رواية بين قلبها وعينيها كبرياء للكاتبة شمس العراقية الفصل الخامس والأربعون

رواية بين قلبها وعينيها كبرياء للكاتبة شمس العراقية الفصل الخامس والأربعون

اسيل من بعد أتصاله ضليت عايشه بقلق وخفت ياربي شصاير شبي وليش هيج حجه ليش خوفتني وأخذت عقلي بكلمتك الى متى تضل تسمعني كلام وتقهرني والله اني هم تعبت.
جنان أسيل الغساله مليانه ملابسي أمشي غسليهن وغسلي ملابس جهال أخوج حسن الصبح من راحت الدوام غيرتلهم تلكيهن على الدرج
أسيل ماشي مشيت وباب الحوش اندك بكل قوته خير أن شاء الله
جنان منو هذا گسر الباب اي اجيييت
هديل يمه فتحيلي؟
جنان هاي أختج هديل شجاها.

أسيل راحت امي فتحت دخلت هديل جنازه وكعت بحضن امي ركضت عليها رفعناها من الكاع دخلنها المطبخ والجهال يبجون وراها كعدت بالمطبخ عيونها گوه تشوف بيهن قدمتلها كلاص الماي رشگته بوجهي ودفعتني.
هديل امشي ولي منا امشي ولي الله ياخذج.

جنان عوفي اختج هسه ولج احجي شبيج تعاركتي أنتِ وعيالج سيف ضربج من ورا حماوتج الادبسززيات مو والله الا اشرب من دمهن امشي جيبي عبايتي شنو تايهه ما وراج أهل انعل اهلهم لابو انطاهم مره وقدرهم فگركم كاتلكم انوب دازلي بنتي مزورگه العار.
أسيل كامت تبجي وتلطم وامي كابلتها وكعدت.

هديل لا يمه لا مو حماتي هاي أسيا هجمت بيتي أسيا الساقطه الادبسزز الجلبه دازه محادثات لسيف مو گتلج راح تهجم بيتي بمحادثات اني وعصام هو دخلي خاص وحجيت وياه شمدريني متفق عليه هو مرته يهجمون بيتي وكومي يا اسيا الساقطه ودازتهن عود اني احجي ويه عصام اني لو اريد احجي وياه ابن عمي خوما غريب شفتي اسيا طلعت مكاره يممممه هجموا بيتي هي ورجلها.

جنان يمه سوده بوجهي عليج من يومج ما عندج حظ حسبي الله ونعم الوكيل عليهم هي ورجلها الله ياخذها ان شاءلله كحاب ما وراهن زلم كلشي يسون اي طبعاً رجلها مدللها ومطلع عينها مخليها على حل شعرها كلشي توقعي منهن بس والله الا افين حظهم هي ورجلها شكو يدخلج خاص الساقط
هديل لا اني راح اطيح حظها امشي سكط جيبلي تلفون امي تحركي.

أسيل امي انطتها تلفونها اني ضاله بصدمه بس أباوع وايدي على گلبي شنو هالكذب والخداع لا والمصيبه امي مصدكه هسه شدوس.
جنان أمشي صعدي الغرفة اختج سبحي وأرتاحي ويجي ابوج واكوله على كل سوالف عصام والادبسز أسيا الساقطه
هديل لا تكوليله هسه انتظري اخابر عصام واكوله بسوالف مرته.
جنان يمصخمه الوجه شتكولين اله ولج هجم بيتج.

يمه سالفه بيها محادثات لازم أخابره هسه بعدين احجيلج يله اني صاعده يمه غيري ملابس الجهال هسه اجي
أسيل كامت صعدت الغرفه الفوك واني لحكتها اريد اشوفها شتسوي لكيتها مخليه التلفون وتفتر
وأجتي امي فتحت سبيكر وكعدنا نسمع وهديل انكلبت الموجه وصارت وحده ثانيه
هديل عصام مصيبه وگعت على?أسي.
عصام شگو متصله خير شعندج مصيبتش
أسيا الادبسزز مرتك الساقطه
أكلي وأحجي عدل امشي ولي الله يأخذج.

اوكف عصام واسمعني لا اطيح حظك والله
اطيحين حظي على شنو شعندي وياج اني شو كمتي تمستلين وتهددين اني الصوج مني جاوبتج امشي ولي
جنان شوف لك هجمتوا بيت بنتي والله الا اطيح حظك انت ومرتك الساقطه كواويد ما وراكم بس المصايب
عصام هديل شگوووو لخاطر ربج فهميني امج شبيها
هديل أنطيني يمه عصام اسمعني
جنان اني نازله اشوف أهلج وأنتِ كملي كلامج راجعتلج.

هديل وياي أنت ركز علمود تعرف بنفسك المتزوجها رجال مو مره مسترجله عليك مو اني المصونه مالتك تمجدلي بيها اسيا الخاتونه دازه محادثات لسيف رجلي اني وياك؟
وسيف شافهن وقرأهن كلهن وعرفك ابن عمي وخطيبي السابق وكتلني موتني وطلكني وشمرني بيت اهلي ولحد هسه محد يعرف شوف انت وكعتني بهل المشكله وانت تحلها عصام اني بركبتك
لا بربج صدك تحجين.

أي والله كل المحادثات حجينا بيها أني وياك حتى صورتك موجوده ورقمك ومحادثاتك داخل الواتساب اصدقائك وصورة رافع ضمن المحادثات يعني بالدليل القاطع أنتَ الجنت تحجي وياي ومن سحب التلفون مني لگه الرقم والحساب وعرف وثبتت التهمه علينا اني وياك
اسيا كسرت?كبتي ورگبتك واني ما أطلع منها غيرك أنت تخلصني من هل السالفه كلها عصام والا انت هم تروح بالرجلين ويطيح حظ حظك.

أسيل أنقطع الأتصال شمرت التلفون هجمت عليها ليش هيج سويتي ليش هجمتي بيتج وراح تهجمين بيته وتضحكين على عقل امي عود أنتِ المظلومه مو خياسج عندي عليمن تكذبين ضربتني راشدي ولزمتني من شعري قوي هديل ركبتي هديل ركبتي
هديل شوفي لج ما عندج دليل ضدي واني عصام احبه وبيتي انهجم من وراه وغصباً على?أسه يطلعني من هالسالفه وأسيا هسه اكلت تبن وأنتِ هم يلوحج الطشار حبيبتي فه كعدي عاقله وسگتي.

أسيل دفعتني ودخلت امي تسأل وتستفسر منها
جنان ولج انهجم بيتج احجيلي أشسويتي
هديل كلتله وعصام ومرته هما هجموا بيتي يمه شسوي شصخم الله ياخذهم
أسيل بحياتي كلها ما شايفه هيج اتقان الدور بالتمثيل شايفين من شخص يعيش دور الضحيه حرفياً أختي وتبجي وتسولف لأمي شلون عصام داخل الها خاص وهي ماخذتها عاطفتها وين الكاه المحادثات اني الغبيه ما صورتهن واشوفهن لامي مصدكه بيها.

گافي تدعين عليها أنتِ مو مظلومه يمه لاتصدگينها والله ابو گ?م علم مستحيل يغلط ويدخل الها خاص ومن نزلتي أنتِ رجعت كالتله سيف لكه الرقم والحساب يعني أنتِ مو مظلومه وهاي سوالفج واني شفت المحادثات يوميه تتدخلين عليه من رقم والحقيقه مزوره وتنكشف كامت ادك وتلطم وتبجي
هديل يمه شفتي واكفه ويه عصام ضدي اي طبعاً حماها اخو رجلها وادافعين ل اسيا يمه شوفيها.

جنان أنتِ صدك ما تستحين تكذبين أختج وتتهمينها زور وتصدكين عصام الجلب هو مرته اللي هجموا بيت أختج أنتِ شنو من أخت ادري مبدلينج بالخدج هيج گلبج قاسي على أختج واهلج الله ياخذج من بين البنات.
أسيل ضربتني راشدي والثاني ولزمتني من شعري واجتي هديل هم تضرب بيه تولني الضرب يمه فدواتج عوفيني والله بعد ما عليه حلكي ما افتحه خلص هاي هي عصام واسيا هجموا بيت هديل بس عوفني.

دفعتني بالكاع ونزلن ورفعت نفسي ولزمت بطني مغصتني قوي أخ الله ياخذج هديل هاي وين تريد توصل شتصخم بعمرها يعني تطلگت ولا هامها ولا مكسوره عينها ياربي شجاي يصير.
أمي ضلت ساكته ما حجت وأهلي سألوا كالتلهم متعاركه هي وزلمتها ما اعرف ليش ضمت عليهم وتطمم الها وساكته عن سوالفها ماكو هيج أم ادري عقلج ما تشغلينه عصام واسيا شنو مصلحتهم يهجمون بيت هديل بحالها قابل.

. ليش مو العكس صحيح ليش الرؤيا معدومه عندج يا يمه ليش دمرتينا بسوء تصرفاتج يعني لو اني بمكان هديل وحاجيه الج سالفتي وغلطتي ويه مروان توكفين وياي وتساعديني لا والله ما اظن أصلاً تشجعين على ذبحي واحمد ربي واشكره ستر عليه وطمم السالفه بيني وبينه يارب تعدي مشكلة هديل وعصام على الخير وما يلوحني الطشار واخسر مروان اني شنو عيشتي بيت اهلي شسوي ييهم.

. كعدت يمهن هديل تحجي الها وامي تضرب بيها يمكن حجتلها الحقيقه ادري بيها ما تعوفها هي روحها بهديل وحارث هواي تعزهم
كمت صعدت الغرفه توني وصلت صعدت وراي امي كبل جرتني من شعري دخلتني الغرفه اني شعليه تعثرين بالكاع ترجعين عليه.

جنان شوفي لج اي شيء تعرفينه عن اختج تبلعينه ما تحجين ولا حرف يسسألونج كولي ما أعرف لن سالفة أختج جبيره ما تسولف وعصام هم مذنب هو داخل الها خاص وأختج طايحة الحظ گلبها رجيج وحنت لايامها وياه وضالين يحجون وأسيا مصوره كل المحادثات دازتهن لسيف يعني السالفه انلاصت على أختج.

واياج يا اسيل اياج توكفين ضد اختج اذا وكفتي محد يرحمها والكل يريد ذبحها واني ما جايزه منها وراها جهال اثنين هو رجال يكدر يخلص نفسه اني بنتي منو يخلصها من أخوانها من اخوج حارث يعدمها ويعدمج على واهسسها هذا ما يكول بسم الله فه السالفه تنلاص تنلاص اسكتي وانجعمي بكاعج ومروان اطلكج منه وانعل شيب اهلهم واللي يناسبهم طلگها وما خلصنا منه زوجتها وما خلصنا منه ضل ملاحكها لما هججها من بيت رجلها واجتني مطلگه غضب عليكم يا ولد كمال وعلى هالنسب اتفل عليه واكعدجن كبالي مطلكات.

نزلت وكعت بالكاع ابجي يعني تزوجت بعدني عروس تطلگيني منه ليش ما كافي العذاب اللي جاي اعيشه ما كافي بعدج عني وعايشه وحيده لا ماما لا داده كلشي مخزن بگلبي.

نزلت وراها ولكيت تلفون امي يتصل عمتي وصال واني مخنوگه وعبرتي ترس صدري جاوبتها هلا عمه وحجيت وياها وسمعت صوت حارث اجه نهيت الأتصال دخل يحجي ويه امي ويستفسر وامي نكرت كلشي الظاهر سيف لحد الأن ما مبلغ أهلي هالسكوت ما مطمئنه اله ليش ما گال الهم يمكن شافها عيب وفشله فه اختصرها كتلها وطلگلها وشمرها علينا وراح وتالي اضل السالفه هيج.

بس طلع حارث اندك الباب طلعوا الجهال فتحوا دخل علينا مروان شكله ما يبشر بالخير جان طالع وحسن ومرته بالدوام عفت من ايدي وتلكيته هاا مروان.
مروان عليج وعلى مروان أختج الساقطه وين
أسيل بغرفة امي ليش
مروان هسه تفهمين ليش شايفه هذا الحزام شكثر انكتلتي عليه ولامس جلدج جنت حالف ما يلمس جلد غيرج بس أنتن بئره مال قذاره وخياس وجيفه شسيولجن كحاب دواجن بس اني كون اني أخوجن ومرت اخوجن بالدوام
اي بالدوام هي وأخويه.

لعد وخري عن طريقي لا ابلش بيج.
اسيل نزع الحزام ولفه على ايده ومشه جلبت بي مروان فدوة عوفها ختولي لاتسويلنا مشاكل
اعوفها ليش ما توخرين من كدامي ليش تخليني افرغ قهري بيج شو انكبري من خلقتي.
مشه ودخل من باب المطبخ وهديل طلعت كباله تقدم عليها وكبل كامت تعيط بعلو صوتها وطلعت امي من الحمام
هديل يماااااا لحكيلي يماااااا دازلي اخوه يريد يضربني يبووووووه يا عالم يا ناس يبوووووه.

مروان عليمن يبوووه عليمن والله لو مو تعيطين لو تكعدين تلطمين على الحسين اليوم ما اعوفج واني اليوم اربيج واعيد تربيتج السكط لن الظاهر عمي ما مربيج عدل يا ساقطه.
أسيل جلبت بقميصه مروان عوفها فدوة اروحلك
مروان أسيل ولي عن وجهي امشي منا.
أسيل ضربها على رجلها وامي هجمت عليه ضربته كف شهكت وخليت ايدي على وجهي عطت بيها ليش ضربتي ليش.

جنان امشي اطلع من بيتي يا نكس وبابي يعثرك أنت واهلك النكسسين شايفين نفسسسكم أنتوا تهدون على العالم بيوتها وتضرب بناتها شنو البيت ما اله حرمه بكيفك تهد وترد وتغلط وتجاوز وتريد تربيها منو أنت بصفتك منو ابن عمها من عليك انت وعمها وعشيرتك كلها
ميخالف تمونين عمه.

امون واكسر?أسك شنو بس انتوا بالدوله بس ابوكم رجل دوله وحمايات بس انتوا عسكرين ماخذين الدنيا حوض ياهو تالونا ما تقصرون منه ما كافي اخوك هجم بيت بنتي وطلكها من رجلها انوب عليه انت النسيب ساتر العرض والشرف من على الشرف اذا انت تستره من انعل ابوك لابو اهلك الما عرفوا يربونكم عدل لا أنت ولا اخوك الساقط مسويلي روحه ابو الك?م والجود وهو مرته ساحلته مسويته طلي وبكلمتين يم هديل انسحل وتالي ما تالي كسر رگبتها حسبي الله عليكم كلكم من يوم دخلتوا حياتنا بنتي ما شافت طعم الراحه.

والله لا تعب على بنتج اذا أنت إمها واكص أيدي اذا ما عندج علم بسوالفها عشتي عمه على هل التربيه المجيده والخالده هسه عرفتي تربيتج السكط شلونها
أسيل رادت تضربها جلبت بإيدها گافي عاد هو باوعلي وامي نزلت ايدي وضربتني كدامه وصاحت بيه.

جنان امشي من كدامي واكفتلي ادافعين على واحد هاد علينا واحنه نسوان ويريد يضرب أختج جان أستحيتي شوف لك بعد ما الكم مره عندي وأسيل تطلگها ما يشرفني نسبكم وساعة السوده انطيتكم مره ومثل ما تزوجتها تطلگها وعساها ساعة البركه.
مروان احجي أحجي ما أعتب عليج لن واضح التربيه لبنتج الواكفه بشموخ
جنان أكل وانجب وبوز على حلگك يا عار الزلم
منو أنت تحاجيني بتربيتي تاج?أسك أنت وأهلك تربيتي.

مروان تجاوزتي بما فيه الكفايه وساگتلج لن اني رجال وأنت مره واني واحد استحي من العيب اخاف هسه الزم الحزام وانعنعج وبعدين يكعدوني للحگ يابه شنو حقك عود يگولون كاتل عمته ام مرته يعني فشله بين الزلم ما تسوووين والله بس ميخالف تمونين يله فيمالا.
جنان أسيل اطلكلها يا خسيس.
مروان ميخالف تدللي.
أسيل طلع لطرمه وامي تجر بيه دفعتها ولحكته مروان اوكف مروان انداري وصفن عليه مروان
مروان هاا
أسيل أخذني وياك.

مروان رجعي أسيل
أسيل طلع واني اباوع على طوله تمنيت يباوعلي ما باوع معقوله يسويها ويطلگني اوف منج يمه ليش هيج سويتي بس اللي مستغربته هديل ما حجت حرف وياه! دخلت الغرفه يمهم وامي كاعده وأيديها على?أسها وهديل جسمها يرجف الظاهر كامت تخاف.
هديل يمه صدك تطلكين أسيل من مروان
جنان أي يجي أخوج وأحجيله كل السالفه وبعدها نطلگ أختج من رجلها ونكطع الساس منهم هاي هي هما بدربهم واحنه بدربنا.

أسيل بس اني ما اريد اتطلگ من مروان
جنان أكلي نعل مكطعه على حلگج الخايس خل تفض سالفة أختج على خير مروان هو يطلگج من كيفه لن هاي هي انلاصت بينا.
هديل يمه لاتكولين مروان هد علينا ترى حارث ما يسكت وتصير مشاكل تكبر ما تصغر.

جنان لا كافي عليه مشكلتج خلي اطلع بيج عايشه اذا اخوانج تغسلوا بدمج وأنتِ الثانيه مروان تشيلنه من?أسج وأعتبري نفسج مطلكه هاي اطلگج منه وتخلص العده ازوجج لابن خالتج بعدج صغيره وما وراج جهال قحط عليه وعلى رتبته انعل ابوهم لابو ماليتهم جلاب كواويد هجموا بيت بنتي الله يهجم بيتج يا اسيا.

أسيل ضلينا عايشين بقلق وامي تطمم وراها ولليل الوقت متأخر اجانا حارث دخل من باب المطبخ بالكوه يمشي عبرني ومشه للصاله ولحكته
حارث يمه بنتج الشريفه وين لك حسن يابه تعالوا شوفوا هديل شمسويه شمبدعه
هديل.
أسيل طلعوا أبويه وحسن من الأستقبال اللي أمي ضحكت على عقولهم وكالتهم مشكله هي وعيالها لحد يتدخل وامي وگفت كدام باب الغرفه فتحت إيديها وكالت.

جنان أحلفك بحليبي لاتمد إيدك عليها بروح خالك المات وما لكينه جثته بروح جدك على فراش الموت عوفها ختولي لخاطر جهالها يمه فدوة لطولك لاحد يگرب صوبها لاحد يضربها بنتي غلطت وتعاقبت طلگها سيف وضربها عوفوها.
واذا تردون تصيرون زلم روحوا أخذوا حقكم من ابن عمكم عصام التعدى على شرفكم وعرضكم وما حسب حساب لسمعه والشرف هو الغلطان وياها هو ومرته كسروا رگبتها حسبي لله ونعم الوكيل بيكم يابيت كمال أنت ولدك.

اسيل حسن وبابا فاتحين حلوكهم وحارث ضرب على حلگه وكتم صوته وحجه بصوت مبحوح.
حارث يمه الحگ راگبنا من?أسسسسنا لرجلينا أبن عمي ماله ذنب أبن عمي هي گسرت رگبته وهجمت بيته بعيوني شفت المحادثات سيف جان يمي وشوفني الفضايح مالت أختي ومرته يا يابه يا يابه من مراسله عصام الرجال ما متجاوز حدوده وياها الرجال ما ينعاب العيب بينا العيب بينا العيب بينا العيب بينا ياربي.

لج متزوجه وعندج سوالف مكسره ومسويتلي حساب جديد شسوين بي لج ساقطه شسويلج.
حسن يعني هي وعصام على علاقه
حارث أي والعلاقه هي محاجيه أبن عمك وتتغزل بي حظ الكواد وأمي تضحك على عقلي من أجي واسألج هديل شمسويه شبيها تكوليلي مشكله هي وعيالها عليمن تضمين سوالفها ما تطلع سيف يضل ساكت الى متى يضل صام حلگه
الى متى شسويلج هسه اذبحج وأغسل عارج.

لج أنفضحنا تخزينا كدام الغريب أجاني حاني رگبته وشوفني المحادثات من الواتساب داخلته ما أعرف من كم رقم شيسويلج بعد رجال متزوج وأنتِ متزوجه ليش ملاحگته ليش ربي ربي ربي رحمتك.
أسيل حارث يدك على رأسه عبالك فقد ويلطم.

ويفر برأسه صوته مطبك ابويه دفع أمي ودخل عليها وجرها من شعرها بالاستقبال ويضرب بيها هو وحسن وحارث صافن عيونه مليانات دموع لزم ظهره وبالكوه يأخذ نفس وامي تمنع بيهم ولزمها ابويه قضى عليها وضربها هي وهديل سحبتها جنازه على صفحه وحارث ضهره مكسور بالكوه يمشي كعد بالأستقبال منزل رأسه.

علوان شوفي لج أدبسزز أعدمج اذا لمحت طولج كدامي والله گلبي جان حاسسسني وراج مصيبه من يوم عرس مروان وأنتي أخف من الريشه وسكنتي يمنا بيتج عفتي وهذاك اليوم كعدت أصلي الفجر وأنتي كاعده على المبايل شتسسسسوين للفجر على المهجوم شتسسسسسوين
حسن دام اكو مراسلات هي وعصام اذن هو هم محگوك مو بس هي لا عايفيلي الثور الجبير وتحاسبونها الحساب والكتاب يم عصام ولازم تكعدونه للحق وينسحل بالقنادر.

حارث محگوك أدري بي محگوك والغلط راگبه من?أسه لرجليه وغلط منه ضل مستمر يحاجيها بس المحادثات تبين الرجال ما غلطان والافندي أختنا جايته من كل الدروب وتتغزل بي وتمجد برجولته لج على ذمه رجال ما خفتي من ربج ما كلتي زلمتي ابو جهالي ملفيني بيته وساترني واني عرضه وشرفه ويطلع يشتغل عماله من الفجريات علمود يوفرلي عيشه اليه ولجهالي عيشه بشرف زلمه محروم من نومه الصبح جادوج ويركض على لكمتة لكمة حلال تلعبين من ورا ظهره ليش تنامين بفراشه وبعدين تخونينه بالمراسلات ليش ما أنكسسسرت عينج ادري شمسويلج معذبج معنفج تردين تتنقمين منه لج ماكو عذر الرجال لو ينكع جتيلج بالدم مو عذرج تروحين تخونين مو عذرج لج هذا شررررفج شرفج.

ما عرفتي تحافظين عليه وأنتِ متزوجه وهيج بدعتي لعد من جنتي بنيه شمسويه بشرفج.
يابه مصيبه مصيبه مصيبه ونزلت على رؤسنا
حسن والله أشرب من دمك يا عصام والله
أسيل حسن يصيح وراد يطلع حارث منعه وحسن يعيط ودمه محترك حارث ضربه وكعه بالكاع
حارث رجليك أكسرهن اذا رحتله بهل الليل تريد تفضحنا فوك ما احنه مفضوحين أكعد واسكت منا للصبح نخابر عمي ونحجيله.

حسن وعصام وعصام اذا يصير كدامي أشرب من دمه اكله بنسوني هالخسيس هالنذل.
حارث عصام نحاسبه هو هم غلطان سيف طالب كعده وباجر الصبح اخابر عمي واكعده للحق بحضور زلم ونطمم هالعار اللي خلفوا النا.
أسيل أمي أخذتها الغرفه وكعدت يم الباب والوقت متأخر صارت ب 2 بالليل وإحنه كاعدين وحارث بس يدخن كاعد بالحوش ويجر دخان وحسن يقيس ضغط ابويه وامي مكابله الباب وتبجي واني كاعده اباوعلهم إشسويتي بعمرج يا هديل أشسويتي.

لصبح احنه كاعدين وشفت تلفون أمي سحبته ورحت الحمام وأتصلت على مروان وجاوبني مروان
مروان هاا أسيل
أسيل الحك اخواني عرفوا وسيف طالبكم بكعدة زلم وكلكم لازم تحضرون مروان السالفه انلاصت
لا بربج
اي والله
ماشي ماشي.
أسيل قطع الخط ورجعت وحارث بالحوش يفتر سمعته يحجي وعرفت خابر عصام وأنوب خابر عمو كمال
حارث امشي نظفي الأستقبال الزلم راح توصل.

أسيل ركضت نظفته على السريع وامي على كعدتها واخواني يفترون وعيني على الساعه وتلفون حارث رن وفتحه وگال
حارث هاا مروان اسمعك اي احجي عاد
أسيل خليت أيدي على گلبي وخفت حارث باوعلي يمه سلب روحي معقوله اني هم حجاله لا ما يسويها شنو ما يخاف على نفسسه خلص الأتصال واجه سريع دفع امي ورفعها من شعرها بقوه وعاط بيها.

حارث لج هاجمه بيت الرجال طارد حرمته البارحه بيتهم نار وثاكبه بي بس كوليلي وين تردين توصلين شنو غايتج من هذا گله شنو هدفج تردين ترجعين اله لج شعبالج تردين يطلگ مرته وأنتِ تطلگتي والعرف العشائري يزوجج اله لا هذا الشيء ما
يصير لاتحلمين هديل لاتحملين حتى بأحلامج اني كاعدلج كعود متحزملج.

واني دواج يا هديل اصبريلي خل تفض المشكله اذا ما طاح بيها دم واني اتفرغلج يا اذبحج يا اسويج خدامه لنسسسواين حتى جهالج ابوهم ياخذهم ما يبيقيهم عندج المن يبيقهم الام ساقطه شتربين منهم رسل وإنبياء اكيد البنيه اذا تضل عندج تطلع انكس منج والولد يلزم درب الأعوج لن أساس التربيه من الأم يا تربيه أمي خلف الله عليج يمه خوش عرفتي تربين عاشت ايدج.

أسيل حارث طلع وضلوا واكفين بالحوش واجه سيف لوحده ودخلوا الأستقبال حارث يضرب على كصته يضرب بكل قوته ويفتر وأندك الباب طلع الهم حارث رديت الباب ودخلوا سلم عليهم كلهم واخر شيء عصام لزم أيدي حارث وكف يحجي وياه وحضنه قوي وحارث يبجي يمه كطع گلبي الله ياخذج هديل.
دخلوا الزلم وياهم جديتي وأخر شيء عصام وحارث
خليت الجاي على النار واكفه واندك الباب فتحته مروان
مروان حضري الماي.

أسيل اي هسه انثولت وهو واكف فوك?أسي
كاسات جاهزه اكو
لا والله
جيببلي زعطوط اوصي
صحت روان انطاها فلوس وراحت ضل واكف باب المطبخ ويدخن وكفت وراه مروان والتفتي مصغر عيونه
هاا
صدك تطلگني
ليش
امي گالت هسه هو يطلگج
وأنتِ شعليج
هاا
أي
لعد أخذني وياك
اخذج بس مو هسه خل تفض وأجيج
صفن بوجهي واني كذلك
روحي شوفي القوري دخن.

رحت وحضرت الأستكانات وروان جابت الماي رتبتهن بالصينيه والجگاره بلحكه ويساعدني نفخ الدخان بوجهي واخذها الهم وصبيت الجاي واجه اخذه بعد ما شفته
وكفت بالصاله بصف أمي ونسمع الكلام وأول ما حجه عمي كمال.

كمال عمي أحنه غلطانين بحقكم واللي تردونه أحنه جاهزين بي وحقكم تاخذونه مني واني جاهز وحاضر باللي تردونه بس قبل گلشي أبني ما أعوفه الكم تحاسبونه على كيفكم لو رايد أعوفه جان دزيته الكم لوحده ما جبت ابني واخوي وامي واجينا وياه
سيف من بعد اذنك عمي قبل گلشي وقبل الحساب والحق أريد ابنك يحجيلنا السالفه كلها هي صعبه عليه صعبه واكلت تبن وسگتت واخلاقي ما تسمحلي اتجاوز واهين.
حارث أبو ك?م أحجي العندك.

عصام ما عندي شيء أحجي المحادثات عدكم وأحكموا اذا اني غلطان اخذوا حقكم مني واني ما أبيع عائلتي واركض وره المتزوجه لو رايدها جان اخذتها من أولها ليش هي على ذمه رجال اني هم عندي عرض وشرف وعزيز عليه اني مو تربية شوارع وبنت عمي ما عندي شيء وياها.

سيف أنتَ رجال ما تنعاب ميخالف اجي وياك وتربيتك خوش تربيه بس الغلط منك ضليت مستمر تحاجيها وأنت رجال وهي مره وكلنا ندري النسوان تغلبهم عاطفتهم ومشاعرهن ومره وانغلب على امرها وعاطفتها أنت شنو عذرك رجال يحكمه عقله ام روان غلطانه ما اكولك ما غلطانه بس اساس الغلط منك أنتَ ضليت مستمر تحاجيها اجتك مره ومرتين جان تكدر تطردها وتحظرها جان نصحتها جان بلغت أخوها حارث ليش بقيت تحاجيها وعاجبك الوضع اني شفت المحادثات كلها تسألك تجاوبها بإريحيه يعني أنت ماخذ راحتك بالمراسله وياها.

عصام نهض ودك على صدره قوي هذا هو يابه اني الغلطان وحقكم على?اسي واني اتحمل بالسالفه كلها وبنتكم شريفه واشرف من الشرف وتربيه زلم واني العايب والمعيوب.

كمال وأني هم اعتذر منك واللي تريده يجرالك اني بخدمتك ابني وحقك علينا وادري السالفه صعبه ما تنحمل بس ما نريد السالفه تكبر واتطش بين الخلك والعالم تريدلها سالفه وتضل تحجي بيها والبنيه وسمعتها وأهلها وأخوانها وانت هم أبننا وسمعتنا عزيزه علينا مثل ما سمعتك عزيزه عليك والكدامك اني ولدي حاضرين ومتكعبين بالغلط والبنيه بريئه من كل اللي صار وانت سيد العارفين والحاكمين.

سيف هذا هو عمي أعتذارك مقبول والله عمي من اكعد على التلفزيون واشوف لقاءاتك اتباه بين أهلي وناسي اكول اني مناسبهم ما أخذ منهم مره هذا الزلمه الطيب عم مرتي بس عكب الشفته من ابنك ومرتي واللي صار وكفلي عقلي وأنت ابو گ?م تسوه عمرك ابوك بهيبته ومكانته اعتذرلي تسوه شواربك ورتبتك تتباهه بيها بين الناس تسوه عمرك يا عار
عصام رحمه الله والديك.

مروان رحمه الله والديك شنو وعليمن عار لك عليمن شوف لك لا عبالك شفت نفسسك شوفه علينا وروح جدي ابو الحسن اكلب الكعده دم واعدلك بالنظيف
لا عبالك اعتذرلنا الك وكبر?أسك واخوي ما غلطان وسگتنا عيب من الكاعدين ومو من شيمنا ورجولتنا نذكر النسوان بمجالسنا لن عيب وخزي على شواربنا
كمال مروان أكعد لا اكوم أكسرك اكعد
حارث مروان مروان اكعد
عصام مروان اكسر الشر ولا تفضحنا سيادته يحاجيك لخاطري اكعد.

مروان لعد شگو يتجاوز على أخوي ويضل ساكتله جان قدرت الكاعدين جان قدرت سيادته كام أعتذر منك ترجع تهين ابنه ليش اعتذار واعتذرنا وغلط وتكبعنا بي شتريد بعد تأكل?أسي.
كمال مروان اكعد لا أكوم اهينك.
مروان تأمر سيادتك.

فاضل أبني سيف أحنه ما نريد المشكله تكبر والفضحيه صعبه عليك وعلينا والسمعه مثل كلاص الماي بس ينگب ما ينلم واحنه انجمعنا بينا انت رجلها واخوي ولد اخوي وأبوها واخوان البنيه وجديتها مره جبيره يعني نريد نلمم السالفه ونوصل لحل بالحسنى وبهل الكاع تندفن السالفه كلها من كاعها وما تنحجي لا لطفل ولا لمره لن هذول الاثنين يكبرونها ويطشونها بين خلك الله وفهمك كفايه والاحترام مطلوب يعني ماله داعي تتجاوز على ابننا وتهينه كدام الكاعدين وهو يعرف الأصول واحتراماً النا ما ردك واحترمك لن حقك والله يا عمي حقك وأني هم أعتذرلك وعصام تقدم ابني اعتذر منه.

عصام أعتذر منك وحقك على?أسي
سيف كلامي مو وياك ويه الكاعدين
مروان هيييي ترى طوختها
كمال مروان لو تكعد لو تطلع برى
مروان بس سيادتك
عصام مروان گافي اخوي.
سيف هذا هو لهنا ينتهي الكلام وما عندي شيء بعد والسالفه أبلعها اسكت لن ام اطفالي واذا اريد اسكت مو لخاطركم ولا ل اعتذاركم ما يفيدني بشيء لن أبنكم الغلطان.

وسگوتي لخاطر ابوها وأخوانها لن ما الهم ذنب باللي صار وسمعتهم عزيزه عندي ما يهون عليه اكسرهم مثلما كسرتني بنتهم ومثلما دخلت بالحسنى والطيب اطلع بالحسنى والطيب
دزوها عليها ارمي عليها يمين الطلاك بحضور السيد وبحضوركم وأخذ اطفالي وياي وتنساهم وما تتداعي تطالب بيهم لا هسه ولا بعدين وتتنازل عن كل حقوقها ما الها عندي اي حق.
علوان هذا هو أبني يجرالك ورحمه الله والديك حارث كوم جيب سيد حسن بلغ اختك خل تجي.

اسيل سگتوا وحارث طلع راح يجيب السيد وحسن بلغها لبست عبايه وشال وبالكوه تمشي تعرج وكفت باب المطبخ ومروان طلع يدخن باوعلي وجفص على جگاره وسحگها بالكاع واجه السيد ودخلوا
دخلت وامي وياها وحسن كدامها كعدت بصف حسن ومنزله?أسها وسيف حجه وتم الطلاق وتنازلت كدام الكل عن أطفالها محد عارض لن يردون يسدون السالفه بدون فضايح.
وطلعت اخذتها امي الغرفه وكعدت ساكته وهادئه والجهال يباعون عليها وهي ما تباوعلهم واجه حسن.

حسن جمعي ملابس الجهال وجيبيهم ابوهم ينتظرهم بسرعه
اسيل امي دفعت حسن ودخلت عليهم الاستقبال كدام الكل ونزعت شيلتها وكامت تعيط وتدعي
جنان حسبي الله عليك انت ولدك حسبي الله عليك انت ولدك هجمتوا بيت بنتي واخذتوا اطفالها من حضنها باي حق باي قانون يكول اخذوا الطفل من حضن امه
الحجيه ولج انجعمي وسكتي فضحتينا.

جنان لا خليني افرغ قهري وبنتي لما ابنك لوعها وشلع گلبها هي ما تزوجت ركض ركض بس علمود تخلص من كلمة مطلقه وتخلص من ضيم اخوانها شبعوها ذل مهانه وضرب تزوجت علمود تخلص منهم ومن ضيمهم.

وبنتي حبت ابنك ما كفرت ما جرمت شسويلها ما كدرت تنساه ما كدرت گلبها يحبه تزوجت وخلفت وما نست وضحك على علقها شيطان وغلطت يا اسلام غلطت ما كفرت شنو محد يغلط بناتكم ما يغلطن ما حبن وعشگن وتمعشكن لو كلكم انبياء وبناتكم مقدسات بس بنتي مو شريفه وكسرتوا ركبتها وطلع منها ابو العريف شامخ وعينه عين الكحبه شيصير عليكم تنقص عماركم لو تنزل رتبكم عساها بحظكم وبختكم عساكم بحادث ما تطلعون منه غير ثرم.

يا عصام عساك بحركة گلبك على ظناك ومرتك عساها بالموت ان شاءلله تصبح ما تمسسسي يا اسيا ان شاءالله تصبحين ما تمسسين واتحنى بترابج
الحجيه الله ياخذج على هاللسان اكو ام تفضح بنتها أنتِ شنو من الامهات امشي فضحتينا وخزيتنا
طلعت مو البنت تحتاج تربيه لا والله الام يحتاجلها تربيه وكص لسان امشي اخذ امكم لا بارك الله بيكم فضحتونا.
حارث يمه كافي يرحم أهلج گافي.

اسيل طلعها وهي صدرها طالع وتصيح ودخلها الغرفه وصاح بيها
حارث شگووو دخلتي عليهم مو عيب منو رايد منج كلبج محروك على بنتج الادبسزز السكط جان ربيتها وعلمتيها الصح من الخطأ مو داخله على كومة زلوم وصدرج طالع وتهوبزين وتدعين عليهم وتغلطين مو عيب فوك ما تحملوا بالغلط واعتذروا من الرجال.

يعني احنه نطمم السالفه ونريد نسدها تجين انتي تبعرينها وتحجين بلسانج بنتي حبت وحنت وغلطت بدال تسترينها شبيج أنتي خبله يمه خبله
جنان كثر الله خيرك ابني عفيه عليك واكف ويه عصام على اختك بدال ما تسندها وتكوم تكسسره لا تتستقبله بالاحضان على خوتك انت هم اخ هم تنعد على الأخوان.

حارث اني اخ طايح حظي صخمتن وجهي ما خليتن إلى وجه بين ربعي وعمامي أنتِ وبنتج واستقبلته لن ابن عمي ربينا سوا واعرفه شنو من طينه طينته ولو اعرفه غلطان جان بساعتها من عرفت بالسالفه رحتله للبيت كسرته بس الغلط اعرفه وين الغلط بنتج الادبسزز كلها هذا واكفه ادافعين الها والله عال عاشت الامهات على هالتربيه تشجع البنت على الغلط بعد وبعد.

اسيل عافها وطلع وجديتي اسمعها تحجي على امي ما راضيه وحسن اخذ الجهال ويتصارخون على امهم وهديل كاعده ما تحركت بس صافنه وامي ملخت نفسها وراهم تجر بيهم وتبوسهم وتحضنهم وحارث وحسن يجرون بيهم واني ويه امي روان مجلبه بيه وتصرخ وتنكز.

روان بيبي ما اروح ما اريد اروح خليني يمكم بيبي اريد امييييي اريد اميييي خاله كوليلهم ما اريد اروح خاله اسيل فدوه كوليلهم كولي لرجلج خل يحجي ويه بابا يبقيني يم امي والله عماتي يكتلني والله يكتلني ما اريد اروح ما اريد.
اسيل طلعوا الزلم كلهم بس سيف ضل واكف بالطرمه وهو واخواني وحارث مشه وياهم وصلهم للباب روان حاضتني وشابكه بيه من رگبتي وتصرخ وتنكز من القهر فرفحت صوتها شال البيت شيل.

وحمزه عادي شويه بجه وراح على ابوه بس روان ملخت نفسها سحبوها مني وتتوسل بيه.
روان خاله فدوه لاتعوفيني خالي حارث فدوه حاجي ابويه خليني اضل يمكم خالي حسن جدي بيبي.
اسيل حجوا وياه حاولوا يقنعوا ما اقتنع اخر شيء ضربها راشدي واخذها سحل من شعرها وحارث يتوسل بي يعوفها.

حارث رحمه على اهلك عوفها طفله ما الها ذنب روحها بامها عوفها سيف لك گلبك ما يحترك على بنتك متشوفها راح تنكز وتموت روحها فرفحت يا اسلام يا دين محمد طفله مالها ذنب لك عوفها.
سيف وموتت الماتوا امشي لج انعل ابوج لابو امج الادبسزز امشي لا اكسرلج امشي الله ياخذ امج طيحت حظي وحظكم فضحتني خزتني ربي فدواتك شمسسسسوي بدنياي انفضح هيج فضيحه.

روان خالي حارث خالي لاتعوفيني اريد اميييي اريد امييي يمه اني احبج يمه ولج يمه ليش ما ودعتيني ليش عفتيني يمه يمه يمه.
اسيل وراحوا وصوت صراخها بأذني وكعد ابويه بالطرمه يبجي عليهم وامي تعن لازمه بيدها لعبتهم ونستله روان بيدها مأكلتها عالنص.
جنان يمه روان يم حمزاوي يمه يروح بيبي يمه حركوا گلبي وگلب امكم يمه سوده بوجهي عليكم ضليتوا على ايد النساوين.

اسيل كعدت يمها وابجي وياها واخواني واكفين ونسرين من صارت سالفه حسن قفل عليها هي والجهال وبلحظات امي فزت ومسسحت دموعها وكامت
جنان لج هديل الا اشرب من دمج لج هديل اليوم اشرب من دمج لوعتي جهالج وراج ولج أدبسززز.
أسيل ركضت وراها دخلت على هديل على كعدتها وصفنتها وتقربت جرتها من شعرها وتضرب بيها
وتحجي وتبجي.

جنان محد حب وعشك بس أنتِ حبيتي وعشگتي على عصام متي على تراب رجليه ليش عفتي وهسه خنتي زلمتج وكسرتي رگبتج ولوعتي جهالج وراج ولج شنو من ام أنتِ ما كمتي ودعتي جهالج خليتي روان تصرخ وتريدج وتنكز وروحها مفرحفه عليج ابنج يكبر ويتزوج ما يهمه الولد ينسى بس بنتج خليتها على ايد النسواوين يضلن يكفخن بيها يسونها خدامها لجهالهن باجر سيف يتزوجها ويخلف وينساج بس هي منو ينسيها إلى صار منو يسد مكانج بگلبها منو يطبطب عليها كسرتي بنتج من ورا گلبج يا ادبسزز يا ساقطه شعبالج تاخذين عصام يزوجج اله لج الرخيص محد يگلبه انتي رخصيه رخصتي روحج ورخصتينا وياج موت الكرفج وخلصني منج كافي عليه لوعة جهالج.

اسيل احاول اخلصها منها دفعتني قوي وكعت على بطني وتأذيت وعبالك شيء انفجر بطني ويا ما كمت شيء مثل الكيس طك ونزل شيء حار گبل ركضت الحمام وقفلت الباب واسمع صوت حارث يحجي وياها
حارث خلص عوفيها كافي تحركين بدمج عوفيها امشي اليوم تروحين وياي تعالي لبيتي ما جايز منج امشي اقيس ضغطج يله تعالي اسيل وينج اسيل جيبلي عبايتها اسيل
أسيل رفعت ثوبي والدم ينزل بكثره وبطني توجعني.

كمت اموت يارب شنو هذا هاي مو شهريه وين اكو هيج دم لشهريه وهالكثر والوجع راح يموتني
توني دنگت على البوري اغسل واني دنكت
حسيت شيء انفجر مره لخ بط من داخلي ونزل دم بكثره.