رواية بين قلبها وعينيها كبرياء للكاتبة شمس العراقية الفصل الخامس والثلاثون
أسيل يطلگلني ويزوجني! والمن ياربي هذا شبي وأني شنو موقعي من هالمشاكل كلها خوما لعبه بيدكم أنتهى الأتصال ويتحلف ويتوعد لو بس أعرف شجاك هيج قلبت عليهم وگلبك صار اسود ناحية مروان وجنت تموت عليه وتمجد بي ومروان...
بقيت كاعده بمكاني وتلفوني بالكاع متكسر وأمي راحتله وأبويه قطع الاتصال يمكن عمامي يحجون وياه وحسن كام يحجي ويصيح على حارث ما رضى.
حسن شبيك تخبلت أنتَ شهل التصرفات مال جهال تغلط وتجاوز وتسب وتلعن وتطلك وتزوج شنهي بكيفك مروان عاقد عليها بالمحكمه رجل دوله يشحطك انت ووياها السالفه زواج مو لعب جهال وعنتره وهوبزه واعرض عضلاتك
وين عايشين كلمن اله.
حارث لاحد يتدخل ومروان اذا ما أخليله حد وانطي حجمه وقدره يستفحل علينا شاف روحه احترامنه وقدرناه واستجلب بكيفه يمتى ما يعجبه يفوت يجر اسيل يله امشي وياي امي دزت عليج وجهاز وسوالف وأعذار تافهه شنو مفتح بيت كواده شاد كرون ستيل بكيفه يتعدى حدوده ويانا.
جنان شنو أطلك وازوج المن تزوجها يالفهيم.
حارث ل ابو الحسن مو يريد يتزوج على مرته ليش يروح يدور يم الغرب خل يجي ياخذها واتشرف بي وبنسبه على اقل ما شايف نفسه مثل مروان.
حسن دباع العقل شيفكر انت خبل تطلكها من مروان اعزب وتزوجها لواحد متزوج وهو لو بي خير ما ياخذ على مرته ام الحسن ويكسر بختها.
علوان هذا الشيء ما يصير ولاتصير حيوان وتطلع حيوينتك بولد عمامك وتزرع الفتنه بينهم اكعد على عقلك وبس مشاكل وخل اختك تمشي بقسمتها.
حارث لا والله ما تمشي ويطلگها وما يشرفني نسبهم وشنو نسيتوا عصام هذاك اليوم شلون هد علينا من ورا مرته وبعدين فهمت السالفه من هديل طلعت مالها ذنب واكلت مني كتله من وراهم حاشرين نفسسهم بسوالف النسوان بس اني دواهم
أسيل كام يطلع سوالف دفاتر قديمه وطلع حشو بطنه وما سكت أبداً ولا ياخذ كلام لا من ابويه الفقير ولا من حسن ولا من امي حتى.
أختنكت من الصياح وكلامه كمت اشرب ماي وشفت تلفون امي صامت يتصل عمتي وصال سحبته وطلعت الصاله نسرين شافتني كامت تهز بيدها هاي شبيها منو وياها ردت أجاوبها اجتني امي سحبته مني وضربتني ليش تضربين أشسويت
جنان صدك ما تستحين وعينج صلفه يعني اخوج دمه محترك ويشب لسما وينزل للكاع ومخبوصين من وراج وأنتِ تختلين تخابرينه طاح حظج من البنات تف على هالخلقه امشي كدامي يالسكط.
أسيل اريد اصرخ بيهم كلهم بس كاتمه عبرتي واعرف يكسرون ركبتي وانسحل بالنعل اذا حجيت
كعدت بالمطبخ وأندك الباب وامي انخبصت رتبت الاستقبال وخلت القوري عالنار ودخلت هديل وراها سيف وكف يحجي ويه حارث وهي اجتي تحجي ويه امي تريد تفهم السالفه وباوعت لتلفون وباوعتلي وكالت.
هديل تطلگي من هسه أحسن الج والله طلعوا حقراء اني نزلوا من عيني من هدوا على حارث من ورا اسيا وسوالف نسوان حاشرين خشموهم بالنص واسيا ناشفه ريشها بتباهي عبالك بس هي رجلها رجل دوله وصاحب مركز مهم بيها شنو بس هما دوله عابت هيج نسب اي والله لا يمه خل يطلگ.
جنان أنتِ انجبي وخليج محضر خير عبالج الطلاك بالسوالف مثلج من گلبتي خلقتج وكمتي تتأمرين على عصام تردين أنتِ الزلمه وتحكمينه وتفرضين نفسج عليه أسترجلتي وركعج بقندره على حلكج وانطانج قدرج ومكانج وتالي تزوجتي شلون ما جان وهسه صرتيلي خوش مره وتنطين رأيج بزواج أختج والله لن مغثوثه منهم لو تحجين حجايه بيها خير لو تنصلمين على حلكج اذا تطلگت تضل برگبتي واني اريد ازوجها واخلص من لسانها ومن لسان حارث لا يوم يسكطها.
هديل اني حجيت هيج لن مروان ما احترم نفسه
جنان لاتتدخلين ولد عم بينهم وهسه يجون هما ولد عمج داوود ويفضونها عالخير يله فوتي غيري ملابسج وبعدين منو كال الكم شمدريج
هديل حارث خابرني وكالي ورجع خابر سيف گاله اكو كعده تعال اريد تحضر وسيف كالي نروحلهم وجهال عفتهم يم حماتي واجينا وهسه شوكت الكعده ومنو ومنو يحضر.
جنان هسه بالطريق جايين سمعت رافع وناجح وعصام ومروان
هديل مروان هم يجي.
جنان اي لعد شلون مو رجل أختج.
أسيل ما حجيت بس أباوع ل حارث يحجي ويه سيف حسيته يتشيم بي وجايبه يغثهم لن المشكله عائليه وهو رجال غريب واكفه ادز عليه واشوف تاليها تنلاص علينا.
أندك الباب وأمي ردت باب المطبخ وكمت باوعت من الشباك طبگت سيارتين يم الباب ونزلوا رافع وعصام وناجح ومروان باوع واشرلهم بإشاره رجعوا وكفوا ما دخلوا ليش شگوو
هديل ليش رجعوا شبيهم
جنان الله يستر بس.
أسيل حارث ما تحرك وجاب الكرسي وكعد كبالهم ورجل على رجل! شنو هالحركات هاي وهما صعدوا سياراتهم وطلعوا كلهم ورجع ابويه يصيح على حارث ويغلط عليه
علوان شنو هالحركات الخايسه يالطايح الحظ اشسويت مو عيب كدام عمامك.
حارث انطيتهم قدرهم وحجمهم يله يالنسيب يمه جاي جاي مهيل اكعد?اسي زين وضيافه معدله.
أسيل أمي فتحت الباب بعصبيه وهدت عليه.
ل لاستقبال وأني بقيت كاعده بس صوتهم عالي وحسن بالطرمه گبالي ورن تلفونه وفتح سبيكر وابويه وكف يسمع.
رافع أفتح سبيكر
حسن فتحت احجي ابو الحسن.
رافع تصرف أخوك مو مال ناس حموله عيب عليه وتنحسب عليه واحنه ولد عم واللي صار كدامنه اطلعه من عيونه واجفص عليه بسطالي صايرلي زلمه علمود مره وهالمره أخته اني مو سالفتي مروان واللي صار بينهم من مناوشات لن عارف ومتقين الاثنين يتصرفون بدون عقل بس اخوك ما محترم والما محترم نفسه يأكل وحل.
حسن رافع نريدك محضر خير.
رافع واني جايب ولد عمي وجايكم محضر خير ما اريدها تكبر ويدخل الشيطان ويخرب خوتنا واحنه ولد عم وابن العم حزام الظهر ومو يوميه امهاتنا تخلف النا زلم
بس مال إنهان اني وولد عمي لا ما صارت ولا تصير.
مو ابو الحسن يسكت عن الاهانه ولا ابو كرم يقبلها لو مو جان اخوه بس اخوك راكبه الشيطان ويريد يعيد الشر ومسويلي بيها هيبه وتفاخر وتشيم جايبلي نسيبكم عمي اني ما عندي مانع يحضر أخلي على?اسي هو وأهله بس السالفه سالفة اهل وبينه نحلها وما نريد الغريب يتفرج على خياسنا
والله كلامك ذهب.
فهم أخوك حركته الناقصه أحرك عليها واعلمه شلون يكعد عالكرسي مثل الاوادم وشهاداة المحاماة خلي يتبرع بيها لزلمه ابو الحقوق والعدل
أسيل قطع الخط ودخل حسن وصار الحجي خشن وعفتهم وصعدت غرفتي وهديل صعدتلي جهازي وشويه ودز عليها سيف وراحت ضليت بغرفتي، وامي صاحتلي ونزلت هاا
جنان راح يطلگج انلاصت من رافع خشن كلامه عليهم انوب ولد عمج داوود صفوا ضده لن اعوج وكله من وراج تخاربنا مو رحتي مره شعندج يوميه موليه.
أسيل يعني هسه عفتي ابنج الاعوج اجيتي عليه ليش مو الصوج كله منج لو ماشيه وياي ومجهزتلي جان ما وصلنا لهل المواصيل ليش ما تكولين كله من وراج تذبينها ب?اسي ضربتني كف ومشت كعدت لازمه خدي منين اتلكاها من اهلي من مروان.
الثاني يوم طالبين الكعده بيت عمي كمال رافع مقترح هالاقتراح وحارث يشيل روحه ويركعها بالكاع
واحد يرفع والثاني يكبس ورافع واحد ما يسكت عن حقه وما يتفاهم وحسن يحجي بالصاله وعرفت يحجي ويه عصام.
حسن ابو كرم رحمه ل أهلك حلها من يمك هدي رافع لن توجه علينا واني شايفه العاقل يحلها انوب سوالي بيها كرامه والسالفه جاي تكبر ما تصغر.
عصام هذا هو ساعة زمان واحنه يمكم واني احلها
حسن مو رافع طلب الكعده بيتكم.
عصام لا حبيبي الكعده بيتكم احنه مو مثل اخوك واختكم زوجة اخوي ما نبيع بهل السهوله علمود كم حجايه نگالت وكرامتنا مو رخيصه علينا بس السالفه بيها بنيه مو من شيم الزلم نسترجل على النسوان وهاي تلكاها عندك اخوك المحامي يله فيمالاا.
أسيل حسن دخل الاستقبال وبلغ حارث وحارث تخبل كام يغلط على عصام يبووه لزمهم كلهم يعدلهم طلعهم صفر ومر وقت واندك بابنا وراح حسن يفتحلهم كمت رديت الباب وامي واكفه بالطرمه ودخلوا عمي كمال وعمي فاضل ورافع وعصام وناجح ومروان سلموا على حسن وابويه سلام حار وحارث ما طلع الهم ضل كاعد
عصام شلونج عمه صحتج شلونها
جنان بخير الحمدلله يمه ابوس شاربك حلها.
عصام سهله عمه سهله هو وينه ليش طلع النا شنو خايف ترة ما اسويله شي لن ما اخلي عقلي ويه واحد يحجي حجي ما بي معنى بس رافع متحلف اله اني واخويه متنازلين عنه.
أسيل عصام واكف وباوعلي وابتسم وتقدموا ومروان يمشي بثكل وعاكد الحواجب وجهه ما يكصه سيف وناجح يدفع بي وهو معصب
عصام تحرك وكلمتي ما تنكسر اللي كلته يصير
مروان رافع ما ناوي على خير هدي لايسولنا سالفه وتنكلب عليه.
عصام سيادته وعمي موجود ما يكدر يسوي شيء وانت ما الك شغل وما تقلل أحترامات نهائي يله سيادتك عمي فاضل ابو العز تفضلوا عمه جاي جاي
أسيل دخلوا كلهم بس رافع ما اجه والباب ضل مفتوح ودخل وبيده عصه عزاا نزع حذاءه ودخل عليهم ركضت اباوع باب الاستقبال الداخلي مفتوح شوي باوعت عصام گبالي شافني وضحك.
حارث كاعد ما متحرك ورافع دخل وحارث نهض وعصام وعمي كمال وعمي فاضل ما قبلوا ومنعوا رافع بس مااهتم الهم وصفكه بضربه على وحارث راد يضرب بس عمي كمال منعه ورافع شمرها برا ومد ايده لحارث وصفكها بقوه ونفضه نفض وگاله.
رافع حلفت وما بيه اصوم ثلاثة ايام وگلبي جمر عليك وكلت الا اطفي ناري بط وتستاهل يا هلا ابن عمي العلم يله ارجع أكعد واحجي عدل مثل الزلم ومره ثانيه ما تستقبل اليجيك بهل الطريقه لا اعيد امجاد امجادك واشوفك واعلمك الزلم شلونها، الله بالخير يابه شلونكم عمي وين جايكم جاي من ايد جنتنا.
أسيل كعد بصف عمي كمال وعصام بس مروان وعمي فاضل وناجح وحسن وابويه من هالصفحه.
رجعت الجاي خدران بس صبيته واجه حسن اخذه الهم باوعت الباب مفتوح حارث كاعد ووجه سماد وصافن وبإيده جكارته انقهرت عليه ما حبيت تصرف رافع مهما يكون يضل اخويه بعد هدوء حجه حارث
حارث مروان راح أجيك من الأخير وما اطولها عليك أختصرها علينا وأرمي الطلاك على أختي
مروان طلاك ما أطلك
رافع لا خلي يكمل اي وتطلكها تزوجها اليه مو
حارث لا الك ولا لغيرك.
عصام لحظه يزوجها الك شنو هالخريط هذا انتوا من تحجون تفكرون بحجايتكم هاي لو بس كلام فارغ.
رافع أبن عمك يريد يتزوج الثانيه ويكثر النسل
مروان وزوجتي شعليها شهل التمسلت اللي جاي نسمعه.
عصام نسوانكم جواري ليش تجبروني اكوم اجفصكم اثنيكم.
كمال هدوا ولدي خل نسمع السالفه وبعدها احجوا لن الظاهر الوضع صاير فلت وبكيفهم يحجون.
رافع عصام شبيك حميت وبعدين شگو بيها الشرع حلل اربعه وين الغلط بالموضوع هذا شرع الله وجاي نطبقه.
عصام تطبقه اذا جانت عندك أسبابك وام الحسن ذهب صافي تكسر بختها ليش بغض النظر عن سالفة حارث العوجه.
رافع شيء راجع اليه اي حارث بعدك على قرارك
مروان قرار شنو هالخريط هذا انتوا صاحين
رافع حاجي ابن عمك الناقص اخته على ذمتك وعرضها لزواج تكول نعجه وجايبها لجوبه مو طفله
حارث طلعت مثل ولد عمك أنذال.
كمال شو أنتَ ما تحترم احد ومحامي وخابص نفسك هاي اخلاقك وقيمك
عصام سيادتك اسمحلي شوف حارث اني ساكت مو خوف بس المشكله ما تريد لسان يهلهل ولا اتكابح وياك واردك لا اتعامل بأخلاقي تبعاً لا?خلاقك واني دايس فراش بيت عمي ومخلي قدر وقيمه للكاعدين واحترامهم واجب عليه ولن اللي بالنص أختك وما نريد نكسر بختها وتنظلم بهل المععه كلها.
. ومن شيم الزلم نسترجل على النسوان ونطلك منا ونزوج منا اذا ماكو احد يردك ويوكفك عند حدك اني اطب بعينك واختك صارت على ذمة اخوي شرعاً وقانوناً يعني هسه نكدر نأخذها ويانا بس هذا مو من شيمنا ولا اخلاقنا وأختك تطلع
من بيت اهلها عروس بدلتها وبفرحتها.
ف أحترم نفسك وأحترم الكاعدين وحاجيني مثل الزلم واذا الك حق انطي الك مربع ومن هالشارب.
فاضل رد اذا عندك لسان وانت محاني المفروض اكثر واحد ينصف النساء ويعرف الحق والعداله مو تريد تطلگها وتزوجها عالكيفك.
كمال شوف ابني طلاك ماكو شيلها من?اسك واظن احنه ما غلطنا بحقك واذا مروان تجاوز عليك يكوم يبوسك من شاربك.
حارث كلامكم على عيني و?اسي بس مروان ما أحترم كلامي وما التزم بي منعته وگتله خفف رجلك بس هو ما اهتم يفوت البيت ويجر اختي ويمشي ولا كأنما وراها اهل وزلم ادري كواويد احنه.
كمال حشه قدرك ابني وحقك علينا مروان كوم اعتذر وبوس شاربه وتراضوا وفگوا هالنزاع وخلينا نكمل الفرح بدون مزاعل.
رافع ماكو بوس شوراب لاتدخلون الشارب بهيج مواضيع رجاءاً وتخربون سمعته هو بس شاربي ضال وجاي اطكطك بي.
فاضل عمي مروان بوس?اسه عوف الشارب هسه
مروان ما ابوس اني ما تجاوزت ولا تعديت حدودي
عصام كوم وصير أنت احسن منه ولا عبالك اليعتذر هو الغلطان الاعتذار فوز مو هزيمه وقوه مو ضعف.
مروان لخاطرك والله لن أعرف اليمشي وراك ما يخسر.
أسيل ما كدرت اشوف بس سمعت صفك ايد بقوه وحارث كام سلم عليهم كلهم واحد واحد ومروان طلع يشرب جگاره وصار بوجهي بلعت ريگي وغمزلي بخبث گبل رجعت الصاله وضليت وسمعت اصواتهم يرحون وسمعت صوت حارث يضحك باوعت عصام حاضنه وباسه من?اسه
عصام لك شايفك بعين جبيره
حارث أخوك تجاوز.
أسيل صوتهم ما ينسمع وكلهم وكفوا بالطرمه وامي تسولف ويه رافع انطلقت ومروان حجه ويه عصام وتقدم دك الباب فتحته
مروان تلفونج وين فتحي
أسيل تكسسر
بعد أحسن أمنية حياتي تحققت جيبي جهازج اخذه وياي يله تحركي.
ماشي صعدت نزلته لوحدي ظهري انكسر خليته بالطرمه وهو اخذه لسياره كله وامي ساعدته واخر شيء اخذ علاكه ولزم ايدي سحبتها وكال.
عبالج تخلصين مني.
ما جاوبته غمزلي ومشه وراحوا وكلهم راحو بس عصام وحارث ضلوا واكفين يسولفون ويضحكون وبالاخير رفع النا ايده وراح الله وياه.
جنان الحمدلله عدت على خير
أسيل رجع حارث باوعلي صديت وجهي خايفه منه مشه الاستقبال يم أهلي وكف ما عرفت شنو حجه وياها عفتهم وسويت العشه وبالليل عمتي وصال خابرتنا وبلغتنا حاجزين اليه يم الصالون امي توديني.
ثاني يوم حارث وأسماء اجوو وامي وياي واخذوني الصالون صبغت شعري وسويت اظافري وتنظيفات وعنايه كامله واسماء وامي هم سون وبعدها رجعنا والحنه مالتي بعدلها يومين وعرفت حاجزين قاعه وأمي واسماء كاعدات يعزمن عالتلفون واني بس أباوع بدون واهس ولا كأنما عروس لن عارفه مصيري وشنو منتظرني وخايفه من هذاك اليوم.
رحنا الصالون واسماء وهديل وياي بلشت مكياج ودخلت علينا أسيا وأزهار وهديل تفأجئت واسيا تقدمت سلمت بكل حب وتهلي وجهه يضحك وطبيعيه جداً
أسيا اجينا نسلم ونروح لصالون وباجر نجي وياج حبيبي بس اليوم حاجزين يم غير صالون احنه وبنات عمو فاضل وعمامتي ونفس االي اختيارنا ابقي عليه
أسيل اي شوفتها الها وكلش كالت حلو
ازهار اي هذا مودل هسه
اسيا يله نترخص عيني نلتقي بالقاعه تمام مع السلامه يله ازهار حبي.
أسيل طلعن وهديل عوجت حلكها وتهز بيدها
أسماء هاي رايحه لصالون وهيج حلوة وكاشخه لعد تطلع من الصالون شتطلع شفتيها شلابسه هذا العقد جديد مبين.
هديل نفسيه وتموع ما تنبلع عود اني هيبه وشيخه
وأسيل افندي بسرعه تطورت العلاقه واختارلج مكياجج لعد اني شنو شغلي مو اختج.
جنتي متعاركه وحظرتيني عليمن اروح وهي ساعدتني ما بيها شيء، سكتن ما عاجبهن وكعدن ورجعت تكملي المكياج والتسريحه وهديل هم فتحت شعرها ومكياج وتسريحه بس اسماء لا ضلت محجبه بس مكياج.
لبست البدله وكملت والبدله جانت هواي مفضوحه من الفتحه عفيه تضل هيج
هديل ذوقهم بعد عوفيها دام هما راضين بقيها هي هيج موديلها.
أسيل بس فد مره فدوة خليلي كلنكس ما اكدر.
هديل مو حلو يطلع نشاز والصور تطلع بيها حرامات عوفيها هي حفلة نسوان بس
أسيل سگتت والم بيها ما تنلم وهديل تحجي اتصال وعرفت ويه مروان رجعت العلاقه ما شاءلله
شويه وكالت وصل وگلبي يدك مثل الطبل ودخلت علينا عمتي وصال وشافتني بوستني وتصلي على النبي وشافت صدري وكامت تحجي
وصال جايبات وياجن برنص اي شيء استرها خما تطلع لسياره هيج ما يصير يا امي
هديل أسماء ما جبتي وياج
أسماء لا شمدريني أختج غير أنتِ تحضرين الها.
وصال ابقي هسه اروح اجيبلج
أسيل هزت?أسها وخلني بموقف صعب ورجعت كعدت وهديل حايره بشعرها وكل شوي تطوخ الحمره وأسماء وياها عليها تعوج بحلكها عليها
مرت بحدود النص ساعه ودخلت عمتي جايبه واحد جديد رايحه لسوك مشتريه وجايه لبستني وسترتني فد مره ومشيت وياها وهديل لبست عبايتها وشالها واجت هي واسماء طلعت منزله?اسي وعمتي لازمه ايدي وتقرأ ايات وصلت السياره مروان كاعد يدخن يباوع كدامه ما أهتز ولا باوعلي.
صعدت ليورا وعمتي وهديل ساعدني صرت مباشرة وراه وأسماء بصفي نزلت البرنص وهو صاح بيها
مروان رجعي
أسماء كلنا تشوفها
أسيل ما جاوبها وفتح الباكيت ودخن جكاره ثانيه وعمتي صعدت ليكدام وتحجي عالتلفون ويه أسيا وأزهار وشغل وطلعنا للقاعه يسوق ونظراته عالشارع ولا نظره نظرلي وهادئ أكثر من اللازم مو بالعاده!
طول الطريق ما رفعت عيني على المرايا خاف يگولي تباوعلي لو تتنظر مني أباوعلها وصلنا وسيارة عصام واكفه قبلنا ونزلت منها أسيا وياها أزهار لابسات عبايات وبيدها علب دخلن قبلنا وعصام
نزل وكال لمروان
عصام عود لاتضل گالب خلقتك
مروان ماشي.
أسيل نزلت وهديل ساعدتني هي وعمتي وهو ضل بالسياره وعمتي صاحت عليه بعصبيه
وصال ما تنزل شعندك بالسياره ادري اني العريس انزل وياه عروستك.
مروان بس أطبگ السياره أجي.
أسيل أمشي وهديل وعمتي وياي واسماء ورانا دخلنا بالغرفه مال تغير الملابس كعدت اخذت نفس وأسيا وازهار اجو باعوا على المكياج والتسريحه وعدلوا البدله ورشتي عطر قوي واسماء كالت
اسماء ينعل بليسج اسيا شنو هالعطر مصيبه تخلين مروان بفرش وينام بالقاعه
أسيا ما يحتاج عطر مروان هايم بجمالها فديت الحلو اني يله اني اروح عمتي وصال وين معازيم كلها اجتي ازهار ابقي يمها.
أسيل طالعه تخبل وهي وازهار عبالك تؤام جمالهن ناري ومميز بشكل مو معقول ضليت كاعده واجه وكف كدام المرايا يعدل بنفسه وشواربه مشطهن وعاكد الحواجب ويتمثل بروحه واندار علينا.
مروان هاا خلصتوا
ازهار ما عدنا شيء ننتظرك يله تقدم الزم ايد عروستك واطلعوا عالكوشه لما ابلغهم يشغلون الكم اغنيه علمود التصوير يطلع واو.
مروان يله انطيني إشاره.
ازهار ارمشلك يله سوا بروفا هديل ساعديهم.
مروان ما يحتاج.
أسيل تقدم لزمني من ايدي وشد عليها وتلفونه بيده رمشتله وطلعنا سوا وگلبي يدك سريع بقربه ولمسات ايده وحركات اصابعه بكف ايدي متوتر اكثر مني مشينا وهمس
مروان رفعي?اسج التصوير شغال
أسيل رفعت?اسي وشغلوا الأغنيه وكلها واكفه تباوعلنا وتصوير بنيه وأنفاسي عاليه توتر خوف فرح مشاعر مخربطه ما متوازنه شعور غريب وصلنا الكوشه كعدت واسيا اجتي ساعدتني وهو كعد بصفي
واشر ل ازهار واجتي شاورها ما اعرف على شنو.
يمسح بالكلنكس والتصوير اجه ناحيتنا وركزت علينا وأبتسمت وكالت
طالعين تخبلون كلش لايگين البعض
أبتسمت وهو باوعلي وصفن بوجهي وضل صافن وتقرب رفع شعري من وجهي واصبعه لامس خدي
وصال مروان يمه بوسها.
مروان باجر اشبعها بوس
وصال ليا ادبسزز.
أسيل مر وقت بس كاعدين والاغاني شغاله وكلشي منظم وراقي على الأخير واسيا وام الحسن يسقبلن المعازيم وهو يباوع على الاجواء ويراسل عصام ودزله صورته ويضحك وشوي حسيته وجه غير لونه وتعدل مزاجه على الرغم خايفه بس اطمئنيت وضليت اباوع بفرح وشعور هو زوجي واليوم حنتي احس بي بس بخوف.
جابوا الذهب والحلقه والمصوره وكمنا واحد مقابل الثاني واسيا بيدها علبة الذهب والمصوره اقترحت علينا حركات حضني من خصري نفس ازهار وهشام وهو خبره عبالك متزوج قبل بس اني جسمي صار سعفه بلمساته وبالگوه لبسته الحلقه عالنص بس هو لبسها عالاخير وبعدها لبسني الكلاده وصفن على ركبتي وتقرب وهمس
مروان فتنه ناريه.
اسيل ابتعد واني بالگوه واكفه ورجع لبسني السوار والتراجي عافهن واسيا لبستهن اليه ولبسني حزام عريض كلش من ذهب على خصري واسيا ساعدته
خلصنا وكعدنا وانوب فقرة الصور وجانت اصعب فقره حركات وقرب من بعض وجه مقابل وجهي عيونه بنص عيني ردت اوكع بس هو سندني بإيده وقربني اله وهمس
مروان ليش بسرعه تخدرين بلمسه ردتي توكعين
أسيل قطعت انفاسي وبلعت ريگي وغمزلي بخبث.
ووالصور كلهن حضن فد سرسري واسيا وازهار ويانا تساعد المصورات ما كملنا الصور الا خرطت العافيه
أسيا يله مروان بدلتك جاهزه
مروان ماشي.
أسيل راح ومر وقت واجه لابس زي العسكري مالته وطلع يرعط رعط دمعت عيني يمه فدوه اروحلك يروحها ل أسيل صاحولي ورحت وغيرت بدلتي وكملت وهو ينتظرنا برا وطلعت وتقرب لزم ايدي ومشينا واغنيه وعمتي طشت الجكليت وتهلهل.
وكعدنا عالكوشه وبدأت المباركات اجتي امي باستني وعيني عليها اريدها تضل بصفي اباوعلها كامت تبجي وراحت يم هديل وتسكت بيها واني بجيت واسيا مسحتلي دموعي.
اسيا مو بعيده گلبي هاي شنو اسيا مروان احجيلك كلمه طيب خاطرها
مروان أسيل ابويه مكياجج يخرب
أسيل انصدمت بكلمته هذا شبي ما يعرف يستقر رفعت عيني عليه بغضب وخزرني درت وجهي عنه
وعمتي وصال باستنا اثنينا وكالت
وصال امنيتي تصيرين مريته وتحققت مبارك يمه الله يسعدكم.
مروان الله يبارك بعمرج حجيه
أسيل الكل باركوا النا واجت فقرة الصور العائليه اخدنا مجموعة صور وهديل كلما تشوف اسيا تنسحب والمصوره تضل حايره ومروان اشرلها تكمل تصوير وكملنا وكلمن رجع لمكانه.
وهو اجه اتصال ونهض وكال
مروان اني اروح ارفع الزحمه ادري بيجن كاعدات على أعصابجن.
أسيا لا شلون
مروان علينا يله فيمالاا.
اسيل راح وعيوني وراه وأباوع لطوله وقبل لايطلع باوعلي ورفعلي أيده وطلع وبلشت الحفله على اصولها واشتغلت الاغاني وتقدمن ازهار واسيا واحتلن الساحه برقصهن بدعن وبنات عمي فاضل وبنات عمامنا وجنايين واسماء وهديل هم تركص حاولت تطغى على اسيا ما كدرت اوف يا هديل تصرفي طبيعي مثلها هي ما اهتمتلج انتي كذلك.
مر وقت هواي وقدموا الضيافه بس شربت عصير والدنيا صارت لليل وخابروا عليهم وصار الموعد تننهي الحفله وصاحت بالسماعه والكل باركوا وترخصوا.
أعذرونا بس أهل العريس لازم يرحون بعد اكو حنة العريس بالبيت وتعرفون الهوسه اعذرونا عيني.
همزين تعبت كلش وهم كافي لبسوني البرنص وهديل شالت اغراضي وازهار شالت القاط مالته وغراض مروان ونزلنا واجه هو لابس قاط
وصال خل تصعد بالصدر لوحدكم وصلها وارجع
مروان يله.
أسيل صعدت ليكدام ومن صعدت الفتحه مالت صدري بينت بشكل جر الكلنكس وغطاها وخله ايده كل جسمي قشعر من لمسته كبل خليت ايدي لميت البرنص واجه شاب شكد حلو يشبه عصام
عمار يابه عالخير مبارك عليكم شلونج زوجة اخوي
اسيل الله يبارك بعمرك الحمدلله زينه
عمار اني عمار
أسيل اها اهلا وسهلاً
مروان يله اخذهم للبيت وعصام وين صار لازم احد يوصل بيت عمي عيب منو يوصلهن.
عمار بعده بالطريق جان عنده اتصالات هو والمسؤولين يله اني راح اخذ الاهل وهو يودي بيت عمي يله توكل انت جماعتك كلهم وصلوا عيب ارجع بسرعه لا تتاخر.
مروان ماشي.
أسيل شغل اغنيه وشغل السياره بكل سرعتها الف بيها وتلفونه ما طفة الاتصالات شغاله كلهم جماعته ويسولف ويضحك عادي قطع الاتصال وعم الهدوء فقط صوت تسارع انفاسنا مسموع ما كدرت اتحكم بعيوني ضليت اتمعن بتفاصيله وجماله وهيبته وركبته وشواربه وايده وهو يسوق محابسه والحلقه ضايفه جمال فوك جماله المأخذ عقلي وطيح حظي
فزيت من باوعلي گبل غيرت نظرتي بخوف وتوترت
وصلنا وضلينا واكفين وخابر على عصام.
مروان منو جاب بيت عمي لن وصلت ماكو احد
عصام اني جبتهم بالطريق ثواني واوصل.
اسيل قطع الاتصال وارتاج وباوعلي وضل صافن بوجهي بلعت ريگي وغمزلي والغمزه خايفه منها مليانه شر درت وجهي عنه
مروان باجر نلتقي وننجمع بغرفة وحده وكلشي عالمكشوف!
أسيل بلعت ريگي وأخذت نفس ولزمتني الرجفه وفزيت على صوت هورن عصام وهديل نزلت تفتلحهم الباب فتحته بالمفتاح.
وعصام دخل بسيارته وراه مروان نزل وكف ويه عصام يحجون واني هديل واسماء ساعدني مريت من يمهم وعصام يحجي بصوت ناصي
عصام اسكت وخليها اليوم انطرد
مروان لا بربك
بالتفك الله وكيلك يله اني طالع كدامك خل الحك عليها قبل لاتوصل خابرلي عمار خل يخفف سرعه الحك بيهم
ماشي
اسيل عصام شغل وطلع واني كعدت بالاستقبال ومروان بالحوش وهديل اجتي تشرب ماي واسماء كالت.
اسماء هديل جان صعدتي وياه اختج ومروان هسه تصير مشكله ما شفتي تلفونه ما طفه ولا ثانيه
هديل اكولج حالي من حالجن والعرسان لوحدهم شكو نابصه بنصهم وهي شدعوه عليها قابل اكله شهل النفسيه بكل مناسبه تسويلنا سالفه
اسيل مشت واسماء تهز بيدها وساعدتني صعدت غرفتي غيرت بدلتي ودخلت الحمام سبحت وارتاحيت ونزلت لكيته رايح وضجت شكلي تعودت عليه ما اعرف هو انطاني امل لن طبيعي وجه يضحك معقوله سامحني!
جنان يمه أسيل تعالي تعشي وعلمود تنامين وراج عرس وتتعبين ومن الصبح تروحين الصالون.
أسيل اي اجيت رحت تعشيت وياهن اكلت كم لكمه واختنكت ما تنبلع بالگوه غسلت وكمت لغرفتي تمددت على مخدي وأباوع الغرفه وتذكرت ايامنا اني وياه من جنا صداقه وبعدها غلطنا اني وياه غمضت عيني احاول انسى المنظر وهذاك المشهد شكد صعب اني الغبيه شلون هيج سويت شلون يسامحني شلون ما اظن احصل منه مسامحه ما اظن منتظرني عقاب شديد ومتحلفلي مبين من نظراته ما تبشر بالخير الله يستر لزمت گلبي وحضنت روحي ورسمت صورته بخيالي وعشت شعور الحب والعذاب سوه يمه باجر يمه گلبي.