رواية بين قلبها وعينيها كبرياء للكاتبة شمس العراقية الفصل الخامس عشر
أسيا
فتحت الخط وأجاني الصوت
الو حبيبي
جاوبتها حبيبج! كبل قطعت الخط ضليت صافنه بالرقم ودمعتي نزلت بحراره لسعت گلبي قبل خدي بالگوه لازمه التلفون رجعته بهدوء وحيلي يرجف أريد اوصل الجريايه اسند حيلي وأتقبل الصدمه.
وصلت وتمددت وجسمي برد مثل قطع الثلج وذابت وشيء بداخلي سكن وهدأ بعد الغضب المحتم والمعارك العارمه شيء بداخلي توقف عن الصراع هدأت نفسسي وفرغ عقلي من جميع الافكار وتيقين گلبي من جميع الشگوك هسه ثبت أنُ اني مو مريضه ولا شأكه عبث ما اجاني الشك من دون سبب.
بقيت هادئه وأتصرف طبيعي وياه ولا كأنما اعرف شي عن خيانته الحقيره حبيبج وأني اهل اهلي مشتعلين بسبب حبي وغيرتي عليه زلمتي وتعبت وتحملت كلشي وبالاخير تجين على الحاضر ويصير حبيبج من حبتج حيه ام رأسين.
أنفتح الباب وطلع يغني ويه روحه اي غني شگو عليك متونس بالحب الجديد وماخذ راحتك لا هم ولا غم وشك ونكد من أسسيا.
باوعتله لبس ملابسه وكف برتب بروحه ويعدل بشورابه بالمقص كاشخ على? أخر حبايه خلص وسحب تلفونه كام يگلب بي باوعلي گبل صديت نظراتي لغير مكان.
تقرب لي وخله ايده على? كصتي اريد اعيط بي بس تمالكت نفسي الزم عليه دليل وأني اعلمه الا اشرب من دمه على? كل كلمه يحجي بيها وياها.
مشه وسمعت صوت الباب انرد طلع ل برى نهضت بتعب وطلعت اشوفه وين راح سمعت صوت سيارته باوعت طلع لازم عندك طلعه مهمه ماشي يا عصام جاي تتنقم مني بهل التصرفات والكل يلومني على? خبله ومرتك عقلها طگه ونص ما يدرون ابنهم الشريف العفيف شمسوي بعمره بس ماششي وبسيطه.
أزهار.
اروح لدوامي واجي عادي نفس الروتين أما هشام علاقتنا تزهو بالحب وحياتي تلونت بألوان الحياة صار إلى واهس لدنيا كلها حبيبته بكل صفاته وقابله وراضيه بي دام يجمعنا حُب.
بالدوام وأفكر بي دزيتله رساله هلا حبيبي
هشام هاا عيني
شو ماكو مو بالعاده
بالكراج وصارت مشكله يعني
خوما تعاركت
لا مو صاحب مشاكل بس اكو بشريه ما تفاهم كواويد يطلعونك عن طورك كوه كوه عاملهم بالقندره حشاج
ميخالف حبيبي تحملهم.
فدوه اروح ل حبيبتي ال تخفف عني همي جعل هالهم يخف بحضن المج وتلميني
أبتسمت وما جاوبته
فدوه ل الخلقج اموت على خجلج
حبيبي
هاا حبيبي
شنو الخلاك تحبني
خشمج وكبريائج الما حد
بس هاي الصفه ما تنحب
أني حبيتها وتولعت بشراره حبها أحب الثكيل
فدوه لحبك
فدوه ألج حبيبتي بعد ساعتين وينتهي الدوام واجيج
اي
مشگلتي ما جاي أشبع شوف ومناظره من هالعيون.
اباوع لرسائله ومبتسمه ورفعت رأسي رشا تباوعلي بحقد عفت التلفون على? صفحه وهي تقدمت وشكلها ما ناويه على? خير
رشا على? الخير مبين عليج متونسه على? حساب أذيتي ونار گلبي متطوره الامور بينكم ما شاءالله تدرين اللي يشوف أبتسامتج ووجهج المورد ما يكول حبته من كم شهر لا كولي علاقتكم اقدم من هيج يمكن من جنت احجيلج عنه جنتي تحبينه وتبيعين ثكل وشرف ومثاليات ب?اسي طلعتي داهيه ياما تحت السواهي دواهي ينخاف منج عمي.
ازهار رشا احترمي نفسج والمكان البي والزمج حدودج بالكلام عيب عليج هالحجي مهما يكون جانت بينا صداقه وايام حلوه لاتخربينها
أخربها ليش شضل منها ومنو خربها شو هواي عايشه الدور ومتمكنه بي بابا ترى أنتِ غلطتي بحقي وغلطج جبير وما ينغفر ولا عبالج أنساها الج ونار گلبي عساها بحظج وبختج على? الحاضر والمستريح اخذتي بدون وجع گلب.
ما أخذت احد هو من يومه لابسج وما باوعلج ولا املج بنظره على? شنو كاتله نفسج وساحله نفسج وراه وواكفه تحاسبيني هيج گلبج محترك روحي حاسبي وسألي شگو ملاحكتني اليه والله خوش
هذا حجيج وتحجين بكل ثقه وما خايفه من احد
شنو هالحجي شتقصدين؟
سهله ازهار واللي صار بيه ارجعه الج أضعاف
مشت وصحت وراها شتقصدين؟
أقصد اللي اقصده الج العين التنظر الا اطلع هالحب من بين عيونج يا أزهار بنت العز والشرف يا ساقطه.
أشرف منج ومن أمثالج احجي عدل لا اشوهلج خلقتج يا تافهه ومنحطه شيطلع منج مثلاً ومع الاسف على? الايام الجمعتني بيج وكل ساعه كظيتها ويه هيج حثاله وزبايل وسخه وما تكول كلمة ساقطه الا الساقطه تقربت وحجت بكل حقد متغلل بداخلها
ماشي ازهار من عيني مثل ما اخذتي هشام مني وعشتي قصة حب? حسابي الا اخذ ابوج من حضن امج واحرك گلبها وگلبج وأخلي هالحب هذا شلون يتم.
تعالي ولج شهل الكلام الخايس مثلج يا خايسه ابويه شدخله طلعتي أنتِ اللي تتصلين عليه مو سبحان الله الكوكب كله حذرني منج وما اهتميت ولا سمعت من احد لن جنت اكول صديقتي ما تغدر بيه بس طلعتي صديقه حقيرهه وصلت بيج المواصيل تتتقمين بيه ب بابا من عابتلج أنتِ وشكلج عبالج بابا يباوع ل أمثالج يا قذره.
اي ليش ما يباو? مو هو الاخذ امج غصب عنه وحده عجوز وبس تنك شيسوي بيها وهو اشب من الشباب واني اولى بي والايام بيناتنا والج العين التنظر سهله يا أزهار.
مشت وحركتني حرك الحقيره طلعت مخيله على? بابا ومخليته برأسها واني الثوله والارعنه وثقت بيها واعتبرتها أخت قبل الصديقه وأمنت بيها وحجيت الها اسراري وعائلتي وبيدي صعدتها سيارته واخذتها لبيتنا أشسويت بيج يا يمه يا خوفي تسويها لا لااا مستحيل ما تكدر بابا أكبر من هالشيء ختولي هاي شنو وحده ساقطه الله ياخذج يا رشا.
كعدت دمي محترك روحي ذابت وصخنت واعصابي قبطت على? گلبي بينما خلص الدوام طلعت أول وحده جانت شايله التلفون وتحجي وتضحك كأنما تكولي جاي احجي ويه أبوج!
معقوله بابا يسسويها وهالساقطه تضحك على عقله لا لا بابا ما يعترف بهيج نماذج تعبانه وذابه نفسها هالذبه بابا عزيز نفس ويحب النفسه عزيزه ما يروح لرخيصات لازم اتأكد من گلشي وابعد هالسوسه عن عائلتنا كبل لاتعم الخراب بيها واني اكون السبب لن رافقت هيج نماذج بأعتبار الصداقه يربي حتى الصديق صاير ما يتأمن بي ياكل من زادك وبعدين يغدر بيك.
صعدت وسلمت بعصبيه حسسوا عليه مو تمام باوعلي ويحاجيني بعيونه شبيج شصايرلج غمضت عيني يعني بعدين نوعاً ما فهم، وصلناهم وباوعلي بالمرايا وگال
هشام شبي حبيبي ضايج
أزهار هشام واكعه بمشكله
شنو هي گلبي
حجيتله گلشي وضرب الاستيرن وعصب بالزايد
بنت الگلب هالساقطه سحلت نفسها سحلة الچلب وبالاخير ما لكت الأ الابوج بس خل تطبخ حصو عمي مو مال هيج سوالف مزعطه
أي والله بس اخاف تلعب بعقله.
رجال عسكري وفاهم الحياة لاتخافين ما تاثر بي هيج نماذج تعبانه واذا تردين ترتاحين وطمنين گلبج تاكدي ولو اني متاكد ما تكدر تسوي شيء
الله يطمن گلبك والله شغلت بالي
الله لا يشغلج بال حبيبي عادي تصير مواقف وتبين معدن الشخص وهالساقطه بين معدنها خايس ومزنجر علمود تاخذين حذرج وما تصادقين كل وحده ولا تثقين باي شخص ديري بالج منا وهيج
أن شاءالله وصلنا وطبك السياره يله باي
في امان الله.
دخلت بيتنا وسيارة بابا موجوده ومروان هم نازل بس عصام ما موجود دخلت عليهم لكيتهم مجموعين وبابا منطلق ويضحك ومروان ناصب عليهم مرحبا شلونكم
كمال هلا بابا الحمدلله
مروان بدلي وتعالي ترى انحمسنا حمس من الجوع
أزهار دقايق واجي تقربت بست بابا اشتاقيتلك
وصال بس لابوج تشتاقين
كمال امج كامت تغار من عدنا غوريها غوريها
أزهار حقها تغار زلمتها وشمعتها وخيمتها وابو بيتها
كمال الله يخليكم إلى بابا.
أزهار مشيت وامي غمزتلي شگو خطيه كبل حست عفتهم وصعدت غيرت ملابسي ودزيت رساله ل بابا اريد احجي وياك بموضوع لوحدنا شوكت عندك مجال
كمال كولي بابا شصاير وياج احد مضايقج
أزهار اي وسالفه شاغله بالي محد يحلها غيرك
ولا يهمج نتغدا ونحجي
ماشي حبيبي عفت التلفون على? الشاحن وتمددت وسمعت صوت مروان
مروان ديله عاد وين صرررتي
أزهار أجييت نزلت مروان عينه بالتلفون متكولي شبيك مستعجل منو راكض وراك ما نشوفك بهل البيت.
مروان عندي شغل ما احب كعدة البيت سيادتك اني اتغدا واطلع للمعرض هم تجي
كمال لا بابا اليوم ما اجي تعبان واريد ارتاح
مروان على? راحتك
أزهار ناكل ويحجون على? الدوام والشغل كملنا وامي صبتلهم الجاي واني شطفت المواعين على? السريع واجت اسيا خلت الصينيه ومشت أسيا شبيج
أسيا تعبانه رايحه انام
أزهار صايرين ما نشوفج كله نوم
تعبانه ولازم ارتاح من رخصتج
علي? راحتج وعصام وين
طلع ما اعرف وين راح.
مشت بتعب وبابا هز رأسه بأنزعاج وباو? لامي
كمال عصام وين مولي
وصال طلع
ناوي يجلطني هالولد ليش هيج مسوي بالبنيه وهي حامل وتحتاج مدارات شو مستجلب هالايام
هما من يومهم هيج يتزاعلون فتره ويرجعون وتعرفه ما يحب احد يتدخل بحياته
أزهار يحجون واني ما شاركت لن الطرفين غلطانين مروان شال السويج والتلفون وطلع وبابا مشه للغرفه ولحكته بابا اريد احجي وياك
كمال گولي بابا
أزهار مو اهنا وما اريد ماما تسمع حديثنا.
خير ان شاءلله شصاير بابا امشي
مشينا ورد الباب وراه بابا ما اعرف شلون احجي وياك بهل الموضوع
گولي بابا اسمعج
أنتَ تعرف صديقتي رشا
يا رشا
هاي وياي بالدائره ومره عزمتها للبيت على? الغده تذكرتها مو
هاا اي بابا تذكرتها واجت تشكرتني بوكتها ليش شبيها
موخوش بنيه
ليش شبيها احجيلي بابا
حجيتله گلشي وضل صافن بوجهي اني كلني ثقه بيك بس ما معلوم منها شتسوي كلت احذرك منها.
صدك تحجين بابا وحده زعطوطه وزباله مثل هاي تاثر بيه وجايه تحذريني منها شنو ما تعرفين ابوج شنو ومنو اني رجل عسكري والعمر اله دور هالنماذج ما اشتريهن بكشر بصل صحيح علاقتنا اني وامج مرات انزعج وأعصب عليها بس الشاهد الله احبها وأعزها لن دره ثمينه وبنت بيوت وعز وشرف وأهلها تعبانين بتربيتها ورشا تروح فدوه لأظافر امج
بعد روحي
وهاي الادبسزز اشلفها من الدائره وانعل والديها.
لا بابا عوفها ختولي انوب تسويلنا سالفه ما ناقصين مشاكل
وأنتِ ليش خايفه واني ابوج باتصال واحد انهي امرها واكعدها بالبيت واعلمها بيمن تندك وتخلي راسها ويامن
لا ختولي أحنه أكبر من هالشيء
ديري بالج لعد منها وابتعدي عنها واني هالايام أخلص شغلي والتفت الها لو انقلها لو أنقلج لغير دائره مهم ما اخليها حواليج بنت الگلب
ماشي بابا حبيبي بوسته شكراً لتفهمك.
ولا يهمج باباتي يله رايح انام وارتاح ولاتجبيين طاري لامج وتضل تخاف وتوهسس على شيء تافهه من ورا منحطه وقليلة تربيه
لا أبداً
سبحان الله اول ما دخلت بيتنا امج ما ارتاحت الها وحجتلي عنها بس شمدريني تطلع خسيسه الناس انجاس يله زين انكشفت على? حقيقتها وانتبهي لنفسج باباتي بنيتي الاحبها
أن شاءالله بابا راح واطمئنت وأستبشرت خير صعدت الغرفتي وراسلته كلامك طلع صحيح بابا أكبر من هالشيء.
هشام أبوج رجال معدل خوش زلمه لاتخافين عليه
أزهار اي فدوه لطوله
مبين تحبين ابوج هواي
هواي كلش هواي بابا هو بطلي بهل الحياة احبه واعزه اكثر ما تتصور صديقي وحبيبي ودنيتي كلها
الله يحفظكم لبعض? فكره أنتِ وأبوج تتشابهون نسخه طبق الاصل
شلون يعني
بگلشي ب لغة الحوار المشيه الخشم اليابس والتعامل الكبرياء شيء أساسي بشخصياتكم كلكم من ابوج لاخوج مجد
أي كلنا طالعين على? بابا بس عمار يشبه امي
الله يحفظكم
ويحفظك الي.
ياروحي أكول حبيبتي
گول گلبي
اليوم حجيت للوالده عنج وهواي فرحت وحبتج گبل لاتشوفج
أمك يا عيني
أي والله وكالت أستعجل لا تطير هالطيره من أيدك لن اول مره تشوفني فرحان وحست بيه مرتاح وياج
دمعت عيني وجاوبته أحبك انت وأمك
وأحنه هم نحبج
عمري
أزهار.
هاا عيني
أهلج يوافقون اذا اتقدملج
ما أعرف
ليش ما تعرفين محد متقدملج قبلي علمود على? هالاساس تعرفين.
بلي من خلصت دراسه تقدملي صديق عصام ضابط بس بابا رفض كاله بعدها صغيره مو مال زواج ومن يومها سدوا الموضو? وابن خالي شاهين هم تقدملي بس رفضته
هاا ليش رفضتي
هيج ما نتوالم اني وياه
اكدر اعرف
هو من بيئه واني من بيئه الفرق شاسع بينا عقليته تختلف عني بهواي امور
ليش من وين هو
ساكنين بالريف وبيوت طين وزرع وحلال يعني هالامور
ورفضتي لهل السبب
هواي أسباب واولهن ما ارتاحله گلبي انسان متحكم
خير أن شاء الله
ليش سألت.
أحتمال اني هم انرفض مثله ل اسباب
بس اني احبك مو مهمه عندي الاسباب
والفرق الطبقي البينا ما اعرف اذا أهلج يوافقون على? زواجنا وبالاخص أخوانج مبيين انفه وخشومهم عاليه وحتى بالدوام هيج
منين تعرفهم بالدوام
ابن عمي ضابط وياهم وسألته عنهم
اهاا تمام لا ان شاءلله يوافقون المهم اني موافقه
أتقدملج وشصير خل يصير
مو عبالك بعد وكت علاقتنا ما صارلها كم شهر.
من تطول محلوه وأني رايدج بالحلال ما اريد اخسرج تجين يمي وتعرفين شكثر احبج الزلم لو حبت بأفعالها واني زلمه رايدج مريتي
أبتسمت وجاوبته واني موافقه
موافقه على? گلشي ظروفي وحالتي الماديه يعني هواي أمور تتغير بحياتج ولازم أخليج كدام الامر الواقع أنتِ مدلله وبنت عز
عادي حبيبي
شوفي حبيبي أني وحيد أهلي تعرفين هالشيءمو
اي اعرف
شتحبين تعرفين بعد
أحجيلي عن اهلك.
أمي مريضه من بعد أختفاء ابويه واخويه الجبير وراهم تمرضت وعندي أخوات ثلاثه وحده سادس أعدادي وحده كليه مرحله ثانيه وأختي الجبيره أيمان ارمله عدها أطفال اثنين كلنا كاعدين بيت واحد واني المسؤول عنهم وعن عيشتهم يعني كلهم بركبتي
بقيت ساكته
انصدمتي مو
لا عادي
أحجيلي أزهار
شحجيلك حبيبي
أني رايدج والشاهد الله وخليتهن كدامج وحده اثنين
عادي حبيبي شگو بيها اعيش وياكم حالي من حالكم
هاا
اي والله.
بنت أوصول وأن شاءلله ما اقصر وياج وادللج فوك دلال أهلج وازود
يكفيني حبك اليه
ياروحي أن شاء الله ارتب اموري كلها واجي اخطبج.
علي راحتك گلبي.
. يله حبيبي لازم اروح من ارجع احجي وياج.
أخذ راحتك حبيبي راح الله وياه ضليت خايفه وكعدت اقارن بيني وبينه على? الرغم حبه افرض من هالاشياء بس اكو اختلافات كثيره بيني وبينه يا ترى يوافقون اهلي واذا عاندتهم وتزوجنا شيصير كومه افكار تربعت بعقلي ودخت هواي أخر شيء وصلتني رساله منه كأنما عارف بشنو كاعد أفكر
هشام خليها على? الله هي تدبر دام أنتِ موافقه وراضيه مو مهم عندي الباقين المهم أنتِ حبيبتي.
أزهار فدوه الكلبك هاي هيه گلبي عفت التلفون على? الشحن ونزلت ولكيت عصام موجود ومخبوص بكرم جايبله سياره ويعلم بي عفتهم ورحت على? أسيا اشوفها من زمان ما حاجين اني وياها دخلت الصاله نظيفة تلمع والغرفه كذلك وهي ما موجوده بس صوت الدوش مشتغل اسيا جاي تسبحين.
أسيا اي هسه طالعه
أزهار انتضرج لعد كعدت انتظرها شوي وطلعت كوه تمشي الحمل متعبها هاا شلونج
أسيا زينه تمام وأنتِ.
الحمدلله شخبارج أنتِ وعصام رفعت شعرها تريد تسشوره وركبتها بينت كدامي عزا شنو هالحجي
شگو شبيج
ركبتج ما شفتيها بالمرايا شگد عيب
بلي شفتها
جاوبتني بقهر ولج شويه استحي وكولي أني حديقه
تلحكين على? هالسوالف شلج بيها
خرب بغيرتج أسيا، هسه يعني متراضين
يعني
دام تراضيتوا لعد شبيج كوه تحجين
هيج ما بيه شي
عبالي احجي وياج بس الظاهر مزاجج مو تمام
اي والله كلش موتمام
دام تراضيتوا شگو بعد رادت تحجي ودخل عصام.
عصام كرم جوعان طكيله بيضه وكلاص حليب
أسيا هسه أمشط شعري وأسويله
أزهار من رخصتكم طلعت من يمهم ورديت الباب وراي وسمعت صوته وهو يغازلها
عصام حبيبي ليش سبحتي مو گتلج انتظريني
أزهار طلعت من يمهم اسيا مو طبيعيه دام يحبج ورضاج بعد شگوو ياعيني مشتريه وجع الرأس لنفسج گوه الله يصلح حالكم احسسن شي.
أسيل
مرت الايام ومروان ما رفع الحظر وحياتي بهل البيت مثل الخدامه غسل ملابس ومواعين وطبخ وتنظيف انوب نسرين حملت وتتوحم ولعبتها لنفسي بس مجطوله بفراشها واسيل جيبي الاكل اسيل اخذي الاكل اسيل عينج على? الجهال أسيل غسلي ملابسهم على? ساعه أشيل راسي باليله ما بيها ضو گمر لعبوها لروحي مو وضعيه قسم بالله.
صعدت غرفتي جريت التلفون وشفته لحد الان محظوره لابسني ولا معبرني لو يريد جان رفعه الحظر بس هو عاملني معاملة العاهرات واني مصخمة الوجه كاعده اتأمل على? الفاضي يله شگو ورانا
وبهل الاثناء راسلتني تقى ردت احجيلها بعدين تراجعت وكلت لا انوب تروح تحجي لاهلي لن متوقعه منها راح ترفض وخاصه اذا عرفت طريقه كلامه الحجه بيها وياي لا ما ادخل احد.
أنتظرته أسبو? وتالي رحت سويت حساب ثاني وراسلته كتبت اله ضروري احجي وياك بلكي يجاوب عباله شي مهم.
مر يوم كامل وهو ما مجاوب رجعت دزيتله لايك مرتين ورا بعض وشافها واخيراً كتب
مروان نعم
أسيل شلونك
الحمدلله منو أنتِ.
معجبه بيك
اي وشتردين
ما اريد شيء
شنو تعرفيني أنتِ
لا ما أعرفك
لعد منين أنعجبتي بيه؟
من حسابك شفتك وانعجبت بشخصيتك
اهاا
اي والله
حاجين قبل
ما فهمت
حاجين اني وياج قبل هالمره
لا هاي اول مره
جذابه
علي? شنو اجذب.
أنتِ نفسج راسلتيني قبل فتره
لا متوهم أحتمال غيري مبين عندك هواي معجبات ويراسلونك وكمت تخربط
اي بس اعرف الشخص من يراسلني من اول مره متاكد أنتِ نفسج لاتغشمين نفسج مو عليه هالدروب كولي اني وفضيها
لا مو اني
راح اركعج بحظر اذا ما تحجين وانعل والديه اليجاوبج بعد
ليش بسرعه تتعصب اني ما حجيت شيء يخليك تنفعل.
بس اريد اعرف وين تردين توصلين قبلها سحلتي نفسج وحظرتج وهسه هم جايه بغير درب شسالفتج يا بنت الناس من وين أنتِ؟
شبيك لزكلتي بابا اول مره اراسلك
يابه دروحي
لااا لااا اوكف
هاا شگلنا
أي أني
ليش سويتي حساب ثاني
لن أنتَ حظرتني
لابستج بصطالي هم مو بس حظرتج
ميخالف
هيج واصله مرحله
مرحله شنو
هيج سلامتج وهسه الحظر شلون تردينه افشرلج لو انسحاب تكتيكي
ليش تحظرني ما مسويتلك شيء
ما عاجبني احجي وياج.
بس اني عاجبني احجي وياك حتّى لو نكون أصدقاء
أنتِ لوتيه وين اكوو صداقه بين رجال وبنيه لازم مصادقه قبلي وترديني صديق، لا الظاهر الوضع منزوع عندج
لا والله وغلاتك بگلبي ما حاجيه ويه احد بس أنتَ
وشلون أصدگج على? گلن ما يهمني روحي بابا مالي خلگج
امانه لاتحظرني
ساحله نفسج مثل الجلبه على? شنو
لن أحبك
عابت هيج وبلت أهلج وين
شعليك من أهلي
يله عندي شغل
ما تحظرني
لا
كول والله
كتلج لا ولاتلحين زايد.
تمام اخذ راحتك شافها وما رد عليه، دخلت على حسابه وضليت صافنه بصوره واتمعن شوف بيهن وشفت التعليقات جذبني تعليق بنت كله تعليقاتها قلوب وهو راد عليها بقلب أكيد هاي حبيبته شفت كل التعليقات وانطيت اعجاب ونفس اللحظه اجتني رساله منه
لاتعلقين على? صوري
ليش ممنو?
اي ممنو?
تمامم مثل ما تريد
شنو طول الوقت فاتحه أنترنت؟
لا حسب مجالي
اهاا تمام.
جان فاتح نت واني صافنه بالمحادثه وتالي خرجت منها على? صوت امي تصيحني عفت التلفون اي يوم اجيت
جنان متكليلي شوكت تشبعين من هالنوم نزلي غسلي الحوش وسوي عشه أني رايحه بيت أخوج حارث اذا ما اجيت صبي العشه وتعشوا وغسلي المواعين وعينج على? جهال اخوج
اسيل بعد أكو أوامر ثانيه
جنان أنجبي غصباً عليج تشتغلين هذا بيت ابوج يله لاتلهيني رايحه ونزلي ورايه مو ترجعين تنخمدين اصعدلج انعنع عظامج واطلع هالنوم من خشمج.
اسيل لبست عبايتها ومشت الله يدري شوكت ترجع اكيد اسماء لكت جذبه من جذباتها وعبرتها على? امي
وكالعاده الشغل يتكربس برأس أسيل نزلت نظفت البيت كالبينا مسوينا مزبله ولا يجرن جاهل ولا يعلمن ويربن
كملت غسل وسويت عشه مخمله وتعشوا وغسلت المواعين ظهر ما ضل عندي واجه حسن
حسن أسيل عيني سبحي مصطفى ومرتضى امهم تعبانه وريحتهم تكتل.
أسيل ماشي جابهم عليه واخذتهم سبحت وبدلت وطفروا على أهلهم وباوعت ملابسهم شمرتهن بالغساله بزعت قسم بالله ظهر ما ضال عندي راح اسكط.
فرشت لابويه بالاستقبال وعرفت امي ما تجي تبات هسه تجيني طنطل غاسله عقلها غسل بقاصر وتايت
كملت گلشي وصعدت لغرفتي وتمددت وجريت تلفوني دخلت على حسابه فاتح نت راسلته دزيت قلب احمر
مروان شتردين.
أسيل ما اريد شيء مجرد قلب ورسلته شبيك متحمل عليه وگوه تحاجيني كاتله أهلك لو شنو السالفه بالضبط.
بعد تعالي اخذيلج راجدي
لا شعندي اني مو مثلك
وشتعرفين عني مو مثلي
مبين من طبيعه كلامك انفه وخشمك عالي
شعليج روحي بابا.
ما جاوبته بس نار بصدري من وراه تجاهله وقساوة كلامه وبروده بالردود شفته نشر منشور محد معلق انطيت اعجاب وعلقت بقلب احمر بقيت اراقب التعليقات كلهم جماعته علقوا اله وشوي واجاني اعجاب لتعليقي من حساب وبهل الاثناء اجتني رساله على? الخاص من نفس الحساب انطتني أعجاب فتحتها
شوفي لج لو تصيرين ورا الشمس انبش اهل اهلج واطلعج أنتِ وخيستج يا ساقطه!