رواية بين قلبها وعينيها كبرياء للكاتبة شمس العراقية الفصل الرابع والسبعون
أسيل تقليت الخبر بفرح وحزن لأن اجه بوقت سريع كأنما رد على كل الأذيه الشفتها بحياتي أجاني مثل التعويض إللهي جاويته ماشي اخويه فرحت والفرحه جانت ناقصه وسكتت على هذا الخير إلى طال الانتظار واني اتمنى هاللحظه وياه اخذ التحاليل وانطيته الحساب وطلعت أسيا كاعده ومجد يگلب التلفون تقربت عليها طلعت التحاليل
أسيا ها زين يله نفوت على الدكتور لان تأخرنا
أسيل لا ما يحتاج أني أدخل وحدي لاتعبين نفسج.
أسيا لا يمعوده تعبج راحه شمسويتلج قابل
لا عيني مشكوره هسه بس اشوفه التحاليل عفتها ودخلت على الدكتور انطيته التحاليل شافهن وباوعلي بصدمه
الدكتور ها أسيل ما هيج أتفقنا مو هيج وياكم ونبهتج حمل ممنو? وأكد عليكم.
أسيل أني هم مثلك متفاجئه لان سابقاً كان عندي اكياس على الرحم ونسبة الحمل ضعيفه يعني وو.
الدكتور لاتكملين هذا هو لا أعتراض وهذا رزق واني منعت الحمل مو الاقصد بعد لا تحملين بس علمود وضعج الصحي كلت تستقر حالتج بالأول ولان دمج ينزل بسرعه لان أثناء الحمل دائماً يصير فقر دم وأنتِ منا وضعج الصحي ما مستقر يعني لازم تتنبهين على وضعج وتحافظين على نسبة دمج اذا صارتلج مضاعفات وقلت مناعتج أنتِ وطفلج بخطر
لا ان شاءلله ادير بالي بس دكتور عادي أطلب منك طلب
گولي.
ما أريد أحد يعرف بحملي لا مروان ولا غيره ممكن
ليش
شيء خاص بيه أرتجاك دكتور اني عود ابلغهم وضعي الصحي أني انتبه لصحتي لايضل بالك عليه
والله أسيل اني علمودج
لاتخاف عليه بس أمانه لاتكول الهم بالأخص مروان
ماشي بس لاتطولين لان حالتج وحملج تحتاجين رعايه وأهتمام خاص
أن شاءلله ممنونه منك دكتور ما قصرت
بالسلامه
الله يسلمك دكتور طلعت من يمه ولكيت أسيا تفتر وتفرك بأيديها ومخبوصه أسيا شبيج.
ولج امشي عزا العزاني هذا رجلج گالب البيت عليهم وعصام خابرني رزلني ويحجي عليه لان اجيت وياج لان مروان ما مقصر أنتِ ما كايلته مو
ها لا هو يدري
شلون يدري وهيج گلب البيت جحيم امشي امشي شيخلصني اليوم من عصام كتلتي عمل شعبي.
يمعوده شگو قابل أنتِ أجيتي وياي خوما اجي لوحدي.
والله عرفت راح تصير مشكله لان احس مو وكته مراجعتج المفروض مأجلينها لان ولاده هناس حتى عيب لو رايحين الها المستشفى ومباركين الها عود باجر تعالي ويه مروان
ما جاوبتها مشينا وصلنا البيت دخلت عمتي وأزهار كاعدات وعصام من السويت صاح على أسيا
عصام أسيا.
أسيل طلعت ركض عليه وتبلع بريگها والخوف تارس وجهه عبرتهن وصعدت الغرفتي ما موجود أني ما غيرانه بس جان سال أتذكر اني موجوده لا أكثر جاي ابدل ملابسي وأنفتح الباب وحجه بعصبيه
مروان وين جنتي مدام
أسيل نزعت ملابسي ولبست ثوب رجع صاح
مو أحاجيج حايط كدامج ما تردين
علي شُنوْ أرد
هاي العنطزه راجعلها بعدبن المهم ليش ما كتيلي على الموعد
ما أعتقد تحتاج احد يگولك
أعرفج والله عاد راح تسوينها زعله ترى نسيت.
أي حقك تنسى? صار عندك بنيه وهاي من اول يوم ونسيتني اي شو ما طلگتها مو لدت شمنتظر.
هاي شبيج من كل عقلج ترى بعدها بسم الله
كول ما أريد اطلكهاو تندمت شفت بنتك ومرتك خطيه وأسيل شنو حتى افارك بنتي من وراه بشر حيال والله أنت ما عندك كل مصداقيه
ليش تلوفين بالحجي شصار خما كفرت اذا حظرت ولاده بنتي شُنوْ حرام لو أرتكبت جريمه عيني مدام
سد الموضوع اريد انام
هو اني طالع خلصان من نكدج.
هو أنت تريدها من الله حتى تروح على حبيبه الگلب هناس، بحالي أنتَ
ضلي ضلي بهذا عقلج الصغير ضلي لا فوك القهر تتصرفين من?أسج رايحه الدكتور واني ولا كأنما إلى وجود ومأخذتلي أسيا وياج أنتِ واعيه على نفسج شگثر متغيره وتردين حجه تتعاركين وتسوين مشاكل ملاحظه لا لو
ما جاوبته.
لاتجاوبين.
طلع وركع الباب الا فزيت غمضت عيوني بقلة صبر كمت غيرت ملابسي وأحجي بعصبيه ويه نفسي لا ما ملاحظه بس أنتو تلاحظون كلشي أسيل أسيل ما تحاسبون نفسكم بكثر ما تحاسبون أسيل ما تلاحظون على نفسكم وأغلاطكم بكثر ما تلاحظون عليه...
كمت توضيت وأذن المغرب وصليت وفتحت القرأن وبجيت بقهر ربي أغفرلي ذنبي فدوه لعينك راح أصير أم وأتمنى ذنبي تغفره إلى يا إللهي أعرف بنفسي غلطت وغلطي جبير واني مستحيه وفشلانه منك يارب.
فزيت على صوت فتحة الباب وهو حس بيه أنداريت لكيته يباوعلي والشر ينفض من وجهه كاتله أهاليته وما أدري
مروان عزرائيل أقبض روحج دامج علنتي التوبه بطريقج علني التوبه على صلافتج وتصرفاتج الما تنجر? بس گلبي جرعها.
شتريد
ليش ما نزلتي تعشيتي
ما جوعانه من أجو? أنزل أكل لاتخاف ما أحرم نفسي من الأكل علمودك
أي ادري بيج حقيره
زين دريت شلت سجادتي وكعدت وهو فتح الكنتور غير ملابسه وين
وشعليج.
لا عليه ونص أني مو رجل كرسي بهل الغرفه
لا تردين الكرسي يتكسر على?أسج ورأس الخلفوج على هالنبره والأسلوب مال شوار?
وين رايح
علي بنتي
شعندك
ما عندي شعندي قابل بنتي وأشوفها
ما تروح شعندك كل شوي رايح شبع هي
هاي شبيج أنتِ تخبلتي أنتِ تخبلتي أمي تريد تأخذ هديه للبنيه وأوديها وارجع
اي عود سلملي عليها باركلها نيابة عني
واصل واصل أذا من هسه حطيتي عينج عليها لا تهنت بهل البنيه.
بدأ التعير بلش أه بس أكول الله يفرح گلبي بطفل ما أنتظر حضرة جنابك تعيرني عندي رب موجود
استغفر الله هسه منو معيرج أنتِ تحجين بكيفج وتفسرين على مزاجج سويتلج مشكله من لا شيء شنو تردين أنتِ ترديني أتبرء من بنتي لخاطرج وين العدل بالموضو? اصير ظالم حتى أنتِ ترضين
محد كالك صير ظالم لا تلوفها عليه
يلا اني رايح النقاش وياج أمه ميته.
طلع وضليت أحترك بنار كمت لحكته وطلعت شفت عمتي محمله أشكال الدنيا وأسيا كاشخه وازهار كذلك هي وبنتها أي شگو بيها راحن يباركن الها اني شبيه ما باركتلها عفتهم ورجعت الغرفتي سحبت التلفون وأتصلت عليها وجاوبتني الو هناس
هناس هلا أسيل عيني
أسيل الحمدلله على السلامه وبالخير عليج عيني تتربى بعزج ودلالج
الله يسلمج عيني أنتِ شلونج صحتج شون صرتي
بخير الحمدلله زينه
ها خير ان شاء الله جاي تدوامين.
اي الحمدالله بنتج شلونها
الحمدالله زينه حاطينها بالخدج
وين الله وتتزوجين واني اكعد اربيها صدقه لربها
ليش يابه لازم متت حتى أنتِ تربينها مستوعبه أنتِ شتحجين أكيد مو واعيه على نفسج
هاي شبيج عيني طبعاً إذا تتزوجين البنت بنت أبوها ومروان ياخذها يمه خوما تأخذينها يم الزوج المستقبلي.
أگولج هي مو على كيفج لا عبالج أخذتي مروان على الخالي بلاش وسگتلتج وعديتها الج بس بنتي خط أحمر أشعل اهاليتج تفكرين هالفكره وبعدين بعدني على ذمته ما متطلقه منه گبل تردين تزوجيني وتأخذين بنتي من حضني شهل الصلافه والوكاحه العندج أسيل ترى ما صايره.
علي كيفج يابه ما حجيت شيء جاي نتناقش والله اني من باب الشقه حجيت هيج هناس خوما زعلتي الو الو هناس أنتِ وياي وأنتبهت الخط مفصول بوجهي شهل الحقاره هو اني فطيره شجاني كبر وحجيت هيج وياها لو ساكته احسن ادور المشاكل دواره هسه تزعل ب?أسي واني مو بقصدي
عفت التلفون ونمت على بطني تعبانه لليل كعدت على أصواتهم خير شكو انوب فتحت الاضويه ودخل مروان فاير ووجهه محتقن والشكل عباره عن گتله من العصبيه.!
مروان اني جزعت وياج ما أعرف شتريدين تعبت منج ومن نكج ونگدج وسوالفج وأسلوبج الما محترم وتصرفاتج الما تنطاق وبكل الطرق جيتج شتريدين بعد شُو هناس وطلعت من حياتنا متگوليلي شتردين بعد.
كانت ردة فعلي قوية وجاوبته بنبرة حقاره كأنما أريد أستفززه، أريد البنيه اني اربيها وهناس خل تتزوج!
لا واضح أنتِ متخبله رسمي شوفي لج أحنه مو لعب جهال عندج مثل سالفتج تزوج هناس طلك هناس لج بابا حياه الناس لعبه بيدج بكيفج.
يعجبك ما يعجبك طلكني
يابه والله مكبر عقلي وياج لان أنتِ وفد وحده ما تحترمين وما يبين بعينج شي لج حب أربع سنوات اتخليت عنه وجيتج مو لان مجبور لا جنت اكدر اكنسلج لان ما ملزوم بيج غلطج أنتِ تتحملينه بس يا أسلام حبيتچ إفتهميها نقطه راس سطر حبيتج وعشت وياج ورحمه الله والديج تحملتي عقدي النفسيه الطلعتها بيج اي والتالي ما صرت زين وياج ما أحتويتج ما عوضتج عن أهلج.
بس لهنا وكافي هناس مو لعبه بيدج تزوجها طلكها اخذ البنيه منها اني اريد أبيها بيا قانون بيا منطق عقلج يسمح تنطين ابنج أو بنتج لهناش علمود أنتِ تأخذين منها بنتها بس جاوبيني لا تكفريني.
والله من أولها أحسن وأريد أقطع علاقتك بيهاا كافي زهكت من هالوضعيه هناس هواي شصارت هل االهناس.
ضايجه منها لان ما أذتج بشيء ما سوت تصرف مو زين عاشرت الكل باصلها ومعشرها الطيب.
زرعت طيب وما اقارنج ولا اريدج تزعلين بس انت كرهتي روحج بالكل على أزهار ماتحبني أسيا ماتحبني عمتي تحب هناس اكثر عمي يحب هناس حتى عمار هم كلتي يفرق بينا مايحترمني مايشاقيني
شوف مروان أكولها الك من الأخير اني هالحجي ميصرفلي يا تبقى البنيه عندي يا شوفلي حل لنفسي
شتشوفين شبيج أنتِ طفله توه صارت وعند امها وكل فتره اجيبها يمي نشوفها منين طلعتي بهل السالفه تردينها يمج بأي حق بابا بأي حق.
أني هالحجي مايصرفلي رايح جاي تشوف بنتك لا عيني مو عليه هالسوالف تروحلها وتخابرك وتصير عزيزه وتشتغل غيره حجي متولي وترجعها مايصرفلي يا اني اربي هالبنيه وهالشيء من حقك أنت ابوها وبعدين أنت ما جبرتها عالطلاك هي بلسانها رادت تنفصل على شُنوْ مقهور وضايج.
أسيل ليش تعرفينها وتحرفينها احجي حق الله شتسوي تضل على ذمتي وهي ما متقبلتني
وأنتِ واكفتلها عالزله
مشكلتك الكي حل لو توديني يم اخويه اشوف حياتي.
يابه دتطيري طز بيج شفتي حالج عليه ورفعتلي خشمج وبوزج متر ولازم ناقص عقل حتى أمشي وراج واحرم هناس من بنتها بيج خير خلفي وأنتِ ربي مو مدتلي لسانج جيبلي البنيه أني ربيها
باوعتله ونزلت دمعتي أختنكت جاوبته هذا هو وصلت الفكره
أسيل مو قصدي.
هاي مو قصدك وهيج كلت لو قصدك جان شحجيت بس هذا هو وصلت الفكره عرفت بيك شتقصد بس فهمتك وصل كلامك اليه على أنتِ ما عندج جهال وما بركبتج طفل شكو ضال وياج اروح على بنتي ومرتي أنتِ ذبيتها عميه طلعت مفتحه روح الله ومحمد وعلى وياك عاط بعلو صوته
أسيل كافي بس تطلع الأربعين أطلگها وتخلص منج ومني علمود ترتاحين.
هاي هي دام هذا كلامك مشكلتك لعد أتحمل اليجرالك دقيقه بعد ما أضل بالبيت.
أسيل تعوذي من الشيطان كافي رحمه لاهلج بطلي شك وغيره كافي روحي طلعت زهگتيني.
أندفع الباب ودخلت عمتي شايطه من الحركه وتحجي بعصبيه ودمها محترك وهو عافنا وطلع
وصال أسيل مو عيب هالتصرفات وغيره أنتِ كايله ل هناس اذا تزوجتي بنتج أني اخذها منج واربيها وخليتيها أنفسه تبجي وادك على وجهه خليتي الرعب بگلبها مو حرام شسوتلج.
أسيل هذا قراري عمه منتهين منه اذا يضل رايح جاي يرجعها واني ما اتحمل هالشيء ما اكدر اعيش حياتي هيج هناس مشكله عالخط على روح تعال.
دام هيج كلامج ما جان عشتي حياتج من تزوج وخليتي يعيش حياته وياها وصارتلهم بنيه جان هسه تلعب بينا هاي أول حفيده من مروان وكبل استلمت طلاك أمها ما خفتي من الله تحجين وياها هالحجي ما غزر بعينج شي تركض كدامج كليتج وملازمج وتروحين المكاتب وتفترين مولات وأنتِ وصديقاتج وصارلج اسم بالجامعه بنصايحها وبإختها وكفات اختها ما غزرن بيج.
ولج سويتي عمليه اختج ما بجت عليج وهي من اذكرها يحترك گلبي كاعده والدمع عشره عشره مقهوره عليج تركض كدامج تجيج الشهريه حايره بيح تفورلچ أعشاب وتجيب مسكن وتوصيني عمه اسيل ما تاكل عمه اسيل ما تلبس ملابس ثخينه عمه أسيل ما تتنبه لصحتها تمشي وتوصي بمروان ما اهتمت أنتِ ضرتها ما شافتج ضرتج عدتج حالها من حال أخواتها جنتن مثل الخواتم لو هاي طيبتج جانت تمثيل كدامنا.
هسه عفتها هي والميت سوه تكول أسيل تريد تحرمني من بنتي تشيش مروان عليه وياخذونها من حضني عمه ما أريد كلشي كلشي ما أريد منهم بس يعوفولي بنتي.
ولج وظيفتها عافته ومكابله بنتها حتى تعوض النقص مالت مروان اللي طلاكها واكف على ولادتها بس نخلقت لدنيا راح يطلكها لج شُنوْ من گلب عندج ما تحسين بيها بنتها أبوها مو يمها هناس ما تنقهر گلبها ما يحترك مثل ما أنتِ محترك وشايطه علينا.
احجي ليش ساكته لو حقج حق وحقها وباطل من يوم دخلتي لهل البيت إعتبرناج بنتنا وما قصرنا وياج وطلعت هناس مهضومه وكالت مااريد اكسر خاطرها اني قويه اكدر أعيش بس هي طفله والدنيا هاضمتها وخايفه عليج وعافتلج مروان كله هيج تجازينها
والله عيب عليج أنتِ ناكرة المعروف وما يوگف بعينج گلشي ولا يعزر بيج الطيب عبث ماكو فايده.
وإذا فكرتي ولو فكره تناقشين مروان بسالفة بنته وأنت تربينها بيت كمال يتعذركم أثنينكم ما الكم مكان بهل البيت وهناس زوجه ثانيه بس ما انطبق عليها المثل بس اذا اخذتي البنيه راح ينطبق عليج مرت أب حقيره
ولاتخافين الدنيا كدامج تحبلين واكعدي ربي على كيفج لا تحطين عينج على غيرج وحاركه گلب أبني بغيرتج وسوالفج يوميه مسويتلج زعله.
أسيل طلعت وعافتني بدوامه من الأفكار واجه هو
مروان خلص هاي هي بعد طلگني.
أنتِ بايعه وما يغزر بعيج گلشي النهار كله أدلل واغازل وارضي ومروان روح مروان تعال وسويتي عيشتي زقنبوت وتصرفاتج وأسلوبج التنتر والغلط والتجاوز عادي أكول مريضه ما اقهرها وصغيره بعدها ما واعيه على نفسها بس كافس صرتي جبيره دخلتي جامعه كافي عاد أعقلي شكبرج تصيرين تضلين بهذا عقلج التنك
شسوتلج بس گوليلي شسوتلج هناس اخذت ورث أبوج طعنت بيج خلتني يوم احجي عليج سوتلج مشكله.
والله مشكلتها بس تتلوك وخلتهم كلهم يكرهوني وصلت لغايتها أكرهه ما أحبها.
النقص بيج والله وخابري حارث يجي يأخذج وخل يتفاهم وياج اني وصلت وياج نقطه راس سطر تعبت منج روحي يم أخوج كملي دراستج ومصرفج يوصل كل?أس شه?
اي افندي أنت ما تصدك تخلص مني حتى ترجع
لحبيبة الگلب هناس.
شوفي أگولج أولاً هي أنسانه من دم ولحم بيوم من الايام جانت هي حب عمري كله وكلشي بالنسبه اليه بينا عشرة عمر لا يوم ولا يومين مو هينه عليه أنساها ولا هينه عليه أعوفج بس ما أكدر اتلاعب بمشاعرها بعد اليوم وهي أتخذت قراراها مو هناس التجربة شيء وتعرف نهايته وترجعله.
وأخذيها مني بعد لو أصير النفس ما تباوعلي ولا اني قليل رجوله وأباو?? غيرج جزت نفسي من النسوان كرهت جنس حواء كله من وراج لعبتي نفسج من الزواج من كلشي طلعت روحي.
لا والله من وراك العاشك الولهان صاير الحجي متولي ب?أسي رايح جاي? هنوسه مو هناس ملاك مجح كلها تحبها وأولهم أنتَ
أستغفر الله أستغفرالله أنتِ تردين تجلطيني تردين تجلطيني
لا اجلطك ولا تجلطني أتصل? اخويه اروح اعيش حياتي بعيد عنك.
هذا هو والله ما طلبتي الا حقج يجرالج واني گلب أبن گلب إذا باوعت? خلقتج الزفره بعد يا عار.!
أي أني عار شجابك عليه شجابني عليك صارلك ساعه تحاجيني عصبي وگلبك محترك ومصدكين أنتِ وعمتي وكل عقلكم اني اخذ الطفله من أمها ليش ما عندي گلب هيج اني ظالمه اخذ طفله من حضن أمها بس گولوا أنتوا ما صدگتوا أسيل تحجيلها حجايه وتنفجرون عليها وتعيرون بيها بس تردون الزله عليها وأني منو أخذها من أمها عود مرت أبوها هيج كلمتي مسموعه أيباه أثاري اني طلعت ما اسوى وعار هو فعلاً اني عار الما عنده أحد بظهره يسنده ويدافعله وجمهور وجيش مثلكم من كلكم واكفين ويه هناس عليه والله حجيت حجايه واجيتوني تركضون بس هاي هي اني مالي خبزه بينكم ولا من مستواكم اني وحده حياله مكاره شجايني عليكم انتوا اوادم خوش ناس ما تغلطون اني وحده عباره عن أغلاط كثر الله خيركم.
مسحت دموعي تمنيته يجاوبني ما جاوبني عافني وطلع وأسمه يحجي ويه حارث وره ساعه اجه كمت لميت كل أغراضي وملابسي والعجيب والغريب أبداً ما بجيت هو يستغفر الله ويدردم ومقهور عمتي أجتي
وصال كالت خيركم
أسيل عمه اني انكطعت خبزتي ويه ابنج
هيج صارت اسيل هيج هاي هي ولا احجي ولا اعقل أنتِ بايعه ومخلصه ومحضره أغراضج روحي الله يوفقج.
مشت وعافتني وطلعت كلها تباوعلي ولا عبالك راح اروح ولا احد تدخل أو ناقشني عجيب وهو من الدرج يباوعلي بنظره مليانه خذلان ونفس الوقت حنيه ودافيه ويدك على الدرج باصابعه باوعتله نظره أخيره طلعت وحارث فتح الجنطه وطلعنا للبيت.
دخلت البيت أسماء تعزل بالبيت استقبلتني وما حجت شيء دخلت للغرفه وصخه والجهال يلعبون بوستهم ورتبت أغراضي وطلعت شريحه وغلقت مواقع التواصل حتى محد يلكاله حجه ويتواصل وياي أريد اعيش حياتي بعيد عنه واكمل دراستي.
طلعت ما لكيت احد سويت عشه جنت جوعانه وأكلت وهما اجوا جانوا طالعين رامي خله علاگة حلويات يمي حبيبي شكراً اخذتهن وكمت تعبانه ونمت بفراشي وايدي تتلمس وتتجول على بطني داخلها روح أجه بوقت الكل ضد أمه المن تجي والكل شايف أمك ظالمه ومحد رحم طفولتي لا
أهل ولا زوج وعيال عود كبرتي وين كبرت اذا طفولتي ضلت ناقصه ما عشتها مثل الباقين.
ضليت على هالحال أكل وأنام مرت أشه? وأني بيت أخويه محد وصلني ولا هو وصل أو سأل ولا بأي طريقه كأنما جان متمني خروجي من حياته فرصه واجتي لأيده واني ما أريده بس يحسسسني اني ما جنت لعبه عنده ليش هيج أستحقروني بطريقه خلتني اكرهه حتى نفسسي بس هاي هي أسيل عرفتي أوادمج علمود تصيرلي عبره وأستوعب واضرب گلبي بالقندره على هل طيحان حظ هذا ما شفت بس الأذيه من ورة هالگلب أجفص على گلبي ولا أنهان وأنذل بعد وانعل أبو اليحبك ويريدك بعد لو مو أبنك بطني جزت نفسي منك هالمره نهاية...
بدأ الدوام مرحله ثانيه كعدت الصبح رتبت الغرفه والهوسه وحضرت ملازمي وبدلت لكيت حارث طالع لدوام صباح الخير اكلج ويامن اروح
أسماء والله مادري هسه بالخط مالتي اوصلج
ماشي عيني كعدت أنتظرها وجهزت واجه وصعدت بالخط عركه وماكو مكان كوه وصلت الجامعة اول يوم إلى من زمان داوموا بس اني متأخره عنهم.
دخلت المحاضرات وصلنا لمحاضرة ايفين دخلت ولا عبالك تعرفني كملت محاضرتها وزعت لكل طالب ملازم واني والبنات ما انطتنه رحت الها
المكتب دكيت الباب
إيفين نعم أتفضل
أسيل دخلت دكتوره ممكن الملازم
موجوده يم الممثل تكدرين تاخذيها وتستنسخينها
يعني ما عندج ملازم مو انطيتي للطلاب.
ما أكدر اعاملج بسوء مثل ما اتعاملين اختي هاج هاي الملازم ومره ثانيه لا تخليني اتصادم وياج واقهرج لان اني بشر انقهر على أختي اللي سويتي بي بيها مو قليل لا عبالج ننساها الج حرگة گلبها وهي توها والده.
دكتوره الامور الشخصيه نبتعد عنها عن الدوام
تمام انتي كلتيها اذا هيج شجابج ع مكتبي روحي للممثل ومره ثانيه لا تشوفيني وجهج امشي طلعي برى.
ما جاوبتها طلعت وسديت الباب ورايه قهرتني استغفر الله شلون قهر كملت دوام وخابرت اسماء
أسماء والله أسيل اني من زمان رجعت انتظري حارث يكمل ويجيبج وياه
ماشي ضليت انتظر وماكو تعبت?أسي صار طبل خابرته كال
حارث اني بالازدحام ساعه ما اطلع.
أسيل هاي اول يوم وهيج معاناتي واني جنت بس اخلص أي واحد يجي ياخذني مروان وهناس وايفين وعمي كمال يدزلي السايق لو عصام يوصلني عمار يجيبني ما خلولي خط جانوا يخافون عليه عيب جنه بيت كمال بالخطوط والبيت مليان سيارات وگت
ضليت أنتظر وماكو تعبت ثواني واحس خيال فوك راسي رفعت رأسيّ مروان
مروان يلا امشي
أسيل وين
لبيتكم غير وين يعني
لا ما يحتاج هسه حارث يجيني
واضح صار ساعتين تنتظرين أمشي يله
منو گالك.
ما يحتاج احد يگولي أعرفج تضيعين بدوني
لازم انت امي واني ما أدري
أمشي امشي
فتح باب السياره واني وصلت باب للجامعه اباوع عليه كلشي بيه يكول درجعي وانعلي أبو الكرامه
صعدت يمه فتح براد السياره طلع عصير بارد وبطل مي اخذتهن غسلت وجهي وشربت عصير انطاني كلنس مسحت وجهي فتحت جنطتي باوعت كحلتي سايحه شگلي وجه المجديه ردت ابجي عدلت عالسريع وهو بشوق وخله كيس بحضني شنو هذا
اكلي الطريق ازدحام منا لما توصلين يهبط ضغطج.
ها لا شكراً
أكلي اني مو غريب
ً صدك ماكلت باطل جايب لفات همبركر ولفات كص اكلت من كل وحده شي فتح قوطية البيبسي اخذتها منه شربت مسحت حلكي وجهي هو صافن عليه وصلني للبيت وراح نزلت گبل نمت كعدت العصر تعبانه سبحت وغسلت ملابسي فتحت ملازمي أقرأ مرت أيام واني صرت مثل الزومبي شيجي كدامي شهيتي مفتوحه شبيك أمي على كيفك وياي وأتصل رقم غريب ما جاوبته رجع دزلي
مروان اني مروان جاوبيني حضرتج حاضرتني.
أسيل ما جاوبته رجع أتصل فتحت الخط ها
مروان وحگ بنيتي وغلاتها اشتاكيتلج أنتِ هم صايره حقيره وقاسيه وما تحسين بمروانج.
هلا لا قاسيه ولا شيء عفتك تراجع نفسك
وتالي
الله العالي شتريد مني
سد الخط بوجهي ديلا تسوي فضل شگو متصل لعد ما تتحمل كلامي وبس تتزعل وتعالي أسيل راضيني عبالك نفس أول لا حبيبي زمان أول أتحول شلعت گلبي شاعة الحبيتك گبر يگبرني ما أعرف شجنت احس من حبيبت واحد مثلك مخبل وخبلني وياه...
تجاهلته وهو هم بعد ما أتصل عرف قدر نفسه وأروح لدوام وأرجع وتبهذلت بالروحه وبالجيه گلت لحارث ولزملي خط وأرتاحيت ما أريد يحس اني بحاله واخويه ما مقصر وياي صح هو ساكت وما فتح وياي موضو? بس ماكو منه قصور واهلي امي اجتني مرتين كعدتلها عشر دقايق وراحت واني تعودت على هالشيء تحن ما تحن عادي تسأل ما تسأل عادي گلبي جفل من الكل.
دخلت للجامعه اريد أمتحن اول امتحان إلى وصلني مسج.
مروان كافي دياحه بالسنتر روحي لقاعتج
أسيل ما جاوبته رجع نعم
مروان أني ويامن أحجي
شكد مليق شدخلك بيه روح لحبيبتك وبنتك شجابك عليه مارس عليهن رجولتك بابا عوفني بحالي
أسيل لأتصيرين حقيره من تعرفيني أحبج تنفشين ريشج عليه
ضحكتني تحبني بس تأذيني تحبني بس تفكر بالكل قبلي تحبني بس عاجبك حركان گلبي تحبني بس تزوجت تحبني بس تخوني بإحساسك يوميه مروان
لا تضحكني مالي خلك
ليش هيج تسوين بيه.
عفواً ليش انت منو حتى أخليك بالي
لأتصيرين حقيره
اااو اني عبرت هالمرحله اني حقيره من يوم إلى دخلت حياتك وفرقت بينك وبين حببيتك
والله زين أعترفتي
أهتضمت جاوبته ليش اعترف انتوا لو حبكم قوي عشره من امثالي ميترسن عينك بس انت عينك فارغه وشفتني وسحلت روحك عليه وعفتها اني شعليه تذب الصوج بيه
ليش هيج تحجين وتحقرين على نفسج
حتّى تعرف اذيتي منك شگد
ليش شمسويلج.
لا كلشي ما مسوي مطلكها وتباوع? سيكانها هذا حالك متندم? الفراك وطلاك الحلوه هنوسه
أسيل كافي طوختيها
ليش الحقيقة تجرحك
اسيل تره هناس ما شايفتنا عايشه حياتها لا بحالي ولا بحالج.
أسلوب المثاليات الماكو منه حفظته قبل هم كلتلي ما شايفتني وشايفتج وصارت مرتك لعد لو تشوفنه شتسوي هم جنت تلقيلي محاضره عن الكرامه هناس كرامتها وكرامتها وين صفت كرامتها بيا مستنقع من قبلت تاخذ متزوج وتعرفك عايش حياتك هاي الكرامه جنت تمجدلي بيها
تره طوختيها ساكتلج هواي
ليش ساكت داده متحجي من لازمك
اسيل مطول خلك وياج
وشجابرك عيني اذا متعرف البلوك اني اعلمك عليه وانطيك واحد قبل لا تنسحل اكثر.
اسيل لا ادوخيني ارجعي عاد زهكتيني كرهتيهني بحياتي
ليش داداه شمسويتلك
كلش زين تعرفين بنفسج مجلوبه عليه هواي وهناس طلكتها ليش تلحين عالموضوع كلمه والثانيه ترجعين عليها كافي زعل ما كافي بهذله
والله ما أصدك بيك وبإهلك شلون سيادة الوالد يفوت هيج فرصه ويخلي الحفيده الجميله بعيده عن القصر الملكي
أسيل أحترمي نفسج وأحجي عدل لا تستفلتين كافي عاد.
والله تضحك على روحك عود مطلكها هسه أنت متمدد وتفكر بيها ومخلي صورها وتبجي واهلك عيني ماخذتهم الحنيه عالحفيده الحلوه إلى من وره اسيل نحرموا منها روح لملم كرامه هناس ورجعها كافي تبهذلتوا وهالطفله بينكم مو اني مرت أب حقيره وهناس ما كانت زوجه ثانيه ليش يابه الله منزل بيها إيه استغفر الله كضتها علينا محاضرات ولواكه وسوالف تعبانه
ليش تشيلين خطيتها تره على نيتها تتصرف وياج.
اي والدليل اني حاجيتها حجايه وحده جيتوا تدرعمون على راسي وتحجون عليه بابا سوالفكم شبعت منها طز بهيج عيشه تنعاش بالخوف لا تاخذك مني بس اني هم غبيه ليش الدنيا وكفت تك رجل على حضره جنابك الموقر لو الزلم خلصت
لأ تمسلتين أحترمي نفسج.
محترمه نفسي اكثر من مرتك السابقه او الحاليه انكول لان سياده الوالد ما يضيع هيج فرصه حتى يرجعها طبعاً من مستواكم يتباهى بيها اني شنو حتى تنطوني اهتمام كلكم تتصرفون على أساس الشفقه بس خلص هذا العهد وله اني اسيل لا أنت ولا عشره امثالك توكلون خبز عندي اعيش حياتي طز بالراحة واليجي وجان اسد الخط بوجهه واقفل تلفوني ومن ذاك اليوم هو ممراسلني ولا متصل قطع فد مره بعد أحسن ما وراك بس حرگان الدم.
تجاهلته وأنعل أبو اليفكر بي ومرت الأيام نفس الروتين والدوام والروحه والرجعه ولعبان نفس عندي بطني تكبر وسمنانه خدودي يردن يطكن بس اكل وكلها ملاحظه عليه بس اني مغلسه عنهم نزلت من الخط اريد ادخل للجامعه
مصطفى خيتي فلوس الخط باجر لن أنتِ بلشني وياي من نص الشهر.
أسيل أن شاءلله أعتبرهن يمك عمر ولد حباب وفقير مرته ويانه بالخط جوارين بيت حارث عنده جهال اثنين دخلت للجامعه لكيت حضرته.
واكف ويه أمن الجامعه دخلت اعمل نفسك ميت ما شفته اعرف بي ديباوع غلست عنه تمشت دخلت للكافتريا حتى اراجع هو حسيته كعد عالطاوله
مروان صباح الخير
أسيل هلا
هيج الهلا جامده كل روح ما بيها
هو أنت خليت بيها?وح حتى أي شرايد ما ناقصه تشتت ذهني واني كوه مجمعه أفكاري وراي دراسه
ماكو شيء أجيت ادفع القسط خابرو الوالد البارحة
اها حلو
لأيكون ما عاجبج مدام مروان لو هم ادكين كرامه وتكولين اخويه يدفعلي.
ليش المسكين شعنده يبتلي بيه هذا واجبك اقل شي تقدمه ضريبه اذيتك المستباحه بحقي
فلفل عجم شون صابر على فراكي ولو مبين مرتاحه باع الخدود جنهن طماطه تريد اطك بزت اللذين لا وهذاك شسمه قضيه رأي عام
شيء ما يخصك ماتت الجانت اطيح بوسه
اويلي شون بوسه الا تخدر
زمن اول تحول راح وله الله لأيرجعه
ولج والله بس أني متحملج ومتحمل سوالفج
والله ما مجبور تتحملني
غير بلوه الله ابتلاني بيها
واحلى بلوه والله.
ثقتج دتنكط هواي ومتغيره الأدبسزز
هنيالي والله أي متغيره عندك أعتراض وياريت تتنقد الفاظك احنه بالجامعه مو بغرفتنا
اكوم اولي احسن واني حالف للوالد ما عليه بيج
تسوي فضل يركب فضل
أنتِ سوالفج كله يركب
عقلك مش نظيف بابا
بنت العار شون تحجي وتمطمط بالحجي.
ليش تگولي بنت العار تقبل اكول على أبوك لو اكولك ابن العار ما تقبلها على روحك لا تكولها لغيرك لان المقابيلك بشر مو حيوان مو أنت أبن الناس واني بنت شار? عيب عليك من تگولي عار سگتلك بس ليش تگولي بنت عار.
لأ تقللين أدب ساكت هواي جلابه لاتنجلبين عليه
هالشي كوله لنفسك مو الي
صايره حلوه بنت اللذين شتأكلين رب الحلو
ما يحتاج تگولي اعرف بنفسي حلوه
أويلي يابه عالثقه تخرخر منا ومنا
شعبالك لعد.
اكلج تعاي مو عبالك طولتيها وعرضتيها دتعالي كافي لحيتي هواي منطيج مجال زايد لأن محترم رغبتج لاتخليني أتراجع كافي واحد بغث الثاني رجعي عاد.
لا تحاول ما ارجع والله حتى اعلمك انت واهلك ان الله حق مستقووين عليه واني لا حول ولاقوه اعرف مخططاتكم والله شفتووني ماكو وراي اهل براسهم خير ما عندي كمتوا تكفخون بيه تصحكون على عقلي من أنت ما رايدها وتحبني ليش سمحت لنفسك تتقربلها ويصير طفل وتصيرون انتوا الحقانيين ب?أسسي واني طلعت الظالمه بينكم اذا انت واذا عمو كمال ما صدكتوا? الله هناس تصير جنتكم ركض ركض سويتوا عرس عزمتوا العشيره كلها وحفله وخبصتوا نفسكم.
لو كل النسوان تزعل والرجال ما يصبر عليها وعلى زعلها وگبل يروح يتزوج جان المحاكم عزلت مريت فتره صعبه وما جنت واعيه ع روحي وانتوا استغليتو هالشي تعلكون اخطائكم بيه ومحمليني ذنب بنتك من ورايه لا عيني لا اكولكم ولا تكولولي رجعه ما ارجع خليني اعيش حياتي.
أسيل بس اني طلكتها كافي عاد لحيتي بالموضوع مستعد اطلعج بيت وحد بس كافي تزعل طكت روحي والله نضل هيج.
شلت أغراضي ومشيت وعفته صافن واخذنه موعد الامتحان كملت ورجعت للبيت بعد الدوام شهر العاشر حر وبرد بس أني صايره كلش اتضايق من روحي اعتقد دخلت بشهر الثاني او الثالث ما أعرف بس صايره اكل اهواية البس بملابسي كلهن ما ينلبسن وضايكات رحت على أسماء فدوه شوفيلي ملابس روحي للسوك صايره زومبي هسه جهالج هم اكلهم.
أسماء عود صدك ليش هيج صايره هيج فراك مروان راحه الج وسمنتي
أسيل ثولتها عليها اي يمكن.
أگولج احتمال الغده متخربطه عندج
وهاي الغده الغده شسويلها أستغبيت
ياخذولها بسكت تصير زينه يمعوده تحليل ودكتور ينطي علاج للهرمونات مال غده علمود تحافظين عالوزن لأن جهج يريد يطك
خررب أسماء بشرفج دبريلي أريد ملابس
ما عندي على گدج بس هاي العبايه جديده ما مدشنه.
ديلا جيبيها حيا الله هيه حاره تسمط اخذتها لبستها والله حلوه طلعت ترتيبها حلوه لبست بوت وياها طلعت تجنن أباو? على خدودي ينكطن دم الله يساعدجن شون متحملات نفسجن لو مني ومنجن أنفجر واخلص اضحك? روحي بس والله حلوه صايره أشك شك فديتني خلص زمان المعصعصه هذا زمان دبة حميسه ضحكت على روحي ودمعت عيني فرحتي مكسوره حتى من أضحك أنقهر على روحي هواي تأذيت بحياتي.
نفضت نفسي كافي قهر وحزن بطنج طفل شُنوْ ذنبه يطلع مليان عقد نفسيه مثل أبوه عقدني وياه.
رجعت أهتم بنفسي وصحتي وتغذيتي علمود دمي ما ينزل لان الدكتور وصاني أهتم بنسبة دم علمود ما تصيرلي مضاعفات لهذا أهتميت بنفسي وصحتي وتغذيتي وبشرتي وعنايه وكذا وكل يوم لدوام بكل نشاط وحب وفرحانه بمجتمع إلى بنيته وصديقات التعرفت عليهن ساره وياسمين ونور ودراستي زينه ودكاتره متفاهمين يعني حياتي تمام ماشيه مستقيمه بدون اي عراقيل من دون مروان.
كاعده بالنادي اني وكم بنيه نراجع بالماده عدنا محاضره رفعت راسي شفته يتلفت يدور عليه ثولتها ودنگت ماخليته يشوفني لكن عبس هذا عيونه ليزر أجه يهف مستعجل
مروان گومي اريد احجي وياج.
أسيل هزيت راسي بالموافقه تمام هسه اجي عفت أغراضي ومشيت وراه اشو هذا ما صدك طلعنا يسحب بيه اريد اسيطر? روحي ماكو مروان بس? كيفك اوكف وين توديني هو ولا يسمع مطنش جريت أيدي وشمرتها بقوه عوفني شايف نفسك خلعت ايدي شتريد مني وين ما أروح لاحكني ما گافي
مروان تمشين وياي لا بالقرأن أسويج فرجه كدام الحرم الجامعي وأخزيج وأخزي روحي وياج
هاي شبيك تره أنت مو صغير عيب هالتصرفات
لا اشو عاجبني أكون صغير ديلا امشي.
أستغفر الله عاد بس اجيب أغراضي
يلا أنتظرج مو تتأخرين مدام مروان
أي رحت اجيبهن ولكيت البنات واكفات طابور يباوعن عليه شگو
ساره - كبور تلفج أي والله لا وشايله خشمها عليه بنت السطل غير تروحين فدوه لطوله
نور أدري شايف بيج جنج سحليه حبلانه من فوك صغيره ومن جوه جبيره لا وانوب ساحلته وراها.
أسيل وأنتن شحارك حمامجن شكد حشريات شعليجن منه شكو حاطات عيونجن ورانه رجال ومره انتن شكو بينا مشيت واني ادردم والله يالله أخذت أغراضي من ياسمين جانت ساكته ما حجت
ورجعتله هو مخاي الجكاره بيده وينفخ دخان باوعلي بحقد اللهم الصبر
مروان دمشي امشي لا افين حظج گلبي موجر منج شوكت تعقلين وتجنين عقل وتلحكين الأوادم شوكت ما تگوليلي شوگت.
أسيل ما جاوبته سكتت لحد ما صعدنا بالسياره عبالك جان محمل وانطلق يحجي بحركه گلب وأعصابه فايره نار وتلهب
مروان ما گافي عاد بزعتي أضل أني أركض وادور وراج وأنتِ ولا همج وتداومين وعايشه حياتج طول بعررض ما كفي عليه فراك بنتي نوب تكملينها عليه
وشجابرك? فراك بنتك ما ترجع أمها وتفضها.
لج حيوان لو اريدها ما جان طلكتها تثردين بصف الماعون تشوفين واحد شاريج ورايدج ليش هل التمسلت هذا ليش حتى أهلي حاربتهم من وراج طلگت هناس وعفت بنتك علمود أسيل وهي عايفتك ما تريدك خليتني نمله ما أسوى كدامكم
عشتو واني شعليه اليزرع طيب يحصد طيب لا تذبون بلاويكم ب?أسي
صاير عندج لسان وترادد العرمه
ماكو واحد ماعنده لسان قابل عنده خشم بدال اللسان
اللهم طولج يا روح
أمين يارب العالمين
أستغفر الله? ما بلاني.
لا اله الا الله
كبري كبري تتقشمرين حضرة جنابج الكسيف
سبحان الله شون تلوفها عليه كلت احصلي كم حسنه ب?أسك واسكت ما أجاوبك بس عبس تعصب وصار يسوق سريع ويصيح صرعني رأسي النفخ نفسي تلعب حطيت راسي عالدشبول متت من وجع راسي هو يصيح فجأه سكت
أسيل شبيج أسيل حاجيني شبيج
وديني للبيت وديني وخلصني منك
هسه اخذج لبيتنا.
أخذني لبيت أخويه دروبك مو عليه صرعتني شُنوْ الذنب إلى ارتكتبه حتى اذا اريد افكر ارتاح يم اخويه هم ما تنطي مجال يوميه جايني للكليه افهم ما أريد تجي بعد كافي طكت روحي من أسلوبك مسوي منيه عليه تجيني وبس تصيح كل تفاهم ما عندك شتريد مني ارجع وياك وبهذا أسلوبك لا والله ما أرجع لك
نكزتي الشياطين البراسي زهكت.
مشكلتك مو مشكلتي اني ما اكبر عقلي وياك انت صغر عقللك واستوعب تصرفاتي ما مجبوره احط عقل بمكان عقلي ومايتوالم ويه أفكاري عقلي ما اكبره عاجبني شكله وتصرفاته وأسلوبه هاي اني أكبر بس عقلي صغير وروحي طفوليه شسولكم قابل هذا الموجود عندي.
ستغفر الله عبالك تحجي ويه جاهل مو عقل هو من هاي واخذ نقطه راس سطر أنتِ الحار طابك عالبارد مجنونه رسمي وأضل وراج لما تلحگين الاوادم
وصلني للبيت
أي وصلج ليش سايق للخلفوج أني.
ما جاوبته وصلني وراح ولكيت أمي موجوده دخلت سلمت عليها وضلت تباوعلي
جنان ما تباوسين شدعوه سلامج ناشف أني أمج لو هم صرتي مثل هديل نست امها بس رجعت لسيف طولها بعد ما شفناه
أسيل عوفيني يمه بحالي ما ناقصتج البيه مكفيني جايتني كفاله وجه وهديل شتسويلج تجيج ضلت يمج خدامه الا بزعت خليها على?اس جهالها موزين رجعت المفروض تفرحين الها لو ضايجه منها.
حررام الحرم أني أبداً ما عندي حظ بالخلفه شو أنتِ خلفتج من العار أبوج ابو العرك وهي من علوان أنكس من ابوج شتطلعن راضيات ومرضيات أثنيجن ابهاتجن كواويد من أنعل أبوجن لأبو التصيرلجن أم وتسأل اني صوجي كلت خطيه أروح أشوفها صارلها أشهر بيت أخوها لا والله الظاهر أنتِ مو أدمي وزوملتي على عيشتج وأنركعتي بالقندره.
أي مو أدمي تربيتج بعد وأنتِ ما عرفتي تربينا عدل وما لحكنا الأوادم وضلوا يكفخون بينا لان قليلين تربيه والصوج من الأم لان هي التربي والتفهم والتوعي وأنتِ من كلهن ماكو.
ليش من كلهن ماكو ليش ما ربيت ما علمت ما نصحت قليل تعبي وياجن ليش مو بناتي مو منزوعات من روحي ياما حجيت ونصحت وامي وأمي كل هذا واني طلعت ما مربيتجن لا والله كولي أنتن أدبسززيات من كاعجن وتذبن بلاجن بالتربيه وامنا ما عرفت تربينا كولي أنتن عرمات وصلفات وحدتجن تنزل أكبر شارب جوه القندره وتكولن امي ما عرفت تربينا لا والله ربيت بس انتن غلطجن مو تربيه والصوج بيجن وتغلطن ولعبتن لعبن بحياتجن بالرجال بالعيال وبعدين الصوج من أمنا ما ربتنا عدل معلكات اغلاطجن على هالأم مسويتها شمعة وتربيه شوار? مو أم لو كل الأمهات مثلي جان الملاهي تارسه الشوار? لا والله الأدمي ومتحكم بنفسه الأم والأهل ما الهم دخل بس اذا هو صلف وعار شتسويله عار والعرامه وراثه بالدم هي گوه والله من أنعل أهلجن لابو ساعة السوده واسدت ابهاتجن وصرتن بناتي كطعيه تكطعجن من بين البنات بس عار خلفتي بس عار.
طلعت عصبيه وصفنت بكلامها صحيح مرات الانسان يربي نفسه بنفسه واني اختاريت اقرب شيء حتى ارمي اغلاطي على غيري واحمل امي مسؤولية تربيتي الغلط مني مو منها اني طايشه وطشيت بمراهقتي ما تحكمت بنفسي وولا سيطرت على مشاعري وحبي لمروان السبب مو بس امي السبب مني أني هم اللي ذنب وهواي أيتام ربن نفسهن بنفسهن من دون أم وحافظن على نفسهم وما غلطن بس اني ما وعيت? نفسي الا واجهتني بحقيقتي وكمت لغرفتي.
أسماء شبيها صوتها عالي تعارگتن
ما بيها شيء
هي هاي أمجن ما تتغير شتسويلها
أي عفتها ودخلت غيرت ملابسي واكلت شبعت وباوعت على نفسي بالمرايا السمن لايكلي طالعه تفاحه تلمست بطني وأنفتح الباب وفزيت وگعتي گلبي أسماء.
شبيج أنرعبتي عبالي نمتي
لا والله عندي دراسه
ما تمشين نسوي تعديلات وترتيبات شفايفي يحتاجن حقن تجين أنتِ هم رتبي شكلج ولو عبالك ضاربه بوتكس وجهج يلمع.
لا عيني تسلمين مَا يحتاج وأساساً اني ما أحب هاي السوالف مالت نفخ وهالامور
تمام براحتج.
راحت ورجعت كملت دراسه وجانت حياتي نفس الروتين كلها دراسه وللبيت اكل وأنام ومثل كل يوم
كاعده بالحدائق مالت الجامعه إلى أرضها واسعه والأشجار وإلفي وأجوائها ممطره البنات رايحين جايين يفترون اجه الدكتور فات من يمنا.
الدكتور بنات جمعوا طلاب قسمكم عدنا محاضره عالسريع.
أسيل تمام دكتور دقايق اجمعهم
ماشي اسيل مو تتاخرين.
رحنا اني وياسمين للسنتر البنات والشباب كلهم مجتمعين بعاده طلاب قسمنا يجتمعون كلهم بمكان واحد ما الشله التعبانه بس مال دياحه انطيتهم الخبر وطلعت صادفني الدكتور دياخذ كهوه
ها جمعتيهم
اي دكتور
تمام عيني هسه اجيكم
راح وطلعت رجعت المكاني المفضل لكيت مروان كاعد يلعب بإوراقي هلا انت حتى بالمركه تطلعلي أخذت اوراقي ولفكس مالتي ومشيت
لا سلام لا كلام بت الفايخ خشمج أكس?ه الج والله
مروان أختصر شتريد عيني ما بزعت.
أگولج اشو مستهتره هواي عليه شفتيلج شوفه عليه شسويتلج ذبحت أهاليتج واني ما أدري اشو كل مره اجي وارجع أيدي فارغه واكول وعد بعد
ما اجي وأنزل من الدوام والكه نفسي باب الجامعه اباوع عليها قاطع كلامنا ياسمين وهي تصيح باسمي
ياسمين ولج اسيل دكتور عصب علينا س يصيح ويحجي يكول اني مو كتلها تجمعكم وين راحت
أسيل عفت مروان وطلعت ركض وياها
مروان أسيل دقيقه.
فدوه مروان بس تخلص المحاضره أجيك ووصلت باب القاعه هو واكف ومخنزر متحضرلي برزاله اني من شفته حيلي باد
شنو معناها تصرفج وعديمة مسؤوليه اني كلتلج جمعيهم لو لا أكعد سولفي
الدمعه طفرت من عيني جاوبته اسفه دكتور بس هالمره ما تنعاد مره ثانيه
واحلاها وتنعاد دخلي جوه.
دخلت من سديت باب القاعه شفته مخنزر بس لا يسويلي مصيبه اني بالي أصلاً مو يم الشرح وهو يحجي وكومني واني اعلس تعلس ورزلني وكعدني فشلت من الطلاب كلتله دكتور عفيه اكدر اطلع اشرلي بإيده برى اخذت أغراضي والدمعه تتطافر من عيني شهل الموقف السخيف نخليت بي طلعت اشهك وصلت الحديقه وكعدت ابجي? حالي شكد فشله واني جنت المفضله عنده كلش يحترمني عاد هسه راح يشد وياي قطع تفكيري مروان لزمني من كتفي وكعد يمي.
شبيج.
ما بيه شيء
الدكتور شبي يتهنتر عليج
ماكو شيء طالبه والدكتور تصير إشكالات ماكو شيء مهم يستوجب القلق
لعد ليش تبجين خاف غثج وماردت أتدخل وتصيرلج مشكله من وراي
زين سويت حبيبي طلعت هالكلمه عفويه لزم إيديه بحنيه دافيه والشوك فاضحه وعيونه نعسانات شوك وقلة نوم واضح التعب بيهن.
ليش مشتغل عندج الكبرياء
مروان أذا احجي تسمعني
حجايتج ما يخلصن وكلهن يغثن وين اخليج علمود تعقلين ما أدري حيرتيني وياج.
طيب ليش خليتني بخانة المقارنات ويه هناس ما حسبت حساب عمري وقله حيلتي وعدم مسؤوليتي وتفكيري المحدود هواي قارنتوا بيني وبينها وصنعتوا الفوارق حتى بطرق الكلام صدكني ماعندي شيء وياها انتوا سويتوا الأفضليه والأقليه بينا.
حتى أنت كل ما حاجيتك كلت نفسها عزيزه عليه كرامتها ماتسمحلها حتى من راحت انت متأكد ماراح تلتفت وراها ولا تباو? عليك زين ليش اني متاكد راح ارجعلك ويوميه تجي وما تتحمل جاوبني على اسئلتي التفكير موتني لان ماعندي احد ب?أسه خير يوكفلي أريد اوكف على رجليه ماريد دائماً احس انت السند اريد اكون لنفسي انسانه قويه قبل لا اكون الك عبده وخايفه بكل لحضه تعوفني واموت وراك لا اريد أعتمد على نفسي حتى بهاي انت ما أنطيتني المساحه حتى أفكر واتخذ القرار صحيح تضغط عليه وتصيح وتريدني ارجع وياك بالقوه ليش اني سلعه وتريد تحتكرها ما يصير هيج مروان اني بشر اريد أعيش لنفسي حالي حال هل البنات من حقي أعيش حياتي بدون ضغط وقوه وعنف وهواي أساليب مارستها عليه بحجه اني رجال اني تعبت كافي مروان.
هذا هو براحتج اني گلب أبن گلب اذا شفتيني بالجامعة بعد اذا احبج واريدج وفراكج ماذيني طلعت احتكرج وانتهي سلعه براحتج يابه الروح غاليه ورخصناها لخاطرج وما يكون الا خاطرج طيب أعتبريني ما موجود بعد شوفي حياتج وعيشيها مثل ما تردين ما اللي دخل بيج بعد.
طلع وعافني بهول صدمه يله لا انصدم ولا شيء بعد أحسن رجعت البيت نمت بدون غده وكعدت العصر نفسي تلعب وتذكرت بطني روح تجيني أيام انسى نفسي والبطني وأهمل روحي.
كمت أكلت وفتحت تلفوني أختقى ولا يراسل ولا يتصل حتى حسابه مغلق وضل أيام على هالحال خفت وقلقت عليه كمت اتصلت عالكل محد يجاوبني حتى ازهار ما جاوبتني كلت باجر من أرجع أتصل على عمي اساله شصاير كملت تبديل واخذت ملازمي وطلعت وأندك الباب
أسماء منو من صباحيات الله خير ان شاءلله.
أسيل فتحته وصار بوجهي عمار
عمار جنتنا الوالد كال وصلوها للجامعه ومن ترجع خل تشرف حضره السينيورينه للبيت.
أسيل خير وبعدين كاتله حبيبتك حتى تحجي بعصبيه وياي
أسالي روحج مروان بالمستشفى من البارحه وأنتِ اخر من يعلم لا ليش تعرفين حايره بجامعتج وكشختج ما شاءالله صاير بز
مروان شبي؟
يهمج
أحجي شبي
ما بي شيء العافيه والبركه بيج
أسم الله من عينك لا توكعني وشبي مروان احجي شبي مروان لا تخوفني
عود من يصير مكانه المكبره ذاك الوكت كعدي لطمي
أستغفر الله أسم الله عليه دمشي امشي مشيت وياه وفتحت الباب مجد كاعد ليكدام.
مجد والله اسيل أنتِ فد وحده انانيه ما تفكرين بس بنفسج
خلي اكمل أمتحاني على خير بعدين أجلو كلامكم
صايره قويه وكذا
لا تريدني اضل مكفخه وفاهيه لا تعلمت هواي
عمار اي عفيه بالشاطره شلونج عاد شاطره لو كلاوات
أذا الله سهل وماكو ضغوطات اطلع من الاوائل
عمار خير ان شاء الله الأميره ديانا نشوفج وين توصلين بيتج وخلصنا منه
مجد عمار اسكت ما عليك صاير حشري هواي
عمار مو الأفنديه تجبر الواحد يحجي اللهم لساني.
أسيل سگتوا وصلنا للجامعه ونزلت
عمار اووو هسه تنفست السياره شكدج صايره
اذا صار بيه شيء خطيتي بركبتك عفته دخلت القاعه الامتحانيه خلوني أخير شيء المكان ازدحام وخنكه واني كوه متحمله روحي نفسي تلعب كملت اريد ارفع ايدي اشر ما بيه روحي أنتهت اريد اتنفس ما بيه وكفت على طولي بس اريد امشي ما بيه ما حسيت غير عالدكاتره كلهم فوك راسي والطلاب يحجون صارت هوسه ويغسلون بوجهي بمي متت برد علينا شهر 12 اسمع الطلاب.
عمي وين تنشال غير من كد ما سمينه حقها يرادلج ميزانيه وزير يلا تشبعها
والدكاتره يسكتون واني أنفجرت ابجي طلعت للحديقه ابجي طلعت ايفين من القاعه وشافتني
خير شبيج
جاوبتها أختنكت ما بيه أتنفس تخربطت
تعاي ماما تعاي ليش هلكدج صايره قايسه وزنج خاف مريضه امي
لا ما بيه شيء أحتمال خربطت هرمونات أي هناس شلونها
الحمدالله تسأل عليج
اهاا شعجب
ما أعرف سالت عنج كتلها جاي تمتحن
تره اني عفت مروان
اي واني صدكت بيج.
ترى جديات اني عايفته صار أشهر
أي والدليل هو يوميه يخابرني يسال عليج
بس اني عايفته حتى ما أجاوبه
حركات الجهال أسيل عوفيها بشر شاريج ليش تبيعينه هناس عافته لان ما تكدر تستمر ويه شخص ميحبها الها بس يحبج الج وهي ما الج دخل بخراب حياتهم أكثر من زينها عافته الج وهي تحبه
هي شلونها
أعتقد عدها تلفون وتكدرين تخابرينها
ما إلى عين واني اخر مره تلاغيت وياها
گلبها طيب ما يتشيل? احد
تمام اروح اني اخذي راحتج.
كعدي هنا أرتاحي اوصيلج على شيء.
لا مشكوره
صدك جذب غاليه وغاليه
خابرت أبو الكافتريا جابلها لفات بركر وعصير يمه قدمتلي واني مثل الزومبي اكلت الا شبعت وهي تاكل ما منتبه ما فشلتني دك التلفون رقم غريب منو هذا جاوبت اجاني صوت عمار
عمار مدام عيني خلصتي
دقايق اني بالباب يلا دكتورتنا نترخص
الله وياج عيني
سلميلي? هناس
يوصل عيني.
وطلعت من يمها وصلت البوابه هو وعصام
فتحت الباب سلمت عليهم.
عصام وعليكم السلام.
عصام متفاجئ يباوع لشگلي
عصام هاي أنتِ اسيل لو مبدلينج ترى هنا ثلاث أشهر يالله ليش هيج صايره
اسيل تره عبايه جبيره اني ما سمينه والله
عمار واضح واضح من نزلتج رحت بدلت التاير
أسيل سكتت بس الدمعه بطارف عيني شكد حقنه
عمار تره سمعتج تحجين عليه
اسيل مو اذان رادار
عمار البركه بنعوصتج
اسيل عصام متحاجي مخلي روحه بيه بس يدقق
عصام حقه ضايج منج شهور يتعب بالبيت عباله يزوج بي تالي الوالد انطاه المروان.
اسيل واني شعليه بالله تذب قهرك بيه
عمار ما ذاب قهري بيج أنتِ ما تتحملين حجايه مني تره اني اتشاقه لا عبالج صدك بالقران ولا ضايج بالعافيه عليكم البيت واذا تردون اذبحوني صدقه لللبيت أجعلني طلي سمين احسن ما تشترون.
اسيل خرب متت من الضحك ولا بيه اسكت اختنكت وانطاني بطل مي
عصام عمار نزل اشتريلها غده ما اكل لحم هي
عمار مدام عيني شتأمرين
اسيل بكيفك بس اذا مندي دجاج مدخن تسوي فضل وياها ببسي دبل ومقبلات حاره.
عمار أويلي تشهى رب الحلو متريدين باجه
أسيل هو مشتهيتها بس مو زين عليه غير مره
عصام مشي تره الوالد يعلكك بالبنكه اذا سمع بيك مزعلها
عمار لا يابه نحبل انجيب سينيوريتا جديده
أسيل نزل عصام شبي مروان
مابي شيء ضغطه صاعد البارحه نومناه مستشفى وصيتهم ما يكولولج لان ماكو داعي للخوف
بداعت جهالك ما بي شيء
والله ما بي شي بس الوالد كال كافي متعلعل وراج يريد يحجي وياج كل ما في الموضوع.
تمام الله كريم شوف وين تصفى سگتت واجه عمار
عمار حسبي حسابج اني اتغده وياج والله جبت مال اربع نفرات حتى تشبعين ام كرش
أسيل ديلا عود افكر
عمار عمي والله مكبرينج علينا وأنتِ بكد الحمصايه
أسيل عصام تحجي وياه لو شلون تره انزل
عصام عمار اسكت يمعود هو احنه جايبنها بالتقانيع.
أسيل سكت وصلنا البيت ونزلنه كوه امشي نوبه بطني كبرانه من كد ما أكل هسه صار فيل ابني ليل نهار جوعان دخلت المطبخ اسيا وعمتي سلمت عليهم وعمتي وجه ثكيل مني
اسيا درجعي يمعوده عمي ثابرني بطبخج والله تعبت اريده مثل مالتج وما يطلع
أسيل سبحان الله حتى رجوعي مصلحه
عمار أنتِ متحمله علينا والله ماتتقبلين شقه أبداً مال اركعج ببلوكه انومها براسج
عمه اليوم عمار اموته على ايدي
عمار دمشي جيبي الغدا وتعالي خل تنزقنب.
اسيل اسيا أخذت الاكل الجاهز من عمار رتبته دجاجه على تمن مدخن وحطتها بالصينيه وصبت الغده مسويه فاصولياء ولحم وتمن وخضروات وسلطه وكعدنا بصاله وجابت الكلاصات واجت
هو الغدا المن غير إليه
عمار لج اسيل عينج يمعوده
أسيل اكابلكم خوما إلا اكل بس شهيتي مفتوحه
أسيا شجايج
عصام الوالد وين لعد
اسيا نايم اتاخرتوا ونام
ومروان وين لعد
هم نايم بغرفه عمتي
عمار دسكتوا خل تاكل العفريت لاتأكلنا يمه.
أسيل خزرته ورفعت ردان العبايه واكل وياه وهو عبالك يتسابق نوب كل شويه يجر الدجاجة مني اخر شي ضربته بالخاشوكه على ايده اني جوعانه وأنتِ مخليلتي شيء الباقين يضحكون علينا حتى عمتي ضحكت.
عمار والله أنتِ نايم بطنج جني شكد تاكلين
ما ماكله من صينيتك
بالقران من صينيتي هاي فلوسي ودجاجتي
عفته وكمت أصلاً شبعت بس سويت نفسي زعلانه بسرعه كام
بالقران اتشاقه تعالي يمعوده.
عمتي تباوع وتضحك واسيا توكل بكرم من الدجاج مجد مبطوح عالقنفه ويسوي لعمار حركات بإيده معناها أصبرلي اني اعلمك هاي لان غثني
يمعود أتشاقه وياك نسفت الصينيه نسف شبعت
دصبيلنا جاي بدربج
مجد عمار مو عبالك انجلبت عليها تره اكول لابويه عليك
عمار لا تدخل اني وبنت عمي أنت شعليك
هاي الشعليك اعلمك عليها
اتلاغوا بينهم بالشقه وعصام عاط بيهم وسگتوا واني صبيت الجاي
أسيا أمشي بدلي وارتاحي بغرفه عمتي اكيد تعبانه.
لا يمعوده هسه اشوف عمي شيريد مني وارجع
أسيل لا تصيرين غبيه مروان يومين احنه نشحط بي ضغطه يصعد متعلل وراج حته بيت عمار كال انطوه لمروان خل يستقر كافي انشلع گلبه
بس اني ما ارجع
أسيل كافي تردين صدك وين اكو وحده تنطي ظناها يصير هسه اني لا سامح الله اذا عصام يتزوج ويطلكني وانطي جهالي وين اكو لو أنتِ اذا الله رزقج بطفل تنطينه لهناس ليش تصيرين ضالمه ارجعي واكسر الشر وكافي
وصال گافي عوفيها لاتعبين نفسج وياها.
أسيل سكتت ما حجيت فتحت غرفتها انطتني دشداشه اسيا خاف مطب بيه
أسيا ليش شبيج
سمنانه عندي خربطه هرمونات
لعد اخذي من عمتي مروان نايم بالغرفه طبي اخذي واطلعي
ماشي دخلت هو متمدد ويكلب بالتلفون باوع عليه وصد بصفحه بلا هذا شبي فتحت الكنتور
مروان اخذي شغلتج واطلعي اريد انام
أسيل هاي شبيك ما ميته عليك هسه اروح لخاطر عمي اجيت
تطلعين لو اطلعج بيدي.
مروان لا تصيح على كيفك لف راسه بالبطانيه ونام كعدت بدلت وخليت لعبايه عالجربايه بردت والغرفه دافيه ونعست نمت? صفحه وهو ما تحرك كعدت وره مده من الزمن اني متلفله بالبطانيه والغرفه تنعس ما بيه اكوم جسمي متكسرأنفتح الباب اخذ جداحته وجكايره وطلع باوعت عالتلفون ساعه 6 المغرب كمزت مصروعه عزه بعيني هي الكمزه وهو لزمني دمار بطني اريد اوكف ما بيه تمددت اندك الباب أتفضل.
أسيا ولج شكد نمتي عمي كعد وانتظرج وأنتِ نايمه تالي طلع كال لا تخلونها تروح يرجع ويحجي وياج.
أسيل ما أدري بليل مانمت والله ذب عليه النوم ليش ما كعدوتوني
عمتي ومروان ما قبلوا گالوا خلوها نايمه
يولي جيبيلي عصاره تشنجات بطني تشنجات موتتني كمت بسرعه ولزمني دمار راحت جابتلياه دهنت ونفس الوجع كمت عالسريع غسلت وجهي ماكو احد بس عمتي تسوي كباب شوي بالفرن واسيا تسوي زلاطه وعصام يفتر يمهم حاجتني عمتي بحنيه.
وصال ماما تعاي كعدي هنا
كعدت دخل عمار
عمار ها كعدتي ما جوعانه
أسيل قهرني تهمهمت اريد اكوم وعصام كعدني هيه الكعده وهيه العيطه وج يمااااا راح أموت عمتي انخبصت حارت منين تلزمني واني ابجي دخل عمي كمال ومروان يستفسرون شبيه
عمار يمعودين هاي مصران أنفتك من كد ما تأكل
مروان دسكت لا انطين عيشتك
أسيل اريد اكوم ما بيه اخر شيء مروان يريد يشيلني اشو صفن عليه
مروان ولج هاي ليش هيج صايره ثكيله
بجيت صحت بي عوفني.
هو اعوفج والله ما تنشالين
اجا عصام دفعه ورفعني وشالني السياره واني بطني كلها متنشجنه وبس ابجي وجع موتني عمتي وصال واسيا ومروان ولحكهم عمار بس يلغي
عمار ما اعوفج الا اطلع المندي من خشمج
وصال عمار كافي يمه بلا شقاك الماصخ.
أسيل وصلنا المستشفى ودخلنا فتحت الباب عمتي واستندت على اسيا ودخلنا للمستشفى من الطوارئ كبل السونار يشكون بيه مصران اعور اللويات تروح وتجي ساعه اكول ماكو شيء راحت ساعه ترجع تملخني من جوه عبالك نار مشتعله
واكوم ابجي خايفه لا ابني بي شيء بس شحجي وهما ما عدهم علم أسكت احسن وأن شاء الله ما بي شي أباوع مروان يفتر متعصب اخر شي دخل شويه وطلع
مروان يلا دخلن الدكتوره تتنظر.
أسيل بلشت تسالني من شنو اشكي اشرتلها? بطني من فوك ومن جوه توجعني وتتقلص عبالك مسويه عمليه نفس الوجع بس يروح ويجي مره ثانيه مختصر يسلم وينهزم حطت جل باوعتلي بشك من تلمست بطني حست بيه بلعت ريك وكالت
الدكتوره أنتِ حامل
أسيل سويت روحي ثوله حتى لا يضلون يحجون عليه وكتلها لا لا مو حامل
ليش بطنج منفوخه
من كد ما اكل عندي خربطه هرمونات
متأكده!
اي دكتوره.
ضحكت واضح متاكده من روحج ماما أنتِ حامل صغيره دتصير عندج تقلصات حمل شُنوْ مسويه عمليه قبل.
عمليه أكياس صار سنه تقريباً وصار ثلاث أشهر هم سويت عمليه كبد
يا عيني طفله وهلكد مسويه الله يساعدج شوفي التقلصات تبلش من شهر الثالث أو الرابع حسب كل وحده اكيد راح تعانين من هالتقلصات
وأنتِ داخله بشهرج الرابع
اسيا شهر الرابع أذن يبين الجنس شنو جنس الطفل ميبين عندج فدوه
مبين بلي هذا لاعب محترف
يعني بيه ولد فرحت.
أسيا واخيراً حيشرف حكم
الدكتوره هاي فيتامينات اكتبلج وحبوب تقلصات حاولي تخففين جهد هالايام لان عندج جاره نازله واخاف منها لا تنفطر
أسيل أخذت الوصفة وطلعنا مروان وعصام وعمار وعمتي واكفين يم الباب
اسيا مروان انطيني البشاره
عمار بس لا مصران مفتح
مروان شعندي انطي وهو شي ما يستاهل
اسيا لا والله يستاهل
أسيل ماكو داعي أصلاً يعرف لان هو بابع ومخلص ما يريدني.
مروان مو اني صرت اسيل ام خبالات كلمه والثانيه شالت ملابسها وكالت اريد اخويه.
عمار هسه كولونه شكو
مرتك حامل بشهر الرابع بيها ولد
صلاة محمد تحجين صدك
والله ادخل اسال الدكتوره
يباو? عليه عيونه تضحك وجهه كلشي بي جان معبر عالفرحه عكسي كنت بارده لا اتلقيت برود منه
صدمني بي مو مثل كل مره وفجأه تغير المود عمتي حاضنتني وتباركلي تبوس بيه واني ساكته لان هالفرحه عندي علم بيها من زمان وعشتها لوحدي.
عمار انه الهدوء قبل العاصفه اثنينهم سكتوا خير ان شاء الله
أسيل طلعنا ووصلنه البيت وعمي كمال كاعد ينتظرنا بالصاله
كمال ها خير شبيها
عمار يابه البشاره مرت مروان حامل راح يجي ولي العهد
أسيل اخذني عمو كمال باسني من راسي وباركلي
كمال يتربى بعزج ان شاء الله
أسيل اتفاجئت ما كال عزكم
مروان هسه نكعد نتفاهم بما انها صار بينا طفل لازم نلكه حل.
كمال أني برأيي انتي ومروان زواجكم كلش ما متكافىء لا أنتِ تفهمينه ولا هو عند گب يتحملج
مروان الحل عندك سياده الوالد من ايدك هاي لأيدك هاي
كمال خير أن شاءالله بهاي فتره لحد ما يشرف المولود تبقين عند أخوج ومن تولدين مروان يرمي يمين الطلاك وياخذ الطفل منج واني ازوجه أحسن وحده لا خيرها بيج
أسيل تحجون صدك لو تشاقون الله عليكم اكيد مو من عقلكم اكو وحده عاقله تنطي ظناها لمرت أب.
عمار ما كلتي لروحج من حركتي كلبها وعيشتيها بقلق أنه تاخذين بنتها لو أنتِ مو مرت أب من تكولين اريد البنيه اني اربيها يلا هسه صيري شاطره وانطي طفلج
أسيل والله لو اموت ما انطي أبني شبيه تخبلت
مروان شفتي هذا الشعور شكد حقير ما صارلج ساعه من عرفتي بروحج عندج طفل بطنج وهلكد صار غالي شحال هناس تسعه اشهر ابطنها وتريدني عالحاضر تاخذينها تبنين سعادتج? تعاستها لو ظناج يختلف عنها.
عمار اسيل طول فتره زواجكم ما تدخلت ولا إلى حق ادخل وهاي عصام كدامج حجايه ما حجه بس من شوف اخويه غركان بدمه خشمه مأخذه النزيف لان ضغطه يصعد والوجهه ازرك اتخيلي هالشيء يصير بحارث شتسوين مو تحركين الدنيا علموده.
بطلي انانيه كافي واجهي نفسج هيانهم كلهم يدورون خاطرج وكلهم يخافون من زعلج زعلاتج هواي بس هذني بنيتي كرامه لنفسج عزه نفس قوه شخصيه صبر شهاده أسلوب متفهم أتعلمتي اتعيشين وحدج بدون مروان واعتقد هذا النقطه الاهم انو البشر يعتمد على روحه ويعيش بدون سند يتكأ عليه
وأعتقد كافي هالشي إلى حصلتي صار الكل يحسبلج حساب أولهم مروان واخرهم سياده الوالد وعندج الحساب بينكم طفل ارجعي وفضي الموضوع.
واكو اهواية اهور لازم ننظر بيها قبل ما نتأخذ قرار
مجد تصفيق حار تصفيق المفروض نخليك بمكان ابو حرب
عمار مو شرط اكعد جلسات عشائر حتى افض النزاع بين أثنين ما درست حتى اركن شهادتي على صفحه اكثر بشر يعرفكم كلكم هو اني
مروان هو اني طول الكعده اريد أخذ بيك راشدي زين كوه متحمل ملاقتك ماتنجرع
عمار والله انت فلا ادمي دمشي اسيل اوديج لاخوج واخلي.
مروان انت صير زلمه واخذها لاخوها اذا ما سويتك تشريب حمص ما اتسمى أبو الحكم
أسيل على طاري التشريب عمه جوعانه
عمار شتغل ابنك كوم جيبلها عشه
اسيا لأ اني اكوم احضر العشه
اسيل ردت اكوم وما خلتني ضليت كاعده يم عمي كمال
كمال ردت اخليج بهذا البيت البنيته لمروان بس أنتِ طالبه ومروان عسكري ويصير عندج وطفل صعبه عليه اخليهم يطلعون من البيت اذا تريدين اعزلي فوك
أسيل لا ما يحتاج عمو ابقى وياكم ما اطلع واعوفكم.
كمال الله محيي اصلج بنيتي
عمار هسه اني ارجع لبيتي موو
كمال اي البيت يبقى الك
عمار عاشوا عاشوا
مروان كون الله يرزقك بوحده نفس إلى أبالي
اسيل وشبيها البالك لازم ما عاجبتك غلس عليه وما جاوبني شكد استحقرني ولا يباوع? صفحتي
تعشينا كلنا على سفره وحده وغسلت واجه هو
مروان ابو الحوارث يكول اكسر رجلها بعد اذا وصلت البيت تلعب عليه وعليكم
أسيل ما دخلك اني واخويه
مروان هو منو شايفج ومتدخل بيج.
أسيل عافني وطلع شكد حقير عمتي كالت
وصال أسيل ماما فرغنا السويت وصار الكم اشتره غرفه مروان جديده وجهزه من گلشي
أسيل عمه مروان ليش هيج يتصرف
وصال شيسوي لعد صارله أشهر عايفته يتلكاج بالاحضان اكيد لا
أسيل سكتت ما حجيت شي بلعتها لليل كله واني كاعده يم عمتي اكل حب وازهار ما شفتها عرفت بنتها منتكسه حالتها وحاطتها بالغرفه ومكابلتها خطيه أنقهرت عليها هاي هم مشلوعة گلب.
وصال ما تكونين تنامين مو وراج دوام يلا بنيتي كومي نامي وأرتاحي
كمت ولاحظت فعلاً سمنانه بسرعه بين بيه السمن بس لاحظوا الفرق لان جسمي جان معصعص.
صعدت شفت غرفتي فارغه حاطين بيها بس سرير أبو النفر يمكن ل مجد تمشيت السويت فتحته مغير ديكور التخم والبلازما والاناره والشباك والغرفه مغير الاخشاب لون خشبي فاتح تركي ضخم الفرشه لون عسلي كلشي جان يدل عالذوق والرقي تمددت على ظهري تعبانه هو دخل للغرفه جان بالحمام كبل طفه الضوء واخذ جرجفه ونام بالصاله صدمني صدمه عمري متوقعته بارد وياي لهدرجه حزت بخاطري كمت باوعتله نايم وأيده على?أسه عفته.
نمت وكعدني الصبح يهز بجسمي
مروان كومي كومي ما ضل عليج وكت لدوامج
أسيل كمت عالسريع أتلفت ادور بعدني قافله عالنومه اجا شايل الجنطه والملازم والعبايه رميت الدشداشه عالسريع هو واكف كبالي يباو? لي
مروان لج بابا شبيج گبل نزعتي غسلي بالاول رتبي شعرج رتبي شالج مكياجج شبيج بعدها بالسبعه.
أهوو هي هاي سالفه تسويها بيه جلطتني كعدت بدون ما البس العبايه جنت لابسه اتك لون ماروني جان بي خيوط بيض عالحواف رفعت?اسي لكيته صافن عليه
شبيج يلا كومي
كمت من مكاني رحت للحمام رفعت شعري وغسلت وجهي ونشفت اكو كريم أساس وكحل بجنطتي خليت اشويه ورتبت شالي ولبست العبايه وفتحت الملازم اكلب اراجع اني اول بارحه قريتهن
شلت الملازم ونزلنه لكيت لفه جبن وكوب حليب عالميز وعمي كمال واكف وياه.
كمال من تخلص اخذها جيبلها ملابس كامله مو تغلس
مروان ماشي بعد أوامر ثانيه
أكسر راسك تحترمها وتعدل أسلوبك وياها هذا التنتر مالتك معاجبني.
من جان اسلوبها وياي زفت محد حاجاها كلكم كلتوا مروان مخليها? حل شعرها دللها وطلع عيونها.
زمان أول تحول جر عدل وياها كافي عاد اني تعبت اريد ارتاح وأشوفكم مرتاحين راح يصيرلكم طفل يمتى تعقلون.
أسيل ما حجه شيء طلعنا وطول الطريق ساكتين وصلني
مروان شوكت أجيج
أسيل اني أخابرك.
تمام ديري بالج عالبطنج
باوعتله مقهوره الدمعه بعيوني واكفه بس الطفل يهمك لعد انت طلعت متحبني والله
امشي كملي أمتحانج وحسابج وياي ثكل
نزلت ودخلت القاعه مباشره امتحنت وسلمت الورقه كملت محاضرتين وكملنا ما عدنا شيء اليوم خميس وطلعت اتصلت عليه
مروان ها عيني
أسيل وين أنت
يم بنتي جيت اشوفها.
تمام لعد اخابر اخويه يجي ياخذني سديته بوجهه وفررت من نار گلبي هو عمداً يقهرني رحت ضليت كاعده ومقهوره منه لحد ما اجه هو مستغرب شكلي
مروان امشي امشي مو مال احترام كلمه والثانيه وكالت اخويه من انعل ابوج لابو اخوج شكد بايعه ميغزر بعينج شيء.
يجر بيه جر واني اريد انفجر بس صعدت السياره اني ابجي ابجي نار وشبت بصدري يصيح يريد اسكت اني قفلت عيوني ما اشوف بيهن شيء امسح بإيدي وما الحك الدمع يكت وهو يصيح ثولني وكف السياره وسحب?أسي يمسح وجهي
كافي شحجيت وياج كمتي تبجين
اباوع بعيونه بيهن بس خوف وقلق ما بيهن حنيته ودفو احساسه والتمس منه حب لا كلش قاسي صاير ولا عبالك مروان الأحبه.
وصلنه البيت كبل صعدت لغرفتي تمددت نعسانه كبل نمت غفيت كعدت لكيته نايم بصفي رفعت راسي هو جفل غداج بالصاله اسيا جابته
ما جوعانه مالي نفس أريد أنام ورجعت نمت اباوع عليه ماد ايده عبالك يكول متجين لحضني ام الكرامات والله ماروح مايتنازل هو عشتوا شناقصني طفل وبطني تلمست بطني اضحك وهو يبتسم بس يثولها ومركز بالموبايل عود يبين هو ما مهتم.
رجعت نمت وهو ما تحرك ابد يا جبل ما يهزك ريح كمت فتحت الكنتور لكيت ملابس جايبهن جدد أخذت تراك لان الجو بارد ورحت سبحت ورجعت نمت.
مروان شطلع هالنوم ما تشبعين
أسيل شتريد مني بشنو مضايقتك
سلامتج شريد قابل منج هو انتي شعندج واني اريد منج
عفته وطلعت تمددت عالقنفه اباوع عالتلفزيون واكل دولمه وياها طرشي وزلاطه كملت وشربت كلاص مي ورحت انام
شبيج ويه النوم صايرين أخوان.
ما شبعانه نوم وكت الامتحانات بس سهرانه جاي اعوض
عوضي عوضي واني إلى الله يعوضني? صبري
الله كريم الله يعوضك
دنامي نامي الله لا شبعج نوم
نمت وبالي اكول ليش ميبادر ويصالحني لا اني الغلطانه لا والله ما غلطانه غصباً عليه يتنازل كمت من مكاني ضايجه دحس خوما حجاره فتحت الثلاجه مليانه اكل مالي نفس توه أكلت سديتها
طلع فتحت الباب وباوعت وراه شفت أزهار راجعه من الدوام واكفه وياه ويضحكون عفتهم ودخلت واجه.
تجين تطلعين نغير جو
كيفك
يلا راح انزل نروح لبيت عمي فاضل اذا تجين أنتظرج واذا ما ترحين كولي اخذج لغير مكان
نروح للسوك
ليش
غير اشتري ملابس ملابسي صغرن عليه
مو جبتلج
مو كاملات عندي نقوصات وأنت تضل تسأل
تمام تمام انفتكتي دبدلي أنتظرج
واكفه فاتحه باب الكنتور شلبس أخذت بنطرون كيلوت وقميص مرتب وياه نزعت اريد البس البنطرون وهو اجه
مروان ها ما خلصتي
ح
أسيل لا بعد أعتقد اكو باب يندك قبل لا تدخل.
ليش لازم ساطي? بيت الجيران
عيب بابا عيب
حقج حقج والله يطلعلج لسان وتحاجيني دتعالي خل ابرد گلبي بيج وأنعل والديج.
لزمني بكل قوته اخذ شفتي بقوه وعيوني مدمعه يسحب بيه واني ارجف رجيف من قربه والخوف تملكني قفل الباب ويسد الاضويه بسرعه وأنخبص شيسويلي ومنين يلزمني واني صافنه على أشتياقه ولهفته دفعته عوفني بحالي لأتستغل هالنقطه لصالحك لا عبالك اسيل الفاهيه إلى بسرعه ترضى بوسه وتخدر بلمساتك جسمي كله يرجف مامتقبله اي شي منه كعدت ابجي وأجه يمي
بس گوليلي شتريدين
ما أريد شي بس عوفني
تمام عفتج يلا بدلي انروح.
بطلت ماروح خليني انام
براحتج
عافني وطلع ما رجع للغرفه كعدت الصبح ما لكيته
سالت عمتي كالت
وصال راح لدوامه ب 3 يرجع
تريكتوا
ا ي هسه اسويلج ريوك
كعدت ما بيه نعسانه
عمه ليش هيج انعس متت ما شبعانه نوم
وحامج نوم واكل احسن ما يصير لعبان نفس وح?گة المعده
سوتلي ريوك واكلت وإجه عمار شايل كراتين بنكات
عمار ها يمه الله يساعدج البطه كاعده
أسيل اي كاعده على كلبك شتريد مني
عمار صايره شكد عدائيه
وصال يمه عوفها صايره اعصاب.
أسيل عمه نوب أنتِ شصايرلكم وياي كمت ابجي أنهاريت وعفت الريوك وصعدت خابرته عمتي دكت الباب ما فتحته وعمار يحجي
عمار يمعوده اتشاقه وياج تكي الثاني برج الجوازئي شبيج.
ما فتحت تغطيت بالبطانيه هو اتصل عليه
هلا يابه
تعال
شكو شصاير شبيج مريضه
تعال وما عليك طكت روحي
بس كولي شبيج باقي جم ساعه واخلص دوامي واجيج
هذا هو سديت الخط قفلته ونمت كعدت? صوته يفتح الكنتور ياخذ ملابس يسبح.
ليش ما نازله متغديه.
ما جوعانه يحجي مبين متعصب
عفته نزلت لكيتهم كاعدين يشربون جاي اسيا تغسل المواعين
أسيا هلا عيني شبيج ليش هيج عيني صايره حساسه عيب هالتصرفات عمتي بمقام امج ليش هيج وياها وين اكو وحده حنينه عليج مثلها خليتها دمعتها على خدها مروان كام يحجي عليها وعمار زعل من وراج مروان رزله هو تره من دافع يحب يشاقيج هو كلب طيب وشقويجي ليش هيج سويتي هسه هم بعدج طفله ترى راح تصيىرين أم
عمتي وين.
بغرفتها ما طلعت مقهوره جاي نحجي نزلت أزهار
أزهار ها أسيل شلونج
أسيل الحمدلله وأنتِ شلونج
أزهار الحمدلله بالخير عليج الحمل تكومين بالسلامه
الله يسلمج عفتها تحجي هي وأسيا رحت دكيت الباب ودخلت عمه عادي احجي وياج
هلا بيج بنيتي اعذريني خاف غثيتج بحجايه مالي قصد اني احبج واريدج تنسعدين ويه ابني ويصيرلكم طفل وينلم شملكم
بستها عمه اني اعتذر والله اني ما كلتله.
ادري بيج اني كلتله غثيتها وما نزلت تغدت وهو تعصب سوانا نكرهج وما نريدج
لا عمه لا تزعلين منه مروان يحبج
ادري بنيتي وين اكو ولد يكره امه بس عصبيته هالايام عاميه عيونه من وراج متدمر رجع مروان القديم ابو خبالات أنتِ هم شويه فكيها وامشي بحياتج كافي لطم وقهر اني تعبت نفسيتي من وراه حته اكل ما ياكل.
ان شاء الله عمه طلعت من يمها وضليت بالمطبخ اسيا مسويه دجاج بالفرن وازهار توكل بنتها اجه مروان كعد وكعدت يمه حطيت ايدي على رجله هو ياكل ويفلسلي واني نعست اخر شيء اذكره بايدي اللفه فزيت على ضحكه عصام ومجد وعمي
كمال يابه اخذها تكمل نومتها
مروان غير لو تشبع هاي بيها رس من أهل الكهف من قومهم.
أسيل رجعت خليت راسي على جتفه لزم ايدي بحنيه كمل جاي وكومني اخذ ايدي وصعدنا فوك فتحت السويت لافني عليه.
مروان ما اشتاقيتي لمروانج يالقاسيه
ليش
ما تفكرين تتنازلين أبداً
ليش اتنازل والشي المفروض انت تبادر بي
ما تسمحين لنفسج انو تتنازلين لحبيبج إلى تحبينا لو زوجج نقصد لو شنو اني بالنسبه الج
انت زوجي وابو ابني وبس غير شي مات بگلبي الينكسر ما يتصلح ما انسى? من عيرتني بالخلفه أبداً اتخيل لو ما اني حامل جان كل ما شفت بنتك كلت اني ضحيت بنتي من وره وحده حتى خلفه ماتخلف
لا تظلميني بشيء ما كنت قاصده.
انت ما قصدت وهيج جرحتني لعد تقصد من صدك جان شلون اذيتني انت بيدك وعيتني وحبيتني وأحتويتني وضيعتني ليا درجه قسيت على گلبي واني ماعندي غيرك ردت اسند روحي بشهاده بس طلع كله جذب غيابك اثر بروحي احس حياتي بدون مشاعر تخيل ليا درجه انغثيت منك حتى غادرت المركب
وتالي نلعب مثل الفار والبزون اني اقترب أنتِ تنهزمين ليش هيج تره النفس عزيزه وذليتها لخاطرج ما يكفيج عفت بنتي ومرتي حبيبتي من وراج.
اكولك لا تخليني اتندم رجعت لا تذب قهرك بيه انت لو أصيل ما تحب على هناس ليش العنده هناس هم يفكر يدور وراها اشو وظيفه وجمال وهيبه وأناقه بس هيي كالتلي هو ما حبني بس شكل اذن الخلل منك حتلو متزوجه قبل لا تدخل حياتك هم جان خنتها وره الزواج واذا عليك تره انت غدرت بهناس مره واليغدر مره الف مره بغدر واني ما دزيت عليك تزوجني مو كتلك عوفني بحالي لا تذب بلاك ب?اسي وتطلع انت المسكين الخطيه إلى اسيل ماكله حقك ومحتاله عليك غلطت وياك خليني بغلطتي أني اتحاسب شگو شلت خطيتي وخطيتها وياك وكملت بنتك خطيه عافني وشمر الفانيله بوجهي وصاح.
مروان عايفج بمزاجي اذا أخلي ب?أسي اربيلج گلب فوك گلبج خليني ادور رضاج ولا أنتِ ولأ اني اذا قفلت على احد اعلعل گلبه وما اباوع عليه.
شيطلع بيدك لا تقصر هواي رضختلك هذا العهد مات إلى اجا عهدي.
أويلي شلون تريديني الزمها اطلع القضى والمضى منها اني شنو بالنسبه الج
أنتَ كلشي
من اني كلشي ليش خلقتي هالفجوه الكبيره بينا
انت فتحت هالفجوه بينا من أيدك وتصرفاتك.
ليش من تصرفاتي ليش هذا مو قراراج من دخلتي هناس وطلعت من حياتنا مكسوره انحسب عليها زواج وطفله كانت ضحيه هالتسرع مني ومنج
أنتَ تحبها ليش عفتها
جنت احبها وعفتها ماأريد أظلمها واني ادري روحي معلكه بيج وبحركاتج
أنتَ تحبني
لا بس ميت بيج وبسوالفج هذا اسمه عذاب نفسي روحي طكت بالقران
ليش حبيبي
خررب بحظي انوب تكول حبيبي بتل بتل
ليش شتريد اكولك
گولي مروان
اويلي يا مروان شتريد.
أريدج كافي خل نعوض الفات ونعوض ايامنا الفاتت ونخلص من المشاكل ونعيش باستقرار ونخطط لحياتنا الجايه بكل حب
رفع عيونه نفس الحنيه نفس نظرة السكر وخدر اطرافه يدل على وقوعه في مصيده اسيل قابلني نفس لهفتي وأكثر اتناغم اطرافي باطرافه الدافيه وتعمقت وياه بلهفتي لدرجه مسيطر على لهفته ونمنا بعمق وطال الشوق وأنتهى الزعل وأبتدينا بداية جميله بكل حب وبأنتظار طفلنا???????.