رواية بين قلبها وعينيها كبرياء للكاتبة شمس العراقية الفصل الرابع والثلاثون
هو بالدوام راسلته هلا حبيبي فاتح نت ميجاوب عصبت منه أتصلت على الرصيد وجاوبني
عصام هاا عيني
أسيا ليش متجاوبني على الرساله
يا رساله
ماسنجر فاتح نت
ما ادري ما شفتها جاي أشتغل ليش أكو شيء
هاا لا هيج
شبيج كولي
ما بيه باي
أسيا الباي متكوليها واني جاي اصخم وياج احجي شبيج مطنگره من صباحيات الله
گتلك ما بيه
ما بيج شگوو متصله لعد لو سوالفج بس لنگد وشلعان الگلب لگلبي بس هذن الفالحه بيهن.
أني سوالفي بس لنگد ماشي عصام
وين موليه اذا قطعتي الأتصال ما يجرالج خير والله جلابه لاتنجلبين عليه واني بالدوام لا احرك أبهاتج
كام يعيط واني بالگوه متحمله يله روح مو عندك شغل ومشغول
عندي صخام وعفته وجاوبتج وطلعتي گلشي ما بيج مثل الحصان
اني حصان
وتروحليه فدوه.
قطعت الأتصال بوجهه ورحت حظرته من كل الارقام والمواقع دتشوف الحصان شلونه وياك اني أعلمك فوك سالفتك المصخمه وياي هو ما عاجبه يحجي بنفس طيبه مكلف على نفسه عايف الشغل وجاينني لا والله زحمه عليك.
بهل الأثناء الباب يدك كمت أشوف منو طلعت عمي واكف بالباب هاا عمو انطاني تلفونه
كمال عصام عالتلفون ليش غالقين تلفوناتكم عمي هاج احجي وياه.
أسيا هاا اي مخلصين شحن أخذته وعمي واسمع صوته يصيح عزا هذا على الاتصال.
عصام سليمه جاوبي اضل مشتول علمود زعلج الما يخلص فضيني عاد اريد اولي على شغلي
اي دتروح منو لازمك
ليش حظرتيني من كل المواقع هاا وارقامي هم اذا الزمج هسه منو يخلصج مني تدرين شسوي بيج اذا وكعتي بيدي
ما تسوي شيء
ما اسوي شي ما خايفه مني مو
لا ما اخاف
بس انزل الا ادبج عليج واطيح حظج قنادر
شتريد شگوو متصل لعد
متصل اتنعم بصوتج لج هذا الحظر مالتج ادفعج ثمنه غالي ام خبالات عقلج طگه ونص ارعنه جاهله
خلصت.
دنجبين وتسمعيني لما أكمل و?اسج اكسسره اذا تسدين الخط بوجهي مره لخ دماغ زز حيوانه
جهال يبجون اريد اروح
اذا ما طيحت حظج وكسرت?اسج اني مو عصام شاربي ازينه ديله ولي واذا اتصلتي مية قندرة اركعج مولي لشغلي اجتماع مهم والله بلوه أنتِ بلوه وابتليت بيج
باي
اني اسد الخط ديله ولي
قطع الخط ورجعت ادور على عمي ما لكيته عمه عمو وين
وصال طلع بالحوش تلكينه.
هاا ماشي عفت تلفونه بالصاله ورجعت كعدت الجهال وغيرتلهم ملابسهم وطلعت كرم عمتي كعدت تريكه وجود خليتها بالكرسي مالتها واجه مروان شالها يبوس بيها
مروان ريحتها مو طيبه
أسيا ياا هسه غسلتها وغيرتلها ملابسها وعطرتها
لا اقصد لاتخلين الها عطر هي طفله خليها على خيستها وحموضتها بالاخص من تكعد اووف تناكل
ضحكت عليه وهو يبوس بيها شالها وطلع وين
نديح اني وياها ادورلها على رجال صاك مثل عمها
يمه كلشي ولا يشبه عمها.
يصحلج نسيب مثل عمها وين تلكين مثلي
يمه الغرور كام يطلع من اذانك
عمله نادره شبيج مميز أني
اي الله يخليك ويدوم النوادر المميزين
اي عفيه هيج أريدج
تدلل عليه ضحك وطلع وجودي وياه وعمتي صاحت وراه
وصال اذا ما عندك شيء روح جيب أسيل من اهلها.
مروان ليش
شنو ليش نبلش نجهزها
ما يحتاج أهلها يجهزونها
لا اني وأسيا خابرت إمها وكالت انتوا جهزوها
لعد ما تروح أنتِ واسيا جهزنها شگو رايحه هي.
ليش شگو رايحه مو عروس من حقها تجهز نفسها وعلى ذوقها
لا ما تروح
لا تروح
يمه گلت ما تروح وخلص لاتناقشيني فدواتج
هو ما أناقشك وتروح تجيبها وغصباً عليك
يمه گلت ما تروح
وأني أكول تروح مو أمشي على كلام حضرة جنابك الموقر الباشا مروان دتحرك جيبها وتعال.
ليش تعاندين ترى مرتي واني امنع وبكيفي
لا مو كيفك مو تحت سلطتك من تجي يمك امنعها وبعدين على شنو تمنعها تجهز نفسها طفله خطيه حرام عليك هالتصرف بحقها خاف ربك بيها.
شوكت تروحون وشوكت ترجعون
هذا الشيء اني اقرره
دكولي
گتلك اني اقرره جيبها وما عليك
بعد وكت دنيا صبح
شعليك أنتَ
سويلي ريوك لعد
هسه جعت تعال تريك وفضني
يمه معاملتج وياي لاتسوء ما احبها
صير أدامي شوف منو يسوء معاملته وياك
اللهم الهمني الصبر على عبادك الصالحين.
اسيا عوفي عمه اني اسويله حميتله الجاي
مروان نسكافيه وكرواسون بس
تمام سويتله خليته كدامه صدك عمه شوكت نروح
وصال خل تجي أسيل يله.
مروان الحكومه تقرر من هسه اجلبيها عليه
وصال عيني هي
مروان أسيا ديري بالج لاتطفوين.
وصال لاتتدخل أنتَ
أسيا ضحكت عليهم وكمل غسلت المواعين عالسنك وعمتي تطبخ الغده وكرم طلع على عمي ومروان صعد يغير ملابسه وجودي بحضنه عوفها يمي خاف تضايقك
مروان اذا استوكحت اشمرها من طابق.
أسيا يمه بنيتي اشمرك وراها والله ضحك بقوه وتضحك على ضحكة عمها وهي بحضنه فدوه الحلوه مالتي عفتهم دخلت رتبت غرفتي وفتحت الابواب والشبابيك وباوعت التلفون ما رفعت الحظر لحد الان ما ارفعه ابقي اشوفه هم يسأل عليه بعد علمود لا يرجع يغلط بعد مشكلته لسانه متبري منه.
وطلعت عمه مروان راح
وصال اي واخذ جود وياه ردت قنعت قفل الا ياخذها.
أسيا خل ياخذها بس اخاف تشلع گلبه يالسياقه لو تضل تبجي.
مشكلته بعد، متشوفيلي تلفوني كرم مخليه صامت بس يهز واني جاي اشتغل ايدي كلها ماي.
هسه شفته عصام متصل عشر مرات وداز رسائل على حساب عمتي فتحتهن
عصام يمه وينج اليوم مختفيه عليه مو اني ابنج
يمه رحمه لجدج السابع تلفونج ليش تخلينه صامت من اشتعلوا اهلج واحد واحد هم كولي كرم يلعب بي وسواه صامت ذبيها براسه لا والله انتِ
أسيا ضحكت عليه وكتبت اله هاا يمه شتريد
عصام وجع
ضحكت ياا عليمن وجع اني امك ولك.
هو لن أنتِ امي متحملج من لا جاره رضا الوالدين واجب مقدس علينا
كتبت بدون ادراك والزوجين
نعل مكطعه عليهم
هاا هيج صايره بينكم
بالنعل صايره
غير انت تزعلها
عيني اخذج الواهس دمشي فتحي الحظر لا اصمط ابهاتج وانعل شيب اهاليتهم
شو أنت بس تصمط وتنعل وتحرك وتجمع ذنوب على اساس ذنونك قليله
ما عندي ذنوب ذنوبي بس وياج
حبيت
خفت جهرتج الزفره امشي فتحي الحظر ومسحي المحادثه مو تبقينها ونصير فرجه ومضحكه لامة محمد.
هو بالاخير نصير ترند
علمود أعدمج أنتِ والترند مالتج أكول على طاري الترند ليكون زعلج هذا ترند من سوالفج الخايسه مو
لا وين اكو هيج ترند الترند يكون اغاني حب وغزل وانت مو مال هيج سوالف ناشف
هاا صرت ناشف
اي
اصبريلي لعد
ضحكت يله اروح اساعد عمه
عوفيلي عمتج تعالي على ابنها فتحي الحظر يله
ما افتحه
لاتفتحينه طبج مرض.
هاا هيج شافها وما رد دزيتله سمايل يبجي ما فتحه كمت مسحت المحادثه وعفت التلفون وساعدت عمتي ودخلت علينا اسيل شايله جود كمت سلمت عليها وعمتي كذلك لعد مروان وين
أسيل بالحوش واكف هو وعمو كمال
أسيا فتحت جنطتها طلعت جيس وخلته كدام عمتي وكالت
أسيل عمه هذه الفلوس أمي گالت انطيهن لعمتج وگالت ال 5 ما اخذناهن علمود تعب الام.
وصال ماشي عيني كيفها بعد بقيهن الج لعد والفلوس ضميهن يمج مهرج ويضل عندج.
أسيل عادي حتّى لو يمج ماكو فرق
وصال لا حبيبتي خلي يمج وأمج اهلج شلونهم
الحمدلله زينين يسلمون وأمي جدو تعبان والعصر يرحون عليه.
هاا خطيه عنده العافيه يارب
الله يعافيج عيني عمه
يله كومي غيري ملابسج نصب غده أسيا انطيها ثوب من عندج جديد بس لا خل تصعد غرفة ازهار تلبس من ملابسها لن هي وياها نفس الطول أنتِ طويله يسحلن وراها صعدي وياها طلعليها لبسه جديده اكو ما ملبوسات خل تلبس منهن لن بعدها عروس.
لا عمه عادي خليني بملابسي
لا عمه ما تريدين تأخذين راحتج يله أسيا صعدي وياها ونزلي وياها لاتعوفينها لوحدها بالاخص كدام مروان
أسيا ماشي عمه يله أسيل اجت وياي دخلنا غرفة ازهار خنكتني العبره سريرها والهيتفون مالتها والمرجوحه والعابها وكلشي بيها بي ريحتها عيني هي كعدي اسيل حبيبي فتحت الكنتور واكلب بكنتورها طلعت الها ثوب ماروني بي علامه اي هذا حلو بس عقل مروان يطير ضحكت يله لبسي حبي واني انتظرج برا.
ماشي عيني تسلميلي.
طلعت برا ومروان صعد احمم الكاع محظوره شمصعدك
ليش شگو
ماكو شيء سلامتك
أسيل وين
ما أدري
وأنتِ شعندج واكفه يم باب غرفة أزهار؟ حنيتي آلها
أي والله حنيتلها وأريد ابجي هم
اي دنزلي أبجي جوه اني ما احب الحزن والطابق يتلبس بالطاقه السلبيه اني عريس ولازم كلني ايجابيه
ماشي مشيت وتذكرت أسيل ورجعت هاا لا
وين شو رجعتي مو تردين تبجين
راحت البجيه
والله نسوان عدجن سوالف فلا ينكدرلجن.
راح الغرفته خبيث راح يضحك على عقلي ويفوت عليها عليمن على اسيا يا مروان شويه وفتحت الباب طالعه تخبلين شنو هالجمال تضوين ابتسمت وخجلت وطلع مروان اجه ناحيتنا وباوع عليها واخذله صفنه وكال
مروان هاي شلابسه
اسيا حب الرمان يا مروان
مروان اي نزلي ساعدي امي وصبيلنا الغده
أسيا صحت عمه اجي اساعدج
وصال أسيل وين
أسيا بحمايتي
وصال خل تنزل وياج
اسيل طلباتك اوامر حكومتنا يله أسيل ننزل مروان تضل واكف تاخذ قياسات للباب.
مروان منين الله سلطج عليه
أسيا اني صالحه والله يسلطني على اشخاص نواياهم السيئه ماحجه ونزل قبلنا عود ما مهتم لوجودها لكينه عمتي صابه الغده بالكاع وعمي كاعد ومخلي جود بحضنه وكرم بصفه واشر ل أسيل تكعد يمه
كمال تعالي اسيل تعاي عمي كعدي يمي
أسيا واني باوعتله هاا عمي مكانتي وين
كمال مكانتج محفوظه بالگلب كلجن بناتي.
أسيا يا عيني الله يخليك النا، اخذت جود من عمو ومجد اجه ومروان راح غسل وكعد گبال أسيل حسيتها ما مرتاحه متوتره من وجوده راعبها المسكينه هذا شبي متخبل على عمره.
وصال يله بسم الله اسيل يمه أكلي لاتستحين أحنه هم أهلج يله مدي ايدج مروان انطيني السلطه من يمك انت متحبها ويه دجاج شكو مخليها كدامك
مروان اي زفر يصير وانتوا شتحبون منها ما ادري هاج اخذيها.
اسيا ناكل وهي بالگوه تبلع اللكمه ومروان عيونه تراقبها على كل حركه منها كرصت عمتي وباوعتله هي گبل كامت بسرعه حاولت وياها عمتي ما اقتنعت راحت تغسل.
وصال ما اكلت سوده عليه
أسيا اجتي رفع عينها وهي تتهرب من نظراته كعدت بصفي اخذت مني جودي وكملنا الغده غسلت المواعين وعمتي صبت الجاي
مروان شوكت ترحون
وصال إحنه ندز عليك روح نام هسه
مروان ماشي.
اسيا صعد الغرفته أسيل جيبي جنطتج وملابسج تعالي يمي بغرفتي نلبس ونمكيج ماكو احد عصام بالدوام وكرم نام بحضن عمي.
أسيل ماشي جنطتي فوك بغرفة ازهار هي وملابسي
أسيا جيبيهن وتعالي بينما انوم جود
أسيل ماشي عيني.
أسيا صعدت وأني رحت الغرفتي وعمتي صاحت وراي
وصال أسيل وين راحت
أسيا راحت تجيب جنطتها وملابسها من فوك.
أسيل صعدي وراها هذا ما بي أمان لا يكرصها وياخذها قبل العرس مبين متحلفلها وهي فقيره ركضي وراها شلون ادزينها واني امنتج عليها ركضي
اسيا هاج جود صعدت ركض وصلت الغرفه وجان مفتوح شوي طابگها على الحايط ما يبين بس?اسها حاضنها بجسمه ويحجي وياها بعصبيه
مروان قطرة مكياج على جهرتج الخايسه ما اريد عيونج اشلعهن اذا رفعتيهن على احد تلفونج تبقينه يمي ويا ويلج مني اذا شفتج مخليه نقطه مكياج.
أسيا دگيت الباب وفزوا هي دفعته وارتبكت وترجف ادور على جنطتها وهو حسيته فشل مني گبل طلع راح الغرفته تقربت عليها خوما سوالج شيء اسفه دزيتج لوحدج وما يصير لن هو موجود والشيطان ما مختلين منه حقج عليه
أسيل لا عيني عادي ولا يهمج يله ننزل ولاتكولين لعمتي وصال اخاف تزعل
تمام على راحتج نزلنا واخذت جود من عمتي واجت باوعتلها وكالت يله جهزيها تحضرن واني هم اروح البس هم يله نطلع من وكت.
تمام عمه اجتي وياي غيرت ملابس بنتي ونومتها وكعدت اخليها مكياج
لاتخلين طوخ
لا شيء خفيف ما عليج منه كلهم هيج بفترات الخطوبه
اي
كملت الها مكياجها هسه تمام كومي غيري ملابسج بالحمام بينما اني اكمل مكياجي رجعت اخلي وكملت ولبست وهي كذلك وطلعنا وهو جان ينتظرنا وعمتي اجت وطلعنا.
طول الطريق هو مزعوج يباوعلها بالمرايا هي متجاهلته وهيج احسن لن الرضوخ ما يجيب غير طيحان الحظ وصلنا السوك وهي منعها ضلوا بالسياره يحجون وانتظارها واجتي.
أفترينا هواي محلات واخذنا كلشي تحتاجه وهواي انقهرت عليها ما تطلب ولا تكول تستحي وموقفها صعب كلشي اشوفه اخلي وعمتي تدفع ما خلينا ما اخذنا وعمتي تسالها هي بس تهز براسها وساكته وتلفون عمتي يتصل منو
وصال هذا حارث
أسيل خاف علمودي
وصال احجي شوفي شيريد.
اسيل هاا عيني حارث
حارث المهجوم مالتج وين مخليته اتصل محد يجاوبني كواويد احنه كواويد وينج الدنيا مغرب
لحد الان حضرتج ما تشرفين البيت.
أسيل بعدني بالسوك
لحد الان بالسوك ادري شتاخذين يله رجعي للبيت بابا عيب العالم تخزينا من وراج عيب
هسه راح اجي
عليج وعلى جيتج يله استعجلي
وصال لا حول لا قوة الا بالله امشي.
أسيا لليل احنه ما مخلصين وجود بالعربانه تعبت وعمتي خابرت مروان يجي واسيل عيونها مليانات دموع موقفها يبجي اجه مروان ساعدنا وصعدنا وحارث يخابر على مروان ويرفضه
وصال جاوبه
مروان شجاوبه ليش يتفاهم ادري هيج محروك دمك ما جان انتوا تجهزونها طالعه ويه كواويد غير مرتي وعمتها ومرت حماها
وصال شتسويله عقليته بعد امشي وصلها بعدين احنه لا انوب يحط بيها النا ويضل يرعد عليها وهي خطيه كافي بالسوك اتصل عليها.
حارث منين حجه وياها
وصال من تلفوني
مروان اي وشنو حجه وياج
وصال هي واخوها لا تتدخل انت ما الك شغل يله امشي وصلها واذا حجه لاتحجي وتقلل ادب احترمه عيب مهما يكون ابن عمك وهي اخته حقه انوب يعوفك يرجع عليها
مروان خل يفتح حلكه وياها الا اشكه بالنص.
وصال مروان امي هدي إعصابك.
أسيا الجو مشحون وهو مزعوج وهي ساكته وتفرك بإيدها ومر الوقت ووصلنا وحارث واكف يم سيارته ينتظرنا طبگنا كدامه ونزل مروان سلم من بعيد وحارث گبل كام يصيح
حارث ليش متجاوب حضرة جنابك ليش ترفضني
مروان أنت ما تحترم شسويلك يعنى
أختي من ساعه گتلك جيبها وهسه دنيا الليل شهل الاستهتار وين عايشين عيني الضابط مروان.
ماله داعي الحجي حبيبي أختك صارت مرتي واني المسؤول عنها وأنت تبقى أخوها واخليك على?اسي بس مال تغلط بحقي وتجاوز لا هاي واكفه، يله نزلي
تلفونج وين ليش متجاوبين
وأنت شعليك بتلفونها اسيل فوتي داخل
احاجيج جاوبي
عوفها داكولك اسيل امشي داخل.
أسيا مشت مستعجله وهو وراها نزل الأغراض للحوش ودخلت وحارث يحجي ومروان يحاجي برود اعصاب وتالي فضت من اجه حسن حجوا ومروان گبل عافهم واجه شغل وطلعنا.
مروان زمال كل أحترامات ما عنده.
وصال وأنت خوما قللت أحترامات وياه عيب أمي
لا هيج نماذج فارغه ما أخلي مستواي وياهم.
أسيا طلعنا للبيت واني ميته تعب حتّى ما تعشيت غيرتلها ورضعتها ونامت بسريرها تعبانه واني اخذت دوش ولبست تراك خفيف وطفيت الاضويه الغرفه صارت ظلمه وتمددت بفراشي وحتى كرم ما ادري عنه ضليت نايمه ما ادري بيش ساعه كعدت على واحد نايم بصفي منو صرخت بعلو صوتي يمه يمه يمه عمه عمه عموكمال مروان لحكووووولي حرامي حرامي وما احسس غير هجم عليه وصم حلكي واني انكزز واصرخ وادفر بي واريد اعيط وانقذ روحي منه وهدأت روحي استقرت من ركزت بعيونه هذا أنت ووكعت بالكاع.
اسمع اصواتهم وصوته وهو يصيح عليه ويضرب بوجهي ضربات خفيفه واني ما بيه افتح عيني عبالك مبنجه وگلبي نبضاته سريعه.
كمال مروان ماي بارد من الثلاجه جيب بطل بارد انت صوجك شلون تفوت الغرفه وهي ما تدري بيك تنزل خرعتها بهل الليل والله عندك سوالف
عصام هي خبله خبلتني وياها انطتني مجال افهمها اجيت لكيتها نايمه واني تعبان نمت بملابسي كلت الصبح تكعد وتشوفني شمدريني تخترع هيج ولج اصحي عاد مروان جيبلي?اس بصل.
مروان شستوي بي
عصام اششمها بلكي تصحى
وصال اي من المطبخ بالسله تلكاه ركض يمه ولج اسيا عيني يمه شو فتحي عيونج ولج هذا عصام سوده عليه انخرعت والله انهبطت البنيه مدري جلطتها ولك
عصام لاتكولينها يمه انوب جلطه وين جانتلي هاي مروان شغل السياره بسرعه
مروان هسه تريد راس بصل لو سياره حيرتوني استقر عالشيء يمعود خرب بعقلك
كمال لا ما يحتاج هي تتحرك بس بعدها ما مستوعبه الصدمه بعدها مرعوبه وخايفه حقها.
عيني عمو اسيا حبيبتي شو فتحي عينج اني ابوج كمال هاي امج وصال وهذا الخرعج زلمتج عصام نازل وتعبان ونام بدون ما يكولج شو فتحي عينج.
أسيا بلعت ريگي وشفتهم هو وعمتي فوك?اسي عصام وينه
كمال راح بالصاله يتحمدلج وتشكر عباله انجلطتي
وصال هو صوجه
مروان هاج جبتلج?اس بصل بس يحتاجلج باميه وكسور
كمال اي والله شهيتنا بالباميه باجر سولنا عالغده.
أسيا ضحكوا وترخصوا وعمتي ضلت يمي وهو ماكو عمه وينه خاف حرامي وكلتوا عصام لن عصام بالدوام
وصال لا والله عصام ادري الحرامي شيسوي ينام بصفج يبتلي على عمره غير.
أسيا شمدريني وعصام وينه لعد
موجود جاي يصلي والله هسه يجيج عصام ما خلصت صلاتك تعال تريدك ماطول تتغايث بإسمك كلشي ما بيها جانت تدلل عليك شويه.
عصام أجيت.
أسيا بس سمعت صوته ردتلي روحي نهضت من الفراش روحي هو كبل اجه حضني حضنته وبجيت عبالي حرامي والله تخبلت
عصام أسف عيني أنتِ أسف
وصال يله اني أترخص أخليكم أنتوا والحرامي
أسيا ضحكنا وطلع عصام وياها ورجع وكف وصفن عليه كمت واني حيلي بالكوه يعيني حضنته أحبك
يا بعدي ياروحي موتيني من وكعتي من إيدي لحد الان گلبي يرجف عليج
حضنته من وجهه وبسته من شفايفه مشتاقتلك
ماكو كلشي والحظر مالتج خصم بينا.
ابتعد عني وصحت وراه عصام
خلصت الدراما والفنون التمثيليه يله كلمن لفراشه
شو هيج
أسترد كرامي وحقوقي المنهوبه
يا كرامه يا حقوق اليسمعك يكول معنفتك!
معنفه گلبي بإجرامج.
يمه يا أجرام شمسويتلك عيني
حظرتيني هاي شنو معناها
وأذا شگو قابل
هاا عادي عندج
اي
أني مو عادي
عصام
طفي الضوء أريد انام
تمدد بملابسه كوم غير ملابسك
ما الج شغل بيه اني وياج متخاصمين ياريت ما تتحرشين وتحترمين وتتلزمين حدودج وياي.
يله عادي گاتله نفسي عليك طفيت الاضويه ونمت بدون غطى وانطيته ظهري دفرته برجليه ما أهتز رجعت دفرته بخاصرته ما اهتز أخر شيء دفرته دفرة قويه الا كمز
أخ وجع مو رجل جادوم زرفتي خاصرتي
أنتَ ماخذ كل الجربايه ما مخليلي مكان واني أنثى تحب تحتل الساحه وتطغى بإنثوتها لازم جسمي مستىريح على فراش النعام.
مو اكوم انعنع عظامج أنتِ والانوثه والطغيان مالتج
انوب تستريح على فراش النعام
أي ليش مضغوط
انضغط منج شبيه خبل.
اي متخبل عليه بس هيهيات تصحلك لمسه مني
لا هواي واثقه من حالج دنامي احسن واحظني النعام زين خل يدفيج لن مبين عليج مستبرده
انطيته ظهري ونمت بس أحوص ما اكدر هو يمي واني مسالمه لا باطل عليج اسيا والله باطل والله الا اجرم بيك وأهلك وعشيرتك كلهم شمرت الغطا وهو مستغرب حركتي جريت ايده ونمت على صدره وحضنته وخليت شفايفي على رگبته
من سمحلج تتقربين عليه
عزيزي المواطن اني محد يسمحلي املاكي.
واني حرة التصرف بيها اعمل بها ما شئت واشاء
صافن عليه رفعت نفسي بسته من عيونه ابوس هالعيون تناظرلي رفعني من خصري صعدني على صدره وحضنته من وجهه عاجبني أعنفك
كدامج
واجرم بيك
سلاحي عالميز سوي اليريحج
وأعذبك
عذبيني أستمتع بعذابج.
ما استخدم سلاح إلا عينيكَ، وما استخدم دفاع إلا قلبك أنتَ سلاحي ودفاعي، وأنا مستسلمه لك بكل شيء.
مسحت على وجهه وهو صافن بدون اي كلام يتمتع بالنظر والمشاهده بسته من شفايفه بعمق، ونزلت على رقبته وتركت أثاري، وهو انتهى بين أيديه، ما اتحمل كسر غروره والخصام، واتمرد وغلب الساحة واحتلها بتمرده عليه أطبع قبلاته بكل جنون وشوق مميت واشتعلت نيران عشقه في صدره، ولمساته الحنونة وانتهت بحضن دافي، ولعب بخصلات شعري، واستقرت الأرواح بإحضان بعضنا
ما خليتي عقل ب?اسي بعشقج وأنثونتج أسيا أنت دمار.
أنا حبيبتك وعشيقتك ودمارك وهلاكك وعذابك وكل شيء بحياتك، كل بصمة أتركها بيك، احتلك بكاملك واستولي على كل خلاياك أنت مالكي ملكي وأملاكي أنتَ تغمرني بكل جمال كلماتك، وتجذبني إلى عالم من الرومانسيه انت قدستني وجعلتني ملكه وتمردت عليك بعشقي لمساتكَ تجعلني أتجرد من كبريائي وأصبح عبداً لحبكَ، أحب أكون تحت سيطرتك دائمًا.
هسه شدوس صايره تبدعين وتتفنين بغزلج واشاعرج
دوس على گلبي اغركك بإشعاري.
ادوس على گلبي وگلبج ما ادوس عليه تدرين صرت احب أن أكون تحت سيطرتج، وأكون عبداً لحبج، وأكون ملكاً لگلبج، لن أنتِ الملكة التي تحكم علي، لن أنتِ الحبيبة التي تملكيني أنتِ أحتليتني بكاملي اعشكج يا ملكتي.
التهم شفايفي وأبدع بكلمات الحب التي قدسني بها ويجعلني بحضرته ملكه وهذا يزيدني عشقاً له.
الصبح واكفه وامشط شعري وهو وراي ينشف شعره بالمنشفه ويباوعلي ومركزه كل نظراته ناحيتي
معجب بحضرتج أشد الإعجاب.
شكراً سيدي تقرب همس يم أذني
سيدج راضي عليج دنيا وأخره.
وهو المطلوب
أحبج
أريد فعل تقرب باسني من خدي بحنيه
هيج لو اقوى
لا حالياً بس هيج لن ورانا اعمال كثيره
شنو هي أعمالج حبيبي
نروح السوك باجر مباركة ازهار
هاا ماشي شنو أبالج تاخذيلها
ما أعرف والله دايخه
ولا ادوخين اني اجيبلج على ذوقي
ذوقك يفوز بكلشي
لن أنتِ حابته.
كالها ومشه يغير ملابسه وكتها عرفت الرجال كلما تبالغين بعطاياه يكثر منها مثلاً يجيبلج حاجه وتقدسينها وتبين هو ذوقه حلو هذا الشيء يزيد حبه الج ويحب شنو يشوفه يجيبه علمود يسمع كلامج وتقديرج اله ولتعبه.
رحنا السوك اني وعمتي وعصام اخذنا واخذنا الها شغلات هي وصتني عليها وعمتي اخذتلها هدايا وفواكهه وضيافه ورجعنا ولكيت عالميز علبه فتحتها عقد ذهب كلش حلو صافنه عليه وانحضنت من خصري كلش حلو عشت وعاش ذوقك وربي يبارك بيك ويخليك الي.
وهذا الظرف انطي الها وسلميلي عليها
تمام حبيبي يوصل شنو تطلع
اي حبيبي رايح يم رافع
العلاقه صايره قويه أنتَ ورافع.
ابن عمي ومشاغل هواي نلتقي بس مو دائماً بس هالفتره هو كام يجيني يعني تطورت العلاقه أكثر من قبل.
الله يدومكم تمام حبيبي اخذ?احتك راح الله وياه واني كملت شغلي من غسل ملابسه وكويهن وتعطيرهن والغرفه كذلك وسرحت شعري ورتبت شكلي ما خليت اي نقص من ناحيتي ومسوؤلياتي ولو جود يمي كلشي متخليني اسوي الخيسه تطلع من الباب وابوها من الصبح يتزوج عليه ضحكت على افكاري وكمت رحت على عمتي كاعده هي وجوارينه اجن يباركن ل أزهار ودزن الها فضل ودعناهن وعفت جود ورحت كملت العشه بمكان عمتي وعمي ومروان جابوا الهدايا مالت ازهار الج وحشه يروحي.
رجعنا من يمها وبالطريق دزتلي رساله قريتها ومسحتها ومن رجعت سألني عليها وعلى احوالها
عصام مرتاحه بحياتها كلشي تمام
أسيا اي الحمدلله
أكيد
يعني اذا گلتلك شتسويلها بعد
لا يبوي شطالع بيدي ولو ادري عنده أمكانيه جان قبل لا يعقد عليها كسرت رگبته وحكمت عليه بيت لوحدها بس الولد حاله على گده وهي حجيت وياها كالت راضيه بكل الظروف شسويلها بعد الله يسعدها شوكت تجي ما كالتلج
گلنا الها ما ادري خل تشوف هشام بالأول.
هاا ماشي شبيج شو مخنوگه
عليها كاسره گلبي
فديت الحنين مليان حب حبيب روحي
ما تتصور شكثر أحبها
وأني أحبج لن تحبينها وأحبج اكثر تحبين أهلي واحبج أكثر تحبيني واحبج فوك حبج أضعاف مضاعفه بشكل ميتخيله ولا يتصوره عقلج.
من أشوفك مقدر هالحب ومنطيني قيمتي وأحترامي بين أهلك اني اقدرك أنت واهلك فوك تقديرك وحبك اليه أضعاف وصدكني هالشيء أنتَ فرضته للمقابل ما اجه عبث لن المرأه تقديرها وأحترامها من زوجها اذا زوجها ما محترمها وما مقدرها وما مخليلها قيمه بين المجمتع واهله وناسه صدكني راح يجفصونها ويعاملونها مثل معاملتك وأكثر لن الكرامة المرأه واحترامها
من كرامة زوجها.
يعني الفضل الأول والأخير يعود الك ويعود إلى أيضاً بحكم تربيتي وتعامل بإصلي واخلاقي وأهلك هما ينحبون وغصباً على?اسي احبهم مو بس لخاطرك لن هما فرضوا حبهم لمقابل بدون مقابل بدون عطاء واللي مثلكم نادر الوجود.
احبج
فدوة لحبك
وصيتلج على فستاتين لعرس مروان هالأيام يوصلن وهاا صدك كم مسؤول يحضرون عرس مروان هما وعوائلهم زوجاتهم وبناتهم يعني تحضري وهسه هم ابلغ امي هم لن راح يكون حضور واسع.
تمام حبيبي هلا بيهم هما وعوائلهم
فديت المعدله يله اني طالع عندي أتصالات مهمه
ويامن
بالدوله
امان حبيبي روح والهوا بظهرك
فديت الواثق بيه ابوس گلبج يابه
شال تلفوناته وراح وطلعت رحت على عمتي لكيتهم كلهم مجموعين ومروان هم موجود وگال
مروان عمار باجر يوصل هسه بلغني وزعلان شنسويله حتى المطار كال لاحد يوصلني.
كمال لعد شگوو جاي هو بالخارج ويزعل مو گتله تعال احضر مشية أختك اجلها لما توصل للعراق هو كال امشوا بفالكم شنسويله بعد ونروح كلنا نجيبه وحضرلي كم سيارة حمايه اخاف عليه
عصام لا سيادتك شگوو قابل
كمال كلشي نتوقع وطلبت بالعرس أخوك مروان حمايات وكم سياره حوالين البيت
مروان خلوها عليه
كمال ماشي معتمد عليكم والعرس ما يتأجل بعد انطيت خبر للكل يوم الخميس مو تغير الموعد
مروان لا هذا هو واني هم بلغت الكل الخميس.
عصام واني هم يله من رخصتكم عندي كم اتصال واشوف المسؤول يجي لا كالي اردلك خبر علمود نرتب وضعنا على هالاساس
كمال ماشي يله كملوا شغلكم ما اريد قصور العين علينا ويجونا مسؤولين واريد كلشي من احسنه
عصام ان شاءالله سيادتك ماكو كل قصور
مروان أوامرك مجابه سيادتك.
مجد على هل الهيبه والفخر يطلع من أذاني وبالمدرسه اصداقائي يكوللي أنتوا بيت الدوله وشكد ما احب اقدم على العسكريه بس هسه لا اني على نهجكم وخطاكم وحبكم للوطن اني ابصم الكم بالعشره اني عسكري لنخاع.
كمال كفو من سبعي بطل أنتَ
عصام عفيه بزلمتي تعجبني
مروان غصباً على?اسك عسكري لنخاع
أسيا عصام ترخّص وراح يحجي أتصال مهم ومروان هو وعمي راحوا الأستقبال وكعدت يمي عمتي جانت تحجي أتصال خلصت منزعجه هاا شبيج.
وصال أهلي عزمتهن ولا وحده تحضر وزلم هم وبعرس شاهين اني وعصام حضرنا شيسمونها ما تحضرون شكد قهروني.
أسيا شتسويلهم لاتزعلين فدوه عمه.
وصال لا يبوي على شنو ازعل بعد أهلج نروحلهم اني وعصام للبيت نعزمهم عيب مو عالتلفون.
أسيا ماشي عيني عمه على راحتكم حسيت بفخر واريد اطير من الفرحه اريد اكوم وابوسها بس لزمت روحي بعدين ابوسها خاف تكولي شبيج وكت بوس هسه عدنا كومة شغل.
بالليل بس تعشينا وام شامل اجتنا وبلشنا تنظيفات وتعزيلات والطابق الثاني كله وغرفة عمار استلمتها تنظيف عميق كملتها على الاخير وعطرتها وطلعت ونزلت الوقت تأخر والصاله تلمع وضل بعد ما خلصنا على باجر هم.
وصال تعبتي روحي أرتاحي وجهالج ناموا نومهم عصام ومروان جود بحضن عمها وكرم بحضن ابوه
أسيا ماشي عمه تصبحين على خير
وصال وأنتِ بالف خير.
أسيا دخلت غرفتي أخذت دوش ولبست ملابس نوم ورتبت نفسي رغم تعبانه واجه عصام شايل كرم اشرلي مروان وراه ركضت لبست ازرار الصلاة غطيت كل جسمي ودخل مروان خلاها بالسرير ويبوس بيها
مروان يله عيني تصبحون على الخير.
عصام تلاكي الخير عيني.
أسيا نمت وقفل الأبواب وطفه الأضويه واجه حضني ونمنا تعبانين والصبح بسرعه اجه لكيته مغير ملابسه وبالصاله يحجي أتصال ويه عمار.
عصام تاجلت طيارتك وأكيد باجر ماشي نبقى على أتصال مو توصل المطار بدون ما تبلغنا.
أسيا غيرت ملابسي ورتبت غرفتي وجود ماكو وينها
عصام يم مروان كرم طفر على مجد راح الاسواق
أكلج ازهار تجي اليوم
اي حبيبي دزتلي رساله
خير ان شاءالله يله اني طالع.
طلع وطلعت وراه وللعصر اجوا ولد عمامهم والبيت انخبص وصعدوا الغرفة مروان وشغلوا اغاني فوك وحركوا الجوا وكرم بس اجه من الباب طفر ركض ويهز هو وعمه مجد تكابلوا يم الدرج فدوة لزمتي.
دخلوا البلازما وميز مالته وثلاجه صعدوهن لغرفته طبعاً ولد عمهم داوود وكفوا وكفة ابن عم لابن عمه أبداً ما قصروا حتى مادياًّ.
واجتي ازهار ولا واحد طلع عليها بس عمتي وصال ومجد واني شفتها طارت روحي بشوفتها ابوس بيها وعصام بعد عيني عيونه تلمع فرح بشوفتها بس مروان ما عجبني أبداً عمه مروان ليش ما يسلم عليها شيسموها هاي.
وصال عود يستحي لن تزوجت فاهم الزواج من. استغفرالله لاتخليني اصير مثلهم واكوم افشر اني لساني صاينته.
أسيا لا دخيلج ضحكنا ودزت على مروان وجهه يلطم بالكوه راح وغمزت ل ازهار امشي نسولف
ازهار خبيث شنسولف
ماذا حصل.
حصل حصل
دمشي وياي
ما احجي اسراري الله شغلوا اغاني بالاستقبال اريد اركص عفيه شوكت يجي الاربعاء الا نذب لحم بالحنه
اي والله نسويها ىالقاعه ومروان شرط يخلي وحده يم الباب تسحب التلفونات من الكل حتى احنه كال الكل بدون أستثناء حتى امي منع منعاً بتاتاً
وأحسسن شيء علمود ناخذ راحتنا
الله دسكتي تحمسست تعالي نقرر شنو نختار تسريحات ومكياج وهواي سوالف وأمور ورانا وبعدلي الجهال خل اشوف بيج يوفر ملابس حلوه.
امشي يله بس شغلي النا اغنيه
تدللي صحت على مجد تعال
مجد هاا عيني
جيبلنا هذا ام بي ثري البارحه جبته نشغله بالغرفه
هسه
جابه وشغلناه وبدعنه اني ووياها ركص وسوالف واختاريت ملابس لجهالي ووصيتلهم وانطيتهم رقم مجد لتوصيل واني عصام وصالي وازهار هم وصيت الها على فساتين وضلينا كاعدين لوحدنا نسولف.
واندك الباب عمتي هاا عمه
وصال طفي گلبي احترك
أسيا طفيته شگوو يا ساتر.
وصال مروان أجاني دمه محترك حارث متعارك وياه لن راح يجيب اسيل وهسه اتصل عليها مغلق بس لا توصل ل موزينه الله يستر هسه عصام يتصل على حارث وزومل ما يجاوب احد ومروان يشيل ويركع بروحه تخبل اطلعن وشوفن شسوا.
أسيل يمه اسم الله طلعنا ومروان يغلط ويتهدد وناجح لازمه بالكوه وهو صاير دم ودماراته ركبته وايديه يريدن يطكن شجاهم وياه هذا حارث متسرع هواي
ازهار سكتي الله سلط حارث على مروان مثل ما هو تسلط على هشام.
أسيا الحوبه تبطي بس ما تخطي خرب سكتي لايسمعنا ويتوجه علينا ووربي يسوينا مندي
مروان شايف روحه يحاجيني برفعة خشم ويتجاوز والله اخذ اخته لا يلوح السما اسيل اخذها واريده يفتح حلكه وياي اشكه بالنص واتمزمز بي
ناحج دكافي لسانك يمعود فضحتنا لسان كح
رافع كل واحد يغلط من صوب ياهو بيكم عنده عقل دسكت وتحترم نفسك وتضم لسانك لا اجي احشه الك
عصام ميجاوب ترى تجاوز حده.
رافع هاا انعديت من اخوك اسم الله الرحمن عليكم متكوليلي خاله من خلفتيهم ليش ما سميتي عليهم ليش ولدج مصركعين.
أسيا رافع اخذ عصام وطلع برا ومروان يتصل عليها مغلق اخر شيء كام يغلط عليها
مروان شكو تغلقينه كلبه بنت گلب.
أسيا الله يستر الله يساعدج اسيل منين تلكينها من اخوج من رجلج...
أسيل أصعب شعور مريت بي عشت تفاصيل عرسي لوحدي يمكن اليتيمه أحسن من حالي أمي حايرتلي بجدي مريض وجنتها حامل وكتها عرفت أمي بعمرها ما حبتني وأهلي بعمرهم ما كانوا إلى أهل فقط مسميات لا أكثر ولا أقل.
الموقف الصعب واجهته من اجه أخذني من البيت همزين جايب جود وياه اخذتها منه بحضني طول الطريق ضل ساكت ما بدر منه اي كلام وهذا الشي ريحني بلكي يبتعد عني ويخليني بحالي لن كلش ما ناقصه كافي عليه اهلي وتخليهم عني بوقت اني محتاجتهم اكثر من اي أحد.
وصلنا وگبل اخذت جود واستقبلوني احلى أستقبال من عمو كمال لعمتي وصال حتى أسيا حسيتها بمثابة أخت عطفت عليه وحنتلي حسسيت إلى قيمه مهمه عدهم بس خرب واهسي وطلعت الدنيا من عيني من صعدت الغرفه اجيب الجنطه وملابسي وجنت خايفه حتى من صعدت امشي بطئ.
فتحت الباب على كيف توني دخلت الباب انرد فزيت بخوف بدون كلام سحبني من أيدي التصقت بجسمه وأيده مثبتها على إنحاء خصري وعيونه بنص عيني نظرات مليان شر وحقد ما جنت اشوف نفسي بيهن نظرات خاليه من الحب كسرت حاجز الصمت وحجيت
كافي مروان
كافي على شنو
تعذبني
بعدني ما معذبج
حرام عليك
تحرم لشتج اذا حرام عليه
ما اكتفيت.
قطرة مكياج على جهرتج الخايسه ما اريد عيونج اشلعهن اذا رفعتيهن على احد تلفونج تبقينه يمي ويا ويلج مني اذا شفتج مخليه نقطه مكياج.
فزينا على صوت أسيا وحيل أفتشلت منها ونفس الوقت جانت اليه انقاذ وراح وتجهزنا وطلعنا لسوك ومن نزلنا اشرلي ابقى
مروان مبايلج جيبي يمي.
أسيل انطيته اله ونزلت بدون كلام وافترينا بالسوك وگلبي ملجوم شعور صعب ما اكدر اوصفه هواي احتاجيت امي أختي حتى لو زوجة أخوي مهم احد من أهلي يجهزني بس وين كلمن جهزله عذر
ل أسيل وانسحب ونفس الوقت شفت الحنيه من عمتي وأسيا دره ما قصرن وياي كلشي اخذن بدون ما احجي اسيا تشتريلي جانت كلشي تعرف وذوقها عالي ومميز وراقي بالأخص بسوالف المتزوجين وملابس النوم وشنو يحب الرجال كلشي من احسنه اخذتلي ما قصرت ونعم منها.
و احس گلبي يبجي مو بس العيون تنزل الدموع عبرتي تذبح بيه غصه خنكتني وأكتملت من اتصل عليه حارث من تلفون عمتي وصال وانقهرت حيل ورجعنا البيت وبالطريق عمتي تهدي بمروان لن جان عصبي ومزعوج وكال كلمه كل مشاعري اهتزت اله
مروان أريده يفتح حلكه وياها الا أشكه بالنص.
نفرت أفكاري ونظراتي بعيد عنه وحسيت بلمساته قريبه من رجلي لن جنت وراه باوعت شفته مادلي التلفون سحبته من ايده خليته بالجنطه وأسيا جانت ملتهيه بنتها ما انتبهت النا.
ووصلنا وحارث ما قصر كبل نزلت ودخلت البيت ودخل أغراضي واني وكفت بالمطبخ وماكو بس نسرين وحسن وأهلي رايحين بيت جدي هي وابويه
والله اليوم حارث يعدمني ومر وقت ودخل حارث يعيط عليه.
حارث أدبسزز الله يأخذج ما تكولين وراي أهل أفكر أرجع البيت وراي أخوان يسألون عني لو ما صدكتي تزوجين وتخلصين من عدنا لن طلعنا ظالمينج وما ندري.
أسيل بقيت ساكته وعاط بيه
حارث ما تحجين جلب وينبح كدامج
أسيل ما جاوبته تقرب لزمني من شعري بقوه وينفض بيه والله يله لحكنا
حارث تلفونج وين كابرته طلعي طلعي
أسيل ينفض بيه وكلب جنطتي ونثرها بالكاع واخذ تلفوني وركعه ىالكاع وتكسر وحسن كام يحجي عليه.
حسن التلفون شعليه شجاك تخبلت
حارث الافندي اتصل وترفضني الادبسزز امشي انكلعي من خلقتي لا بارك الله بيج.
أسيل كعدت لميت مكياجي وأغراضي
وصعدت غرفتي وبجيت شبعت من البجي.
ضليت بغرفتي تالي كمت نزلت جهازي بالحوش كمت صعدته الغرفه كله هسه يتصل ويلكاه مغلق شيخلصني منه، نزلت دورت عالتلفون لكيته بصف الشباك فتحته اشتغل بس شاشه صايره فدمره.
صعدت غرفتي وخليته عالشحن ونمت بدون عشه ولصبح امي أجتي وعود صعدت شافت الجهاز.
جنان عرسج الخميس عبالي هديل تجي انوب تعاركت هي وزلمتها
أسيل ليش شبيها
سيف شايف محادثات هي ومروان ومتعاركين اختج هديل هم أدامي دكعدي واستقري هيج احسن الج.
خوما عرف السالفه
لا بس ما قابل تحجي ويه مروان كايلها مو ابن عمج لاح وهيج ميانه وياه حتى لو زوج اختج هذا الشي غلط وحقه والله
اي وهسه
ماكو شي بس اختج بعدها مطنكره
موخوش سالفه يله تنحل ان شاءالله
الله كريم.
نزلت وتلفوني ما يبين منه گلشي شاشته مدمره.
ولليل اتصل وبالكوه فتح خط جاوبته هاا مروان
مروان جايج تحضري
أسيل وين
تروحين وياي للبيت تكملين جهازج امي دزت عليج
ما أكدر والله حارث ما يقبل
وحارث شگو يله تحضري وحضري جهازج اخذه وياي يرتبنا الج راح اوصل نقاش ما اريد
قطع الاتصال وعفت التلفون ونزلت بلغت امي وگالت
جنان شعليج من حارث قابل وين رايحه بيت عيالج وترتبين جهازج يله روحي لبسي ونزلي جهازج يله
أسيل وحارث
وحارث شبي
إذا اجه وكام يحجي.
لا اني احجي وياه ما عليه بيج.
ماشي صعدت غيرت ملابسي ونزلت جهازي بالصالة وطلعت بالحوش واندك الباب طلع ابويه فتحله وتسلاموا ودخل الاستقبال طلعت جهازي بالحوش ودخل حارث انرعبت من شفته عاط بيه
حارث وين موليه
أسيل بيت عمي كمال
حارث يا سلام واني رجل گرسي دمشي انكبري روحه ماكو انوب عينك عينك بدون مستحى
أسيل يحجي وياي وطلع مروان وباوعلي رجع جاوبه
مروان بدون مستحى عليمن
حارث على كل واحد ما يحترم روحه.
مروان هاا هيج صار الحجي
اي عندك مانع وأسيل ما تروح وياك لن مصختوها رايحين جايين ونوب بالليل هم تجون تأخذونها وصلت وياكم لهنا
وين وصلت وين وين
شو تستهئزا حضرتك
ما مستهزأ بس ما اريدها تكبر يله أسيل امشي وياي
شو زعت المستحى فدمره متكول أخوها واكف وتأمر بكيفك واسيل امشي أنتَ شنو من صنف البشريه شايف نفسسك فد قندره مثلاً.
أخلاقك وراح أسكتلك لن دايس كاع بيتك وخلينا عمام ولاتخرب العلاقه بكم كلمه وزلة لسان وعيب أنتَ ابن عمي واختك حرمتي وعرضي وشرفي يعني كلامك كله ماله داعي واظن حلالي وتمشي وياي تروح ترتب جهازها وتكمل نقوصاتها يعني ما رايحه تتونس؟
تتونس؟ والله اليوم اكلب عاليها واطيها على?أسك ورأس الخلفوك يا مروان.
أسيل امي سحبتني لداخل المطبخ وحارث تجاوز حدوده وابويه تعارك وياه ومروان طلع بس حسيت هذا هدوءه ما يعدي على خير وسكت لن دايس بيتنا بقيت خايفه وامي ادك وتلطم من الخوف ودخل عليه وصدمني.
حارث تحجين وياه أنتِ كلتليه تعال اخذني تلفونج مو كسسرته شلون اشتغل جيبي
أسيل سحب جنطتي وطلعه وكسره وجفص عليه بحذاءه.
حارث شوفي لج هذا شاربي ازينه اذا ما طلگتج منه مثل ما طلگت أختج عبالي ادامي طلع خيسة البشريه كلها بي واحد شايف روحه شوفه وما يحترم احد البارحه اتعارك وياه ما اريدج تضلين رايحه جايه منا لما تزوجون كلت خل يحترم ويلتزم عيب كدام العالم وما يصير بس الافندي جايني ويريدج تروحين وياه والدنيا الليل ادري هالكواده هاي ويه صايره بس عندي ليش هما عرضهم وشرفهم غالي بس شرف العالم لا مو غالي عادي عنده مروان العار.
بس خل يصبرلي واذا ما كسرت خشمك يا مروان وفشلتك كدام ربعك والمسؤولين مالتك اني ابن زنا واكود على عرضي وشرفي لو يبوس قنادر ما ابقيج على ذمته.
أسيل طلع ودفر الجنط مالتي واغراضي بالحوش يدفر بيهن وامي تصيح عليه وابويه تعارك وياه وحسن يحجي أتصالات الظاهر سالفتي طشت علكها مروان ويتصلون على حارث وما يجاوبهم اخر شيء فتح الخط.
حارث ماشي جيب سيد وطلگها منه وأنت أعقد عليها كبعها واخذها وياك.