رواية بين قلبها وعينيها كبرياء للكاتبة شمس العراقية الفصل الثاني والخمسون

رواية بين قلبها وعينيها كبرياء للكاتبة شمس العراقية الفصل الثاني والخمسون

ازهار من رجعنا بيت أهلي وأني كلني فخر وأفتخار وصلنا البيت هو راح عليهن بعدهن كاعدات واني بغرفتي وطلعت للحمام بايدي سله صغيره مخليه بيها الغسولات وفرشتي ومعجون الاسنان وقبل لا اروح الحمام سمعتهم يحجون بينهم.

أفراح يعني أنتَ ما حسيت بيهم وعرفتهم متعمدين يستصغرونك ليش من البدايه ما تقبلونا ولا رحبوا بيكم بينهم شمعنى هسه يله توضحت الهم الصوره شنو شايفين علينا وهيج شالوا خشمهم عليك وعلينا من البدايه وهسه يله تذكروا يعني السالفه مو بيها النا.
صبا كلام افراح صح والله يا خويه هيج ناس المفروض منك ترفض عزيمتهم لن عيب عليهم شنو قابل أنت جوعان.

الحجيه كافي بس تحجن سكتن وانتن شعليجن بيهم يمه هشام ما عليك من حجيهن خيولن الناس ما بيهم كل عيب شكو بيها عزموك انت ومريتك نسيبهم وبنتهم كثر الله خيرهم.
افراح وليش ما عزموا الكل ليش بس بنتهم وليش من تزوجوا عزيمه عرسان ما سوا الهم وكلما يروح يبقى يم الباب محد يطلعله عبالك مجدي بابهم.

هشام افراح كصي لسانج لا اعدمج كافي بس تردين مشاكل وتنبشين سوالف قسم بالله اذا سمعت بيج مره ثانيه تحجين لو تسمعين ازهار كلمه عنها او عن اهلها اشيلج واركعج بالحايط واطشر مخج واخلص منج ومن مشاكلج كافي.

افراح لا مو كافي جبتلنا وحده مو من مستوانا تتننطز علينا وتتباهى بنفسها وبلسها واهلها وهيج جبت من اهلي وتسوي روحها كدامك ملاك ونازل من السما وخوش مره تجيب فواكهه وحلويات تمنن علينا علمود نشتغل بمكانها وهي حضرة جنابها تضل نايمه لظهاري.

صبا لعد عليك الله تراضاها جابت النا ملابس نسوان اخوانها مستعمله وشمرتهن علينا واحنه نفسنا عزيزه يا يوم لبسنا ملبوس وانت تكصص من لحمك وتبلسنا جديد تالي ما تالي ازهار تشمر علينا ملابس نسوان اخوانها وهنا متزوجات واحنه بنات بيت تراضاها اذا تراضاها هذا هو احنه نسكت.

سجى اي حتى ملابس مال متزوجين وهاي إيمان اسالها مو كلهن مستعملات عليج الله مو شفتيهن ونصهن طلعتيهن كلتي لاتلبسهن انتن بنات بيت مايصير تلبسنهن حرام.
هشام أيمان صُدك هالحجي اللي گالنا البنات
الحجيه لا يمه ماكو هيج شيء ولجن سكتن غضب على يومجن شلعتن كلبي واني كلبي خلصان من وراجن سكتن
هشام لا يمه لاتسكتيهن خل يحجن ايمان اخويه احجيلي صدك هالكلام اللي كالنا اخواتج.

أيمان هي مرتك زينه بس بهاي السالفه لا والله صح هي جابت وياها شغلات الهن مشتريتهن بس مال ملابس نسوان أخوانها واكفه وهنا متزوجات وأخواتي بنات بيت عيب وسالفه ما تنحجي شنو شايفتهن بدون ملابس لو طلبنا منها وتجيب ملابس من اهلها بس الصوج مو الها الصوج من امها شلون قبلت وسمحت لنفسها تنطيها ملابس جناينيها موعيب واني سگتت لن ما اريد المشاكل ولخاطرك ويمكن هي بدون قصد لن مبين عليها غشيمه وما تعرف هاي السوالف محد معلمها البنيه ما يصير تلبس ملابس المتزوجه ما الومها بس السبب من امها مو منها وسالفه راحت بوكتها بس البنات ما ينسن وتكرظ بكلبهن وحجن الك هاي كل السالفه.

هشام ماشي يصير خير.
ازهار فتح الباب وشافني وسحب السله وشمرها بالحايط واطشرت وعاط بيه بعلو صوته
هشام أنعل ابوج لابو عنايتج امشي وياي تتحسنين على أخواتي مو تتحسنين عليهن ذالتهن ذالتهن.
ازهار سحبني من أيدي قوي للغرفه يصيح عليه واني مصدومه بي بسرعه تغير بكلمتين أنكلبت موازينه وصار واحد ثاني.

هشام أحجي ليش ساكته لو عاجبج تذليني اني وأخواتي شفتينا حالنا على كدنا وأنت حالج عالي وتردين تجفصينا ادوسينا أنتِ وأهلج.
ازهار اجفصكم وليش شنو مصلحتي من هالشيء.

والله سألي روحج هالسؤال لعد ليش تجيبين ملابس نسوان أخوانج لأخوتي مو عيب ولج موعيب نص عمري راح جوه الكاع من حجلي وسجى تبجي تكولي ملابس مال متزوجين يعني ما تنلبس الله يدري شجايبه الهن وذالتهن ولج شايفتهن مصلخات لو واكفات باب غرفتج يجدن منج لبسج الماركات هاا ولج اركض ليل نهار وشايل المسؤوليه براسي ومعيشهن احسن عيشه وما خليت وما سمحت لأي بشر يذلهن ويتحسن عليهن تجين أنتِ بالاخير مو بس تذليهن وتجفصيهن هاي عود أنتِ مرتي وحبيتج وشايف الدنيا بيج هيج سويتي لعد الغريب شيسويلي ها احجي ليش ساكته.

دام حجلك كلشي أني هم لازم احجيلك ليش بس هنا عدهن لسان ويحجن ألك اني هم عندي لسان احجي وادفع عن نفسي لن ما اسمح لاي مخلوق يتهمني واسكت باوع عليه واسمع زين الملابس اللي جبتهن الهن من نسوان اخواني صحيح ما انكر بس كلها جديده ما ملبوسه والديبل موجود بيها زوجه اخويه بعدها عروس وزوجها ما يقبل تطلع جابتلي اغلب ملابس الطلعه مالتها ما جبت شيء تعبان لو ملبوس كله جديد وامي اخذتني السوك اشترت الهن داخليات ومكياجات كلها جديده كالت عيب علمود تطلع حلوه ولا ياخذنها بغير نظره يعني ما جبتلهن شيء ملبوس وسوالف متزوجين مثل ما تفضلن وكالن الك واحنه ما ننطي ملابسنا مال البيت والنوم امي تحركهن بالحديقه فقط مالات الكشخه والجنط والاحذيه واللي ملبوس كم لبسه وهم ما ننطي لكل أحد متفقين ويه جمعيات خيريه اخواني يودونا للفقراء وانتوا مو فقراء علمود اتحسن عليكم انتوا عيالي زوجي شايفتكم بمقام اهلي بس شيجيبكم لاهلي گبل ضربني كف لزمت خدي متفاجئه منه تضربني هشام.

شوفي أزهار قسم بذات الله اذا شفت من أهلج كشايه بيتي أقضي عليج وعليهن واخلص من هالعيشه الكشره ما أريد لا منج ولا منهم ولا اريد احد يشفق على حالي وحال أخواتي نفسي عزيزه وما اسمح لأي احد يذلني ويذل أخواتي ويتعالى علينا فهمتي عليه يا بنت الاكابر احفظي الكلام زين ممنوع اي شيء يدخل بيتي منكم ممنوع.

هذا اللي كدرت عليه تضربني شوف لا اني ولا أهلي متنمنين عليك بس هذا انتوا شفتوا احنه ما شفناه بس دام ضربتني واني متحمله كلشي وساكته اكول عيب ولخاطرك وما تسوى بس الظاهر لا والله مو مال اسكت هم تكدر تروح تضرب اخواتك وتسألهن ليش يمد ايديهن على فلوسي يوميه اشوف نقص بيهن وملابسي كلها اخذنها وسكت ومكياجاتي واسكت اكول ما يسون وفعلاً ما يسون عادي عندي عيني مليانه.

لن الاشياء ما ألها قيمه وهنا طالبات كلت أحتاجن واخذن شگوو بيها بس دام وصلت لهل المواصيل خليتك بالصوره أنفتح الباب بقوه ودخلن يبجن
افراح مع الاسف عليج وصلت بيج المواصيل تطلعينا حراميه ونبوك فلوسج لا وبعد ناخذ ملابسج ومكياجج ولج عيب عليج تتهمين وتبطلين علينا شفتينا ساكتين الج اخذتي وحشيتي راسه علينا واحنه ما عدنا بالدنيا غيره شفت وسمعت مرتك شتحجي.

صبا وكل كلامها بحقنا كذب وافتراء وما تصدكنا خل تشوف ملابسها ومكياجها ليش احنه بحالها انت ما مقصر ويانا.
هشام فتحي المجرات وكنتورج طلعليي نقوصاتج
ازهار كل عقلك
هشام أزهار فتحي المجرات سوي اللي گتلج عليه يله.

ازهار ماشي شوف بعينك علمود تصدكني فتحت المجرات يله تعال شوف مكياجي والنقص البي ركزت وباوعت كلشي راجع بمكانه هو صافن رجعت فتحت الخانه وشفت شامبوات والمعطرات كلها مليانه اي واحد الزمه مليان وهنا واكفات وهو صافن عليه
هشام ها شو سگتي
ازهار اوكف فتحت الكنتور وأكلب بالملابس كلها موجوده والفستان هدية من بابا موجود ماكو اي نقص باوعت عليهن افراح أبتسمت بخبث هشام والله اخذنهن والله ما جاي اتبلى عليهن.

هشام شوفي فلوسج
ازهار هشام
هشام أزهار شوفي فلوسج
ازهار سحبت القاصه مالتي وسحبها مني يريد يحسبهن وصاح بيه
هشام شكد فلوسج كولي شكد
ازهار كلتله ورجع حسبهن نفسهم ماكو اي نقص خلاهن بالقاصه وركع باب الكنتور وصاح باخواته
هشام طلعن برى
افراح طالعين
ازهار قفل الباب وباوعلي مقهور.

هشام هيج أزهار وصلت بيج تتهمين يبوكن فلوسج لو ياخذن من مكياجج وملابسج لهل الدرجه عينج فارغه جان كلتي لخاطر زوجي وهنا اخواته فاينات بخت والدنيا تلطش بيهن وما الهن بس اخوهن هيج ازهار مع الاسف عليج والله خيبتي ظني بيج ومصدوم بيج.
أزهار فتح الباب وطلع وكعدت مصدومه بيهن وبإفعالهن ومكرهن وكذبهن وحيلهن لفنها وجابنها وترسن?أسه وخلنا يصدك وحقه لو يصدك كل واحد مكانه هيج يكون موقفه بس ياريت ما ضربني.

لزمت مكان الضربه وبجيت لأول مره ابجي والسبب هو لن بحياته ما غثني وبجاني يحبني ويه روحه واني بعد حبيته من كل گلبي بس ما توقعتها منه يقسي ويضربني علمود اسباب تافهه اي تافهه لن كلها كذب وخداع ضحكن على عقله وصدكهن المسكين.

كمت تعبانه ما خلن بيه حيل سديت المجرات وفتحت الكنتور اخذ ملابسي غيرتهن وطفيت الاضويه ونمت وبقيت بفراشي أبجي مقهوره منه وعليه اي مقهوره عليه واذا نضل هيج نتعب وما ندري شيصير بالنهايه...
أنفتح الباب ورجع انقفل بقيت ثابته ونام بصفي سحب الغطا وتغطى بس انفاسه توصلني حتى نار گلبي تسعر بگلبي گلشي يعاني منه اني أعاني إضعافه.

بقيت هادئه لما استسلمت لنوم وكعدت الفجر هو ماكو مغير ملابسه ورايح كمت طلعت لكيته بعده ما رايح باوعلي وكال
هشام سويلي إستكان جاي.

أزهار مشيت خليت القوري وسويتله الريوك اخذته الغرفه كعدت تريكت وياه جنت جوعانه هو اكل كم لكمه وكام وكمت شلت الصينيه اخذها مني ومشه لمطبخ وشغل السياره ورحت فتحتله الباب وطلع راح الله وياه قفلت الباب ورجعت عفت المواعين من اكعد اغسلهن ارجع اكمل نومتي بعد وگت ومن رجعت لكيتهن بغرفتي فاتحات الكنتور ومنثرات كل ملابسي وياخذن شمدخلجن لغرفتي يله طلعن عوفن ملابسي ما رد عليه شالن كل المكياج بالجنطه خلنا وانطنه لسجى صحت بيهن عوفن مكياجي وطلعن برا يله شنو من بشريه أنتن تقتلن القتيل وتمشن بجنازته عجيب امرجن وحده تباوع لثانيه عبالك عصابه أفرح اشرتلهن شتسون طلعن برى غرفتي برى ركضت سجى قفلت الغرفه وصحت بيها شتسوين فتحي الباب جيبي المفتاح.

إفراح عليها يا أخواتي.
ازهار هجمن عليه واني وحده وهنا ثلاثه وصبا وافراح ضخمات بس سجى صغيره عوفني أيمان قبل اكمل صرختي سدن حلكي لزمتني افراح وسدت حلكي بكل قوتها ويضربن بيها مخلن شعري واني ادفر واحاول افلت روحي منهن ضربتني صبا واجتي الضربه قويه على بطني
افراح أشسويتي ليش ضربتيها على بطنها ولج
صبا شمدريني هي تحركت واجت على بطنها
سجى بس لا مات الطفل عزا.

ازهار بنتي بنتي دفعني وافراح اخذتهن وردت الباب وخلني لازمه بطني واصرخ بنتي صاروا أهلي كلهم كدامي بابا ماما عصام مروان عمار مجد بنتي راح تموت راح اموت الوجع صار قوي كمت سحبت تلفوني وأتصلت على هشام وسمعت صوت الاتصال قريب باوعت ناسي تلفونه ياربي راح أموت أيمان أيمان لحكيلي أيمان صيحت محد اجاني طلعت ارقام اخواني اتصلت على عصام مغلق واسيا أتصلت ما جاوبتني اكيد نايمين صار رقم مروان گبالي اتصلت عليه وجاوبني بالكوه حجيت مروان الحكي راح أموت.

مروان ازهار خويه شبيج
مروان تعالي فدوه راح أموت اني وبنتي
بصياح بس كوليلي شبيج منو وياج
تعالي هسه وجيب وياك وحده اسيا خل تجيني
وين اجيب اسيا وراها جهالها هسه نايمين راح اجيب اسيل واجيج جايج خيتي جايج.

اي وحده منهن ماشي انتظرك قطعت الخط وكمت لازمه بطني والوجع ياكل بيه لفيت شعري وبجيت بقهر وضليت الوب وأنتظره واباوع الساعه ورن الجرس أكثر من مره ردت اكوم ما بيه وشفت دم نزل عليه بس لا ماتت يمه بنتي بنتي بنتي أنهاريت واسمع ايمان تحاجيهن
ايمان منو يجينا من صباحيات الله يا ساتر ياربي
ازهار بقيت كاعده واسمع صوت مروان يصيح عليهن
مروان وينها إختي وين ولي عن طريقي أزهار أزهار خويه وينج أزهار.

أزهار مروان صحت إسمه ودفع الباب بكل قوته وكع يمي تلمس وجهي
مروان شبيج خويه حاجيني شصاريلج أزهار
ازهار أخذني المستشفى بنتي بنتي راح تموت بسرعه مروان
اسيل جاي تنزفين مروان اطلع بس اغيرلها وناخذها
مروان ماشي ماشي بس استعجلي بسرعه بسرعه
ازهار ركضت جابتلي ملابسي لبستهن عالسريع وطلعنا بالكوه امشي ظهري طگ كبل شالني وركض بيه ويصيح على أسيل خبصها
مروان فتحي الباب بسرعه.

ازهار صعدني السياره وشغلها واسيل لازمه ايدي مروان أستعجل فدوه
مروان هسه نوصل اصبري
ازهار بكل سرعته شال السياره وركعها باب المستشفى فتح الباب وشالني واسيل ورانا دخلني واستلموني فحوصات واني اتوسل بيهن فدوه خوما ماتت بنتي عايشه حبابات جاوبني بنتي عايشه
الدكتوره لاتخافين حبيبتي بس انطيني مجال اشوف شغلي اهدئي.

ازهار سگتت وبعد فحوصات كامله دخلوني غرفة جناح خاص وانطاني مجموعه ابر ومغذيات واجت الدكتوره هاا بشري.
الدكتوره الطفله عايشه الحمدلله بس وضعج مخطر يحتاج الج راحه يعني تبقين نايمه منا لما تكملين شهرج على نص بالسابع وتصير عندج
ولاده مبكره ماما.
ازهار يعني عايشه اسيل بنتي ما ماتت
اسيل الحمدلله عيني ربي يكحل عينج بشوفتها
ازهار تسلميلي ودخل مروان وكف ويه الدكتوره سألها وحجتله وطلعت وباوعلي مقهور.

مروان يحتاج أتدخل
ازهار لا خويه اني من اشوف الوضع يحتاج أكولك تتدخل وأطمئن ماكو شيء
مروان على راحتج اللي تريدنه خويه.
ازهار سكت وانفتح الباب دخل عصام وراه بابا وعمار وامي وبابا كبل اجه عليه باسني من كصتي وعصام ما ينطي مجال احد يفهمه وامي حاضنتني وبابا لازم ايدي ويفرك بيها وصافن عليه بخوف وحزن
عصام أحد يفهمنا شبيها شصارلها مروان احجي أزهار خويه شبيج شصايرلج منو وياج.

عمار خويه احد محاجيج كولي اروح اشكه بالنص هو وعشيرته وانعل والديه
وصال على كيفكم يا امي انطوها مجال متشوفونها شلون وجهه اصفر خل ترتاح وتحجيلكم.
كمال شگالت الكم الدكتوره على وضعها هي وبنتها اسيل عمي احجيلنا
أسيل والله عمو گالت وضعها هي والطفله مخطر يحتاج الها راحه وتضل نايمه لما تصير نص بالسابع ولادة مبكره وانطتها علاجات وابر وراحت.
عصام وشنو السبب ليش وصلتي لهل الحال.

أزهار ماكو سبب وكعت باب الحمام تزحلكت
مروان وكعتي!
ازهار اي
عصام ورجلج وين!
عمار وأهله وينهم!
ازهار هو طلع لشغل واني وراه رجعت وررحت أتوضى اصلي تزحلكت وكعت وهو ناسي تلفونه وما عدنا احد بس حماوتي وخابرت على مروان اجاني هو واسيل وجابوني المستشفى هاي كل السالفه.
كمال بس هيج بابا
ازهار اي بابا لايضل بالكم ما بيه شيء وهو ما يدري لن ناسي تلفونه
عصام مروان بلغته.

مروان لا وين نبلغه مو گالتلك ناسي تلفونه بالبيت عوفه يرجع البيت وأهله يبلغونه باللي صار.
عصام خير أن شاء الله
ازهار باوعلي ما مرتضي بس شبيده أعرف هو أكثر واحد من أهلي وأخواني فاهمني وفاهم طبيعة العلاقه والامور ونبهني وحذرني بس الحب طغى على گلشي أكتفي بالسكوت أحسن شيء.

بابا ساكت وأمي تباوعلي بنظرات شك بصدق كلامي تجاهلت نظراتها لن بابا يباوعلنا ومروان نظراته عميقه بالتفكير تجاهلت نظراتهم كلهم وتهربت من عيونهم ما اريد تكبر المشكله وأخسر هشام لن هو ما أله ذنب الذنب ذنب أخواته الما يخافن الله شريد أكول اكثر
عصام يله أني اروح للبيت أسيا والجهال لوحدهم مروان تبقون ترحون.
مروان لا باقين هسه.
عصام يله تضل يمج العافيه عيني في أمان الله.

ازهار الله يعافيك راح وضلوا كاعدين لظهر مروان جاب الغده محد اكل بس امي قدمتلي أكلت وبابا ساكت وهل السكوت خايفه منه وعينه على الباب واجه عمار ودخل وراه هشام خايف يدور عليه شافني عاف الكل وتقدملي
هشام ازهار عيني شلونج هسه
ازهار لا الحمدلله زينه لايضل بالك
هشام الحمدلله الف الحمدلله عمي شلونك اعذروني بس خفت عليها مروان شلونك عمه شلونج.

ازهار سلم عليهم كلهم وبابا ترخص وطلعوا حتى اسيل هم طلعت وياهم وباوع على أمي ورجع باوعلي عباله حجيت عضيت شفتي وفهمني.
وصال رايحه اسأل الدكتوره شتگول على وضعج
تبقين لو تطلعين وارجعلج
ازهار ماشي ماما راحت وتقدم لزم ايدي ورجع حضني وإيديه يرجفون باسني من كصتي بخوف
هشام ما تدرين بيه متت الف موته لما وصلت المستشفى شلونج هسه شلون وكعتي خوما تأذيتي الطفله شلون وضعها شگالتلج الدكتوره.

ما وكعت هاي كذبه أخترعتها كدام أهلي وصدكوها.
ما وكعتي
اي ما وكعت حجيتله گلشي وضل ساكت ويفرك بوجهه بعصبيه لزم?أسه يحير شيسوي.
ما حجيتي اللي صار مو.

مو گتلك كذبه أخترعتها كدام أهلي شلون أحجي أنتَ تعرف لو اهلي عرفوا شيصير بينا بالحلم بعد متشوفني فه ياريت تلكي حل لن الوضع صار ما يطاق وصلت المواصيل بيهن يقتلني أني وبنتي لو ميته بطني شتسويلي ترجعها شيء اكيد لا فه هاي أخر مره اسكت الك ول أخواتك تعبت من الوضع كلش
يصير خير
نشوف
گتلج يصير خير
سگتت وأجتي أمي هاا ماما.

وصال گالت لازم تضلين اليوم وباجر تطلعين ويحتاجلج راحه أبني هشام اني اريد اخذها يمي ترتاح لن اخاف على ساعه تصير عدها ولاده مبكره وضعها وحملها مخطر وعمك هم گال تمشي ويانا واجيت ابلغك نتمنى ما تعارض.
هشام لا هذا هو عمه خل ترتاح يمكم.
وصال هذا هو أبني رحمه الله والديك.

ازهار وجه متعوب وحزين ما حجه شيء ضل يمنا ولليل كام يريد يجيب عشه دخلوا علينا عصام واسيا لوحدهم وجايبين العشه وياهم وكف تسلاموا هو وياه واجتي أسيا فدوه اروحلج والله كلت تجين.
اسيا اي شلون لعد عفت الجهال يم اسيل واجيتج الف الحمدلله على سلامتج.
أزهار فدوة لطولج معدله
وصال تعشيتوا.
اسيا اي الحمدلله ومروان التحق دزوا عليه بس عمو لا موجود عفناه بالبيت وعمار راح بيت الجبير
صدك عيني هذا عشاكم.

ازهار خلته وهشام واكف هو وعصام يحجون انطتي أكلت ورتبت الاكل
وصال هذا اني وياه نتعشى أنقهرت عليه ليش هيج صاير وجه سماد
اسيا اي ولج حتى ضعفان
ازهار أختنكت باللكمه وسگت لا ما بي شيء يتعب بالشغل ليل نهار طاير بهل السياره شيصير.
اسيا خطيه الله يساعده ويفرجها عليه.
ازهار انسدت نفسي وعفت الأكل اسيا حست بيه اذا تحاجيني أبجي كلبي مزروف من القهر بس ساگته شيطلع بيدي عليه.

عصام يله يابه أحنه نترخص نخليكم على راحتكم وهم هشام يتعشى عيني خليتوا لزلمه عشى لو كله خلصتوا درينا حامل هالله هالله بزلمتج.
ازهار ضحكنا لا موجود خير هواي مشكور عيني أبو ك?م ما تقصر.
هشام رحمه الله والديك
ازهار اجتي باستني وكرصتها هاا تراضيتوا
اسيا لا الكرامه شامخه
ازهار خرب بيومج.

اسيا سگتي گالي نطلع من المستشفى نتمشى اني وياج لوحدنا ونحجي ونتوصل لحل لكل المشاكل يدور هدوء اخوج يمكن اجواء الاكشن مل منها صار لازم يغير.
وصال ديري بالج عليه كافي رافعه خشمج عليه ترة ازعل منج مو فد مره تطوخينها وياه گافي امي
أسيا الله كريم عمه يله حبيبي تضل يمج العافيه باي
ازهار الله وياج حبي راحت واجه هشام وامي صاحتله يتعشى
هشام والله عمه ما إلى نفس تعشي أنتِ عليج بالف عافيه.

وصال والله ما اخلي لكمه بحلكي اذا ما تجي تكابلني وتأكل أنت حالك من حال ولدي يله تعال
مد أيدك يله أبني اذا خايف على ازهار كلشي ما بيها ترتاح الها شهر زمان وتولد بالسلامه ونفرح بنيتكم
ازهار كعد هو وياها وتعشوا وعلاقتهم حلوه بسوالف وأنطلقوا هو وياها واني صافنه عليه والدمعه بطارف عيني والحزن مخيم على گلبي.
وخلص هذا اليوم بمتاعبه والصبح طلعنا لبيت أهلي وصلني وباوعلي فشلان أبتسمت اله ونزلت.

وراح وضلينا على تواصل دائم على التلفون وطول هالأيام أهلي شالوني بكفوف الراحه ما قصروا أبداً شسولف ماما اللي مهتم بكلشي يخصني مداريتني مثل الطفل هسه صاير لدينا ومهتمه بتغذيتي.

لو بابا شلون مدللني ومهتم بيه وبإكلي لو عصام بالثواني يفتح عليه الباب ويطمئن عليه لو أسيا تجي تسهر وياي نسولف وتخلي عصام بقهره لو مروان شيجيبلي من عصائر وحلويات لو أسيل اللي علاقتنا تطورت وتقربنا من بعض وصرنا ثلاثي الروح المقرب اخت الوحيده مع نساء أخوانها.

لو عمار يفتح التلفون ونضل نباوع مقاطع ونضحك يكعد يسولفلي طبيعة علاقته بالخارج لو مجد من ينزل الخميس هو يستلم عنهم يضل يسويلي إندومي ونكعد نسهر اني وياه نباوع افلام رعب نفس أيام زمان.
كل التفاصيل الحلوه عَشتها بيت أهلي أهل ونعم الأهل من أب وأم وأخوان وزوجاتهم حبيبات گلبي.

أسيل بالدوام وكال اليوم ينزل وحيل مشتاقتله بالأخص هو صاير كلش حباب ولطيف وياي والايام هو ملتحق بيها اني انام يم ازهار حيل حبابه وعلاقتي بيها هي وأسيا تطورت ونكعد ونسولف ونسهر سوه حبيت أجواء العائليه بيت عمو كمال وحبهم لأختهم وحبهم وحنيتهم على بعض.
سبحت وطلعت من الحمام نشفت شعري ورتبت نفسي كشخت كشخه توب رشيت عطر وطلعت رحت على ازهار لكيت اسيا يمها جايبه علبه حلو مديت ايدي واكلت.

أسيا صايره هواي تأكلين حلويات خاف حامل
أسيل لا وين ما اظن لن الدكتوره گالتلي ما يصير لن عندي اكياس دمويه ما اعرف بعد
أسيا رزق بيد الله حبيبتي مو بكيف الدكتوره يله اني انزل التهيت وياجن ونسيت عشاي أسيل مروان يجي مو لن حسبت حسابه على العشه كثرت دجاج شوي هو يحبه.
أسيل اي ينزل اليوم أن شاءلله ونزلت اسيا ازهار عادي استخدم الفون مالتج اراسل مروان
ازهار عادي عيني كدامج.

أسيل اخذتله ودزيتله مروان مرت دقايق ودزلي
مروان هاا گلب مروان
أني اسيل
هلأ ب أسيل هلأ هلأ بالمشتاگله گلبي
فدوه دزيتله سمايل مدمع
حتى بالسمايل تنعوصين شبيج أنتِ بس يمي تنعوصين يم أختي واسيا جبار البداخلج يطلع
ما أتقيد
ليش أني خانگج يا ظالمه
بس تخوف
وين أنتِ هسه
يم ازهار كاعده شوكت تجي
اجيت.

وين صرت جاي اكتب وانفتح الباب رفعت?اسي هو مروان گبل ضحك واجه سحب التلفون شمر على ازهار وسلم عليها وترخصنا وطلعنا من يمها لغرفتنا.
سابح ومتعطر
أنتظر زوجي حبيبي
لك فديت.

أخذني الغرفتنا وكالعاده نزيل الشوك بإحلى القبل والأمتزاح الروحي والعاطفي بس مره عن مره مروان مختلف ومتغير أكثر حنيته مفرطه أهتمامه وأحتواءه بالعلامه وخارج العلاقه صرت احس بصيص أمل من حب على الرغم ماكو تعبير لفظي بس اكو إحساس نابع من داخله.
سبحت وامشط بشعري وهو لبس وكشخ شنو راح تطلع
مروان أي بس مو لوحدي
أسيل هاا لعد ويامن
وين واحد مهم بحياتي.

هاا اي شگو بيها عفت المشط بي عبالك أنضربت على?أسي أنعدم واهسي وشغفي بكل الحياة رجع گال.
گومي لبسي
شنو ألبس
فستان ملابس طلعه أي شيء مهم تلبسين
ليش وين أروح
نطلع
وين
لاتسألين لبسي ونزلي أني نازل قبلج أشغل السياره.
عليك الله مروان گولي
لاتكثرين أسئله يله ولا تتأخرين.

نزل وكمت فتحت الكنتور طلعت ملابسي أني من النوع هواي أهتم بلبسي بس أهلي وتصرفات أمي عدمت هالشيء وقتلته بداخلي طلعت ملابس ونسقت وترتيب وكذا طلعت اخبل على الرغم ما أعرف وين طالعين وين ماخذني كملت وشلت جنطتي ونزلت تلكتني أسيا شافتني أنبهرت
أسيا واوا بيرفكت تخبلين ما شاءالله عليج ذوق باللبس يموت ويكطع
أسيل تسلمين گلبي
أسيا حبيبي تونسوا وصوري حتى لو ما يقبل اخذي تلفونه وتصوري أنتِ وياه
عصام أسيا.

أسيا أجيت يله باي
اسيل راحت ومشيت هو اني غير لو اعرف وين طالعين فتحت الباب شفته واكف يدخن شافني أبتسم.
مروان شخصيه يابه زوجة مروان بعد
أسيل شكراً كلك ذوق
كلي ذوق دمشي عيني دمشي جعصتي گلبي
صعدت واني مبتسمه وشغل وطلعنا ما سألته لن گالي لاتسألين وصلنا وكف يم مطعم ونزل
نزلي
نزلت وياه وكعدنا وأباوع على المطعم وتفاصيل المكان كلشي بي حلو هادئ ويفتح النفس حبيت الاجواء وروحي أنشرحت عبالك بحلم واخاف افز.

شتحبين تأكلين لو اطلب على ذوقي
علي ذوقك
تدللي يابه
طلب الأكل وبقينا ساكتين وهو حنى ظهره على الكرسي صفنت عليه وعلى كشخته وجماله ونظراته اليه غمزلي أبتسمت
نظراتج أدوخ
ليش ادوخ بنظراتي
مو بس ادوخ اضيع تفحصين كل تفصيل بيه مركزه عليه اكثر ما مركز على نفسي وهذا الشيء احبه بيج
دنگت?أسي خجلانه شفت تلفونه مروان
هاا حبيبي
سگتت لن گال حبيبي رجع باوعلي لن ما حجيت شسمه
شسمه
عادي نتصور أني وياك
أي عادي لحظه.

فتحت تلفونه واخذ صور اني وياه بالأربع صور خليني اصور لقطات
صوري بس لاتطولين راح يوصل الأكل
تمام أنطاني تلفونه صورت ايدي قريبه من أيده هو ما منتبه يباوع ورجع باوعلي لزم أيدي حضنها وابتسمت واخذت لقطات وكعدت اشوفهن وهو طلع جكاره يدخن واخذت صوره اله وهو يدخن طلعت تجنن تولعت بيها ضليت اخذله واخر شيء ابتسم كملت
اجه العشه.

جابوا العشه وبلشنا نأكل اكل براحتي هو من ناحية الاكل واللبس ما يقيدني أبداً ولا يدقق ولا يباوع عادي.
الحمدلله عجبج الاكل
اي عاشت إيدك
عافيات يابه يله نكوم
ماشي طلعنا من المطعم عبالي نروح البيت بس طبگ سيارته ونزلنا دخلنا المول وبس أفترينا ما اشترينا شيء لن ما محتاجين واحنه نفتر تقدم لزم ايدي وشد عليها وضلينا نفتر وعشت احلى يوم بحياتي ويه حب حياتي وعمري ودنيتي الحلوه.

افترينا هواي وشربنا عصير ونسيت نفسي واضحك وياه وروحي منشرحه عيشني بعالم مليان سعاده.
وخلص اليوم ورجعنا الوقت متأخر وهو دخل الحمام الا يسبح يله ينام واني صرت مثله هم سبحت وكشخت ونمنا حضن بحضن.
الصبح كعدت هو سابح ونازل كمت لفيت شعري شلت منشفتي وطلعت جنت لابسه ثوب قصير وبعد النوم بعيوني ودخلت الحمام وصار بوجهي عمار لابس برموده ولابسه مو قانوني شهكت وركضت الغرفه وصار مروان بوجهي توه صاعد من الدرج.

مروان أسيل.