رواية بين قلبها وعينيها كبرياء للكاتبة شمس العراقية الفصل الخمسون
أسيل كاعده أنتظره والكاميرات گبالي أجه بقيت ما تحركت من مكاني الا أن فتح الباب ودخل عليه
مروان خفتي
لا عادي اني ما اخاف دام أنت زوجي حجيتها بثقه تقدم باسني من خدي وضل صافن بوجهي يريد يستكشفني جوعان أسويلك أكل
لا أريدج الج أريد أباوعلج
ضل صافن بوجهي بكل حب رجع حجه
اي هم أحد أتصل عليج
لا والله والتلفون بقيته بالمطبخ عالشحن
ماشي هسه أخابرهم وافهم منهم شصار وياهم
خابرهم وضل يحجي ويه عصام وقطع الاتصال.
صعدي لبسي نروح نأخذ الجهال من بيت خوالهم لن ك?م مسويه عليهم ثوره بصراخه كالب الدنيا على أمه وهاي جود تستغرب الا امها.
ماشي صعدت لبست عبايه خليجيه ورتبت نفسي وشلت جنطتي ونزلت وهو جان واكف يحجي على التلفون ومشه وقفل الأبواب وتوجهنا الهم وبالطريق يخابر ما فهمت طاري عصام يگوله دز حمايه للبيت
لن فارغ وطول الطريق على التواصل وعمو كمال أتصل عليهم وكام يحجي ويرزل ومروان ساكت
ويهز برأسه وقطع الاتصال مزعوج.
مروان أني شعليه ترجع عليه من يمتى نكول خلوا حمايه عالبيت ما ترضون قابل الحمايه اليه لو الك أنت وعصام كل سالفه تذبها ب?اسي.
أسيل وصلنا ونزلنا اني وياه ودك الباب ودخلنا البيت وهو وكف يحجي ويه اخوان أسيا واني دخلت اسمع صوت جود اخذتها وما تسكت عندي تصرخ واجه مروان اخذها بس شافته ضحكت وسگتت بحضنه يمه فدوه لله اخذها يبوس بيها وكرم لازم ايدي وسلمنا وطلعنا وبالطريق كرم يريد ابوه يبجي وهو يسوق وجود بحضني تصرخ انخبصنا خطيه وعصام يتصل بالثواني.
عصام جيبهم لمستشفى شسويلهم ماكو غير حل غير احطهم بحضني واكعد يله تعالوا وبالطريق اشتري لكرم راضي لاتخلي زعلان لن اذا اجه وما شاف امه يضل يبجي.
مروان ماشي وأسيا وين شلونها هسه
عصام بغرفة العمليات هسه دكتورتها اجتي وهي تشرف على حالتها ضلت يم الله
الله كريم ابو ك?م شد حيلك أنت سبع
والله يخوي ما ضلت بيها سباعيه.
أسيل قطع الأتصال وتوجهنا المستشفى واشتره لكرم ما اخذهن وزعلان ويشمر بأيده ودخلنا ويمشي كدامنا ويباوع بالوجوه ورجع باوعلنا وعاط بينا
ك?م أمي وينها.
مروان ك?م حبيبي امشي وياي منا
أسيل شايله جود وتبجي ومشينا وشاف ابوه ركض عليه يصرخ ويبجي.
كرم بابا بابا أمي وينها أريد امي.
أسيل شاله ويبوس بي وكعد يفهمه بس ما أقتنع وكام اخذ جود مني وسكتت بحضن ابوها وخلاها بحضنه ويبوس بيهم وكرم يبجي وجود تلعب بشوارب ابوها وتضحك والباقين عايشين في رعب عمتي وصال تقرأ قراءن بتلفون عصام وامها كاعده وتبجي صفنت عالحال والوضع شگول عليج يا هديل شتتي حالهم وخربتي وهدمتي إستقرارهم جانوا اجمل ثنائي واحلى عائله على الأطلاق الكل يباوع عليهم وعلى حبهم لبعض اسيا ربي يكومج بالسلامه.
ك?م يبجي ويشهك وعبرته ترس صدره لازم ايد ابوه ويباوع على الباب وعيونه حمر وعصام يسكت بي ويفهمه ما يرضى بس يهز برأسه وجود متونسه على شوارب ابوها وتضحك ومروان صافن عليها وكل شوي ياخذ منها بوسه يحب الجهال ياربي.
واحنه كاعدين نتتظرها دخلت علينا ازهار هي وهشام وتبجي وجهه احمر وعيونها حمر وترجف وبالكوه تحجي
ازهار وينها اسيا وينها كولوا كلشي ما بيها ما بيها شيء مو.
أسيل مروان حضنها يهديها ويسگتها وهي تبجي وسلمت علينا وكعدت بصف عصام وباسته من كتفه بحنيه وخوف وهو خله ايده على ايدها وتبوس بالجهال وخلت كرم بحضنها وهشام سلم عليهم ومروان تقدم سلم عليه وعصام هو شايل جود هم كام وتسلاموا هو وياه
هشام بالسلامه ان شاءالله
عصام الله يسلمك رحمه الله والديك.
اسيل ضلينا كاعدين نتتظر وأشرلي برأسه ورحت كعدت بصف عمتي وهو كبالي وطلعت دكتوره وعصام يحجي وياها.
اني سابقاً نبتهكم في حال حملت خطر عليها وعلى طفلها بس ما التزمتوا بكلامي اني عفتهم حالياً جاي يسويلها عمليه نشيل الطفل ميت بطنها واجيتك اخذ منك الموافقه في حال اضطرينا لازم نقلع رحمها اذا شفت وضع الرحم متأذي واصل مرحله
لازم أستئصاله.
فوزيه لا فدواتج شنو تشيلين رحمها بعدها جاهل
وصال اذا خطر على اسيا شيلوا.
عصام شسوي برحمها اذا يعرض صحتها وضعها للخطر شيلي عمي توكلي وموافق الج بالعشره بدون ما تكوليلي مهم عندي سلامة زوجتي.
فوزيه عصام شتكول ابني شلون توافق يشيلون رحمها واذا صحت وعرفت تكلب الدنيا على روسنا
عصام وتگلبها المهم تكوم وتصحى بالسلامه ما اريد شيء ثاني واذا على الاطفال ما قصرت جابتلي اثنين تارسين عيني الحمدلله بس الله يستر عليها وتطلع بالسلامه.
فوزيه هذا هو اني والله عندي مهم سلامة بنتي بشنو يفيدني رحمها منو يسد مكانها لا سامح الله اذا صارلها شيء بس علمودكم انتوا بس هاي هي اللي تشوفونه مهم بنتي ترجعلي.
أسيل اخذت الموافقه بس كالت الهم مو اكيد نستأصله حسب حالتها وضع رحمها ودخلت وضلينا نتتظرها وعمتي وصال كامت سلمت على هشام وتسأله على أهله وعصام يفتر وهمزين الجهال سكتوا عند ازهار.
ومر الوقت وانفتح الباب كلنا كمنا وفزينا بخوف وصاحوا أسمها.
المريضه أسيا عبد العزيز
اسيل ودزوا عليهم وتقدموا عصام ومروان وهشام رفعوها من السيديه على النقاله على كيف لن مسويه عمليه عصام لزمها من راسها ويحجي عليهم
عصام على كيفكم شوي شوي مروان أيدها يمعود الكانونه.
أسيل ثبتوها على السديه ودفعوها ومرت من يمنا وجهه اصفر وتون بصوت ناصي وعصام تقدم بخوف وفرحة تارسته لزمها من ايدها
عصام الحمدلله والشكر ربي الف الحمدلله
اسيا عصام جهالي.
عصام كلهم بخير موجودين يمج الجهال وابوهم
أسيل مشينا وراها دخلوها بنجاح خاص وكذلك عصام ومروان وهشام خطيه ساعدها بس منزل راسه ثبتوها على السرير ودخلن الدكتورات والممرضات وهما طلعوا واحنه هم بقينا واكفين برا لما يكملن شغلهن.
عصام هشام رحمه الله والديك ما قصرت جيتك وگفتك هاي على?أسي
هشام لا يمعود صدك جذب مهم سلامة ام ك?م
عصام الله يسلمك ويعزك.
أسيل ضل واكف هو وهشام يحجون ومروان طلع وعيني وراه وتأخر وشويه واجه وجايب علب حلويات ضيف الكل وقدم ال هشام وطلعت الدكتوره انطاها علبه كامله وتشكرت منه
الدكتوره تسلم كلك ذوق والحمدلله على سلامتها
عصام وينه جيبلوياه اريده عندي وياه حساب.
مروان هسه عصام تعال يردونك.
عصام هاا دكتوره اعذرينا ما تشكرتج بس جنت واكف ويه نسيبي أمريني.
الدكتوره ما يأمر عليك عدو بس هاي اخر مره سامع بالفرصه الاخيره وهالمره ما راح احجي وانبهك لن والله العظيم شلعتوا گلبي أنت ومرتك حاولت بكل جهدي وما شلت رحمها لن اعرف صعبه عليها مو عليك لن أنت شيهمك بس هي تتأذى نفسياً مهم عندي سلامة اسيا وراح ابقيها على علاجات وابر وتصير زينه وارجعها لوضعها وصحتها والحمل تنسي خلاص ممنوع منعاً باتاً أطفال ماكو بعد احمد ربك وارضي باللي عندك وهي ما قصرت وياك جابتلك أثنين مثل الورد.
عصام هذا هو دكتوره كلامج على?اسي وطابو والهم عندي سلامتها وراضي ومكتفي ومقتنع الحمدلله.
فوزيه الله يفرح كلبج مثل ما فرحيتني يا بنتي
الدكتوره تدللي امي والف الحمدلله على سلامتها ديروا بالكم عليها وتضل يمكم العافيه مع السلامه
اسيل راحت الدكتوره وطلعن الممرضات ومروان ضيفهن واني اباوعله وخلص وجابلي العلبه قدملي ما اريد
مروان ليش عيني ما تردين
اسيل ما احب الحلو
شلون ما تحبين الحلو وتحبيني شنو هالتناقض.
منو گالك أنتَ حلو ومصدك نفسك حجيت وطفرت على عمتي وهو بأيده العلبه واكل قطعه ويباوعلي وشاف ممرضه تقدم قدملها ويباوعلي يابه احتركت لزمهن بالسره يقدملهن ما صدك بيده علبة حلويات صديت وجهي عنه واجه حشك روحه بصفي وما حسيت غير خله بحلكي نص من القطعه اللي هو أكل منها أكلتها.
مروان تكولين ما احب الحلو شو لغفتيها گبل حتى أصبعي عضيتي همزين تلاحكت عليه
مروان
هم كامت تتنعوص بإسمي.
حجه بصوت ناصي وابتعد سلم على اسيا وهشام هم تحمد الها بالسلامه وترخص وطلع ومروان طلع وياه وعصام هم عافنا وطلعوا وياه وصلوا للباب وتقدمت سلمت عليها الحمدلله على سلامتج ام كرم.
اسيا الله يسلمج حبيبتي
اسيل ازهار تلعب بشعرها ولازمه ايدها وصافنه عليها كلش حبيت علاقتهم عبالك أخوات تمنيت اصير مثلهم وعندي احد قريب مني شافتني عمتي سحبتني عليهن.
وصال هاي هم اختجن من دخلتي العمليه هي حالها من حالنا تننظرج وجابتلج الجهال.
اسيا فدوه لعينها أسيل اصيله وبنت أوصول حبيبتي تسلميلي ما قصرتي
ازهار أسيل حبيبتي شلونج أعذريني ما سألت عنج أخبارج
أسيل الحمدلله عيني الله يسلمج كعدنا يمها وهي متوجعه وبهل الأثناء دخل عمو كمال وراه عصام ومروان ومجد هم وياه وكفنا على صفحه وتقدم سلم عليها ومجد كذلك وكرم طفر عليه واخذه يبوس بي.
مجد لك حبيب الروح صديقي العزيز.
كمال الحمدلله على سلامتج بابا وتكومين بالسلامه وعندي وياج كلام ثاني هسه ما احجي
أسيا الله يسلمك عمو ان شاءالله أنت تأمر
أسيل ما طول طلع وطلعوا وراه ثلاثتهم وبقينا وياها ودخل مروان
مروان يلا يمه ازهار اسيل لازم تمشون البيت
ابويه ما رضى تبقون كلكم ولن الجهال بالمستشفى والبيت فارغ.
وصال ماشي أبني يله اسيا عندج العافيه ماما الصبح اني يمج ونتحاسب وهسه لازم اروح لن عمج ومجد نزل وماكو احد وهاي لوحدها ما تكدر كافي عليها مروان يله ازهار ماما.
اسيا ماشي عيني عمه
أسيل مع السلامه طلعنا ودخل عصام بأيده علاكة الادويه والعشه انطاها الممرضه وشال كرم يبوس بي وهو يبجي يريد يبقى
عصام ما يصير حبيبي ماما مريضه
مروان يله ميخالف باجر الصبح اجيبك تدلل ومجد اليوم نزل وراح البيت ويه جدو شنو ما تريده.
كرم واذا راح وعافني
عصام لا ما يروح ومحد يعوفك كلنا يمك يله حبيبي روح وياه عمامك صير زلمه وليدي.
أسيل قنع بالكلام وحضن مروان من رگبته وجود بحضن ازهار ودعناهم وطلعنا للبيت وكرم نام بحضن عمتي كاعده ليكدام واني وراه مباشرة وصلنا البيت ولاحظت سياره عسكريه يم الباب
لن البيت ضل فارغ.
نزلنا وكرم كعد ومجد اخذه ينومه بغرفته وازهار اخذت جود وصعدت ويانا مشيت الغرفتي وهو اجه وراي اخذ منشفته وراح الحمام وغيرت ملابسي وشلت ملابسه جمعتهن وتلفونه يتصل باوعت
رقم غريب تالي عفته انقطع ورجع أتصل وبهل
الاثناء هو دخل واني فزيت بخوف.
مروان شبيج شگو نصرعتي من شفتيني
أسيل ما بيه شيء بس تلفونك يتصل
وشعليج بتلفوني يله نزلي وصيت على عشه حضري ورتبي هسه أنزل وراج.
ماشي نزلت وعفته بس گلبي ما مرتاحله ما ادري ليش نغزني واجاني شعور مو حلو معقوله لا لا هو عافها من زمان وماكو تواصل ما ملاحظه عليه من يوم تزوجنا ليش هسه گلبي نغزني ياربي هالاحساس مو صح ومجرد أوهام بعقلي.
وصل الأكل مجد خلاه عالميز رتبته وجهز ونزلت ازهار هي وجود وكرم بحضن عمو كعدنا كلنا نتعشى واني عيني على الدرج يحجون واني بالي مو يمهم بالي يمه وين صرت ليش ما تنزل شعندك فوك.
كمال خل تطلع من المستشفى وأني اعلمهم اثنيهم مو اوادم لعد هاي سالفه تنضم حمل هذا حمل زعاطيط مراهقين شهل التصرفات مال جهال يعني هيج احسن خسارة طفل ولو صاير شيء عليها لو شايلين رحمها يعني الواحد ما اعرف شيحجي ولا يكبرون ولا يجنون عقل اثنيهم نفس الشيء وديري بالج اطلعلي واحد منهم ادمي دير بالج
وصال لا والله اثنيهم مو اوادم وكلامك كله درر
هسه اهدأ وتعشى ويصير خير بس لاتقهر روحك.
أسيل بالگوه أكلت كم لكمه ونزل هو وجهه يضحك وفرحان مبين عليه هيج وضحلي كعد بصفي وبلش ياكل بشهيه مفتوحه ويحجي هو وعمي وكمال واني بالي يمه شغلي فكري بهل الاتصال ياربي مو اللي بالي ياربي ما يكون
راجعلها
كمال عمار خلص دراسته وهل اليومين يرجع العراق وصال حضري غرفته خاف تحتاج تنظيف
وصال هلا بي اي ان شاءالله.
أسيل كمت أول وحده غسلت وخليت القوري عالنار كمل وصبيتلهم الجاي قدمتلهم وهو عينه بالتلفون اخذه بدون ما يباوعلي ولا مهتملي وعفته رحت المطبخ ازهار واكفه تغسل الكلاصات اخذتهن منها عوفيهن اني أغسل
ازهار اي والله فدوه بزعانه من الغسل يمه جود انومها يمي لو تبقينها يمج كيفج
وصال لا عوفيها يمي أنتِ حامل وأخاف عليج صاعده نازله شايلتها وتضل بس تنعوص ما تخليج تنامين وأنت حامل روحج بالنوم ترتاحين لو ينشلع گلبج.
ازهار على طاري الحمل طلعت بيه بنوته
أسيل عمتي شهكت وحضنتنها وتبوس بيها وعمي كمال شافهن وابتسم
كمال خير شبيكم
وصال بنتك بيها بنيه راح تصيرلها اخيه فدوة لوجهج يا بنتي
كمال بالسلامه بابا
ازهار الله يسلمك بابا حبيبي.
أسيل حضنها ويبوس بيها وعمتي فرحانه وتمسح على شعرها درت وجهي ونزلت دمعتي مسحتها عالسريع اللهم لا حسد وربي يدومكم الها.
مروان شنو هالجمعه الحلوه مليان حب وحنان
وصال تصير خال لبنت اختك.
مروان بالسلامه عيني.
ازهار الله يسلمك يوم الكم حبيبي
أسيل اغسل واني منطيتهم ظهري وهو سكت ما حجه شيء
مروان يله تصبحون على خير.
أسيل صعد واني اغسل ومشوا ضليت بالمطبخ خلصت ولزمت گلبي حزين ووحيد ما عنده احد لا اهل ولا حبيب بهل الاثناء وصاحني
مروان أسيل
أسيل خرب بحياة أسيل نشفت أيدي وصعدت اله هاا صحتني.
مروان اي كافي تعالي ليش طولتي هنا كم ماعون
اي
وشبيج تحاجيني بخشمج وجهج انكلبت خلقته.
شبيه يعني ما بيه گلشي بكيفك تفسر شبيه
لاتتنرين بوجهي فاهمه
فهمت كبل اجه كتفي ويهز بيه
طبع الزمايل هذا بطلبي لا اشيلج خلقتج والصياح ونتر بوجهي ما اريد اعدمج اذا تنعاد.
ما جاوبته عافني وتمدد أخذت ثوبي البسه وتوني اريد اطلع من الغرفه عاط بي
وين موليه ليش ما تغيرين ملابسج اهنا غريب
اني غريب تولين بالحمام تنزعين ملابسج.
استحي منك
أنهجم بيت المستحى توازين الواحد كوه يكوم يغردلج.
رجعت ورفعت ثوبي باوعتله كل ظني يباوعلي طلع عينه بالتلفون يكتب ومهتم لبست وركعت باب الكنتور وباوعلي بغضب وتأفف تجاهلته وطلعت فرشت أسناني وغسلت وجهي ورجعت لكيته نايم وتلفونه عالشحن نمت على الحافه وروحي نار مشتعله بيها.
وكعدت الصبح ما لكيته بس منشفته وملابسه سابح ولابس وطالع نفضت اللحاف وكمت معقوله التحق وما گالي، غيرت ثوبي ولبست شالي ونزلت لكيت ازهار تحجي اتصال ويه زوجها وعمتي وصال تطبخ الغده عمه مروان التحق.
وصال اي من الصبح ليش ما عندج علم
أسيل اي
وليش
البارحه بالليل تلاغينا ونمت وعفته كاعد
علي شنو تلاغيتوا احجيلي
حجيت الها وما رضت على تصرفي.
أنتِ شفتي بعينج يحاجيها علمود تكلبين بخلقتج عليه هو ملتهي بشغله وبترقيته وطايح حظه أنتِ شايفه عملهم شكد صعب بسرعه كمتي تفسرين وبعدين ليش تتتنرين وتصيحين بوجهه الرجال ما يحب لا الجدال ولا العناد ولا النتر ولا الصياح هذن الاربعه عقله يطير منهن وبالاخص مروان...
هو اني هيج علمتج كلتلج نتري وصيحي بوجهه وخلي يتخبل بالزايد عليج ويغثج بالكلام مو گتلج احتوي ولمي والصوره الراسمه عنج بيدج تكدرين تغيرينها بس ما تلتزمين بالكلام يعني هو نازل.
واكيد مشتاقلج لوما ما مشتاق ما صاحلج جان ضل يراسل وبعدين ما شفتي بعينج ولا لمستي الدليل القاطع هو راجعلها ولو عرفتي وثبتت عليه التهمه راجعين هذاك الوكت اني اعرف شغلي وياه ادخل عمج كمال خلي هو يتصرف بس مال من كيفج تتصرفين برعونيه وطيش لا ما اسمحلج.
أسيل ما ادري شصارلي والشگوك أنزرعت ب?أسي
حقج صعبه وبالأخص هو جان يحبها وهنا المشكله مصيبه اذا رجعلها مصيبه وبالاخص علاقات ابوها وعمج متطوره.
يعني شنو عمه عمو كمال يوافق عليها ويتزوجها
لا اسم الله عمج كمال ما يكسر بخت بنيه مو بالحيف بس كولي خوفج من مروان يستغل هالنقطه ويتقرب لابوه كله منج شكو نمتي وعفتي ثول يثولج كومي جيبي تلفوني شعوطتيني من الصباحيات عاد انوب عليه هناس الوساس.
أنطيتها تلفونها واجتي ازهار
ازهار هاا شبيكم شنو هالاجتماع السري.
أسيل عمتي ما حجتلها بس اخذتني الغرفه وطلعت رقمه شحجي وياه.
وصال اي شيء كوليله مشتاقتلك كعدت من النوم وما لكيتك بالفراش انقهرت يهون عليك تعوفني مقهوره عليك حبيبي يله وتموعي تنعوصي بإسمه يخرب ويتكهرب من واحد يقدس اسمه ابني مثل الطفل يحب الاهتمام بإدق تفاصيله.
إتصلت عليه وجاوبني حجيت مروان
هاا عيني
عمتي غمضت عيونها وأبتسمت ورفعت ايديها تدعي جاوبته ليش التحقت بدون متكول وكعدت من النوم وما لكيت بس ملابسك ومكانك فارغ انقهرت هواي يهون عليك تعوفني مقهوره عليك.
ما تستاهلين
ليش إشسويت
صحتلج جنت مشتاقلج أخليج بحضني وانام لن تعبان ومن الصبح التحق دزوا عليه بس حضرتج لبستي جهرتج الزفره وتتنرين بوجهي شسويلج
بعد
ماشي على راحتك
ليش عيني مشتاقتلي
وصال بهمس كوليله اي اي
أسيل اي مشتاقتلك
شكد
شكد متريد
لك فديت اني فديت
عمتي باستني وتاشرلي
وصال كملي كملي
اسم الله عليك والفدوة لروحك.
اسيل
هاا يا عيون اسيل.
لما الترقيه والتزام والضغط هسه انزلج اخ منج لو جايه البارحه جان هذا الكلام الحلو على الواقع وياه فعل نصير دبس وراشي ادبك عليج.
ضحكت
ضحكتج حلوه لج
عجبتك
هو كلشي بيج عاجبني بس عقلج اموت منه اكرهه
هو خصمك
ليوم الدين خصمي وعدوي
بقيت ساكته
بعدين اخابرج ماشي
ماشي بأنتظارك عيني أنت
هسه اني شلون اقطع الاتصال قطعي أنتِ
گلبي ما ينطيني
اوف على گلبج اوف يله اخابرج بعدين فيمالا
قطع الاتصال وعمتي اخذت نفس براحه هاا عمه.
وصال ولج أبني وأعرفه مو بس يحب اللي يهتم بي ويحبه لا يقدسه ويدمن عليه مو حجيتلج وكلتلج ابني معوز حنان بكلمتين حلوات تجيبين?اسه شييج يحظي شغلي كيدج صيري مثل اسيا كل اللي صار واخابره اسأله شلونكم يكولي بعدين اخابرج خليني اشبع منها يعني حتى أمه مو فاضيلي مركضتله وراها مسويته خاتم بإصبعها لاتسحل روحها وراه ولاتنطي من نفسها زايد مخليته في عطش الها ونفس الوقت مغركته بالدلال والاهتمام لدرجه ضامنه ما يلمس غيرها ساحرته بكيدها شغلي عقلج وخلي زواجج من مروان ينجح وحتى لو اكو خط رجعه بينه وبين هناس لاتعوفين مكانج لاتنطين رجلج الها سوي المستحيل ولاتتنازلين عنه هو.
رجلج مو رجلها عود جان حبيبها وهذاك ماضي وأنتِ الحاضر والمستقبل أفتهمتي عليه بنتي ركزتي بكلامي زين.
أسيل اي عمه
وصال يله اني اخليج اروح اكمل غداي واشوف بنتي.
أسيل راحت ودز رساله
مروان اسيل
هاا مروان
أجيتج يابه
هلا بيك
خل تخلص هالايام الصعبه وتدللي عليه
أبتسمت أنت ما مقصر بدلالك
خفي عليه ولج أستقري
فوك ما نسيت قساوتك وجاي اتعايش وياك
غصباً عليج
رجعنا
ما طلعنا علمود نرجع
أنت ليش هيج
شبيه
كل شويه شكل
مو خايف منج.
من شنو دزيتها وصلت وما شافها فصل النت راح وحذفت الرسائل ويومين هو ماكو بس يتصل على عمتي دقايق ويروح وتكولي يسأل عنج
وعمتي ما عافتني وياي أول بأول وتنصحني واللي حبيته منعت ازهار تتدخل خطيه أبداً ما تدخلت ولا فرضت?أيها بس تسمع ودائما على تواصل دائم هي وهشام.
وعرفت أسيا يم اهلها وعصام اخذلها الجهال وجنطة ملابس عمتي جهزتهن الها وكالوا تصير زينه وتجي.
واني كاعده انتظره ينزل خابرني گالي بالطريق أتعامل وياه نفس ما علمتني عمتي وصال كالت امشي وراي وما تخسرين.
ازهار بيت أهلي وعلى تواصل وياه وهل الايام المرت افراح أبتعدت عني بس ما مرتاحتلها كامت تحجي كدامي هي وحبيبها ما اعرف وين تريد توصل بهاي تصرفاتها ميخالف حبي منو مانعج شعليه واني هم حبيت اخوج وتزوجنا بالحلال وعدني وما خيب ظني بي بس ما كعدت اخابره كدام اهلي حسيت وراها غايه تريد تلزكني بيها وفتحت وشغلي عقلي وياها اي تصرف تسوي اسجله بملاحظه.
أتصلت عليه حبيبي
هشام عيون حبييج ها مريتي.
شوكت تجي تأخذني شتاقيتلك
يبعد گلبي جايج بس أوصل عائله وأمرلكم
تمام الف هلا بيك
فدوة
الك يله اكوم اتجهز بينما تجي
ماشي حبيبتي
نهيت الأتصال وكمت لبست وكملت نزلت لكيتهم كاعدين بابا وماما وعصام ومروان واسيل
كمال هاا بابا وين بس لا تروحين
ازهار اي والله بابا هشام راح يجي يأخذني
مروان بعد وكت يمعوده
عصام هشام وين هسه
ازهار بالطريق بس يوصل عائله ويمرلي
عصام ما تروحين هسه أخابره خل يضل على العشه تعشوا ورحوا.
كمال اي خابره واعزمه على العشه
عصام اي مو مال روحه شويه انوب تغرب الدنيا
أزهار الدنيا مو واسعتني من الفرحه اريد اطير بموقف أهلي شكلهم راح يتقبلونه فدوة رحتلكم
يا أهلي فدوه حجه وياه واجه
عصام أعتذر ويكول ما اكدر بالبيت ينتظروني
امه تعبانه ما يكدر يتأخر عليهم
ازهار اي خاله صحتها مو هلكد وعلمودها ما يكدر غير مره ان شاءالله عادي اباوعلهم ومروان ضحك
مروان عادي يمعوده غير مره وعنده ظرف قابل بيده ما صار شيء.
ازهار كعدت وهما يسولفون وامي أبتسمتلي بحنيه ورن تلفوني هشام يله عيني مع السلامه هشام وصل تقدمت سلمت عليهم وبابا خله فلوس بيدي والله ما محتاجه هشام أبداً ما مقصر.
كمال هذن من ابوج اخذيهن بنتي
مروان وهاي خمسين من اخوج الوسطاني
عصام وهاي هم خمسين من اخوج الجبير
ازهار تسلمون ربي يحفظكم اليه امي باستني وحضنت اسيل مع السلامه حبيبتي.
اسيل الله وياج گلبي.
ازهار مشيت ومروان شال الجنطه وبابا كام عصام فتح الباب وطلعوا واني وماما وراهم فتحوا باب الحوش ونزل سلم عليهم وسلام حار واجه باس?اس امي وسلم عليها وكفوا يحجون ومروان خله جنطتي بالسياره.
هشام يله نترخص منكم وابو كرم حبيبي أعذرني ما ضليت على العشه والله امي تعبانه وخابروني من البيت على الجايات تدلل
عصام لا يابه ولا يهمك وربي يشفيلك ويعافيلك الوالده بالسلامه.
هشام الله يسلمك ويعزك
كمال بالسلامه أبني.
هشام الله يسلمك عيني عمي
ازهار صعدت ورفعوا ايدهم النا كلهم وهشام كذلك وشغل وطلعنا لبيت وكل شوي يباوعلي نظرات مليانه فرح بقيت ساكته بس داخلي شعور يجنن اريد اصرخ للعالم كلها واعبر عن فرحتي وفرحته.
هشام أحمم
ازهار أحمم
أحمم
هُشام
يا يبعد اسم هشام احبج زهرتي أحبج.
صفنت عليه واني بعد احبك هواي حبيبي وصلنا البيت ونزلنا سلم ومشه قبلي سلمت بس أيمان وخاله ردوا السلام شلونج خاله شلون صحتج.
الحجيه الحمدلله بنيتي فدوه لوجهج الحمدلله على سلامة مرت اخوج هشام كالنا.
ايمان متشوفون شر عيني الحمدلله على سلامتها
ازهار الله يسلمكم عيني الشر ما يجيكم عن اذنكم رحت الغرفتي وافراح تباوعلي بنظرات مليان حقد وصبا عبرتني وسوت حركه بيدها فلفل لعبت نفسي وقرفت منهن ومن حركاتهن دخلت الغرفه لكيته يطلع ملابسه هاا عيني روح اسبح اني اطلعهن الك
هشام هاا لا ما يحتاج غيري ملابسج وارتاحي.
لا عادي حبيبي وكف كدامي حسيته ما يريدني اتقرب اخذ المنشفه وسد الباب وتأفف وطلع.
ازهار شبي! ذبيت جنطتي ونزعت شالي وشميت ريحة مو طيبه بالغرفه وحسيت الارضيه وسخه! ريحتها مو طيبه خليت اصبعي وشميت لعبت نفسي هاي بيش ماسحتها خرب حظي فتحت الكنتور وأدور على ملابسه كلهن وسخات ما غاسلات اله ولا قطعه مشمورات بالكنتور وكلهن رطوبه ليش هيج ادري لما اخوجن طلعتهن كلهن وغيرت ملابسي واني اغير لاحظت نقص قطع بملابس الطلعه قمصان وهواي فساتين ما ملبوسه شسالفه وين راحن واني ادور على فستان جان هديه من بابا بعيد ميلادي وينه يربي هذا من بابا.
هشام شبيج حبيبتي
ازهار ردت احجي تالي سگتت عيب شيكول عليه ما شايفه يله هو فستان يجيبولي غيره بس والله لن ذكرى من بابا أنقهرت
ازهار مو احاجيج.
لا هيج ماكو شيء بس أنزعجت لن ملابسك بالكنتور وهنا رطبات ليش ما مغسولات جان أيمان غسلتهن أنت اخوهن قبل لاتصير زوجي يعني ما بيها شيء اذا غسلنهن.
أيمان الله يرضى عليها وبعدين شسويلهن اخلي عقلي وياهن لا اخذهن على كد عقلهن لن ضربتهن وراج وما فاد هذن ناويات على موتي اتحملهن لما الله يفرجها عليه
ما جاوبته هو اخوهن واعرف بيهن واني مو صاحبة مشاكل ولا هاي تربيتي، شلتهن وغسلتهن والمجفف عاطل هشام تعال شوفلي المجفف.
استخدمي القديمه هذا عاطل باجر اصلحها.
ماشي دخل على امه لغرفته وباسها من راسها وحضنته فدوه لطولك شكد مرضي، جففتهن ونشرتهن ورجعت ايمان حضرت العشه مقليات وطماطمه حمس واندومي ومركة بامية من الظهر
كعدنا واني اخذت المركه وكعدت اغمس بيها واكل وهنا يباعن وهشام كام جابلي ماعون تمن خلاه كدامي.
افراح هاج اندومي مو تحبينه شحابه من مركة البامية
ازهار لا ما اريد حابتها لن طيبة وطبخ ايمان احبه عاشت ايدج ام امجد
ايمان الف عافيه عيني.
ازهار كملنا الاكل وكمت غسلت المواعين وهشام طلع وعيني وراه ورجع كالي
هشام حبيبي هسه اجي بس عود غسلي الارضيه مالت الغرفه وسخه ما منظفه من زمان محد نظفها وراج.
ازهار ماشي عيني راح وكملتهن واخذت سطل وماي حار وخاولي ودورت على معطرات كلهن ماكو البطاله فارغه واني هالمره ما جبت وياي كلشي لن منعني وكالي اني اجيبلج واني متوقعه ما اخلص بيهن بعدهن ما مستعملات سگتت وكلت عيب ما تسوى هنا معطرات بيش سعرهن احجي ويتعصب وتصير مشكله لا لا ازهار كمت جبت تايت ومسحت الغرفه وطلع ماي اصفر وريحة زفر! نفسي لعبت تقيأت روحي طلعت بالكوه كملتها مسسح يمكن هو ملاحظ وما حجه او فشلان مني لن كالي نظفي الارضيه سوده عليه عليك.
. يربي متخافن من الله اني عندي أخواني هما وانفاسي اليوجعهم يوجعني احبهم هما ونسوانهم من سمعت اسيا حامل وحياتها بخطر نكزت من القهر فرفحت روحي عليها وما يوم حسبتها زوجة اخويه حاسبتها اختي واعز واسيل كذلك احبها واعزها يمه الله يساعد نفسجن عليجن.
نظفتها وعطرتها بمعطر جو ومع ذلك اكو ريحه قذره ما تنوصف ما جاي الكي اثره افتر وادور واشمم على الرغم كومه نظفتها وعطرتها ما يفيد واني افتر واشم دخل هو بأيده اكياس خلاهن وفتحتهن جايبلي فواكهه وكرزات وفواكهه وعصائر خلاهن بالثلاجه.
هشام هذن الج خاف تجوعين أنتِ بطنج روح تحتاجين تغذيه واعذريني على التقصير.
لا حبيبي ماكو كل تقصير وقابل الطفل يطلع ضعيف اذا ما اكلت فواكهه لو كرزات لو حلويات على كولة امي المهم العود واللحم مردود
أصيله وتفهمين عاش مرباج.
أبتسمت اله وشغل التلفزيون وكعد وباوع على الغرفه نظيفه ورجع يباوع ويكلب بالقنوات واني غسلت الفواكهه وجبت صينيه خليت بيها فواكهه وكرزات وحلويات رتبتهن وشلتها وهو باوعلي بس ما حجه شيء كلت بلكي أكسر عينهن ويفكن ياخه عني.
فتحت الباب وطلعت كلهن كاعدات يباعن مسلسل وصبا وأفراح يكلبن بالتلفون! عرفت سالفتهن مو راحه.
خليت الصينيه كدام الحجيه عليكم بالف عافيه الجهال يباوعلي ويباعون لامهم ما تقدموا تعالوا
امجد ماما نروح
ازهار ابتسمتلي وسحبتها عليها تصبحون على الخير طلعت وعفتهن ورجعت حضرت صينيه النا وكعدت بصفه فتحلي ايده وحضني بسته من خده
هشام عسى ما انحرم منج يالحنينه.
ازهار ولا يحرمني منك باسني من شفتي وبادلته بحنيه وشوك وابتعد وكلني فواكهه وكعدنا نباوع فيلم ومندمجين الا ان خلص وبلش فيلمنا رفعني من الكاع خلاني على الجربايتنا بهدوء وتقرب لشفايفي وعشنا ليلتنا بكل حب.
كنت مأخذه الدنيا بطيبة قلب وكل ظني الناس كلها مثلي عاملتهم بإصلي وتربيتي ما عاملتهم.
نفس ما عاملوني كل يوم اشوف شيء واكتم بداخلي وتصرفات صارت ما تنطاق مكياجي كله الكاه مفقود حتى فلوس كمت اللحظ نقص وسگتت سگتت واكول عيب وميخالف واني حامل اخاف اعابيهن ويطلع بنتي مهما يكون عماتها واخواته وكلت امري لله وسگت وتحملت كلشي لخاطره.
ويوم هو بالشغل واني جاي انظف غرفتي مديت?أسي تحت الجربايه انظفها لن الريحه تكتل كلت خاغ فأره ميته وووي اذا فأره خل هشام يشيلها وباوعت زين وبطني طخت بالكاع وشفت حفاظات نسائيه لعبت نفسي شنو هالقرف لهل الدرجه لا عاد لهنا وكافي وصلت حدها جبت ماسحه وسحبتهن وجيس وشلتهن وهنا كاعدات بالمطبخ خليتهن بنصهم هاي قذارتجن شمرنها بالوساخه محد كاللجن غرفتي مكب نفايات.
افراح مكب نفايات ل اوساخج يا وسخه شايفتنا وسخين مثلج نشمر حفاظات جوه الجربايه بعدين احنه ما نستخدم هاي النوعيه احنه نستخدم حفاظات اطفال رقم واحد على كد حالنا مو مثلج
صبا باعي زين هاي الج مو النا يالوسخه توسخين وتشمرين جوه الجربايه وريحتج تكتل غرفتج كلها خياس وجايه علينا وتشمرين بقذارتج.
أيمان افراح صبا عيب شنو هالحجي ازهار شنو هالتصرف تشمريهن بالنص مو عيب.
أزهار مو إلى لاخواتج سأليهن واني حامل منين تنزل عليه الشهريه لو عقلج ما يشتغل بهاي السالفه بس يجي هشام ويصير خير.
ايمان ازهار لاتسوين مشاكل والحفاظات هذن مو الهن اني ما خايفه عليهن بس ما يستخدمن هالنوعيه اني اجيبلهن وهذن الج يا حبيبتي يجوز ما تدرين بنفسج قبل لاتحملين ذابتهن بفد مكان لاتشيلين بخطيتهن.
اشيل بخطيتهن لا والله اني بريه من خطيتهن هاي عود أنتِ الزينه بيهن وتفتهمين كثر الله خيرج بس باعن على امجن مره جبيره مكسور كلبها على ابوجن واخوجن الشهداء مره جبيره المرض متعبها والحزن مأكل كلبها بدال سوالفجن باعن على حال امجن واخوجن يركض ليل نهار علمود يوفرلجن لكمه تاكلنها ويأمن مستقبلجن ويدفع فلوس المحاضرات وخطوط الجامعات هذا كله هو متكفل بي وانتن هاي سوالفجن لخاطر الله نظفن كلوبجن.
افراح عشتو شنو شايفتنا وسخين وحقدين مثلج أحترمي نفسج واعرفي حددوج زين لا شايفه روحج بنت المسؤول وتببين النا عود أنتِ البسيطه والخوش ادمي ومره معدله وماكو منج وتبيعين ثكل وأستشراف برأسنا وأنتِ خياسج ريحته تكتل وصورج كلهن بوس ومحاضن بالسياره ورسائل غراميات وما انزل ربي وتفتحين كاميرات لج سكتي سكتي اني لو منج حلكي ما افتحه كافي عليج كسرتي عيون ابوج واخوانج وانفضحتي بين عمامج وطمموا سوالفج وخياسج ولميتوها بزواجه من اخويه لزكوج بعلج.
صبا لا بصمغ اميري اني ما يكتلني قهر غير هذول الطاكين وشايفين نفسهم على الناس وعدهم فلوس قيامة الله وسيارات ومعارض وفنادق وقصور واغنياء والله مفضل ومنعم عليهم والخير يتهايل عليهم مهايل وهما اقذر خلق الله كل السوالف المكسره والفساد والانحراف والرذيله تلكينها عدهم.
أفراح اي والله صدقتي يا أختي عكس الفقير الميت علمود لكمة الحلال ونوم ما شبعان وما تمشي وياه عدل معكوسه عليه من كل الاتجاهات الله سادها بوجهه بس هي هاي الدنيا صارت تمشي بالمكلوبي تمشي ويه الطايح حظه على الخط المستقيم الا هذولاك الناس.
سجى اي عفيه أخوانها يشبهون جماعة الواتباد كرهت عسكرين وما خلصت من القصص انوب اجوني بالواقع وانوب زوجه اخويه واخوانها نفس ابطال القصص شهل القرف لو ضاله على القصص اشرفلي من الواقع.
ازهار أنتوا عقليتهم محدوده وتاخذون الامور وتشوفونها من منظوركم التعبان والنقص اللي تعانون منه لن ما مكتفين ومقتنعين بإرزاقكم والارزاق مسقمه على العباد سؤاء فقير او غني سواء اني واخواني او انتن واخواجن والفرق الطبقي أنتن شايفته اني ما شفته لن عيني شبعانه وما تهمني هاي السوالف صحيح أهلي مستواهم راقي وعالي العالي وجابوا بتعبهم مو بتعب احد محد اله صاحب فضل عليهم وبابا اكثر انسان نظيف ونزيه بعمله وعلمهم على كلشي زين والحمدلله سمعتنا وأسمنا يشهدلنا وافتخر بابا مسؤول واخواني ضباط ورتب بس ما احجي وانغر على الناس واحنه ناس بسطاء لن ماما أنسانه اصيله وبسيطه ربتنا على الزين وبابا ربانا على الغالي خلوا وزعوا بينا صفتين من التربيه ومزجوا بينا بين الطبقيتين الفقير والغني لهذا احنه ما متعالين على البشريه البشريه هي تشوف نفسها.
مو بمستوانا انتوا خلقتوا الفارق الطبقي بينا مو احنه لن النقص بيكم مو بينا احنا ناس عيونه مليانه وشبعانين الحمدلله
افراح حجت المتعلمه سمعتوها عود تريد توصل النا صوره نظيفه عنها وعن اهلها وأخوانها الشايفين نفسهم شوفه.
ازهار شايفين نفسهم يحقلهم بزودهم مو بزودج
صارت نار رادت تهجم عليه ورفعت ايدي وجهتلها كلام الاخير هالمره سگتت الج لن ما اريد اخلي?اسي برأسج وأكبرج يالصغيره وادخل هشام بالمشكله واقلق راحته.
بس قسم بذات الله وغلاتهم بگلبي جعل من عمري لعمرهم مره الثانيه تذكرين سيرة بابا وأخواني على لسانج أشكج وصلتين اشرب من دمج لن بس أسمهم الغاثج كافي عليج عبالك أنتِ بنت المسؤول مو أني.
عفتها ومشيت الغرفه محترك گلبي قفلت الباب بالكوه اخذ نفس يمه راح يموتني قهر شنو من بشريه وين داخله اني شجابني مسحت وجهي بقهر وبقيت بغرفتي ولظهر هو اجه وجهه مبتسم وقابلته بنفس بإبتسامة الله يساعدك حبيبي.
هشام ويساعدج حبيبتي عود حضري نفسج اليوم عشانا يم بيت أهلج
ازهار هاا ماشي حبيبي أن شاءالله.
هشام ما سألتي شنو المناسبة.
ما يحتاج اسألك شنو المناسبة لن أنت نسيبهم تنعزم بدون مناسبة وبدون عزيمه صفن بحاجيتي
يعني أنتِ ما حاجيه وياهم.
لا والله أبداً هما أخذوا وقتهم واني أعرف أهلي مستواهم عالي بس داخلهم بسطاء وعمرهم ما تعالوا على البشريه يكفيني من وعيت لدنيا بابا ملتهي بدوامه والتزاماته واجتماعات ولقاءات وسفر وانوب اجه عصام يعني ملخص الكلام اذا تفاخروا وتباهوا يحلقهم دوله وبتعبهم محد اله صاحب فضل عليهم.
والنعم والله دوله وعلم.
اي شعبالك وزادهم فخر وأفتخار أنتَ نسيبهم
حضنته وصفن بوجهي باسني من خشمي وحضني.
يله خل اشوف شنو البس وخل نروح من وكت فدوه لن اللي اعرف عصام كايل من ترجع اسيا يذبح ويوزع للفقراء لسلامتها ماطول عزمك اذا
اسيا رجعت البيت.
اي گالي جيب ازهار وتعالوا على العشه ذبحت بسلامة زوجتي ماشي شوفي شنو تلبسين رايح اشوف امي.
ماشي راح بس حسيته ضاج ما اعرف شصارله وصفنت بكلامي معقوله جفصت بحاجيتي وياه.
كعدت وضجت حيل وتالي كمت دورت شيء البسه واختاريت وثبت وللعصر لبسنا وكشخنا وطلعنا وعيون صبا وراي ومن صعدت هشام عادي اقفل باب غرفتي
هشام ليش تقفلينها شبيها قابل
ازهار ما بيها شيء بس هيج أحسن وتعتبر خصوصيات
ازهار لاتسويلنا مشاكل وانوب تعال شيفكها وياجن
خلص هاي هي سكتت عمي لاتقفلها عافني ونزل واجه بأيده المفتاح قفلها واجه وهو ساكت شغل وطلعنا لبيت أهلي وانفتح الباب وسيارات هواي.
هشام شنو عازمين مسؤولين وضباط لو هذول عمامج وكرابيكم.
ازهار لا هذول عمامي ولد عمي داوود بهل الاثناء اتصل عصام وجاوبه.
هشام هلا ابو كرم
عصام هشام بس اصبرلنا شويه لما الولد يطلعون يشغلون سيارتهم علمود تدخل بسيارتك للبيت.
أزهار ضميت أبتسامتي هو يحجي وياه وطلع عصام وياه ناجح ورافع هو وراسه شكبره وشواربه سود باوعلنا ما عاجبه هذا شبي شغل سيارته دخلها ليكدام وهشام دخل وتقدم عصام سلام ومباوس وتقدمت سلمت عليها شاورته اسيا بالبيت.
عصام اي لعد المن ذابح وخابص نفسي
ازهار فدوه.
عصام يله اتفضلوا هشام اتفضل يا هلا بيك.
ازهار دخلنا وهو دخل ويه عصام يم الزلم والبيت هوسه بيت جدي كلهم موجودين سلمت عليهن امي وجديتي وعمتي فريال وعمتي زينب واسيا ما شفتها وين.
وصال بالحمام هسه تجيج تلمع
أزهار فدوه لعيونها ولاحظت اسيل ماكو ماما لعد اسيل وين وصدمتني من گالت.
وصال أهلها مجلبين بيها وزعلانين.
أسيا من صحيت شفت الخوف بعيونه بس مع ذلك گلبي ما يغفرله وبعدني مقهوره منه وباقيه على موقفي على رغم الوكت مو وكت زعل لن خسرت ابني وصحتي تأزمت وعلاجات وأبر كثيره كلها لازم اخذها على الموعد وبالتزام علمود صحتي تتحسن
كلهم راحوا بس نظرات عمتي متحلفتلي وكالت
وصال نتحاسب بعدين.
أسيا راحوا بس أمي ودره ضلوا يمي واجه بس يباوعلي عود يستحي منهن دره ابتسمت وطلعت وسحبت امي وراها وردت الباب وراها وخله ايديه على السرير من جانبين طاوقني وجهه قريب من وجهي
عصام وهسه لزمتج وكعتي بين أيديه شلون وكعه معاقه كلشي ما تكدرين تسوين ولا تدافعين عن نفسج وكلشي اكدر اسوي أعذبج واتفنن بتعذيبج
ما تكدرلي
بهاي صدكتي ما أكدرلج
اي عفيه عليك تعرف نفسك
نفسي بس يمج ما أعرفلها
صفن بوجهي شيل عينك عني ولاتستوكح.
منو جايب طاري الأستوكاح لازم حنيتي لوكاحتي وياج
لا ما حنيت بس نظراتك وضحتلي
بعدج تعرفين نظراتي مو على اساس بعد ما أهمج
أي بعدك متهمني هذا القرار ما بي رجو? قسري
لا بي رجو? قسري وصيري ادمي وكافي خبالات
عفيه اني تعبانه وجودك يزيد تعبي ممكن تسمحلي اريد اخذ راحتي تقرب باسني من خدي وطول واني گلبي ينفض وانفاسي عاليه توجعت عصام فز بخوف
ها حبيبي
روح
وين اروح ما متحرك باقي متمدد على گلبج.
ما ارضى بعدني زعلانه منك والله ما ارضى
ابقي زعلانه تصيرين زينه وارضيج
ما ارضى
لاترضين
ليش تبوسني
شوكت
هسه
تحمدتلج على السلامه حال من حال البقيه شنو بس هما يبوسونج واني اضل اباوعلهم.
لوتي
أحبك
كذاب
اعشقك
خاين
اي خاين شتردين بعد
تعترف هم شكد صلف
يله سكتي مو وكته تتعبين وأنتِ هسه طالعه من العمليه أنوب تتنكسين علينا وين انطي وجهي اني
شگو عليك يطلع أربعيني وتروح تتزوج هديل.
اي ميخالف اتزوجها ضربته على ايده وتوجعت وصرخت وهو انخبص واجت الممرضه وانطتني علاج واني شاغت روحي كله من وراه
ممرضه منو
أسيا فد واحد
ممرضه قصدج زوجج ليش هذا الواكف زوجج
أسيا اي وشعليج أنتِ خليج بشغلج عوجت حلكها ومشت وامي تعض بشفتها وهو وجه مبتسم وطلع وصحت وراه وين تروح.
عصام موجود ما رايح.
أسيا هاا ماشي ابتسم وطلع وضليت الليل كله الوب الوجع دمار نامن واني ابجي يمه راح اموت.
يمه كعدي ودخل عليه عصام راح اموت
عصام يا عيون عصام عسى وجعج بيه اوكفي اشوفهن وارجعلج
عصام لاتروح
جايج
راح وجابلي الممرضه انطتني مسكنات وصار لازم امشي وساعدتني وعصام اجه وحضني واستندت عليه وهو مشاني على كيف لاتباوع اموتك
ما مباوع
لاتحجي
ساكت والله
اي
ما أتنفس هم
اي علواه لن انفاسك عاليه
تحرك مشاعرج الجياشه مو
لا أبداً كل مشاعري ميته من ناحيتك
خلف الله عليج دمشي جنج طفل توه يمشي تاتي تواتي
عصام.
يله اسف بس امشي ترى جعصتي گلبي بنزاكتج
ورم گلبي بس الادبسزز متونسه بسوالفه من يسكت اريد اكفخه على?أسه رجعني ونمت ما غفيت أبداً ومن الصبح عصام راح يجيب الريوك اجتني عمتي سلمت وسلامها ثكيل وكفت فوك?اسي وحجت بصيغه عصبيه.
وصال ممكن أعرف من شوكت حامل وليش أحنه ما عدنا علم بحملج يا خاتون يل نسميج العاقله هي سوايت وحده برأسها عقل يعني زعلتي وركبتي?أسج كلنا ميخالف وكلنا قدرنا شعورج وكفنا وياج وهم كلنا ميخالف لن ما نفرط بيج نعرفج خوش مره ومعدله وكفنا ضد ابننا علمودج وأنتِ حضرة جنابج تضمين حملج علينا.
أسيا ما ضامه عنكم ما عندي علم بحملي ودخل عصام ولاحظ عصبية عمتي عليه.
وصال شلون ما عندج علم وأنتِ امه والطفل جبير عمره أربع شهور يعني من زعلتي جنتي حامل وعمره شهر وبعدين والشهريه شنو موضوعها ما غابتلج ما لاحظتي على نفسج تضحكين علينا ولج
لا ما غابتلي جانت تجيني كل شهر وعادي تصير هيج حالات سألي الدكتوره سكتت وعصام لازم نفسه بالكوه ما يضحك.
عود لازم اقتنع بكلامج واصدكج.
كيفج عمه قابل مكذبه عليج اني هم حالي من حالج ما مقتنعه وما مصدكه شلون حامل وتنزل عليه الشهريه كل شهر سالفه أدوخ حقج!
اسيا مو اعرفج
كيفج عمه لاتصدكين
يله سكتي المهم الحمدلله على سلامتج ومنا وهيج عقلي وماكو بعد زعل وعصام ومكابلج عليمن تزعلين واكيد تراضيتوا.
سگتت ومشت كعدت ويه أمي واجه هو وغمزلي خير شبيك تكمل اللي ما كملته عليه عمتي.
الشيطان واكف بالزاويه ويسب بنفسه على سوالفج المكيده شلون كدرتي تعبرينها لج
نسوان
بس مثلج ماكو مره
نسخه ما اتكرر بس يمك وطيحت حظي
شمسويلج رب الحلو بس مع ذلك أزداد أعجابي
بشنو
بكيدج وعقلج وتفكيرج الجهنمي
كيد أسيا
والنعم منها ومن كيدها
شكراً جزيلاً لحضرتك
دنجبي ولاتحاجيني برسميه
اوك تعال اكو قصه عن كيد النساء أحجيها الك
أحجيها حبيبي شتحجين أسمعك بكل جوارحي.
شوف أكو رجال راح القريه وشاف نسوان يملن ماي من النهر فه شاف وحده تملي وكف وياها وحجوا سوا وگال الها اني ختمت كيد النساء على ايدي ما بقيت ولا شيء مسك الختام ختمت كيدهن على ايدي
والله كذاب وينعثل
اوكف جايتك بالسالفه فه هي كالتله متأكد من كلامك ختمت كيد النساء كال الها اي شلون لعد
كامت وعاطت بعلوا صوتها لحكولي يا اهل النخوه لحكولي والرجال تخبل ويفر بإذانه يا مره شبيج.
من وياج ليش تعيطين شسويتلج كامت ونكعت ملابسها بالماي والتموا عليها أهل القريه وسألوا شبيها خوما تعدى عليها كالت الهم لا ردت أغرق وهذا الزلمه نقذ حياتي وكاموا وتشكروا منه.
كيدهن عظيم
نعجبك
من أشد المعجبين.
صفن بوجهي واني سرحت بنظراته وتذكرت هديل وكلبت وجهي عليه وضحك وعمتي ودعتني وراحت وراح وصلها ويومين وطلعت أخذني لبيت أهلي وهذا طلبي وصلني نايمه وانتظره كال اروح اجيبلج الجهال وشويه ودخلوا عليهم ثلاثتهم اخذت منه جود ابوس بيها وكرم يبجي وهو صافن علينا
ما إلى نصيب من هالحضن
أنقهرت عليك تعال
دولي وين اجي عيب منا أهلج
اوي عيني الثكيل لاتجي أصلاً ما اريدك لاتصدك نفسك سامحتك
طبج مرض
هاا
اي يله فيمالا.
عصام اوكف راح وكرم يباوعلي ويضحك شنو ابوك راح اجتي دره شنو عصام راح
دره اي وانطاني مصرفكم هاج بس شدعوه هلكد متسوك ما مخلي ما جايب المعلاك حتى العسل جايبه ادري والده وترضعين جايبلج عسل
أسيا هو من يومه هيج خوش زلمه
دره أبو كرم والجود عاد اي ما راضيتي
أسيا هاا اي راضيته سگت وطلعت وضليت اكل بروحي قهرته سوده عليه شلون طلع وجهه حزين.
فتحت تلفوني اتصلت عليه مغلق اهاا مغلق اهاا هسه عرفت يريد يسترد كرامته ب?اسي ويعيد امجاد الزعل مني وحده وحده لا هاي السوالف ما تعبر عليه وراح ارجع على موقفي اهاا.
وضليت يومين ما متصله عليه ولا هو أتصل واني عيني على التلفون على الرغم الوجع والمعانات جاي امر بيها واعاني منها بس بالي يمه وكبريائي ما يسمحلي أتنازل واتقدم خطوة لصلح.
لليل اتصل وجنت متردده أجاوبه وتالي جاوبته
نعم.
عصام الله ينعم عليج همزين جاوبتي
ليش شتريد
بس اريد اعرف شغله وحده أنتِ بشر لو شنو بالضبط ماتحسين ماتكولين اكو بشر يريدني يشتاكلي يحس بيه يتحسر عليه شاعل روحه شعل عليه ويتفداني.
لو أنتِ الله خالقج بس مال شك وغيره وسوالف تعبانه وتموتين على الزعل وتنكل السوالف عصام خاني عصام ضربني عصام هيج بس مال لطم وبجي وطاقه سلبيه ولج أنتِ الله خالقج للملايه ترجين هناك احسلج لج والله زين مني حابج.
أسيا كذاب انت ما تحبني
ما أحبج دسكتي دسكتي احسن دسدي حلگج ما تحبني ليش ما احبج
والله لو تحبني ما تخوني ولا تجرحني انت مو بس خنت انت بكلامك شكثر قسيت
أسيا
ما تحبني والله كذاب
والله حتى لو أكلج احبج متصدكيني فه كيفج لاتصدكين
لعد ليش كلت راح أتزوجها وأكسر عينج بيها
عيب عليه اطلع مرتي جذابه مو من صفاتي اغدر بمرتي غير أثبت صدق كلامج ودلائلج لازمتهن عليه
عصام اني شمعرفني أنت تريد توكعها.
لا يبوووي كضيتي عمرج شمعرفني لعد شوكت تعرفيني عيني شوگت لج بابا سويتني مضحكه انتِ ما تحسين اني وياج فد اثنين قشامر لا اكدر اطلكج ونطلع صدك احنه اثنين ما ناجحين بالزواج ولا اكدر ارجعلج ونرجع هم انصير مضحكه أسبوع واطلعيلي بسالفه هم متزوج متعه ومسيار وعندي ولد ومرتي حامل هاي سوالفج عليه
عصام هاي اني.
لا والله اني الحجيت وفضحت سر بيتي وصرت مضحكه بين عمامي وأهلي وأخواني لج كافي جوزي عاد ما توبين أعقلي بابا أعقلي.
ماشي عصام دام ذبيت الغلط بيه هاي هي بعد
أسيا أبويه كافي.
لا لا مو كافي كعدت تحاسبني وعبالك اني الغلطانه بحقك واني مزعلتك وجارحتك ولاتنسى نفسك انت خاين خوش خاين وضليت تحجي وياها وتاخذ وتنطي اصلا جنت متونس بالسوالف وياها والله يدري بالمحادثات اللي جنت تحذفهن شبيهم يجوز. عصام الوو عصام قطع الخط اتصلت عليه مغلق.
دزيتله رساله طلكني ما احبك ولا اريدك أكرهك.