رواية بين قلبها وعينيها كبرياء للكاتبة شمس العراقية الفصل الرابع والستون

رواية بين قلبها وعينيها كبرياء للكاتبة شمس العراقية الفصل الرابع والستون

أزهار طول هل الأيام المرت حالة صمت محد فتح موضوع شاهين لن ملتهين علمود أسيل ومروان وعرفت جديتي متزاعله هي وبابا بس محد حجه ولا فتحوا موضوع ساكتين واني هالسكوت ما مرتاحتله أخواني موقفهم ضعيف كدام بابا حتى ماما ما عدها كلمه وياه واذا جديتي زعلت معناها الأمر محسوم ومنتهين منه طيب وأني شنو دوري ولا أحد سألني ولا أخذوا موافقتي لهل الدرجه صرت ثكيله وكلمة مطلقه جابتلكم السمعه وشوهت الأسم والمكانه.

أسيا شبيج حبي وين صافنه ليكون تحنين ل هشام
أموتج والله شو عافج وتخلى عنج ما وكف بعينه لا أنتِ ولا حبج ولا حتى بنته.
أزهار لا يا محنه يمعوده بس علمود موضو? شاهين يعني تخيلي حتى ولا أكدر أكمل كلامي بس ما أريد أتزوج بس منو يفهمج لا والقهر شاهين هذا ما أطيقه بعيشة الله فد مكروهه يلعب ستين نفس
ما أعرف شگولج الله كريم
أسيا يعني شُنوْ!
لا هيج ماكو شيء.

لا أكو شيء وتعرفينه وضامته عني أسيا أعرفج ما تعرفين تضمين سالفه البگلبج يفضحه لسانج
هو حسب ما فهمت من أخوج وبالگوه حجه?افع منسحب وعمي مصمم على زواجج من شاهين وهذا الشيء گاله گدامنا والحجيه حاجيه وياه ونهاية النقاش صاير زعل يعني الأمر الأول والاخير بيد عمو
يعني أتزوج شاهين
أخوج يحاول وياه عسى ولعلى يقتنع
يا محاوله بابا من يصمم على ق?ار يقفل.
بس ما سألتي ليش?افع أنسحب
ليش.

لن مرام طالبه الطلاق حتى ولده تعوفهم وهو منسحب وعصام حجه وياه كايله هاي هي ما صارت ولاتصير ولا بعد تصير يعني شال فكرة الزواج من باله بس عجبتني مرام بموقفها انطته موافقتها بعدين أنرفض وطلبت منه الطلاق وأعتقد هالمره أنفجرت بي لهل السبب أنسحب بس بردت گلبي تعجبني هي ورواء زوجة أخويه لحد الأن ما مخليته يتقربلها بس ما تسكتله وهو يضربها ويقسي عليها لن لسان والمشاكل گابه بينهم.

اخوج نذل لاتزعلين و?افع حقير ولو مرام بموقفها هذا تتطلك جان خوش لن أمثاله هيج دواءهم بس ترجعين على الأطفال هما الضحايا مثل بنتي صارت ضحية حُبنا اني وأبوها يا حب هذا تاليتي بزواج لا قرار لا رأي اني والعدم واحد.

شوفي ازهار حاولي تحجين ويه عمي گوليله أنتِ ما موافقه أحجيله مشاعرج أنتِ وياه مو علاقتكم قويه خوما ما راح يفهمج وبنته وحيدته هسه يرجعون من بيت حارث ونشوف وضعه اذا عصبي عوفي من يهدأ احجي وياه لوحدكم.
هو لازم أحجي وياه ومستحيل أتزوج شاهين يمه عزا أسيا والله أموت روحي ولا شاهين يصير زوجي
أهدئي گولي يالله خل نتفائل بالخير والله كريم
منين يجيني الهدوء
اذا تزوجتي شاهين هم تكولين ل هشام
أسيا.

نفرض يعني نفرض أذا تزوجتي
لا
ليش
لا وخلص
تمام براحتج.
ضلينا كاعدين ودخل بابا عصبي ومزعوج ويفتح بدكم القميص وصاح على امي
كمال وصال وصال وينچ.
أزهار أمي طلعت من الحمام راحت عليه خير يا ساتر أمشي نشوف شصار وياهم وأسيل ليش ما رجعت بس لا رفضت ترجع مثل كل مره
أسيا هيج الظاهر
أزهار شلت بنتي ورحنا يمه كعد يأخذ نفس وأمي جابتله كلاص ماي شربه وضرب الكلاص قوي عالميز الا فزينا ورجع صاح بعصبيه.

كمال بكد الفصمه تدخل على الزلم الكاعده كلها وتگول ما ارجع ومروان اذا عنده كرامه لا يوصل وأخوها حسسن الافندي يطبطب على أكتافها مفتخر بيها يهيننه كلنا شجابرنا ننهان عليمن من ورا أسيل افندي.

ومروان فعلاً ما عنده كرامه رايح جاي عليها كلها تحجي عليه مقيم بيت حارث فضحنا ابنج فضحنا ادري شصارت هل الأسيل رحت وياج وكلنا جاهله وبعدها ما واعيه على تصرفاتها ميخالف ومروان هم موخوش ادمي عمي رضينا ومعترفين ابننه موخوش ادمي ما قدرتنا ورجعنا وانوب عصام اسيا وأزهار عمي ميخالف انوب اخذت زلم وجاهه وتالي تدخل عالزلم تحجي بصلافه وقلة تربيه واطلع اني والزلم بإهانه.

وصال على كيفك هي هم بعدها مريضه وتعبانه وجاهله ما واعيه على نفسها قابل عقلها وعقلنا واحد لا طبعاً والمسايسه حلوه وهي هم بنتنا
يا مسايسه جاي احجي واكولج تدخل على الزلم ما واعيه على نفسها شگو تتزوج من الاساس اذا ما تكدر تسيطر على لسانها وتصرفاتها يعني سالفتها مو مال وحده جاهله.
كمال لاتشد وياها انطوها مجال.

شنطيها مجال ليش منو يمها منو محاجيها شو مروان رايح راجع عليها شتريد جنتج شتريد دراسه خل ترجع تكمل دراستها عمي تطلع معدل اي معدل بس تنحج اني بنفسي ادخلها أهليه بس لا اسيل هاي هي بعد واني حسمت قراري.
حسمت قرارك بشنو
بعدين تعرفين.

كمال اوكف وفهمنا لاتذب الحجايه وتمشي ترى طلاك ما نطلگها البنيه جاهله ومريضه تريد نشيل خطيتها تروح تموت وين تريد اعوفها تضل يم اخوها جم وگت تضل عند اخوها خدامه لنسواين لو يم امها وهديل وين اعوفها بس فهمني كمال اوكف وحاجيني تحسم قرارات واحنه شنو دورنا بقرارتك.

أني أبو البيت واني المسؤول وقرارتي تعجبكم ما تعجبكم هذا الموجود والظاهر أني انطيتكم عين ودلال زايد وتماديتوا وزواج مروان من أسيل من يومي ما جانت راضي ولا مقتنع وانطيج كلمتي بس أنتِ عندتي وضليتي وراها لما خليتها ب?اس أبنج
أستلمي هسه بس مشاكل.
وأني شعليه ليش تذب الصوج بيه ليش متگول أنتَ رفضت حبيبته هناس وهو من رفضك وافق وتزوج أسيل لن الولد يريد يستقر بحياته.

أي رفضت بس أبنج لو صُدك رايد هناس ما يتزوج لا أسيل ولا غيرها بس أبنج واحد طايش أكثر من أسيل وإثنيهم طايحين حظ اذا هي جاهله ومراهقه هو شبي هم جاهل هم مراهق شو بكد الثور وخابص نفسه ضابط ومكانه وأسم ومراهقه تسحله وخلته علج بحلوك عمامه زوجة مروان دخلت علينا وهيج حجت تسوى عمره وعمرها.
أزهار بابا مشه وأمي كعدت شگلها راح تنلاص
وصال أعرف شگو ب?اسه وأبوج من يحجي ينفذ ما يتراجع عن قرارته.

أسيا شُنوْ عمه أحجيلنا خوفتينا
وصال يزوج مروان وهناس عناداً بأهل أسيل لن هانوا هو والزلم رد أعتبار.
أسيا لا عفيه عمه لاتگولينها وأسيل شعليها خطيه.

يعني صُدك تحجون تزوجون هناس ل مروان علمود لن أسيل دخلت وحجت رد أعتبار ومن هالكلام والله أصلاً عيب وسالفه ما تنحجي لن اولاً هي مريضه ثانياً اهلها علامه x وثالثاً نفسيتها تعبانه أنطوها مجال خلوها على?احتها رايحيين راجعين عوفوها هي تحس نفسها أرتاحت وترجع وجاي تدرس يعني ما جاي تلعب وهم مريضه.

أزهار وين ننطيها مجال يا مجال تحجين عنه ترى صارلها أشه? زعلانه ومروان تعلعل وراها وحس بذنبه تجاهه ومبين عليه شكثر يحبها يعني لازم منها تقدر هالشيء على أقل مو لخاطره لخاطره أهله مرتين بابا راح لعد تدخل كدام الزلم والكاعدين كلهم وهيج تحجي مو عيب.

حتى لو مو توصل أنه يزوج هناس ومروان هذا مو حل هذا عقاب ورد أعتبار على حساب مشاعرها أنتِ شفتيها شلون صايره تكسر الخاطر خو شفتي أمها وجه الكافر وأختها اليهوديه ارحم منها.

أني الصراحه موقفي ويه أسيل لن البنت أهلها مو سندها ورجلها مو وياها طبعاً تريد تستقل بروحها وتكون نفسها بشهادتها لعد تردينها تضل عايشه بشك مروان وطول العمر تضل محبوسه بهل الغرفه لا ازهار هذا مو كلام ولا انصاف وأنتِ بنيه المفروض تحسسين بيها وتوكفين وياها واذا تصيرين ضدها بمواضيع ثانيه مو سالفة زواج وكسر گلوب وخواطر.

أني وياها مو ضدها بس سالفة تدخل على الزلم عيب كلنا مرينا بظروف ومواقف ونفسيتنا تعبت بس تعدينا حدود تربيتنا الاحترام واجب مقدس تكدر ما تدخل وحتى لو نكول أنجبرت من قبل حسن تكدر تحجي بكل أحترام مو هيج عيب تقلل من قيمة نفسها قبل لا تقلل من قيمة مروان والكاعدين.

ولا عبالج اني موافقه على زواج هناس ومروان لن ثلاثتهم راح ينظلمون لن مروان يحب أسيل وهناس قصة حب واسيل طرف مظلوم ولازم أسوي شيء نخليها ترجع قبل لا يوكع الفأس بال?اس.
شتسوين
أوكفي كتبت الها?ساله ورسلتها
خطيه لا تخوفينها.

ترى كلام بابا صُدك وهي لازم تصحى على نفسها وتحاول تنقذ ما تبقى من زواجها لعد نخليها هيج بدون ما نبلغها مو حرام علينا تسمع بعدين وتنصدم لا خليها تعرف وتتلاحك نفسها وتراجع قرارتها وما تخسر مروان.
والله كيفكم عمه فدوه شو ساكته يعني توافقين يزوج هناس ل مروان شو ما تحجين صارلنا شكد نحجي وأنتِ ما شارگتي ويانا.
لا أحجي ولا عليه خلي بقرارته راح يدمر أبنه وبنته خل تخلص سالفة مروان وشوفن الضيم على أصوله.

ازهار ماما شتقصدين
وصال شاهين ماما شاهين
ازهار عفيه لاتكولينها
وصال گلتها وگالها أبوج وشاهين عنده علم وأهلي هم وأبوج منطيهم الموافقه بس ينتظر يحل سالفة أخوج ويتفرغلكم أنتِ وشاهين!
وأنتِ موافقه مو!

لا والله يا بنتي علواه أكدر أسوي شيء وأمنع هالزواج بس ما طالع بيدي شيء وأنوب أخوانج يحجون عليه عنده سوالف مكسره گلبي نغزني منه وجنت احبه ودوم يجيني يسولفلي من مشاكله هو مرته وامه وأخواته شلون شلعن گلبه وتالي طلگها صرت ما أعرف الصدك من الجذب وبيمن اصدك.

مستحيل ماما مستحيل أفهميني فدوة رحتلج واحد منكم يفهمني ويحس بشعوري والله ما اريد أتزوج خلوني أربي بنتي لوحدي مو گافي راح تعيش من دون أب ماما أريد أكون الها الأم والام والسند والعوض ما اريدها ينشلع گلبها مثلي تردين الوعها وراي وتضوك لوعتين لوعة أبوها ولوعة أمها وكعت بحضنها وابجي بحرگة گلب لمتني لحضنها وتبجي.

أسيا عمه فدوه اروحلج سوي اي شيء ومنعي هالزواج هسه لو زواج بي كشفة وجه ومثل ما نكول من المقام والمستويات وما نعيد الغلطه مرتين ومشاكل إلى صارت ترجع تنعاد مره ثانيه.
يعني لو مثلاً واحد محترم وسمعته طيبه ما عليه نقطه حمره بيها مجال مو عاد شاهين لاتزعلين عمه بس ما ينحب مو بس اني الكل ما يحبونه واحسه حقير.

وصال من يرجع أبوج وأخوانج أحجي وأنتفضي هالمره ما أگول لأي أحد أسكت لن السگوت بهيج أمور ومواقف جريمه بحقي وحقكم لاتسكتين ماما هذا حقج ومصيرج يتقرر بهل السكوت مو كل مره الزواج والمشاكل اللي تعانين منها بهل الزواج تكون نهايته طلاق اذا زواجج من هشام الطلاق اجه منه وظلمج وياه وخلاج ساكته وهالمره هم ما تكدرين تحجين ولاتفتحين حلكج لن راح يكولون الج سگتي قبل ما الج حق بالكلام بعد ومحد?أح يسمعج لن الموقف وهو حار يكون الكلام واقعي عكس لمن يبرد وتقل أهميته.

شوفي أبسط شيء أسيل من أنفجرت بيهم الكل كف ضدها وصاروا يردون يحاربونهاا بگلبها الكل يعرف بيها هي تحب مروان وانوب ضمنوا مروان يحبها عرفوا نقطة ضعفها وضربوها من أقسى مكان يوجع الروح ويأذيها وبالأخي? منو الخس?ان الوحيد أسيل لاتكولين تدرس وتستقل بشهادتها كذب الأذيه ما تنسي بالاخص اذا كانت من أنسان عزيز
أسيا عمه كلامج على عيني و?أسي.

وصال رايحه أرتاح ديري بالج على بنتج لاتعاقبينها بذنب أبوها لاترجعين تفرغين قهرج بيها دير بالج ماما الطفل ما أله ذنب.
أزهار راحت وخلتني متصوبه بنص حرب لو أطلع منها لو ما أطلع والكاسر ظهري هالطفله كعدت وأسيا تحجي وتخفف عني بس گلشي بداخلي محترك وصلت النقطه صعبه كلش صعبه نهايتها معدومه لو تموت لو تعيش وأنت ميت.

گمت غسلت وجهي وضليت أغسل وأبجي وأغسل وأبجي ليش هيج حظي ليش وصلتني لمرحله بإهلي كمت ما أثق خليتني مكسوره بكسر ما ينجبر وخذلتني ريتني ما شفتك بهذيج الساعه ولا عيونك سكنن عقلي ولا كلامك أخترق خيالي أخذت گلبي وگلشي بي وبعدين شمرتني وبحضني طفله.
ضليت گاعده بالحمام صافنه وعيوني تجري دمع دمعتي الجانت عزيزه كلش رخصتها بسببك وبسبب حبك الما جنيت منه بس الأذيه.

فزيت على أصواتهم عصام وعمار وحتى مجد لن جانوا بيت عمي فاضل بس بابا ما موجود بينهم طلعت الهم وكلهم باوعوا اليه وأولهم عصام نظراته تشرح گلشي كأنما يگولي ليش ما سمعتي من أخوج والله ما كارهج بس مو گلشي بالحياة يمدنا بالحب نمشي وراه مرات ما نحصد من هالحب بس الأذيه
عمار ازهار خويه شلونج
أزهار زينه بابا وين لعد
مجد شفته من أجينا يجري أتصالات.
عمار ليش محتاجه شيء
أزهار أريد أحجي وياه.

عمار أحجي من حقج وأحنه قبلج حجينا وما أهتملنا بس أحجي بلكي الله يهدي
مجد أبويه راح يخرب ما يعمر
عمار والله ما أدري شصايرله واذا يدور مظاهر مظاهر إيش شو حافي منتف وجندي هم مو ضابط ورتبه ومكتب وروح وتعال وساكن بالقريه وحالهم كلنا نعرفه على كدهم وعيشتهم على الزر? والحلال يعني شاهين بشنو صاحب فضل علينا.

مجد لا وأزيدك من الشعر بيت هما بنفسهم أجو يدورون واسطه علمود شاهين يعني أحنه صاحبين فضل عليهم والقهر أبوي يشيل ازهار وينطيها الهم بكل برود يحسسني عنده كومة بنات نايمات گلبه
عمار شتحجي والله ما أدري عصام شو ساكت
مجد أبو گ?م وين صافنلها.

ازهار ما جاوبهم ضل على سگوته وحقه بشنو ينفع الكلام وهو حجه الا مل محد أخذ بحجايته وأولهم أني بس بعديش وبشُنو تفيد الملامه ترجع الزمن ليورا ونرفض القرارات ونرجع أهل وأحباب وأعيش أميره بين أخواني وحيدتهم وملكتهم حتى لو يضغطون عليه ميخالف لمصلحتي وهما خبرتهم بالحياة أكثر من عندي بس شيرجع الزمن شيرجعه
دخل علينا بابا وعبرنا راح الأستقبال گمت وسحبت نفس عمار غمض عيوونه بث الطمأنينة لروحي دگيت الباب.

كمال أدخل
أزهار دخلت لكيته يگلب بالتلفون بابا عندك وقت أريد أحجي وياك ممكن.
شعندج
سديت الباب ومشيت لعنده وجسمي يرجف خوف ورهبه بعد ما كان أحن الأماكن لقلبي ملجأي الوحيد.

وكعت يم رجليه ولزمت إيديه وبستهن اني أرجف ودموعي تنزل ضميتهن لصدري بابا تحس بنار گلبي تحس بيه شكثر متأذيه اذا تحس لاتنطيني ل شاهين بابا ما أريده مو رفضاً ل قرارك لا حشا أني اخالفك وأعصي أمرك وكلمتك بس أني الزواج من أساسه رافضته لا شاهين ولا غيره گلبي نغسل.

. نزلت دمعتي وهو صد وجه عني بابا باوعني باو? لبنيتك لحبيبة قلبك عزيزة روحك مدللتك وحيدتك أني ازهار شمعة بين أخوانها دام أني شمعة ليش تطفيني بإيدك.
هذا هو القرار أنحسم وخلص وهل الأسبو? يجي أبن خالج يعقد عليج وتصيرين على ذمته.

ليش كلمة هذا هو والقرار أنحسم تطلع بس منكم ليش ما تطلع من عدنا ليش بابا أنتِ علمتني على القيم والمبادئ بس ما علمتني على الظلم ما علمتني على القسوه تعليمك اليه جان بحنيه وعاطفه أحتواء والله اني ما غلطت بحق أي شخص لا هشام ولا أهله عاملتهم بطيب أصلي مشيت على كلامك اللي علمتنياه لا عبالك أني تبطرت لو جزعت من عيشتهم بالعكس عشت وياهم عالحلوة والمره مو أجبار ما جبرت نفسي علمود أتعايش وياهم أو لن هذا أختياري ومجبوره أتاقلم نتيجه أختيارتي.

. لا بالعكس شيء من داخلي نابع تقبل گلشي مختلف عني تعرف ليش بابا لن عيني مليانه وشبعانه بحبك وعطاءك وحنانك وأحتواءك وگلشي منك خالي من الظلم.
. ليش بعد هذا الحب والأحتواء والعطاء تنهيني بنهاية ظالمه وتطفئني بآيدك...
سحب إيديه وعافني وهو يمشي حجيت وتوقف عن المغادره.
. بابا اذا هذا عقاب لن رجعتلك مطلقة نتيجة أختياري واجيبلك الحجايه وأشوه أسم العائله اني موافقه على عقابك وأتزوج شاهين!

بس أريد منك طلب تنساني وتنسى عندك بنت أسمها أزهار والزهره اللي أنت كبرتها بآيدك قطفتها وقتلت روحها وأقتلعت جذورها من عائلتك بعد ما إلى مكان بينكم ولا جزء منكم لا أني ولا بنتي وما أريد تكون إلى لا أب ولا تكون جد لبنتي.

أعيش حياتي الباقيه بنهاية عقاب أنتَ أختاريته اليه ومشكور على گلشي بابا كنت وما زلت أب ونعم الأب وأسفه على الخراب اللي سببته الكم وأنطيك موافقتي علمود ما تكول ظلمت بنتي ما سمعت موافقتها أطمنك أني موافقه على الزواج.
فتحت الباب وطلعت وأخواني باوعوا اليه بس باوعتلهم نزلت دمعتي وصعدت لغرفتي أبجي
اسيا أزهار
عصام عوفيها لوحدها
اسيا بس
عصام خليها براحتها.

أزهار حضنت مخدتي وبجيت من گل گلبي أستفرغت كل احشائي روحي مثل الجمره تلهب بصدري حتى الدمع ما يطفي نار الروح الكسره من الحبيب ما توجع بكثر ما تكون من الأهل كلشي بعينك جان حلو صار سواد وعدم وتحس روحك ضايع وحيد وما الك أحد بعد ما كنت مالك الدنيا والكبرياء محتل شكلي هسه حتى الكبرياء أنعدم لن أنطفيت.
ضليت بغرفتي وأمي أجتني ما فارگتني وأسيا جابتلي بنتي من شفتها مسحت دموعي ضميتها لصدري أنتِ عوضي أنتِ.

وصال الله يفرحج بيها ويجبر كسرتج ويجبر خاطرج.
أزهار ما حجيت وحاولوا وياي وتالي نزلوا وضليت أسبوع عازله نفسي وأسيا مهتمه بينا اني بنتي تجيب الاكل والحليب والحفاظات وگلشي نحتاجه عصام حالف محد يصرف عليه وعلى بنتي عداه هو ربي يحفظكم اليه.

مخليتها وكاعده أباوعلها والدمعه بطارف عيني هي تضحكلي وأني أبجيلها وأنفتح الباب ودخل علينا مروان هسه نازل گبل أخذها لحضنه يبوس بيها وضمها لصدرها ويفتر بيها ربي يرزقك الأحلى منها
مروان أمين يارب وأسميها أسيل
أزهار عاشت الأسامي وعاش ذوقك تستاهل تخلد أسمها أسيل ورده ويمكن مرات أنفعل وما أرضى على تصرفاتها بس الشاهد الله أحبها.

مروان منو ما يحبها بس لو تكسر كبريائها وترجع شيبت گلبي بالدوام أتصلت عليها شكثر ردت منها بس تجاوب ما جاوبتني حيرتني قسم بالله.
الله يهديها ويريح بالكم تستاهلون تعيشون بسعاده لن أثنينكم تعبتوا
الله كريم من رخصتج أروح أسبح وأنزل أتغدى شُنوْ ما تنزلين
لا ما أنزل
ليش
خليني هيج أحسن
شصار
كل الخير
ما فهمت
وافقت
لا بربج على ابو شارب صُدك تحجين لا لا
أي والله.

ازهار أنتِ ما تكسرين كبريائج لو الكل يوكف ضدج بس من تشوفين نفسج بدائرة الظلم تنسحبين وتعلنين النهايه.
لا غلطان قبل هم وكعت بنفس الموقف بس ما انسحبت ولا علنت النهايه النهايه هي جانت جاهزه اليه، هاي هي لاتزعل هذا حظ أختك الحمدلله
نزلت دمعتي وگبل حضني بقوه وبجيت على كتفه وضميته وتمسكت بي بحنيه
ما ردت أشوفج مكسوره لن الكسر مأذي ما يحس بي بس صاحبه وكذاب اليكولج الينكسر من أهله ينسى.

لاتضوج ولاتنقهر علمودي خليك بإسيل تستاهل تصبر عليها دير بالك تكسرها وتفرط بحبها الك لن ما راح تلكي مثلها وتخلي فراغ بروحك محد يسده
حتى هناس ما راح تسد هالفراغ لن حبك ل أسيل اني فهمته أنتَ لكيت الحب المضيعه عندها لكيت روحك الضايعه والتعبانه والمكسوره بحضنها حافظ عليها.
وشدخل هناس ضمن كلامج!
حسيته ما عنده علم لن أثناء ما اني احجي هو يباوعلي بتركيز جاوبته ها لا هيج على صياغة الحديث ذكرت أسمها.

ها بس هيج!
أي شگو قابل
ماشي رايح أسبح ومن أطلع تنزلين وياي كلام ثاني ماكو ونقاش لاتناقشين وبنتج أريدها گبالي.
ماشي دنك باسها وفتح محفظته يمها ورقه مروان
من خالها الها مو الج
فدوة أروحلك طلع وكمت ضميتها وفتحت تلفوني ما بي شيء عفته وشلتها وضليت أنتظر مروان واجه ونزلنا اني وياه وكلهم مجموعين ومروان كعد وگال
مروان أسيل كلاص ماي.

أزهار بابا جان متعصب ومروان خربط بالاسماء بدال أسيا گال أسسيل ومنا متحمل على أسيل وصاح بي بعصبيه
كمال مروان كافي عاد كرهت أسمها من وراك
مروان يابه شبيك شكلت خربطت تره
مروان بعد لا توصل البيت عمك!
ليش تكدر تمنعني
البنيه ما تريدك گافي.
لا تريدني والله.

مروان كافي عاد والقرأن طوختها كرهتنا حتى بإسيل! يوميه نك نك ما بزعت ما مليت ما ترجع يا أبني ما تريدك هي گوه حتى عمامك كاموا يحجون يكولون شعنده كتل روحه عليها قابل خلصت النسوان.
وأني شعليه بعمامي يابه والله اريدها أنتَ ما تحس طبعاً طبعاً أمي يمك وإذا ما ترجعها إليه والله اخذ أمي واهج واللوعك وراها.

أبويه مروان عيني طلكها البنيه ماتريدك حارث يوميه جايني يوميه يخابر أبوها ذبحني بأتصالأته ورايح على عمامك خل أبن كمال يطلگ بنتنا وحسن يشمر بالكلام فضحونا والله تخزينا أهلها يريدون الطلاك گافي يا أبني.

حلم إبليس بالجنه ما اطلگها هي صغيره ما واعيه على تصرفاتها ونفسها شتحجي طبعاً شجعوها? الطلاك وواكفين وياها صاروا حنينين عليها والله بس اطلگها ميت جلاق يضربوها ويسوونها خدامه لنسوانهم والله ينعلون والديها تعلمني بإمها
شيسوون خل يسوون أهلها بس نطلع من خطيتها
البنيه ما تريدك أفهم أبني خابرتني تگولي عمو خل مروان يطلگني شنسويلها بعد معنده و?اكبه?اسها ومصممه على قرارها تنفصل عنك.

شمسويلها يابه عوفني والله ما اطلكها وخل تضل تحجي ما أطلگها وهي جاي تدرس عوفها بلكي الله يهديهم وتاخذ شهادة السادس.
مروان لا اطلعني عن طوري الا اكلك ذاك اليوم دخلت? عمامك تگول اذا مروان عنده كرامه ما يوصل البيت ويحاول وياي ما أرجع سوتني هلكدوتني وعمامك كالو اذا عنده كرامه يطلگها
هاي شوكت رحتوا اشو اني ما أدري.
عصام اني ما رحت.

مروان عمي ما أريد احد يروح اذا شايفين روحكم انذليتو من ورايه لا تروحون كفيتو وفيتوا اني احير بروحي واحاول ارجعها زوجتي وأني وياها نحل مشگلتنا.
كمال أخذت عمامك ورحت وكتلهم لا يكولون الك وامك كالت نسويلك مفاجأه ونرجعها انقهرنا عليك اني وأمك وكلنا نحاول عسى ولعل توافق وترجع
وما رجعت وياكم!
أي واني خصمت الحجي وحجيت ويه أبو هناس علمود الأسبو? القادم أخطب لكَ هناس وتزوجها علمود تكطع نفسك منها بلكي تنساها.

عصام صُدك تحجي يابه!
عمار لا يابه ما مرجيه منك وأسيل شُنوْ ذنبها
مروان يايابه يا يابه ليش أتعالج الجرح بالجرح هو محد شال خطيتي وهجم حياتي غير مصالحك ويه أبو هناس أنت خربت ودمرت حياتي أنت وخطيتي بركبتك وهناس الماضي الملعون إلى ما اخلص منه.

كمال انطيته كلمه بعد وما أتراجع عنها وما أريد نتخارب أني وعمامك من وره اسيل صغيره وتشلع گلبك طلگها وخلص الكلام وأنتهى النقاش وهي اكثر من مره حاجتني اخليك تزوج هناس يعني هي لحت بالموضو? وتريدك تتزوج وهي تكمل حياتها ودراستها ومحد يموت وره احد كافي بهذلت روحك ونزلت من كرامتك هوايه ما تستاهل شسويت وياها حتى هلكد حاقده عليك وما تريدك مو جنتوا عصافير حب.

مروان هي حقوده وگلبها أسود ما تنسّى? بس يله أخر مره احجي وياها والله
مروان والله أغضب عليك اذا وصلت البيت
بس اخابرها
ماشي أخر مره حتى نبلش تحضيرات لخطوبتك شويه عمامها راقين ينراد نشد الهمه.
هو هذا الكاتلك.
لا تجاوز حدودك وياي لا أفين حظك.
خطيتي وخطية هناس بركبتك أنت وأسيل.
ليش مو جنت كاتل روحك عليها شصار وهسه تتعزز عليها وما تريدها.

قبل مو هسه، شلون أخذها واسيل ساكنه روحي وأكو فرق بين التسكن الروح وبين التسكن القلب.
أزهار شال تلفونه والسويج وطلع وصاح وراه
كمال لك خلي كرامه لنفسك ولاتروحلها
أزهار ما جاوب ومشه وأخواني ما تدخلوا وحتى لو تدخلوا شُنوْ راح يغيرون كلشي ما يتغير دام قرار حياتي أنحسم وأنتهى قرار حياة مروان أيضاً...

تعشينا وأمي أبداً ما فتحت حلگها وعصام عيونه تراقبها ساكته بس أحس من داخلها بركان ما راضيه بس منو مهتم لراضاها وموافقتها وصرت أحس وجودي هو خلاه هيج يتغير ويتدخل بحياة مروان وفرض وطبق عليه زواجه من هناس وگلشي راح يتدمر وأولهم أسيل وبعدها مروان ونهايه هناس دمار شامل عنهم أثنينهم لن ما عادت القلوب كما تُركت.
كملنا وغسلت المواعين وقبل لأ أصعد بابا كام وجه كلامه ل أمي بحضور أخواني.

كمال تحضروا العصر يجون بيت أخوج يعقدون
أزهار الدمعه ضلت واكفه بعيني شلت بنتي وعصام دفر صينية الجاي بكل قوتها ودخل الغرفه وركع الباب قوي شاله شيل وكام يصيح عليه
كمال شُنوْ قلة الأحترامات هاي طايح الحظ بكد الثور تركع بالبوب صغير أنتَ لو شاب مراهق والله إلى يعيد هالتصرف كدامي ما يلوم الأ نفسسه.

أزهار كلنا خفنا لا يتعاركون وعمار كام واني لازمه گلبي الأ أمي كانت أبرد من قالب الثلج كاعده تشرب الجاي وهادئه هدوئها يقتل وعصام رجع فتح الباب وصاح على أبويه ول أول مره ينتفض بوجهه.

عصام ليش تسميها قلة أحترامات ما تسميها ما راضين على قرارتك لا على زواج أزهار من شاهين ولا على زواج هناس من مروان أنتَ جاي تظلم بنتك ويه أبن الناس وبنت الناس ويه أبنك وهيج مهتم الهم ما جان تزوج مروان من البدايه وتوافق على علاقتة هو وياها مو حبها أربع سنوات والكل يدري ليش رفضت ليش كسرت گلبه وهسه بعد تزوج وأستقرت حياته وحبها تجي تخرب حياته والله أزوجك حبيبتك يا حبيبه تحجي عنها ترى المجروح ويلكي واحد يداوي جرحه لو ابو الحب ما يرجع بعد.

هذا مو زواج علمود ترضي مروان هذا زواج مصالح ونفس الوقت رد أعتبار ويكتلني رد أعتبار من طفله مريضه كاسرها الوگت تجي أنت عمها تكسسرها.
كمال عصام تجاوزت حدودك هواي لا أتعامل وياك بتعامل ما يعجبك أحترم نفسك واسكت ولا تتدخل بقرارتي أني الأب وأني المسؤول عن العائله محد اله الحق يتدخل.

لا تعامل شمنتظر تريد مني أسكت وأني أشوفك تصدر قرارت بحق أخواني بله مروان رجال يدبر نفسه ما أدافعله ليش وهاي الكدامك مكسوره يعني فوك كسرتها تجي أنتَ تكسرها هيج كلمة مطلقه ثكيله عليك أني هسه أخابر هشام يرجعها على ذمته
وتعيش تحت رحمته ولا رحمة واحد ساقط
لو يموت أزهار ما ترجعله بعد وهو عافها وين تخابره هيج كرامه صفر عدكم ومسحولين هسه صار هشام خوش هشام.

أي هسه صار هشام خوش هشام ترى أنتَ السبب بطلاقها ولاتگولي ليش أنتَ فرضت زواجها علينا وتعالوا تقبلوا وأرضوا ونفس الوقت أنتَ ما جنت تحترمه ولا شايفه من مستواك واحنه نشوفك شنصير أنبياء أغلب المرات الجان يجيب أزهار لو يأخذها أنتَ متواجد بالبيت وما تطلعه وأكثر المرات أشوفك تباوعله بالكاميرات ليش تذب الصوج بس بينا الصوج منك هم لن القافله تبتع القائد.

وخل قرارتك تفيدك ومثل ما تظلم بنات الناس بنتك راح تنظلم الله حق ولا عبالك مكانك ومنصبك وأسمك يشفعلك ويبعد السوء عنك وعن أهل بيتك البشر سواسيه محد أحسن من أحد ورب العالمين حشاه يظلم عباده.
أزهار عافه ودخل وبابا باوعلنا بغضب ومقهور من كلام عصام عمار صعد وأسيا لحكت عصام واني كعدت يم أمي بحضنها غزل تلعبها نزلت دمعتي وحجيت يمه بنتي أخذها وياي ما أكدر من دونها
وصال أي أخذيها
أزهار يمه تبقين ساكته.

خليني ساكته يمه اريحيلي فستانج بالغرفه مال العقد عود لبسي ونزلي قبل لايوصلون
فستان منو جابه
أبوج
ماشي أنطيناها أخذتها وصعدت لغرفتي حضنتها وبجيت أمج راح تتزوج غير أبوج بجيت الا طلعت روحي كمت نومت بنتي وحضنتها وما اعرف شكثر مر الوقت وأجتني أسيا
أسيا وصلوا
أزهار ما يصير أنزل بملابسي
لا خاف عمي يكوم يحجي وانوب شيخلصنا من الكلام وأهله وياه ما تفض.

ماشي لبسته بدون روح وذبيت الشال وجهي طافي معدوم خالي من أي شيء نزلت وياها وبيدي بنتي دخلت ويه أمي سلمت على خالي سلمان بصف بابا كاعد وعمتي سهليه وأخواته الكبار اثنين وهو ما موجود الحمدلله كعدت منزله?أسي
شاهين السلام عليكم
أزهار ما جاوبت التهيت ويه بنتي كعد بعد مسافه ضليت العب ويه بنتي وهما يحجون بالي أبداً مو يمهم بس فزيت لمن كالوا.
السيد وصل يله كومن.

أزهار كلها كامت واني جامده بمكاني أصعب لحظات مرت عليه شعور صعب من تكون واكف بالنص امي كومتني طلعت برى حده من أخواته گالت
اخذن البنيه منها نومنها هسه.
أزهار خنكتني عبره وسگتت تمسگت بيه وأمي سحبتها مني عبالك سحبت روحي من صدري لبسوني البركع واجه الوقت أكون زوجته هالكلمه صعب تنگال لكل شخص وصعب القلب يتقبلها.

يحجي ويردد ويطلب موافقتي وأني ساكته بالربع ساعه طلعت روحي من طلعت موافقتي وامه جانت تباوعلي بحزن حسيتها ما مرتضيه على هذا العمل
امي مسحت دموعي وطلع السيد ودخلنا وبنتي أسيا اخذتها روحي تلوب عليها يمه بنيتي.
وصال يم أسيا أخذتها تنومها تعبت خطيه.

أزهار سگتت والزلم طلعوا وأمه قدمتله علبه طلبن مني اكوم اكعد بصفه يمه خليني اطلع كومتني كعدتني بصفه انطنه العلبه لبسني الحلقه على كيف يباوعلي بكل تركيز واني رحت لهذاك اليوم العشته بكل تفاصيله بكل حب وسعاده غمرت روحي لأيده وهو يلبسني الحلقه وملامحه الحلوه وعيونه الأحبهن وصفت بس الذكريات فزيت على صوته وهو مبتسم ويگول
شاهين وأخيراً أبتسمتيلي وأنتِ مرتضيه ملاكي.

أزهار بعد نظري عنه يمكن أبتسمت لحظة تذكرت عباله مبتسمه اله وكلمة ملاكي أحسها ما لايكه اله
طلبوا البسه الحلقه أصبعه جبير عالنص وسحبت أيدي وانوب يلبسني العقد خرب حظي سحبن الشال لو اخذن روحي كمت لمستواه وتقرب لبسني العقد وعلى بطيء ردت أصرخ بعلوا صوتي.
سهيله يله يمه شصار طولت هلكد
شاهين أنطيني مجال خل أشوف دربي الله شخالق
وصال شاهين ماما لسانك.

أزهار سحبت نفسي وهو لزك بصفي لزم أيدي لو جمره سلعتني بعلومي يطك من شدة العبره التخنك
شاهين يمه أخذيهن وطلعي
سهيله وين نطلع اكعد عاقل شاهين
شاهين شمسوي قابل نريد نحجيلنا حجايه نتعرف
سهيله حجايتيش تحجونها اكعد واسكت وتتعرف انهجم بيتك كلشي تعرف أنتَ وعلى أساس ما تعرفها غريبه عنك لما بنت عمتك كاعدين ونايمين على گلبك.
أزهار من رخصتكم عفتهم وكمت أختنكت رحت اخذت بنتي تعالي ماما
أسيا ها أجيتي والعريس وين عفتي.

أزهار يا عريس والله لوما عيب الا اخذ بنتي وانهزم بس تربيتي ما تسمحلي واكفه ب?اسي صعدت وشمرت الحلقه وضليت كاعده وبابا اسمعه يحجي
كمال مو عيب شُنوْ هل قلة الأحترامات هاي تعوفهم وتصعد أمشي صعدي علمي بنتج وفهميها هذا صار رجلها تحترمه وتحترم أهله يله.

أزهار صعدتلي أمي أخذتني بحضنها ضليت طول الليل نايمه وابجي ومن الصبح اجو عبالك حلمان تجهزت بدون روح ورحنه المحكمه وثبتنا الزواج وما حجيت ولا باوعت ولا شايفته وصلنا وراح صعدت غرفتي وامي وراي حسيته عدها كلام ها يمه
وصال باجر العصر يجي يأخذج
أزهار بهل السرعه
أي ناخذج الصالون الصبح نجهزج وتلبسين فستان أبيض شبه البدله بس نازك مو هوسه لا عرس لا طربگه سگتاوي يجي هو وخالج وأمه.

مثل زواج وحده عايبه لو ناهبه اني ما أريد عرس وهوسه بس احس بابا رخصني عكس ما يغليني يله هاي هي بس صالون ما أوصل
ليش ماما
ما أوصل وخلص
ماشي أني أهنا اجهزج وأسيا تساعدني
بنتي أخذها وياي
لا بقيها أسبو? وأجيبها الج
بنتي ما أعوفها ولا ثانيه وليش أسبو? وليش أبقيها أصلاً ليكون هو گالج
أي گال أسبوعين بس أني گتله لا خطيه ما تكدر تفارك بنتها
وأني أمشي على مزاجه ولا ثانيه فهمي ولا ثانيه أعوف بنتي...

لا هذا هو أخذيها وياج بنتج محد اله حق يحرمج منها.
ما حجيت نزلت وعافتني صار تلفوني گبالي فتحته وشفت المعرض كل صورنا محفوظه بي حتى حرام أباوعلك صرت على ذمة غيرك ليش عفتني ليش هشام ضليت أحجي ويه روحي ومروان متعارك هو وابويه وأصواتهم عاليه بس الاصوات البداخلى أعلى
خلص هذا الليل واجه الصبح وأستلمني أمي واسيا جهزني ورتبني وأني معدومه مثل للعابه لبسني فستان وحجاب ضبطته وملابسي كلهن بالجنط.

وصال اخذنا الج مال كم أسبوع من اجيج اجيبلج الباقي ولا تخافين مو من عدنا علمود يتحسسون هذا مهرج.
أزهار ما حجيت ضليت كاعده وحاضنه بنتي وتالي نزلت ولكيت أخواني واكفين بس مجد ما موجود حضنت عصام وبجيت
عصام الله وياج ما أكدر أكول غيرها
أزهار مسح دموعي وحضنت مروان دير بالك على نفسك وأسيل
مروان أنلاصت على أخوج
أزهار طبطبت على أكتافه الله كريم تفرج أن شاءلله ودعت عمار دير بالك على أمي.

عمار كل ما نشتاگلج أجيبها واجيج ديري بالج على نفسج وبنتج.
أزهار هزيت?أسي وأخذت بنتي من مروان هو يبوس بيها وعصام تقرب باسها من ايديها
عصام بيباي خالوا
أزهار مع السلامه گلتها ودموع عصام ومروان وعمار نزلن لو عمري انعدم أخذوا عافيتي وأسيا شايله جنطتي وأمي لازمه ايدي وتبجي مشيت وعفت أخواني وراي واجاني كرم حضنته وخله بيدي ظرف
ك?م من بابا وعمامي عمه لاتزعلين اني احبج.

أزهار يروحي حضنته وبوسته ودعت أسيا ديري بالج عليهم كلهم وعلى نفسج وعلى أسيل روحليها خطيه لاتكعطين بيها.
أسيا أخذتي روحي أزهار
أزهار الحمدلله وانداريت أمي حضنتها وبجيت وابوس بيها وهي تبجي ما تسكت واخذتها اسيا بحضنها تسكت بيها مشيت اني وبنتي وهما وراي وبابا واكف وياهم سلمت وعبرته وصعدت السياره ليورا وبابا يحجي وياهم الله يسامحك بابا.

وصال يمه بنيتي يمه أزهار رجعوها اليه هي وبنتها تردوني أموت وراهن ولج أزهار يمه فرغ عليه البيت
أخذتي روحي يمه بنيتي أزهار.

أسيا عمه فدوة لعينج لاتكطعين گلبي كاعده يم الباب وتبجي وتصيح ازهار وغزل وهنا مشن راحت ازهار اويلي عليج صحت عصام مروان عمار تعالوا سندتنها ما تقبل اجاها عصام يبوس بيها حضنتنه وهي تبجي ومروان حضنها بصف عصام وعمار جابلها كلاص ماي يغسلها وهي تبجي واني عيوني كمت ما اشوف بيهن من الدمو?.

وصال أنكسر گلبها وهسه أنكسر خاطرها خيتكم طلعت من البيت مهضومه وبحضنها طفلتها ليش كمال ليش كسرت خاطر بنتك من كثر بناتك من كثرهن يمه أخيتكم انهضمت يمه أنهضمت ولج أزهار يبعد أسم امج يا يمه كسروا گلبي بمشيتج
من الدار يا ازهار...

أسيل كانت صدمه غير متوقعه وبلش كل شيء بلحظة البرق ما توقعت عمي كمال بهل السرعه يتخذ قرار زواج مروان من هناس!
. بس حقه الأهانه إلى اخذها من حسن مو هينه واني تطاولت وتكبرت على نعمتي اهواية بس مع ذلك اني أنسانه اريد اعيش ما كنت اعرف هذا القرار هو أول نقطه للعذاب إلى راح اشوفه وأعاني بحياتي.

بقيت عايشه صدمتي ولو هذا الجنت أريده ينجمعون هو وياها مو هذا الجان طلبج ليش هسه نصدمتي من الواقع والحقيقه! يمكن لن ما مصدكه بهل السرعه يروحلها ولو ما يحتاج يروحلها هو من الأساس إلها اني شُنوْ اليه غير القهر والأذيه.

. وبعز صفنتي أتصل ضليت أباو? ل رقمه وأنتهى? الأتصال وما رديت وأستمر يتصل بدون رد ويُعاد أكثر من مره أخر شيء خليته صامت وقلبت شاشة التلفون هيج أريح النا حبيبي شوف حياتك من دون أسيل اني تنازلت عنك إلها أنتَ من حقها وهذاحبكم أنتو أني مجرد طرف ثالث دخلت بينكم وخربتها كل ظني تكون حبيب اللي بسبب أنانيتي الزايد أستوليت على شيء مو من حقي وبالحيله وبالحيله ما يدوم.

الثاني كعدت روحي مقموته شيء كابس على أنفاسي سحبت التلفون متصل بكثره حوالي ثلاثين مكالمه فائته فتحت أنترنت دزلي مجموعة رسائل
مروان ليش هيج تسوين بيه أسيل أنتِ تستمتعين بعذابي لهل الدرجه وصلت بيج كارهتني قفلتي عليه
لا مره ولا مرتين ما تكولين هذا الرجال ليش خابص نفسه ومحترك وحارك الجو والتلفون على حضرة جنابي.

أبقي ابقي لاتجاوبين أنتِ يحتاج الج مروان يبتعد عنج فتره الظاهر أهتمامي الزايد بيج صار يضايقج لن أنتِ من الأساس ما متعلمه على مروان الحنين
تعودتي على الضرب والتكفخ والأهاين هذا تردينه مني بس جانب المخفي واليريدج تنفرينه يسوي عندج حساسية وأني أبو ابويه محترك عليج الدنيا گلبتها إهنا الدوام ما إلى خلك حتى لنفسي وياج جار خلك أمة محمد گلها على مالمن متكوليلي علمود منو علمودج أنتِ يا ست أسسيل.

أسيل ما جاوبته بجيت ومسحت دمعتي راح أخلصك مني مثل ما دخلت لحياتك وأذيتك وتعبتك راح أغادر واحقق أمنتيتك كمت دورت على تلفون حارث الثاني ولكيته أخذت رقم عمي كمال وسجلته ورحت الغرفه أتصلت عليه مرحبا عمي أني أسيل جنتك
كمال هلا عمي هلا بابا أسيل شلونج
أسيل الحمدلله زينه عمي أريد احجي وياك بموضوع أو بالأساس طلب يخص مروان
گولي بنيتي.

عمي اني ومروان ما نرهم بعد وحياتنا وعلاقتنا ما مستقره ما ألها جذور حتى صعب أكون أم واجيبله طفل وأصلاً هو گلبه معلك بالماضي لن ما اخذ اليحبها والأفضل أني أطلع من حياته يطلگني ويتزوج هناس
بس بابا أسيل الطلاك مو حل
لا بابا حل وأني راضيه وموافقه وياريت أنتَ تسعى بيها وتحجي وياه يطلگني ويتزوج هناس خل يعيش حياته ويه الأنسانه اليحبها مو ويه الأنسانه اليتعذب وياها.

ترى أني راح أزوجه خاف تگولين وأنتِ ميبسه?أسج شنسويلج خوما أعوف أبني بدون مره
زوجه بالخير عليكم وعليه تستاهلون الفرح
الله يسلمج
مع السلامه عمي
الله وياج
نهيت الأتصال ودخلت عليه أسماء كامت تحجي عليه واني ساكته
أسماء ما أعرف شگولج بس أنتِ الخسرتي تنازلتي عنه بهل السهوله وأكيد هسه أبوه يخابره ويگوله وهنا الوضع يصعب عنده يگولج راح تنازلت عني كدام أهلي
أسيل هيج أحسن النا والله.

يعني وأذا يقسي واذا يضرب كل رجال ومره تصير بينهم هالمشاكل ليش أخوج حارث ما يقسي ما يضرب جذب لازم مرات تكب عدهم
أني ما أريده بعده قفلت عليه
الله يهديج
عافتني ورجعت فتحت كتابي كعدت أقرا بس بالي مشوش ودايخه بالگوه أركز ضليت على هالوضع أسبو? لما وصلتني منه رساله
مروان أسيل وينج
ها مروان
ها مروان تشوفين كل رسائلي وما تجاوبين وفوك هذا كله أنجازاتج المشرفه الشرق الأوسط يحجي بيها شمسويه حبيبتي.

مروان گافي ليش تطولها عليه وعليك
راح أجي ونتفاهم
لاتجي أحسن شتسوي اذا أجييت أقتنع وأمشي وياك لا بالعكس تفتح جروح وتخليني أرجع أزيد قوه وأصرار على الأنفصال منك يا أخي أفهم ما أريدك
لاتسسسويني أخوج لا أجي أكطم أصابعج التكتب
وليش ما تريدني مو جنتي ميته عليه ذبحتي نفسج وأستقتلي على مروان بس سحر ما سويتلي علمود أباوعلج وأحبج شصار هسه كمتي تموتين مني.
ما جاوبته
جايج أسيل دقايق وأوصلكم حارث بالبيت مو
شتسوي تجي.

مشتاقلج اجي أنام وياج وأحبلج هسه أجي العب عليج شسوي أجي تغشمين نفسج وصايره لوتيه.
عفت التلفون وضليت كاعده وأسمع أسماء تگوله
أسماء أتفضل اتفضل أي موجوده بالغرفه كاعده
أسيل أنفتح الباب ودخل والجهال شافوا وطلعوا گبل خافوا منه حتى الطفل يخاف منك الله يساعد گلبي شلون تحملك.
مروان أذا أنتِ ما تتحمليني منو يتحملني أشتاقيتلج أريدج يمي افتحيلي حضنج لتصيرين قاسيه مو كافي كلها أجتج وأنتِ بعدج على موقفج.

أسيل مروان هالمره لا اكلك اكرهك ولا اذكر باذيتك وياي أبداً.
يا أذيه أسيل ترى گلشي بدر مني نتيجه الغلط الصار اني رجل شرقي شتردين مني أتصرف أخذج بالاحضان شيء ما يتقبله العقل صعب عليه ولحظه غضب وكلشي صار على سريع وأنتِ هم أعذري.
أفتح جفوف إيديك وعد أصابعك للعشره وأحسب أذيتك إلى شگم وحده احاسبك وتحاسبني.

لا أله الا الله على العقل الشايلته عمي لا أحسابج ولا تحاسبيني صفحه وطويناها امشي رجعي وخل نلمم اللي صار ونرجع حبايب
أني ما أفيدك.
هذا الشيء يرجع يمي تفيدني متفيدني مو يمج بكيفج تقررين.
ً مروان لأتضوج مني اني گلبي برد منك ما عدت أسيل إلى تفتر بالغرفه وتصيح احبه وروحي معلگه بيك لا هسه بردت مشاعري
اجيبلها صوبه ادفيها نشغلها تدفئه ولا يهمج
لأتتقشمر امشي بحياتك واتزوج هناس.
من گلبج هالحجي.

اي والله من كل گلبي حسيته انقهر كلش وإيديه يرجفن باوعلي بنظرات ودا?
النفس عزيزه ذليتها لخاطرج هواي اروح للمشتريني وابيع اليبيعني وكتلج لو كل العالم تبيعج برخص التراب اني أشتريج بروحي بس الضاهر أنتِ بايعه ومنتهيه ما حاجه النقاش بعد يلا عود تعالي بعرسي أسبو? الجاي
اجي اجي.
انطيني وعد.
وعد اجي بعرسك.

حرامات حبيتج اكثر من هناس حرامات خليتي اهلج واهلي يتشمتون بيه هاي البعت حبك علمودها ما تريدك گارهتك ابشرج خليتني ارجع أگرهه مروان إلى حبيته وياج ارجع مروان إلى أول ما عرفتي ولأتتخيلين ترجعين وتلكين نفس المكان الجنتي بي.
لاتخاف ما ارجع بس طلاكي شوكت.
دام مستعجله تخلصين مني لا تخافين ثاني يوم العرس توصلج موقعه ومختومه.
بالخير عليك مقدماً.

ما جاوبني فتح الباب وطلع وداخلي هدأ وخليت?أسي هاي هي أسيل أنتهيتي أنتِ ومروان الجان روحج التخافين عليها من نسمة الهوا راح وأنتِ خليتي يروح الله وياك تتهنئ يا حبيب روحي ومثل ما حبيتك أرجع أنساك واحب نفسي مثل ما جنتي تگولي أريدج تكرهيني وتحبين نفسج.

الصبح كعدت حارث وأسماء رايحيين كمت غسلت ونظفت البيت وغسلت الحوش وكعدت الجهال غديتهم ودزيتهم للمدرسه واني لازمه كتابي وافتر اقرا اندك الباب بقوه رحت فتحته لن حسن وأمي گبل دخلوا
حسن امشي امشي
أسيل وين امشي.
لبيت ابوج قابل وين خوما تضلين خدامه لحارث افندي نافش ريشاته عليه.

ما ناقشته كلت اطب واقفل الباب بس اجيب غراضي ما خلاني اقفل الباب رحت على تلفوني اتصلت على حارث ميجاوب واسماء مشغول يربي شلون ورطه ترددت اتصل على مروان وبطلت كلت اتجفى الشر واروح لميت غراضي وكتبي وكلشي وطلعت وياهم امي ساكته وحجت
جنان اكول ملابسج كلهن جبتيهن من يمهم.
لا بعد هذني جدد حارث انطه فلوس وأسماء جابتلي.
يلا يوم اخذج تجيبيهن
ماكو داعي اخابر مروان يجيبهن.
هم صايره سافله مثلهم ليش تخابرينه بعدج.

ترى بعده زوجي عيب هالحجي
حسن السانج هذا اكصه واخلي الجلاب اذ تطاولتي على أمي صلفه وأدبسزز
أسيل ما حجيت ووصلنا البيت نزلت ولكيت هديل تسوي الغده.
هديل جبتوها وكملت العائله.
حسن أنتِ اسكتي بشنو احسن منها اشو اثنيجن مطلقات
اسيل تره بعدني ما مطلكه صرت اكره هالكلمه ما جنت اعرف معناها
جنان هو بس تتطلكين حته عده ما يحتاج تلزمين ازوجج لؤي ابن خالج هو مطلك صح شويه جبير بس عنده فلوس.

يمه اني متزوجه واذا اطلگت مستحيل اتزوج اريد اكمل درسه.
هديل اكلي قنادر وجهه الطرگه تكمل دراسه الفاهيه الثوله
أسيل سگتت ما ناقشت مشيت وامي صاحت وراي
جنان ابن حسن روحيله سبحي واغسلي الملابس
أسيل أستلمي طلبات يا أسيل صعدت لغرفتي نفسها ما مخلين بيها شيء رتبت اغراضي وخليت تلفوني عالشحن نزلت سبحت ابن حسن وغسلت الملابس والحمام وطلعت
جنان نظفي غرفة حسن وصعدس نظفي الفوك.

أسيل اي دخلت غرفة حسن نظفتها وطلعت وضهري طك من الشغل صعدت فوك واني توني اريد ادخل للغرفه وجان اسمع امي وهديل يم الحمام اني من فوك اسمعهن يحجن ما يشوفني
هديل يمه ما حجيتي وياها بلكي تقنع تجيبلي حاجه من ملابسه.
جنان يمه اني اقنعها واذا ما أقتنعت اخلي حسن يجنزها غصباً عليها تقتنع والحاجه بس منه لو مرته هم.
هديل والله ياريت من مرته وكون شيء داخلي لابسته وما مغسول بعده بوسخه.

أن شاءالله أجيبلج من ملابسهم وترى شغل الحجي هواي مضبوط اني جربته من سالفه أسيل! لحد هسه ابوج ما فاك حلكه وياي وخلصت من جديتج ولسانها وكل أربع اشهر اجدده يمه صار عمر شغلي يمه لن شغله بالمكان وحلالات عليه كل فلس.
يا سالفة أسيل! وشصار وعگدتي لسان أبويه
ها ما صار شيء لا تلحين هيج شغله من جانت صغيره وتعارگنا من وراها وسويتله عگد لسان وخلصت منه.

يمه ما تعبر عليه السالفة لن أعرفج لهذا تحجين لو اروح اكتهن ل أبويه وأخليج تحجين غصباً عليج اني مو غشيمه من اشوفج تكفخين بإسيل ليل وبنهار عبالك عدوتج.
دسكتي اسكتي.
بعدين أتفرغلج وأعرف السالفه أنتِ احجي ويه اسيل واني اسكتلج على هالسالفه!

هذا هو احجي وياها ولو شكلج هاي فاينه خاف تروح تكوللهم وتفضحنا أني من اروح وياها نجيب غراضها وملابسها ادورلي حجه واطب الحمام واخذ ملبس منهم لو اروح وره الترك هناك ينشرون الملابس هاي اسيل وحدهه سززز تروح تكوللهم
وأنتِ هم راسيلي هاي البنيه التشتغل يم الحجي شوفيها شتكولچ علمود نستعجل ما نفوت وگت
تمام هسه اشوفها
وأگدتي عليها من ملابسه لو بس ملابس مرته.
ماشي.

اسيل وعطست اني وهنا حسن عليه خررب حظي ما أجتي العطسه الا هسه وبسرعه أنهزمت ورحت للغرفه بس بالي مشغول لازم اعرف شنو الضامته وهديل ما تسكت الا تعرف كلشي واني اعرف من خلال هديل، انصدمت صدمه عمري هديل وامي وين واصلات مرحله من عرج الخباثه وناويات على نيه مصخمه مثل وجوهن غضب الله عليجن من صدك كرهتجن كره العمى
ماشي سهله الا اروايكم أسيل العرمه شتسوي بيجن.