رواية بين قلبها وعينيها كبرياء للكاتبة شمس العراقية الفصل الثامن والسبعون
أسيل كل يوم يمر نحسب ساعه ساعه أني ومروان كله علمود نشوف حكم طاگ گلبي على شوفته أبن الحلو متحمسه لجهرته وأخلي بحضني هذا قطعه من روحي هذا أبن أبن گلبي هو بدون شيء روحي بإبوه أنوب أخلف منه ولد وأكثر النسخ مالته بس لا النسخه الأولى تضل مركز الأول بگلبي محد يأخذ مكانه يضل بس مروان بگلبي والباقين أخليهم بالحواشي كافي عليهم دمار من گلبي بس الگلب كله ل مروان يمه صدقه أروح لطوله شعندي غير ماما داده غيره هو كل أهلي ودنيتي هو گلشي بحياتي.
هو العوض أجاني من رب العالمين على رغم الماضي وكل الأخطاء والسوالف الصارت يبقى هو حبيب روحي صح غلطت وما ناسيه غلطي وبكل صلاة أدعي ربي يغفرلي أني ومروان وصار هالدعاء جزء من حياتي حفظته مثل أسمي اضل اطالب المغفره إلى واله من رب العالمين ويغفرلنا ونتوفق بحياتنا ويوفق اطفالنا بمستقبلهم ويحفظهم هما وأبوهم گلشي ما أريد بعد گافي أنطاني مروان ويغفرلي خطأي وذنبي.
مو معناها غلطت وأذنبت وحصلت على مروان وتزوجته وراح أخلف منه طفل أتغاضى وأنسى? أتجاهل والله هذا الشيء صح ولما صح اني ما وصلت لهذا الحال لا مو صح وغلط وذنب عظيم واني أذنبت جنت بعمر محد وعاني وعلمني غير مروان بس ما أغفر لنفسي أبداً وراح أضل أطالب بالمغفره لما أموت أدعي ربي يغفرلي ويغفرله على ذنبنا اللي أرتكبنا.
حياتي حلوه وزادت حلوتها من دخلت سيدرا لحياتنا لونتها بإجمل الألوان حبيتها وتعلقت بيها وكأنما بنتي مخلوقه من روحي وهي بنتي ماكو فرق دامها من روح مروان وتابعتله شيء منه مو بس أحبها اخليها بنص عيوني هاي بنيتي.
وأما عن إمها هناس كل خميس العصر تجي أيفين تأخذها وتأخذ روحي وتروح وهي من حقها امها خطيه بس أني تعلقت بيها بس لازم أتعود نهاية كل أسبو? تروح يم أمها وكل تواصل بينا وبين هناس ماكو أبتعدت نهائي حتى علمود سيدرا أيفين خط تواصل بينا اما هي مكتفيه بحياتها وعملها حتى على المواقع ماكو أي منشورات ولا أي ستوريات حياتها مغلقه تماماً لا ماضي ولا حاضر الله يسعدها ويوفقها...
كاعده وأفتر وأباو? الساعه بس ما حجيت مو بيدي أشتاقيت ألها والله وعيوني على سريرها وملابسها مغسولات أيدي ما تنطيني أرتبهن بمكانهن هو حس بيه وعاف تلفونه واجه أحتضني ويبوس برگبتي بحب
مروان شبي حبيبي دايخ ومثول وثولني وياه
أسيل ما بيه شيء حبيبي ما جعت أجيبلك العشه
لا بعدني ما جوعان بس أنتِ جوعانه جيبي أكل وياج? الواهس ميخالف أنتِ تفتحين النفس والشهيه.
فدوه
لوجهج يله حضري العشه واني أنزل أصعده عوفي.
لا شُنوْ قابل
لا مو على كيفج أنتِ حامل وكوه تمشين شبيه مكسر اني يله گلبي نزلي هسه بس أكمل شغلي اجي وراج.
تمام بسته من خده تدري مروان
ها روح مروان
بوستك فد تشبع
هاي كلاوتج منين تجيبنها گولي مقبلات أكولج اي بس مال تشبع لا دنزلي دنزلي وعوفيلي سفالتج هاي بعدين نفكر بيها.
اني سافله مروان
وأني أسفل منج
اذا هيج زين نتساوى أني وياك وهم يعني تعترف بغلطك.
ضحك وهزلي?اسه نزلت أدفع بطني صايره طوبه كرير كوه أمشي ورجليه مورمات صايرات يلعبن النفس بس شسوي أتحمل هانت ولو دكتورات لاصنها عليه بالحساب وثلاث مرات غيرت دكتورتي ما يفهمن عليه بالحساب أكول الهن هلكد يكولن لا حسابج خطأ واني بطني جبيره يمعودات شلون خطأ.
باجر العصر أكو دكتوره گالن عليها زينه حجزلي يمها نروحلها ونشوفها شتكولي واطمئن على وضعها شو من دخلت الثامن خنس مو مثل السابع جان عبالك يلعب مصارعه ابن الحلو.
طلعت كبه وبورك وبديت اقلي وخليت الصمون بالمكرويف وخليت الأندومي يريده احمر لو اصفر
وكفت يم الدرج مروان مروان لك مروان مروان تريد الأندومي أحمر لو أصفر
عمار أحمر عفيه سويلياه احمر الأصفر زفر.
أسيا واني صحت مروان مو عمار لا بالله أوامر ثانيه أستاذنا وجوعان أنزل أخدم نفسك بنفسك
عابت سويلي وأكبسي بيه أجر اني عزابي وبس امي تباو? عليه واذا أكول الها على الأندومي تركعني بالطاوه أما أنتِ لا گلبج جبير وابو الاندومي مالتج تلكينه نايم هو روحه بالنوم.
أي سوده عليه ادري بي يحب النوم
اي الحمل مشاركه هو هم حبلان وياج عليه النوم وأنتِ عليج الأكل.
عابت ضحكت على سوالفه وطلع مروان يعصر بروحه جنت نايم مو واني صوتي طبك من كثرما أصيح مروان اي تريد الأندومي أحمر لو أصفر بهل الأثناء أجتي عمتي وصال وشعرها مفتوح الظاهر عمي كمال نافشها وشكلها عصبيه مفوله علينا باوعتلي ورجعت باوعتلهم وصاحت بمروان
وصال دنزل عاد تضل تصيح عليك أحنه ما نخلص لو هي تصيح مروان لو انت تصيح اسيل
مروان وأنتِ ليش ضايجه.
وصال ما ضايجه يا أمي بس نريد أنام وابوك تعبان وهي فحطت وهي تصيح عليك ما تشوفها كوه تمشي وتتدعبل مثل البطه فوك ما أنت تنزل تسوي عشه لنفسك وتأكل ادزها هي تسويلك عشه
والله بعد االلي يجيني متأخر ويتعشى بعد ال 12 باب المطبخ ينقفل والمفتاح يمي أشوف ياهو يريد يتعشى ويسوي اندومي تالي الليل والصبح الكه المطبخ مكلوب من المواعين وحاركين الطباخ.
مروان ما حارك الطباخ والله مو اني هاي سوالف عمار ومجد يطلعون لحم من المجمده ويشون على الطباخ مو أسيل
أسيل أباوع على عمار يغمزلي المسكين صار بي حَول، جاوبتها لا عمه خطيه مو هما هاي اني احرك الطباخ لان مستعجله واكب الاكل واحركه يله اني منا وهيج اني انظف كلشي واصعد بس لاتزعلين.
وصال لا هاي هي جنت بثلاثة مخابيل صرت بإربعه.
دمشي كملي عشاج وصعدي نامي لاتضلين تخدمين بيهم وتسوين بهل الاندومي هما لو اوادم ما يأكلونه ريحته الخايسه تكتل بالبيت هذا هم اكله فلا تكبرون لا والله وكله منك انت ابو?اس المربع
مروان بعلامة أستفهام أني؟
وصال لا جدي لابس عمامه واكف وراك طبعاً أنت علمتهم عليه انوب صار اندومي كوري ضلوا عليه الكوريين ياربي الصبر على هالولد كبرهم وعقلهم
أسيل راحت الغرفه وتدردم ويه نفسها عزه خبلناها.
وطلع مجد من غرفته وباوع النا وضحك علينا
مجد هاا مسوين خوش أجتما? شعدكم
أسيل اي خوش أجتما? بعنوان أهل البطون
مروان هذا شُنوْ انوب منين جبتلينا هالاسم خوش سمعه اموتج اذا تكوليلي أبو بطن ابو
ألاندومي عادي مقبوله بس ابو بطن لا دير بالج.
أسيل ضحكت ونزل وهما وراه ورجع وكف عالدرج وباوع الهم
مروان خير وين وراي شعدكم نازلين ترى اني الما متعشي مو انتوا.
عمار عوذه منك خل ننزل نأكل وياكم شو جعت.
مجد واني هم ريحة الكبه شگت خشمي واسيا جانت مسويلتنا معكرونه معجنه وبيها معجون هواي ما حبيتها مو طيبه مسويتها من وره خشمها لان جانت مطنكره على عصام تطلع قهرها بالاكل اطجن النا واحنه مساكين نأكل وساكتين.
مروان قهرتوني يتامى خطيه يله نزلوا نكسب بيكم اجر وثواب عزابيه شوكت تزوجون واخلص ادري مخلفكم وناسيكم اسيل عيني سويلهم عشه خطيه
اسيل صدك جذب يتدللون عليه من عيوني الاثنين.
عمار مو اكول عليج خوش مره وگلبج جبير والله عمي هاي النسوان يا بخت أخوي بيج الله يكومج بالسلامه أنت وحكم وان شاءالله بهذا الشهر تولدين لان جوعان وحلكي مفتوح دعوتي مستجابه.
مروان يا بهذا الشهر بعدها بالثامن بيش طالبه يجي ثميني عمي لاتدعي صم حلكك خلي بس للاكل
اسيل ضحكنا ونزلوا ثلاثتهم مروان كعد يباوع على طولي افتر بالمطبخ وعمار ومجد لزموا المجمده شتدورون؟
عمار جانت قطعه مال لحم هبره شكبره ضميتها جوه الخبز ما تنشاف منو مأخذها مجد هذا انت اخذتها والله انت
مجد والله مو اني هو اني هم ادور عليها خاف انت مأكلها وتذبها ب?اسي
مروان عمي ولا واحد منكم هاي تلگون أسيا طلعتها وشوتها لكرم لان هي تهتم بأكله هواي وهو طالع ابو بطن مثل عمامه ما يفوت لحمه بزون شحيمي لحيمي.
عمار عوذه شهل الحظ هو اكو بس عظام هاي امي ما تجيب هبر بس من تسوي كبه ودولمه توصي ابويه من كصاب جيبه مثروم اثاري تدري بينا كاشفتنا والله مروان بشرفك جيبلنا وخل اسيل تضمه اني ارجع من الدوام ما الحك على الكصاب.
مروان من عيني يله گعدوا لاتبخصون مريتي وتثولونها بس تفترون فوك?أسها.
مجد لا وين نكعد نساعدها تعال عمار وياي.
اسيل أبتسمت على حنيتهم يربي هالعائله عباره عن گتله من الحنينه والمنحه ربي يحفظهم وكفوا ثرموا السلطه وعمار يخلي لمسات الأخيره يعصر ليمون كمل وخلاها بحلك مجد خلاه يمطك ومروان خربان ضحك عليهم
كملت تقلاه ورتبت السفره وطلعت بطل بيبسي جابوا السلطه وخلوها بالنص وكعدنا نتعشى اني ما جنت جوعانه معدتي توجعني عندي جالي اكلت بس خيار هما اكلوا عليهم بالف عافيه كاموا يغسلون ومروان باوع الهم
مروان وين.
عمار نغسل ونروح انام نعست
مروان خو أنت لو جعت لو نعست والمواعين
مجد مو اني والله مو اني ما اغسلهن عسكري وخابص نفسي والله ما اغسلهن واذا ابويه شافني واكف على السنك يسحب الرتبه مني والله يفصلني فصل ثلاثي الابعاد حتى ما يزوجني اضل معاقب العمر كله لان ما طبقت قوانين العسكريه.
اسيل كُلنا ضحكنا عليه لان يحجي ويتلفت ويريد يبجي ولاحظت اكثر واحد يخاف من عمي وجاوبته لا شسالفه مخبله عاقله اخليكم تغسلون المواعين مو لهل الدرجه عاد ومروان يتشاقه وياكم روحوا غسلوا وتعالوا اخذوا الجاي هم والمواعين اني اغسلهن.
عمار ترى فدوه
مجد أم الحكم يابه معدله
أسيل شُكراً شُكراً، راحوا ومروان باوع عليهم ورجع باوعلي ها شو بس تتلفت شبيك
مروان خل يرحون واني أساعدج بيهن!
أسيل أنتَ!
اي أني وجع مو بعينج.
لا بس مستغربه الصراحه
لاتستغربين من جنت عزابي ارجع متأخر وازهار الحقيره اوصيها تفتحلي الباب وأكد عليها وتعوفني وتروح تنام وتخليني اششب من الحياطين ومشتول يم الباب وعود موصيها تجهزلي العشه مالتي تالي ادخل المطبخ ما الكه كلشي اسوي أكل لنفسسي واغسل وانظف المطبخ احسن منها ومن امي واصعد انام لا من درى ولا من شاف هم داخل البيت بالدفرات وهم ماكل بالبوگه وخافي كل أثار الجريمه.
خرب سوالفكم تونس وليش تنام وتخليك خطيه
لا جانت تساعدني خطيه هواي توكفلي بس مرات تريد مني شغلات واني سالفه بيها ماده اغلس عليها
وهي تكلب عليه الا عصام ما تقلب عليه لان يورق الها ومدللته الحقيره خرب فحم كلبي تذكرت دكاتها الناقصه بيه اصعد هسه انفشها هي وبنتها
وبنتها شكو خرب مروان شجاك ههه
اجو صبيلهم جاي وخل يرحون واشوفج أبداعي
وليش الا يرحون
والهيبه العسكريه شلون غير اساعدج بالخفيه بنت السافل.
ها شو هيج مروان رجعنا تقرب وكرصني من خدي وضحك
فديت أبوج السافل خلفلي هيج سافله أعشق ربها
اي أضحك عليه مو اني زوج
لا حبيبي أنتِ شيطان حلو واني شيطان فاسق
خرب راح افحط واولد عليك هسه
لا دخيلج كلشي ولا هسه ما جاهز
ليش شعندك تتجهز
غير اخذ أجازه وأضبط اموري ودوامي يا عيني خوما اعوفج لوحدج بهيج يوم صعب يابه والله فد شايل الج هم گلبي ينمرد من اتذكر انوب انتِ اخاف ما بيج تتدفعين ويفطس الجاهل.
يمه اسم الله لا تخاف عليه ربك يسهل ان شاء الله
أن شاءالله تعاي وين راحوا
بالصاله عوفهم اني أغسل حبيبي
راجعلج حضري الجاي
ماشي راح واني جهزتلهم الجاي بالكوابه واجو أخذوا وتشكروا وصعدوا وكفت اغسل وهو يصفط المواعين على أيدي واخذ الوصله ومزيل دهون وجلف الطباخ طلع يلمع شُنوْ هاي أبهرتني حبيبي
هاي ضمن الأسرار ضيفيها? أسرارنا.
أي حبيبي غمزلي وكملنا تنظيف طلع المطبخ يخبل حتى معطر رشله وصب اله جاي وسحبني من إيدي وصعدنا سوه لغرفتنا وأول ما دخلت هبت عليه ريحة وعطر سيدرا مروان
ها عيني
سيدرا حيل أشتاقيت الها والله ريحتها بخشمي
باجر تجيج واذا ما جابوها أمرلهم للبيت أخذها لأن العرفته من أيفين هناس باجر مسافره بعد شكو باقيه يمهم تجي يمنا أحسن.
ها اي والله وهناس وين مسافره
ما أعرف
تمام گلبي حجزتلي مو.
أي شلون لعد أرجع من الدوام وأخذج الها
ان شاءلله خير
يله تعاي أنام تعبان وراي دوام من الصبح وأنتِ هم تعبتي من صعده والنزله
ها بس أنام
سفاله ماكو نعسان وأنتِ أخاف عليج
يا شبيك فهمت نيتي غير شيء
نيتج حاضنها وفاهمها
سخيف
اموت بالسخافه تعاي بس مقبلات
مروان
اني لو بس ما تتنعوصين والله العظيم بخير
حضني من وجهي وكرصني من الخدين وصافن بعيوني وعلى وجهه أبتسامه
شنو هالخدود أسفنج ضغط عالي تفاح فرنسي
لا تفاح عراقي.
الفرنسي من الذ أنواع التفاح
وشبي العراقي
خدودج مثل التفاح اقصد على التشبيه ولج
عبالي
أخ شمسويه بحالي وأحوالي خربطتيني ورتبتيني
وهو صافن وأخذله صفنه مطوله بعيوني ومركز بملامحي وما اعرف شيدور باله فززته ونطقت أسمه مروان
ها يا فزة قلب مروان
شُكثر تحبني
الحب مو كلمه تنگال حبي الج أفعال
عيوني تراقب حركة شفايفه وهو يتلفظ كلامه وبنص نظراتي وغرامي وذوباني لكل تفاصيله گال
يا ناعمه الملامح يا سيده الرقه أحبج.
أصغي اله وقلبي ساكن بهدوء يستقبل منه غزله وحنيته الدافيه
أنتِ حنونه ومفرطه بالحب وست الحزن والحسن
وحبيبة مروان
شو أنكلبت عليه شاعر عفيه ارجعلي مروان الفاسق
ما احب هاي السوالف ما توكل خبز عندي ما تشبع
مو ادري بيج مو وجه غزاليات وحبجيات أنت بس تحبين السفاله تربيتي ولج تعلميني بيج
مو أحسن وأوفر عليك
لسانج بنت الأوادم.
غير مدللتك وتارسه عينك مو احسن ما مخليتك جوعان وتروح ادور اكل وتأكل من البسطيات عليها ذبان والخيسه كابه لستار والمعنى في قلب الشاعر لان اني ما اقصد اهل البسطيات غمزتله
أنت داهيه والله داهيه.
بعد ما بيها مجال الشوق طغى عليه وعليه تقرب أخذ شفايفي برقه وحنيه وبادلته وتعمقنا بس لما حكم نشوت ونطلع فاول، وبنص حضنه وملتفه أيده على خصري لان منطيته ظهري وحاضني وحاضن أبنه تلمست أيده باوعت على الحلقه ما غيرها ولا نزعها من يوم الخطبني ولبسها هي نفسها رفعت أيده وبستها وهو نام وتململ وغمر?اسه بشعري حجه وهو نعسان.
شوگت تنامين.
ما نعسانه جاي أستمتع بمشاهده تفاصيلك الأعشقها الحلقه والمحبس وأصابعك وكلشي بيك
ما جاوبني بس باسني من رقبتي قوي وحضني وشد أيده على أيدي وبوسط أنفاسه غفيت على عطره الاحبه وروحي بي.
الصبح كعدت من وگت لكيته سابح وريحته طيبه بدون لا سلام لاكلام رفعت نفسي مطكته من رگبته أفيش أنتعشت وعفته ومشيت ادعبل اني وكرشي
مروان تعاي واني شنو بلاش انطيها الج تعاي لج.
أسيل خل أسبح خوما أنت سابح وريحتك طيبه واني ريحتي خايسه يصير
اي يصير
دمشي لك
سافله لسانج لزمي بريك
ضحكت وعفته رنة ضحكاته بإذاني فدوه لليضحك فدوه أبوسه
عيني أنتِ
دخلت سبحت وصحت مروان ملابسي من يمك جابلي ملابسي وگبل دخل شتسوي داخل جفت شعندك والعرض مكشف
اويلي على العرض شو تعاي البسج اويلي شلون شكبره صاير أسفنج ضغط عالي
مروان مو وگت سخافتك تسويلي فضل تضل بس تلمس بيه صير عاقل.
وأنتِ ما تحبين لمس صايره عاقله اليوم شعجب
هو أني والله عاقله بس يمك أتسفل اصير أسفل من السافله يضحك وصدره يرتد واني صافنه عليه مطگته وهو صفن عليه
أنتِ ما تشبعين بوس
لا ما أشبع يله امشي نتريك جوعانه حكم راح يفطس فرغت كرشته سوده عليه يدفر يريد ريوك واني ملتهيه بأبوه وناسيته
أهم شيء أبوه.
اي والله أهم شيء أبوه محد يأخذ مكانه ولا أهتمامه أنت المركز الأول حبيبي ما حجه شيء بس صفناته بوجهي هواي الها كلام ومعاني
. طلعت وهو شال سلاحه ومبايله وباگيت الجكاير والجداحه ولبس ساعته والجكاره بلحكه ومصغر عيونه ويرش عطر واني صافنه عليه غمزلي وطلع واني لبست ملابس الدوام ولحكته.
نزلت لكيت عمتي مجهزتلنا الريوك هي شافتني جابتلي البيض السلك والريوك اشكال وألوان شُنوْ هالدلال عمي.
مروان انجازات البارحه بالليل
أسيل غمزلي وكام قبلي طلع وكف هو وعمي كملت وشلت جنطتي ولحكته خرب گوه امشي نزل عمار كاشخ والعطر فايح شُنوْ هالكشخه طالع قنبله
عمار اي قنبله وأنفجر على القنينه يا كشخه شسالفه مثل كل يوم
ليش ما متواعد
لا ولج ماكو كلبي فارغ ما يستاهل انطي الياهو جان اني نفسي عزيزه عليه اريد وحده تخاف الله بيه
أسيل تستاهل كل الخير الله يرزق بنت الحلال التسعدك وتسر خاطرك
وصال يمه فدوه لحلگج.
عمار رد أمي الج يكفي ويوفي يله سلام
وصال ما تتريك
عمار عشه البارحه بالليل بمعدتي ما متصرف
وصال دتعال افتح مصرانك بلكمه
عمار أي مو هو بوري مجرى افتحة ما أريد ما جوعان عود أهناك أكل، يله مع السلامه اسيل ويامن تروحين تجين اوصلج.
اسيل لا عيني مشكور مروان يوصلني اشرلي بأيده وراح ومشيت على مروان صباح الخير عمو
كمال هلا عمي صباح النور والسرور يله أبني وصل مريتك وتوكل لدوامك ومن ترجع ينتاقش بهذا الموضو?.
مروان أن شاءالله يابه يله أسيل
أسيل طلعنا وصلني وتوكل لدوامه وبالمر كملت المحاضرات حيل صايره أتعب عمتي تكول أم الولد تصير ثكيله لان عظمه خشن مو مثل البنيه ناعمه حتى بهاي منبصين نفسهم علينا وثكيلين.
وخلص الدوام ورجعت ويه عمار وخطيه طبك جابلي بيتزا وعصائر اكلت كم قطعه ولو خربت غداي
عمار لا هاي حشوة مصران وراج المندي على أصوله والطلي امي وعصام شاوينه عالفحم اويلي يابه غير لو ادزلج الصور اخليج تبجين.
لا بشرفك وشكو لعد توكل بيه بهل البيتزا
علمود تعوفين الطلي اليه
ليا
كمليها أنتِ مثل رجلج لسانج ما بي بريك
ابو بطن اقصد
اي فهمت فهمت
قهرتني حرامات شبعت والله
لا السالفه مطوله ينتظرون رجلج جوعي نفسج بينما يجي وأفترسي الطلي
هو هم هيج عبالك أعوفه الك يضحك واني ضحكت وياه عالواهس وصلنا وبدخولنا لكيت مروان توه واصل جاي يفتح الباب شافني وگف ينتظرني نزلت أشتاقيت اني أشتاقيت
ولج على كيفج
ليش ما أجيت أخذتني.
والله ردت اجي وما كدرت هذا شاد وياي ما اعرف شبي عليه وبلغت عمار يجيبج وياه شو بعدين گالي روح واجيت ووصلت قبلكم.
ولازم اصدكك
اي غصباً عليج دمشي نفترس الطلي قبل عمار
عمار وين وين والله استفتاح الرسمي عليه
أسيل طلع يركض قبلنا وضحكنا عليه وأيده على كتفي ودخلت عليهم ها الله يساعدكم شلونه الطلي
كمال يسلم عليج هذاك مجضوع بالفحم ينتظرج والله محد يستاهله غيرج تبردين الكلب من تاكلين
أسيل أبتسمت.
كمال يله غيروا ملابسكم تعالوا ترة جعنا عصام ابني جيب الطلي جييبه وكلمن يتأخر ما اله حصه
عصام تدلل سيادتك.
أسيل غمزلي معناها الطلي الج ضحكت فدوه لگلبك عمو صعدنا واخذت دوش واجه هو هم ونزلنا سوه تغدينا وافترسنا الطلي غير طعمه يخبل الله يطعم كل مشتهي عاشت ايدج عمه كلش طيب
وصال هذا طبخ عصام مو طبخي اشكروا هو.
عمار والله مال نفتحلك مطعم لان والله العظيم طعمه يخبل خو المندي الا فد شيء خورافي انوب دزلنا الصور والدقه والوضوح بالقرأن خلاني امطك
أسيل ضحكنا والاجواء العائليه جانت تخبل واسيا غسلت المواعين واني صبيتلهم الجاي بالكوابه وصعدت لان تعبانه بس اريد اتمدد نايمه شبه غافيه احتضنت وغمر?اسه بشعري ونمنا.
العصر تجهزنا وطلعنا للعياده وعمتي ويانا واسيا تغسل بالصاله وتصيح على جهالها وعصام عصبي ما اعرف شبي حتى من تغدينا ومدحنا هو ما شارك يمكن متزاعلين.
طلعنا العياده وكعدنا ننتظر واني بالنص بين عمتي وبين مروان واجانا الدور صاحت اسمي وأستغربت
أسيل مروان
مروان ادخل وياج
وصال لا يمه اني أدخل وياها
أسيل يحجون واني بالي يم الأسم مخلي نفسه بمكان ابويه باوعتله واريد أبوسه وهو يحجي ويه السكرتيره وكالت.
العفو بس المراجعه لان أزدحام يصير وهاي أوامر الدكتوره ما تقبل
ماشي يله يمه دخلوا
بس المراجعه
بس أمي وياها خوما تدخل لوحدها
وشگو عليها مراجعات وياها وهي مو طفله
أخ منك لساني عمي دخلي لوحدج يمه نبقى ننتظرها ما تقبل
دخلت عليها اكو كم مراجعه كدامي وتقدمت أني فحصتني وكتلها على الحساب
الدكتوره حسابج غلط بعدج نص بالسابع
أسيل دخيلج دكتوره شلون نص بالسابع ما تشوفين بطني شكبره
وشعليه بطنج طفلج جبير ومتعافي.
بس حسابي صح
جاي أكولج غلط شبيج أنتِ زعطوطه ما تفهمين
لا افهم ليش ما افهم
لا والله أنتِ زعطوطه جاهله شنفهمج بالحساب بكد الحمصايه وأهلج مزوجينج وضاحكين عليج وتالي حبلتي مكيفه بروحج وجايه تتشاطرين عليه وتناقشيني بالحساب.
ما رديت عليها وگبل عفتها وطلعت فد أنقهرت منها حتى بجيت وغصه بصدري هضمتني حيل ومروان شافني واجاني
شبيج وجهج مدخن أحجيلي شكالتلج
تگولي جاهله وزعطوطه شمفهمج أمشي
هي هيج كالت اي وشحجت بعد.
ما حجت شيء خل نروح على غيرها
لا ما نروح الأ تحجيلي
ما حجت شيء
گالتلج زعطوطه وجاهله مو اذا ما تحجيلي هسه أفوت عليها وأنعل والديها
وصال يمه على كيفك
أسيل عصب وخفت منه وحجيتله وعافني وعمتي جلبت بي واني هم عوفها ختولي خل نمشي قابل قحط بس هي أمشي فدوة اروحلك
وصال امشي يمه الظاهر الشهاده شايلتها تتباهى بيها ختولي.
مروان لا والله قبل لا انطيها قيمتها ما امشي منا خطوه لعد تهين مرتي وتردوني اسكتلها صار كم دكتوره يعاندن وياهم ولا وحده تفهم عليها شلعن گلبها شايفتها زعطوط ليش عاد هنا شلونهن وهي بس يمها طلع لسانها عليه واكيد هم خنستي وبلعتي لسانج بس اصبريلي اني اعلمها والله اطلع غاديها.
أسيل راح يريد يدخل والسكرتيره وكفت عارض
السكرتيره عيني وين وين تايهتلك اصيحلك أمن المجمع يسوونك وصل مسح.
مروان أمشي لج كدامج الدوله بعينها هسه أجرجرج بالمراكز أنتِ والامن مالتج
أسيل دك الباب مرتين ما فتحت الثالثه كالت
الدكتوره ادخل
دخل والباب مفتوح باوعلي صاحلي
تعالي يمي
رحت وكفت بصفه
بإي حق هيج تتعاملين وياها وأسلوب الهمج تبطلينه لا أسحلج سحله اخليج تحلمين تلزمين شهاده تضحكين عليها ومستصغرتها ليش يابه تايهتلج زعطوطه شنو مزوجينج وضاحكين عليج شُنوْ هالحجي.
الدكتوره أخي هذا الاسلوب مو وياي ويه كم واحد بالشارع تتعامل بي.
وأسلوبج هم مال شارع عادي نتصافى.
علي كيفك ما گلت إلها شيء الحلوه تبكبك كدامك وأنتِ حسابج غلط وفعلاً غلط وأنتَ سمحت لنفسك تزوج وحده طفله شوف الفرق الشاسع البينكم وانت إلى همجي مو اني.
الخلل بتفكيرج برأيج يا دكتوراه يامحترمه زوجتي شكد عمرها.
مكتوب يمي 16 سنه وترى مبينه طفله وانتوا مستغليها لان زعطوطه ما تفتهم شنو الحباله شُنوْ الشهريه.
عوفينا من هالحجي بس أذا أنتِ عمرج 30 سنه ومبين عليج 50 سنه مشكلتج مو مشكلتي واذا زوجتي عمرها 21 سنه ومبين 16 سنه وأقل فهاي نعمه ومن شده جمالها ومشكوره يعني صدك فرحتيني يله أسيل يله يابه.
طلعنا أني وياه وعمتي تتنظرنا ورجع على السكرتيره.
مره ثانيه أنتبهي زين وسمعي زين لو تصلحين سمعج لو نظرج شجاب عمرها ل 16 لو تأخذون الاعمار على الشكل لو شايفه المراجعه مو بعينج عالعموم هاي هي والحمدلله ما تعاملت ويه هيج بشريه نفسياتهم مريضه والأمن والتحجين وتزامطين بي سلميلي عليه عود تخوفني والله يالله
أسيل مشينا وضلن بسواد وجهن واني بقيت ساكته بس داخلي شعور وكلام ما ينحجي أبداً بس أكتفي الله يحفظك اليه ويخليك خيمه على?أس.
طلعنا بالسياره يسوق وهو مزعوج وعصبي عكس ما طلعنا جان مبين عليه علامات الأنتصار بس أعرفه من داخله يغلي ويحرك بروحه يباوعلي وعمتي تهدي بي لأن حجت عليه وأستصغرتني وهانتني.
مروان مره ثانيه لاتسكتين إلهن ولاتنطيهن مجال يركبنج طبي بعينهن مو مثل هذيج تعاركج وأنتِ سكتي إلها والله التحاجيج كلمه أكص لسانها بنات الزفر، لج أني تگولي زعطوط وأسكتلها غير اجرها من شعرها وعلى حتى حواجبها انتفهن.
ما جاوبت بس حبيت موقفه من دافعلي وأحترك دمه عليه وما يرضى أحد يستهين بيه او يقلل من وجودي خله الفخر يطلع من عيوني ودمعت ربي يخليك خيمه على?أسي يعوضي.
دخلنا على مجمع ثاني دخلت على دكتوره عصام دزلنا رقمها لأن هو خبره خطيه اسيا شلعت كلبه لان حبالتها گوه ومريضه وحالتها صعبه.
حجيتلها وجانت حبابه ولطيفه وعرفتني من طرف عصام وأستقبلتني بكل أحترام وتهلي وترحب عفيه عصام شمسويلها هيج تحترمنا لو هي من الاساس محترمه.
سوتلي فحوصات كامله وتحاليل وكلشي وعمتي تحجي وياها وشايله همي خطيه تخاف عليه
وصال خليها عمليه اني أخاف عليها من الطبيعي
الدكتوره لا ماما لاتخافين ما بيها شيء كلشي تساهيل من رب العالمين واسيل مبينه سباعيه وشاطره ما ينخاف عليها وتكوم بالسلامه يارب
أسيل ياربي شكد حبابه.
الدكتوره ماما اسيل حالياً أنتِ بداية شه?چ لاتصدكين اللي يگولج نهاية السابع لو ونص الثامن ماكو هيج حجي وحسابج صح ما غلطانه لأن الحساب يكون من أخر موعد الشهريه ونضيف سبعة ايام ونحسب فهمتي عليه حبيبتي أسوله
اي دكتوره رحمه الله والديج.
والديج حبيبتي.
كملنا كلشي وطلعنا وحجيت اله عن لطافتها ومروان انزعج وأتصل على عصام ليش.
مروان أوكفي خل أخابر عصام الو تعال أنت ليش من الأول ما دزيتنا على هاي الدكتوره الا نشلع گلبنا ويه هذنيج
عصام جانت مسافره وعبالي بعدها ما راجعه لان هي صديقتي على الفسبوك وتنشر ستوريات توقعت بعدها ما راجعه للعراق، اي شصار وياكم
مروان ها صديقتك! وأسيا تدري.
أي تدري وصديقتها هم بابا دكتوره محترمه
اها حلو لعد راح نجلب بيها بعد واسيل مطوله ما اعوفها فد ست سبع جهال
شعندك فريق كرة قدم.
اي ونسوي هجوم عليكم أنتوا بس أثنين
خير وبركه عندي يسون كنوز الدنيا يله تعالوا ترة أبويه خبصني وين صاروا وين صاروا
هو ضيمه الحجيه شيسوي بينا
أي لعد بس أنت مخلي حجيتك بصفك هو كاعد وجه اليتيم بالحديقه حتى بالبيت ما كعد البيت يكول ما ينسكن جنهم
ههه جايين جايين
يا هلا بيكم.
أسيل أنتهت المكالمه وأجتي عمتي جانت تأخذ علاج صعدنا وطلعنا للبيت فد تعبانه بس وصلنا گبل صعدت لغرفتي نمت حتى عشه دزوا عليه ما تعشيت مر كم يوم واني ما صاحيه عكب هذيج الفره لليل يله رجعنا لزمتني تقلصات طلعت روحي لان هواي تحركت حتى حكم نزل وولادة طبيعي لا محال يله بعد أحسن يكولن احسن من العمليه ما ادري بعد واسيا تكول نفس شيء كله وجع وضيم اذا عمليه واذا طبيعي بس الفرق طبيعي طيبين بسرعه العمليه اضلين تلوبين تالي الله يسهل.
واليوم رايحين خطوبه مجد صعدنا تجهزنا اني وياه ونزلنا لكينا أسيا تمنيت تروح ويانا بس خطيه تعذرت فدوه شگد احبها واحب حنيتها عليه.
متجمعين كلنا يم السيارات والحمايه مالت عمي واكفين برى وعمي يحجي أتصال ننتظره يخلص ونمشي وومجد يكول
مجد يمه اذا ما وافقوا رافع افين حظه
وصال لا يمه ان شاء الله تكمل على خير.
أسيل مروان أبتعد عنا وگف ويه عصام يحجون واشرلي يعني وخري الحراس والحمايه يم الباب أبتعدت وگفت ورى السياره بصف عمتي أخذت سيدرا مني وتبوس بيها رجعت باوعتلي وصفنت ها عمه شبيج شو طولتي الصفنه خوما مكياجي ما عجبج.
وصال لأ بنيتي أنتِ گلشي بيج عاجبني وأريد احاجيج قبل لانمشي بس لاتزعلين مني.
أسيل گولي عمه أنتِ أمي وكلامج على عيني و?اسي.
وصال وأنتِ بنيتي أني لمصلحتج والله لان البشر المقابل مرات يبوك لسانج لو يحجيج وكتها كلها تلومج شوفي من نروح أهناك اي شيء يسألجن الحبايب لاتحجين زايد عن سؤالهن
شلون يعني عمه ما فهمتج.
شوفي ماما لاتحجين عن حب مروان الج ولا عن وأهتمامه بيج لان غيرج فاقد هالشيء ويخلي عينه وراكم لو تنفسون لو تنحسدون وحتى اذا يسألن عن هناس ديري بالج تحجين شيء موزين عنها اعرفج طيبه وما تحجين بس أكد عليج اخاف تسبقج عاطفتج وتگولين عافت بنتها وراحت تزوجت وهنا كلمه منهن كلمه منج ويصير الحجي وهاي غايتهن.
لا ماما حبيبتي بالعكس مديحها وذكريها بكل خير هي هم خطيه أنظلمت بحياتها وهسه الله وفقها وتزوجت والله يسعدها بحياتها وصدگي هي ما عدها مشكله وياج لو عدها جان ما عاملتج بطيب وحنيه جان حقرت وقست وسوت أشكال والوان جان ما نسحبت وتكدر تحاربج علمود مروان بس شافت الافضل تنسحب ولما شافتج خوش بنيه ومرتاحتلج ما خلت بنتها تربى بحضنج فه اذكريها بكل خير بحضورها وغيابها.
وكلنا ما شفنا منها الا كل طيب بغض النظر عن تصرفها الأخير وليش عافت بنتها شيء خاص بيها نحجي ونقبح بنفسنا على شُنوْ وهم لخاطر زوجج تضل أم بنته ومهما يكون تضل بيوم من الأيام جانت حبيبته وتضل أم سيدرا يعني خاطر من خاطر فهمتي علينا بنيتي وأهم شيء لأتزعلين مني أني هم أمج.
أسيل بالعكس عمه كلامج هواي فرحني واني ممنونه منج وفعلاً مرات العاطفه تسبقنا وتخلينا ننفعل ونحجي بدون أرادتنا وهذا هو كلامج على عيني و?أسي أبتسمت لي وأجه مروان كأنما يدري عمتي تحجي وياي اخاف هو گايل الها لا جان هو گالي هو ينصحني ويعلمني عادي يله اذا هو أو عمتي ماكو فرق وما بيها شيء النصيحه مفيده.
مروان يله نمشي جيبي سيدرا وصعدي يمه تروحين ويانا ويه عصام ويه سيادة الوالد كيفج.
وصال لا طبعاً ويه أبوك شعندي صاعده وياكم أنت ومريتك حاشره نفسي بينكم شگو يله يمه دير بالك على مريتك وبنتك على كيفك بالسواقه أنتبه أبني
مروان أن شاء الله حجيه بعيوني.
أسيل شگد حبيت كلامها تحجي مثل النسمه البارده خفيفه لطيفه صح مرات تنفعل وتتعصب بس ميخالف هم احبها واحب حنيتها وگلشي بيها هي أمي.
مشت لسيارة عمي ومجد فتحلها الباب صعدت ليورا واجه عمي خلص أتصال صعد بصفها فد لايگين لبعض ومجد بالصدر هو والسايق وعمار ويه عصام واحنه بسيارتنا وطلعنا وسيارة الحمايه ورانا...
وصلنا ونزل مروان واخذ مني سيدرا وساعدني بالنزول ونزلت ردت اخذتها ما قبل كال
مروان أتعبج خليها يمي أحسن تسكت لك فديت البطه ياريت لو تضلين طول عمرج هيج
وووي علمود يومين وادور أعواد فرنسيه ب?أسي.
أنتِ أحلى عود فرنسي وانت احلى بطه عراقيه بنكهه مروان.
ضحكت هه أمي أمشي عاد عمتي تباوعلنا عيب
وصال عصافير الحب فضحتونا دخلوا جوا حتى هم ما تبطلون.
أسيل دخلت وراها وهو يمشي ويتلفت لما دخلت استقبلتنا مرام تلهي وترحب بينا وما أعرف من عند الله اني ما أستلطفها صح حلوه ومرتبه بس احسها مشيطنه وعينها على غيرها ملعبه ما أعرف ليش من قبل ما أرتاحلها شفت اسماء سلمت عليها وكعدت بصف عمتي علمود لا يضلن بس يسألني والتزم بنصيحة عمتي.
وأجتي شهد سلمت علينه قربانها شكد حلوه كل شويه تفتح تلفونها وتسده وتباوعلي وعيونها مدمعات وجهه حزن وخوف أويلي على عشك أبن العم يكتل والله.
وقدمو الضيافه كعدنه كلنا وجديتي هم اجت ويه عمتي زينب سلمنا عليها وبوستني ومسحت على بطني
الحجيه ولادتج قريبه ما ضلج شيء هاا جر حبل
أسيل الله كريم جده الله يسهل باستني وبلش حجي نسوان بينهم ناس تسأل على ناس اجت مرام بصفي تسأل عن اسيا!
مرام أسيا شعجب ما أجتي وياكم أستغربت عصام جاي لوحده بس ك?م وياه مو بالعاده وين يروح يأخذها وياه
أسيل جديتي غرزت عيونها عليها يعني لاتحجين شيء سكتي جاوبتها ما أعرف تعبانه ما قبلت تجي
مرام أها أخاف متعاركه هي وعصومي أفندي
أسيل أنفعلت وجاوبتها وأنتِ شعليج داده هاي زايده منج ما عليج بيهم
مرام شبيج عيني إنكرصتي ترى بس سألت عن أسيا
الحجيه خير مرام تسألين عليها شگو والله يثخن لبجن أنتِ واسيا خيرجن.
مرام جده شكو قابل احنه حبايب وزلمنا عسكرين ونفس الخيسه
وصال عيب عليج هالحجي رجلج خيسه وأبني لا تخبطينه وياه والله عال شحدج تجيبين أسمه ابني اشرف واحد بالسلك العسكري لا أنتِ ولا غيرج ينعته بكلمه خيسه لو كلمن اليشوف الناس بعين طبعه.
الحجيه مرام أشو كمتي تجفصين وما تعرفين تحجين خربان طبعج يولي لو أنتِ من يومج غشيمه والمره تحفظ وتصون سرها مو تكوم تمسلت وتفضح زلمتها كدام الأوادم حتى ينهجم بيتها بإيدها.
وهذا زلمتج أبو ولدج هيج تحجين عنا كدام الحبايب اني هيج علمتج بس الظاهر الثول طاگج
أسيل مرام سگتت وما حجت وشويه وكامت وعمتي غمزتلي وجديتي كامت تحجي هي وعمتي ام رافع عنها
الحجيه خوما متعاركين شبيها جنتج
أم رافع هي وياه من يومهم واني بزعت.
أسيل وتعالت الأصوات بالاستقبال وأشتدت النقاش خير يا ساتر وإجا مسج لشهد تقرأ بي
كامت تبجي
شهد مو عرفته حقير
أم رافع جاوبتها شكو امي شبيج انك?صتي.
شهد رافع ما قبل ومقنع مظفر وكل أخواني رافضين وهسه رفضوا ادري ليش هيج تسوين بيه ليش شيسمونها لما أبن عمي قابل غريب.
ام رافع ولج سكتي خل نفهم شگو ووجع من رساله تخبلتي علينا امشي لغرفتج يله تحرگي.
أسيل صار نقاش وصوت صياحهم واصل بعدنا واني وعمتي كبل كمنا عمتي تعصبت فد مره وكامت تحجي.
وصال أحنه عمام وكلنا يتخالط دمنا وما بيها شيء بنت عمه ورادها وتقدمنا نطلب أيدها بكل أوصول مو هاي أسيل اخذناها لمروان يباو?? طولها لو أنتوا ادورون سوالف عتك أبنج المصون عبالج ما أعرفه شيحجي ويخربط علينا يريد أزهار بمكان
شهد بس نعال مكطع ما يحصل من عدنا.
ام رافع على كيفج عيني أنهديتي علينا وتغلطين على أبني وشگو بيها قابل محد يأخذ ويتزوج على مرته بس?افع شصار قابل أبن عمها وأولى بيها ويريدها ليش حرام لو عيب طلب إيدها منكم لو
كفر من گال الكم انطوني ازهار وانطيكم شهد مره بمره وهاي ماشيه من هذاك اليوم لهذا اليوم قابل أنتِ منين جايه ما تعرفين أبن العم أولى من الغريب.
وصال أبن عمها مو ومره بمره لو ازهار لو ما الكم شهد بس والله لو اعرف أبني مجد ينهضم أزهار ما ينول أظفرها شبيه تخبلت اشمر بيها اهنا واهنا وانوب أنطيها لرافع وعلى مره من الله ما أخاف أهضم مرام لو بنات الناس ما الهن حوبه والما أرضاه على بنتي ما أرضاه على بنات العالم واذا عادي عدكم ثنون وثلثون أحنه عدنا مو عادي واخذنا بنات العالم نصونهن مو نهضمهن وأميره بيت أهلها ملكه بيت عيالها.
ام?افع على كيفج واحنه شمسوين لجنايينه
وصال ما جايبه طاريكم يواشج وبس السالفه وما بيها وتخص بنتي وأبنج وأعرف هسه تعيرون بإسيل بنت عمه وتزوج عليها هناس وسالفتها تحجون بيها وبعدين من تگولون مروان عار من طلگ هناس ومرته واكتفى بيها لا عار الزلم ولا شيء عبالكم الحجي ما يوصلنا من تحجون على أبني.
بس والله كولي أبنج العار مو أبني من مره لمره ويدور نسوانين على مرته ويوميه يهدد بيها أتزوج عليها ولج جان استحيتي أنتِ العاقله وهيج تحاجيني وصافه ويه أبنج وتردين تهضمين جنتج اليتيمه.
وإذا ما تنطونها ليش تگولون النا وتنطون خبر نجي من البداية لا نجي ولا نتعب نفسنا بس نوبة العلمت ما ضرت يله بنتي أسيل كومي نروح ما إلنا كعده بعد ومجد الله يعوضه.
أسيل عمتي كومتني واسماء باوستني وجديتي ما حجت تهز براسها ما مرتضيه
الحجيه أخاف احجي وسكري يصعد بس يا داوود الا ادكك دكه زينه يلا اتوب انت وولدك ويا رافع اذا ما توبتك من المره فلا أتسمى الحجيه نعيمه يله يمه أمشن مو كمال وولده ينهانون وأنتِ جوريه تحاجين وصال هيج بعدين أحاسبج عليها.
أسيل طلعنا وبالباب عمو فاضل شافني سلم عليه باسني من رأسي بحنيه وعمو كمال مبتسم.
فاضل بابا أبوج وحارث بالباب يردون يسلمون عليج روحي عليهم.
أسيل ماشي عمي طلعت عمامي كلهم بالحوش يحجون وشفت?افع واكف يباوع علينا يمكن عباله ازهار ويانا وثول شبينا مخابيل نجيبها ويانا رحت للحديقه الخلفية شفت حارث ومروان وابويه واكفين ويحجون بينهم الحمدلله راجعه العلاقه رحت سلمت على حارث وأبويه باسني لمني بحضنه أختنكت وبجيت گبل مسح دمعتي وبرطم انقهرت عليه
علوان الله يكومج بالسلامه بابا.
أسيل الله يسلمك عيني يابه حارث ضحك وگال
حارث ادري شوكت الله يسهلج من يمي اختنكت
أسيل حارث لا تخجلني كدام ابويه أخذني باسني براسي وابويه يباوع النا
حارث شلونج مرتاحه
أسيل الف الحمدلله لايضل بالك كلش مرتاحه
حارث أدري وتستاهلين عيني خيتي مروان خليها تجي ويانا تبقى كم يوم
مروان والله تعبانه والجو متوتر غير مره ان شاء الله اجيبها الكم.
أسيل أصلاً جذاب كلاوات العيد اعرفها ما يريد مني اروح وافاركه أخذني صعدت بالسياره ليكدام لان وره احس المكان ضيك اجا عصام شافني كاعده كدام حسيته يريد يجي ويانا يمكن
عصام استريحي اكعد وره مالي خلك سياقه راح اكعد وره يمكم يله ك?م أصعد ولاتضل تلغي على?اسي.
أسيل فتح الباب وصعد ليورا واجت عمتي هم كعدت بصف عصام هو طول الطريق يدخن واعصابه فول عاط بكرم خنسه خلاه يبجي بسكوت والجو حيل متوتر نار وبانزين.
طلعنا وبالطريق تلفون مروان أتصل باوعت الشاشه هشام خلاه صامت لان عصام ورانا ورجع يتصل
عصام جاوبه جاوبه ليش مستحي.
وصال شگو شبيكم يمه
مروان ماكو شيء يمه
عصام أي ماكو شيء بس مخططات العسكريه مستمره بالس?
أسيل مروان ما حجه وسكتنا وعمتي نغزتني بجفتي وهزيت جتفي ما أدري ووصلنا نزلوا وساعدني ومروان وكف يحجي أتصال وعصام عبرنا ويهز بإيده وعمتي حسيتها ما رضت.
وصال اني اخلص من?أفع انوب ولدي يتمالخون بينهم من ورى هشام هسه هم يزعل عصام والله حاس گلبي راح يزعل وزعله ثكيل.
اسيل ما حجيت وانتظرته شفت أتصاله مطول أخذت سيدرا ومشيت وشاف مجد اخذها مني خطيه شافني گوه أمشي لاحظت عليه طبيعي يمكن شاف الوضع وهذا هو شيسوي قابل ماله قسمه خطيه.
صعدت غيرت ملابسي وصعدلي مروان عالسريع فتح الجرار طلعت باكيت الجكاير ها حبيبي الذهاب
مروان ها عمري رايده شيء
امم أريدك شوي أحتاجك.
أستغفر النيه وكلمة أحتاجك تفسرلي هواي أمور ثانيه خو كلمه أريدك كافيه أحتاجك هواي عليه
أمم وأشتاقلك
وتالي وين نولي
حبيبي أشتاقيتلك طكت روحي أريد ابوسك
والله أنتِ ما منج الرجى افلت بروحي احسن اخاف منج لان متسوفله فد مره.
صحت عليه حبيبي يروحي أين الذهاب
هشام اجا يريد يرجع أزهار.
وي حبيبي الله عليك انطيها خطيه طكها الجفاف
لسانج بنت الاوادم.
يريد يروح وصحت وراه تعال حبيبي والله ما تخسر بداعت سيدرا ترجع ورجعلي مليان خيبه وأمل راح يطلع منها خسران دخل للغرفه وسد الباب ودنك عليه منطيني خده مثل الطفل إلى يريد بوسه مروان عااا تضحك عليه شسوي بخدك بايسه جديتي أندار أريد ركبتك ابوسها.
أستغفر الله هاي ما اتوب مني أبداً
حبيبي يروحي شبيك وياي طكني الجفاف حصار قوي ما يصير هيج.
لج شلون بيج أنتِ خرب تعاي
باسني بركبتي ابتلش وضاعت علومه.
أنت ما تجوزين مني الا تتدخلين النار من وراي
حبيبي بس ابوسك واروح
ديلا استعجلي واطفرري
بسته بشفته وركبته وأستنشقت عطره وحضنته
اشو ما طفرتي شلون بيج وبيه
أحبك
أني عبرت هالمرحله قديمه محد ضل يكول احبك
لعد شيكول اي لافيو مثلاً
لا حبي
ً مطكني مطكه شلع خدودي وشفتي اتحركت بنار عافني وانهزم ابن اللذين عود ردت أدك الناقصه بي وانهزم تالي هو شعوطني وانهزم اني اعلمك بليل من ينام يمك بعد أصبرلي تجيني وين تروح.
نزلت وراه لكيتهم متجمعين وأزهار فرحانه وكاشخه ومروان يحجي ويه عصام يقنع بي يكوم للكعده ومرت ساعه وگلنا منتظرين عصام وأسيا تفتر مقهوره وجهه مفحم خطيه أذا أطگها على خشمها تبجي عمتي هم تعصبت هي بدون شيء مفوله من عمامي ورافع.
عفتهم ورحت اكلت جوعانه ودورت على سيدرا لكيت عمار شايلها فدوه ولا اشيل همها عمامها شكد حنينين عليها ما يخلونها توكع بكاع بس فتحت ايدي الها طفرت من حضن عمار لحضني وتسويلي حركات بوسيني وأبوسها
عمار مو اكول هاي على أبوها سافله من هسه والله ما اخذها لجهالي لا تحلمون بيها.
أسيل خل نشوف منو يكطع نفسه عليها ويتوسل واني ما انطي بنتي ما انطيها لجهالك أبداً لأ تحلم واذا عندك بنات هم ما اخذ منك لحكم شون عم غثه لبنتي شمدريني من تشيب تصير ما تنجر?.
ديلا ديلا كاتل روحي حتى اناسبج شجاني ما ضلت بس القناني اناسبها
عمار مو اركعك بالطاوه طلع يضحك وطلعوا واني أباوعلهم وأكل ورحت يمهم وانتهى عقد ازهار رحت لكيتها توها طالعه باركتلها وعمتي واسيا جهزوا ملابسها ونزلوا الجنط.
وسيدرا كل شويه تعفط على غزل وهذيج مجلبه بإبوها عيني? أساس تغور لسيدرا وهذيج فاينه تمد ايدها لابوها ولا عبالك عمرها تسع اشهر الا اشويه حركاتها وكلشي بيها نشط يمكن لان بلشت وياها اكل من وكت ومعتنيه بتغذيتها وصار الاكل وجبه رئيسيه وما ننسى الحليب اله دور بس بهيج عمر الاكل يفيد أكثر.
راحت وكلنا ودعناها الف الحمدلله من رجعت وانجمعت غزل بإبوها خطيه، عمتي گامت تبجي لأن تودعنا عليها و? بنتها ومجد كلش تأثر وراها.
واني أشوف مروان شلون يحجي وياها ويأشر واني صافنه على تحركاته ويلعب بشعره ويدنك ويغمز ويضحك صافنه بي يربي هالنفر عشقي وما يتكرر بس يمي والله اخ الله مال هسه امعطك بوسه اغير ملامح وجهك عمار حاط روحه حتى بدماغي
عمار عيني ما يطير الحلو راح يتكسر من كد ما تأملتي.
عمار كول اغار وما عندي مره تباوعلي اكولك أي حقك سنكل ضال وحدك حديقه يهزلي براسه راحت الله وياها ورجعنا فضينا العشا كل واحد كاعدله بصفحه ناس أندومي ناس من غده الظهر لزكنه العشه وعمي وعمتي أكلوا روبه واجبان وجاي ما يكلفون علينا وعصام وأسيا ما اجو بغرفتهم حتى أخته ما ودعها عرفت من عمتي زعلان منها لان بس طلع من الأستقبال دخل السويت ولحكته اسيا بس ك?م كاعد بنص عمامه ويأكل ويضحك وياهم.
وأحنه كاعدين نشرب الجاي گبت العيطه بين عصام وأسيا وأصواتهم عاليه علگت بينهم بس محد تدخل نسمع عصبيه عصام لا مروان ولا خبره من يمي خفت الله يساعدها هي وكلها سكتت عمي رفع صوت تلفزيون صوته صا? عالي وك?م طفر بحضن مجد يباو? وياه مقاطع ويضحك وعمار كام وطلع مروان يهزلي ب?أسه
. دزيتله واساله ها حبيبي
كول ما أشتاقيتي ل الأكشن مالتنا
لا يمه أسم الله الزهره
لا صُدك صُدك
لا عاجبني الريلاكس بنكهة الرومانتك حبيبي.
أويلي ما تكعدين راحه لو بالهدف لو بالنجف ما ترهم
أكول تصعد تبقى وأني وين أولي بروحي سيدرا ونامت وراك وراك اليوم
أنتِ تالي ويتج ما كافي مو داير بالي
ما عليك حبيبي
كافي سفاله
عيناي اني حصعد أنتظرك يهز ب?أسه ويضحك على سوالفي أدري بي متونس كمت وخليتها عالقنفه هو اجا يريد يشيلها واني صعدت نفسي انكطع كبل نمت عالجربايه اجا خلاها بسريرها وأتمدد بصفي ها شو أجيت.
نقوم بالواجب.
ترى جنت اتشاقه وياك أصلاً ما بيه بس هيج تلطيف جو وياك أحب أشوف وجهك يضحك
بطلي تلطيفج مو حجاره كبالج
يمه فدوه لحبيبي نمت? صدره ولزمت بطني بوسته من ركبته تخربطت احواله وأنخبص تفركشت احوالنا أثنينا مو أودام ما نتوب ونمت هو راح سبح وإجه باوعلي وحجه
الله يورطج تلزميني بعد وراح أبني حاجز كونكريت ما يفيد وياج أبدا، ربي ما ترحم بحالها وتسهل أمرها هالمسكينه جاي تتشعوط عليه.
عزه هاي اني.
لا حبيبي اني ثم اني ثم أني
أي عبالي طفي الأضويه وتعال افتح أيدك خل انام
مخدة الخلفوج
حبيبي شعندي غيرك وشكو مزوجه غير أنام بحضنك
مخلفج وناسيج
مشكلتك حبيبي تورطت بيه بعد
غضب هاي مو مشكله
شو عبالك ما عاجبك أستاذ مروان دخنت عود اتعصبت اشويه.
فديت الخدود جمرن دتعاي انعل أبو الما يخليج بحضنه، لعد أخلي منو جعل محد ينام بحضني غيرج.
محد ينام بس أني
والله بس أنتِ.
حضني ونمنا لصبح كعدت هو رايح لدوام باوعت الساعه بعد وگت رجعت گملت نومتي لظهر يله كعدت وصاي?ه ويه النوم هواي أعاني بس الصبح انام الليل كله اتگلب حتى هو ما أخلي ينام براحته لان بطني ثكيله.
الأمور طبيعيه بالبيت الأ بين عصام وأسيا الجو مشحون ومتوتر مبين عليهم وعصام للعشه يله شفناه حتى ما تعشى? ويانا، وگفت أصب الجاي الهم وأسيا تغسل المواعين وعمتي على إيدها تصفط وترتب المطبخ وأني ما تخليني گلشي أسوي تخاف عليه صبيتلهم واجه مجد أخذه.
وصال مروان گوم مشي أسيل
مروان وين أمشيها دادا دادا صدك تحجين يمه
مو وگت قشمره مرتك بچر وأول طفل غير لازم تمشي الا أحجي يله.
ها اي بس نشرب الجاي بس بسرعه تفحط يمه أخاف تكوم تتولد وبعدها وينها وين الولاده
لا هم يله
هسه ما ضل وگت وعدنا شغل علمود المعرض أجليها? باجر أن شاءالله
كيفكم يمه
أسيل تأجلت ورجعت سويتلي كلاص حليب وعمتي وأسيا يحجن بينهم وعمتي مزعوجه.
وصال أنت ضلي ضلي وجهج يلطم بوجه هو زعلان ومأخذ موقف من أخته أنتِ شگو بينهم وتبجين بوجه الله وعباده عوفي شعليج منه يزعل يرضى شعليكم أبني وأعرفه زعله ثكيل لان محد يحسب حساب لكلمته وهو جبير أخواته وحضرتج ضربتي عرض الحايط يريدج عون طلعتيله فرعون حتى ما كلفتي على نفسج تأخذيله العشه
أسيا عمه على كيفج وياي مو رحتله گتله تعال اتعشى گال ما أريد شسويله بعد.
هاي هي گال ما أريد ما توديله ماتهتمين بي لو لان زعلان ليش الزعلان يعوفونه ما يهتمون بي مايسألون عنه.
عمه والله هواي دللته وأنتِ مطلعهه عينه عليه هواي ادققين وراي عليه ادري شمسويتله لخاطر الله.
ولا عليه بعد منج اله أسيل يمه صبيلي جاي
أي عمه صبيتلها وأخذتها الها كعدوا بالاستقبال والتلفزيون مشتغل على نشرة الأخبار ويشربون الجاي انطيتها وكعدت ها بهل الأثناء اجه عصام
عصام أسيل أكو چاي
أسيل أي عيني أصبلك.
عصام أي
وصال يمه تريد عشه أسويلك
عصام شمسوين عشه
وصال دجاج شوي ضميت حصتك اذا ما عجبك گولي أكوم أسويلك
لا يمه لاتعبين نفسج من العشه عادي
اي تدلل يمه أسيا احمي عشه رجلج وجيبي
أي عمه هسه
أسيل كعد بس يگلب بتلفونه ومروان وعمي يحجون بينهم علمود شغل المعرض والسيارات ومروان يأشر ب?اسه ويشوفون صور سيارات وأسيا جابت العشه وكعدت بصف عمتي وتعشى وكعد يشرب الجاي بس هادئ زين مو عصبي وجه مرح
كمال لعد من الصبح أتوكلوا.
وصال ليش خي? وين يرحون وين ادزهم
كمال شبيج يا عيني وين يرحون علمود شغل غير
علمود المعرض وادز عصام ويه مروان ما أكدر أدزه لوحده وعصام عليه الأعتماد
مروان أفا عليك سيادتك ترى الشغله أكظيها بساعه وأرجعلك صدك جذب الكدامك ذيب
كمال كلكم نفس الشيء ماكو فرق واحد عن واحد بس هذا أخوكم الجبير معرفته اقوى منكم ويعرف شلون يتعامل وهم سواقته مضبوطه أنتَ بسلامتك تسوق سريع، أي ولدي هاي هي ومن الفجر اتوكلوا.
عصام هذا هو سيادتك مثل ما تريد
وصال ما فهمنا وين يرحون.
مروان يمه نروح المعارض أربيل بشغل
وصال وشنو هالشغل؟
عصام غير علمود سيارات يا يمه
وصال ها خير أن شاء الله وتباتون ترجعون
عصام لا نبات وين نلحك نرجع هو بس الطريق يأخذ منا كل الوقت وأربيل بعيده تلفات الدنيا.
أسيل يحجون بينهم وعصام هو دخل عالخط ويناقشهم وشاف الصو? وطلع يحجي أتصالات وعمي واكف وياه يحجون سوه ومروان على الحاسبه وكومة أوراق ووصولات كدامه ويباو? بتركيز ومخلي باله كله يم الشغل.
وأسمع عمتي واسيا يحجن بينهم وأسيا تگول إلها
أسيا وعمه والله و?أسج فلا رايحين ل أربيل علمود يركبون سيارات ولا علمود شغل المعرض أكص أيدي اذا ما طلعوا رايحين يركبون نسوان!
أسيل صغرت عيني لمروان هو كبل حس وراسلني.
مروان شبيج يولي جنج فاره ممغوصه!
أسيل تعال أگولك عود صدك رايحين تركبون نسوان مو سيارات.
يولي من ضاحك عليج ولاعب بعقلج مقشمرج بالحجي ماكو هيج شيء
أسيا اسمعها تحجي ويه عمتي بس الله عليك أذا صدك مثل ما تكول أخذني وياك!
رب الحلو شتسوين ويانا
أشاهد صوره وصوت بلكي الله والنبي واطلك بإبنك واجيب وأخلص.
أخاف تصير عندج إثاره وين نولي نوب.
هو تصير إثاره ليش لا بس مو وكتها بس أجيب عود الله كريم الأ أفين حظك بإثارتي.
أويلي الله أنتِ لسانج ما بي بريك
أي والله وأنت هم صاي? حجاره
لا اله الا الله هاي أنتِ تتحارش علني غير ادير بالي عليج ما تجوزين مني
محد طالب منك ادير بالك.
أستغفر الله سيدرا نامت بحظنج وأنتِ تدردمين عليه.
والله لما لساني جان من زمان أنتَ شامرني من السطح.
ليش لازم شافعتلج جفصاتج يمي.
الدليل أجفص بطنك وانت العبد المسكين تستقبلها بإريحيه وما تضوج مني.
لأ أحبج واتحمل خبالج.
مو بكدي انت ما تحبني لو تحبني اطبق قوانيني
الا وهي ما هي قوانين مدام مروان؟
ما يمر يوم وما تگولي حلوه لازم يوميه تگولي حلوه ما أرتاح اذا ماتغثني واغثك لازم يوميه الصبح تبوسني وتكول الحمدالله الله رزقني إمرأه صالحه
الحمدالله على نعمة العقل
تستهزأ حضرتك لازم ما عاجبك مروان.
لا حبيبي عاجبني عاجبني قوانينج اعتبريهن أتنفذن افا كم اسيل عندي
أي عبالي اكول حبيبي يعني ماكو هيج حجي يعني ما ترحون نوادي ليليه مو.
لا حبيبي وداعت عيونج وداعت سيدرا لبحظنج ماكو هيج حجي هاي مرام تلعب بعقل اسيا تريد تهجم بيتها وحايره شلون وأسيا أندفاعيه عود علاقة عصام ورافع قويه ولازم رافع اي شيء يسوي عصام وياه ماكو هيج شيء وأخويه وأعرفه ما عنده هيج دورب والحمدلله ما عدنا هاي السوالف المكسره وأكيد هاي مرام حشت?أسه وهاي صدكت بيها.
ليش قصدك مرام تنقل كلام كذب!
حبيبي مو كل كلام نسمعه نصدكه اكو بشر بس يحب يخرب حياتنا حسد عيشه لا اكثر واسيا تنغر بالكلام بسرعه ما تعرف البشر المخادع من البشر النظيف
ولو ما فهمت شيء لن بالي يم شورابك شلون تفتلهن بس المهم عجبني كلامك أحسنت يا شاطر
اي مو طالب عندج وماخذ عشره من عشره ما تجوزين مني
أحبك مو بيدي أحب سوالفك وحركاتك وجهك من يتعقج وتضحك وأنت تكتب وأركز بكل كلمه تكتبها.
رب الحلو من هاي نص كلامج سحك ما ينفهم جنه شار? بي طسات.
المهم أصل المعنى يله حبيبي اروح انوم سيدرا بفراشها وانت دير بالك على روحك.
أنتظري عيني هسه نصعد سوه بس خل يجون ونفهم منهم نكمل شغل ونصعد وأذا نعستي صعدي عود اني أجيب سيدرا.
لا حبيبي نصعد سوه أجه عمي وعصام وعاف التلفون وكعدوا يحجون بينهم وطلعنا لان صأر بيها حساب فلوس وشغل مهم ولازم نطلع وضلوا بس هما ثلاثتهم حتى عمار صعد لغرفته ومجد طلع كعد بالحديقه مروان سيدرا ابقيها مو
مروان عوفيها يمي أني أصعدها صعدي أنتِ وسدي الباب وراج.
أسيل طلعنا وأسيا تباو? ل عصام وما يباوع إلها مشينا وصلت الدرج واسيا نغزت عمتي
وصال أسيا گافي عاد جلبتي بهل السالفه.
أسيا ماشي عمه خلي يروح بلكي الله ويتلفگه مرض هذاك الوگت گوليلي أسيا كافي عاد ترى مرض الأيدز ماله علاج خاف تگولين ويجي من العلاقات المحرمه والسقوطيه إلى باجر يرحون يمارسونها واولهم أبنج الجبير أبو الك?م والجود تاليته يرگب نسوان.
وصال من خفت حلگج أي والله بس تنقطين أنوب عليه الأمراض عوذه عوذه تفلي من حلگج بابا شبيج خبله أنتِ ولدي وأعرفهم ما عدهم هيج سوالف رجلج قابل ما تعرفينه شجاه تخبل على عمره ولأن رافك رأفع لازم يصير مثله هذا عقلج شغلي لاتضلين توزين على خراب بيتج
أسيا ويصي? أنكس منه وگولي أسيا ما گالت خوش رايح معارض أربيل وسيارات شلون سيارات رايح للونسه.
وصال أستغفر الله وأتوب اليه أسيل يمه صعدي أرتاحي ما عليج من هالخبله مو أنوب أنتِ هم تكبين? مروان صيري عاقله بنيتي
أسيل لا عمه قابل ما أعرفه يله تصبحون على خير
عمتي ردت وأسيا ما ردت بس واكفه وتفتر وتباوع باب الاستقبال وتأكل بإظافرها وعمتي هزت?أسها ومشت لغرفتها واني صعدت لغرفتي أرتاح تعبانه، دخلت أخذت دوش ولبست ملابس مريحه ونمت واني غافيه ولا أدري بروحي غير حاضني ويبوس بيه ها مروان اجيت.
مروان أي لعد منو اليحظنج رب الحلو
ً منو غير حبيب روحي والله حبيبي أركصلك والبس الك أحمر واصبغ شعري أصفر والبس لبس مصري مال رقاصات بس لاتروح على نسوان غيري.
وشسوي بيهن أنتِ كل نسواني وأصلاً أني ما أحب هاي السوالف أنتِ تارسه عيني مكفيه وموفيه حبيبي
أحبك باسني بحنيه ونعست وحضني ونمنا كعدت الصبح يحجي أتصال وسيدرا نايمه كمت لبست ملابسي وهو لابس مكمل وشال أغراضه ها حبيبي تروح تقرب باسني من كصتي وطول بيها.
أي گلبي محتاجه شيء قبل لا أروح
لا گلبي گلشي ما أريد غير سلامتك
شتحبين أجيبلج وياي
ما أريد بس أنتَ
لا رايح ل أربيل يله عود أصورلج وأدزلج
گلشي لاتجيب ما محتاجه بس ترجعون بالسلامه گافي والله.
الله يسلمج يله حبيبي
باسني من شفايفي مروان خل أبوسك من رگبتك
تأخرت حبيبي من أرجع أشبعي بوس
عصام يله مروان وين ص?ت
مروان أجيت أجيت
أسيل نزلت وراه ومروان أخذ لفه من أيد عمتي أكلها على السريع باسته واني صافنه عليهم.
وصال دير بالكم من الطريق لاتخلي أخوك يسوق سريع من أتصل جاوبوني مو تخلوني على نار هذا هم التحاق تشلعون گلبي يله تردون عليه.
مروان تدللي يله فيمالا هذا عصام وين راح خبصني يله ويله وهسه أختفى
وصال روح هسه يجي وراك يمكن فات يرضي مرته ما تعرف أخوك وبگلبه الطيب ما يهون عليه يطلع وأسيا زعلانه عليه بس هي مو أدمي.
مروان حجيه لاتشغلين بالج بينهم هما يتراضون رجال ومرته عادي تصير ياما صارت.
أسيل غمزلي ورفعلي أيده وطلع وعمي كمال يم الباب ينتظرهم طلع ورد الباب وراه واني عمتي كعدنا بالصاله محضرتلهم الريوك صينيه اشكال بيها كعدت وصبتلي جاي وطلع عصام واسيا فتحت الباب وصاحت وراه.
أسيا عندت الا ت?وح ل معارض أربيل وأني أعرف ليش تريد ت?وح، بس أنتَ نكرت وأذا البالي صا? يا عصام عساك روحه بلة رجعه حشى گلب مروان عساك لا رجعت.
وصال عزه العزاج أسيا من خفت حلگج ولج تفلي تفلي أسم الله الرحم?ن عليه وعلى أسمه ولج ليش تدعين عليه ليش.
أسيا هو يعرف ليش أدعي عليه.
أسيل يباو? بنظرات خيبه وأنكسا? ما أعرف كلامها حيل مأذي أني من يمي قشعر جسمي مو عاد هو طالت نظراته وتالي جر حسره ومشى وعمتي لطمت على صدرها وتحجي على أسيا صارت نار
وصال شلون تدعين عليه شلون انطاج گلبج ليش ولج تدعين عليه حرگتي گلبي.
أسيا لاتخافين ما عليه شيء فايته أكمل نومتي وهو خل يكمل نومته يم كحابه.!
أسيل قاسيه حيل قاسيه دخلت وقفلت الباب حتى صوت المفتاح سمعناه وعمتي لزمت گلبها شبيج عمه.
وصال جيبلي كلاص ماي هاي فحطتني غضب? يومها لاتگول أمه واكفه لا أبداً هيج صلافه ما شفت
تدعي عليه كدامي من خفت حلگج يا أسيا.
أسيل جبتلها كلاص ماي شربت ودخل عمي بأيده اوراق وباوع على عمتي
كمال وصال شبيج أسيل بابا شبيها عمتج.
وصال ما بيه شيء يمكن ضغطي هسه أخذت حبابه وأرتاح لايضل بالك
كمال أسيل بابا جيبلي جهاز الضغط أقيس الضغط
أسيل أي عمي جبته اله وقاسه الها طلع مفول فد مره اخذت علاجها وتمددت ترتاح
وصال راحوا الله وياهم
كمال أي توكلوا الله وياهم ومجد ما كعد عمار بابا أنزل أمشي على أختك تتنظرك أمشي وياها بعقد المحكمه يله أبني
عمار اي يابه أجيت اسيل أحميلي الجاي فدوه.
أسيل حميتله الجاي جهزتلهم الريوك ونزلوا سوه تريكوا وعمار طلع قبلهم ومجد وعمي كعدوا جمعوا أوراق.
كمال تعال وياي لمعرض أكو شغل نكمله تساعدني بي ومناك نمر على جديتك دازه علينا علمود سالفتك أنتَ وشهد ولاتزعل ولا تهتم شهد الك وما تصي? لغيرك مستحيل أهضمك بس هسه خل تبرد السالفه ونشوف جديتك شنو أقتراحاتها
مجد تدلل سيادتك بس أغير ملابسي دقايق وأجيك.
أسيل راح غير ملابسه وطلع قبل عمي وعمتي متمدده ها عمه شلون صرتي شويه أحسن.
كمال لا زينه قست ضغطه أحسن وأنتِ هم ديري بالج عليها شجاج اليوم من الصبح مفوله علينا يله اخلص شغلي وأرجع أسيل بابا عينج على عمتج.
أسيل بعيوني عمو راحوا الله وياهم وغسلت المواعين ونظفت المطبخ ولملمت الصاله نظيفه بس تعزيل خفيف وعمتي صحت گامت طلعت لحم تطبخ لنا الغده وسمعت صوت سيدرا كعدت صعدت دخلتها الحمام شطفتها كامل وغيرتلها ملابسها وعطرتها يوميه نفس الروتين ريحتك فوحان حبيبي تضحكلي يمه فدوه وقربان وين بابا نخابره نشوفه وين صا?.
تعاي نخابر أبونا وين تلفوني كمت أدوره ولكيته وشفت ساعته بصف تلفوني تلمستها ولبستها والله لاگتلي خوش ساعه تم القط بنجاح من يقرأ من يكتب ساعه رجالي من النسائي بس والله حلوه.
أتصلت عليه مشغول غير أن شاءالله اكيد شغل تعاي سوسي تعاي حبيبي نحضر ملتزماتنا اليوميه لأن ما بيه أصعدلج وأنزلج وأبوج اليوم مو أهنا يبات فتحت الكنتور طلعت الها كم قطعه من اوكلها تبدع ملابسها والحليب والترمس وعلاجها وفيتامين كله جهزته بالسله مالتها نسحل بهل السله ها سوسي.
رجعت أتصلت عليه محد يجاوب أتصلت كم مره محد يرد ليش ما يرد مو بالعادة أحتمال عنده شغل عفته ورجعت امشط شعراتها سويت الها نخلات صغار وصورتهن دزيتهن لأبوها ما فاتح أنترنت! شعجب اتصلت أتصلت بحدود أربع مرات يربي شمرت المشط وتوترت گلبي كام يددك سريع خفت حلگي يبس ليش ما يجاوبني عصام وين رقم عصام دورته وأرجف ولكيته أتصلت عليه ما يتحصل! لااا.
يمه أسم الله يا ساتر سيدرا تعاي ماما خل اشوف عمي كمال بعدني أگلب بالأرقام وأسمع صوت صراخ وعياط عمتي من جوه
وصال يمه ولدي يمه ولدي طين ب?أسج وصال طين برأسج وصال تصخم وجهج يا وصال يمه ولدي ربي ربي عينك عليهم ربي لاتفجعني بيهم.
أسيل دمعتي بنص عيني ووكع التلفون من أيدي سيدرا أخذته وخلته بحلكها شلتها ونزلت اركض عالدرج نسيت نفسي حامل شسوي بي شسوي بي نزلت وعثرت جان وكعت على وجهي بس تمالكت نفسي وصلت عمتي كاعده بالكاع وملخه نفسها وعيونها دم وازهار تبجي وهشام يتصل ويفتر وازهار تهدي بعمتي تقربت عليهن شگو عمه ازهار احجولي شکو فدوه شصار ازهار حاجيني باوعتلي وكامت تبجي احجييييي شگوووو شصاير عصام ومروان بيهم شيء.
وصال أنتِ هم گلبج علمج مثلي ولج أسيل طين ب?اسي وبرأسج ولج أسيل عصام ومروان مگلوبه بيهم السياره ولج مسوين حادث يمه ولدي ما ادري بيهم عايشين ميتين محد يکولي محد يخافون عليه اني المن عايشه بعد شكو اعيش الله ياخذني وراهم ما اعيش ولا ساعه ولا ساعه.
أزهار يمه فدوه لعيونج گافي يله گومي لبسي نروحلهم ننتظر بالمستشفى يله بسرعه تحركن.
أسيل عاطت بينا وبالاخص عمتي لان فدمره صايره واني ارجف وابجي وسيدرا تباو? بالوجوه ازهار فدوه طمنيني برديلي گلبي ما بيهم شيء أمانه
ازهار ما أعرف أي شيء والله محد يجاوبني هسه هشام جاي يتواصل وياهم بس خل نمشي ننتظرهم يم المستشفى وسوده بوجهي عصام لحد الان ما مطلعينه من السياره يااا عزه امي شسمه هذا اسيا وين ليش لحد الان ما كاعده لج أسيا.
أسيل جلبت بيها عمتي ونفضتها من قميصها.
وصال أحجي ولج منو ما مطلعينه من السياره
ازهار يمه خل نمشي ننتظرهم لاتخافين ما بيهم شيء.
وصال أحجي ولج تجذبين عليه مو احجي احجي أخوانج عايشين مو احجي عصام شبي عصام شبي
ازهار سوده بوجهي يمه گولي يالله مروان طالع من السياره كدروا يطلعونه بس
وصال أحجي بس شُنوْ وأخوج عصام وأخوج عصام ولج احجي لا اطر?اسج احجي هشام يمه احجيلي عصام شبي
هشام عمه فدوه لعينج گولي يالله وأن شاء الله ما بيهم شيء.
أسيل ازهار تبجي وتشهك واني دموعي تجري وهشام حجه لعمتي تخبلت تشيل بروحها وتركعها واسيا فتحت الباب العيون مورمه وما تدري شگو.
وصال كعدتي اي عيني شبعتي نوم نوم الهنا عروس اليوم عروس تحني حني ايدج عصام كبرتي نومتي خوش نومه من نامت عليج طابوكه من نمتي لاكعدتي الله ياخذح وخلصني من لسانج.
أسيا بصياح شگوووو شگووو عصام شبي ازهار ازهار عصام شبي عمتي ليش هيج تحجي ليش تبجون عصام شبي أزهار أسسل أحجوا عصام شبي.
أسيل حجتلها گلشي وأسيا واكفه جمدت وكل جسمها يرجف عبالك گلبها يريد يطلع من صدرها وكامت تضرب على وجهه بخبال واني بس ابجي ونار مشتعله بصدري وسيدرا صافنه عليه.
أسيا لااااا لاااااا لااااا عصام يمه سوده بوجهي يمه طين برأسي يم صخام الصخمني وجع ينام بگلبي ومرض يسلني كون مرض ما أكوم منه يمه عصام يمه گلبي يمه عصام يمه روحي يمه بيتي.
أسيل نبجي وياها وهي ملخت نفسها ادك وتلطم على وجهه وعيونها وازهار احسن وحده بينا صاحت بينا وتنفض بيها واسيا خربت علينا
وصال عوفنها خل تموت موت جلاب السود نامت لا كامت كله منها بس تدعي عليه ليل نهار تنقط من نقط ملك الموت بلحكج وخلصني من لسانج تدعي عليه تكوله الله ياخذك عساك لا رجعت عبالج ما اسمعج من تدعين عليه ما اسمعج وهو ساكتلج يحبج سوده بوجهي يمه لان يحبها ما هضمها راح وخاطره مكسور منها.
ولج شسوي بيج بعد?أس سليمه هي وعمها بس يفتلون على?أسي كله من عمك ابو الفتايل يدورلي معارض وماليه شسوي بالماليه شسوي بالمعارض شسوي السيارات والفلوس شصخم بيهن طين برأسك يا كمال اخ لو الزمك الا اشرب من دمك وهاي وخرنها من يمي لا اكوم أبتلي بيها.
ازهار يمه خلص مو وكته هالحجي احنه بيا حال يله كومي نمشي جان هسه واصلين اسيل فدواتج ركضي عبايتها وشالها وعلاجها وانت هم لما اجيب.
ل اسيا عيني فدواتج ترة اني هم ظهرري مكسور
أسيل مسحت دموعي اي أي خليت سيدرا بالكاع وهشام كعد يم عمتي حضنته وتشهك وتبجي اخذها بحضنه ويهدي بيها
هشام عمه گولي يالله أدعيلهم فدوه لعينج ادعيلهم.
وصال ولك يمه ولدي هذول ولدي شحمة گلبي ولك يمه عصام ولك يمه مروان يمه من بابا الحوش تصيحون عليه وينج يمه ولكم يمه اني بالمطبخ ولكم يمه تموت أمكم المن عايشه يمه ولا تنضرون يا بيتي أنتوا يا أهلي وحالي ومالي يم گلبي يمه ولدي يمه عصام ولك يمه مروان نكسرت ركبتي ساعه خليتكم ترحون على هالشغل الأكشر تصخم وجهي.
أسيل جبتلها عبايتها وشالها لبستها وجنطتها بيها كل علاجها هشام سندها كوه تمشي واخذ مني جنطه واني انثولت وازهار لبست اسيا وتشمره وتصرخ وتضرب على وجهه بقوه تضرب نفسها
اسيا اني اني اني دعيت عليه نكص لساني الله ياخذني موت يلفني شگو عايشه موت ياخذني
أسيل ضربتها راجدي تريد تصيحيها لفتها بالشال ولبستها وعاطت بيه.
ازهار امشي لبسي عبايتج تحركي اسيل ليش لحد الان ما لابسه لو ادري هيج جان كبل طلعت بوجهي لكركوك وغصبا عليجن تجن بملابس البيت اني كلبي نار اريد اروحلهم اطمئن عليهم تحركن عاد
أسيل صعدت مثل المخبله طلعت عبايتي لبستها وشالي وشلت أغراض سيدرا وجنطتي واجتني ازهار اخذتهن مني ونزلنا سوه اسيا بصف عمتي وجود بحضنها تبجي حاضنه امها اسيا انتهت راح تموت
وعمتي ادك على رجليها واني افر ب?أسي ازهار مروان.
ازهار امشي فدوه لطولج امشي اللي فهمته مطلعينه بس عصام لحد الان جاي يحاولون وياه سوده بوجهي يمه گلبي يمه خيي
أسيل كامت تبجي وهشام حجه وياها علمود البيت وعافنه صعد قفل كل الغرف والبيت كومه مفاتيح جابهن واجه خلاهن بالسياره وشغل وطلعنا وصى الحراس على البيت وتوجهنا لكركوك
وبالطريق عمتي تحجي.
وصال شسوي بالبيت والمفاتيح عساه بالهجم والخراب شسوي بي بيش يفيدني البيت اذا ولدي صار عليهم شيء اني اسكن بالشوار? ما اكعد بيت بعد من انعل البيت لابو صاحب البيت كله من عمك ابو الفتايل عمك الكواد يفتل عليهم مثل المكوك.
شلع كلبهم دخلهم كليه عسكريه صاروا ضباط وخله جمره بگلبي من يلتحقون لما ينزلون اني فاكه أيدي واندعي الهم يردهم سالمين لگلبي مية فكرة مية حسبه بالي مخليه دمهم بجف أيدي جنت خايفه من العسكريه تالي بحادث يمه سوده بوجهي ولج اسيا طين برأسج طين برأسج رأس سليمه ولج شلون تخلينه يطلع من البيت مهضوم منج وخاطره مكسور خنت حيلي وجهه وعيونه گبالي شلون يباوعلج بحزن يمه تنعمي عيون اسيا ولا أشوفك حزين يمه خاطره مكسور وضايج ومقهور صارله ايام يكتم ويأكل بروحه تالي ما توزان على سياقه وكلب سيارته هو السايق مجد گالي هو اليسوق جن حسيت گلبي علمني من هاي سليمه نطقت غراب البين يلوف على?اسها من خفت?اسج خفت.
أسيل اني بالوسطه من وراي ضربتها على?اسها وجرتها من شعرها من نار گلبها عاذرينها وهي بس تبجي وازهار عاطت بيها
ازهار كافي عاد احنه بيا حال وكت معاتب ما تشوفينها شلون حالها وجهالها بحضنها يتصارخون ادعيلهم ما بيهم شيء ليش تفاولين عليهم بالموت سكتي رحمه لاهلج يمه سكتي.
أسيل عمتي سگتت واني شايله سيدرا كامت تبجي جاعت بس اني طكيت انحصرت مكان ضيك ازهار الله ينطيها اخذتها سوتلها ممه رضعتها.
ازهار هشام أطبك السياره خل اسيل تجي ليكدام خطيه حامل مكان ضيك يله تعاي عيني يمه تقدمي على اسيا
وصال ما اكعد بصفها تعاي انتي كعدي خفت شكلها الله ياخذها هي دعت عليه وكالت حشى گلب مروان وهذا مروان كالوا طالع وعصام بعده
يمه ولدي يمه سوده بوجه امكم
ازهار أستغفر الله واتوب اليه على هالسالفه هاي جلبتي بيها عوفيها لخاطر الله بس سكتي رحمه لاهلج.
أسيل كوه فضت ومشينا وفتحت تلفوني طلعت ادعيه وكعدت ادعي ودموعي تجري يارب طلعهم سالمين غانمين واحفظهم النا ما خليت دعاء ما دعيته وابجي يارب والله اموت وراه يارب ما عندي غيره هو اهلي دنيتي الحلوه ادعي بهمس وابجي واسمع صوت ازهار تبجي وغزل بحضن ابوها وهو يسوق وكرم يبجي ما سكت أبداً.
كرم بصراخ ودموع بابا بابا.
اسيا ما النا حياة من بعد أبوكم احضنكم ونشمر نفسنا للموت نلحكه المن نعيش يمه المن اعيش المن مالي لا عمر ولا حياة اذا ابوكم صارله شيء.
أسيل مأسات ما تنحجي صعبه تنوصف جهال تبهذلوا ويانا واني وكرشي اسحل بجنطتي وسيدرا بحضني وصلنا باب المستشفى كالوا بالطريق راح يوصلون عمتي كعدت بالكاع كامت ادك على وجهه.
وصال ماطول لحد الان ما واصلين المستشفى يعني موزينين وعصام ما طلع منها ليش لحد الان ما جايبينهم المستشفى سوده بوجهك كمال طين براسج أسيا ليش لحد الان ما جابوهم المستشفى ليش واحد منكم يگولي ليش تأخروا ولك كمال طين برأسك اذا ولدك صا? عليهم شيء يمه ولدي ربي طالبتهم منك ربي لاتحركلي گلبي عليهم.
أسيل وضعنا وشگلنا يبجي حتى الصخر ازهار انفجرت تخبلت فقدت تصرخ وادك على وجهه واسيا ميته لا ايد لا رجل بس عيونها تباوع بيهم تباوع الطريق واني لزمني الوجع كمت أموت ازهار اخذي مني سيدرا ازهار راح اموت محد باوعلي لويات تعصر بيه وسيدرا تصرخ جاعت.
وسمعنا صوت الأسعاف وصلوا لو گلبي تقطع ريتني أني يمه يروحي يمه گلبي يمه مروان مروان ركضت وادفع بطني وصارت هوسه والدنيا نكلبت طبگت كومه سيارات كل كرايبنا والامه العربيه والعشيره كلها والامن والجيش واني ادفع وأتوسل بيهم خلوني اشوفه بس خلوني اشوفه مروان مروان
فتحوا الباب نزلوا عمار ومجد واسمعهم كالوا.
هذا مروان فرفحت روحي مروان بس خلوني اعبر الله يخليكم بس أشوفه مروان حصروني وكومه زلم شافتني ازهار اخذت مني سيدرا وسحبتني وراها وشفته نزلوا السديه وجهه بي دم ويصيح
مروان عصام وينه عصام وينه ليش ما تحجون عصام وينه أخويه عصام لك أخ گلبي أخ يابه ولج يمه
عصام عصام ولج يمه عصام نايم حاجيته ما رد عليه ولك خويه.
أسيل سحبوا وهو يضرب على?أسه ويصيح أسم عصام بهل الاثناء طبگت الاسعاف الثانيه واهنا بدأ العياط اسيا هجمت على الباب ادفع بيهم وسحبها هشام وعمي كمال اخذها من هشام حاضنها وتبجي وتصرخ
اسيا عمي فدوه كولي ما بي شيء عمو فدوه اروحلك عمو خليني اشوفه عصام عصام.
أسيل ما خلوا أحد يتقرب الدكتاره يصيحون والامن يدفعون وضربوا طلق بالجو منعوا احد يتقرب بس هما
مجال مجال خل نشوف شغلنا رجاءً ابتعدوا.
أسيل نزلوا السديه وجهه ما بيين من الدم قميصه أبيض صاير احمر ومغمض عيونه وايديه راخيات والدم يصب منهن سحبوا وكرم فلت من حضن مجد وجلب بأيده ويصرخ واسيا طفرت من حضن عمي كمال ولزمت ايده وتصرخ
اسيا عصام عصام لاتعوفنا عصام اني وجهالك نموت وراك عصام لاتعوفني فدوه عصام حبيبي
كرم بابا بابا فدوه لاتعوفني بابا لاتعوفني بابا.
أسيل مجد اخذه واسيا راحت وراه وشالها وكع وشعرها ويه ظهرها يسحل نست نفسها ونست كلشي الله يعينها ويعين گلبي وحتى مروان نسيته يمه سيدرا وين لكيتها بيد هشام
هشام روحي على زلمتج ساكته يمي وين بيج روحي خيتي
أسيل الله يرضى عليك لحكتهم كلهم تبخروا ماكو احد واني وحدي دخت افتر بالمستشفى وما اندل گلشي وينهم يربي مروان وين أخذوا شفت ازهار تحجي هي والممرضه ها ازهار مروان وين عصام وين اخذوا كامت تبجي.
ازهار مروان تلكينه بهذ الممر يضمدون اله اني رايحه على عصام انتي روحي على مروان
أسيل وعصام شبي
ازهار ما كالوا محد يحجي اخذوا من عدنا يمكن دخلوا غرفة العمليات لان وضعه مخطر.
أسيل يارب ما بي شيء مشيت شفت عمي فاضل ورافع واكفين يم الباب ما يخلوني لان هوسه اثاري حادث سياره ثانيه بيها عائله هم دخلوهم كلهم جرحى بس المتأذي الوحيد عصام اجه عمي
ها عمي مروان شلونه
فاضل لاتخافين بابا ادعيله.
أسيل فدوه عمي خل ادخل يمه اشوفه
فاضل ما يخلون ما تشوفين الجرحى والعائله الثانيه متصادمين وياهم ابوهم حالته خطره.
أسيل يمه گلبي بجيت وعمي أخذني وعيوني ضلت يمه ومشينا اني وياه وشفناهم كلهم مجموعين علمود عصام وكفت بصف أزهار تبجي وتفرك بإيدها وعمتي كاعده بالكاع واسيا وجهه يذب دم صاير ازرك عيونها منفخات وشفتها من كثر ما لطمت خطيه.
وضلينا كاعدين وفزينا على صوت عياط وشفنا العائله الثانيه ابوهم مات نكلبت المستشفى بس صراخ وعياط وعمتي تبجي واسيا باوعتلهم وكعدت بالكاع تلطم وكع شالها تضرب على وجهه بكل قوتها واجو عمار ومجد وازهار وهي ملخت نفسها.
أسيا عصام عصام ربي لاتفجع گلبي فدوه لعينك يالله ردلي عصام
أسيل لبسوها شالها ورفعوها من الكاع واخر شيء عمي كمال سبحها لحضنه وهي تصرخ بحضنه.
كمال كافي بابا كافي أدعيله بابا ادعيله هو محتاج الدعاء ادعيله لخاطري ادعيله لخاطري بابا
كمال بابا بابا شلون ما ادعيله عصام هو أهلي كلهم
أسيل يبجي وياها وصدره يرتفع وينزل من العبره وهناك وكعت اسيا من حضن عمي كمال أسيا
ازهار بصراخ عمار مجد بسرعه شيلوها.