رواية بين قلبها وعينيها كبرياء للكاتبة شمس العراقية الفصل الخامس والسبعون

رواية بين قلبها وعينيها كبرياء للكاتبة شمس العراقية الفصل الخامس والسبعون

أزهار طول هل الايام المَرت حياتي مَاشيه بس مو صافيه ما تخلوا من العراقيل منا مرض بنتي اللي صعب أكول متعبني لان من مسؤوليتي أتحملها بكل حالاتها لأن اني أم ومن عافيتي وصحتي إلها ومنا رافع وهشام خانكيني ولا واحد بيهم بعيني وگلبي مات من زمان وشلت سوالف الحُب والارتباط من?أسي ولا افكر بيها ولا تراودني اي فكره أنه أعيش تحت ضل رجل! فقط مكتفيه بنتي وما اقصر وياها ووظيفتي.

خلص دوامي شلت جنطتي واني طالعه رن تلفوني مروان جاوبته ها عيني مروان.
مروان خلصتي أجي أخذج
أزهار لا أرجع بسيارتي
ها سياره متطوره الأمور يابه
اي لعد شعبالك ورى ما التحقت وصلتني سيارتي
وشلون سياره تخبل
ذوق سيادة الوالد بعد اكيد يجيبلج الاحسن والارقى تستاهلين كم أخت عدنا عليج بالف عافيه
تسلملي فدوه لگلبك
يله نلتقي بالبيت.

تمام نهيت الاتصال ومشيت مستعجله لان تأخرت? غزل شغلتها وطلعت الها وصلت عفيه غزل هشام اجيت اخذها
اي دقايق لأن ما اكلت هسه يله اقتنعت وجاي تاكل انتظريها اهنا هسه تكمل نجيبها الج
ماشي كعدت أنتظرها وگلبي مثل النار يمها ادري بس ادخل عليها تتنحس وتضل تبجي لليل اذا أكلت زين خل تكمل اكلها.

صافنه وبالي مشغول بيها وبمرضها وأباوع لجدارن ول للوحات المرسومه بكل حب ودمعت عيني غصه بصدري فوك كسرتي اكتملت بمرض بنتي سببه شاهين وسوالفه المنحطه مثله.
نفضت الافكار السوده والمشؤومه وفتحت تلفوني وصلني طلب مراسله فتحته من حساب بإسم ابو غزل ركزت على الصوره مخلي صورة غزل! هشام
هشام راح أتصل جاوبيني
أزهار وليش أجاوبك احظرك أحسن! رجع جاوبني بسرعه
نحجي وبعدها أحظريني
شتريد هشام ما كافي
جاوبيني هسه.

ما أجاوب مو بكيفك
مو بكيفي بكيفج بس جاوبيني هسه
موضو? مهم لو شُنوْ بالضبط لأن ما فاضيه ألك
جاوبيني هسه
لا اله الا الله شكد تلح لخاطر الله
أتصل لو لا
فضني عاد
رحمه الله والديج
ووالديك
أزهار أريد أحجي وياج أتصال
أرجع البيت والله كريم ما فاضيتلك هسه
ليش وين أنتِ
وأنت شكو
لا بس حبيت اسأل
مره ثانيه لأ تسأل لأن ما راح أجاوبك.
براحتج عيني شوكت يعني نحجي
ما أدري على مجالي
أنتظرج
كيفك تتنظر ما تتنظر ما يهمني.

لا أنتظر هسه رجعت من الدوام ما عندي شيء
ما جاوبته فصلت الأنترنت وطلعت غزل حضنتها وأبوس بيها شلتها صايره ريشه حيل ضعفانه كله بسبب مرضها والعزله المعيشه بيها نفسها.
خليتها بالصدر يمي بالكرسي مالتها ثبت الأحزمه وحضنتها وبوستها ضحكتلي فدوة اروح لهل الضحكه أشتريها بفلوس والله بس مهم تكونين بخير ونفسيتج تمام.

شغلت سيارتي وتوجهنا للبيت طول الطريق اني اسوق بطيء وهي صافنه عليه وعلى وجهه أبتسامه تباوعلي بتمعن كأنما تحاجيني ماما أنتِ هم تعبتي مثلي وتحتاجين مركز لرعايه النفسيه، وصح هما أطفال صغار بس احسسهم فاهمينه بس لغتهم تختلف عن لغتنا احنه الما نفهمهم.

وصلت البيت وشفت سيارة?افع يم بابنا گلبي نغزني ودخلت نزلت بنتي وجنطتي واغراضها وصلت الباب طلع رافع من المغاسل الخارجيه ينشف بأيده بالخاولي وتركيزه ناحيتي مشيت متجاهلته وهو تقدم بسرعه.
رافع مو من الأوصول نتسلام بنت العم وابن العم
أزهار ما جاوبته
السلام عليكم يابه
وعليكم السلام هلا ابو الحسن
گوليلي رافع احب أسمعه بين شفايفج بزعت من ابو الحسن والصراحه مكبرني واني بعدني شباب
عبرته بدون رد وهو صا? بظهري وگال.

اليوم اكلنا دسم عبقال التحلايه بعقد قرانه.!
شتحجي أنتَ مستحيل يصي? هالشيء
ليش معصبه ياعيني لاتخافين ما يصي? اي شيء بدون موافقتج كلشي يتم برضاج بنت العم.
ام الحسن وينها عنك عايفها وملاحكني ترى كلش ما ناقصتك بحياتي لا أنتَ ولا غيرك وعيب عليك هاي السوالف خليهن لجيل القبلك عندك خمس ولد وتخربط بعمرك يمتى ترضى بالعندك وتحمد ربك عليهم.
سكتي أخوج طلع مو مره قذيفه غضب على يومج.

وهذا كلامج نتحاسب عليه بعدين يصير خير يا أزهار
طلع عصام وشافنه عفتهم ودخلت معصبه روحي طالعه صار بوجهي مروان راد يبوس غزل عطت بي
وخر أنتَ الثاني
مروان وجع حتى وجع شگو شبيج كبيتي بوجهي
أزهار عفته وصعدت وهو يصيح وراي
مروان مو احاجيج وين موليه ازهار
وصال صوتك فضحتنا عوفها هسه رجعت تعبانه من الدوام ونفسيتها صفر من ورى بنتها هم الله يساعدها.
مروان واحنه شمسويلها هاي الگبه والعنفصه خل تبطلها لاتضل تتنر بوجهي.

وصال ديله عاد فضنا على أختك شيطان رجيم واسيل غفور رحيم، اسيا كولي لمجد خل يجيب المواعين من الأستقبال وخل عمار يجي ياخذ الجاي.
ازهار عفتهم بهوستهم ورميت نفسي بغرفتي صدري ضاك عليه كلما انهض واكول خلص أنسي وتخطي يرجعني لنقطة الصفر أنوب طلعلي رافع كلش مو ناقصته كلش لو يضل عمري يوم واحد البالك ما يصير يا رافع احلامك عبث.

سبحتها ومشطت شعرها واسولف وياها بكل حنيه وتسمعني بإذن صاغيه تحب تتنبه لاي كلام يصدر مني ولان متعلقه بيه بشكل لهذا اني بالنسبه الها الامان الوحيد.
نامت بهدوء غطيتها وفتحت تلفوني لكيته كومه دازلي رسائل الى متى هشام الى متى قريت الرسائل.

هشام وصلتي لو بعدج ازهار انتظرج لاتغلسين ازهار ما أستاهل منج هالمعامله والله العظيم حقج بس الظروف المريت بيها جانت صعبه من دون هاي الناس افهميني بس أنتِ أفهميني ما يهموني بكثر ما أنتِ تهميني أنتِ بنت روحي وحروف أسمي وزهرة عمري الذبلتها بيدي.
نهاية الكلام مخلي قلب مكسور رجع دزلي
هشام ما متعلم على قساوتج والله اني ما شفت حنيه بس منج والله
ازهار حرامات بيك كلشي انطيته الك حرامات لان ما تستاهل.

أي ما أستاهل
روح هشام
اريد احجي وياج
ماكو شيء نحجي بي بعد أنتهينا من زمان وكتاب انغلق من هذاك اليوم اللي تخليت عني وعن بنتك بكل برود گلبك باي
لا تحظريني ازهار لحظه خل نحجي
وأتصل ضليت متردده أجاوبه أو لا خلص الأتصال واني صافنه
ازهار ليش ما تجاوبين
ليش الأ أتصال احجي العندك مراسله واظن ما ضل حجي ينحجي انطيتك هواي وقت اختصر يله
ملاحظه هواي ذليتني.

والله ما مجبور على هالمذله توني ردت أحظره أتصل وعصبت صرت نار وجاوبته شتريد لخاطر الله شتريد
عود ما أوصيح أحظريني
اي احظرك لان بزعتني يا أخي ما أريد أحجي وياك هي مو كوه أحفظ كرامتك وماي وجهك وبعد لاتراسلني يوميه جايني من حساب تراهق بروحك.
حفظت كرامتي بما فيه الكفايه
أي حفظت كرامتك بس على حساب خسارتنا اني وبنتك على حساب أذيتنا إلى شفناه من تركتنا بيد شاهين وملطخه للوكت
أحجي أسمعج احجي.

أي احجي وهسه اكعد أحجيلك بالكرامه اللي تدمرنا بسببها هسه المفروض تحفظ كرامتك مو قبل من صرتلي شيخ قومهم وأبوج واخوانج تعثر بالكاع ترجع عليه أهلج واهلج وأخوانج وأخوانج والله أهلي ما دزوا عليك خط مصخم تجي تناسبهم انت كتلت نفسك على نسبهم وبالاخير عكب هذاك التقدير والأحترام وانطوك بنتهم أشسويت أستاذ هشام أشسويت تعالوا اخذوا أختكم هما اجو مو حضره جنابك توديني الهم لا شلون جنابك الموقر هشام ابو الكرامه ينزل من نفسه ويروحلهم لا خابري أخوانج يجون يأخذونج محسسسني عايبه ومطلعني من بيتك بفضيحه هيج يله ترهم غير عذر وتفسسير لاتنطيني لان سالفة أنفصالنا لحد الان ما هاضمتها طلعتني من حياتك بدفره دفرت نعمتك بيدك صعب ترجع وتلكاني أنتظرك صعب.

ما أستاهل فرصه
لا ما تستاهل أصلاً ما تستاهل أضيع وقتي وياك
لهل الدرجه هيج أزهار
وأكثر من هيج لان هذا مستواك عوفني وروح لكرامتك خل تفيدك اني خسارتي ما تتعوض
من تهدئين نحجي
أحاجيك واني كلني هدوء وقمة الوعي وياريتني حاجيه هذا الكلام من أولها يمكن جان من زمان تخطيتك
ليش بعدج ما تخطيتيني ازهار بعدج تحبيني مو.

لا لا تفرح تخطيتك من زمان بس اتمنى متخطيتك من أول ما بعتني وتخليت عني اتمنى يرجع بيه الوكت لهذاك الزمن لهذيج الساعه الرجعت بيها لبيت أهلي مكسوره جان ما بجيت عليك دمعه ما اعرف شُنو جنت احس من كتلت نفسي عليك وعلى حبك
ازهار كافي
مع السلامه
الله وياج
حتى بهاي بسرعه تتخلى وتتنازل يله مو مهم عادي عندي ما تفرق الله وياج وهلا بيج كلهن واحد باي.

حسيته أختنك وقطعت الخط ما أحب أشوف ضعفه تعلمت عليه دائماً هو القوي مو بسهوله يضعف خليك بنظري القوي لاتضعف بسببي حبي اللي أنتَ كنت السبب في وصلنا لهل النهايه بصعوبه نجتازها
عفت التلفون ومسحت وجهي بقهر وأندك الباب صحت بصوت حاد منو
اسيا اني خرب صوتج نصي
ازهار دخلت شتردين أسيا.

شبيج كبتي بينا شصايرلج باالأول مروان وهسه اني وعلى الأساس المسكين ناقص كافي عليه أسيل بس تتزعل عليه انوب أنتِ كببتي بوجه فوك حنيته عليج وعلى بنتج
ما أريد أحد يحن عليه عوفوني بحالي
علي كيفج يابه ترى عايفينج منو يمج وكرص يكرصج شگو منو موصلج لهل الحاله وجهج سيف ما يكصه
رافع شعنده جاي
ما عنده شيء نزل من الدوام ومرلنا وعصام عزمه على الغده لان الوكت وكت غده وتغدى من غدانا
لا خطيه ما عنده شيء عليه هالسوالف.

شعنده صخام بعيني أحجيلي ولج
أسيا لاتسوين روحج غبيه
وغلاتج ما اعرف شگوو
سألي رجلج وتعرفين شگو
بسم الله أنوبه رجعت على رجلي غير تحجي وتفضني
ترى رجلج هو ساس البله جاي يجهز لطبخه زينه تعجب ام الحسن هو رافع افندي يخططون عزايم وكذا ما معقوله ما عرفتي سوالفهم
لا ما اظن لان هو أخر مره من خطبج شاهين وعمي رفض هو انسحب ومرام طلبت الطلاق وكال لعصام هاي هي بعد نهى الموضوع لان ما يريد خسارة ام الحسن
لا واضح.

يعني صدك تحجين والله اذا صدك عصام الا اعرس عليه بليلة كشره كم مره حجيت وياه وكتله لاتنطي وجه لاتكسر بختها خطيه يتيمه خافوا الله بيها انت ورافع ابو النسوان من طاح حظه اي والله.
أخويه هم كاتل نفسه على نسب ابن العم لان شافه واكف وياي ما حجه شيء اذن راضي بهل المهزله
أني اعلمه على هل الدكه الناقصه ما يتوب مجلب برافع قحط نسب الا ابن عمك ومتزوج فوك القهر متزوج ومرته يتيمه من الله ما خفتوا من حوبتها.

يسوي اللي يسوي ل رافع ما أصير مره لو يموت
رجعي ل هشام وخلصي من?افع!
شتحجين أنتِ
ماكو حل ثاني وأنتِ تكولين هشام جاي يراسل ويسأل ويركض وراج والرجال يحبج وأصلاً من يوم أنفصلتوا هو ما نساج من ستوريااته ومنشوراته تمرد الگلب تبجين على حاله
انتِ أبجي على حاله عشتوا اني شگو ابجي هواي يستاهل
لاتصيرين أنانيه واضح الرجال يحبج وصاين حبج بس الظروفه هي جبرته يتخلى عنج انطي فرصه وشوفي هم خطيه هو هم انظلم.

ما تسكتين سدي موضوعه فدوه لعينج
مو من كل گلبج وادري بيج تحبينه روحج بي
أسيا گافي عاد
هذا أكبر دليل تنرفزتي وعصبتي
أهوو أسسيا جلبتي عاد
أكوم اشوف أخوج شُنو تخطيطاته هو و?افع اذا كلامج صدك اكلبها عزه على?اسه لان صُدك طلعها من ماعونها شعليك بي أسحب نفسك وانعل هيج نسب على مره التهي بوظيفتك ومنصبك اللي تريد توصله.

طلعت عصبيه واني احترك دمي وتذكرت كلامها ارجعي ل هشام! نفضت?اسي لا لازم تخبلت أرجعله والله ما ارجع كل عقلي ارجع لواحد باعني بالرخص وتخلى عني بأول الطريق...
للمغرب يله نزلت لكيت أمي تجهز العشه ومروان كاعد يدخن دايخ بآسيل زعلانه وما ترضى ترجعله.

كعدنا تعشينا وطول العشه عيون عصام عليه حسيت عنده كلام وياي كملوا وغسلت المواعين وأسيا ألتهت بالجهال وهوستهم وامي صبتلهم الجاي وكملت غسل شلت بنتي لان تنحست ولازمه الدرج وتبجي تعاي ماما نصعد غرفتنا فرحت واجتي لحضني نثرت العابها وكعدنا نلعب سوه واندك الباب أتفضل دخلت أسيا!
أسيا أخوج يريد يحجي وياج
ازهار اي عادي خل يتفضل دخل وباوعلي ورجع باوع ل غزل
عصام ازهار يابه عندي موضو? وياج يخص حياتج.

أزهار گول عيني أسمعك
شوفي خيتي هاي سنة الحياة ولازم تمشي لا كيفي ولا كيفج الحياة ماشيه على هالمبدأ
يا مبدأ منهن!
رافع طلبج مني ل زواج وأني كلت أشوفج بالأول يله يتقدم ما اريده يتقدم وينحرج
هذا المبدأ الزواج ورافع!
أي شبي رافع
فدوه لعينك مو قصة شبي بس السالفه وما بيها اني رافضه فكرة الأرتباط بزواج وانوب متزوج وام الحسن تكسرون بختها ليش اذا هو ما مهتم لا الها ولا حاسب حساب لمشاعرها أحنه شبينا.

الشر? حلل وما بيها شيء رجال ويريد يتزوج وهو من زمان أباله الزواج وأبن عمج ما بي عيب.
أبن عمي على?أسي بس بسالفة الزواج أعتذر منك ما موافقه ولا راح أوافق لا هسه ولا بعدين لا هو ولا غيره مكتفيه بنتي وظيفيتي والحمدلله وجودكم ما مخليني بحاجة احد يسندني.
هذا هو براحتج
أسيا مو گتلك لاتعب نفسك
عصام أنتِ لا تتدخلين
أزهار طلع وحسيتها أنهضمت اسيا لاتزعلين منه.

أسيا ما شفتي شلون نتر بوجهي وليش ما أتدخل قابل غريبه كلمه والثانيه لا تتدخلين أبداً ما عنده أسلوب ويفشل.
شتسوين بعد هذا طبعه
لا يبوي قابل جديد عليه يله اني نازله وأنتِ ابقي على قرارج واذا تفكرين ب هشام بعد احسن على أقل أبو بنتج
أسيا رجعنا
ما رجعنا بس أنتِ تحبينه لاتكابرين وتخفين هالحب صارلي عمر وياج وأعرفج من النظره
سدي موضوعه
براحتج حبيبي.

طلعت وضليت صافنه باللي صا? وقرار عصام بنسب رافع دوخني ويا خوفي بعدين ما يهتم لرأي ويفضل رافع بس لا هالمره مستحيل أوافق ولا بابا يفكر يجبرني على الزواج منه عزا تخبلت أتزوج مره ثالثه لعبت نفسي من الزواج وطيحان الحظ يمه يمه ورافع ما جاي اتخيل فكرة اني زوجته معدتي تكلب يمه الله لايكولها نفضت?اسي برفوض تام وقافله...

بعد مرور وقت نامت وهي تلعب أخذت رغبتها وأكتفت من اللعب ونامت شلتها ونومتها وصلتني رساله فتحتها من هشام!
هشام غزل كاعده
أزهار لا هسه نامت ليش
عبالي أحجي وياها
قبل كم يوم جانت يمك
حتى لو تضل بنتي واشتاقلها
نامت
باجر اجي أخذها
تعال الجمعه بإيام العطل
ليش
لان تروح المركز
يا مركز
اي حقك ما تدري يا مركز
أحجي غزل شبيها
سلامتك
أزهار لاتخبليني احجي شبيها
ما بيها شيء
أزهار لاتلعبين بأعصابي غزل شبيها.

حجيتله گلشي عن مرضها وأتصل ورفضته
جاوبي ما بيه أكعد أكتب
واني ما بيه أحجي
ازهار لاتشلعين گلبي متصل علمود بنتي والله جاوبيني رحمه لأهلج
ما اجاوب الوقت متأخر شعندي هسه أحجي وياك أتصال لاتجبرني أرجع أستخدم وياك الحظر
مو من حقج مثل ما هي بنتج بنتي هم
يا سلام هسه تذكرت هي بنتك
اي هسه تذكرت عندج مانع
أتصل وجاوبته أنتَ شُنو من طينه طينتك متگولي.

هسه صايرلي الأب الحنون اليسأل ويتودد وين جنت قبل هاا وين جنت اكيد جنت ملتهي بكرامتك تمسحلها وتمجدلها
انجبي وأحجي عدل
أنتَ أحترم نفسك ولا تغلط
أزهار لاتخبليني
ما جابرتك عالخبال والله أنت ملاحكني عاجبك الوضع شسويلك
علي أقل أبو بنتج بطلي أنانيه وياي
هو راح أبطل أنانيه من أحظرك وأخلص منك ومن ملحتك الزايده وكلامك اليغث ستين نفس
هسه كلامي صا? يغث خلف الله عليج.

قطعت الخط وحظرته قبطت أعصابي منه ومن كلامه محسسني اني المذنبه بحقه وهو المظلوم
لثاني ما رحت لدوام كعدت?اسي مصد? وغزل مالها خلك وتنحست فدمره صارت رجعت حالتها أتعس كابلتها وكعدت والدوام اخذت اجازه واذا وضع بنتي على هالحال اترك وظيفتي لان تحتاج رعايه رجعتها الدكتوره وطلبت تبقى بالبيت ونوفر الها اجواء عائليه!
رجعنا من يم الدكتور وأخواني دخلوا في نقاش.
مروان شكد صا?لها ما شايفه أبوها.

عصام ما اذكر بس صار شهر مو ازهار
ازهار اي تقريباً
مروان دزوا على أبوها
عصام واعي على نفسك شتحجي وليش ندز ما يجي هو يشوف بنته
مروان وانت شبيك گلبت عليه ترى الرجال اجه كم مره وغزل متنحسه ويرجع والمفروض يعرف بحالة بنته
عصام منو وصل الطفله لهل الحال غيره هو ما تسكت لخاطر الله
شبيك أنتَ
ما بيه شيء بس ما يحتاج ندز عليه هامته بنته هو يجي يشوفها لو صدك هو أب وحاسب روحه على الأباء.

أزهار من رخصتكم أخذها انومها صعدت وعفتهم متلاغين نومتها وفتحت تلفوني كومه رسائل وأتصالالات من هشام واتصل وجاوبته ها هشام
هشام شنو ها هشام صارلي ساعه أرسالج وأتصل بالجذب كلفي على نفسج جاوبيني على رساله وحده بس.
أزهار هشام ما ناقصه تفاهتك
تفاهتي!
گولي شتريد وخلصني ما ناقصتك
ما رايد شيء أسال على بنتي
يا سلام هسه عندك بنت!
اي عندي بنت ولاتنسين أني أبوها.

والله ناسيه أنتَ أبوها زين ذكرتني هشام لخاطر الله بنتك ما تعرف شيء عنها لاتحجي من كيفك وصايرلي بيها الاب المثالي وأصلاّ أنتَ واحد أناني ومن الأساس بنتك ما هامتك ولا بذره ولا تريدها ومتخذها حجه تتقربلي اكولك أي بس مال تسويلي بيها الأب الحنين هذا كلاوات العيد حبيبي.
أزهار گافي هواي قسيتي بكلامج أني بشر مو حجر
ما مجبور على قساوتي مع السلامه
ازهار جاي عليكم اشوفها حضريها.

شتسوي تجي ما كافي الأذيه الشفناها منك أنوب تجي وتعلقها بيك وبعدين تلوعها وراك وتخليني بنص النار لو هاي خطه من خططك تتقربلها علمود تحبك وتتعلق بيك وتريدك وتعاي ازهار ارضي بالأمر الواقع ورجعي ل هشام علمود بنتج لخاطرها والله مريضه ومن وهالسوالف التعبانه الشبعت منهن.
باعي تفكيرج وين واصل ليش اذا تريدين ترجعين بس علمود بنتنا مو علمود حُبنا.
اني وين وأنت وين وبعدين يا حب تحجي عنه بابا أصحى ماكو حب.

بعدج تحبيني!
لا نسيتك من زمان
لا بعدج تحبيني وتاركج على راحتج
باي
باي راح أوصل جهزيها
ماشي
أحبج والله
قطعت الخط بوجهه وعصبت باوعت عليها نايمه راسلت أسيا اكولج هذا اجه يجي يشوف بنته شلون
ً أي شگو بيها بنته ومن حقه يشوفها قابل تحرمينه من بنته
منو حارمه من بنته على كيفج عيني
أني والله علمودج وعلمود بنتج خطيه لعد تأخذين رافع احسن ترجعين تعلعلين أنتِ وياها مره ثانيه.

هم رجعتلي على رافع وتالي اني أخلص من هشام من رافع سليمه شصير متكوليلي وهسه أخواني شگول الهم اذا أجه هذا عصام ساحب عليه ادري بي يدور ورا ابن عمه رافع افندي
ماطول تعرفين أخوج راسم جنيته على?افع ليش تعذبين هشام وياج ويوميه مراسلج من حساب وتحظرينه وهو مبين يحبج وما ناسيج وسبحان الما يغلط انطي فرصه وشوفي وأنت هم تعرفين بنفسج بعدج تحبينه.
لا ما أحبه
عليمن تجذبين ازهار.

أسيا سدي موضوعه هسه فهميني راح يجي شلون
خل يجي بنته شگو مكبره الموضو?
ها
أجه اخوج يحجي على التلفون أعتقد هشام
اوك اكوم اكعدها واجهزها هسه تتنحس عليه نهيت المراسله وياها كمت كعدتها وكامت تبجي ودز رساله
اني بابكم وصلت وخابرت أخوج بلغته
ماشي شلتها ونزلت وطلع عصام وباوعلي بنظره كأنما يكولي تتواصلين وياه أستغفر الله وأتوب اليه سكن الشك ب?أسه شيخلصني عاد.

فتح له الباب وأستقبله واني بالصاله شايلتها وافتر دخل اخذها من حضني وهي تبجي وادفع بي طلعوا باوعت عليهم من البرده واكف وشكله ضعفان وعيونه ناحية الباب شافها وعصام نزلها ضلت تباوع اله ولزمت ايد خالها بخوف وختلت وراه وهشام يتقرب بهدوء وفاتح أيديه ويحجي وشوي شوي تقربلها واخذها بحضنه وحضنها شالها بإيده ومتمسك بيها وهي سگتت وهادئه وبالعاده هي ما تريد اي احد عداي ومر وقت وهي بحضن ابوها وصفنت بوجهه وتلعب بلحيته وشواربه واني ابجي على منظرهم معقوله عرفته أبوها معقوله القلب دليل وعلمها بإحساس هذا أبوها معقوله ياربي...

ضل وياها كعدوا بالحديقه وعصام اجه يتمشى مسحت دموعي عالسريع ودخل هو نظرلي بنظره سريعه وعكد حواجبه مشيت سريع وحجه بعصبيه
عصام سويلنا چاي
أزهار اي هسه مشيت المطبخ واجت امي وكف وياها ويحجون كملته وصبيته واجتي اسيا اخذي اله
أسيا اي عادي شبيج عيونج حمر صايرات دم
صدك والله عزه شكد عيب عصام شافني
يله على أساس ما يعرف.

أسيا اخذي الجاي مو وگتج هسه اخذت الجاي وراحت وكبل طفرت الغرفتي استحيت وشفت مروان طالع من غرفته جانت اسيل راجعه البيت ضليت بغرفتي للمغرب يله جابها مروان تضحك وبإيدها لعابه والعاب نواعم وفرحانه بيهم! ضليت أباو? الها مستغربه هي طفله شمفهمه هذا أبوها
مروان البربوك سگتت يم أبوها ويمنا تعيط عيطه تشيل عرب كامله تكول أسعاف.
أزهار تعاي ماما دخلت الغرفه ومروان صفن بوجهي شبيك تباوعلي
مروان لا هيج.

أزهار عافني ونزل وحسيت لاهيج بيها هواي كلام بس أجله او يمكن الوقت مو مناسب يحجي وياي.

تجاهلت گلشي ورجعت يمها وشاركت باللعب وياها وايام مرت اني مكابلتها وكاعده واخذها المركز وارجعها صح تتنحس وتشلع الگلب بس ما تطول وهشام صار يجي عليها للبيت طبعاً اني ما التقي بي أخواني يأخذونها اله بالحديقه يضل يمها ساعه ساعتين ويروح وشوي شوي صا? يأخذها وياه الى ان وصلت مرات من الصبح للعصر يله يجيبها خاصة بإيام العطل لأن العرفته هو متعين مدرس أنكليزي.

وهذا القرب لابنته ما مرتاحه اله صح هي تحسنت شويه صارت ما تعاند وخف الحمل عني بس أخاف تتعلق بإبوها وبعدين تعاي رجعي لخاطر من خاطر وتعاي أزهار أنسي كل الأذيه الشفتيها بسببه.
دزيتله رساله وأني ابجي كتبت اله شوكت تجيبها مو عبالك تريد تأخذها مني گبل أتصل ورفضته
هشام جاوبي ياعيني يا بعد روحي جاوبي.

أزهار عوفلي الأتصال گبل تتصل عاد شكد أحب أسمع صوتك خلينا على المراسله وبخصوص بنتنا وبس ما تعبر حدودك ولا بحرف وياي
أمري إلى تريدنه يجرالج
شوكت تجيب لي بنتي
وبنتي مثل ماهي بنتج وصدكي جاي أحاول أكفر عن ذنبي بحقها واني أبوها أزهار وظلمتها مثل ما ظلمتج واني السبب بمرضها وحالتها النفسيه كلشي اني المذنب والمسؤول عنه
زين أعترفت بذنبك
أنطيني فرصه مثل ما بنتي أنطتني فرصه طفله وفهمت أبوها أنتِ ليش ما تفهميني.

أني مو طفله تضحك عليه بلعابه وجبس وطلعه مدينة الالعاب
عمي مو طفله
شوكت تجيب بنتي
بالليل
ليش بالليل
ترة العصر أخذتها واليوم عطله
مشكلتك جيبها هسه اريد اطلع ويه مرت أخويه أشتريلها ملابس
أني اليوم اشتريت الها ما يحتاج
باي
الله وياج حبيبي عفته وضليت أنتظرها لليل جابها مروان بس تبجي ورجعت لوضعها الليل كله ما سگت ثولت أهلي كلهم خطيه رايحيين جايين عليها.

وصرت أخفف رواحاتها يم أبوها علمود ما تتعلق وتشلع گلبي وبدال ما تطلع ويه ابوها لو مجد لو عمار لو مروان يأخذونها مدينة العاب.
وأستمر الحال الى أن...

أسيل أيام مرت والحمدلله حياتي مستقره ماكو مشاكل وهدوء وشفت راحة عظيمه وحتى نفسيتي تحسنت لان ماكو نكد ونك وزعل وقال وقلت ابتعدت عن هالسوالف وأشتريت راحة بالي انه أتقبل كل واقعي بحذافيره واحمد ربي واشكره على نعمته ومروان وأهله نعمه عظيمه الله عوضني بيهم بس مع ذلك صا?ت مشاحنات وخلافات بينا بس يبقون أهله وصاروا إلى أهل واني ما عندي أهل ورجعت قويت علاقتي بيهم حتى أزهار وأكتشفتها فد حبابه وتنحب بالمعاشره تبين نفسيتها والحنيه تداوي وتطيب الخواطر...

نايمه على ظهري يوجعني يمكن من الصعده والنزله ومروان نهار كله يحجي عليه واني ما أتوب لان فرحانه بروحي وبالحمل وأندك الباب كمت من مكاني فتحت الباب ها مجد
مجد أمي تكول خل تنزل تتعشى لو تنتظر مروان
أسيل لا وين اني جوعانه هسه أنزل
وتكولچ إذا نزلت تحسب حسابها بعد ما تصعد الأ يجي مروان
تمام عيني انت شوكت تلتحق.
يومين نوب رجلي توجعني عمار كسر عليه بالطوبه.

تمام ما عليك غير العافيه نزل وأخذت علاجي وياي ونزلت لكيت ازهار واسيا يتبشبشن بينهن بسس
أسيا عززه بعينج جفلتينا عبالي قوات الخاصه
ليش هل من مصيبه!
لا يمعوده بس اكو سالفه مدوختنا هسه اخوج حارث أجه أهنا ونفهم منه
حارث أهنا أروح أشوفه
وين موليه موضو? خاص يحجون بي أحتمال راح
ليش شكو شصاير عيني أحجولي
أزهار هسه خل نتعشى ونحجي بغرفتي
أسيل تمام براحتج لعد، اسيا اگولج سويتلي فطر مشتهيته.

أسيا اي عمار شواهن ونصهن اكلهم
أسيل ابو بطن ولا يشبع
أسيا لا يسمعج حتى وحده ما ينطيج
أسيل والله عاد يسويها
أسيا يله هاج أخذي فرشي السفره.

أسيل فرشت السفره ورتبتها الخضروات والسلطه والطرشي غزل صايره زينه خطيه وفرحانه بروحها وتفتر من واحد لواحد تنقل بالخواشيك وطكطك راس عمي بالخاشوكه وهو مجاريها باللعب ومن يرفع راسه تخرب من الضحك ويرجع يحضنها ويبوسها وكعدها بحضنه وجود تضرب بي وتغار من غزل وعمي خربان ضحك عليهن متعاركات عليه.

كعدنه كلنا وعمار اجا شايل شيش مليان فُطر شوي ومجد وراه شايل طماطه شوي وباذنجان وازهار جايبه الفلافل واسيا وراها جايبه كفته شوي كلش تعرف تسويها اني كل ما اسويها تخرب عندي رتبنا السفره وأجتمعنا وعما مقابيلي وانطانياه
عمار عود انطيني منه
أسيل هو انت شمخلي بيهن
يمه شوفي جنتج مو اكولكم ابن مروان واحد جوعي شوفوا قبل كانت كل ثلاث أيام تأكل مره هسه بس عوزه ما تاكلنا
حط عيونه ورايه لا شبعت.

كمال بابا اكلي ما عليج منه هذا امه من حبلت تنست بي حنظل مر ما ينجرع
عمار خلف الله عليك يابه ما تصدك احد يجيب طاريه انوب حنظل لا هلأ
أسيل گُلنا ضحگنا ورجعنا ناكل بواهس بس صوت طكطكه الخواشيك غزل تلعب بيهن وفرحانه وامها صافنه عليها ومبتسمه كلش ملاحظين تحسن وضعها والتلفون عالميز رن مرتين
ازهار مجد حبيبي بس من يمك جيبلياه.

أسيل راح جابه واجا رافعلها حواجبه اخذته منه والمتصل هشام انطته صامت وعمي غلس وعمار يغمز
أزهار على كيفكم تره مو مهم
عمار يابه واحنه شحجينا أنتِ وحدج لونج انخطف
وصال عمار فضنا عاد
أسيل سكتنا وازهار بلعت ريگها وتباو? لعمي اخاف لاحظ لان حيل تستحي منه ولو هو أبو بنتها وشيء طبيعي يتصل يسأل? بنته.

. كملنا العشه ولمينه المواعين وصبيت جاي وكعدنه كلنا نشرب كاعدات يمي كل وحده من صفحه اسيا ايدها? بطني تريد الطفل يتحرك اني
نعست اكوم انام احسن ورايه دوام تعبت اكول انتن مو كلتن نكعد بغرفه ازهار وتحجلي شصاير.
أزهار هسه دقايق بس اكمل مراسله وروحن لغرفتي هسه اجيجن
أسيل خوما الموضو? أجه بي حارث
أزهار أي بس أصبري
خير خوفتني شصاير يمعودات وكعتن گلبي
لا لا تخافين عيني ماكو شيء يلا امشن.

ماشي كمنا أني وأسيا وراها هي راحت قبلنا عمتي ضلت كاعده ومجد نايم? رجليها وعمي يتابع رياضه وهو وعمار مندمجين ويحللون طلع عمي رياضي وسياسي بس لاحظت على عمي طول الاكل هو أباله سالفه ودايخ مشينا دخلت لغرفتها غزل نابشه الكنتور وكاعده بنصه لج طلعيها شمسويه بملابسج
ازهار لا دخيلج عوفيها? راحتها هسه تكوم تنك وتبجي عليه شيسگتها تثولني والله خليني بارد?أسي
أسيل أها تمام أي خوفتني دحجن شصاير.

أزهار والله ما ادري شحجي بس هناس يمكن راح تتزوج كايله لاخوج يبلغ ابويه وشنو ردة فعله
أسيل أي وشصار
أزهار والله أبويه كاله جان أستحت ماخذينها بالعين الجبيره ما صدكت تخلص عدتها محضرتلها واحد وتتزوج خل تصبر بينما تكبر بنتها
أسيل ووووي خطيه
أزهار هسه خل ارطن
أسيل درطني يلا
أزهار المهم ابويه تعصب فد مره لو شايفته شصار بي حيل أنفعل من سمع قرار هناس وتتزوج بهل السرعه الصراحه صَدمتنا كُلنا.

اسيا والله عصام من زمان كال هناس تزوج ماتضل
أسيل وتلوموني من احجي
أزهار الله لا يلوم إلى يلومج بس مو هنا المشكله ابويه يكول تريد تزوج خل تزوج محد اله سلطه يمها وهاي حياتها من حقها بس البنيه تربى يمنا وبحضن أبوها وأصلاّ مروان ما يوافق تربى يم رجل إمها
أسيل أي بس تره طفله حرام علينا بعدها صغيره واكيد متعلقه بإمها شُنو ذنبها هي خطيه.

أزهار حبي أول تالي مردها لحضن ابوها قابل تربى يم رجال غريب وإذا بعدها صغيره خل تتنظر لما تكبر شويه ولا تتسرع بقرار الزواج وتتزوج مثلي وترجع مطلكه وتأكل طن وحل
اسيا لا وين سمعت متقدملها قاضي وهي گبل موافقه عليه
أزهار توب أمورها جيده
أسيل تدرن دخت والله ما أعرف شحجي مروان يدري لو لا
أزهار لا ما يدري محد گايله ولا تكولين أله خليكم مرتاحين ما صدكنا? الله صفت اموركم ولو أول تالي يعرف بزواجها الخبر ما ينضم.

أسيل اي شيء أكيد يعرف وجاي نحجي وجفت علينا جفلني ولزمت گلبي بخوف
مروان شلونكم شنو هالاجتما? المغلق
أسيل هلا حبيبي اجيت من وكت
مروان هلا عيني شلونج
الحمدالله اصعد أروح أحضرلك الحمام
ما يحتاج كلبي اني اسبح وانزل بس حضريلي العشه.
ماشي عيني أنتَ طلعت من الغرفه وأسيا لحكتني دخلت المطبخ أحضرله العشه واجتني أسيا
كعدي عيني اني احضره لا اتعبين روحج
أي والله عليه ظهري موتني
ام الولد حبالتها بظهرها الله يساعدج.

كعدت على الكرسي وهي حضرت العشه ومروان نزل كعد وعمار اجا جايب علاكه وزع للكل كرزات وحلويات وإجا يمي خله العلاكه بحضني وحدي هاي الي
عمار لا تطيرين? كيفج عندي مصلحه احتاجج بمهمه صعبه عليه
أسيل مروان ياكل ومنتبه عليه كعد يمي يحجي بهمس ومروان حاط آذانه
مروان دكول فضها شعندك
عمار كول للوالد يسويلنا جلسه خارجيه بالحديقه مغلقه
مروان شتسوي بيها مو اكو أستقبال.

عمار لا يمعود جلسه مال شباب گوله بلكي يوافق سوالف نعيط نصيح محد يسمعنا وهم بعيدين عنكم شويه اخذ راحتي وما أروح لبيت عمي.
مروان كول لعصام هو سياسي الوالد يسمع كلمته
عمار ليش ما اسيل تكوله هم يسمع منها
مروان أنت تروح وترجع? مرتي تريد تسويلي مشكلة عمي ما ناقصين
عمار الله عليج وافقي هالمره طلبت منج وعد شتطلبين إنفذه الج ودوامج اني يوميه اوصلج بطريقي من اروح لدوامي.
أسيل إنقهرت مروان خل أحاول.

مروان كيفج يابه امشي كوليله مدام
أسيل شكراً رحت كعدت يمه كتله عمو اجيبلك جاي
كمال غردي غردي حاط بالي يمكم بس ما سمعت شتحجون
أبتسمت عمو عمار يريد جلسه خارجيه بالحديقه مغلقه مال كعده شبابيه يشوفون بيها اللعبه
ودزج عليه مو
اي عمو كال كلمتج ما تصير اثنين واذا رديتني يعني يطلع صدك أنتَ ما تريد خاطري بعد ضلت يمك عمي شتكول
هذا هو يبلغ عصام ويبلش بيها
مشكور عمو
لخاطرج ولو هو أكبر لوتي.

أسيل ابتسمت بفرح ورجعت عليه كتله صار بس باجر اني ما اداوم ادبرلك حجه تاخذلي اجازه
عمار سهله يابه سهله خليها عليه
مروان عيني شيلي الصينيه وجيبلي الجاي
عمار افا عليك تخليها تشيل الصينيه واني موجود
أسيل كعدت يمه ايدي? رجله وصافنه عليه
مروان مرتاحه حبيبي
كلش لدرجه ما تتصور شكد فرحانه
الله يدومها گلبي.

امين وخطيه عمار جاب جاي لمروان وكلاص عصير إلى الحلو بي كلش خدوم وطيب بس مرات يغث شقاه ثكيل ولسانه حلو مروان اخذ الجاي وشربه تمدد واني يم راسه العب بشعره هو يكلب بتلفونه يتصفح بالفيسبوك وأندك الجرس مجد كال
مجد هاي هناس وامها واختها
مروان أفتح الباب ودخلهن
أسيل أبداً ما جان مبين عليه الأستغراب او اي شيء يدل? معرفته وأزهار وأسيا باوعوا اليه وشويه.

دخلت هناس شايله بنتها مجد اخذها منها يلاعبها وإجا عمار هم واخذوها يشاشولها وهي تناغي تصيح اغو فدوه اشتهيت اكلها اعتقد داخله بالخامس لان هي صارت ويه حملي واني هسه نص بالخامس شكلها حلوه كلش وسمينه مدبدبه تنكرط، تقدمت
ازهار سلمت عليهن اني كمت سلام عادي ماردت أبين شيء.

عمتي اخذت البنيه منهم وسلمت عليهن عمي كمال وجهه ثكيل بس رد السلام وما حجه شيء هناس تمسح بوجهه بالكلنكس توترت وكعدت عالتخم وامها كعدت يم عمتي ايفين واكفه يم اسيا تحجي وياها.
ومروان ولا التفت ولا أهتم لوجودها وهي كل شويه ادير عينها على صفحته واني رجعت المكاني يمه هو متمدد ولابس الوضع
ام هناس عيني احنه جايبن عليكم بموضوع ياريت تتنبهون النا ابو سيدرا أنتَ ويانا
وصال أتفضلي عيني
أسيل عدل گعدته وباو? الهن.

ام هناس خل بنتي هي تحجيلكم الموضو? أفضل
هناس أعتقد اني مبلغه حارث يُكول الكم ويبلغكم لأن ما ردت أتصرف من غير من ابلغكم تبقون أهل بنتي
كمال أي نعرف كلش زين واجا حارث وبلغنا كلشي
هناس أي دامكم عرفتوا شمنتظرين ليش ما ترودلي الجواب
وصال هناس ماما عيب اعتقد اذا طلعتي من هالبيت ومن ذمة مروان ما يصير هيج تحجين ويه عمج.

هناس عمه اني ما قللت أحترام وياكم وهالشي من حقي اتزوج واعيش حياتي وما مجبوره أتحمل ضريبة أفعال وأخطاء وقراراتكم إلى ادت الى فشل هالعلاقه وتالي طلعت منها مطلقه.
كمال لاتحملين أحد ذنب وكلشي إنتهى من صالحج وأنتِ بنفسج أنسحبتي محد جبرج ولا أبني راد يطلكچ هذا قرارج وهو وافق عليه لأن أنتِ طلبتي الأنفصال.

هناس هذا الكلام كله ماله داعي نحجي بي بالنسبه اليه صفحه وطويتها من حياتي المهم الموضو? وما بي أختصره وما أريد اطولها عليكم اني متقدملي شخص واني ما ناقصني شي حتّى ما اتزوج وحالياً المشكله الوحيده بنتي ما أريد افاركها
كمال تكدرين تصبرين سنتين البنت بنتج ومحد يأخذها منج وتبقى عندج حق رضاعتها وحضانتها صح لو لا وأنتِ القانون أشرحيلنا.

أني ما راح اتعامل وياكم بصفتي محاميه ولا ادخل القانون والمحاكم بينا لان عيب عليه واني بنت أبويه يطلع مني هالتصرف غير لأىق بحق أهل بنتي اني أكبر من هالشيء بس اكو حلول أقترحها عليكم أتزوج واخذ بنتي يمي أربيها تبقى سنتين هاي أضعف الحالات بس من حقي تبقى بنتي يمي لحد دخولها المدرسه يعني تكمل عمرها سبع سنوات.

كمال وليش ما تبقينها يمج سنتين حق الرضاعه وبعدها تزوجي وشوفي حياتج محد مانعج بابا على اقل تنطين حنانج لبنتج.
هناس وليش ما أبقيها يمي واني متزوجه ليش معارضين فكرة الزواج بوجود بنتي اظن هذا حق والحق ما ينزعل منه مو صح عمو.
كمال ما اقبل? هذا الزواج بوجود طفله!
شلون عمي حقك حق وحق الناس باطل ليش من ازهار تزوجت اخذت بنتها وياها يم شاهين اشو ما حجه هشام لو لان فقير شمعنى? مروان يحجي ويعارض? بنته.

لأن هشام ما متزوج وما عنده بيئه خاصه لبنته ولان هشام جان يريد خاطر أزهار وما راد يكسرها بنتها وما حب يحرك گلبها
بهذا كلامك أنت دتكولها عمي يعني اني الظلمت نفسي وتعاقبوني بنتي مو هيج
محد معاقبج اذا اليوم واذا بعد سنه أنتِ راح تتلوعين بيها ليش تصعبينها? نفسج وهي بنيه مستحيل اخليها تربى عند رجال غريب ويكون إلها أب بدال مروان لا احنه نقبلها ولا غيرنا وأنتِ محاميه وأعرف بهيج مواضيع.

بس هاي بنتي شلون تردوني أعوفها ونفس الوقت ما تردوني اشوف حياتي تعاي ضلي عيشي على ذكرى مروان
محد مانعج تكملين حياتج وتتزوجين يا بنتي بس كتلج وضحتلج كلامي ما اظن ما فهمتيني.
لا عمو فهمتك مروان عيني أبو سيدرا احجيلك حجايه
مروان والله أن تزوجتي وإن ما تزوجتي ما يهمني اليهمني بنتي وبس إذا هلكد مستقتله روحج على الزواج خلي البنيه يمي وأتوكلي الله يسعدج بحياتج.

ماشي يجرالك خليها يمك واني كل فتره أجي اخذها يمي وأشوفها وارجعها ألك.

أيباه هسه ثبتي نفسج شكثر أنانيه وأساساً أني ما انتظر حضرة جنابج الكسيف تجيبنها اني اجي اخذها مو ناقص غيره حتى زوجج يربيها تريدينها تبقين لحد ما تكبر توصل العمر تجي يمي تريدين تزوجين شوفي حياتج محد مانعج خلي البنيه واتوكلي واني ما احرمج منها واسيل تربيها وتعيش ويه اخوها الجاي بالطريق وما تحس بالنقص واسيل إذا اني حسيت بحنيتها حنيه ام تريدين بنتج ما تحبها أطمني من هالناحيه راح تعزها اكثر من خلفتها حتى.

ماشي هذا هو
عجيب أمرج حتى ما قاتلتي علمودها ما تعبتي روحج حتى تقنعنينا ما كلفتي نفسج حتى تكولين مو من حقكم هالشيء ولج حتى قانونج ما مارستي يمها
بهل السهوله تتنازلين عن بنتج وتتخلين عنها.

مثل ما تنازلت عنك أتنازل عن بنتك وأعتقد زيارتي خلصت واني طاقتي خلصت وياك ما حاجه المجادله بالنقاش وأول تالي تحرك گلبي بيها فالاحسن اتعود? فراكها من البدايه وهي طفله صغيره احسن ما اتعلق بيها وتالي تجي عالحاضر تاخذها من حضني وتخليني أتلو? وراها وكثر الله خيركم? گلشي...

أسيل باوعتله بنظره تكسر الخاطر وهو نزل?أسه ومشت وعافتنا بهول صدمه بس شبكتها وطولت بحضنها باستها بقوه ودمعتها على خدها بس بكبرياء وطلعت سريعه وتهف بجنطتها وكعبها وأمها وايفين يحجن عليها.
ايفين هناس اوكفي هناس ولج طزز بالرجال والزواج عندج وضيفه وحياتج مستقله شون تعوفين بنتج هاي قطعه من روحج
هناس محد يموت وره احد جان أني متت ورى ابويه شتسويلي قابل دخلني للجنه.

أسيل كان العذر اقبح من الذنب البنيه تباوع بالوجوه وتصرخ وهناس مشت واخذت امها وراحت وايفين تتلفت واجتني
أيفين امانه الله اسيل لخاطري ديري بالج عليها
أسيل ما يحتاج عيني أخليها بعيوني باستني ولازمه البنيه تبجي عليها اكول أيفين فدوه باجر ما عدنه شيء أخذيلي اجازه امسح بدموعها وتبوس بالبنبه وتبجي.
أيفين ماشي عيني لا تجين اهم شيء سيدرا ديري بالج عليها فدوه لعينج حني عليها أنتِ هسه صرتي أمها.

أسيل خلتها بحضني ومشت حضنتها وأبوس بيها
صدقه لربج اويلي شون دبدوبه عمي كمال اجا عليها اخذها مني وخلاها بحضنه يبوس بيها والكل ضاجوا من تصرف هناس وصدمتهم وخلتكم مذهولين بيها
مال هسه اطكها بهلهوله واتشمت بيكم على هالقهر هذا واجت اسيا خلت ايدها? جتفي
أسيا أكولچ مو عبالك نفخنا هناس هواي هواي وطكت علينا الصراحه مصدومه جداً مصدومه.

أسيل تستاهلون حتى تعرفون معدن الناس ماكو محامي? نياته كلشي يسوي دارسه ليكدام ويحسب حساب لكل خطوه يخطيها.
أسيا والله انغشينا بيها شفتي الاسلوب جنها القاضي دسم حتّى باعتنا بسرعه
قابل باجه حته دسم
اكلج أنتِ سالفتج ويه الباجه من الصبح كعدتي وتكولين طابخين باجه وهسه أجتي الباجه على بالج
بشرفج وصيهم? باجه باجر
ميخالف اوصيهم لايروح يطلع براس الولد كراع.

ضحكت وباوعت على سيدرا تبجي بحضن عمي ويسكت بيها وعمتي وصال تبوس من إيديها ومروان صافن عليها بنظرات حزن وأسيا گالت
أگولج هاي هناس اشو لا ملابس لا حليب لا ممه شترضع يا حليب شنو نظامها منو يداريها.
والله ما أعرف دقيقه خل اراسل ايفين
راسلتها كالت
أيفين نص ساعه اجيب كل أغراضها بس السرير تركيب ما ينشال عود غير مره
أسيل تمام عيني أكولج ممين اجيبلها كاروك سرير.

أسيا عندي مالت جود جنت من اروح اخذه وياي لاهلي لان متعلمه عليه هسه اخلي مجد يصعد الكم اني اروح انوم جهالي أنتِ افتهمي عليها حليب شكد ترضع شراب شيء كلشي دققي تره مسؤوليه صعبه نوب يدورون الزله عليج فتحي مخج وركزي
تمام عيني راحت واني عيني عليهم وعلى مروان شويه واجت ازهار
أزهار هلاو هلاو تطورات وكذا هسه البنيه صارت الكم.

أسيل والله ازهار عجيب لو بزونه مخلفه هم متشمر بنتها هالشمره بعده صغيره خطيه شوفي شلون تبجي وتريد أمها
أزهار اي والله الله يهدي النفوس شدعواها هلكد مستعجله على هالرجال خل بنتج تجمد شويه.

أسيل ما حجيت شيء وازهار اخذت بنتها وسيدرت كامت تبجي فد مره صارت صوتها شال البيت اخذها مروان من حضن عمي وعمتي ويفتر بيها ويريدها تسكت ما تسكت وتصرخ عيونها صارن حمر وتباوع بالوجوه وتعيط ومروان شمر جكارته وجفص عليه وصاح بعمي كمال بعصبيه
مروان هذا شغلك يابه هذا شغلك استلم.
كمال أبني مروان كافي تحرك بروحك وأعرف اني السبب بس شسوي حجيت وياها والكلام صا? كدامك
مروان عليمن أحرك بروحي غير على هالطفله.

أسيل أخذتها عمتي وصال وخلتها بحضنها وتفتر بيها الى أن تعبت وهدأت ونامت ومروان كاعد على اخر باية الدرج ويدخن المساحه اليمه تخنك
مروان اذا نامت جيبيها خل نصعد.

أسيل أنتظر اغراضها ما حجه شيء تقرب عليها يبوس بيها من?اسها وأصابعها وهي نايمه وعمتي باسته من?أسه وتبجي ومروان كام مثل الواحد ظهره مكسوره على بنته كطعت گلوبنه بصراخها خطيه واجو مجد وعمار شايلين السرير وياه دوشك والجرجف واغراضها هواي كومة شغلاتها وكل ملابسها صعدوهن بالصاله سوينه الها الحليب وعمتي رضعتها واخذتها يمها وضلت اليل كله يمها اني صعدت ارتاح لان تعبت ومروان نزل على صوتها بعد ما صعد للفجر هو ماكو نزلت شفته يفتر بيها بالصاله ويبوس بيها من كصتها تقربت يمه ها شلونها.

مروان تنام ساعه وتبجي ساعه وعلى هالحال
أسيل خطيه بعدها صغيره وتريد أمها ما جاوبني اخذها وصعد فوك وطلعت عمتي وصال
وصال ها وين مروان سيدرا نامت
مروان اخذها وصعد الغرفه
وصال يله بلكي تنام اوكفي اصعد ادور بالمخزن جانن اكو ملابس ل هناس!
شتسوين بيهن عمه
خطيه بلكي تشم ريحة امها لوتشوفينها الليل كله تباوع بوجهي وبوجه ابوها وتصرخ ادور على أمها.

ها عافتني وصعدت فوك ادور على ملابسها وتالي اني هم صعدت لكيته منومها بحضنه ونايم بتعب ودخلت عمتي شافتني بيدها شال هناس وضمتها ورة ظهرها مثل الأستحت.
لا ما حاجه دامها نامت بحضن أبوها خل تتعود على ريحتة وأنتِ هم نوميها يمج وتتعلم عليج
ماشي عيني عمه بعيوني أخليها والله
ادري بيج عيني بنيتي يله اني نازله وأنتِ هم نامي بصف زلمتج وأرتاحي تعبتي ومروان مو يمج الليل كله عايفج.

لا عيني عمه خطيه غير مكابل بنته والله كاسره خاطري.
يله اني اروح
والشال
يا شال
شال هناس
لا ما جاحه انوب تشمين ريحة هناس تنكلبين عتوي على مروان غير تشمرينه من فوك
ضحكت وهي هم ضحكت وطبطبت على كتفي بحنيه وراحت ورحتلهم نمت بصفهم بهدوء ومر وقت هواي والشمس داخله من الشباك والدنيا صبح كمت لكيتها كاعده وساكته الحمدلله ومروان يدخن جكاره كمت غسلت واجيت شفت ملابسها حبيبي
ها عيني.

راح أرتب بملابسها بخانه فارغه بينما تجيبلها
رتبي سوي اليعجبج حبيبتي
تمام حبيبي رتبت ملابسها والسرير مالتها هم وكامت تبجي ومروان فز عليها شلتها وافتر بيها وغيرتلها حفاظتها وغسلتها وغيرتلها ملابسها ورضعتها وتباوعلي واضحك واسولف وياها لحد ما نعست ونامت وخليتها بالسرير بهدوء وبكل حب
غفت ونامت فد فقيره تشبه مروان نسخه حتى راسها راس مروان رحت بصفه وقربني اله وباسني.

مروان أسف لان بيوم ظلمتج ما جنت اعرف راح انخذل بهالطريقه.
أسيل مو مهم حبيبي المهم بنتك متفاركك وهذا الاهم.
أحبج الف مره من تحبين بنتي
قطعه منك ونسخه منك وما احبها بس مروان الله عليك احلفك بشرفك وغيرتك ونخوتك وكل غالي على گلبك
شنو شبيج كولي لا تخوفيني
خل اشفط نفس جكاره
لا هلا من هسه اشفط واسحب يا حكم اول يومين وتشرب بدال الحليب وسكي
مروان
شلون تخليني ابتلي بيها هسه وهي تتنعوص ولا نوب تريد نفس جكاره.

الله عليك اشتهيتها
خرررب هاي ما تسكت الا تجلطني
الله عليك حباب يهون عليك زعلي
لا أبداً هاج
شغل جكاره وسحب نفس وانطانياها
اسحبي نفس بس لا تبلعينه تره تختنكين
أخذتها وسحبته ونفخته مال واحد خبره بالتدخين خليته صافن عليه انوب اخذت نفس ونفخت الدخان بوجهه اختنك خليته يكح وسحبها مني
اي يا لوتيه واني كلت هسه تمو? براسي وتختنك والزمها طلعتي فاينه
تربايتك حبيبي
الا اني هيج مربي ادبسسزيه وما ادري.

كلش كلش اكولك اشو اليوم بارد كل احساس ماكو ما تكول هاي مرتي جاي من الدوام ابوسها احظنها حجاره شجاك يحظي
ولج هذا السانج اكله ينعل بليسج.

لزمني يعضني من زندي واني ادفع بي ويدغدغ بيه وحريص من يم بطني غفيت على بوساته وحركاته الناعمه اثر هدوء سكن روحي بمحبتة طافت وعانقت شوقي لحبه وحرصه وحنيته الطاغيه نمت شويه وكعدت على صوت سيدرا تبجي كمت كوه افتح عيني شفتها تبجي خليت ملهيه بحلكها ورحت سويت مميه واجيت انطيتها ترضع وتشهك اخذتها لحضني اسكت بيها اشو عافت الممه ونامت على صدري نمت بحضن مروان انطيته ظهري وهي? صدري نايمه وضلت مجلبه بثوبي وكعد وهي بحضني ما تبجي هي شافته وتضحك.

مروان شلونهن نسواني
أسيل مروان عجيب بنتك شكدد نشطه ما شاء الله شوف شون تضحكلك شلون مجلبه بيه شتكول تعلمت عليه
طكيها ليزر طكيها
? كيفك شطك منها كتلك نشطه الحمدالله
بلشي بلشي نتريك مشكله
لا حبيبي شجايني? سالفه تافهه اتعارك ماتسوه بسته من خده وكمت شلتها بدلتلها الحفاظه ورصعتها وخليتها عالسرير يمه تلعب رحت سبحت ورجعت وهو يلاعبها.
أحلى صباح مر عليه
عود جيبلها غرفه ألها
تمام حبيبي أوامر ثانيه.

سلامتك يعمري يلا اسبح حتى تنزلها وياك اني ثكيله عليه هيي شويه سمينه اخاف عالجاره لا تنفطر هي من غير شي نازله.
ماشي حبيبي
راح يسبح واني تمددت يمهغ الاعبها واناغيلها وهي تجرجر بشعري نفشتني نفش واضحك وياها
كمل ونزلنا خلاها بحضني وراح على جود وجانت الساعه ثامنه صباحاً كاعدين ولكينا عمار هو وجنطته متحضر لدوامه.
عمار اويلي راحت ايام الخير بعد حسره عليكم النومه.

وصال يلا أسيل بنيتي تعالي تريكي يلا مروان امي تعال عوف جود اكلتها
أسيل اجا شايل جوده وكرم يجرجر بي يريد يشيله
عمار صاير بكد المطي يريد واحد يشبله تعال عمو انت معوز حنان هذا ابوك عايفكم وحايرلي بالرتب والمناصب صاير جدكم كمال نمبر تو
أسيل اخذه شايله ويفتر بي بعده نعسان وطلعت اسيا شايله الشبشب ادور وراهم وعصبيه
أسيا خرررب كرم اليوم الا ابسطك موبايلي شلون مخلي بدولكة الماي.

أسيل اجت تهف واخذتلها كفختين? ظهره ومروان يحجي عليها
مروان مخليه عقلج وياه غير عاندتي وما خليتي يحجي ويه ابوه كرم عفيه بزلمتي
أسيا اي خبله عليه خبله هو بدون شيء مجلوب لأن أبوه مو يمه الوضع صاير فالتوا عنده.
مروان عوفي خطيه فوك ما ابوه مو يمه صارله شگد ما نازل أنوب أنتِ عوفي هذا بحاميتي ومثل عمه يموت عالانتقام ياخذ حكه مربع عفيه بزلمتي.
أسيل صفنت على كلامه وصغرت عيوني واني حاطه اللكمه بحلكي.

عمار ولك مروان شنيت الحرب انت مااتعرف تسكت راح تنفتك عليك.
أسيل التفت عليه
مروان حبيبي ماكو شيء حجي عادي
أسيل عادي عمري اني هم غرامي بالانتقام وانت ادرى شكد گلبي قاسي
مروان أويلي اويلي تنكط خباثه
أسيل كمل ويوم وطلع ومجد اجا اخذ مني سيدرا خلالها بالكرسي واجت ازهار شايله بنتها كعدت بالكاع توكلهن أثنينهم واني كمت رتبت الصاله وطلعت اسيا نظفت واني شغلت الغساله وغسلت المغاسل طلعت للحوش عمه ام شامل ما تجي.

وصال بلي امي? جيه هسه بالطريق اليوم تخبزلنا ونسوي دولمه
أسيل ليش عمه مو على أساس باجه
رجلج يجيبها من المطعم احس امي اذا يجيبها لازم تنظيف لان عمج ما يحب الا احنه انظفها خل هو يجيبلج.
اي والله عمه احسن رجعت خابرته ها حبيبي
هلا روحي رايده شيء
اريد باجه
أويلي حكم طلع ضراب ثريد من اولها باجات تاليها ياكل اللشه بحالها
لا تحط عينك وره أبني ما أقبل
اتشهي يابه اتشهي
اي عبالي يلا مو تتاخرر قبل 12 تعال.

تمام عيني سيدرا شلونها خوما تبجي
لا زينه لا يضل بالك
الحمدلله يله حبيبي
ماشي حبي أنتهى الأتصال وأجت ام شامل عجنت وقبل الغده تخبز كملت العجين وعمتي واسيا يسون الدولمه ازهار اخذت البنات تلاعبهن هي ومجد سالتها شعجب ما مداومه
أزهار مالي خلك اريد اتفرغ لبنتي شويه وهذا هشام حته بالبانزين يطلعلي!
يااا
والله اتخيلي ببانزين خانه دخلت اخلي لكيته ورايه
يبوو شيريد منج.

اني ادري يريدني ارجع ليش بالهين وهذا ابن عمج مثل ابو غالب منبص نفسه مثل الحمصايه لعبها لنفسي قسم بالله فد واحد زعطوط ويراهق بنفسه
خرب رافع شيريد اشو مرته تخبل
ولج هما الزلم عيونهم فارغه شيترسها اتخيلي ذاك اليوم يكلي زلم معگله ما تاخذج مني
هذا يحجي عشره بالشهر
شتحجبن بالله اني وين وهذا وين حايره بنتي
تره احسها زينه.

لا الحمدلله جلسات دا تتحسن شويه متاقلمه ويه أبوها من يجي عليها وجهال عصام ونوب بنت مروان بلكي تتعلم دا ادردم بلكي تحجي
الله كريم تعبتج سيدرا
لا بس شكلها نعست تغفي
تمام عيني اخذتها ابوس بيها وهي خلت راسه على جتفي عمار اجا من الدوام اليوم جاي من وكت شعجب
عمار ماكو شي طلاب كلاوجيه ضاربين المحاضره واني هم فلتت
أسيل أنتِ شلون دكتور كلاوجي.

شرايحلج اجي بماده من موادج اخلي الماده تسلسينها تلس من كد ما اسهلها عليج
ها هيج تفتهم
والله اني ما احجي دخلي عاليوتيوب وشوفي الشرح والتعليقات شلون يمدحوني
صدك عندك قناة
اي عندي صارت 20000 متابع
هواي
ليزر مو عين هسه الكاها متهكره
ديلا عيني هاك سيدرا اخذها يبوس بيها وعفتهم ورحت يم ام شامل اساعدها بالخبز رغم ما رضت بس ساعدتها وعمتي لعبت لعب بيه تحجي ودردم.

وصال تريد تسويلي سالفه منو رايد منج يسويها نجف عليه مروان اذا صار بيج شيء
علي كيفج عمه ما سويت شي
ميخالف بنيتي الحذر واجب لا تتحركين هوايه? كد شغلتج وكعدي اقري انتبهي لدراستج
ان شاء الله عمه عفتهم ورحت بدلت ونزلت اخذت سيدرا من عمار اجا مروان أستقبلته وهي بحضني اخذها يبوس بيها اني جوه جتفه كال
الباجه بالسياره روحي جيبيها.

عفته ورحت لكيتها صينيه مسلفنه وياها علب مقبلات طرشي وبصل سماك وبطل ببسي اويلي اخذتها واباوع عليها اجا مجد طاير.
جيبي هسه يكومون يحجون علينا
اخذها مني واني اضحك تره حبلانه بطني مو بإيدي
هاي اوامر الوالده اويلي شلون باجه
دخلت وراه وكمل الغده وازهار كلبت الدولمه كلهم اجتمعوا عمي كال
كمال جماعه الباجه تعالو يمي اني ما احب التمن المكمط
أسيل هههههه ماشي عمو تدلل.

أزهار يابه واني صارلي ساعه امسح جروخ حتى تجي يمي تشهي الصينيه
كمال الباجه افرض بابا
أسيل اخذت الصينيه وكعدت يمه يفلس وينطيني اكل وناكل سوه وادينه دبكت هههههه تسالمنا اني وعمي والايدين مدبكه خربانين من الضحك عمار يصور بينا وعمي يحجي عليه
مروان تاك للمدبكين بالباجه
كمال مو اكسر راسك
مروان هههههه اتشاقه يابه غير ايديكم راح تلزك
أسيل فكينه المسلام وكملنا غسلنا ومروان شايل كلاص البيسبي فدوه لحبيبي.

مروان هاج اشربي بس لاتكثرين وبسرعه روحي لسيدرا بدلي حفاظتها طكت
ها تريد تخلص مني
دتطيري نوميها عالسريع تره مشتعل أهل أهلي من وراج
ليش بله
تسال عود بنت الاوادم أمشي نوميها واصعدي لا اسويج وصلتين
ليش تايهتلك داده
شلون تتمضيك واني كلبي متفتت من وراها
اخذت الكلاص شربته وبدللتها كوه سكتت بس تكنكن عمتي اخذتها نومتها واني صعدت لكيته مطفي الاضويه خيرك شو مطفي اريد اقرأ
تعاي بحضني عوفيلي الدراسه هسه.

تره حامل مو زين
واضح من التمضيك مالتج
تره اني متحارشت بيك ابد أنت دومك مشتعل واني أشتاقلك وحلالي
خرررب أنتِ لسانج ما بي بريك
شحجيت قابل غير اشتاكلك اني ما اشبع منك روحي بيك
بعد بعد غردي خل اتونس
هو انت نايم بالي بس اريد الزمك اكلك
أنتِ سالفتج كلها بالاكل احد كايلج اني لفه كص
شبيك مو داغازلك غير من شده حبي الك اريد اخليك بلفه واكلك
بعد بعد أنتِ لو تاكلين لو تغتصبيني
شنو افضل الك
بكيفج التحبينه حبيبي.

أخذني يناغم اوتار رقبتي بحركات دافيه وحنينه وأنتهينا بنوم عميق.
وتمر علينا الأيام والأشهر ونفس الحال دوام تعب من اروح للدوام اخلي سيدرا يم اسيا ومن ارجع اخذها يمي وسمعت من حارث هناس تزوجت الله يسعدها بحياتها وصرت أم لبنتها وان شاءالله أكون كد المسؤوليه وأعوضها عن حنان أمها فدوة لعمرها شحبها وتعلقت بيها روحي بيها الله يقدرني ما أقصر وياها...

وبيوم كاعدين كُلنا احنا النسوان بالصاله والولد وعمي كمال دخلوا الأستقبال ما أعرف كالوا اكوو موضو? يخص مجد!
أسيا الله راح يصير عدنا عرس
أزهار بعد وين خل نشوف تاليها الا بابا يوافق
أسيا وليش ما يوافق شهد تخبل شحلاتها مو شفتيها بعرسج وبعرس مروان اخر شيء شفتها بعرس مروان وهناس تكطع صح ناعمه وعبالك طفله بس محبوبه.
أزهار ما ادري الله يقدم البي خير
أسيا أنتِ أحسج ما تردينها لأن أخت رافع مو.

أزهار لا يبوه البنيه شعليها بإخوها ها يمه شو ساكته شتگولين موافقه عليها لا...
وصال خل نشوف أبوج شيكول والبنيه بنت عمهم وما بيها شيء شهد زينة البنات وأخوج طلع يحبها وقافل عليها الا هي.
أسيل يحجون بينهم وطلعوا وعمو يطبطب على كتف مجد ويضحكون ومجد يمسح بكصته متوتر ومستحي وعمار يهوس بفرح.
عمار شايف خير ومستاهلها شايف ومستاهلها.

أسيل كام يهوس وعمتي كامت تبوس بي وعصام فرحان وبهل الفرحه نظر ل ازهار ودقق وركز نظره ناحيتها حتى هي لاحظت وشالت بنتها تهربت منه
عصام خير البر عاجلهُ خل أبلغ?افع علمود بالليل المشيه شتگول يابه
كمال خابره خابره وهسه هم اخابر عمكم داوود
أسيل عصام طلع يحجي أتصال وعمي كذلك واحنه كاعدين فرحانين بمجد اللي صدمنا بقرار زواجه وحب وكذا طلع هم مو هين.

مروان طلعت الطلعات والكعدات والتعاليل بيت عمامي وراها صيده اي عمار وأنت ماكو منا منا اخاف تطلع تريد أشواق
عمار لا عمي اني مو هسه خل نزوج مجد ونفرح بي واني الله كريم لاحكين عليه الأ أشلع گلبگم على مرتي اني واحد ذوقي صعب الوجود
مروان دسكت أبو الوجود هسه بالأخير تأخذها زركه لان دائماً اللي يدور مواصفات يأخذ العكس
عمار لا هاي العايزه انوب زركه كول غير يمعود غير أعلن التوبه.

أسيل ضحكنا كلنا ودخل علينا عصام وجهه ما يتفسر ومبين عليه الأنزعاج حسينا صاير شيء من خلال هالأتصال ومنو رافع ازهار أخذت نفس كأنما عرفت شصاير وعصام نظرلها وگال
عصام حجيت وياه بس
وصال خير يمه شگو.
عصام والله حجيه رافع يگول نسبكم يشرفني بس لاتجون ولا تعبون نفسكم ما الكم مره عندي الا في حال نتبادل الدم.
كمال شلون يعني
عصام طلب أيد أزهار ل الزواج.
كمال شُنو!..