رواية بين قلبها وعينيها كبرياء للكاتبة شمس العراقية الفصل الحادي والثلاثون

رواية بين قلبها وعينيها كبرياء للكاتبة شمس العراقية الفصل الحادي والثلاثون

أسيا عبرتي ترس صدري اريد احجي ما بيه بس دموعي تعبر عن حالي وهو يحاول يفهم مني شبيه
شگوو فهميني شبيج ياعيني منو وياج
ماكو شئ عيني
لا اكو باعي نفسج راح تموتين شبي التلفون منو حاجاج شو جيبي
ضميته وسحبه مني ودخل يقرا المحادثات! ومطكك عيونه خفت يحجي عليه واني ابجي والله مو قصدي ادخل الها خاص بس هي تتحرش بي وتجاوزت حدودها وياي ومن شفتها معلقه على منشورك ما اعرف شلون دخلت الها وحجيت وياها ووو.

لاتكملين خليني اقرأ زين.
ضل يقرأ المحادثات أكثر من مره ورجع باوعلي
شحجت وياج أحجيلي گلشي
هو بالمحادثه مو شفتهن
لا قبلها شحاجيه وياج لن مروان اجاني وگالي اسيا متجاوزه على هديل بس ما صدگت بي ولا مروان مصدك لا عبالج ما ادري بس سگتت كلت يرحون ولد عمي واتفرغلها ف احجيلي گلشي يله.
اني ومجد نحجي بينا وهي من كيفها نطت وگالت
عصام أي شگالت أحجي شبيج خايفه ترى ما أذيج
أسيا ما تعصب ولا تحجي عليه.

عصام أسيا أحجي وفضيني
أسيا حجيتله گلشي وضل ساگت ورجع گال
عصام وشنو جاوبتيها
اسيا ما جاوبتها تعرفني بهيج مواقف ما اعرف ارد گتلها منو يمج ونطيتي وكالت رديني وأنتِ دايسه بصاط بيتي؟
عصام هي هيج حجت وسگتيليها؟
اي
والله لا اشرب من دمها والله الا اسود عيشتها تهينج بيت عمي واني موجود اصبريلي عليها روحي غسلي وجهج بماي بارد واني اشوف شغلي وياها.
اسيا فدوة عوفها ختولي.

عصام وين اعوفها هانتج وأنتِ دايسه بيت أهلها وأول مره تتدخلين بيتهم المفروض يشيلونج على روسهم ويقدرونج مو تسمعج حجي وتهينج لا والاكبر منها كلامها وياج بالمحادثه بس اني اعلمها الا اطينها واطيح حظ حظها الحيوانه.
أسيا طلع بالصاله يحجي وعصبي ومروان نزل هم وكفوا يحجون بينهم وعمو كمال وعمتي وصال هم وازهار نزلت سريع
ازهار شگوو مروان يگول متعاركات بالتعليقات شصار.

اسيا حجيت الهن وعمتي لطمت على وجهه ومروان گبل اتصل عليها وكام يغلط ويفشر عليها
مروان اكلي وانجبي منو أنتِ تقللين من قيمتها وتهينها بيت عمي وأنتِ شعليج يا اسلام شعليج اكليها ست هديل عصام راح يخابر حارث وعمي علوان اذا ما طينوا عيشتج وطيحوا حظج گتلج مسحي تعليقاتج عندتي وبوزتي نعال مكطع على حلكج ديله ولي.
وصال تستاهل شدعوه مقهوره لن مجد كال شيخه الشيخات
مروان وما مكذب مجد
كمال عمي لاتزعلين احسبيها علينا.

اسيا لا عمي صدك جذب والله ما ردت السالفه تكبر بس هو واجه وشاف كلامها وانزعج وعصب
مروان اي طبعاً ينزعج أني شفت كلامها أحتركت بس لا خلي يسويلها جرة اذن واني نبهتها بس ما فاد بيها والله جنت حاس ما تعدي على خير.
اسيا مروان كام يراسل وعصام يحجي ويه حارث وعصبي ومزعوج واني انحرجت منهم كلهم.

عصام حارث شتحجي أنت مرتي تنهان بيتكم مره غريبه جايتكم وأول مره اطب بيتكم والافنديه اختك هيج وهيج تحجي وياها بدال ما تهلي وترحب بيها بعيداً عن الماضي لا تهينيها وبحضوري وكاعد على فراشكم ومرتي تنهان كرامتها واني ما عندي علم هسه يله دريت.

لعد شنو تگول الها دايسه بصاط بيتي يعني طردتها عينك عينك والله والله لو مرتي بساعتها جايتني وكايلتلي ما اضل ثانيه وحده لن كرامتي من كرامة زوجتي اختك مو هانتها لا هانتني اللي.
كمال هدي ابني عصام هدي
عصام ما كتلك روح كسرها بس خليتك كدام الامر خاف يصير حجي بعدين ولو عارف ومتقين ومتأكد زوجتي ما يطلع منها الغلط عالعموم هاي هي بعد
فيمالاا.
مروان عاشت إيدك.

وصال تستاهل مو أدامي خلي يربييها زين مره متزوجه اكعدي وانجبي واحترمي زواجج مو عيب هالحركات ادري مراهقه أنتِ جان أستحت.
أسيا يحجون بينهم واني واكفه بقيت بموقف محرج منهم خاصه بعد ما أعتذروا مني وعمي وكف يحجي ويه عصام على صفحه ومروان غمزلي وأبتسم
مروان الج ما يصير لغيرج ليش هالوجه يلطم.

وصال هو الها لعد المن عوزهن والله اشلع عيونهن اللي تباوعله بنص عين وبنت عمك زايده منها وعيب عليها هالتصرفات كلش عيب جان أستحت على عمرها اي والله.
مروان يمه هاي هي سدي الموضوع ما بيها داعي نحجي بعد يله تصبحون على خير.
وصال هم حجيت ويه أسيل
مروان لا
وصال ليش لا غير تحجون تتعرفون على بعض.

مروان ما يحتاج بنت عمي واعرفها شتعرف عليها قابل غريبه وما اعرف اطباعها والزواج ما يتأخر وماكو فترة خطوبه والصبح نحجي بهذا الموضوع
وصال شو مستعجل انطيننا مجال يا امي خل أختك تتزوج وافضالك هسه ملتهيه بتجهيزات عرسها شلحك يا ابني
مروان اريدها يمي ارتاحيتي يله رايح انام
أسيا صعد لغرفته وعمتي ما مراضيه على قرارته هزت?اسها ولحگت عمي وازهار تثاوث لازم نعستي.

أزهار لا وين انتظر هشام يله گلبي لاتهتمين تصبحين على خير
أسيا وأنتِ من أهله الكل راحوا واني بقيت واكفه وأجه من بعيد فتحلي حضنه وحضني بقيت هادئه أسف خليتك بموقف صعب أنتَ أهلك وعمامك.
عصام تعالي بغرفتنا نتفاهم يله.
أسيا بحضنه وفتح الباب وقفله ودخلنا غرفتنا كعد وسحب تلفوني رجع يقرأ المحادثات البيني وبينها وصافن مقهور؟
عصام مصدوم؟
ليش
هيج والله بس ما توقعت تنزل لهل المستوى بس علمود احاجيها؟

تحاجيها شنو؟ ما فهمت يعني اكو بينكم علاقه
لا شسالفه تخبلت على عمري
لعد أحجيلي ولو المفروض منك من زمان تحجيلي من اليوم الشفتني بي وتعرفنا على بعض تفتحلي گلبك وتحجيلي عليها وعلى حبكم وخطوبتكم وشنو السبب خلاها تطلب الانفصال منك لن گالتلي اذا عندج فضول سألي وهو يجاوبج
ماكو شي يسوى ينحجي بي
لا أحجيلي هم جنت تبوسها وتحضنها
هو أهنا ضيمج
اي عفيه أحجيلي يله.

اني محترم وعلاقتي بيها جانت محترمه لن بنت عمي وما تجاوزت ولا عبرت حدودي وياها اني حتّى وياج جنت عاقل وما أستوكحت عليج الا خطبتج
يله شنيت هجوم واخذت شفايفج جانت اول واخر هجمه بحياتي ومسك الختام وكعدت وزن
هو أنتَ محترم گلتها وصفن بوجهي گبل باسني من شفتي بهدوء
اني ليش أحبج
ليش
لن صايره تفهميني
أنتَ هم أفهمني وأحجيلي
شحجيلج عن ماضي ما حابه ولا احب طاريه
ليش شمسوي وياها
شمسوي قابل شمحشيه مخج هالحيوانه.

السبب اللي خلاها تنفصل عنك
سبب تفاهه والله وهسه من قريت كلامها ضحكت
ليش ضحكت؟
علي كلامها
عصام سولفلي عاد
ما اسولف ولا اسولف يله خل نكوم انام
ما اكوم الا تسولفلي
جانت ما تغار وهواي تبالغ بشخصيتها المهم كومي يله ترة نعسان ومشتاق اخليج بحضني وانام
اي كمل ليش تقطع الكلام عالنص وتعوفه
لن ما تستاهل انطيها من وقتي ولو ثانيه
ليش
لا اله الا الله
حبيبي امانه أحجيلي تضل تكرظ بگلبي
طلبت أغير من نفسي وأغير اطباعي علمودها.

اي وليش ما تغيرت يمكن جانت تحبك بس ما تحب أطباعك ورادتك تتغير علمودها تقرب عليه وحضني من وجهي بإيده الاثنين وگال
ليش أتغير اليحبني يحبني مثل ما أني بكل اطباعي وتصرفاتي ليش أنتِ من حبيتج ما طلبتي مني أتغير حبيتيني بدون مقابل بدون تطلبين مني اي شيء.

لن بالمختصر أنتِ حبيتيني بگلشي بشخصيتي الطاغيه بقوانيني الصعبه بأعصابي بغيرتي بإنفعالاتي بتحكمي واللي حبيتي اكثر حبيتيني من فرضت حكمي وسيطرتي عليج وبالاخير أنتِ سيطرتي عليه شايفه هيج حب هذا الحب بس حب عصام ل اسيا
دمعت عيني ومسحي دمعتي وباسني من عيني
حبج اللي هو جبرني اتغير علمودج تذكرين بداية زواجنا شكثر عانينا من مشاكل وابدا ما تفاهمنا وزعل كل فترة وهواي جرحنا بعض هذن كلهن أنتِ تحملتيهن مني.

صحيح صارت بعض أمور وسوالف ما راضي عنها وصلت لطلاك طبعاً جان طلبج مو طلبي وكل هالمشاكل والمعانات الصارت بحياتنا عادي وميخالف دام توصلنا للاحسن قابل وراضي بكلشي وياج.
فدوة لكلبك يعني هي طلبت الأنفصال لن ما غيرت أطباعك احس سبب تافهه؟
هاي هي هيج تگول
يعني شنو.

جان شغلي والتزاماتي هواي اجت فتره كلش ما عندي وقت احاجيها دك عمليات ولقاءات وأجتماعات ومن اجي ما الكاها ابتعدت من تلقاء نفسها كل ظنها اني عندي غيرها حجيت وياها ما جاوبتني تجاهلتني عافتني يعني بالمختصر ما تحملتني ولا قدرت تعبي كلمة الله يساعدك ما جنت اسمعها منها المهم ما اطولها عليج عفتها على راحتها وكلت هاي هي بعد كلشي ينتهي وانتهت من يمي بس ما جبت الها طاري بقيت مبتعد وساكت ورجعت تراسلني وتتوسل بيه ارجعلها ما جاوبتها.

رجعت تجاهلتها نفس ما تجاهلتك.
بالضبط
اي
جايج بالحجي شبيج عيونج أنترسن دموع ترى اني الج هسه.
كمل
اي ضلت تحاول وياي وأني متجاهلها الى أن بيوم اجاني اخوها وبلغني بقرار الأنفصال وگال هديل تنفصل شتگول؟
أي
گتله هذا هو يجرالها
لعد ليش هي گالت ما جان موافق على قرار الانفصال مني
شوفي هو لازم أبين اني ما موافق والقرار الانفصال اجه منها مو مني بس من ترجعين على السطر الاول الانفصال جان قراري.
ما فهمت.

هديل بنت عمي وعرضي وتنحسب وترجع عليه وما ردت أكسر بختها وبعدين يكولون ابن عمها وطلكها وصلوا الزواج وانفصلوا شنو السبب شبيها فالافضل تطلع مني مو منها اني رجال عادي أتحمل الكلام ما يأثر عليه بشيء ومية وحده توافق تتزوجني بس البنيه من ينكسر بختها ويطلع عليها كلام والناس خبرج كافيه محد يرحمها ويضلون يحجون بيها.
اي.

أي أهلي من الناس ما رضوا خو أمي گلبت الدنيا والأتصالات ترگع ليش ابني شبي ما توافقين عليه ليش تتطلگين منه ومن هالحجي امي بعد
حبيبي تعال أبوسك انوب ابوسك شو انوب
بعد بعد كثري ولج كثري
بعد من راسك هم
من شفه عوفيلي رأسي شحابه بي
فديت?اسك هو الينباس مليان عقل الحكيم الفاهم عقلك عقل رجل دوله ابوسك أنت وعقلك الشايله
خما زعلتي
من شنو ازعل
لن حجيتلج عن الماضي.

أبداً بالعكس أزداد أعجابي بيك حتّى هديل بعد ما تهمني ولا اخلي بالي يمها دام عرفت الحقيقه منك
أحبج من تفهميني
ومحد يفهمك غيري حضنته وبادلني الحضن بكل حب بقيت بإحضانه وصافنه عليه عشقي الابدي أنت
بموت فيك ادغدغ وأتحرش بي وهو ساكت كرصته من خشمه بحبك انا
تغزلي بس لا تستوكحين عليه
ليش
تعبان
وباجر تلتحق
لا عكب باجر التحق
ما
هاي الما المن
الك
وين رحتي شو رجعي لمكانج لا اجيج
تعال هلا بيك
أجيت.

تعال بثواني لفني بحضنه ورفعني برجليه فوك عصام راح اوكع خرب عصام عصام لاااااا
وجع بگلب عصام صوتج يجيب التايه سگتج ولج فضحتينا شيگولون علينا هسه ومروان خاطب وجه اليتم اطكينا على خشمه يبجي گلبه مفحم وين يولي بهل الليل.
نزلني لعد
ماكو هذا عقابج ليش عفتي مكانج
خليت ايدي على خدي يله بعد احسن أصلاً كلش مرتاحه الاجواء من الاعلى لطيفه وانت كلش لطيف شلونك حبيبي هاااايي مرحبا يحلو كيفك.

منيح كتير بس خل اشوفج اللطيف شيسوي
وهذا المطلوب
ما عليج عتب تربيتي بعد
نزلني لحضنه ولفني بإيده وهجم على شفايفي وبادلته بكل جنون ونسيت هديل واهلها...

اسيل بعز نومي فزيت على صوت وصياح باوعت الساعه 12 بالليل شگوو يا ستار نزلت على السريع ابويه يحجي بالتلفون وعصبي وحسن يفتر وصاح
حسن وينها ام المصايب وين مكبوره خل تطلعلي لا اجي اسحلها كدام جهالها الأدبسزز فضحتنا هديل سليمه شمصخمه وين مأخذه عمرج بهاي تصرفاتج الطايشه تردين تهجمين بيتج.

اسيل دفر الباب عليها وكام يصيح ويغلط وابويه على? التلفون يتعذر ما فهمت شگوو بهل الاثناء باب الحوش يدك بكل قوته وابويه عاط بيه
علوان ركضي فتحي الباب ل اخوج من ورا اختج غضب الله على راسها بهل الليل اجه من بيته
اسيل صوت حسن وهو يحاجيها بس ما فهمت ركضت حافيه فتحت الباب اله گبل دفعني وبيده حزام!
دخل عصبي ركضت وراه دفر الباب بگل قوته وسحل هديل من شعرها وامي تصرخ وتتوسل بي.

جنان لا يمممممه على بختك لا يول خيتك خطيه غلطتك ومنكم السماح لا عيني انت لا يمممممه يول جهالها فزوا حارث يمممممه لخاطري عوفها
حارث وين اعوفها ليش تدرين شمصخمه شحاجيه ولج خزيتينيييييي كدام عمامي فضحتيني كدام ابن عمي سودتي وجهي من الله يطيح حظج ملاحكه مرته وتفلتين بسوالفج شعندج وياها وشعليج بيها
هديل والله مو قصدي وهي هم ما قصرت.

حارث ما قصرت مو ولج أشسوتلج ولج المحترم محترم اسماء الما يعجبها احد اجتني بس تسولف بيها وزوجة عصام وزوجة عصام يعني البنيه محترمه نفسها وبنت الاوادم جايه ودايسه بصاطنا لاول مره مره غريبه بدال ما نهلي ونرحب بيها تجين حضرتج تهينيها وتسمعينها حجي مو عيب ولج مو عيب سويتني نمله كدام ابن عمي خابرني دمه محترك متشعوط على مرته ولج ما انطاني مجال احجي حرف تدرين ليش لن كرامته من كرامتها أنتِ ما هنتي مرته أنتِ هنتي ابن عمج.

الله ياخذج ويخلصني منج ومن سوالفج الخايسه لا اخذتي وخلصتيني منج ولا تزوجتي ونسيتي بكل منشور الكاج معلقه واسكت واغلس اكول ميخالف احتمال مو متقصده وبكل تعليق يعلقه عصام وتصير ردود بيني وبينه تنطين اعجاب لتعليقه ترى شايف وعارف گلشي بس بالع موس واذا سيف عرف اني اطلكج منه واجيبج اسويج خدامه لنسواين يا ادبسزز.

أسيل موتها من الكتل صبغها بالحزام وامي مرغلت نفسها وتبجي نامت عليها وجرتها منه وحارث شمر الحزام وكف ياخذ نفس ويحجي بغضب وجهه نار وتلهب.
حارث شوفي ولج عصام اذا ما تشيلنه من رأسج اشيلج?اسج والله وأسسويها واكول طك عليها التنور وماتت محترگه ما ناقص فضايح الرجال متزوج والله ساتر عليه تسوين مشاكل ليش تغلطين وتجاوزين على مرته ليش من الله ياخذج.

وباجر من الفجريه تكعدين تطبخين كل الاكلات شگو اكله تطبخينها اعزمه هو ومرته واعتذر منه على اللي صار وأنتِ تتعذرين منهم وكدام عيني
وتصيرين أدامي وتلتفين على بيتج وزلمتج الفقير اللي يباوع على? حلگج يا قندره من تروحليه فدوه
سيف تاج?اسج يا حيوانه
أسيل ابويه كاعد على الدرج وساكت وحارث لزم الحايط حيله انهد وحسن يطبطب على أكتافه.
علوان خابر ابن عمك واعزمه هو مرته عيب
حارث غير لو يجاوبني يمكن نام لن تاخر الوقت.

يله اني رايح الصبح اجيكم أسيل تعالي سدي الباب وراي.
أسيل اي مشيت وراه وطلع وگالي
حارث هم شفتي التعليقات مالتها مسحتهن لو لا
أسيل والله ما ادري جنت نايمه
حارث طلعتي ادامي شوفي تلفونها وأنتِ حذفيهن
أسيل ماشي راح وقفلت الباب وراه، ورجعت لكيتها تبجي وامي حاضنتها وتسكت بيها.

جنان شكد طلعت حقيره وسمانيه وسوتلنا مشكله على الخالي بلاش أنتِ جايه خطار لو تسوين مشاكل وهدت علينا زلمتها المخبل شگو تتصل على حارث وتبلغه مو عيب سوالف نسوان تحشر نفسك بالنص شگو شكد نزل من عيني واثاري صدك اسيا ساحتله وراها طاح حظك اي والله هي هيج الزلم.

أسيل ليش شبي أظن ما غلط وتصرفه ما بي اي عيب رجال ما يرضى أحد يتجاوز ويهين مرته يعني اللي يدافعلها وما يرضى احد يحجي عليها ويهينها تكولون ساحتله وراها ومسيطره عليه والله عليكم تفكير جهنمي.
هديل أنتِ انجبي أدافعين الهم ل أسيا مو واكفه وياها وأني أختج من دمج ولحمج تصيرين ضدي وسفه عليج.

أسيل اظن ما دافعت ل لأحد ولاتخافين أسيا ما تحتاج أحد يدافعلها ويصير وياها كافي عدها رجلها اللي من سؤء تصرفاتج وتعليقاتج الما بيها معنى اتصل على حارث ورجع عليج صبغ جلدج لو صايره ادامي ومحترمه روحج منو يگرب صوبج
هديل يعني شلون ما أعلق لولد عمي من وره حضرة جنابها تغار على رجلها
محد منعج تعلقين لولد عمج بس المنشور مو ولد عمج نشروا المنشور عصام ناشره شگو تعلقين اله؟

بس المحترم محترم وعصام لما شاف الغلط منج ما خابر حارث وابويه بهل الليل ودمه محترك جان رجع على مرته وحاسبها بس عصام انسان حكيم ويعرف شلون يتصرف والغلط غلطج أنتِ تحرشتي بيها وهنتيها بيتنا مره غريبه وأول مره تدخل بيتنا احترميها وسوي واجبج وسگتي والماضي ماضي راح وفضت وأنتِ تزوجتي هالتصرفات هاي شيسموها؟
أمششي طلعي برا لا ابتلي بعمرج.

طالعه بس فكري بنفسج وعوفيلي الماضي وعيشي بالحاضر دام هيج كاتله نفسج عليه شگو عفتي؟
شعليج أنتِ وعفته لن مو أدامي
مو أدامي عوفي لمرته هي راضيه بي ومتحملته لاتتحرشين بيهم وتذبين سمج عليهم، بس أختي وأعرفج تجاوزتي حدودج ونسيتي أنتِ متزوجه وما احتىرمتي لا زواجج ولا زوجج سيف بس أكول الله يهديج.
شو أنهديتي عليه شگالولج عليه اي عيني صرتي جنتهم واكيد مروان الحقير خابرج وكالج.

لا ما خابرني ولا گالي وبعدين ليش صار حقير على معلومي أنتِ وياه صداقتكم قويه لو حتى هو عرفج أنتِ مو أدامي
گبل ركعتني بالشاحنه أجتي بوجهي وأذتني بخشمي صرخت بوجع وامي دفعتني وسدت الباب بوجهي وگالت
جنان أمشي طلعي ما وراج بس المغثه اختج حال الضيم حالها وأنتِ أدفعين لعصام ومرته امشي ولي
أسيل ضليت مصدومه والباب أنقفل بوجهي تالي صعدت غرفتي باوعت بالمرايا خشمي احمر دم اذتني الخبله طيرتلي خشمي.

ما فتحت التلفون هسه يگولي شعندج فاتحه نت بقيت كاعده وخشمي يأذيني وجوعانه نزلت جوه
شفت تلفون هديل على الكاونتر مخليته على الشاحنه فتحته لن اعرف الرمز دخلت على التعليقات يا تعليقات كال عليهن حارث مسحهن مروان بلحظتها رجعت اقرا ولكيتها عايده تعليقاتها؟
هاي شكد كديش وتعاند مسحتهن كلهن ودخلت على حساب مروان ولكيتها حاظرته ياااا كبر ليش
بلا خل اشوف شحاجي وياها كاتبلها.

مروان اني مو مسحت تعليقاتج شگو ترجعين تعيدين التعليق أنتِ ليش زمال؟
لاتغلط وأحترم نفسك
محترم نفسي بس صفنج مو مال أحترامات
لا والله يا صنف تحترم أنتَ
اللي محترم روحه مو بس أحترمه اخلي على?اسي
شو ما تحجي على زوجة أخوك من ما أحترمت نفسها ودخلتلي خاص تتجاوز بس نادر على بنت عمك.
زوجة أخوي محترمه نفسها اكثر مني ومنج
لا واضح تخرخر أحترامات.

أنجبي وأكلي مره وتغار على رجلها وتحبه وصاينته وما تريد احد يتقربله لا أنتِ ولا غيرج واذا مثلما تگولين بنت عمه أحترمي روحج أنتِ عمه وخلص ليش كلامج وياها جان حبيبي وخطيبي؟
هاا هديل هااا رجعنا لمربع الأول.
طلعت حالك من حالهم
الحق تزعلين منه بس أنتِ مو أدامي وأسيا ما تجاوزت بحق أحد واذا عرف عصام وصارت مشكله من وراج ما تلوميج الأ نفسج تنركعين بمية قندره على حلكج لن أستفلتي زايد.
دتطير أنتِ ومرت أخوك.

أسيل بعدها حاظرته تشعوطت هاي شبيها متخبله والله ما جانت هيج بس الظاهر فعلاً مو أدامي طلعت من الماسنجر رحت على الواتساب ما محظور ونشط منذ ساعه الظاهر نايم! وكلامهم عادي بس انتبهت على رسائل الأخيره لفت أنتباهي
مروان أسيل وين
هديل نامت ليش
شوكت نامت
من شوي صعدتلها نايمه
هاا ماشي
ليش ما حجيتوا
وأنتِ شعليج؟
شبيك ما تتحاجى ترى سألت وأسيل أختي
ومرتي
اي عيني صارت مرته
أنجبي.

مروان امانه دير بالك عليها وطولك خلك عليها بعدها زعطوط ومراهقه وعقلها صغير هي شوي لسانها طويل وتعاند لازم توسع گلبك عليها علمود لاتصيرلكم مشاكل.
ولازم أتعلم منج شلون أتعامل وياها؟
اي فوك ما أكولك عليها
ما يحتاج تكوليلي
مو وجه نعمه
مثل وجهج.
صوجي والله يله روح
ههههههههه تزعلين من تنلبسين.

أسيل ما مجاوبته انقهرت من كلامها عني كدامه ليش هيج تكسرين بي عفت التلفون وانقهرت حتى الجوعه راحت خليت وصعدت ونمت وافكر بكلامهم وتالي غفيت وكعدت على تلفوني هزاز رفعت الشاشه مروان يتصل جاوبته واني نايمه الو مروان
مروان الو
أسيل هاا مروان
الو
مروان يمعود الو أسمعك
شنو نايمه
أي والله
كعدي يله
خليني أنام شعندك من الصبح متصل عليه
أغثج
فدوة لهيج مغثه
شگلتي لج.

تداركت نفسي وكمزت يله كعدت باي قطعت الخط ومسحت وجهي شعندك تتصل من الصباحيات.
خليته على الشحن دزلي رساله
مروان الخط لاتقطعينه بوجهي لا اقطع?اسج.
أسيل ما جاوبته لان هواي جاي يحمى عليه شاف روحه وتسلط بزايده، فتحت الانترنت جاي أكلب ودخلت هديل بيدها تلفونها بس شگلها حزينه هاا
هديل عصام
أسيل شبي
حظرني
أي وليش ضايجه
ما ردت توصل لهل الدرجه يضل أبن عمي وما عندي شيء وياه.

ما عندج شيء وياه بس ما أحترمتي زوجته شتدرين لعد يبقيج عادي أكيد أنقهر وشاف أنسب حل يحظرج
يعني قصدج شوفته المحادثات اني وياها من دخلتلي خاص
اذا مو هي شوفتهن هو شافهن ليش خما تجاوزتي حدودج بالكلام وجفصتي زايد نزلت دمعتها وتلفون بيدها سحبته ورجعت أقرا وانصدمت شنو مخليج ضمن الحمايه مالته وتنبحين؟ صدك هديل من كل عقلج شلون هيج تحجين وياها.

ما اعرف ما جنت بوعي انقهرت منها شنو هو بس رجلها يعني نقطع الصله التجمعنا لن حضرتها تغار ومو من حقها تأمرني احذف تعليقاتي سواء اله او للولد عمامي.
وأنتِ ليش تبجين لن حظرج؟
يعني حقد عليه وحظرني ما ردت اوصل لهل النقطه يضل أبن عمي وتضل علاقتنا بوديه وأحترام مو حقد وتجاهل.
بعدج تحبينه
لأ يا حب أنتِ الثانيه
لعد ليش هيج سويتي.

شسويت متكوليلي والله ما سويت شيء أنتوا ركزتوا عليه وعفتوها الها محد ركز على تصرفاتها شلون تغيض بيه ومن قدمت الها الجاي عافتني وخلتهن كلهن يباعلي لو من خطوبة ازهار كلما اتقرب لبنت عمي تصير كدامي وتمنعني اتقربلها ولج حتّى كرم تصوري حجيت وياه وبسته اجت سحبته مني ومنعته
ما أعرف شحجي.

ميخالف تغار على زوجها ما بيها شيء من حقها وما الومها رجلها وتحبه وكلنا نغار على زلمنا بس مو من حقنا نقطع الصله التجمعنا علمود مشاعرنا وغيرتنا
هي بتصرفها هذا راح تقطع علاقة بين عصام وإهلي
تدرين لو باقيه على موقفج الأول هواي أحسن الج
شلون يعني
جنتي ما هلكد تحبين ينذكر طاريه ومن تشوفينه تتهربين وتتوترين ومحترمته وصاينه نفسج يعني هسه شحصلتي من دخلتي نفسج بهل المععه.

ولحد الان اني أحترمه وصاينه نفسي وزوجي وعصام ما عندي شيء وياه بس بسبب مرته واللي صار وصلنا لهل النقطه وحيل انقهرت من كعدت من النوم لكيته حاظرني من كل المواقع حتّى من ارقامه.
وزوجته
لا ما حاظرتني
ههههه مبقيتج علمود تشوفين
انجبي هسه عوفينها منها
شتردين لعد
أعتذر من عصام والله بس اعتذر منه وهاي هي.

اللي جاي تسوينه غلط عوفي عصام ومرته وهل السالفه كلها يمعوده لاتوصل السالفه لرجلج وينهجم بيتج منو يفيدج بعد عصام او اسسيا.
بس أعتذر شبيج مو الا جان خطيبي السابق اعتذر منه لن هو ابن عمي وما اريد خسارته هاي كل السالفه
أنتِ مقهوره لن هو أبداً ما حظرج ولا لغه الطلب الصداقه وبقى گلشي مثل ما هو حتّى من تزوجتي ما حظرج لن المحترم محترم هو احترمج لن بنت عمه بغض النظر عن دگتج الناقصه بي من طلبتي الانفصال منه.

هو أحسن مني
وهسه شتسوين
راسلي أنتِ من الواتساب مالتج أحجي وياه أتصال
وليش أتصال
اهوووو أسيل
خو احجي رسائل والساعه ب 9 اكيد نايمين هسه
شوفي هسه فاتح أنترنت؟
دخلت الواتساب نشط منذ دقائق هاا وهسه
دزيله رساله
شدز خرب والله استحي منه ما مراسلته من زمان بس من انشر واتساب يصنف عليه ويضحك.
كتبي صباح الخير شلونك عندي موضوع وياك
كتبت اله ومر وقت وفتحها وكتب
عصام هلا والله صباح الورد گولي يابه
أسيل أكو احد يمك
لحظه.

مرت دقايق واجه
هاا أسيل صاير شيء
زعلان من عدنا دزيتله سمايل حزين
لا والله ليش أزعل على شنو
علمود البارحه بالليل
عادي تصير وأنتوا تضلون عمامي ما ألكم دخل
ادري گلبك جبير بس جايتك بطلب
وهو
ما تزعل مني
گولي
أتصل
أتصلي
مروان خما يمك
لا جاي يتريك گبالي
يعني گبالك
أي بس بعيد ليش شبي وياج أحجيلي
ما بي شبي يله لعد راح أتصل عليك تمام
أتصلي
هديل كامت قفلت الباب وخلينا السماعات وأتصلت عليه وجاوب
هاا أسيل
لاتصيح اسمي يمعود.

ولج ليش تخافين منه لاتنطينه عين ترى ينجلب عليج مروان بس احد ينطي وجه يستجلب عليه
هاا
ههههههه لا بس حباب
تمام هسه عوفنا من مروان
اي
احجي يله احجي شبيج جمدتي
أسيل
هديل عصام اني هديل لاتقطع الخط امان...
أسيل قطع الأتصال
أي اي الله يأخذني اي والله
كعدت تبجي حضنتها خلص يمعوده رغم ضربتيني بالشاحنه على خشمي بس ميخالف اني احسن منج.
هديل ليش قطع الأتصال ليش.

أسيل احسن ما بيها داعي وعصام يعرف الحلال والحرام وأنتِ على ذمة رجال ما يجوز هالشيء حتّى لو بنت عمه مو الا تجاوزتي حدودج عليهم لن من يوم أنفصالكم ما حجيتوا ولا حرف وأنتهى گلشي من زمان
أي
خلص كافي احسن ما حجيتوا
ويفتح الحظر عليه
ولا يفتحه كافي تقهرين بروحج ابن عمج وما تردين خسارته اتصلتي وقطع الاتصال اكيد راح يعرف تردين تعذرين منه وسويتي اللي عليج وهاي هي كافي هديل.

اي هذا هو اوي على شنو ابجي واقهر بروحي اكوم اريك جهالي واخابر على سيف
اي عفيه بأختي مسحت دموعها ونزلت رجعت دزيتله عصام اني اسفه خليتك بموقف
عصام لا عادي ولا يهمج
أسيل شكراً لتفهمك
عصام تدللي عيني.
أسيل مسحت المحادثه ومروان فتح إنترنت عفته ونزلت تريگت بعدني جاي أكل اندك الباب منو؟
جنان أسيل گومي فتحي الباب
أسيل جريت شيله أمي ولبستها ورحت اشوف منو
مروان زلمتج
فتحت الباب أتفضل
عمي موجود.

اي عبرني بدون كلام ولا نظره ودخل واني وراه وكف بالطرمه يحجي ويه أمي عفتهم وكعدت بالمطبخ أكمل أكلي وأجتني هديل معصبه
شنو هالاستقبال لخطيبج
شبي
غير تكعدين وياه وگت أكل هسه گومي رتبي روحج
ما جاوبتها
أسيل ويامن أحجي.
خليني أتزقنب
جنان تزقنبي وكومي غيري ملابسج تروحين تسوين تحليل يله
تحليل مال شنو
تحليل دم علمود عقد المحكمه شبيج مثوله.

اي فهمنا عفتهن وصعدت غيرت ملابسي لبست قميص ابيض وبنطلون وسترة جوزي وخليت مكياج ورتبت شالي وصعدتلي هديل وتهز بيدها شگو شبيج.
هذا لبس بشرفج لابسه جوزي وأنتِ عروس
غير أنسق وياه هو لابس جوزي
هاا علموده
أي لعد البس اخضر
دنزلي ام التنسيقات عفيه الخلك العنده كاعد ينتظرج
هسه انزل وراج كملت وشلت تلفوني أستغربته ليش ما بلغني قبل لا يجي ولا عيط ولا فشر حتى ما باوعلي وهادئ! مو بالعاده الله يستر من هذا الهدوء.

لبست الحذاء وهديل خبلتني الا البس كعب يمعوده اوفر باعي الكعب شگد عالي ادري عندي حفله هو تحليل دم شسوي بي ما احبه
هديل بس الزلم يحبون المره التلبس كعب وتبرز طولها وتصيرين أنتِ وياه نفس الطول
واني البس والله الزلم يحبون؟ شو دوخري خليني البس براحتي لبست وبعدني جاي امشي وتلفوني بيدي وصاح أسمي لأول مره.
مروان أسيل
أسيل جانت أمنية حياتي أسمع أسمي منك.
هديل شبيج تخشبتي امشي يصيحلج تاخرتي.

أسيل هاا أي من يروح ويانا
هديل على أساس أمي بس هو كال بس أنتِ وياه
شنو ووافقتوا عادي
اي شگو بيها قابل غريب
رخصوني بعد رخصوني ماشي اروح وحدي وياه بس بعدين تنحسب عليكم وأمي امومتها خل تتبرع بيها احسن الها.
أختنكت من تصرفات أهلي وطلعت لكيته واكف بالطرمه ويدخن شافني هزلي?اسه يعني لحكيني.
مشيت وراه فتح باب الحوش سيارته طابگها يم الباب صعدت ليكدام وشغل وطلعنا المستشفى.

هدوء يعم المكان أرواحنا قريبه من بعض بس داخلنا حروب واصابات وجروح وجثثث واروح ما مستقره بسبب أخطاء أرتبكت من الطرفين.
هو يسوق طبيعي وأني نظراتي لشارع وسرقت نظراتي ناحيته ولفتني المحبس اللي لابسه جانت النيه اسرق نظره سريعه بس ضليت أتمعن بتفاصيله وهدوءه وأناقته أحسه طالع من الباكيت من كثرما يلمع وريحة عطره تارسه السياره، غيرت نظرتي قبل لايحس عليه وينغر هو بدون شيء شالع گلبي.

طبگ السياره ونزل ونزلت وياه قفل السياره ومشه واني بصفه وگفت وانخبصت بالجنطه والتلفون اريد اخلي داخلها ومروان وجوده قريب مني حيل توترت وانفاسي تسارعت ويه نبضات گلبي وگلشي هدأ بلحظة لزم ايدي بيها وشد عليها رجفت روحي بلمسة أيده فصلت عن العالم بقربه وأيدي بإيده اريد أستوعب استوعبوني...

نمشي واني وياه نفس المستوى بالخط النمشي بي حذاءه وحذاءي ورفعت عيني صافنه عليه باوعلي صفح بس نظراته جانت خاليه من الحب!
وصلنا شاف البنات عاف أيدي واني جلبت بيها وهو استغرب ضغطت عليها والبنات ابتسموا على منظرنا واحد يباوع الثاني ما سحب ايده يحجي ويسأل على التحليل واخذتنا الممرضه ونمشي وراها باوعلي وگال
مروان ترى ما أطير
أسيل وطير منو لازمك ترى انت لزمت ايدي
اي دسگتي هسه.

عاف ايدي وبهل الاثناء اجه حارث فرحت من شفته وتقدمت سلمت عليه هلا خويه
حارث هلا عيني هاا أشسويتوا
مروان گالت هسه أنتظروا امشي كعدي
أسيل واكفه ويه أخويه
حارث هههه عوفها شمسويه من هسه تتحكم بيها
أسيل حسيته ضاج لن وگفت بصف حارث وگفوا يحجون علمود سالفة هديل وبعدها سوينا التحليل.

ورجعنا وحارث ويانا الحمدلله وصلنا وراح بدون ما يحجي أي شيء ضليت مستغربه لسانه شمسويله وهيج صاير عاقل ما يفشر ومحترم نفسه معقوله تقبل الأمر الواقع؟
أجيت أنام وصلتني رساله منه
مروان أسيل؟
أسيل بقيت صافنه على أسمي اكذب اذا ما اجاني شعور حلو فرح گلبي جاوبته نعم مروان
عصام هم حاجي وياج؟
بشنو يحجي
حاجي لو لا. جاوبي على كد السؤال.

خفت أكوله علمود هديل وأنعلس اذا اكذب عليه وبعدين يكشفني وأني بدون شيء سمعتي عنده تلطش ياربي شحجي وياه
ما تحجين شبيج صفنتي
أي
أي بشنو
أني أتصلت عليه
أنتِ اي وشحجيتوا؟
مو أني حجيت علمود هديل طلبت تحجي وياه لن حظرها من كل المواقع بس اتصلت سمع صوتها قطع الاتصال وهاي هي.
بس
أي
يعني علمود هديل
أي
ماشي
ليش تسأل صاير شيء.

أي أهلي شاكين بيج مغصوبه عالزواج لن جهرتج جانت مگلوبه لابستها بالمگلوبي والنسوان ما تفوتهن هيج سوالف وتصرف أمج وأختج هم خلال العقد ما متقربات منج.
لا ماكو هيج شي
قابل جايب من جيبي شوفي أسيل تصرفي طبيعي مثل اي عروس خل هالزواج يعدي على خير.
ماشي
بعدين أنتِ صدك مغصوبه عليه؟
أنت شتشوف
لا موافقه بكامل أرادتج
لا انت غصبتني عليك
خلاص هاي هي تصرفي طبيعي تمام
تمام بس مروان
هاا
عادي اسألك سؤال
شنو
بعد ما تأذيني؟

ما أذيج بشنو
علمود اللي صار يعني.
وليش تفتحين مواضيع قديمه
تمام راح وعفت التلفون ومر الايام واجه من الصبح بلغني بالليل نروح نعقد ولازم بابا يروح ويانا لن بعدني صغيره وامي هم تروح وعمتي وصال اجتي وياه جنت بالغرفه ألبس بشالي وصعدتلي ركضت سلمت عليها هلا عمه شلونج.
وصال الحمدلله بخير حبيبتي أنتِ شلونج أشوفج أحسن وجهج زين
أسيل الحمدلله عيني عمه.

فدوة لعينج هاج هذن اشتريتهن الج مكياجات وعطورات وكم قطعه ملابس وداخليات بعد ما اعرف يعجبنج لا من رحنا جهزنا ل أزهار ذكرتج
أنتِ ومرت حماج أنتِ هم حسبة بناتي.
أخذتهن منها شنو هالزحمه عمه گبل حضنتها وبادلتني الحضن وتبوس بيه تسلمين عمه
عليج بالف عافيه يله لبسي علمود نتوكل اني راح انزل عفت مروان كاعد ويه أبوج.
تمام نزلت وفتحت الاكياس واجت هديل واباوعلهن يخبلن وكلشي ماركه هديل صفنت بوجهي.

هديل شدعوه هلكد فرحتي بيهن قابل ما جايبيلج
لا ليش
ما أدري حسيتج فرحانه بيهن عبالك ما عندج وأنتِ كنتورج ما ينسد من الملابس العندج
لا بس أجتي حلوة منها ذكرتني
غصباً عليها تذكرج زوجة أبنها بعد ولا تبالغين بأي شيء يجيبوا ويذكرونج بي وتبيين أنتِ بحاجة هالاهتمام
هو فعلاً أني بحاجة هالاهتمام
أسيل صيري أدامي لاتنطينهن وجه ويركبنج اني عايشه بنص العيال وأعرف كلشي
بس.

لا بس ولا هم يحزنون سوي مثلما گتلج عليه يله نزلي الكل متحضرون بس أنتِ باقيه.
نزلت وشفت الشال الجابته عمتي كلت خل البسه وفعلاً لبسته وكلش طلع حلو على? وجهي وكملت وشلت جنطتي وتلفوني ونزلت شافوني لن گبالي وباب الأستقبال مفتوح على الصاله هو باوعلي وعمتي أبتسمتلي وكاموا وتقدمت باستني.
وصال لو ادري الشال هيج يلوگج ما اجيبلج كل ألوانه وتدللي من ارجع خلي ازهار توصيلج من عنوان المحل وادزهن الج.

هديل لا عمه تكلفين على نفسج
وصال تستاهل عيني هي هاي بنتي.
أسيل مروان جان صافن علينا وشال السويج وطلع قبلنا وطلعنا وراه وأجتي أمي وكامت تسولف هي وأمي علمود الجهاز مالتي لن زواجنا بعد ما ازهار تتزوج احنه نتزوج.
وصلنا المحكمه وعمتي وصال دفعتني امشي بصفه مشيت وراه وهو يحجي ويه ابويه وحرك ايده ولامست ايدي گبل أندار شافني وراه وأجتي عينه بنص عيني نظراته طافيه من اي نظره ما جنت احس بيهن بالامان!

كملنا العقد وثبتنا زواجنا بالمحكمه وتغدينا بمطعم وحيل منحرجه منه شعور ما أكدر اوصفه نظره ما أكدر انظرله وبعدين يفسرها بعقله لهذا تجنبت كلشي يخصه وأحترمت نفسي وتجاهلته.
وصلنا البيت وقبل لا ننزل گالتلي.
وصال صدك نسيت جبت الج غسل طبيعي انطيته لهديل اكلي منه علمود وجهج ينشنش على العرس
أسيل أن شاءالله عمه نزلت اخر وحده وهي هم نزلت وصعدت بالصدر يم مروان وشغل وراحوا.

روحي أنشرحت بقرب وأهتمام عمتي وصال بيه لدرجه مو طبيعيه ودخلت البيت فتحت الثلاجه وشفت العسل واجتي هديل.
هديل صدك جابولج عسل موصينه الج شتردين بعد وهم زين لابو صفار بسرعه ينزل وجهج يرجع طبيعي ويورد.
أسيل اي گالتلي
هم عزمتج على حنة ازهار
لا ما جابت طاري ليش شوگت عرسها.
يوم أحد هذا الاربعاء حنتها بس شو گالت بالبيت شعجب ما رجلها حجزلها بالقاعه أول وحده من اقاربنا حنتها بالبيت حتى اني حنتي جانت بالقاعه.

شگوو بيها وبيتهم جيبر اجعلي قاعة القاعات ما شفتي بالخطوبه شلون طلع فخم وأحلى من القاعه بقاطات ونظافه وعاملات يفترن وبوفي للأكل وطاقم للاغاني وگلشي من أحسنه
أي شفت بس أعتقد زوجها مو نفس الطبقه هسه جنت احجي ويه امي يمكن رجلها سايق تكسي.
وشگو بي مهم خوش رجال ويحبها ويقدرها ويصونها هذا كافي وبعدين أنتِ سيف مو أخذتي حاله على گده ليش أحسج صايره تحجين بالطبقات.

لا شحجيت قابل بس لن بيت عمي گمال أكثر عمامي متمكن مادياًّ وكلهم بالدوله وتهمهم المكانه والمستويات والطبقات شعجب وافقوا ينطون ازهار لواحد أقل منهم
قسمه ونصيب يله صاعده أغير ملابسي
ماشي صدك شتلبسين بالحنه
ما أعرف بعدني ما مفكره
هسه عمتج أدزلج كولي هديل ما كالت
ما ادري والله يله صاعده صعدت غيرت ملابسي وفتحت تلفوني دخلت الفيسبوك وشفت منشور.

ل ازهار أيدها هي وخطيبها وكاتبه كلام حلو وكل اقاربنا معلقين الها ومن ضمنهم هديل؟ ههههه ضحكت همزين ما تعاركن بتعليقات لاحظت أسيا أول تعليق واني علقت الها الف مبروك حبيبتي وردت عليه الله يبارك بعمرج حبيبه گلبي منورتني.

ضليت أكلب وأخذتني أيديه لحسابه ما ناشر أي شيء والمنشورات القديمه كلها محذوفه! صفنت وتذكرت أيامنا وخطر على بالي اللي صار بينا غمضت عيوني أتهرت وانفض ب?اسي وفزيت على أتصال ازهار الو حبيبتي
ازهار هاا عيني شلونج شخبارج
أسيل الحمدلله تمام عيني وأنتِ
تمام التمام أسيل عيني بس علمود فساتين الحنه والعرس مالتي لاتاخذين وصينا الج باجر يوصلن ومروان عود يجيبهن الج.
شنو هالزحمه عيني.

لا حبيبتي أنتي زوجة مروان بعد وصرتي بنيتنا مو بس جنتنا واي شيء تحتاجينه خاف تستحين من مروان كوليلي او ماما او حتّى أسيا ماكو فرق تمام
تمام عيني تسلميلي
الله يسلمج حبيبتي يله أترخص منج ونتشاوف بالحنه وابلغ مروان من يوصلنا الصالون اللي نروحله نمر نأخذج ويانا
تمام عيني
باي حبيبي
الله وياج نهيت المحادثه ونزلت وحجيت ل امي وهديل وما رضن وأمي كامت تحجي عليه.

جنان شو طلعتي ما مصدگه ومن اجو أنفجرتي علينا ليش شگالولج علينا ما مودينج صالونات لو ما نندل دربهم شو بكل مناسبة اخذج صالون شسويلج بعد علمود حضرتج ترضين على امج التعبت عليج
صدك لو كالوا البنيه ما يوكف بعينها كلشي.
أسيل بقيت ساكته ما عرفت شجاوبها ومشت زعلانه مني وهديل گالت.
هديل روحي بعد عزمتج بس اخر مره لاتضلين ساحله نفسج وراهم وترخصين بروحج من هسه.

أسيل لحگت أمي وضليت صافنه بگلامها وقررت اروح وياهن عيب وامي احاول اراضيها خطيه تضل امي ميخالف والله يحنن القلوب.
. كعدت من الصبح على الأتصال وتذكرت يمرون عليه رفعت الشاشه رقم غريب ما جاوبته رجع أتصل مره لخ رفعت خط بس بقيت ساكته واجاني صوته
مروان فديت المستشرف!
أسيل جاوبته بفهاوه مروان
بنفس النبره أي مروان
ليش تتنعوص
نجبي لج اتنعوص شنو هذا رقم السياده والقانون حفظي يمج
رقم منو ما فهمت
والدتي
هاا عمتي وصال.

أي عمتج وصال ديله عوفيلي النوم جنج دب قطبي كلما اخابرج حاضنه المخده درينا معوزه حنان
عزا مروان
العزا ما اريدها ضمن المصطلحات مالتج عقلي يطير منها مالت ناس فاهييين اني اسيا مأكله گلبي بيها عزاااا مروان عزاااا عصام.
ماشي
اي هيج أريدج اوكفيلي استعداد حتى على الاتصال اريد احس بنشاطج لن ما جاب?اسي غير فهاوتج ولسانج الرخي بسرعه توكعين بالشبچه!
ترى بالغت گافي عاد مو وضعيه قسم بالله هم رجعنا لنفس السالفه.

نجبي لج دتعالي يمي واشوفج المبالغه قول وفعل اذا ما اخليج ادكيلي تحيه صباحاً ومساءاً اغير اسمي من مروان الى تيسير العراقيه.
يعني راح اطيح حظي فوك ما هو طايح
لا
هاا
اي
يله انزل أتريك وأتجهز مو اليوم أربعاء حنة ازهار
أي
شبيك سگتت
وياج
هم تمرون تأخذوني لو اروح ويه أمي وهديل
بعصبيه وين وين تروحين؟
ل الصالون غير.

وشعندج موليه لصالون المن تلمعين بجهرتج الزفره ترى شايفها اكثر من شگلي ما شاءالله أنتِ سويتلي بروفا قبل بوقت.
ترى حقي وكلهن يروحن وأختك عزمتني گالتلي نمرلج نأخذج ويانا يعني اني ما لطشت لأحد واذا على أهلي يعني لازم أروح وياهن تكول اي او تكول لا بعدني يم أهلي واخذ الموافقه منهم؟
لازم ما تارس عينج زين يصير خير على ذمتي ولسانج بطولي يصير خير تعالي يمي واخليج تحلمين بالشمس من يا صوب تطلع سهله.

مروان قطع الأتصال وزعل اني شبيه أنهديت عليه راح يوگلني طن وحل مبين شراح اعاني وياه كمت نزلت جوه لكيتهن يتحضرن وأسماء لكيتها موجوده سلمت عليها
أسماء هلا بالعروس شو لحد الان ما مغيره ملابسج شنو ما تروحين ويانا.
أسيل لا
ليش ولج أكو عروس متروح صالون وحنة حماتج وامه محمد كلها تحضر وأنتِ مخطوبة لأخوها وكل العيون عليج امشي يمعوده صدك تحجين.
هيج احسن
ليش أحسن مروان ما يقبل مو
لا ما گال.

لا ما يقبل كلهم هيج الزلم حببيتي بفترة الخطوبه يطلعون عضلاتهم علينا ويتحكمون بينا وتعالي قدمي عريضه طويله وين رحتي وشسويتي اوووه متخلص سوالفهم دمشي يمعوده واني اخابر حارث يفهمه الوضع ما عليج منه.
هديل ليش مو على أساس ازهار وأسيا يمرن عليج لو ضربنج دبه تستاهلين والله كلتلج لاتسحلين نفسج الهن وترخصين بروحج ما فاد بيج حيل أكليها دتضلي لعد صبغي جهرتج بالبيت
أسماء هديل شو هيج.

هديل ولج علت گلبي أمشي اغير ملابسي نولي تأخرنا يمه وين صرتي
أسيل راحن الغرفه ونظفت المطبخ وضليت حايره وبهل الاثناء رن تلفوني مروان يتصل رجفت روحي من أسمه جاوبته الو مروان.
مروان تجهزي راح اجي أخذج
أسيل ماشي أزهار وأسيا وياك.
مروان لا بالصالون جايج لوحدي نص ساعه واوصل.