رواية بين قلبها وعينيها كبرياء للكاتبة شمس العراقية الفصل الثاني والثلاثون
هشام منو گالج زعلان من عندج
أزهار لعد شيسموها أراسلك متجاوبني
جان عندي شغل اي رجعتوا لو بعدكم
رجعنا قبل شوي
علي? الخير يستاهل أخوج مأخذين من گرايبكم
أي بنت عمي.
أي شگو بيها هسه هم أخوج عصام نشر وذاكر اسماء كل عمامج ولد عمامج ونسابتكم مفصلهم تفصال ومقدم دعوه شكر للكل ومجموعه صور بالمضيف وبالخارج يم السيارات ومن سألتج نسابت عمج فاضل هم يحضرون گلتي لا وحتّى نسيب عمج علوان اسمه سيف اعتقد هم موجود ضمن الصور
أي
مبارك الله يقدم البي خير يستاهل مروان
الله يبارك بعمرك
حبيبي خلصت كلشي الغرفه والترتيبات وهالامور
ضلتلي بس القاعات اليوم اروح اشوفهن
حبيبي عوفهن
ليش گلبي.
مو ضروريات ومصاريف زايده كنسلها وگافي عليك مصاريف العرس
لا حبيبي أني وعدتج وما أخلف بوعدي وياج اللي تردينه يمج ويجرالج والعرس مره بالعمر من حقج تفرحين بكل تفاصيله واجبي احققلج وأوفرلج كل اللي تحتاجينه.
ما أريد گلشي بس أريدك وتفاصيل العرس أعيشها وياك بساطه مو شرط تكون فخمه وقاعه وهوسه ومعازيم ومصاريف وبعدين تضل مديون وتضل بس تفكر ومهموم هيج عرس ما اريده
أزهار.
روحها وعيونها وگلبها ودنيتها الحلوه ل أزهار
أعشقج
مو بگدي، يله تمام أتفقنا
وأهلج خاف ما يوافقون يعني لازم عرسج او حنتج تكون بقاعه.
لا أبداً والله ولا تدخلوا اني فاتحت ماما بالموضوع وبابا سمعنا وگال احسن قرار زين سويتي لاتكلفين على خطيبج يعني ما عدهم اي مانع.
ماشي لعد بس احجز العرس بالقاعه اريد اركص وياج من بعدني مراهق احلم بيها
دمعت عيني تمام على راحتك
ما ضل شي اخليج بحضني
أستحيت وحتى صوتي راح.
أموت على خجلج غصباً على?اسي احترم حياءج وعفتج واخلاقج تجين يمي وجه لوجه وأتغزل بيج براحتي وتسقط كل الحواجز
كيفك
تخافين مني
مو مسأله خوف بس ما اعرف
تخجلين
هشام
روحه التريد حضنج يبعد أسمي الما يحلى بس من تنطقينه بشفايفج.
يأخذ نفس ويحجي واني هيمانه بنبرات وتناغم صوته وبقينا نسولف بس ما يعبر حدوده نهائي حتى واني حلاله ضل نفس ماهو ومن اخر مره اجانا بعد ما اجه بس اتصالات علاقتنا جانت على خط الاحترام اني جنت خجوله وأستحي منه وهو احترم هالشيء وكبر بعيني اكثر ماهو كبير.
رايحين لسوك نجهز اني وأمي واسيا وعفنا الجهال على مروان وكل شوي يخابرنا يعيط ويلطم واتصل واسيا جاوبته
أسيا هاا مروان.
مروان أسسيا راح اهج كرهت الجهال من ورا جهالج تعالي عليهم هاي بنتج فد عرمه بس تعصر بروحها وتجيبها بعيطه تخلينا نتطافر اني ومجد فضحتنا يمكن تريد رجال الا ازوجها
أسيا يااا عزااا
مروان عزاااا عاله كلبي بالعزا مالتج دتعالي عيني سندس بنتج زر بحالي
شبيك ياعيني أنت هم عمهم واجبك تتحملهم
وبعدنا ما واصلين فد اربع ساعات واحنه يمك
شنو شگلتي عيني اربع ساعات لو اربع دقائق؟
أربع ساعات.
لا والله شگالولج عليه مفتح روضه الجن ضابط ورتبه وسلاح وخابص روحي وتالي حاط الجهال وكاعد بالله عليجن هاي سوايه سوايتجن.
يله حباب
هو ما مطيح حظي غير كلمة حباب ديلة ولي واذا تأخرتي جهالج اتبرع بيهم لناس محتاجين خلفه واكسب بيهم ثواب لن اليحاجيج ما يشم ريحة
الجنه ف جهالج اجوي بوكتهم
يماااا عزاااا
عزا العزاج وعزا مروان وياج.
أسيا قطع الخط عمه خاف يعوفهم هذا ابنج مو صاحي وعصام نبهني وگالي لاتبقيهم يمه.
وصال لا وين يعوفهم لعد وين نوديهم غصباً عليه يتحملهم والا ما اقدم عرسه وابقي يتحرمص هو ما متحملهم لسواد عيوننه بس يريد يقدم العرس واني كلت لابوه الا ازهار تزوج واذا يضل يلح عليه اشتله لصيف وسمع بيها لصيف تخبل يگولي ادبك الزك عليها ادري اسبحك بدبس وراشي.
أسيا خطيه مبين عليه مستعجل يله بس تزوج ازهار خل يتزوجون
وصال هو هم هيج بس الا اشلع گلبه بلكي يعقل.
أسيا شيعقل عمه ليش هو خبل والله مروان ورده بس هالايام حيل متغير ولا عبالك مروان النعرفه الهادئ السكوتي والعاقل حتّى صاير سرسري هههه
وصال هو من عاف هناسه تخبل على وگته جانت بس هي گادرتله يله بلكي أسيل تسيطر عليه.
ازهار يمه هو عافها صدك
وصال يگول هي عافتني!
أسيا كذب شلون هيج يگول على نفسه وهي عافتني؟ هذا شبي.
وصال والله لحيت عليه گالي هي عافتني ما ادري بعد ما ينعرف صدكه من جذبه الله يهدي ويثبت عقله ويوفقه وينسعد هو وأسيل
أسيا امين.
ازهار امين، وصلنا السوك وافترينا كل المحلات والمولات واشترينا ولليل يله رجعنا هلكانين من تعب وبعدنا باب الحوش ونسمع صوت اناشيد اطفال؟
أسيا يمممه جهالي مروان.
ازهار ركضت قبلنا ودخلنا البيت مروان مخليهم وراه التخم وكالب الصاله مخربط التخم مسويلهم مثل السجن حاصرهم بالزاويه ومشغل التلفزيون على أفلام كارتون بعلوا صوته يعني حتى صوت جهال ما ينسمع؟ منتحر بيهم
وصاعد على التخم ورافع ردان التراكسواد ورجليه طالعات وحده فوك الثانيه ولابس كاسكيته ولازم التلفون والممه والحفاظه بحضنه منظره والوضع سينما ويتصراخون هو شافنه صار حنين
مروان هاا عمي وبعد عمي.
أسيا عزاااا جهالي ليش هيج حابسهم مروان
مروان تعالي انتِ هم احبسج وياهم على الواهس مو طلعوا جهالج مو جهال صركاعه ما شاءالله الام والاب شكد عقال عليمن يطلعون ولا واحد طالع عليه امداكم.
ازهار خطيه كامت ادفع بالتخم وثكيل وتصيح عليه
اسيا مروان تعال اني انثى ويني وين ارفع تخم
مروان توازيني عالغلط شلون اكوم اعدلج بالهندي أنتِ والانثى شو دوخري بس بيج حيل ترفعين صوتج باليل جنج رئاصه.
ازهار سكتنا واسيا خلت ايديها على شفايفها فشلانه وتضحك سحبت نفسها من كدامه وهو دفع التخم وطلع كرم سوده عليه عركان ويبجي حضن امه وجودي شالها ويبوس بيها
مروان تريد رجال زوجوها خطيه
اسيا يا رجال يمعود سوده عليه ليش هيج مروان باوع الكريكوت مالتها شصاير بي تعالي عمه شوفي الضيم عززا
مروان والله بعد شوفي شغلج
وصال يله ميخالف موزين تحملهم
مروان حكومتنا الموقره مو تنسين اتفاقنه
وصال لا ما انساه وين تروح.
مروان اديح
وصال هو انت صاير دايح شتصير
مروان دياح بصيغة الجمع
ازهار راح واسيا اخذت جهالها وامي غيرت ملابسها واستلمت التنظيف واني صعدت اغراضي وباليل وصلن الجنط مروان استلمهن وصعدهن شكراً عيني
مروان تدللي.
ازهار دخلتهن واجت اسيا ساعدتني ورتبنا كل اغراضي وملابسي بالجنط سيت متكامل امي جهزتلي كلشي حتّى فراش وفرشات نوم اخذتلي حتّى الحلويات والكرزات كلشي متكامل والنقوصات وصينا توصيل لن ما نكدر نطلع واسيا لوحدها مروان توبنا نعوف جهال يمه كل اساليب تعذيب يمارسها عليهم وعصام بالدوام لهذا التوصيل جان انقاذ النا.
كاعده بالغرفه ارتب النواقص وراسلته موجود حبيبي
هشام اي گلبي وياج
ازهار أتصلت عليه حبيبي
عيونه امريني.
ما يأمر عليك عدو بس الجنط وأغراضي تجي تأخذهن
لا بقيهن من اجي اخذج جيبيهن وياج
ليش غير يترتبن قبل بوقت
لا هيج أحسن ومن تجين أنتِ رتبيهن على كيفج لن البيت هوسه وكل كرايبنا اهنا واخواتي مخبوصات ماكو احد يرتبهن
ماشي
حجزتلج صالون باجر الصبح اجيب اختي واوصلكم
ماشي گلبي بس يا صالون حجزتلي
صالونكم
يا فدوه وليش حجزتلي يم صالونا؟
عندي بي ذكرى تجمعني بيج وأقدس كل الاماكن الجمعتني بيج مو بس الصالون حتّى الشوراع اللي افترينا بيها وعيوني تراقب كل تفاصيلج ونظراتج الاحبهن وخجلج رمز مخلي لحبي الج
هشام طگ گلبي على شوفتك لاتتغزل بيه هسه
هواي ضاملج لاتخافين هشامج عاشگج عشك التعبان ولكه راحته
أعشقك حبيبي لعد ابلغها اني العروس
هو أنتِ بكل الاوقات عروس ميحتاج تبلغينها
خجلتني.
هو أنتِ خجوله شتصيرين دتعالي يمي اتفنن بهذا خجلج شيجيب الخميس ساعاته صارن اطول من عمري.
كلها يومين وننجمع اصبر شويه
هو صبرت وتحملت أهلج ومغثة أخوانج وجرعتهن كلهن ما اصبر هاليومين
فدوة
تدرين فرحتي ما انطيها لاحد مو لن اريدج ومشتاقلج وعبالج النيه غير شيء بس يكفيني وزايد عليه من طولج يفتر بيتي وتمايلن بخصرج كدامي حتى شهر ابقيج كدامي ما اجيسج عادي عندي مهم صرتي حلالي وتسجلتي بإسمي
دمعت عيني.
الغريزه تجي وتروح بثواني ما تنحسب ضمن الاوقات ولا الها قيمه ثمينه بس الثمن الحقيقي من تلكي إنسان يحبك ويفهمك وشايف الدنيا بعيونه وتحبه وتقدس تفاصيله وروحك ترتاحله وكل الصفات التحبهن والجماعهن من طفولتك من لحظة الشبيت بيها وتتخيلهن وراسمهن بمخيلتك تلگيهن بإنسانه بنظره وحدة تمردت واحتلت موطن گلبي وهالتمرد والاحتلال علنت حرب علمود أنتصرت بحبها وأقدسها وما افرط بيها.
زهرتي لكيتج بكومة هموم وتعب سنيني ما أخس?ج لو كلفني ماي عيني، هشامج شايفج أنتِ الحبيبه والموطن والأهل والعزوه والسند وكلشي بدنيتي
اسيا واكفه تسمعه وتمسح بدموعي حبيبي
هاا يعيون حبيبج
هيج ماكو شي
الماكو شيء بيها شيء واني فهمتها
هو أنتَ تفهمني بدون ما احجي
حبيتج بنظره وأفهمج بنره.
اسيا الله على الأحساس الله عليك يالقيصر؟ اكول سيد هشام خف على عروستنا ما يصير هيج ترة وضعيتها صارت مزريه الدموع والوجه صار الوان عاطفتها تكلب خلقتها دير بالك عليها يمعود هاي العزيزه والغاليه ترى احنه وياك بالتفك حتى اني اهد عليك
هشام كلامج على?اسي وازهار بعيوني
اسيا تسلم ربي يحفظكم
هشام تسلمين ام كرم يله ازهار لازم اروح دزوا عليه احاجيج بعدين.
ازهار تمام أنتهى الاتصال وحضنت اسيا وتبوس بيه.
اسيا تستاهلين يروحي يله گومي ام الصالون تتنظرنا جلسة تنظيف وعنايه وترتيب وصبغ من الاظافر والاقدام والشعر والخ...
لبسنا ونزلنا اني وياها وعصام جان موجود نازل فدوه لطولك شوكت اجه
أسيا قبل شويه متشوفينه لحد الان ما مبدل ملابسه واني عفته واجيتج شايفه هيج تضحيه لعد اني اعوف عصام علمود احد بس علمودج ها.
فديتج وين اكو منج جنت واكفه على الدرج بس شفته دمعت عيوني وهو ضل صافن عليه نزلنا سلمت عليه الحمدلله على سلامتك عيني
عصام الله يسلمج شلونج
ازهار الحمدلله زينه بشوفتك
عصام الله يسلمج منو يوصلكم
أسيا كالعاده السايق مالتنا
عصام مروان
اسيا اي
عصام سگتي ولج شنو سايق مالتنا ما ارضاها أحترمي عيب.
أسيا أتشاقه والله
عصام حتى لو ما يصير ياعيني بس الصدك هو يرادلنا سايق بس سيادته ميوافق.
أسيا ليش شگو بيها
تردين سايق مو.
يمه شبيك عصبت
ماكو سايق
منو طالب منك سايق عمي ما نريد
وين
نروح اضل واكفه اسمع سيرة السايق؟
اي ليش ما تعجبج سيرته
لا محد يعجبني بالكون بس سيادته الواكف كدامي بقيافته
صايره تبدعين بفنون الرد
شخصك وحضورك ورجولتك يخلقن مني فن شنو بس أنت عندك فن.
دمشي وبعدين نتفاهم على الفن والفنون.
ما أطول عليك أكمل واجباتي تجاه تؤامي وارجعلك وأعوضك.
فديتج أنتِ وتؤامج أصيل وبالاصاله نمبر ون
كثرلي منها هاي بطعم الشكولا.
حاضر على هالخشم
ابوسه
دمشي عاد انفضحنا وتطشرت الأسرار العسكريه
ازهار مبتسمه على سوالفهم وغمزتله واجتني وخلته وراها يباوع على طولها وشلون تمشي شسويتله ولج شنو هالكلام عمي مخبله اخويه
أسيا يتخبل يمي ولا يتخبل يم غيري كلشي يريد اسويله يتفنن بيه اتفنن عليه يتمرد عليه برجولته اطغى عليه بإنثوتي ودلعي يتغزل اتغزل بي وأغرگه
ب بحري هو وغزله هاا شلوني
ازهار طلقه.
أسيا دمشي لا ارجع اطلق ناري على أخوج ترى طاگ كلبي عليه متشعوطه الله وگيلج بالكوه لزمت روحي ما نتفته بوسه وشلعت خده انوب ضعفان سلب عافيتي بطوله.
ضحكت عليها طلعتي ناريه
اي اخوج ورثني.
مشينا ومروان يحجي أتصال شافنه قطع الاتصال
مروان هلا
اسيا بالمهلي شيخنا
مروان عايف الشيخه الج ولرجلج متبرع بيها الكم
اي والله شفت مو صُدك احنه شيوخ ما ادري ليش مضغوطين من عدنا
اي والله بس يراد الكم سبحه ودله وديوان.
لا شنو هالتكلفه الشيخ بإفعاله مو بالمجلسه
مو صحيح
أصبتِ عداج العيب.
ازهار اسيا صعدت بالصدر واني ليورا وشغل وطلعنا باوعتلي وگالت
اسيا اكولج لاتزعلين لن كعدت بالصدر المفروض أنتِ تكعدين لن اخته بس تعرفين اني شيخه ومن الواجب اكعد كدام يعني ما يصير شيخ ويكعد ليورا وين صايره هاي شيخ نص ردن
مروان هم صح.
أزهار ههههه دكعدي منو حاجي وياج وكايلج ضحكنا حتى مروان ضحك وصلنا نزلت واسيا ضلت تحجي وياه شفت فتح محفظته طلع فلوس
اسيا لا بقيهن اني شايله
مروان دخذيهن موو الج لاختي
مو اعرفك جلد دجيبهن لعد
عود من تخلصين خابريني
ماشي عيني مشكور على المصاري
بالعافيه يابه
ازهار دخلنا الصالون وسلمنا عليها وكتلها اني العروس وفرحت
سوسن دام أنتِ العروس صالون حنتج هديه مني الج ولا تناقشيني أبداً.
اسيا لا حبيبتي ليش اناقشج هاي هي.
سوسن خو أنتِ ما تكولين باطل
نحبج ونمون عليج غير يله حبيبي استلمينا غسل وتشحيم واني هم حالي من حالها لن زلمتي اليوم نزل واريد اعرس وياه ضبطيني على اخر حبه.
سوسن أنتِ اطلعج أحلى من العروس
أسيا حبيبي اللطيف متقصرين.
ازهار وبلشتنا شغل اني وأسيا من كلشي وخلصنا وانطتها تعبها وتشكرت منها واسيا طلعت نار تشتعل مكياج وصبغ وعدسات شطلعتي الا بشده.
اسيا فديتني هذا مروان وين صار عمتي تخابر خبصتني سوده عليه عفت جهال عليها يله ابو الغيره
مروان اطلعي عيني سندس
اسيا اجينا باشا
ازهار طلعنا وتوجهنا للبيت وصلنا لكينا رافع ابن عمي داوود موجود ونزلنا وعصام اشرلنا مشينا وحده بصف الثانيه ولكينه امي مخبوصه خطيه
وصال تاخرتن تعالي اخذيهم اريد اكمل العشه.
ازهار اخذت جهال وراحت واني غيرت ملابسي واجيت اساعدها واجتنا اسيا وكملنا العشه وتعشوا وغسلنا المواعين واجه مروان اخذلهم الجاي وكال لامي
مروان عود رافع يوكف ويانا من نسلمها لنسيبج
وصال ليش شعدكم
مروان نكسر عينه خاف اله نيه بيوم يزعلها علمود يحسبلها حساب ووراها زلم.
وصال خير أن شاءالله.
ازهار اخذ الجاي وامي هزت?اسها ما مرتضيه
وصال الله يعين هشام على ما بلاه
ليش شگوو.
ماكو شيء روحي نامي واشبعي نوم وراج حنه وعرس وتعب وكعدي من وكت ناخذج الصالون
ماشي يمه الجنط كال بقيهن هسه
بقيهن شگو عليهن
يمه هم احد يروح وياي
اني اروح وياج لاتخافين
عيني أنتِ حضنتني وكامت تبجي مسحت دموعها لاتبجين فدوة
الله يسعدج أنتِ وياه يله روحي ارتاحي.
تمام صعدت غرفتي بس نظرات أمي ما فارقتني جانت تحاجيني بعيونها وبالأخص بعد ما مروان بلغنا رافع يحضر وياهم من هشام ياخذني كلش ما حبيت هالتصرف يعني شنو تخوفونه لو تزرعون الرعب بداخله أنتوا جيش وهو واحد.
الثاني أبدأت مراسيم الحنه وكل التجهيزات وبيتنا من الفجر أنترس كل بنات عمامي حضرن ونسوانهم والجنايين هوسه كبت لستار والسيارات طابگه يم الباب ومروان ما عافنا حبيت وگفته وموقفه وياي طول فترة خطوبتي من جهازي وروحاتي لصالون والزايده والناقصه هو يجيبها يعني تكفل بگلشي.
كملنا واسيا خابرت على مروان وأيمان مستحيه ما تريد ترجع ويانا بس احنه ما قبلنا تروح ترتاح خطيه.
اجه واسيا ساعدتني بالبدله وطلعنا ومروان واكف مزعوج صدك أسيل ما جابها
أسيا سگتي خابرته گالي ما تجي رجعت خابرت عمتي گالت أخوها ما قابل تجي وياه لوحدهم وراجعه لبيت واجتي ويه اهلها.
ازهار اهاا هيج السالفه طلعنا وشافنه وأبتسملي وفتحلنا الباب ويباوع عليه واسيا عثرت بالبدله واجه ساعدنا ورفع البدله وصعدت واجت ايمان مستحيه
صعدت بصفي واسيا ليكدام وشغل وتوجهنا للبيت.
وصلنا البيت واستقبلني بهلاهل وصوت الأغاني كلش عالي مروان قرب السياره يم الباب دخوليه فد مره وتوترت وكلهن التمن يباعن وصاح بيهن بعلو صوته
مروان يمعودات طريق خل تفوت داخل وشوفنها الحوش مكشف الا اعيط بيجن يله
ازهار ما حسيت غير مروان اجه وشالني ودخلني للكوشه متت من الخجل بس كلهن يضحكن وصورنا بس حبيت موقفه صاح على امي وكال.
مروان اني رايح لبيت جدي اتغدى مجد باقي بمكاني تحتاجونه بلغوا.
وصال عيني طولك تعبناك بس لو انت تضل لن انت خدوم وسگوتي
مروان ترى مصختنها كافي
وصال يله دتروح ومشكور دتعال اوكف ما شفت حلوتك؟
مروان يا حلوه
وصال اسيل شبيك فاصل يا امي
مروان اهاا وينها
وصال ما اعرف وين راحت هسه جانت تحاجيني هديل وين اختج أسيل
مروان يمه عوفيها اني رايح
وصال وين اوكف هياته اجتي اسيل تعالي حبيبتي.
ازهار أجتي لابسه فستان ذهبي وحجاب طالعه تخبل تقدمت مستحيه بوستني وباركتلي ومروان باوعلها خطف ودار وجهه عنها حتّى امي ضلت مستغربه تصرفه شوي وأشرلها ومشه ولحكته.
وصال يدك ثگل ب?أسنا دشوفها شحلاتها تضوي بس طولها كافي عليك وزايده والله احسها توالمه وتفهمه وتحبه وتداريه وتعقله النا بس كون تكدرله.
طلعوا برى وتاخرت شوي وأجتي عيونها دم وخدها بي حمار گبل طفرت الحمام وامي لحگتها واجتي كعدت تضحك بس ما مبين عليها هاا ماما شبيهم
وصال ما بيهم شيء گتلها شبيج گالتلي مزعوج لن ما رحت وياه لصالون والظاهر مرزلها بس ما حجت
يله شوفي هشام وين صاروا لما اشوف اسيا التهت بجهالها خطيه بنتها بس تبجي استغربت الاجواء.
خابرته ورفضني وسمعت صوت هورن سيارات وصلوا وامي طلعت استقبلتهم ودخل مبتسم تقدم حضني وباسني من گصتي.
هشام خايف عليج والله طالعه تخبلين
ازهار مو بحلاتك متمسكه بإيده وطول الحفله هو ما عافني من اخذنا صور واكلنا كيك ولبسني الذهب نظراته تحاجيني بكل حب.
وأخواته ركصوا ركص بدعوا حبيت رقصن ولبسهن كلش حلو ومكياجهن حبيتهن بس ولا وحده منهن تقربت عليه حتّى سلام ما سلمن ما عدا ايمان وامه ما جايه لن صحتها مو هلكد كلت ميخالف احتمال عرس وتعبانات عاذرتهن.
ومن خلصت الحفله حزنت راح يرحون ودعني بحضن من توصل خابرني تمام.
هشام راح أشتاقلج بس هالليله وباجر شيله
ازهار نزلت دموعي وتذكرت أهلي والوداع بابا ماما اخواني اسيا كرم وجودي ما جاوبته بس هزيت?اسي واني أنفجرت بالدموع وحس بيه يحاول يسگتني اني انهاريت بشكل مو طبيعي.
هشام ازهار اسف حبيبتي والله مو قصدي شو باوعيلي لاتخليني أروح واضل عايش بقلق عليج
وصال روح يمه الله وياكم لا يضل بالك عادي تصير كل عروس تمر بهل اليوم الصعب خليها تبجي وخليني اشبع منها.
ازهار امي تحجي وياه وگامت تبجي وهما طلعوا واسيا تسگت بأمي واني كاعده على الكوشه والعب بإظافري وابجي والبيت بدأ يفرغ كلها راحت بس بيت عمي فاضل ضلوا وعمتي زينب مكابله امي وتبجي وتسكت بيها واسيا تمسحلي دموعي واني ما كدرت حضنتها وبجيت على كتفها اسيا ناار نار نار.
اسيا ميخالف حبيبتي كلنا مرينا بهل اليوم صعب الله يعينج خليج قويه يروحي كافي تبجين گليبي والله مردتي گلبي يله امشي الغرفه غيري بدلتج هسه اخوانج يجون يله حبيبتي.
أخذتني الغرفه ساعدتني وغيرتها ودخلت سبحت وارتاحيت ونزلت لكيت أخواني موجودين وعصام عيونه حمر بس شفته برطمت أختنكت حيل صد وجهه عني وراح الغرفته بس مروان جان كاعد يأكل أندومي ويشرب بيبسي جان گتلي اسويلك عشه.
مروان ما جوعان تغديت متأخرّ تعشي أنتِ عصام جاب مشواي على الكاونتر.
ازهار ماشي وبابا وين
مروان ما أجه ضل هو وعمي فاضل وجديتي كاعدين ويبات يمهم
أزهار وباجر يجي
مروان اي طبعاً يله تصبحين على خير.
أزهار وأنتَ من أهله صعد الغرفته بقيت لوحدي بالمطبخ واجتني اسيا عيونها حمر أسيا شييج
أسيا ما بيه شيء حبيبي بس تعالي وياي أخوج يريد يحجي وياج دزني عليج.
أزهار ليش صاير شي.
أسيا لا ولج شيصير قابل بس أخوج حاب يحجي وياج لاتخافين ماكو شي يخوف.
ازهار مشيت وياها لكيته كاعد رفع عينه عليه ونزلت دموعه واني كذلك تقدمت وكعدت مقابيله خويه طالبني تقدم وعيونه ما ينشافن من الدموع حضني من وجهي بإيده الاثنين وكال.
عصام أزهار خويه مودعه بالله ديري بالج على نفسج وزلمتج وبيتج وعيالج أدري بيج سباعيه وما ينخاف عليج وگلبي وربي راضين عليج أدري بيج مقهوره وزعلانه عبالج اني زعلان منج أني ما زعلان منج اني زعلان على روحي ومقهور لن راح تطلعين من هالبيت وتودعينا فراگج صعب على گلبي.
ازهار مسح دموعي وباسني من بين عيوني وگال.
عصام بيت أهلج مفتوح الج بكل وقت واني بظهرج ساندج العمر كله بس واي شيء تحتاجينه بس رمشي بعينج الما موجود اخلقه الج أنتِ أختي وحيدتي عزيزة گلبي وگلشي سويته من حبي الج انفعالاتي عصبيتي تهوري كلامي اذيتي وضربي الج كله لصالحج ماكو أخ يرضى باللي صار ولا يتقبله مستحيل وبالاخص احنه بس تقبلنه غصباً علينا وضلت مثل الغصه بلعومننا رضينا وسگتنا وصار اللي صار والكلام ما يفيد ولا يقدم ولا يأخر هاي هي.
وهشام أعذريني ما أكدر اتقبله ولا اطيقه بعيشة الله لا اليوم ولا بعد سنين طويله وأكولها الج من هسه ما يجمعني بي طريق واذا اشوفه بشارع ما اسلم عليه ولا تكوليلي ليش اني تلفونج لحد الان يمي ما أكدر انطي الج اكو شيء صعب عليه ما راح تفهمينه
فهمت عليك يا نظر عيني حضنته وبجيت على أكتافه وهو بادلني الحضن بقوه ومتمسك بيه بإيدي اثنين ويبوس بشعري وگال بصوت مخنوك.
أنتِ اختي وأي تحتاجينه تجين على أخوج أشلعلج عيوني والله يسعدج بحياتج
أختنك ونزلت دمعته أبتعد ودخل الغرفه وقفل الباب وراه واسيا تبجي تقربت مسحت دموعي تصبحون على خير لاتخلينه لوحده فدوة رايحه اشوف امي وانام بحضنها.
ماشي عيني
طلعت من يمهم وصعدت غرفتي جبت تلفوني ولكيت هشام كومه متصل وبهل الاثناء هشام
أتصل جاوبته هاا عيني
هشام وينج أنتِ اتصل متجاوبين وكومة دزيتلج رسائل وين اختفيتي!
أزهار موجوده يم أهلي وحابه ابقى وياهم الوضع صعب هشام حيل صعب روحي تنسحب من صدري وبعد بابا لحد الان ما شفته بجيت
ميخالف حبيبتي هي هاي سنة الحياة ومو بعيدين عليج يجونج وتروحليهم واكو تلفونات فتحي كاميرا مهم ما تضلين تبجين وتقهرين بروحج
اي يله لازم اروح على ماما
ماشي حبيبي على راحتج.
نهيت الأتصال ورحت لغرفة امي لكيت مجد بحضنها ويبجي وهي دموعها تجري شافني كبل كام وعبرني ويمسح بدموعه يممممه فتحتلي حضنها حضنتها وبجيت وتسكت بيه ونومتني بحضنها وتلعب بشعري وتسولفلي وتعلمني على باجر بهواي امور وعمقت بالتفاصيل شرحتلي گلشي بس اهز براسي وسگتنا من مروان دك الباب
مروان يمه ازهار يمج
وصال فوت يمه
مروان هاي أنتِ اهنا
وصال اي اليوم انومها بحضني ليش تسأل عليها.
مروان هيج والله دخلت غرفتها فارغه تعرفين هي جارتي ولازم اتفقدتها
وصال هاا بس لن جارتك حايط على الحايط
مروان أي يله كملوا نومتكم تصبحون على خير
وصال وانت بخير.
أزهار بقيت بحضنها ما يجيني النوم شعور صعب من تفاركين أهلج وأنتِ وحيدتهم وحبوج ودللولج
بجيت واني حاضنه امي واشم بريحتها الى ان غفيت
بالصالون باقيلي لمسات أخيره واسيا تجمع أغراضي وايمان تحجي ويه هشام ومعصب شبي انطيناه هاا عيني.
هشام شنو اخوج يجي ياخذج من الصالون لعد اني شنو دوري متزوج وخابص نفسي وأخوانج منبصين نفسهم بزواجي شگووو
أزهار اي هو يجي شعليك بيهم ياعيني
وأنتِ موافقه
اي غير اخويه يأخذني من الصالون وبعدها انتو تجون تاخذوني هيج العادات يا عيني شبيك معصب ومكبر الموضوع
اني كلت اجي اوصلج البيت أهلج واخذ ايمان وأرجع اجيب اهلي وأخذج لا أخوج الافندي مروان يدزلي رساله أختي اني اجيبها من الصالون ميحتاج تجي عبالك كواد مو نسيبه.
اي شگو بيها
شگو بيها مو
هشام هدي
منين اهدي من أخوانج منين اني راح اجي وشيصير خل يصير
هشام لاتسويلنا سالفه اخويه ويوصلني وين الغلط بالموضوع
يعني كلمة أخوج تمشي على گلمتي
هشام تفهم الوضع ياعيني
ماشي خل أخوج يوصلج
هشام
گتلج ماشي خلص لاتلحين عاد
قطع الأتصال بوجهي انطيتها التلفون وخلصنا ومروان أتصل وطلعنا ونزل جابلي بركع لبسني كلشي كمت ما اشوف وصعدت واسيا ساعدتني وصاح بينا.
مروان خل تصعد ليكدام بدلتلها جبيره التفت على رجليها راح توكع يمعودات انتبهن عليها.
أسيا اي صبر انطيناه مجال تعالي عيني على گيفج
ازهار ساعدتني وصعدت ليكدام وإيمان واسيا ليورا وشغل السياره بكل سرعتها ومبين عليه عصبي وتلفونه اتصل وجاوب بعصبيه.
مروان شگوو شبي انوب لا اله الا الله يعني واكف على شعره والله باقيلي شعره وانهي هالمهزله كلها ماشي كتلك ماشي يله هسه راح اجيبها.
ازهار شمر التلفون وسياقته سريعه وبإنزعاج ووصلنا ودك هورن شال البيت شيل طلع مجد فتحلنا خطيه أنثول وعاط بي
مروان وين مكبور.
ازهار طبگ السياره بصف سيارات أهلي بابا وعصام وسيارة عمو فاضل وسياره رافع وحارث هم موجود نزل وبإيده تلفونه واني نزلت والبركع على?اسي دخلت البيت بنات عمامي موجودات كعدت وهدوء واجتني امي عيونها دم من الدموع باستني.
وايمان تحجي على التلفون وجابته اليه هاا عيني
هشام هاا وينج تلفونج وين.
ازهار يم أسيا ليش محتاج شيء
هيج بالطريق راح اوصل
تمام شكد باقيلك
عشر دقايق
أوك
وصال كوليله لا يشغل اغاني وطرب عمامج واهلج كلهم موجودين عيب منهم.
ازهار هشام
هشام سمعت ماشي يجرالكم عيني
شبيك
ما بيه شي والله
ماشي حبيبي باي نهيت الأتصال مسافة الطريق
أسيا لازم ابلغهم يتحضرون مشكله عصام غلق تلفونه كلهم بالاستقبال اسيل أتصلي على مروان كوليله يردونك.
اسيل ماشي عيني
أزهار أتصلت عليه وشوي واجه وامي وكفت تحجي ويه.
مروان بلغتي ماكو هوسه وطربگه
ازهار أي
مروان يله الكل تسترن ولا وحده اشوفها مكشفه املص رگبتها والله الكل.
ازهار كلهن لبسهن عبايات خليجيه وشالات حتى اسيا وامي واني على?اسي البركع بس وجهي يبين وانفتح باب الاستقبال طلع عصام وراه رافع وحارث.
وعمي فاضل واخر شيء بابا وجه حزين عافهم وتقرب ناحيتي كبل كمت وكفت وكل جسمي يرتجف تقربلي بابا حبيبي حضني وبادلته بكل بقوه وحزن ويبوس بيه باسني من عيوني وحده وحده حتى من ايدي من اصابعي وضمني لصدره ودموعه تجري مثل الشلال واني كذلك تكطع كلبي وصل وصل.
مخلي شفايفه على گصتي يبوس بيهن ومهضوم ودموعه تجري بابا حبيبي نظر عيوني دموعك عزيزه
كمال شمعة حياتي وحيدتي زهرتي باباتي بنيتي
كسرتي ظهر ابوج بروحتج بابا.
ازهار ما كدر يكمل كلامه حضني بقوه وابتعد من سمعنا هورن السيارات مسح دموعه وامي واسيا يبجن ويرتبن بشكلي واني عيوني تناظرهم مروان طبيعي بس يفتر واكف على اعصابه بس بابا وعصام وكفوا بعد مسافه يبجون عصام وكف بعيد وسمعت صوته من شهك شهكه قويه الكل التفت عليه واسيا عمت من الدموع روحيله فدوه
اسيا خلي براحته غير اليل ما نامه ولا غفت عينه.
ازهار تقدموا عليه وعصام تقدم باسني من?اسي ولزمني من ايدي وضاغط عليها وخلاني بصف بابا وكذلك لزمني من ايدي الثانيه صرت بنصهم ومروان ومجد بصف عصام وامي واسيا بحضنها جود وكرم بصف بابا ورافع اخذلنا مجموعه صور وعصام خله ايده على كتفي بحنيه وامي راحت جابت اسيل سحبت مجد بصفها وكفتها بصف مروان واخذنا الصوره العائليه.
ابتعدن ضلوا بس اخواني وبابا وتقدم عمي فاضل باسني وكف بصف بابا وبصفه رافع وحارث وطلع مروان أستقبلهم وتقدم هشام سلم وردوا بثكل.
نزلت?اسي ودموعي تجري لحظات أفارق بيها أهلي وحياتي الحلوه العشتها بكل تفاصيلها اهل ونعم الاهل أخوان ونعم الأخوان عزوه وسند وامان
باسني بابا ولزمني من ايدي ولزم ايد هشام وكاله.
هشام انطيتك بنتي وحيدتي مهجة گلبي عزيزة روحي ماي عيني زهره بين اخوانها دير بالك عليها خليها بعيونك لاتوجع گلبي وتأذيها او تهضمها هاي أمانة اخليها برگبتك كدام أخوانها وعمها وولد عمها
صون وحافظ على هالامانه يا هشام ازهار بإمانتك خليها بعيونك هاي روحي وأنطيتها الك.
هشام بعيوني عمي جنك ما طلبت وتأمرني على راسي أنتَ وبنتك وأن شاءالله گد الامانه بالحفظ والصون.
أزهار تقدم مروان باسني بدون كلام ومجد كذلك وامي واسيا وعمامي كلهن وأسيل الكل بس عمتي زينب جديتي ما حضرن لن كالوا حيل متأثره واخر شيء عصام تقدم باسني من بين عيوني وطول وخله رأسه على?اسي
عصام مودعه بالله ديري بالج على نفسج.
ازهار بسته من ايده وسحبها وابتعد بحزن هشام سلم عليهم كلهم مباوس بس مروان سلام ايد بدون مباوس وتقدم لزمني من ايدي وشد عليها رفعت عيني وباوعتلهم بابا شفايفه تترجف وعمي فاضل يهدي بي واخواني مروان طبيعي الا عصام الحزن مخيم على وجه ومجد دموعه تنزل بسكوت بالكوه حجيت مع السلامه سگتوا بس عصام جاوبني
عصام السلامه ترافگج خويه.
ازهار مشيت وهما وراي وصلت السياره صعدت بالصدر واسيا ساعدتني ومروان ومجد طلعوا الجنط مالتي خلوهن يم السياره وكل اغراضي نزلوهن فدوة رحتلكم فدوة لطولكم واحد واحد من عمري لعمركم يا روح اختكم واسيا خطيه انخبصت بإغراضي وتوصي بيهن وصاحوا عليها واسمعها
اسيا اروح وياها وعصام خاف ما يقبل
اسيل هو گالي خل اسيا تروح وياها
اسيا والجهال شلون
اسيل گالي اني موجود واني هسه موجوده ما اروح.
اسيا ماشي عيني ازهار بس اجيب جنطتي وارجعلج
ازهار ماشي عيني راحت وهشام لزم ايدي ومسح دموعي.
هشام حبيبي
ازهار هاا عيني بقيت عيني على الباب طلعت امي بيدها جنطتها فرحت وراها اسيا واسماء ومرام زوجة رافع وعمتي فريال، وهشام نزل حجه ويه ولد عمه علمود سياره الهن وشويه جابوا الهن سياره فارغه وكال
هشام عمه ام كرم تعالوا ويانا
ازهار اجن وفرحت لزمت ايد امي وباستها عيني انتي يمه اسيا احبج.
اسيا مو بگدي يله كافي شنو عرس لو فاتحه يله هشام شغل النا اغاني خل نونسنها خطيه عمت من البجي يله عمه كافي بجي يله حبيبتي.
ازهار حضنت امي وتبوس بيها وتهديها وامي سكتت وابتسمتلي وهشام شغل السياره وخابرهم
هشام ممنوع اي اغنيه تشغلون حتى هلهلوله ماكو الا نطلع الفرع كامل يله.
ازهار طلعنا من البيت اسيا لعد منو ضل بالبيت خطيه
أسيا اسيل ضلت خطيه ما گالت وصيناها تسويلهم جاي وتدير بالها على الجهال.
ازهار اي همزين وتمشي بينا السياره وطلعنا من فرعنا واشتغلت الاغاني والهلاهل وهشام شغل اغنيه وايده بإيدي واسيا صورتلنا لقطات كلش حلوه
مر وقت ووصلنا القاعه ونزلت واسيا وياي هي وامي ساعدني واجه هشام لزمني ودخلنا اني وياه القاعه بوسط اغاني الحب والاناره كعدنا وبلشت الحفله امي واسيا وعمتي فريال واسماء ومرام زوجة رافع كبالي.
هشام جان ملتهي سوده عليه كلشي برگبته لن وحيد ما عنده احد يحير وين يلتفت واخيراً اجه اخذ نفس ولزمني من ايدي وباسها صفنت بعيونه
حبيبي تعبت هوايه
هشام حلالي تستاهلين التعب تدرين ما حاس بتعبي أبداً اتعب منا اشوفج منا وانسى منه راحتي بوجودج بحياتي دام صرتي زوجة هشام الباقي مومهم عندي.
حاضني بنظرات عيونه تناظرلي بكل حب الكون
لحظات من العمر واحلى التفاصيل مليانه حنيه.
اخذنا صور اني وياه وعائليه كذلك ورقصوا ولد عمامه وخواله رقصهم حلو هو ما ركص بس واكف وياهم ويباوعلي وغمزلي يعني حضري روحج ابتسمت اله واجه كومني وحضني من خصري وجهزت اجواء الرقص والاغنيه ورقصنا اني وياه بقربنا من بعض بلمسات ايديه الحنونه تمنيت الوقت ما يخلص لن جانت لحظات ما تنسي.
هشام اعشقج زهرة عمري
ازهار هشامي بطل روايتي.
البطل اذا مو يحب البطله ويقدس تفاصيلها لاتسمينه بطل البطل لازم يكون بطل بإفعاله برجولته بالوعود اللي يقطعها على بطلته.
كلهن موجودات بيك اني وياك ابطال روايه حبنا لازم يتخلد رغم كل الظروف والعواقب والمشاكل
أنجمعنا بالاخير هشام وأزهار
ليش ناويه تكتبين قصة حُبنا
ما اعرف ليش لا ابتسمت وحضني ونرقص سوه وعايشن شعور الحب واحنه بقرب بعض.
اويلي هذا الحضن اشتريله بدم كلبي وبكومة تعب.
باسني من عيوني وخلصت الرقصه وكعدنا مكانه ومر وقت وخلصت الحفله وطلعنا الاستديو اخذنا صور بس اني وياه وحركات وكذا مع ذلك هو كلش محترم ويخاف عليه من نسمة الهوا يمشي وحاضني مو بس بأيده بكل روحه يباوع على طريق اخاف اعثر
طلعنا للبيت بس اني وياه امي واسيا بسياره لوحدهن تمشي السياره وصوت الاغاني ونظرات عيونه وكل شوي يبوس كف ايدي.
هشام اليوم أنومج بحضني يا بختك هشام.
ازهار نزلت?اسي مستحيه ووصلنا البيت فتحوا النا الباب بيت صغير وبناءه قديم بس نظيف يلمع
ميخالف هشام بخيمة اسكن وياه قابله وراضيه بكل الظروف والحال والاحوال.
دخلنا الاستقبال كراسي أثنين كعدنا وهوسات وأغاني واسيا وامي بصفي ومر الوقت وكومني هو طلع برا وزوجة رافع فتحت القرأن بوجهي وفتحت باب الغرفه وبيدها القرأن وتقرأ ايات قرانيه دخلت وامي لازمه ايدي واسيا وراي دخلن كلهن بغرفتي وجانت تجنن بكل تفاصيلها فعلاً گالي اسويها الج مثل ما تحبين وفه بوعده.
اسماء الغرفه كلش حلوه ذوقه حلو تتهنون بيها حبيبتي وهشام خوش ولد مبين ويستاهل الحب أبداً لاتباعين على غير أمور هذنيج كلهن يجن بعدين المهم عندج رجال سندج ويحبج ويخاف الله بيج.
وصال عفيه ام رامي عفيه
مرام اي والله هاي حقيقه شفنه الحب بعيونه وخوفه عليج ديري بالج عليه مثل هشام صعب تلكينه ومثل ما كالت اسماء باقي الامور هي تجي كلشي تسهيل من رب العباد المهم راحة البال والفكر صافي والتوفيق والستر والعافيه.
اسيا ازهار عاد معدله من كلهن بعد گلبي
ازهار فدوة رحتلكم ما قصرتوا
فريال حبيبة كلبي غصباً علينا هذا واجبنا كم زهره عدنه يله هسه صار وقت الجد وتنطلق صفارة الانذار ونطلع ونخليج ويجي هشامج ويشوف شغله هههه
اسيا يله عليها لاتنطينه مجال اركبي من اول ليله
وصال ولج لسانج فلت خرب بيومج
اسيا ديله عاد لسانجن ما يفلت بس اني الطف الاجواء غيير يله حب ديري بالج على نفسج احنه باقين لما تحرر.
ازهار ضحكنا على سوالفها وطلعوا وبقيت كاعده وانفتح الباب ودخل هشام قفله وراه ونزع سترته وفرش السجاده وصلينا اني وياه وكملنا وتقدملي حضني من وجهي وضل صافن بعيوني
هشام مالك الكون من خليتج بيتي.
ازهار حضني وبادلته بكل حب وقرب وجه لوجهي وكال
من رخصة حيائج وخجلج اريد احتل موطني.
غمضت عيوني وباسهن عين عين وغمض عيوونه وشهك انفاسي لصدره وبهدوء اخذ شفايفي شعور ما ينفهم لاول مره شفه تلامس شفايفي اخذهن برقه وحنيه وبهدوء ضل ياخذ شفايفي الا ان استوجبت وياه وتمرد برجولته وعاملني بكل حنيه نومني على صدره واحتواني بروحه
باقيلي بس أتملكج بروحي.
بدأ العد التنازلي تغلغلت أيديه لخصري وجسمي استشعر بالقشعريره ولمساته وشفايفي محط اقامته وراحته حضنته من رقبته وهو مستمر يطبع قبلاته الجنونه ممزوجه بالحب بالشوك.
منومني بحضنه ويمسح على شعري واني كاتمه وجع بروحي وضاغطه على ايده.
هشام اسف حبيبتي
ازهار لا حبيبي عادي من حقك
صرتي حلالي طبعت ملكيتي وختمتها بحبي الج.
باسني من?اسي ومرت ساعه واني بحضنه ما عافني ومر وقت طلعنا اخذني الحمام غسلنا ورجعنا وبعدها اندك الباب كمت لبست وشلت عذريتي ضميتها بالكنتور وهو لابس تراكسود غمزلي وطلع وشويه ودخلن امي واسيا.
اسيا هاا عيني
ازهار نزلت راسي خجلانه وتقدمت حضنتني
فديت الخجلان لا لا واضح منو معنف الثاني
سگتي ولج
وصال مبارك بنيتي الحمدلله عدت على خير خوما عندج وجع بطنج كوليلي
اي وعندي ولعبان نفس
ميخالف لاتخلينه بعد منا لباجر.
هزيت?اسي وكعدنا سولفنا وامي ساكته يمه شبيج
ما بيه شي بنيتي اسيا بنيتي كومي نرتب ملابسها
اي عادي تدلل الجنط بالصاله يله خل نلبش بيهن
ازهار دخلن الجنط وبلشنا ترتيب ملابس والاغراض والمكياج كومه
أسيا ترتيب عالطاير بعدين على كيفج رتبي
ازهار ماشي حبيبي عاشت ايدكم
وصال عشاج وين صار
اسيا جاي يجهزنه عمه هسه يجي
ازهار شوي وجابن العشه مشويات ودخل هشام مستحي من امي كامت هي. واسيا وكالت.
وصال يله احنه نخليكم ولازم نرجع البيت وميحتاج اوصيك عليها لن ادري بيك شكثر تحبها وتخاف عليها
هشام احبها اكثر منج
وصال لا هيج هواي محد يحبها بكثرنا
هشام عيني عمه عاشت ايدج على هيج تربيه من كلهن عفه واخلاق وحشمه ولسان وجمال وثكل ورزانه كامله مكمله ووصارت من نصيبي واخليها بعيوني
ازهار باسها من?اسها وأيدها ودعني ديري بالج على عصام ماما سلميلي على بابا هواي
وصال يوصل حبيبتي ديري بالج على نفسج ورجلج.
اسيا يله حبيبي اني وياج على تواصل بس اليوم اعوفج باجر اثولج برسائلي
ازهار يروحي ودعتهم وعمتي فريال اجتي باركتلي واسماء ومرام وتشكرت منهم وراحوا وهشام طلع وياهم وضليت كاعده لوحدي وهو تاخر وتلفونه ناسي اريد اطلع بس استحي ما اعرف احد وينك شعور يخنك غريبه بينهم ولوحدي شويه واجتني ايمان هشام وينه.
ايمان سوده عليه هسه يجي راح يوصلهن ماكو احد كلها راحت لبيوتها وطلع مستعجل ونسيت اكولج التهيت بجهالي اعذريني عيني.
ازهار لا عادي كعدت يمي واجتي امه كمت سلمت عليها وبوستني وكعدت يمي
الحجيه يولي متخابرينه وين صار
أيمان ناسي تلفونه
ازهار عيوني على الباب سمعت صوته يحجي ويه أخواته كبل كمت واول ما دخل ركضت عليه حضنته وهو حضني بقوه وينك تأخرت ليش ما اخذت تلفونك وياك
هشام بعدين.
ازهار اشرلي عليهن ابتعدت مستحيه نسيتهن ولا ادري خرب فقدت من شفته ضحكن وترخصن وطلعن وهو قفل الباب بسرعه وكبل اخذ شفايفي متلهف مجنون بادلته لاول مره وتفاعلت وياه روحي بقربه وبين احضانه بعد تعب ومعانات صرت مريته وام بيته وصار زلمتي وحبيبي.
أسيل جاوبته ما أكدر اروح وياك
مروان ليش خايفه اتحرش بيج لو أغتصبتج
يااا تفكيرك شگد منحرف استغفر الله مروان متجوز من سوالفك
هو شگلج مال هيج سوالف!
مروان دكافي.
ما سألتي يا سوالف اقصد بيهن شبيج أنكرصتي نيتج وين راحت؟
لا ياربي مروان والله أنت مصيبه
ووكعت على?اسج يا ادبسزز ما سألتي يا سوالف اقصد بيهن
شمدريني يا سوالف تقصد؟
متزوجين وگلشي مباح حح يعني بالحلال؟ فهمج كفايه
مروان دكافي.
أرضي فضولج ادري بيج تحبين هيج مواضيع وتضل ب?اسج وياخذج فضولج تبحثين عنها واخاف تسويلي مصيبه عظمه واتعظم بيج على الناشف.
بقيت ساكته
جايج بدون اي نقاش بس أدگلج هورن تطلعين اليه أمراه مطيعه وراضيه ومرضيه اتفقنا يا مثيره؟
ماشي
ماشي يا باشا
باشا أنوب
باشا بس عليج وعلى الكواويد الحاوينج
مروان لاتتجاوز رجاءً عيب عمامك.
عمامي ولساني واني حر بي بكيفي اتمزمز باليعجبني اتجاوز اغلط افشر اسب اسلب انهب اكود افتح كاميرا تأكلين وما تحجين وياي وتعلميني العيب يالمستشرفه يله تحركي نزعي ولبسي مستور
ماشي باشا قطع الخط واحس معدتي وغفت وحمضت من كثر ما حمى وتسلط بزايده يابه فد غثه مينبلع الله يعين گلبي عليك وعلى لسانك الزفر يا سريري.
صعدت لبست فستان مستور وخليت مكياج خفيف ورتبت الشال وخليت تلفوني وشلت جنطتي ونزلت بعدهن جاي يتحضرن يمه اني راح اروح مروان يجي يأخذني
جنان أي روحي
هديل لوحده لو وياه
أسيل لا لوحده عادي اروح مو
هديل يمه تروح وياه عادي
جنان اي قابل يأكلها مو خطيبها بعد شگو هالعياره
هديل روحي ومن توصلين أتصلي عليه
اسماء عود دزيلنا صورة لمكياجج موتنسين.
أسيل هزيت راسي وتوني أريد اتصل عليه دك هورن هذا شمدري رجعت التلفون وطلعتله لابس مناظر فتحت الباب وصعدت مرحبا.
مروان هلو
اسيل نزل المناظر وصفن بوجهي صديت وجهي وعاط بيه الا فززني من مكاني
باوعيلي وجهج ما تصدينه عن نظراتي لا اشوهه الج وأخليج مثل جعب الجدريه محترگه بس أكلها طيب!
باوعتله وكل جسمي يرتجف من قربه صرت احس بالخوف والرعب بدال الامن والامان رجع گال
مرتبه جهرتج الزفره تسويلي أغراءات ولج.
لا مرتبه شگلي لنفسي
نفسج المن
الي
لا غلطانه الي
مروان شبيك شصايرلك
سامعه بجنون العظمى
ما جاوبته رجع گال
انطيني تلفونج
شتسوي بي
من احجي تنفذين بدون لغوه زايده
ثولني بصوته طلعته وأنطيته اله واخذ الرمز وگلب بي وكال
أبقي يمي لن ادري بيج تصورين بي نفسج ومفاتنج
لا والله
أخذج الله انلصمي على حلگج
توه راد يشغل وطبگ حارث گدامنه ونزل وصاح بيه
حارث وين رايحه نزلي
مروان وين تنزل
ما يصير حبيبي
وليش.
مروان بدون ليش بعدكم مخطوبين وواكفه تروح لوحدها وياك يله نزلي
ما تنزل
لا تنزل
گلت ما تنزل
مروان لاتعاند
گلت ما تنزل
أسيل نزلي يله
ما تنزل
أسيل يحجي بالكوه لازم اعصابه وحارث فتح الباب ونزلت وموقفي جان صعب منا هو منا اخوي
حارث امشي داخل مروان لاتزعل
مروان لا حبيبي على شنو ازعل هاي هي اسيل اوكفي
اسيل نزل وفتح باب السياره وانطاني جيس
مروان ملابسج.
اسيل باوعلي بنظرات مليانه شر وصعد وشغلها وطار بيها ومشيت ورا حارث وتلفوني ضل يمه دخلت البيت وطلعت هديل وكالت
هديل هاا ابو الحوارث شلونك
حارث زين الحمدلله هاا خلصتوا
هديل اي بس جهال نسرين ضلوا جاي تلبسهم هاا شو رجعتي
حارث اني رجعتها شلون ادزنها وياه لوحدهم امي وين شهل التصرفات وين عايشين بإاوربا احنه
جنان اني دزيتها شگو تصيح علينا وبعدين خوما غريب خطيبها وابن عمها.
حارث خطيبها ندري وابن عم ابوها يمه الناس تحجي وهذاك اليوم دازاتها وياه لتحليل بطرك روحها يعني فد عندج تصرفات بله شيگول علينا مرخصين بنتنا اله وماكو وراها زلم دشوفي اختهم من خطبها الغريب شمسوين بي صاكرينه والله باب البيت ما يوصله يمه البنيه محد يرزها ويكعدلها وزن وقدر وقيمه عند رجلها غير أهلها.
جنان يله هذا هو
أسيل دخلت الغرفه كعدت وعفتهم يحجون واجت هديل مبين تراضيتوا أنتِ وحارث.
هديل وعشتوا على شنو نتزاعل؟ ليكون عبالج ازاعل اخويه من ورا اسيا وسوالفها التافهه والفارغه
شغل وعمل ما عدها كالت فلانه وحجت علانه ومراقبه التعليقات ونايمه بالتطبيقات وحده مريضه نفسياً ومهوسه برجال اني اتهوس برجال شبيه خبله
عوفينها منها شعليج بيها رجلها وهي حره بي تغار متغار مشكلتها مو مشگلتنا شلون تراضيتوا.
عندي لسان واحجي وادافع عن نفسي شنو بس هي عدها رجلها نفخته وشحنته ودزته علينا اني عندي مشكله احلها بزودي ليش ادخل الزلم بسوالف النسوان حتى عيب وسالفه ناقصه زلم مشوربه وهالله هالله بخابرون نص الليل علمود سالفة نسوان؟
هسه انتِ تروحين وترجعين عليها ليش.
لن سالفتها عيب ولا عبالج حارث ضدي لا حبيبتي يضل اخوي واضل اخته وحجيتله وضحتله گلشي وفهمته الموضوع كله وأعتذرلي وباسني من?اسي هم اني اخته وهذيج غريبه شنو ما وراي زلم والله
لو رجلي يدري بس اني ما ادخله بهيج مواضيع كافي يركض يدبرلي لكمه إلى ولجهاله.
الله يهدي القلوب وراح تروحين الحنه عادي.
اي لعد شعندي من الصبح مخبوصه ورجلي دزلي مصرف وليش ما اروح عشتوا اروح واكسر عينها اني ما غلطانه بحق احد لاتكوم تبجج وتتشكى وحده تسس وأنتِ لا ادافعين الها اني أختج وهذيج غريبه خليج صاحبة موقف ثابت ولاتنطينهن وجه ترى يأكلنج
ماشي
أسماء يله حارث شغل السياره امشن
هديل اجيينا تلفونج وين حضري نطكك بي صور اني تلفوني كسروا شاشته جهالي يخلولي تلفوني بي حظ يوميه كاسرينه وناعلين اهل اهله.
اسيل هاا اي موجود شالت جنطتها ومشت واني لحكتها شگول الها مروان اخذه غير تعزيني هي بدون شيء متحمله عليهم.
طلعنا الصالون وصرنا قسمين امي ونسرين
واحنه واسماء وصلنا وبلشت بينا طلبت مكياج هادئ بس هديل لطشتلي الا حمره طوخ ولبست حجاب وطلعت فستان لونه ذهبي كلش حلو ومستور وانعجبن بي لبسته وتجهزت ومر وقت كملنا وخابرت حارث اجه وتوجهنا لبيتهم.
بعدها بالصالون دخلنا والكل موجود وسلام ومباوس كعدت والبنات يحجون بينهم واني عازله نفسي واجت هديل بصفي
هديل انطيني تلفونج اخذلي كم صوره لشكلي
اسيل سويت روحي ادور عليه بالجنطه نسيته بالبيت
صدك تحجين هاي عود كلتلج وثول اي والله
ما حجيت واجتي عمتي وصال وتبوس بيه وتصلي على النبي
وصال ما شاءلله طالع من گلبج هالفستان ذوقي
اسيل تسلمين عمه يخبل ذوقج.
وصال عليج بالف عافيه شهل الجمال نيال ابني يا بختك يا مروان يا بختك دتعال شوف هالحوريه.
أسيل خجلت وسگتت واسماء تغمزلي وتضحك وبهل الاثناء سمعنا صوت هورن قوي وانفتح الباب ودخل مروان شايل أزهار وكلهن يضحكن وعاط بيهن ثولهن ومبين عليه اعصابه حاميه صاير كتله من النار اني شفته هيج كبل طفرت لمطبخ ما اريد اشوفه ويستلمني اكس مربع.
بقيت خاتله وصاحتني عمتي وصال يبووه عمه عوفيني بحالي والله ابنج ما يرحم حالي مو بعينه لا اني ولا جمالي غير متسلط عليه بلسانه ومسممني بعيشتي.
وصال أسيل وينج حبيبتي تعالي
اسيل مشيت وتقدمت يمهم باركت ل ازهار مبروك طالعه تخبلين
ازهار حبيبتي تسلميلي يوم الج.
اسيل باوعلي واشرلي ومشه ولحكته وابلع بريگي وبالگوه امشي حتى رجليه ما يعنني يمشي واني وراه روحي انسحبت من صدري وكف بمكان ورا البيت شوي معزول عن العين وصلت يمه بقيت منزله?اسي وتقربلي بشكل مقرب لوجهي وگال بصوت عصبي ومليان غضب وحقد
مروان رفعي?اسج وباوعيلي.
أسيل مروان
أسيل رفعي?اسج.
عرفت ميفوتها اليه رفعت?اسي وضربني كف شال صفحة خدي ولزمني من فگي عصر شفايفي بقوه بحيث حمرتي طبعت بإصابعه وحجه وهو صاك على سنونه.
تسمعين كلمة أخوج وكلمتي تضربينها عرض الشار? لازم ما تارس عينج الوسخه هاا ما تارسها مو بس أمثالج اعرف شيردن! اكسر عينج يله؟
. شوفي لج تحملت بما فيه الكفايه وما جاي اشوفج تصفين على بر بعدج صلفه وعينج مليانه كحابيه بس هالأسبو? واجيبج يمي بس هاليومين يفض عرس أزهار أبلغ اهلج وأعرس عليج وانعل لشتج.
دفعني بقوه بحيث وكعت جفي على رگبي وعبرني ويعدل بياخة قميصه ورجع طلع گلنكس مسح الحمره وشمرها بوجهي
رخيصه
غمضت عيني ونزلت دموعي بحراره ونهضت بتعب رجليه يوجعني حيل ما ضل عندي اخطي اي خطوه
الى متى يا مروان الى متى...