رواية بين قلبها وعينيها كبرياء للكاتبة شمس العراقية الفصل السابع عشر
عصااااام راح امووووت الحكيليييي بنتك ماااااتت
عصام فتحيييي الباب رحمه لابوج بس كوليلي ليش قافلته على? نفسج شيكسررره متكوليلي ياربي فدواتك شمسوووي بدنياييي اسياااا حاجينيييي اسياااا بس فتحيلي خرب بعقلج ليش قافلته.
اسيا ما اكدرررر عصااااام ما اكدرررر اتحرك رجليه ما يحملنييي راح اموووت راح اموووت يضرب بالباب ما ينفتح الباب قوي عشر زلم ما تكسره واني عيوني غوشت كمت ما اميز بالاثاث الغرفه بس اسمعه يصييح واهله يمه يعيط عياط ما صاير تخبل ب لحلظات اندفع الباب بقوه وكع على? وجهه ولازم كتفه بوجع وعمتي وازهار ركضوا عليه وهو لازم كتفه ويفتر بالغرفه غاشت روحه ومروان يحجي عليه.
مروان خبل أنت شلون تدفعه هالقوه كتفك انخلع مو كتلك اصبررر بينما اجيب شي ونكسسره
اسيا ما جاوبه مروان طلع لبرا هو وعمي واكفين يم الباب وعمتي وازهار غيرولي ملابسي وهو جابلي عبايه لبسني ورفعني من الكاع وعمتي تصيح عليه لن كتفه متاذي
وصال ولك يمه عوفها نمشيها انت كتفك ما ادري شصارله ليش تشيلها
عصام عوفينيييي يممممه عوفينيييي هي ريشه.
اسيا صعدني بالصدر ليكدام وشغل السياره وطلع حتّى ما انتظر احد بالطريق خابروا يحجون عليه لن ما انتظر عمتي صاح بيهم بخبال
عصام خل مروان يجييبهن مكسسسر
اسيا تعبت وباوعتله نظرات أخيره مثل الوداع عصام
عصام هاا عيني اتحملي گلبي تحملي هسه نوصل
اسيا غمضت عيوني وبعدها ما اذكر گلشي.
فتحت عيوني وصوت أمي يم رأسي تتحمد وتشكر رب العالمين بس ماكو صوت طفل تلمست بطني فارغه وصار صوت امي بعيد.
فوزيه ولك عصام يمممه اسيا كعدت
أسيا بنتي وينها بنتي خوما ماتت حسيت بلمسات ايده حاوطت كف ايدي وانباس وتقرب باسني من رأسي وعيونه وجهه ذبلان
عصام كسرتي ظهري بغيابج أسبو? يا ظالمه النفس
أسيا بنتي وينها بنتي وين
عصام لاتخافين ما بيها شي سباعيه مثل امها بس مخلينها بالخدج الف الحمدلله على سلامتج حبيبتي
أسيا ليش أسبو?
جنتي فاقده الوعي دخلتي بغيبوبه لن دمج صفر وحالتج تازمت وصلتي الموت ورجعتيلي الف الحمدلله.
عليك الله خوما بيها شي خوما ماتت
وصال شبيج ما تصدكينه والله بالخدج وگلشي ما بيها صحتها مثل الورد وازهار يمها ترضعها هسه تجي وساليها واطمئني أكثر
فوزيه يمه عصام مو لازم نبلغ دكتورها كعدت
عصام اي رايح اشوفها عيونجن عليها
اسيا امي تبوس بيه وتبجي وتمسسح على رأسي لاتبجين مو هياتني يمج.
فوزيه اخذتي حيلي متت وعدلت كالوا ما تعيش أنتِ بدون شيء وضعج مخطر انوب نزفتي وتعبتي الحمدلله رجعتيلنا بالسلامه حبالتج صعبه شلج بي يا امي
وصال سباعيه اسيا عفيه بنيتي شده وزالت الحمدلله على سلامتج اروح ابلغ عمج خطيه گلبه مثل النارعليج.
اسيا الله يسلمج عمه طلعت وامي حاضنه جف ايدي وتبوس بي ودخلوا اخواني وياهم دره وكلهم يبجوون بالاخص ابراهيم كام يشهك وصوته على تقرب حضنيي ويبجي بصوت مسمو? فدوه لعيونك لاتبجي دموعكم غاليه عليه
ابراهيم كسرتي ظهورنا بس الف الحمدلله عدت سلامات
منذر الف الحمدلله على سلامتج خيتي
محمد إشسويتي بينا خيتي الغاليه.
اسيا الله يسلمكم ويخليكم اليه ضلوا واكفين يمي وعيونهم عليه وأبراهيم دمعته ما نشفت تقرب مسح دموعي وباسني من كصتي ودخل عصام وراه الدكتوره ابتسمت وحجت
شيماء لا لا يمعودين كولوا يالله اسيا سباعيه ما ينخاف عليها وهسه بلا زحمه عليكم لازم افحصها
أسيا طلعوا كلهم ضلت بس أمي ودره وعمتي وصال ودكتوره فحصتني وابتسمت وياها ممرضه خلولي علاجات وضربوني ابر وشويه ودخل عصام هو وازهار تقدمت بوستني.
أزهار شتاقيتلج ولج الحمدلله على سلامتج
أسيا الله يسلمج عيني
شيماء اكثر مريضه قويه وسباعيه مرت عليه هو أنتِ الحمدلله تجاوزتي مرحله الخطر وعبرناها ودام زوجج موجود ف الافضل ابلغكم اثنينكم ماما اسيا الحمل ممنو? عليج نهائي واذا حملتي مره لخ اسم على? عمرج تموتين لن وضعج صعب ورحمج ما يستقبل حمل نهائي والله رزقج بنوته مثل الگمر وكگافي المهم سلامتج قبل هم عندج ولد لو بنت
عصام ولد كرم.
شيماء ما شاءالله صاروا كرم وجود الله يحفظهم الكم
وصال تسلمين عيوني دكتوره تعبناج ويانا
شيماء لا امي تعبكم راحه هذا واجبي والمهم عندي اسيا والف الحمدلله على سلامتها ومُبارك عليكم البنوته جود
وبخصوص تسجيل خروج اليوم خميس خلوها على الاحد هم تخلص علاجاتها وهم كدام عيني وأتاكد على وضعها وصحتها
عصام والطفله دكتوره.
شيماء هسه أخصائية دكتورة الاطفال تشوفها وتقرر يله عيني تضل يمكم العافيه اسيا ديري بالج وانتبهي على نفسج مع السلامه
اسيا الله يسلمج حياتي طلعت وباوعت لامي سميتوها جود
فوزيه اي ابوها سماها
اسيا مووحلو ما اريده غيروا اني ردتها سالي
عصام ليش عيني على? وزن اسم اخوها كرم وجود ويصحولي ابو الكرم والجود اكو احلى من هالاسم.
اسيا لا انت گافي عليك ساقط ابو النسوان احسة هذا اكثر لقب يلوكلك سگت ونزل رأسه وطلع وامي كامت تحجي عليه وعمتي هزت رأسها بقهر مو راضيه طبعاً ما تنطي بإبنها
فوزيه وكته هالحجي ما تعرفين تضبين لسانج اخ من رأسج اليابس موو عيب هالحجي دماغ زز فشلتي الرجال كدام امه واخته ومرت اخوج ما تجوزين من طبعج هذا
شمسويتله قابل يستاهل.
دره اسيا عيب امه واخته واكفات مو وكته هالحجي أنتِ طالعه من الموت تحمدي ربج وعوفي هالسوالف بعدين كلشي واله وقته
فوزيه والله على? هاي تصرفاتج لو ياخذ عليج مره فلا الومه لا والله فلا الومه تبطين الجبد
خل ياخذ بالجنهم هو مرته.
وصال شو كعدتي مستجلبه لازم تكولين امه واخته واكفات ترى ابني هذا ما جايزه منه والصار بينكم ينحل بالتفاهم يا امي لا بالصوت العالي ولا بالحجي الماله معنى بس تغثثون نفسكم وماكو حال يبقى على? حاله عدكم جهال اثنين مصيركم تتراضون وهذا رأسج لاتبقين ميبسته
فوزيه لا يبووو بنتي قشمر كل أحترامات ما عدها صيري ادامي لا اكول ل أخوانج عليج تراهم ما يرضون وداري نعمتج، ولج بس رتبته تسواچ يالغمه.
وصال گافي ام ابراهيم خفي عليها بعدها مريضه وتعبانه ميخالف تصير مشاكل بين كل وجال ومره واسيا ورده وين اكو منها والله غلاتج بغلات ازهار اخذتي حيلنا والحمدلله من رجعتلينا والباقي مو مهم تنحل.
اسيا ما حجيت شيء بس هزيت رأسي ودخل عصام باوع لعمتي وصال وگال
عصام هاا محتاجين راح اروح السوك
فوزيه لا أبني سلامة عمرك
وصال يمه عصام روح شوف ايدك اخر مره شافوها بعد ما شفتها
عصام ما يحتاج
وصال بس يمه.
عصام ما يحتاج وخلص حجيه، رايح لسوك اذا احتاجيتوا شي مروان موجود بس خابروا يجيكم
وصال لعد اني اروح وياكم وصلني البيت اغير ملابسي واجيب ملابس لجود خاف يخرجونها من الخدج وملابس ل أسيا.
أسيا هز رأسه وطلع بدون ما يباوعلي وامي تعض بشفتها وازهار لحكت عمتي وصال وضلت بس امي يمي وقررت اذا اطلع اروح لبيت اهلي مستحيل ارجع وياه جان متت منو يفيدني بعد كله من ورا من وراه سوالفه وخيانته سگتت وضميت الغصه بصدري المهم تجازوت مرحله الخطر والباقي الله كريم.
أزهار هالايام المرت جانت حيل صعبه علينا كلنا وولاده اسيا ما خلت بينا حيل الحمدلله عدت على خير وأجتنا حفيده مثل الكمر وصار أسمها جود وشحلاته من أسم.
صارلي أسبو? ما شايفته ولا سامعه صوته ولا اعرف اي شيء عنه ودوامي بابا ماخذلي اجازه وتلفوني بغرفتي نسيته المشكله ما يخلوني اروح عصام عاف الطفله بمسؤوليتي واذا اغير ملابسي واسبح ياخذني بيت جدي رحت قبل يومين سبحت ولبست من ملابس عمه زينب ورجعني لن بيتهم اقرب المستشفى من بيتنا وامي كالتله خل تروح خطيه وظيفتها كامت يغلط ويفشر وخلينا وسگتنا.
بس گلبي مثل النار وما اكدر اخابره من الفون ماما اخاف انلكف وعصام ما يفارك خيالنا لا اني ولا أمي كلما تصحلي فرصه واسحب جنطه امي الكاه فوك رأسي واسكت ونار شبت بگلبي تعلعلت عليه مشتاقتله مووت
عرفت عصام راح يروح وامي تروح وياه كلت خل اكولها تجيب تلفوني وياها طلعوا ولحكتهم تمشي وراه وصحت ماما اوكفي واندروا عليه شسمه
عصام شعندج شسمه سالفتج دومها معلوسه
وصال روح السياره هسه اجي وراك
عصام لا تتأخرين لعد.
أزهار راح وتقربت على? امي يمه اطلب منج طلب
وصال گولي يمه
تلفوني جيببي وياج فدوه
شتسوين بي وين أجيبه
شنو شسوي بي ترى موظّفه وعندي صديقات وضايجه صارلي أسبو? وياكم امانه جيبي وياج
ما اجيبه اخوج يضل بس يباوعلج هو بدون شيء مخلي راسه برأسج عوفي اذا ما محتاجته كلها يومين ونروح البيت
ماشي لعد قفلي وضمي
ليش اقفله
يمه بعدين اذا لكيتي مكالمات او رسائل قفلي وضمي ولاتساليني هسه بعدين أحجيلج
ماشي.
مشت وجلبت بيها لعد انطيني تلفونج
أزهار مو وكته لاتسويلنا سالفه وتجيبين العين علينا
يمه امانه
من شوكت ولج
هسه الا تسألين عود بعدين اكولج والله
ما انطي اخوج بالسوك ومن يرجع ارجع وياه اذا خابر عليه ولكاه عندج شيخلصنا من لسانه
هسه هو شمدري كوليله نسيت جنطتي اهناك وهاي هي
قبل لا اولي كوليلي منو هالمصخم
شسمه
شسمه اريد اولي هسه اخوج يعلكها على رأسي
هشام
ابو التكسي الخط اليوديج ويجيبج
اي هو.
غضب على? رأسج اليابس يمصخمه بعدين نحجي
عوفي جنطتج حبابه
ما اعوفها امشي ولي رجعي يم مرت أخوج يله
جلبت بيها فدوه رحتلج ابوس راسج
أخ منج أزهار هاج ديري بالج اخوج مروان مثل الذيب يفتر بالمستشفى
بستها من خدها قوي وضربتني على? راسي وراحت اخذت جنطتها ورحت الحمامات مستعجله دخلت الحمامات وطلعت التلفون كتبت رقمه لن ناقشته بگلبي واتصلت رن وجاوبني اجاني صوته مليان تعب امر من حالي
هشام الو نعم
أزهار حبيبي.
هشام أزهار يا ويلي يا يابه يا روح حبيبچ
شتاقيتلك مووت
مو بگدي والله مو بگدي وينج أختفيتي صاير عدكم ظرف مو
سولفتله مختصر
الحمدلله على سلامتها ومُبارك ما اجاكم
الله يسلمك شلونك خاله شلون صارت
الحمدلله على الله شلوني طايح حظي وأنوب أنتِ ماكو مثل الضايع الله وكيلج ادري تلفونج ليش ما اخذتي وياج
عايفتني مشتول ودايخ بدنياي ولج أعشقج مااتحمل غيابج هالكثر.
يروحي والله نسيته بغرفتي على السريع طلعنا وهسه جاي اخابرك من تلفون امي
ماشي حبيبي ديري بالج على نفسج
تمام گلبي الاحد نطلع بلكي الاثنين اداوم ونتشاوف
ان شاءالله لن متمرر طاك گلبي عليج
واني هم يلا لازم أروح ما اكدر اطول
ماشي حبيبي الله وياج ديري بالج على نفسج
تمام نهيت الاتصال وطلعت ماكو أحد جان مستشفى خاص مشيت بسرعه ورن تلفوني عصام يمه گلبي راح يوكف ايديه يرجفون جاوبته هاا عصام.
عصام وجعااا التوجعج تلفون امي شيسوووي يمج صار ساعه اتصل وأنتظار
أزهار نست جنطتها اهنا وعمه زينب اتصلت وجاوبتها
مااااششي
قطع الخط حذفت المكالمه ويه هشام وگبل اتصلت على عمتي جاوبتني خطيه عمه شلونج
زينب هلا حبيبتي ازهار زينه الحمدلله وأنتو شلونكم اسيا شلون صارت
ازهار كلنا زينين عمه طالبتج بطلب حبابه
كولي عيوني الج ليش صوتج سريع أزهار شبيج.
عمه خاف عصام يتصل ويسالج أنتِ اتصلتي على? تلفون امي كوليلي اي اتصلت اسال عليكم خوش
ماشي اكوله
فدوه اروحلج عمه
تدللين حبيبتي يله وروحي ولاتخافين خليها عليه اني هسه راح اطلع من البيت جايتكم
تمام انتظرج قطعت الخط وميته خوف الرجفه لزمتني خرب راح انفضح ضميته بالجنطه ودخلت يمهن وكلهن صفنن بوجهي حتى اسيا
اسيا أزهار شبيج وجهج اصفر وترجفين
أزهار لا هيج ما بيه شي يمكن لن تعبانه كلش وبين على? وجهي اثار التعب.
فوزيه أي خطيه هواي تعبت
اسيا أزهار حبيبتي روحي البيت ارتاحي خل واحد من الولد يوصلج لن مبين عليج شكثر تعبانه وبعدين امي ودره موجودات يمي ما حاجه تبقين تعبناج ويانا.
أزهار لا يمعوده شگو قابل وتعبكم راحه تدللين علينا اسيا حست بيه وضعي موتمام شگت بيه غمزتلي واخذت نفس وبهل الاثناء دخلت علينا عمتي زينب ياروحي ياعمه بوستها وتقدمت تبوس ب أسيا وتباركلها كعدت وگلبي مثل الطبل ما مرتاحه كعدت وباوعتلي وابتسمت عمه لعد منو جابج
زينب مروان جان يمنا وجابني امج وين لعد عبالي اشوفها.
أزهار راحت للبيت تجيب ملابس ل اسيا ولطفله هسه على? جيه سگتت ويحجن بينهم وعمه تريد تشوف الطفله ومر وقت ودخل علينا عصام گبل صوب عينه عليه وابتسم! خله العلاكيك على? التخم وسلم على? عمتي
عصام شلونج عمه اخبارج
زينب زينه بشوفتك يروح عمتك ومبارك ما اجاك تتربى بعزك ودلالك ان شاءلله
عصام اشكرج
زينب امك لعد وين مو على? أساس تجي وياك
عصام ما مريت من السوك اجيت گبل، يله من رخصتكم أزهار لحكيني.
أزهار كمت وعيون اسيا وعمتي والخوف يسري بدمي لحكته لكيته واكف وعينه بالتلفون هاا عصام
عصام هاا عيني يله امشي أخذج للبيت گافي تعبتي ويانا ما يصير الله ما يراضاها وجهج مصوفر وأنت نازكه بسرعه تذبلين ويبين عليج التعب شيخلصنا من سيادة الوالد.
أزهار هاا، لا عيني عادي صدك جذب شمسويتلكم قابل خليني يم البنوته هي كلها يومين ونطلع سوا.
عصام لا تروحين البيت وما حاجه تبقين كلهن موجودات يله جيبي جنطة امي وتعالي وراي!
أزهار ماشي دخلت اخذت جنطة امي يله اني اروح لبيت ودعتهن بوست اسيا ديري بالج على نفسج
أسيا من توصلين خابريني اوك انتظرج
ازهار ماشي يله عمه نتشاوف عود
زينب ماشي حبيبتي سلمي على امج.
أزهار يوصل مع السلامه طلعت وبيدي جنطة أمي لكيته هو ومروان واكفين ويسولفون شافوني وسكتوا وابتسموا اليه ورديت الابتسامه وعصام شغل السياره ومروان اجه ويانا صعد بالصدر واني ليورا.
يحجون بينهم واني فكري شارد صافنه على? الشار? وبالي يم هشام فزيت من صفنتي على? صوت مروان
مروان اوكف يم هاي الاسواق
عصام ماشي لعد أخذ أزهار وياك اعرفها تحب الحبشكلات يله نزلي
مروان خل تجي يله.
أزهار لا ما يحتاج أنزل انت اشتريلي على? ذوقك
عصام دتنزلي يمعوده فوك ما جاي ندللج وخدمات وجايتج بلاش على? شنو تتعززين
مروان أدك ثكل برأسنا نزلي يمعوده
أزهار ضحكوا وابتسمت ردت اخذ الجنطه وعصام كال
عصام وين مأخذتها وياج عوفيها الدفع على? مروان بردي خاطرج مستلم راتب وجيبه مليان
مروان خليت عينك عوذا وبعدين ازهار تدلل علينا كم أخت عدنا.
ازهار متقصرون فدوه اروحلكم عفتها ونزلت وياه ودخلنا الاسواق ضلينا نفتر اخذتلي عصائر ونساتل وجبس إنوا? وكرزات وبسكت لريوك وهو هم أخذ وانطه الحساب وطلعنا انطه علاكه لعصام
مروان هاي الك الوصيتني عليهن
عصام مشكور
أزهار صعدت وعصام طلع چگاره يدخن مو بالعاده يدخن وصوب عينه عليه ابتسمت ورد الابتسامه صاير ادخن
عصام البال مو صافي.
أزهار ما جاوبته ومشينا وهو خلص جگارتين عمانا بالدخان وصلنا نزلت قبلهم وهما ضلوا بالسياره يحجون دخلت البيت شكثر مشتاقه لبيتنا لكيت امي بالمطبخ هاا رجعتي لمطبخج جنتي خلصانه
وصال شجابج
ازهار اجيت ويه ولدج هما جابوني ودللوني شوفي
بالعافيه
حاجتني من ورا خشمها ما ارتاحيت لبرودها وخفت منها يمكن تسرعت ساعة الحجيت الها عن علاقتي بهشام بس لا تشد وياي واطيح حظي.
خليتهن على? الميز وكعدت واجوو هما مروان خله شغلاته بالثلاجه وقسم للغرفه
عصام هاا يمه نمشي لو تتأخرين
وصال لا ما عندي شي بس تكمل الشوربه سويتها ل أسيا
والجنطه مالت الملابس لا ننساها خليتها يم الباب بس تعال يمه شو خابرتني على? تلفون مجد تكولي جيبلي كل ملابسي
عصام ما عليج منها عوفيها اخذي بس ال تحتاجه
تريد تمشي ويه أهلها من المستشفى مو
يصير خير.
أبني حل مشكلتهم وراكم أطفال أثنين يتجهلون وراها والجو برد وهي والبنيه انفاس على? أقل اهنا بغرفتها
ملممه وحمام داخلي كلشي يمها حاجيها وقنعها تكظي اربعينها اهنا عود وراها خل تروحلهم زياره مو زعلانه ما اريدها تمشي لاهلها زعلانه ابوك متحلف الكم ومتحمل عليكم هوواي كافي مشاكل
الله كريم حجيه يله لعد اروح أسبح بينما تخلصين
ماشي إبني.
أزهار راح ومروان يكتب وشكله مزعوج وجهه مدخن شبيك.
مروان ما بيه شي يله اني طالع
ازهار راح وكمت اني اريد اصعد لغرفتي ماما جنطتج بالسياره بقيتها
وصال مااااشي
ماما تلفوني يمج
انسي التلفون هسه
ليش
شنو ليش تغشمين نفسج
يعني جاي تحاربيني
شتسميها سميها واخوانج بالبيت خل اشوف وضع اخوج ومرته ونحجي بسالفتج عوفيلي التلفون هسه ما ناقصه تجيني سالفتج صفح خو اخوانج شلون يتفاهمون
لا حبابه
أزهار لاتاخذين وجه زايد مو معناها عرفت تنجلبين عليه يله صعدي لغرفتج
تلفوني.
كتلج انسي وخلاص لاتناقشيني
اوووف
وجعوو يله روحيي وسدي الموضوع گبل لايجي اخوج
ويسمعنا
بس ماماااا
شلون بيها هالبنيه تمشين لا اطرج اربع وصل
خلص ماااااشيه صعدت الغرفه مزعوجه وروحي طافره جبت الوجع الراس النفسي كوه هسه شگو حجيتلها
أنجبي وسگتي وصبري هل اليومين هيج احسن أخذت تلفوني وحرمتني منه عاد شلون راح تشد وياي شده تكرهني بعيشتي خرب بعقلي ما يعرف يفكرر دومي متسرعه اووووف طااار واهسسي ولهفتي اسمع صوته.
سبحت وطلعت لافه شعري واندك الباب منو
وصال اني
أزهار فوتي شعجب ما دخلتي گبل
بكيفي يله اني رايحه ويه اخوج المستشفى عود صبي العشه لابوج وأخوانج وغسلي المواعين مو تعوفيهن بالسنك والكاه جايف.
وملابس مروان غسليهن وأكوي بدلته وعطريها وحضري جنطته يلتحق.
وتلفوني
ماكو تلفون انسسي
يربي يعني ليش تخليني اتندم احجيلي شيء انتِ امي المفروض تكونين صديقتي وصندوق اسرار موو تعاديني وتحاربيني بالتلفون.
صديقتج ب امور الحياة ومواضيع ثانيه مو بسوالف العشك وصخام الوجه تردين تصخمين وجوهنا شنو ناسيه ابوج واخوانج زقنبوت أنتِ بدون شيء شادين وياج اذا لكفوج شيصير بيج على? قبلة الكفار گبل
وهذا هشام تنسينه وتنهين علاقتج وياه انوب عليه الخطوط شبساع حبيتي من لكف لكفج ادبسزز
ماما.
وجعة ابوي التوجع امج انجبي وسگتي ولا تفتحين سالفته بعد ومن ارجع انطيج التلفون وتخابرينه وتنهين علاقتج وياه وخل يشوفله درب غيرج بالاساس محد ينطيج أله لو يطلخ راسه بمية حايط!
ليش محد ينطي شبي
ما بي شيء بس شلون تعقلينها ينطوج اله وتروحين وتجين وياه بسيارته يعني تردين تفوت اخوانج هيج على البارد والمستريح واحدهم مثل الذيب يلكفها وهي طايره تردين تعبرينها عليهم
بس اني احبه واريده.
حبتج حيه شو ما تستحين واني امج شوفي ازهار اذا ما تجرين عدل ابهذلج واكرهچ بالعيشه العايشتها وأطلع دلال ابوج من عينج فوك ما وثق بيج وظفج وتروحين وتجين ولبس وطلعات وطبات ومحد كايلج على? عينج حاجب تكومين تحبين وتمعشكين وما تحسسبين حساب لا ل ابوج ولا أخوانج واحدهم زقنبوت ولسانه اذا انهد عليج وخلاج برأسه مو يدفونج والله ينهونج.
كمت ابوس بيها حبابه فدوه اروحلج حسسي بيه والله احبه صفنت بوجهي وضربتني كف بحيث خربطت نظري لزمت خدي مصدومه بيها
قسماً بالله لوما اخوج ينتظرني الزمج الصونده وين اليوجعج أربيج من جديد واكعدلج گلب ما مدشن ياأزهار
رايحه وهذا عقلچ شغلي.
لعد ليش بالمستشفى انطيتني تلفونچ اخابره ليش عاملتيني صديقه وأم وهسه گلبتي عليه وتردين مني إعوفه شجاج.
ردت أشوفج تخافين طلع الخوف مو يمج ولا كرباچ ولا حاسبه حساب لأي احد وتحاجيني بصلافه وتردين مني تلفونج بس منا وهيج أني أعلمج واربيج من جديد
ضربتني على? رأسي ونزلت رجعت كعدت مصدومه إشسويت بعمري وبحبي المن حجيت لأمي اني ما اتعض من سالفة شاهين إشسوت بيه كرهتني بعيشتي سممتني ما خلصت من هالسالفه الأ بطلعان الروح انوب هشام اخ يالقهر.
بقيت كاعده وأبجي والله حبيته وحبه اليه نظيف ونقي.
إنسان بسيط ومتواضع وراضيه بي هو وظروفه بس المن احجي ليش منو يحسس كلمن حايرلي بروحه يمه اطك روحي عليه شلون اعوفه اني ما حبيته علمود نص الطريق واتخلى عنه.
ما أعرف شكثر مر وقت وأسمع صوت مروان يصيح عليه مسحت دموعي ونزلت لكيتهم كاعدين وصبيتلهم العشه وبابا باوعلي حسس بيه شي هو الوحيد يحسس بيه
كمال بابا أزهار حبيبتي شبيج
أزهار هاا بابا ما بيه شي بس تعبانه تعرف جنت بالمستشفى.
كمال حقج بابا وأني كتلهم خل ترجع البيت شو اخوج عند كال علمود البنيه مبقيج يله ارتاحي بابا وعوفي المواعين واصعدي نامي
أزهار فدوه اروحلك بسته من خده وكعدت وياهم مالي نفس بس لخاطره كابلتهم على الأكل مروان حسيته ما مرتاح وكل شويه تجي رسائل ويباوعلها ويگلب التلفون تالي عاف الأكل وكام يغسل.
كملوا وسويتلهم جاي وغسلت المواعين وحضرت جنطة مروان وكويت البدله كملت شغلي ورجعت لغرفتي ماكو نوم بس تفكير وقلق هسه كاعد هسه باله يمي هسه ينتظرني سوده بوجهج ازهار.
يوم السبت والمفروض باجر دوام هاي اذا خلتني اروح اذا ما سوتلي سالفه وعصام يأدها وتنهي وظيفتي امي طلعتي صفح ما جنت مخليتها على بالي أمنت وثقت بيها ونسيت أمي بنت شيوخ وعشائر وتحكمها عادات وتقاليد ما ترضى بهيج مواضيع حسساسه وأنوب علاقه وتواصل على? التلفون طين برأسسي على? كل اللي سويته بعمري.
واكفه بالمطبخ أغسل مواعين الريوك بس بابا تريك وراح ومروان التحق الله وياه بقيت بس اني ومجد بالبيت.
نظفت البيت وغسلت المغاسل والغرف هم كذلك كلت بلكي من تجي تشوف البيت نظيف يحن گلبها عليه وتنطيني التلفون بس ماأظن امي تفكيرها عميق.
سويتلي فنجان كهوه مره وكعدت اشربها بالمطبخ وأسمع صوتهم ودخل عصام وراه أمي مزعوجه هو گبل توجه لغرفته وأمي جرت الكرسي وكابلتني بالكوه تأخذ نفس شگو شصاير
وصال گومي جييلي كلاص ماي
أزهار كمت انطيتها وصاحت على? عصام بعصبيه
وصال وينك يمه مثلما يبست رأسها عليك أنتَ هم.
مو احاجيك عصااام يمه
عصام يمه مو وكته هسه تعبان واريد انام
أزهار شبيكم
وصال أسيا افندي ما تحمد ربها على? نعمتها تريد تتطلك هسه جنتي حامل هرمونات ونفسيتج تعبانه هسه شجاج تخبلتي
أزهار لهل الدرجه وصلت بينهم.
من ورا تصرفاتها الارعنه ردت منها تجي البيت تكظي اربعينها بغرفتها أشسوت شعملت واني مو يداريني واني واني صايره كديش ما تحترم كله لن اخوج ساكتلها ومتحملها على? كل جفصاتها دخل يحمر عينه عليها ويلبسها شلون تجر عدل مثل خوش ادامي ترجع البيت وتلم جهالها.
اذا على اربعينها خلوها تضل يم أهلها امها واخواتها يدارنها وهم تأخذ راحتها ماما بهاي مو من حقج.
اني مانعتها خل تكظي اربعينها ميخالف عمي راضين بس ما تريد ترجع ميبسه راسها الا تتطلك اني شحصل من وراهم بس شلعان الگلب وأحفادي يرحون بين الرجلين عاد يوميه بمكان دام أنتِ مو كفوا تتحملين سوالف رجلج شكوو تزوجتي وخلفتي المره كلشي تتحمل ياما تحملنا وماكو رجال ما يدور نسوان بس النسوان يغطن ويضضمن ويغطن على? زلمهن ما يردن يهجمن بيوتهم ويشمتن الشامت بيهن لا يبووو جنتي يا بنت كولي لامج ما خلت ما سولفت.
شطالع بيدنا عليهم الله يهديهم ويصلح حالهم
حرگت دمي فلا تصير أدامي انوب أخوج خبلني بسگوته ليش فتح حلكه بكلمه وياها أبداً بس سأكت وهي رطنت الا كالت بس وكل كلمه والثانيه ابنج شگد شريف بطت جبدي.
عوفيها بعد توها والده ونفسيتها تعبانه هم الله يساعدها وعصام ضل ساكت لن اعرفه يحبها وما يريد يخسرها لو يجرحها بكلمه، وأنتي لاتضلين تحركين بدمج لا انوب ضغطج يصعد كومي سبحي وأرتاحي
هو هم هيج اهلج ما موجودين مو.
اي بس اني ومجد
زين منظفه البيت يلمع لمع طلعتي ام بيت من أخذت هالمهجوم منج أستعدلتي وجريتي عدل
هو شعليه
سالفتج ماناسيتها ارجعلج بعدين اروح اسبح
راحت وتخوز بيه اكلتني بعيونها شلون قهر صعدت لغرفتي وما نزلت للغده وكلبت عيونها عليه كامت اشك بيه بأقل تصرف راح تطلع روحي بنظراتها
تغدينا وعصام أكل لكمتين وكام
كمال وين ما أكلت
عصام رايح أشوف الجهال وأخذلهم مسواك
وصال شحجيت اني مو كلت ما توصلها.
عصام من كل عقلج يمه اذا هي ميبسه رأسها وأني ايبس رأسي وأعند واكطع رجلي عنهم والجهال شلون حليبهم وحفاظاتهم ومصرفهم وحال أهلها على? كدهم ما مجبورين لا بيها ولا بجهالي اني الوحيد المسؤول عنهم
وصال ومشاگلگم.
عصام رحمه الله والديج أنتِ كلتيها مشاگلنا مو مشاكل احد ثاني لهذا أني وياها نحلها ونتوصل لحل يعني بدون زعل لاحد يتدخل عسا ما مشاكلي تطلع من الكوكب محد اله شغل زوجتي وأني اعرف شلون اتصرف وياها واتعامل ويه المشكله.
كمال روح أبني وما عليك من إمك ولاتقصر وياهم بأي شيء اخذ مسواك كامل لاهلها هم ولاتحجي ولاتغث احد من أهلها
عصام ان شاء الله يابه يله فيمالاا.
كمال وصال أني كم مره منبه عليج بين الرجال ومرته ما تتدخلين ولاتحشرين نفسج، نتدخل اذا وصلت بينهم للموزينه ليش تخششين گلب ابنج على? مرته هي هيج الأصول
أني من ورا تصرفاتها
حتّى لو لاتتدخلين بينهم وتصرفاتها ما اجت من دون سبب ابنج هم مو خوش ادامي لو جار أدامي بنت الناس تتحمله وتخلي على? رأسها، سحبي نفسج وخليج محضر خير لاتكرهين بنفسج كلامي مفهموم
اي مفهوم هذا هو مثل ما تريد
مو مثل مااريد لن هذا اللازم يصير.
أن شاء الله
خوش أزهار بابا تلفونج وين الصبح اتصلت عليج مغلق!
سگتت ما عرفت شجاوبه عاد امي جاوبته
وصال غسلت الملابس وكعته بالغساله وطافي
كمال شوداه بالغساله يعني عطل يله المغرب اجيبلج واحد لن خابروني من الدائره باجر تروحين اداومين خلصت اجازتج خوش بنيتي.
أزهار ان شاءالله بابا
وصال لاتجيبلها تلفونها جديد خل اشوفه احتمال يشتغل شعندك يوميه جايبلها تلفون جديد هواي تدلل بيها كمال.
كمال شمدلل منها يا مره هو تلفون يسمعج يكول مخلفتلي عشر بنات، يله رايح اني اذا ما اشتغل بلغوني التلفون ضروري وهي موظفه وعدها ألتزامات.
وصال ان شاءالله.
أزهار شال السويج وطلع وباوعتلي بحقد وراحت جابت التلفون وجرتني من شعري وصعدتني الغرفه وفتحت التلفون
وصال شوفي ازهار هسه تخابرينه كدامي وتنهين علاقتج بي يله خابري بسرعه دام ماكو احد بالبيت.
أزهار بجيت ودموعي هي تعبر عن حالي ماما فدوه رحتلج لاتوكفين ضدي انطينا مجال نتفاهم
علي? شنو نتفاهم ازهار خاتون تحبين وتعشگين كدام امج ولج اني كاسر ظهري وايدي ورجلي ثقة ابوج بيج لازم يوكف بعينج هالشيء تعرفين شنو أسم وسمعه تعرفين ابوج وأخوانج شكثر تعبانين على? نفسهم والكل يعرفهم وتهابهم وتحترمهم وتقدرهم تردين تصخمين وجهي يكولون وصال تربيتها سكط.
أنتِ خايفه يكولون عليج تربيه سكط بس ما خايفه على? مشاعر بنتج شراح يصير بيها
بالجهنم محد گالج حبي وعشگي يله خابري اريد اولي أغسل ملابس ابوج
خليني على? راحتي خوما گبل ابلغه وأصدمه ادري ميكولي شنو شفتي لو عرفتي عني اكيد راح يفكرر بالمستويات وهيج اكون جرحته وطعنت بحبه اليه حرام عليج ماما اللي جاي تسوينا بيه.
حرمت لشتج شو ما تستحين شوفي اذا ما تخابرينه احرش عصام عليج وأخليج حتّى من الوظيفه يبطلج يله خابري يله ازهاااار
مسحت دموعي حتّى الرقم كوه اشوفه طلعته وايدي ترجف وگلبي مثل النار اتصلت عليه وگبل جاوب عبالك كاعد ينتظرني حجيت الو هشام
هشام هاا يعيون هشام
أزهار هشام شسمه بعدني ما حاجيه ضربتني على? رأسي وتگولي هيج احجي وهي كوليله بصوت همس
أزهار يحيلي شبيج أكو أحد يمج؟
لا لا محد ماكو بس عندي موضوع اريد احاجيك بي
گولي بنيتي شنو الموضوع ووينج مختفيه
أختفيت وفكرت بالگوه تطلع الكلمه بس مجبوره غصباً عني
حبي شبيج وبشنو فگرتي حاجيني عدل يرحم موتاج ترى قلقتيني عليج صاير شيء وياج أبويه أنتِ
هشام أني وياك ما نرهم لبعض وكلمن يروح بطريق مااريدك بعد
ما تريدني شنو تحجين من عقلج
أي
تشاقين مو
لا ما اتشاقه احجي الصدك اني وياك ننفصل أحسسن
ليش
ماكو ليش هيج أحسن.
شنو ماكو ليش شنو هيج أحسسن غير اكوو سبب ما ننفصل اذا مااعرف ليش اني ما حبيتج مو علمود أسمع منج هالكلمتين گلبي مو لعبه بيدج أزهاراحجيلي لاتبقين ساكته أحد عرف بعلاقتنا انكشفتي احجيلي لاتخبليني وتخلينييي على? عمى عيوني
عصب وأنزعج وامي ثولتني تريد انهي الاتصال وخلي ينكز وراي رجعت اخذ نفس جاوبته بكلام ماما اني وياك ما نتوالم صعب اثنينا مختلفين.
مختلفين بشنو! بالماده قصدج من الصبح اروح أكود لو اسلب وانهب واترسلج بيتي فلوس وأشتريلج قصر وسيارات ازهار اني من حبيتج ما فكرت بالماده اني خبزتي خبزه حلال لو الفقير ما اله خبزه عدكم.
شقصدك بهذا كلامك.
وروح الابويه ما قصدي شيء لاتأخذين على? نفسج وأهلج بس من حرگت گلبي حجيت هيج افهميني يا بنت الناس اني رايدج ومشتريج بدم گلبي وحبيتج من ساعه الشفتج بيها حبيت ثكلج ورزانتج وأسلوبج وتعاملج ويه الناس والحدود المخليتها اني ما وكعني على? وجهي غير ثگلج وخشمج وأثبتلج أني حبيتج من کل گلبي
اني ما اريدك بعد كلتها واحس روحي شبه راح افقد الوعي امي رادت جرت التلفون مني وسدته بوجهه.
ليش هيج سويتييي فوك ما خليتني اعوفه غصب وجبرتيني أكوله كلام واجرحه الله يدري هسه شيفكر عباله عفته علمود المستويات كسرتي خاطره تدرين لو لا
ضلت صافنه بوجهي جاوبتها وگلبي محترك
تقبلين احد يكسر خاطر ولدج گلتها وضربتني ونفضتني من شعري بقوه واني ابجي وكاتمه عبرتي بصدري موتنيني وخلصيني منج ومن ظلمج من يوم رفضت ابن اخوج كرهتيني بعيشتي سسمتيني اني هالوحده عندج لو عندج عشر بنات جان أشسويتي.
أنتِ وحده وشلعتي گلبي مشگلتج ما تفكرين بعقل مأخذه الدنيا بس ألج وعبالج اذا تزوجتي هشام راح ترتاحين بحياتج لا والخلقج ما تشوفين الراحه ومثل ما ابوج شاف نفسه ورفع خشمه عليه وعلى أهلي نفس الشي ينعاد وياج وأخوانج بالقندره بعد ما يشترونج
بابج محد يفتحه عليج تبقين مثل الجلبه مكطوعه
بس أني أحبه.
وأهلج تكولين الهم احبه وهو ابو الخط مالتج شلون تضحكين عليهم أطكينهم بسحر وتلعبين بعقولهم منو يرضاها? نفسه علمود هما يرضون ترى مو غشمه بس ادري بيج تردين تكسرين عيونهم وتاخذينه
ليش ماما ليش ما دا اصدك أنتِ أمي مستحيل تكونين أم مستحيل الأم ما أدمر بنتها هالشكل أنتِ دمرتنيني موتنيني بالحياة.
شوفي ولج علاقتج بهشام تنسينها خلاص والتلفون أعوفه يمج مو لسواد عيونج بس أبوج وأخوانج يشگون أكو شيء وبالاخص أخوج عصام هذا يشتري المشاكل شرايه والخط هالايام اقنع ابوج خل يرجعلج سيارتج وتعوفينه وكلمن بطريق
وأذا دريت بيج راجعتله ما تلومين الا نفسج اذا أنكشفتي وأنلكفتي وكعتي بيد اخوانج ما إلى شغله بيج لن اللي ما تسمع حجايتي طبها ستين مرض.
ليش هيج تسووين وأنتِ بإذنج سمعتي كلامه وصدق نيته وشكثر يحبني ورايدني وأول ما صارحني بحبه فتح وياي موضوع الزواج يعني هشام نيته شريفه معقوله أنتِ أمي ترفضين واحد مشتري بنتج بدم گلبه ورايدها بالحلال معقوله ما ترديلي السعاده
بعدين تصفنين بگلامي وتعرفين أني اريد مصلحتج.
شمرت التلفون بوجهي ونزلت وكعت على? فراشي بجيت الا رأسي فرغ روحي طگت لعد لو حابتك سنه سنتين جان متت جريت التلفون وباوعت رقمه ياربي شكثر جرحته اكيد هسه گلبه مثل النار اسفه حبيبي.