رواية بين قلبها وعينيها كبرياء للكاتبة شمس العراقية الفصل الخامس والخمسون
أزهار لا تشاقين عزا وأسيل وهي شگو جايه شتسوي تجي ماما كولي والله ما عندج علم
وصال والله ما عندي علم أبوج ما گالي ليش هو يحجي كلتله منو من اصدقائك ما حجه وهسه سمعت والله لو ادري هي واهلها فلا اخبص نفسي وانظف واستقبلهن وابوج شبي مروان مو تزوج أسيل وعايشين عين الله عليهم ما صدكت الله هداه عليها انوب عليه الوساس.
وبنات الناس لعبه عدهم شكو يجيب حبيبته كدامه بلا مروان حن الها وكلنا ندري جان يحبها وحب لا يوم ولا يومين اربع سنوات اهنا اهنا اوف منك كمال اوف وأنت أسيا خاتون ليش هسه يله حجيتي
أسيا شمدريني عمه عبالي عندج علم حتى عصام مستغرب بجيتهم وگال ماله داعي جايه شتسوي تهيج مواجع مروان وفهمت أبو هناس هو مبلغ عمي گايله الأهل يجون عليكم يباركون لبنتك.
علي المولوده غير عمو كايله بنتي ولدت الظاهر العلاقه راجعه متحسنه ومتطوره على كلام عصام
صايرين دهن ودبس يعني أصدقاء وألا ليش دز
أهل بيته يباركون بولادة ازهار.
وصال وعمج بكيفه يتصرف يضرب من?اسه أني شعليه بشغلك وصداقتك صادق گبلك ليش ترجع العلاقات وتربط الأهل بالنص وتجي المحروسه بله اجه وشافها اخ كمال لو الزمك هسه دگولي ليش تخليني على عمى وجهي وهاي المسكينه الفطيره الفوك ما تدري الله وين ذابها هي تباوع على الله ثم على مروان.
ازهار يمه نصي صوتج لاتسمعنا وهسه يله خلص ماصار شيء نتصرف طبيعي وأن شاءالله مروان ما يجي هسه هو مو راح المعرض بلكي يتأخر.
أسيا يله اني فايته اتجهز ازهار لبسي وغيري ملابسج وترتبي.
وصال عصام شوكت ينزل اريد افهم منه شنو سبب رجوع هالعلاقه بين ابو هناس
أسيا ما ينزل هسه بس بلغني
وصال خير ان شاءالله أسيل نزلت سكتن يا ويلجن تفتحن حلكجن.
أزهار نزلت بيدها تلفون امي
أسيل هذا تلفونج عمه هاا واكفين بنتج وين
ازهار بالغرفه عفتها واجيت اسويلها ممه
أسيل رايحه عليها فدوه شلون بنيه تنحب.
ازهار راحت الغرفه واني سويت ممه ورحت وراها اخذتها رضعتها واني طلعت ملابس لبست.
أسيل يجينا خطار
ازهار اي من أقارب ماما ما تعرفيهم
أسيل ها تمام
هم خابرتي مروان
اي جنت احجي من تلفون عمتي وانتظره يجي وگالي نطلع نفتر بالمولات ومحتاجه شغلات هو هم يريد يشتري ملابس اله ونتعشى بمطعم ونرجع
اي حبيبي شگو بيها اطلعوا تونسوا يعني هسه يجي.
گالي ما اتأخر اخلص شغلي واجي هم بينما يسبح واتحضر يعني قبل المغرب نطلع على برد الجو
أها ماشي
ليش محتاجه شيء أجييلج وياي أمانه كولي أصلاً مروان گالي سأليها شنو محتاجه
لا حبيبي سلامتج كلشي ما محتاجه روحوا تونسوا
أبتسمت والفرح بوجهه وحسيتها هالفتره مرتاحه بعلاقتها مروان حتى وجهه مورد وشويه واجتي اسيا كاشخه بيدها تلفون امي منو
أسيا مروان يتصل
أسيل أي انطيناه هلا حبيبي
مروان هلا حبيبي نزلتي من فوك لو بعدج.
لا نزلت كاعده يم ازهار وبنتها مخليتها بحضني
فدوه بوسليها
وصلت بستها اي شوكت تجي
هسه راح اطلع حضرريلي الغده جوعان اكل وجوعان الج هم
أختك كاعده
الكاع محظوره حرامات يله اجي وأفك الحظر لن اشتاقيتلج حيل
وأني هم يله أنتظرك حبيبي
ماشي عيني فيمالاا.
ازهار باوعت ل أسيا بلعت ريك غمزتلي هاا
أسيا اجو عمتي تكول خلي تجي تسلم عليه
ازهار يله اني رايحه اسلم عليهن بقي غزل يمج
أسيل تمام هسه يجي خالها يأكلها.
ازهار حبيبتي طلعنا اني واسيا ولج مروان راح يجي شلون
أسيا شمدريني واضح مروان ما عنده علم شفتي شلون يحجي ويتغزل والله يعني والله صدمه على أسيل أكثر من مروان عمو شعنده سوالف أمشي تأخرنا وسألت عنج هناس الحلوه خرب بيومها شايله جمال ونزاكه وكايرزما الا أطك بالكاع غطت عليه وشمرتني بالشط عليها عيون ونظرات وطول تكتل والشعر يسحل ويه خصرها قنبله.
ازهار أي هي حلوه وشخصيتها بعد أحلى المهم هسه شعلينا بحلاتها اني شايله هم لمروان اذا شافها شلون وأسيل المسكينه والله خطيه.
أسيا أخوج رجال شنسويله يتحمل بس اسيل خطيه كاسره خاطري وحبه القديم صعبه يله امشي كبل لاتطلع وتحسس خل نضل ساكتين امشي كدامي لما اجيب الضيافه واجي.
ازهار ماشي رحت عليهن ودخلت الاستقبال لفت أنتباهي اكثر من أمها وأختها تقدمت عليهن ومباركات وكعدت.
هناس الحمدلله على سلامتج حبيبتي والف مبروك على البنوته تتربى بعزكم ودلالكم يارب
ازهار الله يسلمج حبيبتي صفنت عليها ولاحظت حزن بعيونها ومليانات دموع وأيديها يرجفون شايله الكلنس ومنتبهه على كلام امها وهي تحجي ويه أمي تتهرب من نظراتي ألها
دخلت أسيا جابت الضيافه وضل الباب مفتوح باب الاستقبال كبير والصاله مقابيلنا قدمت الهن وسمعنا صوت مروان علن عن وصوله
مروان أسيل.
ازهار هناس كبل فزت وايديها يرجفون وهي تاخذ العصير نصه وكع واسيا قدمت الها كلنكس والرجفه مو بالايد الرجفه بالروح.
صاروا گبالي طلعت أسيل لابسه تراكسود لن ماكو احد عمار طالع وعصام ملتحق وبابا بالدوام فه ماخذه راحتها ما متقيده جانت وركبتها طالعه ورافعه شعرها طفله برئيه وشايله غزل وتقدم مروان يبوس بغزل وحضن اسيل من كتفها ويضحكون وهو صعد قبلها وكال
مروان صاعد اسبح وجيبلي الغده فوك
أسيل ماشي حبيبي.
ازهار اسيا كبل ردت الباب وما احجي على هناس نظرات حزينه تبجي والدمعه بعينها نزلت مسحتها موقف جان صعب عليها هم خطيه.
عيونها صارن دم حتى أختها لاحظت عليها وتأشر
ل أمها يردن يكومن
هناس يله ماما نمشي عندي قضيه طلاق لازم أراجعها.
ازهار أمها تحجي ويه امي وحبابه گلش وانطلقت بالحديث وأني واسيا بس نباوع وهناس بدأت تحجي وتضحك تريد تكسر على الجو.
هناس البنوته شلونها أن شاءلله صحتها زينه
أزهار لا الف الحمدلله زينه.
يا حبيبتي وشنو سميتوها
غزل
يمه فدوه للبنات عاش من سماها زينة الأسماء
ربي يفرحكم بيها حبيبتي.
تسلميلي عمري أشكرج واحنه نحجي ومر الوقت هواي وهنا كاعدات وأنفتح باب الاستقبال دخلوا مروان وأسيل ومروان وكف مصدوم عيونه عافتنا كلنا ويباوعلها بنظرات حزن بعيونهم أثنينهم واسيل تقدمت سلمت عليهن سلام حلو حتى هناس باوستها وهو تدارك نفسه لحظه اسيا ندهته وفز
مروان ها السلام عليكم عمه روناك شلونج.
روناك هلا حبيبي ابني مروان بخير الله يسلمك ويخليك ومبروك عليك الزواج تتهنون عمري
مروان الله يبارك بعمرج عيني عمه اشكرج
هيفين شلونج
هيفين الحمدلله تمام.
ازهار وصل هناس أرتبك وتوتر وسگت بس ضل يباوعلها واسيل شايله غزل وكاشخه عاد امي حجت
وصال شنو يمه طالعين
مروان ها أي
وصال وين ترحون
مروان ما ادري اسيل ما ادري كالت شسمه اي كالت تسوي تحليل اي تحليل تحليل حمل
وصال ها اي خير ان شاءالله.
أزهار أسيل ركزت عليه وحست اكو شيء مو طبيعي لن ارتباكه وتوتره واضح وعيونه عليها بشكل مو طبيعي وهناس تباوع لأمها ويحجون عاد هو كال
مروان يله أسيل نمشي تأخرنا مع السلامه.
ازهار عبرنا وفات من يمها هناس غمضت عيونها ونزلت دمعتها مسحتها عالسريع ورفعت خصلات شعرها تبين تكون طبيعيه واسيل باوعتلنا مافاهمه شيء ترخصت وطلعت وراه.
أسيا الجو يكهرب الله يساعدهم ثلاثتهم.
ازهار هزيت?أسي وخابروا عليهن وترخصن وأخذت بنتي تبوس بيها ولبستها ذهب وامها كذلك وخلن مبالغ ماديه بظرف وطلعن سياره مضلله سلمن وراحن ورجعنا وامي مزعوجه.
أسيا مروان ليش فات سلم معقوله يدري
وصال لا واضح ما يدري ما شفتنه شصار بي جمد من شافها عباله بيت جده لو نسوان عمامه شمدري
بس حسابي ويه كمال شگول عليك هالبنيه من شافته شصار بحالها كطعت گلبي لو اسيل سوده عليه ولا تدري.
ازهار الله يكون بالعون يله اني فايته أنوم بنتي أخذتها ورحت الغرفة امي خليتها بحضني باوعت تلفوني ماكو لا أتصال ولا حتى رساله ولا واحد منهم وصل ليش هيج تسوي بيه أنتَ وأهلك اشسويتلكم
أتصلت عليه وبسرعه جاوبني عبالك منتظرني هشام
أجاني صوته
هشام هاا أزهار
أزهار شلونك
زين الحمدلله وأنتِ شلونج
زينين الحمدلله شو ماكو مختفي من البارحه بليل حجيت ويانا وهسه الدنيا مغرب صاير شيء.
وشغل وعمل ما عندي أضل أحجي على التلفون شبيج أزهار ليش عقلج صاير عقل جاهل.
عقلي صاير عقل جاهل رحمه الله والديك وبعدين منو گال تحجي على التلفون بس جان أجيت كلفت على نفسك شفت بنتك خو أهلك اللي ولا واحد منهم وصلني وأنت من ولادتها شفتها مره وحده وهاي هي، مو على أساس هاي ثمرة حُبنا أني وياك.
ليش تريد تخلقين مشكله ونتعارك يعني وأذا شفتها مره وحده شصار تنگلب الدنيا اني رجال عندي شغل واركض ورا رزقي شتردين أكعد وأكابلج أنتِ وبنتج ازهار أنتِ عمرج ما راح تحسسين بيه
أحس بيك ليش محسسسني اني عاله عليك وشالعه گلبك وأنت من اجينا يم أهلي بالكذب ما كلتلي شنو محتاجين حليب حفاظات خلصتي مصرف سؤال ما كلفت نفسك تسألتني.
أهاا تعيرني حضرة جنابج اني ما أصرف عليج مو وأهلج متكفلين بيج وبمصاريفج أنتَ هذا الكاتلج
لا ما معيرتك ولا يم هذا الموضوع
لا عيني كلتيها وبدون مستحى
لحظه لحظه ليش بسرعه أخذت على نفسك واني مو بحاجة الحليب والحفاظات الحمدلله أهلي ما مقصرين بس اني بحاجة سؤالك وأهتمامك المفتقدته
لا تردين مصرف وحليب وحفاظات سالفتج مو يم الأهتمام بس أوكفي هسه يوصلنجن.
لاتجيب مو بحاجتهن ولا گلتلك جييبلي اني بحاجه أهتمامك عليه أني وبنتك لعد أكو أب شايف بنته مره وحده حالها حال يتيمه ليش هيج هشام.
باع أفكارج سويتها يتيمه أنوب بابا عندي شغل ما فاضي لسوالفج وبعدين أنتِ يم أهلج وين أجي خوما اضل فايت طالع وعدكم جنايين أذا هيج كاتله روحج على هشام هسه أجي أخذج وتصيرون گبالي عيني علمود عقلج لايكوم يفسرلج على كيفه.
لا ما أروح بعدني بسم الله وغزل تريد سهر وتعب اني ما بيه عمليتي بعدها.
لعد دبقي ولاتضلين تنكين على?أسي
أنك على?أسك هذا اللي طلع منك بعدني جاي احجي قطع الخط بوجهي هذا شبي رجعت اتصلت مرتين والثالثه جاوبني وصاح بيه
شتردين
ليش قطعت الخط بوجهي
عندي شغل
مره ثانيه وأني احجي لاتقطع الخط بوجهي دهاك سديته بوجهه ورجع أتصل ما جاوبته وضل يتصل وما اجاوبه دزلي رساله.
جايج وتمشين ترجعين وياي للبيت كلمه زايده ناقصه ما أسمع لا منج ولا من أهلج فاهمه.
لاتجي ولا أتعب نفسك ما اروح وياك وبعدين وين أروح منو يداريني علمود أموت اني وبنتي ومحد سأل علينا وأنت بالشغل إذا تعوف شغلك وتگابلنا تعال يله
أزهار أتعوذي من الشيطان أبويه
والله كول لنفسك هالحجي شگو جاي عليه وهسه عرفت لا أنت ولا أهلك أجيتوا الظاهر أنت من اللي يردون ولد وخلفلتك بنيه هذا اللي مخليك مبتعد.
قسم بالله أفكارج جهنميه وشنو فرق الولد عن البنت يالفهيمه يم أم العقل الحكيم والواعيه يعني ما ضل كلام تقهريني بي بس هذا خلف الله عليج عيني
ما جاوبته وضليت كاعده وبهل الأثناء أجتني أمي مستعجله هاا ماما أسيل ومروان رجعوا
وصال لا يا أسيل ومروان گومي رجلج اجه وما يتفاهم تعالي جيبيلي بنتي أشوفها كومي وياي.
أزهار اي خل يفوت.
لا برى باب الحوش ما يفعل يدخل داخل معند تعالي جيبليها اشوفها من الباب وين اخذها بهل المغرب كل عقله هذا شتحجين وياه
أوكفي أني أطلع عليه لبست شالي وطلعت وياها ونمشي لن الحوش جبير وامي فتحت الباب وطلعت عليه واني ورا الباب بعدني ما باوعتله گالها
هشام عمه وين البنيه
وصال يمه وليدي وين أجيبها اهنا والدنيا مغرب أخاف عليها وهي بعدها بسم الله دفوت يا أبني وشوفها داخل على?أحتك.
لا عمه ما أفوت جيبيها أشوفها من الباب وأروح
وليش تشوفها من الباب ما عدنا فراش نكعدك عليه لو ما نعرف نستقبلك دمشي أدخل الاستقبال وشوفها براحتك منو مانعك من بنتك.
لا عمه ما أريد لا انتوا ولا استقبالكم اليه ردت بنتي أشوفها واولي لبيتي طولتيها وعرضتيها عليه شگوو.
شبيك أبني منو وياك ما تريدنا ولا تريد أستقبالنا بس جاي أكولك وأفهمك ماأكدر اجيبها الك يم الباب حتى عيب العالم شتگول علينا موكفين نسيبهم يم الباب يشوف ببنته
بضحك موكفينه يم الباب عمه ليش اسوين روحج ما تعرفين گلشي واني شعليه العالم الحجو والما حجوا أخر همي.
أستغفر الله العظيم واتوب اليه أبني شبيك أنت جاي أكولك ما اكدر واخاف عليها بالله أنجبست بهل المغربيه هاي مسؤوليه برگبتي شو أتعوذ الشيطان وأدخل البيت ل الأستقبال وشوف بنتك ومرتك هم منو مانعك يا ابني ياعيني ياهشام.
لا هذا هو لاتجيبيها بقيها وبعد ما أريد لا بنتي ولا أمها خليهن يمكم
هشام أبني شهل الحجي أستغفر ربك
هذا هو عمه ما اريدهن يله فيمالا.
أزهار شغل وراح ورجعت أمي وصاحت بيه.
وصال شحاجيه وياه وهيج متخبل وما يتفاهم
يمه شبيج قابل ما تعرفيني شحجايه قابل هو ما أعرف شبي اني شعليه ترجعين عليه
هيج من كيفه
حجيت الها كل الكلام
وأنتِ يا أمي ليش تنكين على?أسه أحتمال رجال صدك ملتهي بشغله ويركض على رزقه هم الله يعينه برگبته كومه لحم والبشر انطي سبعين عذر لاگبل تهجمين عليه أصبري عليه وتفهمي وضعه وظروفه هم خطيه شيصير يا أمي أنتِ.
أهتضمت وبجيت وأمي حضنتني ودخلتني البيت للغرفه وانفجرت بالبجي وتسكت بيه ما اسكت وگلبي مثل النار وكلامه ب?اسي.
ولج يمه أسكتي شجاج جعل لساني الكص ساعه لمتج هاي هي هشام مو أدمي بس لاتبجبين وتكطعين گلبي عليج موزين دنيا مغرب تقهرين بروحج هو هم ما ادري شلونه دكول توها والده ونفسيتها تعبانه وگته هالحجي
شنو قصده من گالج بعد ما أريد لا بنتي ولأ أمها خليهن يمكم ما أريدهن يعني شنو هاي هي عافنا وتخلى عني.
لا شبي تخبل على عمره بس والله من قهره وحرگة گلبه عليج كام يذب بالكلام لن حس بيج أنتِ ورا الباب تسمعينه يريد يقهرج والله وهو لوما يحبج ورايد بنته ما يجي بهل المغربيه بس كاتل روحه عليكم لعد اكو اب ما يريد بنته وأنتِ أمها وهو يحبج وروحه بيج
لا كذاب ما يحبني لو يحبني ما يقهرني بهل الكلام وأقل سبب وفرصه يكول ما اريد بنتي ولا أمها.
أستغفر الله العظيم واتوب اليه شو اتعوذي من الشيطان الرجيم وأستغفري الله أوكفي اجيب القران افتحه بوجهج أنتِ نفسيتج تعبانه.
جابت القرأن فتحته بوجهي ونومتني بحضنها وكعدت تقرأ واني ابجي يمه گلبي راح يوكف يمه ما بيه بعد نار نار شاعله بصدري يمه يمه.
. عافت من أيدها ولمتني بحضنها وتسكت بيه أنهاريت واجتي أسيا انخبصن بيه ليش كال ما اريد بنتي ولا امها ليش شنو يعوفني يطلكني مو اي بعد ما يريدني اني وبنتي لعد ليش خلاني أحبه واتعلق بي واخلف منه وبعدين يعوفنا ليش كسر رگبتي وياه
أسيا منو گال يعوفج يمعوده يكذب والله عوفي هسه أنتِ وينج وين هشام أنت والده كعدي يم هالملاك كابليها وعيشي أجمل لحظات وياها تلحكين على هشام صارلج شگد ما شبعتي منه.
وصال والله يحبج ويموت عليج هسه شوية أنوب يتصل عليج ويريد خاطرج ورضاج ما عليج منه شو كومي غسلي وأستغفري يله بنتي السباعيه يله امي
أزهار يمه أحبه أموت عليه روحي بي نفسي الأتنفسه هشام ليش هيج قهرني منه ليش.
أسيا ليش ما ندري بيج تحبينه وهو هم يحبج يموت على الخلقج يله كومي اغسلج واجيبلج العشه شلون سويتلج دجاج مشوي بس اني وياج وعمه نكعد نفترسها ونسهر ونسولف ونتعلل تعلوله زينه ونضل نحش بهشام واهله ننبش صفاح أجداده
يله حبيبتي يا رويحتي.
أزهار أخذتني أسيا هي غسلتني ونشفت وجهي بإيدها واخذتني بحضنها بجيت على صدرها وتسكت بيه وتمسح على شعري بحنيه ليش هيج حجه
ميخالف خل يحجي ميخالف ما عليج منه
ما يحبني بعد.
لا يحبج بس قهره هيج حجه وهم خطيه بعيدين عليه ويرجع ما يلكاكم والغرفه فارغه ولا عبالج ما مقهور لن أهله ما وصلوا الج ولا باركن الج لاعبالج ما يفكر تلكينه شبعان قهر بس شطالع بيده خطيه ومستحيل تعاتبينه وينطي ويكسر بأهله كدامج الرجال لو تذبحينه أهله ما يكسر بيهم وخط أحمر وحتى لو مو اوادم وعلى خطأ يكولج لا أنتِ مو أدمي او يضل ساكت لو يرجع يفرغ قهره بيج لهذا أعذري ولاتضلين تفكرين وتقهرين بنفسج بحجايته ارتاحي وتستقر نفسيتج عود احجي وياه وتفاهموا براحتج.
ماشي
يله التهينا بهشام ونسينا الأهم مروان وأسيل
أي والله صُدك ما رجعوا لحد الأن
لا اني ما رحت الغرفتي لو رجعوا جان شفتهم جان سمعت صوت فوك هدوء ماكو اي صوت
يجوز يتعشون ويجون
تتوقعين گال إلها عن هناس.
لا ما أتوقع مروان بهيج مواضيع كتوم ومتحفظ الى درجه هو من جان يحبها ما سولف لأحد مو عاد هسه بس تريدين الصراحه هناس جيتها مو راهمه جان تكدر ما تجي بس امها وأختها يجن يباركن يعني شتسوي جايه بيت أهل حبيبها السابق وهي تعرف بي متزوج وشيء أكيد تشوفه وتشوف زوجته ليش هالأحراج الها والهم خطيه يعني اني ما أدافع لاحد بس الاذيه الهم ثلاثتهم.
أي والله خطيه بس صارت بعد يله امشي نتعشى
ماشي بس أجيب تلفوني.
لا ممنوع تلفون هسه عوفيلي هشام وتعالي تعشي وأتغذي أنتِ والده جديد يحتاجلج تغذيه ونفسيه تمام التمام يا هشام يا بطيخ يله تحركي لمطبخ.
مشيت وياها وجهزت العشه ما مخليه ما مسويه واجتي امي وكرم وكعدنا نتعشى وكملنا أسيا غسلت المواعين وأمي شايله جود وكرم بصفها يتصل على عصام ميجاوبه.
أسيا ولك امي عوف أبوك عنده شغل هو بعدين يتصل ونحجي وياه كاميرا
ك?م ما هسه اريد أحجي وياه ماما ما يفتح عليه.
عوفه يا امي يجوز راح يتعشى شو جيبيه ك?م هذا عمل كومه متصل عليه.
وصال شوفي خطيه يريد يحجي وياه
أسيا هسه فتح يله تعال اتصل بابا اوكف خلي اكلب الكاميرا يله اخذ
كرم بابا
عصام ها روح بابا ها حبيبي
كرم ليش متجاوبني بس تجاوب ماما
هههه صدفه صارت بابا ما متقصد حبيبي وامك وينها
جاي تغسل المواعين
لازم تعشيتوا
اي
شنو عشاكم
دجاج شوي
طبخ ماما مو
اي شكد طيب
لك شهيتني
مشتاقلك بابا.
واني هم يا ابني بس شنسوي دوام حبيبي يخلص وأنزلكم بس لاتزعل واطنكر على امك صير عاقل أنت زلمة البيت من بعدي.
أسيا اسم الله حبيبي
عصام كرم إنطيني امك
كرم ما احجي وياي
مو حجيت يا حبيبي
شتسوي بيها
عمي سگتنا نوب شسوي بيها
أزهار ضحكنا كلنا وأسيا مدت?اسها وباوعتله وشمرتله بوسه
عصام اي حرگي گلبي
أسيا اخلص المواعين وأحاجيك
عصام لا تتأخرين.
أزهار ضلوا يحجون هو وياه وأسيا كملت جابتلي كلاص حليب وهي وامي يشربن چاي وأنفتح الباب دخلوا مروان وأسيل ومروان گبل صعد بدون سلام ولا كلام وبالعاده من الباب يدخل الغرفه على غزل
ودخلت أسيل كلشي ما مشترين سلمت وگفت يمنا
وصال ها يمه تعشيتوا
أسيل اي عمه الحمدلله تعشينا
أزهار ما مشترين ملابس
أسيل ما أعرف مروان?أسه يوجعه وگال أجليها عود بعدين مره لخ نشتري بس أفترينا وتعشينا ورجعنا.
وصال بالعافيه حبيبتي.
أسيل يله من رخصتكم عمه عندج حب بَنْدول أخذله وياي فد مره صار رأسه مأذي
أزهار عرفنا هي لحد الان ما عدها علم ما حاجي الها الحمدلله خطيه واخذت الحب وصعدتله وغزل كعدت رحت عليها لغرفتي وضليت يمها واسيا خلصت أتصالها ويه عصام وجابت جهالها وياها وفرشت بالكاع وسوتلنا كعده مرتبه من الحلويات والكرزات والفواكهه وامي مخليه جود بحضنها وتبوس بيها وتلعبها ونومتها كعدت وياهن.
وصال مبين هدوء ما سمعنا الهم صوت بلكي ما كال الها على هناس
أسيا لا هاي هي بعد دام ما گال الها من الأول ما يكول الها بعد واحنه هم خل نسد موضوعها لاتروح تسمعنا خطيه.
أزهار سمعت صوت على الدرج اكولج يمكن نزلت شوفيها كامت أسيا طلعت واجتي.
أسيا لا شفتها صعدت الله يهدي القلوب أي هم راسلتي
أزهار لا ما راسلته ولا اراسله خلي أريد اشوفه وين يوصل بهذا كلامه حتى تلفوني راح أغلقه واني بيت أهلي شگوو عليه.
وصال عوفي بعد لاتحاجينه هو يرجع الظاهر متحمل من أهله وأجه انفجر بيج وخلي شيحجي عاملي بإصلج امي لاتجاوزين ولا ترفعين صوتج
تربيتكم يمه ما يحتاج توصيني
اي عفيه عليج يمه
أسيا فدوة لعلقها وين اكو بعقلها يوزن بلد.
أزهار فديتج وضلينا كاعدين وتاخر الوقت واسيا وجهالها أمي فرشتلهم بالكاع ونامت يمنا وضليت الليل كله أتگلب بفراشي ولا كدرت أنام وكلامه ب?أسي حيل قهرني حيل كسر گلبي ليش هيج هشام ليش.
مر يومين ماكو أي إتصال أو رساله منه حتى أنترنت قليل يفتح كل الوقت ما متواجد واذا يفتح دقايق ويروح تالي مليت من المراقبه وعفته وبهل اليومين مروان ما نزل حتى الأكل اسيل تصعده اله فوك غداه عشاه وهي جانت طبيعيه تسولف ويانا وتسأل أسيا وتبوس وتحضن بنتي يعني ما مبين عليها تعرف وهذا الشيء ريحيني خطيه تتأذى اذا عرفت وانوب هو عزل نفسه اكيد راح تلاحظ.
بيوم العصركاعدين نسوي كيك اني واسيا وغزل يم اسيل بالغرفه، كملتها خلتها بالفرن واجت كابلتني نسوي اثنين وحده شوكلا وحده ساده مال چاي.
اسيا هو هم هيج أسيل رادت ساده مال جاي نكمل هاي ونسوي الثانيه
أزهار ماشي، كعدت ودخل بابا اجه من برى مزعوج شكله ما يبشر شبي بابا وصاح بينا.
كمال مروان وينه
أسيا هاا عمو فوك بغرفته ليش تريد اصيحه الك
كمال وليش ما ينزل وعايف المعرض ليش ما رايح.
وصال انطي مجال لاتعصب هسه أصعد اشوفه
أزهار بابا معصب ويحجي عليه وأمي تهدي بي
أسيا أكولج مروان شدعوه عليه هيج ما ينزل يعني لهل الدرجه تأثر بجية هناس
أزهار أي شيء أكيد حب أربع سنوات مو قليل أحتمال ضاج من شافها مو تأثر يعني شنو معناها تجي وهي كلش زين تعرف بي تزوج وهناس هم ما أعرف شلونها وأحنه نحجي أسيل واكفه أسيل.
أسيل غزل رضعتها ونومتها.
أزهار هاا اي عاشت أيدج حبيبتي هزت?اسها وصعدت سريع باوعت ل اسيا عزا بعيني وعينج خوما سمعتنا.
أسيا شيء أكيد هذا الجنت خايفه منه.
أزهار لا بلكي ما سمعت يلا خل كملي الكيكه رايحه اشوف غزل واشوف تلفوني بلكي متصل
أسيا ماشي قلبي.
ازهار رحت الغرفه وقررت اليوم بالليل اصعد بغرفتي فوك كافي خطيه بابا وماما يأخذون راحتهم.
شفت تلفوني ماكو اي شيء منه ودخلت حساباته ما متواجد ليش هيج أختفيت والله راح تخبلني بيك وبتصرفاتك شمرت التلفون وضليت مكابله بنتي
شيصير لو أبوج يسأل عني وعنج معقوله صُدك بعد ما يريدنا يا ماما حبيبتي شلتها بحضني وتذكرته.
ثاني الصبح كاعده احضر ملابسها امي تريد تسبحها واسيا يمي شايله جود وكاعده شلونها نامت بالليل
أسيا من ورا سنونها تصخن ما تنام خطيه.
ازهار يا حبيبي سوده عليه واحنه نحجي أنفتح علينا الباب ومروان شگله ما يبشر وكام يحجي
مروان أسيل منو گايلها عن هناس أحجن منو حاجي كدامها.
وصال شبيك يا أبني فايت علينا أعصابك فايره بعدين محد كايلها والله اني ولا فتحت حلكي واختك ومرت أخوك وصيتهن ما يحجن ليش أسيل عرفت بيها.
مروان بدون ما اسألها عرفت بيها تدري لن عزلت نفسها وجهه طفئ بالله عليجن شتسوالجن من البارحه العصر نايمه بفراشها ومصخنه الليل كله نار صارت منو سمح الجن تحجن الها منو احجن ليش ساكتات أنتن گلتلها على هناس.
وصال على كيفك يا ابني جاي أكولك محد حاجي كدامها شنو متصدك أمك.
مروان لا أصدك بس كولي أحتمال جنتج وبنتج حاجيات بينهم وسمعتهن أي ماكو غيرها لن اعرف النسوان من يلكن سالفه بعد روح يدبكن بيها عاد شلون سالفه هناس ومروان كاتلجن المحنه علينا ومتأثرت بعد عيني تحجن وتبسسبن لما خليتنها تعَرف
ازهار حتى لو حجينا خوما متقصدين نخليها تعرف ياعيني وتعرفنا شكثر نحب أسيل ونريد خاطرها
مروان وشگو تحجن يا أسلام شگو وبعدين هناس شعدها جايه تريد تشوفني طولها.
وصال والله روح اسأل أبوك هالسؤال مالنا دخل واحنه ما راضين بس ابوك اجه وبلغني وحتى ما گال بس أسيا بلغتنا بجيتهم
مروان يعني تدرين راح تجي هي وأهلها أحجي أسيا
أسيا أي أدري عصام گالي عمو كمال مبلغه عفيه لادخلوني بالسالفه وتصير مشكله وتوكع ب?أسي وعصام يضل يحجي عليه.
مروان وعصام هم يدري لا كملت طلعت العائله كلها تدري بس اني وأسيل يا غافلين الكم الله وممكن أعرف اني ليش ما عندي علم بهل المخططات كلها وشمعنى أبويه يدري ويبلغ عصام ومنين نزلت عليه المحنه بين العوائل الكريمه
وصال وشمدرينا يا ايني
مروان لا يمه زين تدرن.
وصال والله تريد الصدك اللي فهمته العلاقه راجعه بين أبو هناس وأبوك وأبوها هو مبلغ ابوك عود الأهل يجون عليكم يباركون لبنتك بمناسبه ولادة حفيدتكم يعني زياره ومباركه وهذا الشيء اني ما يرضيني وما عرفت الا قبل وصولهن وهاي مرت اخوك وأختك واسألهن ومستحيل افكر بأذيه أسيل ولو ادري بيها تجي جان حاجيت ابوك.
مروان ورجلج وين يريد يوصل بهل التصرفات زيارات وأهل وتطورات وعيني عيني شو لعد من جان مروان يريد يتزوج بنت الافندي وذبحت روحي عليها ما وافق ونطح?أسه وعند ورفض رفض قطعي والله ما توالمك وطلع مية الف عيب ولطمني على حلكي وسگتت وهسه متذكر يرجع العلاقه وعمي وخالي هسه بعد ما مروان تزوج وأستقر بحياته تجون انتوا ت بيها.
وصال روح على أبوك مكابلني وتحجي وتعيط اني شعليه
مروان جنتن تدرن وما كلتلي.
وصال واذا كلنا الك شراح تسوي
مروان قسم بذات الله اذا أسم هناس ينذكر بالبيت افجره بيكم موضوعها ينسد نهائي.
أزهار ركع الباب وطلع الله يستر خاف يتعارك ويه بابا وتصير مشكله
وصال خل يتعارك خلي لعد هو تزوج وأستقر ومرتاح هو وأسيل يجي ابوج ويطور علاقتة بإبوها وهو گلبه ملجوم هم الله يساعده منا مرته ومنا جانت حبيبته شيصير قابل.
أزهار أسيا سگتت بس وجهه أصفر من الخوف وشويه وعاط على أمي وكمزت عليه.
مروان يمه يمه.
وصال أجيت هاا عيني
مروان لبسي عبايتج نودي أسيل المستشفى ما تفگها صخونتها.
وصال يمه اسم الله شجاها.
أزهار وكفنا أني وأسسيا يم الدرج وأمي صعدت تشوفها وشويه ونزلوا واسيل كوه تمشي وامي ساندتها لابسه عبايه فوك ملابسها وشالها ذابته على شعرها تقرب لبسها شالها زين وحضنته من ايده على كتفه ومشوا وامي لحكتهم يمه عود طمنينا.
أسيل الأشه? والأيام المرت كلشي بيها حلو دام اني بقربه كلشي يمدني ويسعدني بالحياة بوجوده واني ملكه وهو ملكي صحيح مرات يعصب وينكد عليه وأطباعه صعبه بس بديت أتأقلم واتعود وأحفظ كلشي يخصه علمود ما أعاني وياه ولا أتعبه واني كلشي ولا هو يتعب أو يضوج ويزعل مستعده أحزن وانقهر لوحدي بس هو يكون مرتاح وسعيد لن أحبه.
حضرت ملابسه وملابسي بصف بعض نسقتهن على ذوقي أتفقنا نروح نشتري ملابس ونتعشى ونتمشى ونعيش تفاصيل حياتنا كلها مع بعض.
على الرغم الكسره اللي بداخلي من كلشي صار بحياتي ومجريات الأحداث وغصه اللي بصدري من أهلي وأفعالهم المأذيه والنقص اللي تركوا بأعماق روحي وكلامهم وقساوتهم بس أحس الله عوضني بمروان وحنيته وعقله وشايفه الدنيا بي هو أهلي.
هو أمي وأبي وگلشي بدنيتي وأيقنت ما عندي غيره من بعد الله أني وحيده يتيمه من دونه.
شايله غزل ودخل هو تقربلي يبوس بيها وصفن بوجهي.
مروان شوكت
أسيل الله كريم حبيبي صعد ولحكته بالغده لكيته سابح وكاعد بالكاع بس دخلت كام أخذ الصينيه من أيدي.
مروان تغديتي
أسيل لا ما تعبر اللكمه وأنت مو يمي
يله عليها.
أبتسمت وتغدينا وراح يغسل ونزلت المواعين اخذهن من ايدي عافهن يم الباب وقفل الغرفه وسحبني من خصري بس أغسل المواعين.
عوفيهن تلحكين عليه حالياً أكو الأهم أكو من رايدج بكل تفاصيلج رايد روحج حنيتلها.
حضنته من وجهه هواي صاير حنين وحنيتك أعشقها تدري شايفه بيك الدنيا كلها اني بس أباوعلك
مو بكثر حنيتج عليه.
قربني اله وأحتوني بروحه وأمتزجنا بكل حب وعاطفه وبعدها سبحنا وهو كمل قبلي واني التهيت بالشال عفيه بس البسه لاتنزل قبلي.
لا أنتظرج بس أستعجلي
اي ماشي بس قبل لانطلع افوت أسلم على الخطار
يا خطار ليش منو يمنا
من أقارب عمتي وصال هيج ازهار گالتلي
ما أعتقد يجون أقرباء أمي بس أخاف بيت عمي داوود ديله نزلي لعد نفوت نسلم سوه ونطلع
بس نسوان ليش تفوت تسلم عليهن
وأنتِ تغارين
طبعاً
الج الج.
أبتسمت بثقه وهو طلع وكف يم المحجر كملت شلت جنطتي حبيبي كملت
يله امشي
نزلنا أني وياه بس اني اسلم واترخص منهن وأطلع
وأذا سألوج وين تروحين
ويه زوجي وحبيبي أتعشى
وحبيبج صغير ميفوت يسلم دمشي
أمم تريد تشوف بنات
اي اشوفهن أرتاحيتي.
اي فتح الباب ودخلنا تقدمت سلمت عليهن كلهم سبحان الخالقهن وحده أحلى من الثانيه وانداريت ولكيته صافن على وحده منهن ونظراته جرئيه ما شال عينها عنها ولا ثانيه ولا رمش وهذ كذلك بس لحظه حست أني أنتبهت عليهم هي صدت وجهه وأرتبك وتوتر ولحظة عمتي سألته وكام يخربط بالكلام گلبي نغزني وطلعنا بسرعه ويمشي سريع حتى أنثولت بسرعته وشغل وطلعنا وبنهاية الفرع طبگ سيارته حجيت ليش وگفنا ما جاوبني مر وقت واحنه واكفين تالي شغل وطلعنا بس هو أنكلب جذرياً والطريق كل ساكت هو يدخن.