رواية بين قلبها وعينيها كبرياء للكاتبة شمس العراقية الفصل الخامس والستون
أسيل ضليت مصدومه يعني لهل الدرجه وصلت بيهن بلا أمي من يومها عقلها طگه ونص تلوص وتخربط بروحها هديل أنتِ شصارلج جنتي متزوجه سيف عين الله عليج ولا بحال عصام ومستقره بحياتج ومحترمه نفسج ولامه جهالج وكاعده على عقلج ليش هيج سويتي بروحج وصلتي نفسج لهل المنحدر والأنحطاط.
معقوله لن خسرت زوجها واطفالها ما ضل شيء غالي على قلبها من حرگتها كامت ما تعرف شتسوي وتأذي منو وتنتقم من منو يعني اذا اذيتي عصام أسيا تكونين أنتقمتي لو كل عقلها تجيب عصام بالسحوره ويتزوجها لا أبداً مو صاحيه لاوهي ولا أمي والسبب الرئيسي من أُمي دمرتنا كُلنا عائله كامله في هلاك
رن تلفوني المتصل أسماء جاوبتها هلا عيني
أسماء أسيل حبيبتي بالليل نجي نأخذج عود تحضري.
أسيل ماشي عيني نهيت الأتصال لازم أكشفهن واعرف هديل شُنوْ وراها نزلت ودخلت الغرفه لكيتها كاعده فدوه أريد تلفونج اقرا عليه المحاضره تلفوني خلص شحن
هديل شسويلج أني ما انطي
الله عليج نص ساعه وأرجعه الج بس أكمل دراسه.
تمام بس لاتطولين رفعت التلفون فتحت رمز وأني شيطان حلو على گولت مروان وأعرف شلون تكتب الرقم الرمز حافظه مكان الأرقام وحفظت الرمز مالت التطبيقات كل التطبيقات قافلتها! يارب ما انساها انطتنياه واخذته منها ورحت للغرفه ركض دخلت الرمز وفتح فرحت فديتني شگد ذكيه.
. فتحت الواتساب ما بي شيء فارغ وفتحت الماسنجر يبوه بلاوي مليان شباب وصخام ولطام وشفت محادثه مؤرشفه دخلت عليها دازتلها اسم عصام وأمه واسم اسيا وامها وذيج دازتلها طلاسم مكتوب عليها كره وموت
صخامم بعيني أخذت تلفوني وسويت تصوير بكلشي باوعت الساعه حارث راح يوصل لبست وشلت جنطتي وتلفوني بيدي خل أروح وأخلص من شرهن نزلت ورجعت التلفون مالتها
هديل شبسرعه كملتي!
أسيل دخلت عاليوتيوب مالكيت محاضره گبل أنگلبت خلقتها وعصبت عليه وكامت تصيح
فاينه ساقطه أمنت بيج شسويتي بموبايل أخذتي
هاي شبيج ما سويت شيء گتلج مالكيت المحاضره وتلفونج أخاف تحتاجينه
ها وشعندج لابسه وين موليه
هسه يجي حارث وأروح بهل الأثناء أندك الباب طلعت من يمها لمطبخ وحسن فتح الباب ودخل لغرفته ودخل حارث اشرلي
حارث يلا امشي
أسيل ردت امشي وسحبتني وراها وضاغطه على أيدي بكل قوتها.
هديل ما تمشي عيني تريد تأخذها علمود تصيرلك خدامه الك ولمرتك
حارث هديل أنجبي وبكل عين صلفه تحجين
هديل شسويت قابل اسيل ما تروح هسه تطلع أُمي من الحمام.
حارث وأني اضل أنتظر
أسيل جرني حارث من ايدي وهي وسحبت مبايلي عبالك شيطان حست كبل عطت حارث موبايلي جان تشمره بعيد عاط بيها
حارث ليش هيج سويتي سافله.
اسيل كمت ابجي أخر دليل وراح لزمت التلفون يشتغل كمت اضحك حارث يشتغل وهي احتارت وجهه كام ينطي ألوان دقايق جان تجي امي لابسه دشداشه بالمكلوبي وشحطتني وضل الموبايل يم حارث وحارث يعت بيه وما تقبل وهديل تريد تاخذ الموبايل من حارث وادافع كامت تلوب وحسن كام يصيح علينا وصارت بالنعل
حسن خبال شبيكم.
أسيل صحت حارث امانه الله موبايلي لا تنطي ألهن وامي لطمتني بقوه على سني وانكسر والدم كام ينزل تفلته بالكاع وكعدت ابجي والدم يجري وحارث غلط غلط بتاريخ الفشار ما سامعه بي
حارث ليش ضربتيها وكسرتي سنها ليش أنعل يومجن اني هيج أم واهل ما شايف الله خالقجن بس لمشاكل غضب على يومجن اذا هيج ام تسوي بنتها حتى الجنه ما أريدها من الله خليني ادخل جهنم من وراج ماكو هيج قسم بالله أنتِ جريمه تنحسبين على الأمهات.
أسيل أخذني وطلعنا أنطاني كلنكس وانشف الدم وابجي وجع يموت وسني وكع هذا هم حظي حارث سني يوجعني
حارث خلي الكلنكس هسه اخذلج مسكنات فلا صاحيات قسم بالله مرضى امشي امشي.
أسيل اخذلي مسكنات وشربتهن وصلنا البيت گبل رحت الغرفه ونمت وگلبي يوجعني من القهر وضليت أيام عازله روحي بالگوه على گد ما أكل لكمة وارجع وأحسسها سم عليه وكل ما أباو? المرايا أشوف سني أشبع قهر حارث گالي يزرعلي سن بس حالياً عنده شغل هواي ما كاعد خطيه بس تعهدلي.
طول هل الأيام المرت وأني ساكته عن الشفته بتلفون هديل لن أحس ما كشفتهن على حقيقتهن وضامات حقائق مو حقيقه ولازم أكشفهن بالأول الزم عليهن لزمه وأكول لحارث.
أما مروان ماكو تواصل بينا وحياتي نفس الروتين أقرأ واشتغل اثاري الشغل ما يموت بالتعامل الحلو والنفسيته ضعيفه هو يقتل نفسه بنفسه، كملت قرايه نمت وللعصر كعدتني أسماء.
اسماء ولج عيني حارث طيارته بليل يروح للعمره هذه واحد صديقه لازمله قضيه يشتغل متعهد مال عمره مسويها اله مفاجأه على حساب المتعهد هسه اليوم جان يسوي الجواز السفر لا بلغني لا كالي شلون سالفه لا مضبطه دوامي وين اروح نوب اخويه ما أكدر اجيبه هنا أهلج يسولنا مشاكل شيخلصنا بلا هسه لو راجعه لعيالج مو أحسن الج.
أسيل حسيت بثكل نفسي اكيد مو قصدها بس اخذت على نفسي هيه هم حايره مثلي، جاوبتها اروح يم اهلي من يرجع هو عود تعال أخذوني
أسماء وين تروحين يمهن يسولج مشاكل والله أخوج شايل همج وسالفتهم وياج كسرن سنج يعني والله الواحد ما أعرف شيحجي عليهن.
أسيل لا عادي اسكتلهم ما احجي واتحمل لما يرجع حارث وتجون تأخذوني تقربت حضنتني
عيني لا تزعلين بس شيسوي يكول كالي هاي هديه ولبيت الله من يكدر يرد هيج هديه.
لا هذا هو والله يتقبل يروح ويرجع بالسلامة وأجه حارث وبليل كمت جمعت ملابسي ودخلت الفيسبوك دورت على حساب صديقتي ما لگيته يربي وين أحفظ المقطع أخاف ياخذن تلفوني مني شفت تلفون ريم بنت حارث رسلته ل تلفونها وحفظته وخليته قفل علمود محد يكدر يفتحه وهيج أضمن المقطع.
طلعنا ودعنا وزوجته واطفاله راحو لاهلها واني اخذني لأهلي ودع اهلي واستسمح من امي وصاها عليه وراح محد يدري بي كال اني تعبان ما أريد هوسه وداعيه وهالسوالف اني رايح لبيت الله مو رايح سفره.
دخلت كعدت يمهم جانن يسون كبه جريش ويخلن بالمجمده ما حجن شيء أبداً ساكتات كتلهم اروح ارتب غراضي.
جنان روحي روحي رتبيهن لن بعد تحلمين اخليج تطلعين من هالبيت غير بجنازة موتج
هديل يمه شهالحجي لما حارث وصاج بيها عوفيها.
أسيل كرصتها وأمي سگتت عفتهن وصعدت الغرفه خليت أغراضي وكعدت تعبانه گلشي بيه تعبان أمشي بدون طاقه منين ما أجيبها عوجه دخلت عليه هديل هجمت عليه ولزمتني من شعري عوفيني شمسويتلج
هديل وين تلفونج
شتسوين بي
تلفونج وين طلعي وفتحي لاعبالج سالفة هذاك اليوم مال أريد تلفونج أدرس عليه مرت عليه أني مو مثلج غبيه مفتحتلج جيبي لج ادبسزز
فتحته الها وتگلب بي ما خلت تطبيق ما گلبت بي بالنص ساعه وشمرته عليه
لج أحجي شعندج.
شعندي ما عندي شيء عوفيني هديل شعري يأذيني
ما أعوفج قبل ما تحجيلي شفتي بتلفوني ها
ما شفت شيء ليش هو شبي ودخلت أُمي وبأيدها نعال ضربتني قوي عوفني جاي أكولج ما شفت شيء
هديل لعد ليش من شمرت تلفونج گمتي تموتين
أسيل تلفوني خفت ينكسر من يجيبلي جديد
جنان عوفيها هاي جبانه تخاف ما تگدر تسوي شيء ويا ويلها تفتح حلگها غير الحكها بإهل الگبور!
هديل ماشي يله هاج تلفونج عود درسي زين خل دراستج تفيدج يالجگمه.
شمرته بوجهي وطلعن الحمدلله من حفظته والأ جان شافته وحذفته وكل دليل ضدها ما عندي لا لازم أعرف شُنوْ وراهن
كعدت أخذ نفس وفتحت تلفوني گلبت بي وشفته ناشر ستوريات خطوبه إديهم متشابكه وكان يوم العقد أبتلعت الغصه ونزلت دمعتي دزيتله الف مبروك منك المال ومنها العيال أتصل بسرعه وجاوبته كأنما منتظرني
مروان ما أتمنى العيال بس من حضرتج
أسيل وين بيه خير وأحمل واجيبلك طفل.
لا تخافين أنتِ نثيه حاره بسرعه تحبل اذا بطنج مليانه اكياس ولكفتي وحبلتي.
هههههه والله عليك سوالف
مثل سوالفج
وشبيهن سوالفي
المطي
خررب لا تضحكني
اي شلونج أخبارج ما بقى شيء ل أمتحاناتج!
أي جاي أقرأ واليوم جيت يم أهلي.
شتسوين يم أهلج.
أهلي شسوي قابل أشتاقيتلهم وأجيت يمهم
وأني ابن البطه السوده ما تشتاقيلي
أي ههههههه.
صايره تضحكين هواي هسه من زرفتي كلبي أرتاحيتي! عساج لا تتهنين بحياه أني مو بيها بكل الطرق أجيتج وحاولت وردت بس ترجعين ما رجعتي شارعكم حفظت كل تفصيل بي من كثر ما رايح راجع فارغ من دونج وكسرتي ركبتي أنتِ وعمج المصون.
ليش مو حب حياتك وهاي أمنيتك تكون شريگتك
حب حياتي إلى ما ردت الوثه بهيج تصرفات وأظلم انسانه اني مراح اكدر أكون مثل ما هي عرفتني وحبتني
ليش شُنوْ التغيير بعدك تحبها؟
ليش ما أحبها احبها وأموت على الله الخلقها وخله الرحمه والمحبه بگلبها.
يقصدني بكلامه غلست وما حجيت
سكتي بلعتي لسانج
شحجي قابل
ديلا لعد اروح أخابر مرتي!
سديته منه كبل حتى لأ يكمل أتصل وأتصل وأتصل عشر مرات وما جاوبت تجاهلته بس نار بداخلي رجع دزلي رساله كاتب بيها
مروان أشربج من نفس الكأس الشربتيني منه من تكولين أكرهك روح أتزوج هناس اني ما أريدك.
كعدت ابجي على حالي وأحجي ويه نفسي لو صُدك تريدني ما رحتلها بهل السرعه حتى لو أني طلبت منك تروح ألها حتى لو أبوك ضغط عليك يمكن بسبب كلامي وقساوتي وضغطي عليك خلاك تروحلها وتخطبها وتكمل حياتك هاي هي شايف كل الخير شلك بإسيل ما شفت منها بس التعب الك واليه شحصلت منك بس الأذيه هيج تاليتج أسيل نكسرتي فوك گسراتج خسرتي گلشي وصفيتي وحيده ما الج أحد بس هل الكتاب.
نفضت روحي وفتحت التلفون سويته وضع طيران علمود ما يتصل وكعدت اقرأ بكل تركيز على رغم الصار وصعوبته على گلبي بس دراستي أهم جازفتي بخسارة مروان أجتهدي بدراستج جنت أقرا وأمد روحي بالكلام وأشجع نفسي على أستمراريه.
صار الفجر واني أقرأ وما تعبت وأذن كمت صليت وطبعاّ التزمت بصلاتي والفضل يرجع لعمتي وصال كلما أصلي أتذكر أفضالها عليه ضليت كاعده على السجاده لحد ما أمي دفرت الباب بقوتها وتصيح بعصبيه.
جنان كعدي سليمه گومي نظفي البيت وغسلي الحوش وطبخي وجهال حسن هم شُنوْ حضرتج بس لنوم يله تحرگي لا بارك الله بيج من بنيه.
أسيل أستغفرالله وأتوب اليه ماشي كاعده هسه الحكج نزلت غسلت وريكت جهال حسن وغسلت المواعين ونظفت البيت والحوش، وهي وهديل لفن عبيهن وطلعن تصرفاتهن ما تعجبني وراهن مصيبه وساكتلتهن أريد أجمعهن وگتها يصير كل الخير طبخت الغده وگملت ودخلن البيت باوعلي بغضب وهديل سحبتني من شعري هديل ولج شعري هديل حصرني بالغرفه وقفلن الباب شتردن مني عوفني بحالي.
جنان نريد منج تمشين ويانا تروحين بيت عيالج تجيبين ملابسج وأغراضج منهم وتدخلين غرفة عصام وأسيا.
هديل أريد من ملابسهم أي شيء من أثر عصام مهم شيء تابع اله حتى لو شعرايه منه وأسيا هم اكيد مشاطتها عالميز سحبي منها الشعر وجيبي وياج ودخلي حمام من ملابسهم الداخليه ما مغسولات بيهن ريحتهم واذا ما لكيتي ل سليمه جيبلي من عصام أهم شيء عندي عصام.
أسيل ما أروح مستحيل أخطي خطوه منا تريدين تأذينهم وتفرقيهم وتخلين عصام يتزوجج بالسحوره حلم إبليس بالجنه حتى بالسحر ما تكدرين لن ما يطيقج بعيشة الله شلون يتزوجج
ضربتني وتجر بشعري وامي خانگتني عوفني ما أروح والله ما أروح لو تموتني ما أسوي البالجن
جنان غصباً عليج تروحين والله أموتج وأطم عارج وأخلص منج شگو باقيه عله على گلبي بس وجهج يلطم شو مروان وراح يتزوج ويطلگج منو يريدج بعد والمن ضاله.
أسيل ما أروح والله ما أروح لو تذبحني رفضت وعيطت وهنا يضربن بيه ملخن شعري حاولن وياي اني قفلت كامت أمي وخابرت حسن
وأجه وأستلمته من يم الباب
جنان أسمع أختك شتگول علينا انتو انكس خلق الله مو اهل حواوين ربيها وعلمها شلون تحاجي أمها هل الادبسزز
حسن ولج سكط تغلطين علينا وما تحترمين أحد أنجلبتي تخبلتي علينا لن مروان راح يتزوج ويطلگج ونخلص منهم.
أسيل أجه ضربني وين اليوجع كمت اكح دم صافي يلا عافني كمت بتعب صعدت الحمام الفوك لزمت خاصرتي توجعني وأكح دم بكثره تخبلت وبجيت مو من وجع الضرب اللي أكلته منهم من الدم غسلت
ورجعت الغرفه تعبانه بقيت نايمه لثاني يوم محد سأل عني.
ضليت أيام مثل الميته روحي مسلوبه واخر مره كحيت دم بعدها ما كحيت بس حيل ما عندي أمشي بدون واهس وشغف للحياة معدومه.
أنزل أسوي اللي عليه وغصباً على?أسي مجبوره أتحمل وأسكت وأخدمهن لأن ما يتفاهمن أيدهن والضرب وقاسيات يضربني بدون رحمه وأمي تقنع بيه تريد تأخذني أجيب ملابسي أني معانده وشغلهن واكف على هل السالفه بالأخص هديل صبرها بدأ ينفذ لن متشعوطه على عصام، ومتلاغيات بينهن ويتذمرن وحده تحجي على الثانيه وسب وفشار ولا عبالك أم وبنتها وحده تعير الثانيه متوالمات نفس الصنف والأفكار وطلعت هديل نسخه مكمله من أُمي اللي كمت ما أحس بأي شعور تجاهه ولا عبالك أمي قتلتني بالحياة بإذيتها المستباحه بحقي قساوتها بالكلام والفعل ما رحمتني أبداً ولا شفت منها محنه دومها تذمر مني ومن وجودي عود اني الصغيره وأخر العنقود والمفروض أكون المدلله.
هديل دومها صافنه وأفكارها ما أعرف وين مرات الكاها تراسل ومخبوصه وأنوب تحجي أتصالات وعصبيه وترجع على أُمي اللي صارت ألها عبده عند هديل تسويلها گلشي تطلبه وأمي أمراً وطاعه بدون أي رفض ولا ممانعه وراهن سر وهل السر مخلي أُمي هيج راضخه هالرضوخ ل هديل!
عفتهن وصعدت وگملت شغلي علمود أخلص من لسانهن وشرهن عليه مالي خلكهن ويضربني كعدت وصفنت أني شُنوْ منتظره! ليش ما أبلغ مروان وخلي هو يتصرف وياهن قبل لا يدزن أحد ويدخل بيتهم ويأخذن أثر من بيت عصام گلشي أتوقع منهن أقل شيء يسحبن أم شامل ويضحكن عليها بس لا أم شامل متسويها وتمشي بخراب بيت عصام لا لازم أبلغ مروان.
أتصلت عليه وجاوبني الو مروان
مروان هلا وغلا
شلونك
ماشيه وأنتِ شلونج.
زينه الحمدلله ترددت أحجيله توني ردت أحجي وهو گال
يم أهلج مو رجعتي الهم مره ثانيه وأني أخر الناس يكون عندي علم
ً يكون عندك علم بشُنوْ
أخوج حارث رايح للعمره ليش ما بلغتيني جان أجيت أخذج على الأقل ما ترجعين يم أهلج
وليش أبلغك
شُنوْ ليش تبلغيني! شبيج أسيل شو صايره فدمره ما تحترمين ليش منو المسؤول عنج وولي أمرج مو أني ولازم يكون علم أخوج رايح للعمره وأجي أخذج ترجعين وياي.
أني ولي أمر نفسي مو أنتَ مو تحت حكمك علمود تتحكم بيه وين أروح وين أجي ومنا ورايح حكمك على هناس مو عليه
وهذا الكاتلج حكمي على هناس إهنا مربط الفرس هسه فهمت
لا دخيلك لا تفهم بكيفك أخر همي أنت وياها
ها لعد عرسي بعد أربع أيام تجين مو!
بعدج على وعدج
أي تدلل أجي
يله فيمالا.
الله وياك أنتهى الأتصال كتله تدلل بعد أربع أيام! ويتزوج مروان أي على الوكت والأيام مشت بسرعه وأخذت من عمري عمر وهواي أمور كانت خطأ بحياتي وقراراتي كلها فاشله ولا قرار صائب أتصلت على أسماء اسأل عليهم هلا عيني شلونكم
أسماء هلا عيني الحمدلله اليوم يجي حارث بس يوصل نجي نأخذج لن خابرني باله يمج سألني عليج
أسيل لا يضل باله
خوما تعاركن وياج
لا يله من يجي عود تعالوا عليه ماشي
ماشي عيني.
أنتهى الأتصال وصفنت مو مال أضل ساكته على سوالفهم وأشاركهم بإذيتهن لعصام وعائلته ما أفرق عنهن أذا بقيت ساكته وقررت احجيله عن كل شيء اعرفه عنهن وسوالفهن وخل يشوف شغله وياهن
ضليت بغرفتي أقرا ووصلني مسج من أسماء
أسماء تحضري أجيت أخذج.
أسيل كمت على السريع لبست وحضرت ملابسي وأغراضي وجنطتي وشلتهن ونزلت وشافني وهديل وكفتلي يم الدرج.
هديل خير وين موليه أنتِ وبقتج يوميه محمله بيها عفيه ما تملين من وضعج يوميه من بيت لبيت
هاي بعدج ما مطلقه وهيج يذبذون بيج لعد لو تطلگتي شيسون يمكن تاليتج يشلوج بجفيه ويشمروج يم الباب وتلفيج الشوارع لن هذا مكانج وأستحقاقج.
أسيل لاتخافين عود ما أجي يمج وتحيرين بيه عبرتها ودخلت علينا أسماء كاشخه مشيت بوستها
وطلعت أمي شايله الجفجير وتهفي بي وأستوقفتني كلامها.
جنان مثل صلافتج ما شفت عند بنيه و?أسج الگوي?أس سليمه تمشين ولا تگوليين يمه راح أولي بس لا عتب عليج جينات عماتج الكح
كلهن بيج يا عرمه.
أسماء هاي شبيها شتحجي أمشي أمشي قبل لا أنهد عليها وأبتلي بوحده منهن أمشي.
أسيل مشينا وضليت ساكته والطريق كله أبجي وأسماء تباوعلي بقهر شبعت بجي على حالي وعلى قراري إلى اخذته بلحظة غضب وندم حتى الدراسه ما تفيدني غير سند يحتويني ويلمني من هيج أهل وصلت بيها تشوفني عاهره وأخت تگولي تلفيج الشوارع وهذا مكانج وأستحقاقج! لهل الدرجه أني نكره ليش أني مو بنتها ليش أذتني وأذيتها نبتت بالعظم دمرتيني يا يمه.
وصلنا البيت عفت أسماء ودخلت الحمام وقفلته كعدت كومه بجيت الا أنفجرت ومنو يسكتني صرت أتمنىّ أموت واخلص على شُنوْ عايشه مروان وراح وأهل ما بيهم غير وصحه ترگد وأطفال ما يصيرلي قدرة قادر أصير أم وسند ما عندي شگو باقيه معلعله وشابعه قهر.
وصل حارث سلمت عليه وعفته ويه عائلته وثاني الصبح لگيته كاعد لازم أحجيله أخذت تلفون ريم لكيت المقطع بعده موجود رسلته لتلفوني وأخذته ورحت عليه حارث أريد احجي وياك بموضو? مهم.
حارث گولي أسيل.
أسيل وحجيتله وشوفته كل شيء ما كنت أعرف المفروض الانسان يضل نايم على الحقائق ما يعرفها احسن ما يعرفها ويتندم وينقهر ويشعر بالشفقه على نفسه وحاله كملت كلامي وكام بدون كلام سحب السويج وطلع من البيت أكيد راح إلهن ومر وقت دخل حارث وياه هديل جايبها بدون لا ضرب ولا كل شيء وكعدها بالأستقبال وقفل الباب وشوفها التصوير إلى بموبايلي وجها صار أصفر وتباوعلي بحقد.
لكن اللي يتلفونها وما خفي كان اعظم من إلى موجود عندي وكانت تلك القشه التي قسمت ظهر البعير سحب التلفون منها وطلع وگال اخذ التلفون
حارث أذا أسمع الج صوت بطلقه وانهيج.
أسيل طلع وضلينا بس أني وياها باوعتلي بحقد وحجت
هديل ليا حقيره ونذله وحلفتي ما حاجيه ل حارث ولا تعرفين شيء وتلفونج نبشته ماكو مقطع هذا منين جبتي لو عندج سوالف ودروب يا ساقطه.
أني أسيل مو هديل حفظته لن أدري بيج أنتِ وأمي ما تعوفني بحالي ولأ تخافين هاي الدروب مخليتها الج أنتِ وأُمي گافي عليجن خوما العائله المشرفه كلها تلزم درب السحارات لازم يطلع واحد يفضحجن ويكشفجن على حقيقيتجن لعد أخليج تهجمين بيت عصام هيج على البارد لا والله ما تنالين مبتغاج
سگتت ما جاوبتني بس بالها يم حارث وعينها على الباب دخلت علينا والدمعه بعينه وتقرب عليها وصاح عليها وهو يبجي ودموعه تجري!
حارث ولج هم يجي يوم وأسيل تبريجن الذمه هم يجي يوم وتكعد تبجي عليجن بس أريد اعرف شغله انتن من حجر هيج معدومات الاحساس صدق من قال تضرب الجره على فمة تطلع البنت لامها وانتن نفس زمره الحقاره والنذاله وحده نسخه من الثانيه.
حارث حارث شبيك شُنوْ شتحجي أنت وفتح التسجيل إلى هديل مسجله صوت أُمي تسجيل ودازته ضمان لصديقتها حته تبتز امي علمود تقنع حارث يحجي ويه سيف يرجعها لو تضل وياها حتى يوكعن عصام بسحر حتى ياخذ هديل زوجه ثانيه!
هذا كله حجي لكن بعد ما وصلت لمضمون والكلام الأساسي واليخصني خلاني أوكع من طولي مصدومه باللي سمعته وعرفته عيوني نشفت من الدموع بس فاتحتهن وحيلي يترجف ضليت فتره من الوقت ساكته وصافنه وفاتحه عيوني على وسعهن أريد أستوعب إلى سمعته ودخل مسامعي كل هذا والله هوايه عليه
حارث أسيل أبويه حاجيني.
أسيل حارث وديني ل أُمي وجيب هديل وياك مشيت قبلهم وأسماء أنطتني عبايتي لبستها بدون واهس صعدت وهديل هم وطلعنا أتعجبت على? سكوته حتى ما مد أيده عليها أبداً وهو الف فكره برأسه، واني حتى الأفكار توقفت وتشتت بعقلي وگلبي مو كادره أستوعب صعب من يستغفولنك وتكشف الموضو? والحقيقه المُوجعه تحس روحك غبي ونكره بهذه الحياة ووجودك ماله أي أهميه أو قيمه عندهم ويشوفونك عاله ومستثقلين وجودك.
وصلنا البيت واني ساكته وهو ساكت وهديل عيونها تجري دمع يمكن إنقهرت وشفقت عليه أو تكون خايفه من حارث بعدما كشفها وكشف سوالفها تخص عصام خايفه من عاقبتها شلون راح تكون!
فتح باب الحوش وحارث دخل قبلنا يمشي سريع
حارث يمه يمه وينج
أسيل على? صوته طلعت شايله ابن حسن
حارث يمه السمعناه صحيح
أسيل ضلت تباوعلنا وشافت هديل تبجي وتكوللها
هديل يمه هاي أسيل هي الكشفتني
جنان أيا نكسه شون خليتيها تدري.
أسيل تقربت عليها ليش جنتي متوقعه طول عمري أعيش نكره ليش جنتي متصوره راح أضل طول عمري تحت رحمتج وما اعرف منو أبويه وأنتِ ضامه الحقيقه عني ومستغفلتني ولازمتني ضرب وأهانه وغلط وأذيه عبالج أضل طول عمري ما أعرف أني مو بنت علوان ولا من عشيرته ضلت ساكته وحارث رجع گالها
حارث يمه ما أريد ادخل النار من وراج احجيلي ليش هيج سويتي بهل المسكينه.
جنان شحجي جايين بعد سنين فاتت كل شيء صار بالحلال وعلى سنه الله ورسوله
أسيل جاوبتها هذوله لا تحجين بيهم برئيين منج ومن أفعالج.
جنان سكتي لج أدبسزز عايقه هي الصلافه والعرامه منين تتوارثينها غير من عماتج الكح والساقطات
حارث يمه گافي أحجيلينا ليش هيج سويتي ليش
أسيل كعدت وتربعت وخلت ابن حسن بحضنها.
جنان أبوكم جان بشبابه عصبي هواي مينجرع وانتوا جنتو شاهدين شكد جان يضربكم وشكد عدواني وما يلفي للبيت من مكان لمكان دايح وكل حجايه ومشكله تصير بينا وكال طالق وطلكني هواي وأكثر من مره وكالوله بعد ما تصيرلك مره الا احد يجحشها يعني رجال ثاني يتزوجها وبعدين يطلكها وارجع على ذمة أبوكم وهو يريد يرجعني علمودكم لن انربط بالبيت من وراكم.
بس إلى جاب هذا الرجال ابوكم هو صديقه يعرفه وعقدلي عليه بس إلى ما جان حاسب أحاسبه انهُ هالرجال أنذل وأسقط خلق الله دك بيه الناقصه وزرع بذره خبيثه من نسله بطني وطلكني وشمرني على ابوكم سكتت ما كدرت احجي شحجي اني ردت بس ارجعلكم والمكم وانتوا صغار وجديتكم جانت ما جارعتني وتموت مني وردات بس يطلكني علمود تزوج ابوكم وتتنقم مني لن أني جنت ما أسكتلهن.
المهم ورا فتره لان ابوكم منطي فلوس حق زواجي منه خابره وكاله أخذت حقي مربع منك ومن مرتي ومرتك وخله ابوكم شايط عليه ويضرب ويغلط ويسب ويعلن بيه دمرني لعب بيه لعب كسرني وعيشني جحيم اكشر وجنت حامل بالمصكوعه وكال الا تنزلينها وحاولت بكل الطرق وما نجحت لزكت عار ولزك بينا وصارت وصارت وياها المشاكل يوميه متعاركين ويضرب بيه من وراها يقضي عليه يجنزني ويوم عن يوم صار يقسي أكثر كلما تكبر هو يضربني وبدأ يشك انو هي مو بنته حاولت حاولت لحد ما يوم راح سوه تحليل لن الشيطان كام يقرأ ب?اسه وعرفها مو بنته بنت ذاك النكس أبوها العار.
أسيل جانت تحجي بدم بارد وأسلوب عادي وشيء طبيعي ولا متأثره واني فاتحه كل خلايا عقلي وياها
حارث زين ليش ما انطيتيها ل أبوها
جنان كسبت بيها اجر وعيشتها بحضني لو مخليه أبوك مثل ما جان جان شمرها على أبوها وجان هسه هي من واحد لواحد يلعبون عليها.
وأبوها جان صديق أبوك وأبوك جان عركجي بشبابه ومحد كدرله اني وأمي سويناله عكد لسان وكدرنه نخلصه من الملاهي وسوالفه التعبانه لو مخليته ياخذها وينطيها لابوها جان هسه حالها حال عماتها من قاعه قاعه من ملهى لملهى ركاصات ومطربات خل تسكت وتحمد ربها ولا تسويلي دراما وتفضح روحها تره بعد تفله محد يتفل بوجها وياخذها وره ما تتطلك من مروان صارت علج لرايح ولجاي خل تسگتت وتطمم عارها وعار أبوها وأهل أبوها لن ما ينحجي بهل السالفه مخازي تأريخ أهلها أسود جير.
أسيل العجيب بالموضو? گله أبداً ما نزلتلي دمعه بس حلكي يبس وشفايفي ترجف جسمي كله يختض وخلايا عقلي تبنجت شيء بداخلي توقف وماكو أصعب من شعور انك تحس نفسك غريب وعايش بدوامه من الكذب والخداع والأوهام وكل هالأذيه والمعامله القاسيه تقليتها بس لأن بنت غير رجال وأذتني بسبب أفعالهم ما رحمتني لأن تأذت بسببي وردتلي الأذيه أضعاف مضاعفه، ضليت ساكته ما حجيت وياها ولا عاتبتها كتله حارث يلا امشي.
هديل تبجي لزمتني من كتفي وتتوسل بيه عود أنقهرت عليه.
هديل أسيل فدوه لعينج لاتزعلين.
أسيل أنتِ تجين بالوقت الضايع بوقت الجنت محتاجه وأحتاجيت احد يطبطب عليه ما لكيت أحد هسه مو بحال أحد مشيت بخطوات تكطع النفس صعدت بالسياره الغريب كل جسمي يرجف ورأسي يوجعني بس ما نزلتلي دمعه ابد زردومي يوجعني اخنك بروحي بلكي ابجي وحارث يحجي وياي ما جان تواسيني أي حجايه جنت احتاج حضن يدفي بروده گلبي ونار جسمي من الصدمه والحقيقه المره العرفتها والماضي المعلون.
حارث أسيل فدوه لوجهج اني اخوج ما تغير شيء أنتِ أختنا شصار يعني وكفت الدنيا قابل گملي وأمشي بحياتج كأنوا متعرفين شيء ولا عرفتي وإذا على أُمي شتسويلها يعني أخذتج وعاقبتج بسبب أفعالهم الله يسسامحها.
أسيل جاوبته سهل الكلام هواي وصلنا البيت واني بس اريد أنام هو يحجي يريد اني قفلت اريد اختلي وأنعزل بروحي ما أريد أي بشر گبل دخلت للغرفه واخذت البطانيه ونمت على أفكاري حتى لا اختنك من كمية الظلم لنفسي.
مرت ساعات واني نار أحس تطلع من عيوني كعدت وبديت أستوعب وكمت الطم على وجهي ليش ليش من دونهم ليش ما صار طلاك امي ليش الا اني نصيبي هيج ليش ما هديل ليش ما حسن ليش ما حارث تخبلت أنهاريت كلشي بيه دخل مرحلة الجنون واني ادك على رجليه والطم ع وجهي انفتح الباب بقوه ودخل الأنسان إلى أحتاجه متفاجى بحالتي كبل رحت شمرت نفسي لحضنه ارجف أحتضني يريد يعرف شبيه گبل حجيت مروان لا تحجي شيء لا تحجي اي شيء خليني بحضنك خليني بحضنك.
أعلنت صرخاتي بكل قوتي أريد شي يبرد كلبي اناشغ مثل الجاهل الضايع ولكه أمه روحي فرفحت.
مروان بس كوليلي من وياج منو محاجيج تجين وياي للبيت ترجعين أسيل ابويه بس حاجيني.
رفعت?أسي وحجيت ياريت كل الأذيه إلى اجت منك بس وعشتها أضعاف ولا عشت إلى عشته اليوم ولا عشت هالخذلان كله ولا نصدمت هالصدمه ما كادره أستوعبها مروان ياريتني باقيه على أذيتك ولا إلى عشته وسمعته اليوم ياريت.
ابويه شجاي تحجين.
أويلي أويلي لو اكدر أفتح صدري واحجي البگلبي
لازم?أسي ويحاجيني
اسيل بداعتي عندج احجيلي شبيج
سگتت وكل جسمي يختض من حرارة جسمي
ما بيه شيء مضغوطه من الدراسه هز?أسه ما مقتنع وحارث يم الدرج واكف وعيونه مغوركه ومتحسف على حالتي.
أسيل شبيج
نفضت روحي ما بيه ما بيه شيء عوفني عوفني صرت اصيح بي عوفني عوفني أطلع برى ما أريدك ما أريدكم عوفني صرت أصرخ وما احس بروحي ما حسيت غير على أسماء ترش مي بوجهي وتفتح القران بوجهي.
أسماء أسم الله الرحم?ن عليج وعلى أسمج
أسيل حارث أخذ مروان وطلعوا واني تمددت ونمت وتغطيت واني أرجف ولليل ما حسيت على شيء غير بيدي كانولا وبخشمي قناع الاوكسجين بس مروان وعصام وحارث يمي شصار جاوبني حارث.
حارث حرارتج عاليه وضغطج معلك 17 لكيناج متمدده يم الباب أبويه ليش هيج ليش دمرتيني والله أخذتي روحي والكبد مالتج تعبان بس ميكدرون يسوولج عمليه هسه الأ بعد أشه? لن عمليتين يخافون عليج ومضاعفات جسمج ودمج نازل وضغطج ما مستقر وضعج صعب ما تتحملين العمليه تبقين على العلاج.
أسيل ما حجيت بقيت ساگته ومروان مبين عليه الإنزعاج وباوعلي وحجه.
مروان دخل ترجع وياي تصير مثل الحصان هاي لان مفاركتني مقهوره عليه هيج والا وين اكو احد يقهرها بكدي.
عصام والله زين منك أعترفت بروحك تقهرها.
مروان لا مو هيج بس القصد ما تنقهر من شخص اذا ما تحبه هواي وأدري بيها انانيه متحب غير نفسها ويخزر بعيونه
أسيل درت?أسي وكلتله متروح تحضر تجهيزات زواجك
مروان أي أحضر ليش لا بس كلت خاف تموتين علمود اجي اكلج لا محالاله ولا موهوبه.
أسيل ضحكت من گلبي وعصام ضربه دفره وضحكوا كلهم واني انتظر المغذي يخلص اسمع حارث يحاجي عصام.
حارث أبو كرم عيني أريد احاجيك بموضو? وخجلان منك والله بس اريد تقنع الوالد علمود نحاجي سيف أبو روان بلكي الله يرجع هديل.
أسيل باوعت لعصام دنك من ذكر أسمها كل شيء بجسمه اتشنج واتعصب كلش رجع جاوبه بعصبيه
عصام اني حالف ما ادخل بإي شي يخصها.
أبو كرم لخاطر هالجهال الدنيا غبره مو مثل كبل الولد تخاف عليه من الشارع ومن السكاره والجكاير والعربده والبنيه لو تحطها بقفص هم تخاف عليها اذا مو امها على رأسها احنه نشوف بنات وشباب واهاليتهم على راسهم ورب الفساد فه شحال هل ألاطفال يضلون على ايد مرت الأب ويصيرون حقودين على أمهم وباجر عكبه يكبرون وتكبر مشاكلهم وياهم وأني كلت نلملمها ونحاول نرجعها وعد مني بعد ما عليها بإي أحد ولا أحد يشوفها.
والله يا أبو رامي اني شريد قابل غير ترجع لبيتها وأطفالها واطلع من خطيتها لأن اني هم كنت سبب من الأسباب.
لا يابه أبو كرم اني أحاجيك مو علمود احسسك بشيء بس لان ابن عمي وحزام ضهري وأستشيرك
أسيل هما يحجون واخذهم الحجي وهذا مرواني صاير فد سريري يغمز بسخافه أرفعله بعيوني بمعنى شكو شبيك
مروان الله عليج أرجعيلي ليش هلكد قاسيه على مروانج والله أنتِ ما تحبيني لو تحبيني ما تسوين بيه هيج.
أتاملته وسرحت بتفاصيله وحجيت أنعل ابوها لابو الخلقه الماتحبك هاي يا بنت گلب متحبك.
أنتِ
يا لعد غلطت على روحي
وهواية وعلى ابوج سويتي گلب بوليسي هم
بعصبيه مروان
عيونه ل مروان دكافي عاد زهكتيني درجعي
ما أرجع عيش حياتك اطلع من خطيتك وخطيه هناس أجمعكم وأرتاح ما اشيل ذنبكم برگبتي جاوبني والدمعه تلمع بعينه.
هذا هو والله ذليت روحي كل مره اعاهد روحي واكول كافي ذله بس هالمره من صدك أنسي مروان وخليني أعيش الباقيه من دونج
كمل كلامه وباوع عليهم ملتهين يحجون دنك باسني من يم طرف شفتي والتفت لكاهم يباوعون علينا يا فشلتك يا مروان.
عصام ايا ما تستحي حارث شدلك كرون بعد هذا فد مره زا? المستحى.
أسيل حارث حيل ضاج بس ما حجه خاف يغثني لو يقهرني لهذا فضلت السكوت بهيج موقف محرج.
ودخل عصام سحب مروان وباوعلي بنظرات عتب وكف يم الباب واجه عصام ودعني
عصام تضل يمج العافيه أحنه نترخص ديري بالج على نفسج محد يستاهل توكعين وتخسرين صحتج علموده ماشي بابا.
أسيل أن شاءألله طلع ومروان وياه وضايج النونه معكوده تحسى يريد يبجي من كد ما مقهور بس يلا احسن علمود يعيش حياته وأني اعيش حياتي الباقيه بسلام وأمان، واجه حارث وأبتسملي
حارث ها شلونج هسه أن شاءالله أحسن
أسيل الحمدلله زينه لايضل بالك.
شلون ما يضل بالي أنتِ أختي أسيل يبعد أخيج لاتزعلين ولاتضلين تفكرين وتقهرين بروحج وضعج وصحتج تعبانه واحنه ما نستاهل تخسرين صحتج ونفسج علمودنا فكري بنفسج.
الله كريم حجيتها بخنگه وضل كاعد يمي وخابر على أسماء طمنها عني وضلينا لما أستقر وضعي وتحسنت وطلعنا وگومة علاجات ولازم التزم وعلى الموعد لما يتحدد موعد العمليه.
كاعده وصافنه بكل الأحداث المرت وجرت عليه ورن تلفوني علن عن وصول مسج فتحته من عنده.
مروان سنج شبي!
أسيل أبتسمت ودمعتي نزلت لاحظ وما يفوتها اليه اذا ما يكعد يحاسبني ويستفسر شلون وشلون
ما تحجين مو أحاجيج سنج شبي؟
أنكسر
شكسره
وكعت وأنكسر
شلون وكعتي
وكعت
وين وكعتي
مروان شُنوْ هل الأسئله وگعت وخلص هو تحقيق
أي تحقيق عندج مانع شلون وكعتي
عثرت وكعت على وجهي وأنكسر أرتاحيت
لا ما أرتاحيت لأن هاي مو الحقيقه وأكرهج من تكذبين لهذا أحجيلي منو كسر سنج
محد
تبقين مصممه ما تكولين منو كسره.
شبيك محد كسره گتلك وكعت وسن وكع ليش منو يوكعني شعندي طلابه
يصير خير
مروان شبيك شتحجي وهاي يصير خير أخاف منها
لاتخافين أني ما أخوفج
ما جاوبته ورجع دزلي
من يستقر وضعج أجي أني وأمي نأخذج نخليلج سن جديد
لا ما يحتاج
اي كلام ونقاش ما أريد
گتلك ما يحتاج وحارث هو تعهدلي يسولي سن جديد بس جان ملتهي بشغله وخطيه وأنوب راح العمره وما صارله مجال يأخذني لطبيب
ها ليش من شوگت سنج مكسور
تضل تدقق أنتَ
أي.
هاي هي أني أكول ل حارث ونروح نخلي سن
لاتگوليله أني أخليلج سن عوفيلي حارث
لا أگوله ولاتعب نفسك أنتَ وراك مصاريف عرسك ما أريد أضغط عليك.
أسيل سن أني أخليلج ملحه لاتلحين لغوه لاتلغين
ما أريد منك كل شيء
أسيل بابا أنتِ مرتي وأني المسوؤل عليج وأي شيء يخصج تابع اليه مصاريفج وطبيبج وأحتياجاتج عليه واجبي هذا وغصباً عليه هم
ما محتاجه كل شيء
العصر أُمي تجي عليج.
هلأ بيها بس لا دزلي گلشي وسن ما اسوي بطلت لا منك ولا من حارث أخلي هيج شبي شحلاته
خلي على راحتج
أي تمام راح بعد ما دزلي شيء وفصل الأنترنت وعفت التلفون صفنت على أهتمامه بيه وأختنكت لازم هيج وما أرجع أنطي أمل وهو أبتدأ حياته وياها ونفس الوقت ما كنت متوقعه الوحشه إلى صابت روحي محد يترسها غيره وماكو أحد يعوض نقص إلى بروحي غيره.
أزهار طول الطريق صافنه وبنتي صوتها نغمات تطرب بروحي وتسكن الطمأنينة بداخلي بستها من كف أيدها وحضنتها ونامت على صدري وهما يحجون واني بالي مو يم أي أحد أفكاري مشتته مثل حالي تشتت بسبب قرارات والدي ما أعرف شُنوْ نتيحة هل القرارات هل أتخذها بدافع الأنتقام لأنه أختياري أنتهى بالفشل وبالأخص بعد حاربتهم وفرضت كلمتي عليهم كلهم وتمت زواجهم من هشام وكانت النهايه صادمه.
وكأنما يگولي هذا قرارج وهذا قراري خلاني بوسط تحدي بين الزواجين أيهما أفضل كأنما أنا في حقل تجارب ما أنطاني فتره نقاه أصفي أفكاري وأعالج نفسي من هشام وصدمته بإنفصالي عنه، صدمني بزواجي من شاهين لدرجه وصلني لمرحله من الصدمه أنه هذا معقوله يكون والدلي الحنين حتى أنتفاضه ما كدرت أنتفض بوجه وأمنع هل الزواج وحتى لو أنتفضت هالزواج يتم بالرفض أو بالرضا.
الدنيا صارت ليل وأظلمت وبعد وقت وصلنا القريه وطبگنا يم الباب نزلت وبحضني بنتي وهما گدامي
سهيله فوتي يمه شاهين نزل أغراضها
شاهين خل وحده من البنات تنزلهن
سهيله هم رجعت على أخواتك شصار لو أنتَ تنزلهن خلف الله عليك ما نريد سهاد تعالي ساعديني أنزل أغراض مرت أخوج.
أزهار ضليت واكفه واجتي سهاد سلمت عليه وراحت ويه عمتي وهو دخل ورجع صاحح عليه
شاهين شعندج متخشبه تحركي دخلي البيت
أزهار ما جاوبته صاح بعصبيه.
ما تسمعين طرشه أنتِ
سلمان شبيك تصيح عليها تعالي بابا فوتي داخل جديتج تسأل عليج أمشي سلمي عليها
شاهين هسه وكت سلام عود بعدين
سلمان فلا تصيرلك چاره لا والله أمشي بابا
أزهار مشيت ورا خالي وعبرته وهمس قريب مني
شاهين سلمي وتعالي للغرفه لاتطولين يمها ومنتظرج وعوفيلي بنتج هسه ما ناقصه هوسه.
أزهار قرفت من كلامه ودخلت الغرفه كعد خالي سلمان بصف جديتي تقربت سلمت عليها ولزمتني تبوس بيه.
الحجيه وضحى يمه زهيره الحلوه متعبج الوكت سوده بوجه جديتج
أزهار كعدت بصفها وضلت صافنه على ملامحي كأنما تقرأ كل تفصيل بيه باوعتلها أبتسمت وأخذت بنتي مني وباستها
الحجيه وضحى شلون بنيه حليوه ازهار الثانيه شنو اسمها
غزل
شحلاتها وشحلاتها أسمها يولن جيبلها لكمة أكل.
سهاد جده عشاها بالغرفه يم شاهين هو گالي جيبي للغرفه ويگول خل أزهار تجي تتعشى.
لا جيبي عشاها أهنا يمي خل تتعشى وياي ويه خالها.
عوفي شاهين هسه تلحك تأكل وياه
ماشي جده
أزهار ضلينا كاعدين وصاح على أخواته وطلعن يتراكضن عليه لن باب الغرفه مفتوح گبالي وبلحظات اجانا عصبي من خلال شكله بينت عصبيته
شاهين ما تجين تتعشين ينراد الج عزيمه
الحجيه روح تعشى أنتَ أني گتلها تتعشى ويانا
شاهين لا تجي تتعشى وياي يله أمشي وعوفيلي بنتج اهنا
سلمان شو أنت ناز? المستحى ما تستحي من عدنا واكفلها على الباب وتتأمر.
شاهين ليش أستحي بايك لو ناهب شو مرتي وحلالي شمسوي قابل يله أزهار تحركي.
سلمان شحجي وياك قليل تربيه
الحجيه عوفه هذا كله من الدلال أمشي منا لأ أكوم أكسر هل العوجيه على ظهرك ما أخلي عظم بجسمك صاحي يله راويني مكفاك.
شاهين ماشي
أزهار راح وجابوا العشه يفتح النفس بيتجان مقلي وبتيته وطماطم حمس ومعلاك محمس ريحته دمار.
وروبه وجبن وزبد وخبز حار فرشن السفره ورتبن الأكل واجن كعدن وعمتي سهيله هم اجتي وتعشينا وأكلت وياهم بكل نفس طيبه باوعتلي جديتي بنظرات رضا بس مليانه حزن ما أعرف ليش.
وتعشينا وكمت وشلت بنتي رحت غسلت ورجعت وصار بوجهي شاهين سحبني من أيدي عوفني وين مأخذني حاولت أنفض أيدي منه بس هو اقوى شد عليها الا تأذيت شاهين عوفني مو غصب عمه سهيله.
شاهين لو مو عمتج سهيله اليوم محد يخلصج مني أكلج وأشربج اتلذذ بيج ولج صارلي عمر منتظر هل اليوم واني وياج بغرفه ويجمعنا فراش واحد.
أزهار عوفني شاهين عمه سهيله دخلني الغرفه وبنتي بحضني لزمني من وجهي يريد يبوسني لعبت نفسي وكمت ادفع بي وابجي وبنتي تصرخ بوجهه هو مثل الفاقد نزعني شالي بغصب بحيث ردت أختنك بي وبنتي سحبها مني عوفها صرخت بعلوا صوتي عمه لحكيليي صحتلها وصم حلگي واندفع الباب بقوه وتقربت دفعته وسحبتني منه واني ابجي وارجف وبنتي على الجربايه تصرخ ركضت شلتها ضميتها لصدري واسكت بيها.
سهيله أنتَ مجرم متكولي شبيك تخبلت على عمرك هو هيج من اولها والشغله مو غصب وبنتها بحضنها ما أستحيت على شاربك تريد تتقربلها كدام بنتها لو مسقط نازعهن كلهن لا حيا ولا مستحى ولا خوف من رب العالمين يصرعكك.
شاهين وأنتِ شعليج شعليج ترى مرتي حلالي محد اله گوه عليه قابل سالب ناهب والله خوش بالله وبنتها اني شکو بيها متزوج أتونس بزواجي لو اكعد اربي ل هشام بنات بي خير وشرف يجي ياخذ شرفه من يمي اني ما مسؤول عن شرفه.
سهيله شعليك أنتَ بإبوها وشرفه حير بنفسك وهي طفله وين يأخذها من حضن أمها ليش كلها حيوانات وعديمين رحمه مثلك أمشي وياي وأنتَ يا ويلك تگرب صوب غرفتي صير أدمي وعدل أسلوبك لا والله ارجعها ل أهلها.
أزهار أخذتني الغرفه يمها وخالي سلمان دخل عليه وأصواتهم أرتفعت وطلعت عمتي هم وتلاغوا بينهم وهو صوته عالي شگ طبلة أذني وبنتي خافت من الصوت والهوسه سوده عليه متعلمه على غرفتها والهدوء لميتها بحضني ورضعتها وتباوعلي ومهتضمه وتبجي ودموعها بطارف عينها مسحتهن وبجيت وياها لما هدأت ونامت ونمت بصفها.
كعدت الصبح لكيت عمتي كاعده وتحجي ويه البنات علمود الشغل باوعتلي صباح الخير.
سهيله صباح الخير يمه گومي نامي بغرفتج وأرتاحي على جربايتج وهم بنيتج خطيه تنام هسه يجون جهال بناتي وأخاف عليها يجفصونها وشاهين ما عليج منه حجيت وياه وتفاهمنا ما يقسي بعد هو طبگات يجن بساعة شيطان ويتخبل.
أزهار هزيت?اسي وشلت بنتي ومشيت وخايفه الكاه موجود فتحت الباب شفت بس جنط ملابسي اني وبنتي دخلت نومتها على الجربايه وحسيت الغرفه مستعمله يمكن غرفة طليقته مو جديده شسوي بالغرفه ما أريده لا هو ولا غرفته.
نومتها وضليت كاعده بصفها خفت منه يجي وبهل الاثناء أنفتح الباب ودخل باوعلي صديت وجهي عنه.
ضل يفتر بالغرفه دايخ ويباوعلي وأني واني صافنه على تفاصيل حياتي شلون تغيرت بسرعه ولمح البصر گلشي بيها مختلف رجعت باوعتله وركزت نظري ناحيته شگله متغير وأطباعه أقذر منه.
واكف بالباب يدخن لأن حاره والجو بوخه وريحه الجكاير تخنك بالغرفه وبنتي نايمه على الجربايه بصفي تقرب باسها من راسها ودنك على خشمي بس سحب نفس وغمض عينه مكدرت أتقبل ريحته وتفاصيل وجهه احس ترانيم وانغام كلامه القذر تتردد بأذني حجه بحقد متغلل بداخله من سنين
شاهين رخصتج وأخذتج وكسرت خشمج بنت القنادر.
ازهار ما دزيت عليك أنت أجيتني.
لا غلطانه أبوج شمرج عليه هو صحيح أني تقدمتلج بس أبوج بايعج أنتِ وبنتج بنت العار هشام
عيب عليك هيج تحجي فوك ما قدرك وأحترمك هيج تاليتك تحجي وما الك شغل بنتي وهيج مقهور وضايج منها شگو تبوسها شُنو هالتناقض العندك
أبوسها لأن أنتِ أمها مخلوقه من روحج ولأن طفله فقيره ما إلها ذهب وشگلها ينحب گافي عليها أبوها عافها وما يسأل عنها حتى ما گلف على نفسه يمانع.
وجودها عندي بس عار ما عليه العتب أعده ضمن صنف النثايا أني أهل مرتي ساحليني وما محترميني وأكتفي بس طلاق والله عار لو بمكانه أفجركم كلكم
مو صاحب مشاكل مثلك
لا والله عار ما منه فايده بس أريد أعرف شحبيتي بي هذا الگاتلني قهر حلو وشخصيه ترى اكدر البس قاط وأتانق واصير شخصيه بس الشخصيه مو باللبس.
ورم گلبي من كلامه وجوده وغف على معدتي
تقرب عصر فگي باسني من خشمي وحجه.
بعدين نتحاسب وحده وحده ما ناسيهن الج وعيونج ما ناسيهن واشمهن بگلبي.
عافني وطلع بقيت كاعده ومقهوره وشايله هم لگلشي وهو ما ناويلي على خير ولا أني متقبله وجوده.
كعدت بنتي شلتها وطلعت ودخلت غرفة جديتي أخواته كلهن جايات كامن باسني ويباعن لبنتي ويضحكن وحده تباوع الثانيه نظراتهن نظرات حزن حسيتهن مقهورات عليه اشرتلي جديتي.
كعدت بصفها وجابن الريوك وضلينا كاعدين سوالف ويحجن على عيالهن وكل وحده منهن محمله بهم وعمتي سهيله تحجي ما ترضى وتنصح وتعلم بيهن
دخل علينا وكامن سلمن عليه ورجع باوعلهن
شاهين شو ولا وحده باركتلي
الحجية على شُنوْ نباركلك
شاهين والله ادري كيفج سألي بنت أختج هي تجاوبج مو أزهار يله نتمم والمباركه بعدين هي تجي
أزهار أتفشلت من كلامه وجراءته وجديتي عاطت بي
الحجية ليا ما تستحي ولك أخواتك كاعدات.
شاهين شحجيت قابل وشعدهن جايات شو مباركه ما باركن جيس جگليت ما جايبات وياهن
سهيله جايات على أهلهن ما جايات عليك عود من يصير عندك بيت اطردهن هذا بيت جدك وبيتهن بيك خير واحجي.
شاهين أي أنتِ شمري بساميرج ما عندك بيت منين يصيرلي بيت عائله فيلق عسكري شيلحك الكم
لو جامع راتبي جان هسه عندي قصر مو بيت.
سهيله خلف الله عليك وعلى راتبك خلينا ساكتين ما نريد نحجي عيب من بنت عمتك ضب لسانك.
شاهين أزهار لحكيني الغرفه.
أزهار طلع وباوعتلهن وجديتي أخذت بنتي من حضني جده عوفيها فدوه ما اكدر أفاركها.
الحجيه حلالج يمه زلمتج هذا روحي عليه شوفي شيريد ولا تعصينه وتعاندينه ويرجع عليج تحملي
سهيله أني امه ما متحملته هي شلون تتحمله والله عمه بنات الناس ما مجبورات يتحملن خبال أبني.
الحجيه أنتِ سگتي حجايه الج وحجايه اله عوفي هو ما يتكايش خبل ومتخبل علينا ساسي يله ازهار كومي لحكي زلمتج.
سهيله كومي روحيله بلكي تخلصينا من سمه.
الحجيه سهيله ضمي لسانج لهاتج منا البنت خزيتنا وصخمتي وجه أبنج كدامها هاي هم مثل نجاح هجت وخلته تالي ماكو مره تجرعه
سهيله خلص سگتنا عمه سگتنا.
الحجيه يله زهره يمه بنيتي گومي روحي على زلمتج ما عليج من حجي عمتج هي هيج تحب تداهره
شاهين أزهار وين صرتي
الحجيه گومي روحيله.
أزهار أستغفرت ربي وگمت وحالفه ما أخلي يتقربلي أول ما طلعت لكيته واكف باب الغرفه ويدخن وجه وجه المجرم جماعة المافيات أشرلي?اسه وانطاني ظهره ودخل الغرفه دخلت ومُباشرةً قفل الباب ضرب القفل مرتين وأني أباو? على المفتاح هو يتقربلي أبتعد شاهين وخر عني أحسن الك
شاهين ليش أبتعد شُنو المانع يخليني ما أجيسج
عوفني شاهين موو نظيفه.
من أول يوم بلشتي اللعب عادي أتونس وياج احب هيج سوالف بالعلاقه مال تمنعيني واني اتقربلج احس بنشوه وأستمتاع فول الفول
أبتعدت ولوه أيدي وحاصرني من ظهري وخله?اسه برقبتي ويشم بشعري ويحجي عوفني شاهين لاتصيرر حقير عوفني ماكو شيء بالغصب لاهيج تسوي عوفني ارفس برجليه وهو مقيدني.
أثبتي خل نتفاهم لاتجبريني أطلع الوحش البداخلي عليج وأنسيج حليب أمج وتعب أبوج أخليج تتوسلين بيه أعوفج اطلعج منا تزحفين ودمج يخر بين زروج لهذا أرگدي على عقلج وخبالج لاتطلعينه ويه خبالي لن ما جاهز.
أدفع بي بقوه هو قوي وضخم حضني من خصري ولزمي أيديه حصرني بعظام بصدره شاهين الله يخليك أبتعد وخر عني ما أريدك مريضه شُنوْ ما تفهم ما تصدگني.
ما أبتعد لأن أريدج گلج وهاي لحظه تجمعني بأنفاسج أشتريها بدم گلبي سنين وأشه? وأيام وساعات وثواني منتظرها على جمر يلجع بگلبي لج أعشقج شايفه اذا تفتحين گلبي تلگينه عايش على أحرف أسمج أخ لوما هذاك اليوم وكلامج ونذالتج وأستحقارج وأهانتج لرجولتي ورفضج وكسرتي جان تعاملت وياج بكل معالم الحب باخر ذره بالحب أفصلها تفاصل على خصرج بس گلبي وحبج ما يشفعلج اللي سويتي بيه مو قليل.
دارني عليه وضربني كف بحيث صفحة خدي حسيتها خدرت لزمت خدي وصرخت ليش، تضربني ليش حقير دفعته ردت اطلع ولزمني وحضني واني ارفس عوفني عوفني شمرني على الجربايه وگفت على طولي ما أخليك والله ما اخليك افضحك ورب السماوات أفضحك وخر عني ديريالك تتقربلي.
لج نزلي لاتفضحينا نزلي لج عرمه
والله ما أخليك ديربالك تتقرب
ليش تمعنيني ليش اني رجلج يا أدبسز أنتِ حلالي خليني أتمتع بحلالي لج أريدج تعرفين شُنوْ أريدج.
ما أريدك واذا عندك كرامه وعزة نفسي لاتتقرب من وحده ما تريد قربك وگتلك مريضه شبيك متفهم شُنوْ مريضه
لا أفهم بس ما أصدكج أخاف تكذبين علمود ما أجيسج وگلبج معلك بهذاك الزلمه ادري بيج تحنين اله روحج يمه اني إلى بس الكشر گلشي ماكو
ما جاوبته
أنتِ بس قنعيني ليش متريدني فوك سوالفج المكسره
ما عندي سوالف مكسره أحترم نفسك.
والله أني واحد ما أعرف الأحترام بس عمي عرمه والصوج مو بيج الصوج بعمتي الجگمه ما مربيتج عدل ولا معلمتج الأحترام بس نادره تركض كدام أخوانج تمسح قنادرهم
ما الك الحق تحجي على تربيتي متربيه أحسن تربيه وأستحي على نفسك التحجي عليها تكون عمتك
من أنعل أبوج لابو عمتي وياج على هالتربيه السكط أبقي معلگه ابقي ميت عليج وعلى شگولج الزفره عليج وعلى العندج بنت الگواويد
لاتغلط على أهلي عيب عليك شمسويلك.
هما أهلج ذبوج عليه وخلصوا منج ومن عارج ولعبه العب بيج لعب
حسبي ونعم الوكيل بيك فتح الباب وطلع ورگعه بكل قوته نزلت وكعدت خرب بحظي هذا هم ينحسب عليه زواج ورجال كلمه والثانيه يغلط ويسب هسه الواحد شيسوي شيصخم اولي ل أهلي شگول الهم رجعتلنا من أول يوم غير أبويه يهججني ما يلفيني والله يارب ضاقت هونها عليه.
مر هاليومين عبالك سنتين وهو ما شفته بعد خلصت منه ومن لسانه وأرتاحيت بقيت بس أني وبنتي وأحس نفسي غريبه بينهم على رغم خوالي وزينين وياي بس مع ذلك مخنوگه ومشتاقه لبيت أهلي ل أمي أسيا والجهال ل أخواني وحنيتهم عليه وعلى بنتي بجيت ومسحت دموعي بحزن كاعده وبنتي بصفي والدنيا ليل أسمع سوالفهم بس ما إلى خلك أروح مخنوگه.
وكمت فتحت تلفوني لأن جنت قافلته لكيت مكالمات من أُمي وأسيا كومه متصله عليه ورسائل منها فتحتهن كاتبه
أسيا شلونج أخبارج بالي يمج والله ما نمنا اني وعمتي بس نفكر بيج طمنيني عنج فدوه جاوبيني عود.
أزهار كتبت إلها بخير لأيضل بالج گبل أتصلت وجاوبتها هلا أسيا
أسيا أزهار حبيبي وأخيراً فتحتي تلفونج بالنا يمج شلونج حبيبتي أخبارج غزوله شلونها خوما أستغربت
الحمدلله زينه لا ما أستغربت أنتوا شلونكم.
زينين أزهار شبيج أحسج گوه تحجين
لا ما بيه شيء
سوالج شيء أقصد ما اعرف كمت أخربط
لا الله يأخذه
عزا بس لاتعارگتوا
الحمدلله على كل حال شسوي حظي وقسمتي طمني أُمي لايضل بالها گوليلها مرتاحه وخوالي كلهم زينين وياي.
ماشي والله ما أعرف شگول غير الله يصلح الحال وها عبالي أكولج لا هيج بعدين
شتكوليلي أسيا شگوو
لا هيج يمعوده اي غزل شلونها
أسيا أعرفج أحجيلي شگوو
أحجيلج بس أمانه ما تزعلين
لا أحجي على شُنوْ أزعل
هشام
شبي.
اليوم جان يمنا
أي خوما أجه يأخذ غزل سامع عرف أني تزوجت وأجه يأخذ بنته مني مو احجيلي أسيا أمانه
لا ما أجه يأخذ بنته أصلاً خطيه ما يدري الا عمي گاله وأنصدم صدمة عمره
ها ما يدري
أي الأ عمي وعصام گالوله
ولعد على شُنوْ أجه
أجه يرجعج وتفاجئ بيج من عرف أنتِ تزوجتي
يرجعني!
أي يرجعج
جاي أحجي وياها وسمعت صوته أسيا لازم اسده اجه وأني اتجفى شر لسانه
ماشي بعدين نتخابر وأحجيلج عن هشام.
ماشي عيني نهيت الأتصال ودفع الباب بقوه الا بنتي فزت باوعتله حسيته مو طبيعي ما متوازن قفل الباب وكف ينزع دگم القميص شمره وتقرب عليه وريحته تكتل وخر ريحتك تذبح
شاهين سكران عندج مانع
أزهار متباهي حضرتك بالسُكر وطيحان الحظ
ما أدري بس الأدري بي أريدج واليوم أتوسد حضنج وأنومج بحضني وألعب بيج لعب واطفي نار گلبي وأدفعج ثمن كل كلمه گلتيها ورفضج اليه كلهن أحسابج عليهن.
خفت وگبل كمزت وشلت بنتي شاهين أمشي أطلع منا ريحتك تگتل جايني سكران طاح حظك أي والله.
شسويلج ما تريديني واعي گلت خل اسكر بلكي أعجبج ويكعد?أسج عليه وتخليني المسج.
أمشي اطلع منا الله يأخذك
ويأخذج وياي على الواهس ما اطلع منا قبل ما أخذج وأكسر عينج وصلافتج وأنتِ تباعيلي بكل شموخ وأني رفعة الخشم ما أحبها ما تلوك لنسوان
أنت الظاهر تحب اللي ترضخلك أمشي وخر منا.
كلش أدمان أعشقها لج تعالي وين موليه مُنو يخليج تطلعين منا سالمه اليوم أنتِ بس الي
تقربلي وابتعدت عنه وهو يفتر وراي يريد يلزمني حتى وهو سگران اقوى مني وصلت الباب حاولت أفتحه جرني بقوه وكعت بنتي من أيدي وصرخت يمه بنتي.