رواية بين قلبها وعينيها كبرياء للكاتبة شمس العراقية الفصل الرابع والخمسون
عصام أسيا أنتِ وياي
أي عيني وياك وشلون تزوج
رواء منو تزوج
أسيا دخلت علينا والظاهر سمعتنا عصام بعدين احاجيك
رواء أحجي منو تزوج منو تزوج لاتكولين منذر سواها وتزوج لاتكولينها لا لا لا.
عصام لا حول ولا قوة الا بالله العلي العظيم روحليها طيبي خاطرها المسكينه بعدين أخابرج.
أسيا ماشي قطع الخط وهي بحضن أمي تصرخ وادك وتلطم على وجهه ملخت نفسها وكومت شعرها بالكاع رواء جهالج يباعون عليج رواء أنتِ مؤمنه أنتِ أعقل منه خيولي طبه مرض هو
ومرته صاحت بيه
شيطبني مرض رجلي تزوج عليه تزوج عليه لو أنتِ عصام متزوج عليج شيصير بيج شيصير مو تموتين قهر اويلي يا نار گلبي اويلي تزوجها الجان يحاجيها ويكظي الليل كله وياها سهران تزوجها الماخذته مني ومن جهاله.
فوزيه خل الكرامه تفيدج ضليتي ميبسه?أسج عليه لما فان حظج وتزوج عليج مو گتلج لحكي زلمتج مو حجيت وصخمت هذا هو تزوج عبالج الرجال يهتم لا والله فلا يهتم زعلتي انقهرتي رضيتي عادي عنده ما تفرق مهم راحته وناسته.
وأنتَ الافنديه نطحتي?اسج بالكرامه كلشي ونبصتن الكرامه بالنص ولج يا فاينه البخت الكرامه تكون على موقف يستاهل على سالفه تكسر الظهر مو بكلشي وكلتن والله كرامتي ما تسمحلي ونفختي?اسج عليه لو كلها هيج جان المحاكم ما الها مكانات وكلها تطلگ نساوينها وهل الاطفال تترس الشوارع ولو هلوكت يا مكثرهن إمهات الكرامه وأنتَ وحده منهن هجمتي بيتج بيدج ما تحملتي ولاتحمدي ربج على رزقج وعيشتج ما تحملتي ياما تحملنا ضيم وضلايم تحملنا مو بس زلمنا عماتنا وعيالنا وخلفتنا تصيرين مثلنا ليش الزواج من اول طگه أشرد لو اشيل خشمي واضل اهوبز واضيع حقي ويطيح حظي خرب بحظج يا رواء كعدتي تباعين على هاي وهذيج لما تزوج عليج.
أسيا يمه شنو هالحجي وكته هسه متشوفين حالها خطيه سكتي رحمه لأبوي كومتها من الكاع وهي جنازه ورجعت وكعت وامي ركضت ساعدتني كعدت على الفراش تبجي وجهالها يمها يبجون دنگت?أسها بين رجليها وامي كعدت تبجي واني هم اوف منذر إشسويت بحالك وين تروح من خطيتها المسكينه.
مر وقت هواي وهو كاعده تبجي سكتناها ما?كت يمه أحجي وياها خطيه.
فوزيه خليها خل تبجي خلي ترتاح البجي راحه لبشر اذا ما تبجي اطك رويحتها لو يتلفك الها مرض منو يفيدها اني لو أنتِ لو منذر الطايح حظ
أسيا كمت اخذت الجهال من يمها تعالوا عمه طلعتهم برى وأنطيتهم فلوس دنيا أخذيهم أشتريلهم
دنيا ماشي يله تعالوا
اسيا راحوا وراسلت عصام هاا عيني
عصام هاا شلونكم
الله يعين، صدك منين عرفت منو گلك وشوكت تزوج منين جاب تكاليف ومصاريف الزواج.
هو خابرني گالي بلغ الأهل تزوجت قبل يومين والتكاليف والمصاريف ما سألته الصراحه ومأجرلها قريب من أهلها هذا كل اللي فهمته منه.
يعني ما طالبه منه متقدم متأخر ادري شنو من زواج هذا
ما أدري بعد
إذا أتصل عليك تكدر تكوله أختك تريد تحجي وياك
لا ما أكوله
ليش.
أسيا لاتتدخلين بين رجال ومرته ما الج شغل محد يعرف شگو بينهم هاي أسرار بيوت وهو تزوج خلص شتسوين بعد يطلگها مثلاً الأفضل سحبي نفسج واني أخذتج لخاطر عمتي خابرتني ما حبيت أفشلها والأ أني ما أحب تتدخلين بالمشاكل.
هذا هو مثل ما تريد
ماشي
نزلت لو بعدك
لا بعدني ما نازل ليش
هيج سألت
ماشي أخذ?احتج
الله وياك عيني شافها وما رد رجعت كعدت يمهن وأجتي رسل بيدها التلفون تبجي وزادت بالبجي من شافت أختها.
رسل تدرين منذر تزوج عليج تدرين
رواء اي يا اختي أي
رسل ولج هسه أهلي خابروني وسامعين راح يجون يأخذونج عمه أهلي فد مره صايرين واني هم يأخذوني وياها أخويه گالي ما تبقن بعد لأ هي ولا أنتِ فدوه اني ما إلى ذنب وين أعوف رجلي وجهالي
رواء بس أني اروح أنتِ ما الج ذنب اني احاجيهم.
فوزيه يمه منين طلعتي هالسالفه شگول عليك منذر حتى بيت أخوك راح تهجمه عيني يمه بنيتي رواء لاتروحين ابقي هذا البيت بيتج اني اطلع وانتَ ضلي وين تروحين وجهالج ما فكرتي بيهم
رواء وين ابقى عمه والمن باقيه شو الرجال وتزوج تردين ابقى اربيله خلفته وهو كسرني ومشه عاش حياته ويه اللي يحبها لا عمه اني امشي والجهال اخذهم وياي.
أسيا كامت لغرفتها جمعت ملابسها وملابسهم ورسل تبجي وتخابر محمد بالشغل واندك الباب طلعت امي ودخلوا أخوانهم ثلاثتهم سحبوا رسل من ايدها ودخل أخوها الجبير سحب رواء وضربها راشدي شالها وركعها بالكاع.
وادي تعيرين زلمتج بفقره لج أدبسزز هيج ربيانج أحنه هذا التعب والجزه تعيرين زلمتج بعازته وفقره ليش كالولج الفقر عيب لو حرام وتستاهلين تزوج واخذ عليج مره عاشت أيده وأنتِ هذا دواج وهسه تمشين وياي مثل الخوش أدمي حلكج ما تفتحينه ولا زعطوط يجي وراج
فوزيه لا يمه على بختك عوفها على?أس جهالها.
وادي لا حجيه هاي هي احنه موخوش اوادم وناخذ بناتنا وكلمن بدربه وكثر الله خيركم على كلشي يله امشن كدامي ولا زعطوط وياجن حتى اليرضع تعوفنه يله صكبان شغل السياره تحركحن بويه.
أسيا لبسن وطلعن كدامهم والجهال يتصارخون وابن رسل صغير عمره سنه فحط شلته واسكت بي وشغلوا وطلعوا مصيبه يربي مصيبه.
أجو أخواني ومحمد تخبل ما لكاها وجهاله يبجون على أمهم والقهرني اكثر جهال منذر الاب عايش ومتونس والله ما مرتاح والام المسكينه اخذوها أهلها وهما ضلوا يباعون بالوجوه متت قهر عليهم
خليتهم بحضني وأسكت بيهم وأحاول أخفف عنهم
شطالع بيدي عليكم.
مرت الأيام والوضع يسوء راحوا الهم ما انطوهن طالبين الطلاق وأبراهيم دايخ اخر شيء خابر عصام
بس عصام أعتذر منه ليش ما أدري.
أبراهيم حقه يعتذر أحنه مو أوادم عمي الغلط بينا ابنه مراهق لعد ناس محترمين وقدرونه وانطونا نسوان هذا الجزه.
السالفه أنلاصت والجهال يبجون يردون أمهم وبيوم أنفتح علينا الباب دخلت رواء لوحدها منو جابج.
رواء أني أجيت على جهالي تعالوا يمه.
أسيا ركضوا عليها يبجون وهي تبجي وياهم ودخلت رسل هم تبوس بجهالها وطلعت امهن جايبتهن وجايه وامي كعدت تحجي وياها واني صافنه عليهن حاضنات جهالهن ويبجن بالاخص رواء ما نشفت دمعتها وصوتها مطبك بالكوه تحجي حبالها الصوتيه منتهيه الله يجبر كسرتج أخذتهم وراحت غرفتها وباوعت على أبراهيم ومنذر ما أتصل.
أبراهيم غير لو عاف التلفون بالثواني يخابر طايح الحظ مخربط ناقص شلعان گلب أنتَ
أسيا شيگول.
أبراهيم شيگول أهلها رايدين منه يطلگ وهو ما موافق ومن هالحجي
أسيا وهسه هو عرف بيها رجعت
أبراهيم اي عرف ويريد يجي دخل يجي الا اكسره
أسيا طلعوا هو وأخويه محمد وصلوا أمهن خطيه جايبتهن وجايه لوحدها انقهرت عليهن وبهل الاثناء دخلت أختي ديانه سلمت عليها وكعدت
ديانه وينها سليمه الكبور ما انكسرت عينها الفارغه.
أسيا شنو هالحجي مو عيب عليج هيج تحجين فوك كسرة أخونه الها وحرگة گلبها وانحرمت من جهالها وتالي رجعت الهم لن أصيله تجين حضرة جنابج هيج تحجين عليها بدون وجع گلب.
والله اليجي من إيده الله يزيده وتستاهل لعد شتدري يضل منذر ساكت إلها ومتحملها هي ولسانها كلمة والثانيه وانت شجايبلي لعد شتدرين من اخذتي وأنتي تعرفين حاله على كده رضيتي بي وتزوجتي تحملي بكل ظروفه وانجبي وسكتي شكو عينج فارغه وتباعين على هاي وهذيج الله مقسم الأرزاق على العباد وكلمن ورزقه.
ونعم بالله بس ليش ما تذبين الصوج والوم على أخوج ليش هو ما تحملها وكال مره من قهرها ومن حقها تشوف وتريد ليش هو ما تحمل وراح خانها وحبها وتزوج بحجه اريد ارتاح بحياتي وكعد يطلع كل عيوب الدنيا بمرته علمود لاحد يلومه ويكوله ليش تزوجت على مرتك.
حقه عمي حقه أنتِ غير ما شايفتها لن زيارتج قليله كل أشهر يله تجين دتعالي شوفي الغيره والنحس مني ومنج على أنتِ متعينه ونيالج ورجلج مدرس ويا بختج ويا بختج وحظج أنتِ وأختج مجنص وأخذتن زلم يحبونج ويشترون خاطرجن ومدلليجن خوما مثل حظي مثل أخوجن.
وعلى أسيا وعصام هيج جابلها وهيج أشترالها وهيج جابلنا وكل شهر يتسوك وما يخلي وما.
يجيب وينطي مصرف لعمتي كل شهر خمسين الف ووين اكو هيج نسيب بس عمي انتن عدجن حظوظ ومن هالكلام.
يعني عجيب ماكو هيج نفسيه وقابليه داحسه خشمها بحياتنا نافستني بلكمتي جهالي اسمهم مرضى اني المشاكل توصل بينا لشيطان الرجيم عفيه بشر ما ترضى باللي قاسمه الك الله وقدرك وانطاك رزق دصبر داقنع دعيش على كدك وكد حالك.
لا رواء تمادت وتستاهل خلي تصحى على وكتها وتعرف نفسها هي اللي ضيعت وخسرت منذر وما اكولج منذر خوش ادمي لا والله زمال لا يروح ولا يجي بس شتسويله تكصين?أسه خيتي الرجال ما تنكسر عينه ولا تكدرين تخلين رأسج برأسه لن ما يهمهم شيء هما أطفالهم ما يفكرون بيهم تردين بينا يفكرون هما بنزوه يرخصون العلاقه ويبيعون العشره شتحجين أنتِ لخاطر ربج.
صدك عصام ينطي مصرف ل أمي.
عفتي كل كلامي صارلي ساعه ارطن ركزتي على هالكلمه عفيه أسيا شكد تحبينه دينج ومذهبج عصام.
هسه أحجي
أي ليش ما تدرين
لا والله هسه سمعت منج
شعجب هو ما حاجي الج وأمي ما كايلتج
لا والله أبداً.
خيتي رجلج خوش زلمه ديري بالج عليه وصدكي المشاكل التصيرلكم هاي من ورا نفس رواء وغيرها فه نصيحه مني اللي يصير بينج وبين رجلج لاتطلعينه خارج الغرفه نهائي حتى لو توصل للموزينه خل تكون النهايات أخلاق بغض النظر عن حجم المشكله واسم الله عليكم من النهايات.
بس ديري بالج من النفس والحسد والعين ترى كلهن موجودات والنفس يحطم أكبر عائله والحسد ماتشوفين الراحه بحياتج فه أحفظي بيتج وزلمتج وأبدا أبدا لاتحجين كدام احد عصام هيج جابلي وعصام هيج أخذلي وطلعنا وسافرنا وفلان لبسه من فلان بيج ومكان وعندي هلكد ذهب وهلكد فلوس ولاتنشرين ستوريات عن افراحج لن صدكيني ما تدوم وتنغص عليج فرحتج.
اني لاحظت من انشر مناسبات لو أعياد زواج وميلاد أطفالي بس تخلص تصيرلنا مشكله وتيقنت العين حق لهذا حصني بيتج وزلمتج بلسانج وتكتمي لاتسولفين أبداً خيركم وتعب زلمتج هذا تمتعتي بي بس لاتسولفين لأحد لن محد يكولج بالعافيه يكولون منين جابلها عمي حظوظ وبخت ما يكولون هو ميت بالدوامات والخفارات والانذارت والطرق الزقنبوت والأوامر والعقوبات اللي تنفرض ومخلي دمه براحة أيده وشابع تعب وضيم هذا محد يجيب طاري فه ديري بالج.
كلامج شگد صحيح بس رواء خطيه
شكد على نياتج.
ما جاوبتها لن فعلاً انقهرت عليها مهما يكون إمرأه مثلنا والزواج كسرة قلب وروح صعبه ما تنحمل الله يكون بعونها ويساعدها ويقويها.
ومر يومين وخلال هاليومين اني وديانه وحده تحف لثانيه وكالبين الغرفه صالون على صبغ وحف ومن هالسوالف ودخلت علينا رواء وجهه طافي
رواء أسيا احفلج لو حفيتي.
أسيا لا حبيبتي فدوه لگلبج تسلميلي ديانه حفتلي.
أبتسمت وكامت وشويه وجابت صينية كيك وجاي وكرزات ووديانه عوجت حلكها عضيت شفتي امشي وكعدنا وياها وجانت تريد تسولف ترفه عن نفسها واني ما كلت باطل ضليت اسولف واحشش واجتي رسل ودره وكملت الكعده وضلينا نسولف ونضحك وهي صوتها مطبك والدمعه بعينها وبهل الاثناء فزينا على صوت منذر
منذر السلام عليكم.
أسيا ردينا السلام بس هي گبل نزلت دمعتها ونزلت?أسسها وهو يباوعلها ويعصر بأيده تالي مشه وأمي وديانه لحكنه طبطبت على اكتافها
صيري قويه لاتضعفين كدامه.
رواء روحي لعمتي خل تكوله ما أصيرله مره بعد لا يحاجيني ولايوصلني ووجودي علمود أطفالي بس وأني رجعت علمودهم مو علموده
دره ليش ما أنتِ تحجين وياه أحسن وتفاهموا هذا مو حل وبينكم جهال وأنتِ بعدج شابه وصغيره
ما اكدر فدوه حسنن بنار گلبي مو بيدي روحي مثل الجمره.
أسيا سگتت وسگتناها وكامت دره وحجت وياه وسمعنا صوته كام يصيح.
منذر مو على كيفها هي مرتي وعلى ذمتي وهذا الموضوع عيب عليها تحجي بي كدامجن صيحيها خل احاجيها رواء تعالي.
رواء ما اروح والله ما اتحرك من مكاني
منذر رواء گومي.
رواء أسيا كوليله خل يروح وترى والله هسه اخابر اخويه وادي وامشي لهلي اصير خدامه لنسوانهم ولا اضل يمه اني كاسرين ظهري هالجهال خليني على رؤسهم اربيهم وما اقصر بحقهم على أقل واحد منه يكون عنده عقل ويضحي بحياته لخاطر الاطفال واني ضحيت نفسي لخاطرهم وانت زايد عليك ابوهم وهاي هي.
منذر أمشي بالغرفه نحجي
رواء ما عندي كلام وياك دروح لو اخابر أخويه.
أسيا مشه بس گوه وهي بس شافته راح راحت الغرفتها وقفلت الباب وضلت على هالحال ما أستقبلته وحقها صعبه.
لاحظت صارلي هواي يم أهلي أنوب ديانه من أجتي أخذت كل فكري التهينا نسولف كعده مال اشهر
وجمعه حبايب كمت دزيتله رساله.
وين أنتَ
عصام بالدوام
أسيا شوكت تنزل
ما معلوم باجر اليوم ما ادري علينا ضغط هالأيام ليش تريدين ترجعين البيت.
لا بس سألت اي شلونك
زين وأنتِ
زينه الحمدلله ومشتاقتلك.
المن مشتاقه.
إلك المن قابل ليش كم عصام عندي
ها
أي حبيبي
حبيبج؟
اي شبيك
ما بيه
ثكيل يابه
أي
مشتاقلي
لا
گول والله
ليش الحلف
علمود اتأكد
ليش ما تتأكدين بدون حلفان لازم عندج شك بيه
لا أبداً كلني ثقه
ها والثقه هاي منين نزلت عليج وشوكت من البارحه من اليوم
مو مهم
ويامن كاعده أنتِ
ليش
لا اسأل من كعد وياج من سيدات المجتمع
الله حبيبتها منك سيدات المجمتع أي لافيوو
أي لافيوو بعينج هسه ما كلتيلي منو كعد وياج؟
وليش تسأل.
وأنتِ ليش متجاوبيني لو تخافين أكولج هذا الاشتياق والمحنه والثقه النزلت عليج بنصيحه من الكعدات يمج وتأثرتي بالكلام لن مرتي وأعرفج متنزلين?أسج وزعلج ثكيل.
لا هالأشتياق أجه بدون حافز هو تحفزلك وزحفلك
ها يعني ما تأثرتي
أتأثر بشنو عزيزي المواطن
عزيزتي المواطنه أكول أخاف فكرتي بإفكارج الجهنميه ما وراها بس الخراب والهلاك.
أفكار مثل شنو عزيزي
مثلاً عبالج أسويها وأتزوج عليج مثل منذر
لا أبداً ولا خطرت على بالي.
أبداً أبداً
أبداً
شعجب منج من الشيطان
لن كلني ثقه بيك وبحبك إلى ما تسويها وتكسرني
ك?م وجود شلونهم
زينين ليش غيرت الموضوع
يا موضوع هذا
عصام
خير
أحبك
ما أصدگج
كيفك لاتصدكني يله باي
شنو تروحين
اي باي
الله وياج
نهيت وخابرت مروان وجاوبني ابو الحكم شلونك أخبارك.
مروان يا هلا بالنسوان المعدله والچنه الصالحه ليش ولج غبتي وطولتي علينا غياب أنتِ وعصافيرج الاحبهم
هلا بيك عيني مروان بالدوام بالبيت
بالبيت ليش
ها عندك شيء هسه.
لا كاعد ليش
تكدر تجي تأخذني أني والجهال
أرجعكم البيت لو وين ترحون
لا نرجع وياك البيت
يا سلام سلم اليوم عصافيرج أنومهم يمي طاك گلبي عليهم
دتعال لعد أخذنا ننتظرك
ماشي عيني راح أجيكم.
مروان سر
عندي
تسلم
بالخدمه
بسرعه يفهمني نهيت الاتصال وياه ورحت تحضرنا اني والجهال وصعدت ودعت رواء وخطيه لكيتها مخليه البوم الصور وتبجي الله يكون بعونج
رواء تسلمين عيني شسوي هاي هيه الحمدلله على كل حال المهم عندي أطفالي.
أسيا معدله ودعتها ونزلت وسلمت على اهلي واتصل مروان وطلع وياي أبراهيم سلم عليه وصعدنا وطلعنا البيت وبالطريق مروان نزل أشترالهم وأخذ حلويات ل أسيل وخابر عمتي يريد يحجي وياها
مروان هاا عيني شتردين أجيبلج وياي
أسيل سلامتك گلشي ما أريد أنت ما مخلي قصور عليه والثلاجه مليانه والله.
مروان جبتلج على ذوقي
فدوه لذوقك عادي حبيبي
ماشي عيني.
أسيا انتهى الأتصال ولاحظت علاقتهم متحسنه خطيه والله أسيل تستاهل وشغل وصلنا البيت وهو أخذ جود مني وك?م ركض على عمتي وأسيل سلمت عليهن وصعدت على أزهار
وصال لازم أحنه مو بعينج
أسيا هاي غير عمه لاتزعلين بس أزهار رقم واحد بحياتي محد يوصل مكانها فتحت الباب أشتاقيتلج
ازهار تشتاقيلي متطولين يم أهلج هالكثر
أسيا ولج سگتي وخليها شسولفج كعدت حجيتلها يعني والوضع بيت أهلي حيل صعب.
أي وبعد هل المشكله كلها أنتِ بديتي تخافين
مو أخاف لن واثقه ما يسويها بس أشتاقيتله
هو أعرف مشتاقتله بس أكو خوف أعترفي أسيا
اني مو غريبه عنج لن أعرفج من ركضتج ولهفتج علمود تحجين وياي واضحه تخافين تخسرينه
أي طبعاً أخاف أخسره لعد اني على شنو حاصره كرامتي كل هالمده.
فگي الحظر عن كرامتج كافي كلشي واله حد وعصام صبره طويل بس البشر ما ينحزر بيا ساعه يتغير وينفذ صبره يعني رفعة الخشم والزعل والنكد مو دائماً هي الحل المناسب لمشاكل.
جربي تأخذين الأمور والمشكله من جانب طيب أخذي المشكله يمج وتفهميها ودرسيها كلش زين وبعدين أذا شفتي النتائج من خلال دراستج وتفهمج ثوري وعلني حرب لن أنتِ متقينه واثقه وعارفه أساس المشكله ومتفهمتها اما اذا كبل علنتي حرب وصراخ وتجاوز وأنتِ تعدين وهو يرد ما أستفايتي شيء بس الأذيه لنفسج ولا عبالج كل الأشهر المرت أنتِ مرتاحه لا أنتِ أكثر وحده تأذيتي.
هو أعترفلي بغلطه وأعتذري بس كتله أنطيني وقت أفكر ما اكدر اتخطى بسرعه.
من حقج بس دام شفتي أعترف بغلطه وأعتذر هاي هي بعد يسقط الزعل والموقف على الأعتذر ماله داعي تأخذين وقت ما أنتِ صارلج اشهر الوقت كله عندج هاي زايده منج والصراحه جاي تمهدين طريق لعصام يا يتخلى عنج أو يلكى بديل وأنتِ السبب
يلكي بديل هاج شوفي وأقري الرسائل.
بعدج مكابره ركزي على نهاية الكلام كايلج وين تروحين يعني يريدج تبقين وأنت كاتبله باي نقطه
ازهار اريدج تساعديني مو تصيرين ضدي
أني وياج وضدج من الأمور تعبر حدها وزعلج عبر حده خلاص خلص وقتج دامج كرامتج عزيزه عليج وبعدج على موقفج وما متخطيه ليش رجعتي وياه وأملتي جان ضليتي بيت أهلج بقيتي على زعلج وموقفج.
هو من رجعت وياه ما أعترف بغلطه وذنبه وزعل يريدني أني أبادر بالصلح شسويله خوما اني الغلطانه بحقه علمود اصالحه
بس أجاج ورديتي
بس ما أعتذرلي
أسيا هو رجال
وأنت مره من حقي أحس بقيمة نفسي عنده
بس هيج تخسرين مو هو اليخسر
ازهار ما ناقصتج
أنطي من نفسسج كافي متشنجه وتكابرين ترى كبريائج تمرد بشكل مو معقول يا اختي مو هيج لهل الدرجه الرجال اعترف بذنبه وأعتذر شتردين بعد.
مو قريتي الرسائل بادرت هو زعلان.
ما عجبتني مبادرتج يحتاجلج بعد
مثل شنو
رجعي أسيا القديمه اللي هو متعود عليها وشوفي شلون راح هو بنفسه يجي عليج
قصدج دلع وملع
أي بعيداً عن الكرامه
تمام
شوفينا أبداعج
رايحه أشوفه ينزل لو لا وابلغلج بالتطورات
بالتوفيق حبيبي
بحبك انا
فدوة لحبج ديلة أدعبلي
أدعبل على أخوج وأطلع كل قهري بي نزلت ودخلت غرفتي فتحت تلفوني راسلته كتبت اله
أشتاقيت لصوتك ولكلشي بيك
عصام أنتِ مين
أني حبيبة گلبك شافها وما رد.
عاجبك تذلني بس ميخالف على گلبي مثل العسل
منو ذالج
محد منو يكدر يذلني وأنتِ زلمتي وحبيبي
ها
والله أي شوكت تنزل
أذا نزلت ابلغج وامرلكم أخذكم
ماشي أنتظرك حاول اليوم تنزل
عندي شغل أكمل وأراسلج
أتصال ما أريد مراسله
ماشي.
عفت التلفون على الشحن وفتحت الكنتور طلعت ثوب نوم أحمر ناري ومغري فتنه خليته على السرير ودخلت الحمام وأخذت دوش توب وطلعت سرحت شعري صار ويه خصري ورششت عطورات ومرطبات جسم ريحتهن دمار ولبست بدلة النوم ولفيت على طولي طلعت أقتل فتنه مولعه بالحب وراسلت ازهار
الجهال وصي أسيل عليهم تجهزت وراح أتصل عليه واخلي يجيني لو لليل ابقى أنتظره طگ گلبي من الباب گبل أغتصبه.
أزهار هههه اوك روحي والهوا بظهرج والجهال بأمان لايضل بالج
أسيا اي فديتجن ما انساها وكفتجن
أزهار تدللين حبيبي.
أسيا نهيت المراسله ويه ازهار وأتصلت عليه وأجاني صوت سيارات أستبشرت خير حبيب قلبي
عصام ها
أسيا أحبك
ما تحبيني تكذبين
والله احبك شبيك أنتَ
نگعيها واشربي مايها هذه كلمة شسمها أحبك
الله عليك تعال
وين اجي
شتاقيتلك والله
گافي يمعوده.
الله عليك حبيبي والله إشتاقيت لريحتك لوجهك لشعرك لعطرك لأيديك إلى تزور تفاصيل جسمي.
موووو داكوول كافي اني بالدوام وين اجي هسه
معليه تعال حبيبي الله عليك يعني أنتَ ما مشتاقلي يروحي يعمري يا فلذه كبدي يعشقي حبيبي شبيك دا تسمعني وين رحت حبيبي
أسمعج أسمعج اجعلني ما سمعت اعمل نفسك ميت على? هالحجي هذا ديله دسدي الخط
اني بيتنا أنتظرك
يا بيت!
بغرفتنا على? فراشنا أنتظرك مو تتأخر.
دكافي روحي
وين اروح
وليييي.
حبيبيي شبيك متعصب داغيرلك جو يعمري سد الخط واني تمددت أحوص ما نمت والا بالعاصفه هبت عالسريع مخبوص ينزع بالبدله مالته ويعلي درجه السبلت يحطني بحضنه بقوه يجعصني بعظام صدره باوعت بعيونه اشتاقيتلك هوايه حبيبي.
ما خلاني اتنفس ولا حتّى احجي جنت مسلمتها تراب بحيث صار يصحيني وافقد بين أيديه لحد ما غفينا على? انفاس بعض بعد معركه طاحنه من الشوق واللهفه الطويله والعميقه من المشاعر البراقه بين الحب والالفه لا يهم مهما كانت بينا من المشاكل والخلافات فنحن مثل (النار والبارود).
أزهار أجه أخذني من بيت أهلي بس الوضع ما عاجبني هادئ وهذا الهدوء ما متعوده عليه هو يعوف الكل علمود يفضالي ويكون قريب مني ويمكن بسبب المشاكل واللي صار أثر عليه وأخذ موقف من الكل وصار أنسان هادئ.
دخلت غرفتي لكيت گلشي بمكانه وغرفتي نظيفه ومعطره على اخر حبايه حتى الجرجف مغير يمكن حاجي او ياهن او يمكن ضربهن تجاهلت الوضع
وأكتفيت بنفسي لما تفرج عليه.
غيرت ملابسي هو متمدد هشام شعجب ما طالع لشغلك.
هشام ما أطلع اليوم عاجبني أكعد بالبيت ليش ما ترديني أكعد وأكابلج
لا طبعاً أريد أصلاً أمنيتي تكعد وتكابلني ونسولف مثل أيام حُبنا الأيام اللي متعوض ولا ترجع لن من تزوجنا أنتَ أنشغلت عني بحكم شغلك وعادي عاذرتك لن مو بس اني بحياتك امك وأخواتك والمسؤوليه برقبتك واني مقدره هالشيء.
صفن بوجهي وطول صفنته هشام شبيك ليس ساكت وتباوعلي بنظراتك حزينه.
هشام ما بيه شيء بس تعبان راح انام ساعتين من يكمل الغده كعدوني أتغدى واطلع لشغلي
ازهار ماشي أخذ راحتك رجع نام وطلعت لكيتهن ينظفن وإيمان تطبخ عبرتهن ورحت المغاسل وأني أغسل أجتني أفراح باوعتها بالمرايا حسيت عدها كلام تريد تگوله
إفراح الحمدلله على سلامتج.
ازهار الله يسلمج خير شعندج
أفراح ما عندي شيء بس حبيت أسلم عليج.
ازهار راحت وما مرتاحه الها كلهن مو راحه وعدهن مية الف وجه تعبني يمتى تفض على?اسج يا ازهار رجعت الغرفه فتحت تلفوني وضليت أكلب راسلت أسيا ما متواجده وضليت كاعده وهو كعد وعبرني.
هشام عوفي التلفون وكومي تغدي
ازهار جديده هاي النبره
ليش شبيها شحجيت قابل.
ما بيها شيء يله أمشي نتغدى مشيت وراه فارشات السفره كعد بصف أمه واني بصف أيمان مقابيله مسويات دجاج مديت ايدي اكل ثريد جننت جوعانه وهنا يباوعلي بنظرات أستغراب لن بالعاده ومركه وتمن يخلن اليه اني عفتهن وأكلت وياهم
هشام ما تأكلن شبيجن ما شايفات وحده تأكل ثريد ترى حالها من حالجن اكلن وانجبن شگو هالتمضيك هذا.
ازهار رجعت كملت أكلي وهو كم لكمه وگام يغسل واني بقيت الا شبعت ما ازعل بطني علموده.
كملت ولكيته يبدل شنو تطلع
هشام أي طالع وأخواتي حجيت وياهن بعد ما عليهن بيج ولا يتقربن للغرفه محد اله شغله بيج واني موجود واللي يحاجيج أكسر رگبته.
ما رديت ولبس وطلع مزعوج بقيت كاعده وكمت شلت ملابسه ورتبت الجرجف ودخلت عليه أيمان
أيمان أزهار أريد احجي وياج
أزهار تفضلي كعدت وتفرك بإيدها خير صاير شيء.
أيمان فشلانه منج على فعايل أخواتي الما تسولف واني أعتذر منج نيابة عنهن وهنا جهال لاتاخذين بخاطرج عليهن هم خطيه شابعات ضيم كلشي رايح بنفسهن ويشوفنج ويشوفن صديقاتهن ويغاررن هم خطيه وبنات بيت.
أفشلي من نفسج قبل لاتفشلين من أخواتج لن أنتِ هم طلعتي نفسهن ما عندج موقف ثابت انجرفتي ويه الموجه وأني جنت أشوفج خوش مره ومعدله ومن اروح ل أهلي بس أسولف بيج وبالأخير طلعتي ما تفرقين عن أخواتج بكلمتين فريتي عقله والرجال سميع وأنتِ جنتي متزوجه وأعرف بالوضع
أخواتي ازهار خوما تردين أوكف وياج ضدهن وهو ما يتفاهم گبل يكوم يضرب وأيده ثكيله اخاف يسكط وحده منهن شحجي شگول.
خفتي على أخواتج يسكط وحده منهن ما خفتي على بنت العالم وحامل يجيني وساعة شيطان ويضربني ويموت طفله هذا ما فكرتي بس الحمدلله اني من حبيته اعرفه شنو هو فه مستحيل يضربني حتى لو يتفهم المشكله بوقت متأخر عادي قابله.
. لن الرجال ما مفتهم شيء من حياته كاظيها بس شغل ويركض ليل نهار نوم ما شبعان وما مفتهم من شبابه لا طلعات لا طبات لا اصدقاء لا اختلاط هذا كله هو محروم منه علمود يوفرلي ويوفرلجن لكمه حلال يعني جريمه يجي ويسمع هالكلام منجن عليه واني حبيبته مو بس زوجته ما خفتن من الله ما خفتن من حوبة حبنا اللي حاربنا الدنيا كلها علمود ننجمع وبالاخير نعيش حرب نفسيه بسببجن أيمان لاتجين عليه لا أنتِ ولا اخواتج كلمن عليها بنفسها واني سگتت وما حجيت مو خايفه من احد لا ما اريد خسارة زوجي واهدم بيتي علمودجن ما اتخلى عن هشام لو الكل يتخلى عنه ما حبيته علمود اعوفه بسبب كم مشكله انتن متعمدات تخلقنها بس الله يباوع ويشوف وكلشي عايفته يم رب العالمين.
ما ردت عليه خلت وطلعت وهيج احسن حجيت العندي وكمت قفلت الباب لن ما أمن بيهن اني نايمه يجفصن بطني كلشي كمت أتوقع وكل هذا واصبر وأتحمل لما تفرج علينا.
مرت الأيام هدوء ومحد متقربلي حتى هشام مرتاح منهن واني راحتي من راحته وفرحانه بنتي قربت ولادتها ونفس الوقت لاحظت بطني بدأت تنزل واني جهاز ما مجهزه ودكتوره ما وصلت وهو ملتهي بالشغل كمت أتصلت على امي وبلغتها.
وصال گوليله خل من يرجع يجيبج أخذج الدكتوره هاي دكتورة أسيا كلش خوش دكتوره وتفتهم وهم علمود نروح نجهزلج ما ضل وقت.
ازهار ماشي من يجي أكوله ماما أنتِ تجهزيلي
اي ماما شلون لعد وأول طفل جهازه على أم البنت والدفع من أبوج وأخوانج هم عصام اذا عمليتج نسويها يم هاي الدكتوره بالخاص هو يتكفل بكل المصاريف والتكاليف ومروان تكفل بالسرير وملحقاته من الحجله وكرسي وعمار يلبسها ذهب.
فدوة رحتلكم ماما تمام من يجي ابلغه واردلج خبر
ماشي ماما حبيبتي كوليلي علمود أخذ اسيا هم أشدلها لولب هاي ما يفيد وياها ما تضبطه.
ماشي حبيبتي نهيت الأتصال وسمعت صوت سيارته اجه كلت خل يسبح وياكل لكمه ويرتاح واحجي وياه وفعلاً الا كعد كابلني يله وحسيته تعبان تقربت
دلگت كتوفه وأسترخى وأرتاح وسحبني نومني بحضنه حبيبي.
هاا يروح حبيبج
من بعد أذنك أريد أروح ل أهلي
شعندج رايحه مو بقيتي يمهم شهر كامل
ليش بقيت للونسه.
ما گايل للونسه بس ماله داعي روحتج واني تعودت عليج اجي وما الكاج بالبيت
ترى أريد اروح علمود الدكتوره تشوف وضعي وماما گالتلي تأخذني لدكتوره اسيا تفتهم وهواي يمدحون بيها شغلها نظيف وأمن
وليش الا هاي الدكتوره قحط خلصن الدكتاره بس هاي وليش امج تأخذج اخذي أيمان وروحي واني انطيج مصرف بعد ليش الروحه من الاساس.
شو ظلمتها بوجهي.
ما مظلمه ياعيني بس جاي أكولج ماله داعي روحتج الهم لما مستعزز بيج ورايدج يمي جان كلتلج روحي
والجهاز
جهاز شنو
جهاز ملابس لطفله غير وماما كالتي هي تجهزلي وحجيتله كلام ماما وحسيته ما عجبه هاا
منين طلعتيلي بهاي السالفه الجهاز على أمج
شگو بيها أهلي مو غربه ومبادره حلوة منهم واني وحيدتهم وأول حفيده كام وشمر المخده ويصيح.
گلشي وگلتي أهلي وأهلي تعثرين بالكاع وگلتي أهلي ادري أنبياء أهلج عدهم مال قارون شطلعت هاي لعد اني شگوو متزوجج دام اتكألج كله على أهلج وأخوانج
شبيك تعصبت شگوو كل هالكلام خوما غربه هما
مو غربه بس ما يصير كلشي ونبصتي أهلج بالنص أهلي وأهلي ماكو رجال يقبلها على نفسه اهلج يصرفون عليج وكأنما اني دوري معدوم عندج
لا شيء وهما هذا الشيء يردون يوصلونه أنت
مو كد المسؤوليه واحنه نصرف على بنتنا.
مو لهل الدرجه وفهمتهم خطأ لاتظلم حظك وبختك عاد بهاي ما ارضاها كلشي ولا أهلي
هم گالت أهلي خرب بحظ الكواد متزوجه أهلج ما متزوجه هشام.
شبيك أنتَ شمسويلك اكثر ما قدروك وأحترموك وانطوني الك ما عدهم اذيه لا عليك ولا على غيرك
يعني أشوفها زايده منك تحجي عليهم وهما من حبهم اليه يصرفون عليه لا لخاطرك ولا لخاطر احد
اني وحيدتهم وحقي هذا بابا واخواني مو غرب عني.
هذا هو عمي أهلج أهلج وهشام يركع?اسه بالحايط شيهمج ومنو هو قابل
لا اله ألا الله هسه اني حاجيه كايله مجرد طلبت منك اروح ل اهلي سويتها مشكله وتصيح وصوتك عالي واكيد أهلك سمعوا
أنتِ هذا گاتلج اهلي يسمعون.
لا أنتَ تريد تتعارك
وين
أكسر الشر وأطلع واعوفك
وين موليه
لجنهم الحمره وين اولي قابل بالاستقبال انكبر
عفته وطلعت كعدت بالطرمة روحي شبت بيها نار
ضليت كاعده لوحدي واجه هو وصاح بيه.
شعندج كاعده أهنا كومي غسلي ملابسي
ترى بس اليوم ما غسلتهن لو تريد حجه على أزهار وتعاركني
منو معاركج كلمة وثانيه تعارك شغل وعمل ما عندي اخلي عقلي ويه النسوان.
مشيت بدون جواب وركع باب الحوش وطلع الله يثبت علينا العقل تخبل اليوم غسلت ملابسه ونشرتهن ولليل رجع مزاجه هادي وجايب حلويات لجهال أيمان وسمعته يحجي وياها.
هشام شوفيهن شنو محتاجات وروحي لسوك وأشتريلهن نقوصات وتعالي كوليلي انطيج فلوس.
أيمان ما محتاجات شيء
هشام أيمان مو وكت زعل ترى طكت روحي من البيت كله بس تتزعلن شسويلجن متكوليلي
أيمان والله اسأل مرتك ما تحترم فوك ما رحت وأعتذرت منها طردتني وسمعتني حجي يغث يعني هي ما تريد تختلط بينا مو احنه لا فدمره تصير ضدهن كافي هذاك اليوم كسرتهن جان سكطتهن
هشام هم رجعنا هم رجعنا يعني وين اولي وين انطي وجهي وين اشيل?اسي قسم بذات الله تجلطن أكبر واحد طلعتن هالزواج من عيني.
عمي ساعة السوده التزوجت بيها.
أزهار عفتهم وحيل أنقهرت من كلمته هسه اذا عاتبته هو محتمل راح يعيط بيه وهو بدون شيء صاير أعصاب والوحش البداخله طلع ذكرني من اجه الدائره لأول مره وعصبي ويصيح وخبص الموظفين هذا هشام الأولي نسخه عن هسه ما اعرف كثرة الضغوطات اللي عليه خلته هيج يصير وما يتحمل كلام وروحه بخشمه.
عفته لليل تعشى وأجه واني ما طلعت ولا تعشيت.
فتح الكنتور وغير تيشرته ويحجي ويه روحه بس الكلام موجه ل ازهار
هشام ما شايف واحد يزعل على النعمه يله اكل والما اكل قابل اني اجوع.
أزهار ما جاوبته
هشام سندريلا عود تحضري الصبح اوديج ل أهلج مو تردينهم هاي هي طلباتج أوامر ست الكل
عبالك تستهزأ
ليش سندريلا صارت أستهزاء
كول لنفسك هالحجي واني وياك مو صغار علمود تحاجيني بهل الأسلوب أنت ما متزوج مراهقه لو جاهله ترى.
والعقل ينقاس بالعمر
مرات اي.
لا غلطانه عالعموم تحضري
ما اروح غيرت?أئي هذا هو أنت وديني الدكتوره وأنتَ جهز ملابس بنتك ونقوصاتي.
منو ذبح نفسه وشال خشمه وزعل وطنكر عليه
مو اني على شنو
بس أمج خابرتني
اني احجي وياها
لا اوديج هاي هي عيب انطيتها كلمه ولغوه لاتلغين واذا خابريتها وكسرتي كلمتي ما تدرين هشام شيسوي
ما جاوبته
ما تجاوبين
شجاوبك ليش تنطيني مجال بس تصيح
نامي نامي واني هم انام وننطمر احسن شيء.
نام واني بقيت كاعده ولزمت التلفون وسحبه مني
عوفي وتعالي نامي يله
شبيك أنت
تعبان تعبان
واني شعليه تفرغ تعبك وقهرك بيه
هاي هي سگتي
لا مو مال اسكت لن اني مو السبب بتعبك وقهرك.
بس كولي شمسويتلك وهيج كلبت عليه بجيت وعفته ضليت ابجي حيل قهرني اليوم بثواني اجه حضني ودارني عليه وايده على بطني بحرص وخوف ومسح دمعتي وحضني ومن يبلع ريگه بالكوه تفاحة ادم مثل الحصوه بادلته الحضن ما متعوده عليك هيج باوعلي بعيوني ومسح على وجهي بحنيه وگال.
أسف حبيبي أنتِ بس تعبان وأعذريني فرغت قهري بيج هذن أخواتي شالعات گلبي والله ومن سالفتج اني دايخ بدنياي لا عبالج ما مهتم الج ومن شفتج نايمه بالمستشفى وجهج طافي حيل ما ضل بيه واهسي بالدنيا كلها طفى أنت حيلي وعافيتي واهسي بدنياي وما احب ولا أريد كلشي عداج أنتِ بس أنتِ.
لاتقهر روحك والله روحي تلوب عليك من اشوفك مقهور وضايج ما اتحمل اني روحي بيك ليش تقهرني ضل بس حاضني ويبوس بيه ونومني وهو يلعب بشعري وغفينا.
وأخذني لبيت أهلي بقناعته بس قهرني من طلع عليه عصام وطلب منه يتفضل بس تعذر وراح
عصام أي شلونج اخبارج خيتي
أزهار الحمدلله عيني أنتَ بخير
عصام أتفضلي أتفضلي ترى متحضرات وينتظرنجن
أزهار فدوه اروحلكم دخلت وياه واسيا شافتني واجتي حضنتها وابوس بيها شتاقيت شتاقيت.
أسيا مو بگدي هلا بيج عيني يله فوتي بس لما عمتي تكمل لبس عمه وين صرتي فدواتج من يمتى دخلتي تلبسين
وصال اني لو بس أخلص من لسانج بخير ثولتيني تعالي شوفيلي الشال ضابط
عصام يمه كلنا ضباط
وصال أهوو ولج اسيا دتعالي شوفلياه
عصام أسيا روحي على أمي
أزهار اجينا يمه دخلنا اني وياها شافتني وشهكت اخذتني بحضنها ما اعرف ليش بجيت وحست بيه وتمسح دموعي
أسيا خوما صاير شيء.
وصال امشي قفلي الباب عصام يفتر خاف يسمع لو يحس والله يروح يجنز هشام وأهله كلهم
أزهار ما بيه شيء لايضل بالكم بس لن ولادتي قربت نفسيتي تعبانه هالفتره كلش مخنوكه.
وصال لا أمي گولي يالله غير لساني ولسان أبوج يلهث بالدعاء الج ربي يكومج بالف سلامه حبيبتي يله هسه نروح الدكتوره ونشوفها شتكول النا وبعدها نروح نجهزج.
أزهار تمام كعدت واسيا تلبس بشال امي ودخلت اسيل شايله جود وسلمت عليها وانطت ورقه ل أسيا.
اسيل اسيا هذن كتبتهن الج بورقه والسيروم نفسه اذا ما لكيتي لاتجيبلي لن بس هو يوالمني
أسيا ماشي حبيبتي تدللي واذا عندج نقوصات عود نتخابر خليها بجنطتي.
أسيل وهاي فلوسهن
أسيا مو ازعل منج ولا فلس اخذ رجعيهن
أسيل لا والله ما يصير لعد لاتجيبلي
أزهار سحبت منها الورقه وما اخذت الفلوس واسيل تفتر وراها وهي معنده
أسيا أمشي أنتِ وفلوسج لا اركعج بالجنطه
اسيل اي ما يصير يا عيني
أسيا لا يصير.
وصال رجعيهن بنيتي ماكو بيناتنا فلوس وهي حسبة أختج شگو بيها حالج من حال ازهار، أسيا شو عبالك شالي مو ضابط
أسيا عمه والله ضابط ومخلي رتبه هم اهاا شحلاتج طلعتي هيبه والله هيبه فدوة لوجهج شلون خدود ينكرطن نيال عمو كمال
ازهار باستها قوي وامي تضحك وتغم بيها وضحكنا عليها وكملنا وطلعنا جود يم اسيل صدك مروان وين ما شفته
أسيل بالدوام والله متشوفيني ضايعه من دونه.
وصال صدك ذكرتيني هاج التلفون بقي يمج هذا مروان يخبصني بالسوك كل شوي متصل أسيل واسيل
أسيل ماشي عيني عمه اسيا عود اخابرج
اسيا اوك حب كرم تجي لو تضل يم عمه اسيل
كرم لا اضل يمه عمي مروان كال ضل يمها احميها
اسيا هاي هي اسمع كلام عمك يله نمشي حبيبي خلصنا
عصام يله امشوا.
أزهار طلعنا لدكتوره ودخلنا گبل لن حاجزين وردت ادفع أسيا كالعاده ما خلتني فدوه لعينها نسخه ما تكرر.
بعد فحوصات كامله تبين.
الدكتوره ماما ازهار طفلتج نازله خلي اشوف جدول العمليات واردلج خبر انتظريني.
أسيا هسه تكولج بالليل واحنه ما مجهزين الج
أزهار شويه ورجعت النا
الدكتوره اليوم أحد يوم الثلاثاء بالليل الساعه 7 أنتِ بالمستشفى، الأهلي ومن توصلين خابريني وهما راح يكون عدهم علم بيج وهسه هاي مجموعه تحاليل لازم تسوينها كامله علمود الطبله
أزهار ماشي عيني دكتوره
وصال دكتوره خوما خطر عليها لن ما مكمله شهرها.
الدكتوره لا امي لاتخافين والطفله وضعها كلش ممتاز وصحته امها كذلك صفي نيتج وادعيلها بالسلامه اطمئنوا لو اكو شيءابلغكم يله ازهار كملي تحاليلج
ازهار ماشي
أسيا دكتوره وأني
الدكتوره صعدي اشوف شغلي وياج شالعه كلبي أنتِ ورجلج وشلون راح اعاقبها 15 يوم ضبط ممنوع
أسيا لا عفيه دكتوره وين ينطي وجه سوده عليه جان بلغتيني قبل بوقت
وشتسوين اسيا كعدي راحه أنتِ على الريحه تحبلين دصعدي خاتون.
ازهار ضحكنا وطلعنا اني وامي وهي ضلت وسوينه التحاليل وخلصنا وجهزنا كلشي وطلعنا لسوك وبدينا نجهز وفرحانه بنتي راح تنور الدنيا
كومة اخذولي خو اسيا ما خلت ما اخذت عبالك هي والده عيني هي واني هم اخذت نقوصاتي كلها وبعدها اخذت شغلات اسيل كلهم وضافات عليهن كم بدلة نوم اسيا ذوقج فاسد
اسيا مو اني فاسده يله نمشي عصام يتصل.
ازهار رجعنا البيت وصعدوا الاغراض بغرفتي وحضرلي جنطتي مال الولاده والليل كاعدين بس عصام يمنا بابا ومروان بالدوام نسولف وهو يباوع أخبار ومندمج.
أسيا نصن صوتجن زلمتي كاعد
وصال ما يخلي باله
ازهار واجتي اسيل جابت الكرزات والفواكهه والترتيب فول معدله مرت اخوي
اسيل الف عافيه اسيا حبيبي تسلميلي ما قصرتي.
اسيا على شنو يمعوده تدللي اي شيء تحتاجينه تعالي عليه اذا مو من السوك اوصيلج من البيجات عندي بيجات ثقه اوصي منهم دائماً وحالج من حالي
وصال عفيه بجنتي عفيه يمه عصام
عصام ها يمه
وصال عاشت ايدك
عصام على شنو
وصال على أختيارك بشريكة حياتك يمه عيني وماي عيني هي
ازهار بس باوعلها وأبتسم نظراته الها تكفي عن التعبير وكملنا سوالفنا وثاني يوم الظهر على الغده بس عصام موجود وصار عندي وجع يمه لحكيلي يمه.
وصال يمه شبيج ولج فهميني اسيا تعالي
ازهار كمت وكع ماي يمه ماي جاي اولد عصام انخبص
عصام اشغل السياره يمه شسوي
وصال اي شغلها شمنتظر اسيا ركض لبسي اسيل صعدي طياره جيبي جنطتها
ازهار انخبصوا بيه واسيل ساعدني غيرت ملابسي ولبست واني ابجي وخايفه وبهل الاثناء دخل بابا وشافني اجاني ركض حضنته بابا راح اموت
كمال اسم الله بابا اسم الله وصال وين صرتي
وصال بس البس عباتي.
كمال عوفي عباتج هسه ولك عصام تعال شيل اختك لاتخليها تمشي تحملي بابا تحملي ياروح ابوج يله يمعودين متشوفنها شلون صارت.
ازهار دخل عصام شالني واني ابجي صعدني السياره واجتي امي وبابا بصفي صرت بالنص واسيا ليكدام وشغلها وطار بيها ويحجي على التلفون.
عصام عمار وينك امشي ارجع لبيت بس اسيل والجهال ضلوا مروان للعصر يله ينزل دمشي هسه
كمال وين رايح
عصام بيت عمي داوود يم الولد هسه اشوف مروان.
ازهار كاتمه الوجع ولازمه ايديهم وامي تقرأ ايات واسيا تحجي ويه الدكتوره وعصام يخابر مروان
عصام اي اذا ما عندك شيء انزل لن ضلت لوحدها
مروان وعمار وين رايح شلون تعوفونها لوحدها.
يمعود هذا عمار فد واحد مسربت شمدريني طالع يم ولد عمي داوود
هسه وكت دياحته
يله هسه خابرها على تلفون امي ضل يمها
ماشي وأزهار شلونها طمني عنها
طالعين المستشفى عود اني اخابرها واطمنك عليها يله فيمالا.
أزهار تمشي بينا السياره واستحي اكول الهم هشام عصام باوعلي كانما فهمني
عصام هشام خابرته بالطريق جاي
ازهار هزيت?اسي وصلنا وهشام اجه بس شافني تقرب يمي بس ابتعدت استحي من بابا هو حس سلم عليهم وكف مقابيلي وكملنا الاجراءت وصار موعد دخولي العمليه أول واحد حضنته بابا ويبوس بيه وامي وعصام واسيا وهشام باوعتله وغمض عيونه.
هشام بالسلامه حبيبتي لاتخافين أنتِ سباعيه.
ازهار مع السلامه ودخلت صالة العمليات وبعدها طلعت وراسي منفوخ ودايخه وبعدها طلعت لغرفه وكلهم يمي بوسط الافراح والسعاده تغمرنا بولاده اجمل طفله أسمها غزل اخذها هشام اذن بإذنها ونطق إسمها وقربها مني بستها فدوه تشبه مروان
هشام خلف الله عليج دكولي تشبهني
ازهار ضحكنا وامي تقربت وشاورتني
وصال تطلع فاسده مثل خالها.
عادي خلي تطلع فاسده أفتخر بفساد خالها ضحكت وضربتني على كتفي وابن الحلال بذكره ودخل وتقدم سلم عليه
مروان وينها كالوا تشهبني صدك
وصال منو كالك وشبسرعه عفيه اسيا إستخبارات شغاله عندج.
أسيا شلون لعد عمه
ازهار اخذها ويبوس بيها وامي متقبل لن بعدها طفله ناعمه
مروان يمه شكد حلوه تشبهني مو
وصال اي والله تشبهك هاي من كثر ما تحبكم اختكم طلعت تشبه خالها وخشمها طويل خشم عصام.
مروان لا بس تشبهني عيني هي حبيبة خالها الا اخليج ملكه على عرش خوالج.
ازهار ابتسمت وباوعت على هشام صافن وساكت عازل نفسه عكس البقيه كلهم فرحانين ويسولفون باوعلي وأبتسم شبيك
هشام ما بيه شيء حبيبتي فرحان بيكم الحمدلله على سلامتكم.
ازهار الله يسلمك ضليت صافنه عليه رغم الوجع اللي امر بي بس غصه بصدري عليه وضل يمي ما عافني واخواني راحوا مروان كوه امي شلعته تعلق بيها هواي بس يباوعلها ويصور ويدز ل اسيل على تلفون أمي وانوب فتح كاميرا الها وتباوع واخذته سلمت عليها حبيبتي يوم الكم
أسيل فدوة لكلبج الله يسمع منج أن شاءالله.
ازهار حجينا وبعدها اخذ التلفون وطلع برا والليل راحوا ضلت بس اسيا وامي يمي وانوب اجتي اسيل ضلت واسيا رجعت ويه مروان وثاني يوم طلعنا للبيت وهشام ما دخل ويانا للباب وراح ولا واحد من اهله وصل بس هو.
بقيت بغرفة امي ومروان محضرلها سريرها فدوة اروحلكم وطول هالايام المرت هما حواليه عكس هشام قلت أتصالته وتواصله ورحت سحبت الخيط مال العمليه ورجعت وعيني على الباب ما اجه وينك.
حتى قليل يتصل ولا واحد منهم وصل حتى هو من اخر مره حتى اهلي لاحظوا بس ما حجو ولا جابوا طاري لن بفترة صعبه ما يردون يغثوني وقدر الامكان وفروا اليه أجواء الفرح والسعاده...
والبيت مخبوص من أقاربنا يجون يباركون اللي وبنات عمامي كلهن ناس تروح وناس تجي كلش حبيت الأجواء بوسط اهلي وناسي بس مع ذلك فرحتي مكسوره ومتفقدته وغصه بصدري على.
حالي وعلى بنتي اللي من صارت لحد الأن شافها مره وحده ابوها وأتصال قليل شلونكم البنيه شلونها وهاي هي حتى ما يكولي شنو محتاجين اني الحمدلله ما محتاجه لن اهلي ما مخلين عليه قصور
عفتها بالغرفه وكمت للمطبخ اسويلها ممه ولكيتهن مخبوصات والبيت يلمع البخور مشتغل اكو احد مهم يجينا مو على العاده كل يوم ترتبون بس اليوم لاحظت غير مفارش التخم متغيره والورد الطبيعي خير.
وصال زوجة أحد المسؤولين صديق أبوج تجي هي وبناتها الاثنين يباركن الج وكالي اريد كلشي من احسنه.
أسيا عمه عليج الله على أساس ما تعرفين منو اليجي!
وصال منو قابل وهنا كلهن اعرفهن اني مو جديدات عليه.
أسيا لا هاي ما تعرفينها
وصال أسيا احجي شبيج تحجين بالغاز منو قابل
أسيا مروان يعرفهم اشد المعرفه!
وصال منو ولج وشدخل مروان
ازهار لا تكولينها بس لا اللي أبالي
أسيا اي هناس وأمها وأختها!