رواية بين قلبها وعينيها كبرياء للكاتبة شمس العراقية الفصل الثامن عشر
أسيل
كل هالايام المرت أني مبتعده حتى التلفون عايفته غثوني بكلامهم هو وحبيبته وصفنت عليه يعني واحد مثلك يحب وحده اخلاقها زز تفشر وتغلط ولسانها وسخ ششترجى منها انصدمت بي وبذوقه
لا والقهر حاجيلها عني اي طبعاً تحجيلها اكيد العلاقه قويه بينهم واني باقيه احبك لوحدي انوب القهر هالحب تضاعف من حجيت وياه حبيته غصب هالگلب حبه مو بيدي والله.
مسحت دموعي وأحس نار تلجع بصدري اشتاقيتله ابن الحلو فتحت معرض الصور مخزنه كل صوره صافنه بيهم وتفاصيل وجهه أخذت عقلي وگلبي ما كدرت اتحمل دخلت على حسابه من حسابي الاصلي بس اشوفه شنو ناشر لكيته ناشر صورته شگد ينشر صور هذا مبين يحب نفسه ويقدس تفاصيله من منشوراته ولبسه والكشخه مالته الغرور يقرأ تريليون بس حقك عمي نيالها عمتي وصال من خلفت هيج جمال وشخصيه بس لسانه متبري منه ومع ذلك أحبه.
دخلت التعليقات ما شفت حسابها ولا معلقه اله أستغربت شعجب بالعاده هي أول وحده بالتعليقات! ليكون عافته بسببي يله بعد احسن زين ما سويتي أصلاً أنتِ مو من مستواه شجابج عليه صحيح هو لسانه متبري منه بس مع ذلك الرجال يختلف عن البنت لازم تكون اخلاقها اسلوبها أرقى?.
طلعت ورجعت أكلب بدون واهس وطلع كدامي أخوي حارث راد على? تعليق مروان على? منشور ويحجون بينهم ومختلفين بالاراء حول المنشور وهو مصمم على? رأيه ولاحظت عصام معلق فقط ب لايك ومروان راد عليه علم ابو كرم وعلاقتهم حلوه صفنت بكلامه وأسلوبه والرد مالته ثكيل ثكيل گبل حفظت المنشور واجت أبالي فكره بخصوص المنشور.
جنت مسويه حساب جديد من فتره سويته بس غالقته وصايره هواي اسوي حسابات وهذا الشي ما احبه كلهن حذفتهن بسببه وهذا اخر حساب ونشوف تاليتها وياك يا مروان!
دخلت عليه وخليت صوره حلوه كلش ومُلفته لنظر بنت فاتحه شعرها وركبتها طالعه وعيونها گبار شكلها قويه ونفس الوقت و? ملامحها حزن وفرح تمثلني رتبت حسابي وسجلت خروج وبقيت فتره طويله هادئه ومراقبه ادق تفاصيله نايمه بحساباته ماجان أبالي اي فكره غير أنه احبه وبس مو مهم الباقي.
واكفه اغسل المواعين وأبالي اليوم اراسله وحسابي صار زمان من سويته علمود لا يطلع اله حساب جديد ويشك ويعرفني مستحيل هالمره اخلي يعرفني لازم اكون فطنه وأنتبه ل أقل تصرف وكلامي يكون دقيق وموزون وياه لن عرفت طبيعته شيحب.
جنان ما صارن مواعين ادري نمتي على? السنك خلصيهن عاد
أسيل فوك ما أغسلج المواعين وما راضيه.
غصبًا عليج بيت ابوج قابل بيت الغريب يله كملي من أيدج وروحي غسلي ملابسنا وملابس جهال اخوج حارث ضلن غسليهن مو الكاج شامرتهن
ليش ما خليتهن بالسياره من اجه حارث اخذهم ليش تبقين ملابسهم اهنا مو عدهم ام هي مجبوره بيهم ما كافي متحملتهم النهار كله هما وسخهم وهوستهم طبخي وكليهم وسبحيهم ودرسيهم شو كله براسسي امهم الها الحاضر حتى من يرجعون من المدرسه اني ادرسهم ترى مو وضعيه.
جهال اخوج مال الوجع شصار عليج تموتين شگد نحسه
جهال أخويه على? عيني ورأسي بس شويه خافوا الله بيه ما يصير كله عليه وامهاتهم بس وظائفهن ورجالهن وعايفات جهالهن عليه ما وكعت بس برأسي مستقبلي ابنج حرمني منه ومرته تروح وتجي اداوم عادي عنده بس عليه صار رجال وبطلني من المدرسه.
رجال وغصبا على? رأسج كافي عاد ذبحتيني غضب على? راسج ودراستج من ورا لسانج ما تحترمين وما قدرتي نعمتج ضليتي تتبطرين وتحجين ليل ونهار واستلمي ما اجاج
اي گافي هذه أنتِ من يوم يومج راضخه رأسج لجنايين
شتردين اسوي اشد وياهن ومشاكلهن متخلص ويوميه وحده زعلانه لبيت اهلها واخوانج ينشلع گلبهم على اقل أنتِ بنتي امون واحجي عليج ودام هيج ماله من الوضع بس تجيج قسمتج ازوجج واخلص منج ومن لسانج الأكشر.
منو كلج أريد أتزوج وعاد شلون راح تزوجيني غير مثل سيف وهديل شابعه ضيم خلف عليج تجمعين الها كم فلس مدبره وضعها لا عيني زواج على? ذوقج ما اتزوج
انجبي لعد واشتغلي وأنتِ ساكته باجر عكبه تروحين بيت زلمتج يكفخ بالنعال تسكتين اله بس امج لسانج متر عليها خلفة أخر وكت شالعه گلبي بس تنگين عبالك جهال غرب مو جهال أخوانج مأكله راسي من وراهم
زعلت ومشت لغرفتها واجه ابويه معصب وعاط بيه.
علوان شلون تعلين صوتج على? أمج صايره ما تحترمين ومستجلبه تف على? هالوجه دماغ زز رأسج اكسره أذا سمعتلج صوت يله شوفي شغلج لا أنعنع عظامج أدبسزز يلااااا تحرگيي.
حاضر يابه مشه ومسحت وجهي ورحت غسلت وبجيت عبالهم ماله من شغل البيت لو زاهكه من خدامتهم ما يدرون مليت خدامه الجنايين وجهالهن منو يراضاها?نفسه بس اني وانوب هما الما راضيين وقهرني اكثر ابويه هو السكوتي والهادئ جرحني بكلامه.
كملت شغلي ونشرت الملابس ما خليت ما سويت وصعدت لغرفتي نظفتها لو اخيس محد يصعدلي منو بحالي ومنو سأل عليه عبالك متبنيني من الميتم أستغفر الله ربي واتوب اليه شهل التفكير الخايس ضحكت وكفت أباوع المرايا صفنت على? روحي وجريت التلفون ورحت على المنشور الحفظته گلبت التعليقات ولكيت تعليقه أنطيته اعجاب لتعليقه وعفته خل هالمره اصير ثكيله برأسه ما يدري شكد قريت واخذت معلومات شلون الوحده تصير ثكيله ههه شعندي سوالف كلها علمود مروان.
عفت التلفون وجبت خيط وحفيت وجهي ورتبت حواجبي شيء بسيط لن حارث ينتفهن شعره شعره شيخلصني منه، كملت وباوعت الساعه انام احسن واجواء الغرفه اساعدك على? النوم تمددت وتذكرته خرب بيومك روح من بالي اريد انطمر.
كعدت المغرب رأسي صاير طبل روحي لعبانه عزا شگد نمت ولا ادري بروحي خو ولا واحد صعدلي كال خل اشوفها ماتت عدلتت.
صوتهم وهوستهم الظاهر بيت حارث يمنا ونزلي اسيل سوي عشه اووف منخلص من هالسالفه.
جريت تلفوني من الشحن لكيته دازلي طلب كمزت من فراشي وحاضنه التلفون وافتر بالغرفه دزلييي دزلييي كسر غروره وخشمه اليابس ودزلي طلب
اوافق لا ما اوافق ضحكت واكل بأظافري وصورته گبالي ما وافقت خليته معلك الا اشعوطك اصبرلي عبالك اخليك تكشفني لا والله هالمره كاعدتلك ومفتحتلك وبعدين شعندك دزيت طلب ما صدكت وحده انعجبت بتعليقك.
عفت التلفون ونزلت كلت الهي روحي ما استخف بسرعه سويت عشه بواهس مخلمه ومقليات وكملت كلشي وتعشوا وغسلت المواعين حتى عشه ما تعشيت لن بالي يمه وعيني على الساعه جاي اغسل الكوابه ودخلت اسماء
اسماء شلونج أسيل شخبارج
أسيل الحمدلله
مشتاقين شدعوه عليج تعالي فديوم لبيتنا هم تغيرين جو هسه جنت احجي ويه حارث ناخذج ويانا ف كلت اسألج.
بلعت ريگ بگلبي اذا رحت وياج يعني أنسى شيء اسمه تلفون ومروان شلون وصورته اذا ما اباوعلها ولا اكدر انام
جاوبتها تشتاقلج العافيه عيني سؤالج عني كافي لا يمعوده وين اطلع ملتهيه بشغل البيت وهوسة الجهال
اي والله حقج اني علمودج بس ما عرفتج صايره حبابه
هو اني حبابه ابتسمت وگلبي نار من عدها كمزت عليهم ياربي ما يأخذوني تريدني اخدمها لو عدها حملة تنظيف اعرف هالسوالف مالتها مو حابتني هيج لله.
رحت كعدت يمهم وأمي ما تباوعلي عود زعلانه كاموا وحارث باوعلي وگال
حارث أمشي ويانا تغيرين جو والجهال يردونج
أسيل سگتت عاد أمي جاوبته
جنان لا ما تروح اني لوحدي وما بيه ومرت اخوك حبله منو يطبخ وينظف نديح وراها خليها غير مره عود ادزها
حارث ماشي يله تصبحون على خير.
أسيل ماي بارد ونزل على? گلبي راحوا ولملمت الهوسه وعيني على الساعه بالعشره كملت شغلي وصعدت شفت التلفون ما دازلي شيء دخلت حسابه وأنطيت أعجاب على? صوره الناشرها وكلت خل اعلق اله اتحرش بيه هذا شافني غلست عنه ورجع لبسني ما ينرل راسه ابن الحلو.
عقلت على? كلامه الناشره فوك صورته وكتبت الحياة حلوة ومره ولازم نعيشها بالاثنين رد عليه يضحك إثنين لو ثلاثاء!
خاب فشلني عوذه صخونه شعندك كاعد بالتعليقات ما جاوبته بس انطيته لايك وعفته ورجعت اكلب عادي عود ثكيله وكذا واني اتحرمص مية الف مره اشوف التعليق ودخلت اشوفه لكيته ماسح الرد مالته يااا ليش مسحه عفته ورجعت أكلب بس كلبي يكرظ بيه روحي راسلي عوفي الثكل هسه يبووه يگلبي.
گبل قفلت التلفون ونمت ثگلي برأسه لاتنطينه وجه هو شيطان يكشفج بسرعه على? اقل ما يشك بيه لن هو معلق على منشور عام واني وحده عابره شفت التعليقات ولفت نظري تعليقه وجه نظره حول المنشور وهيج اضمن ما راح يعرفني واتعرف عليه من جد وجديد بس كون ما يفشر ويحترم روحه لن هالمره كوه متحمله عليه من بعد اخر مراسله كلما أتذكر أشبع قهر.
مر أسبو? بس طگ گلبي والطلب معلق ما وافقت وتعليقي موجود ما حاذفه مو مال اتحرش بي يكشفني ويطلع قهره كله بيه لا خل افكرلي بسالفه تخلي ما يشك بيه بس شلون دخت والدوخه دوخه.
كاعدين نتغدا كلنا واني رايحه مسلوسه سل من الضعف شهيتي مسدوده بالگوه أكل هيج مجامله وانفتح موضو?
جنان ابو حارث بيت كمال جنتهم جابت مو لازم اروحلهم عيب
علوان اي لازم اذا ما عندج شي روحي العصر وحسن انت وصلهم منو تاخذين وياج.
جنان اسماء ما ظنتي تروح حارث ما يقبل نسرين يمه تروحين وياي
نسرين لا عمه اني الطلعه عليه شثكلها وراي جهال يشلعون الگلب أعفيني منها
جنان لعد شلون هم اخذج وياي تجين
اسيل وياي تحجين
علوان أخذيها وياج روحي ويه إمج لبسي لبس مستور
أسيل ان شاءلله يابه بداخلي فرحت يا محلاها من طلعه كملنا وغسلت المواعين بنشاط وامي تحضر بملابسها خوما هسه نروح
اي الجو بارد والنهار كصير نروح ساعة زمان روحي لبسي بينما اشوف ابوج.
ماشي صعدت فرحانه طلعت فستان اسود مستور ولبست شال جوزي ونسقت الجنطه والجوزي شگ گلبي وطلع فديتني شلت تلفوني ماكو شي منه غلقته ونزلت لكيت أمي جاهزه وحسن شغل سيارته وتوجهنا لبيتهم أكذب اذا كلت ما خايفه هيج گلبي يريد يشگ صدري ويطلع شعور حلو ومخيف نفس الوقت او احتمال ما الكاه بالبيت يجوز بالدوام يارب الكاه نازل وأشوفه احس الصوره ما تترس العين وما تروي الروح اذا مو وجه لوجه بس متاكده ما راح يباوعلي وارجع شبعانه قهرر من وراه.
وصلنا بيتهم واخذت نفس وحسن أتصل ويحجي بالتلفون
حسن يم الباب واكفين الاهل اجو عليكم هاا وين أنت يله بلغهم لعد خوش خوش
أسيل قطع الاتصال وكال لأمي
حسن عصام يم أهل مرته ومروان بالطريق الظاهر جنتهم مو بالبيت يم اهلها جان خابرتي قبل لاتجين
جنان شمدريني كلت تكظي اربعينها بيت عيالها وهسه شلون خوما نضل واكفين
لا مروان گال هسه اخابرهم يفتحون الكم الباب هو بالطريق جاي اذا اجه اكعد ما اجه ارجع عود ساعه واجي اخذكم.
أسيل يحجون وشويه وانفتح الباب يعني بالطريق جاي يمه هلا بيك دخلنا البيت وأستقبلتنا عمه وصال وتهلي وترحب بينا وتبوس بيه اكلتني أكل مدري اني بالغت لن احب ابنها.
وصال يا هلا يا هلا الف هلا بجيتكم عيوني اتفضلوا ولج اسيل صايره تكطعين صلاوات على? محمد نياله اليأخذج نياله سعيد وعنده حظ وبخت
اسيل خجلت وارمش بعيوني وامي شاگه الحك وغمزتلي يبوووه امي رسمت احلام ورديه نفس احلامي.
دخلنا وراها وحسن ويانا كعدنا بالاستقبال ومجد جاب الضيافه وكعدت وتحجي ويه امي ومباركات واني عيني على الباب سمعت صوت هورن لو گلبي يريد يوگف روحي ساحت وماعت مثل الزبده وانفتح الباب وهبت علينا ريحة عطره دخل بملابسه العسكريه توه نازل سوده عليه اكيد تعبان تسلاموا هو وحسن وسلام حارر وضرب حسن بيده صفكه قوي وحضن ومباوس
مروان الله بالخير يابه هلا بيكم شلونك شخبارك.
حسن الحمدلله بخير انت شلونك اخبارك.
مروان بخير الله يسلمك ويعزك عمه شلونج شلون حالج الصحه الاحوال عمي شلونه صحته عافيته الكل منكم
أسيل يصلي صلي انطي مجال حتى امي كامت تممت ما كدرت ارفع عيني واباوعله استحيت متت والله وخوف سگن گلبي بحضوره على? الرغم هو طبيعي وصوته خشن ويسولف ويه حسن وسأل على? حارث
مروان من رخصتكم شويه وأرجعلكم وحسن ما تروحون عشاكم يمنا عمه ابقي ماكو روحه
حسن لا يمعود مو مال عشه وعشاك واصل قابل جاي نجربكم.
مروان لا والله ماكو روحه يله من رخصتكم
أسيل اتفقوا نبقى على? العشه يحجون بينهم واني اباوع نظرات خطف وعلى السريع ضحك بصوته الحلو وضحكته حلوه طلع تلفونه گلب بي وحسن غمزله وضحك
مروان ماكو شي يمعود
حسن شوكت تزوج
مروان بعد ما مستعجلين يله من رخصتك اغير ملابسي واجي نطلع برا
حسن اخذ راحتك ابن العم.
مروان كام وترخص وبيده تلفونه وعبر من يمي بينا مسافه قليله تفصلنا بس هالمسافه من مر خطف روحي من صدري صرت بعالم ثاني دخت وانثولت بقربه اريد اخذ نفس ما اكدر اووف لو تدري حبك شمسوي بيه ناعل اهل اهلي ادردم عليه پگلبي.
انفتح الباب وطلع وسمعت صوت ركضته على? الدرج على? كيفك لاتوكع واموت اذا صارلك شيء يا ابن روحي رفعت عيوني ولكيت عمتي وصال صافنه عليه ابتسمت وكامت شالت جنطته وطلعت صاحت ازهار
وصال ازهار نزلي.
ازهار اجيت.
أسيل صرت ماكو أعقل مني امي تسولف ويه حسن وبالها يم الجهال وين ما تروح يضل بالها يمهم خل نضل ونشوف خلقة الله
جنان خابر نسرين وكول الها عينها عليهم من نقط كهرباء والماطور عفته مشتغل
حسن يمه ترى امهم اكيد عينها عليهم لاتضلين توهسسن وبالج يمهم ارتاحي وعود ميخالف اخابرها تدللي.
أسيل مر وقت واجه لابس تراك اسود خله تلفونه على? الشحن وطلعوا هو وحسن بس شبعت قهر ولا باوعلي ولا شايفني من كاعي ضجت حيل وباوعت على? تلفونه وقررت من ارجع احجي وياه وشيصير خل يصير.
اجت ازهار بس وجهه طافي عكس اخر مره شفتها بس صافنه لاحظت عليها حزينه وما الها مزاج كعدت شويه وراحت ومر وقت بين سوالف امي وعمتي وصال واجه وكت العشه احنه كمنا وهما الزلم بالاستقبال صبوا العشه واجه عصام سلم علينا وباوعلي وابتسلملي عيني هو الحنين امداج هديل ليش عفتي
عصام هاا اسيل شلونج ولج اخبارج صايره مره شكبرج صايره بكد البعير
اسيل اي اخذني لابنك.
عوذه تصيرين جنتي لا ربحنا يومين وتكتلين ابني لن ابني فقير ما اله خبزه وياج لا عمي شسوي بيج اشيل خطية ابني
وصال تخبل شحلاتها جنها ورد جوري ومفتحه
عصام هي من يومها ورده خايسه
اسيل عابت
عصام جهرتج غير، يله من رخصتكم عود دوسي بالماعون لاتخلين شيء بردي خاطرج
اسيل تدلل ضحكنا كلنا وهو مشه لغرفته تذكرت ايامنا من جان يتزعلوون هو وهديل اني جنت خط وصل بينهم وصارت بينا صداقه قويه وحلوه هو حباب ومحترم نفسه.
ازهار اجت جابت السفره تشتغل بدون واهسس واجه عصام حاجاها
عصام عبالي نطلع نتعشى اني وياج
ازهار هاا
عصام يله على باجر
ازهار على راحتك
اسيل يحجون بينهم وحبيت خوتهم يطلعها مطعم ويتعشون خوما مثلي اذا عدهم اخت هم ناسين بلعت عبرتي وسگتت وجابوا العشه وتعشينا وشربنا جاي ازهار ما كعدت بس غسلت المواعين وصعدت غرفتها.
جنان لعد ازهار ما شفناها
وصال صعدت تغسل ملابس مروان هسه تجي.
أسيل مر وقت بين سوالف وعصام اجانا حسن يروح وكمنا وطلعنا بس عصام يمشي ويه حسن ويسولفون ومروان ماكو وين راح هذا ضلت عيوني ادور عليه ماكو وباوعت الكراج سيارته ما موجوده طالع ليش طلعت عبالي اشوفك قبل لا اروح.
طلعنا وبالطريق الهدوء سكن روحي وصلنا وامي ضلت تسولف لابويه عن أستقبالهم وتقديرهم لن بابا بعده متحسس من سالفه هديل راد يقطع العلاقه بس ما انقطعت لن الدم واحد.
صعدت غرفتي غيرت ملابسي وطلعت تلفوني ووافقت على? الطلب مالته خل اوافق كافي طكت مرارتي انوب شفته اويلي يا يمه.
وتمددت وبهل الاثناء وصلتني رساله منه
مروان بعد وكت
أسيل اخذت نفس بقيت صافنه على? الرساله جن هو كاعد بالمحادثه ومكابله خلقته الحلوه
ليش تشوفين الرساله وما تجاوبين هاي شيسموها
يربي شبيك مستعجل شكتب خرب انه شكتب توترت حظ الكواد بالكوه كتبت اعذرني ما قصدي بس هسه فتحت الرساله العفو منك.
لا غلا ولا يهمج
يمه حبيبي اللطيف اجتني الصفنه واعلس بأظافري والتوتر فول
مشغوله
لا
عبالي كلت اخاف راسلت بوقت مو مناسب
لا بس العفو منك محتاج شي دزيتها وجن جفصت غميت روحي شيحتاج مثلاً كبر كبرج اسيل شافها وضحك ضحكه مطوله جاوبته العفو ما عرفت شرد عليك
لا عادي عيني ولا يهمج تصير ومبين عليج انسانه بنت اودام.
يمه يمه فديت باع اللطافه عسل يربي عسل شكتبلك هسه رب الحلو اكوله انت ابن الحلو واجفص بالسالفه واكوله احبك لا اسيل شسالفه لزمي روحج احم.
جاوبته شكراً كلك ذوق هذا من حسن ظنك وطيب اصلك جن ضبطت الرد بويا فديتني ورسلتها شافها لن الحلو كاعد بالمحادثه
تسلميلي غلا
يمه فديتك ما جاوبته بس انتظره هو يكتبلي
ما جاوبتي
علي? شنو
ليش وافقتي? الطلب فوك كتبتلج بعد وگت
اهاا ما لاحظت
ما لاحظتي الطلب لو الرساله.
الرساله يمه صرت ثكيله وعاقله ابوسني
اهاا تمام والطلب
شجلبت بالطلب
ههههه هم صدك عبالك لحيت هواي
لا عادي وسگتت وصافنه على كلامه ما اريد استخف
شو سگتي
شحجي مثلاً أنتَ راسلت وأنت تحجي
هههه يعني اليراسل الاول الحجي عليه خوش والله عجبتيني
اعجب منو
العفوا اقصد طريقه كلامج
اهاا عبالي
اي غلا
تمام لازم اروح
اهاا اخذي راحتج بس عبالي نحجي
بشنو نحجي شو طولتها عليه
علي? كيفج اعصابج ترى محترمج اني
واني هم محترمتك.
ماشي اخذي راحتج.
راح وحسيته زعل اييي بردت گلبي بيك اخخ شلون خليته يرجع يحترمني وضبط لسانه ما فششر رجعت اعيد الكلام واضحك على? روحي ما مصدكه بروحي والله وهو الحلو لطيف نكع بكلبي بلطافه كلامه بعد گلبي سامحني غير احبك ولازم نتعادل تجاوزت عليه واخذ حقي منك فديت هالطول حضنت التلفون وكلني فرررح.
أسيا
من طلعنا من المستشفى عمتي عندت الا اروح لبيت وياها وضلت تحجي ومعصبه بالگوه ساكته تالي انفجرت بوجهه وين اروح وياج منو يداريني والمن اروح اكابل ابنج الشريف ابو النسوان خلي الحجي مضمم عمه ابنج محد جرعه وتحمله غيري وجايتني تكوليلي روحيي ما اروح.
شو صايره ما تحترمين أحد ومستجلبه ولسانج شطوله ضيعتي مالات الاوادم وتخبلتي كلمه والثانيه ابنج وابنج ليش مو رجلج وابو جهالج بس الصوج مو منج الصوج بإبني ما ضابج عدل ومرخي الحبل ابقي بهذا راسج اليابس ابقي
والله عمه لاتزعلين هذا العندي وبعد ما ارجعله وياريت يستعجل بالطلاك هاي هي كلشي ينتهي كرامتي ما تسمحلي بعد اعيش وياه
شنو بكيفج هي ما وراج احد ام أبراهيم احجيلج حجايه شو ساكته وبنتج حرگت دمي.
فوزيه خليها خليها نروح للبيت وأني اعلمها لعب جهال هي يوميه زعلانه وتعال طلك وهذول الجهال شنو ذنبهم يضيعون بينكم لو بهاي ما فكرتي بس مفكرتلي بالكرامه
أسيا والله جهاله ما يبعد عليهم طريق اي افكر بكرامتي بشنو مقصره وياه يروح يخوني ويه كح مثله بس هو ساقط وهذا مستواه واني بعد ما اصيرله مره ودرب المحاكم يندله حجي ثاني ما عندي.
سگتت وبهل الاثناء انفتح الباب بقوه حسيته جان يسمعنا باوعلي وضل مركز نظراته ما نزلت عيني طبيت بنص عينه باوع على عمتي وكال لأمي
عصام يله نمشي
وصال مرتك الخاتونه ما تريد تروح ويانا للبيت تريد لبيت أهلها
عصام هذا هو يجرالها يلا عمه اوصلكم هذن الجنط مو
وصال يجرالها هو هذا كلامك الله كدرك عليه
عصام شسويلها يعني الزلمها الصونده عوفيها على راحتها ولحد يتدخل.
أسيا سگتت وغمتني ومشت وراها وأمي تستغفر وشالت البنيه وطلعنا وعمتي تحجي بعصبيه ما متعوده عليها هيج ضلت تدردم وراه واخر شيء عاط ما تحمل
عصام يمممممه گافي رحمه ل لأهلج.
أسيا سگتت وأني لازم اصعد بالصدر لن علمود العمليه أمي فتحتلي الباب وساعدتني وهو صعد الجنط والبنيه عمتي شمرتها عليه وعصام خزرها درت وجهي ولميتها بحضني وشغل وطلعنا للبيت بالطريق رن تلفونه گبل باوعلي صديت وجهي وفتح خط عمي يسأل علينا حجه وياه وانتهت المكالمه وصلنا دك هورن وطلع محمد فتح الباب دخل سيارته داخل الحوش فتحت الباب وامي اخذت البنيه وبقيت اني بالسياره وعمتي ما تحركت ولا نزلت.
اجه سندني ونزلني لزمت خصره وحسيت جسمه تشنج وتوتر غمضت عيوني واخذت نفس اتغاضى هالشعور خرب بيومه گلبي بسرعه يحن اله
دخلني الاستقبال سحبت ايدي وهو صار قريب مني فدمره ثولته ثول ادري بي يدوخ من قربي بس اخ لوما خيانتك هسه احضنك واكلك أكل بالبوس انوب وجهه مبين عليه التعب وذبلان عود مكسور بغيابج عشتوا هواي مكسور.
ابتعد وراح على أمي انطاها فلوس وهي تتعذر منه وهو باسها من ايدها ورأسها مشه وكلتله عود جيبلي كرم ما جاوبني مشه بدون ما يباو? وراه بقيت كاعده وامي خلت البنيه بحضني ولحكتهم اجن نسوان اخواني ويباركن واخذ البنيه يشوفنها عاد دره ساعدتني رحت الغرفه محضرتلي سرير ابو النفر تمددت تعبانه
دره ارتاحي بينما يحمى الحمام وتسبحين علمود ترضعين بنتج خطيه حتى لو بس الصمغه.
أسيا ماشي عيني راحت وجابت الجنط ورتبت ملابسي والاغراض كلها خلت تلفوني يمي وامي اخذت جود من رواء وجابت الماي وكعدت سبحتها ورضعتها ممه ونامت
لليل جنت سابحه وكاعده أحاول ارضعها معنده متأخذ وما حسيت غير صوته صار قريب وأمي تهلي وترحب بي گبل غطيت صدري ودخل كرم يمه فدوه لوليدي حضنته ابوس بي وهو يبجي ويشگيلي وعصام صافن على بنته ومبتسم
فوزيه ما تروح وليدي تضل على العشه.
عصام لا عمه عيوني عشاج واصل بس ما اكدر لازم ارجع وتعبان اعذريني غير مره أن شاء الله.
فوزيه ماشي يمه على راحتك
أسيا غمزتلي وراحت وهو صافن على بنته ومبتسم بوجهه وكرم يسولف وياه ويحجون ومندمجين صفنت عليهم وتأثرت ولكيته صافن عليه گبل صديت وجهي عنه
عصام يله اني رايح وهذا المصرف اني جبت حليب وحفاظات كميه واذا تحتاجين شيء خابروني يله بابا كرم صير عاقل ودير بالك على امك واختك خوش زلمتي.
أسيا خلاهن بحضني وشال ابنه يبوس بي وطلع ما باوع وراه خليتهن بالجنطه ودخلت دره اخذت جود من حضني واجت رواء عصبيه شبيج
رواء هذا رجلج صدك ما يستحي شنو جايب طلي كامل ومكطع ومسواك بالصناديق شنو شايفنا جوعانين لو واكفين بابا نجدي اللكمه عيب عليه هذا التصرف.
دره أستهدي بالرحم?ن وگولي يالله على كيفج على الرجال شمسوي قابل خوما جايبه لحلكج ترى مرته انفاس وتريد تغذيه وابنه معلم على الاكل الزين والدلال وبعدين شگوو بيها اذا ذكر اهل مرته نسيبهم مو غريب لو الا تخلين بيها وتشيشين مرته عليه صدك لو كالوا سوي خير وذب بالشط.
رواء على گيفج عيني انهديتي عليه وأدفعين للغريب شنو نسيتي أشسوى ب أسيا لو عادي عدجن يجفصنا بالكلام والفعل بس لن عنده راكضات وراه وادافعن اله وهو واحدشايف نفسه ومكروه امداج شحبيتي منه
فوزيه رواء گافي عيب شنو هالحجي يله گومي ساعدي أختج وعزلي المسواك يله تحركي.
أسيا راحت ودره هزت رأسها وشوي ومحمد دخل سرير للغرفه عرفت عصام جايبه ودره جهزته ورتبت فراشها وخلتها واني حاطه كرم بحضني وابوس بي وهو ما فاركني مشتاقلي سوده عليه.
مر يومين وهو ما بين لا اتصل ولا سأل ولا اني خابرت لا هو ولاعيالي وملتهيه بجهالي وجود مسهرتنا الليل كله لوجه الصبح يله تنام.
بالليل ساعه 2 ونص امي نايمه يمي بالكاع وبصفها جود بالسرير مالتها كامت تبجي انطتها اليه رضعتها ونامت ورجعتها لسريرها وكرم نايم بحضني شوي صار هدوء ورأسي ارتاح يمه شنو هالتعب تمددت ارتاح وتلفوني على الشاحن يم رأسي سحبته ولكيته دازلي رساله من ساعه فتحتها وكاتب
عصام شلونچ الجهال شلونهم.
أسيا زينين دزيتها وصلت بس ما فتحها لن مو نشط
مرت تقريبا دقايق وجاوب
غفيت كلت يجوز ناموا وهسه كعدت على صوت الأشعار.
لا كاعده بس جهالك هسه ناموا
عيني هما نوم العوافي وأنتِ شوكت تنامين
شعليك
أسيا
هاا
وجعاا الغرفه من دونچ تخنك
ليش تخنگ اكو من يسد مكاني
مكانج محد يسده لاتكومين تجفصين
هاا هواي صدكتك ابو النسوان
خوش سمعه
اي تلوكلك
أسيا سدي حلكج واحجي عدل
شتريد مني روح الها مو كاعد لهل الوقت اكيد سهران وياها اي اسيا سهرانه وتربيلك جهال وانت بكيفك مأخذ راحتك
سسدي حلگج لا اكسره الج والحسين لو تحجين مثل البشريه لو تنجبين وتسكتين.
ما اريدك بعد وياريت تطلك وتخلصني منك دزيتها وصلت فقط تم الارسال معقوله طفه النت عافني وراح
رجعت دزيتله هاا تتهرب من مواجهتي بحقيقتك طبعاً ما تكدر تعترف وتكول اي اني خنتها تخاف تصغر بعيون اهلك واهلي لن موخوش سمعه تلطش بيك وانت الك اسمك ووزونك دزيتها وصلت ما بس فاتح نت هذا قفله ونام خلاني انكز قهررر.
طلعت من المحادثه وقفلت التلفون ورجعت احاول انام انوب شبعت قهر لو ما محاجيه وياه احسن شگوو جاوبته بس قهررني وعافني احجي لوحدي اخ منك عصام ولا تبدل اطباعك محد يحملك غيري الله يعين بس.
أزهار
الليل كله ما نمته ولا ثانيه كظيته ابجي وافكر وصورته ما طلعت من??اسي هسه شنو ذنبنا حبينا بعضنا اوف يا يمه أشسويتي بينا دمرتينا بقرارتج.
أذن الفجر وأني كاعده كمت صليت وسحبت التلفون باوعت على رقمه وحساباته ما فاتح نت واقرا بالرسائل وابجي الا ان اندك الباب مسحت دموعي اي كاعده
وصال يله كعدي مو عندج دوام لوما تروحين
أزهار لا أروح كمت غسلت وبدلت ونزلت وخايفه من مواجهته مشيت بدون ريوك وأمي لحكتني.
وصال شو طالعه وحدج ما اخذتي مجد شهل الصلافه العندج
أزهار ترى انتهى گلشي عوفيني بحالي طلعت وهي وياي لكيته واكف ولاحظت أستاذ احمد ورقيه وياه اول مره يسويها أمي باوعتلي واشرتلي صعدت وشغل وطلعنا هدوء وأستاذ احمد يحجي وياه هو ساكت.
وصلنا الدائره نزلوا وتوني ردت انزل
هشام أوكفي احاجيج
أزهار نعم
هشام ليش هيج سويتي
ما سويت شي سويت اللي لازم يصير
يعني الرفض منج أنتِ ما تريديني.
اريد أكوله لا مو مني من امي جبرتني بقيت ساكته وهو مراقبني بالكوه طلعت اي الرفض مني
خير أن شاء الله.
أزهار نزلت روحي طلعت اختنكت حيل وبدخولي صادفتني رشا وأبتسمت عبرتها كلشش مالي خلگها كعدت مالي واهس مزاجي صفر بالشغل ما خلص الدوام الا بطفران الروح.
طلعنا للبيت هو بعالم وأني بعالم انفصلنا بس قريبين من بعض الامكان تجمعنا بس بدون روح واهسسنا طافي.
وصلني قبلهم نزلت گبل حتى بدون ما أباو? وراي أحس اريد اموووت تعلّقت بي هواي عبالك سحرني حبيته من كل گلبي اخ يممممه وأني امشي انضربت بشخص رفعت رأسي شاهين باوعلي مبتسم أستغربت تواجده وانتقلت عيونه على السياره هشام بعده واكف انداريت باوعلي وشغلها سريع رجعت على صوت شاهين
شاهين منو هذا!