلهفه وخوف
احمد الوالده شلون صارت ان شاءلله احسسن
هشام الحمدلله.
ازهار وصل أستاذ احمد بالطريق يتصلون عليه ومخبوص ومن خلال كلامه يدلي اخته على? الفلوس وين ضامهن
هشام موجودات بالبوفيه مالت امي دوريهن زين ياعيني هاا لكيتهن ماشي راح يمرلكم بارق وروحوا وياه هسه اجي اني هاااي شبيها تبجي شكوو ياعيني ما بيها شي والله هسه يسولها فحوصات و? العلاجات يرجع وضعها طبيعي يله سكتيها الله وياج
ازهار باوعلي بلهفه شلون صارت خاله.
هشام على? الله لزمتها رجفه ما جانت عدها ابداً كامت ما تسيطر على? ايديها، انشلع كلبج يا يمه عمت عيني
ازهار أختنك وجاوبته الله كريم حبيبي ما بيها شي ان شاءلله كله قدر ومكتوب والانسان لازم يكون مؤمن وصبور ومهيأ لكلشي خليك قوي اهلك واخواتك بامس الحاجه الك وبالاخص بهل الوقت نهائي لاتضعف كدامهم شده وتزول
ان شاءالله
وصلنا وطبك السياره عود طمني عليها انتظرك
ماشي عيني.
نزلت وعيوني عليه وشغل بكل سرعته وراح بالي يمه منين طلعتله هالسالفه دخلت البيت وهدوء وامي وجهه طافي حسيت صاير شيء خير ماما شبيج
وصال عصام وأسسيا تعارگوا واخذها لبيت أهلها
أزهار ليش شصارلهم انوب ما تخلص مشاكلهم
سگتي وخليها عمج فاضل جان أهنا واسيا فضحت اخوج كدامه سوالف ما تنحجي امشي بدلي ونزلي داروح والحكهم راحت وگلبي ما مرتاح اخاف وصلت للموزينه ويطلگها لن وصلت بيناتهم لشيطان الرجيم الله يستر.
أزهار ماشي وعمو بعده اهنا لو راح
وصال بعده موجود كاعدين بالاستقبال هو وابوج ومروان ومجد أنوب ابوج تخبل وحالف ما يلفي اخوج للبيت بس يرجع يطرده من البيت يكول بنات الناس موولعبه عنده وهي حامل وضعها مخطر والله دخت من وراه راح يجلطنا اخوج.
أزهار الله يصلح حالهم احسن شي ماشي ابدل ملابسي واجيج صعدت گبل اتصلت عليها مغلق لا السالفه مليوصه فدمره اخ يالقهر لا سكتت وارتاحت ولا حجت ارتاحت شتعذبت هالبنيه الله يريح گلبج يا اسيا.
أسيا
تمر الايام من عمري عايشه بس بدون روح مثل الوحده بيها مرض خبيث وتناز? الموت على? البطي? جارعه المر وساكته ومنتظرته يصحى على? وكته ونفس الوقت ما اصارحه بخيانته الا عندي دليل ملموس لن بس اكوله راح ينكر ويسوي روحه نبي ومستحيل يغلط ويطلع اغلاطه بيه ويذب للوم عليه لهذا فضلت السكوت والصمت على? حساب اذيتي ونار گلبي.
محد حاس بنار گلبي غير اللي رجلها خانها وحست بخيانته وصارت مهوسه بكل تصرفاته وتشك بكل حركه يسويها صعب من تنفقد الثقه صعب ترجع مثل الاول الكل كالوا عليه مريضه وعقلها مو صاحي بإذني سمعتهم يحجون وبلعت الغصه وعديتها وسگتت وكلت ميخالف أسيا ميخالف تحملي وعديها.
بس سبحانه مستحيل يجي الشعور عبث مستحيل گلبي ما نغزني من دون سبب والكاتلني قهر ما مقصره وياه بگلشي بكل الاوقات عروس واحبه اكثر من امه الحملت بي تسع شهو? دايرته بماي عيوني.
ياريت البجي يطفي النار السكنت گلبي شيء بداخلي مذبوح وينزف وجع بگلبي الحامل وتجيب مو مثله خنگه وحسره وكسره.
صادف عيد ميلاد كرم باقيله كم يوم وصلوني التجهيزات وكاعده ارتب الحلويات بعلب مزينه كلت اعزم جهال جوارينه يلعبون وياه بالفرع جنت أحاول اشغل نفسي علمود اطلع من الكم الهائل من افكاري الساكنه عقلي بلكي اكدر امد روحي بالقوه والصبر واتصرف طبيعي گبل لأ انفجر بوجهه بدون دليل ملموس على? خيانته.
كاعده على الجربايه واسوي بيهن وكرم كاعد يمي يساعدني وفرحان فدوه لعيونه وابوه بالدوام حتّى ما متبعه ايام نزوله ولا اتصلت عليه ولا سألت وهو كذلك لابس الوضع ب تجاهل ومعيشني بالصمت العقابي.
سمعت صوته يحجي ويه أهله لن ما شاء الله دخوله للبيت مدرعه عسكريه صوته صار قريب ويضحك وضحكته شگت طبله أذني تضحك وعادي عندك الوضع ولا مهتم ولا سأل عني شگو عليك الله على گلبج اسيا محد محترك غيرج.
انفتح الباب وهبت علينا ريحة عطره غمضت عيوني اتلافه هو وجوده حوالينا سلم بصوت خشن
عصام الله يساعدهم
أسيا جاوبته وأني منزله رأسي وأشتغل هلا ويساعدك
شال أبنه من الجربايه ويبوس بيه وحاضنه من ركبته ويسولف اله على? عيد ميلاده وابوه يستمع اله بكل اذن صاغيه
عصام من عمري على عمرك يابه جبتلك شلون هديه بالصاله اركض شوفها اركض دير بالك لاتوكع خل عمك يساعدك.
رفعت?أسي واجت عيوني بعيونه وأبتسملي گبل نزلت رأسي تهربت من نظراته اباو?? رجليه مشه وتقرب ناحيتي ودنك باسني من?اسي غمضت عيوني ونفسي لعبانه منه هيج كاتمه الدم بعلومي رفع حنجي وصفن بوجهي واني منزله عيوني ما اريد اباوعله ما اريد انفجر بوجهه مو هسه اسيا خليج قويه تحملي وعديها
گافي زعل هالمره طولنا هواي هسه لو بيت أهلج بيها مجال مو كدام عيني وأنزل والتحق ونفس الشي تعبت أسسيا عوفي الزعل على? صفحه.
ليش منو الزعلان، أنتَ زعلت مو أني أنت اللي ابتعدت وطول هالفتره طابلك البعد ولا عبالك متزوجين وببيناتنا عشرة عمر وطفل
أبتعدت لن تعبت من النك والمشاكل وياج ردتج تفكرين بحالنا وعلاقتنا وتفكرين بيه وتعوفين الشك والغيره لن هذا مرض وهوس أكثر ما يكون حب.
ضحكت وجاوبته مرض كثر الله خيرك كمت ولزمني من ايدي وقربني لصدره حضني بقوه ويمسح على? اطراف شعري بحنيته المعتاده بالكوه ثابته بين ايديه جاوبته عصام عوفنيي على? شنو جاي وتريدنا نتراضى
رفع حنجي وباسني من خشمي
كرهت البعد وساعته ولج روحي تريدج ميت عليج ومحترك بناري واعد الساعات ساعه ساعه اراضيج واللي تريدنا يجرالج أسيا الزعل والبعد مو حل لمشاكلنا.
أبتسمت وجاوبته اي صحيح لن الشوق اقوى منك ومني.
وأنتِ كلتيها شتاقيتلج مريتي الأحبها رغم كلشي صار بينا أحبج ولا عبالج كارهه تصرفاتج وغيرتج عليه لا بالعكس هالشي اله قيمه كلش جبيره عندي وغلاتج بگلبي هي هيه ما نزلت لو بگد ذره.
يحجي واحاول أصدكه بس ما اكدر هايم ومشتاق ولهفته تارسته يباو? بعيوني ويكذب حتى بالكلام يخون الواكف كدامي ما احسه عصام لا قطعه دم وغركانه بيها.
باسني من?اسي وأعتذر مني ولمني بحضنه بجيت وكتمت بداخلي شگوو غصه ياربي مدني بالصبر والقوه
رفع وجهي ومسح دموعي وقرب شفايفه وأخذ شفايفي بعالمه موو عالمي اني عالمي طافي ومهجور ومكسور
بحدود الساعه هو يطبع اثار الشوك والبعد ويلعن ويسب لن تزاعلنا قاومته وتحملته بحيث شفايفي صارن نفاخه وركبتي تلوثت بألوانه يحير شلون يتمرد عليه الشوك عنيف من بين انفاسه وذبوله وانهيار رجولته حجه بصوت ذايب.
راح اضرب كلام الدكتوره بعرض الحايط ما اتحمل بعد اريدج اسسيا
ما جاوبته بقيت هادئه ومجرده من كل المشاعر والاحاسيس أخذني اله وتفنن براحته بس حسيته انزعج لن لاحظ برودي بالعلاقه ما انسجمت وياه رفع ايديه وعيونه بعيوني.
ليش تبجين ياعيني
مسحت دموعي اللي ما اعرف شوكت نزلن سحب كف ايدي وباسه من الباطن ومغض عيونه وثبت ايديه على? رگبته
احضنيني وخل نتراضى يله حبيبي.
سويت مثل ما گال جنت لعبه مخدره بين ايديه نفض نفسه بإنزعاج أرتاح بس حاس بيه ما مرتاحه وتمدد بصفي انطيته ظهري وسحبت نفسي وحضنت بطني وتلمستها بحزن ورجع حضني من ظهري ورأسه بين خصلات شعري خدران ومهوس ثبت ايده على? ايدي وايدينا احتضنت طفلتنا بقيت هادئه الى أن سكنت روحه وأنفاسه خفت غفه بنص شعري وهو حاضني ومتمسك بيه ردت ارفع ايدي شد عليها بقوه منعني اتحرك وقيدني بين اضلا? صدره.
بقيت ابجي بصمت وتالي غلبني النعاس وغفيت ما اعرف شكثر مر وقت كعدت رأسي مصد? أنداريت هو على نومته ضليت صافنه بوجهه وتململ وكعد صديت وجهي عنه ورفع نفسه لزمني من كتفي وبوسني وكال
عصام اشوف كرم وارجعلج ونحجي انتظريني.
أسيا ما حجيت طلع وكمت اخذت ملابسي وسبحت جوه الدوش اغسل بشعري وابجي وسمعت صوت ازهار خلصت وطلعت خطيه جانت تريد نحجي حسيتها محتاجه تفضفض بس مالي خلك لاي بشر مشاكلي حايره بيها اشوف تاليها وين تصفى سولفنا شويه واجه هو عاد هي راحت وهو تقرب مسح على? خدي وگال
عصام حبيبي ليش سبحتي مو گتلج أنتظريني
أسيا الصلح ما ينتهي بالفراش فاهم الموضوع غلط
منو گال الفراش يهمني بكثرج
گول لنفسك هالحجي.
أسيا لاتطلعينها من عيني شسويلج علمود ترضين نضل هيج مد وجزر وعلاقتنا بصراع دائم ما يمر يوم اذا مو مشاكل مشاكل ترى والله بزعت من هالوضع حسسسي ياعيني أنتِ
ماشي
بس ماشي شو صايره هادئه مو بالعاده وأني ما متعود على? هدوئج هالشكل
مو هيج أحسن واريحلك علمود تخلص من النگ مالتي اخاف اموتك ناقص عمر وأبتلي بيك
ويا احلى من موته
گلبي وجعني بكلمته لا اسم الله على عمرك
نگول رضيتي
أبتسمت حضني بقوه باسني وكرصني من خشمي.
ينكسر گلبي ولا ينكسر خاطرج عندي أنتِ بالدنيا كلها
وأسف هوووواي هووواي أسف واعرف زعلت روحي بالدنيا وحقج على? هالخشم
بخصوص هذاك الموضوع اقصد هديل لو ألها اهميه جانت حجيتلج عنها بس نهيت قاموسها وكلمن كمل حياته وأني شفت حياتي وياج أنتِ لونتيها أنتِ خليتني أحبها أسيا أني مو بس أحبج أني أعشقج أحس هل الكلمتين ممتكفي تعبير عن شعوري تجاهج.
كمل كلامه وصفن بوجهي يقرأ ملامحي وهدوئي ما حجيت شيء او بالاحرى ماكو كلام بعد ينحجي اللي أنكسر صعب يتصلح واحسه جاي يمثل وضابط الدور كلش زين عگد حواجبه بإنزعاج
شبيچ ساكته أسسيا حاجيني هذا سگوتج ما مرتاحله!
ما بيه شيء هذا هو تصافينا
منو يگول مبين بگلبج هواي حجي احجي لاتضمين شيء خلص راضي ومتحمل بس مال تبقين ساكته وهادئه ما متعود عليج هيج
بعدين نحجي اروح اشوف كرم
عوفيلي كرم هسه التهي بأبوه.
صفنت بوجهه أريد احجي واسأله بس متردده تقربت وبسته من خده بعمق وبقيت مغمضه عيوني وأستنشق انفاسه أنفي على? انفه ولازمه وجهه بإيده الأثنين وهو بلحظه جنون لزمني من وجهي وعصره وثبتني كدامه وصفن بعيوني
لج أعشششششقج أمووووت على? الخلقج
بجنون عنيف اخذ شفايفي وبادلته بنفس جنونه ولهفته
أعشقك كلتها وبجيت گبل خله رأسي بركبته ورصني بصدره بقوه ويمسح بدموعي وهو سببهن حسس راح يخسرني والله حسس.
أطيب خاطرج وعد وزعل ماكو بعد خل نتفق وننهي هالمشكله خوش
هزيت رأسي خوش
يروحي أنتِ شعندي غيرج أني
بحضنه وابجي والكلام البداخلي كتمته وكلت ميخالف يمكن نزوه وتندم عليها او يمكن اني سببها ميخالف أسيا سامحي هالمره وأن شاء الله متنعاد.
أبتعدت عن حضنه لن الباب يدك كرم يصيح وهو راح يفتحه اله وشاله بحضنه ويبوس بي هاللحظه قررت اتجاهل وأستمر بحياتي وياه بسسسلام.
مر أسبو? حياتنا طبيعيه وجنت مراقبته ما شفت عليه اي شيء يمكن عافها يمكن تندم
وقبل لا يلتحق بيوم كاعدين بالصاله والتلفزيون مشتغل على? إفلام كارتون وكرم كاعد يباو? وفرحان بالعاب الجابهن أله أبوه فدوه لطوله
هما بالصاله وأني بالغرفه جاي احضر ملابسي وأكوي البدله مالته وصاحني
عصام حبيبي ماعون فواكهه وكرزات أذا اكو.
أسيا أي حبيبي أجيت سويتله هو جان يتصفح بالفيسبوك وما خليت بالي يمه ودام أعتذرلي وحجالي عن حبه ما يغدر بيه.
خليت ماعون الفواكهه والكرزات تريد شيء بعد لن فايته أسبح غمزلي وضحك
عصام لا حبيبي سلامتج
أسيا تمام رجعت الغرفه أكمل الكوي كملتهن واخذت ملابسي أريد اروح أسبح وكرم عاط رحت عليه لكيته واكع وابوه شايله ويسكت بي شبي
عصام وكع وتعور
أسيا غير تتنبه يا ماما يله ميخالف اطيب ماما حبيبي.
أحجي وياه ورن التلفون باوعت رقم غريب وتذكرتها
بس هو ملامحه تغيرت وبلع ريك انتهى الاتصال والشاشه مفتوحه على? المحادثه وكفت اقرأها هو گبل عاف كرم واجه يريد ياخذه من ايدي
عصام اسسسسيا عوفي التلفون
أسيا ليش اعوفه ليش شبي
ما بي شيء بس جيبي
خليته ورا ظهري ما انطي صرخ بوجهي الا كرم سد أذانه
اسيييييا كتلج جيبي تلفونييي
اكسسسسره والله احرك روحييي كدامك هسه وما انطي ليش خايف
ما خايف بس جيبي وبطلي خبال.
ترى كاشفتك من زمان واعرف بيك دتخونييي وسمعت صوتها بأذني تكولك حبيبي وتحملت وسگتت وضميت بگلبي وكلت ميخالف تحملي وعديها يمكن تندم لن اعتذرلج وبين حبج بگلبه شكثر جبير بس طلع وهممممم اي وهمممم ابجيييي واكلب بالمحادثه وأقرأ كلامهم وابجي وهو واكف صافن بوجهييي تسألها اليوم افتقدتج تسألها اليوم ليشششش مختفيه مهتم لامرها بس ما اهتميت اليه من كعدت تخرطلي حجي جذب واوهام تضحك بيها على? عقلي تكولها شلونج وأنت تباو? بعيوني وتتغزلي جذب تسألها باجر التحق وأنت تنام وياي بكل وقاحه وتأخذ حقوقك المشروعه مني ليششششش عصااااام ليشششش ليششش خنتني ليشششش.
عصام ما خنتج والله ما عندي شي وياها بس خل افهمج
شتفهمنييييي كوليييي شتفهمنييي تكعد تبررلي خيانتك يا تبرير هذا يغفرلك غلط تجاه گلبي اللي حبك بگل خليه نابته بي من حبييييي الك خنكتك بتصرفاتي من غيرتي عليك اضل انك عليك تعرف شنو يعني أحبك وأنت بشنو تجازينيييي على? حبي الك تروح تخونييي وتتنقم مني هيججج تاليها عصام هذا الجزه من وراك ومن حبي الك وغيرتي الطايح حظي بسببها.
والله ما عندي شي وياها مجرد صديقه وسوالف عاديه لاتسويلنا سالفه ما تسوى ختولييي
صديقه وين اكو صداقه بين الرجال والمره هسه تقبل اني اصادق رجال عاط بيه
انجبيييي أسياااااا
اي أنجب ليش لا شحصلت من حبك غير المغثه حتى أهلك كالوا عليه ناقصه عقل وخبله بس لحظه اشوفهم
واثبت الهم اني خبله فتحت الباب وطلعت وهو وراي يصيح بعلوا صوته
أسياااا رجعي لاتتخبلين مشكلتنا نحلها بينا رجعي رحمه لابوج.
لزمني يريد يسحب التلفون مني ما يكدر يقسى يخاف يأذيني لن بطني واصله خشمي
أسسسسسيا جيبي التلفون لاتخلينيي امد ايدي عليج وضعج تعبان راح توكعييين من طولج يل لاسلام عوفييي الصخام هسسه خل نكعد ونحجي ونتفاهمممم وين موليه
فتحت الباب وكلهم كاعدين عمي عندي كلمتين اكولهن وبعدها اروح لبيت اهلي ابنكم ما ضلتلي خبزه وياه
عصام اسسسسيا كسررري الشر واتعوذي من أبليس ورجعي الغرفه عمي كاعد فضحتينا يالكعبه.
اسيا مووتكولون عليه عقلها طگه ونص مو صاحيه لن شگوكيه وأغار وخانكه ابنكم هاك شوف شكي طلع بمحله ابنكم المصون على? علاقه بوحده وكاظيها سوالف مكسره جاي يراهق وهو متزوج وعنده طفل وبنته بالطريق، راد يضربني بس عمي منعه وكع شالي ومروان كام وغمض عيونه وكاله
مروان أخذ مرتك وحلوا مشكلتكم بغرفتهم امشي غطي ركبتها فضحتوناااا وعمييي كاعد ما نخلص من مشاكلكم
فاضل احنه طالعين عصام حل مشكلتك بغرفتك أبني.
كمال عصام شنو هالحجي مو عيب ولك ابني
أسيا گبل سحبني من ورا عمي وجر تلفونه من ايده ولف الشال على? ركبتي واخذني سحل للغرفه دفعني على? التخم ونسى اني حامل وقفل الباب شمر التلفون ورفعني تقرب ضربني راجدي
عصام دومممممج فاضحتني ومطلع سري ولج ليشششش صخمتي وجهي كدام اهلي وانوب عمييي موجود شيكولون عليه لا والقهرررر الركبه طالعه ومزروكه شسويلج هسسسه شسويلج تردين تموتينيييي.
گول لنفسك هالحجي جان أستحيت من اهلك قبل لاتفكرررر تخووون جاي تراهققق وعايفني وملتهي بست الحسن مالتك بس اريد اعرف شنو من طينه طينتك مسوي روحك شريف وأنت مبدع لزمني من شعري بقوه
شوفي لج اني شريف غصباً على? سلالتج كلها تجاوزتي حدودج هواي وسككتلج هوااااي وفشلتني وفضحتيني بين اهلج كلت ميخالف انوب أهلي وكدام عمي لا اني بعد ما اتحملج فركس گلبي منج ومن تصرفاتج الما تنطاق.
دفعته اني فركس ورم گلبي منك ورايحه لاهلي وعايفتلك كلشي بعد ما اريدك كرهتتتتك كره الدم امووووت منك الله يأخذك ويخلصنيييي منك
كلتها بعصبيه وهو بهتت ملامحه وارتخت ايده من بعد الرجفه وگال
هو الله ماخذني ومخلصني من هالعيشه الزقنبوت.
عافني وراح لغرفه كرم لكاه يبجي وحاضن المخده أخذه بحضنه ويسكته شاله وطلع وقفل الباب وراه صحت عليه عصام افتح الباب وين عايفنيييي عصاااام لزمت بطني لن صار عندي وجع غمضت عيوني كاتمه الالم الله ياخذني شلون دعيت عليه وكدامه.
كمت بتعب ولازمه بطني لزمت التلفون واتصلت عليه رفضني رجعت دزيتله تعال وديني لاهلي ما اكدر ابقى بعد شافها وما رد عليه رجعت كتبت راح احضر ملابسنا وانتظرك واذا ما توديني اخابر اخواني يجون ياخذوني شافها وكتب
عصام عوفي أخوانج اني اوديج بس اشتري ل كرم واجي
أسيا هالمره اروح بعد ما ارجع
تهدئين وتبرد أعصابج واجي اخذكم
مستحيل عصام ما أكدر أتقبلك بعد أنت خنتني وكذبت عليه شلون اصدكك واثق بيك بعد
كيفج.
بس هاي كيفج شافها وما رد عليه كمت حضرت ملابسي اني وجهالي كلهن بالجنط خليتهن بالصاله ولبست وكعدت لازمه بطني تعصر بيه سمعت صوت المفاتيح فتح الباب باوعلي وصديت وجهي عنه دخل كرم مشتري باوع على? الجنط وباوع على? ابوه
يله امشي.
لزمت ايد كرم وطلعنا وراه هو شايل الجنط تمنيت يكولي لاتروحين خليج بس ضل ساكت عمتي باوعتلي وهزت رأسها ما راضيه عليه طلعنا صعدت بالصدر وكرم ليورا بس الوجع كام يزيد ما يقل وهو لاحظ. عليه
عصام شبيچ
أسيا ما اعرف عندي وجع بطني
امشي اخذج المستشفى
لا لا ما يحتاج اخذني لاهلي هسه أتمدد وارتاح ويروح
واني امشي على كلامج خل أشوف امي
راد ينزل لزمته من ايده لاتروح ما يحتاج اخذني لاهلي.
صفن على? إيدي وكبل سحبتها يله خل نمشي رجع شغل السياره وطلعنا بس هو ما مرتاح طول الطريق مراقبني واني اصد وجهي عنه وصلني لبيت أهلي ردت أنزل ولف السياره وين
ارجعج للبيت ماكو طلعه وسالفتنا اليوم تنحل المن مخليج حظ الكواد علمود سالفتنا تصير بحلك نسوان اخوانج
وكف السياره خل انزل وصلنا وين مرجعنا شنو جاي نلعب احنه
اي جاي نلعب
يارب منك الصبر على? هالرجال لف السياره ورجعنا البيت نزلت وهو نزل الجنط ويمشي سريع.
سويتنا مزق ومضحكه كدام الرايح الجاي
دخل الجنط كلهن وكال لكرم
روح يم اجدادك يله بابا
راح عليهم ودخلت الغرفه وهو كعد على? التخم وصافن وصاحني
أسيا تعالي احاجيج
ما عندي حجي وياك كام من مكانه وقفلت الباب بوجهه
أسيا فتحي الباب وبطلي تصرفات مال مزعطه أنتِ مو صغيره فتحي خل نتفاهم فتحي الباب وضعج تعبان لايروح يصيرلج شيء فتحي الباب يالخبله
انوب سويتني خبله
عمييي اني الخبل بس فتحي وضعج تعبان.
ما افتحه عفته يصيح وتمددت بملابسي لن حيل تعبت بس اريد اتمدد وهو ضل يدك بالباب وبعدها راح وكمت اتكلب بفراشي منين ما اندار الوجع يزيد يربي شجاني زاد الوجع وكع ماي شنو هذا اني عمليات مو طبيعي هالماي منين اجه ورجليه ما عاد اكدر ارفعهن شفت الدم وصار وجع فضيع تخبلت يمممممه بنتي ماتتت عصااااام الحكييييي راح اموووووت عصاااااام.