رواية بين قلبها وعينيها كبرياء للكاتبة شمس العراقية الفصل الثامن والأربعون

رواية بين قلبها وعينيها كبرياء للكاتبة شمس العراقية الفصل الثامن والأربعون

أسيا دخلت كعدت انشف شعري وامي دخلت عليه عصبيه وتحجي شگو شبيج معصبه
فوزيه شنو شبيه مو حجيت وگلت عيالج راح يجون عليج شو ما مهتمه وكاعده كومي لبسي عالسريع يله تحركي
ما اكوم ورجعه ما ارجع
شبيج أنتِ وليش ما ترجعين شو رجلج يباوع على حلكج وعيالج يحبونج ومشترينج وين تلكين مثلهم احمدي ربج على عيشتج يمه غيرج شابعه تكفخ من رجلها وعيالها.
لا اله الا الله
محمد رسول الله، يلا كومي لبسي راح يوصلون.

ذبيت المشط بعصبيه ولفيت شعري وشمرت الشال بأهمال وغيرتلهم ملابسهم كشختهم وادردم والله اذا جاي وياهم فلا ادخل ادزلهم جهالهم وبس
دره عيالج وصلوا كملتي.
أسيا اي كملت كرم طلع يركض عليهم واني شلت جود ومشيت ويه دره واسمع اصواتهم بالحوش ابراهيم وامي طلعوا الهم بس ما سمعت صوته؟
فوزيه يله فوتي سلمي عليهم
أسيا منو اجه
فوزيه عمج وعمتج
أسيا وهو
فوزيه ما جاي.

أسيا ماشي يصير خير مشيت عصبيه دخلت سلمت عليهم واخذوا جود مني كعدت بصف امي وتكرص بيه وتغمزلي
كمال يابه شلونج
أسيا الحمدلله عمي زينه
وصال والله البيت فارغ وعبالك شايل من دونج أنتِ والجهال واحنه نباوع عليج وعلى عقلج وأنتِ خوش مره وكسري الشر وامشي ويانا حبيبتي.

كمال شوفي عمي اني لحد الان ما متدخل بمشاكلكم من تزوجتوا لحد الان لن كل رجال ومره تصير بينهم مشاكل ومصيرهم يرجعون ومرات اكو مشاكل ما تسوة الواحد يخرب عيشته علمودها ومرات لا والله صعبه تعديها بس من تصفنين على وكتج عندج اطفال اثنين ودائماً الطفل يدفع ثمن اغلاط اهله ولجل عين تكرم الف عين.

واني ساكت صار شهر كلت خليهم يأخذون وقتهم ويصفون أفكارهم وكلت هما يرجعون ولازم واحد منكم يتنازل لطرف الثاني بس الجاي اشوفه اثنينكم ميسبين رؤسكم ومعاندين وصار لازم اتدخل وافض هالنزاع والزعل وارجعكم
اسيا عمي كلامك على?أسي بس رجعه ما ارجعله مستحيل هالشيء يصير هاي هي بعد كلشي أنتهى.

كمال حقج يا بنتي حقج واعرف تنازلتي هواي وابني مو ادمي واعرف محد يتحمل اطباعه غيرج وأنتِ أعقل منه واحنه ياعمي ما رايدين خسارتج مو علمود الجهال لا والله يا بنتي عادي كل اسبوع ندز عليهم ونشوفهم بس المثلج ما تعوض وبنت الأصل حرامات خسارتها.
أبراهيم عمي جيتك على?أسي واسيا بنتكم وهسه تلبس عبايتها وتمشي وياكم ولجل عين تكرم الف عين مو اسيا.

اسيا من بعد اذنكم عمي عمه جيتكم عزيزه وجبيره عندي والها قيمه هواي وعمي كلامك على عيني و?أسي وأنت بمقام والدي الله يرحمه الله شاهد اعزك وعادتك أبويه بس الموقف اللي الصار ما اكدر اغفره وانسى واعدي كأنما شيء ما صار واني لن تنازلت أول مره هو ما قدر قيمتي عنده واني ما اكدر بعد اصيرله زوجه واني شعلتله اصابعي عشرتهن لهنا واكتفي بالكلام وكلشي ينتهي والزم ما عليه كرامتي وياريت تبلغونه يمشي بإجراءات الطلاق.

إبراهيم أسيا ابويه شنو هالحجي گولي يالله وهل المشاكل تصير بين كل المتزوجين ولازم واحد منكم يتنازل
أسيا وهو ليش ما تنازل ليش لازم اني أتنازل وأبادر بالصلح وهو كرامته عزيزه عليه وكرامتي رخيصه ليش لازم الطرف الثاني هو اليضحي ويسامح وينسى ويغفر الأخطاء ويفكر بالأطفال ليش يعني لازم أكون شمعه يعلك عليها اغلاطه وعادي مكمل حياته وبكرامته واني كرامتي ما ألها اعتبار هي هيج العداله.

كمال حجيت وياه معند وما اجه ويانا واني حرت واحتاريت بينكم واجيت كلت أنتِ العاقله وأعقل منه بس دام هذا قرارج هذا هو بنيتي على راحتج يله وصال كومي.
اسيا كمت عليه وبسته من?اسه عمو أمانه لاتزعلون مني وجيتكم كلش عزيزه عليه بس اتمنى تفهموني يعني هو الغلطان وهو الزعلان يعني فواكاها بجيت وحضني وحضنته وبجيت على اكتافه والله عمي صعبه عليه خسارتكم انتوا أهلي أنت ابويه بس رجعه ما ارجع.

كمال وأنتِ بنتي وعيونج الا احرك گلبه الا اتوبه وعصام عليه بس طلاك ماكو شيلي الفكره من?أسج خوش بابا.
أسيا عمو ما اكدر بعد خلينا ننهي گلشي هيج أحسن النا
كمال والله يا عمي هو معاند لا اجه ويانا ولا يريد يطلگج ما ادري شتردون انتوا ولو جايبه وياي والله فلا تحجين هالحجي هذا غير گبل تمشين ويانا.

أسيا ضحكوا كلهم وطلعوا وعمتي باستني وفتحت الجنطه خلت بيدي مصرف وباست الجهال وكرم كام يبجي عليهم ويريد يروح وياهم.
كرم اروح وياهم أريد بابا وعمو مجد بيبي اخذيني وياج.
وصال يله تعال هو ابوك هم كال اذا يريد يجي جيبي وياج
أسيا لازم متأكد ما راح ارجع وياكم
وصال اي يعرفج عناد و?أسج يابس الله يهديكم ويثبت عقلكم يله بيبي امشي ويانا عود أخابرج فتحي تلفونج لاتضلين غالقته.

أسيا ماشي عمه طلعوا وعمو وأبراهيم واكفين يحجون وأول مره يسولفون لن علاقتهم بس ويه عصام وابراهيم مشه سريع واجه بيده فايل انطاه لعمي وسلموا وراحوا وابراهيم وجه يضحك
فوزيه هاا يمه شو وجه يضحك وفرحان فرحنه وياك
أبراهيم بلكي الله سألني على شغلي وحالتي وكلنا عايشين بالبيت سؤال وجواب وشنو مكمل دراسه وكالي تدلل.
فوزيه يالله يالله يا كريم بلكي يوظفك اي شيء مهم راتب.

أبراهيم الله كريم يمه والله عمج وعمتج عجبني موقفهم واكفين ضد ابنهم وياج هيج ناس ارضى اعيش وياهم على الخبزه بابا باعي عليهم وعصام
هو من يومه اعصاب واطباعه صعبه قابل ما تعرفينه صارلج عمر وياه احفظي اطباعه ولو ما اعرف اساس المشكله ما حجيتي النا ولن شيء خاص بينكم بس صرت حافظ مشاكلكم وأسبابكم تافهه مو مقنعه.

مع ذلك اخذي وقتج وفكري ما راح اجبرج ترجعين الا هو يجي بنفسه يرجعج بس مال طلاك شيلي هالفكره من?أسج هواي اكو اسباب مو مقنعه تخربين بيتج وتنهين زواجج علمودها والمرأه تبني المجتمع وتشكل أساسه بصبرها على الضغوطات وتحمل والتغلب على كل المشاكل لن هي الصبوره والحموله.

و مو لن عمج دك صدره يوظفني وعبالج اكولج رجعي علمود هالشيء لا والله اني كظيت عمري بالعماله والحمدلله العيشه دابره ومستوره بس الناس المقدرينج لاتبيعينهم بهل السهوله ولاجل عين تكرم الف عين.

وهيج عيال وناس حموله واوادم وبهل الوقت قله تلكين منهم وقله تلكين العيال ويه الجنه ضد ابنهم وأنتِ تربيتنا وندري بيج إنسانه واعيه وفاهمه وعقلج جبير ونفسج وكرامتج عزيزه وكلنا ربينا بالتعب والحمدلله تربيه ونعم التربيه واني ما متعاجز منج أخليج بعيوني طول عمري هذا بيت أبوج مفتوح الج كل العمر واحنه أخوانج كلنا وياج بس فكري زين يا أختي يا ام ك?م العلم.
أسيا خلص كلامه وطبطب على أكتافي ومشه وبقيت ساكته.

فوزيه أخوج حجه وبعد أنتِ أدرى بمصلحتج ما نضغط عليج أخذي وگتج وفكري زين.
اسيا ما جاوبتهم وشلت بنتي ورجعت الغرفه ماشي يا عصام معاند وما اجيت وما تريد تطلك ولا حضرة جنانك زعلان عبالك اني غلطانه بحقك
بس اهاا اذا رجعتلك أصبرلي يا عصام اخاف عبالك تعرفني لا هالمره ما اخليك تعرف اي شيء عني الا اخليك تجدي السؤال عني جداوه واخليك بحصرة أخباري دصبرلي من عيني.

كمت طلعت الشريحه مالت التلفون وضميتها وسجلت الخروج من كل الحسابات وحذفتها علمود لا يصيرلي فضول واسجل دخول بينما يشتغل فضولي التطبيق ممسوح وبينما انزله يرجعلي عقلي وعسا لا رجع ويضل مخبل ومطنكر طول العمر اصبرلي عليمن على أسيا يا عصام.

حتى حملي ما ابلغك بي ولا اكولك وأنت الماكو واني بيت اهلي وأنت طز بيك عسى ما تلفيك الشوارع ما يهمني بعد غصباً عليك توفرلي مصرف اللي ولجهالي ولا تطلك بعد احس ابقى حارگتك ومشعوطتك واني بعيده عنك
وفعلت وضعية التجاهل ومنا وهيج أعيش واتنعم بحياتي من دونك وأنت الخسران اني خسارتي ما تتعوض اني أسيا الزم ما عليه كرامتي.

ازهار كاعده أنتظره يجي وامي تجهزلي نفس كل مره تتسوك اليه مسواك كامل من كلشي وهالمره كثرتلي مليت وأتصلت عليه وين صرت.
هشام خلصت بانزين ربع ساعه واجيج
والبانزين هسه يله يخلص
مشتاقتلي ما تصبرين ربع ساعه واني يمج
لا
وجعا لعد شگو تسألين
اسأل لن ما احب الانتظار
وصلت
ماكو وينك
ليش مكابله الكاميرات
لا
لا واضح يله اطلعيلي
باوعت الكاميرات نزل ويباوع على الكاميرا وهزلي أيده خبيث ماما هشام وصل.

وصال اي مجد تعال ماما طلعهن وياي
مجد هاا راح تغادرين أنتِ وابنج حرامات
ازهار اجي ما اطول عليكم ضحك وشالهن وطلعت قبلهم سلام
هشام وعليكم
ازهار شو سلامك مكطوم
مثل سلامج
شو صاير خبيث
مثلج
يباوعلي ويتوعدلي بخبث وطلعت امي وعافني وسلم عليها وعلى مجد وضل واكف يسولف هو وياها ومجد صعد الاغراض ودعتهم وطلعنا باي ماما ان شاءالله فد عشرة ايام واجيكم
وصال هلا بيكم بكل وقت
ازهار ودعناهم وطلعنا باوعلي وجهه مزعوج.

هشام عشرة ايام واجيكم تنطين كلام بدون موافقه
ازهار توافق حبيبي توافق
ماكو هالحجي جلابه لاتنجبلين عليه كافي صارلج شكد يم اهلج شالعه كلبي
ما جاوبته لن ادري بي صاير بس يحب يعارك
ويامن احجي اني
نعم
ازهار.

شتريد هشام يعني جاي احسك تتحارش بيه وبس تريد مشكله ونتعارك عليها وشصار اذا كلتلهم عشره ايام وارجعلكم ترى مو القصد اني مسيطره لو فارضه كلمتي عليك لا احب اكولك اني لن اعرفك تحبني وما ترفضلي طلب وشايفه نفسي عندي مكانه جبيره عندك بس الظاهر ماكو كل من هالكلام.

سكتت وهو هم ضل ساكت ما حجه شيء وصلنا نزلت الاغراض كلها دخلتها الغرفتي وهنا يباعن بنظرات ما جاي الكه الها تفسير هو دخل وراي بدون كلام اخذ ملابسه راح الحمام.

كعدت اعزل وفرغت الفواكهه والاغراض مخليتهن امي وكعدت اخلي بالثلاجه ما ردت اعزل الهن لن كامن يفسرن بكيفهم وتالي كلت خاف يفكرن غير تفكير عيب كمت عزلت الهن وخليته على الكاونتر أيمان عيني هذا الكم وهاي الحلويات لجهال ما حجت ضلت مستمره تغسل على السنك استغربت وهنا كاعدات عبرتهن ودخلت غرفتي وهو بالحمام فتحت الكنتور ارتب ملابسي ودخلن ثلاثتهن شمرن كلشي عزلته الهن بالكاع والفواكهه وكلشي ترس الكاع ضليت فاتحه حلكي.

افراح عيب عليج هالتصرف احنه مو جوعانين تفوتين من يمنا بدون لا سلام لا كلام وانتِ محمله من اهلج وبعدين تتمنين عليه وتشمريهن على الكاونتر من ورا خشمج ومحسستنا عبيد وخدم عندج وأنتِ بنت السلطان.

هسه درينا أهلج ناس طاكين وابوج مسؤول بالدوله وأخوانج ضباط درينا ماليتكم ما تخلصها النيران بس ماله داعي هالتباهي كدامنه عود اهلي مدلليني شويه استحي يالفارغه الله لايشبعج بس الصوج مو منج الصوج من اخويه يوافق ياخذ من اهلج يتمنون علينا بكم فاكهه وبكم باكيت نستله وكت الاخ اخو مرته.

ازهار منو متمنن عليج حبيبتي ترى من طيب نفسي وحبي الكم أعزل الكم حصتكم وهذا من بيت أهلي مو غربه واللي حق بي ومحد متفضل عليه هذا من بيت وخير ابويه الله يطول بعمره
واذا أنتِ شايفه نفسج بمستوى الخدم والعبيد مشكلتج مو مشكلتي لن اني شايفه نفسي حالي من حالج محد احسن من احد سواء بنت المسؤول أو بنت الراعي شنو الفرق.

افراح منو بنت الراعي تعال هشام اسمع زوجتك شتحجي تكول علينا بنات الراعي شافت نفسها علينا بنت المسؤول بنت الدوله هي هاي الشكول جبتها وخليتها تعيرنا بفقرنا تالي ابويه راعي ابويه الشهيد راعي.

ازهار طلعت بالصاله كامت تصيح وتبجي هي واخواتها وهشام بيده منشفته واكف بنص الصاله باوع على امه نزلت?اسها ومشت للغرفه وايمان وجهالها بيدهم نساتل تقدم سحبهن منهم وتقدم دفعني من من الباب وفتح الثلاجه وطلع كلشي الفواكهه والكراتين نساتل وعلب الحلويات كلشي كلشي وشمره بالحوش ترس بي الحوش واني مصدومه بتصرفه اجه سحبني من ايدي قوي هشام ايدي هشام اني شعليه والله ما جان قصدي حجيت على صياغة الكلام ما قصدي اكولها هيج هي ما فهمتني خلاني بنصهن وصاح بعلو صوته وكال.

هشام گشايه من بيت أهلج ما تتدخل بيتي وتعيشين حالج من حالهن وتتقبلين واقعج مثلج مثلهن ماكو احد احسن من احد جنتي بيت أبوج عايشه بعز وبيتي تعيشين على كد حالج وحال العايشين وياج عنتره وشوفة حال ما اريد هذا العندي فاهمه هذا العندي هذا واقعي ومستواي عيشتي واني من اخذتج وافقتي بكل ظروفي والمفروض منج تتقبلين واقعج وتتحمدين ربج بس مال كاعده بيتي وتجيبين من قصر أهلج لا هذا الشيء ما يطيقلي وتعبت من المشاكل منا وهيج كلشي بالتساوي لا هذا ولا هذاك وكلمه زايده ناقصه منج او منجن اقضي عليجن والحسين الشهيد اجمعجن بغرفه اطلع قهر الدنيا كله بيجن من انعل اهلج لابو الحاويجن شلعتن كلبي...

ازهار عفتهم ورحت الحوش وكعدت اجمع الفواكهه المطشره كلها وبجيت لن ذب حركته بنعمة الله جمعت كلشي وهو يباوعلي من الشباك تجاهلته وغسلت الفواكهه خليتها على السنك والحلويات الما يفيد ذبيته والباقي عفته على الكاونتر ودخلت الغرفه اخذت ملابسي ورحت الحمام غيرتهن وشلت ملابسه غسلتهن واجيت اجفف مجفف عاطل شبسرعه عطلت ما يشتغل خليتهن بغسالتهن ورجعت الغرفه رتبت ملابسي بالكنتور وهو فتح الباب وطلع سگتت ما حجيت.

ولا راح احجي وياه
بقيت بالغرفه نفسيتي صفر واذن كمت اتوضى اريد اصلي ومن فتحت الباب ملابس هشام شامرتهن باب الغرفه استغفرت ربي وشلتهن ورحت نشرتهن ورجعت توضيت وصليت وهو ما بين عفته ولا سألت عليه وطفيت الأضويه ونمت بدون عشه.
ما اعرف شكثر مر وقت وأني نايمه كعدت على صوته يكعد بيه فتحت عيني واكف فوك?أسي هشام
هشام اي عيني هشام يله أكعدي تعشي جبتلج عشه وياي شلون كباب يلوك لهل الحلك يله كومي.

ازهار بالعافيه اكل أنت ما اريد نعسانه اريد انام
ازهار مشاكل بيت بينجن حلنها اني رجال اطلع من الفجر ما يجيبني غير الليل واكف على رجلي علمود العيشه وانوب اجي ارتاح والكه هل السوالف التعبانه
صارت سوالف تعبانه
أخواتي شسويلهن اعوفهن اذبهن لو اتبرى منهن وهنا ما الهن غيري وراهن دراسه ومستقبل ويردن مني وهذن نثايا امانة ابويه وخطيتهن برگبتي.

ليش هيج تصرفت نعمه الله شعليها تشمرها بالكاع هاي أنت الصايم والمصلي يعني فوك زيني وياكم تطلعني اني الموخوش أدمي وتصغرني كدامهن وتشمر نعمة الله جان تكدر تنهي الموضوع بالكلام تسحب اخواتك على صفحه وتفهمن لن الغلط بدر منهن مو مني عفتهن ورجعت عليه قسيت بكلامك وياي وهنتني وصغرتني.
ما هنتج شصغرت منج ترى رجلج مو غريب شدعواج ما تتحملين وحجايتي ثكيله عليج.

حجايتك مو ثكيله بس الطريقه الحجيت بيها والموقف اللي خليتني بي كدام اخواتك حسيت نفسي عندك ولا شيء، عفته ورجعت نمت وحسيته كعد يم رجليه واني بجيت اول مره اضعف وابجي لن حسيته كسرني رفع الغطا وضمني لصدره عوفني هشام عوفني
هشام والله ما اعوفج سگتي يله
ازهار عوفني ما أريدك عوفني هشام
لاتريدني اني اريدج سگتي يله
حجه بعصبيه وشد أيديه ولمني بحضنه ويبوس بشعري بقيت هادئه بحضنه وحجيت هشام خل ارجع لوظيفتي.

شذكرج بيها
تذكرتها وخلاص خليني أرجع
لا ماكو رجعه
ليش
گلت ماكو وخلص لاتلحين
رفعت نفسي لوجهه ليش ما تقبل شگو بيها قابل عيب لو حرام وأتعين بشهادتي قرب وجهه لوجهي وباسني من خشمي لاتبوس مو وكت بوس جاوبني على سؤالي صفن بعيوني وگال.

ماكو وخلص خلينا هيج أحسن ومالي بدوخة ال?اس وبعدين شيخلصني من الحجي عايش براتب مرته واكص من لحمي وما اخليج تحتاجين بس أفك ديوني اغركج بالدلال اعرف بنفسي مقصر وياج هواي وأني عدتج نعيش احلى ايامنا بس الظروف عكست ويانا وحقج عليه
مسح دموعي وضمني لصدره حضنته قوي يكفيني حبك واني اريد ارجع علمود ايدي على ايدك ونتعاون سوا ونكون نفسنا ولاتضل تشتغل ليل بنهار ومفاركني ومفارك اهلك حتى اني ما شبعانه منك.

بس هل كم شهر وبعدها مثل قبل اطلع الصبح وارجع الظهر هو ليش اني شبعان منج دوم عطشان الج.
حضنته من وجهه حبيبي فدوه وافق
أبداً لاتلحين فدوه لعينج يله كومي تعشي الكباب برد يصير مو طيب
كام فتحه
احمي واجهزه واجيبه ونتعشى سوه.

ماشي غمزلي وراح كمت غسلت ورتبت نفسي وتعطرت وفتحت الخانه طلعت الفلوس حسبت المبلغ كامل وخليته بظرف انطيهن اله يفك بيهن الدين فتحت الباب وطلعت وهو واكف يم الطباخ مخليهن بالفرن هاا حبيبي باوعلي وابتسم سحبني لحضنه.
اسف والله العظيم ما ردت اقهرج وأزعلج
بغرفتنا نتفاهم
ماشي
ابتعد وطلعته من الفرن جهزته وهو بصفي ومشينا الغرفه كعدنا بالكاع وتعشينا وهو يسويلي لفات شبعت عاشت ايدك كلش طيب.

عافيات على گلبج بالعافيه على وليدي وأمه
الله يعافيك شلت الصينيه غسلت المواعين ورجعت لكيته يصلي شلت الظرف وكعدت انتظره سلم واجه كعد يمي فتحت كف ايده وخليتهن بيده ما يرجعن أبداً وأي كلام ما اريد واني وياك واحد وهمك همي
مستحيل اخذهن رجعيهن هذن الج حبيبي خليهن
كتلك ما يرجعن فك بيهن ديونك وكون قريب مني
حضنته قوي لاتشغل بالك كلشي يتصلح وعلاقتي اني واخواتك راح اصلحها مهم ما تزعل وتنقهر وتكتم بداخلك.

گلشي بيج أحبه
گلشي بيه ألك
يروحي.
ضل صافن بوجهي واطال النظر في ملامحي في لحظه الشوك تلاشت الحدود بيننا واصطدمنا بحر من المشاعر بوسات خفيفة على خدي، تلاها بوسات أكثر عمقاً على شفايفي حيث تلاشت الأزمنة وكل ما حدث بيننا وتبادلنا هتافات الشوق والحب والعاطفه وانتهينا بحضن دافئ، ولمسات حميمية حيث شعرت بأنني في مملكة الحب، مع ملك قلبي.

مر أسبوع ماكو أي كلام بينا هنا بحالهن وأني بحالي أسوي اللي عليه وادخل غرفتي وهو فگ ديونه وكام يروح الصبح ويرجع الظهر وهذا احلى شيء على اقل يكون موجود يمي بس شفتها مطوله الى متى اضل هيج حابسه نفسي بهل الغرفه كمت رحتلهن كاعدات كلهن بالمطبخ يتريكن وخاله كاعده تلعب جهال ايمان عادي اكعد وياكم باوعتلي خاله وأبتسمت وأشرتلي اكعد يمها.
الحجيه اي تعالي بنيتي كعدي يمي أيمان صبيلها جاي.

أزهار كعدت بصفها وايمان قدمتلي الجاي قبل لا اشرب الجاي حابه احجي وياكم
الحجيه احجي بنيتي نسمعج.

أزهار أنتوا تعرفون اني وهشام حبينا وهواي عانينا واني من حبيته ما همني واقعه ولا ظروفه ولا شلون عايش كل اللي همني هو ومن وافقت عليه وافقت على كل ظروفه ومستعده اعيش على الخبزه والماي يعني ما مستنقصه لا منكم ولا من عيشتكم بالعكس حابتها ومتقبلتها وعادتكم اخواتي لن اني ما عندي أخوات ومن بعد اللي صار ومر عليه أسبوع واني عازله نفسي بغرفتي وجاي اشوف هشام ضايج ومقهور والصراحه اني كلشي ولا اشوفه ضايج ومهموم لهذا اجيتكم اعتذر منكم اذا بدر مني كلام وتصرف او اساءه بحقكم بدون قصد بس الله شاهد ما عندي فرق ولا شايفه نفسي عليكم وصح بابا رجل دوله بس ما علمنا على شوفة النفس علمني ورباني على كلشي زين والكبرياء اللي أنتوا شايفينه بين عيوني اني ما شايفته هذا انتوا شفتوا وثبتوا عليه اني مو متكبره ولا شايفه نفسي اني حالي من حالكم.

زوجة ابنكم وكم شهر بالسلامه ام حفيدكم.
الحجيه بنت أصل وعينج شبعانه وتربيتج متعوب عليها ونعم منج ومن مرباج سمعتن زين كافي مشاكل يمه.
أيمان لا ان شاءالله منا وهيج ماكو مشاكل وأزهار فدوه لعينها وين اكو منها ويا بخت اخويه بيج وربي يكومج بالف سلامه أنتِ وحفيدنا.

ازهار امين أبتسمت وخاله تباوعلي بفرح وايمان كذلك بس هنا وحده تباوع الثانيه نظراتهن بدون رضا خلصن وكامن كلمن على شغلها وكمت غسلت المواعين وطبخت الغده ولظهر اجه هشام أستقبلته هلا بيك حبيبي
هشام يبعد هشام وأهله فدوه لهل الوجه شطابخين ومنو طابخ
ازهار مركة باميه اني طبخت
هشام اويلي وطبخج اتغدى مرتين
واذا طبخي مو طيب
أنتِ حتى السم أكله من أيدج تعالي وراي.

لحكته الغرفه وأول ما دخلت حضني من خصري وتلمس بطني بكل حب وحنيه وفتح الجيس ثوب يجنن فدوة لكلبك وذوقك الجميل
يستاهل حبيبي لبسيها وامشي صبيلنا غده علمود اتغدى بيج.
حضنته وبسته من خده هسه لبستها وهو واكف يباوعلي هشام لاتركز
ما مركز لبسي لبسي قبل لايصير عليج هجوم كاسح
عوف هجومك بعد الغده
ما يصير قبل الغده.

لا ماكو لبسته وطلع يجنن واني سمنانه واكفه اباوع بالمرايا واجه حضني واخذنا صور سوه ولقطات كلها حب ونضحك ويصور بطني وحركات وكذا.

. عاف التلفون واخذ شفايفي وبادلنا القبلات واني بفترة الحمل نساوتي كلها صارت بي ادمنته هو وعطره وروحي صارت بي وكل يوم يمر يعيشني احلى ايامي على الرغم اخواته والمشاحنات التصير بس كمت ما أهتم واباوع عليه ما اباوعلهن واصبر وأتحمل لما تفرج هو وعدني ما يضل وضعنا هيج واني كلني ثقه بوعده لن هو ما يخلف الوعود التي يقطعها لي.

وتمر الأشهر وبطني برزت وحملي كبر وفرحانه بروحي أصير ام ورحت الدكتوره اني وياه وطلعت بيه بنوته وهو فرح أكثر لن يريد بنيه حبيبي شنو نسميها.
هشام غزل غزلي وحبي الج
ازهار فدوة لحبك كلش حلو يجنن هل الاسم خلص هذا هو صار أسمها غزل.
ثبتنا
ثبتنا
ربي يكومج بالسلامه أنتِ وياها كلشي ما أريد بعد
أمين يارب وكف السياره ونزلنا السوك شو السوك
نفتر بالسوك ونشوف ملابس الاطفال حاب اعيش كل التفاصيل التخص بنتنا وياج.

عمري نزلنا اني وياه ودخلنا محل ملابس اطفال ونختار سوه ملابس بنات وفرحانين ودعيت ربي يحفظه ويخلي إلى ويكومني بالسلامه اني وبنتي غزل.

أسيل مرات الحياة تقسي وياك من كل الأتجاهات وأني ولا أتجاه حن عليه من كلهن شبعت وتشبعت قساوه بس القساوه الأكبر جانت من أمي ما حنت ولا عطفت عليه ضليت بحاجة حبها والفراغ الخلته بروحي كبير وعلى الرغم الله عوضني بيت عمو كمال وحنيته وخوفه وسؤاله عني وأضافه حُب وأهتمام عمتي وصال بكلشي وتعلميها اليه بهواي أمور بالحياة جان ما عندي علم بيها وعلمتني على الصلاة اللي جنت تاركتها واصلي وكت وأترك وگت الا ان نصحتني وعلمتني وطورت من شخصيتي وعلمتني على الصلاه والتزمت بيها وما افوت ولا فرض وعلنت التوبه عن ذنبي اللي أقترفته بحق نفسي والدعاء والتزمت الاستغفار ركزت على هالجانب أكثر ما ركزت على علاقتي بمروان.

وصال قوي علاقتج برب العالمين تنصلح علاقتج بمروان لن الصلاح والهدايه من الله سبحانه وتعالى وادعيله بصلاتج دائماً خلي وثبتي ضمن دعائج دامج تحبين أبني وتعزينه ادعيله بالهدايه ولا تدعين عليه أعرف ابني غلط بحقج وحق نفسه بس لاتدعين عليه
وأثنيكم شركاء بهل الغلط العظيم وذنبكم عند الله جبير والله يغفرلكم أن شاءالله
والله هو گلبه طيب ويحب اللي يحبه ويهتم بي ويحن عليه هواي هو معوز حنان تعرفين ليش.

ليش عمه معوز حنان.

من جان صغير حيل وكح أوكح أخوانه حيل تعبني بصغره تصرفاته متنطاق حركاته عبالك واحد خبل يعاند وما يسمع الكلام اكعد انصحه اعلمه ما يأخذ نصيحه ولا يتعلم وجنت أقسي عليه واضربه لن حيل حيل تعبني وكمال ما متواجد يمي وبيتي لوحدي وهو يشد ويه أخوانه جان مسيطر وفارض سيطرته على عصام وعمار يعني تصوري عصام شكد هسه وكح وما ينجرع جان يخاف من مروان ودائماً جان يگولي أنتِ ما تحبيني بس تحبين عصام وعمار اني محد يحبني هو حبيب ابوه علاقته بأبوه عبالك أمه حامله بي تسع شهور بس ما يتواجد دائماً وبغياب ابوه يعاركنا واني اقسي اقسي عليه لن تعبني بشكل شيبني من وكاحته.

حتى عمج كمال جان يحجي عليه يكولي الولد دمرتي بقساوتج وضربج اله اكوله يا رجال هو كاع ما تشيله حتى كبر جدي نبشه وكح شسويله الا اضربه جان يكول ترستي عقد نفسيه جنت اكوله سوالف الكتب هاي لاتطبقه برأس ولدك يهز بأيده ما مرتضي وجنت ماخذه كلامه عادي بدون أنتباه لما بعدين كبر كبر ومروان الوكح صار هادئ وعاقل ومنعزل عن الكل عكس عصام جان فقير وهادئ من صغير صار وكح ولسانه يهلهل، وكتها عرفت التربيه والتنشئه من الصغر الها دوركبير.

كامت تبجي عمه ليش تبجين كل الامهات مثلج يقسون على اولادهم لن التربيه صعبه ولازم الام تقسي وتلين وتكسر وتجبر.

يمكن اني السبب بقساوته عليج ما نشأته تنشأه صحيحه ما أحتويته قسيت عليه بطفولته ما صبرت ولا تحملت وكاحته هي جانت مرحله عمريه وفرط حركه ونشاط والها عمر محدد وتتنهي بس اني صبري قليل وما صبرت عليه ولا مارست الأمومه بشكل المطلوب لما تشبع بداخله من قساوتي وفعلاً كلام ابوه تراكمت بي عقد نفسيه من الطفوله لن الاساس التربيه ما جان صحيح
يعني تحسسين نفسج ظالمته.

اي واني السبب بقساوة الگلب الشايلها ولا عبالج وما لاحظت التغيير عليه لاحظت وجنت اريد الكي سبب ومن شفتج كلت هاي الأنسانه توالمه لن طفله بلكي هو يحتويها وينطيها الحب والحنان اللي هو ما حصله مني الها بس الظاهر اني ظلمتج وظلمته
لا عمه لا هيج تكولين أنتِ احن ام لمروان.

ول اسيل وأبداً لاتخلين ماضي الطفوله يأثر على الحاضر ولا تربطين المواضيع بعضها وتقهرين نفسج علواه كل الأمهات مثلج يفكرن لبعيد ويعمقن بتربيه اولادهن ومروان هو من انخلق خبل ماله دخل تربيتج اله ليش عصام عاقل مو اثنيهم أنتِ ربيتهم.
الله يكملج بعقلج ويهدي عليج حبيبتي أنتِ
فدوة لكلبج عمه اخذنا الكلام ونسينا التمن كمت شفته عمه راح اعجنه طبخ
ماشي بنيتي كملي وجيبي علمود نلفها.

عجنته وكملته ورن التلفون مروان عمه أنتِ جاوبي
وصال الو يمه مروان
مروان ها يمه شلونكم
زينين الحمدلله شعجب شلونكم مو شلونج
غير أنتوا أهلي واسأل عليكم فوك ما أحن الكم واسأل عليكم
حن يمه حن واسأل منو مانعك
هو حنيت وجابني الحنين اي شتسون
جاي الف كبه يحبها گلبك ادري بيك تحب الخفافي ابو الاندومي
عاشت ايدج اي وحدج تلفينها
اي وحدي
هاا وأسيل وين لعد شعجب متساعدج
ما أريد مساعده مريتك فاهيه وبارده متفيد.

أسيل فاهيه وبارده لا گولي غيرها
أي
لا على بختج مرتي تأخذ من الكاع وصله
والله يمك مو يمي
وينها هسه هي
فوك صعدت تنظف
شتنظف شبي الفوك هو منو بي صعديلها خل تنزل يمج عوفيها خل تساعدج
ميخالف يله عندي شغل عطلتني
يله يمه كومي صعديلها.

شغل وعمل ما عندي أصعدلها دمشي طير على اسيل شو يله دروح شنو ما عندك دوام كل شوي متصل عليه خليني أكمل شغلي اسيل اسيل والله كرهت أسمها من وراك من كثر ما تسأل عليها وتسأل طبت الحمام وين أسيل راحت تغسل الحوش وين أسيل شصارت هل الأسيل متكولي يا امي.
هسه شطالب منج يا يمه لما مرتي
أسيل تضحك وتغمزلي
مروان صيحليها أريد احاجيها
وصال أسيل يا أسيل.

مروان يمه صوتج عوزج سماعه ومكبر صوت ادري جاي تأذنين حظ الكواد نصي الموجه عيني نصيها
أسيل هاا عمه
مروان هاا يبعد عمتج يمه كلاوتج عبريهن على شيطان البصفج مو على مروان دتنطيها التلفون لا اجيجن.
وصال دتعالي وين صرتي خبصني بيج
أسيل منو
وصال منو غيره مروان
أسيل تضحك وتغمزلي أخذته الو مروان
مروان سدي السماعه وامشي من يم أمي يله
أسيل هاا
صدك جنتي فوك لو بصف أمي
بكيفك
بكيفي
اي
وجعي التوجعج النتر هذا بطلي وأحجي عدل.

ترة ما حاجيه شبيك متعصب
من وراج غير من أتصل على أمي أنتِ تجاوبيني شسوي بأمي اني
ترة أمك
أدري أمي بس أني متصل عليج وأعرف شوكت أتصل عليها فه كلاوتج أنتِ وياها عوفيهن لن خابزج
جيبلي تلفون وأجاوبك
ماكو تلفون من تلفون امي وخلص شتسوين بي
ماشي هاي هي ما أريد بعد أحسن
هو منو جايبلج
دكافي جلبت بتلفون
هو راح أعوف التلفون وأطفر عليج وأجلب بيج
أي تغديت
لاتغيرين السالفه جاي ناكل
كمل.

أسيل وربج هسه انزلج وادبج عليج واطيح حظج قنادر.
هو أنت طلع الواحد عن طوره شسويلك أني
صياح بوجهي لاتصحين مو أدري بيج أنتِ ما تعرفين تحجين بس بالافعال شاطره شغلج بالفعل عشره على عشره
غير رجلي وأني مرتك وبحلال
هاا متطوره الأمور يابه
مو أنتِ محسسني عاهره عندك كلمه والثانيه تعيرني يالعلاقه لعبت نفسي منك من هالسالفه.
هو اني اريد تلعب نفسسج
لاتخاف لاعبانه نفسي
هاا
اي وغلاتك
ماطول حلفتي بغلاتي جذابه.

كيفك لاتصدك يله اريد ارجع اساعد عمتي مشغوله
بالليل أخابرج مو تنامين
شتريد مخابرني بالليل العالم نايمه شنو هالازعاجات
أسيل مو أجيج والله أسمج انسجياه كعدي عاقله عضلاتج لاتنفشيهن عليه لاانفشج
يله باي
فيمالا.
قطع الخط ورجعت يمها ودز رساله على الواتساب
أشتاقيت ل رگبتج لريحتج ل انفاسج الدافيه
ما جاوبته تجاهلته
مروانج يمج سريع الاشتعال.

فد سخيف حذفت المحادثه ودزلي سمايل بوس تجاهلته ورجعت الف الگبه ونسولف واذن المغرب راحت تصلي واني جهزت السلطه وصعدت صليت وطولت بصلاتي وضليت أستغفر وكثرت من الاستغفار وشلت سجادتي ونزلت واسمع عمتي تحجي وياه.
وصال مروان يمه نريد نتعشى والله صعدت تصلي بعدين عود خابرها يله الله وياك.
أسيل هاا يمه نصب عشه.

وصال عمج ما يجي معزوم يم عمتي الحجيه بس أنتظر عصام كالي بالطريق يا طريق يا هذا وينج أسيا تجين عليه وتضبينه صاير ما يلفي على البيت وكت جان من ينزل يضل مكابلها وكاعد.
أسيل صدك عمه شوكت ترجع.
وصال معنده ما ترجع وهو هم أعند منها وضالين واحد يعاند بالثاني عاد ياهو المنهم اليحن ويتنازل
اثنينهم عدهم كبرياء بالاخص أسيا كرامتها فوك كلشي ما تقدم احد عليها.

شايفه مره شهرين رقمها مغلق حساباتها حاذفتهن خلف الله على أمها اخابرها واسأل على الجهال وكرم سوده عليه يريد يحجي ويانا كاميرا تلفون جديته خطيه من هذن العاديات صرصور بس يخابر هسه الجهال شعليهم فتحي تلفونج هو هم ابوهم خطيه يخابر يسأل يحاجيهم كاميرا ما تفعل معنده
الله يساعدها ويهديها أعذريها بعدها مقهوره خطيه.

عاذرينها وكلنا وياها بس هم ما يصير ليني شويه لخاطر من خاطر والله اني كرم سوده عليه كاتل نفسه على الجيه كومي جيبلي تلفوني اخابرها.
كمت جبت التلفون طلعت الها رقم وأتصلت ودخل علينا عصام.
وصال كون تجاوبني
عصام منو
وصال عمتك
عصام يا عمه
كم عمه عندك عمتك فوزيه
فتحي سماعه فتحي.
ليش
دفتحي السماعه يا يمه
فتحت الو هاا ام ابراهيم شلونج عيني شلونكم كلكم الولد البنات الجنايين.

فوزيه هلا عيني ام عصام والله الحمدلله زينين انتوا شلونكم.
وصال الحمدلله بخير اسيا يمج اريد احاجيها اسأل على الجهال
فوزيه اي هسه اشوفها يمكن فاتت تسبح أسيا اسيا
أسيا اجانا صوتها تصيح بعصبيه
أسيا هاااا شتردين اسيا اسيا ادري ضايعه تصيحين عليه بالجامع
فوزيه هاج عمتج على الخط تريدج
أسيا عمتي الحب والحرب هاا عمتوا كيفك أخبارك
وصال خبالوا شلونج
من الله كتير منحيين انتوا شلونكم
الحمدلله زينين نسأل عليج يالكاطعه.

منو كاطعه اني اوفاا عليج عمه مو تتصلين عليه واحجي وياج قابل شبع
وتلفونج ليش ما تفتحينه وحساباتج اريد احاجي كرم كاميرا وخطيه ابوه يريد يحجي ويه ابنه
عمتي حبيبتي الطريق ما تبعده سياره تعالوا شوفوا وجه لوجه الكاميرا تظلم ويضل بس يبجي وينك على?أسي ويتنحس هو بدون شيء نفسيه مثل ابنج.
عليمن نفسيه ولج
علي ابنج العود ليش عمه عندج مانع لو أعتراض
لا والله أنتِ مجلوبه
أشكرج عمه انوب جلبتيني.

يالله روحي فتحي حساباتج اريد احجي ويه كرم
عمه خطي متوقف ومحذوفات والرقم مال دخول ناسيته ما يسجل دخول الا من رقم يعني هوسه عليه
فعلي خطج
هاا اي عود افعله اي اسيل شلونها
زينه تسمع صوتج
سلميلي عليها يله عمه من رخصتج جود تبجي
ماشي حبيبتي الله وياج
اسيل قطعت الأتصال وعصام راح اخذ كبايه يأكل وعمتي غمزتلي
عصام يله صبوا عشه جوعان
وصال يخسى الجوع يمه متروح بالليل نشوف الجهال ونأخذلهم مصرف وحليب وحفاظات.

عصام خل نتعشى والله كريم
اسيل عمتي أستبشرت خير وابتسمت خطيه بلكي الله يهدي ويروح وترجع أسيا صبيت العشه وكعدنا نتعشى وكملنا وعصام راح الغرفته وعمتي راحت تصلي كملت شغلي وصبيت كوب جاي ومروان اتصل ما جاوبته رجع اتصل عفته وتجاهلته وصعدت الغرفه شغلت التلفزيون على المشفر وكعدت اباوع المسلسل ومندمجه وأنفتح الباب انداريت مروان نزلت
مروان اي عيني نزلت وراح انزل أدبج عليج بكل أدب.