رواية بين قلبها وعينيها كبرياء للكاتبة شمس العراقية الفصل الرابع
أزهار
مرت هالليله بسلام وأمي أبداً ما تحاجيني وتتوعدلي واجوا خالاتي عليها وسوالف وضحكه وسألوني كم سؤال وعرفوا شاهين يريدني عاد خالتي منى كالت
منى وصال من كل عقلج موافقه على? هذا الزواج
وصال أي ليش ما أوافق شاهين زلمه بي حظ لاتخربين عقلها بحاجيتج فدوه رحتلج هي بدون شيء متخبله وكاعده.
شخرب منها هي خربانه بس كوليلي شلون قنعتي تنطين بنتج وحيدتج وتعبانه على? روحها ومدرستها تزوجينها بالقريه وشاهين ما كلنا بي عيب بس يا اختي خل ياخذ من ثوبه شعجب بنات عماته الباقيات صارن كخا بس بنت عمته وصال خيل عليها
الجده وضحى أنتِ مقهوره لن ما اخذ من بناتج وجاي تخبلين عگل البت.
منى لا عشتوا بناتي ما نايمات على? کلبي أشمرهن على? شاهين الحمدلله اثنين تزوجن بالمدينه والباقيات الله يكتب الهن البي خير ما وكفت قسمتهن على? شاهين شنهي خلصت النسوان لو قلة الزلم.
إمنه والله كلام منى صدك خطيه بنتج جنها جماره تجيبيها وتخليها بوسط كومة نسوان وكلهن وكحات وسهيله ما تريديها تريد من بنت اخوها اكيد هسه تشد وياها واذا ما تردين تهضمين أخويه سلمان طلعي نفسج لاتحجين شيء خلي ابوها واخوانه هم يقررون
الجده وضحى خايبات شو ما تعرفن تحجن كاتلجن القهر تردنا بس الجن ولحلالجن بس اله ازوجنه زهيره واسويله عرس كل عرب تسولف بي مو زهيره.
أزهار هزيت رأسي اذا اسمي من إولها انگلب الله يستر من تاليها يله خليها تبني أحلام وتفرح لن متيقينه هذا الشي ما يصير.
خطيه خالاتي حاسات بيه وبوسني ويحجن على إمي ما راضيات عليها ودعتهن وراحن الله وياهن وسندس جابت النا فراش كمت ساعدتها ونمت وعفتهن كاعدات ويه أمي.
الثاني اليوم العصر قررنا نتوكل الصبح أمي ما رضت سكتت وتحملت هالكم ساعه، لبست وشلت جنطتي وطلعت برا انتظر إمي أشتاقيت لبيتنا ولبابا هواي أهنا أختنكت خاصه بعد هالسالفه طلعوا الونسه من عيني
أجت مزعوجه وحاده سنونها عليه تجاهلت الوضع ومشيت واجت تحجي بعصبيه
وصال تستنكفين حضرة جنابج قبل لاتمشين تفوتين تسلمين على جديتج والبنات طبعاً بنت أبوج شيطلع منج.
ترى سلمت على جديتي وبنات أخوج هنا كلبن وجوهن بوجهي شسويلهن يعني
خو أنتِ ما قصرتي بس خل نوصل البيت يصير خير يا أزهار
ما جاوبتها صعدت ليورا صرت ورا عصام ضل يباوعلي بالجامه ومركز نظراته عليه صديت وجهي مزعوجه واجت امي وشغل وخوالي ودعونا يم الباب وسلام.
تمشي السياره وعصام عيونه عليه وصاح بيه
عصام شبيچ
أزهار ما بيه شي
عصام يمه أزهار شبيها
وصال شبيها يعني عرچ ما يطگها رأس سليمه
عصام لعد شبيها خلقتها مكلوبه.
أزهار كتلك ما بيه شي
عصام لا تتنريين كم مره منبه عليج لا أنزلج أجفصج جوه تاير السياره.
أزهار كتلك ما بيه شيء انت لحيت
عصام لعد شعندج مبوزه وخلقتج أنكلبت ليكون عندج علم بالسالفه
وصال يا سالفه
عصام مسويه روحج ما تدرين سالفة أبن اخوج شاهين وخوالي حاجوني على? أزهار
وصال أي وأنت شگلت الهم
عصام شگول يعني كتلهم الله كريم بس والله يا يمه تغشمين نفسج
أحجي عدل ولك.
يمه يعني من كل عقلج نوافق على هذا الزواج أنتِ مو تعرفين عيشتهم والوضع كله كدامج بعد على? شنو مغشمه نفسج
ليكون ما عاجبك ابن خالك ولك
منو گال ما عاجبني زلمه خوش زلمه ما بي عيب بس ماله نصيب عدنا خل يأخذ من ثوبه وحده توالمه واني اختي مو رخيصه عندي أشمرها هالشمره ولا عندي عشر أخوات وبزعان من همهن وعيشتهن شو بس هل الأخت بعد شكو مستعجلين على? زواجها عود لو اجتها قسمه زينه وكتها يصير خير.
وصال ما هذا عشمي بيك يا جبيري
عصام هذا مو بس كلامي كلام اخواني وكلام سيد الوالد خو تعرفينه شكثر يحبها وما يرفضلها طلب ف لاتكعدين تبنيين احلام العصر ولاتزعلين البنت ما موافقه مو أزهار لو الج رأي ثاني
أزهار أي ما موافقه ومستحيل أوافق
وصال ولا توافقين بالجهنم الحمره عساج لاتزوجتي عبالي يصير برأسج خير تضلي ورا قرارت ابوج وأخوانج.
عصام لا أله الأ الله هسه شحجينا وزعلتي ترى ما بيها شيء نحجي ونتناقش هذا زواج مو لعب جهال جايه وتريدين تزوجيها الواحد شهاده ثالث ما عنده لا راتب لا شغله لا عمله وما فاتح بيت وما عنده مصدر عيشه يعيشها ادري العميان مأكله وجهي ازوجها اله
وصال خلص سدوا الموضوع جرمت فكرت بمصلحة بنتي كلكم تردون مستويات ومن طبقتكم عبالك ما اعرفكم دومكم تستصغرون خوالكم.
منو جاب المستويات والطبقات بالنص ليش تصغرين بأهلج كوه كوه ترى هذا الاحساس أنتِ زارعته بدماغخ مشكلتج مو مشكلتنا كل كلمه وكالت مستويات
لاتضل تصيح عليه
شمصيح لخاطر محمد يمه أنتِ حجايتج يجفصن بالبطن
أزهار صار عصبي وإمي سگتت ما جاوبته بعد لن نعرفه من يعصب ينزل على? الترابي ويكوم يركع بالاوادم رفع تلفونه وكام يخابر وسمعته گال.
عصام أتعشى وأجي أخذج مشگلتج والله أنتِ مو مال عين وأغاتي مال ركع بالقندره ضلي ضلي طبج ستين مرض
أزهار شمر التلفون بعصبيه وأمي تهز بيدها رجع عاط بيها
عصام شگوو تهزين بإيدج شايفتني خبل
وصال حشا الخبل منك
عصام يمممممممه كسري الشر وسكتي يرحم جدج السابع لا اطلعه وانبش صفاح أهله
أزهار دزيت رساله ل أسيا شگوو شبيكم گبل جاوبت.
أسيا ما أعرف سألي أخوج راح يخبلني وياه نوب يدزلي اخذ ابني وأتزوج وهسه يكولي اجي أخذج ما فهمت عليه شنو يريد أخوج
وما عرفتي تطيبين خاطره وتكوليله اي تعال هلا بيك طبعج هذا شوكت تبدلينه وشوكت تتعلمين على? أطباعه دام كالج اجي اخذج يعني كلبه صفى ومشتاقلكم وكلامه هيج راد يخوفج وبس
عصام ما يكول كلام اذا ما متيقين منه ويسوي.
عمرج ما راح تعرفين عصام وضلي زعلانه أنتِ الخسرانه وهو هسه عصبي نار اذا تتصلين عليه كبل يطلكچ ههه عوفي احسن خل تبرد أعصابه
تمام عود راسيلني من تشوفينه هادئ
تمام نهيت المراسله رجعت التلفون ومر وقت هواي باوعت أمي نايمه والدنيا ليل وغير الأتجاه الشارع عصام وين رايحيين.
عصام بيت جدي هسه البيت يصفر ماكو لكمة أكل.
أزهار تمام ادري بي ميحب الجاهز وأمي زعلانه ما راح تطبخ وصلنا وشال البيت شيل بالهورن مال السياره وامي كامت تصيح عليه
وصال على? كيفك تخبلت يارب ثبت علينا العقل والدين يارب عقل هالرجال
عصام يمممممه
وصال وجعة أبو أمي تنام بگلب امك خبالك لا راح لا اجه تعارك ذبان وجهك
أزهار أجه مروان فتح الباب ويصيح وعصام بعيطه وحده سكته
عصام أنتَ أسگتتت.
أزهار نزلنا تعبانين ومروان مشه وما حجه شيء وعصام وكف ما اعرف شُنو كتب برساله رفعت نفسي اشوف وخزرني
عصام عينج لا اطلعها حركاتج الطفوليه والتافهه بطليها
أزهار ما جاوبته دخل كدامي وأني وراه وبدخولنا لكينا بيت عمي علوان موجودين هديل وأسيل امي سلمت ومباوس هي وياهن وهو سلم وتفاجئ بيها بس تصرف طبيعي دنگ بوس رأس جديتي وكال
عصام شلونج
الحجيه نعيمه زينه
عصام أشو تحاجيني من ورا خشمج خيرر.
الحجيه نعيمه مرتك وأبنك شوكت ناوي ترجعهم ترى طولت خلگي وياك هواي
عصام بالبيت موجودين
الحجيه نعيمه عليمن تجذب ولك
عصام حجيه مو وكته الحجي شكد تحبين تبحرين بالسالفه كتلج بالبيت وخلص وباجر اجيبهم يتغدون يمج خوش حجي
الحجيه نعيمه خوش حجي انتظرهم
عصام عمه ام حارث شلونج عمي علوان شلونه والولد
جنان الحمدلله بخير الله يسلمك ويعزك كلهم زينين
عصام الله يجعلكم بالخير أسيل شلونج شلونها الدراسه
أسيل الحمدلله ماشيه.
عصام بالتوفيق
أسيل تسلم
عصام يله عن أذنكم عميمه ما تصغرين جهزيلنا العشه بلا أمر عليج
زينب من عيوني تدلل دام رجعت أسيا اسويلك قوزي
أزهار عصام راح الاستقبال ومن بعد ما سلمت عليهن ومباوس كعدت بصف جديتي مقابلهن وأباوع ل هديل ركبتها انكسرت من كثر ما مندكتها رفعت رأسها وتنفست براحه ربع ساعه وكامن عرفت ما تريد تتواجد لن عصام اجه
فريال بعد وكت بعد الليل باوله ضلوا خل نتعلل.
جنان لا حبيبه ما نكدر والله جهالها وكحين وأبني حارث ومرته يمنا وأسيل عدها دوام باجر وطبتنا خير عليكم تصبحون على الف خير مع السلامه حجيه
الحجيه نعيمه الله وياكم عيني الف بيجن.
أزهار طلعت وياهن وامي وعمتي فريال واخوها حسن طلع ومروان وعصام تسلاموا وياه يم الباب وعصام رجع الاستقبال ومروان اجه وياه لسياره صعدوا وطلعوا وأني رجعت وكفت يم باب الأستقبال وحاجيته صدك أسيا بالبيت.
عصام خو أنتِ ما تفوتج فايته ولا أكله بايته أمشي شوفي العشه وين صار أريد ارجع البيت
أزهار ما كلتلي عاط بيه
عصام كتلج أمشششششي
مروان شكد صايره تلحين.
أزهار هلا بسيادتك شلونك
مروان زين خلصان منكم
أزهار عوذه
مروان يله دكافي تلغين شوفي العشه وبطريقج كهوه لأخوج
أزهار تدلل أنت، رحت المطبخ وعبرت من يمهن امي تباوعلي بحقد هاي شبيها كاتله أهلها وما ادري شذبحتي على? شاهين لخاطر الله.
لكيت رباب تساعد عمتي زينب رباب شلونج
رباب شلوني سهر وتعب وجهال وهوسه شلعان گلب الله وكيلج بس شنسوي مسؤوليات وواجبه علينا، أنتِ شلونج بالوظيفه زين سويتي توظفتي والله من سمعت فرحتلج تستاهلين
أزهار بعد روحي تسلميلي نسولف ونشتغل كملت الگهوه وهنأ كملن العشه اخذت صينية ل الأستقبال ولكيت عمو فاضل موجود شلونك عمو
فاضل يا هلأ بزهرتنا بخير يبعد عمج أنتِ شلونج.
أزهار زينه بشوفتك خليت الأكل كدام عصام ومروان اخذ الكهوه وكعدت بصفه يراسل ومبتسم ويكتب بكل حب
مروان مشتاقلج أشرب الكهوه واروح البيت ونتخابر
أزهار ضربته على? كتفه منو هاي!
مروان عمي كاعد كومي كعدي يم النسوان شعندج كاعده يمنا
أزهار اكوم بس تحجيلي حباب
مروان خصوصيات ليش تحبين تنهانين امشي ولي.
أشكرك زعلت وهو ضحك زعلت والله
ميخالف عود بعدين
ماشي أنتظر شگو عندي
عصام أزهار كومي طلعي عندي حجايه ويه عمي فاضل.
أزهار حجايتيش؟
شعليج أنتِ امشي طلعي وبلا لغوه
أزهار تمام طالعه كمت ومروان ذب التلفون واني وكفت يم الباب أسمعهم وعصام بلش يحجي
عصام عمي أزهار اجوا خطابه
فاضل خير أن شاءالله ومنين الأهل
عصام شاهين ابن خالي سلمان
مروان كوله ما اله عدنا مره لزواج
فاضل هو الولد ما بي عيب بس عيشتهم صعبه وأختكم متعيش هناك لو ساكن اهنا بيها باب وجواب بس رأي من رأي مروان ارفض بالحسنى.
عصام ما كلت شيء خل أبلغ سيد الوالد وأردلهم الجواب ونوب أمي زعلت مني
مروان تزعل يومين وترضى شنو گوه قابل
أزهار تنفست براحه وكعدت گبال امي مبتسمه وأرفع بحواجبي الها وشوي وصاحت الهم
وصال عصاااااااااام مروااااااااان
أزهار كمزت بخوف طفرت على? جديتي
الحجية نعيمه يمه أسم الله الرحم?ن شبيج
أزهار لا جده ما بيه شي شوي واجوا رادت تحجي وعمي فاضل وراهم وسگتت.
وصال يله يمه نكوم نروح وأخوكم مجد من ساعة اجينا نايم وراه مدرسه أزهار كومي كعدي.
أزهار كعدته بطلعان الروح يله كعد مشه يتطوحح بمشيته ومروان ضربه على? رأسه
مروان امشي عدل ولك صير رجال ليش رخي طايح الحظ
عصام عال گلبي بمشيته خل يخلص الا اكظبه التدريب
وصال يمعودين عوفوا الولد نعسان ما يدري بروحه امشي امي انت
مجد يمه سگتي ولدج
وصال شسكت منهم درچه ما تسد حلوكم ليش أكدرلهم
ازهار صعدنا بسياره عصام وصاح علينا.
عصام وين وين صعدوا ويه مروان اني عندي شغل
وصال شغليش بهل الليل وين مولي
وين اولي قابل شغل وخلص الا تعرفين
والله رجال مرته مو يمه وين يولي
لكواويد يلعب شناوا
ليا ساقط ولك أختك واكفه استحي شويه
والله سألي روحج يله صعدوا ويه مروان ولو الافندي مطفي ساحلته بنت خوش أوادم
ازهار مشوا وأمي ما مرتضيه صعد ومن جام حاجيته رايح تجيب أسيا
عصام ميخصج
أزهار أبتسمت وعفته وصعدت ويه مروان وطلعنا للبيت.
أسيا
من بعد رسالته واللي صار أخر مره اخواني هادئين ونهائي ما فتحوا الموضوع وياي بعد، بس اني ضليت أتحرمص ما متعوده على? هالهدوء علمني على? الصياح والخبال صار الوضع زلاطه عندي
جاي اسوي حليب لأبني واجت براء تباوعلي محتاجه شي
براء شصار على? سالفتج شو زلمتج ما عاد بين
أسيا هو بين وين يروح ابنه يمي
لحد الان ضامنه يرجعلج ولج خلي كرامه لنفسج هذا واحد ما يستحي الله يدري وراج شعمل جم وحده كلب حضنها
هو وربه.
يمه شلون الج نفس تتقبلين الوضع لو منج أكلف اخواني وخل يطلكوني منه وأنعل والديه
سمعتيهم شگالوا حالي من حالج
سمعت بس بعد ما حجوا وأبراهيم ما ظنتي يوافق لن ما مقتنع وسمعته يحجي هو ودره وتكوله لاتطلكها وتشيل خطيتها وراها طفل وبطنها مليانه منو يعيشهم تضل خدامه لنسواين شفتي والله شبعت قهر من كلامها شقصدها
ما تقصد شيء واشوف كلامها صدك دره عمرها ما رادتلي الشر سگتت واجت رسل أخت براء.
رسل براء لادخلين نفسج رجال ومرته احنه شکو
براء لا يبوي أحنه شگو بس مقهوره منه لن مستصغرنا وكلمته أدك بگلبي شنو بس هو متمكن محد عنده فلوس
أسيا ما جاوبتها مشيت لغرفة امي شفت الخط مالتي اخويه مخلي على? الميز يمكن توصلوا لحل الطلاك مو حل لهذا رجعوا الشريحه اخذتها وخليتها بتلفون أمي ولكيته حاظرني هذا ليش حظرني عفته وعمتي مغلق تالي راسلت أزهار وفهمت منها.
للمغرب كاعده أصلي بغرفه أمي ودخل منذر خله تلفون جديد بحضن كرم وطلع كملت صلاتي وشفته جديد ومن الراقيات يبووه خله العنده وجابلي لن هو كسر تلفوني واكيد ميقبل ياخذ فلوس اجت امي وشافته ضلت ساكته
فتحت جنطتي وخليت بيدها قيمة التلفون الفلوس هذن لو رحت انطيهن اله هو شكو عنده
فوزيه أخوانج نفسهم عزيزه ما يأخذون رجعيهن لجنطتج.
أسيا رجعتهن بيدي وكلش انقهرت زعلتي لأهلي قهر فوك قهرهم انزعجت وتعصبت وعصام لو يمي أشرب من دمه طلعت امي وضليت اني وكرم وأيدي على بطني كسرتوا ظهري فوك قهر ابوكم
بقيت بغرفتي حتى ما تعشيت ولا امي دزت عليه وكرم يلعب يمي صافنه وشابعه قهر ورن تلفوني هو ما ردت اجاوبه وتالي جاوبته نعم
أتعشى وأجي أخذج
لاتجي احسن
مشگلتج والله أنتِ مو مال عين وأغاتي مال ركع بالقندره ضلي ضلي طبج ستين مرض.
قطعت الخط بوجهه وشوي ودزلي رساله
أخليج تدفعين ثمنها غالي تسدين الخط بوجهي سهله أسيا سهله يصير خير
تجاهلته شيريد يسوي بعد طلعت بالوجه الاسود كدام أخواني بسببه واحد ما يحسب حساب لحجايته شگد مقهوره وشبعت قهر لن حجيت لأخواني حجايته بنت الفگر گالها وبعد كل قساوة بالكلام ارجعله وترجع نفس الطاسه ونفس الحمام ونفس عصام لا راح لا اجه.
نومت أبني وتمددت بس كاعده والقاهرني أكثر زعل أمي مني حتى ما تباوعلي اني شبيه اجيت وحملتها بحملي وقهري كافي عليها شايله هم ولدها وشلون يعيشون عيالهم وشلون يستقلون اجييت وكحلتها، كله منك يا عصام انت وازيتني على هالشيء.
مر وقت هواي وصافنه وأسمع صوت بالصاله صوت زلم أخواني يمكن نزلوا وأمي كعدت على صوتهم لبست حجاب صلاتها وكامت وتأخرت رفعت الغطا وكمت وراها قبل لا اطلع اجت.
فوزيه زلمتج اجه يرجعج وكاعد ويه اخوانج شگول عليج أسيا الرجال منزل رأسه بالكاع ويحاجيهم ما رفع رأسه ركبته أنكسرت جن حاس بذنبه يا يمه المره تستر على الرجال وعيوبه وبيهن يعدلن زلمن ليش أنتِ تمشين عكسهن.
أسيا يستاهل والله حيل وابو زايد علمود يتوب يحجي عامي شامي شُنو ما وراي اهل وأخوان
فوزيه أمشي مو وكت لسانج يلعع، أخوج أبراهيم يريد يسألج
شيسأل أذا على الرجعه ما ارجع وياه خيولي خل يتأدب
أنت تأدبينه
أي.
وامي بهاي الطريقه تأدبين الرجال
أي
يأدبج ويأدب عشره من أمثالج ومو سأل عنج زين منه جاي يرجعج وأنتِ نشرتي على الحبل كدام نسوان اخوانج ما خليتي لصلح مطرح ضلي ضلي بهذا يابس رأسج لما يجيبلج ضره عكبها بيش خير ويبسي رأسج
راحت ورديت الباب وقبل لا أرجع اجاني صوت أخويه أبراهيم
أبراهيم أسيا خويه تعالي
أسيا والله فشلانه منهم لبست شالي وطلعت هاا خويه.
أبراهيم خويه رجلج جاي وتعذر من عدنا ويريد يرجعج شتكولين تردين ترجعين وياه لو تردين تضلين البيت بيتج العتبه النا والبيت الج هذا بيت ابوج واخوانج كولي ويجرالج بس اكولها الج مو لن متعاجز منج لا والله انتي خيتي بس يا اسيا المره مردها بيت زلمتها مو على كل حجايه نوصلها الطلاك ورجال ومرته تصير بينهم والمشاكل ما تخلص ماكو حياة تضل حلوه طول العمر لازم حلو ومر
أسيا والله خويه فشلانه منكم وحقكم عليه.
أبراهيم لا يمعوده تصير فدوه الج المهم عندي اشوف مرتاحه
هاا شقررتي اذا توافقين علمود تسويلنا جاي
أسيا هزيت رأسي وطبطب على أكتافي وگال
أبراهيم بيها الخير يله سويلنا چاي واذا كرم كاعد جيبي ابوه يريد يشوفه خطيه
ماشي لا والله نام من زمان هز رأسه وراح ورحت المطبخ وسويت الچاي وصبيته ومشيت دگيت الباب وأجاني صوت أبراهيم
أبراهيم تعالي أسيا.
أسيا يبووه فتحت الباب وصاير گبالي رفع عيونه وصار بوجهي خايفه ومستحيه منه ما ادري شصارلي جسمي كله لزمته الرجفه ادري قباض أرواح، قدمت لاخوي أبراهيم وأشرلي اضيفه بالاول عاد ابراهيم كال
أبراهيم لا والله أبو كرم بالأول
أسيا عصام غمض عيونه ويفرك بيده بتوتر وصلت لعنده اخذه مني وساكت وما باوع نهائي ضيفتهم ومنذر مبتسم وهز رأسه يقهر وهمس
لو ضابه لسانج مو أحسن فشلتي الرجال كعدي خيتي كعدي.
كعدت بصف أمي ومتوتره من وجوده شرب الجاي شربه وحده يمه يصمط والله هذا شبي
عصام مشكورين والله حقكم عليه وساعة شيطان وو
منذر لاتكمل ابو كرم تصير وكل رجال من يتعصب يخرط الاول والتالي عمي النسوان ما ينجرعن يبطن الگلب هذا هو جن ما صاير شي والرجال ومرته تصير بينهم والله يصلح الحال احسن شيء.
أسيا منذر رغم شگد جان مقهور وعصبي وتوعد وحجه وعصب جان اكثر واحد متفهم وكاعد يطيب الجو بقيت ساكته وهما يحجون بس اللي وكف بعيني عصام ما جاب طاريي ولا حجه شيء يخصني حزت بکلبي وسگتت وباوعلي ابراهيم وكال
أبراهيم أسيا بويه كومي جهزي نفسج أنتِ وأبنج تتوكلين ويه زلمتج وسمعي الكلمه ولا تعاندين ديري بالج على زلمتج تررى ازعل منج وزعلي ثكيل خو تعرفين أخوج.
عصام لا عاد ام كرم معدله والنعم من تربيتكم وعلى رأسي كلكم وأن شاءلله الصار ما ينعاد وأعتذر مره ثانيه عن اللي صار وعلى كل كلمة بدرت مني بدون قصد الله شاهد.
اسيا يحجون واني ما كدرت اتحمل كبل طلعت للغرفه ولحكتني أمي
فوزيه شفتي زلمتج شلون ما كسر بيج بكد الذره كدامي وكدام أخوانج وكل شوي معتذر يله بلكي تصيرلج عبره وتحفظين سر غرفتج، ديله كعدي أبنج وتحضري والله يهديج.
أسيا ما جاوبتها طلعت جنطتي وجمعت ملابسي ولبست وشلت كرم وشافني أبراهيم اخذه مني وداه لابوه جان كاعد وشاف ابوه وركض لحضن ابوه شاله ويبوس بي، طلعت واعصر بالجنطه واخواني طبطبوا على كتفي ومشيت لبرا ودعنا اهلي وتوكلنا للبيت بس امي ضلت على موقفها.
يسوق وكرم بحضنه حاضنه من ركبته تعال كرم خلي ابوك يسوق
عصام عووووفي.
أسيا سحبت أيدي وخليتها على بطني حامل 6 أشهر بقينا ساكتيين او بالاحرى ما ضل كلام نحجي هو غلطان بحقي وحق أهلي ويستاهل.
وصلنا جان الوقت متأخر ما دك هورن هو نزل فتح الباب ودخلنا نزلت وهو طبك السياره بالكراج وبيده كرم اجه عبرني سحب الجنطه من ايدي لن ثكيله بيها ملابسنا ومشه لغرفتنا فتح الباب جانت مقفوله هو من النوع ما يحب احد يدخل غرفتنا كلش يحب الخصوصيه بفتره الخطوبه وبداخل البيت سوه سويت كامل يعني صاله صغيره بيها تخم وبلازما وبالبنص غرفتنا وغرفة كرم وحمامات داخليه.
دخل وقفل الباب وراح الغرفه بقيت بالصاله ذبيت جنطتي وكعدت اخذ نفس اسمعه يحجي هو ابنه انتظرته ينام يله ادخل هسه يضل يحاسب وتعالي شيخلصني من لسانه مالي خلگه.
مرت نص ساعه وخف الصوت ولا هو سأل عليه ليكون مرجعني علمود ابنه شمرت الجنطه وتعصبت شلتها ودخلت الغرفه لكيتهم نايمين حاضن كرم ونايم عفت ملابسنا وغيرت ملابسي بقيت واكفه ردت اعزل فراشي انام بالكاع بس تذكرت حجاية امي.
فوزيه المره تزعل على الرجلها ما تزعل على فراشها ديري بالج تعزلين فراشج هو يسوي اللي يسوي مرده الج بس اذا ركبتي راسج برأسه ما يجرالج خير لن أنتِ مره وهو رجال زرعي هذا الشي برا?ج
أسيا شلت الفكره من رأسي وتمددت بصفهم بينا كرم جنت صاده عليهم وهو مغمض كال
عصام لايدفرج على بطنج نومه وسخ
أسيا خايف على البطني ما خايف عليه ما جاوبني رجعت حجيت وأنت الزعلان ضل بزعلك ما ارضي احد اني عود انت ارضى لوحدك.
ما جاوبني شعوطني متت قهر انطيتهم ظهري واجتني دفره قويه كمزت الدفره هذا مو كرم لن كرم نايم باوعت اله هو هم منطيني ظهره معقوله يتهألي بس حسيت بيها ليكون يتحارش هذا شوي وشفت كرم دفر ابوه وخله رجله عليه اجتني الضحكه على نومته
عصام كرم بابا ليش تخليني اوديك لغرفتك.
أسيا عدل نومته بدون ما يباوع لوجهي جنت مرتجيه على تاج الجربايه وأباوعلهم ورجع نام ومخلي ايده على? رأسه ظنيت بي السؤء عبالي هو دفرني طلع ابنه بقيت صافنه شوي رجع كلب نومته وصاح ابوه
عصام لا اله الا الله على هالليله الكشره متكولي شجاك مرغلت روحك شو امشي انومك بغرفتك انت مو مال عيني واغاتي.
أسيا شاله ويبوس بي واخذه الغرفته وكرم يحجي
كرم ماما.
عصام وين تطير أمك موجوده بابا موجوده نونو بطنها ما يصير باباتي اخاف تدفرها وتسويلي سالفه يله تنام بفراشك انت زلمه خوش زلمه سبع
كرم ما اريد ماما
عصام شلون اكوم اعدلك انت وامك بنص الليل شو نام وعوفلي امك هسه نام وليدي نام أبنييييي نام زلمتي
أسيا متلاغين هو وياه بس صوتهم يوصلني وسمعته كام يبجي هو جان يحب غرفته العابه وفراشه بس من بقيت يم اهلي تعود على? حضني وراح يشلع كلبنه وياه تخربط نظامه.
كرم مامااااا مامااااا
عصام والله من أنعل أبوك لابو امك تكفرون الواحد قسم بالله، شو تعاااااالي على? أبنج.
أسيا مشيت ويه طلعتي إنضربت بصدره وهو أنلطخ ضربني بهوا ايده وعلى رأسي
عصام وثول وثول عمه الدبب كاع الله شگدها شكپرها
أسيا أنت متشوف ما جاوبني عبرته ورحت عليه لكيته يبجي هاا حبيبي هاا كلبي ليش ماماتي عادي ولا يهمك هسه انام يمك شعندي غيرك أحبل اجيب
عصام لا يبوووي.
أسيا ضحكت هذا منو وياه، نومته بحضني وسكت وكبل نام هدأ الوضع وغطيته وطفيت الأضويه ورجعت لكيته نايم وشگله غافي بعدت الغطا ونمت بصفه بس بعد مسافه نايم مستقيم على? ظهره جسمه وطوله مسطره وقالب
ضليت أتكلب بفراشي وطار النوم من عيوني عكسه هو غرق بالنوم من صوت انفاسه انطيته ظهري ونمت
كعدت الصبح اسمع صوت الدوش بالحمام يسبح.
رفعت الغطا وشلت شعري بقيت كاعده على حافة الجربايه وطلع هو بس لاف منشفه على? خصره وشعره ينكط ماي وفتح الكنتور وطلع ملابسه غير ولبس كدامي بقيت اباوعله بكل صلافه ما نزلت عيني عنه وهو يباوعلي بحقد بالمرايا مال الكنتور ما شال عينه عني كمل لبس وصل ليمي شال ساعته وخله عينه بنص عيني ومشه بدون اي كلام سمعت الباب انفتح وراح.
تجاهلت الوضع ورجعت كملت نومتي وتوسطت الجربايه ومر وقت هواي وأني نايمه كعدت على? صوت بالغرفه كعدت لكيته هم يبدل لبس ملابس بيت بجامه وفانيلا نص ردن لونها اسود كمت عبرته للحمام سبحت وطلعت لابسه برنص حمام ولا اهتميت لوجوده جان واكف يخلي عطورات ويرتب بروحه سويت نفس حركته لبست ملابسي كدامه وهو عكسي ما باوعلي ولا أهتز يا كاع أنشكي وبلعيني عادي غرفتي وين اغيرهن يعني كملت لبس وكفت بصفه لطشت يم الميز وأباوع على? شكلي ورشيت من عطوراتي كدامه وهو ثابت وكلش عاقل مو عادته هو وكح.
ا?فع خصلات شعري واخلي عطر وسويت حركه مغريه كلش رفعت ثوبي اسمه ثوب رشيت عطر على? افخاذي وهو صافن وعاكد الحواجب ومصغر العيون ومخليه أيده بجيوبه ويباو? جاوبته شبيك ما جاوبني بس على نظرته وموقفه كملت ومشيت وهو واكف يباوعلي بالمرايا.
كملت ترتيب ومشه كدامي شغل التلفزيون وكعد بالصاله يباوع أفلام وشفت جايب كومه أكياس متسوك ما مخلي ما جايب عصائر وكيك وبقلاوه وفواكهه من كل الانواع وحلويات منوعه النفس وماتشتهي.
كعدت ارتب المسواك واني كاعده احس ثوبي طاير من ورا بطني مرفوع فوك تجاهلت الوضع كملت كلشي وصلت جيس فتحته ملابس لكرم صحت كرم ماما يله اكعد الدنيا ظهر
عصام كاعد يم أمي بالمطبخ.
أسيا ما جاوبته شلت الملابس الجايبهن لأبنه وحسيته يريدني أني أعتذر لا والله شايف نفسه ليكون عباله اني غلطت بحقه لن الاخ دأكها نظرات وبرود وتجاهل عود أني زعلان تعالي راضيني عشتوا منو يراضي الثاني
دخلت فتحت شبابيك ونظفت الغرفه ورتبت الجربايه وغيرت الجراجف لن مليانه ريحة دخان جگاير وعطرتها وغسلت ملابسنه نشرتهن، مديت?أسي أشوفه بعده موجود لو رايح باوعت نظره خطف لكيته يراسل بتلفونه.
مُباشرةً صديت وجهي تجاهلته شيريد يسوي مثلاً خيولي مو مال اكعد اقهر بروحي علموده وهو شالع گلبي من ورا لسانه تالي رجعني اله واني فشلانه من إخواني وأمي زعلانه وجهه ثكيل من عندي شحصلت غير القهر ما وكعت بس بر?أسي.
.
أزهار
كعدت الصبح على? صوت المنبه طفيته ورجع دك فتحت عيوني ما ضل وكت عليه ركض طفرت الحمام غسلت ولبست وكفت خليت مكياج خفيف ورشيت عطر.
نزلت بيدي جنطتي وكعبي وأغراضي شمرتهن باب المطبخ فتحت الثلاجه اخذت بطل ماي شربته كله وقرص نعناع وعلج واجت امي وعثرت بيهن وكامت تصيح عليه ودفرتهن برجلها
وصال شكو وين ما تجين تشمرين بأغراضج شويه ترتبي يالمخربطه الله بلاني بيج ابرد من الثلج.
أزهار ما جاوبتها اخذت أغراضي وطلعت مهضمومه منها عاد راح تعاديني لن رفضت أبن اخوها هي گوه ما أريده.
باوعت بالكراج سيارة عصام موجوده يعني بالبيت صعدت بسيارتي اشغل بيها ما تشتغل شلون قهر أتصلت على? عصام ورفضني هذا نايم شيكعده يضل يغرد عليه أتصلت على? مروان وجاوب بسرعه سيادتك وين أنت
مروان هاا خير بالمعرض
ليش ما عندك دوام
لا كولي شتردين يله عندي شغل
سيارتي يمكن عطلت ما تشتغل وما اعرف شبيها واريد أروح لدوام وتأخرت شلون.
عوفيها هسه أجي اوصلج.
مشكور سيادتك
العفوا.
أزهار بقيت انتظره وطلعت أمي تباوعلي وصاحت وراي
وصال شعندج تفترين ليش ما موليه لدوامج
سيارتي عطلت ومروان راح يجي يوصلني أنتظره
عسا لا أشتغلت ومروان عاف المعرض علمودج والله عمي دلال خلي يطلعون عينج خلي
تجاهلتها اعرف بيها تريد تقهرني بس ميخالف أمي اتحملها أسبو? أسبوعين وترجع طبيعيه ودك هورن وصل طلعت وهي واكفه لكيته ينتظرني صعدت وطلع كل سرعته يربي تأخرت.
مروان ليش متأخره بالكعده شوكت تتعلمين على? النظام هذا دوام مو لعبه منا ورايح ضبطي وگتج
أزهار أن شاء الله وصلني وراح دخلت الدائره مزعوجه اليوم من اوله عاكس وياي الله يستر من تاليه
بلش شغلي ودوخه رأس شكد احب وظيفتي بس من بعد تعامل امي طلعت الدنيا من عيني كله من ورا شاهين اشتغل وعصبيه وأجت رشا فوك رأسي خير شعندج واكفه روحي شوفي شغلج
رشا لو تدرين منو جان أهنا
أزهار جاوبتها وأني أشتغل منو؟
تذكرين الشخص اللي كلب الدائره علينا
يا شخص
ياا شبيج صايره تنسسين هذا اللي علمود معامله مالته كام يحجي ويعيط ويغلط بوكتها خبصنا
أي تذكرت شبي مات
يا بيش طالبه الرجال
اي شمدريني اذا كل واحد يجي الدائره احفظ شكله وشسوه تطلع طويله روحي رشا عندي شغل مو فاضيه لتفاهتج.
يالعوبه انطي مجال احجي بعدين احكمي
ما جاوبتها
أجه لدائره وسأل عنج
وأني أشتغل جاوبتها شسأل
كال الموظفه جانت اهنا نقلت لو شنو
وهو شعليه.
ما اعرف والله بس كلتلج يعني اكو من يسأل عنج
كثر الله خيرج يله توكلي على? شغلج باوعت على? الساعه قبل لا يخلص الدوام خل اشوف مروان اتصلت مروان
مروان هاا عيني
أزهار تسلم عيونك خيي أنتَ تجي تأخذني مو علمود أعرف أخاف عندك شغل
ميخالف اخلص شغلي وأجي اخذج
قطع الخط خلصت من سالفه الرجعه كملت شغلي والموظفين طلعوا أتصلت على? مروان رفض وطلعت لكيته ينتطرني صعدت وتوكلنا للبيت.
وصلني يم الباب شُنو ما تنزل.
مروان عندي شغل نزلي
أزهار على? راحتك نزلت ولكيت البيت يلمع وشفت أسيا لابسه ثوب احمر صارخ وشعرها لونه نحاسي نازل على خصرها شادته بگدر وتفتر وتنظف وصلت لعندها عزا بعينج على? هاالون اليموت اني مره انغرمت بي تسرسح گلبي شُنو هالأغراءت عمي
أسيا تعالي ولج مشتاقتلج
أزهار بوستها شلونج الاوضاع الامور سولفيلي
ماشيه ينراد النا كعده ومزه معدله على? کولة عصام ونسولف ونحش بي شتكولين.
غمزتلي وضحكت وهو عبرنا لا سلام لا كلام
أسيا والله لو تدرين شكثر اشتاقتلج أصلاً البيت حلو بوجودج هسه عصام يروح وتعالي بغرفتي
عصام راحت روحج وين رايح بس تردين تخلصين مني
أزهار عبرنا وراح الغرفه خرب بيومج طكيتها بوجه هسه على? عنادنا ما يطلع من الغرفه
ولا يروح مو فد مشكله اجي بغرفتج
تراضيتوا أخاف انكتلتي
أني أنكتل
ما عرفتج ولج
منا وهيج أني اعلمه كافي وصلت خشمي خل اكعدله گلب
اخاف ينكلب عليج غوريلا بعدين.
وينگلب عليه شنو الجديد يله صعدي غيري ملابسج ما متغدين لحد الان
تمام كلبي صعدت لكيت امي تنظف بطابق الثاني بغرفة مروان وغرفه عمار تنظف بيهن وفاتحه شبيابكهن ودخلت غرفتي ولا منظفتها ميخالف اني انظفها مهم تفك عني لاتسسمني بعيشتي.
نزلت لكيت أسيا صابه الغده على? الميز وعصام كاعد عيونه بالتلفون شكله يراسل، بس يباوعلها من جوه ليجوه وهي تباوعله يغير نظراته لواحد مزعوج وحاقد والله شعدكم سوالف هم اتزوج واصير مثلهم كون يشبه شخصيه عصام واذا ضابط اكون ممنونه هيج نفس عصام الخالق الناطق حتّى لو عصبي ميخالف راضيه مهم يكون عسكري ويشبه أخواني بكل أطباعهم الحلوه على? گلبي مثل العسل.
اجت أمي ومجد هم وكعدنا وأسيا كعدت بصفي جان عصام مترأس الميز لن بابا ما موجود هو ومروان باوعلها بنظره ما عاجبه الوضع ذب الخاشوكه وكام
وصال شبي رجلج
أسيا شبي قابل أبنج ما تعرفينه
لا أعرفه بس أنتن مستجلبات شكوو كعدتي بصف حماتج! وزلمتج شنو موضوعه راكنته شنو متزوجه حماتج لو متزوجته اله رجال شكده شكبره ما مهمتله شتردين أنتِ
ما اريد شيء بس يفك عني ياخه ويضب لسانه.
هو علينا احنه أهله ما ضاب لسانه ويانا تردين يضب لسانه وياج وين صايره هاي امي داري زلمتج لايطير وكتها عود يبسي رأسج
رايحه اشوف كرم
لاتروحين هسه تتعاركون وتصير مشكله هو أنزعج من تصرفج عوفي بعدين من تبرد أعصابه روحيله
والله عمه أبنج شالع گلبي
الله يساعدني لعد أني شگول الكل شالع گلبي.
أزهار في متصف الجبهه تقصف ولا تبالي كملت الغده وكمت لغرفتي وضليت على? هذا الحال أيام مرت وأمي مشوفتني نجوم الظهر بس من يجي أبويه تسكت من يروح تلزمني حجي وبطريقه مبطنه وأسيا نفس حالها وحسيتها متغيره وعصام اليوم ينزل ومن رجعت من الدوام هي تنظف بغرفتها ومعطرتها وهي كاشخه على? الاخير عروس مو مثلها لك شُنو هالجمال درينا حلوه
أسيا أخوج اليوم ينزل مشتاقتله أبن الاوادم.
أزهار يروحي الله يدومكم لبعض يله صاعده أغير ملابسي أخذي راحتج اخاف عصام يجي
أسيا تمام حبيبتي
أزهار صعدت غيرت ملابسي ونزلت لكيت عصام موجود يلعب بكرم ويضحكون هاا الله يساعدك
عصام ويساعدج شلونج ويه أمي
زوينه
شو زوينه لازم الأمور بعدها مو تمام
أي والله وكلش هم صدك أنتَ كلت ل بابا
أي كلتلته ولا تدخلين بهذا الموضوع هذا شغلنا دام أنتِ ما موافقه خلص
هزيت رأسي صدك شصار على? سيارتي ما صلحوتها بدلتوها.
ما عندي مجال ومو تدرين جنت بالدوم وين نبدلها مو بعدها لوز شنو هالتبذير
لعد شلون هذا مروان راح تخلص إجازته هو بدون شيء ما يتفاهم وبس يعيط منو يوديني ويرجعني
سواق الج شمدريني خل يصيرلي مجال واوديها لتصليح
ماشي انتظرك تصلحها ما رد ومشه لغرفته وباوع على? أسسيا ما كدرت أفسر نظراته مرته وهي اعرف وافهم بي واجت اسيا هاا شعندج
أسيا شتكولين اروحله احس طوختها وياه.
والله صاركم أيام من رجعتي وحالكم نفسه والى متى روحيله ولاتخلين مكانج فارغ لاتجي وحده وتترسه
تمام اروح أشوف الأوضا? وأنتِ صبي غده اذا جينا نتغدا سوا تأخرنا تغدي لاتتنظرين
تمام روحي على رجلج عوفي الأكل هسه تلحكين عليه ضحكت وراحت الله يصلح حالكم.
أسيا
لحكته الغرفه كرم يكمز ويلعب أبوه جابله سياره جديده دخلت الغرفه ملابسه على? الجربايه والدوش مشتغل جاي يسبح، جمعت ملاببسه وفرغت الجنطه وفتحت الكنتور أطلع اله ملابس نظيفه يلبسهم
واني واكفه رافعه رجلي اجيب تيشرت بالرف الفوك أجه هو صار بظهري وجسمه رطب التصق بجسمي رفع ايده ويه أيدي مُباشرةً وأثنينا لزمنا التيشرت بقيت ساكنه وهادئه بس أنفاسه برگبتي تعبر عن حاله.
ورجفة جسمي الملاصق بحرارة جسمه تعبر عن حالي اخاف أندار وما اكدر افلت منه متاكده گبل يأخذ شفايفي حتّى حجايه ما يخليني أحجي خايفه منه ومستحيه كلبي نبضاته سريعه، طول هالمده احنه ساكتين والتيشرت يكول تهدوني لو اهدكم.
نزلت أيدي وأنداريت ردت امشي خله أيده كدام بطني ومنعني أعبر من كدامه وصار حاجز بس ارفع رأسي يعرف شغله وشيسوي ويتفنن باللوحه مالته رفعت خصلات شعري ورأسي ولكيته مبتسم، ??.