رواية بين قلبها وعينيها كبرياء للكاتبة شمس العراقية الفصل الحادي والخمسون
أسيا مَرت هل الإيام وهو مختفي حتى على المواقع قليل يتواجد وضليت على أخر رساله ما بادرت بعد هو لفها عَّلي علمود يلبسني الذنب ويطلع نفسه ما مذنب بحقي وصاغ سليم واني ظالمته وتعالي أسيا أعتذري منه وأرجعي برجليج والكرامه صارلي أشهر حاصرتها شنو ذنبها خطيه لا والله ما أعتذر ولا أنزل?أسي اله اني هم بشر تعبت شصير قابل.
عباله تمشي وتعبر عليه هذن السوالف ما يدري صارلي عمر وياه حفظته كل أساليبه وأطباعه.
بس يحلم اروح اراضي لو أبادر بالصلح هاي هي.
ورحت الدكتورتي سحبت الخيط وأنطتني علاجات وأبر التزمت عليهن وكرهت الأدويه وأيديه تشوهن من كثرما شديت كانونات شگول عليج هديل خربتي راحتي وبسببج خسرت طفلي لوما سالفتج يمكن جان اله نصيب يعيش بين أخوانه سوده عليه اسفه ماما حبيبي.
كله بسببج تشتت عائلتي حسبي الله عليج وعلى أمثالج يهجمون حياة المتزوج بحجه علاقة حب من انعل هيج حب خايس عايقات وحثالة المجمتع.
مر أسبوعين نفس الشيء حتى عمتي كامت ما تتواصل قطعت التواصل صار شگد ما سألوا شدعوه عليكم فوك خطأ أبنكم يمكن أنقهروا لن ضميت عليهم حملي وبالأخير خسرت طفلي.
فتحت تلفوني أتصفح وصلتني منه رساله فتحتها
عصام ما كافي عاد مو طكت مرارتي منج شوكت تجين أنتِ والجهال ما طلع اربعين هذا.
أسيا أجي
أي تجين
وليش أني أجي
متكوليلي شتردين أنتِ.
ما أريد گلشي
وتضلين هيج بيت أهلج
الحمدلله مرتاحه.
مرتاحه بس الى متى تبقين هيج وجهالي بعيدين عني اضل أني معلعل ومشلوع گلبي رايح جاي من الدوام لبيت أهلج من بيت أهلج لبيت أهلي ويوميه نفس الاسطوانه وكلما أنزل البيت فارغ صارلج ثلاث أشهر ونص وين تردين توصلين بعد سنه وربج اذا كملتي سنه اطكها بزواجه ثانيه وانعل ابو اليوفيلج ويصبر عليج.
ما تتزوج منو مانعك
أي أتزوج خايف منج
مبروك عليك مقدماً.
وجهالي اخذهم يمي ما أبقيهم يمج خاف تكولين من هسه جهالي يربون يمي مشكلتج والله عاجبج عاجبج ما عاجبج طبج مرض.
ميخالف أخذهم بالعافيه عليك
وطلاك ما أطلكج تبقين على ذمتي يعجبج تجين ترجعين لبيتج تعالي هلا بيج محد عليه بيج ولا يكرب صوبج حتى اني ما اللي شغله بيج الزم ما عليج تربين جهالي.
باي.
جاي أحجي وياج وين وليتي
بشنو نحجي.
بإي شيء.
ما عندي شيء أحجي بي وياك باي ونهيت المحادثه وياه وحيل أنقهرت منه حتى لو يتشاقه شلون هيج يكدر يحجي ويجرحني بالكلام.
خلص الليل واني مقهوره منه ونمت وجود تبجي ومصخنه من ورى سنونها سوده عليه كمت انطيتها خافض حراره وضليت كاعده وياها وأتصل ضليت صافنه على رقمه وجاوبته الو
عصام تحضروا هسه نزلت من الدوام جايكم.
أسيا أروح وياك بعد وكت؟ وبهل السهوله بعد كل الأذيه اللي عيشتنياها والكلام اللي وجهته اليه بعد گلشي صار تريد مني أرجع وياك ولا كأنما شيء صار هيج الوضع عندك سهل.
لا مو سهل بس هذا الموضو? بعدين نحجي بي.
شوكت بعدين أذكرك من أخر زعله هم كلتلي بعدين نحجي بي ومرت الأيام والموضو? ما حجينا بي ولا فتحناه نهائي يعني كدرت تضحك على عقلي ونسيتني وصفحه وطويتها وبحسن نيتي وبياض قلبي فتحت وياك صفحه جديده وأنطيتك فرصه ثانيه واستمريت وياك وحسنت من نفسي وأطباعي ما اريد اذكرهن وامنن عليك بس اسيا صارتلك بصاط أحمر بالمختصر أنت ما تقدرك اللي يحبك ويوفيلك ما تقدر.
لا مقدر بس ما أريد نرجع نتعاتب وأغثج وتغثيني.
والفرص عصام والفرص
ما مسوي شيء علمود تنطيني فرصه بقيني على الفرصه الاولى لا ثانيه ولا ثالثه اني ما خنتج بإيام حبي الج تردين هسه وأنتِ مرتي وأم اطفالي
أخونج.
لعد هاي شيسمونها؟
كيفج لاتصدكين لن تعبت وياج وأني أبررلج وأثبتلج اني ما خنتج بس بعد عقليتج طبگت عليه وثبت التهمه اني خاين وهاي هي ابقي على عقليتج اني خاينج.
وين تبريراتك ما اذكر بررتلي
أسيا أبويه كافي ما تعبتي.
شنو اليضمنلي ما ترجع تكرر اللي صار.
ما يصير بعد
لا صدگتك
لاتصدكين طبج ستين مرض والكواد بعد اليتصل عليج ماكو هيج قابليه خاين خاين نكد نكد زعل زعل عتاب عتاب شطلعت هاي بس اني متزوج ومتمرمر ويه زوجته كلها مثلي لو بس اني طايح حظي وشابع قهر وياج.
وين صرت.
بصياح شعليج أنتِ شعليج
مو تريد تجي
لا بطلت راح أروح لبيت أهلي گبل
ماشي باي قطع الخط وعيني على الساعه وفعلاً ما اجه راح للبيت للعصر كاعده اغير ملابس جود خلصتها ودخل ك?م يضحك
ك?م بابا أجه يأخذنا.
أسيا وينه ودخلت دره هاا صُدك أجه
دره أي واكف هو وعمتي يله أنطيني جود أنطيها لابوها وأنتِ كومي تجهزي
أسيا ماشي راحت وكمت لبست ولازمت بطني متوجعه بعدها العمليه توجعني كملت وشلت جنطه ملابسنا خليتها يم الباب وهو رفع?أسه باوعلي ورجع يحجي ويه أمي وشلت جنطتي وسلمت على نسوان أخواني ودعت ماما وهو تقدم اخذ الجنطه ومشه قبلنا وطلعنا للبيت بوسط اجواء هادئه وساكنه بس صوت اطفالنا فرحانين بالرجعه.
وصلنا للبيت نزل قبلي اخذ مني جود واني نزلت لازمه بطني وباوعلي راد يحجي ورجع مشه عود يكابر
دخلنا البيت وأستقبلتني عمتي أخذتني بالأحضان ومروان سلم بس شكله مزعوج شلونج عمه اسيل شلونها.
وصال سگتي وخليها راحت زياره ل أهلها وجلبوا بيها بعدين نحجي فوتي ارتاحي موزين عليج الوكفه بعدها عمليتج رطبه.
أسيا أخذتني الغرفه وهو ضل واكف ويه مروان دخلت مملكتنا نظيفه تلمع والبخور عاشت أيدج.
وصال تدللي يله أرتاحي ومن أول يوم ردتج ترجعين بس كلما احجي وياه يگول الله كريم شنو رجعتوا تعاركتوا.
أسيا ما حجيت وطبطبت على اكتافي
وصال ميخالف تحملي شتسوين بعد وأنتِ هم ما قصرتي صارلج اشهر يم أهلج كافي بنتي.
هزيت?أسي وطلعت ودخل هو خله جنطه الملابس عالجربايه وطلع بدون كلام كمت غيرت ملابسي ورتبت ملابسنا وغيرت لجهال وصار وقت العشه طلعت لكيت جود نايمه اخذتها بسريرها وهو اجه وراي فتح الكنتور يغير ملابسه انطيته ظهري وانوم بيها بحضني
غير ملابسه وطلع وهو بالصاله حجه
عصام ك?م تعال تعشى بابا.
أسيا أعرف بي متقصدني وجه الكلام إلى لن ك?م ما موجود يم مروان، خليتها بالسرير وطلعت لكيته بالصاله بس شافني مشه كدامي لكيت عمتي صابه العشه وعمي موجود سلمت عليه وكعدنا وگال.
كمال وصار لازم تكمل جمعتنا برجوع أخوكم عمار من الخارج وبلغني يرجع العراق ونروح نستقبله
من المطار ووصال عود حضري غرفته إذا تحتاج تنظيف.
وصال أي يتدلل أن شاء الله يله يمه مدوا أيدكم.
أسيا كاعده بصفه بس ك?م بينا وعشانا مقليات منوعه كبه وبطاطا وهالسوالف وعمي روبه وجبن وزيتون ومروان كاسة اندومي.
كمال شوكت ترجع مرتك
مروان هسه أتعشى والله كريم
كمال علوان مضيع مالات الأوادم أبداً ما يعجبني بكلشي مخربط صير أنسان قيادي ادري مجلب بنتك وزعلان على شنو وهيج مهتم الها تعال شوفها منو مانعك.
مروان من ورى سالفة بنته عود ما الهم عين يجون هيج وضحلي بس هاي أعذار ما تؤكل خبز ما تقنع.
أسيا يحجون وعصام ما شارك كملت أول وحده كمت رحت غسلت واكفه أغسل باوعت بالمرايا واكف خلفي مُباشِرةً.
عصام جود كعدت روحيلها.
بس أغسل كملت وعبرته ونظراته تلاحقني رحت الغرفه لكيتها نايمه هذا شبي رجعت يمهم صبيت الجاي وهو كاعد وياهم قدمتله اخذه بدون ما يباوعلي تجاهلته وكعدت وعمي سألني على
أهلي وجاوبته وفرحني من گال.
كمال إبراهيم على شهادته يتعيين ان شاءالله بس يطول يحتاجله صبر لازم ينتظر بس منذر ما عنده شهاده ما مكمل فه صار رسمي جندي عسكري.
أسيا تسلم عمو متقصر ربي يحفظك ياطيب ويخليك خيمه على رؤوسنا حجيت وأبتسمت وعصام ساكت باوعتله صد وجهه عني شبيك.
مروان والله المفروض من زمان مو شاهين
وصال وشبي شاهين
مروان ما بي شحاجين عليه
عصام ضب لسانك وكتك هسه وبعدين الولد عين الله عليه وكلها تمدح منه وسيرته مثل المسك.
أسيا سگتوا وعمي رجع يحجي أتصالات وكرم نام كعدته كرم حبيبي كوم نام بفراشك
عصام عوفي أني انومه.
أسيا ماشي تصبحون على خير
الكل ما عدا عصام وأنتِ من أهل خير.
أسيا دخلت الغرفه نومت جود وطفيت الاضويه وفتحت تلفوني ودزلي رساله
عصام شعندج كمتي مو كاعدين
تعبانه أريد اتمدد عمليتي توجعني
لحد الان توجعج صار عشرين يوم ما طابت
أي
ماشي أنتبهي على نفسج زين
منتبهه لاتخاف
لا ليش أخاف أنتِ زلمه ما ينخاف عليج
هذا مدح لو ذم
كيفج.
تصبح على خير
وأنتِ بخير طلعت من المحادثه وتصفحت بالفيسبوك والانستغرام بدون واهس واني أشوف الستوريات طلعلي ستوريات رواءمقطع عن الكسر والأذيه المقطع يبجي لدرجه واني أباوع ابجي ردت اراسلها اسأل عنها تالي كلت يجوز متحب احد يحاجيها ويسألها خطيه عفتها على راحتها وفصلت الأنترنت ونمت وبين النايمه والغافيه حسيت بي بالغرفه يفتر وكع العطر وأصدر صوت وجود فزت صرخت لا اله الا الله شعندك بهل الليل متكولي.
عصام صوتج يا قندره
أسيا ما جاوبته لان واضحه عليه عصبيته كمت شلتها واسكت بيها وهو ركع الباب وطلع ياربي منك الصبر دتطلع وين تروح روح عبالك أخابرك واكولك وين أنتَ وأكبر?أسك بإهتمامي لا والله هذيج أيام زمان يا حبيبي.
نومتها بحضني ونمت بس عيني على الباب وسمعت صوت المفاتيح يقفل باب الصاله كبل غمضت ودخل حسيت بي صار قريب وصلني ريحة عطره وأنفاسه صارت بخشمي بس أفتح عيني أوكع بحضنه واني مايعه شيصير يربي الثبات والقوه ما أضعف.
گلبي يخفق بكل سرعته وباس بنته ما باسني فشله أبتعد ونام بصفنا ضليت هادئه وعلى هالهدوء والتوتر اني غافيه ولصبح يله كعدت جود مو بحضني رفعت نفسي منومها بحضنه أبتسمت ورفعت الغطا غطيتهم وإيدي لامست أيده بحنيه بسرعه أنفاسي تصير حاره وأتشنج رفعت شعري وكمت بهدوء.
غيرت ملابسي بالحمام وطلعت لكيته كاعد منزل رجليه من الجربايه وصافن وصفنته طويله عبرته وكفت امشط شعري كملت ترتيب وصلت يمه مديت ايدي وسحبت جود لن كاعده هو ما تحرك غيرتلها وكملت وكعدت كرم هم غسلتله وغيرتله ملابسه ومشيت اني وياهم هو على كعدته.
وصال أسويلكم ريوك
أسيا لا ما ضل شيء للغده بس كرم تريد بيض
ك?م لا أريد أندومي
أسيا من الصبح أندومي وبعدين ممنوع أبوك ما يقبل يتخبل من ريحته لو بس أعرف شتحبون بي.
وصال مروان أفندي ومجد وازهار يحبونه طبعاً يطلع عليهم هسه لو أكله بيها خير ما يگتلني قهر
اسويلك بيض عيون
كرم اي بس اريد صفار مثل الشمس
وصال تدلل حبيبي
أسيا عفتها تسويله الريوك ودخلت الأستقبال نظفته وفتحت الشبابيك وعمتي تصيح عليه
وصال شتنظفين كعدي بعدج بسم الله أسيا ستري علينا هسه اكمل وانظف وانتظر ام شامل تجيني تغسل الحوش عوفي لاتنظفين أمي.
أسيا كملت عمه الشغل ما يموت بشر شلت مواد التنظيف وطلع هو كاشخ وبإيده السويج عبرني بدون كلام شغل سيارته وطلع واليوم جمعه وين راح.
اجتي ام شامل نظفت الصاله كلها وصعدت فوك غسلته وشغل المراوح ونزلت على الحوش كله غسل واجتي صبيت الها من غدانا كعدي تغدي تعبتي.
ام شامل لا والله ما أكدر تسلمين لازم اروح
أسيا اوكفي لعد فتحت الثلاجه خليت فواكهه منوعه وعلبه حلويات تفضلي عيني وعاشت ايدج تعبناج ويانا.
ام شامل تعبكم راحه علواه كلها الناس اللي انظف عدهم مثلكم تنطوني حقي وزايد وتعاملوني حالي من حالكم ربي يستر عليكم ويعلي من مقامكم اكثر واكثر ويستر على زلمتج وجهالج.
أسيا تسلمين كافي النا دعواتج ابتسمت وراحت وحضرت المواعين وكعد مروان جر الكرسي وكعد اسيل شلونها
مروان غير لو شايفها
أسيا ليش ما رجعتها
لا ما انطاها ابوها ما وافق معند لعد الباقين وين
عصام طلع وعمي ما موجود وعمتي فاتت تصلي
ماشي.
ودخل علينا عصام ذب السويج عليه وراح يتوضى
فات بغرفة عمتي يصلي ودخل عمي وصبيت الغده وانجمعنا كلنا وعمي كمال كال
كمال اخوكم راح يوصل كملوا نروح نجيبه من المطار.
اسيا كملوا حتى جاي ما شربوا وطلعوا ثلاثتهم وعمتي فرحانه لن راح يرجع خطيه ومر وقت ودخلوا اربعتنا وتقدم حضن عمتي ويبوس بيها وهي تبجي واني صافنه عليهم نزلت دمعتي ولكيته مركز عليه مشيت حضرت ضيافه قدمتلهم وهو ما اخذ.
الحمدلله على سلامتك.
عمار الله يسلمج ام ك?م وأنتِ هم الحمدلله على سلامتج
أسيا الله يسلمك عيني مشوا كعدوا واني رحت الغرفه وعفت جود يمهم دخلت الغرفه شلت ملابسه وشغلت الغساله وكعدت انظف ودخل
هو حسيته يريد يحجي بس متردد مشيت وعفته واني طالعه لزمت گلبي أحاول أسيطر على نفسي وأنفاسي.
للعصر هو راح جاب ذبايح وذبحوا هو واخوانه وعمي يشرف عليهم واندك الباب ودخلوا بيت عمو فاضل وعماتي والحجيه طلعنا اني وعمتي واستقبلناهم والحجيه تبوس بيه وتباوع على عصام
الحجيه تفاح والله تفاح
أسيا ذب السجينه وغسل وتقدم سلم عليها وكفت تسولف وياه يحجون ويباعون عليه ومن ضمن كلامه سمعته يكولها
عصام أرضيها جده أرضيها.
الحجيه أدري بيك گلبك طيب تعجبني أنت لك مروان أسيل وين شو ماكو ما لمحت طولها
مروان يم أهلها.
الحجيه جيبلها اشوفها
مروان الله كريم.
اسيا دخلوا البيت وعمامتي تكابلن على اللحم ويه الزلم وعمي كمال وعمي فاضل يشرفون يخلون بإكياس ومروان وعمار وزعوا والباقي شالنه وغسلنا وخلن الكدوره على النار طبخوا العشه واني ساعدتهن بشغل الخفيف اقطع الهن بصل والمقبلات حضرتها وعرفت عازمين عمهم داوود ولده كلهم.
وصال كافي عوفي من ايدج روحي سبحي وكشخي وازهار هسه تجي هي ورجلها.
أسيا ماشي عيني عمه دخلت الغرفه والحمام مقفول هو جاي يسبح حضرت ملابسي وطلع هو شمر المنشفه واجه حشك نفسه سحب ملابسه بعصبيه عفته ودخلت الحمام سبحت وطلعت هو ماكو لميت الهوسه ورتبت نفسي وكشخت كشخه توب وطلعت لكيت ازهار جايه يروحي اني حضنتنها وابوس بيها واكفين واجو وخبصونه وازهار سلمت على مروان وعمار وكفت تسولف هي ومروان تسأله على أسيل.
عصام يله مو وكت سوالف مروان السفره يمعود.
مروان أبو خابصها عاد راح يثولنا بكل مناسبة وعزيمه بس يصيح.
اسيا صبينا وتعشينا وفضت العزيمه ومواعينها هوستها وكعدنا كلنا نشرب الجاي ونسولف الحجيه تسأل ازهار وازهار حجت كلشي زين ما كسرت ولا انطت بعيالها ولو بذره وهنا أبتسمن الله ينطيج على كد نيتج يا اصيله وبنت اصول.
خلصت التعلوله والكعده الحلوة وراحوا الخطار وازهار هم راحت هي ورجلها ومروان طلع سمعت كالوا راح يجيب أسيل واخذ وياه رافع كالوا بس هو يكدرلهم ويسحبها منهم لن مروان خطيه راحلهم مرتين ما انطوها اله.
أطفالي نعسوا وكرم نام شاله عصام واني شلت جود ورحنا الغرفتنا نومتها بسريرها واجه هو.
عصام أنتِ شتردين بالضبط اصفي على بر يا مره
أسيا مشيت ولزمني من ايدي ومنعني وصاح بيه
وين موليه مو واكف احاجيج ليش ما تحترمين.
بشنو تحاجيني وأنتَ لفيت السالفه كلها وذبيتها ب?اسي وطلعتني اني الغلطانه بحقك
كافي محلمتني بالذنب بالكوه رجعتي وانوب لابسه وجهج وعبالك شايفه مجرم مو رجلج.
رجعت لن أنت اجيت أخذتنا وبعدين من يوم وديتني بيت أهلي أنتَ ما حجيت ولا اجيت رجعتني وما رجعت وياك ولا شفت منك موقف حسسني بقيمتي عندك لا وصلتني ولأ اعترفت بغلطك ولا اعتذرتلي على شنو محملتك بالذنب ما انت المذنب ليش احملك اني بس لو بس تريد تطلعني الغلطانه.
وين احجي وياج ليش أنتَ نطيتي مجال احجي مو قفلتي تلفونج وحذفتي حساباتج شلون أتواصل وياج مو اجيتج لبيت اهلج ما احترمتيني وفشلتيني كدام أمي وامج وزوجة اخوج حتى كدام أبني فشلتيني يكولي بابا أمي ليش ما تريد تحجي وياك ولا تشوفك انتِ اكو واحد ما فشلتيني كدامه غسلتيني غسل وكل هذا واني اجيتج وبعدج على موقفح وزعلانه شسويلج بعد متكوليلي شسويلج كل لعبه لعبت وياج منين ما اجيج ما تجين طلعتي روحي.
ما أعترفت بغلطك ولا أعتذرتلي.
علي شنو أعترف بغلطي اني ما غلطان بحقج ما غلطان وهديل ما عندي شيء وياها ما عندي شغلي مخج يا مره ليش اعوفج وادور وراها وهي متزوجه لا الشرع يراضاها وتنقبل ولا بالعقل تنعقل وهي ملاحكتني اني وياج ونيتها وهدفها ومخططاتها تخرب علاقتنها وخربتها وصلت لغايتها شتردين بعد.
وسوالفكم واحاديثكم المفعمه بالحب والغراميات هاي شيسمونها أخت واخوها لو أخوان في الله عصام لاتطلع نفسك البريء وتذب الذنب بس عليها انت لما منطيها وجه وماخذ ومنطي وياها بالكلام هي ما لزكلتك وانطت من نفسها بالكلام.
يعني تصدكين بهديل وتكذبين زوجج ماشي أسيا هذا هو اني المذنب واني الخاين ابقي على موقفج.
عافني وغير ملابسه ونام بس ما مرتاح بس يتگلب لابت روحه عليه وتالي غفه بعد صراع هو والغطا واني هم نمت بصفه وعم الهدوء والارواح داخلها حروب مدمره ومنكسسره وأثنينا اعلنا الكبرياء مع نزاع الروحي وكابرنا واطغينا على الاشتياق وقتلناه ولا نعلم الى اين تسير الموجه واين تستقر ومتى تنتنهي الحرب ونعلن الهدنه والصلح والتقاء الروحي ممزوج بالشوق والحب والعاطفه.
أسيل جنت نايمه بغرفتي وحسيت بوجوده وريحة عطره وأنفاسه قريبه مني وشواربه لامستني يبوس بخدي على الخفيف وبهدوء ومسح على شعري بحنيه بقيت هادئه وأمثل النوم علمود يضل مستمر بحنيته وعطفه عليه.
أبتعد فتحت عيني شويه اخذ ملابسه وغمضت لما فتح باب الغرفه راح الحمام بقيت بفراشي وطول بالسبح هو بالعاده يسبح مرتين هواي نظيف ودقيق وساسي بنظافة الشخصيه بشكل جنوني ومر وقت وانفتح الباب فتحت عيني راح الكنتور ما لابس بس شورت رجعت غمضت واجه رفع الغطا وسحبني لحضنه وغمرني بين اضلاعه ودفؤ لمساته جسمه العاري وبارد لن سابح وريحته طيبه ضعت وتلاشت اخباري بحضنه انسى الكون كله بعالم بس اني وياه
مروان كعدتي عيني.
أسيل رفعت?اسي الحمدلله على سلامتك
ربي يسلمج باقيه نايمه لهل الوقت
ضوجه وكلت انام احسن
هسه ضوجتج راحت من شفتيني
جاوبته بثقه اي والله
تعالي لحضنج تعالي
لمني حيل وتمسكت بي ونمنا بهدوء هو واضح عليه تعب الدوام بشكل حتى وجهه تعبان كعدت قبله ونزلت سويت العشه وكملته ونزل ابتسملي نوم العوافي.
يعافيج جهز العشه لن عندي شغل
اي عيني هسه تنزل ازهار ويجون واصبلك تقرب باسني من خدي ونزلت ازهار وابتعد وهمس.
حيل مشتاقلج خلصي وصعدي
تمام صبينا العشه وتعشينا وصعدت بيدي كوب قهوه خليته كدامه وفاتح الحاسبه ويكتب وكدامه مجموعه اوارق وعلى اتصال مستمر ومندمج بتركيز وصفنت معقوله اتصال عمل مو اللي بالي.
عاشت ايدج حبيبتي.
صفنت على الكلمه حبيبتي! أو يمكن گالها بدون وعي لن جاي يشتغل كعدت يمه واباوع على شغله نظراته ل الإوراق إيده من يكتب بيضه وتلمع اظافره انظف من حياتي وأحلى شيء الحلقه من لابسها.
كمل وشالهن بترتيب ورجع كلشي لمكانه وراح الحمام ولحكته لكيته يفرش اسنانه وغسل واخذ المنشفه وباسني من خدي
مروان تعالي وراي
أسيل تمام بس أغسل فرشت اسناني ورتبت نفسي ولحكته مطفي الاضويه بس تيبلم مشتغل سحبني قفل الباب گبل اخذ شفايفي وضل مستمر وبادلته بحب ونزل على رقبتي ترك اثار الجنون ولاحظت شيء كل مره من ينتهي يبتعد عني هالمره باسني ونومني بحضنه.
خلص اليوم بس اني وياه بغرفتنا عايش كل تفاصيل الحب حنيته مفرطه يارب يضل هيج وياي
يا بختي بيك حبيبي.
كاعدين كلنا وازهار نزلت راحت ودعناها وعجبني موقف أخوانها وحب أهلها الها ربي يخليهم الها هما طلعوا واني صعدت لغرفتي تذكرت أهلي وبجيت شبعت قهر ودخل هو تفاجئ مسحت دموعي
مروان شبيج عيني.
أسيل ما بيه شيء نازله اساعد خاله بالعشه نزلت وطول ما اني اسوي العشه هو عيونه تراقبني ما شالهن عني يومين مر اني مختنكه على الرغم حنية مروان وتغيره رغم انشغاله بعمله بس ما ابتعد عني.
اكوي بملابسه ودخل هو وابتسمتله هلا عيني
مروان حضري نفسج اوديج لبيت أهلج عمي علوان خابرني يسألون عنج يردونج وحقهم اني
هم التهيت وما اخذتج الهم.
ابويه سأل عني
أي والله يله اوديج هسه
ماشي وأنتَ
شبيه
ها لا هيج.
يله تجهزي بينما اشغل السياره
ماشي راح وكملتهن كوي عالسريع ولبست اخذت كم قطعه ملابس ماطول يوم واخابره يجي يأخذني نزلت ودعت عمتي وصال وطلعنا لبيت أهلي وصلنا ونزل وياي دك الباب وابتسملي
مروان لج باوعيلي تدرين راح أشتاكلج
اسيل أبتسمت ولزم أيدي ودك الجرس مره ثانيه وأمي فتحت الباب
جنان لا هلا ولا مرحبا بعد وكت جان كملتوا فد سنه زمان واجيتوا جان گلتي أهلي اروح اشوفهم واسأل عليهم.
أسيل ما جاوبتها باوستها ودخلت وهو سلم عليها ومشه وگال.
مروان عود اني اجي اخذج
أسيل ماشي عيني راح وروحي وراه دخلت وامي مشت كدامي وهديل كاعده بالمطبخ تلف كبه
شافتني كامت غسلت عبالي تباوسني تقدمت عليها دفعتني بقوه وكالت.
هديل وين جايه وعليمن جايه هاي عود أحنه أهلج بعد وكت هسه متذكره عندج أهل واخت تسالين عليهم ولج جان أستحيتي على نفسج تغزرتي بالرجال والعيال وشلون عيال عاد رب الفساد والحقد هسه تذكرتي عندج أهلج من امداج من بيت الاخوات مكيفه عندي أخت وشلون اخت جلبه خايسه امشي ولي لا اريد ولا اريد بوستج.
أسيل ليش هيج تحجين عيب عليج هاي بدال ما انتوا تسألون عني واكفه تحاسبيني.
جنان نسأل عنج شنسأل شو أنتِ مشيتي ويه اسماء الجانت مسويتج خدامه وحارث بطلج من مدرستج وبطل وتهم عليج لما كال بس وتالي تمشين وياها وصرتي حبايب أنتِ وياها ورايحه الدكتوره وطبات وطلعات وتجيج لبيت عيالج وسوالف وتعاليل وهسه اخوج العار صار حنين هو ومرته عليج بس العار يضل عار.
وبالجذب أتصال ما رفعتي كلتي على اسال على أمي واختي المسكينه كسروا بختها وهجموا بيتها الما يخافون الله لحكتيهم اللي دمروا اختج وعفتي اهلج
واني شعليه بمشاكل أختي ومن أيدها مو من ايد احد اني ما إلى ذنب تردين اهجم بيتي علمود أختي محد كالها تراسل عصام وهي متزوجه لو شريفه وتريد تحافظ على بيتها وتصونه ما تسوي إلى سوته
حجيت وريتني ما حجيت لزمتني هديل من شعري ضربتني كف وتجر بشعري عوفيني هديل شعري.
هديل اني مو شريفه ولج اني تحجين بالشريفات ولج صرتي ادمي من اخذتي المسقط صار عندج لسان وتحجين لج الله يرحم هذيج الايام النايمه بيها بالغرفه لوحدج والله يدري منو تراسيلين لا صداد لا رداد لا عبالج بس اني عندي خياس كلجن عدجن خياس على اساس انتي ما راهقتي ما حبيتي بس طممين على خياسج واكفه تحاسبني والله عشتي يا اختي من دمي ولحمي عشتي سمعتيها يمه شتكول.
جنان سمعت وريتني ما مخلفتج يا سكط امشي الدرب الجابج يرجعج ما الج مكان بهل البيت شكو جايه رجعي عليهم رجعي على وصال مسويه ولدها انبياء الله وهما واحد خياسه ريحته تكتل عود مكيفه رجلها مسؤول ولدها ضباط من على هيج عائله
وعساهم بالزايد وحوبة بنتي طلعت بإسيا وجعل تطلع بعزيز گلبها وعصام حوبتي بيك طلعت وبزايد والمزيد.
هديل الحمدلله حوبتي طلعت بيهم علمود تعرفين عيالج ظالمين يا خايسه يله طلعي من البيت الله ياخذج وجيتج ما نريدها لاتجين ولاتوصلين خلقتج الزفره ما نريد نشوفها.
أسيل دفعني وين اولي هسه توني اجييت انطي تلفون اخابره خوما اطلع بالشارع لوحدي من الله متخافن يمه اني بنتج بنتج مو عدوتج هاي عود اني الصغيره والصغيره المفروض تكون مدلله لا اني شبعت ضيم وهضم منج.
جنان هو لن بنتي هيج سويتي بيه وياريتج مو بنتي ياريت متي بطني ولا خلفتج يا سكط تغزرتي بالرجال والعيال وهسه جايه ومتذكره اهلج صارلج ثلاث اشهر تلفون ما اتصلتي وكلتي خلي اسأل على اهلي ولج ما استحيتي من نفسج وعيالج ليش ما اسأل على اهلي وهسه جايه اهلي من لا الج الاهل ان شاءالله.
أسيل بقيت بالطرمه ابجي ونار مشتعله بصدري عبره تخنك كسره بالروح وكلامهن يدك بگلبي دك البسامير جابتلي التلفون.
جنان هاج خابري زلمتج يجي ياخذج ما ناقصين فضايح تطلعين بالشارع كافي عليه فضيحة أختج
خابري يجي ياخذج وبعد لاتجين ولاتشوفيني طولج ولا توصلين رجلج اكسرها اذا وصلتي وتغزري بعيالج زين تغزري.
أسيل عافتني وراحت وطلعت رقمه وأتصلت عليه ورد عليه كبل بجيت وحجيت مروان
مروان هاا عيني شبيج
أسيل تعال أخذني
وين اخذج أسيل ابويه شبيج
مروان تعال أخذني.
وديتج ل اهلج تشوفيهم وابوج دز عليج بعد شگو ليش هسه تكولين تعال اخذني شبيج كوه تحجين اسيل وياي
آشتاقيتلك
مو عليه كلاوتج
والله شتاقيتلك تعال اخذني.
كوليلي شبيج منو وياج
محد واني اريد ارجع تعال أخذني وخلص
ماشي جايج لعد وبعد احسن اني هم اريدج يمي
شفتيهم ساعة زمان كافي قابل شبع
اي
بصياح لك جايك حبيبي
أبتسمت بكلامه هلا بيك قطع الاتصال وضليت أنتظره وصل وامي طلعت اله ودخل وطلعت عليه هديل وحجت
هديل لا هلا ولا مرحبا.
مروان وأنتِ منو ذابلج عظم وتنبحين من يمج
هديل خليت النباح الكم مثل نباح أخوك بالخاص المسحول ذهاباً واياباً الشريف الخوش زلمه سايق مرته.
مروان هديل أحترمي نفسج وكصي لسانج وحشمي روحج لا والله تصير موزينه جفي الشر.
هديل شتسوي مثلاً تضربني دتعال ومد ايدك غير والله والخلقك اطلعك منا بفضحيه والله خوش متقوي المسقط صايرين زلم علينا ما كافي اخوك دمرني وهجم حياتي انوب كملت السبحه بيك.
مروان لا اله اله الا الله لا الظاهر أنتِ بايعه ومخلصه ومنتهين منج زايعتهن كلهن والحجي وياج تافهه امشي اسيل.
هديل مثل أختك
اسيل حجت وأندار عليها بعصبيه وكبل هجم عليها ضربها بوكس خله دم يتناثر من خشمها وعاط بيها واني ومنعته واكفه بصدره فدوه اروحلك خل نمشي منا خل نطلع عوفها ختولي والله تريد تحجيك وتسويلنا سالفه عوفها كام يحجي ويعيط.
مروان تحجين على أختي على أختي لج ساقطه ادبسزز شيجيبج ل أختي ل أظفرها الصغير لكعب حذاءها ما توصلين لج اختج تشرفج يا ساقطه اختي تاج?اسج وتوزعلجن شرف
بس عمي الشرف شيجيبه يمج يعرفج تعرفينه هو أنتِ وياي نسقتي وحظرتيني لن ركعتج بالقندره وتفلت عليج بتفله تسوى عمرج وكرهتيني لن ما لبيتلج طلبج وغايتج ورضيتج وشبعتج وكل هذا واكفه تحاجيني بصلافه وبزود.
عبالج بس أنتِ عندج لسان وتصيرين كحبه تكابليني وتحجين ومروان يستحي من العيب وعمام وما يصير وأنتِ مره واني رجال وأضل ساكتلج وما أردج لج افتحلج ملهى واعدلج بالنظيف اركصلج بالهندي اني مروان مو عصام فتحي عينج هالكبر يالشريفه تحجين على اختي ادعي ربج امج اخذتج مني واختج بصدري جان هسه اطلع جنازتج أنتِ وكلمن يجيب طاري اختي بنص حرف الحكه بگبره اشرب من دمه أتمزمز بي اليجيب طاريها.
أسيل امي جانت ساكته بس هالسكوت صدمني شالت نعال وشمرته عليه وكع برأسه نص عمري راح جوه الكاع وشالت الثاني واني منعتها دفعتي وضربته على كتفه وتحجي عليه وهو سكت وما رفع ايده.
جنان امشي اطلع من بيتي يا نكس امشي مو انت واهلك الشرفاء واحنه ما عدنا شرف والساقطين امشي ما خلصنا من اخوك وسوالفه انوب انت كمت تطلع خياسك وتتبلى على وبنتي حسبي الله عليكم يل متخافون الله امشي واسيل ما تمشي وياك ما الك مره كلشي وياكم نكطع ساسه من الجذر.
اسيل لا يمه لا هيج فدواتج لا يمه عيب يمه احجي وتدفع بيه وهو ساكت.
مروان وين اعوفها الج والله ما اطلع اذا ما تمشي وياي مو على كيفج ما تخلينها تجي وياي مرتي واريدها اسيل امشي
أسيل سحبني من ايدي ودخلوا بابا وحسن وشافوني وامي تصيح وتحجي وهديل لازمه خشمها يجري دم وكف شد على ايدي قوي وكفت بظهره لزمت طارف قميصه ياريتني ما خابرتك
هديل يابه تعال شوف ولد كمال شسوا بنتك ترضوها يتهجم علينا واحنه نسوان ويضربني ويخلي خشمي ينزف ويكول انتوا بلا شرف وساقطات احنه بلا شرف احنه.
مروان عمي بس خل افهمك السالفه
أسيل هجم عليه حسن ضربه بوكس وكعه بالكاع ومروان ما ضربه بس يريد يفهمه
علوان طرده من بيتي علمود يعرف الشرف ما الكم مره بعد يمي يله طرده بالقندره وانعل ابوك لابو اليطلع وراكم يا كواويد.
أسيل حسن فتح الباب ودفعه برا وركع الباب بكل قوته ودخل سبحني من شعري حسن ركبتي حسن.
حسن من أنعل ابوجن لابو الحاويجن والرباجن والله الا اصلخ من جلدجن جلد احنه ينحجي علينا بالشرف ومن وراجن يا سكط.
أسيل شمرني بالاستقبال وسحب هديل شمرها بصفي وجاب الصونده وقفل الباب موتنا من الضرب قضى علينا صرت جنازه بس هديل ضربها اكثر الا فقدت الوعي والباب تكسر امي تعيط فتحه وطلع ودخلت امي على هديل كومتها وصحتها واخذتها الحمام واني بقيت اون كمت كوه امشي غسلت.
وكعدت جوه الدرج وامي حاضنه هديل وتمسح بوجهه واخذتها الغرفه وتركض سوتلها كلاص لبن
واني ولا وصلتني بقيت كاعده.
ولليل حتى عشه ما تعشيت دخل علينا حارث عصبي واصواتهم أرتفعت وما راضي بتصرفاتهم الظاهر مروان رايح عليه وحاجيله كلشي.
حارث ليش تطردونه شنو التصرفات يعني فوك فضيحتنا ويه ابنهم احنه صاحبين الراهي فوك ما طمموا خياس بنتنا العار وما راضين.
علوان واكف وياه ويه اللي سبنا وحجه بشرفنا واكف ويه الباطل لا عبالك هالسالفه عبرت عليه واني مقتنع باللي صار وطلعتوا عصام بريء وكلكم وكفتوا وياه واولهم انت العار عود انت اخوها الجبير وكفت ومشيت وياه واخذته بحضنك وهو منجس شرفنا هو متعدي علينا وعلى اختك وهجم بيتها وخزانا وفشلنا ويه نسيبك يا خزي الله يطيح حظك من بين الاخوان.
حارث كثر الله خيرك يابه واني ما جاي علمود سالفة عصام وهديل اني جاي علمود مروان واسيل الرجال ومرته ما الهم ذنب باللي صار واجه ياخذ مرته تهينوا وتطردونه ليش يعني جابها الكم تشوفونها
جنان همزين تذكر وجابها وبعدين الا ابوك خابره يله جابها وتجاوز علينا ويحجي ويطعن بشرف اختك واحنه بلا شرف بس هما شريفين واختهم شريفه ضرب اختك هديل وخله دمها ييرش واحنه نسوان لوحدنا تراضاها يا ابن بطني ه بهل العمل.
حارث وأنتِ ما قصرتي ضربتي بالنعال وطردتي بالنعل والله عفيه عليج هاي عود انتِ مره جبيره وهيج وبعدين لو مربيه بنتج تربيه زينه جان محد جاب طاريها وحجوا عليج وطعنوا بالشرف ماكو دخان من دون نار يمه ماكو
وأنتوا السبب ما عرفتوا تربون تربيه زينه مثل الامهات والاباء عيشتونا بحرب نفسيه وتفرقه وهذا اي وهذا لا لما طاح حظنا وشرفنا وكله منج أنتِ ما عرفتي تربين تربيه زينه السبب منج أنتِ.
أسيل تقدم ابويه وضربه كف خليت ايدي على حلكي مصدومه وكال
علوان واكف وياهم وتحاجي امك بالباطل وتطعن بتربيتها الكم وتطعن بشرف اختك يا ساقط يا عار الاخوان امشي اطلع من بيتي والحك ولد عمامك العارات لا انت ابني ولا اعرفك متبرين منك ليوم الدين وباب بيتي يعثرك انت وعائلتك وعمامك وأسيل اطلكها منه ما الهم مره عندي اطلع يا عار اطلع من بيتي.
جنان حرامات بيك التعب يا عار الاخوان روح يمه البس شيله وكابل اسماء لا انت ابني ولا اني امك وكلمن يجيب طاري بنتي وشرفها جعله ما يكوم
من فراشه.
أسيل دفعوا من الأستقبال وكع تلفونه والسويج دنك شالهن ودمعته نزلت وشفايفه ترجف طلع يشهك يشهك صوته فطر گلبي فتح الباب وراح
اخذ روحي بروحته طلع والدمعه على خده مهضوم ومكسور ومخذول من أبوه وامه واهله وصفه حارث وحيد وحزين وماله أهل...
ضليت كاعده بالمطبخ واللي عرفته حسن مرته زعلانه تريد بيت لوحدها لن اكو مشاكل الظاهر هديل مشكله عالخط لن ليش ضربها حالها من حالي وطول الوقت دايخ ويحجي على التلفون ويقنع بيها لا هي تقنع ولا اهلها معندين الا بيت لوحدها وملك مو إيجار.
جنان ولا ترجع طبها مرض نسوان اخر وكت بعدها ما عاشت كم سنه بالعيال كامت تزعل وتتأمر تريد بيت لوحدها الخايسه الله يساعد كلبي كل هالسنين شايلتها وهي وجهالها واكرف خياسها وجيتفها بس هي موظفه وتتحسن علينا بهل الراتب ولك اذا انت زلمه طلكها وانعل والديها ومن الصبح ازوجك اغاتها.
حسن وين اطلگها صدك تحجين يمه بربج هذا حل واذا طلگتها ليش هي بحالي عدها وظيفتها كافي عليها ونسيتي الجهال بالنص يعني من كل عقلج اتطلك واتزوج اني بهاي انشلع گلبي انوب الثانيه والله يمه ما ادري شحاجيج.
جنان لعد خوما تضل مكابل باب أهلها رايح جاي وما ينطونها الك شنو بس هما عدهم بنات قحط عليها هي وظيفتها الفاهيه من يوم اخذتها بس مريضه وتعن وتون وكل حمل الها تنام مستشفيات وتشلع كلبي وكلبك طلكها وانطيها حقوقها واخلص منها واني ابيع ذهباتي وانطيهن الك.
يمه يا طلأك تحجين عنه ما اريد اطلكها مرتي اريدها فاهيه بارده اني راضي بيها واذا تردين تساعديني بذهباتج انطيناهن ابيعهن وهالعندي اشتري بيهن بيت وخلصيني من هالهم اللي سببته اليه بنتج هديل كاعدين والله ساتر علينا هسه شيحلها شيحلها.
عوزك انت وياها ابيعهن واشتري بيهن بيت لمرتك الخايسه ولا انوب يردون البيت بإسمها شلون اهل مجلوبين وجالبين بناتهم علينا وانت لاتضل ساحل روحك وراهم صير زلمه واسمع كلمتي مو مثل اخوك حارث تمرد علينا وطاح حظه وخلي بيت كماب يصيرون اله اهل والله بالقنادر يكفخونه عار.
أسيل هز?اسه ودخل غرفته وركع الباب وراه وكامت فرشت ونامت وهديل كاعده وصافنه كمت فرشت ونمت وبالي وتفكيري يمه وتذكرت اللي صار وشلون امي ضربته بالنعال يبوه متت قهر.
وتمر الايام وماكو اي خبر محد وصلني وابويه مصمم على قرار الطلاك وامي تشجعه وتشجع حسن يطلك نسرين قرار مو صائب وتصرفات امي ما اعرف شلونها ياهو تلزمه طلگ عبالها الطلاك هو حل لكل مشكله.
وبيوم واكفه أغسل المواعين عالسنك وكلشي ب?أسي غسل ملابس طبخ تنظيف وهديل بس نايمه وامي ما تحاجيها بس نادره عليه خيست صفحتي من الشغل ما خلت لا فرشات ما غسلت لا سطح ما عزلته والبيتونه مت ظهري انكسر حتى ايديه صارن خراب واذا احجي تكفخني فه ساكته وانتظر فرج
الله ومروان.
فاتت الغرفة نسرين هي وهديل عزلنها وكومه طلعن مكياجات عود خربانه حتى داخليات عود يردن ينظفنها هزيت?اسي بقهر.
هديل هاي جنتج تريد بيت لوحدها وهي راتبها كاظيتها بس لمكياجات والسوالف التعبانه شوفي مكياجها شكثر كله منج مدللتهن وتركضين كدامهن وتالي شافن نفسهن عليج وتمردن وهذيج طلعت جلبه خايسه وكلشي ما غزر بعينها ورجلها اجلب منها وهاي كامت تحجي وتتأمر عليه وتعيرني وتالي اهلها الكواويد يردون بيت لوحدها والله وكت الحظ ما يكعد بس للخايسات مو مثلي لن خوش مره شفت الضيم اني حظي طاح من ما حوه عصام.
جنان أنعل ابوج لابو عصام منو فين حظج وحظنا غير عصام?أس سليمه.
أسيل ما شاركتهن كملت غسل ونشفت ايدي ورحت اتوضى على المغاسل الخارجيه واندك الباب وابويه صاح عليه
علوان فتحي الباب شوفي منو
أسيل عدلت شالي وصحت منو
رافع اني رافع
أسيل فتحت الباب أتفضل دخل ومروان وكف يم الباب مروان
مروان فوتي جوه
أسيل اي اي فتت داخل ودخلوا هو ورافع على ابويه وسدوا الباب وراهم كلشي ما سمعت سويتلهم الجاي وطلعوا ومروان اجه عليه.
مروان لبسي وتعالي
أسيل اروح وياك
اي تروحين وياي يله أستعجلي.
جنان وين موليه
رافع ما عدنا حجي ويه النسوان كظبن روحجن
أسيل دخلت لبست عبايتي وهديل صافنه عليه لبست شالي وشلت جنطتي
هديل فرحانه لن راح تروحين ويه زلمتج
أسيل أي والله
تحبينه
أموت عليه مو بس احبه هو دنيتي كلها
الله يسعدج سمعت أسيا راجعه هي وعصام
ما ادري والله أي اكيد ترجع عصام يحبها وهي هم تحبه طبعاً ترجع ومنو كالج راجعه.
امي جانت تحجي هي وعمتي زينب وكالت اليوم جانوا بيت عمي كمال مسوين عزيمه عصام ذابح بسلامة زوجته ومرجعها.
أي كامت تبجي وشفايفها ترجف وتفرك بإيديها
أحبه مو بيدي وسويت گلشي علموده وبالأخير
هي ربحت بي وأني ما جنيت منه غير الخسارات.
يله مع السلامه مشيت وهي وراي تبجي لكيته ينتظرني وطلعت وياهم وصلنا رافع لبيته وبالطريق لبيتنا
مروان متعشيه.
أسيل أي سگتنا ووصلنا البيت الوقت جان متأخر كلهم نايمين بس عمار كاعد سلمنا وسلمت عليه الحمدلله على سلامتك.
عمار الله يسلمج عيني شلونج أخبارج
أسيل الحمدلله بخير الله يسلمك
مروان يله عمار مو وكت مسالم عود باجر تسلاموا تعبان?أسي يوجعني واريد انام وراي دوام باجر من رخصتك.
أسيل صعدنا غرفتنا هو گبل تمدد وخله أيده على?اسه اخذ منشفه وطلعت صاح وراي.
مروان وين
أسيل بس أسبح
وشعندج سبحانه رجعي عمار كاعد هسه رجعي.
شريد منه
گتلج رجعي يله غيري ملابسج وتعالي نامي لتخافين ما اريد منج شيء بس حضنج تعبان وراي كعده من الصبح.
ماشي رجعت غيرت ملابسي هو مغمض واني ردت اسبح لن جنت أشتغل وخفت جسمي صارت بي ريحة عرك كملت بثوب خفيف فتحلي حضنه ونمت على صدره باسني من گصتي وتمسكت بي حيل مشتاقتله روحي اطمئنت وارتاحت بحضنه عبالك هو أهلي كلمة أهلي باقيه غصه بالروح ما تروح.
نمنا هو تعبان جسدياً واني نفسياً وجسدياً ولفجر حسيت بي يبوس برقبتي بشوك واني مغمضه اتململت بين ايديه مروان.
مروان مشتاقلج حيل مروان حيل ما تدرين الايام الغبتي بيها عني شصار بحالي
أسيل كلماته دوه لجروحي يا بعد روحي زار كل تفاصيلي وطبع قبلاته الجنونيه مولعه بنار الشوك والحب والعاطفه الجياشه غمرني بحنيته ضل مخليني بحضنه ورن تلفونه المنبه صوت طلقات حتى المنبه هم حرب شكو مروان.
مروان الا هيج يله يكعد مروانج
أسيل طفه ورجع كمل نومته ورجع رن بس هالمره الرنه تختلف رنة أتصال رفع نفسه واستغرب منو
مروان أزهار
أسيل افتح شوفها شتريد خطيه فتح الخط وجاوبها
مروان هاا عيني ازهار
أسيل اجانا صوتها تبجي وتشهك بتوسل وجع والالم
ازهار مروان فدوه الحكي راح أموت.